অথ চতুর্থোঽধ্য়ায়ঃ ।
রাজা উবাচ ।
যানি যানি ইহ কর্মাণি যৈঃ যৈঃ স্বচ্ছংদজন্মভিঃ ।
চক্রে করোতি কর্তা বা হরিঃ তানি ব্রুবংতু নঃ ॥ 1॥
দ্রুমিলঃ উবাচ ।
যঃ বা অনংতস্য় গুণান্ অনংতান্
অনুক্রমিষ্যন্ সঃ তু বালবুদ্ধিঃ ।
রজাংসি ভূমেঃ গণয়েত্ কথংচিত্
কালেন ন এব অখিলশক্তিধাম্নঃ ॥ 2॥
ভূতৈঃ যদা পংচভিঃ আত্মসৃষ্টৈঃ
পুরং বিরাজং বিরচয়্য় তস্মিন্ ।
স্বাংশেন বিষ্টঃ পুরুষাভিধান
মবাপ নারাযণঃ আদিদেবঃ ॥ 3॥
যত্ কায়ঃ এষঃ ভুবনত্রযসংনিবেশঃ
যস্য় ইংদ্রিয়ৈঃ তনুভৃতাং উভয়ৈংদ্রিয়াণি ।
জ্ঞানং স্বতঃ শ্বসনতঃ বলং ওজঃ ঈহা
সত্ত্বাদিভিঃ স্থিতিলয়ৌদ্ভবঃ আদিকর্তা ॥ 4॥
আদৌ অভূত্ শতধৃতী রজস অস্য় সর্গে
বিষ্ণু স্থিতৌ ক্রতুপতিঃ দ্বিজধর্মসেতুঃ ।
রুদ্রঃ অপি অয়ায় তমসা পুরুষঃ সঃ আদ্য়ঃ
ইতি উদ্ভবস্থিতিলয়াঃ সততং প্রজাসু ॥ 5॥
ধর্মস্য় দক্ষদুহিতর্যজনিষ্টঃ মূর্ত্য়া
নারাযণঃ নরঃ ঋষিপ্রবরঃ প্রশাংতঃ ।
নৈষ্কর্ম্যলক্ষণং উবাচ চচার কর্ম
যঃ অদ্য় অপি চ আস্ত ঋষিবর্যনিষেবিতাংঘ্রিঃ ॥ 6॥
ইংদ্রঃ বিশংক্য় মম ধাম জিঘৃক্ষতি ইতি
কামং ন্যয়ুংক্ত সগণং সঃ বদরিউপাখ্যম্ ।
গত্বা অপ্সরোগণবসংতসুমংদবাতৈঃ
স্ত্রীপ্রেক্ষণ ইষুভিঃ অবিধ্যতত্ মহিজ্ঞঃ ॥ 7॥
বিজ্ঞায় শক্রকৃতং অক্রমং আদিদেবঃ
প্রাহ প্রহস্য় গতবিস্ময়ঃ এজমানান্ ।
মা ভৈষ্ট ভো মদন মারুত দেববধ্বঃ
গৃহ্ণীত নঃ বলিং অশূন্য়ং ইমং কুরুধ্বম্ ॥ 8॥
ইত্থং ব্রুবতি অভযদে নরদেব দেবাঃ
সব্রীডনম্রশিরসঃ সঘৃণং তং ঊচুঃ ।
ন এতত্ বিভো ত্বয়ি পরে অবিকৃতে বিচিত্রম্
স্বারামধীঃ অনিকরানতপাদপদ্মে ॥ 9॥
ত্বাং সেবতাং সুরকৃতা বহবঃ অংতরায়াঃ
স্বৌকো বিলংঘ্য় পরমং ব্রজতাং পদং তে ।
ন অন্যস্য় বর্হিষি বলীন্ দদতঃ স্বভাগান্
ধত্তে পদং ত্বং অবিতা যদি বিঘ্নমূর্ধ্নি ॥ 10॥
ক্ষুত্ তৃট্ত্রিকালগুণমারুতজৈব্হ্যশৈশ্ন্য়ান্
অস্মান্ অপারজলধীন্ অতিতীর্য় কেচিত্ ।
ক্রোধস্য় যাংতি বিফলস্য় বশ পদে গোঃ
মজ্জংতি দুশ্চরতপঃ চ বৃথা উত্সৃজংতি ॥ 11॥
ইতি প্রগৃণতাং তেষাং স্ত্রিয়ঃ অতি অদ্ভুতদর্শনাঃ ।
দর্শয়ামাস শুশ্রূষাং স্বর্চিতাঃ কুর্বতীঃ বিভুঃ ॥ 12॥
তে দেব অনুচরাঃ দৃষ্ট্বা স্ত্রিয়ঃ শ্রীঃ ইব রূপিণীঃ ।
গংধেন মুমুহুঃ তাসাং রূপ ঔদার্যহতশ্রিয়ঃ ॥ 13॥
তান্ আহ দেবদেব ঈশঃ প্রণতান্ প্রহসন্ ইব ।
আসাং একতমাং বৃংগ্ধ্বং সবর্ণাং স্বর্গভূষণাম্ ॥
14॥
ওং ইতি আদেশং আদায় নত্বা তং সুরবংদিনঃ ।
উর্বশীং অপ্সরঃশ্রেষ্ঠাং পুরস্কৃত্য় দিবং যয়ুঃ ॥ 15॥
ইংদ্রায় আনম্য় সদসি শ্রুণ্বতাং ত্রিদিবৌকসাম্ ।
ঊচুঃ নারাযণবলং শক্রঃ তত্র আস বিস্মিতঃ ॥ 16॥
হংসস্বরূপী অবদদত্ অচ্য়ুতঃ আত্ময়োগম্
দত্তঃ কুমার ঋষভঃ ভগবান্ পিতা নঃ ।
বিষ্ণুঃ শিবায় জগতাং কলয়া অবতীর্ণঃ
তেন আহৃতাঃ মধুভিদা শ্রুতয়ঃ হয়াস্য়ে ॥ 17॥
গুপ্তঃ অপি অয়ে মনুঃ ইলা ওষধয়ঃ চ মাত্স্য়ে
ক্রৌডে হতঃ দিতিজঃ উদ্ধরতা অংভসঃ ক্ষ্মাম্ ।
কৌর্মে ধৃতঃ অদ্রিঃ অমৃত উন্মথনে স্বপৃষ্ঠে
গ্রাহাত্ প্রপন্নমিভরাজং অমুংচত্ আর্তম্ ॥ 18॥
সংস্তুন্বতঃ অব্ধিপতিতান্ শ্রমণান্ ঋষীং চ
শক্রং চ বৃত্রবধতঃ তমসি প্রবিষ্টম্ ।
দেবস্ত্রিয়ঃ অসুরগৃহে পিহিতাঃ অনাথাঃ
জঘ্নে অসুরেংদ্রং অভয়ায় সতাং নৃসিংহে ॥ 19॥
দেব অসুরে যুধি চ দৈত্যপতীন্ সুরার্থে
হত্বা অংতরেষু ভুবনানি অদধাত্ কলাভিঃ ।
ভূত্বা অথ বামনঃ ইমাং অহরত্ বলেঃ ক্ষ্মাম্
যাংচাচ্ছলেন সমদাত্ অদিতেঃ সুতেভ্য়ঃ ॥ 20॥
নিঃক্ষত্রিয়াং অকৃত গাং চ ত্রিঃসপ্তকৃত্বঃ
রামঃ তু হৈহযকুল অপি অযভার্গব অগ্নিঃ ।
সঃ অব্ধিং ববংধ দশবক্ত্রং অহন্ সলংকম্
সীতাপতিঃ জযতি লোকং অলঘ্নকীর্তিঃ ॥ 21॥
ভূমেঃ ভর অবতরণায় যদুষি অজন্মা জাতঃ
করিষ্যতি সুরৈঃ অপি দুষ্করাণি ।
বাদৈঃ বিমোহযতি যজ্ঞকৃতঃ অতদর্হান্
শূদ্রাং কলৌ ক্ষিতিভুজঃ ন্যহনিষ্যদংতে ॥ 22॥
এবংবিধানি কর্মাণি জন্মানি চ জগত্ পতেঃ ।
ভূরীণি ভূরিযশসঃ বর্ণিতানি মহাভুজ ॥ 23॥
ইতি শ্রীমদ্ভগবতে মহাপুরাণে পারমহংস্য়াং
সংহিতায়ামেকাদশস্কংধে নিমিজায়ংতসংবাদে
চতুর্থোঽধ্য়ায়ঃ ॥
