ওং শ্রী পরমাত্মনে নমঃ
অথ ষষ্ঠোঽধ্য়ায়ঃ
আত্মসংযময়োগঃ

শ্রী ভগবানুবাচ
অনাশ্রিতঃ কর্মফলং কার্য়ং কর্ম করোতি যঃ ।
স সন্ন্য়াসী চ যোগী চ ন নিরগ্নির্ন চাক্রিয়ঃ ॥1॥

যং সন্ন্য়াসমিতি প্রাহুঃ যোগং তং বিদ্ধি পাংডব ।
ন হ্যসন্ন্যস্তসংকল্পঃ যোগী ভবতি কশ্চন ॥2॥

আরুরুক্ষোর্মুনের্য়োগং কর্ম কারণমুচ্যতে ।
যোগারূঢস্য় তস্য়ৈব শমঃ কারণমুচ্যতে ॥3॥

যদা হি নেংদ্রিয়ার্থেষু ন কর্মস্বনুষজ্জতে ।
সর্বসংকল্পসন্ন্য়াসী যোগারূঢস্তদোচ্যতে ॥4॥

উদ্ধরেদাত্মনাঽঽত্মানং নাত্মানমবসাদয়েত্ ।
আত্মৈব হ্য়াত্মনো বংধুঃ আত্মৈব রিপুরাত্মনঃ ॥5॥

বংধুরাত্মাত্মনস্তস্য় যেনাত্মৈবাত্মনা জিতঃ ।
অনাত্মনস্তু শত্রুত্বে বর্তেতাত্মৈব শত্রুবত্ ॥6॥

জিতাত্মনঃ প্রশাংতস্য় পরমাত্মা সমাহিতঃ ।
শীতোষ্ণসুখদুঃখেষু তথা মানাপমানয়োঃ ॥7॥

জ্ঞানবিজ্ঞানতৃপ্তাত্মা কূটস্থো বিজিতেংদ্রিয়ঃ ।
যুক্ত ইত্য়ুচ্যতে যোগী সমলোষ্টাশ্মকাংচনঃ ॥8॥

সুহৃন্মিত্রার্য়ুদাসীনমধ্যস্থদ্বেষ্যবংধুষু ।
সাধুষ্বপি চ পাপেষু সমবুদ্ধির্বিশিষ্যতে ॥9॥

যোগী যুংজীত সততম্ আত্মানং রহসি স্থিতঃ ।
একাকী যতচিত্তাত্মা নিরাশীরপরিগ্রহঃ ॥10॥

শুচৌ দেশে প্রতিষ্ঠাপ্য় স্থিরমাসনমাত্মনঃ ।
নাত্য়ুচ্ছ্রিতং নাতিনীচং চৈলাজিনকুশোত্তরম্ ॥11॥

তত্রৈকাগ্রং মনঃ কৃত্বা যতচিত্তেংদ্রিযক্রিয়ঃ ।
উপবিশ্য়াসনে যুংজ্য়াত্ যোগমাত্মবিশুদ্ধয়ে ॥12॥

সমং কাযশিরোগ্রীবং ধারযন্নচলং স্থিরঃ ।
সংপ্রেক্ষ্য় নাসিকাগ্রং স্বং দিশশ্চানবলোকযন্ ॥13॥

প্রশাংতাত্মা বিগত ভীঃ ব্রহ্মচারিব্রতে স্থিতঃ ।
মনঃ সংযম্য় মচ্চিত্তঃ যুক্ত আসীত মত্পরঃ ॥14॥

যুংজন্নেবং সদাঽঽত্মানং যোগী নিযতমানসঃ ।
শাংতিং নির্বাণপরমাং মত্সংস্থামধিগচ্ছতি ॥15॥

নাত্যশ্নতস্তু যোগোঽস্তি ন চৈকাংতমনশ্নতঃ ।
ন চাতি স্বপ্নশীলস্য় জাগ্রতো নৈব চার্জুন ॥16॥

যুক্তাহারবিহারস্য় যুক্তচেষ্টস্য় কর্মসু ।
যুক্তস্বপ্নাববোধস্য় যোগো ভবতি দুঃখহা ॥17॥

যদা বিনিযতং চিত্তম্ আত্মন্য়েবাবতিষ্ঠতে ।
নিস্স্পৃহঃ সর্বকামেভ্য়ঃ যুক্ত ইত্য়ুচ্যতে তদা ॥18॥

যথা দীপো নিবাতস্থঃ নেংগতে সোপমা স্মৃতা ।
যোগিনো যতচিত্তস্য় যুংজতো যোগমাত্মনঃ ॥19॥

যত্রোপরমতে চিত্তং নিরুদ্ধং যোগসেবয়া ।
যত্র চৈবাত্মনাত্মানং পশ্যন্নাত্মনি তুষ্যতি ॥20॥

সুখমাত্য়ংতিকং যত্তত্ বুদ্ধিগ্রাহ্যমতীংদ্রিযম্ ।
বেত্তি যত্র ন চৈবায়ং স্থিতশ্চলতি তত্ত্বতঃ ॥21॥

যং লব্ধ্বা চাপরং লাভং মন্যতে নাধিকং ততঃ ।
যস্মিন্ স্থিতো ন দুঃখেন গুরুণাপি বিচাল্যতে ॥22॥

তং বিদ্য়াত্ দুঃখসংয়োগবিয়োগং যোগসংজ্ঞিতম্ ।
স নিশ্চয়েন যোক্তব্য়ঃ যোগোঽনির্বিণ্ণচেতসা ॥23॥

সংকল্পপ্রভবান্কামান্ ত্যক্ত্বা সর্বানশেষতঃ ।
মনসৈবেংদ্রিযগ্রামং বিনিযম্য় সমংততঃ ॥24॥

শনৈঃ শনৈরুপরমেত্ বুদ্ধ্য়া ধৃতিগৃহীতয়া ।
আত্মসংস্থং মনঃ কৃত্বা ন কিংচিদপি চিংতয়েত্ ॥25॥

যতো যতো নিশ্চরতি মনশ্চংচলমস্থিরম্ ।
ততস্ততো নিযম্য়ৈতত্ আত্মন্য়েব বশং নয়েত্ ॥26॥

প্রশাংতমনসং হ্য়েনং যোগিনং সুখমুত্তমম্ ।
উপৈতি শাংতরজসং ব্রহ্মভূতমকল্মষম্ ॥27॥

যুংজন্নেবং সদাঽঽত্মানং যোগী বিগতকল্মষঃ ।
সুখেন ব্রহ্মসংস্পর্শম্ অত্য়ংতং সুখমশ্নুতে ॥28॥

সর্বভূতস্থমাত্মানং সর্বভূতানি চাত্মনি ।
ঈক্ষতে যোগয়ুক্তাত্মা সর্বত্র সমদর্শনঃ ॥29॥

যো মাং পশ্যতি সর্বত্র সর্বং চ ময়ি পশ্যতি ।
তস্য়াহং ন প্রণশ্য়ামি স চ মে ন প্রণশ্যতি ॥30॥

সর্বভূতস্থিতং যো মাং ভজত্য়েকত্বমাস্থিতঃ ।
সর্বথা বর্তমানোঽপি স যোগী ময়ি বর্ততে ॥31॥

আত্মৌপম্য়েন সর্বত্র সমং পশ্যতি যোঽর্জুন ।
সুখং বা যদি বা দুঃখং স যোগী পরমো মতঃ ॥32॥

অর্জুন উবাচ -
যোঽয়ং যোগস্ত্বয়া প্রোক্তঃ সাম্য়েন মধুসূদন ।
এতস্য়াহং ন পশ্য়ামি চংচলত্বাত্‌স্থিতিং স্থিরাম্ ॥33॥

চংচলং হি মনঃ কৃষ্ণ প্রমাথি বলবদ্দৃঢম্ ।
তস্য়াহং নিগ্রহং মন্য়ে বায়োরিব সুদুষ্করম্ ॥34॥

শ্রী ভগবানুবাচ -
অসংশয়ং মহাবাহো মনো দুর্নিগ্রহং চলম্ ।
অভ্য়াসেন তু কৌংতেয় বৈরাগ্য়েণ চ গৃহ্যতে ॥35॥

অসংযতাত্মনা যোগঃ দুষ্প্রাপ ইতি মে মতিঃ ।
বশ্য়াত্মনা তু যততা শক্য়োঽবাপ্তুমুপাযতঃ ॥36॥

অর্জুন উবাচ
অযতিঃ শ্রদ্ধয়োপেতঃ যোগাচ্চলিতমানসঃ ।
অপ্রাপ্য় যোগসংসিদ্ধিং কাং গতিং কৃষ্ণ গচ্ছতি ॥37॥

কচ্চিন্নোভযবিভ্রষ্টঃ ছিন্নাভ্রমিব নশ্যতি ।
অপ্রতিষ্ঠো মহাবাহো বিমূঢো ব্রহ্মণঃ পথি ॥38॥

এতন্মে সংশয়ং কৃষ্ণ ছেত্তুমর্হস্যশেষতঃ ।
ত্বদন্য়ঃ সংশযস্য়াস্য় ছেত্তা ন হ্য়ুপপদ্যতে ॥39॥

শ্রী ভগবানুবাচ
পার্থ নৈবেহ নামুত্র বিনাশস্তস্য় বিদ্যতে ।
ন হি কল্য়াণকৃত্কশ্চিত্ দুর্গতিং তাত গচ্ছতি ॥40॥

প্রাপ্য় পুণ্যকৃতাং লোকান্ উষিত্বা শাশ্বতীঃ সমাঃ ।
শুচীনাং শ্রীমতাং গেহে যোগভ্রষ্টোঽভিজাযতে ॥41॥

অথবা যোগিনামেব কুলে ভবতি ধীমতাম্ ।
এতদ্ধি দুর্লভতরং লোকে জন্ম যদীদৃশম্ ॥42॥

তত্র তং বুদ্ধিসংয়োগং লভতে পৌর্বদেহিকম্ ।
যততে চ ততো ভূয়ঃ সংসিদ্ধৌ কুরুনংদন ॥43॥

পূর্বাভ্য়াসেন তেনৈব হ্রিযতে হ্যবশোঽপি সঃ ।
জিজ্ঞাসুরপি যোগস্য় শব্দব্রহ্মাতিবর্ততে ॥44॥

প্রযত্নাদ্যতমানস্তু যোগী সংশুদ্ধকিল্বিষঃ ।
অনেকজন্মসংসিদ্ধঃ ততো যাতি পরাং গতিম্ ॥45॥

তপস্বিভ্য়োঽধিকো যোগী জ্ঞানিভ্য়োঽপি মতোঽধিকঃ ।
কর্মিভ্যশ্চাধিকো যোগী তস্মাদ্য়োগী ভবার্জুন ॥46॥

যোগিনামপি সর্বেষাং মদ্গতেনাংতরাত্মনা ।
শ্রদ্ধাবান্ভজতে যো মাং স মে যুক্ততমো মতঃ ॥47॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং
যোগশাস্ত্রে শ্রীকৃষ্ণার্জুনসংবাদে আত্মসংযময়োগো নাম ষষ্ঠোঽধ্য়ায়ঃ ॥