කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථකාණ්ඩේ චතුර්ථඃ ප්රශ්නඃ - පඤ්චමචිතිශේෂනිරූපණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

ර॒ශ්මිර॑සි॒ ක්ෂයා॑ය ත්වා॒ ක්ෂය॑-ඤ්ජින්ව॒ ප්රේති॑රසි॒ ධර්මා॑ය ත්වා॒ ධර්ම॑-ඤ්ජි॒න්වාන්වි॑තිරසි දි॒වේ ත්වා॒ දිව॑-ඤ්ජින්ව ස॒න්ධිර॑ස්ය॒න්තරි॑ක්ෂාය ත්වා॒-ऽන්තරි॑ක්ෂ-ඤ්ජින්ව ප්රති॒ධිර॑සි පෘථි॒ව්යෛ ත්වා॑ පෘථි॒වී-ඤ්ජි॑න්ව විෂ්ට॒භෝං॑-ऽසි॒ වෘෂ්ට්යෛ᳚ ත්වා॒ වෘෂ්ටි॑-ඤ්ජින්ව ප්ර॒වා-ऽස්යහ්නේ॒ ත්වා-ऽහ॑ර්ජින්වානු॒ වා-ऽසි॒ රාත්රි॑යෛ ත්වා॒ රාත්රි॑-ඤ්ජින්වෝ॒ ශිග॑සි॒ [රාත්රි॑-ඤ්ජින්වෝ॒ ශිග॑සි, වසු॑භ්යස්ත්වා॒] 1

වසු॑භ්යස්ත්වා॒ වසූ᳚ඤ්ජින්ව ප්රකේ॒තෝ॑-ऽසි රු॒ද්රේභ්ය॑ස්ත්වා රු॒ද්රාඤ්ජි॑න්ව සුදී॒තිර॑ස්යාදි॒ත්යේභ්ය॑ස්ත්වා ऽऽදි॒ත්යාඤ්ජි॒න්වෞජෝ॑-ऽසි පි॒තෘභ්ය॑ස්ත්වා පි॒තॄඤ්ජි॑න්ව॒ තන්තු॑රසි ප්ර॒ජාභ්ය॑ස්ත්වා ප්ර॒ජා ජි॑න්ව පෘතනා॒ෂාඩ॑සි ප॒ශුභ්ය॑ස්ත්වා ප॒ශූඤ්ජි॑න්ව රේ॒වද॒ස්යෝෂ॑ධීභ්ය॒-ස්ත්වෞෂ॑ධී-ර්ජින්වාභි॒ජිද॑සි යු॒ක්තග්රා॒වේන්ද්රා॑ය॒ ත්වේන්ද්ර॑-ඤ්ජි॒න්වාධි॑පතිරසි ප්රා॒ණාය॑ [ප්රා॒ණාය॑, ත්වා॒ ප්රා॒ණ-ඤ්ජි॑න්ව] 2

ත්වා ප්රා॒ණ-ඤ්ජි॑න්ව ය॒න්තා-ऽස්ය॑පා॒නාය॑ ත්වා-ऽපා॒න-ඤ්ජි॑න්ව ස॒ග්​ම්॒සර්පෝ॑-ऽසි॒ චක්ෂු॑ෂේ ත්වා॒ චක්ෂු॑ර්ජින්ව වයෝ॒ධා අ॑සි॒ ශ්රෝත්රා॑ය ත්වා॒ ශ්රෝත්ර॑-ඤ්ජින්ව ත්රි॒වෘද॑සි ප්ර॒වෘද॑සි සං॒​වෘඁද॑සි වි॒වෘද॑සි සග්​ම්රෝ॒හෝ॑-ऽසි නීරෝ॒හෝ॑-ऽසි ප්රරෝ॒හෝ᳚-ऽස්යනුරෝ॒හෝ॑-ऽසි වසු॒කෝ॑-ऽසි॒ වේෂ॑ශ්රිරසි॒ වස්ය॑ෂ්ටිරසි ॥ 3 ॥
(උ॒ශිග॑සි - ප්රා॒ණාය॒ - ත්රිච॑ත්වාරිග්​ම්ශච්ච) (අ. 1)

රාජ්ඤ්ය॑සි॒ ප්රාචී॒ දිග්වස॑වස්තේ දේ॒වා අධි॑පතයෝ॒-ऽග්නිර්​හේ॑තී॒නා-ම්ප්ර॑තිධ॒ර්තා॑ ත්රි॒වෘ-ත්ත්වා॒ ස්තෝමඃ॑ පෘථි॒ව්යාග්​ ශ්ර॑ය॒ත්වාජ්ය॑-මු॒ක්ථමව්ය॑ථය-ථ්ස්තභ්නාතු රථන්ත॒රග්​ම් සාම॒ ප්රති॑ෂ්ඨිත්යෛ වි॒රාඩ॑සි දක්ෂි॒ණා දිග්රු॒ද්රාස්තේ॑ දේ॒වා අධි॑පතය॒ ඉන්ද්රෝ॑ හේතී॒නා-ම්ප්ර॑තිධ॒ර්තා ප॑ඤ්චද॒ශස්ත්වා॒ ස්තෝමඃ॑ පෘථි॒ව්යාග්​ ශ්ර॑යතු॒ ප්ර-උ॑ගමු॒ක්ථ-මව්ය॑ථය-ථ්ස්තභ්නාතු බෘ॒හ-ථ්සාම॒ ප්රති॑ෂ්ඨිත්යෛ ස॒ම්රාඩ॑සි ප්ර॒තීචී॒ දි- [දික්, ආ॒දි॒ත්යාස්තේ॑] 4

-ගා॑දි॒ත්යාස්තේ॑ දේ॒වා අධි॑පතය॒-ස්සෝමෝ॑ හේතී॒නා-ම්ප්ර॑තිධ॒ර්තා ස॑ප්තද॒ශස්ත්වා॒ ස්තෝමඃ॑ පෘථි॒ව්යාග්​ ශ්ර॑යතු මරුත්ව॒තීය॑මු॒ක්ථ-මව්ය॑ථය-ථ්ස්තභ්නාතු වෛරූ॒පග්​ම් සාම॒ ප්රති॑ෂ්ඨිත්යායෛ ස්ව॒රාඩ॒ස්යුදී॑චී॒ දිග් විශ්වේ॑ තේ දේ॒වා අධි॑පතයෝ॒ වරු॑ණෝ හේතී॒නා-ම්ප්ර॑තිධ॒ර්තෛක॑වි॒ග්​ම්॒ශ ස්ත්වා॒ ස්තෝමඃ॑ පෘථි॒ව්යාග්​ ශ්ර॑යතු॒ නිෂ්කේ॑වල්ය-මු॒ක්ථමව්ය॑ථය-ථ්ස්තභ්නාතු වෛරා॒ජග්​ම් සාම॒ ප්රති॑ෂ්ඨිත්යා॒ අධි॑පත්න්යසි බෘහ॒තී දිම්ම॒රුත॑ස්තේ දේ॒වා අධි॑පතයෝ॒ [අධි॑පතයඃ, බෘහ॒ස්පති॑ර්​හේතී॒-] 5

බෘහ॒ස්පති॑ර්​හේතී॒නා-ම්ප්ර॑තිධ॒ර්තා ත්රි॑ණවත්රයස්ත්රි॒ග්​ම්॒ශෞ ත්වා॒ ස්තෝමෞ॑ පෘථි॒ව්යාග්​ ශ්ර॑යතාං-වෛඁශ්වදේවාග්නිමාරු॒තේ උ॒ක්ථේ අව්ය॑ථයන්තී ස්තභ්නීතාග්​ම් ශාක්වරරෛව॒තේ සාම॑නී॒ ප්රති॑ෂ්ඨිත්යා අ॒න්තරි॑ක්ෂා॒යර්​ෂ॑යස්ත්වා ප්රථම॒ජා දේ॒වේෂු॑ දි॒වෝ මාත්ර॑යා වරි॒ණා ප්ර॑ථන්තු විධ॒ර්තා චා॒යමධි॑පතිශ්ච॒ තේ ත්වා॒ සර්වේ॑ සං​විඁදා॒නා නාක॑ස්ය පෘ॒ෂ්ඨේ සු॑ව॒ර්ගේ ලෝ॒කේ යජ॑මාන-ඤ්ච සාදයන්තු ॥ 6 ॥
(ප්ර॒තීචී॒ දිං - ම॒රුත॑ස්තේ දේ॒වා අධි॑පතය - ශ්චත්වාරි॒ග්​ම්॒ශච්ච॑) (අ. 2)

අ॒ය-ම්පු॒රෝ හරි॑කේශ॒-ස්සූර්ය॑රශ්මි॒ස්තස්ය॑ රථගෘ॒ථ්සශ්ච॒ රථෞ॑ජාශ්ච සේනානි ග්රාම॒ණ්යෞ॑ පුඤ්ජිකස්ථ॒ලා ච॑ කෘතස්ථ॒ලා චා᳚ඵ්ස॒රසෞ॑ යාතු॒ධානා॑ හේ॒තී රක්ෂාග්​ම්॑සි॒ ප්රහේ॑ති ර॒ය-න්ද॑ක්ෂි॒ණා වි॒ශ්ව ක॑ර්මා॒ තස්ය॑ රථස්ව॒නශ්ච॒ රථේ॑චිත්රශ්ච සේනානි ග්රාම॒ණ්යෞ॑ මේන॒කා ච॑ සහජ॒න්යා චා᳚ඵ්ස॒රසෞ॑ දං॒ණවඃ॑ ප॒ශවෝ॑ හේ॒තිඃ පෞරු॑ෂේයෝ ව॒ධඃ ප්රහේ॑ති ර॒ය-ම්ප॒ශ්චා-ද්වි॒ශ්වව්ය॑චා॒ ස්තස්ය॒ රථ॑ ප්රෝත॒ශ්චා-ස॑මරථශ්ච සේනානි ග්රාම॒ණ්යෞ᳚ ප්ර॒ම්ලෝච॑න්තී චා- [ප්ර॒ම්ලෝච॑න්තී ච, අ॒නු॒ම්ලෝච॑න්තී-] 7

-ऽනු॒ම්ලෝච॑න්තී-චාඵ්ස॒රසෞ॑ ස॒ර්පා හේ॒ති ර්ව්යා॒ඝ්රාඃ ප්රහේ॑ති ර॒ය මු॑ත්ත॒රා-ථ්සං॒​යඁඁද්- ව॑සු॒ස්තස්ය॑ සේන॒ජිච්ච॑ සු॒ෂේණ॑ශ්ච සේනානි ග්රාම॒ණ්යෞ॑ වි॒ශ්වාචී॑ ච ඝෘ॒තාචී॑ චාඵ්ස॒රසා॒ වාපෝ॑ හේ॒ති ර්වාතඃ॒ ප්රහේ॑ති ර॒යමු॒පර්ය॒ ර්වාග්ව॑-සු॒ස්තස්ය॒ තාර්ක්ෂ්ය॒-ශ්චාරි॑ෂ්ට-නේමිශ්ච සේනානි ග්රාම॒ණ්යා॑ වු॒ර්වශී॑ ච පූ॒ර්වචි॑ත්තිශ්චා-ඵ්ස॒රසෞ॑ වි॒ද්යුද්ධේ॒තිර॑-ව॒ස්ඵූර්ජ॒-න්ප්රහේ॑ති॒ ස්තේභ්යෝ॒ නම॒ස්තේ නෝ॑ මෘඩයන්තු॒ තේ ය- [තේ යම්, ද්වි॒ෂ්මෝ] 8

-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාම්යා॒යෝස්ත්වා॒ සද॑නේ සාදයා॒ම්යව॑ත ශ්ඡා॒යායා॒-න්නම॑-ස්සමු॒ද්රාය॒ නම॑-ස්සමු॒ද්රස්ය॒ චක්ෂ॑සේ පරමේ॒ෂ්ඨී ත්වා॑ සාදයතු දි॒වඃ පෘ॒ෂ්ඨේ ව්යච॑ස්වතී॒-ම්ප්රථ॑ස්වතීං-විඁ॒භූම॑තී-ම්ප්ර॒භූම॑තී-ම්පරි॒භූම॑තී॒-න්දිවං॑-යඁච්ඡ॒ දිව॑-න්දෘග්​ම්හ॒ දිව॒-ම්මා හිග්​ම්॑සී॒ර්විශ්ව॑ස්මෛ ප්රා॒ණායා॑පා॒නාය॑ ව්යා॒නායෝ॑දා॒නාය॑ ප්රති॒ෂ්ඨායෛ॑ ච॒රිත්රා॑ය॒ සූර්ය॑ස්ත්වා॒-ऽභි පා॑තු ම॒හ්යා ස්ව॒ස්ත්යා ඡ॒ර්දිෂා॒ ශන්ත॑මේන॒ තයා॑ දේ॒වත॑යා-ऽඞ්ගිර॒ස්ව-ද්ධ්රු॒වා සී॑ද ॥ ප්රෝථ॒දශ්වෝ॒ න යව॑සේ අවි॒ෂ්යන්. ය॒දා ම॒හ-ස්ස॒ඁවර॑ණා॒-ද්ව්යස්ථා᳚ත් । ආද॑ස්ය॒ වාතෝ॒ අනු॑ වාති ශෝ॒චිරධ॑ ස්ම තේ॒ ව්රජ॑න-ඞ්කෘ॒ෂ්ණම॑ස්ති ॥ 9 ॥
(ප්ර॒ම්ලෝච॑න්තී ච॒ - යග්ග්​ - ස්ව॒ස්ත්යා - ऽෂ්ටාවිග්​ම්॑ශතිශ්ච) (අ. 3)

අ॒ග්නිර්මූ॒ර්ධා දි॒වඃ ක॒කු-ත්පතිඃ॑ පෘථි॒ව්යා අ॒යම් । අ॒පාග්​ම් රේතාග්​ම්॑සි ජින්වති ॥ ත්වාම॑ග්නේ॒ පුෂ්ක॑රා॒දද්ධ්යථ॑ර්වා॒ නිර॑මන්ථත । මූ॒ර්ධ්නෝ විශ්ව॑ස්ය වා॒ඝතඃ॑ ॥ අ॒යම॒ග්නි-ස්ස॑හ॒ස්රිණෝ॒ වාජ॑ස්ය ශ॒තින॒ස්පතිඃ॑ । මූ॒ර්ධා ක॒වී ර॑යී॒ණාම් ॥ භුවෝ॑ ය॒ජ්ඤස්ය॒ රජ॑සශ්ච නේ॒තා යත්රා॑ නි॒යුද්භි॒-ස්සච॑සේ ශි॒වාභිඃ॑ । දි॒වි මූ॒ර්ධාන॑-න්දධිෂේ සුව॒ර්॒ෂා-ඤ්ජි॒හ්වාම॑ග්නේ චකෘෂේ හව්ය॒වාහ᳚ම් ॥ අබෝ᳚ද්ධ්ය॒ග්නි-ස්ස॒මිධා॒ ජනා॑නා॒- [ජනා॑නාම්, ප්රති॑] 10

-ම්ප්රති॑ ධේ॒නුමි॑වා ය॒තීමු॒ෂාස᳚ම් । ය॒හ්වා ඉ॑ව॒ ප්රව॒යා මු॒ජ්ජිහා॑නාඃ॒ ප්ර භා॒නව॑-ස්සිස්රතේ॒ නාක॒මච්ඡ॑ ॥ අවෝ॑චාම ක॒වයේ॒ මේද්ධ්යා॑ය॒ වචෝ॑ ව॒න්දාරු॑ වෘෂ॒භාය॒ වෘෂ්ණේ᳚ । ගවි॑ෂ්ඨිරෝ॒ නම॑සා॒ ස්තෝම॑ම॒ග්නෞ දි॒වීව॑ රු॒ක්මමු॒ර්ව්යඤ්ච॑මශ්රේත් ॥ ජන॑ස්ය ගෝ॒පා අ॑ජනිෂ්ට॒ ජාගෘ॑විර॒ග්නි-ස්සු॒දක්ෂ॑-ස්සුවි॒තාය॒ නව්ය॑සේ । ඝෘ॒තප්ර॑තීකෝ බෘහ॒තා දි॑වි॒ස්පෘශා᳚ ද්යු॒මද්වි භා॑ති භර॒තේභ්ය॒-ශ්ශුචිඃ॑ ॥ ත්වාම॑ග්නේ॒ අඞ්ගි॑රසෝ॒ [අඞ්ගි॑රසඃ, ගුහා॑ හි॒තමන්ව॑-] 11

ගුහා॑ හි॒තමන්ව॑-වින්දඤ්ඡිශ්රියා॒ණං-වඁනේ॑වනේ । ස ජා॑යසේ ම॒ථ්යමා॑න॒-ස්සහෝ॑ ම॒හ-ත්ත්වාමා॑හු॒-ස්සහ॑සස්පු॒ත්රම॑ඞ්ගිරඃ ॥ ය॒ජ්ඤස්ය॑ කේ॒තු-ම්ප්ර॑ථ॒ම-ම්පු॒රෝහි॑තම॒ග්නි-න්නර॑ස්ත්රිෂධ॒ස්ථේ සමි॑න්ධතේ । ඉන්ද්රේ॑ණ දේ॒වෛ-ස්ස॒රථ॒ග්​ම්॒ ස බ॒ර්॒හිෂි॒ සීද॒න්නි හෝතා॑ ය॒ජථා॑ය සු॒ක්රතුඃ॑ ॥ ත්වා-ඤ්චි॑ත්රශ්රවස්තම॒ හව॑න්තේ වි॒ක්ෂු ජ॒න්තවඃ॑ । ශෝ॒චිෂ්කේ॑ශ-ම්පුරුප්රි॒යාග්නේ॑ හ॒ව්යාය॒ වෝඪ॑වේ ॥ සඛා॑ය॒-ස්සං​වඁ ॑-ස්ස॒ම්යඤ්ච॒-මිෂ॒ග්ග්॒- [-මිෂ᳚ම්, ස්තෝම॑-ඤ්චා॒ග්නයේ᳚ ।] 12

-ස්තෝම॑-ඤ්චා॒ග්නයේ᳚ । වර්​ෂි॑ෂ්ඨාය ක්ෂිතී॒නාමූ॒ර්ජෝ නප්ත්රේ॒ සහ॑ස්වතේ ॥ සග්​ම්ස॒මිද්යු॑වසේ වෘෂ॒න්නග්නේ॒ විශ්වා᳚න්ය॒ර්ය ආ । ඉ॒ඩස්ප॒දේ සමි॑ද්ධ්යසේ॒ ස නෝ॒ වසූ॒න්යා භ॑ර ॥ ඒ॒නා වෝ॑ අ॒ග්නි-න්නම॑සෝ॒ර්ජෝ නපා॑ත॒මා හු॑වේ । ප්රි॒ය-ඤ්චේති॑ෂ්ඨමර॒තිග්ග්​ ස්ව॑ද්ධ්ව॒රං-විඁශ්ව॑ස්ය දූ॒තම॒මෘත᳚ම් ॥ ස යෝ॑ජතේ අරු॒ෂෝ වි॒ශ්වභෝ॑ජසා॒ ස දු॑ද්රව॒-ථ්ස්වා॑හුතඃ । සු॒බ්රහ්මා॑ ය॒ජ්ඤ-ස්සු॒ශමී॒ [ය॒ජ්ඤ-ස්සු॒ශමී᳚, වසූ॑නා-] 13

වසූ॑නා-න්දේ॒වග්​ම් රාධෝ॒ ජනා॑නාම් ॥ උද॑ස්ය ශෝ॒චිර॑ස්ථාදා॒-ජුහ්වා॑නස්ය මී॒ඪුෂඃ॑ । උද්ධ॒මාසෝ॑ අරු॒ෂාසෝ॑ දිවි॒ස්පෘශ॒-ස්සම॒ග්නිමි॑න්ධතේ॒ නරඃ॑ ॥ අග්නේ॒ වාජ॑ස්ය॒ ගෝම॑ත॒ ඊශා॑න-ස්සහසෝ යහෝ । අ॒ස්මේ ධේ॑හි ජාතවේදෝ॒ මහි॒ ශ්රවඃ॑ ॥ ස ඉ॑ධා॒නෝ වසු॑ෂ්ක॒වි-ර॒ග්නිරී॒ඩේන්යෝ॑ ගි॒රා । රේ॒වද॒ස්මභ්ය॑-ම්පුර්වණීක දීදිහි ॥ ක්ෂ॒පෝ රා॑ජන්නු॒ත ත්මනා-ऽග්නේ॒ වස්තෝ॑රු॒තෝෂසඃ॑ । ස ති॑ග්මජම්භ [ ] 14

ර॒ක්ෂසෝ॑ දහ॒ ප්රති॑ ॥ ආ තේ॑ අග්න ඉධීමහි ද්යු॒මන්ත॑-න්දේවා॒ජර᳚ම් । යද්ධ॒ ස්යා තේ॒ පනී॑යසී ස॒මි-ද්දී॒දය॑ති॒ ද්යවීෂග්ග්॑ ස්තෝ॒තෘභ්ය॒ ආ භ॑ර ॥ ආ තේ॑ අග්න ඍ॒චා හ॒වි-ශ්ශු॒ක්රස්ය॑ ජ්යෝතිෂස්පතේ । සුශ්ච॑න්ද්ර॒ දස්ම॒ විශ්ප॑තේ॒ හව්ය॑වා॒-ට්තුභ්යග්​ම්॑ හූයත॒ ඉෂග්ග්॑ ස්තෝ॒තෘභ්ය॒ ආ භ॑ර ॥ උ॒භේ සු॑ශ්චන්ද්ර ස॒ර්පිෂෝ॒ දර්වී᳚ ශ්රීණීෂ ආ॒සනි॑ । උ॒තෝ න॒ උ-ත්පු॑පූර්යා [උ-ත්පු॑පූර්යාඃ, උ॒ක්ථේෂු॑] 15

උ॒ක්ථේෂු॑ ශවසස්පත॒ ඉෂග්ග්॑ ස්තෝ॒තෘභ්ය॒ ආ භ॑ර ॥ අග්නේ॒ තම॒ද්යාශ්ව॒-න්න ස්තෝමෛඃ॒ ක්රතු॒-න්න භ॒ද්රග්​ම් හෘ॑දි॒ස්පෘශ᳚ම් । ඍ॒ද්ධ්යාමා॑ ත॒ ඕහෛඃ᳚ ॥ අධා॒ හ්ය॑ග්නේ॒ ක්රතෝ᳚ර්භ॒ද්රස්ය॒ දක්ෂ॑ස්ය සා॒ධෝඃ । ර॒ථීර්-ඍ॒තස්ය॑ බෘහ॒තෝ බ॒භූථ॑ ॥ ආ॒භිෂ්ටේ॑ අ॒ද්ය ගී॒ර්භිර්ගෘ॒ණන්තෝ-ऽග්නේ॒ දාශේ॑ම । ප්ර තේ॑ දි॒වෝ න ස්ත॑නයන්ති॒ ශුෂ්මාඃ᳚ ॥ ඒ॒භිර්නෝ॑ අ॒ර්කෛර්භවා॑ නෝ අ॒ර්වා- [අ॒ර්වාඞ්, සුව॒ර්න ජ්යෝතිඃ॑ ।] 16

-ඞ්ඛ්සුව॒ර්න ජ්යෝතිඃ॑ । අග්නේ॒ විශ්වේ॑භි-ස්සු॒මනා॒ අනී॑කෛඃ ॥ අ॒ග්නිග්​ම් හෝතා॑ර-ම්මන්යේ॒ දාස්ව॑න්තං॒-වඁසෝ᳚-ස්සූ॒නුග්​ම් සහ॑සෝ ජා॒තවේ॑දසම් । විප්ර॒-න්න ජා॒තවේ॑දසම් । ය ඌ॒ර්ධ්වයා᳚ ස්වද්ධ්ව॒රෝ දේ॒වෝ දේ॒වාච්යා॑ කෘ॒පා । ඝෘ॒තස්ය॒ විභ්රා᳚ෂ්ටි॒මනු॑ ශු॒ක්රශෝ॑චිෂ ආ॒ජුහ්වා॑නස්ය ස॒ර්පිෂඃ॑ ॥ අග්නේ॒ ත්ව-න්නෝ॒ අන්ත॑මඃ । උ॒ත ත්රා॒තා ශි॒වෝ භ॑ව වරූ॒ථ්යඃ॑ ॥ ත-න්ත්වා॑ ශෝචිෂ්ඨ දීදිවඃ । සු॒ම්නාය॑ නූ॒නමී॑මහේ॒ සඛි॑භ්යඃ ॥ වසු॑ර॒ග්නිර්වසු॑ශ්රවාඃ । අච්ඡා॑ නක්ෂි ද්යු॒මත්ත॑මෝ ර॒යි-න්දාඃ᳚ ॥ 17 ॥
(ජනා॑නා॒ - මඞ්ගි॑රස॒ - ඉෂග්​ම්॑ - සු॒ශමී॑ - තිග්මජම්භ - පුපූර්යා - අ॒ර්වාං - වසු॑ශ්රවාඃ॒ - පඤ්ච॑ ච) (අ. 4)

ඉ॒න්ද්රා॒ග්නිභ්යා᳚-න්ත්වා ස॒යුජා॑ යු॒ජා යු॑නජ්ම්යා ඝා॒රාභ්යා॒-න්තේජ॑සා॒ වර්ච॑සෝ॒ ක්ථේභි॒-ස්ස්තෝමේ॑භි॒ ශ්ඡන්දෝ॑භී ර॒ය්යෛ පෝෂා॑ය සජා॒තානා᳚-ම්මද්ධ්යම॒ස්ථේයා॑ය॒ මයා᳚ ත්වා ස॒යුජා॑ යු॒ජා යු॑නජ්ම්ය॒බා-න්දු॒ලා නි॑ත॒ත්නි ර॒භ්රය॑න්තී මේ॒ඝය॑න්තී ව॒ර්॒ෂය॑න්තී චුපු॒ණීකා॒ නාමා॑සි ප්ර॒ජාප॑තිනා ත්වා॒ විශ්වා॑භිර්ධී॒භිරුප॑ දධාමි පෘථි॒ව්යු॑දපු॒රමන්නේ॑න වි॒ෂ්ටා ම॑නු॒ෂ්යා᳚ස්තේ ගෝ॒ප්තාරෝ॒ ऽග්නිර්විය॑ත්තෝ-ऽස්යා॒-න්තාම॒හ-ම්ප්ර॑ පද්යේ॒ සා [ ] 18

මේ॒ ශර්ම॑ ච॒ වර්ම॑ චා॒ස්ත්වධි॑ ද්යෞර॒න්තරි॑ක්ෂ॒-ම්බ්රහ්ම॑ණා වි॒ෂ්ටා ම॒රුත॑ස්තේ ගෝ॒ප්තාරෝ॑ වා॒යුර්විය॑ත්තෝ-ऽස්යා॒-න්තාම॒හ-ම්ප්ර ප॑ද්යේ॒ සා මේ॒ ශර්ම॑ ච॒ වර්ම॑ චාස්තු॒ ද්යෞරප॑රාජිතා॒-ऽමෘතේ॑න වි॒ෂ්ටා-ऽऽදි॒ත්යාස්තේ॑ ගෝ॒ප්තාර॒-ස්සූර්යෝ॒ විය॑ත්තෝ-ऽස්යා॒-න්තාම॒හ-ම්ප්ර ප॑ද්යේ॒ සා මේ॒ ශර්ම॑ ච॒ වර්ම॑ චාස්තු ॥ 19 ॥
(සා - ऽෂ්ටාච॑ත්වාරිග්​ම්ශච්ච) (අ. 5)

බෘහ॒ස්පති॑ස්ත්වා සාදයතු පෘථි॒ව්යාඃ පෘ॒ෂ්ඨේ ජ්යෝති॑ෂ්මතීං॒-විඁශ්ව॑ස්මෛ ප්රා॒ණායා॑පා॒නාය॒ විශ්ව॒-ඤ්ජ්යෝති॑ර්යච්ඡා॒- ග්නිස්තේ-ऽධි॑පති ර්වි॒ශ්වක॑ර්මා ත්වා සාදයත්ව॒න්තරි॑ක්ෂස්ය පෘ॒ෂ්ඨේ ජ්යෝති॑ෂ්මතීං॒-විඁශ්ව॑ස්මෛ ප්රා॒ණායා॑පා॒නාය॒ විශ්ව॒-ඤ්ජ්යෝති॑ර්යච්ඡ වා॒යුස්තේ-ऽධි॑පතිඃ ප්ර॒ජාප॑තිස්ත්වා සාදයතු දි॒වඃ පෘ॒ෂ්ඨේ ජ්යෝති॑ෂ්මතීං॒-විඁශ්ව॑ස්මෛ ප්රා॒ණායා॑පා॒නාය॒ විශ්ව॒-ඤ්ජ්යෝති॑ර්යච්ඡ පරමේ॒ෂ්ඨී තේ-ऽධි॑පතිඃ පුරෝවාත॒සනි॑රස්ය භ්ර॒සනි॑රසි විද්යු॒ථ්සනි॑- [විද්යු॒ථ්සනිඃ॑, අ॒සි॒ ස්ත॒න॒යි॒ත්නු॒සනි॑රසි] 20

-රසි ස්තනයිත්නු॒සනි॑රසි වෘෂ්ටි॒සනි॑රස්ය॒-ග්නේර්යාන්ය॑සි දේ॒වානා॑මග්නේ॒ යාන්ය॑සි වා॒යෝර්යාන්ය॑සි දේ॒වානාං᳚-වාඁයෝ॒යාන්ය॑ස්ය॒න්තරි॑ක්ෂස්ය॒ යාන්ය॑සි දේ॒වානා॑- මන්තරික්ෂ॒යාන්ය॑ස්ය॒-න්තරි॑ක්ෂමස්ය॒න්තරි॑ක්ෂාය ත්වා සලි॒ලාය॑ ත්වා॒ සර්ණී॑කාය ත්වා॒ සතී॑කාය ත්වා॒ කේතා॑ය ත්වා॒ ප්රචේ॑තසේ ත්වා॒ විව॑ස්වතේ ත්වා දි॒වස්ත්වා॒ ජ්යෝති॑ෂ ආදි॒ත්යේභ්ය॑ස්ත්ව॒ර්චේ ත්වා॑ රු॒චේ ත්වා᳚ ද්යු॒තේ ත්වා॑ භා॒සේ ත්වා॒ ජ්යෝති॑ෂේ ත්වා යශෝ॒දා-න්ත්වා॒ යශ॑සි තේජෝ॒දා-න්ත්වා॒ තේජ॑සි පයෝ॒දා-න්ත්වා॒ පය॑සි වර්චෝ॒දා-න්ත්වා॒ වර්ච॑සි ද්රවිණෝ॒දා-න්ත්වා॒ ද්රවි॑ණේ සාදයාමි॒ තේනර්​ෂි॑ණා॒ තේන॒ බ්රහ්ම॑ණා॒ තයා॑ දේ॒වත॑යා-ऽඞ්ගිර॒ස්ව-ද්ධ්රු॒වා සී॑ද ॥ 21 ॥
(වි॒ද්යු॒ථ්සනි॑ - ර්ද්යු॒තේ ත්වෛ - කා॒න්න ත්රි॒ග්​ම්॒ශච්ච॑) (අ. 6)

භූ॒ය॒ස්කෘද॑සි වරිව॒ස්කෘද॑සි॒ ප්රාච්ය॑ස්යූ॒ර්ධ්වා-ऽස්ය॑-න්තරික්ෂ॒සද॑ස්ය॒-න්තරි॑ක්ෂේ සීදා-ඵ්සු॒ෂද॑සි ශ්යේන॒සද॑සි ගෘද්ධ්ර॒සද॑සි සුපර්ණ॒සද॑සි නාක॒සද॑සි පෘථි॒ව්යාස්ත්වා॒ ද්රවි॑ණේ සාදයාම්ය॒-න්තරි॑ක්ෂස්ය ත්වා॒ ද්රවි॑ණේ සාදයාමි දි॒වස්ත්වා॒ ද්රවි॑ණේ සාදයාමි දි॒ශා-න්ත්වා॒ ද්රවි॑ණේ සාදයාමි ද්රවිණෝ॒දා-න්ත්වා॒ ද්රවි॑ණේ සාදයාමි ප්රා॒ණ-ම්මේ॑ පාහ්ය-පා॒න-ම්මේ॑ පාහි ව්යා॒න-ම්මේ॑ [ව්යා॒න-ම්මේ᳚, පා॒හ්යායු॑ර්මේ පාහි] 22

පා॒හ්යායු॑ර්මේ පාහි වි॒ශ්වායු॑ර්මේ පාහි ස॒ර්වායු॑ර්මේ පා॒හ්යග්නේ॒ ය-ත්තේ॒ පර॒ග්​ම්॒ හෘන්නාම॒ තාවේහි॒ සග්​ම් ර॑භාවහෛ॒ පාඤ්ච॑ ජන්යේ॒ෂ්ව-ප්යේ᳚ද්ධ්යග්නේ॒ යාවා॒ අයා॑වා॒ ඒවා॒ ඌමා॒-ස්සබ්ද॒-ස්සග॑ර-ස්සු॒මේකඃ॑ ॥ 23 ॥
(ව්යා॒න-ම්මේ॒-ද්වාත්රිග්​ම්॑ශච්ච) (අ. 7)

අ॒ග්නිනා॑ විශ්වා॒ෂාට් සූර්යේ॑ණ ස්ව॒රා-ට්ක්රත්වා॒ ශචී॒පති॑ර්-ඍෂ॒භේණ॒ ත්වෂ්ටා॑ ය॒ජ්ඤේන॑ ම॒ඝවා॒-න්දක්ෂි॑ණයා සුව॒ර්ගෝ ම॒න්යුනා॑ වෘත්ර॒හා සෞහා᳚ර්ද්යේන තනූ॒ධා අන්නේ॑න॒ ගයඃ॑ පෘථි॒ව්යා-ऽස॑නෝ දෘ॒ග්භිර॑න්නා॒දෝ ව॑ෂට්කා॒රේණ॒ර්ධ-ස්සාම්නා॑ තනූ॒පා වි॒රාජා॒ ජ්යෝති॑ෂ්මා॒-න්බ්රහ්ම॑ණා සෝම॒පා ගෝභි॑ර්ය॒ජ්ඤ-න්දා॑ධාර ක්ෂ॒ත්රේණ॑ මනු॒ෂ්යා॑-නශ්වේ॑න ච॒ රථේ॑න ච ව॒ජ්ර්යෘ॑තුභිඃ॑ ප්ර॒භු-ස්සං॑​වඁථ්ස॒රේණ॑ පරි॒භූ ස්තප॒සා-ऽනා॑ධෘෂ්ට॒-ස්සූර්ය॒-ස්ස-න්ත॒නූභිඃ॑ ॥ 24 ॥
(අ॒ග්නි - රෛකා॒න්න ප॑ඤ්චා॒ශත්) (අ. 8)

ප්ර॒ජාප॑ති॒ර්මන॒සා ऽන්ධෝ-ऽච්ඡේ॑තෝ ධා॒තා දී॒ක්ෂායාග්​ම්॑ සවි॒තා භෘ॒ත්යා-ම්පූ॒ෂා සෝ॑ම॒ක්රය॑ණ්යාං॒-වඁරු॑ණ॒ උප॑න॒ද්ධෝ ऽසු॑රඃ ක්රී॒යමා॑ණෝ මි॒ත්රඃ ක්රී॒ත-ශ්ශි॑පිවි॒ෂ්ට ආසා॑දිතෝ න॒රන්ධි॑ෂඃ ප්රෝ॒හ්යමා॒ණෝ ऽධි॑පති॒රාග॑තඃ ප්ර॒ජාප॑තිඃ ප්රණී॒යමා॑නෝ॒ ऽග්නිරාග්නී᳚ද්ධ්රේ॒ බෘහ॒ස්පති॒රාග්නී᳚ද්ධ්රා-ත්ප්රණී॒යමා॑න॒ ඉන්ද්රෝ॑ හවි॒ර්ධානේ ऽදි॑ති॒රාසා॑දිතෝ॒ විෂ්ණු॑රුපාවහ්රි॒යමා॒ණෝ ऽථ॒ර්වෝපෝ᳚ත්තෝ ය॒මෝ॑-ऽභිෂු॑තෝ ऽපූත॒පා ආ॑ධූ॒යමා॑නෝ වා॒යුඃ පූ॒යමා॑නෝ මි॒ත්රඃ, ක්ෂී॑ර॒ශ්රීර්ම॒න්ථී ස॑ක්තු॒ශ්රීර්වෛ᳚ශ්වදේ॒ව උන්නී॑තෝ රු॒ද්ර ආහු॑තෝ වා॒යුරාවෘ॑ත්තෝ නෘ॒චක්ෂාඃ॒ ප්රති॑ඛ්යාතෝ භ॒ක්ෂ ආග॑තඃ පිතෘ॒ණා-න්නා॑රාශ॒ග්​ම්॒සෝ ऽසු॒රාත්ත॒-ස්සින්ධු॑ර-වභෘ॒ථම॑වප්ර॒යන්-ථ්ස॑මු॒ද්රෝ ऽව॑ගත-ස්සලි॒ලඃ ප්රප්ලු॑ත॒-ස්සුව॑රු॒දෘච॑-ඞ්ග॒තඃ ॥ 25 ॥
(රු॒ද්ර - ඒක॑විග්​ම්ශතිශ්ච) (අ. 9)

කෘත්ති॑කා॒ නක්ෂ॑ත්ර-ම॒ග්නිර්දේ॒වතා॒-ऽග්නේ රුච॑-ස්ස්ථ ප්ර॒ජාප॑තේර්ධා॒තු-ස්සෝම॑ස්ය॒ර්චේ ත්වා॑ රු॒චේ ත්වා᳚ ද්යු॒තේ ත්වා॑ භා॒සේ ත්වා॒ ජ්යෝති॑ෂේ ත්වා රෝහි॒ණී නක්ෂ॑ත්ර-ම්ප්ර॒ජාප॑තිර්දේ॒වතා॑ මෘගශී॒ර්॒ෂ॑-න්නක්ෂ॑ත්ර॒ග්​ම්॒ සෝමෝ॑ දේ॒වතා॒ ऽऽර්ද්රා නක්ෂ॑ත්රග්​ම් රු॒ද්රෝ දේ॒වතා॒ පුන॑ර්වසූ॒ නක්ෂ॑ත්ර॒මදි॑තිර්දේ॒වතා॑- ති॒ෂ්යෝ॑ නක්ෂ॑ත්ර॒-ම්බෘහ॒ස්පති॑ර්දේ॒වතා᳚ ऽऽශ්රේ॒ෂා නක්ෂ॑ත්රග්​ම් ස॒ර්පා දේ॒වතා॑ ම॒ඝා නක්ෂ॑ත්ර-ම්පි॒තරෝ॑ දේ॒වතා॒ ඵල්ගු॑නී॒ නක්ෂ॑ත්ර- [නක්ෂ॑ත්රම්, අ॒ර්ය॒මා] 26

-මර්ය॒මා දේ॒වතා॒ ඵල්ගු॑නී॒ නක්ෂ॑ත්ර॒-ම්භගෝ॑ දේ॒වතා॒ හස්තෝ॒ නක්ෂ॑ත්රග්​ම් සවි॒තා දේ॒වතා॑ චි॒ත්රා නක්ෂ॑ත්ර॒මින්ද්රෝ॑ දේ॒වතා᳚ ස්වා॒තී නක්ෂ॑ත්රං-වාඁ॒යුර්දේ॒වතා॒ විශා॑ඛේ॒ නක්ෂ॑ත්රමින්ද්රා॒ග්නී දේ॒වතා॑ ऽනූරා॒ධා නක්ෂ॑ත්ර-ම්මි॒ත්රෝ දේ॒වතා॑ රෝහි॒ණී නක්ෂ॑ත්ර॒මින්ද්රෝ॑ දේ॒වතා॑ වි॒චෘතෞ॒ නක්ෂ॑ත්ර-ම්පි॒තරෝ॑ දේ॒වතා॑ ऽෂා॒ඪා නක්ෂ॑ත්ර॒මාපෝ॑ දේ॒වතා॑ ऽෂා॒ඪා නක්ෂ॑ත්රං॒-විඁශ්වේ॑ දේ॒වා දේ॒වතා᳚ ශ්රෝ॒ණා නක්ෂ॑ත්රං॒-විඁෂ්ණු॑ර්දේ॒වතා॒ ශ්රවි॑ෂ්ඨා॒ නක්ෂ॑ත්රං॒-වඁස॑වෝ [නක්ෂ॑ත්රං॒-වඁස॑වඃ, දේ॒වතා॑] 27

දේ॒වතා॑ ශ॒තභි॑ෂ॒-න්නක්ෂ॑ත්ර॒මින්ද්රෝ॑ දේ॒වතා᳚ ප්රෝෂ්ඨප॒දා නක්ෂ॑ත්රම॒ජ ඒක॑පා-ද්දේ॒වතා᳚ ප්රෝෂ්ඨප॒දා නක්ෂ॑ත්ර॒මහි॑ර්බු॒ද්ධ්නියෝ॑ දේ॒වතා॑ රේ॒වතී॒ නක්ෂ॑ත්ර-ම්පූ॒ෂා දේ॒වතා᳚ ऽශ්ව॒යුජෞ॒ නක්ෂ॑ත්රම॒ශ්විනෞ॑ දේ॒වතා॑ ऽප॒භර॑ණී॒ර්නක්ෂ॑ත්රං-යඁ॒මෝ දේ॒වතා॑, පූ॒ර්ණා ප॒ශ්චාද්ය-ත්තේ॑ දේ॒වා අද॑ධුඃ ॥ 28 ॥
(ඵල්ගු॑නී॒ නක්ෂ॑ත්රං॒ - ඁවස॑ව॒ - ස්ත්රය॑ස්ත්රිග්​ම්ශච්ච) (අ. 10)

මධු॑ශ්ච॒ මාධ॑වශ්ච॒ වාස॑න්තිකාවෘ॒තූ ශු॒ක්රශ්ච॒ ශුචි॑ශ්ච॒ ග්රෛෂ්මා॑වෘ॒තූ නභ॑ශ්ච නභ॒ස්ය॑ශ්ච॒ වාර්​ෂි॑කාවෘ॒තූ ඉ॒ෂශ්චෝ॒ර්ජශ්ච॑ ශාර॒දාවෘ॒තූ සහ॑ශ්ච සහ॒ස්ය॑ශ්ච॒ හෛම॑න්තිකාවෘ॒තූ තප॑ශ්ච තප॒ස්ය॑ශ්ච ශෛශි॒රාවෘ॒තූ අ॒ග්නේර॑න්ත-ශ්ශ්ලේ॒ෂෝ॑-ऽසි॒ කල්පේ॑තා॒-න්ද්යාවා॑පෘථි॒වී කල්ප॑න්තා॒මාප॒ ඕෂ॑ධීඃ॒ කල්ප॑න්තාම॒ග්නයඃ॒ පෘථ॒ම්මම॒ ජ්යෛෂ්ඨ්ය॑ය॒ සව්ර॑තා॒ [සව්ර॑තාඃ, යේ᳚-ऽග්නය॒-] 29

යේ᳚-ऽග්නය॒-ස්සම॑නසෝ-ऽන්ත॒රා ද්යාවා॑පෘථි॒වී ශෛ॑ශි॒රාවෘ॒තූ අ॒භි කල්ප॑මානා॒ ඉන්ද්ර॑මිව දේ॒වා අ॒භි සං​විඁ ॑ශන්තු සං॒​යඁච්ච॒ ප්රචේ॑තාශ්චා॒ග්නේ-ස්සෝම॑ස්ය॒ සූර්ය॑ස්යෝ॒-ග්රා ච॑ භී॒මා ච॑ පිතෘ॒ණාං-යඁ॒මස්යේන්ද්ර॑ස්ය ධ්රු॒වා ච॑ පෘථි॒වී ච॑ දේ॒වස්ය॑ සවි॒තුර්ම॒රුතාං॒-වඁරු॑ණස්ය ධ॒ර්ත්රී ච॒ ධරි॑ත්රී ච මි॒ත්රාවරු॑ණයෝ ර්මි॒ත්රස්ය॑ ධා॒තුඃ ප්රාචී॑ ච ප්ර॒තීචී॑ ච॒ වසූ॑නාග්​ම් රු॒ද්රාණා॑- [රු॒ද්රාණා᳚ම්, ආ॒දි॒ත්යානා॒-න්තේ] 30

-මාදි॒ත්යානා॒-න්තේ තේ-ऽධි॑පතය॒ස්තේභ්යෝ॒ නම॒ස්තේ නෝ॑ මෘඩයන්තු॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ස॒හස්ර॑ස්ය ප්ර॒මා අ॑සි ස॒හස්ර॑ස්ය ප්රති॒මා අ॑සි ස॒හස්ර॑ස්ය වි॒මා අ॑සි ස॒හස්ර॑ස්යෝ॒න්මා අ॑සි සාහ॒ස්රෝ॑-ऽසි ස॒හස්රා॑ය ත්වේ॒මා මේ॑ අග්න॒ ඉෂ්ට॑කා ධේ॒නව॑-ස්ස॒න්ත්වේකා॑ ච ශ॒ත-ඤ්ච॑ ස॒හස්ර॑-ඤ්චා॒යුත॑-ඤ්ච [ ] 31

නි॒යුත॑-ඤ්ච ප්ර॒යුත॒-ඤ්චාර්බු॑ද-ඤ්ච॒ න්ය॑ර්බුද-ඤ්ච සමු॒ද්රශ්ච॒ මද්ධ්ය॒-ඤ්චාන්ත॑ශ්ච පරා॒ර්ධශ්චේ॒මා මේ॑ අග්න॒ ඉෂ්ට॑කා ධේ॒නව॑-ස්සන්තු ෂ॒ෂ්ඨි-ස්ස॒හස්ර॑ම॒යුත॒-මක්ෂී॑යමාණා ඍත॒ස්ථා ස්ථ॑ර්තා॒වෘධෝ॑ ඝෘත॒ශ්චුතෝ॑ මධු॒ශ්චුත॒ ඌර්ජ॑ස්වතී-ස්ස්වධා॒විනී॒ස්තා මේ॑ අග්න॒ ඉෂ්ට॑කා ධේ॒නව॑-ස්සන්තු වි॒රාජෝ॒ නාම॑ කාම॒දුඝා॑ අ॒මුත්රා॒මුෂ්මි॑න් ඁලෝ॒කේ ॥ 32 ॥
(සව්ර॑තා - රු॒ද්රාණා॑ - ම॒යුත॑ඤ්ච॒ - පඤ්ච॑චත්වාරිග්​ම්ශච්ච) (අ. 11)

ස॒මි-ද්දි॒ශාමා॒ශයා॑ න-ස්සුව॒ර්වින්මධෝ॒රතෝ॒ මාධ॑වඃ පාත්ව॒ස්මාන් । අ॒ග්නිර්දේ॒වෝ දු॒ෂ්ටරී॑තු॒රදා᳚භ්ය ඉ॒ද-ඞ්ක්ෂ॒ත්රග්​ම් ර॑ක්ෂතු॒ පාත්ව॒ස්මාන් ॥ ර॒ථ॒න්ත॒රග්​ම් සාම॑භිඃ පාත්ව॒ස්මා-න්ගා॑ය॒ත්රී ඡන්ද॑සාං-විඁ॒ශ්වරූ॑පා । ත්රි॒වෘන්නෝ॑ වි॒ෂ්ඨයා॒ ස්තෝමෝ॒ අහ්නාග්​ම්॑ සමු॒ද්රෝ වාත॑ ඉ॒දමෝජඃ॑ පිපර්තු ॥ උ॒ග්රා දි॒ශාම॒භි-භූ॑තිර්වයෝ॒ධා-ශ්ශුචි॑-ශ්ශු॒ක්රේ අහ॑න්යෝජ॒සීනා᳚ । ඉන්ද්රාධි॑පතිඃ පිපෘතා॒දතෝ॑ නෝ॒ මහි॑ [ ] 33

ක්ෂ॒ත්රං-විඁ॒ශ්වතෝ॑ ධාරයේ॒දම් ॥ බෘ॒හ-ථ්සාම॑ ක්ෂත්ර॒භෘ-ද්වෘ॒ද්ධ වෘ॑ෂ්ණිය-න්ත්රි॒ෂ්ටුභෞජ॑-ශ්ශුභි॒ත මු॒ග්රවී॑රම් । ඉන්ද්ර॒ ස්තෝමේ॑න පඤ්චද॒ශේන॒ මද්ධ්ය॑මි॒දං-වාඁතේ॑න॒ සග॑රේණ රක්ෂ ॥ ප්රාචී॑ දි॒ශාග්​ම් ස॒හය॑ශා॒ යශ॑ස්වතී॒ විශ්වේ॑ දේවාඃ ප්රා॒වෘෂා ऽහ්නා॒ග්​ම්॒ සුව॑ර්වතී । ඉ॒ද-ඞ්ක්ෂ॒ත්ර-න්දු॒ෂ්ටර॑ම॒ස්ත්වෝජෝ ऽනා॑ධෘෂ්ටග්​ම් සහ॒ස්රිය॒ග්​ම්॒ සහ॑ස්වත් ॥ වෛ॒රූ॒පේ සාම॑න්නි॒හ තච්ඡ॑කේම॒ ජග॑ත්යෛනං-විඁ॒ක්ෂ්වා වේ॑ශයාමඃ । විශ්වේ॑ දේවා-ස්සප්තද॒ශේන॒ [සප්තද॒ශේන॑, වර්ච॑ ඉ॒ද-ඞ්ක්ෂ॒ත්රග්​ම්] 34

වර්ච॑ ඉ॒ද-ඞ්ක්ෂ॒ත්රග්​ම් ස॑ලි॒ලවා॑තමු॒ග්රම් ॥ ධ॒ර්ත්රී දි॒ශා-ඞ්ක්ෂ॒ත්රමි॒ද-න්දා॑ධාරෝප॒ස්ථා-ऽऽශා॑නා-ම්මි॒ත්රව॑ද॒ස්ත්වෝජඃ॑ । මිත්රා॑වරුණා ශ॒රදා-ऽහ්නා᳚-ඤ්චිකිත්නූ අ॒ස්මෛ රා॒ෂ්ට්රාය॒ මහි॒ ශර්ම॑ යච්ඡතම් ॥ වෛ॒රා॒ජේ සාම॒න්නධි॑ මේ මනී॒ෂා-ऽනු॒ෂ්ටුභා॒ සම්භෘ॑තං-වීඁ॒ර්යග්​ම්॑ සහඃ॑ । ඉ॒ද-ඞ්ක්ෂ॒ත්ර-ම්මි॒ත්රව॑දා॒ර්ද්රදා॑නු॒ මිත්රා॑වරුණා॒ රක්ෂ॑ත॒-මාධි॑පත්යෛඃ ॥ ස॒ම්රා-ඩ්දි॒ශාග්​ම් ස॒හසා᳚ම්නී॒ සහ॑ස්වත්යෘ॒තුර්​හේ॑ම॒න්තෝ වි॒ෂ්ඨයා॑ නඃ පිපර්තු । අ॒ව॒ස්යුවා॑තා [අ॒ව॒ස්යුවා॑තාඃ, බෘ॒හ॒තීර්නු] 35

බෘහ॒තීර්නු ශක්ව॑රීරි॒මං-යඁ॒ජ්ඤම॑වන්තු නෝ ඝෘ॒තාචීඃ᳚ ॥ සුව॑ර්වතී සු॒දුඝා॑ නඃ॒ පය॑ස්වතී දි॒ශා-න්දේ॒ව්ය॑වතු නෝ ඝෘ॒තාචී᳚ । ත්ව-ඞ්ගෝ॒පාඃ පු॑රඒ॒තෝත ප॒ශ්චා-ද්බෘහ॑ස්පතේ॒ යාම්යාං᳚-යුඁඞ්ග්ධි॒ වාච᳚ම් ॥ ඌ॒ර්ධ්වා දි॒ශාග්​ම් රන්ති॒රාශෞෂ॑ධීනාග්​ම් සං​වඁථ්ස॒රේණ॑ සවි॒තා නෝ॒ අහ්නා᳚ම් । රේ॒ව-ථ්සාමාති॑ච්ඡන්දා උ॒ ඡන්දෝ-ऽජා॑ත ශත්රු-ස්ස්යෝ॒නා නෝ॑ අස්තු ॥ ස්තෝම॑ත්රයස්ත්රිග්​ම්ශේ॒ භුව॑නස්ය පත්නි॒ විව॑ස්වද්වාතේ අ॒භි නෝ॑ [අ॒භි නඃ॑, ගෘ॒ණා॒හි॒ ।] 36

ගෘණාහි । ඝෘ॒තව॑තී සවිත॒රාධි॑පත්යෛඃ॒ පය॑ස්වතී॒ රන්ති॒රාශා॑ නෝ අස්තු ॥ ධ්රු॒වා දි॒ශාං-විඁෂ්ණු॑ප॒ත්න්යඝෝ॑රා॒-ऽස්යේශා॑නා॒ සහ॑සෝ॒ යා ම॒නෝතා᳚ । බෘහ॒ස්පති॑ ර්මාත॒රිශ්වෝ॒ත වා॒යු-ස්ස॑න්ධුවා॒නා වාතා॑ අ॒භි නෝ॑ ගෘණන්තු ॥ වි॒ෂ්ට॒භෝ-න්දි॒වෝ ධ॒රුණඃ॑ පෘථි॒ව්යා අ॒ස්යේශා॑නා॒ ජග॑තෝ॒ විෂ්ණු॑පත්නී । වි॒ශ්වව්ය॑චා ඉ॒ෂය॑න්තී॒ සුභූ॑ති-ශ්ශි॒වා නෝ॑ අ॒ස්ත්වදි॑තිරු॒පස්ථේ᳚ ॥ වෛ॒ශ්වා॒න॒රෝ න॑ ඌ॒ත්යාපෘ॒ෂ්ටෝ දි॒ව්යනු॑ නෝ॒ ऽද්යානු॑මති॒රන්විද॑නුමතේ॒ ත්ව-ඞ්කයා॑ නශ්චි॒ත්ර ආභු॑ව॒ත්කෝ අ॒ද්ය යු॑ඞ්ක්තේ ॥ 37 ॥
(මහි॑ - සප්තද॒ශේනා॑ - ऽව॒ස්යුවා॑තා - අ॒භි නෝ - ऽනු॑ න॒ - ශ්චතු॑ර්දශ ච) (අ. 12)

(ර॒ශ්මිර॑සි॒ - රාජ්ඤ්ය॑ස්ය॒ - ය-ම්පු॒රෝ හරි॑කේශෝ॒ - ऽග්නිර්මූ॒ර්ධ - න්ද්රා॒ග්නිභ්යාං॒ - බෘහ॒ස්පති॑ - ර්භූය॒ස්කෘද॑ - ස්ය॒ග්නිනා॑ විශ්වා॒ෂාට් - ප්ර॒ජාප॑ති॒ර්මන॑සා॒ - කෘත්ති॑කා॒ - මධු॑ශ්ච - ස॒මිද්දි॒ශාං - ද්වාද॑ශ )

(ර॒ශ්මිර॑සි॒ - ප්රති॑ ධේ॒නු- ම॑සි ස්තනයිත්නු॒සනි॑ර - ස්යාදි॒ත්යානාග්​ම්॑ - ස॒ප්තත්රිග්​ම්॑ශත් )

(ර॒ශ්මිර॑සි॒, කෝ අ॒ද්ය යු॑ඞ්ක්තේ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථ කාණ්ඩේ චතුර්ථඃ ප්රශ්න-ස්සමාප්තඃ ॥