කෘෂ්ණ යජුර්වේදීය තෛත්තිරීය සංහිතායා-ම්ප්රථමකාණ්ඩේ පඤ්චමඃ ප්රශ්නඃ - පුනරාධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

දේ॒වා॒සු॒රා-ස්සං​යඁ ॑ත්තා ආස॒න්තේ දේ॒වා වි॑ජ॒යමු॑ප॒යන්තෝ॒ ऽග්නෞ වා॒මං-වඁසු॒ ස-න්න්ය॑දධතේ॒දමු॑ නෝ භවිෂ්යති॒ යදි॑ නෝ ජේ॒ෂ්යන්තීති॒ තද॒ග්නිර්න්ය॑කාමයත॒ තේනාපා᳚ක්රාම॒-ත්තද්දේ॒වා වි॒ජිත්යා॑ව॒රුරු॑ථ්සමානා॒ අන්වා॑ය॒-න්තද॑ස්ය॒ සහ॒සා-ऽऽදි॑ථ්සන්ත॒ සෝ॑ ऽරෝදී॒ද්යදරෝ॑දී॒-ත්ත-ද්රු॒ද්රස්ය॑ රුද්ර॒ත්වං-යඁදශ්ව්රශී॑යත॒ ත- [තත්, ර॒ජ॒තග්​ම්] 1

ද්ර॑ජ॒තග්​ම් හිර॑ණ්යමභව॒-ත්තස්මා᳚-ද්රජ॒තග්​ම් හිර॑ණ්ය-මදක්ෂි॒ණ්ය-ම॑ශ්රු॒ජග්​ම් හි යෝ බ॒ර්॒හිෂි॒ දදා॑ති පු॒රා-ऽස්ය॑ සං​වඁථ්ස॒රා-ද්ගෘ॒හේ රු॑දන්ති॒ තස්මා᳚-ද්බ॒ර්॒හිෂි॒ න දේය॒ග්​ම්॒ සෝ᳚-ऽග්නිර॑බ්රවී-ද්භා॒ග්ය॑සා॒න්යථ॑ ව ඉ॒දමිති॑ පුනරා॒ධේය॑-න්තේ॒ කේව॑ල॒මිත්ය॑බ්රුව-න්නෘ॒ද්ධ්නව॒-ත්ඛලු॒ ස ඉත්ය॑බ්රවී॒ද්යෝ ම॑ද්දේව॒ත්ය॑-ම॒ග්නි-මා॒දධා॑තා॒ ඉති॒ ත-ම්පූ॒ෂා-ऽऽධ॑ත්ත॒ තේන॑ [ ] 2

පූ॒ෂා-ऽऽර්ධ්නෝ॒-ත්තස්මා᳚-ත්පෞ॒ෂ්ණාඃ ප॒ශව॑ උච්යන්තේ॒ ත-න්ත්වෂ්ටා-ऽऽධ॑ත්ත॒ තේන॒ ත්වෂ්ටා᳚-ऽऽර්ධ්නෝ॒-ත්තස්මා᳚-ත්ත්වා॒ෂ්ට්රාඃ ප॒ශව॑ උච්යන්තේ॒ ත-ම්මනු॒රා-ऽධ॑ත්ත॒ තේන॒ මනු॑රා॒ර්ධ්නෝ॒-ත්තස්මා᳚න්මාන॒ව්යඃ॑ ප්ර॒ජා උ॑ච්යන්තේ॒ ත-න්ධා॒තා-ऽऽධ॑ත්ත॒ තේන॑ ධා॒තා-ऽऽර්ධ්නෝ᳚-ථ්සං​වඁථ්ස॒රෝ වෛ ධා॒තා තස්මා᳚-ථ්සං​වඁථ්ස॒ර-ම්ප්ර॒ජාඃ ප॒ශවෝ-ऽනු॒ ප්ර ජා॑යන්තේ॒ ය ඒ॒ව-ම්පු॑නරා॒ධේය॒ස්යර්ධිං॒-වේඁද॒- [ඒ॒ව-ම්පු॑නරා॒ධේය॒ස්යර්ධිං॒-වේඁද॑, ඍ॒ධ්නෝත්යේ॒ව] 3

-ර්ධ්නෝත්යේ॒ව යෝ᳚-ऽස්යෛ॒ව-ම්බ॒න්ධුතාං॒-වේඁද॒ බන්ධු॑මා-න්භවති භාග॒ධේයං॒-වාඁ අ॒ග්නිරාහි॑ත ඉ॒ච්ඡමා॑නඃ ප්ර॒ජා-ම්ප॒ශූන් යජ॑මාන॒ස්යෝප॑ දෝද්රාවෝ॒ද්වාස්ය॒ පුන॒රා ද॑ධීත භාග॒ධේයේ॑නෛ॒වෛන॒ග්​ම්॒ සම॑ර්ධය॒ත්යථෝ॒ ශාන්ති॑රේ॒වාස්යෛ॒ෂා පුන॑ර්වස්වෝ॒රා ද॑ධීතෛ॒තද්වෛ පු॑නරා॒ධේය॑ස්ය॒ නක්ෂ॑ත්රං॒-යඁ-ත්පුන॑ර්වසූ॒ ස්වායා॑මේ॒වෛන॑-න්දේ॒වතා॑යාමා॒ධාය॑ බ්රහ්මවර්ච॒සී භ॑වති ද॒ර්භෛ රා ද॑ධා॒ත්යයා॑තයාමත්වාය ද॒ර්භෛරා ද॑ධාත්ය॒ද්භ්ය ඒ॒වෛන॒මෝෂ॑ධීභ්යෝ ऽව॒රුද්ධ්යා ऽऽධ॑ත්තේ॒ පඤ්ච॑කපාලඃ පුරෝ॒ඩාශෝ॑ භවති॒ පඤ්ච॒ වා ඍ॒තව॑ ඍ॒තුභ්ය॑ ඒ॒වෛන॑මව॒රුද්ධ්යා ऽऽධ॑ත්තේ ॥ 4 ॥
(අශී॑යත॒ තත්- තේන॒-වේද॑- ද॒ර්භෛඃ පඤ්ච॑විග්​ම්ශතිශ්ච) (අ. 1)

පරා॒ වා ඒ॒ෂ ය॒ජ්ඤ-ම්ප॒ශූන් ව॑පති॒ යෝ᳚-ऽග්නිමු॑ද්වා॒සය॑තේ॒ පඤ්ච॑කපාලඃ පුරෝ॒ඩාශෝ॑ භවති॒ පාඞ්ක්තෝ॑ ය॒ජ්ඤඃ පාඞ්ක්තාඃ᳚ ප॒ශවෝ॑ ය॒ජ්ඤමේ॒ව ප॒ශූනව॑ රුන්ධේ වීර॒හා වා ඒ॒ෂ දේ॒වානාං॒-යෝඁ᳚-ऽග්නිමු॑ද්වා॒සය॑තේ॒ න වා ඒ॒තස්ය॑ බ්රාහ්ම॒ණා ඍ॑තා॒යවඃ॑ පු॒රා-ऽන්න॑මක්ෂ-න්ප॒ඞ්ක්ත්යෝ॑ යාජ්යානුවා॒ක්යා॑ භවන්ති॒ පාඞ්ක්තෝ॑ ය॒ජ්ඤඃ පාඞ්ක්තඃ॒ පුරු॑ෂෝ දේ॒වානේ॒ව වී॒ර-න්නි॑රව॒දායා॒ග්නි-ම්පුන॒රා [පුන॒රා, ධ॒ත්තේ॒ ශ॒තාක්ෂ॑රා භවන්ති] 5

ධ॑ත්තේ ශ॒තාක්ෂ॑රා භවන්ති ශ॒තායුඃ॒ පුරු॑ෂ-ශ්ශ॒තේන්ද්රි॑ය॒ ආයු॑ෂ්යේ॒වේන්ද්රි॒යේ ප්රති॑ තිෂ්ඨති॒ යද්වා අ॒ග්නිරාහි॑තෝ॒ නර්ධ්යතේ॒ ජ්යායෝ॑ භාග॒ධේය॑-න්නිකා॒මය॑මානෝ॒ යදා᳚ග්නේ॒යග්​ම් සර්ව॒-ම්භව॑ති॒ සෛවාස්යර්ධි॒-ස්සං-වාඁ ඒ॒තස්ය॑ ගෘ॒හේ වාක් සෘ॑ජ්යතේ॒ යෝ᳚-ऽග්නිමු॑ද්වා॒සය॑තේ॒ ස වාච॒ග්​ම්॒ සග්​ම්සෘ॑ෂ්ටාං॒-යඁජ॑මාන ඊශ්ව॒රෝ-ऽනු॒ පරා॑භවිතෝ॒-ර්විභ॑ක්තයෝ භවන්ති වා॒චෝ විධෘ॑ත්යෛ॒ යජ॑මාන॒ස්යා-ऽප॑රාභාවාය॒ [-ऽප॑රාභාවාය, විභ॑ක්ති-ඞ්කරෝති॒] 6

විභ॑ක්ති-ඞ්කරෝති॒ බ්රහ්මෛ॒ව තද॑කරුපා॒ග්​ම්॒ශු ය॑ජති॒ යථා॑ වා॒මං-වඁසු॑ විවිදා॒නෝ ගූහ॑ති තා॒දෘගේ॒ව තද॒ග්නි-ම්ප්රති॑ ස්විෂ්ට॒කෘත॒-න්නිරා॑හ॒ යථා॑ වා॒මං-වඁසු॑ විවිදා॒නඃ ප්ර॑කා॒ශ-ඤ්ජිග॑මිෂති තා॒දෘගේ॒ව තද්විභ॑ක්තිමු॒ක්ත්වා ප්ර॑යා॒ජේන॒ වෂ॑ට්කරෝත්යා॒යත॑නාදේ॒ව නෛති॒ යජ॑මානෝ॒ වෛ පු॑රෝ॒ඩාශඃ॑ ප॒ශව॑ ඒ॒තේ ආහු॑තී॒ යද॒භිතඃ॑ පුරෝ॒ඩාශ॑මේ॒තේ ආහු॑තී [ ] 7

ජු॒හෝති॒ යජ॑මානමේ॒වෝභ॒යතඃ॑ ප॒ශුභිඃ॒ පරි॑ ගෘහ්ණාති කෘ॒තය॑ජු॒-ස්සම්භෘ॑තසම්භාර॒ ඉත්යා॑හු॒ර්න ස॒ම්භෘත්යා᳚-ස්සම්භා॒රා න යජුඃ॑ කර්ත॒ව්ය॑මිත්යථෝ॒ ඛලු॑ ස॒ම්භෘත්යා॑ ඒ॒ව ස॑ම්භා॒රාඃ ක॑ර්ත॒ව්යං॑-යඁජු॑-ර්ය॒ජ්ඤස්ය॒ සමෘ॑ද්ධ්යෛ පුනර්නිෂ්කෘ॒තෝ රථෝ॒ දක්ෂි॑ණා පුනරුථ්ස්යූ॒තං-වාඁසඃ॑ පුනරුථ්සෘ॒ෂ්ටෝ॑-ऽන॒ඩ්වා-න්පු॑නරා॒ධේය॑ස්ය॒ සමෘ॑ද්ධ්යෛ ස॒ප්ත තේ॑ අග්නේ ස॒මිධ॑-ස්ස॒ප්ත ජි॒හ්වා ඉත්ය॑ග්නිහෝ॒ත්ර-ඤ්ජු॑හෝති॒ යත්ර॑යත්රෛ॒වාස්ය॒ න්ය॑ක්ත॒-න්තත॑ [න්ය॑ක්ත॒-න්තතඃ॑, ඒ॒වෛන॒මව॑ රුන්ධේ] 8

ඒ॒වෛන॒මව॑ රුන්ධේ වීර॒හා වා ඒ॒ෂ දේ॒වානාං॒-යෝඁ᳚-ऽග්නිමු॑ද්වා॒සය॑තේ॒ තස්ය॒ වරු॑ණ ඒ॒වර්ණ॒යාදා᳚ග්නිවාරු॒ණ-මේකා॑දශකපාල॒මනු॒ නිර්ව॑පේ॒ද්ය-ඤ්චෛ॒ව හන්ති॒ යශ්චා᳚ස්යර්ණ॒යාත්තෞ භා॑ග॒ධේයේ॑න ප්රීණාති॒ නා-ऽऽර්ති॒මාර්ච්ඡ॑ති॒ යජ॑මානඃ ॥ 9 ॥
(ආ-ऽප॑රාභාවාය-පුරෝ॒ඩාශ॑මේ॒තේ-ආහු॑තී॒-තතඃ॒ -ෂටත්රිග්​ම්॑ශච්ච) (අ. 2)

භූමි॑-ර්භූ॒ම්නා ද්යෞ-ර්ව॑රි॒ණා-ऽන්තරි॑ක්ෂ-ම්මහි॒ත්වා । උ॒පස්ථේ॑ තේ දේව්යදිතේ॒ ऽග්නිම॑න්නා॒දම॒න්නාද්යා॒යා-ऽऽද॑ධේ ॥ ආ-ऽය-ඞ්ගෞඃ පෘශ්ඤි॑රක්රමී॒දස॑න-න්මා॒තර॒-ම්පුනඃ॑ । පි॒තර॑-ඤ්ච ප්ර॒යන්-ථ්සුවඃ॑ ॥ ත්රි॒ග්​ම්॒ශද්ධාම॒ වි රා॑ජති॒ වා-ක්ප॑ත॒ඞ්ගාය॑ ශිශ්රියේ । ප්රත්ය॑ස්ය වහ॒ ද්යුභිඃ॑ ॥ අ॒ස්ය ප්රා॒ණාද॑පාන॒ත්ය॑න්තශ්ච॑රති රෝච॒නා । ව්ය॑ඛ්ය-න්මහි॒ෂ-ස්සුවඃ॑ ॥ යත්ත්වා᳚ [ ] 10

ක්රු॒ද්ධඃ ප॑රෝ॒වප॑ ම॒න්යුනා॒ යදව॑ර්ත්යා । සු॒කල්ප॑මග්නේ॒ තත්තව॒ පුන॒ස්ත්වෝද්දී॑පයාමසි ॥යත්තේ॑ ම॒න්යුප॑රෝප්තස්ය පෘථි॒වීමනු॑ දද්ධ්ව॒සේ । ආ॒දි॒ත්යා විශ්වේ॒ තද්දේ॒වා වස॑වශ්ච ස॒මාභ॑රන්න් ॥ මනෝ॒ ජ්යෝති॑-ර්ජුෂතා॒මාජ්යං॒-විඁච්ඡි॑න්නං-යඁ॒ජ්ඤග්​ම් සමි॒ම-න්ද॑ධාතු । බෘහ॒ස්පති॑ස්තනුතාමි॒ම-න්නෝ॒ විශ්වේ॑ දේ॒වා ඉ॒හ මා॑දයන්තාම් ॥ ස॒ප්ත තේ॑ අග්නේ ස॒මිධ॑-ස්ස॒ප්ත ජි॒හ්වා-ස්ස॒ප්ත- [ජි॒හ්වා-ස්ස॒ප්ත, ඍෂ॑ය-ස්ස॒ප්ත ධාම॑] 11

-ර්​ෂ॑ය-ස්ස॒ප්ත ධාම॑ ප්රි॒යාණි॑ । ස॒ප්ත හෝත්රා᳚-ස්සප්ත॒ධා ත්වා॑ යජන්ති ස॒ප්ත යෝනී॒රා පෘ॑ණස්වා ඝෘ॒තේන॑ ॥ පුන॑රූ॒ර්ජා නි ව॑ර්තස්ව॒ පුන॑රග්න ඉ॒ෂා-ऽऽයු॑ෂා । පුන॑ර්නඃ පාහි වි॒ශ්වතඃ॑ ॥ ස॒හ ර॒ය්යා නි ව॑ර්ත॒ස්වාග්නේ॒ පින්ව॑ස්ව॒ ධාර॑යා । වි॒ශ්වඵ්ස්නි॑යා වි॒ශ්වත॒ස්පරි॑ ॥ ලේක॒-ස්සලේ॑ක-ස්සු॒ලේක॒ස්තේ න॑ ආදි॒ත්යා ආජ්ය॑-ඤ්ජුෂා॒ණා වි॑යන්තු॒ කේත॒-ස්සකේ॑ත-ස්සු॒කේත॒ස්තේ න॑ ආදි॒ත්යා ආජ්ය॑-ඤ්ජුෂා॒ණා වි॑යන්තු॒ විව॑ස්වා॒ග්​ම්॒ අදි॑ති॒-ර්දේව॑ජූති॒ස්තේ න॑ ආදි॒ත්යා ආජ්ය॑-ඤ්ජුෂා॒ණා වි॑යන්තු ॥ 12 ॥
(ත්වා॒-ජි॒හ්වා-ස්ස॒ප්ත-සු॒කේත॒ස්තේ න॒-ස්ත්රයෝ॑දශ ච ) (අ. 3)

භූමි॑-ර්භූ॒ම්නා ද්යෞ-ර්ව॑රි॒ණේත්යා॑හා॒-ऽऽශිෂෛ॒වෛන॒මා ධ॑ත්තේ ස॒ර්පා වෛ ජීර්ය॑න්තෝ ऽමන්යන්ත॒ ස ඒ॒ත-ඞ්ක॑ස॒ර්ණීරඃ॑ කාද්රවේ॒යෝ මන්ත්ර॑මපශ්ය॒-ත්තතෝ॒ වෛ තේ ජී॒ර්ණාස්ත॒නූරපා᳚ඝ්නත සර්පරා॒ජ්ඤියා॑ ඍ॒ග්භි-ර්ගාර්​හ॑පත්ය॒මා ද॑ධාති පුනර්න॒වමේ॒වෛන॑ම॒ජර॑-ඞ්කෘ॒ත්වා ऽऽධ॒ත්තේ-ऽථෝ॑ පූ॒තමේ॒ව පෘ॑ථි॒වීම॒න්නාද්ය॒-න්නෝපා॑-ऽනම॒ථ්සෛත- [නෝපා॑-ऽනම॒ථ්සෛතම්, මන්ත්ර॑මපශ්ය॒-ත්තතෝ॒ වෛ] 13

-ම්මන්ත්ර॑මපශ්ය॒-ත්තතෝ॒ වෛ තාම॒න්නාද්ය॒-මුපා॑නම॒ද්යථ් -ස॑ර්පරා॒ජ්ඤියා॑ ඍ॒ග්භි-ර්ගාර්​හ॑පත්ය-මා॒දධා᳚ත්ය॒න්නාද්ය॒ස්යාව॑රුද්ධ්යා॒ අථෝ॑ අ॒ස්යාමේ॒වෛන॒-ම්ප්රති॑ෂ්ඨිත॒මා ධ॑ත්තේ॒ යත්ත්වා᳚ ක්රු॒ද්ධඃ ප॑රෝ॒වපේත්යා॒හාප॑හ්නුත ඒ॒වාස්මෛ॒ ත-ත්පුන॒ස්ත්වෝද්දී॑පයාම॒සීත්යා॑හ॒ සමි॑න්ධ ඒ॒වෛනං॒-යඁත්තේ॑ ම॒න්යුප॑රෝප්ත॒ස්යේත්යා॑හ දේ॒වතා॑භිරේ॒වෛ- [දේ॒වතා॑භිරේ॒ව, ඒ॒න॒ග්​ම්॒ ස-ම්භ॑රති॒ වි වා] 14

-න॒ග්​ම්॒ ස-ම්භ॑රති॒ වි වා ඒ॒තස්ය॑ ය॒ජ්ඤශ්ඡි॑ද්යතේ॒ යෝ᳚-ऽග්නිමු॑ද්වා॒සය॑තේ॒ බෘහ॒ස්පති॑වත්ය॒ර්චෝප॑ තිෂ්ඨතේ॒ බ්රහ්ම॒ වෛ දේ॒වානා॒-ම්බෘහ॒ස්පති॒-ර්බ්රහ්ම॑ණෛ॒ව ය॒ජ්ඤග්​ම් ස-න්ද॑ධාති॒ විච්ඡි॑න්නං-යඁ॒ජ්ඤග්​ම් සමි॒ම-න්ද॑ධා॒ත්විත්යා॑හ॒ සන්ත॑ත්යෛ॒ විශ්වේ॑ දේ॒වා ඉ॒හ මා॑දයන්තා॒මිත්යා॑හ ස॒න්තත්යෛ॒ව ය॒ජ්ඤ-න්දේ॒වේභ්යෝ-ऽනු॑ දිශති ස॒ප්ත තේ॑ අග්නේ ස॒මිධ॑-ස්ස॒ප්ත ජි॒හ්වා [ජි॒හ්වාඃ, ඉත්යා॑හ] 15

ඉත්යා॑හ ස॒ප්තස॑ප්ත॒ වෛ ස॑ප්ත॒ධා-ऽග්නේඃ ප්රි॒යාස්ත॒නුව॒ස්තා ඒ॒වාව॑ රුන්ධේ॒ පුන॑රූ॒ර්ජා ස॒හ ර॒ය්යේත්ය॒භිතඃ॑ පුරෝ॒ඩාශ॒මාහු॑තී ජුහෝති॒ යජ॑මානමේ॒වෝර්ජා ච॑ ර॒ය්යා චෝ॑භ॒යතඃ॒ පරි॑ ගෘහ්ණාත්යාදි॒ත්යා වා අ॒ස්මාල්ලෝ॒කාද॒මුං-ලෝඁ॒කමා॑ය॒-න්තේ॑-ऽමුෂ්මි॑න් ඁලෝ॒කේ ව්ය॑තෘෂ්ය॒-න්ත ඉ॒මං-ලෝඁ॒ක-ම්පුන॑රභ්ය॒වේත්යා॒ ऽග්නිමා॒ධායෛ॒-තාන්. හෝමා॑නජුහවු॒ස්ත ආ᳚ර්ධ්නුව॒-න්තේ සු॑ව॒ර්ගං-ලෝඁ॒කමා॑ය॒න්॒. යඃ ප॑රා॒චීන॑-ම්පුනරා॒ධේයා॑ද॒ග්නිමා॒දධී॑ත॒ ස ඒ॒තාන්. හෝමා᳚න් ජුහුයා॒ද්යාමේ॒වා-ऽऽදි॒ත්යා ඍද්ධි॒මාර්ධ්නු॑ව॒-න්තාමේ॒වර්ධ්නෝ॑ති ॥ 16 ॥
(සෛතං-දේ॒වතා॑භිරේ॒ව-ජි॒හ්වා-ඒ॒තාන්-පඤ්ච॑විග්​ම්ශතිශ්ච ) (අ. 4)

උ॒ප॒ප්ර॒යන්තෝ॑ අද්ධ්ව॒ර-ම්මන්ත්රං॑-වෝඁචේමා॒ග්නයේ᳚ । ආ॒රේ අ॒ස්මේ ච॑ ශෘණ්ව॒තේ ॥ අ॒ස්ය ප්ර॒ත්නාමනු॒ ද්යුතග්​ම්॑ ශු॒ක්ර-න්දු॑දුහ්රේ॒ අහ්ර॑යඃ । පය॑-ස්සහස්ර॒සාමෘෂි᳚ම් ॥ අ॒ග්නි-ර්මූ॒ර්ධා දි॒වඃ ක॒කුත්පතිඃ॑ පෘථි॒ව්යා අ॒යම් । අ॒පාග්​ම් රේතාග්​ම්॑සි ජින්වති ॥ අ॒යමි॒හ ප්ර॑ථ॒මෝ ධා॑යි ධා॒තෘභි॒ර්॒ හෝතා॒ යජි॑ෂ්ඨෝ අධ්ව॒රේෂ්වීඩ්යඃ॑ ॥ යමප්න॑වානෝ॒ භෘග॑වෝ විරුරු॒චුර්වනේ॑ෂු චි॒ත්රං-විඁ॒භුවං॑-විඁ॒ශේවි॑ශේ ॥ උ॒භා වා॑මින්ද්රාග්නී ආහු॒වද්ධ්යා॑ [ආහු॒වද්ධ්යෛ᳚, උ॒භා] 17

උ॒භා රාධ॑ස-ස්ස॒හ මා॑ද॒යද්ධ්යෛ᳚ । උ॒භා දා॒තාරා॑වි॒ෂාග්​ම් ර॑යී॒ණාමු॒භා වාජ॑ස්ය සා॒තයේ॑ හුවේ වාම් ॥ අ॒ය-න්තේ॒ යෝනි॑ර්-ඍ॒ත්වියෝ॒ යතෝ॑ ජා॒තෝ අරෝ॑චථාඃ । ත-ඤ්ජා॒නන්න॑ග්න॒ ආ රෝ॒හාථා॑ නෝ වර්ධයා ර॒යිම් ॥ අග්න॒ ආයූග්​ම්॑ෂි පවස॒ ආ සු॒වෝර්ජ॒මිෂ॑-ඤ්ච නඃ । ආ॒රේ බා॑ධස්ව දු॒ච්ඡුනා᳚ම් ॥ අග්නේ॒ පව॑ස්ව॒ ස්වපා॑ අ॒ස්මේ වර්ච॑-ස්සු॒වීර්ය᳚ම් । දධ॒ත්පෝෂග්​ම්॑ ර॒යි- [ර॒යිම්, ම්මයි॑ ।] 18

-ම්මයි॑ ॥ අග්නේ॑ පාවක රෝ॒චිෂා॑ ම॒න්ද්රයා॑ දේව ජි॒හ්වයා᳚ । ආ දේ॒වාන්. ව॑ක්ෂි॒ යක්ෂි॑ ච ॥ ස නඃ॑ පාවක දීදි॒වෝ-ऽග්නේ॑ දේ॒වාග්​ම් ඉ॒හා ऽऽව॑හ । උප॑ ය॒ජ්ඤග්​ම් හ॒විශ්ච॑ නඃ ॥ අ॒ග්නි-ශ්ශුචි॑ව්රතතම॒-ශ්ශුචි॒-ර්විප්ර॒-ශ්ශුචිඃ॑ ක॒විඃ । ශුචී॑ රෝචත॒ ආහු॑තඃ ॥ උද॑ග්නේ॒ ශුච॑ය॒ස්තව॑ ශු॒ක්රා භ්රාජ॑න්ත ඊරතේ । තව॒ ජ්යෝතීග්॑ෂ්ය॒ර්චයඃ॑ ॥ ආ॒යු॒ර්දා අ॑ග්නේ॒-ऽස්යායු॑ර්මේ [අ॑ග්නේ॒-ऽස්යායු॑ර්මේ, දේ॒හි॒ ව॒ර්චෝ॒දා] 19

දේහි වර්චෝ॒දා අ॑ග්නේ-ऽසි॒ වර්චෝ॑ මේ දේහි තනූ॒පා අ॑ග්නේ-ऽසි ත॒නුව॑-ම්මේ පා॒හ්යග්නේ॒ යන්මේ॑ ත॒නුවා॑ ඌ॒න-න්තන්ම॒ ආ පෘ॑ණ॒ චිත්රා॑වසෝ ස්ව॒ස්ති තේ॑ පා॒රම॑ශී॒යේන්ධා॑නාස්ත්වා ශ॒තග්​ම් හිමා᳚ ද්යු॒මන්ත॒-ස්සමි॑ධීමහි॒ වය॑ස්වන්තෝ වය॒ස්කෘතං॒-යඁශ॑ස්වන්තෝ යශ॒ස්කෘතග්​ම්॑ සු॒වීරා॑සෝ॒ අදා᳚භ්යම් । අග්නේ॑ සපත්න॒දම්භ॑නං॒-වඁර්​ෂි॑ෂ්ඨේ॒ අධි॒ නාකේ᳚ ॥ ස-න්ත්වම॑ග්නේ॒ සූර්ය॑ස්ය॒ වර්ච॑සා ऽගථා॒-ස්සමෘෂී॑ණාග්​ ස්තු॒තේන॒ ස-ම්ප්රි॒යේණ॒ ධාම්නා᳚ । ත්වම॑ග්නේ॒ සූර්ය॑වර්චා අසි॒ ස-ම්මාමායු॑ෂා॒ වර්ච॑සා ප්ර॒ජයා॑ සෘජ ॥ 20 ॥
(ආ॒හු॒වද්ධ්යෛ॒-පෝෂග්​ම්॑ ර॒යිං-මේ॒-වර්ච॑සා-ස॒ප්තද॑ශ ච ) (අ. 5)

ස-ම්ප॑ශ්යාමි ප්ර॒ජා අ॒හ-මිඩ॑ප්රජසෝ මාන॒වීඃ । සර්වා॑ භවන්තු නෝ ගෘ॒හේ । අම්භ॒-ස්ස්ථාම්භෝ॑ වෝ භක්ෂීය॒ මහ॑-ස්ස්ථ॒ මහෝ॑ වෝ භක්ෂීය॒ සහ॑-ස්ස්ථ॒ සහෝ॑ වෝ භක්ෂී॒යෝර්ජ॒-ස්ස්ථෝර්ජං॑-වෝඁ භක්ෂීය॒ රේව॑තී॒ රම॑ද්ධ්ව-ම॒ස්මින් ඁලෝ॒කේ᳚-ऽස්මි-න්ගෝ॒ෂ්ඨේ᳚-ऽස්මින් ක්ෂයේ॒-ऽස්මින් යෝනා॑වි॒හෛව ස්තේ॒තෝ මා-ऽප॑ ගාත බ॒හ්වීර්මේ॑ භූයාස්ත [භූයාස්ත, ස॒ග්​ම්॒හි॒තා-ऽසි॑] 21

සග්​ම්හි॒තා-ऽසි॑ විශ්වරූ॒පීරා මෝ॒ර්ජා වි॒ශා ऽऽගෞ॑ප॒ත්යේනා ऽऽරා॒යස්පෝෂේ॑ණ සහස්රපෝ॒ෂං-වඁ ඃ॑ පුෂ්යාස॒-ම්මයි॑ වෝ॒ රාය॑-ශ්ශ්රයන්තාම් ॥ උප॑ ත්වා-ऽග්නේ දි॒වේදි॑වේ॒ දෝෂා॑වස්තර්ධි॒යා ව॒යම් । නමෝ॒ භර॑න්ත॒ ඒම॑සි ॥ රාජ॑න්තමද්ධ්ව॒රාණා᳚-ඞ්ගෝ॒පාමෘ॒තස්ය॒ දීදි॑විම් । වර්ධ॑මාන॒ග්ග්॒ ස්වේ දමේ᳚ ॥ ස නඃ॑ පි॒තේව॑ සූ॒නවේ-ऽග්නේ॑ සූපාය॒නෝ භ॑ව । සච॑ස්වා න-ස්ස්ව॒ස්තයේ᳚ ॥ අග්නේ॒ [අග්නේ᳚, ත්ව-න්නෝ॒ අන්ත॑මඃ ।] 22

ත්ව-න්නෝ॒ අන්ත॑මඃ । උ॒ත ත්රා॒තා ශි॒වෝ භ॑ව වරූ॒ත්ථ්යඃ॑ ॥ ත-න්ත්වා॑ ශෝචිෂ්ඨ දීදිවඃ । සු॒ම්නාය॑ නූ॒නමී॑මහේ॒ සඛි॑භ්යඃ ॥ වසු॑ර॒ග්නි-ර්වසු॑ශ්රවාඃ । අච්ඡා॑ නක්ෂි ද්යු॒මත්ත॑මෝ ර॒යි-න්දාඃ᳚ ॥ ඌ॒ර්ජා වඃ॑ පශ්යාම්යූ॒ර්ජා මා॑ පශ්යත රා॒යස්පෝෂේ॑ණ වඃ පශ්යාමි රා॒යස්පෝෂේ॑ණ මා පශ්ය॒තේඩා᳚-ස්ස්ථ මධු॒කෘත॑-ස්ස්යෝ॒නා මා ऽऽවි॑ශ॒තේරා॒ මදඃ॑ । ස॒හ॒ස්ර॒පෝ॒ෂං-වඁ ඃ॑ පුෂ්යාස॒- [පුෂ්යාස॒ම්, මයි॑] 23

ම්මයි॑ වෝ॒ රාය॑-ශ්ශ්රයන්තාම් ॥ තථ්ස॑වි॒තු-ර්වරේ᳚ණ්ය॒-ම්භර්ගෝ॑ දේ॒වස්ය॑ ධීමහි । ධියෝ॒ යෝනඃ॑ ප්රචෝ॒දයා᳚ත් ॥ සෝ॒මාන॒ග්ග්॒ ස්වර॑ණ-ඞ්කෘණු॒හි බ්ර॑හ්මණස්පතේ । ක॒ක්ෂීව॑න්තං॒-යඁ ඖ॑ශි॒ජම් ॥ ක॒දා ච॒න ස්ත॒රීර॑සි॒ නේන්ද්ර॑ සශ්චසි දා॒ශුෂේ᳚ ॥ උපෝ॒පේන්නු ම॑ඝව॒-න්භුය॒ ඉන්නු තේ॒ දාන॑-න්දේ॒වස්ය॑ පෘච්යතේ ॥ පරි॑ ත්වා-ऽග්නේ॒ පුරං॑-වඁ॒යං-විඁප්රග්​ම්॑ සහස්ය ධීමහි ॥ ධෘ॒ෂද්ව॑ර්ණ-න්දි॒වේදි॑වේ භේ॒ත්තාර॑-ම්භඞ්ගු॒රාව॑තඃ ॥ අග්නේ॑ ගෘහපතේ සුගෘහප॒තිර॒හ-න්ත්වයා॑ ගෘ॒හප॑තිනා භූයාසග්​ම් සුගෘහප॒තිර්මයා॒ ත්ව-ඞ්ගෘ॒හප॑තිනා භූයා-ශ්ශ॒තග්​ම් හිමා॒ස්තාමා॒ශිෂ॒මා ශා॑සේ॒ තන්ත॑වේ॒ ජ්යෝති॑ෂ්මතී॒-න්තාමා॒ශිෂ॒මා ශා॑සේ॒-ऽමුෂ්මෛ॒ ජ්යෝති॑ෂ්මතීම් ॥ 24 ॥
(භූ॒යා॒ස්ත॒-ස්ව॒ස්තයේ-ऽග්නේ॑-පුෂ්යාසං-ධෘ॒ෂද්ව॑ර්ණ॒-මේකා॒න්නත්රි॒ග්​ම්॒ශච්ච॑ ) (අ. 6)

අය॑ජ්ඤෝ॒ වා ඒ॒ෂ යෝ॑-ऽසා॒මෝප॑ප්ර॒යන්තෝ॑ අද්ධ්ව॒රමිත්යා॑හ॒ ස්තෝම॑මේ॒වාස්මෛ॑ යුන॒ක්ත්යුපේත්යා॑හ ප්ර॒ජා වෛ ප॒ශව॒ උපේ॒මං-ලෝඁ॒ක-ම්ප්ර॒ජාමේ॒ව ප॒ශූනි॒මං-ලෝඁ॒කමුපෛ᳚ත්ය॒ස්ය ප්ර॒ත්නාමනු॒ ද්යුත॒මිත්යා॑හ සුව॒ර්ගෝ වෛ ලෝ॒කඃ ප්ර॒ත්න-ස්සු॑ව॒ර්ගමේ॒ව ලෝ॒කග්​ම් ස॒මාරෝ॑හත්ය॒ග්නි-ර්මූ॒ර්ධා දි॒වඃ ක॒කුදිත්යා॑හ මූ॒ර්ධාන॑- [මූ॒ර්ධාන᳚ම්, ඒ॒වෛනග්​ම්॑] 25

මේ॒වෛනග්​ම්॑ සමා॒නානා᳚-ඞ්කරෝ॒ත්යථෝ॑ දේවලෝ॒කාදේ॒ව ම॑නුෂ්යලෝ॒කේ ප්රති॑ තිෂ්ඨත්ය॒යමි॒හ ප්ර॑ථ॒මෝ ධා॑යි ධා॒තෘභි॒රිත්යා॑හ॒ මුඛ්ය॑මේ॒වෛන॑-ඞ්කරෝත්යු॒භා වා॑මින්ද්රාග්නී ආහු॒වද්ධ්යා॒ ඉත්යා॒හෞජෝ॒ බල॑මේ॒වාව॑ රුන්ධේ॒ ऽය-න්තේ॒ යෝනි॑ර්-ඍ॒ත්විය॒ ඉත්යා॑හ ප॒ශවෝ॒ වෛ ර॒යිඃ ප॒ශූනේ॒වාව॑ රුන්ධේ ෂ॒ඩ්භිරුප॑ තිෂ්ඨතේ॒ ෂඩ්වා [ෂඩ්වෛ, ඍ॒තව॑ ඍ॒තුෂ්වේ॒ව] 26

ඍ॒තව॑ ඍ॒තුෂ්වේ॒ව ප්රති॑ තිෂ්ඨති ෂ॒ඩ්භිරුත්ත॑රාභි॒රුප॑ තිෂ්ඨතේ॒ ද්වාද॑ශ॒ ස-ම්ප॑ද්යන්තේ॒ ද්වාද॑ශ॒ මාසා᳚-ස්සං​වඁථ්ස॒ර-ස්සං॑ඁවථ්ස॒ර ඒ॒ව ප්රති॑ තිෂ්ඨති॒ යථා॒ වෛ පුරු॒ෂෝ-ऽශ්වෝ॒ ගෞ-ර්ජීර්ය॑ත්යේ॒ව-ම॒ග්නිරාහි॑තෝ ජීර්යති සං​වඁථ්ස॒රස්ය॑ ප॒රස්තා॑දාග්නිපාවමා॒නීභි॒-රුප॑ තිෂ්ඨතේ පුනර්න॒ව-මේ॒වෛන॑-ම॒ජර॑-ඞ්කරෝ॒ත්යථෝ॑ පු॒නාත්යේ॒වෝප॑ තිෂ්ඨතේ॒ යෝග॑ ඒ॒වාස්යෛ॒ෂ උප॑ තිෂ්ඨතේ॒ [උප॑ තිෂ්ඨතේ, දම॑ ඒ॒වාස්යෛ॒ෂ] 27

දම॑ ඒ॒වාස්යෛ॒ෂ උප॑ තිෂ්ඨතේ යාච්ඤෛවා-ऽස්යෛ॒ෂෝප॑ තිෂ්ඨතේ॒ යථා॒ පාපී॑යා॒ඤ්ඡ්රේය॑ස ආ॒හෘත්ය॑ නම॒ස්යති॑ තා॒දෘගේ॒ව තදා॑යු॒ර්දා අ॑ග්නේ॒-ऽස්යායු॑ර්මේ දේ॒හීත්යා॑හා-ऽऽයු॒ර්දා හ්යේ॑ෂ ව॑ර්චෝ॒දා අ॑ග්නේ-ऽසි॒ වර්චෝ॑ මේ දේ॒හීත්යා॑හ වර්චෝ॒දා හ්යේ॑ෂ ත॑නූ॒පා අ॑ග්නේ-ऽසි ත॒නුව॑-ම්මේ පා॒හීත්යා॑හ [පා॒හීත්යා॑හ, ත॒නූ॒පා] 28

තනූ॒පා හ්යේ॑ෂෝ-ऽග්නේ॒ යන්මේ॑ ත॒නුවා॑ ඌ॒න-න්තන්ම॒ ආ පෘ॒ණේත්යා॑හ॒ යන්මේ᳚ ප්ර॒ජායෛ॑ පශූ॒නාමූ॒න-න්තන්ම॒ ආ පූ॑ර॒යේති॒ වාවෛතදා॑හ॒ චිත්රා॑වසෝ ස්ව॒ස්ති තේ॑ පා॒රම॑ශී॒යේත්යා॑හ॒ රාත්රි॒-ර්වෛ චි॒ත්රාව॑සු॒රව්යු॑ෂ්ට්යෛ॒ වා ඒ॒තස්යෛ॑ පු॒රා බ්රා᳚හ්ම॒ණා අ॑භෛෂු॒-ර්ව්යු॑ෂ්ටිමේ॒වාව॑ රුන්ධ॒ ඉන්ධා॑නාස්ත්වා ශ॒තග්​ම් [ශ॒තම්, හිමා॒ ඉත්යා॑හ] 29

හිමා॒ ඉත්යා॑හ ශ॒තායුඃ॒ පුරු॑ෂ-ශ්ශ॒තේන්ද්රි॑ය॒ ආයු॑ෂ්යේ॒වේන්ද්රි॒යේ ප්රති॑ තිෂ්ඨත්යේ॒ෂා වෛ සූ॒ර්මී කර්ණ॑කාවත්යේ॒තයා॑ හ ස්ම॒ වෛ දේ॒වා අසු॑රාණාග්​ම් ශතත॒ර්॒හාග්​ ස්තෘග්​ම්॑හන්ති॒ යදේ॒තයා॑ ස॒මිධ॑මා॒දධා॑ති॒ වජ්ර॑මේ॒වෛතච්ඡ॑ත॒ඝ්නීං-යඁජ॑මානෝ॒ භ්රාතෘ॑ව්යාය॒ ප්ර හ॑රති॒ ස්තෘත්යා॒ අඡ॑ම්බට්කාර॒ග්​ම්॒ ස-න්ත්වම॑ග්නේ॒ සූර්ය॑ස්ය॒ වර්ච॑සා-ऽගථා॒ ඉත්යා॑හෛ॒තත්ත්වමසී॒දම॒හ-ම්භූ॑යාස॒මිති॒ වාවෛතදා॑හ॒ ත්වම॑ග්නේ॒ සූර්ය॑වර්චා අ॒සීත්යා॑හා॒-ऽऽශිෂ॑මේ॒වෛතාමා ශා᳚ස්තේ ॥ 30 ॥
(මූ॒ර්ධාන॒ග්​ම්॒-ෂඩ්වා-ඒ॒ෂ උප॑ තිෂ්ඨතේ-පා॒හීත්යා॑හ-ශ॒ත-ම॒හග්​ම් ෂෝඩ॑ශ ච) (අ. 7)

ස-ම්ප॑ශ්යාමි ප්ර॒ජා අ॒හමිත්යා॑හ॒ යාව॑න්ත ඒ॒ව ග්රා॒ම්යාඃ ප॒ශව॒ස්තානේ॒වාව॑ රු॒න්ධේ-ऽම්භ॒-ස්ස්ථාම්භෝ॑ වෝ භක්ෂී॒යේත්යා॒හාම්භෝ॒ හ්යේ॑තා මහ॑-ස්ස්ථ॒ මහෝ॑ වෝ භක්ෂී॒යේත්යා॑හ॒ මහෝ॒ හ්යේ॑තා-ස්සහ॑-ස්ස්ථ॒ සහෝ॑ වෝ භක්ෂී॒යේත්යා॑හ॒ සහෝ॒ හ්යේ॑තා ඌර්ජ॒-ස්ස්ථෝර්ජං॑-වෝඁ භක්ෂී॒යේ- [භක්ෂී॒යේති॑, ආ॒හෝර්ජෝ॒ හ්යේ॑තා] 31

-ත්යා॒හෝර්ජෝ॒ හ්යේ॑තා රේව॑තී॒ රම॑ද්ධ්ව॒මිත්යා॑හ ප॒ශවෝ॒ වෛ රේ॒වතීඃ᳚ ප॒ශූනේ॒වාත්ම-න්ර॑මයත ඉ॒හෛව ස්තේ॒තෝ මා-ऽප॑ ගා॒තේත්යා॑හ ධ්රු॒වා ඒ॒වෛනා॒ අන॑පගාඃ කුරුත ඉෂ්ටක॒චිද්වා අ॒න්යෝ᳚-ऽග්නිඃ ප॑ශු॒චිද॒න්ය-ස්සග්​ම්॑හි॒තාසි॑ විශ්වරූ॒පීරිති॑ ව॒ථ්සම॒භි මෘ॑ශ॒ත්යුපෛ॒වෛන॑-න්ධත්තේ පශු॒චිත॑මේන-ඞ්කුරුතේ॒ ප්ර [ ] 32

වා ඒ॒ෂෝ᳚-ऽස්මාල්ලෝ॒කාච්ච්ය॑වතේ॒ ය ආ॑හව॒නීය॑-මුප॒තිෂ්ඨ॑තේ॒ ගාර්​හ॑පත්ය॒මුප॑ තිෂ්ඨතේ॒ ऽස්මින්නේ॒ව ලෝ॒කේ ප්රති॑ තිෂ්ඨ॒ත්යථෝ॒ ගාර්​හ॑පත්යායෛ॒ව නි හ්නු॑තේ ගාය॒ත්රීභි॒රුප॑ තිෂ්ඨතේ॒ තේජෝ॒ වෛ ගා॑ය॒ත්රී තේජ॑ ඒ॒වාත්ම-න්ධ॒ත්තේ-ऽථෝ॒ යදේ॒ත-න්තෘ॒චම॒න්වාහ॒ සන්ත॑ත්යෛ॒ ගාර්​හ॑පත්යං॒-වාඁ අනු॑ ද්වි॒පාදෝ॑ වී॒රාඃ ප්ර ජා॑යන්තේ॒ ය ඒ॒වං-විඁ॒ද්වා-න්ද්වි॒පදා॑භි॒-ර්ගාර්​හ॑පත්ය-මුප॒තිෂ්ඨ॑ත॒ [මුප॒තිෂ්ඨ॑තේ, ආ-ऽස්ය॑] 33

ආ-ऽස්ය॑ වී॒රෝ ජා॑යත ඌ॒ර්ජා වඃ॑ පශ්යාම්යූ॒ර්ජා මා॑ පශ්ය॒තේත්යා॑හා॒ ऽऽශිෂ॑මේ॒වෛතාමා ශා᳚ස්තේ॒ තථ්ස॑වි॒තු-ර්වරේ᳚ණ්ය॒මිත්යා॑හ॒ ප්රසූ᳚ත්යෛ සෝ॒මාන॒ග්ග්॒ ස්වර॑ණ॒මිත්යා॑හ සෝමපී॒ථමේ॒වාව॑ රුන්ධේ කෘණු॒හි බ්ර॑හ්මණස්පත॒ ඉත්යා॑හ බ්රහ්මවර්ච॒සමේ॒වාව॑ රුන්ධේ ක॒දා ච॒න ස්ත॒රීර॒සීත්යා॑හ॒ න ස්ත॒රීග්​ම් රාත්රිං॑-වඁසති॒ [රාත්රිං॑-වඁසති, ය ඒ॒වං] 34

ය ඒ॒වං-විඁ॒ද්වාන॒ග්නි-මු॑ප॒තිෂ්ඨ॑තේ॒ පරි॑ ත්වා-ऽග්නේ॒ පුරං॑-වඁ॒යමිත්යා॑හ පරි॒ධිමේ॒වෛත-ම්පරි॑ දධා॒ත්යස්ක॑න්දා॒යාග්නේ॑ ගෘහපත॒ ඉත්යා॑හ යථාය॒ජුරේ॒වෛතච්ඡ॒තග්​ම් හිමා॒ ඉත්යා॑හ ශ॒ත-න්ත්වා॑ හේම॒න්තානි॑න්ධිෂී॒යේති॒ වාවෛතදා॑හ පු॒ත්රස්ය॒ නාම॑ ගෘහ්ණාත්යන්නා॒දමේ॒වෛන॑-ඞ්කරෝති॒ තාමා॒ශිෂ॒මා ශා॑සේ॒ තන්ත॑වේ॒ ජ්යෝති॑ෂ්මතී॒මිති॑ බ්රූයා॒ද්යස්ය॑ පු॒ත්රෝ-ऽජා॑ත॒-ස්ස්යා-ත්තේ॑ජ॒ස්ව්යේ॑වාස්ය॑ බ්රහ්මවර්ච॒සී පු॒ත්රෝ ජා॑යතේ॒ තාමා॒ශිෂ॒මා ශා॑සේ॒ ऽමුෂ්මෛ॒ ජ්යෝති॑ෂ්මතී॒ මිති॑ බ්රූයා॒ද්යස්ය॑ පු॒ත්රෝ ජා॒ත-ස්ස්යා-ත්තේජ॑ ඒ॒වාස්මි॑-න්බ්රහ්මවර්ච॒ස-න්ද॑ධාති ॥ 35 ॥
(ඌර්ජං॑-වෝඁ භක්ෂී॒යේති॒ - ප්ර -ගාර්​හ॑පත්යමුප॒තිෂ්ඨ॑තේ -වසති॒-ජ්යෝති॑ෂ්මතී॒ - මේකා॒න්නත්රි॒ග්​ම්॒ශච්ච॑) (අ. 8)

අ॒ග්නි॒හෝ॒ත්ර-ඤ්ජු॑හෝති॒ යදේ॒ව කි-ඤ්ච॒ යජ॑මානස්ය॒ ස්ව-න්තස්යෛ॒ව තද්රේත॑-ස්සිඤ්චති ප්ර॒ජන॑නේ ප්ර॒ජන॑න॒ග්​ම්॒ හි වා අ॒ග්නිරථෞෂ॑ධී॒රන්ත॑ගතා දහති॒ තාස්තතෝ॒ භූය॑සීඃ॒ ප්ර ජා॑යන්තේ॒ යථ්සා॒ය-ඤ්ජු॒හෝති॒ රේත॑ ඒ॒ව තථ්සි॑ඤ්චති॒ ප්රෛව ප්රා॑ත॒ස්තනේ॑න ජනයති॒ තද්රේත॑-ස්සි॒ක්ත-න්න ත්වෂ්ට්රා-ऽවි॑කෘත॒-ම්ප්රජා॑යතේ යාව॒ච්ඡෝ වෛ රේත॑ස-ස්සි॒ක්තස්ය॒ [රේත॑ස-ස්සි॒ක්තස්ය॑, ත්වෂ්ටා॑ රූ॒පාණි॑] 36

ත්වෂ්ටා॑ රූ॒පාණි॑ වික॒රෝති॑ තාව॒ච්ඡෝ වෛ තත්ප්ර ජා॑යත ඒ॒ෂ වෛ දෛව්ය॒ස්ත්වෂ්ටා॒ යෝ යජ॑තේ බ॒හ්වීභි॒රුප॑ තිෂ්ඨතේ॒ රේත॑ස ඒ॒ව සි॒ක්තස්ය॑ බහු॒ශෝ රූ॒පාණි॒ වි ක॑රෝති॒ ස ප්රෛව ජා॑යතේ॒ ශ්වස්ශ්වෝ॒ භූයා᳚-න්භවති॒ ය ඒ॒වං ඁවි॒ද්වාන॒ග්නිමු॑ප॒තිෂ්ඨ॒තේ ऽහ॑ර්දේ॒වානා॒මාසී॒-ද්- රාත්රි॒රසු॑රාණා॒-න්තේ-ऽසු॑රා॒ යද්දේ॒වානාං᳚-විඁ॒ත්තං ඁවේද්ය॒මාසී॒ත්තේන॑ ස॒හ [ ] 37

රාත්රි॒-ම්ප්රා-ऽවි॑ශ॒න්තේ දේ॒වා හී॒නා අ॑මන්යන්ත॒ තේ॑-ऽපශ්යන්නාග්නේ॒යී රාත්රි॑රාග්නේ॒යාඃ ප॒ශව॑ ඉ॒මමේ॒වාග්නිග්ග්​ ස්ත॑වාම॒ ස න॑-ස්ස්තු॒තඃ ප॒ශූ-න්පුන॑ර්දාස්ය॒තීති॒ තේ᳚-ऽග්නිම॑ස්තුව॒න්-ථ්ස ඒ᳚භ්ය-ස්ස්තු॒තෝ රාත්රි॑යා॒ අද්ධ්යහ॑ර॒භි ප॒ශූන්නිරා᳚ර්ජ॒ත්තේ දේ॒වාඃ ප॒ශූන් වි॒ත්ත්වා කාමාග්​ම්॑ අකුර්වත॒ ය ඒ॒වං-විඁ॒ද්වාන॒ග්නිමු॑ප॒තිෂ්ඨ॑තේ පශු॒මා-න්භ॑ව- [පශු॒මා-න්භ॑වති, ආ॒දි॒ත්යෝ] 38

-ත්යාදි॒ත්යෝ වා අ॒ස්මාල්ලෝ॒කාද॒මුං-ලෝඁ॒කමෛ॒ථ්සෝ॑-ऽමුං-ලෝඁ॒ක-ඞ්ග॒ත්වා පුන॑රි॒මං-ලෝඁ॒කම॒භ්ය॑ද්ධ්යාය॒-ථ්ස ඉ॒මං-ලෝඁ॒කමා॒ගත්ය॑ මෘ॒ත්යෝර॑බිභේන්මෘ॒ත්යුසං॑​යුඁත ඉව॒ හ්ය॑යං-ලෝඁ॒ක-ස්සෝ॑-ऽමන්යතේ॒ම-මේ॒වාග්නිග්ග්​ ස්ත॑වානි॒ ස මා᳚ ස්තු॒ත-ස්සු॑ව॒ර්ගං-ලෝඁ॒ක-ඞ්ග॑මයිෂ්ය॒තීති॒ සෝ᳚-ऽග්නිම॑ස්තෞ॒-ථ්ස ඒ॑නග්ග්​ ස්තු॒ත-ස්සු॑ව॒ර්ගං-ලෝඁ॒කම॑ගමය॒ද්ය [ලෝ॒කම॑ගමය॒ද්යඃ, ඒ॒වං-විඁ॒ද්වාන॒ග්නි-] 39

ඒ॒වං-විඁ॒ද්වාන॒ග්නිමු॑ප॒තිෂ්ඨ॑තේ සුව॒ර්ගමේ॒ව ලෝ॒කමේ॑ති॒ සර්ව॒මායු॑රේත්ය॒භි වා ඒ॒ෂෝ᳚-ऽග්නී ආ රෝ॑හති॒ ය ඒ॑නාවුප॒තිෂ්ඨ॑තේ॒ යථා॒ ඛලු॒ වෛ ශ්රේයා॑න॒භ්යාරූ॑ඪඃ කා॒මය॑තේ॒ තථා॑ කරෝති॒ නක්ත॒මුප॑ තිෂ්ඨතේ॒ න ප්රා॒ත-ස්සග්​ම් හි නක්තං॑-ව්රඁ॒තානි॑ සෘ॒ජ්යන්තේ॑ ස॒හ ශ්රේයාග්॑ශ්ච॒ පාපී॑යාග්​ශ්චාසාතේ॒ ජ්යෝති॒ර්වා අ॒ග්නිස්තමෝ॒ රාත්රි॒ර්ය- [රාත්රි॒ර්යත්, නක්ත॑මුප॒තිෂ්ඨ॑තේ॒] 40

-න්නක්ත॑මුප॒තිෂ්ඨ॑තේ॒ ජ්යෝති॑ෂෛ॒ව තම॑ස්තරත්යුප॒ස්ථේයෝ॒ ऽග්නී(3)-ර්නෝප॒ස්ථේයා(3) ඉත්යා॑හු-ර්මනු॒ෂ්යා॑යේන්න්වෛ යෝ-ऽහ॑රහරා॒හෘත්යා-ऽථෛ॑නං॒-යාඁච॑ති॒ ස ඉන්න්වෛ තමුපා᳚ර්ච්ඡ॒ත්යථ॒ කෝ දේ॒වානහ॑රහර්යාචිෂ්ය॒තීති॒ තස්මා॒න්නෝප॒ස්ථේයෝ ऽථෝ॒ ඛල්වා॑හුරා॒ශිෂේ॒ වෛ කං-යඁජ॑මානෝ යජත॒ ඉත්යේ॒ෂා ඛලු॒ වා [ඛලු॒ වෛ, ආහි॑තාග්නේ-] 41

ආහි॑තාග්නේ රා॒ශී-ර්යද॒ග්නිමු॑ප॒තිෂ්ඨ॑තේ॒ තස්මා॑දුප॒ස්ථේයඃ॑ ප්ර॒ජාප॑තිඃ ප॒ශූන॑සෘජත॒ තේ සෘ॒ෂ්ටා අ॑හෝරා॒ත්රේ ප්රා-ऽවි॑ශ॒-න්තාඤ්ඡන්දෝ॑භි॒-රන්ව॑॑වින්ද॒-ද්යච්ඡන්දෝ॑භි-රුප॒තිෂ්ඨ॑තේ॒ ස්වමේ॒ව තදන්වි॑ච්ඡති॒ න තත්ර॑ ජා॒ම්ය॑ස්තීත්යා॑හු॒ර්යෝ-ऽහ॑රහරුප॒ තිෂ්ඨ॑ත॒ ඉති॒ යෝ වා අ॒ග්නි-ම්ප්ර॒ත්යඞ්ඞු॑ප॒ තිෂ්ඨ॑තේ॒ ප්රත්යේ॑නමෝෂති॒ යඃ පරාං॒-විඁෂ්ව॑-ම්ප්ර॒ජයා॑ ප॒ශුභි॑ රේති॒ කවා॑තිර්යඞ්ඞි॒වෝප॑ තිෂ්ඨේත॒ නෛන॑-ම්ප්ර॒ත්යෝෂ॑ති॒ න විෂ්ව॑-ම්ප්ර॒ජයා॑ ප॒ශුභි॑රේති ॥ 42 ॥
(සි॒ක්තස්ය॑-ස॒හ-භ॑වති॒-යෝ-යත්-ඛලු॒ වෛ-ප॒ශුභි॒-ස්ත්රයෝ॑දශ ච) (අ. 9)

මම॒ නාම॑ ප්රථ॒ම-ඤ්ජා॑තවේදඃ පි॒තා මා॒තා ච॑ දධතු॒ර්යදග්රේ᳚ । තත්ත්ව-ම්බි॑භෘහි॒ පුන॒රා මදෛතෝ॒ස්තවා॒හ-න්නාම॑ බිභරාණ්යග්නේ ॥ මම॒ නාම॒ තව॑ ච ජාතවේදෝ॒ වාස॑සී ඉව වි॒වසා॑නෞ॒ යේ චරා॑වඃ । ආයු॑ෂේ॒ ත්ව-ඤ්ජී॒වසේ॑ ව॒යං-යඁ ॑ථාය॒ථං-විඁ පරි॑ දධාවහෛ॒ පුන॒ස්තේ ॥ නමෝ॒-ऽග්නයේ ऽප්ර॑තිවිද්ධාය॒ නමෝ-ऽනා॑ධෘෂ්ටාය॒ නම॑-ස්ස॒ම්රාජේ᳚ । අෂා॑ඪෝ [අෂා॑ඪඃ, අ॒ග්නිර්බෘ॒හද්ව॑යා] 43

අ॒ග්නිර්බෘ॒හද්ව॑යා විශ්ව॒ජි-ථ්සහ॑න්ත්ය॒-ශ්ශ්රේෂ්ඨෝ॑ ගන්ධ॒ර්වඃ । ත්වත්පි॑තාරෝ අග්නේ දේ॒වා-ස්ත්වාමා॑හුතය॒-ස්ත්වද්වි॑වාචනාඃ । ස-ම්මාමායු॑ෂා॒ ස-ඞ්ගෞ॑ප॒ත්යේන॒ සුහි॑තේ මා ධාඃ ॥ අ॒යම॒ග්නි-ශ්ශ්රේෂ්ඨ॑තමෝ॒ ऽය-ම්භග॑වත්තමෝ॒ ऽයග්​ම් ස॑හස්ර॒සාත॑මඃ । අ॒ස්මා අ॑ස්තු සු॒වීර්ය᳚ම් ॥ මනෝ॒ ජ්යෝති॑-ර්ජුෂතා॒මාජ්යං॒ ඁවිච්ඡි॑න්නං-යඁ॒ජ්ඤග්​ම් සමි॒ම-න්ද॑ධාතු । යා ඉ॒ෂ්ටා උ॒ෂසෝ॑ නි॒ම්රුච॑ශ්ච॒ තා-ස්ස-න්ද॑ධාමි හ॒විෂා॑ ඝෘ॒තේන॑ ॥ පය॑ස්වතී॒රෝෂ॑ධයඃ॒- [පය॑ස්වතී॒රෝෂ॑ධයඃ, පය॑ස්ව-] 44

පය॑ස්වද්වී॒රුධා॒-ම්පයඃ॑ । අ॒පා-ම්පය॑සෝ॒ යත්පය॒ස්තේන॒ මාමි॑න්ද්ර॒ සග්​ම් සෘ॑ජ ॥ අග්නේ᳚ ව්රතපතේ ව්ර॒ත-ඤ්ච॑රිෂ්යාමි॒ තච්ඡ॑කේය॒-න්තන්මේ॑ රාද්ධ්යතාම් ॥ අ॒ග්නිග්​ම් හෝතා॑රමි॒හ තග්​ම් හු॑වේ දේ॒වාන්. ය॒ජ්ඤියා॑නි॒හ යාන්. හවා॑මහේ ॥ ආ ය॑න්තු දේ॒වා-ස්සු॑මන॒ස්යමා॑නා වි॒යන්තු॑ දේ॒වා හ॒විෂෝ॑ මේ අ॒ස්ය ॥ කස්ත්වා॑ යුනක්ති॒ ස ත්වා॑ යුනක්තු॒ යානි॑ ඝ॒ර්මේ ක॒පාලා᳚න්යුපචි॒න්වන්ති॑ [ ] 45

වේ॒ධසඃ॑ । පූ॒ෂ්ණස්තාන්යපි॑ ව්ර॒ත ඉ॑න්ද්රවා॒යූ වි මු॑ඤ්චතාම් ॥අභි॑න්නෝ ඝ॒ර්මෝ ජී॒රදා॑නු॒ර්යත॒ ආත්ත॒ස්තද॑ග॒-න්පුනඃ॑ । ඉ॒ද්ධ්මෝ වේදිඃ॑ පරි॒ධය॑ශ්ච॒ සර්වේ॑ ය॒ජ්ඤස්යා-ऽऽයු॒රනු॒ ස-ඤ්ච॑රන්ති ॥ ත්රය॑ස්ත්රිග්​ම්ශ॒-ත්තන්ත॑වෝ॒ යේ වි॑තත්නි॒රේ ය ඉ॒මං-යඁ॒ජ්ඤග්ග්​ ස්ව॒ධයා॒ දද॑න්තේ॒ තේෂා᳚-ඤ්ඡි॒න්න-ම්ප්රත්යේ॒ත-ද්ද॑ධාමි॒ ස්වාහා॑ ඝ॒ර්මෝ දේ॒වාග්​ම් අප්යේ॑තු ॥ 46 ॥
(අෂා॑ඪ॒-ඕෂ॑ධය-උපචි॒න්වන්ති॒-පඤ්ච॑චත්වාරිග්​ම්ශච්ච) (අ. 10)

වෛ॒ශ්වා॒න॒රෝ න॑ ඌ॒ත්යා-ऽऽ ප්ර යා॑තු පරා॒වතඃ॑ । අ॒ග්නිරු॒ක්ථේන॒ වාහ॑සා ॥ ඍ॒තාවා॑නං-වෛඁශ්වාන॒රමෘ॒තස්ය॒ ජ්යෝති॑ෂ॒ස්පති᳚ම් । අජ॑ස්ර-ඞ්ඝ॒ර්මමී॑මහේ ॥ වෛ॒ශ්වා॒න॒රස්ය॑ ද॒ග්​ම්॒සනා᳚භ්යෝ බෘ॒හදරි॑ණා॒දේක॑-ස්ස්වප॒ස්ය॑යා ක॒විඃ । උ॒භා පි॒තරා॑ ම॒හය॑න්නජායතා॒ග්නි-ර්ද්යාවා॑පෘථි॒වී භූරි॑රේතසා ॥ පෘ॒ෂ්ටෝ දි॒වි පෘ॒ෂ්ටෝ අ॒ග්නිඃ පෘ॑ථි॒ව්යා-ම්පෘ॒ෂ්ටෝ විශ්වා॒ ඕෂ॑ධී॒රා වි॑වේශ । වෛ॒ශ්වා॒න॒ර-ස්සහ॑සා පෘ॒ෂ්ටෝ අ॒ග්නි-ස්සනෝ॒ දිවා॒ ස- [දිවා॒ සඃ, රි॒ෂඃ පා॑තු॒ නක්ත᳚ම් ।] 47

රි॒ෂඃ පා॑තු॒ නක්ත᳚ම් ॥ ජා॒තෝ යද॑ග්නේ॒ භුව॑නා॒ ව්යඛ්යඃ॑ ප॒ශු-න්න ගෝ॒පා ඉර්යඃ॒ පරි॑ජ්මා । වෛශ්වා॑නර॒ බ්රහ්ම॑ණේ වින්ද ගා॒තුං-යූඁ॒ය-ම්පා॑ත ස්ව॒ස්තිභි॒-ස්සදා॑ නඃ ॥ ත්වම॑ග්නේ ශෝ॒චිෂා॒ ශෝශු॑චාන॒ ආ රෝද॑සී අපෘණා॒ ජාය॑මානඃ । ත්ව-න්දේ॒වාග්​ම් අ॒භිශ॑ස්තේරමුඤ්චෝ॒ වෛශ්වා॑නර ජාතවේදෝ මහි॒ත්වා ॥ අ॒ස්මාක॑මග්නේ ම॒ඝව॑ථ්සු ධාර॒යානා॑මි ක්ෂ॒ත්රම॒ජරග්​ම්॑ සු॒වීර්ය᳚ම් । ව॒ය-ඤ්ජ॑යේම ශ॒තිනග්​ම්॑ සහ॒ස්රිණං॒-වෛඁශ්වා॑නර॒ [වෛශ්වා॑නර, වාජ॑මග්නේ॒] 48

වාජ॑මග්නේ॒ තවෝ॒තිභිඃ॑ ॥ වෛ॒ශ්වා॒න॒රස්ය॑ සුම॒තෞ ස්යා॑ම॒ රාජා॒ හික॒-ම්භුව॑නානා-මභි॒ශ්රීඃ । ඉ॒තෝ ජා॒තෝ විශ්ව॑මි॒දං-විඁ ච॑ෂ්ටේ වෛශ්වාන॒රෝ ය॑තතේ॒ සූර්යේ॑ණ ॥ අව॑ තේ॒ හේඩෝ॑ වරුණ॒ නමෝ॑භි॒රව॑ ය॒ජ්ඤේභි॑රීමහේ හ॒විර්භිඃ॑ । ක්ෂය॑න්න॒ස්මභ්ය॑මසුර ප්රචේතෝ॒ රාජ॒න්නේනාග්​ම්॑සි ශිශ්රථඃ කෘ॒තානි॑ ॥ උදු॑ත්ත॒මං-වඁ ॑රුණ॒ පාශ॑ම॒ස්මදවා॑-ऽධ॒මං-විඁම॑ද්ධ්ය॒මග්ග්​ ශ්ර॑ථාය । අථා॑ ව॒යමා॑දිත්ය [ ] 49

ව්ර॒තේ තවා-ऽනා॑ගසෝ॒ අදි॑තයේ ස්යාම ॥ ද॒ධි॒ක්රාව්.ණ්ණෝ॑ අකාරිෂ-ඤ්ජි॒ෂ්ණෝරශ්ව॑ස්ය වා॒ජිනඃ॑ ॥ සු॒ර॒භිනෝ॒ මුඛා॑ කර॒-ත්ප්රණ॒ ආයූග්​ම්॑ෂි තාරිෂත් ॥ ආ ද॑ධි॒ක්රා-ශ්ශව॑ස॒ පඤ්ච॑ කෘ॒ෂ්ටී-ස්සූර්ය॑ ඉව॒ ජ්යෝති॑ෂා॒-ऽපස්ත॑තාන । ස॒හ॒ස්ර॒සා-ශ්ශ॑ත॒සා වා॒ජ්යර්වා॑ පෘ॒ණක්තු॒ මද්ධ්වා॒ සමි॒මා වචාග්​ම්॑සි । අ॒ග්නි-ර්මූ॒ර්ධා, භුවඃ॑ । මරු॑තෝ॒ යද්ධ॑වෝ දි॒ව-ස්සු॑ම්නා॒යන්තෝ॒ හවා॑මහේ । ආ තූ න॒ [ආ තූ නඃ॑, උප॑ ගන්තන ।] 50

උප॑ ගන්තන ॥ යා ව॒-ශ්ශර්ම॑ ශශමා॒නාය॒ සන්ති॑ ත්රි॒ධාතූ॑නි දා॒ශුෂේ॑ යච්ඡ॒තාධි॑ । අ॒ස්මභ්ය॒-න්තානි॑ මරුතෝ॒ වි ය॑න්ත ර॒යි-න්නෝ॑ ධත්ත වෘෂණ-ස්සු॒වීර᳚ම් ॥ අදි॑ති-ර්න උරුෂ්ය॒ත්වදි॑ති॒-ශ්ශර්ම॑ යච්ඡතු । අදි॑තිඃ පා॒ත්වග්​ම්හ॑සඃ ॥ ම॒හීමූ॒ෂු මා॒තරග්​ම්॑ සුව්ර॒තානා॑මෘ॒තස්ය॒ පත්නී॒මව॑සේ හුවේම । තු॒වි॒ක්ෂ॒ත්රා-ම॒ජර॑න්තී-මුරූ॒චීග්​ම් සු॒ශර්මා॑ණ॒මදි॑තිග්​ම් සු॒ප්රණී॑තිම් ॥ සු॒ත්රාමා॑ණ-ම්පෘථි॒වී-න්ද්යාම॑නේ॒හසග්​ම්॑ සු॒ශර්මා॑ණ॒ මදි॑තිග්​ම් සු॒ප්රණී॑තිම් । දෛවී॒-න්නාවග්ග්॑ ස්වරි॒ත්රා-මනා॑ගස॒-මස්ර॑වන්තී॒මා රු॑හේමා ස්ව॒ස්තයේ᳚ ॥ ඉ॒මාග්​ම් සු නාව॒මා-ऽරු॑හග්​ම් ශ॒තාරි॑ත්රාග්​ම් ශ॒තස්ඵ්යා᳚ම් । අච්ඡි॑ද්රා-ම්පාරයි॒ෂ්ණුම් ॥ 51 ॥
(දිවා॒ ස-ස॑හ॒ස්රිණං॒-වෛඁශ්වා॑නරා-දිත්ය॒- තූ නෝ ॑- ऽනේ॒හසග්​ම්॑ සු॒ශර්මා॑ණ॒-මේකා॒න්නවිග්​ම්॑ශ॒තිශ්ච॑ ) (අ. 11)

(දේ॒වා॒සු॒රාඃ-පරා॒-භූමි॒-ර්භූමි॑-රුපප්ර॒යන්තඃ॒-ස-ම්ප॑ශ්යා॒-ම්යය॑ජ්ඤඃ॒- ස-ම්ප॑ශ්යා - ම්යග්නිහෝ॒ත්රං - මම॒ නාම॑-වෛශ්වාන॒ර-ඒකා॑දශ । )

(දේ॒වා॒සු॒රාඃ-ක්රු॒ද්ධඃ-ස-ම්ප॑ශ්යාමි॒-ස-ම්ප॑ශ්යාමි॒-නක්ත॒-මුප॑ගන්ත॒-නෛක॑පඤ්චා॒ශත් । )

(දේ॒වා॒සු॒රාඃ, පා॑රයි॒ෂ්ණුම්)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ම්ප්රථමකාණ්ඩේ පඤ්චමඃ ප්රශ්න-ස්සමාප්තඃ ॥