অথ দশমোঽধ্য়ায়ঃ ।
শ্রীভগবান্ উবাচ ।
ময়া উদিতেষু অবহিতঃ স্বধর্মেষু মদাশ্রয়ঃ ।
বর্ণাশ্রমকুল আচারং অকামাত্মা সমাচরেত্ ॥ 1॥
অন্বীক্ষেত বিশুদ্ধাত্মা দেহিনাং বিষয়াত্মনাম্ ।
গুণেষু তত্ত্বধ্য়ানেন সর্বারংভবিপর্যযম্ ॥ 2॥
সুপ্তস্য় বিষয়ালোকঃ ধ্য়াযতঃ বা মনোরথঃ ।
নানামকত্বাত্ বিফলঃ তথা ভেদাত্মদীঃ গুণৈঃ ॥ 3॥
নিবৃত্তং কর্ম সেবেত প্রবৃত্তং মত্পরঃ ত্যজেত্ ।
জিজ্ঞাসায়াং সংপ্রবৃত্তঃ ন অদ্রিয়েত্ কর্ম চোদনাম্ ॥ 4॥
যমানভীক্ষ্ণং সেবেত নিযমান্ মত্পরঃ ক্বচিত্ ।
মদভিজ্ঞং গুরং শাংতং উপাসীত মদাত্মকম্ ॥ 5॥
অমান্যমত্সরঃ দক্ষঃ নির্মমঃ দৃঢসৌহৃদঃ ।
অসত্বরঃ অর্থজিজ্ঞাসুঃ অনসূয়ৌঃ অমোঘবাক্ ॥ 6॥
জায়াপত্যগৃহক্ষেত্রস্বজনদ্রবিণ আদিষু ।
উদাসীনঃ সমং পশ্যন্ সর্বেষু অর্থং ইব আত্মনঃ ॥ 7॥
বিলক্ষণঃ স্থূলসূক্ষ্মাত্ দেহাত্ আত্মেক্ষিতা স্বদৃক্ ।
যথাগ্নিঃ দারুণঃ দাহ্য়াত্ দাহকঃ অন্য়ঃ প্রকাশকঃ ॥ 8॥
নিরোধ উত্পত্তি অণু বৃহন্ নানাত্বং তত্কৃতান্ গুণান্ ।
অংতঃ প্রবিষ্টঃ আধত্তঃ এবং দেহগুণান্ পরঃ ॥ 9॥
যঃ অসৌ গুণৈঃ বিরচিতঃ দেহঃ অয়ং পুরুষস্য় হি ।
সংসারঃ তত্ নিবংধঃ অয়ং পুংসঃ বিদ্য়াত্ ছিদাত্মনঃ ॥ 10॥
তস্মাত্ জিজ্ঞাসয়া আত্মানং আত্মস্থং পরম্ ।
সংগম্য় নিরসেত্ এতত্ বস্তুবুদ্ধিং যথাক্রমম্ ॥ 11॥
আচার্য়ঃ অরণিঃ আদ্য়ঃ স্য়াত্ অংতেবাসি উত্তর অরণিঃ ।
তত্ সংধানং প্রবচনং বিদ্য়া সংধিঃ সুখাবহঃ ॥ 12॥
বৈশারদী সা অতিবিশুদ্ধবুদ্ধিঃ
ধুনোতি মায়াং গুণসংপ্রসূতাম্ ।
গুণান্ চ সংদহ্য় যত্ আত্মং এতত্
স্বয়ং চ শাম্যতি অসমিদ্ যথা অগ্নিঃ ॥ 13॥
অথ এষাং কর্মকর্তৄণাং ভোক্তৄণাং সুখদুঃখয়োঃ ।
নানাত্বং অথ নিত্যত্বং লোককালাগম আত্মনাম্ ॥ 14॥
মন্যসে সর্বভাবানাং সংস্থা হি ঔত্পত্তিকী যথা ।
তত্ তত্ আকৃতিভেদেন জাযতে ভিদ্যতে চ ধীঃ ॥ 15॥
এবং অপি অংগ সর্বেষাং দেহিনাং দেহয়োগতঃ ।
কাল অবযবতঃ সংতি ভাবা জন্মাদয়োঃ অসকৃত্ ॥ 16॥
অত্র অপি কর্মণাং কর্তুঃ অস্বাতংত্র্য়ং চ লক্ষ্যতে ।
ভোক্তুঃ চ দুঃখসুখয়োঃ কঃ অন্বর্থঃ বিবশং ভজেত্ ॥ 17॥
ন দেহিনাং সুখং কিংচিত্ বিদ্যতে বিদুষাং অপি ।
তথা চ দুঃখং মূঢানাং বৃথা অহংকরণং পরম্ ॥ 18॥
যদি প্রাপ্তিং বিঘাতং চ জানংতি সুখদুঃখয়োঃ ।
তে অপি অদ্ধা ন বিদুঃ যোগং মৃত্য়ুঃ ন প্রভবেত্ যথা ॥ 19॥
কঃ অন্বর্থঃ সুখযতি এনং কামঃ বা মৃত্য়ুঃ অংতিকে ।
আঘাতং নীযমানস্য় বধ্যসি এব ন তুষ্টিদঃ ॥ 20॥
শ্রুতং চ দৃষ্টবত্ দুষ্টং স্পর্ধা অসূয়া অত্যযব্যয়ৈঃ ।
বহু অংতরায় কামত্বাত্ কৃষিবত্ চ অপি নিষ্ফলম্ ॥ 21॥
অংতরায়ৈঃ অবিহতঃ যদি ধর্মঃ স্বনুষ্ঠিতঃ ।
তেনাপি নির্জিতং স্থানং যথা গচ্ছতি তত্ শ্রুণু ॥ 22॥
ইষ্ত্বা ইহ দেবতাঃ যজ্ঞৈঃ স্বর্লোকং যাতি যাজ্ঞিকঃ ।
ভুংজীত দেববত্ তত্র ভোগান্ দিব্য়ান্ নিজ অর্জিতান্ ॥ 23॥
স্বপুণ্য় উপচিতে শুভ্রে বিমানঃ উপগীযতে ।
গংধর্বৈঃ বিহরন্মধ্য়ে দেবীনাং হৃদ্যবেষধৃক্ ॥ 24॥
স্ত্রীভিঃ কামগয়ানেন কিংকিণীজালমালিনা ।
ক্রীডন্ ন বেদ আত্মপাতং সুরাক্রীডেষু নির্বৃতঃ ॥ 25॥
তাবত্ প্রমোদতে স্বর্গে যাবত্ পুণ্য়ং সমাপ্যতে ।
ক্ষীণপুণ্য়ঃ পততি অর্বাক্ অনিচ্ছন্ কালচালিতঃ ॥ 26॥
যদি অধর্মরতঃ সংগাত্ অসতাং বা অজিতেংদ্রিয়ঃ ।
কামাত্মা কৃপণঃ লুব্ধঃ স্ত্রৈণঃ ভূতবিহিংসকঃ ॥ 27॥
পশূন্ অবিধিনা আলভ্য় প্রেতভূতগণান্ যজন্ ।
নরকান্ অবশঃ জংতুঃ গত্বা যাতি উল্বণং তমঃ ॥ 28॥
কর্মাণি দুঃখ উদর্কাণি কুর্বন্ দেহেন তৈঃ পুনঃ ।
দেহং আভজতে তত্র কিং সুখং মর্ত্যধর্মিণঃ ॥ 29॥
লোকানাং লোক পালানাং মদ্ভয়ং কল্পজীবিনাম্ ।
ব্রহ্মণঃ অপি ভয়ং মত্তঃ দ্বিপরাধপর আয়ুষঃ ॥ 30॥
গুণাঃ সৃজংতি কর্মাণি গুণঃ অনুসৃজতে গুণান্ ।
জীবঃ তু গুণসংয়ুক্তঃ ভুংক্তে কর্মফলানি অসৌ ॥ 31॥
যাবত্ স্য়াত্ গুণবৈষম্য়ং তাবত্ নানাত্বং আত্মনঃ ।
নানাত্বং আত্মনঃ যাবত্ পারতংত্র্য়ং তদা এব হি ॥ 32॥
যাবত্ অস্য় অস্বতংত্রত্বং তাবত্ ঈশ্বরতঃ ভযম্ ।
যঃ এতত্ সমুপাসীরন্ তে মুহ্য়ংতি শুচার্পিতাঃ ॥ 33॥
কালঃ আত্মা আগমঃ লোকঃ স্বভাবঃ ধর্মঃ এব চ ।
ইতি মাং বহুধা প্রাহুঃ গুণব্যতিকরে সতি ॥ 34॥
উদ্ধবঃ উবাচ ।
গুণেষু বর্তমানঃ অপি দেহজেষু অনপাবৃতাঃ ।
গুণৈঃ ন বধ্যতে দেহী বধ্যতে বা কথং বিভো ॥ 35॥
কথং বর্তেত বিহরেত্ কৈঃ বা জ্ঞায়েত লক্ষণৈঃ ।
কিং ভুংজীত উত বিসৃজেত্ শয়ীত আসীত যাতি বা ॥ 36॥
এতত্ অচ্য়ুত মে ব্রূহি প্রশ্নং প্রশ্নবিদাং বর ।
নিত্যমুক্তঃ নিত্যবদ্ধঃ একঃ এব ইতি মে ভ্রমঃ ॥ 37॥
ইতি শ্রীমদ্ভাগবতে মহাপুরাণে পারমহংস্য়াং
সংহিতায়ামেকাদশস্কংধে ভগবদুদ্ধবসংবাদে
দশমোঽধ্য়ায়ঃ ॥
