অথ তৃতীযস্তোত্রম্
কুরু ভুংক্ষ্ব চ কর্ম নিজং নিযতং হরিপাদবিনম্রধিয়া সততম্ ।
হরিরেব পরো হরিরেব গুরুঃ হরিরেব জগত্পিতৃমাতৃগতিঃ ॥ 1॥
ন ততোঽস্ত্যপরং জগদীড্যতমং (জগতীড্যতমং) পরমাত্পরতঃ পুরুষোত্তমতঃ ।
তদলং বহুলোকবিচিংতনয়া প্রবণং কুরু মানসমীশপদে ॥ 2॥
যততোঽপি হরেঃ পদসংস্মরণে সকলং হ্যঘমাশু লয়ং ব্রজতি ।
স্মরতস্তু বিমুক্তিপদং পরমং স্ফুটমেষ্যতি তত্কিমপাক্রিযতে ॥ 3॥
শঋণুতামলসত্যবচঃ পরমং শপথেরিতং উচ্ছ্রিতবাহুয়ুগম্ ।
ন হরেঃ পরমো ন হরেঃ সদৃশঃ পরমঃ স তু সর্ব চিদাত্মগণাত্ ॥ 4॥
যদি নাম পরো ন ভবেত (ভবেত্স) হরিঃ কথমস্য় বশে জগদেতদভূত্ ।
যদি নাম ন তস্য় বশে সকলং কথমেব তু নিত্যসুখং ন ভবেত্ ॥ 5॥
ন চ কর্মবিমামল কালগুণপ্রভৃতীশমচিত্তনু তদ্ধি যতঃ ।
চিদচিত্তনু সর্বমসৌ তু হরির্যময়েদিতি বৈদিকমস্তি বচঃ ॥ 6॥
ব্যবহারভিদাঽপি গুরোর্জগতাং ন তু চিত্তগতা স হি চোদ্যপরম্ ।
বহবঃ পুরুষাঃ পুরুষপ্রবরো হরিরিত্যবদত্স্বযমেব হরিঃ ॥ 7॥
চতুরানন পূর্ববিমুক্তগণা হরিমেত্য় তু পূর্ববদেব সদা ।
নিযতোচ্চবিনীচতয়ৈব নিজাং স্থিতিমাপুরিতি স্ম পরং বচনম্ ॥ 8॥
আনংদতীর্থসন্নাম্না পূর্ণপ্রজ্ঞাভিধায়ুজা ।
কৃতং হর্যষ্টকং ভক্ত্য়া পঠতঃ প্রীযতে হরিঃ ॥ 9॥
ইতি শ্রীমদানংদতীর্থভগবত্পাদাচার্য় বিরচিতং
দ্বাদশস্তোত্রেষু তৃতীযস্তোত্রং সংপূর্ণম্
