ಅಥ ಪಞ್ಚಮಸ್ತೋತ್ರಮ್
ವಾಸುದೇವಾಪರಿಮೇಯಸುಧಾಮನ್ ಶುದ್ಧಸದೋದಿತ ಸುನ್ದರೀಕಾನ್ತ ।
ಧರಾಧರಧಾರಣ ವೇಧುರಧರ್ತಃ ಸೌಧೃತಿದೀಧಿತಿವೇಧೃವಿಧಾತಃ ॥ 1॥
ಅಧಿಕಬನ್ಧಂ ರನ್ಧಯ ಬೋಧಾ ಚ್ಛಿನ್ಧಿಪಿಧಾನಂ ಬನ್ಧುರಮದ್ಧಾ ।
ಕೇಶವ ಕೇಶವ ಶಾಸಕ ವನ್ದೇ ಪಾಶಧರಾರ್ಚಿತ ಶೂರಪರೇಶ (ಶೂರವರೇಶ) ॥ 2॥
ನಾರಾಯಣಾಮಲತಾರಣ (ಕಾರಣ) ವನ್ದೇ ಕಾರಣಕಾರಣ ಪೂರ್ಣ ವರೇಣ್ಯ ।
ಮಾಧವ ಮಾಧವ ಸಾಧಕ ವನ್ದೇ ಬಾಧಕ ಬೋಧಕ ಶುದ್ಧ ಸಮಾಧೇ ॥ 3॥
ಗೋವಿನ್ದ ಗೋವಿನ್ದ ಪುರನ್ದರ ವನ್ದೇ ಸ್ಕನ್ದ ಸನನ್ದನ ವನ್ದಿತ ಪಾದ ।
ವಿಷ್ಣು ಸೃಜಿಷ್ಣು ಗ್ರಸಿಷ್ಣು ವಿವನ್ದೇ ಕೃಷ್ಣ ಸದುಷ್ಣ ವಧಿಷ್ಣ ಸುಧೃಷ್ಣೋ ॥ 4॥
ವಿಷ್ಣೋ ಸೃಜಿಷ್ಣೋ ಗ್ರಸಿಷ್ಣೋ ವಿವನ್ದೇ ಕೃಷ್ಣ ಸದುಷ್ಣವಧಿಷ್ಣೋ ಸುಧೃಷ್ಣೋ
ಮಧುಸೂದನ ದಾನವಸಾದನ ವನ್ದೇ ದೈವತಮೋದನ (ದೈವತಮೋದಿತ) ವೇದಿತ ಪಾದ ।
ತ್ರಿವಿಕ್ರಮ ನಿಷ್ಕ್ರಮ ವಿಕ್ರಮ ವನ್ದೇ ಸುಕ್ರಮ ಸಙ್ಕ್ರಮಹುಙ್ಕೃತವಕ್ತ್ರ ॥ 5॥ (ಸಙ್ಕ್ರಮ ಸುಕ್ರಮ ಹುಙ್ಕೃತವಕ್ತ್ರ)
ವಾಮನ ವಾಮನ ಭಾಮನ ವನ್ದೇ ಸಾಮನ ಸೀಮನ ಸಾಮನ ಸಾನೋ ।
ಶ್ರೀಧರ ಶ್ರೀಧರ ಶನ್ಧರ ವನ್ದೇ ಭೂಧರ ವಾರ್ಧರ ಕನ್ಧರಧಾರಿನ್ ॥ 6॥
ಹೃಷೀಕೇಶ ಸುಕೇಶ ಪರೇಶ ವಿವನ್ದೇ ಶರಣೇಶ ಕಲೇಶ ಬಲೇಶ ಸುಖೇಶ ।
ಪದ್ಮನಾಭ ಶುಭೋದ್ಭವ ವನ್ದೇ ಸಮ್ಭೃತಲೋಕಭರಾಭರ ಭೂರೇ ।
ದಾಮೋದರ ದೂರತರಾನ್ತರ ವನ್ದೇ ದಾರಿತಪಾರಕ ಪಾರ (ದಾರಿತಪಾರಗಪಾರ) ಪರಸ್ಮಾತ್ ॥ 7॥
ಆನನ್ದಸುತೀರ್ಥ ಮುನೀನ್ದ್ರಕೃತಾ ಹರಿಗೀತಿರಿಯಂ ಪರಮಾದರತಃ ।
ಪರಲೋಕವಿಲೋಕನ ಸೂರ್ಯನಿಭಾ ಹರಿಭಕ್ತಿ ವಿವರ್ಧನ ಶೌಣ್ಡತಮಾ ॥ 8॥
ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ
ದ್ವಾದಶಸ್ತೋತ್ರೇಷು ಪಞ್ಚಮಸ್ತೋತ್ರಂ ಸಮ್ಪೂರ್ಣಮ್
