ওং শ্রী পরমাত্মনে নমঃ
অথ অষ্টাদশোঽধ্য়ায়ঃ
মোক্ষসন্ন্য়াসয়োগঃ

অর্জুন উবাচ
সন্ন্য়াসস্য় মহাবাহো তত্ত্বমিচ্ছামি বেদিতুম্ ।
ত্য়াগস্য় চ হৃষীকেশ পৃথক্কেশিনিষূদন ॥1॥

শ্রী ভগবানুবাচ
কাম্য়ানাং কর্মণাং ন্য়াসং সন্ন্য়াসং কবয়ো বিদুঃ ।
সর্বকর্মফলত্য়াগং প্রাহুস্ত্য়াগং বিচক্ষণাঃ ॥2॥

ত্য়াজ্য়ং দোষবদিত্য়েকে কর্ম প্রাহুর্মনীষিণঃ ।
যজ্ঞদানতপঃকর্ম ন ত্য়াজ্যমিতি চাপরে ॥3॥

নিশ্চয়ং শৃণু মে তত্র ত্য়াগে ভরতসত্তম ।
ত্য়াগো হি পুরুষব্য়াঘ্র ত্রিবিধঃ সংপ্রকীর্তিতঃ ॥4॥

যজ্ঞদানতপঃকর্ম ন ত্য়াজ্য়ং কার্যমেব তত্ ।
যজ্ঞো দানং তপশ্চৈব পাবনানি মনীষিণাম্ ॥5॥

এতান্যপি তু কর্মাণি সংগং ত্যক্ত্বা ফলানি চ ।
কর্তব্য়ানীতি মে পার্থ নিশ্চিতং মতমুত্তমম্ ॥6॥

নিযতস্য় তু সন্ন্য়াসঃ কর্মণো নোপপদ্যতে ।
মোহাত্তস্য় পরিত্য়াগঃ তামসঃ পরিকীর্তিতঃ ॥7॥

দুঃখমিত্য়েব যত্কর্ম কাযক্লেশভয়াত্ত্যজেত্ ।
স কৃত্বা রাজসং ত্য়াগং নৈব ত্য়াগফলং লভেত্ ॥8॥

কার্যমিত্য়েব যত্কর্ম নিযতং ক্রিযতেঽর্জুন ।
সংগং ত্যক্ত্বা ফলং চৈব স ত্য়াগঃ সাত্ত্বিকো মতঃ ॥9॥

ন দ্বেষ্ট্যকুশলং কর্ম কুশলে নানুষজ্জতে ।
ত্য়াগী সত্ত্বসমাবিষ্টঃ মেধাবী ছিন্নসংশয়ঃ ॥10॥

ন হি দেহভৃতা শক্য়ং ত্যক্তুং কর্মাণ্যশেষতঃ ।
যস্তু কর্মফলত্য়াগী স ত্য়াগীত্যভিধীযতে ॥11॥

অনিষ্টমিষ্টং মিশ্রং চ ত্রিবিধং কর্মণঃ ফলম্ ।
ভবত্যত্য়াগিনাং প্রেত্য় ন তু সন্ন্য়াসিনাং ক্বচিত্ ॥12॥

পংচৈতানি মহাবাহো কারণানি নিবোধ মে ।
সাংখ্য়ে কৃতাংতে প্রোক্তানি সিদ্ধয়ে সর্বকর্মণাম্ ॥13॥

অধিষ্ঠানং তথা কর্তা করণং চ পৃথগ্বিধম্ ।
বিবিধাশ্চ পৃথক্চেষ্টাঃ দৈবং চৈবাত্র পংচমম্ ॥14॥

শরীরবাঙ্মনোভির্যত্ কর্ম প্রারভতে নরঃ ।
ন্য়ায়্য়ং বা বিপরীতং বা পংচৈতে তস্য় হেতবঃ ॥15॥

তত্রৈবং সতি কর্তারম্ আত্মানং কেবলং তু যঃ ।
পশ্যত্যকৃতবুদ্ধিত্বাত্ ন স পশ্যতি দুর্মতিঃ ॥16॥

যস্য় নাহংকৃতো ভাবঃ বুদ্ধির্যস্য় ন লিপ্যতে ।
হত্বাঽপি স ইমাঁল্লোকান্ ন হংতি ন নিবধ্যতে ॥17॥

জ্ঞানং জ্ঞেয়ং পরিজ্ঞাতা ত্রিবিধা কর্মচোদনা ।
করণং কর্ম কর্তেতি ত্রিবিধঃ কর্মসংগ্রহঃ ॥18॥

জ্ঞানং কর্ম চ কর্তা চ ত্রিধৈব গুণভেদতঃ ।
প্রোচ্যতে গুণসংখ্য়ানে যথাবচ্ছৃণু তান্যপি ॥19॥

সর্বভূতেষু যেনৈকং ভাবমব্যযমীক্ষতে ।
অবিভক্তং বিভক্তেষু তজ্জ্ঞানং বিদ্ধি সাত্ত্বিকম্ ॥20॥

পৃথক্ত্বেন তু যজ্জ্ঞানং নানাভাবান্পৃথগ্বিধান্ ।
বেত্তি সর্বেষু ভূতেষু তজ্জ্ঞানং বিদ্ধি রাজসম্ ॥21॥

যত্তু কৃত্স্নবদেকস্মিন্ কার্য়ে সক্তমহৈতুকম্ ।
অতত্ত্বার্থবদল্পং চ তত্তামসমুদাহৃতম্ ॥22॥

নিযতং সংগরহিতম্ অরাগদ্বেষতঃ কৃতম্ ।
অফলপ্রেপ্সুনা কর্ম যত্তত্সাত্ত্বিকমুচ্যতে ॥23॥

যত্তু কামেপ্সুনা কর্ম সাহংকারেণ বা পুনঃ ।
ক্রিযতে বহুলায়াসং তদ্রাজসমুদাহৃতম্ ॥24॥

অনুবংধং ক্ষয়ং হিংসাম্ অনপেক্ষ্য় চ পৌরুষম্ ।
মোহাদারভ্যতে কর্ম যত্তত্তামসমুচ্যতে ॥25॥

মুক্তসংগোঽনহংবাদী ধৃত্য়ুত্সাহসমন্বিতঃ ।
সিদ্ধ্যসিদ্ধ্য়োর্নির্বিকারঃ কর্তা সাত্ত্বিক উচ্যতে ॥26॥

রাগী কর্মফলপ্রেপ্সুঃ লুব্ধো হিংসাত্মকোঽশুচিঃ ।
হর্ষশোকান্বিতঃ কর্তা রাজসঃ পরিকীর্তিতঃ ॥27॥

অয়ুক্তঃ প্রাকৃতঃ স্তব্ধঃ শঠো নৈষ্কৃতিকোঽলসঃ ।
বিষাদী দীর্ঘসূত্রী চ কর্তা তামস উচ্যতে ॥28॥

বুদ্ধের্ভেদং ধৃতেশ্চৈব গুণতস্ত্রিবিধং শৃণু ।
প্রোচ্যমানমশেষেণ পৃথক্ত্বেন ধনংজয় ॥29॥

প্রবৃত্তিং চ নিবৃত্তিং চ কার্য়াকার্য়ে ভয়াভয়ে ।
বংধং মোক্ষং চ যা বেত্তি বুদ্ধিঃ সা পার্থ সাত্ত্বিকী ॥30॥

যয়া ধর্মমধর্মং চ কার্য়ং চাকার্যমেব চ ।
অযথাবত্প্রজানাতি বুদ্ধিঃ সা পার্থ রাজসী ॥31॥

অধর্মং ধর্মমিতি যা মন্যতে তমসাঽঽবৃতা ।
সর্বার্থান্বিপরীতাংশ্চ বুদ্ধিঃ সা পার্থ তামসী ॥32॥

ধৃত্য়া যয়া ধারযতে মনঃ প্রাণেংদ্রিযক্রিয়াঃ ।
যোগেনাব্যভিচারিণ্য়া ধৃতিঃ সা পার্থ সাত্ত্বিকী ॥33॥

যয়া তু ধর্মকামার্থান্ ধৃত্য়া ধারযতেঽর্জুন ।
প্রসংগেন ফলাকাংক্ষী ধৃতিঃ সা পার্থ রাজসী ॥34॥

যয়া স্বপ্নং ভয়ং শোকং বিষাদং মদমেব চ ।
ন বিমুংচতি দুর্মেধাঃ ধৃতিঃ সা তামসী মতা ॥35॥

সুখং ত্বিদানীং ত্রিবিধং শৃণু মে ভরতর্ষভ ।
অভ্য়াসাদ্রমতে যত্র দুঃখাংতং চ নিগচ্ছতি ॥36॥

যত্তদগ্রে বিষমিব পরিণামেঽমৃতোপমম্ ।
তত্সুখং সাত্ত্বিকং প্রোক্তম্ আত্মবুদ্ধিপ্রসাদজম্ ॥37॥

বিষয়েংদ্রিযসংয়োগাত্ যত্তদগ্রেঽমৃতোপমম্ ।
পরিণামে বিষমিব তত্সুখং রাজসং স্মৃতম্ ॥38॥

যদগ্রে চানুবংধে চ সুখং মোহনমাত্মনঃ ।
নিদ্রালস্যপ্রমাদোত্থং তত্তামসমুদাহৃতম্ ॥39॥

ন তদস্তি পৃথিব্য়াং বা দিবি দেবেষু বা পুনঃ ।
সত্ত্বং প্রকৃতিজৈর্মুক্তং যদেভিঃ স্য়াত্ত্রিভির্গুণৈঃ ॥40॥

ব্রাহ্মণক্ষত্রিযবিশাং শূদ্রাণাং চ পরংতপ ।
কর্মাণি প্রবিভক্তানি স্বভাবপ্রভবৈর্গুণৈঃ ॥41॥

শমো দমস্তপঃ শৌচং ক্ষাংতিরার্জবমেব চ ।
জ্ঞানং বিজ্ঞানমাস্তিক্য়ং ব্রহ্মকর্ম স্বভাবজম্ ॥42॥

শৌর্য়ং তেজো ধৃতির্দাক্ষ্য়ং যুদ্ধে চাপ্যপলাযনম্ ।
দানমীশ্বরভাবশ্চ ক্ষাত্রং কর্ম স্বভাবজম্ ॥43॥

কৃষিগৌরক্ষ্যবাণিজ্য়ং বৈশ্যকর্ম স্বভাবজম্ ।
পরিচর্য়াত্মকং কর্ম শূদ্রস্য়াপি স্বভাবজম্ ॥44॥

স্বে স্বে কর্মণ্যভিরতঃ সংসিদ্ধিং লভতে নরঃ ।
স্বকর্মনিরতঃ সিদ্ধিং যথা বিংদতি তচ্ছৃণু ॥45॥

যতঃ প্রবৃত্তির্ভূতানাং যেন সর্বমিদং ততম্ ।
স্বকর্মণা তমভ্যর্চ্য় সিদ্ধিং বিংদতি মানবঃ ॥46॥

শ্রেয়ান্স্বধর্মো বিগুণঃ পরধর্মাত্স্বনুষ্ঠিতাত্ ।
স্বভাবনিযতং কর্ম কুর্বন্নাপ্নোতি কিল্বিষম্ ॥47॥

সহজং কর্ম কৌংতেয় সদোষমপি ন ত্যজেত্ ।
সর্বারংভা হি দোষেণ ধূমেনাগ্নিরিবাবৃতাঃ ॥48॥

অসক্তবুদ্ধিঃ সর্বত্র জিতাত্মা বিগতস্পৃহঃ ।
নৈষ্কর্ম্যসিদ্ধিং পরমাং সন্ন্য়াসেনাধিগচ্ছতি ॥49॥

সিদ্ধিং প্রাপ্তো যথা ব্রহ্ম তথাঽঽপ্নোতি নিবোধ মে ।
সমাসেনৈব কৌংতেয় নিষ্ঠা জ্ঞানস্য় যা পরা ॥50॥

বুদ্ধ্য়া বিশুদ্ধয়া যুক্তঃ ধৃত্য়াঽঽত্মানং নিযম্য় চ ।
শব্দাদীন্বিষয়াংস্ত্যক্ত্বা রাগদ্বেষৌ ব্য়ুদস্য় চ ॥51॥

বিবিক্তসেবী লঘ্বাশী যতবাক্কাযমানসঃ ।
ধ্য়ানয়োগপরো নিত্য়ং বৈরাগ্য়ং সমুপাশ্রিতঃ ॥52॥

অহংকারং বলং দর্পং কামং ক্রোধং পরিগ্রহম্ ।
বিমুচ্য় নির্মমঃ শাংতঃ ব্রহ্মভূয়ায় কল্পতে ॥53॥

ব্রহ্মভূতঃ প্রসন্নাত্মা ন শোচতি ন কাংক্ষতি ।
সমঃ সর্বেষু ভূতেষু মদ্ভক্তিং লভতে পরাম্ ॥54॥

ভক্ত্য়া মামভিজানাতি যাবান্যশ্চাস্মি তত্ত্বতঃ ।
ততো মাং তত্ত্বতো জ্ঞাত্বা বিশতে তদনংতরম্ ॥55॥

সর্বকর্মাণ্যপি সদা কুর্বাণো মদ্ব্যপাশ্রয়ঃ ।
মত্প্রসাদাদবাপ্নোতি শাশ্বতং পদমব্যযম্ ॥56॥

চেতসা সর্বকর্মাণি ময়ি সন্ন্যস্য় মত্পরঃ ।
বুদ্ধিয়োগমুপাশ্রিত্য় মচ্চিত্তঃ সততং ভব ॥57॥

মচ্চিত্তঃ সর্বদুর্গাণি মত্প্রসাদাত্তরিষ্যসি ।
অথ চেত্ত্বমহংকারাত্ ন শ্রোষ্যসি বিনংক্ষ্যসি ॥58॥

যদহংকারমাশ্রিত্য় ন যোত্স্য় ইতি মন্যসে ।
মিথ্য়ৈষ ব্যবসাযস্তে প্রকৃতিস্ত্বাং নিয়োক্ষ্যতি ॥59॥

স্বভাবজেন কৌংতেয় নিবদ্ধঃ স্বেন কর্মণা ।
কর্তুং নেচ্ছসি যন্মোহাত্ করিষ্যস্যবশোঽপি তত্ ॥60॥

ঈশ্বরঃ সর্বভূতানাং হৃদ্দেশেঽর্জুন তিষ্ঠতি ।
ভ্রামযন্সর্বভূতানি যংত্রারূঢানি মাযয়া ॥61॥

তমেব শরণং গচ্ছ সর্বভাবেন ভারত ।
তত্প্রসাদাত্পরাং শাংতিং স্থানং প্রাপ্স্যসি শাশ্বতম্ ॥62॥

ইতি তে জ্ঞানমাখ্য়াতং গুহ্য়াদ্গুহ্যতরং ময়া ।
বিমৃশ্য়ৈতদশেষেণ যথেচ্ছসি তথা কুরু ॥63॥

সর্বগুহ্যতমং ভূয়ঃ শৃণু মে পরমং বচঃ ।
ইষ্টোঽসি মে দৃঢমিতি ততো বক্ষ্য়ামি তে হিতম্ ॥64॥

মন্মনা ভব মদ্ভক্তঃ মদ্য়াজী মাং নমস্কুরু ।
মামেবৈষ্যসি সত্য়ং তে প্রতিজানে প্রিয়োঽসি মে ॥65॥

সর্বধর্মান্পরিত্যজ্য় মামেকং শরণং ব্রজ ।
অহং ত্বা সর্বপাপেভ্য়ঃ মোক্ষয়িষ্য়ামি মা শুচঃ ॥66॥

ইদং তে নাতপস্কায় নাভক্তায় কদাচন ।
ন চাশুশ্রূষবে বাচ্য়ং ন চ মাং যোঽভ্যসূযতি ॥67॥

য ইমং পরমং গুহ্য়ং মদ্ভক্তেষ্বভিধাস্যতি ।
ভক্তিং ময়ি পরাং কৃত্বা মামেবৈষ্যত্যসংশয়ঃ ॥68॥

ন চ তস্মান্মনুষ্য়েষু কশ্চিন্মে প্রিযকৃত্তমঃ ।
ভবিতা ন চ মে তস্মাত্ অন্য়ঃ প্রিযতরো ভুবি ॥69॥

অধ্য়েষ্যতে চ য ইমং ধর্ম্য়ং সংবাদমাবয়োঃ ।
জ্ঞানযজ্ঞেন তেনাহম্ ইষ্টঃ স্য়ামিতি মে মতিঃ ॥70॥

শ্রদ্ধাবাননসূযশ্চ শৃণুয়াদপি যো নরঃ ।
সোঽপি মুক্তঃ শুভাఁল্লোকান্ প্রাপ্নুয়াত্পুণ্যকর্মণাম্ ॥71॥

কচ্চিদেতচ্ছ্রুতং পার্থ ত্বয়ৈকাগ্রেণ চেতসা ।
কচ্চিদজ্ঞানসম্মোহঃ প্রণষ্টস্তে ধনংজয় ॥72॥

অর্জুন উবাচ
নষ্টো মোহঃ স্মৃতির্লব্ধা ত্বত্প্রসাদান্ময়াঽচ্য়ুত ।
স্থিতোঽস্মি গতসংদেহঃ করিষ্য়ে বচনং তব ॥73॥

সংজয় উবাচ
ইত্যহং বাসুদেবস্য় পার্থস্য় চ মহাত্মনঃ ।
সংবাদমিমমশ্রৌষম্ অদ্ভুতং রোমহর্ষণম্ ॥74॥

ব্য়াসপ্রসাদাচ্ছ্রুতবান্ ইমং গুহ্যতমং পরম্ ।
যোগং যোগেশ্বরাত্কৃষ্ণাত্ সাক্ষাত্কথযতঃ স্বযম্ ॥75॥

রাজন্সংস্মৃত্য় সংস্মৃত্য় সংবাদমিমমদ্ভুতম্ ।
কেশবার্জুনয়োঃ পুণ্য়ং হৃষ্য়ামি চ মুহুর্মুহুঃ ॥76॥

তচ্চ সংস্মৃত্য় সংস্মৃত্য় রূপমত্যদ্ভুতং হরেঃ ।
বিস্ময়ো মে মহান্রাজন্ হৃষ্য়ামি চ পুনঃ পুনঃ ॥77॥

যত্র যোগেশ্বরঃ কৃষ্ণঃ যত্র পার্থো ধনুর্ধরঃ ।
তত্র শ্রীর্বিজয়ো ভূতিঃ ধ্রুবা নীতির্মতির্মম ॥78॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং
যোগশাস্ত্রে শ্রীকৃষ্ণার্জুনসংবাদে মোক্ষসন্ন্য়াসয়োগো নাম অষ্টাদশোঽধ্য়ায়ঃ ॥