অথ নবমোঽধ্য়ায়ঃ ।
রাজবিদ্য়ারাজগুহ্যয়োগঃ
শ্রীভগবানুবাচ ।
ইদং তু তে গুহ্যতমং প্রবক্ষ্য়াম্যনসূযবে ।
জ্ঞানং বিজ্ঞানসহিতং যজ্জ্ঞাত্বা মোক্ষ্যসেঽশুভাত্ ॥ 1 ॥
রাজবিদ্য়া রাজগুহ্য়ং পবিত্রমিদমুত্তমম্ ।
প্রত্যক্ষাবগমং ধর্ম্য়ং সুসুখং কর্তুমব্যযম্ ॥ 2 ॥
অশ্রদ্দধানাঃ পুরুষা ধর্মস্য়াস্য় পরংতপ ।
অপ্রাপ্য় মাং নিবর্তংতে মৃত্য়ুসংসারবর্ত্মনি ॥ 3 ॥
ময়া ততমিদং সর্বং জগদব্যক্তমূর্তিনা ।
মত্স্থানি সর্বভূতানি ন চাহং তেষ্ববস্থিতঃ ॥ 4 ॥
ন চ মত্স্থানি ভূতানি পশ্য় মে যোগমৈশ্বরম্ ।
ভূতভৃন্ন চ ভূতস্থো মমাত্মা ভূতভাবনঃ ॥ 5 ॥
যথাকাশস্থিতো নিত্য়ং বায়ুঃ সর্বত্রগো মহান্ ।
তথা সর্বাণি ভূতানি মত্স্থানীত্য়ুপধারয় ॥ 6 ॥
সর্বভূতানি কৌংতেয় প্রকৃতিং যাংতি মামিকাম্ ।
কল্পক্ষয়ে পুনস্তানি কল্পাদৌ বিসৃজাম্যহম্ ॥ 7 ॥
প্রকৃতিং স্বামবষ্টভ্য় বিসৃজামি পুনঃ পুনঃ ।
ভূতগ্রামমিমং কৃত্স্নমবশং প্রকৃতের্বশাত্ ॥ 8 ॥
ন চ মাং তানি কর্মাণি নিবধ্নংতি ধনংজয় ।
উদাসীনবদাসীনমসক্তং তেষু কর্মসু ॥ 9 ॥
ময়াধ্যক্ষেণ প্রকৃতিঃ সূযতে সচরাচরম্ ।
হেতুনানেন কৌংতেয় জগদ্বিপরিবর্ততে ॥ 10 ॥
অবজানংতি মাং মূঢা মানুষীং তনুমাশ্রিতম্ ।
পরং ভাবমজানংতো মম ভূতমহেশ্বরম্ ॥ 11 ॥
মোঘাশা মোঘকর্মাণো মোঘজ্ঞানা বিচেতসঃ ।
রাক্ষসীমাসুরীং চৈব প্রকৃতিং মোহিনীং শ্রিতাঃ ॥ 12 ॥
মহাত্মানস্তু মাং পার্থ দৈবীং প্রকৃতিমাশ্রিতাঃ ।
ভজংত্যনন্যমনসো জ্ঞাত্বা ভূতাদিমব্যযম্ ॥ 13 ॥
সততং কীর্তয়ংতো মাং যতংতশ্চ দৃঢব্রতাঃ ।
নমস্য়ংতশ্চ মাং ভক্ত্য়া নিত্যয়ুক্তা উপাসতে ॥ 14 ॥
জ্ঞানযজ্ঞেন চাপ্যন্য়ে যজংতো মামুপাসতে ।
একত্বেন পৃথক্ত্বেন বহুধা বিশ্বতোমুখম্ ॥ 15 ॥
অহং ক্রতুরহং যজ্ঞঃ স্বধাহমহমৌষধম্ ।
মংত্রোঽহমহমেবাজ্যমহমগ্নিরহং হুতম্ ॥ 16 ॥
পিতাহমস্য় জগতো মাতা ধাতা পিতামহঃ ।
বেদ্য়ং পবিত্রমোংকার ঋক্সাম যজুরেব চ ॥ 17 ॥
গতির্ভর্তা প্রভুঃ সাক্ষী নিবাসঃ শরণং সুহৃত্ ।
প্রভবঃ প্রলয়ঃ স্থানং নিধানং বীজমব্যযম্ ॥ 18 ॥
তপাম্যহমহং বর্ষং নিগৃহ্ণাম্য়ুত্সৃজামি চ ।
অমৃতং চৈব মৃত্য়ুশ্চ সদসচ্চাহমর্জুন ॥ 19 ॥
ত্রৈবিদ্য়া মাং সোমপাঃ পূতপাপা যজ্ঞৈরিষ্ট্বা স্বর্গতিং প্রার্থয়ংতে।
তে পুণ্যমাসাদ্য় সুরেংদ্রলোকমশ্নংতি দিব্য়াংদিবি দেবভোগান্ ॥ 20 ॥
তে তং ভুক্ত্বা স্বর্গলোকং বিশালং ক্ষীণে পুণ্য়ে মর্ত্যলোকং বিশংতি।
এবং ত্রয়ীধর্মমনুপ্রপন্না গতাগতং কামকামা লভংতে ॥ 21 ॥
অনন্য়াশ্চিংতয়ংতো মাং যে জনাঃ পর্য়ুপাসতে ।
তেষাং নিত্য়াভিয়ুক্তানাং যোগক্ষেমং বহাম্যহম্ ॥ 22॥
যেঽপ্যন্যদেবতা ভক্তা যজংতে শ্রদ্ধয়ান্বিতাঃ ।
তেঽপি মামেব কৌংতেয় যজংত্যবিধি পূর্বকম্ ॥ 23 ॥
অহং হি সর্বযজ্ঞানাং ভোক্তা চ প্রভুরেব চ ।
ন তু মামভিজানংতি তত্ত্বেনাতশ্চ্যবংতি তে ॥ 24 ॥
যাংতি দেবব্রতা দেবান্পিতৄন্য়াংতি পিতৃব্রতাঃ ।
ভূতানি যাংতি ভূতেজ্য়া যাংতি মদ্য়াজিনোঽপি মাম্ ॥ 25 ॥
পত্রং পুষ্পং ফলং তোয়ং যো মে ভক্ত্য়া প্রযচ্ছতি ।
তদহং ভক্ত্য়ুপহৃতমশ্নামি প্রযতাত্মনঃ ॥ 26 ॥
যত্করোষি যদশ্নাসি যজ্জুহোষি দদাসি যত্ ।
যত্তপস্যসি কৌংতেয় তত্কুরুষ্ব মদর্পণম্ ॥ 27 ॥
শুভাশুভফলৈরেবং মোক্ষ্যসে কর্মবংধনৈঃ ।
সংন্য়াসয়োগয়ুক্তাত্মা বিমুক্তো মামুপৈষ্যসি ॥ 28 ॥
সমোঽহং সর্বভূতেষু ন মে দ্বেষ্য়োঽস্তি ন প্রিয়ঃ ।
যে ভজংতি তু মাং ভক্ত্য়া ময়ি তে তেষু চাপ্যহম্ ॥ 29 ॥
অপি চেত্সুদুরাচারো ভজতে মামনন্যভাক্ ।
সাধুরেব স মংতব্য়ঃ সম্যগ্ব্যবসিতো হি সঃ ॥ 30 ॥
ক্ষিপ্রং ভবতি ধর্মাত্মা শশ্বচ্ছাংতিং নিগচ্ছতি ।
কৌংতেয় প্রতিজানীহি ন মে ভক্তঃ প্রণশ্যতি ॥ 31 ॥
মাং হি পার্থ ব্যপাশ্রিত্য় যেঽপি স্য়ুঃ পাপয়োনয়ঃ ।
স্ত্রিয়ো বৈশ্য়াস্তথা শূদ্রাস্তেঽপি যাংতি পরাং গতিম্ ॥ 32 ॥
কিং পুনর্ব্রাহ্মণাঃ পুণ্য়া ভক্তা রাজর্ষযস্তথা ।
অনিত্যমসুখং লোকমিমং প্রাপ্য় ভজস্ব মাম্ ॥ 33 ॥
মন্মনা ভব মদ্ভক্তো মদ্য়াজী মাং নমস্কুরু ।
মামেবৈষ্যসি যুক্ত্বৈবমাত্মানং মত্পরাযণঃ ॥ 34 ॥
ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে
রাজবিদ্য়ারাজগুহ্যয়োগো নাম নবমোঽধ্য়ায়ঃ ॥9 ॥
