ಓಂ ಗೋಪಾಲಾಯ ವಿದ್ಮಹೇ ಗೋಪೀಜನ ವಲ್ಲಭಾಯ ಧೀಮಹಿ ।
ತನ್ನೋ ಗೋಪಾಲಃ ಪ್ರಚೋದಯಾತ್ ॥

ಓಂ ಶ್ರೀಂ ಹ್ರೀಂ ಕ್ಲೀಂ ಗ್ಲೌಂ ದೇವಕೀ ಸುತ ಗೋವಿನ್ದ ವಾಸುದೇವ ಜಗತ್ಪತೇ
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥
ಭೂರ್ಭುವಸ್ಸುವರೋಮ್ । ಇತಿ ದಿಗ್ವಿಮೋಕಃ ॥

ಶ್ರೀಶಂ ಕಮಲಪತ್ರಾಕ್ಷಂ ದೇವಕೀನನ್ದನಂ ಹರಿಮ್ ।
ಸುತಸಮ್ಪ್ರಾಪ್ತಯೇ ಕೃಷ್ಣಂ ನಮಾಮಿ ಮಧುಸೂದನಮ್ ॥ 1 ॥

ನಮಾಮ್ಯಹಂ ವಾಸುದೇವಂ ಸುತಸಮ್ಪ್ರಾಪ್ತಯೇ ಹರಿಮ್ ।
ಯಶೋದಾಙ್ಕಗತಂ ಬಾಲಂ ಗೋಪಾಲಂ ನನ್ದನನ್ದನಮ್ ॥ 2 ॥

ಅಸ್ಮಾಕಂ ಪುತ್ರಲಾಭಾಯ ಗೋವಿನ್ದಂ ಮುನಿವನ್ದಿತಮ್ ।
ನಮಾಮ್ಯಹಂ ವಾಸುದೇವಂ ದೇವಕೀನನ್ದನಂ ಸದಾ ॥ 3 ॥

ಗೋಪಾಲಂ ಡಿಮ್ಭಕಂ ವನ್ದೇ ಕಮಲಾಪತಿಮಚ್ಯುತಮ್ ।
ಪುತ್ರಸಮ್ಪ್ರಾಪ್ತಯೇ ಕೃಷ್ಣಂ ನಮಾಮಿ ಯದುಪುಙ್ಗವಮ್ ॥ 4 ॥

ಪುತ್ರಕಾಮೇಷ್ಟಿ ಫಲದಂ ಕಞ್ಜಾಕ್ಷಂ ಕಮಲಾಪತಿಮ್ ।
ದೇವಕೀನನ್ದನಂ ವನ್ದೇ ಸುತಸಮ್ಪ್ರಾಪ್ತಯೇ ತ್ವಹಮ್ (ಮಮ) ॥ 5 ॥

ಪದ್ಮಾಪತೇ ಪದ್ಮನೇತ್ರ ಪದ್ಮನಾಭ ಜನಾರ್ದನ ।
ದೇಹಿ ಮೇ ತನಯಂ ಶ್ರೀಶ ವಾಸುದೇವ ಜಗತ್ಪತೇ ॥ 6 ॥

ಯಶೋದಾಙ್ಕಗತಂ ಬಾಲಂ ಗೋವಿನ್ದಂ ಮುನಿವನ್ದಿತಮ್ ।
ಅನನ್ತ (ಅಸ್ಮಾಕಂ) ಪುತ್ರಲಾಭಾಯ ನಮಾಮಿ ಶ್ರೀಶಮಚ್ಯುತಮ್ ॥ 7 ॥

ಭೂತಕೃತ್-ಭೂತಭೃದ್ಭಾವೋ ಭುತಾತ್ಮಾ ಭೂತಭಾವನಃ (ಶ್ರೀಪತೇ ದೇವದೇವೇಶ ದೀನಾರ್ತಿರ್ಹರಣಾಚ್ಯುತ) ।
ಗೋವಿನ್ದ ಮೇ ಸುತಂ ದೇಹಿ ನಮಾಮಿ ತ್ವಾಂ ಜನಾರ್ದನ ॥ 8 ॥

ಭಕ್ತಕಾಮದ ಗೋವಿನ್ದ ಭಕ್ತರಕ್ಷ ಶುಭಪ್ರದ ।
ದೇಹಿ ಮೇ ತನಯಂ ಕೃಷ್ಣ ರುಕ್ಮಿಣೀವಲ್ಲಭ ಪ್ರಭೋ ॥ 9 ॥

ರುಕ್ಮಿಣೀನಾಥ ಸರ್ವೇಶ ದೇಹಿ ಮೇ ತನಯಂ ಸದಾ ।
ಭಕ್ತಮನ್ದಾರ ಪದ್ಮಾಕ್ಷ ತ್ವಾಮಹಂ ಶರಣಂ ಗತಃ ॥ 10 ॥

ದೇವಕೀಸುತ ಗೋವಿನ್ದ ವಾಸುದೇವ ಜಗತ್ಪತೇ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 11 ॥

ವಾಸುದೇವ ಜಗದ್ವನ್ದ್ಯ ಶ್ರೀಪತೇ ಪುರುಷೋತ್ತಮ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 12 ॥

ಕಞ್ಜಾಕ್ಷ ಕಮಲಾನಾಥ ಪರಕಾರುಣಿಕೋತ್ತಮ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 13 ॥

ಲಕ್ಷ್ಮೀಪತೇ ಪದ್ಮನಾಭ ಮುಕುನ್ದ ಮುನಿವನ್ದಿತ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 14 ॥

ಕಾರ್ಯಕಾರಣರೂಪಾಯ ವಾಸುದೇವಾಯ ತೇ ಸದಾ ।
ನಮಾಮಿ ಪುತ್ರಲಾಭಾರ್ಥಂ ಸುಖದಾಯ ಬುಧಾಯ ತೇ ॥ 15 ॥

ರಾಜೀವನೇತ್ರ ಶ್ರೀರಾಮ ರಾವಣಾರೇ ಹರೇ ಕವೇ ।
ತುಭ್ಯಂ ನಮಾಮಿ ದೇವೇಶ ತನಯಂ ದೇಹಿ ಮೇ ಹರೇ ॥ 16 ॥

ಅನನ್ತ (ಅಸ್ಮಾಕಂ) ಪುತ್ರಲಾಭಾಯ ಭಜಾಮಿ ತ್ವಾಂ ಜಗತ್ಪತೇ ।
ದೇಹಿ ಮೇ ತನಯಂ ಕೃಷ್ಣ ವಾಸುದೇವ ರಮಾಪತೇ ॥ 17 ॥

ಶ್ರೀಮಾನಿನೀ ಮಾನಹಾರಿ (ಶ್ರೀಮಾನಿನೀ ಮಾನಚೋರ) ಗೋಪೀವಸ್ತ್ರಾಪಹಾರಕ ।
ದೇಹಿ ಮೇ ತನಯಂ ಕೃಷ್ಣ ವಾಸುದೇವ ಜಗತ್ಪತೇ ॥ 18 ॥

ಅಸ್ಮಾಕಂ ಪುತ್ರಸಮ್ಪ್ರಾಪ್ತಿಂ ಕುರುಷ್ವ ಯದುನನ್ದನ ।
ರಮಾಪತೇ ವಾಸುದೇವ ಮುಕುನ್ದ ಮುನಿವನ್ದಿತ ॥ 19 ॥

ವಾಸುದೇವ ಸುತಂ ದೇಹಿ ತನಯಂ ದೇಹಿ ಮಾಧವ ।
ಪುತ್ರಂ ಮೇ ದೇಹಿ ಶ್ರೀಕೃಷ್ಣ ವತ್ಸಂ ದೇಹಿ ಮಹಾಪ್ರಭೋ ॥ 20 ॥

ಡಿಮ್ಭಕಂ ದೇಹಿ ಶ್ರೀಕೃಷ್ಣ ಆತ್ಮಜಂ ದೇಹಿ ರಾಘವ ।
ಭಕ್ತಮನ್ದಾರ ಮೇ ದೇಹಿ ತನಯಂ ನನ್ದನನ್ದನ ॥ 21 ॥

ನನ್ದನಂ ದೇಹಿ ಮೇ ಕೃಷ್ಣ ವಾಸುದೇವ ಜಗತ್ಪತೇ ।
ಕಮಲಾನಾಥ ಗೋವಿನ್ದ ಮುಕುನ್ದ ಮುನಿವನ್ದಿತ ॥ 22 ॥

ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ ।
ಸುತಂ ದೇಹಿ ಶ್ರಿಯಂ ದೇಹಿ ಶ್ರಿಯಂ ಪುತ್ರಂ ಪ್ರದೇಹಿ ಮೇ ॥ 23 ॥

ಯಶೋದಾಸ್ತನ್ಯಪಾನಜ್ಞಂ ಪಿಬನ್ತಂ ಯದುನನ್ದನಮ್ ।
ವನ್ದೇಽಹಂ ಪುತ್ರಲಾಭಾರ್ಥಂ ಕಪಿಲಾಕ್ಷಂ ಹರಿಂ ಸದಾ ॥ 24 ॥

ನನ್ದನನ್ದನ ದೇವೇಶ ನನ್ದನಂ ದೇಹಿ ಮೇ ಪ್ರಭೋ ।
ರಮಾಪತೇ ವಾಸುದೇವ ಶ್ರಿಯಂ ಪುತ್ರಂ ಜಗತ್ಪತೇ ॥ 25 ॥

ಪುತ್ರಂ ಶ್ರಿಯಂ ಶ್ರಿಯಂ ಪುತ್ರಂ ಪುತ್ರಂ ಮೇ ದೇಹಿ ಮಾಧವ ।
ಅಸ್ಮಾಕಂ ದೀನವಾಕ್ಯಂ ಚ (ದೀನವಾಕ್ಯಸ್ಯ) ಅವಧಾರಯ ಶ್ರೀಪತೇ ॥ 26 ॥

ಗೋಪಾಲ ಡಿಮ್ಭ ಗೋವಿನ್ದ ವಾಸುದೇವ ರಮಾಪತೇ ।
ಅಸ್ಮಾಕಂ ಡಿಮ್ಭಕಂ ದೇಹಿ ಶ್ರಿಯಂ ದೇಹಿ ಜಗತ್ಪತೇ ॥ 27 ॥

ಮದ್ವಾಞ್ಛಿತಫಲಂ ದೇಹಿ ದೇವಕೀನನ್ದನಾಚ್ಯುತ ।
ಮಾನ್ದ (ಮಮ) ಪುತ್ರಾರ್ಥಿತಂ ಧನ್ಯಂ ಕುರುಷ್ವ ಯದುನನ್ದನ ॥ 28 ॥

ಯಾಚೇಽಹಂ ತ್ವಾಂ ಶ್ರಿಯಂ ಪುತ್ರಂ ದೇಹಿ ಮೇ ಪುತ್ರಸಮ್ಪದಮ್ ।
ಭಕ್ತಚಿನ್ತಾಮಣೇ ರಾಮ ಕಲ್ಪವೃಕ್ಷ ಮಹಾಪ್ರಭೋ ॥ 29 ॥

ಆತ್ಮಜಂ ನನ್ದನಂ ಪುತ್ರಂ ಕುಮಾರಂ ಡಿಮ್ಭಕಂ ಸುತಮ್ ।
ಅರ್ಭಕಂ ತನಯಂ ದೇಹಿ ಸದಾ ಮೇ ರಘುನನ್ದನ ॥ 30 ॥

ವನ್ದೇ ಸನ್ತಾನಗೋಪಾಲಂ ಮಾಧವಂ ಭಕ್ತಕಾಮದಮ್ ।
ಅಸ್ಮಾಕಂ ಪುತ್ರಸಮ್ಪ್ರಾಪ್ತ್ಯೈ ಸದಾ ಗೋವಿನ್ದಮಚ್ಯುತಮ್ ॥ 31 ॥

ಓಙ್ಕಾರಯುಕ್ತಂ ಗೋಪಾಲಂ ಶ್ರೀಯುಕ್ತಂ ಯದುನನ್ದನಮ್ ।
ಕ್ಲೀಂಯುಕ್ತಂ ದೇವಕೀಪುತ್ರಂ ನಮಾಮಿ ಯದುನಾಯಕಮ್ ॥ 32 ॥

ವಾಸುದೇವ ಮುಕುನ್ದೇಶ ಗೋವಿನ್ದ ಮಾಧವಾಚ್ಯುತ ।
ದೇಹಿ ಮೇ ತನಯಂ ಕೃಷ್ಣ ರಮಾನಾಥ ಮಹಾಪ್ರಭೋ ॥ 33 ॥

ರಾಜೀವನೇತ್ರ ಗೋವಿನ್ದ ಕಪಿಲಾಕ್ಷ ಹರೇ ಪ್ರಭೋ ।
ಸಮಸ್ತ ಕಾಮ್ಯವರದ ದೇಹಿ ಮೇ ತನಯಂ ಸದಾ ॥ 34 ॥

ಪದ್ಮನಾಭ ಶ್ಯಾಮಪದ್ಮ ಬೃನ್ದರೂಪ ಜಗದ್ಪತೇ (ಅಬ್ಜಪದ್ಮನಿಭ ಪದ್ಮವೃನ್ದರೂಪ ಜಗತ್ಪತೇ) ।
ಸತ್ಪುತ್ರಂ (ವರಸತ್ಪುತ್ರಂ) ದೇಹಿ ಮೇ ದೇವ ರಮಾನಾಯಕ (ರೂಪನಾಯಕ) ಮಾಧವ ॥ 35 ॥

ನನ್ದಪಾಲ ಧರಾಪಾಲ ಗೋವಿನ್ದ ಯದುನನ್ದನ ।
ದೇಹಿ ಮೇ ತನಯಂ ಕೃಷ್ಣ ರುಕ್ಮಿಣೀವಲ್ಲಭ ಪ್ರಭೋ ॥ 36 ॥

ದಾಸಮನ್ದಾರ ಗೋವಿನ್ದ ಮುಕುನ್ದ ಮಾಧವಾಚ್ಯುತ ।
ಗೋಪಾಲ ಪುಣ್ಡರೀಕಾಕ್ಷ ದೇಹಿ ಮೇ ತನಯಂ ಶ್ರಿಯಮ್ ॥ 37 ॥

ಯದುನಾಯಕ ಪದ್ಮೇಶ ನನ್ದಗೋಪವಧೂಸುತ ।
ದೇಹಿ ಮೇ ತನಯಂ ಕೃಷ್ಣ ಶ್ರೀರಾಧ (ಶ್ರೀಧರ) ಪ್ರಾಣನಾಯಕ ॥ 38 ॥

ಅಸ್ಮಾಕಂ ವಾಞ್ಛಿತಂ ದೇಹಿ ದೇಹಿ ಪುತ್ರಂ ರಮಾಪತೇ ।
ಸ್ತುವದಾಮ್ (ಭಗವನ್) ಕೃಷ್ಣ ಸರ್ವೇಶ ವಾಸುದೇವ ಜಗತ್ಪತೇ ॥ 39 ॥

ರಮಾಹೃದಯಸಮ್ಭಾರ ಸತ್ಯಭಾಮಾಮನಃಪ್ರಿಯ ।
ದೇಹಿ ಮೇ ತನಯಂ ಕೃಷ್ಣ ರುಕ್ಮಿಣೀವಲ್ಲಭ ಪ್ರಭೋ ॥ 40 ॥

ಚನ್ದ್ರಸೂರ್ಯಾಕ್ಷ ಗೋವಿನ್ದ ಪುಣ್ಡರೀಕಾಕ್ಷ ಮಾಧವ ।
ಅಸ್ಮಾಕಂ ಭಾಗ್ಯಸತ್ಪುತ್ರಂ ದೇಹಿ ದೇವ ಜಗತ್ಪತೇ ॥ 41 ॥

ಕಾರುಣ್ಯರೂಪ ಪದ್ಮಾಕ್ಷ ಪದ್ಮನಾಭ-ಸಮರ್ಚಿತ ।
ದೇಹಿ ಮೇ ತನಯಂ ಕೃಷ್ಣ ದೇವಕೀನನ್ದನನ್ದನ ॥ 42 ॥

ದೇವಕೀಸುತ ಶ್ರೀನಾಥ ವಾಸುದೇವ ಜಗತ್ಪತೇ ।
ಸಮಸ್ತಕಾಮಫಲದ ದೇಹಿ ಮೇ ತನಯಂ ಸದಾ ॥ 43 ॥

ಭಕ್ತಮನ್ದಾರ ಗಮ್ಭೀರ ಶಙ್ಕರಾಚ್ಯುತ ಮಾಧವ ।
ದೇಹಿ ಮೇ ತನಯಂ ಗೋಪ-ಬಾಲವತ್ಸಲ ರಮಾಪತೇ (ಶ್ರೀಪತೇ) ॥ 44 ॥

ಶ್ರೀಪತೇ ವಾಸುದೇವೇಶ ದೇವಕೀಪ್ರಿಯನನ್ದನ ।
ಭಕ್ತಮನ್ದಾರ ಮೇ ದೇಹಿ ತನಯಂ ಜಗತಾಂ ಪ್ರಭೋ ॥ 45 ॥

ಜಗನ್ನಾಥ ರಮಾನಾಥ ಭೂಮಿನಾಥ ದಯಾನಿಧೇ ।
ವಾಸುದೇವೇಶ ಸರ್ವೇಶ ದೇಹಿ ಮೇ ತನಯಂ ಪ್ರಭೋ ॥ 46 ॥

ಶ್ರೀನಾಥ ಕಮಲಪತ್ರಾಕ್ಷ ವಾಸುದೇವ ಜಗತ್ಪತೇ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 47 ॥

ದಾಸಮನ್ದಾರ ಗೋವಿನ್ದ ಭಕ್ತಚಿನ್ತಾಮಣೇ ಪ್ರಭೋ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 48 ॥

ಗೋವಿನ್ದ ಪುಣ್ಡರೀಕಾಕ್ಷ ರಮಾನಾಥ ಮಹಾಪ್ರಭೋ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 49 ॥

ಶ್ರೀನಾಥ ಕಮಲಪತ್ರಾಕ್ಷ ಗೋವಿನ್ದ ಮಧುಸೂದನ ।
ಸತ್ಪುತ್ರಫಲ (ಮತ್ಪುತ್ರಫಲ)-ಸಿದ್ಧ್ಯರ್ಥಂ ಭಜಾಮಿ ತ್ವಾಂ ಜನಾರ್ದನ ॥ 50 ॥

ಸ್ತನ್ಯಂ ಪಿಬನ್ತಂ ಜನನೀಮುಖಾಮ್ಬುಜಂ
ವಿಲೋಕ್ಯ ಮನ್ದಸ್ಮಿತಮುಜ್ಜ್ವಲಾಙ್ಗಮ್ ।
ಸ್ಪೃಶನ್ತಮನ್ಯಸ್ತನಮಙ್ಗುಲೀಭಿಃ
ವನ್ದೇ ಯಶೋದಾಙ್ಕಗತಂ ಮುಕುನ್ದಮ್ ॥ 51 ॥

ಯಾಚೇಽಹಂ ಪುತ್ರಸನ್ತಾನಂ ಭವನ್ತಂ ಪದ್ಮಲೋಚನ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 52 ॥

ಅಸ್ಮಾಕಂ ಪುತ್ರಸಮ್ಪತ್ತೇ-ಶ್ಚಿನ್ತಯಾಮಿ ಜಗತ್ಪತೇ ।
ಶೀಘ್ರಂ ಮೇ ದೇಹಿ ದಾತವ್ಯಂ ಭವತಾ ಮುನಿವನ್ದಿತ ॥ 53 ॥

ವಾಸುದೇವ ಜಗನ್ನಾಥ ಶ್ರೀಪತೇ ಪುರುಷೋತ್ತಮ ।
ಕುರು ಮಾಂ ಪುತ್ರದತ್ತಂ ಚ ಕೃಷ್ಣ ದೇವೇನ್ದ್ರಪೂಜಿತಃ ॥ 54 ॥

ಕುರು ಮಾಂ ಪುತ್ರದತ್ತಂ ಚ ಯಶೋದಾಪ್ರಿಯನನ್ದನ ।
ಮಹ್ಯಂ ಚ ಪುತ್ರಸನ್ತಾನಂ ದಾತವ್ಯಂ ಭವತಾ ಹರೇ ॥ 55 ॥

ವಾಸುದೇವ ಜಗನ್ನಾಥ ಗೋವಿನ್ದ ದೇವಕೀಸುತ ।
ದೇಹಿ ಮೇ ತನಯಂ ರಾಮ ಕೌಸಲ್ಯಾಪ್ರಿಯನನ್ದನ ॥ 56 ॥

ಪದ್ಮಪತ್ರಾಕ್ಷ ಗೋವಿನ್ದ ವಿಷ್ಣೋ ವಾಮನ ಮಾಧವ ।
ದೇಹಿ ಮೇ ತನಯಂ ಸೀತಾ-ಪ್ರಾಣನಾಯಕ ರಾಘವ ॥ 57 ॥

ಕಞ್ಜಾಕ್ಷ ಕೃಷ್ಣ ದೇವೇನ್ದ್ರ-ಮಣ್ಡಿತ ಮುನಿವನ್ದಿತ ।
ಲಕ್ಷ್ಮಣಾಗ್ರಜ ಶ್ರೀರಾಮ ದೇಹಿ ಮೇ ತನಯಂ ಸದಾ ॥ 58 ॥

ದೇಹಿ ಮೇ ತನಯಂ ರಾಮ ದಶರಥಪ್ರಿಯನನ್ದನ ।
ಸೀತಾನಾಯಕ ಕಞ್ಜಾಕ್ಷ ಮುಚುಕುನ್ದವರಪ್ರದ ॥ 59 ॥

ವಿಭೀಷಣಾಯ ಯಾ ಲಙ್ಕಾ ಭವತಾ ವಳೀಯತಾ ಪ್ರಭೋ (ವಿಭೀಷಣಸ್ಯಯಾ ಲಙ್ಕಾ ಪ್ರದತ್ತಾ ಭವತಾ ಪುರಾ) ।
ಅಸ್ಮಾಕಂ ತತ್ಪ್ರಕಾರೇಣ ತನಯಂ ದೇಹಿ ಮಾಧವ ॥ 60 ॥

ಭವದೀಯಪದಾಮ್ಭೋಜೇ ಚಿನ್ತಯಾಮಿ ನಿರನ್ತರಮ್ ।
ದೇಹಿ ಮೇ ತನಯಂ ಸೀತಾ-ಪ್ರಾಣವಲ್ಲಭ ರಾಘವ ॥ 61 ॥

ರಾಮ ಮತ್ಕಾಮ್ಯವರದ ಪುತ್ರೋತ್ಪತ್ತಿಫಲಪ್ರದ ।
ದೇಹಿ ಮೇ ತನಯಂ ಶ್ರೀಶ ಕಮಲಾಸನವನ್ದಿತ ॥ 62 ॥

ರಾಮ ರಾಘವ ಸೀತೇಶ ಲಕ್ಷ್ಮಣಾನುಜ ದೇಹಿ ಮೇ ।
ಭಾಗ್ಯವತ್ಪುತ್ರಸನ್ತಾನಂ ದಶರಥಾತ್ಮಜ ಶ್ರೀಪತೇ ॥ 63 ॥

ದೇವಕೀಗರ್ಭಸಞ್ಜಾತ ಯಶೋದಾಪ್ರಿಯನನ್ದನ ।
ದೇಹಿ ಮೇ ತನಯಂ ರಾಮ ಕೃಷ್ಣ ಗೋಪಾಲ ಮಾಧವ ॥ 64 ॥

ಕೃಷ್ಣ ಮಾಧವ ಗೋವಿನ್ದ ವಾಮನಾಚ್ಯುತ ಶಙ್ಕರ ।
ದೇಹಿ ಮೇ ತನಯಂ ಶ್ರೀಶ ಗೋಪಬಾಲಕನಾಯಕ ॥ 65 ॥

ಗೋಪಬಾಲ ಮಹಾಧನ್ಯ ಗೋವಿನ್ದಾಚ್ಯುತ ಮಾಧವ ।
ದೇಹಿ ಮೇ ತನಯಂ ಕೃಷ್ಣ ವಾಸುದೇವ ಜಗತ್ಪತೇ ॥ 66 ॥

ದಿಶತು ದಿಶತು ಪುತ್ರಂ ದೇವಕೀನನ್ದನೋಽಯಂ
ದಿಶತು ದಿಶತು ಶೀಘ್ರಂ ಭಾಗ್ಯವತ್ಪುತ್ರಲಾಭಮ್ ।
ದಿಶತು ದಿಶತು ಶ್ರೀಶೋ ರಾಘವೋ ರಾಮಚನ್ದ್ರೋ
ದಿಶತು ದಿಶತು ಪುತ್ರಂ ವಂಶವಿಸ್ತಾರಹೇತೋಃ ॥ 67 ॥

ದದಾತು ಮಾಂ ವಾಸುದೇವೋಹೀ (ದೀಯತಾಂ ವಾಸುದೇವೇನ) ತನಯೋಮತ್ಪ್ರಿಯಃ ಸುತಮ್ (ಸುತಃ) ।
ಕುಮಾರೋ ನನ್ದನಃ ಸೀತಾ-ನಾಯಕೊ-ವಿಶದಾ ಮಮ (ನಾಯಕೇನ ಸದಾ ಮಮ) ॥ 68 ॥

ರಾಮ ರಾಘವ ಗೋವಿನ್ದ ದೇವಕೀಸುತ ಮಾಧವ ।
ದೇಹಿ ಮೇ ತನಯಂ ಶ್ರೀಶ ಗೋಪಬಾಲಕನಾಯಕ ॥ 69 ॥

ವಂಶವಿಸ್ತಾರಕಂ ಪುತ್ರಂ ದೇಹಿ ಮೇ ಮಧುಸೂದನ ।
ಸುತಂ ದೇಹಿ ಸುತಂ ದೇಹಿ ತ್ವಾಮಹಂ ಶರಣಂ ಗತಃ ॥ 70 ॥

ಮಮಾಭೀಷ್ಟಸುತಂ ದೇಹಿ ಕಂಸಾರೇ ಮಾಧವಾಚ್ಯುತ ।
ಸುತಂ ದೇಹಿ ಸುತಂ ದೇಹಿ ತ್ವಾಮಹಂ ಶರಣಂ ಗತಃ ॥ 71 ॥

ಚನ್ದ್ರಾರ್ಕ-ಕಲ್ಪಪರ್ಯನ್ತಂ ತನಯಂ ದೇಹಿ ಮಾಧವ ।
ಸುತಂ ದೇಹಿ ಸುತಂ ದೇಹಿ ತ್ವಾಮಹಂ ಶರಣಂ ಗತಃ ॥ 72 ॥

ವಿದ್ಯಾವನ್ತಂ ಬುದ್ಧಿಮನ್ತಂ ಶ್ರೀಮನ್ತಂ ತನಯಂ ಸದಾ ।
ದೇಹಿ ಮೇ ತನಯಂ ಕೃಷ್ಣ ದೇವಕೀನನ್ದನಂ ಸದಾ (ದೇವಕೀನನ್ದನ ಪ್ರಭೋ) ॥ 73 ॥

ನಮಾಮಿ ತ್ವಾಂ ಪದ್ಮನೇತ್ರ ಸುತಲಾಭಾಯ ಕಾಮದಮ್ ।
ಮುಕುನ್ದಂ ಪುಣ್ಡರೀಕಾಕ್ಷಂ ಗೋವಿನ್ದಂ ಮಧುಸೂದನಮ್ ॥ 74 ॥

ಭಗವನ್ ಕೃಷ್ಣ ಗೋವಿನ್ದ ಸರ್ವಕಾಮಫಲಪ್ರದ ।
ದೇಹಿ ಮೇ ತನಯಂ ಸ್ವಾಮಿನ್ ತ್ವಾಮಹಂ ಶರಣಂ ಗತಃ ॥ 75 ॥

ಸ್ವಾಮಿನ್ ತ್ವಂ ಭಗವನ್ ರಾಮ ಕೃಷ್ಣ ಮಾಧವ ಕಾಮದ ।
ದೇಹಿ ಮೇ ತನಯಂ ನಿತ್ಯಂ ತ್ವಾಮಹಂ ಶರಣಂ ಗತಃ ॥ 76 ॥

ತನಯಂ ದೇಹಿ ಗೋವಿನ್ದ ಕಞ್ಜಾಕ್ಷ ಕಮಲಾಪತೇ ।
ಸುತಂ ದೇಹಿ ಸುತಂ ದೇಹಿ ತ್ವಾಮಹಂ ಶರಣಂ ಗತಃ ॥ 77 ॥

ಪದ್ಮಾಪತೇ ಪದ್ಮನೇತ್ರ ಪದ್ಮಜನಕ ಮಾಧವ (ಪ್ರದ್ಯುಮ್ನಜನಕ ಪ್ರಭೋ) ।
ಸುತಂ ದೇಹಿ ಸುತಂ ದೇಹಿ ತ್ವಾಮಹಂ ಶರಣಂ ಗತಃ ॥ 78 ॥

ಶಙ್ಖಚಕ್ರಗದಾಖಡ್ಗ ಶಾರ್ಙ್ಗಪಾಣೇ ರಮಾಪತೇ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 79 ॥

ನಾರಾಯಣ ರಮಾನಾಥ ರಾಜೀವಪತ್ರಲೋಚನ ।
ಸುತಂ ಮೇ ದೇಹಿ ದೇವೇಶ ಪದ್ಮಪದ್ಮಾನುವನ್ದಿತ ॥ 80 ॥

ರಾಮ ಮಾಧವ ಗೋವಿನ್ದ ದೇವಕೀವರನನ್ದನ ।
ರುಕ್ಮಿಣೀನಾಥ ಸರ್ವೇಶ ನಾರದಾದಿಸುರಾರ್ಚಿತ ॥ 81 ॥

ದೇವಕೀಸುತ ಗೋವಿನ್ದ ವಾಸುದೇವ ಜಗತ್ಪತೇ ।
ದೇಹಿ ಮೇ ತನಯಂ ಶ್ರೀಶ ಗೋಪಬಾಲಕನಾಯಕ ॥ 82 ॥

ಮುನಿವನ್ದಿತ ಗೋವಿನ್ದ ರುಕ್ಮಿಣೀವಲ್ಲಭ ಪ್ರಭೋ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 83 ॥

ಗೋಪಿಕಾ ಲೂನಪುಷ್ಪಣಾಂ ಮಕರನ್ದ ರಥಪ್ರಿಯ (ಗೋಪಿಕಾರ್ಜಿತಪಙ್ಕೇಜಮರನ್ದಾಸಕ್ತಮಾನಸ)।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ )॥ 84 ॥

ರ್ರಮಾ ಹೃದಯ ರಾಜೀವ ಲೋಲಮಾಧವ ಕಾಮದ । (ರಮಾಹೃದಯ ಪಙ್ಕೇಜಲೋಲ ಮಾಧವ ಕಾಮದ)
ಮಮಾಭೀಷ್ಟಸುತಂ ದೇಹಿ ತ್ವಾಮಹಂ ಶರಣಂ ಗತಃ ॥ 85 ॥

ವಾಸುದೇವ ರಮಾನಾಥ ದಾಸಾನಾಂ ಮಙ್ಗಲಪ್ರದ ।
ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ ॥ 86 ॥

ಕಲ್ಯಾಣಪ್ರದ ಗೋವಿನ್ದ ಮುರಾರೇ ಮುನಿವನ್ದಿತ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 87 ॥

ಪುತ್ರಪ್ರದ ಮುಕುನ್ದೇಶ ರುಕ್ಮಿಣೀವಲ್ಲಭ ಪ್ರಭೋ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 88 ॥

ಪುಣ್ಡರೀಕಾಕ್ಷ ಗೋವಿನ್ದ ವಾಸುದೇವ ಜಗತ್ಪತೇ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 89 ॥

ದಯಾನಿಧೇ ವಾಸುದೇವ ಮುಕುನ್ದ ಮುನಿವನ್ದಿತ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 90 ॥

ಪುತ್ರಸಮ್ಪತ್ಪ್ರದಾತಾರಂ ಗೋವಿನ್ದಂ ದೇವಪೂಜಿತಮ್ ।
ವನ್ದಾಮಹೇ ಸದಾ ಕೃಷ್ಣಂ ಪುತ್ರಲಾಭಪ್ರದಾಯಿನಮ್ ॥ 91 ॥

ಕಾರುಣ್ಯನಿಧಯೇ ಗೋಪೀವಲ್ಲಭಾಯ ಮುರಾರಯೇ ।
ನಮಸ್ತೇ ಪುತ್ರಲಾಭಾರ್ಥಂ ದೇಹಿ ಮೇ ತನಯಂ ವಿಭೋ ॥ 92 ॥

ನಮಸ್ತಸ್ಮೈ ರಮೇಶಾಯ ರುಕ್ಮಿಣೀವಲ್ಲಭಾಯ ತೇ ।
ದೇಹಿ ಮೇ ತನಯಂ ಶ್ರೀಶ ಗೋಪಬಾಲಕನಾಯಕ ॥ 93 ॥

ನಮಸ್ತೇ ವಾಸುದೇವಾಯ ನಿತ್ಯಶ್ರೀಕಾಮುಕಾಯ ಚ ।
ಪುತ್ರದಾಯ ಚ ಸರ್ಪೇನ್ದ್ರ....ಶಾಯಿನೇ ರಙ್ಗಶಾಯಿನೇ ॥ 94 ॥

ರಙ್ಗಶಾಯಿನ್ ರಮಾನಾಥ ಮಙ್ಗಲಪ್ರದ ಮಾಧವ ।
ದೇಹಿ ಮೇ ತನಯಂ ಶ್ರೀಶ ಗೋಪಬಾಲಕನಾಯಕ ॥ 95 ॥

ದಾಸಸ್ಯ ಮೇ ಸುತಂ ದೇಹಿ ದೀನಮನ್ದಾರ ರಾಘವ ।
ಸುತಂ ದೇಹಿ ಸುತಂ ದೇಹಿ ಪುತ್ರಂ ದೇಹಿ ರಮಾಪತೇ ॥ 96 ॥

ಯಶೋದಾತನಯಾಭೀಷ್ಟ ಪುತ್ರದಾನರತಃ ಸದಾ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 97 ॥

ಮದಿಷ್ಟದೇವ ಗೋವಿನ್ದ ವಾಸುದೇವ ಜನಾರ್ದನ ।
ದೇಹಿ ಮೇ ತನಯಂ ಶ್ರೀಶ (ಕೃಷ್ಣ) ಗೋಪಬಾಲಕನಾಯಕ (ತ್ವಾಮಹಂ ಶರಣಂ ಗತಃ) ॥ 98 ॥

ನೀತಿಮಾನ್ ಧನವಾನ್ ಪುತ್ರೋ ವಿದ್ಯಾವಾಂಶ್ಚ ಪ್ರಜಾಪತೇ ।
ಭಗವಂಸ್ತ್ವತ್ಕೃಪಾಯಾಶ್ಚ ವಾಸುದೇವೇನ್ದ್ರಪೂಜಿತ ॥ 99 ॥

ಯಃ ಪಠೇತ್ ಪುತ್ರಶತಕಂ ಸೋಽಪಿ ಸತ್ಪುತ್ರವಾನ್ ಭವೇತ್ ।
ಶ್ರೀವಾಸುದೇವಕಥಿತಂ ಸ್ತೋತ್ರರತ್ನಂ ಸುಖಾಯ ಚ ॥ 100 ॥

ಜಪಕಾಲೇ ಪಠೇನ್ನಿತ್ಯಂ ಪುತ್ರಲಾಭಂ ಧನಂ ಶ್ರಿಯಮ್ ।
ಐಶ್ವರ್ಯಂ ರಾಜಸಮ್ಮಾನಂ ಸದ್ಯೋ ಯಾತಿ ನ ಸಂಶಯಃ ॥ 101 ॥