অথ নবমোঽধ্য়ায়ঃ ।
ব্রাহ্মণঃ উবাচ ।
পরিগ্রহঃ হি দুঃখায় যত্ যত্ প্রিযতমং নৃণাম্ ।
অনংতং সুখং আপ্নোতি তত্ বিদ্বান্ যঃ তু অকিংচনঃ ॥ 1॥
সামিষং কুররং জঘ্নুঃ বলিনঃ যে নিরামিষাঃ ।
তত্ আমিষং পরিত্যজ্য় সঃ সুখং সমবিংদত ॥ 2॥
ন মে মানাবমানৌ স্তঃ ন চিংতা গেহপুত্রিণাম্ ।
আত্মক্রীডঃ আত্মরতিঃ বিচরামি ইহ বালবত্ ॥ 3॥
দ্বৌ এব চিংতয়া মুক্তৌ পরম আনংদঃ আপ্লুতৌ ।
যঃ বিমুগ্ধঃ জডঃ বালঃ যঃ গুণেভ্য়ঃ পরং গতঃ ॥ 4॥
ক্বচিত্ কুমারী তু আত্মানং বৃণানান্ গৃহং আগতান্ ।
স্বয়ং তান্ অর্হয়ামাস ক্বাপি যাতেষু বংধুষু ॥ 5॥
তেষং অভ্যবহারার্থং শালীন্ রহসি পার্থিব ।
অবঘ্নংত্য়াঃ প্রকোষ্ঠস্থাঃ চক্রুঃ শংখাঃ স্বনং মহত্ ॥
6॥
সা তত্ জুগুপ্সিতং মত্বা মহতী ব্রীডিতা ততঃ ।
বভংজ একৈকশঃ শংখান্ দ্বৌ দ্বৌ পাণ্য়োঃ অশেষযত্ ॥
7॥
উভয়োঃ অপি অভূত্ ঘোষঃ হি অবঘ্নংত্য়াঃ স্ম শংখয়োঃ ।
তত্র অপি একং নিরভিদত্ একস্মান্ ন অভবত্ ধ্বনিঃ ॥ 8॥
অন্বশিক্ষং ইমং তস্য়াঃ উপদেশং অরিংদম ।
লোকান্ অনুচরন্ এতান্ লোকতত্ত্ববিবিত্সয়া ॥ 9॥
বাসে বহূনাং কলহঃ ভবেত্ বার্তা দ্বয়োঃ অপি ।
একঃ এব চরেত্ তস্মাত্ কুমার্য়াঃ ইব কংকণঃ ॥ 10॥
মনঃ একত্র সংয়ুজ্য়াত্ জিতশ্বাসঃ জিত আসনঃ ।
বৈরাগ্য়াভ্য়াসয়োগেন ধ্রিযমাণং অতংদ্রিতঃ ॥ 11॥
যস্মিন্ মনঃ লব্ধপদং যত্ এতত্
শনৈঃ শনৈঃ মুংচতি কর্মরেণূন্ ।
সত্ত্বেন বৃদ্ধেন রজঃ তমঃ চ
বিধূয় নির্বাণং উপৈতি অনিংধনম্ ॥ 12॥
তত্ এবং আত্মনি অবরুদ্ধচিত্তঃ
ন বেদ কিংচিত্ বহিঃ অংতরং বা ।
যথা ইষুকারঃ নৃপতিং ব্রজংতম্
ইষৌ গতাত্মা ন দদর্শ পার্শ্বে ॥ 13॥
একচার্যনিকেতঃ স্য়াত্ অপ্রমত্তঃ গুহাশয়ঃ ।
অলক্ষ্যমাণঃ আচারৈঃ মুনিঃ একঃ অল্পভাষণঃ ॥ 14॥
গৃহারংভঃ অতিদুঃখায় বিফলঃ চ অধ্রুবাত্মনঃ ।
সর্পঃ পরকৃতং বেশ্ম প্রবিশ্য় সুখং এধতে ॥ 15॥
একো নারাযণো দেবঃ পূর্বসৃষ্টং স্বমাযয়া ।
সংহৃত্য় কালকলয়া কল্পাংত ইদমীশ্বরঃ ॥ 16॥
এক এবাদ্বিতীয়োঽভূদাত্মাধারোঽখিলাশ্রয়ঃ ।
কালেনাত্মানুভাবেন সাম্য়ং নীতাসু শক্তিষু ।
সত্ত্বাদিষ্বাদিপুএরুষঃ প্রধানপুরুষেশ্বরঃ ॥ 17॥
পরাবরাণাং পরম আস্তে কৈবল্যসংজ্ঞিতঃ ।
কেবলানুভবানংদসংদোহো নিরুপাধিকঃ ॥ 18॥
কেবলাত্মানুভাবেন স্বমায়াং ত্রিগুণাত্মিকাম্ ।
সংক্ষোভযন্সৃজত্য়াদৌ তয়া সূত্রমরিংদম ॥ 19॥
তামাহুস্ত্রিগুণব্যক্তিং সৃজংতীং বিশ্বতোমুখম্ ।
যস্মিন্প্রোতমিদং বিশ্বং যেন সংসরতে পুমান্ ॥ 20॥
যথা ঊর্ণনাভিঃ হৃদয়াত্ ঊর্ণাং সংতত্য় বক্ত্রতঃ ।
তয়া বিহৃত্য় ভূযস্তাং গ্রসতি এবং মহেশ্বরঃ ॥ 21॥
যত্র যত্র মনঃ দেহী ধারয়েত্ সকলং ধিয়া ।
স্নেহাত্ দ্বেষাত্ ভয়াত্ বা অপি যাতি তত্ তত্ সরূপতাম্ ॥ 22॥
কীটঃ পেশস্কৃতং ধ্য়াযন্ কুড্য়াং তেন প্রবেশিতঃ ।
যাতি তত্ স্সত্মতাং রাজন্ পূর্বরূপং অসংত্যজন্ ॥ 23॥
এবং গুরুভ্য়ঃ এতেভ্য়ঃ এষ মে শিক্ষিতা মতিঃ ।
স্বাত্মা উপশিক্ষিতাং বুদ্ধিং শ্রুণু মে বদতঃ প্রভো ॥ 24॥
দেহঃ গুরুঃ মম বিরক্তিবিবেকহেতুঃ
বিভ্রত্ স্ম সত্ত্বনিধনং সতত অর্ত্য়ুত্ অর্কম্ ।
তত্ত্বানি অনেন বিমৃশামি যথা তথা অপি
পারক্য়ং ইতি অবসিতঃ বিচরামি অসংগঃ ॥ 25॥
জায়াত্মজার্থপশুভৃত্যগৃহাপ্তবর্গান্
পুষ্ণাতি যত্ প্রিযচিকীর্ষয়া বিতন্বন্ ॥
স্বাংতে সকৃচ্ছ্রং অবরুদ্ধধনঃ সঃ দেহঃ
সৃষ্ট্বা অস্য় বীজং অবসীদতি বৃক্ষধর্মা ॥ 26॥
জিহ্বা একতঃ অমুং অবকর্ষতি কর্হি তর্ষা
শিশ্নঃ অন্যতঃ ত্বক্ উদরং শ্রবণং কুতশ্চিত্ ।
গ্রাণঃ অন্যতঃ চপলদৃক্ ক্ব চ কর্মশক্তিঃ
বহ্ব্য়ঃ সপত্ন্য়ঃ ইব গেহপতিং লুনংতি ॥ 27॥
সৃষ্ট্বা পুরাণি বিবিধানি অজয়া আত্মশক্ত্য়া
বৃক্ষান্ সরীসৃপপশূন্খগদংশমত্স্য়ান্ ।
তৈঃ তৈঃ অতুষ্টহৃদয়ঃ পুরুষং বিধায়
ব্রহ্মাবলোকধিষণং মুদমাপ দেবঃ ॥ 28॥
লব্ধ্বা সুদুর্লভং ইদং বহুসংভবাংতে
মানুষ্যমর্থদমনিত্যমপীহ ধীরঃ ।
তূর্ণং যতেত ন পতেত্ অনুমৃত্য়ুঃ যাবত্
নিঃশ্রেযসায় বিষয়ঃ খলু সর্বতঃ স্য়াত্ ॥ 29॥
এবং সংজাতবৈরাগ্য়ঃ বিজ্ঞানলোক আত্মনি ।
বিচরামি মহীং এতাং মুক্তসংগঃ অনহংকৃতিঃ ॥ 30॥
ন হি একস্মাত্ গুরোঃ জ্ঞানং সুস্থিরং স্য়াত্ সুপুষ্কলম্ ।
ব্রহ্ম এতত্ অদ্বিতীয়ং বৈ গীযতে বহুধা ঋষিভিঃ ॥ 31॥
শ্রীভগবানুবাচ ।
ইত্য়ুক্ত্বা স যদুং বিপ্রস্তমামংত্রয় গভীরধীঃ ।
বংদিতো।আভ্যর্থিতো রাজ্ঞা যয়ৌ প্রীতো যথাগতম্ ॥ 32॥
অবধূতবচঃ শ্রুত্বা পূর্বেষাং নঃ স পূর্বজঃ ।
সর্বসংগবিনির্মুক্তঃ সমচিত্তো বভূব হ ॥ 33॥
(ইতি অবধূতগীতম্ ।)
ইতি শ্রীমদ্ভাগবতে মহাপুরাণে পারমহংস্য়াং
সংহিতায়ামেকাদশস্কংধে ভগবদুদ্ধবসংবাদে
নবমোঽধ্য়ায়ঃ ॥
