කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථකාණ්ඩේ පඤ්චමඃ ප්රශ්නඃ - හෝමවිධිනිරූපණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

නම॑ස්තේ රුද්ර ම॒න්යව॑ උ॒තෝත॒ ඉෂ॑වේ॒ නමඃ॑ । නම॑ස්තේ අස්තු॒ ධන්ව॑නේ බා॒හුභ්යා॑මු॒ත තේ॒ නමඃ॑ ॥ යා ත॒ ඉෂු॑-ශ්ශි॒වත॑මා ශි॒ව-ම්බ॒භූව॑ තේ॒ ධනුඃ॑ । ශි॒වා ශ॑ර॒ව්යා॑ යා තව॒ තයා॑ නෝ රුද්ර මෘඩය ॥ යා තේ॑ රුද්ර ශි॒වා ත॒නූරඝෝ॒රා ऽපා॑පකාශිනී । තයා॑ නස්ත॒නුවා॒ ශන්ත॑මයා॒ ගිරි॑ශන්තා॒භි චා॑කශීහි ॥ යාමිෂු॑-ඞ්ගිරිශන්ත॒ හස්තේ॒ [හස්තේ᳚, බිභ॒ර්​ෂ්යස්ත॑වේ ।] 1

බිභ॒ර්​ෂ්යස්ත॑වේ । ශි॒වා-ඞ්ගි॑රිත්ර॒ තා-ඞ්කු॑රු॒ මා හිග්​ම්॑සීඃ॒ පුරු॑ෂ॒-ඤ්ජග॑ත් ॥ ශි॒වේන॒ වච॑සා ත්වා॒ ගිරි॒ශාච්ඡා॑ වදාමසි । යථා॑ න॒-ස්සර්ව॒මි-ජ්ජග॑දය॒ක්ෂ්මග්​ම් සු॒මනා॒ අස॑ත් ॥ අද්ධ්ය॑වෝචදධිව॒ක්තා ප්ර॑ථ॒මෝ දෛව්යෝ॑ භි॒ෂක් । අහීග්॑ශ්ච॒ සර්වා᳚න් ජ॒භං​යඁ॒න්-ථ්සර්වා᳚ශ්ච යාතු ධා॒න්යඃ॑ ॥ අ॒සෞ යස්තා॒ම්රෝ අ॑රු॒ණ උ॒ත බ॒භ්රු-ස්සු॑ම॒ඞ්ගලඃ॑ । යේ චේ॒මාග්​ම් රු॒ද්රා අ॒භිතෝ॑ දි॒ක්ෂු [ ] 2

ශ්රි॒තා-ස්ස॑හස්ර॒ශෝ ऽවෛ॑ෂා॒ග්​ම්॒ හේඩ॑ ඊමහේ ॥ අ॒සෞ යෝ॑ ऽව॒සර්ප॑ති॒ නීල॑ග්රීවෝ॒ විලෝ॑හිතඃ । උ॒තෛන॑-ඞ්ගෝ॒පා අ॑දෘශ॒-න්නදෘ॑ශ-න්නුදහා॒ර්යඃ॑ । උ॒තෛනං॒-විඁශ්වා॑ භූ॒තානි॒ ස දෘ॒ෂ්ටෝ මෘ॑ඩයාති නඃ ॥ නමෝ॑ අස්තු॒ නීල॑ග්රීවාය සහස්රා॒ක්ෂාය॑ මී॒ඪුෂේ᳚ । අථෝ॒ යේ අ॑ස්ය॒ සත්වා॑නෝ॒-ऽහ-න්තේභ්යෝ॑ ऽකර॒න්නමඃ॑ ॥ ප්රමු॑ඤ්ච॒ ධන්ව॑න॒ස්ත්ව මු॒භයෝ॒-රාර්ත්නි॑යෝ॒ර්ජ්යාම් । යාශ්ච॑ තේ॒ හස්ත॒ ඉෂ॑වඃ॒ [ඉෂ॑වඃ, පරා॒ තා භ॑ගවෝ වප ।] 3

පරා॒ තා භ॑ගවෝ වප ॥ අ॒ව॒තත්ය॒ ධනු॒ස්ත්වග්​ම් සහ॑ස්රාක්ෂ॒ ශතේ॑ෂුධේ । නි॒ශීර්ය॑ ශ॒ල්යානා॒-ම්මුඛා॑ ශි॒වෝ න॑-ස්සු॒මනා॑ භව ॥ විජ්ය॒-න්ධනුඃ॑ කප॒ර්දිනෝ॒ විශ॑ල්යෝ॒ බාණ॑වාග්​ම් උ॒ත । අනේ॑ශන්න॒ස්යේෂ॑ව ආ॒භුර॑ස්ය නිෂ॒ඞ්ගථිඃ॑ ॥ යා තේ॑ හේ॒ති-ර්මී॑ඪුෂ්ටම॒ හස්තේ॑ බ॒භූව॑ තේ॒ ධනුඃ॑ । තයා॒-ऽස්මාන්. වි॒ශ්වත॒ ස්ත්වම॑ය॒ක්ෂ්මයා॒ පරි॑බ්භුජ ॥ නම॑ස්තේ අ॒ස්ත්වායු॑ධා॒යා-නා॑තතාය ධෘ॒ෂ්ණවේ᳚ । උ॒භාභ්යා॑ මු॒ත තේ॒ නමෝ॑ බා॒හුභ්යා॒-න්තව॒ ධන්ව॑නේ ॥ පරි॑ තේ॒ ධන්ව॑නෝ හේ॒තිර॒ස්මාන්-වෘ॑ණක්තු වි॒ශ්වතඃ॑ । අථෝ॒ ය ඉ॑ෂු॒ධිස්තවා॒රේ අ॒ස්ම-න්නිධේ॑හි॒ තම් ॥ 4 ॥
(හස්තේ॑ - දි॒ක්ෂ්වි - ෂ॑ව - උ॒භාභ්යාං॒ - ද්වාවිග්​ම්॑ශතිශ්ච) (අ. 1)

නමෝ॒ හිර॑ණ්ය බාහවේ සේනා॒න්යේ॑ දි॒ශාඤ්ච॒ පත॑යේ॒ නමෝ॒ නමෝ॑ වෘ॒ක්ෂේභ්යෝ॒ හරි॑කේශේභ්යඃ පශූ॒නා-ම්පත॑යේ॒ නමෝ॒ නම॑-ස්ස॒ස්පිඤ්ජ॑රාය॒ ත්විෂී॑මතේ පථී॒නා-ම්පත॑යේ॒ නමෝ॒ නමෝ॑ බභ්ලු॒ශාය॑ විව්යා॒ධිනේ-ऽන්නා॑නා॒-ම්පත॑යේ॒ නමෝ॒ නමෝ॒ හරි॑කේශායෝ-පවී॒තිනේ॑ පු॒ෂ්ටානා॒-ම්පත॑යේ॒ නමෝ॒ නමෝ॑ භ॒වස්ය॑ හේ॒ත්යෛ ජග॑තා॒-ම්පත॑යේ॒ නමෝ॒ නමෝ॑ රු॒ද්රායා॑-තතා॒විනේ॒ ක්ෂේත්රා॑ණා॒-ම්පත॑යේ॒ නමෝ॒ නම॑-ස්සූ॒තායා-හ॑න්ත්යාය॒ වනා॑නා॒-ම්පත॑යේ॒ නමෝ॒ නමෝ॒ [නමඃ॑, රෝහි॑තාය] 5

රෝහි॑තාය ස්ථ॒පත॑යේ වෘ॒ක්ෂාණා॒-ම්පත॑යේ॒ නමෝ॒ නමෝ॑ ම॒න්ත්රිණේ॑ වාණි॒ජාය॒ කක්ෂා॑ණා॒-ම්පත॑යේ॒ නමෝ॒ නමෝ॑ භුව॒න්තයේ॑ වාරිවස්කෘ॒තා-යෞෂ॑ධීනා॒-ම්පත॑යේ॒ නමෝ॒ නම॑ උ॒ච්චෛ-ර්ඝෝ॑ෂායා ක්ර॒න්දය॑තේ පත්තී॒නා-ම්පත॑යේ॒ නමෝ॒ නමඃ॑ කෘථ්ස්නවී॒තාය॒ ධාව॑තේ॒ සත්ත්ව॑නා॒-ම්පත॑යේ॒ නමඃ॑ ॥ 6 ॥
(වනා॑නා॒-ම්පත॑යේ॒ නමෝ॒ නම॒ - ඒකා॒න්නත්රි॒ග්​ම්॒ශච්ච॑ ) (අ. 2)

නම॒-ස්සහ॑මානාය නිව්යා॒ධින॑ ආව්යා॒ධිනී॑නා॒-ම්පත॑යේ॒ නමෝ॒ නමඃ॑ කකු॒භාය॑ නිෂ॒ඞ්ගිණේ᳚ ස්තේ॒නානා॒-ම්පත॑යේ॒ නමෝ॒ නමෝ॑ නිෂ॒ඞ්ගිණ॑ ඉෂුධි॒මතේ॒ තස්ක॑රාණා॒-ම්පත॑යේ॒ නමෝ॒ නමෝ॒ වඤ්ච॑තේ පරි॒වඤ්ච॑තේ ස්තායූ॒නා-ම්පත॑යේ॒ නමෝ॒ නමෝ॑ නිචේ॒රවේ॑ පරිච॒රායාර॑ණ්යානා॒-ම්පත॑යේ॒ නමෝ॒ නම॑-ස්සෘකා॒විභ්යෝ॒ ජිඝාග්​ම්॑සද්භ්යෝ මුෂ්ණ॒තා-ම්පත॑යේ॒ නමෝ॒ නමෝ॑ ऽසි॒මද්භ්යෝ॒ නක්ත॒-ඤ්චර॑ද්භ්යඃ ප්රකෘ॒න්තානා॒-ම්පත॑යේ॒ නමෝ॒ නම॑ උෂ්ණී॒ෂිණේ॑ ගිරිච॒රාය॑ කුලු॒ඤ්චානා॒-ම්පත॑යේ॒ නමෝ॒ නම॒ [නමඃ॑, ඉෂු॑මද්භ්යෝ] 7

ඉෂු॑මද්භ්යෝ ධන්වා॒විභ්ය॑ශ්ච වෝ॒ නමෝ॒ නම॑ ආතන්වා॒නේභ්යඃ॑ ප්රති॒දධා॑නේභ්යශ්ච වෝ॒ නමෝ॒ නම॑ ආ॒යච්ඡ॑ද්භ්යෝ විසෘ॒ජද්භ්ය॑ශ්ච වෝ॒ නමෝ॒ නමෝ-ऽස්ය॑ද්භ්යෝ॒ විද්ධ්ය॑ද්භ්යශ්ච වෝ॒ නමෝ॒ නම॒ ආසී॑නේභ්ය॒-ශ්ශයා॑නේභ්යශ්ච වෝ॒ නමෝ॒ නම॑-ස්ස්ව॒පද්භ්යෝ॒ ජාග්ර॑ද්භ්යශ්ච වෝ॒ නමෝ॒ නම॒ස්තිෂ්ඨ॑ද්භ්යෝ॒ ධාව॑ද්භ්යශ්ච වෝ॒ නමෝ॒ නම॑-ස්ස॒භාභ්ය॑-ස්ස॒භාප॑තිභ්යශ්ච වෝ॒ නමෝ॒ නමෝ॒ අශ්වේ॒භ්යෝ ऽශ්ව॑පතිභ්ය ශ්ච වෝ॒ නමඃ॑ ॥ 8 ॥
(කු॒ලු॒ඤ්චානා॒-ම්පත॑යේ॒ නමෝ॒ නමෝ - ऽශ්ව॑පතිභ්ය॒ - ස්ත්රීණි॑ ච) (අ. 3)

නම॑ ආව්යා॒ධිනී᳚භ්යෝ වි॒විද්ධ්ය॑න්තීභ්යශ්ච වෝ॒ නමෝ॒ නම॒ උග॑ණාභ්ය-ස්තෘග්​ම්හ॒තීභ්ය॑ශ්ච වෝ॒ නමෝ॒ නමෝ॑ ගෘ॒ථ්සේභ්යෝ॑ ගෘ॒ථ්සප॑තිභ්යශ්ච වෝ॒ නමෝ॒ නමෝ॒ ව්රාතේ᳚භ්යෝ॒ ව්රාත॑පතිභ්යශ්ච වෝ॒ නමෝ॒ නමෝ॑ ග॒ණේභ්යෝ॑ ග॒ණප॑තිභ්යශ්ච වෝ॒ නමෝ॒ නමෝ॒ විරූ॑පේභ්යෝ වි॒ශ්වරූ॑පේභ්යශ්ච වෝ॒ නමෝ॒ නමෝ॑ ම॒හද්භ්යඃ॑, ක්ෂුල්ල॒කේභ්ය॑ශ්ච වෝ॒ නමෝ॒ නමෝ॑ ර॒ථිභ්යෝ॑-ऽර॒ථේභ්ය॑ශ්ච වෝ॒ නමෝ॒ නමෝ॒ රථේ᳚භ්යෝ॒ [නමෝ॒ රථේ᳚භ්යඃ, රථ॑පතිභ්යශ්ච] 9

රථ॑පතිභ්යශ්ච වෝ॒ නමෝ॒ නම॒-ස්සේනා᳚භ්ය-ස්සේනා॒නිභ්ය॑ශ්ච වෝ॒ නමෝ॒ නමඃ॑, ක්ෂ॒ත්තෘභ්ය॑-ස්සඞ්ග්රහී॒තෘභ්ය॑ශ්ච වෝ॒ නමෝ॒ නම॒ස්තක්ෂ॑භ්යෝ රථකා॒රේභ්ය॑ශ්ච වෝ॒ නමෝ॒ නමඃ॒ කුලා॑ලේභ්යඃ ක॒ර්මාරේ᳚භ්යශ්ච වෝ॒ නමෝ॒ නමඃ॑ පු॒ඤ්ජිෂ්ටේ᳚භ්යෝ නිෂා॒දේභ්ය॑ශ්ච වෝ॒ නමෝ॒ නම॑ ඉෂු॒කෘද්භ්යෝ॑ ධන්ව॒කෘද්භ්ය॑ශ්ච වෝ॒ නමෝ॒ නමෝ॑ මෘග॒යුභ්ය॑-ශ්ශ්ව॒නිභ්ය॑ශ්ච වෝ॒ නමෝ॒ නම॒-ශ්ශ්වභ්ය॒-ශ්ශ්වප॑තිභ්යශ්ච වෝ॒ නමඃ॑ ॥ 10 ॥
(රථේ᳚භ්යඃ॒ - ශ්වප॑තිභ්යශ්ච॒ - ද්වේ ච॑ ) (අ. 4)

නමෝ॑ භ॒වාය॑ ච රු॒ද්රාය॑ ච॒ නම॑-ශ්ශ॒ර්වාය॑ ච පශු॒පත॑යේ ච॒ නමෝ॒ නීල॑ග්රීවාය ච ශිති॒කණ්ඨා॑ය ච॒ නමඃ॑ කප॒ර්දිනේ॑ ච॒ ව්යු॑ප්තකේශාය ච॒ නම॑-ස්සහස්රා॒ක්ෂාය॑ ච ශ॒තධ॑න්වනේ ච॒ නමෝ॑ ගිරි॒ශාය॑ ච ශිපිවි॒ෂ්ටාය॑ ච॒ නමෝ॑ මී॒ඪුෂ්ට॑මාය॒ චේෂු॑මතේ ච॒ නමෝ᳚ හ්ර॒ස්වාය॑ ච වාම॒නාය॑ ච॒ නමෝ॑ බෘහ॒තේ ච॒ වර්​ෂී॑යසේ ච॒ නමෝ॑ වෘ॒ද්ධාය॑ ච සං॒​වෘඁද්ධ්ව॑නේ ච॒ [සං॒​වෘඁද්ධ්ව॑නේ ච, නමෝ॒ අග්රි॑යාය ච] 11

නමෝ॒ අග්රි॑යාය ච ප්රථ॒මාය॑ ච॒ නම॑ ආ॒ශවේ॑ චාජි॒රාය॑ ච॒ නමQස්ශීඝ්රි॑යාය ච॒ ශීභ්යා॑ය ච॒ නම॑ ඌ॒ර්ම්යා॑ය චාවස්ව॒න්යා॑ය ච॒ නම॑-ස්ස්රෝත॒ස්යා॑ය ච॒ ද්වීප්යා॑ය ච ॥ 12 ॥
(සං॒​වෘඁද්ධ්ව॑නේ ච॒ - පඤ්ච॑විග්​ම්ශතිශ්ච) (අ. 5)

නමෝ᳚ ජ්යේ॒ෂ්ඨාය॑ ච කනි॒ෂ්ඨාය॑ ච॒ නමඃ॑ පූර්ව॒ජාය॑ චාපර॒ජාය॑ ච॒ නමෝ॑ මද්ධ්ය॒මාය॑ චාපග॒ල්භාය॑ ච॒ නමෝ॑ ජඝ॒න්යා॑ය ච॒ බුද්ධ්නි॑යාය ච॒ නම॑-ස්සෝ॒භ්යා॑ය ච ප්රතිස॒ර්යා॑ය ච॒ නමෝ॒ යාම්යා॑ය ච॒ ක්ෂේම්යා॑ය ච॒ නම॑ උර්ව॒ර්යා॑ය ච॒ ඛල්යා॑ය ච॒ නම॒-ශ්ශ්ලෝක්යා॑ය චාවසා॒න්යා॑ය ච॒ නමෝ॒ වන්යා॑ය ච॒ කක්ෂ්යා॑ය ච॒ නම॑-ශ්ශ්ර॒වාය॑ ච ප්රතිශ්ර॒වාය॑ ච॒ [ප්රතිශ්ර॒වාය॑ ච, නම॑ ආ॒ශුෂේ॑ණාය] 13

නම॑ ආ॒ශුෂේ॑ණාය චා॒ශුර॑ථාය ච॒ නම॒-ශ්ශූරා॑ය චාවභින්ද॒තේ ච॒ නමෝ॑ ව॒ර්මිණේ॑ ච වරූ॒ථිනේ॑ ච॒ නමෝ॑ බි॒ල්මිනේ॑ ච කව॒චිනේ॑ ච॒ නම॑-ශ්ශ්රු॒තාය॑ ච ශ්රුතසේ॒නාය॑ ච ॥ 14 ॥
(ප්ර॒ති॒ශ්ර॒වාය॑ ච॒ - පඤ්ච॑විග්​ම්ශතිශ්ච) (අ. 6)

නමෝ॑ දුන්දු॒භ්යා॑ය චාහන॒න්යා॑ය ච॒ නමෝ॑ ධෘ॒ෂ්ණවේ॑ ච ප්රමෘ॒ශාය॑ ච॒ නමෝ॑ දූ॒තාය॑ ච॒ ප්රහි॑තාය ච॒ නමෝ॑ නිෂ॒ඞ්ගිණේ॑ චේෂුධි॒මතේ॑ ච॒ නම॑ ස්තී॒ක්ෂ්ණේෂ॑වේ චායු॒ධිනේ॑ ච॒ නම॑-ස්ස්වායු॒ධාය॑ ච සු॒ධන්ව॑නේ ච॒ නම॒-ස්ස්රුත්යා॑ය ච॒ පථ්යා॑ය ච॒ නමඃ॑ කා॒ට්යා॑ය ච නී॒ප්යා॑ය ච॒ නම॒-ස්සූද්යා॑ය ච සර॒ස්යා॑ය ච॒ නමෝ॑ නා॒ද්යාය॑ ච වෛශ॒න්තාය॑ ච॒ [වෛශ॒න්තාය॑ ච, නමඃ॒ කූප්යා॑ය] 15

නමඃ॒ කූප්යා॑ය චාව॒ට්යා॑ය ච॒ නමෝ॒ වර්​ෂ්යා॑ය චාව॒ර්​ෂ්යාය॑ ච॒ නමෝ॑ මේ॒ඝ්යා॑ය ච විද්යු॒ත්යා॑ය ච॒ නම॑ ඊ॒ද්ධ්රියා॑ය චාත॒ප්යා॑ය ච॒ නමෝ॒ වාත්යා॑ය ච॒ රේෂ්මි॑යාය ච॒ නමෝ॑ වාස්ත॒ව්යා॑ය ච වාස්තු॒පාය॑ ච ॥ 16 ॥
(වෛ॒ශ॒න්තාය॑ ච - ත්රි॒ග්​ම්॒ශච්ච॑) (අ. 7)

නම॒-ස්සෝමා॑ය ච රු॒ද්රාය॑ ච॒ නම॑ස්තා॒ම්රාය॑ චාරු॒ණාය॑ ච॒ නම॑-ශ්ශ॒ඞ්ගාය॑ ච පශු॒පත॑යේ ච॒ නම॑ උ॒ග්රාය॑ ච භී॒මාය॑ ච॒ නමෝ॑ අග්රේව॒ධාය॑ ච දූරේව॒ධාය॑ ච॒ නමෝ॑ හ॒න්ත්රේ ච॒ හනී॑යසේ ච॒ නමෝ॑ වෘ॒ක්ෂේභ්යෝ॒ හරි॑කේශේභ්යෝ॒ නම॑ස්තා॒රාය॒ නම॑-ශ්ශ॒ම්භවේ॑ ච මයෝ॒භවේ॑ ච॒ නම॑-ශ්ශඞ්ක॒රාය॑ ච මයස්ක॒රාය॑ ච॒ නම॑-ශ්ශි॒වාය॑ ච ශි॒වත॑රාය ච॒ [ශි॒වත॑රාය ච, නම॒ස්තීර්ථ්යා॑ය ච॒] 17

නම॒ස්තීර්ථ්යා॑ය ච॒ කූල්යා॑ය ච॒ නමඃ॑ පා॒ර්යා॑ය චාවා॒ර්යා॑ය ච॒ නමඃ॑ ප්ර॒තර॑ණාය චෝ॒ත්තර॑ණාය ච॒ නම॑ ආතා॒ර්යා॑ය චාලා॒ද්යා॑ය ච॒ නම॒-ශ්ශෂ්ප්යා॑ය ච॒ ඵේන්යා॑ය ච॒ නම॑-ස්සික॒ත්යා॑ය ච ප්රවා॒හ්යා॑ය ච ॥ 18 ॥
(ශි॒වත॑රාය ච - ත්රි॒ග්​ම්॒ශච්ච॑) (අ. 8)

නම॑ ඉරි॒ණ්යා॑ය ච ප්රප॒ථ්යා॑ය ච॒ නමඃ॑ කිග්​ම්ශි॒ලාය॑ ච॒ ක්ෂය॑ණාය ච॒ නමඃ॑ කප॒ර්දිනේ॑ ච පුල॒ස්තයේ॑ ච॒ නමෝ॒ ගෝෂ්ඨ්යා॑ය ච॒ ගෘහ්යා॑ය ච॒ නම॒ස්තල්ප්යා॑ය ච॒ ගේහ්යා॑ය ච॒ නමඃ॑ කා॒ට්යා॑ය ච ගහ්වරේ॒ෂ්ඨාය॑ ච॒ නමෝ᳚ හ්රද॒ය්යා॑ය ච නිවේ॒ෂ්ප්යා॑ය ච॒ නමඃ॑ පාග්​ම්ස॒ව්යා॑ය ච රජ॒ස්යා॑ය ච॒ නම॒-ශ්ශුෂ්ක්යා॑ය ච හරි॒ත්යා॑ය ච॒ නමෝ॒ ලෝප්යා॑ය චෝල॒ප්යා॑ය ච॒ [චෝල॒ප්යා॑ය ච, නම॑ ඌ॒ර්ව්යා॑ය ච] 19

නම॑ ඌ॒ර්ව්යා॑ය ච සූ॒ර්ම්යා॑ය ච॒ නමඃ॑ ප॒ර්ණ්යා॑ය ච පර්ණශ॒ද්යා॑ය ච॒ නමෝ॑-ऽපගු॒රමා॑ණාය චාභිඝ්න॒තේ ච॒ නම॑ ආක්ඛිද॒තේ ච॑ ප්රක්ඛිද॒තේ ච॒ නමෝ॑ වඃ කිරි॒කේභ්යෝ॑ දේ॒වානා॒ග්​ම්॒ හෘද॑යේභ්යෝ॒ නමෝ॑ වික්ෂීණ॒කේභ්යෝ॒ නමෝ॑ විචින්ව॒ත්කේභ්යෝ॒ නම॑ ආනිර්-හ॒තේභ්යෝ॒ නම॑ ආමීව॒ත්කේභ්යඃ॑ ॥ 20 ॥
(උ॒ල॒ප්යා॑ය ච॒ - ත්රය॑ස්ත්රිග්​ම්ශච්ච॑) (අ. 9)

ද්රාපේ॒ අන්ධ॑සස්පතේ॒ දරි॑ද්ර॒න්නීල॑ලෝහිත । ඒ॒ෂා-ම්පුරු॑ෂාණාමේ॒ෂා-ම්ප॑ශූ॒නා-ම්මා භේ ර්මා-ऽරෝ॒ මෝ ඒ॑ෂා॒-ඞ්කිඤ්ච॒නාම॑මත් ॥ යා තේ॑ රුද්ර ශි॒වා ත॒නූ-ශ්ශි॒වා වි॒ශ්වාහ॑භේෂජී । ශි॒වා රු॒ද්රස්ය॑ භේෂ॒ජී තයා॑ නෝ මෘඩ ජී॒වසේ᳚ ॥ ඉ॒මාග්​ම් රු॒ද්රාය॑ ත॒වසේ॑ කප॒ර්දිනේ᳚ ක්ෂ॒යද්වී॑රාය॒ ප්රභ॑රාමහේ ම॒තිම් । යථා॑ න॒-ශ්ශමස॑-ද්ද්වි॒පදේ॒ චතු॑ෂ්පදේ॒ විශ්ව॑-ම්පු॒ෂ්ට-ඞ්ග්රාමේ॑ අ॒ස්මි- [අ॒ස්මින්න්, අනා॑තුරම් ।] 21

-න්නනා॑තුරම් ॥ මෘ॒ඩා නෝ॑ රුද්රෝ॒ තනෝ॒ මය॑ස්කෘධි ක්ෂ॒යද්වී॑රාය॒ නම॑සා විධේම තේ । යච්ඡ-ඤ්ච॒ යෝශ්ච॒ මනු॑රාය॒ජේ පි॒තා තද॑ශ්යාම॒ තව॑ රුද්ර॒ ප්රණී॑තෞ ॥ මා නෝ॑ ම॒හාන්ත॑මු॒ත මා නෝ॑ අර්භ॒ක-ම්මා න॒ උක්ෂ॑න්තමු॒ත මා න॑ උක්ෂි॒තම් । මා නෝ॑ වධීඃ පි॒තර॒-ම්මෝත මා॒තර॑-ම්ප්රි॒යා මා න॑ස්ත॒නුවෝ॑ [මා න॑ස්ත॒නුවඃ॑, රු॒ද්ර॒ රී॒රි॒ෂඃ॒ ।] 22

රුද්ර රීරිෂඃ ॥ මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ । වී॒රා-න්මානෝ॑ රුද්ර භාමි॒තෝ ව॑ධීර්-හ॒විෂ්ම॑න්තෝ॒ නම॑සා විධේම තේ ॥ ආ॒රාත්තේ॑ ගෝ॒ඝ්න උ॒ත පූ॑රුෂ॒ඝ්නේ ක්ෂ॒යද්වී॑රාය සු॒ම්නම॒ස්මේ තේ॑ අස්තු । රක්ෂා॑ ච නෝ॒ අධි॑ ච දේව බ්රූ॒හ්යධා॑ ච න॒-ශ්ශර්ම॑ යච්ඡ ද්වි॒බර්​හාඃ᳚ ॥ ස්තු॒හි [ ] 23

ශ්රු॒ත-ඞ්ග॑ර්ත॒සදං॒-යුඁවා॑න-ම්මෘ॒ග-න්න භී॒ම-මු॑පහ॒ත්නු-මු॒ග්රම් । මෘ॒ඩා ජ॑රි॒ත්රේ රු॑ද්ර॒ ස්තවා॑නෝ අ॒න්යන්තේ॑ අ॒ස්මන්නිව॑පන්තු॒ සේනාඃ᳚ ॥ පරි॑ණෝ රු॒ද්රස්ය॑ හේ॒ති ර්වෘ॑ණක්තු॒ පරි॑ත්වේ॒ෂස්ය॑ දුර්ම॒තිර॑ඝා॒යෝඃ । අව॑ ස්ථි॒රා ම॒ඝව॑ද්භ්ය-ස්තනුෂ්ව॒ මීඪ්ව॑ස්තෝ॒කාය॒ තන॑යාය මෘඩය ॥ මීඪු॑ෂ්ටම॒ ශිව॑තම ශි॒වෝ න॑-ස්සු॒මනා॑ භව । ප॒ර॒මේ වෘ॒ක්ෂ ආයු॑ධ-න්නි॒ධාය॒ කෘත්තිං॒-වඁසා॑න॒ ආච॑ර॒ පිනා॑ක॒- [ආච॑ර॒ පිනා॑කම්, බිභ්ර॒දාග॑හි ।] 24

-ම්බිභ්ර॒දාග॑හි ॥ විකි॑රිද॒ විලෝ॑හිත॒ නම॑ස්තේ අස්තු භගවඃ । යාස්තේ॑ ස॒හස්රග්​ම්॑ හේ॒තයෝ॒-ऽන්ය-ම॒ස්මන්නි ව॑පන්තු॒ තාඃ ॥ ස॒හස්රා॑ණි සහස්ර॒ධා බා॑හු॒වෝස්තව॑ හේ॒තයඃ॑ । තාසා॒මීශා॑නෝ භගවඃ පරා॒චීනා॒ මුඛා॑ කෘධි ॥ 25 ॥
(අ॒ස්මිග්ග්​-ස්ත॒නුවඃ॑-ස්තු॒හි-පිනා॑ක॒-මේකා॒න්නත්රි॒ග්​ම්॒ශච්ච॑) (අ. 10)

ස॒හස්රා॑ණි සහස්ර॒ශෝ යේ රු॒ද්රා අධි॒ භූම්යා᳚ම් । තේෂාග්​ම්॑ සහස්රයෝජ॒නේ ऽව॒ධන්වා॑නි තන්මසි ॥ අ॒ස්මි-න්ම॑හ॒ත්ය॑ර්ණ॒වේ᳚-ऽන්තරි॑ක්ෂේ භ॒වා අධි॑ ॥ නීල॑ග්රීවා-ශ්ශිති॒කණ්ඨා᳚-ශ්ශ॒ර්වා අ॒ධඃ, ක්ෂ॑මාච॒රාඃ ॥ නීල॑ග්රීවා-ශ්ශිති॒කණ්ඨා॒ දිවග්​ම්॑ රු॒ද්රා උප॑ශ්රිතාඃ ॥ යේ වෘ॒ක්ෂේෂු॑ ස॒ස්පිඤ්ජ॑රා॒ නීල॑ග්රීවා॒ විලෝ॑හිතාඃ ॥ යේ භූ॒තානා॒-මධි॑පතයෝ විශි॒ඛාසඃ॑ කප॒ර්දි॑නඃ ॥ යේ අන්නේ॑ෂු වි॒විද්ධ්ය॑න්ති॒ පාත්රේ॑ෂු॒ පිබ॑තෝ॒ ජනාන්॑ ॥ යේ ප॒ථා-ම්ප॑ථි॒රක්ෂ॑ය ඓලබෘ॒දා ය॒ව්යුධඃ॑ ॥ යේ තී॒ර්ථානි॑ - [ ] 26

ප්ර॒චර॑න්ති සෘ॒කාව॑න්තෝ නිෂ॒ඞ්ගිණඃ॑ ॥ ය ඒ॒තාව॑න්තශ්ච॒ භූයාග්​ම්॑සශ්ච॒ දිශෝ॑ රු॒ද්රා වි॑තස්ථි॒රේ ॥ තේෂාග්​ම්॑ සහස්රයෝජ॒නේ ऽව॒ධන්වා॑නි තන්මසි ॥ නමෝ॑ රු॒ද්රේභ්යෝ॒ යේ පෘ॑ථි॒ව්යාං-යේඁ᳚-ऽන්තරි॑ක්ෂේ॒ යේ දි॒වි යේෂා॒මන්නං॒ ඁවාතෝ॑ ව॒ර්॒ෂමිෂ॑ව॒ස්තේභ්යෝ॒ දශ॒ ප්රාචී॒ ර්දශ॑දක්ෂි॒ණා දශ॑ප්ර॒තීචී॒ ර්දශෝදී॑චී॒ ර්දශෝ॒ර්ධ්වා-ස්තේභ්යෝ॒ නම॒ස්තේ නෝ॑ මෘඩයන්තු॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ॥ 27 ॥
(තී॒ර්ථානි॒ - යශ්ච॒ - ෂට් ච॑ ) (අ. 11)

(නම॑ස්තේ රුද්ර॒ - නමෝ॒ හිර॑ණ්යබාහවේ॒ - නම॒-ස්සහ॑මානාය॒ - නම॑ ආව්යා॒ධිනී᳚භ්යෝ॒ - නමෝ॑ භ॒වාය॒ - නමෝ᳚ ජ්යේ॒ෂ්ඨාය॒ - නමෝ॑ දුන්දු॒භ්යා॑ය॒ - නම॒-ස්සෝමා॑ය॒ - නම॑ ඉරි॒ණ්යා॑ය॒ - ද්රාප॑ - ස॒හස්රා॒ - ණ්යේකා॑දශ)

(නම॑ස්තේ රුද්ර॒ - නමෝ॑ භ॒වාය॒ - ද්රාපේ॑ - ස॒ප්තවිග්​ම්॑ශතිඃ)

(නම॑ස්තේ රුද්ර॒, තං-වෝඁ॒ ජම්භේ॑ දධාමි)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථ කාණ්ඩේ පඤ්චමඃ ප්රශ්න-ස්සමාප්තඃ ॥