Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಗೀತಗೋವಿನ್ದಂ ನವಮಃ ಸರ್ಗಃ - ಮನ್ದ ಮುಕುನ್ದಃ

॥ ನವಮಃ ಸರ್ಗಃ ॥
॥ ಮನ್ದಮುಕುನ್ದಃ ॥

ತಾಮಥ ಮನ್ಮಥಖಿನ್ನಾಂ ರತಿರಸಭಿನ್ನಾಂ ವಿಷಾದಸಮ್ಪನ್ನಾಮ್ ।
ಅನುಚಿನ್ತಿತಹರಿಚರಿತಾಂ ಕಲಹಾನ್ತರಿತಮುವಾಚ ಸಖೀ ॥ 51 ॥

॥ ಗೀತಂ 18 ॥

ಹರಿರಭಿಸರತಿ ವಹತಿ ಮಧುಪವನೇ ।
ಕಿಮಪರಮಧಿಕಸುಖಂ ಸಖಿ ಭುವನೇ ॥
ಮಾಧವೇ ಮಾ ಕುರು ಮಾನಿನಿ ಮಾನಮಯೇ ॥ 1 ॥

ತಾಲಫಲಾದಪಿ ಗುರುಮತಿಸರಸಮ್ ।
ಕಿಂ ವಿಫಲೀಕುರುಷೇ ಕುಚಕಲಶಮ್ ॥ 2 ॥

ಕತಿ ನ ಕಥಿತಮಿದಮನುಪದಮಚಿರಮ್ ।
ಮಾ ಪರಿಹರ ಹರಿಮತಿಶಯರುಚಿರಮ್ ॥ 3 ॥

ಕಿಮಿತಿ ವಿಷೀದಸಿ ರೋದಿಷಿ ವಿಕಲಾ ।
ವಿಹಸತಿ ಯುವತಿಸಭಾ ತವ ಸಕಲಾ ॥ 4 ॥

ಸಜಲನಲಿನೀದಲಶೀತಲಶಯನೇ ।
ಹರಿಮವಲೋಕ್ಯ ಸಫಲಯ್ ನಯನೇ ॥ 5 ॥

ಜನಯಸಿ ಮನಸಿ ಕಿಮಿತಿ ಗುರುಖೇದಮ್ ।
ಶೃಣು ಮಮ ವಚನಮನೀಹಿತಭೇದಮ್ ॥ 6 ॥

ಹರಿರುಪಯಾತು ವದತು ಬಹುಮಧುರಮ್ ।
ಕಿಮಿತಿ ಕರೋಷಿ ಹೃದಯಮತಿವಿಧುರಮ್ ॥ 7 ॥

ಶ್ರೀಜಯದೇವಭಣಿತಮತಿಲಲಿತಮ್ ।
ಸುಖಯತು ರಸಿಕಜನಂ ಹರಿಚರಿತಮ್ ॥ 8 ॥

ಸ್ನಿಗ್ಧೇ ಯತ್ಪರುಷಾಸಿ ಯತ್ಪ್ರಣಮತಿ ಸ್ತಬ್ಧಾಸಿ ಯದ್ರಾಗಿಣಿ ದ್ವೇಷಸ್ಥಾಸಿ ಯದುನ್ಮುಖೇ ವಿಮುಖತಾಂ ಯಾತಾಸಿ ತಸ್ಮಿನ್ಪ್ರಿಯೇ ।
ಯುಕ್ತಂ ತದ್ವಿಪರೀತಕಾರಿಣಿ ತವ ಶ್ರೀಖಣ್ಡಚರ್ಚಾ ವಿಷಂ ಶೀತಾಂಶುಸ್ತಪನೋ ಹಿಮಂ ಹುತವಹಃ ಕ್ರೀಡಾಮುದೋ ಯಾತನಾಃ ॥ 52 ॥

॥ ಇತಿ ಗೀತಗೋವಿನ್ದೇ ಕಲಹಾನ್ತರಿತಾವರ್ಣನೇ ಮನ್ದಮುಕುನ್ದೋ ನಾಮ ನವಮಃ ಸರ್ಗಃ ॥


Browse Related Categories: