ಅಥ ತೃತೀಯೋಽಧ್ಯಾಯಃ ।

ಪರಸ್ಯ ವಿಷ್ಣೋಃ ಈಶಸ್ಯ ಮಾಯಿನಾಮ ಅಪಿ ಮೋಹಿನೀಮ್ ।
ಮಾಯಾಂ ವೇದಿತುಂ ಇಚ್ಛಾಮಃ ಭಗವನ್ತಃ ಬ್ರುವನ್ತು ನಃ ॥ 1॥

ನ ಅನುತೃಪ್ಯೇ ಜುಷನ್ ಯುಷ್ಮತ್ ವಚಃ ಹರಿಕಥಾ ಅಮೃತಮ್ ।
ಸಂಸಾರತಾಪನಿಃತಪ್ತಃ ಮರ್ತ್ಯಃ ತತ್ ತಾಪ ಭೇಷಜಮ್ ॥ 2॥

ಅನ್ತರಿಕ್ಷಃ ಉವಾಚ ।
ಏಭಿಃ ಭೂತಾನಿ ಭೂತಾತ್ಮಾ ಮಹಾಭೂತೈಃ ಮಹಾಭುಜ ।
ಸಸರ್ಜೋತ್ ಚ ಅವಚಾನಿ ಆದ್ಯಃ ಸ್ವಮಾತ್ರಪ್ರಸಿದ್ಧಯೇ ॥ 3॥

ಏವಂ ಸೃಷ್ಟಾನಿ ಭೂತಾನಿ ಪ್ರವಿಷ್ಟಃ ಪಞ್ಚಧಾತುಭಿಃ ।
ಏಕಧಾ ದಶಧಾ ಆತ್ಮಾನಂ ವಿಭಜನ್ ಜುಷತೇ ಗುಣಾನ್ ॥ 4॥

ಗುಣೈಃ ಗುಣಾನ್ ಸಃ ಭುಞ್ಜಾನಃ ಆತ್ಮಪ್ರದ್ಯೋದಿತೈಃ ಪ್ರಭುಃ ।
ಮನ್ಯಮಾನಃ ಇದಂ ಸೃಷ್ಟಂ ಆತ್ಮಾನಂ ಇಹ ಸಜ್ಜತೇ ॥ 5॥

ಕರ್ಮಾಣಿ ಕರ್ಮಭಿಃ ಕುರ್ವನ್ ಸನಿಮಿತ್ತಾನಿ ದೇಹಭೃತ್ ।
ತತ್ ತತ್ ಕರ್ಮಫಲಂ ಗೃಹ್ಣನ್ ಭ್ರಮತಿ ಇಹ ಸುಖೈತರಮ್ ॥ 6॥

ಇತ್ಥಂ ಕರ್ಮಗತೀಃ ಗಚ್ಛನ್ ಬಹ್ವಭದ್ರವಹಾಃ ಪುಮಾನ್ ।
ಆಭೂತಸಮ್ಪ್ಲವಾತ್ ಸರ್ಗಪ್ರಲಯೌ ಅಶ್ನುತೇ ಅವಶಃ ॥ 7॥

ಧಾತು ಉಪಪ್ಲವಃ ಆಸನ್ನೇ ವ್ಯಕ್ತಂ ದ್ರವ್ಯಗುಣಾತ್ಮಕಮ್ ।
ಅನಾದಿನಿಧನಃ ಕಾಲಃ ಹಿ ಅವ್ಯಕ್ತಾಯ ಅಪಕರ್ಷತಿ ॥ 8॥

ಶತವರ್ಷಾಃ ಹಿ ಅನಾವೃಷ್ಟಿಃ ಭವಿಷ್ಯತಿ ಉಲ್ಬಣಾ ಭುವಿ ।
ತತ್ ಕಾಲ ಉಪಚಿತ ಉಷ್ಣ ಅರ್ಕಃ ಲೋಕಾನ್ ತ್ರೀನ್ ಪ್ರತಪಿಷ್ಯತಿ ॥9॥

ಪಾತಾಲತಲಂ ಆರಭ್ಯ ಸಙ್ಕರ್ಷಣಮುಖ ಅನಲಃ ।
ದಹನ್ ಊರ್ಧ್ವಶಿಖಃ ವಿಷ್ವಕ್ ವರ್ಧತೇ ವಾಯುನಾ ಈರಿತಃ ॥ 10॥

ಸಾಂವರ್ತಕಃ ಮೇಘಗಣಃ ವರ್ಷತಿ ಸ್ಮ ಶತಂ ಸಮಾಃ ।
ಧಾರಾಭಿಃ ಹಸ್ತಿಹಸ್ತಾಭಿಃ ಲೀಯತೇ ಸಲಿಲೇ ವಿರಾಟ್ ॥ 11॥

ತತಃ ವಿರಾಜಂ ಉತ್ಸೃಜ್ಯ ವೈರಾಜಃ ಪುರುಷಃ ನೃಪ ।
ಅವ್ಯಕ್ತಂ ವಿಶತೇ ಸೂಕ್ಷ್ಮಂ ನಿರಿನ್ಧನಃ ಇವ ಅನಲಃ ॥ 12॥

ವಾಯುನಾ ಹೃತಗನ್ಧಾ ಭೂಃ ಸಲಿಲತ್ವಾಯ ಕಲ್ಪತೇ ।
ಸಲಿಲಂ ತತ್ ಧೃತರಸಂ ಜ್ಯೋತಿಷ್ಟ್ವಾಯ ಉಪಕಲ್ಪತೇ ॥ 13॥

ಹೃತರೂಪಂ ತು ತಮಸಾ ವಾಯೌ ಜ್ಯೋತಿಃ ಪ್ರಲೀಯತೇ ।
ಹೃತಸ್ಪರ್ಶಃ ಅವಕಾಶೇನ ವಾಯುಃ ನಭಸಿ ಲೀಯತೇ ।
ಕಾಲಾತ್ಮನಾ ಹೃತಗುಣಂ ನವಃ ಆತ್ಮನಿ ಲೀಯತೇ ॥ 14॥

ಇನ್ದ್ರಿಯಾಣಿ ಮನಃ ಬುದ್ಧಿಃ ಸಹ ವೈಕಾರಿಕೈಃ ನೃಪ ।
ಪ್ರವಿಶನ್ತಿ ಹಿ ಅಹಙ್ಕಾರಂ ಸ್ವಗುಣೈಃ ಅಹಂ ಆತ್ಮನಿ ॥ 15॥

ಏಷಾ ಮಾಯಾ ಭಗವತಃ ಸರ್ಗಸ್ಥಿತಿ ಅನ್ತಕಾರಿಣೀ ।
ತ್ರಿವರ್ಣಾ ವರ್ಣಿತಾ ಅಸ್ಮಾಭಿಃ ಕಿಂ ಭೂಯಃ ಶ್ರೋತುಂ ಇಚ್ಛಸಿ ॥ 16॥

ರಾಜಾ ಉವಾಚ ।
ಯಥಾ ಏತಾಂ ಐಶ್ವರೀಂ ಮಾಯಾಂ ದುಸ್ತರಾಂ ಅಕೃತಾತ್ಮಭಿಃ ।
ತರನ್ತಿ ಅಞ್ಜಃ ಸ್ಥೂಲಧಿಯಃ ಮಹರ್ಷಃ ಇದಂ ಉಚ್ಯತಾಮ್ ॥ 17॥

ಪ್ರಬುದ್ಧಃ ಉವಾಚ ।
ಕರ್ಮಾಣಿ ಆರಭಮಾಣಾನಾಂ ದುಃಖಹತ್ಯೈ ಸುಖಾಯ ಚ ।
ಪಶ್ಯೇತ್ ಪಾಕವಿಪರ್ಯಾಸಂ ಮಿಥುನೀಚಾರಿಣಾಂ ನೃಣಾಮ್ ॥ 18॥

ನಿತ್ಯಾರ್ತಿದೇನ ವಿತ್ತೇನ ದುರ್ಲಭೇನ ಆತ್ಮಮೃತ್ಯುನಾ ।
ಗೃಹ ಅಪತ್ಯಾಪ್ತಪಶುಭಿಃ ಕಾ ಪ್ರೀತಿಃ ಸಾಧಿತೈಃ ಚಲೈಃ ॥

19॥

ಏವಂ ಲೋಕಂ ಪರಂ ವಿದ್ಯಾತ್ ನಶ್ವರಂ ಕರ್ಮನಿರ್ಮಿತಮ್ ।
ಸತುಲ್ಯ ಅತಿಶಯ ಧ್ವಂಸಂ ಯಥಾ ಮಣ್ಡಲವರ್ತಿನಾಮ್ ॥ 20॥

ತಸ್ಮಾತ್ ಗುರುಂ ಪ್ರಪದ್ಯೇತ ಜಿಜ್ಞಾಸುಃ ಶ್ರೇಯಃ ಉತ್ತಮಮ್ ।
ಶಾಬ್ದೇ ಪರೇ ಚ ನಿಷ್ಣಾತಂ ಬ್ರಹ್ಮಣಿ ಉಪಶಮಾಶ್ರಯಮ್ ॥ 21॥

ತತ್ರ ಭಾಗವತಾನ್ ಧರ್ಮಾನ್ ಶಿಕ್ಷೇತ್ ಗುರುಆತ್ಮದೈವತಃ ।
ಅಮಾಯಯಾ ಅನುವೃತ್ಯಾ ಯೈಃ ತುಷ್ಯೇತ್ ಆತ್ಮಾ ಆತ್ಮದಃ ಹರಿಃ ॥ 22॥

ಸರ್ವತಃ ಮನಸಃ ಅಸಙ್ಗಂ ಆದೌ ಸಙ್ಗಂ ಚ ಸಾಧುಷು ।
ದಯಾಂ ಮೈತ್ರೀಂ ಪ್ರಶ್ರಯಂ ಚ ಭೂತೇಷು ಅದ್ಧಾ ಯಥಾ ಉಚಿತಮ್ ॥ 23॥

ಶೌಚಂ ತಪಃ ತಿತಿಕ್ಷಾಂ ಚ ಮೌನಂ ಸ್ವಾಧ್ಯಾಯಂ ಆರ್ಜವಮ್ ।
ಬ್ರಹ್ಮಚರ್ಯಂ ಅಹಿಂಸಾಂ ಚ ಸಮತ್ವಂ ದ್ವನ್ದ್ವಸಞ್ಜ್ಞಯೋಃ ॥ 24॥

ಸರ್ವತ್ರ ಆತ್ಮೇಶ್ವರ ಅನ್ವೀಕ್ಷಾಂ ಕೈವಲ್ಯಂ ಅನಿಕೇತತಾಮ್ ।
ವಿವಿಕ್ತಚೀರವಸನಂ ಸನ್ತೋಷಂ ಯೇನ ಕೇನಚಿತ್ ॥ 25॥

ಶ್ರದ್ಧಾಂ ಭಾಗವತೇ ಶಾಸ್ತ್ರೇ ಅನಿನ್ದಾಂ ಅನ್ಯತ್ರ ಚ ಅಪಿ ಹಿ ।
ಮನೋವಾಕ್ ಕರ್ಮದಣ್ಡಂ ಚ ಸತ್ಯಂ ಶಮದಮೌ ಅಪಿ ॥ 26॥

ಶ್ರವಣಂ ಕೀರ್ತನಂ ಧ್ಯಾನಂ ಹರೇಃ ಅದ್ಭುತಕರ್ಮಣಃ ।
ಜನ್ಮಕರ್ಮಗುಣಾನಾಂ ಚ ತದರ್ಥೇ ಅಖಿಲಚೇಷ್ಟಿತಮ್ ॥ 27॥

ಇಷ್ಟಂ ದತ್ತಂ ತಪಃ ಜಪ್ತಂ ವೃತ್ತಂ ಯತ್ ಚ ಆತ್ಮನಃ ಪ್ರಿಯಮ್ ।
ದಾರಾನ್ ಸುತಾನ್ ಗೃಹಾನ್ ಪ್ರಾಣಾನ್ ಯತ್ ಪರಸ್ಮೈ ನಿವೇದನಮ್ ॥ 28॥

ಏವಂ ಕೃಷ್ಣಾತ್ಮನಾಥೇಷು ಮನುಷ್ಯೇಷು ಚ ಸೌಹೃದಮ್ ।
ಪರಿಚರ್ಯಾಂ ಚ ಉಭಯತ್ರ ಮಹತ್ಸು ನೃಷು ಸಾಧುಷು ॥ 29॥

ಪರಸ್ಪರ ಅನುಕಥನಂ ಪಾವನಂ ಭಗವತ್ ಯಶಃ ।
ಮಿಥಃ ರತಿಃ ಮಿಥಃ ತುಷ್ಟಿಃ ನಿವೃತ್ತಿಃ ಮಿಥಃ ಆತ್ಮನಃ ॥ 30॥

ಸ್ಮರನ್ತಃ ಸ್ಮಾರಯನ್ತಃ ಚ ಮಿಥಃ ಅಘೌಘಹರಂ ಹರಿಮ್ ।
ಭಕ್ತ್ಯಾ ಸಞ್ಜಾತಯಾ ಭಕ್ತ್ಯಾ ಬಿಭ್ರತಿ ಉತ್ಪುಲಕಾಂ ತನುಮ್ ॥ 31॥

ಕ್ವಚಿತ್ ರುದನ್ತಿ ಅಚ್ಯುತಚಿನ್ತಯಾ ಕ್ವಚಿತ್
ಹಸನ್ತಿ ನನ್ದನ್ತಿ ವದನ್ತಿ ಅಲೌಕಿಕಾಃ ।
ನೃತ್ಯನ್ತಿ ಗಾಯನ್ತಿ ಅನುಶೀಲಯನ್ತಿ
ಅಜಂ ಭವನ್ತಿ ತೂಷ್ಣೀಂ ಪರಂ ಏತ್ಯ ನಿರ್ವೃತಾಃ ॥ 32॥

ಇತಿ ಭಾಗವತಾನ್ ಧರ್ಮಾನ್ ಶಿಕ್ಷನ್ ಭಕ್ತ್ಯಾ ತದುತ್ಥಯಾ ।
ನಾರಾಯಣಪರಃ ಮಾಯಂ ಅಞ್ಜಃ ತರತಿ ದುಸ್ತರಾಮ್ ॥ 33॥

ರಾಜಾ ಉವಾಚ ।
ನಾರಾಯಣ ಅಭಿಧಾನಸ್ಯ ಬ್ರಹ್ಮಣಃ ಪರಮಾತ್ಮನಃ ।
ನಿಷ್ಠಾಂ ಅರ್ಹಥ ನಃ ವಕ್ತುಂ ಯೂಯಂ ಹಿ ಬ್ರಹ್ಮವಿತ್ತಮಾಃ ॥ 34॥

ಪಿಪ್ಪಲಾಯನಃ ಉವಾಚ ।
ಸ್ಥಿತಿ ಉದ್ಭವಪ್ರಲಯಹೇತುಃ ಅಹೇತುಃ ಅಸ್ಯ
ಯತ್ ಸ್ವಪ್ನಜಾಗರಸುಷುಪ್ತಿಷು ಸತ್ ಬಹಿಃ ಚ ।
ದೇಹ ಇನ್ದ್ರಿಯಾಸುಹೃದಯಾನಿ ಚರನ್ತಿ ಯೇನ
ಸಞ್ಜೀವಿತಾನಿ ತತ್ ಅವೇಹಿ ಪರಂ ನರೇನ್ದ್ರ ॥ 35॥

ನ ಏತತ್ ಮನಃ ವಿಶತಿ ವಾಗುತ ಚಕ್ಷುಃ ಆತ್ಮಾ
ಪ್ರಾಣೇನ್ದ್ರಿಯಾಣಿ ಚ ಯಥಾ ಅನಲಂ ಅರ್ಚಿಷಃ ಸ್ವಾಃ ।
ಶಬ್ದಃ ಅಪಿ ಬೋಧಕನಿಷೇಧತಯಾ ಆತ್ಮಮೂಲಮ್
ಅರ್ಥ ಉಕ್ತಂ ಆಹ ಯದೃತೇ ನ ನಿಷೇಧಸಿದ್ಧಿಃ ॥ 36॥

ಸತ್ವಂ ರಜಃ ತಮಃ ಇತಿ ತ್ರಿವೃದೇಕಂ ಆದೌ
ಸೂತ್ರಂ ಮಹಾನ್ ಅಹಂ ಇತಿ ಪ್ರವದನ್ತಿ ಜೀವಮ್ ।
ಜ್ಞಾನಕ್ರಿಯಾ ಅರ್ಥಫಲರೂಪತಯೋಃ ಉಶಕ್ತಿ
ಬ್ರಹ್ಮ ಏವ ಭಾತಿ ಸತ್ ಅಸತ್ ಚ ತಯೋಃ ಪರಂ ಯತ್ ॥ 37॥

ನ ಆತ್ಮಾ ಜಜಾನ ನ ಮರಿಷ್ಯತಿ ನ ಏಧತೇ ಅಸೌ
ನ ಕ್ಷೀಯತೇ ಸವನವಿತ್ ವ್ಯಭಿಚಾರಿಣಾಂ ಹಿ ।
ಸರ್ವತ್ರ ಶಸ್ವದನಪಾಯಿ ಉಪಲಬ್ಧಿಮಾತ್ರಂ
ಪ್ರಾಣಃ ಯಥಾ ಇನ್ದ್ರಿಯವಲೇನ ವಿಕಲ್ಪಿತಂ ಸತ್ ॥ 38॥

ಅಣ್ಡೇಷು ಪೇಶಿಷು ತರುಷು ಅವಿನಿಶ್ಚಿತೇಷು
ಪ್ರಾಣಃ ಹಿ ಜೀವಂ ಉಪಧಾವತಿ ತತ್ರ ತತ್ರ ।
ಸನ್ನೇ ಯತ್ ಇನ್ದ್ರಿಯಗಣೇ ಅಹಮಿ ಚ ಪ್ರಸುಪ್ತೇ
ಕೂಟಸ್ಥಃ ಆಶಯಮೃತೇ ತತ್ ಅನುಸ್ಮೃತಿಃ ನಃ ॥ 39॥

ಯಃ ಹಿ ಅಬ್ಜ ನಾಭ ಚರಣ ಏಷಣಯೋಃ ಉಭಕ್ತ್ಯಾ
ಚೇತೋಮಲಾನಿ ವಿಧಮೇತ್ ಗುಣಕರ್ಮಜಾನಿ ।
ತಸ್ಮಿನ್ ವಿಶುದ್ಧಃ ಉಪಲಭ್ಯತಃ ಆತ್ಮತತ್ತ್ವಮ್
ಸಾಕ್ಷಾತ್ ಯಥಾ ಅಮಲದೃಶಃ ಸವಿತೃಪ್ರಕಾಶಃ ॥ 40॥

ಕರ್ಮಯೋಗಂ ವದತ ನಃ ಪುರುಷಃ ಯೇನ ಸಂಸ್ಕೃತಃ ।
ವಿಧೂಯ ಇಹ ಆಶು ಕರ್ಮಾಣಿ ನೈಷ್ಕರ್ಮ್ಯಂ ವಿನ್ದತೇ ಪರಮ್ ॥ 41॥

ಏವಂ ಪ್ರಶ್ನಂ ಋಷಿನ್ ಪೂರ್ವಂ ಅಪೃಚ್ಛಂ ಪಿತುಃ ಅನ್ತಿಕೇ ।
ನ ಅಬ್ರುವನ್ ಬ್ರಹ್ಮಣಃ ಪುತ್ರಾಃ ತತ್ರ ಕಾರಣಂ ಉಚ್ಯತಾಮ್ ॥ 42॥

ಆವಿರ್ಹೋತ್ರಃ ಉವಾಚ ।
ಕರ್ಮ ಅಕರ್ಮವಿಕರ್ಮ ಇತಿ ವೇದವಾದಃ ನ ಲೌಕಿಕಃ ।
ವೇದಸ್ಯ ಚ ಈಶ್ವರಾತ್ಮತ್ವಾತ್ ತತ್ರ ಮುಹ್ಯನ್ತಿ ಸೂರಯಃ ॥ 43॥

ಪರೋಕ್ಷವಾದಃ ವೇದಃ ಅಯಂ ಬಾಲಾನಾಂ ಅನುಶಾಸನಮ್ ।
ಕರ್ಮಮೋಕ್ಷಾಯ ಕರ್ಮಾಣಿ ವಿಧತ್ತೇ ಹಿ ಅಗದಂ ಯಥಾ ॥ 44॥

ನ ಆಚರೇತ್ ಯಃ ತು ವೇದ ಉಕ್ತಂ ಸ್ವಯಂ ಅಜ್ಞಃ ಅಜಿತೇನ್ದ್ರಿಯಃ ।
ವಿಕರ್ಮಣಾ ಹಿ ಅಧರ್ಮೇಣ ಮೃತ್ಯೋಃ ಮೃತ್ಯುಂ ಉಪೈತಿ ಸಃ ॥ 45॥

ವೇದ ಉಕ್ತಂ ಏವ ಕುರ್ವಾಣಃ ನಿಃಸಙ್ಗಃ ಅರ್ಪಿತಂ ಈಶ್ವರೇ ।
ನೈಷ್ಕರ್ಮ್ಯಾಂ ಲಭತೇ ಸಿದ್ಧಿಂ ರೋಚನಾರ್ಥಾ ಫಲಶ್ರುತಿಃ ॥ 46॥

ಯಃ ಆಶು ಹೃದಯಗ್ರನ್ಥಿಂ ನಿರ್ಜಿಹೀಷುಃ ಪರಾತ್ಮನಃ ।
ವಿಧಿನಾ ಉಪಚರೇತ್ ದೇವಂ ತನ್ತ್ರ ಉಕ್ತೇನ ಚ ಕೇಶವಮ್ ॥ 47॥

ಲಬ್ಧ ಅನುಗ್ರಹಃ ಆಚಾರ್ಯಾತ್ ತೇನ ಸನ್ದರ್ಶಿತಾಗಮಃ ।
ಮಹಾಪುರುಷಂ ಅಭ್ಯರ್ಚೇತ್ ಮೂರ್ತ್ಯಾ ಅಭಿಮತಯಾ ಆತ್ಮನಃ ॥ 48॥

ಶುಚಿಃ ಸಮ್ಮುಖಂ ಆಸೀನಃ ಪ್ರಾಣಸಂಯಮನಾದಿಭಿಃ ।
ಪಿಣ್ಡಂ ವಿಶೋಧ್ಯ ಸನ್ನ್ಯಾಸಕೃತರಕ್ಷಃ ಅರ್ಚಯೇತ್ ಹರಿಮ್ ॥ 49॥

ಅರ್ಚಾದೌ ಹೃದಯೇ ಚ ಅಪಿ ಯಥಾಲಬ್ಧ ಉಪಚಾರಕೈಃ ।
ದ್ರವ್ಯಕ್ಷಿತಿಆತ್ಮಲಿಙ್ಗಾನಿ ನಿಷ್ಪಾದ್ಯ ಪ್ರೋಕ್ಷ್ಯ ಚ ಆಸನಮ್ ॥ 50॥

ಪಾದ್ಯಾದೀನ್ ಉಪಕಲ್ಪ್ಯಾ ಅಥ ಸನ್ನಿಧಾಪ್ಯ ಸಮಾಹಿತಃ ।
ಹೃತ್ ಆದಿಭಿಃ ಕೃತನ್ಯಾಸಃ ಮೂಲಮನ್ತ್ರೇಣ ಚ ಅರ್ಚಯೇತ್ ॥ 51॥

ಸಾಙ್ಗೋಪಾಙ್ಗಾಂ ಸಪಾರ್ಷದಾಂ ತಾಂ ತಾಂ ಮೂರ್ತಿಂ ಸ್ವಮನ್ತ್ರತಃ ।
ಪಾದ್ಯ ಅರ್ಘ್ಯಾಚಮನೀಯಾದ್ಯೈಃ ಸ್ನಾನವಾಸಃವಿಭೂಷಣೈಃ ॥ 52॥

ಗನ್ಧಮಾಲ್ಯಾಕ್ಷತಸ್ರಗ್ಭಿಃ ಧೂಪದೀಪಹಾರಕೈಃ ।
ಸಾಙ್ಗಂ ಸಮ್ಪೂಜ್ಯ ವಿಧಿವತ್ ಸ್ತವೈಃ ಸ್ತುತ್ವಾ ನಮೇತ್ ಹರಿಮ್ ॥ 53॥

ಆತ್ಮಾಂ ತನ್ಮಯಂ ಧ್ಯಾಯನ್ ಮೂರ್ತಿಂ ಸಮ್ಪೂಜಯೇತ್ ಹರೇಃ ।
ಶೇಷಾಂ ಆಧಾಯ ಶಿರಸಿ ಸ್ವಧಾಮ್ನಿ ಉದ್ವಾಸ್ಯ ಸತ್ಕೃತಮ್ ॥ 54॥

ಏವಂ ಅಗ್ನಿ ಅರ್ಕತೋಯಾದೌ ಅತಿಥೌ ಹೃದಯೇ ಚ ಯಃ ।
ಯಜತಿ ಈಶ್ವರಂ ಆತ್ಮಾನಂ ಅಚಿರಾತ್ ಮುಚ್ಯತೇ ಹಿ ಸಃ ॥ 55॥

ಇತಿ ಶ್ರೀಮದ್ಭಾಗವತೇ ಮಹಾಪುರಾಣೇ ಪಾರಮಹಂಸ್ಯಾಂ
ಸಂಹಿತಾಯಾಮೇಕಾದಶಸ್ಕನ್ಧೇ ನಿಮಿಜಾಯನ್ತಸಂವಾದೇ
ಮಾಯಾಕರ್ಮಬ್ರಹ್ಮನಿರೂಪಣಂ ತೃತೀಯೋಽಧ್ಯಾಯಃ ॥