අථ අෂ්ටමස්තෝත්රම්
වංදිතාශේෂවංද්යෝරුවෘංදාරකං චංදනාචර්චිතෝදාරපීනාංසකම් ।
ඉංදිරාචංචලාපාංගනීරාජිතං මංදරෝද්ධාරිවෘත්තෝද්භුජාභෝගිනම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 1॥
සෘෂ්ටිසංහාරලීලාවිලාසාතතං පුෂ්ටෂාඩ්ගුණ්යසද්විග්රහෝල්ලාසිනම් ।
දුෂ්ටනිඃශේෂසංහාරකර්මෝද්යතං හෘෂ්ටපුෂ්ටාතිශිෂ්ට (අනුශිෂ්ට) ප්රජාසංශ්රයම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 2॥
උන්නතප්රාර්ථිතාශේෂසංසාධකං සන්නතාලෞකිකානංදදශ්රීපදම් ।
භින්නකර්මාශයප්රාණිසංප්රේරකං තන්න කිං නේති විද්වත්සු මීමාංසිතම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 3॥
විප්රමුඛ්යෛඃ සදා වේදවාදෝන්මුඛෛඃ සුප්රතාපෛඃ ක්ෂිතීශේශ්වරෛශ්චාර්ච්චිතම් ।
අප්රතර්ක්යෝරුසංවිද්ගුණං නිර්මලං සප්රකාශාජරානංදරූපං පරම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 4॥
අත්යයෝ යස්ය (යේන) කේනාපි න ක්වාපි හි ප්රත්යයෝ යද්ගුණේෂූත්තමානාං පරඃ ।
සත්යසංකල්ප ඒකෝ වරේණ්යෝ වශී මත්යනූනෛඃ සදා වේදවාදෝදිතඃ ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 5॥
පශ්යතාං දුඃඛසංතානනිර්මූලනං දෘශ්යතාං දෘශ්යතාමිත්යජේශාර්චිතම් ।
නශ්යතාං දූරගං සර්වදාප්යාऽත්මගං වශ්යතාං ස්වේච්ඡයා සජ්ජනේෂ්වාගතම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 6॥
අග්රජං යඃ සසර්ජාජමග්ර්යාකෘතිං විග්රහෝ යස්ය සර්වේ ගුණා ඒව හි ।
උග්ර ආද්යෝऽපි යස්යාත්මජාග්ර්යාත්මජඃ සද්ගෘහීතඃ සදා යඃ පරං දෛවතම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 7॥
අච්යුතෝ යෝ ගුණෛර්නිත්යමේවාඛිලෛඃ ප්රච්යුතෝऽශේෂදෝෂෛඃ සදා පූර්තිතඃ ।
උච්යතේ සර්වවේදෝරුවාදෛරජඃ ස්වර්චිතෝ බ්රහ්මරුද්රේංද්රපූර්වෛඃ සදා ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 8॥
ධාර්යතේ යේන විශ්වං සදාජාදිකං වාර්යතේऽශේෂදුඃඛං නිජධ්යායිනාම් ।
පාර්යතේ සර්වමන්යෛර්නයත්පාර්යතේ කාර්යතේ චාඛිලං සර්වභූතෛඃ සදා ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 9॥
සර්වපාපානියත්සංස්මෘතේඃ සංක්ෂයං සර්වදා යාංති භක්ත්යා විශුද්ධාත්මනාම් ।
ශර්වගුර්වාදිගීර්වාණ සංස්ථානදඃ කුර්වතේ කර්ම යත්ප්රීතයේ සජ්ජනාඃ ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 10॥
අක්ෂයං කර්ම යස්මින් පරේ ස්වර්පිතං ප්රක්ෂයං යාංති දුඃඛානි යන්නාමතඃ ।
අක්ෂරෝ යෝऽජරඃ සර්වදෛවාමෘතඃ කුක්ෂිගං යස්ය විශ්වං සදාऽජාදිකම් ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 11॥
නංදිතීර්ථෝරුසන්නාමිනෝ නංදිනඃ සංදධානාඃ සදානංදදේවේ මතිම් ।
මංදහාසාරුණා පාංගදත්තෝන්නතිං වංදිතාශේෂදේවාදිවෘංදං සදා ।
ප්රීණයාමෝ වාසුදේවං දේවතාමංඩලාඛංඩමංඩනං ප්රීණයාමෝ වාසුදේවම් ॥ 12॥
ඉති ශ්රීමදානංදතීර්ථභගවත්පාදාචාර්ය විරචිතං
ද්වාදශස්තෝත්රේෂු අෂ්ටමස්තෝත්රං සංපූර්ණම්
