Sri Madhvacharya Kruta Dwadasha Stotra - 8 - Grantha

𑌵𑌂𑌦𑌿𑌤𑌾𑌶𑍇𑌷𑌵𑌂𑌦𑍍𑌯𑍋𑌰𑍁𑌵𑍃𑌂𑌦𑌾𑌰𑌕𑌂 𑌚𑌂𑌦𑌨𑌾𑌚𑌰𑍍𑌚𑌿𑌤𑍋𑌦𑌾𑌰𑌪𑍀𑌨𑌾𑌂𑌸𑌕𑌮𑍍 ।
𑌇𑌂𑌦𑌿𑌰𑌾𑌚𑌂𑌚𑌲𑌾𑌪𑌾𑌂𑌗𑌨𑍀𑌰𑌾𑌜𑌿𑌤𑌂 𑌮𑌂𑌦𑌰𑍋𑌦𑍍𑌧𑌾𑌰𑌿𑌵𑍃𑌤𑍍𑌤𑍋𑌦𑍍𑌭𑍁𑌜𑌾𑌭𑍋𑌗𑌿𑌨𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 1॥

𑌸𑍃𑌷𑍍𑌟𑌿𑌸𑌂𑌹𑌾𑌰𑌲𑍀𑌲𑌾𑌵𑌿𑌲𑌾𑌸𑌾𑌤𑌤𑌂 𑌪𑍁𑌷𑍍𑌟𑌷𑌾𑌡𑍍𑌗𑍁𑌣𑍍𑌯𑌸𑌦𑍍𑌵𑌿𑌗𑍍𑌰𑌹𑍋𑌲𑍍𑌲𑌾𑌸𑌿𑌨𑌮𑍍 ।
𑌦𑍁𑌷𑍍𑌟𑌨𑌿𑌃𑌶𑍇𑌷𑌸𑌂𑌹𑌾𑌰𑌕𑌰𑍍𑌮𑍋𑌦𑍍𑌯𑌤𑌂 𑌹𑍃𑌷𑍍𑌟𑌪𑍁𑌷𑍍𑌟𑌾𑌤𑌿𑌶𑌿𑌷𑍍𑌟 (𑌅𑌨𑍁𑌶𑌿𑌷𑍍𑌟) 𑌪𑍍𑌰𑌜𑌾𑌸𑌂𑌶𑍍𑌰𑌯𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 2॥

𑌉𑌨𑍍𑌨𑌤𑌪𑍍𑌰𑌾𑌰𑍍𑌥𑌿𑌤𑌾𑌶𑍇𑌷𑌸𑌂𑌸𑌾𑌧𑌕𑌂 𑌸𑌨𑍍𑌨𑌤𑌾𑌲𑍌𑌕𑌿𑌕𑌾𑌨𑌂𑌦𑌦𑌶𑍍𑌰𑍀𑌪𑌦𑌮𑍍 ।
𑌭𑌿𑌨𑍍𑌨𑌕𑌰𑍍𑌮𑌾𑌶𑌯𑌪𑍍𑌰𑌾𑌣𑌿𑌸𑌂𑌪𑍍𑌰𑍇𑌰𑌕𑌂 𑌤𑌨𑍍𑌨 𑌕𑌿𑌂 𑌨𑍇𑌤𑌿 𑌵𑌿𑌦𑍍𑌵𑌤𑍍𑌸𑍁 𑌮𑍀𑌮𑌾𑌂𑌸𑌿𑌤𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 3॥

𑌵𑌿𑌪𑍍𑌰𑌮𑍁𑌖𑍍𑌯𑍈𑌃 𑌸𑌦𑌾 𑌵𑍇𑌦𑌵𑌾𑌦𑍋𑌨𑍍𑌮𑍁𑌖𑍈𑌃 𑌸𑍁𑌪𑍍𑌰𑌤𑌾𑌪𑍈𑌃 𑌕𑍍𑌷𑌿𑌤𑍀𑌶𑍇𑌶𑍍𑌵𑌰𑍈𑌶𑍍𑌚𑌾𑌰𑍍𑌚𑍍𑌚𑌿𑌤𑌮𑍍 ।
𑌅𑌪𑍍𑌰𑌤𑌰𑍍𑌕𑍍𑌯𑍋𑌰𑍁𑌸𑌂𑌵𑌿𑌦𑍍𑌗𑍁𑌣𑌂 𑌨𑌿𑌰𑍍𑌮𑌲𑌂 𑌸𑌪𑍍𑌰𑌕𑌾𑌶𑌾𑌜𑌰𑌾𑌨𑌂𑌦𑌰𑍂𑌪𑌂 𑌪𑌰𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 4॥

𑌅𑌤𑍍𑌯𑌯𑍋 𑌯𑌸𑍍𑌯 (𑌯𑍇𑌨) 𑌕𑍇𑌨𑌾𑌪𑌿 𑌨 𑌕𑍍𑌵𑌾𑌪𑌿 𑌹𑌿 𑌪𑍍𑌰𑌤𑍍𑌯𑌯𑍋 𑌯𑌦𑍍𑌗𑍁𑌣𑍇𑌷𑍂𑌤𑍍𑌤𑌮𑌾𑌨𑌾𑌂 𑌪𑌰𑌃 ।
𑌸𑌤𑍍𑌯𑌸𑌂𑌕𑌲𑍍𑌪 𑌏𑌕𑍋 𑌵𑌰𑍇𑌣𑍍𑌯𑍋 𑌵𑌶𑍀 𑌮𑌤𑍍𑌯𑌨𑍂𑌨𑍈𑌃 𑌸𑌦𑌾 𑌵𑍇𑌦𑌵𑌾𑌦𑍋𑌦𑌿𑌤𑌃 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 5॥

𑌪𑌶𑍍𑌯𑌤𑌾𑌂 𑌦𑍁𑌃𑌖𑌸𑌂𑌤𑌾𑌨𑌨𑌿𑌰𑍍𑌮𑍂𑌲𑌨𑌂 𑌦𑍃𑌶𑍍𑌯𑌤𑌾𑌂 𑌦𑍃𑌶𑍍𑌯𑌤𑌾𑌮𑌿𑌤𑍍𑌯𑌜𑍇𑌶𑌾𑌰𑍍𑌚𑌿𑌤𑌮𑍍 ।
𑌨𑌶𑍍𑌯𑌤𑌾𑌂 𑌦𑍂𑌰𑌗𑌂 𑌸𑌰𑍍𑌵𑌦𑌾𑌪𑍍𑌯𑌾𑌽𑌤𑍍𑌮𑌗𑌂 𑌵𑌶𑍍𑌯𑌤𑌾𑌂 𑌸𑍍𑌵𑍇𑌚𑍍𑌛𑌯𑌾 𑌸𑌜𑍍𑌜𑌨𑍇𑌷𑍍𑌵𑌾𑌗𑌤𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 6॥

𑌅𑌗𑍍𑌰𑌜𑌂 𑌯𑌃 𑌸𑌸𑌰𑍍𑌜𑌾𑌜𑌮𑌗𑍍𑌰𑍍𑌯𑌾𑌕𑍃𑌤𑌿𑌂 𑌵𑌿𑌗𑍍𑌰𑌹𑍋 𑌯𑌸𑍍𑌯 𑌸𑌰𑍍𑌵𑍇 𑌗𑍁𑌣𑌾 𑌏𑌵 𑌹𑌿 ।
𑌉𑌗𑍍𑌰 𑌆𑌦𑍍𑌯𑍋𑌽𑌪𑌿 𑌯𑌸𑍍𑌯𑌾𑌤𑍍𑌮𑌜𑌾𑌗𑍍𑌰𑍍𑌯𑌾𑌤𑍍𑌮𑌜𑌃 𑌸𑌦𑍍𑌗𑍃𑌹𑍀𑌤𑌃 𑌸𑌦𑌾 𑌯𑌃 𑌪𑌰𑌂 𑌦𑍈𑌵𑌤𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 𑍭॥

𑌅𑌚𑍍𑌯𑍁𑌤𑍋 𑌯𑍋 𑌗𑍁𑌣𑍈𑌰𑍍𑌨𑌿𑌤𑍍𑌯𑌮𑍇𑌵𑌾𑌖𑌿𑌲𑍈𑌃 𑌪𑍍𑌰𑌚𑍍𑌯𑍁𑌤𑍋𑌽𑌶𑍇𑌷𑌦𑍋𑌷𑍈𑌃 𑌸𑌦𑌾 𑌪𑍂𑌰𑍍𑌤𑌿𑌤𑌃 ।
𑌉𑌚𑍍𑌯𑌤𑍇 𑌸𑌰𑍍𑌵𑌵𑍇𑌦𑍋𑌰𑍁𑌵𑌾𑌦𑍈𑌰𑌜𑌃 𑌸𑍍𑌵𑌰𑍍𑌚𑌿𑌤𑍋 𑌬𑍍𑌰𑌹𑍍𑌮𑌰𑍁𑌦𑍍𑌰𑍇𑌂𑌦𑍍𑌰𑌪𑍂𑌰𑍍𑌵𑍈𑌃 𑌸𑌦𑌾 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 𑍮॥

𑌧𑌾𑌰𑍍𑌯𑌤𑍇 𑌯𑍇𑌨 𑌵𑌿𑌶𑍍𑌵𑌂 𑌸𑌦𑌾𑌜𑌾𑌦𑌿𑌕𑌂 𑌵𑌾𑌰𑍍𑌯𑌤𑍇𑌽𑌶𑍇𑌷𑌦𑍁𑌃𑌖𑌂 𑌨𑌿𑌜𑌧𑍍𑌯𑌾𑌯𑌿𑌨𑌾𑌮𑍍 ।
𑌪𑌾𑌰𑍍𑌯𑌤𑍇 𑌸𑌰𑍍𑌵𑌮𑌨𑍍𑌯𑍈𑌰𑍍𑌨𑌯𑌤𑍍𑌪𑌾𑌰𑍍𑌯𑌤𑍇 𑌕𑌾𑌰𑍍𑌯𑌤𑍇 𑌚𑌾𑌖𑌿𑌲𑌂 𑌸𑌰𑍍𑌵𑌭𑍂𑌤𑍈𑌃 𑌸𑌦𑌾 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 𑍯॥

𑌸𑌰𑍍𑌵𑌪𑌾𑌪𑌾𑌨𑌿𑌯𑌤𑍍𑌸𑌂𑌸𑍍𑌮𑍃𑌤𑍇𑌃 𑌸𑌂𑌕𑍍𑌷𑌯𑌂 𑌸𑌰𑍍𑌵𑌦𑌾 𑌯𑌾𑌂𑌤𑌿 𑌭𑌕𑍍𑌤𑍍𑌯𑌾 𑌵𑌿𑌶𑍁𑌦𑍍𑌧𑌾𑌤𑍍𑌮𑌨𑌾𑌮𑍍 ।
𑌶𑌰𑍍𑌵𑌗𑍁𑌰𑍍𑌵𑌾𑌦𑌿𑌗𑍀𑌰𑍍𑌵𑌾𑌣 𑌸𑌂𑌸𑍍𑌥𑌾𑌨𑌦𑌃 𑌕𑍁𑌰𑍍𑌵𑌤𑍇 𑌕𑌰𑍍𑌮 𑌯𑌤𑍍𑌪𑍍𑌰𑍀𑌤𑌯𑍇 𑌸𑌜𑍍𑌜𑌨𑌾𑌃 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 10॥

𑌅𑌕𑍍𑌷𑌯𑌂 𑌕𑌰𑍍𑌮 𑌯𑌸𑍍𑌮𑌿𑌨𑍍 𑌪𑌰𑍇 𑌸𑍍𑌵𑌰𑍍𑌪𑌿𑌤𑌂 𑌪𑍍𑌰𑌕𑍍𑌷𑌯𑌂 𑌯𑌾𑌂𑌤𑌿 𑌦𑍁𑌃𑌖𑌾𑌨𑌿 𑌯𑌨𑍍𑌨𑌾𑌮𑌤𑌃 ।
𑌅𑌕𑍍𑌷𑌰𑍋 𑌯𑍋𑌽𑌜𑌰𑌃 𑌸𑌰𑍍𑌵𑌦𑍈𑌵𑌾𑌮𑍃𑌤𑌃 𑌕𑍁𑌕𑍍𑌷𑌿𑌗𑌂 𑌯𑌸𑍍𑌯 𑌵𑌿𑌶𑍍𑌵𑌂 𑌸𑌦𑌾𑌽𑌜𑌾𑌦𑌿𑌕𑌮𑍍 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 11॥

𑌨𑌂𑌦𑌿𑌤𑍀𑌰𑍍𑌥𑍋𑌰𑍁𑌸𑌨𑍍𑌨𑌾𑌮𑌿𑌨𑍋 𑌨𑌂𑌦𑌿𑌨𑌃 𑌸𑌂𑌦𑌧𑌾𑌨𑌾𑌃 𑌸𑌦𑌾𑌨𑌂𑌦𑌦𑍇𑌵𑍇 𑌮𑌤𑌿𑌮𑍍 ।
𑌮𑌂𑌦𑌹𑌾𑌸𑌾𑌰𑍁𑌣𑌾 𑌪𑌾𑌂𑌗𑌦𑌤𑍍𑌤𑍋𑌨𑍍𑌨𑌤𑌿𑌂 𑌵𑌂𑌦𑌿𑌤𑌾𑌶𑍇𑌷𑌦𑍇𑌵𑌾𑌦𑌿𑌵𑍃𑌂𑌦𑌂 𑌸𑌦𑌾 ।
𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌂 𑌦𑍇𑌵𑌤𑌾𑌮𑌂𑌡𑌲𑌾𑌖𑌂𑌡𑌮𑌂𑌡𑌨𑌂 𑌪𑍍𑌰𑍀𑌣𑌯𑌾𑌮𑍋 𑌵𑌾𑌸𑍁𑌦𑍇𑌵𑌮𑍍 ॥ 12॥

𑌇𑌤𑌿 𑌶𑍍𑌰𑍀𑌮𑌦𑌾𑌨𑌂𑌦𑌤𑍀𑌰𑍍𑌥𑌭𑌗𑌵𑌤𑍍𑌪𑌾𑌦𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂
𑌦𑍍𑌵𑌾𑌦𑌶𑌸𑍍𑌤𑍋𑌤𑍍𑌰𑍇𑌷𑍁 𑌅𑌷𑍍𑌟𑌮𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍

Browse Related Categories: