කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ ෂෂ්ඨඃ ප්රශ්නඃ - සෝමමන්ත්රබ්රාහ්මණනිරූපණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

සු॒ව॒ර්ගාය॒ වා ඒ॒තානි॑ ලෝ॒කාය॑ හූයන්තේ॒ ය-ද්දා᳚ක්ෂි॒ණානි॒ ද්වාභ්යා॒-ඞ්ගාර්​හ॑පත්යේ ජුහෝති ද්වි॒පා-ද්යජ॑මානඃ॒ ප්රති॑ෂ්ඨිත්යා॒ ආග්නී᳚ද්ධ්රේ ජුහෝත්ය॒න්තරි॑ක්ෂ ඒ॒වා-ऽऽක්ර॑මතේ॒ සදෝ॒-ऽභ්යෛති॑ සුව॒ර්ගමේ॒වෛනං॑-ලෝඁ॒ක-ඞ්ග॑මයති සෞ॒රීභ්යා॑මෘ॒ග්භ්යා-ඞ්ගාර්​හ॑පත්යේ ජුහෝත්ය॒මුමේ॒වෛනං॑-ලෝඁ॒කග්​ම් ස॒මාරෝ॑හයති॒ නය॑වත්ය॒ර්චා-ऽऽග්නී᳚ද්ධ්රේ ජුහෝති සුව॒ර්ගස්ය॑ ලෝ॒කස්යා॒භිනී᳚ත්යෛ॒ දිව॑-ඞ්ගච්ඡ॒ සුවඃ॑ ප॒තේති॒ හිර॑ණ්යග්​ම් [හිර॑ණ්යම්, හු॒ත්වෝ-ද්ගෘ॑හ්ණාති] 1

හු॒ත්වෝ-ද්ගෘ॑හ්ණාති සුව॒ර්ගමේ॒වෛනං॑-ලෝඁ॒ක-ඞ්ග॑මයති රූ॒පේණ॑ වෝ රූ॒පම॒භ්යෛමීත්යා॑හ රූ॒පේණ॒ හ්යා॑සාග්​ම් රූ॒පම॒භ්යෛති॒ යද්ධිර॑ණ්යේන තු॒ථෝ වෝ॑ වි॒ශ්වවේ॑දා॒ වි භ॑ජ॒ත්විත්යා॑හ තු॒ථෝ හ॑ ස්ම॒ වෛ වි॒ශ්වවේ॑දා දේ॒වානා॒-න්දක්ෂි॑ණා॒ වි භ॑ජති॒ තේනෛ॒වෛනා॒ වි භ॑ජත්යේ॒ ත-ත්තේ॑ අග්නේ॒ රාධ॒ [අග්නේ॒ රාධඃ॑, ඓති॒ සෝම॑ච්යුත॒-] 2

ඓති॒ සෝම॑ච්යුත॒-මිත්යා॑හ॒ සෝම॑ච්යුත॒ග්ග්॒ හ්ය॑ස්ය॒ රාධ॒ ඓති॒ තන්මි॒ත්රස්ය॑ ප॒ථා න॒යේත්යා॑හ॒ ශාන්ත්යා॑ ඍ॒තස්ය॑ ප॒ථා ප්රේත॑ ච॒න්ද්ර ද॑ක්ෂිණා॒ ඉත්යා॑හ ස॒ත්යං-වාඁ ඍ॒තග්​ම් ස॒ත්යේනෛ॒වෛනා॑ ඍ॒තේන॒ වි භ॑ජති ය॒ජ්ඤස්ය॑ ප॒ථා සු॑වි॒තා නය॑න්තී॒රිත්යා॑හ ය॒ජ්ඤස්ය॒ හ්යේ॑තාඃ ප॒ථා යන්ති॒ ය-ද්දක්ෂි॑ණා බ්රාහ්ම॒ණම॒ද්ය රා᳚ද්ධ්යාස॒- [රා᳚ද්ධ්යාසම්, ඍෂි॑මාර්​ෂේ॒ය-] 3

-මෘෂි॑මාර්​ෂේ॒ය-මිත්යා॑හෛ॒ෂ වෛ බ්රා᳚හ්ම॒ණ ඍෂි॑රාර්​ෂේ॒යෝ ය-ශ්ශු॑ශ්රු॒වා-න්තස්මා॑දේ॒වමා॑හ॒ වි සුවඃ॒ පශ්ය॒ ව්ය॑න්තරි॑ක්ෂ॒මිත්යා॑හ සුව॒ර්ගමේ॒වෛනං॑-ලෝඁ॒ක-ඞ්ග॑මයති॒ යත॑ස්ව සද॒ස්යෛ॑රිත්යා॑හ මිත්ර॒ත්වායා॒ස්මද්දා᳚ත්රා දේව॒ත්රා ග॑ච්ඡත॒ මධු॑මතීඃ ප්රදා॒තාර॒මා වි॑ශ॒තේත්යා॑හ ව॒යමි॒හ ප්ර॑දා॒තාර॒-ස්ස්මෝ᳚-ऽස්මාන॒මුත්ර॒ මධු॑මතී॒රා වි॑ශ॒තේති॒ [වි॑ශ॒තේති॑, වාවෛතදා॑හ॒] 4

වාවෛතදා॑හ॒ හිර॑ණ්ය-න්දදාති॒ ජ්යෝති॒ර්වෛ හිර॑ණ්ය॒-ඤ්ජ්යෝති॑රේ॒ව පු॒රස්තා᳚ද්ධත්තේ සුව॒ර්ගස්ය॑ ලෝ॒කස්යානු॑ඛ්යාත්යා අ॒ග්නීධේ॑ දදාත්ය॒ග්නිමු॑ඛානේ॒වර්තූ-න්ප්රී॑ණාති බ්ර॒හ්මණේ॑ දදාති॒ ප්රසූ᳚ත්යෛ॒ හෝත්රේ॑ දදාත්යා॒ත්මා වා ඒ॒ෂ ය॒ජ්ඤස්ය॒ යද්ධෝතා॒-ऽऽත්මාන॑මේ॒ව ය॒ජ්ඤස්ය॒ දක්ෂි॑ණාභි॒-ස්සම॑ර්ධයති ॥ 5 ॥
(හිර॑ණ්ය॒ග්​ම්॒ - රාධෝ॑ - රාධ්යාස - ම॒මුත්ර॒ මධු॑මතී॒රා වි॑ශ॒තේත්ය॒ - ෂ්ටාත්රිග්​ම්॑ශච්ච) (අ. 1)

ස॒මි॒ෂ්ට॒ ය॒ජූග්​ම්ෂි॑ ජුහෝති ය॒ජ්ඤස්ය॒ සමි॑ෂ්ට්යෛ॒ යද්වෛ ය॒ජ්ඤස්ය॑ ක්රූ॒රං-යඁ-ද්විලි॑ෂ්ටං॒-යඁද॒ත්යේති॒ යන්නාත්යේති॒ යද॑තික॒රෝති॒ යන්නාපි॑ ක॒රෝති॒ තදේ॒ව තෛඃ ප්රී॑ණාති॒ නව॑ ජුහෝති॒ නව॒ වෛ පුරු॑ෂේ ප්රා॒ණාඃ පුරු॑ෂේණ ය॒ජ්ඤ-ස්සම්මි॑තෝ॒ යාවා॑නේ॒ව ය॒ජ්ඤස්ත-ම්ප්රී॑ණාති॒ ෂ-ඩෘග්මි॑යාණි ජුහෝති॒ ෂඩ්වා ඍ॒තව॑ ඍ॒තූනේ॒ව ප්රී॑ණාති॒ ත්රීණි॒ යජූග්​ම්॑ෂි॒ [යජූග්​ම්॑ෂි, ත්රය॑ ඉ॒මේ ලෝ॒කා] 6

ත්රය॑ ඉ॒මේ ලෝ॒කා ඉ॒මානේ॒ව ලෝ॒කා-න්ප්රී॑ණාති॒ යජ්ඤ॑ ය॒ජ්ඤ-ඞ්ග॑ච්ඡ ය॒ජ්ඤප॑ති-ඞ්ග॒ච්ඡේත්යා॑හ ය॒ජ්ඤප॑තිමේ॒වෛන॑-ඞ්ගමයති॒ ස්වාං-යෝඁනි॑-ඞ්ග॒ච්ඡේත්යා॑හ॒ ස්වාමේ॒වෛනං॒-යෝඁනි॑-ඞ්ගමයත්යේ॒ෂ තේ॑ ය॒ජ්ඤෝ ය॑ජ්ඤපතේ ස॒හසූ᳚ක්තවාක-ස්සු॒වීර॒ ඉත්යා॑හ॒ යජ॑මාන ඒ॒ව වී॒ර්ය॑-න්දධාති වාසි॒ෂ්ඨෝ හ॑ සාත්යහ॒ව්යෝ දේ॑වභා॒ග-ම්ප॑ප්රච්ඡ॒ ය-ථ්සෘඤ්ජ॑යා-න්බහුයා॒ජිනෝ-ऽයී॑යජෝ ය॒ජ්ඤේ [ ] 7

ය॒ජ්ඤ-ම්ප්රත්ය॑තිෂ්ඨි॒පා(3) ය॒ජ්ඤප॒තා(3)විති॒ ස හෝ॑වාච ය॒ජ්ඤප॑තා॒විති॑ ස॒ත්යාද්වෛ සෘඤ්ජ॑යාඃ॒ පරා॑ බභූවු॒රිති॑ හෝවාච ය॒ජ්ඤේ වාව ය॒ජ්ඤඃ ප්ර॑ති॒ෂ්ඨාප්ය॑ ආසී॒-ද්යජ॑මාන॒ස්යා-ऽප॑රාභාවා॒යේති॒ දේවා॑ ගාතුවිදෝ ගා॒තුං-විඁ॒ත්ත්වා ගා॒තු -මි॒තේත්යා॑හ ය॒ජ්ඤ ඒ॒ව ය॒ජ්ඤ-ම්ප්රති॑ ෂ්ඨාපයති॒ යජ॑මාන॒ස්යා-ऽප॑රාභාවාය ॥ 8 ॥
(යජූග්​ම්॑ෂි - ය॒ජ්ඤ - ඒක॑චත්වාරිග්​ම්ශච්ච) (අ. 2)

අ॒ව॒භෘ॒ථ॒-ය॒ජූග්​ම්ෂි॑ ජුහෝති॒ යදේ॒වාර්වා॒චීන॒-මේක॑හායනා॒දේනඃ॑ ක॒රෝති॒ තදේ॒ව තෛරව॑ යජතේ॒ ऽපෝ॑-ऽවභෘ॒ථ-මවෛ᳚ත්ය॒ඵ්සු වෛ වරු॑ණ-ස්සා॒ක්ෂාදේ॒ව වරු॑ණ॒මව॑ යජතේ॒ වර්ත්ම॑නා॒ වා අ॒න්විත්ය॑ ය॒ජ්ඤග්​ම් රක්ෂාග්​ම්॑සි ජිඝාග්​ම්සන්ති॒ සාම්නා᳚ ප්රස්තෝ॒තා-ऽන්වවෛ॑ති॒ සාම॒ වෛ ර॑ක්ෂෝ॒හා රක්ෂ॑සා॒මප॑හත්යෛ॒ ත්රිර්නි॒ධන॒මුපෛ॑ති॒ ත්රය॑ ඉ॒මේ ලෝ॒කා ඒ॒භ්ය ඒ॒ව ලෝ॒කේභ්යෝ॒ රක්ෂා॒ග්॒- [ලෝ॒කේභ්යෝ॒ රක්ෂාග්​ම්॑සි, අප॑ හන්ති॒] 9

-ස්යප॑ හන්ති॒ පුරු॑ෂඃපුරුෂෝ නි॒ධන॒මුපෛ॑ති॒ පුරු॑ෂඃපුරුෂෝ॒ හි ර॑ක්ෂ॒ස්වී රක්ෂ॑සා॒මප॑හත්යා උ॒රුග්​ම් හි රාජා॒ වරු॑ණශ්ච॒කාරේත්යා॑හ॒ ප්රති॑ෂ්ඨිත්යෛ ශ॒ත-න්තේ॑ රාජ-න්භි॒ෂජ॑-ස්ස॒හස්ර॒මිත්යා॑හ භේෂ॒ජමේ॒වාස්මෛ॑ කරෝත්ය॒භිෂ්ඨි॑තෝ॒ වරු॑ණස්ය॒ පාශ॒ ඉත්යා॑හ වරුණපා॒ශමේ॒වාභි ති॑ෂ්ඨති බ॒ර්॒හිර॒භි ජු॑හෝ॒ත්යාහු॑තීනා॒-ම්ප්රති॑ෂ්ඨිත්යා॒ අථෝ॑ අග්නි॒වත්යේ॒ව ජු॑හෝ॒ත්යප॑ බර්​හිෂඃ ප්රයා॒ජාන් [ප්රයා॒ජාන්, ය॒ජ॒ති॒ ප්ර॒ජා වෛ] 10

ය॑ජති ප්ර॒ජා වෛ බ॒ර්॒හිඃ ප්ර॒ජා ඒ॒ව ව॑රුණපා॒ශා-න්මු॑ඤ්ච॒ත්යාජ්ය॑භාගෞ යජති ය॒ජ්ඤස්යෛ॒ව චක්ෂු॑ෂී॒ නාන්තරේ॑ති॒ වරු॑ණං-යඁජති වරුණපා॒ශාදේ॒වෛන॑-ම්මුඤ්චත්ය॒ග්නීවරු॑ණෞ යජති සා॒ක්ෂාදේ॒වෛනං॑-වඁරුණපා॒ශා-න්මු॑ඤ්ච॒ත්ය-ප॑බර්​හිෂාවනූයා॒ජෞ ය॑ජති ප්ර॒ජා වෛ බ॒ර්॒හිඃ ප්ර॒ජා ඒ॒ව ව॑රුණපා॒ශා-න්මු॑ඤ්චති ච॒තුරඃ॑ ප්රයා॒ජාන්. ය॑ජති॒ ද්වාව॑නූයා॒ජෞ ෂට්-ථ්සම්ප॑ද්යන්තේ॒ ෂඩ්වා ඍ॒තව॑ [ෂඩ්වා ඍ॒තවඃ॑, ඍ॒තුෂ්වේ॒ව ප්රති॑] 11

ඍ॒තුෂ්වේ॒ව ප්රති॑ තිෂ්ඨ॒-ත්යව॑භෘථ-නිචඞ්කු॒ණේත්යා॑හ යථෝදි॒තමේ॒ව වරු॑ණ॒මව॑ යජතේ සමු॒ද්රේ තේ॒ හෘද॑ය-ම॒ඵ්ස්ව॑න්තරිත්යා॑හ සමු॒ද්රේ හ්ය॑න්තර්වරු॑ණ॒-ස්ස-න්ත්වා॑ විශ॒-න්ත්වෝෂ॑ධී-රු॒තා-ऽऽප॒ ඉත්යා॑හා॒ද්භි-රේ॒වෛන॒මෝෂ॑ධීභි-ස්ස॒ම්යඤ්ච॑-න්දධාති॒ දේවී॑රාප ඒ॒ෂ වෝ॒ ගර්භ॒ ඉත්යා॑හ යථාය॒ජුරේ॒වෛත-ත්ප॒ශවෝ॒ වෛ [ ] 12

සෝමෝ॒ ය-ද්භි॑න්දූ॒නා-ම්භ॒ක්ෂයේ᳚-ත්පශු॒මාන්-ථ්ස්යා॒-ද්වරු॑ණ॒-ස්ත්වේ॑න-ඞ්ගෘහ්ණීයා॒ද්යන්න භ॒ක්ෂයේ॑දප॒ශු-ස්ස්යා॒න්නෛනං॒-වඁරු॑ණෝ ගෘහ්ණීයා-දුප॒ස්පෘශ්ය॑මේ॒ව ප॑ශු॒මා-න්භ॑වති॒ නෛනං॒-වඁරු॑ණෝ ගෘහ්ණාති॒ ප්රති॑යුතෝ॒ වරු॑ණස්ය॒ පාශ॒ ඉත්යා॑හ වරුණපා॒ශාදේ॒ව නිර්මු॑ච්ය॒තේ ऽප්ර॑තීක්ෂ॒මා ය॑න්ති॒ වරු॑ණස්යා॒න්තර්​හි॑ත්යා॒ ඒධෝ᳚-ऽස්යේධිෂී॒මහී-ත්යා॑හ ස॒මිධෛ॒වාග්නි-න්න॑ම॒ස්යන්ත॑ උ॒පාය॑න්ති॒ තේජෝ॑-ऽසි॒ තේජෝ॒ මයි॑ ධේ॒හීත්යා॑හ॒ තේජ॑ ඒ॒වා-ऽऽත්ම-න්ධ॑ත්තේ ॥ 13 ॥
(රක්ෂාග්​ම්॑සි - ප්රයා॒ජා - නෘ॒තවෝ॒ - වෛ - න॑ම॒ස්යන්තෝ॒ - ද්වාද॑ශ ච) (අ. 3)

ස්ඵ්යේන॒ වේදි॒මුද්ධ॑න්ති රථා॒ක්ෂේණ॒ වි මි॑මීතේ॒ යූප॑-ම්මිනෝති ත්රි॒වෘත॑මේ॒ව වජ්රග්​ම්॑ ස॒භෘන්ත්ය॒ භ්රාතෘ॑ව්යාය॒ ප්ර හ॑රති॒ ස්තෘත්යෛ॒ යද॑න්තර්වේ॒දි මි॑නු॒යා-ද්දේ॑වලෝ॒කම॒භි ජ॑යේ॒-ද්ය-ද්බ॑හිර්වේ॒දි ම॑නුෂ්ය ලෝ॒කං ඁවේ᳚ද්ය॒න්තස්ය॑ ස॒න්ධෞ මි॑නෝත්යු॒භයෝ᳚-ර්ලෝ॒කයෝ॑-ර॒භිජි॑ත්යා॒ උප॑රසම්මිතා-ම්මිනුයා-ත්පිතෘලෝ॒කකා॑මස්ය රශ॒නස॑මින්තා-ම්මනුෂ්යලෝ॒කකා॑මස්ය ච॒ෂාල॑-සම්මිතාමින්ද්රි॒ය කා॑මස්ය॒ සර්වා᳚න්-ථ්ස॒මා-න්ප්ර॑ති॒ෂ්ඨාකා॑මස්ය॒ යේ ත්රයෝ॑ මද්ධ්ය॒මාස්තාන්-ථ්ස॒මා-න්ප॒ශුකා॑මස්යෛ॒තාන්. වා [වෛ, අනු॑] 14

අනු॑ ප॒ශව॒ උප॑ තිෂ්ඨන්තේ පශු॒මානේ॒ව භ॑වති॒ ව්යති॑ෂජේ॒දිත॑රා-න්ප්ර॒ජයෛ॒වෛන॑-ම්ප॒ශුභි॒ර්ව්යති॑ෂජති॒ ය-ඞ්කා॒මයේ॑ත ප්ර॒මායු॑ක-ස්ස්යා॒දිති॑ ගර්ත॒මිත॒-න්තස්ය॑ මිනුයාදුත්තරා॒ර්ධ්යං॑-වඁර්​ෂි॑ෂ්ඨ॒මථ॒ හ්රසී॑යාග්​ම්සමේ॒ෂා වෛ ග॑ර්ත॒මිද්යස්යෛ॒ව-ම්මි॒නෝති॑ තා॒ජ-ක්ප්ර මී॑යතේ දක්ෂිණා॒ර්ධ්යං॑-වඁර්​ෂි॑ෂ්ඨ-ම්මිනුයා-ථ්සුව॒ර්ගකා॑ම॒ස්යාථ॒ හ්රසී॑යාග්​ම්ස-මා॒ක්රම॑ණමේ॒ව ත-ථ්සේතුං॒-යඁජ॑මානඃ කුරුතේ සුව॒ර්ගස්ය॑ ලෝ॒කස්ය॒ සම॑ෂ්ට්යෛ॒ [සම॑ෂ්ට්යෛ, යදේක॑ස්මි॒න්॒.] 15

යදේක॑ස්මි॒න්॒. යූපේ॒ ද්වේ ර॑ශ॒නේ ප॑රි॒ව්යය॑ති॒ තස්මා॒දේකෝ॒ ද්වේ ජා॒යේ වි॑න්දතේ॒ යන්නෛකාග්​ම්॑ රශ॒නා-න්ද්වයෝ॒ර්යූප॑යෝඃ පරි॒ව්යය॑ති॒ තස්මා॒න්නෛකා॒ ද්වෞ පතී॑ වින්දතේ॒ ය-ඞ්කා॒මයේ॑ත॒ ස්ත්ර්ය॑ස්ය ජායේ॒තේත්යු॑පා॒න්තේ තස්ය॒ ව්යති॑ෂජේ॒-ථ්ස්ත්ර්යේ॑වාස්ය॑ ජායතේ॒ ය-ඞ්කා॒මයේ॑ත॒ පුමා॑නස්ය ජායේ॒තේත්යා॒න්ත-න්තස්ය॒ ප්ර වේ᳚ෂ්ටයේ॒-ත්පුමා॑නේ॒වාස්ය॑ [වේ᳚ෂ්ටයේ॒-ත්පුමා॑නේ॒වාස්ය॑, ජා॒ය॒තේ ऽසු॑රා॒] 16

ජාය॒තේ ऽසු॑රා॒ වෛ දේ॒වා-න්ද॑ක්ෂිණ॒ත උපා॑නය॒-න්තා-න්දේ॒වා උ॑පශ॒යේනෛ॒වාපා॑-නුදන්ත॒ ත-දු॑පශ॒යස්යෝ॑-පශය॒ත්වං-යඁ-ද්ද॑ක්ෂිණ॒ත උ॑පශ॒ය උ॑ප॒ශයේ॒ භ්රාතෘ॑ව්යාපනුත්ත්යෛ॒ සර්වේ॒ වා අ॒න්යේ යූපාඃ᳚ පශු॒මන්තෝ-ऽථෝ॑පශ॒ය ඒ॒වාප॒ශුස්තස්ය॒ යජ॑මානඃ ප॒ශුර්යන්න නි॑ර්දි॒ශේදාර්ති॒-මාර්ච්ඡේ॒-ද්යජ॑මානෝ॒-ऽසෞ තේ॑ ප॒ශුරිති॒ නිර්දි॑ශේ॒ද්ය-න්ද්වි॒ෂ්යා-ද්යමේ॒ව [ ] 17

ද්වේෂ්ටි॒ තම॑ස්මෛ ප॒ශු-න්නිර්දි॑ශති॒ යදි॒ න ද්වි॒ෂ්යාදා॒ඛුස්තේ॑ ප॒ශුරිති॑ බ්රූයා॒න්න ග්රා॒ම්යා-න්ප॒ශූන්. හි॒නස්ති॒ නා-ऽऽර॒ණ්යා-න්ප්ර॒ජාප॑තිඃ ප්ර॒ජා අ॑සෘජත॒ සෝ᳚-ऽන්නාද්යේ॑න॒ ව්යා᳚ර්ධ්යත॒ ස ඒ॒තාමේ॑කාද॒ශිනී॑-මපශ්ය॒-ත්තයා॒ වෛ සෝ᳚-ऽන්නාද්ය॒මවා॑රුන්ධ॒ යද්දශ॒ යූපා॒ භව॑න්ති॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජෛ॒වා-න්නාද්ය॒මව॑ රුන්ධේ॒ [රුන්ධේ, ය] 18

ය ඒ॑කාද॒ශ-ස්ස්තන॑ ඒ॒වාස්යෛ॒ ස දු॒හ ඒ॒වෛනා॒-න්තේන॒ වජ්රෝ॒ වා ඒ॒ෂා ස-ම්මී॑යතේ॒ යදේ॑කාද॒ශිනී॒ සේශ්ව॒රා පු॒රස්තා᳚-ත්ප්ර॒ත්යඤ්චං॑-යඁ॒ජ්ඤග්​ම් සම්ම॑ර්දිතෝ॒ර්ය-ත්පා᳚ත්නීව॒ත-ම්මි॒නෝති॑ ය॒ජ්ඤස්ය॒ ප්රත්යුත්ත॑බ්ධ්යෛ සය॒ත්වාය॑ ॥ 19 ॥
(වෛ - සම॑ෂ්ට්යෛ॒ - පුමා॑නේ॒වාස්ය॒ - යමේ॒ව - රු॑න්ධේ - ත්රි॒ග්​ම්॒ශච්ච॑) (අ. 4)

ප්ර॒ජාප॑තිඃ ප්ර॒ජා අ॑සෘජත॒ ස රි॑රිචා॒නෝ॑-ऽමන්යත॒ ස ඒ॒තාමේ॑කාද॒ශිනී॑-මපශ්ය॒-ත්තයා॒ වෛ ස ආයු॑රින්ද්රි॒යං-වීඁ॒ර්ය॑මා॒ත්මන්න॑ධත්ත ප්ර॒ජා ඉ॑ව॒ ඛලු॒ වා ඒ॒ෂ සෘ॑ජතේ॒ යෝ යජ॑තේ॒ ස ඒ॒තර්​හි॑ රිරිචා॒න ඉ॑ව॒ යදේ॒ෂෛකා॑ද॒ශිනී॒ භව॒ත්යායු॑රේ॒ව තයේ᳚න්ද්රි॒යං-වීඁ॒ර්යං॑-යඁජ॑මාන ආ॒ත්ම-න්ධ॑ත්තේ॒ ප්රෛවා-ऽऽග්නේ॒යේන॑ වාපයති මිථු॒නග්​ම් සා॑රස්ව॒ත්යා ක॑රෝති॒ රේත॑- [රේතඃ॑, සෞ॒ම්යේන॑ දධාති॒] 20

-ස්සෞ॒ම්යේන॑ දධාති॒ ප්ර ජ॑නයති පෞ॒ෂ්ණේන॑ බාර්​හස්ප॒ත්යෝ භ॑වති॒ බ්රහ්ම॒ වෛ දේ॒වානා॒-ම්බෘහ॒ස්පති॒ර්බ්රහ්ම॑ණෛ॒වාස්මෛ᳚ ප්ර॒ජාඃ ප්රජ॑නයති වෛශ්වදේ॒වෝ භ॑වති වෛශ්වදේ॒ව්යෝ॑ වෛ ප්ර॒ජාඃ ප්ර॒ජා ඒ॒වාස්මෛ॒ ප්රජ॑නයතී-න්ද්රි॒යමේ॒වෛන්ද්රේණාව॑ රුන්ධේ॒ විශ॑-ම්මාරු॒තේනෞජෝ॒ බල॑මෛන්ද්රා॒ග්නේන॑ ප්රස॒වාය॑ සාවි॒ත්රෝ නි॑ර්වරුණ॒ත්වාය॑ වාරු॒ණෝ ම॑ද්ධ්ය॒ත ඓ॒න්ද්රමා ල॑භතේ මද්ධ්ය॒ත ඒ॒වේන්ද්රි॒යං-යඁජ॑මානේ දධාති [ ] 21

පු॒රස්තා॑දෛ॒න්ද්රස්ය॑ වෛශ්වදේ॒වමා ල॑භතේ වෛශ්වදේ॒වං-වාඁ අන්න॒මන්න॑මේ॒ව පු॒රස්තා᳚ද්ධත්තේ॒ තස්මා᳚-ත්පු॒රස්තා॒දන්න॑මද්යත ඓ॒න්ද්රමා॒ලභ්ය॑ මාරු॒තමා ල॑භතේ॒ වි-ඩ්වෛ ම॒රුතෝ॒ විශ॑මේ॒වාස්මා॒ අනු॑ බද්ධ්නාති॒ යදි॑ කා॒මයේ॑ත॒ යෝ-ऽව॑ගත॒-ස්සෝ-ऽප॑ රුද්ධ්යතාං॒-යෝඁ-ऽප॑රුද්ධ॒-ස්සෝ-ऽව॑ ගච්ඡ॒ත්විත්යෛ॒න්ද්රස්ය॑ ලෝ॒කේ වා॑රු॒ණමා ල॑භේත වාරු॒ණස්ය॑ ලෝ॒ක ඓ॒න්ද්රං- [ලෝ॒ක ඓ॒න්ද්රම්, ය ඒ॒වාව॑ගත॒-ස්සෝ-ऽප॑] 22

-ඁය ඒ॒වාව॑ගත॒-ස්සෝ-ऽප॑ රුද්ධ්යතේ॒ යෝ-ऽප॑රුද්ධ॒-ස්සෝ-ऽව॑ ගච්ඡති॒ යදි॑ කා॒මයේ॑ත ප්ර॒ජා මු॑හ්යේයු॒රිති॑ ප॒ශූන් ව්යති॑ෂජේ-ත්ප්ර॒ජා ඒ॒ව මෝ॑හයති॒ යද॑භිවාහ॒තෝ॑-ऽපාං-වාඁ ॑රු॒ණමා॒ලභේ॑ත ප්ර॒ජා වරු॑ණෝ ගෘහ්ණීයා-ද්දක්ෂිණ॒ත උද॑ඤ්ච॒මා ල॑භතේ-ऽපවාහ॒තෝ॑-ऽපා-ම්ප්ර॒ජානා॒-මව॑රුණ ග්රාහාය ॥ 23 ॥
(රේතෝ॒ - යජ॑මානේ දධාති - ලෝ॒ක ඓ॒න්ද්රග්​ම් - ස॒ප්තත්රිග්​ම්॑ශච්ච) (අ. 5)

ඉන්ද්රඃ॒ පත්නි॑යා॒ මනු॑මයාජය॒-ත්තා-ම්පර්ය॑ග්නිකෘතා॒-මුද॑සෘජ॒-ත්තයා॒ මනු॑රාර්ධ්නෝ॒ද්ය-ත්පර්ය॑ග්නිකෘත-ම්පාත්නීව॒තමු॑-ථ්සෘ॒ජති॒ යාමේ॒ව මනු॒ර්॒. ඍද්ධි॒මාර්ධ්නෝ॒-ත්තාමේ॒ව යජ॑මාන ඍධ්නෝති ය॒ජ්ඤස්ය॒ වා අප්ර॑තිෂ්ඨිතා-ද්ය॒ජ්ඤඃ පරා॑ භවති ය॒ජ්ඤ-ම්ප॑රා॒භව॑න්තං॒-යඁජ॑මා॒නෝ-ऽනු॒ පරා॑ භවති॒ යදාජ්යේ॑න පාත්නීව॒තග්​ම් සග්ග්॑ස්ථා॒පය॑ති ය॒ජ්ඤස්ය॒ ප්රති॑ෂ්ඨිත්යෛ ය॒ජ්ඤ-ම්ප්ර॑ති॒තිෂ්ඨ॑න්තං॒-යඁජ॑මා॒නෝ-ऽනු॒ ප්රති॑ තිෂ්ඨතී॒ෂ්ටං-වඁ॒පයා॒ [-ඁව॒පයා᳚, භව॒ත්යනි॑ෂ්ටං-වඁ॒ශයා-ऽථ॑] 24

භව॒ත්යනි॑ෂ්ටං-වඁ॒ශයා-ऽථ॑ පාත්නීව॒තේන॒ ප්ර ච॑රති තී॒ර්ථ ඒ॒ව ප්ර ච॑ර॒ත්යථෝ॑ ඒ॒තර්​හ්යේ॒වාස්ය॒ යාම॑ස්ත්වා॒ෂ්ට්රෝ භ॑වති॒ ත්වෂ්ටා॒ වෛ රේත॑ස-ස්සි॒ක්තස්ය॑ රූ॒පාණි॒ වි ක॑රෝති॒ තමේ॒ව වෘෂා॑ණ॒-ම්පත්නී॒ෂ්වපි॑ සෘජති॒ සෝ᳚-ऽස්මෛ රූ॒පාණි॒ වි ක॑රෝති ॥ 25 ॥
(ව॒පයා॒ - ෂට්ත්රිග්​ම්॑ශච්ච) (අ. 6)

ඝ්නන්ති॒ වා ඒ॒ත-ථ්සෝමං॒-යඁද॑භිෂු॒ණ්වන්ති॒ ය-ථ්සෞ॒ම්යෝ භව॑ති॒ යථා॑ මෘ॒තායා॑නු॒ස්තර॑ණී॒-ඞ්ඝ්නන්ති॑ තා॒දෘගේ॒ව ත-ද්යදු॑ත්තරා॒ර්ධේ වා॒ මද්ධ්යේ॑ වා ජුහු॒යා-ද්දේ॒වතා᳚භ්ය-ස්ස॒මද॑-න්දද්ධ්යා-ද්දක්ෂිණා॒ර්ධේ ජු॑හෝත්යේ॒ෂා වෛ පි॑තෘ॒ණා-න්දි-ඛ්ස්වායා॑මේ॒ව දි॒ශි පි॒තॄ-න්නි॒රව॑දයත උද්ගා॒තෘභ්යෝ॑ හරන්ති සාමදේව॒ත්යෝ॑ වෛ සෞ॒ම්යෝ යදේ॒ව සාම්න॑-ශ්ඡම්බට්කු॒ර්වන්ති॒ තස්යෛ॒ව ස ශාන්ති॒රවේ᳚- [ශාන්ති॒රව॑, ඊ॒ක්ෂ॒න්තේ॒ ප॒විත්රං॒-වෛඁ] 26

-ක්ෂන්තේ ප॒විත්රං॒-වෛඁ සෞ॒ම්ය ආ॒ත්මාන॑මේ॒ව ප॑වයන්තේ॒ ය ආ॒ත්මාන॒-න්න ප॑රි॒පශ්යේ॑දි॒තාසු॑-ස්ස්යාදභිද॒දි-ඞ්කෘ॒ත්වා-ऽවේ᳚ක්ෂේත॒ තස්මි॒න්॒. හ්යා᳚ත්මාන॑-ම්පරි॒පශ්ය॒ත්යථෝ॑ ආ॒ත්මාන॑මේ॒ව ප॑වයතේ॒ යෝ ග॒තම॑නා॒-ස්ස්යා-ථ්සෝ-ऽවේ᳚ක්ෂේත॒ යන්මේ॒ මනඃ॒ පරා॑ගතං॒-යඁද්වා॑ මේ॒ අප॑රාගතම් । රාජ්ඤා॒ සෝමේ॑න॒ තද්ව॒යම॒ස්මාසු॑ ධාරයාම॒සීති॒ මන॑ ඒ॒වාත්ම-න්දා॑ධාර॒- [ඒ॒වාත්ම-න්දා॑ධාර, න ග॒තම॑නා] 27

න ග॒තම॑නා භව॒ත්යප॒ වෛ තෘ॑තීයසව॒නේ ය॒ජ්ඤඃ ක්රා॑මතීජා॒නා-දනී॑ජානම॒භ්යා᳚-ග්නාවෛෂ්ණ॒ව්යර්චා ඝෘ॒තස්ය॑ යජත්ය॒ග්නි-ස්සර්වා॑ දේ॒වතා॒ විෂ්ණු॑ර්ය॒ජ්ඤෝ දේ॒වතා᳚ශ්චෛ॒ව ය॒ජ්ඤ-ඤ්ච॑ දාධාරෝපා॒ග්​ම්॒ශු ය॑ජති මිථුන॒ත්වාය॑ බ්රහ්මවා॒දිනෝ॑ වදන්ති මි॒ත්රෝ ය॒ජ්ඤස්ය॒ ස්වි॑ෂ්ටං-යුඁවතේ॒ වරු॑ණෝ॒ දුරි॑ෂ්ට॒-ඞ්ක්ව॑ තර්​හි॑ ය॒ජ්ඤඃ ක්ව॑ යජ॑මානෝ භව॒තීති॒ යන්මෛ᳚ත්රාවරු॒ණීං-වඁ॒ශාමා॒ලභ॑තේ මි॒ත්රේණෛ॒ව [ ] 28

ය॒ජ්ඤස්ය॒ ස්වි॑ෂ්ටග්​ම් ශමයති॒ වරු॑ණේන॒ දුරි॑ෂ්ට॒-න්නා-ऽऽර්ති॒මාර්ච්ඡ॑ති॒ යජ॑මානෝ॒ යථා॒ වෛ ලාඞ්ග॑ලේනෝ॒ර්වරා᳚-ම්ප්රභි॒න්දන්-ත්යේ॒වමෘ॑ඛ්සා॒මේ ය॒ජ්ඤ-ම්ප්ර භි॑න්තෝ॒ යන්මෛ᳚ත්රාවරු॒ණීං-වඁ॒ශාමා॒ලභ॑තේ ය॒ජ්ඤායෛ॒ව ප්රභි॑න්නාය ම॒ත්ය॑ම॒න්වවා᳚ස්යති॒ ශාන්ත්යෛ॑ යා॒තයා॑මානි॒ වා ඒ॒තස්ය॒ ඡන්දාග්​ම්॑සි॒ ය ඊ॑ජා॒න-ශ්ඡන්ද॑සාමේ॒ෂ රසෝ॒ ය-ද්ව॒ශා යන්මෛ᳚ත්රාවරු॒ණීං-වඁ॒ශාමා॒ලභ॑තේ॒ ඡන්දාග්॑ස්යේ॒ව පුන॒රා ප්රී॑ණා॒ත්ය යා॑තයාමත්වා॒යාථෝ॒ ඡන්ද॑ස්ස්වේ॒ව රස॑-න්දධාති ॥ 29 ॥
(අව॑ - දාධාර - මි॒ත්රේණෛ॒ව - ප්රී॑ණාති॒ - ෂට්ච॑) (අ. 7)

දේ॒වා වා ඉ॑න්ද්රි॒යං-වීඁ॒ර්යාං᳚(1॒) ඁව්ය॑භජන්ත॒ තතෝ॒ යද॒ත්යශි॑ෂ්යත॒ තද॑තිග්රා॒හ්යා॑ අභව॒-න්තද॑තිග්රා॒හ්යා॑ණා-මතිග්රාහ්ය॒ත්වං-යඁද॑තිග්රා॒හ්යා॑ ගෘ॒හ්යන්ත॑ ඉන්ද්රි॒යමේ॒ව ත-ද්වී॒ර්යං॑-යඁජ॑මාන ආ॒ත්ම-න්ධ॑ත්තේ॒ තේජ॑ ආග්නේ॒යේනේ᳚න්ද්රි॒ය-මෛ॒න්ද්රේණ॑ බ්රහ්මවර්ච॒සග්​ම් සෞ॒ර්යේණෝ॑ප॒ස්තම්භ॑නං॒-වාඁ ඒ॒ත-ද්ය॒ජ්ඤස්ය॒ යද॑තිග්රා॒හ්යා᳚ශ්ච॒ක්රේ පෘ॒ෂ්ඨානි॒ ය-ත්පෘෂ්ඨ්යේ॒ න ගෘ॑හ්ණී॒යා-ත්ප්රාඤ්චං॑-යඁ॒ජ්ඤ-ම්පෘ॒ෂ්ඨානි॒ සග්​ම් ශෘ॑ණීයු॒ර්ය-දු॒ක්ථ්යේ॑ [-දු॒ක්ථ්යේ᳚, ගෘ॒හ්ණී॒යා-ත්ප්ර॒ත්යඤ්චං॑-] 30

ගෘහ්ණී॒යා-ත්ප්ර॒ත්යඤ්චං॑-යඁ॒ජ්ඤම॑තිග්රා॒හ්යා᳚-ස්සග්​ම් ශෘ॑ණීයුර්විශ්ව॒ජිති॒ සර්ව॑පෘෂ්ඨේ ග්රහීත॒ව්යා॑ ය॒ජ්ඤස්ය॑ සවීර්ය॒ත්වාය॑ ප්ර॒ජාප॑තිර්දේ॒වේභ්යෝ॑ ය॒ජ්ඤාන් ව්යාදි॑ශ॒-ථ්ස ප්රි॒යාස්ත॒නූරප॒ න්ය॑ධත්ත॒ තද॑තිග්රා॒හ්යා॑ අභව॒න් විත॑නු॒ස්තස්ය॑ ය॒ජ්ඤ ඉත්යා॑හු॒ර්ය-ස්යා॑තිග්රා॒හ්යා॑ න ගෘ॒හ්යන්ත॒ ඉත්යප්ය॑ග්නිෂ්ටෝ॒මේ ග්ර॑හීත॒ව්යා॑ ය॒ජ්ඤස්ය॑ සතනු॒ත්වාය॑ දේ॒වතා॒ වෛ සර්වා᳚-ස්ස॒දෘශී॑රාස॒-න්තා න ව්යා॒වෘත॑-මගච්ඡ॒-න්තේ දේ॒වා [දේ॒වාඃ, ඒ॒ත ඒ॒තා-න්ග්රහා॑-] 31

ඒ॒ත ඒ॒තා-න්ග්රහා॑-නපශ්ය॒-න්තාන॑ගෘහ්ණතා-ऽऽග්නේ॒ යම॒ග්නිරෛ॒න්ද්රමින්ද්ර॑-ස්සෞ॒ර්යග්​ම් සූර්ය॒ස්තතෝ॒ වෛ තේ᳚-ऽන්යාභි॑-ර්දේ॒වතා॑භි-ර්ව්යා॒වෘත॑මගච්ඡ॒න්॒. යස්යෛ॒වං-විඁ॒දුෂ॑ ඒ॒තේ ග්රහා॑ ගෘ॒හ්යන්තේ᳚ ව්යා॒වෘත॑මේ॒ව පා॒ප්මනා॒ භ්රාතෘ॑ව්යේණ ගච්ඡතී॒මේ ලෝ॒කා ජ්යෝති॑ෂ්මන්ත-ස්ස॒මාව॑-ද්වීර්යාඃ කා॒ර්යා॑ ඉත්යා॑හුරාග්නේ॒යේනා॒ස්මින් ඁලෝ॒කේ ජ්යෝති॑ර්ධත්ත ඓ॒න්ද්රේණා॒න්තරි॑ක්ෂ ඉන්ද්රවා॒යූ හි ස॒යුජෞ॑ සෞ॒ර්යේණා॒මුෂ්මි॑න් ඁලෝ॒කේ [ ] 32

ජ්යෝති॑ර්ධත්තේ॒ ජ්යෝති॑ෂ්මන්තෝ-ऽස්මා ඉ॒මේ ලෝ॒කා භ॑වන්ති ස॒මාව॑-ද්වීර්යානේනාන් කුරුත ඒ॒තාන්. වෛ ග්රහා᳚-න්බ॒බාං-වි॒ශ්වව॑යසා-වවිත්තා॒-න්තාභ්යා॑මි॒මේ ලෝ॒කාඃ පරා᳚ඤ්චශ්චා॒ර්වාඤ්ච॑ශ්ච॒ ප්රාභු॒ර්යස්යෛ॒වං-විඁ॒දුෂ॑ ඒ॒තේ ග්රහා॑ ගෘ॒හ්යන්තේ॒ ප්රාස්මා॑ ඉ॒මේ ලෝ॒කාඃ පරා᳚ඤ්චශ්චා॒ර්වාඤ්ච॑ශ්ච භාන්ති ॥ 33 ॥
(උ॒ක්ථ්යේ॑ - දේ॒වා - අ॒මුෂ්මි॑න් ඁලෝ॒ක - ඒකා॒න්නච॑ත්වාරි॒ග්​ම්॒ශච්ච॑) (අ. 8)

දේ॒වා වෛ ය-ද්ය॒ජ්ඤේ-ऽකු॑ර්වත॒ තදසු॑රා අකුර්වත॒ තේ දේ॒වා අදා᳚භ්යේ॒ ඡන්දාග්​ම්॑සි॒ සව॑නානි॒ සම॑ස්ථාපය॒-න්තතෝ॑ දේ॒වා අභ॑ව॒-න්පරා-ऽසු॑රා॒ යස්යෛ॒වං-විඁ॒දුෂෝ-ऽදා᳚භ්යෝ ගෘ॒හ්යතේ॒ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවති॒ යද්වෛ දේ॒වා අසු॑රා॒-නදා᳚භ්යේ॒-නාද॑භ්නුව॒-න්තදදා᳚භ්යස්යා-දාභ්ය॒ ත්වං-යඁ ඒ॒වං-වේඁද॑ ද॒භ්නෝත්යේ॒ව භ්රාතෘ॑ව්ය॒-න්නෛන॒-ම්භ්රාතෘ॑ව්යෝ දභ්නෝ- [දභ්නෝති, ඒ॒ෂා වෛ] 34

-ත්යේ॒ෂා වෛ ප්ර॒ජාප॑තේ-රතිමෝ॒ක්ෂිණී॒ නාම॑ ත॒නූර්යදදා᳚භ්ය॒ උප॑නද්ධස්ය ගෘහ්ණා॒ත්යති॑මුක්ත්යා॒ අති॑ පා॒ප්මාන॒-ම්භ්රාතෘ॑ව්ය-ම්මුච්යතේ॒ ය ඒ॒වං-වේඁද॒ ඝ්නන්ති॒ වා ඒ॒ත-ථ්සෝමං॒-යඁද॑භිෂු॒ණ්වන්ති॒ සෝමේ॑ හ॒න්යමා॑නේ ය॒ජ්ඤෝ හ॑න්යතේ ය॒ජ්ඤේ යජ॑මානෝ බ්රහ්මවා॒දිනෝ॑ වදන්ති॒ කි-න්ත-ද්ය॒ජ්ඤේ යජ॑මානඃ කුරුතේ॒ යේන॒ ජීවන්᳚-ථ්සුව॒ර්ගං-ලෝඁ॒කමේතීති॑ ජීවග්ර॒හෝ වා ඒ॒ෂ යදදා॒භ්යෝ ऽන॑භිෂුතස්ය ගෘහ්ණාති॒ ජීව॑න්තමේ॒වෛනග්​ම්॑ සුව॒ර්ගං ඁලෝ॒ක-ඞ්ග॑මයති॒ වි වා ඒ॒ත-ද්ය॒ජ්ඤ-ඤ්ඡි॑න්දන්ති॒ යදදා᳚භ්යේ සග්ග්​-ස්ථා॒පය॑-න්ත්ය॒ග්​ම්॒ශූනපි॑ සෘජති ය॒ජ්ඤස්ය॒ සන්ත॑ත්යෛ ॥ 35 ॥
(ද॒භ්නෝ॒ත්ය - න॑භිෂුතස්ය ගෘහ්ණා॒ත්යේ - කා॒න්නවිග්​ම්॑ශ॒තිශ්ච॑) (අ. 9)

දේ॒වා වෛ ප්ර॒බාහු॒ග්ග්රහා॑-නගෘහ්ණත॒ ස ඒ॒ත-ම්ප්ර॒ජාප॑ති-ර॒ග්​ම්॒ශු-ම॑පශ්ය॒-ත්තම॑ගෘහ්ණීත॒ තේන॒ වෛ ස ආ᳚ර්ධ්නෝ॒-ද්යස්යෛ॒වං-විඁ॒දුෂෝ॒-ऽග්​ම්॒ශු-ර්ගෘ॒හ්යත॑ ඍ॒ද්ධ්නෝත්යේ॒ව ස॒කෘද॑භිෂුතස්ය ගෘහ්ණාති ස॒කෘද්ධි ස තේනා-ऽऽර්ධ්නෝ॒න්මන॑සා ගෘහ්ණාති॒ මන॑ ඉව॒ හි ප්ර॒ජාප॑තිඃ ප්ර॒ජාප॑තේ॒රාප්ත්යා॒ ඖදු॑ම්බරේණ ගෘහ්ණා॒ත්යූර්ග්වා උ॑දු॒ම්බර॒ ඌර්ජ॑මේ॒වාව॑ රුන්ධේ॒ චතු॑ස්ස්රක්ති භවති දි॒- [භවති දි॒ක්ෂු, ඒ॒ව ප්රති॑ තිෂ්ඨති॒] 36

-ක්ෂ්වේ॑ව ප්රති॑ තිෂ්ඨති॒ යෝ වා අ॒ග්​ම්॒ශෝරා॒යත॑නං॒-වේඁදා॒-ऽऽයත॑නවා-න්භවති වාමදේ॒ව්යමිති॒ සාම॒ තද්වා අ॑ස්යා॒-ऽऽයත॑න॒-ම්මන॑සා॒ ගාය॑මානෝ ගෘහ්ණාත්යා॒යත॑නවානේ॒ව භ॑වති॒ යද॑ද්ධ්ව॒ර්යුර॒ග්​ම්॒ශු-ඞ්ගෘ॒හ්ණ-න්නාර්ධයේ॑දු॒භාභ්යා॒-න්නර්ධ්යේ॑තාද්ධ්ව॒ර්යවේ॑ ච॒ යජ॑මානාය ච॒ යද॒ර්ධයේ॑-දු॒භාභ්යා॑-මෘද්ධ්යේ॒තාන॑වාන-ඞ්ගෘහ්ණාති॒ සෛවාස්යර්ධි॒ර්॒. හිර॑ණ්යම॒භි ව්ය॑නිත්ය॒මෘතං॒-වෛඁ හිර॑ණ්ය॒මායුඃ॑ ප්රා॒ණ ආයු॑ෂෛ॒වාමෘත॑ම॒භි ධි॑නෝති ශ॒තමා॑න-ම්භවති ශ॒තායුඃ॒ පුරු॑ෂ-ශ්ශ॒තේන්ද්රි॑ය॒ ආයු॑ෂ්යේ॒වේන්ද්රි॒යේ ප්රති॑ තිෂ්ඨති ॥ 37 ॥
(දි॒ක්ෂ්ව॑ - නිති - විග්​ම්ශ॒තිශ්ච॑) (අ. 10)

ප්ර॒ජාප॑ති-ර්දේ॒වේභ්යෝ॑ ය॒ජ්ඤාන් ව්යාදි॑ශ॒-ථ්ස රි॑රිචා॒නෝ॑-ऽමන්යත॒ ස ය॒ජ්ඤානාග්​ම්॑ ෂෝඩශ॒ධේන්ද්රි॒යං-වීඁ॒ර්ය॑මා॒ත්මාන॑ම॒භි සම॑ක්ඛිද॒-ත්ත-ථ්ෂෝ॑ඩ॒ශ්ය॑භව॒න්න වෛ ෂෝ॑ඩ॒ශී නාම॑ ය॒ජ්ඤෝ᳚-ऽස්ති॒ යද්වාව ෂෝ॑ඩ॒ශග්ග්​ ස්තෝ॒ත්රග්​ම් ෂෝ॑ඩ॒ශග්​ම් ශ॒ස්ත්ර-න්තේන॑ ෂෝඩ॒ශී ත-ථ්ෂෝ॑ඩ॒ශින॑-ෂ්ෂෝඩශි॒ත්වං-යඁ-ථ්ෂෝ॑ඩ॒ශී ගෘ॒හ්යත॑ ඉන්ද්රි॒යමේ॒ව ත-ද්වී॒ර්යං॑-යඁජ॑මාන ආ॒ත්ම-න්ධ॑ත්තේ දේ॒වේභ්යෝ॒ වෛ සු॑ව॒ර්ගෝ ලෝ॒කෝ [ලෝ॒කඃ, න ප්රාභ॑ව॒-ත්ත] 38

න ප්රාභ॑ව॒-ත්ත ඒ॒තග්​ම් ෂෝ॑ඩ॒ශින॑මපශ්ය॒-න්තම॑ගෘහ්ණත॒ තතෝ॒ වෛ තේභ්ය॑-ස්සුව॒ර්ගෝ ලෝ॒කඃ ප්රාභ॑ව॒ද්ය-ථ්ෂෝ॑ඩ॒ශී ගෘ॒හ්යතේ॑ සුව॒ර්ගස්ය॑ ලෝ॒කස්යා॒භිජි॑ත්යා॒ ඉන්ද්රෝ॒ වෛ දේ॒වානා॑මානුජාව॒ර ආ॑සී॒-ථ්ස ප්ර॒ජාප॑ති॒මුපා॑ධාව॒-ත්තස්මා॑ ඒ॒තග්​ම් ෂෝ॑ඩ॒ශින॒-ම්ප්රාය॑ච්ඡ॒-ත්තම॑ගෘහ්ණීත॒ තතෝ॒ වෛ සෝ-ऽග්ර॑-න්දේ॒වතා॑නා॒-ම්පර්යෛ॒-ද්යස්යෛ॒වං-විඁ॒දුෂ॑-ෂ්ෂෝඩ॒ශී ගෘ॒හ්යතේ- [ගෘ॒හ්යතේ᳚, අග්ර॑මේ॒ව] 39

-ऽග්ර॑මේ॒ව ස॑මා॒නානා॒-ම්පර්යේ॑ති ප්රාතස්සව॒නේ ගෘ॑හ්ණාති॒ වජ්රෝ॒ වෛ ෂෝ॑ඩ॒ශී වජ්රඃ॑ ප්රාතස්සව॒නග්ග්​ ස්වාදේ॒වෛනං॒-යෝඁනේ॒ර්නිගෘ॑හ්ණාති॒ සව॑නේසවනේ॒-ऽභි ගෘ॑හ්ණාති॒ සව॑නාථ්සවනාදේ॒වෛන॒-ම්ප්ර ජ॑නයති තෘතීයසව॒නේ ප॒ශුකා॑මස්ය ගෘහ්ණීයා॒-ද්වජ්රෝ॒ වෛ ෂෝ॑ඩ॒ශී ප॒ශව॑ස්තෘතීයසව॒නං-වඁජ්රේ॑ණෛ॒වාස්මෛ॑ තෘතීයසව॒නා-ත්ප॒ශූනව॑ රුන්ධේ॒ නෝක්ථ්යේ॑ ගෘහ්ණීයා-ත්ප්ර॒ජා වෛ ප॒ශව॑ උ॒ක්ථානි॒ යදු॒ක්ථ්යේ॑- [යදු॒ක්ථ්යේ᳚, ගෘ॒හ්ණී॒යා-ත්ප්ර॒ජා-] 40

ගෘහ්ණී॒යා-ත්ප්ර॒ජා-ම්ප॒ශූන॑ස්ය॒ නිර්ද॑හේදතිරා॒ත්රේ ප॒ශුකා॑මස්ය ගෘහ්ණීයා॒-ද්වජ්රෝ॒ වෛ ෂෝ॑ඩ॒ශී වජ්රේ॑ණෛ॒වාස්මෛ॑ ප॒ශූන॑ව॒රුද්ධ්ය॒ රාත්රි॑-යෝ॒පරි॑ෂ්ටා-ච්ඡමය॒ත්යප්ය॑ග්නිෂ්ටෝ॒මේ රා॑ජ॒න්ය॑ස්ය ගෘහ්ණීයා-ද්ව්යා॒වෘත්කා॑මෝ॒ හි රා॑ජ॒න්යෝ॑ යජ॑තේ සා॒හ්න ඒ॒වාස්මෛ॒ වජ්ර॑-ඞ්ගෘහ්ණාති॒ ස ඒ॑නං॒-වඁජ්රෝ॒ භූත්යා॑ ඉන්ධේ॒ නිර්වා॑ දහ-ත්යේකවි॒ග්​ම්॒ශග්ග්​ ස්තෝ॒ත්ර-ම්භ॑වති॒ ප්රති॑ෂ්ඨිත්යෛ॒ හරි॑වච්ඡස්යත॒ ඉන්ද්ර॑ස්ය ප්රි॒ය-න්ධාමෝ- [ප්රි॒ය-න්ධාම॑, උපා᳚-ऽऽප්නෝති॒] 41

-පා᳚-ऽऽප්නෝති॒ කනී॑යාග්​ම්සි॒ වෛ දේ॒වේෂු॒ ඡන්දා॒ග්॒ස්යාස॒න්-ජ්යායා॒ග්॒-ස්යසු॑රේෂු॒ තේ දේ॒වාඃ කනී॑යසා॒ ඡන්ද॑සා॒ ජ්යාය॒-ශ්ඡන්දෝ॒-ऽභි ව්ය॑ශග්​ම්ස॒-න්තතෝ॒ වෛ තේ-ऽසු॑රාණාං-ලෝඁ॒කම॑වෘඤ්ජත॒ ය-ත්කනී॑යසා॒ ඡන්ද॑සා॒ ජ්යාය॒-ශ්ඡන්දෝ॒-ऽභිවි॒ශග්​ම්ස॑ති॒ භ්රාතෘ॑ව්යස්යෛ॒ව තල්ලෝ॒කං-වෘඁ ॑ඞ්ක්තේ॒ ෂඩ॒ක්ෂරා॒ණ්යති॑ රේචයන්ති॒ ෂ-ඩ්වා ඍ॒තව॑ ඍ॒තූනේ॒ව ප්රී॑ණාති ච॒ත්වාරි॒ පූර්වා॒ණ්යව॑ කල්පයන්ති॒ [කල්පයන්ති, චතු॑ෂ්පද ඒ॒ව] 42

චතු॑ෂ්පද ඒ॒ව ප॒ශූනව॑ රුන්ධේ॒ ද්වේ උත්ත॑රේ ද්වි॒පද॑ ඒ॒වාව॑ රුන්ධේ ऽනු॒ෂ්ටුභ॑ම॒භි ස-ම්පා॑දයන්ති॒ වාග්වා අ॑නු॒ෂ්ටු-ප්තස්මා᳚-ත්ප්රා॒ණානාං॒-වාඁගු॑ත්ත॒මා ස॑මයාවිෂි॒තේ සූර්යේ॑ ෂෝඩ॒ශින॑-ස්ස්තෝ॒ත්ර-මු॒පාක॑රෝත්යේ॒තස්මි॒න් වෛ ලෝ॒ක ඉන්ද්රෝ॑ වෘ॒ත්රම॑හන්-ථ්සා॒ක්ෂාදේ॒ව වජ්ර॒-ම්භ්රාතෘ॑ව්යාය॒ ප්ර හ॑ර-ත්යරුණපිශ॒ඞ්ගෝ-ऽශ්වෝ॒ දක්ෂි॑ණෛ॒තද්වෛ වජ්ර॑ස්ය රූ॒පග්​ම් සමෘ॑ද්ධ්යෛ ॥ 43 ॥
(ලෝ॒කෝ - වි॒දුෂ॑-ෂ්ෂෝඩ॒ශී ගෘ॒හ්යතේ॒ - යදු॒ක්ථ්යේ॑ - ධාම॑ - කල්පයන්ති - ස॒ප්තච॑ත්වාරිග්​ම්ශච්ච) (අ. 11)

(සු॒ව॒ර්ගාය॒ ය-ද්දා᳚ක්ෂි॒ණානි॑ - සමිෂ්ට ය॒ජූග්​ - ෂ්ය॑වභෘථ ය॒ජූග්​ම්ෂි॒ - ස්ඵ්යේන॑ - ප්ර॒ජාප॑තිරේකාද॒ශිනී॒ - මින්ද්රඃ॒ පත්නි॑යා॒ - ඝ්නන්ති॑ - දේ॒වා වා ඉ॑න්ද්රි॒යං-වීඁ॒ර්යං॑ - දේ॒වා වා අදා᳚භ්යේ - දේ॒වා වෛ ප්ර॒බාහු॑ක් - ප්ර॒ජාප॑තිර්දේ॒වේභ්ය॒-ස්ස රි॑රිචා॒නඃ - ෂෝ॑ඩශ॒ධෛකා॑දශ) (11)

(සු॒ව॒ර්ගාය॑ - යජති ප්ර॒ජාඃ - සෞ॒ම්යේන॑ - ගෘහ්ණී॒යා-ත්ප්ර॒ත්යඤ්චං॑ - ගෘහ්ණී॒යා-ත්ප්ර॒ජා-ම්ප॒ශූන් - ත්රිච॑ත්වාරිග්​ම්ශත්) (43)

(සු॒ව॒ර්ගාය॒, වජ්ර॑ස්ය රූ॒පග්​ම් සමෘ॑ද්ධ්යෛ)

(ප්රා॒චීන॑වග්​ම්ශං॒ - ය - ච්චා॒ත්වාලා᳚ - ද්ය॒ජ්ඤේනේ - න්ද්රඃ॑ - සු॒වර්ගාය॒ - ෂට් ) (6)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ ෂෂ්ඨඃ ප්රශ්න-ස්සමාප්තඃ ॥