𑌬𑍍𑌰𑌹𑍍𑌮𑍋𑌵𑌾𑌚
𑌶𑍃𑌣𑍁 𑌵𑌤𑍍𑌸 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌆𑌦𑍍𑌯𑌾𑌸𑍍𑌤𑍋𑌤𑍍𑌰𑌂 𑌮𑌹𑌾𑌫𑌲𑌮𑍍 ।
𑌯𑌃 𑌪𑌠𑍇𑌤𑍍 𑌸𑌤𑌤𑌂 𑌭𑌕𑍍𑌤𑍍𑌯𑌾 𑌸 𑌏𑌵 𑌵𑌿𑌷𑍍𑌣𑍁𑌵𑌲𑍍𑌲𑌭𑌃 ॥ 1 ॥
𑌮𑍃𑌤𑍍𑌯𑍁𑌰𑍍𑌵𑍍𑌯𑌾𑌧𑌿𑌭𑌯𑌂 𑌤𑌸𑍍𑌯 𑌨𑌾𑌸𑍍𑌤𑌿 𑌕𑌿𑌂𑌚𑌿𑌤𑍍 𑌕𑌲𑍌 𑌯𑍁𑌗𑍇 ।
𑌅𑌪𑍁𑌤𑍍𑌰𑌾 𑌲𑌭𑌤𑍇 𑌪𑍁𑌤𑍍𑌰𑌂 𑌤𑍍𑌰𑌿𑌪𑌕𑍍𑌷𑌂 𑌶𑍍𑌰𑌵𑌣𑌂 𑌯𑌦𑌿 ॥ 2 ॥
𑌦𑍍𑌵𑍌 𑌮𑌾𑌸𑍌 𑌬𑌂𑌧𑌨𑌾𑌨𑍍𑌮𑍁𑌕𑍍𑌤𑌿 𑌵𑌿𑌪𑍍𑌰𑌵𑌕𑍍𑌤𑍍𑌰𑌾𑌤𑍍 𑌶𑍍𑌰𑍁𑌤𑌂 𑌯𑌦𑌿 ।
𑌮𑍃𑌤𑌵𑌤𑍍𑌸𑌾 𑌜𑍀𑌵𑌵𑌤𑍍𑌸𑌾 𑌷𑌣𑍍𑌮𑌾𑌸𑌂 𑌶𑍍𑌰𑌵𑌣𑌂 𑌯𑌦𑌿 ॥ 3 ॥
𑌨𑍌𑌕𑌾𑌯𑌾𑌂 𑌸𑌂𑌕𑌟𑍇 𑌯𑍁𑌦𑍍𑌧𑍇 𑌪𑌠𑌨𑌾𑌜𑍍𑌜𑌯𑌮𑌾𑌪𑍍𑌨𑍁𑌯𑌾𑌤𑍍 ।
𑌲𑌿𑌖𑌿𑌤𑍍𑌵𑌾 𑌸𑍍𑌥𑌾𑌪𑌯𑍇𑌦𑍍𑌗𑍇𑌹𑍇 𑌨𑌾𑌗𑍍𑌨𑌿𑌚𑍌𑌰𑌭𑌯𑌂 𑌕𑍍𑌵𑌚𑌿𑌤𑍍 ॥ 4 ॥
𑌰𑌾𑌜𑌸𑍍𑌥𑌾𑌨𑍇 𑌜𑌯𑍀 𑌨𑌿𑌤𑍍𑌯𑌂 𑌪𑍍𑌰𑌸𑌨𑍍𑌨𑌾𑌃 𑌸𑌰𑍍𑌵𑌦𑍇𑌵𑌤𑌾 ।
𑌓𑌂 𑌹𑍍𑌰𑍀𑌮𑍍 ।
𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌲𑍋𑌕𑍇 𑌚 𑌵𑍈𑌕𑍁𑌂𑌠𑍇 𑌸𑌰𑍍𑌵𑌮𑌂𑌗𑌳𑌾 ॥ 5 ॥
𑌇𑌂𑌦𑍍𑌰𑌾𑌣𑍀 𑌅𑌮𑌰𑌾𑌵𑌤𑍍𑌯𑌾𑌮𑌂𑌬𑌿𑌕𑌾 𑌵𑌰𑍁𑌣𑌾𑌲𑌯𑍇 ।
𑌯𑌮𑌾𑌲𑌯𑍇 𑌕𑌾𑌲𑌰𑍂𑌪𑌾 𑌕𑍁𑌬𑍇𑌰𑌭𑌵𑌨𑍇 𑌶𑍁𑌭𑌾 ॥ 6 ॥
𑌮𑌹𑌾𑌨𑌂𑌦𑌾𑌗𑍍𑌨𑌿𑌕𑍋𑌣𑍇 𑌚 𑌵𑌾𑌯𑌵𑍍𑌯𑌾𑌂 𑌮𑍃𑌗𑌵𑌾𑌹𑌿𑌨𑍀 ।
𑌨𑍈𑌰𑍃𑌤𑍍𑌯𑌾𑌂 𑌰𑌕𑍍𑌤𑌦𑌂𑌤𑌾 𑌚 𑌐𑌶𑌾𑌨𑍍𑌯𑌾𑌂 𑌶𑍂𑌲𑌧𑌾𑌰𑌿𑌣𑍀 ॥ ॥
𑌪𑌾𑌤𑌾𑌳𑍇 𑌵𑍈𑌷𑍍𑌣𑌵𑍀𑌰𑍂𑌪𑌾 𑌸𑌿𑌂𑌹𑌲𑍇 𑌦𑍇𑌵𑌮𑍋𑌹𑌿𑌨𑍀 ।
𑌸𑍁𑌰𑌸𑌾 𑌚 𑌮𑌣𑌿𑌦𑍍𑌵𑌿𑌪𑍇 𑌲𑌂𑌕𑌾𑌯𑌾𑌂 𑌭𑌦𑍍𑌰𑌕𑌾𑌳𑌿𑌕𑌾 ॥ ॥
𑌰𑌾𑌮𑍇𑌶𑍍𑌵𑌰𑍀 𑌸𑍇𑌤𑍁𑌬𑌂𑌧𑍇 𑌵𑌿𑌮𑌲𑌾 𑌪𑍁𑌰𑍁𑌷𑍋𑌤𑍍𑌤𑌮𑍇 ।
𑌵𑌿𑌰𑌜𑌾 𑌔𑌡𑍍𑌰𑌦𑍇𑌶𑍇 𑌚 𑌕𑌾𑌮𑌾𑌕𑍍𑌷𑍍𑌯𑌾 𑌨𑍀𑌲𑌪𑌰𑍍𑌵𑌤𑍇 ॥ ॥
𑌕𑌾𑌳𑌿𑌕𑌾 𑌵𑌂𑌗𑌦𑍇𑌶𑍇 𑌚 𑌅𑌯𑍋𑌧𑍍𑌯𑌾𑌯𑌾𑌂 𑌮𑌹𑍇𑌶𑍍𑌵𑌰𑍀 ।
𑌵𑌾𑌰𑌾𑌣𑌸𑍍𑌯𑌾𑌮𑌨𑍍𑌨𑌪𑍂𑌰𑍍𑌣𑌾 𑌗𑌯𑌾𑌕𑍍𑌷𑍇𑌤𑍍𑌰𑍇 𑌗𑌯𑍇𑌶𑍍𑌵𑌰𑍀 ॥ 10 ॥
𑌕𑍁𑌰𑍁𑌕𑍍𑌷𑍇𑌤𑍍𑌰𑍇 𑌭𑌦𑍍𑌰𑌕𑌾𑌳𑍀 𑌵𑍍𑌰𑌜𑍇 𑌕𑌾𑌤𑍍𑌯𑌾𑌯𑌨𑍀 𑌪𑌰𑌾 ।
𑌦𑍍𑌵𑌾𑌰𑌕𑌾𑌯𑌾𑌂 𑌮𑌹𑌾𑌮𑌾𑌯𑌾 𑌮𑌥𑍁𑌰𑌾𑌯𑌾𑌂 𑌮𑌹𑍇𑌶𑍍𑌵𑌰𑍀 ॥ 11 ॥
𑌕𑍍𑌷𑍁𑌧𑌾 𑌤𑍍𑌵𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌵𑍇𑌲𑌾 𑌤𑍍𑌵𑌂 𑌸𑌾𑌗𑌰𑌸𑍍𑌯 𑌚 ।
𑌨𑌵𑌮𑍀 𑌶𑍁𑌕𑍍𑌲𑌪𑌕𑍍𑌷𑌸𑍍𑌯 𑌕𑍃𑌷𑍍𑌣𑌸𑍍𑌯𑍈𑌕𑌾𑌦𑌶𑍀 𑌪𑌰𑌾 ॥ 12 ॥
𑌦𑌕𑍍𑌷𑌸𑌾 𑌦𑍁𑌹𑌿𑌤𑌾 𑌦𑍇𑌵𑍀 𑌦𑌕𑍍𑌷𑌯𑌜𑍍𑌞𑌵𑌿𑌨𑌾𑌶𑌿𑌨𑍀 ।
𑌰𑌾𑌮𑌸𑍍𑌯 𑌜𑌾𑌨𑌕𑍀 𑌤𑍍𑌵𑌂 𑌹𑌿 𑌰𑌾𑌵𑌣𑌧𑍍𑌵𑌂𑌸𑌕𑌾𑌰𑌿𑌣𑍀 ॥ 13 ॥
𑌚𑌂𑌡𑌮𑍁𑌂𑌡𑌵𑌧𑍇 𑌦𑍇𑌵𑍀 𑌰𑌕𑍍𑌤𑌬𑍀𑌜𑌵𑌿𑌨𑌾𑌶𑌿𑌨𑍀 ।
𑌨𑌿𑌶𑍁𑌂𑌭𑌶𑍁𑌂𑌭𑌮𑌥𑌿𑌨𑍀 𑌮𑌧𑍁𑌕𑍈𑌟𑌭𑌘𑌾𑌤𑌿𑌨𑍀 ॥ 14 ॥
𑌵𑌿𑌷𑍍𑌣𑍁𑌭𑌕𑍍𑌤𑌿𑌪𑍍𑌰𑌦𑌾 𑌦𑍁𑌰𑍍𑌗𑌾 𑌸𑍁𑌖𑌦𑌾 𑌮𑍋𑌕𑍍𑌷𑌦𑌾 𑌸𑌦𑌾 ।
𑌆𑌦𑍍𑌯𑌾𑌸𑍍𑌤𑌵𑌮𑌿𑌮𑌂 𑌪𑍁𑌣𑍍𑌯𑌂 𑌯𑌃 𑌪𑌠𑍇𑌤𑍍 𑌸𑌤𑌤𑌂 𑌨𑌰𑌃 ॥ 15 ॥
𑌸𑌰𑍍𑌵𑌜𑍍𑌵𑌰𑌭𑌯𑌂 𑌨 𑌸𑍍𑌯𑌾𑌤𑍍 𑌸𑌰𑍍𑌵𑌵𑍍𑌯𑌾𑌧𑌿𑌵𑌿𑌨𑌾𑌶𑌨𑌮𑍍 ।
𑌕𑍋𑌟𑌿𑌤𑍀𑌰𑍍𑌥𑌫𑌲𑌂 𑌤𑌸𑍍𑌯 𑌲𑌭𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ॥ 16 ॥
𑌜𑌯𑌾 𑌮𑍇 𑌚𑌾𑌗𑍍𑌰𑌤𑌃 𑌪𑌾𑌤𑍁 𑌵𑌿𑌜𑌯𑌾 𑌪𑌾𑌤𑍁 𑌪𑍃𑌷𑍍𑌠𑌤𑌃 ।
𑌨𑌾𑌰𑌾𑌯𑌣𑍀 𑌶𑍀𑌰𑍍𑌷𑌦𑍇𑌶𑍇 𑌸𑌰𑍍𑌵𑌾𑌂𑌗𑍇 𑌸𑌿𑌂𑌹𑌵𑌾𑌹𑌿𑌨𑍀 ॥ 1 ॥
𑌶𑌿𑌵𑌦𑍂𑌤𑍀 𑌉𑌗𑍍𑌰𑌚𑌂𑌡𑌾 𑌪𑍍𑌰𑌤𑍍𑌯𑌂𑌗𑍇 𑌪𑌰𑌮𑍇𑌶𑍍𑌵𑌰𑍀 ।
𑌵𑌿𑌶𑌾𑌲𑌾𑌕𑍍𑌷𑍀 𑌮𑌹𑌾𑌮𑌾𑌯𑌾 𑌕𑍌𑌮𑌾𑌰𑍀 𑌶𑌂𑌖𑌿𑌨𑍀 𑌶𑌿𑌵𑌾 ॥ 1 ॥
𑌚𑌕𑍍𑌰𑌿𑌣𑍀 𑌜𑌯𑌦𑌾𑌤𑍍𑌰𑍀 𑌚 𑌰𑌣𑌮𑌤𑍍𑌤𑌾 𑌰𑌣𑌪𑍍𑌰𑌿𑌯𑌾 ।
𑌦𑍁𑌰𑍍𑌗𑌾 𑌜𑌯𑌂𑌤𑍀 𑌕𑌾𑌳𑍀 𑌚 𑌭𑌦𑍍𑌰𑌕𑌾𑌳𑍀 𑌮𑌹𑍋𑌦𑌰𑍀 ॥ 1 ॥
𑌨𑌾𑌰𑌸𑌿𑌂𑌹𑍀 𑌚 𑌵𑌾𑌰𑌾𑌹𑍀 𑌸𑌿𑌦𑍍𑌧𑌿𑌦𑌾𑌤𑍍𑌰𑍀 𑌸𑍁𑌖𑌪𑍍𑌰𑌦𑌾 ।
𑌭𑌯𑌂𑌕𑌰𑍀 𑌮𑌹𑌾𑌰𑍌𑌦𑍍𑌰𑍀 𑌮𑌹𑌾𑌭𑌯𑌵𑌿𑌨𑌾𑌶𑌿𑌨𑍀 ॥ 20 ॥
𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌯𑌾𑌮𑌲𑍇 𑌬𑍍𑌰𑌹𑍍𑌮𑌨𑌾𑌰𑌦𑌸𑌂𑌵𑌾𑌦𑍇 𑌶𑍍𑌰𑍀 𑌆𑌦𑍍𑌯𑌾 𑌸𑍍𑌤𑍋𑌤𑍍𑌰𑌮𑍍 ॥
