කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ තෘතීයඃ ප්රශ්නඃ - සෝමමන්ත්රබ්රාහ්මණනිරූපණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

චාත්වා॑ලා॒-ද්ධිෂ්ණි॑යා॒නුප॑ වපති॒ යෝනි॒ර්වෛ ය॒ජ්ඤස්ය॒ චාත්වා॑ලං-යඁ॒ජ්ඤස්ය॑ සයෝනි॒ත්වාය॑ දේ॒වා වෛ ය॒ජ්ඤ-ම්පරා॑-ऽජයන්ත॒ තමාග්නී᳚ද්ධ්රා॒-ත්පුන॒රපා॑ජයන්නේ॒තද්වෛ ය॒ජ්ඤස්යා-ප॑රාජිතං॒-යඁදාග්නී᳚ද්ධ්රං॒-යඁදාග්නී᳚ද්ධ්රා॒ද්ධිෂ්ණි॑යාන්. වි॒හර॑ති॒ යදේ॒ව ය॒ජ්ඤස්යා-ප॑රාජිත॒-න්තත॑ ඒ॒වෛන॒-ම්පුන॑ස්තනුතේ පරා॒ජිත්යේ॑ව॒ ඛලු॒ වා ඒ॒තේ ය॑න්ති॒ යේ බ॑හිෂ්පවමා॒නග්​ම් සර්ප॑න්ති බහිෂ්පවමා॒නේ ස්තු॒ත [ස්තු॒තේ, ආ॒හාග්නී॑ද॒ග්නීන්. වි] 1

ආ॒හාග්නී॑ද॒ග්නීන්. වි හ॑ර බ॒ර්॒හි-ස්ස්තෘ॑ණාහි පුරෝ॒ඩාශා॒ග්​ම්॒ අල॑-ඞ්කු॒ර්විති॑ ය॒ජ්ඤමේ॒වාප॒ජිත්ය॒ පුන॑ස්තන්වා॒නා ය॒න්ත්යඞ්ගා॑රෛ॒ර්ද්වේ සව॑නේ॒ වි හ॑රති ශ॒ලාකා॑භි-ස්තෘ॒තීයග්​ම්॑ සශුක්ර॒ත්වායාථෝ॒ ස-ම්භ॑රත්යේ॒වෛන॒ද්ධිෂ්ණි॑යා॒ වා අ॒මුෂ්මි॑න් ඁලෝ॒කේ සෝම॑මරක්ෂ॒-න්තේභ්යෝ-ऽධි॒ සෝම॒මා-ऽහ॑ර॒-න්ත ම॑න්ව॒වාය॒න්ත-ම්පර්ය॑විශ॒න්॒. ය ඒ॒වං-වේඁද॑ වි॒න්දතේ॑ [ය ඒ॒වං-වේඁද॑ වි॒න්දතේ᳚, ප॒රි॒වේ॒ෂ්ටාර॒-න්තේ] 2

පරිවේ॒ෂ්ටාර॒-න්තේ සෝ॑මපී॒ථේන॒ ව්යා᳚ර්ධ්යන්ත॒ තේ දේ॒වේෂු॑ සෝමපී॒ථමෛ᳚ච්ඡන්ත॒ තා-න්දේ॒වා අ॑බ්රුව॒-න්ද්වේද්වේ॒ නාම॑නී කුරුද්ධ්ව॒මථ॒ ප්ර වා॒-ऽऽඵ්ස්යථ॒ න වේත්ය॒ග්නයෝ॒ වා අථ॒ ධිෂ්ණි॑යා॒ස්තස්මා᳚-ද්ද්වි॒නාමා᳚ බ්රාහ්ම॒ණෝ-ऽර්ධු॑ක॒ස්තේෂාං॒-යේඁ නේදි॑ෂ්ඨ-ම්ප॒ර්යවි॑ශ॒-න්තේ සෝ॑මපී॒ථ-ම්ප්රා-ऽප්නු॑වන්නාහව॒නීය॑ ආග්නී॒ද්ධ්රීයෝ॑ හෝ॒ත්රීයෝ॑ මාර්ජා॒ලීය॒ස්තස්මා॒-ත්තේෂු॑ ජුහ්වත්යති॒හාය॒ වෂ॑-ට්කරෝති॒ වි හ්යේ॑ [වි හි, ඒ॒තේ සෝ॑මපී॒ථේනා-ऽऽර්ධ්ය॑න්ත] 3

-තේ සෝ॑මපී॒ථේනා-ऽऽර්ධ්ය॑න්ත දේ॒වා වෛ යාඃ ප්රාචී॒-රාහු॑තී॒-රජු॑හවු॒ර්යේ පු॒රස්තා॒දසු॑රා॒ ආස॒-න්තාග්​ ස්තාභිඃ॒ ප්රාණු॑දන්ත॒ යාඃ ප්ර॒තීචී॒ර්යේ ප॒ශ්චාදසු॑රා॒ ආස॒-න්තාග්​ස්තාභි॒-රපා॑නුදන්ත॒ ප්රාචී॑ර॒න්යා ආහු॑තයෝ හූ॒යන්තේ᳚ ප්ර॒ත්යඞ්ඞාසී॑නෝ॒ ධිෂ්ණි॑යා॒න්. ව්යාඝා॑රයති ප॒ශ්චාච්චෛ॒ව පුරස්තා᳚ච්ච॒ යජ॑මානෝ॒ භ්රාතෘ॑ව්යා॒-න්ප්ර ණු॑දතේ॒ තස්මා॒-ත්පරා॑චීඃ ප්ර॒ජාඃ ප්ර වී॑යන්තේ ප්ර॒තීචී᳚- [ප්ර॒තීචීඃ᳚, ජා॒ය॒න්තේ॒ ප්රා॒ණා වා ඒ॒තේ] 4

-ර්ජායන්තේ ප්රා॒ණා වා ඒ॒තේ යද්ධිෂ්ණි॑යා॒ යද॑ද්ධ්ව॒ර්යුඃ ප්ර॒ත්ය-න්ධිෂ්ණි॑යා-නති॒සර්පේ᳚-ත්ප්රා॒ණාන්-ථ්සඞ්ක॑ර්​ෂේ-ත්ප්ර॒මායු॑ක-ස්ස්යා॒න්නාභි॒ර්වා ඒ॒ෂා ය॒ජ්ඤස්ය॒ යද්ධෝතෝ॒ර්ධ්වඃ ඛලු॒ වෛ නාභ්යෛ᳚ ප්රා॒ණෝ-ऽවාං॑අපා॒නෝ යද॑ධ්ව॒ර්යුඃ ප්ර॒ත්යං හෝතා॑රමති॒සර්පේ॑දපා॒නේ ප්රා॒ණ-න්ද॑ධ්යා-ත්ප්ර॒මායු॑ක-ස්ස්යා॒න්නාද්ධ්ව॒ර්යුරුප॑ ගායේ॒-ද්වාග්වී᳚ර්යෝ॒ වා අ॑ද්ධ්ව॒ර්යු-ර්යද॑ද්ධ්ව॒ර්යුරු॑ප॒-ගායේ॑දු-ද්ගා॒ත්රේ [ ] 5

වාච॒ග්​ම්॒ ස-ම්ප්ර ය॑ච්ඡේ-දුප॒දාසු॑කා-ऽස්ය॒ වා-ඛ්ස්යා᳚ද්බ්රහ්මවා॒දිනෝ॑ වදන්ති॒ නාසග්ග්॑ස්ථිතේ॒ සෝමේ᳚-ऽද්ධ්ව॒ර්යුඃ ප්ර॒ත්යඞ්-ඛ්සදෝ-ऽතී॑යා॒දථ॑ ක॒ථා දා᳚ක්ෂි॒ණානි॒ හෝතු॑මේති॒ යාමෝ॒ හි ස තේෂා॒-ඞ්කස්මා॒ අහ॑ දේ॒වා යාමං॒-වාඁ-ऽයා॑මං॒-වාඁ-ऽනු॑ ජ්ඤාස්ය॒න්තීත්යු-ත්ත॑රේ॒ණා-ऽऽග්නී᳚ද්ධ්ර-ම්ප॒රීත්ය॑ ජුහෝති දාක්ෂි॒ණානි॒ න ප්රා॒ණාන්​ථ්ස-ඞ්ක॑ර්​ෂති॒ න්ය॑න්යේ ධිෂ්ණි॑යා උ॒ප්යන්තේ॒ නාන්යේ යා-න්නි॒වප॑ති॒ තේන॒ තා-න්ප්රී॑ණාති॒ යා-න්නනි॒වප॑ති॒ යද॑නුදි॒ශති॒ තේන॒ තාන් ॥ 6 ॥
(ස්තු॒තේ - වි॒න්දතේ॒ - හි - වී॑යන්තේ ප්ර॒තීචී॑ - රුද්ග්රා॒ත්ර - උ॒ප්යන්තේ॒ - චතු॑ර්දශ ච) (අ. 1)

සු॒ව॒ර්ගාය॒ වා ඒ॒තානි॑ ලෝ॒කාය॑ හූයන්තේ॒ ය-ද්වෛ॑සර්ජ॒නානි॒ ද්වාභ්යා॒-ඞ්ගාර්​හ॑පත්යේ ජුහෝති ද්වි॒පා-ද්යජ॑මානඃ॒ ප්රති॑ෂ්ඨිත්යා॒ ආග්නී᳚ද්ධ්රේ ජුහෝත්ය॒න්තරි॑ක්ෂ ඒ॒වා-ऽऽක්ර॑මත ආහව॒නීයේ॑ ජුහෝති සුව॒ර්ගමේ॒වෛනං॑-ලෝඁ॒ක-ඞ්ග॑මයති දේ॒වාන්. වෛ සු॑ව॒ර්ගං-ලෝඁ॒කං-යඁ॒තෝ රක්ෂාග්॑ස්ය ජිඝාග්​ම්ස॒න්තේ සෝමේ॑න॒ රාජ්ඤා॒ රක්ෂාග්॑-ස්යප॒හත්යා॒ප්තු-මා॒ත්මාන॑-ඞ්කෘ॒ත්වා සු॑ව॒ර්ගං-ලෝඁ॒කමා॑ය॒-න්රක්ෂ॑සා॒-මනු॑පලාභා॒යා ऽऽත්ත॒-ස්සෝමෝ॑ භව॒ත්යථ॑ [භව॒ත්යථ॑, වෛ॒ස॒ර්ජ॒නානි॑ ජුහෝති॒] 7

වෛසර්ජ॒නානි॑ ජුහෝති॒ රක්ෂ॑සා॒මප॑හත්යෛ॒ ත්වග්​ම් සෝ॑ම තනූ॒කෘද්භ්ය॒ ඉත්යා॑හ තනූ॒කෘද්ධ්ය॑ෂ ද්වේෂෝ᳚භ්යෝ॒-ऽන්යකෘ॑තේභ්ය॒ ඉත්යා॑හා॒න්යකෘ॑තානි॒ හි රක්ෂාග්॑ස්යු॒රු ය॒න්තා-ऽසි॒ වරූ॑ථ॒මිත්යා॑හෝ॒රු ණ॑ස්කෘ॒ධීති॒ වාවෛතදා॑හ ජුෂා॒ණෝ අ॒ප්තුරාජ්ය॑ස්ය වේ॒ත්විත්යා॑හා॒ප්තුමේ॒ව යජ॑මාන-ඞ්කෘ॒ත්වා සු॑ව॒ර්ගං-ලෝඁ॒ක-ඞ්ග॑මයති॒ රක්ෂ॑සා॒-මනු॑පලාභා॒යා-ऽऽ සෝම॑-න්දදත॒ [සෝම॑-න්දදතේ, ආ ග්රාව්ණ්ණ॒ ආ] 8

ආ ග්රාව්ණ්ණ॒ ආ වා॑ය॒ව්යා᳚න්යා ද්රෝ॑ණකල॒ශමු-ත්පත්නී॒මා න॑ය॒න්ත්යන්වනාග්​ම්॑සි॒ ප්ර ව॑ර්තයන්ති॒ යාව॑දේ॒වාස්යාස්ති॒ තේන॑ ස॒හ සු॑ව॒ර්ගං-ලෝඁ॒කමේ॑ති॒ නය॑වත්ය॒ර්චා-ऽऽග්නී᳚ද්ධ්රේ ජුහෝති සුව॒ර්ගස්ය॑ ලෝ॒කස්යා॒භිනී᳚ත්යෛ॒ ග්රාව්ණ්ණෝ॑ වාය॒ව්යා॑නි ද්රෝණකල॒ශමාග්නී᳚ද්ධ්ර॒ උප॑ වාසයති॒ වි හ්යේ॑න॒-න්තෛර්ගෘ॒හ්ණතේ॒ ය-ථ්ස॒හෝප॑වා॒සයේ॑-දපුවා॒යේත॑ සෞ॒ම්යර්චා ප්ර පා॑දයති॒ ස්වයෛ॒- [ප්ර පා॑දයති॒ ස්වය᳚, ඒ॒වෛන॑-න්දේ॒වත॑යා॒] 9

-වෛන॑-න්දේ॒වත॑යා॒ ප්ර පා॑දය॒ත්යදි॑ත්යා॒-ස්සදෝ॒-ऽස්යදි॑ත්යා॒-ස්සද॒ ආ සී॒දේත්යා॑හ යථාය॒ජුරේ॒වෛත-ද්යජ॑මානෝ॒ වා ඒ॒තස්ය॑ පු॒රා ගෝ॒ප්තා භ॑වත්යේ॒ෂ වෝ॑ දේව සවිත॒-ස්සෝම॒ ඉත්යා॑හ සවි॒තෘප්ර॑සූත ඒ॒වෛන॑-න්දේ॒වතා᳚භ්ය॒-ස්ස-ම්ප්රය॑ච්ඡත්යේ॒ත-ත්ත්වග්​ම් සෝ॑ම දේ॒වෝ දේ॒වානුපා॑ගා॒ ඉත්යා॑හ දේ॒වෝ හ්යේ॑ෂ ස- [දේ॒වෝ හ්යේ॑ෂ සන්න්, දේ॒වානු॒පෛතී॒දම॒හ-] 10

-න්දේ॒වානු॒පෛතී॒දම॒හ-ම්ම॑නු॒ෂ්යෝ॑ මනු॒ෂ්යා॑නිත්යා॑හ මනු॒ෂ්යෝ᳚(1॒) හ්යේ॑ෂ ස-න්ම॑නු॒ෂ්යා॑නු॒පෛති॒ යදේ॒ත-ද්යජු॒ර්න බ්රූ॒යාදප්ර॑ජා අප॒ශුර්යජ॑මාන-ස්ස්යා-ථ්ස॒හ ප්ර॒ජයා॑ සහ රා॒යස්පෝෂේ॒ණේත්යා॑හ ප්ර॒ජයෛ॒ව ප॒ශුභි॑-ස්ස॒හේමං-ලෝඁ॒කමු॒පාව॑ර්තතේ॒ නමෝ॑ දේ॒වේභ්ය॒ ඉත්යා॑හ නමස්කා॒රෝ හි දේ॒වානාග්॑ ස්ව॒ධා පි॒තෘභ්ය॒ ඉත්යා॑හ ස්වධාකා॒රෝ හි [ස්වධාකා॒රෝ හි, පි॒තෘ॒ණාමි॒දම॒හ-] 11

පි॑තෘ॒ණාමි॒දම॒හ-න්නිර්වරු॑ණස්ය॒ පාශා॒දිත්යා॑හ වරුණපා॒ශාදේ॒ව නිර්මු॑ච්ය॒තේ ऽග්නේ᳚ ව්රතපත ආ॒ත්මනඃ॒ පූර්වා॑ ත॒නූරා॒දේයේත්යා॑හුඃ॒ කෝ හි තද්වේද॒ ය-ද්වසී॑යා॒න්-ථ්ස්වේ වශේ॑ භූ॒තේ පුන॑ර්වා॒ දදා॑ති॒ න වේති॒ ග්රාවා॑ණෝ॒ වෛ සෝම॑ස්ය॒ රාජ්ඤෝ॑ මලිම්ලුසේ॒නා ය ඒ॒වං-විඁ॒ද්වා-න්ග්රාව්ණ්ණ॒ ආග්නී᳚ද්ධ්ර උපවා॒සය॑ති॒ නෛන॑-ම්මලිම්ලුසේ॒නා වි॑න්දති ॥ 12 ॥
(අථ॑-දදතේ॒ - ස්වයා॒ - සන්ථ් - ස්ව॑ධාකා॒රෝ හි - වි॑න්දති) (අ. 2)

වෛ॒ෂ්ණ॒ව්යර්චා හු॒ත්වා යූප॒මච්ඡෛ॑ති වෛෂ්ණ॒වෝ වෛ දේ॒වත॑යා॒ යූප॒-ස්ස්වයෛ॒වෛන॑-න්දේ॒වත॒යා ऽච්ඡෛ॒ත්යත්ය॒න්යානගා॒-න්නාන්යා-නුපා॑ගා॒මිත්යා॒හාති॒ හ්ය॑න්යානේති॒ නාන්යා-නු॒පෛත්ය॒ර්වාක්ත්වා॒ පරෛ॑රවිද-ම්ප॒රෝ-ऽව॑රෛ॒රිත්යා॑හා॒ර්වාඝ්යේ॑න॒-ම්පරෛ᳚ර්වි॒න්දති॑ ප॒රෝ-ऽව॑රෛ॒ස්ත-න්ත්වා॑ ජුෂේ [ජුෂේ, වෛ॒ෂ්ණ॒ව-න්දේ॑වය॒ජ්යායා॒] 13

වෛෂ්ණ॒ව-න්දේ॑වය॒ජ්යායා॒ ඉත්යා॑හ දේවය॒ජ්යායෛ॒ හ්යේ॑න-ඤ්ජු॒ෂතේ॑ දේ॒වස්ත්වා॑ සවි॒තා මද්ධ්වා॑-ऽන॒ක්ත්විත්යා॑හ॒ තේජ॑සෛ॒වෛන॑-මන॒ක්ත්යෝෂ॑ධේ॒ ත්රාය॑ස්වෛන॒ග්ග්॒ ස්වධි॑තේ॒ මෛනග්​ම්॑ හිග්​ම්සී॒රිත්යා॑හ॒ වජ්රෝ॒ වෛ ස්වධි॑ති॒-ශ්ශාන්ත්යෛ॒ ස්වධි॑තේර්වෘ॒ක්ෂස්ය॒ බිභ්ය॑තඃ ප්රථ॒මේන॒ ශක॑ලේන ස॒හ තේජඃ॒ පරා॑ පතති॒ යඃ ප්ර॑ථ॒ම-ශ්ශක॑ලඃ පරා॒පතේ॒-ත්තමප්යා හ॑රේ॒-ථ්සතේ॑ජස- [හ॑රේ॒-ථ්සතේ॑ජසම්, ඒ॒වෛන॒මා] 14

-මේ॒වෛන॒මා හ॑රතී॒මේ වෛ ලෝ॒කා යූපා᳚-ත්ප්රය॒තෝ බි॑භ්යති॒ දිව॒මග්රේ॑ණ॒ මා ලේ॑ඛීර॒න්තරි॑ක්ෂ॒-ම්මද්ධ්යේ॑න॒ මා හිග්​ම්॑සී॒රිත්යා॑හෛ॒භ්ය ඒ॒වෛනං॑-ලෝඁ॒කේභ්ය॑-ශ්ශමයති॒ වන॑ස්පතේ ශ॒තව॑ල්​ශෝ॒ වි රෝ॒හේත්යා॒ව්රශ්ච॑නේ ජුහෝති॒ තස්මා॑-දා॒ව්රශ්ච॑නා-ද්වෘ॒ක්ෂාණා॒-ම්භූයාග්​ම්॑ස॒ උත්ති॑ෂ්ඨන්ති ස॒හස්ර॑වල්​ශා॒ වි ව॒යග්​ම් රු॑හේ॒මේත්යා॑හා॒- ऽऽශිෂ॑මේ॒වෛතාමා ශා॒ස්තේ ऽන॑ක්ෂසඞ්ග- [ශා॒ස්තේ ऽන॑ක්ෂසඞ්ගම්, වෘ॒ශ්චේ॒-ද්යද॑ක්ෂස॒ඞ්ගං-] 15

-ඁවෘශ්චේ॒-ද්යද॑ක්ෂස॒ඞ්ගං-වෘඁ॒ශ්චේද॑ධඊ॒ෂං-යඁජ॑මානස්ය ප්ර॒මායු॑කග්ග්​ ස්යා॒ද්ය-ඞ්කා॒මයේ॒තාප්ර॑තිෂ්ඨිත-ස්ස්යා॒දිත්යා॑රෝ॒හ-න්තස්ම॑ වෘශ්චේදේ॒ෂ වෛ වන॒ස්පතී॑නා॒-මප්ර॑තිෂ්ඨි॒තෝ-ऽප්ර॑තිෂ්ඨිත ඒ॒ව භ॑වති॒ ය-ඞ්කා॒මයේ॑තාප॒ශු-ස්ස්යා॒දිත්ය॑ප॒ර්ණ-න්තස්මෛ॒ ශුෂ්කා᳚ග්රං-වෘඁශ්චේදේ॒ෂ වෛ වන॒ස්පතී॑නා-මපශ॒ව්යෝ॑-ऽප॒ශුරේ॒ව භ॑වති॒ ය-ඞ්කා॒මයේ॑ත පශු॒මාන්-ථ්ස්යා॒දිති॑ බහුප॒ර්ණ-න්තස්මෛ॑ බහුශා॒ඛං-වෘඁ ॑ශ්චේදේ॒ෂ වෛ [ ] 16

වන॒ස්පතී॑නා-ම්පශ॒ව්යඃ॑ පශු॒මානේ॒ව භ॑වති॒ ප්රති॑ෂ්ඨිතං-වෘඁශ්චේ-ත්ප්රති॒ෂ්ඨාකා॑මස්යෛ॒ෂ වෛ වන॒ස්පතී॑නා॒-ම්ප්රති॑ෂ්ඨිතෝ॒ ය-ස්ස॒මේ භූම්යෛ॒ ස්වාද්යෝනේ॑ රූ॒ඪඃ ප්රත්යේ॒ව ති॑ෂ්ඨති॒ යඃ ප්ර॒ත්යඞ්ඞුප॑නත॒ස්තං-වෘඁ ॑ශ්චේ॒-ථ්ස හි මේධ॑ම॒භ්යුප॑නතඃ॒ පඤ්චා॑රත්නි॒-න්තස්මෛ॑ වෘශ්චේ॒ද්ය-ඞ්කා॒මයේ॒තෝපෛ॑න॒මුත්ත॑රෝ ය॒ජ්ඤෝ න॑මේ॒දිති॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤ උපෛ॑න॒මුත්ත॑රෝ ය॒ජ්ඤෝ [ය॒ජ්ඤඃ, න॒ම॒ති॒ ෂඩ॑රත්නි] 17

න॑මති॒ ෂඩ॑රත්නි-ම්ප්රති॒ෂ්ඨාකා॑මස්ය॒ ෂඩ්වා ඍ॒තව॑ ඍ॒තුෂ්වේ॒ව ප්රති॑ තිෂ්ඨති ස॒ප්තාර॑ත්නි-ම්ප॒ශුකා॑මස්ය ස॒ප්තප॑දා॒ ශක්ව॑රී ප॒ශව॒-ශ්ශක්ව॑රී ප॒ශූනේ॒වාව॑ රුන්ධේ॒ නවා॑රත්නි॒-න්තේජ॑ස්කාමස්ය ත්රි॒වෘතා॒ ස්තෝමේ॑න॒ සම්මි॑ත॒-න්තේජ॑ස්ත්රි॒වෘ-ත්තේ॑ජ॒ස්ව්යේ॑ව භ॑ව॒-ත්යේකා॑දශාරත්නි-මින්ද්රි॒යකා॑ම॒-ස්යෛකා॑දශාක්ෂරා ත්රි॒ෂ්ටුගි॑න්ද්රි॒ය-න්ත්රි॒ෂ්ටුගි॑න්ද්රියා॒ව්යේ॑ව භ॑වති॒ පඤ්ච॑දශාරත්නි॒-ම්භ්රාතෘ॑ව්යවතඃ පඤ්චද॒ශෝ වජ්රෝ॒ භ්රාතෘ॑ව්යාභිභූත්යෛ ස॒ප්තද॑ශාරත්නි-ම්ප්ර॒ජාකා॑මස්ය සප්තද॒ශඃ ප්ර॒ජාප॑තිඃ ප්ර॒ජාප॑තේ॒රාප්ත්යා॒ ඒක॑විග්​ම්ශත්යරත්නි-ම්ප්රති॒ෂ්ඨාකා॑ම-ස්යෛකවි॒ග්​ම්॒ශ-ස්ස්තෝමා॑නා-ම්ප්රති॒ෂ්ඨා ප්රති॑ෂ්ඨිත්යා අ॒ෂ්ටාශ්රි॑ර්භව-ත්ය॒ෂ්ටාක්ෂ॑රා ගාය॒ත්රී තේජෝ॑ ගාය॒ත්රී ගා॑ය॒ත්රී ය॑ජ්ඤමු॒ඛ-න්තේජ॑සෛ॒ව ගා॑යත්රි॒යා ය॑ජ්ඤමු॒ඛේන॒ සම්මි॑තඃ ॥ 18 ॥
(ජු॒ෂේ॒ - සතේ॑ජස॒ - මන॑ක්ෂසඞ්ගං - බහුශා॒ඛං-වෘඁ ॑ශ්චේදේ॒ෂ වෛ - ය॒ජ්ඤ උපෛ॑න॒මුත්ත॑රෝ ය॒ජ්ඤ - ආප්ත්යා॒ - ඒකා॒න්නවිග්​ම්॑ශ॒තිශ්ච॑) (අ. 3)

පෘ॒ථි॒ව්යෛ ත්වා॒-ऽන්තරි॑ක්ෂාය ත්වා දි॒වේ ත්වේත්යා॑හෛ॒භ්ය ඒ॒වෛනං॑-ලෝඁ॒කේභ්යඃ॒ ප්රෝක්ෂ॑ති॒ පරා᳚ඤ්ච॒-ම්ප්රෝක්ෂ॑ති॒ පරා॑ඞිව॒ හි සු॑ව॒ර්ගෝ ලෝ॒කඃ ක්රූ॒රමි॑ව॒ වා ඒ॒ත-ත්ක॑රෝති॒ ය-ත්ඛන॑ත්ය॒පෝ-ऽව॑ නයති॒ ශාන්ත්යෛ॒ යව॑මතී॒රව॑ නය॒ත්යූර්ග්වෛ යවෝ॒ යජ॑මානේන॒ යූප॒-ස්සම්මි॑තෝ॒ යාවා॑නේ॒ව යජ॑මාන॒-ස්තාව॑තී-මේ॒වාස්මි॒-න්නූර්ජ॑-න්දධාති [මේ॒වාස්මි॒-න්නූර්ජ॑-න්දධාති, පි॒තෘ॒ණාග්​ම් සද॑නම॒සීති॑] 19

පිතෘ॒ණාග්​ම් සද॑නම॒සීති॑ බ॒ර්॒හිරව॑ ස්තෘණාති පිතෘදේව॒ත්යා᳚(1॒)ග්ග්॒ හ්යේ॑ත-ද්යන්නිඛා॑තං॒-යඁ-ද්බ॒ර්॒හිරන॑වස්තීර්ය මිනු॒යා-ත්පි॑තෘදේව॒ත්යෝ॑ නිඛා॑ත-ස්ස්යා-ද්බ॒ර්॒හිර॑ව॒ස්තීර්ය॑ මිනෝත්ය॒ස්යාමේ॒වෛන॑-ම්මිනෝති යූපශක॒ලමවා᳚ස්යති॒ සතේ॑ජසමේ॒වෛන॑-ම්මිනෝති දේ॒වස්ත්වා॑ සවි॒තා මද්ධ්වා॑-ऽන॒ක්ත්විත්යා॑හ॒ තේජ॑සෛ॒වෛන॑මනක්ති සුපිප්ප॒ලාභ්ය॒-ස්ත්වෞෂ॑ධීභ්ය॒ ඉති॑ ච॒ෂාල॒-ම්ප්රති॑- [ච॒ෂාල॒-ම්ප්රති॑, මු॒ඤ්ච॒ති॒ තස්මා᳚ච්ඡීර්​ෂ॒ත] 20

-මුඤ්චති॒ තස්මා᳚ච්ඡීර්​ෂ॒ත ඕෂ॑ධයඃ॒ ඵල॑-ඞ්ගෘහ්ණන්ත්ය॒නක්ති॒ තේජෝ॒ වා ආජ්යං॒-යඁජ॑මානේනාග්නි॒ෂ්ඨා-ऽශ්රි॒-ස්සම්මි॑තා॒ යද॑ග්නි॒ෂ්ඨා-මශ්රි॑ම॒නක්ති॒ යජ॑මානමේ॒ව තේජ॑සා ऽනක්ත්යා॒න්ත-ම॑නක්ත්යා॒න්තමේ॒ව යජ॑මාන॒-න්තේජ॑සානක්ති ස॒ර්වතඃ॒ පරි॑ මෘශ॒ත්යප॑රිවර්ග-මේ॒වාස්මි॒-න්තේජෝ॑ දධා॒ත්යු-ද්දිවග්ග්॑ ස්තභා॒නා-ऽන්තරි॑ක්ෂ-ම්පෘ॒ණේත්යා॑හෛ॒ෂාං-ලෝඁ॒කානාං॒-විඁධෘ॑ත්යෛ වෛෂ්ණ॒ව්යර්චා [වෛෂ්ණ॒ව්යර්චා, ක॒ල්ප॒ය॒ති॒ වෛ॒ෂ්ණ॒වෝ වෛ] 21

ක॑ල්පයති වෛෂ්ණ॒වෝ වෛ දේ॒වත॑යා॒ යූප॒-ස්ස්වයෛ॒වෛන॑-න්දේ॒වත॑යා කල්පයති॒ ද්වාභ්යා᳚-ඞ්කල්පයති ද්වි॒පා-ද්යජ॑මානඃ॒ ප්රති॑ෂ්ඨිත්යෛ॒ ය-ඞ්කා॒මයේ॑ත॒ තේජ॑සෛන-න්දේ॒වතා॑භිරින්ද්රි॒යේණ॒ ව්ය॑ර්ධයේය॒-මිත්ය॑ග්නි॒ෂ්ඨා-න්තස්යාශ්රි॑-මාහව॒නීයා॑දි॒ත්ථං-වේඁ॒ත්ථං-වාඁ-ऽති॑ නාවයේ॒-ත්තේජ॑සෛ॒වෛන॑-න්දේ॒වතා॑භිරින්ද්රි॒යේණ॒ ව්ය॑ර්ධයති॒ ය-ඞ්කා॒මයේ॑ත॒ තේජ॑සෛන-න්දේ॒වතා॑භිරින්ද්රි॒යේණ॒ සම॑ර්ධයේය॒මි- [සම॑ර්ධයේය॒මිති॑, අ॒ග්නි॒ෂ්ඨා-] 22

-ත්ය॑ග්නි॒ෂ්ඨා-න්තස්යාශ්රි॑මාහව॒නීයේ॑න॒ ස-ම්මි॑නුයා॒-ත්තේජ॑සෛ॒වෛන॑-න්දේ॒වතා॑භිරින්ද්රි॒යේණ॒ සම॑ර්ධයති බ්රහ්ම॒වනි॑-න්ත්වා ක්ෂත්ර॒වනි॒මිත්යා॑හ යථාය॒ජුරේ॒වෛත-ත්පරි॑ ව්යය॒ත්යූර්ග්වෛ ර॑ශ॒නා යජ॑මානේන॒ යූප॒-ස්සම්මි॑තෝ॒ යජ॑මානමේ॒වෝර්ජා සම॑ර්ධයති නාභිද॒ඝ්නේ පරි॑ ව්යයති නාභිද॒ඝ්න ඒ॒වාස්මා॒ ඌර්ජ॑-න්දධාති॒ තස්මා᳚න්නාභිද॒ඝ්න ඌ॒ර්ජා භු॑ඤ්ජතේ॒ ය-ඞ්කා॒මයේ॑තෝ॒ර්ජෛනං॒- [ය-ඞ්කා॒මයේ॑තෝ॒ර්ජෛන᳚ම්, ව්ය॑ර්ධයේය॒-] 23

ඁව්ය॑ර්ධයේය॒-මිත්යූ॒ර්ධ්වාං-වාඁ॒ තස්යාවා॑චීං॒-වාඁ-ऽවෝ॑හේදූ॒ර්ජෛවෛනං॒-ව්යඁ ॑ර්ධයති॒ යදි॑ කා॒මයේ॑ත॒ වර්​ෂු॑කඃ ප॒ර්ජන්ය॑-ස්ස්යා॒දිත්ය-වා॑චී॒මවෝ॑හේ॒-ද්වෘෂ්ටි॑මේ॒ව නි ය॑ච්ඡති॒ යදි॑ කා॒මයේ॒තාව॑ර්​ෂුක-ස්ස්යා॒දිත්යූ॒ර්ධ්වාමුදූ॑හේ॒-ද්වෘෂ්ටි॑මේ॒වෝ-ද්ය॑ච්ඡති පිතෘ॒ණා-න්නිඛා॑ත-ම්මනු॒ෂ්යා॑ණාමූ॒ර්ධ්ව-න්නිඛා॑තා॒දා ර॑ශ॒නායා॒ ඕෂ॑ධීනාග්​ම් රශ॒නා විශ්වේ॑ෂා- [විශ්වේ॑ෂාම්, දේ॒වානා॑-] 24

-න්දේ॒වානා॑-මූ॒ර්ධ්වග්​ම් ර॑ශ॒නායා॒ ආ ච॒ෂාලා॒දින්ද්ර॑ස්ය ච॒ෂාලග්​ම්॑ සා॒ද්ධ්යානා॒මති॑රික්ත॒ග්​ම්॒ ස වා ඒ॒ෂ ස॑ර්වදේව॒ත්යෝ॑ යද්යූපෝ॒ යද්යූප॑-ම්මි॒නෝති॒ සර්වා॑ ඒ॒ව දේ॒වතාඃ᳚ ප්රීණාති ය॒ජ්ඤේන॒ වෛ දේ॒වා-ස්සු॑ව॒ර්ගං-ලෝඁ॒කමා॑ය॒-න්තේ॑-ऽමන්යන්ත මනු॒ෂ්යා॑ නෝ॒-ऽන්වාභ॑විෂ්ය॒න්තීති॒ තේ යූපේ॑න යෝපයි॒ත්වා සු॑ව॒ර්ගං ඁලෝ॒කමා॑ය॒-න්තමෘෂ॑යෝ॒ යූපේ॑නෛ॒වානු॒ ප්රාජා॑න॒-න්ත-ද්යූප॑ස්ය යූප॒ත්වං- [යූප॒ත්වම්, ය-ද්යූප॑-] 25

ඁය-ද්යූප॑-ම්මි॒නෝති॑ සුව॒ර්ගස්ය॑ ලෝ॒කස්ය॒ ප්රජ්ඤා᳚ත්යෛ පු॒රස්තා᳚-න්මිනෝති පු॒රස්තා॒ද්ධි ය॒ජ්ඤස්ය॑ ප්රජ්ඤා॒යතේ ප්ර॑ජ්ඤාත॒ග්​ම්॒ හි ත-ද්යදති॑පන්න ආ॒හුරි॒ද-ඞ්කා॒ර්ය॑මාසී॒දිති॑ සා॒ද්ධ්යා වෛ දේ॒වා ය॒ජ්ඤමත්ය॑මන්යන්ත॒ තාන්. ය॒ජ්ඤෝ නාස්පෘ॑ශ॒-ත්තාන්. ය-ද්ය॒ජ්ඤස්යාති॑රික්ත॒මාසී॒-ත්තද॑ස්පෘශ॒දති॑රික්තං॒-වාඁ ඒ॒ත-ද්ය॒ජ්ඤස්ය॒ යද॒ග්නාව॒ග්නි-ම්ම॑ථි॒ත්වා ප්ර॒හර॒ත්යති॑රික්තමේ॒ත- [ප්ර॒හර॒ත්යති॑රික්තමේ॒තත්, යූප॑ස්ය॒] 26

-ද්යූප॑ස්ය॒ යදූ॒ර්ධ්ව-ඤ්ච॒ෂාලා॒-ත්තේෂා॒-න්ත-ද්භා॑ග॒ධේය॒-න්තානේ॒ව තේන॑ ප්රීණාති දේ॒වා වෛ සග්ග්​ස්ථි॑තේ॒ සෝමේ॒ ප්ර ස්රුචෝ-ऽහ॑ර॒-න්ප්ර යූප॒-න්තේ॑-ऽමන්යන්ත යජ්ඤවේශ॒සං-වාඁ ඉ॒ද-ඞ්කු॑ර්ම॒ ඉති॒ තේ ප්ර॑ස්ත॒රග්ග්​ ස්රු॒චා-න්නි॒ෂ්ක්රය॑ණ-මපශ්ය॒න්-ථ්ස්වරුං॒-යූඁප॑ස්ය॒ සග්ග්​ස්ථි॑තේ॒ සෝමේ॒ ප්ර ප්ර॑ස්ත॒රග්​ම් හර॑ති ජු॒හෝති॒ ස්වරු॒මය॑ජ්ඤවේශසාය ॥ 27 ॥
(ද॒ධා॒ති॒ - ප්රත්යෘ॒ - චා - සම॑ර්ධයේය॒මිත්යූ॒ - ර්ජෛනං॒ - ඁවිශ්වේ॑ෂාං - ඁයූප॒ත්ව - මති॑රික්තමේ॒ත-ද්- ද්විච॑ත්වාරිග්​ම්ශච්ච) (අ. 4)

සා॒ද්ධ්යා වෛ දේ॒වා අ॒ස්මිඁල්ලෝ॒ක ආ॑ස॒-න්නාන්ය-ත්කි॑-ඤ්ච॒න මි॒ෂ-ත්තේ᳚-ऽග්නිමේ॒වාග්නයේ॒ මේධා॒යා ऽල॑භන්ත॒ න හ්ය॑න්යදා॑ල॒භ්යං॑-මවි॑න්ද॒-න්තතෝ॒ වා ඉ॒මාඃ ප්ර॒ජාඃ ප්රාජා॑යන්ත॒ යද॒ග්නාව॒ග්නි-ම්ම॑ථි॒ත්වා ප්ර॒හර॑ති ප්ර॒ජානා᳚-ම්ප්ර॒ජන॑නාය රු॒ද්රෝ වා ඒ॒ෂ යද॒ග්නිර්යජ॑මානඃ ප॒ශුර්ය-ත්ප॒ශුමා॒ලභ්යා॒ග්නි-ම්මන්ථේ᳚-ද්රු॒ද්රාය॒ යජ॑මාන॒- [යජ॑මානම්, අපි॑ දද්ධ්යා-] 28

-මපි॑ දද්ධ්යා-ත්ප්ර॒මායු॑ක-ස්ස්යා॒දථෝ॒ ඛල්වා॑හුර॒ග්නි-ස්සර්වා॑ දේ॒වතා॑ හ॒විරේ॒තද්ය-ත්ප॒ශුරිති॒ ය-ත්ප॒ශුමා॒ලභ්යා॒ග්නි-ම්මන්ථ॑ති හ॒ව්යායෛ॒වා-ऽऽස॑න්නාය॒ සර්වා॑ දේ॒වතා॑ ජනය-ත්යුපා॒කෘත්යෛ॒ව මන්ථ්ය॒-ස්තන්නේවා-ऽऽල॑බ්ධ॒-න්නේවානා॑ලබ්ධ-ම॒ග්නේ-ර්ජ॒නිත්ර॑-ම॒සීත්යා॑හා॒ග්නේර්​හ්යේ॑ත-ජ්ජ॒නිත්රං॒-වෘඁෂ॑ණෞ ස්ථ॒ ඉත්යා॑හ॒ වෘෂ॑ණෞ॒ [වෘෂ॑ණෞ, හ්යේ॑තා-] 29

හ්යේ॑තා-වු॒ර්වශ්ය॑ස්යා॒යු-ර॒සීත්යා॑හ මිථුන॒ත්වාය॑ ඝෘ॒තේනා॒ක්තේ වෘෂ॑ණ-න්දධාථා॒මිත්යා॑හ॒ වෘෂ॑ණ॒ග්ග්॒ හ්යේ॑තේ දධා॑තේ॒ යේ අ॒ග්නි-ඞ්ගා॑ය॒ත්ර-ඤ්ඡන්දෝ-ऽනු॒ ප්ර ජා॑ය॒ස්වේත්යා॑හ॒ ඡන්දෝ॑භිරේ॒වෛන॒-ම්ප්ර ජ॑නයත්ය॒ග්නයේ॑ ම॒ථ්යමා॑නා॒යානු॑ බ්රූ॒හීත්යා॑හ සාවි॒ත්රීමෘච॒මන්වා॑හ සවි॒තෘප්ර॑සූත ඒ॒වෛන॑-ම්මන්ථති ජා॒තායානු॑ බ්රූහි [බ්රූහි, ප්ර॒හ්රි॒යමා॑ණා॒යා-ऽනු॑] 30

ප්රහ්රි॒යමා॑ණා॒යා-ऽනු॑ බ්රූ॒හීත්යා॑හ॒ කාණ්ඩේ॑කාණ්ඩ ඒ॒වෛන॑-ඞ්ක්රි॒යමා॑ණේ॒ සම॑ර්ධයති ගාය॒ත්රී-ස්සර්වා॒ අන්වා॑හ ගාය॒ත්රඡ॑න්දා॒ වා අ॒ග්නි-ස්ස්වේනෛ॒වෛන॒-ඤ්ඡන්ද॑සා॒ සම॑ර්ධයත්ය॒ග්නිඃ පු॒රා භව॑ත්ය॒ග්නි-ම්ම॑ථි॒ත්වා ප්ර හ॑රති॒ තෞ ස॒භං​වඁ ॑න්තෞ॒ යජ॑මානම॒භි ස-ම්භ॑වතෝ॒ භව॑ත-න්න॒-ස්සම॑නසා॒විත්යා॑හ॒ ශාන්ත්යෛ᳚ ප්ර॒හෘත්ය॑ ජුහෝති ජා॒තායෛ॒වාස්මා॒ අන්න॒මපි॑ දධා॒ත්යාජ්යේ॑න ජුහෝත්යේ॒තද්වා අ॒ග්නේඃ ප්රි॒ය-න්ධාම॒ යදාජ්ය॑-ම්ප්රි॒යේණෛ॒වෛන॒-න්ධාම්නා॒ සම॑ර්ධය॒ත්යථෝ॒ තේජ॑සා ॥ 31 ॥
(යජ॑මාන-මාහ॒ වෘෂ॑ණෞ-ජා॒තායානු॑ බ්රූ॒හ්යා-ප්ය॒ -ෂ්ටාද॑ශ ච) (අ. 5)

ඉ॒ෂේ ත්වේති॑ බ॒ර්॒හිරා ද॑ත්ත ඉ॒ච්ඡත॑ ඉව॒ හ්යේ॑ෂ යෝ යජ॑ත උප॒වීර॒සීත්යා॒හෝප॒ හ්යේ॑නානාක॒රෝත්යුපෝ॑ දේ॒වා-න්දෛවී॒ර්විශඃ॒ ප්රාගු॒රිත්යා॑හ॒ දෛවී॒ර්​හ්යේ॑තා විශ॑-ස්ස॒තීර්දේ॒වානු॑ප॒යන්ති॒ වහ්නී॑රු॒ශිජ॒ ඉත්යා॑හ॒ර්ත්විජෝ॒ වෛ වහ්න॑ය උ॒ශිජ॒-ස්තස්මා॑දේ॒වමා॑හ॒ බෘහ॑ස්පතේ ධා॒රයා॒ වසූ॒නී- [වසූ॒නීති॑, ආ॒හ॒ බ්රහ්ම॒ වෛ] 32

-ත්යා॑හ॒ බ්රහ්ම॒ වෛ දේ॒වානා॒-ම්බෘහ॒ස්පති॒ ර්බ්රහ්ම॑ණෛ॒වාස්මෛ॑ ප॒ශූනව॑ රුන්ධේ හ॒ව්යා තේ᳚ ස්වදන්තා॒මිත්යා॑හ ස්ව॒දය॑ත්යේ॒වෛනා॒-න්දේව॑ ත්වෂ්ට॒ර්වසු॑ ර॒ණ්වේත්යා॑හ॒ ත්වෂ්ටා॒ වෛ ප॑ශූ॒නා-ම්මි॑ථු॒නානාග්​ම්॑ රූප॒කෘ-ද්රූ॒පමේ॒ව ප॒ශුෂු॑ දධාති॒ රේව॑තී॒ රම॑ද්ධ්ව॒මිත්යා॑හ ප॒ශවෝ॒ වෛ රේ॒වතීඃ᳚ ප॒ශූනේ॒වාස්මෛ॑ රමයති දේ॒වස්ය॑ ත්වා සවි॒තුඃ ප්ර॑ස॒ව ඉති॑ [ඉති॑, ර॒ශ॒නාමා ද॑ත්තේ॒] 33

රශ॒නාමා ද॑ත්තේ॒ ප්රසූ᳚ත්යා අ॒ශ්විනෝ᳚ර්බා॒හුභ්යා॒-මිත්යා॑හා॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚-ම්පූ॒ෂ්ණෝ හස්තා᳚භ්යා॒මිත්යා॑හ॒ යත්යා॑ ඍ॒තස්ය॑ ත්වා දේවහවිඃ॒ පාශේ॒නා-ऽऽ ර॑භ॒ ඉත්යා॑හ ස॒ත්යං-වාඁ ඍ॒තග්​ම් ස॒ත්යේනෛ॒වෛන॑මෘ॒තේනා ऽऽර॑භතේ ऽක්ෂ්ණ॒යා පරි॑ හරති॒ වද්ධ්ය॒ග්​ම්॒ හි ප්ර॒ත්යඤ්ච॑-ම්ප්රති මු॒ඤ්චන්ති॒ ව්යාවෘ॑ත්ත්යෛ॒ ධර්​ෂා॒ මානු॑ෂා॒නිති॒ නි යු॑නක්ති॒ ධෘත්යා॑ අ॒ද්භ්ය- [අ॒ද්භ්යඃ, ත්වෞෂ॑ධීභ්යඃ॒] 34

-ස්ත්වෞෂ॑ධීභ්යඃ॒ ප්රෝක්ෂා॒මීත්යා॑හා॒ද්භ්යෝ හ්යේ॑ෂ ඕෂ॑ධීභ්ය-ස්ස॒භං​වඁ ॑ති॒ ය-ත්ප॒ශුර॒පා-ම්පේ॒රුර॒සීත්යා॑හෛ॒ෂ හ්ය॑පා-ම්පා॒තා යෝ මේධා॑යා-ऽऽ ර॒භ්යතේ᳚ ස්වා॒ත්ත-ඤ්චි॒-ථ්සදේ॑වග්​ම් හ॒ව්යමාපෝ॑ දේවී॒-ස්ස්වද॑තෛන॒මිත්යා॑හ ස්ව॒දය॑ත්යේ॒වෛන॑-මු॒පරි॑ෂ්ටා॒-ත්ප්රෝක්ෂ॑ත්යු॒පරි॑ෂ්ටාදේ॒වෛන॒-ම්මේද්ධ්ය॑-ඞ්කරෝති පා॒යය॑ත්යන්තර॒ත ඒ॒වෛන॒-ම්මේද්ධ්ය॑-ඞ්කරෝත්ය॒ධස්තා॒දුපෝ᳚ක්ෂති ස॒ර්වත॑ ඒ॒වෛන॒-ම්මේද්ධ්ය॑-ඞ්කරෝති ॥ 35 ॥
(වසූ॒නීති॑-ප්රස॒ව ඉත්ය॒-ද්භ්යෝ᳚-ऽන්තර॒ත ඒ॒වෛනං॒ - දශ॑ ච) (අ. 6)

අ॒ග්නිනා॒ වෛ හෝත්රා॑ දේ॒වා අසු॑රා-න॒භ්ය॑භව-න්න॒ග්නයේ॑ සමි॒ද්ධ්යමා॑නා॒යානු॑ බ්රූ॒හීත්යා॑හ॒ භ්රාතෘ॑ව්යාභිභූත්යෛ ස॒ප්තද॑ශ සාමිධේ॒නීරන්වා॑හ සප්තද॒ශඃ ප්ර॒ජාප॑තිඃ ප්ර॒ජාප॑තේ॒රාප්ත්යෛ॑ ස॒ප්තද॒ශාන්වා॑හ॒ ද්වාද॑ශ॒ මාසාඃ॒ පඤ්ච॒ර්තව॒-ස්ස සං॑​වඁථ්ස॒ර-ස්සං॑​වඁථ්ස॒ර-ම්ප්ර॒ජා අනු॒ ප්රජා॑යන්තේ ප්ර॒ජානා᳚-ම්ප්ර॒ජන॑නාය දේ॒වා වෛ සා॑මිධේ॒නීර॒නූච්ය॑ ය॒ජ්ඤ-න්නාන්ව॑පශ්ය॒න්-ථ්ස ප්ර॒ජාප॑ති-ස්තූ॒ෂ්ණී-මා॑ඝා॒ර- [-මා॑ඝා॒රම්, ආ ऽඝා॑රය॒-ත්තතෝ॒ වෛ] 36

-මා ऽඝා॑රය॒-ත්තතෝ॒ වෛ දේ॒වා ය॒ජ්ඤමන්ව॑පශ්ය॒න්॒. ය-ත්තූ॒ෂ්ණී-මා॑ඝා॒ර-මා॑ඝා॒රය॑ති ය॒ජ්ඤස්යානු॑ඛ්යාත්යා॒ අසු॑රේෂු॒ වෛ ය॒ජ්ඤ ආ॑සී॒-ත්ත-න්දේ॒වාස්තූ᳚ෂ්ණීග්​ම් හෝ॒මේනා॑වෘඤ්ජත॒ ය-ත්තූ॒ෂ්ණී-මා॑ඝා॒ර-මා॑ඝා॒රය॑ති॒ භ්රාතෘ॑ව්යස්යෛ॒ ව ත-ද්ය॒ජ්ඤං-වෘඁ ॑ඞ්ක්තේ පරි॒ධී॑න්-ථ්ස-ම්මා᳚ර්​ෂ්ටි පු॒නාත්යේ॒වෛනා॒-න්ත්රිස්ත්රි॒-ස්ස-ම්මා᳚ර්​ෂ්ටි॒ ත්ර්යා॑වෘ॒ද්ධි ය॒ජ්ඤෝ-ऽථෝ॒ රක්ෂ॑සා॒මප॑හත්යෛ॒ ද්වාද॑ශ॒ ස-ම්ප॑ද්යන්තේ॒ ද්වාද॑ශ॒ [ද්වාද॑ශ, මාසා᳚-ස්සං​වඁථ්ස॒ර-] 37

මාසා᳚-ස්සං​වඁථ්ස॒ර-ස්සං॑​වඁථ්ස॒රමේ॒ව ප්රී॑ණා॒ත්යථෝ॑ සං​වඁථ්ස॒රමේ॒වාස්මා॒ උප॑ දධාති සුව॒ර්ගස්ය॑ ලෝ॒කස්ය॒ සම॑ෂ්ට්යෛ॒ ශිරෝ॒ වා ඒ॒ත-ද්ය॒ජ්ඤස්ය॒ යදා॑ඝා॒රෝ᳚-ऽග්නි-ස්සර්වා॑ දේ॒වතා॒ යදා॑ඝා॒ර-මා॑ඝා॒රය॑ති ශීර්​ෂ॒ත ඒ॒ව ය॒ජ්ඤස්ය॒ යජ॑මාන॒-ස්සර්වා॑ දේ॒වතා॒ අව॑ රුන්ධේ॒ ශිරෝ॒ වා ඒ॒ත-ද්ය॒ජ්ඤස්ය॒ යදා॑ඝා॒ර ආ॒ත්මා ප॒ශුරා॑ඝා॒රමා॒ඝාර්ය॑ ප॒ශුග්​ම් සම॑නක්ත්යා॒ත්මන්නේ॒ව ය॒ජ්ඤස්ය॒ [ය॒ජ්ඤස්ය॑, ශිරඃ॒ ප්රති॑ දධාති॒] 38

ශිරඃ॒ ප්රති॑ දධාති॒ ස-න්තේ᳚ ප්රා॒ණෝ වා॒යුනා॑ ගච්ඡතා॒මිත්යා॑හ වායුදේව॒ත්යෝ॑ වෛ ප්රා॒ණෝ වා॒යාවේ॒වාස්ය॑ ප්රා॒ණ-ඤ්ජු॑හෝති॒ සං-යඁජ॑ත්රෛ॒රඞ්ගා॑නි॒ සං-යඁ॒ජ්ඤප॑තිරා॒ශිෂේත්යා॑හ ය॒ජ්ඤප॑තිමේ॒වාස්යා॒-ऽऽශිෂ॑-ඞ්ගමයති වි॒ශ්වරූ॑පෝ॒ වෛ ත්වා॒ෂ්ට්ර උ॒පරි॑ෂ්ටා-ත්ප॒ශුම॒භ්ය॑වමී॒-ත්තස්මා॑-දු॒පරි॑ෂ්ටා-ත්ප॒ශෝර්නාව॑ ද්යන්ති॒ යදු॒පරි॑ෂ්ටා-ත්ප॒ශුග්​ම් ස॑ම॒නක්ති॒ මේද්ධ්ය॑මේ॒වෛ- [මේද්ධ්ය॑මේ॒ව, ඒ॒න॒-ඞ්ක॒රෝ॒ත්යෘ॒ත්විජෝ॑] 39

-න॑-ඞ්කරෝත්යෘ॒ත්විජෝ॑ වෘණීතේ॒ ඡන්දාග්॑ස්යේ॒ව වෘ॑ණීතේ ස॒ප්ත වෘ॑ණීතේ ස॒ප්ත ග්රා॒ම්යාඃ ප॒ශව॑-ස්ස॒ප්තා-ऽऽර॒ණ්යා-ස්ස॒ප්ත ඡන්දාග්॑ස්යු॒භය॒ස්යා ව॑රුද්ධ්යා॒ ඒකා॑දශ ප්රයා॒ජාන්. ය॑ජති॒ දශ॒ වෛ ප॒ශෝඃ ප්රා॒ණා ආ॒ත්මෛකා॑ද॒ශෝ යාවා॑නේ॒ව ප॒ශුස්ත-ම්ප්ර ය॑ජති ව॒පාමේකඃ॒ පරි॑ ශය ආ॒ත්මෛවා-ऽऽත්මාන॒-ම්පරි॑ ශයේ॒ වජ්රෝ॒ වෛ ස්වධි॑ති॒ර්වජ්රෝ॑ යූපශක॒ලෝ ඝෘ॒ත-ඞ්ඛලු॒ වෛ දේ॒වා වජ්ර॑-ඞ්කෘ॒ත්වා සෝම॑මඝ්න-න්ඝෘ॒තේනා॒ක්තෞ ප॒ශු-න්ත්රා॑යේථා॒මිත්යා॑හ॒ වජ්රේ॑ණෛ॒වෛනං॒-වඁශේ॑ කෘ॒ත්වා-ऽऽල॑භතේ ॥ 40 ॥
(ආ॒ඝා॒රං - ප॑ද්යන්තේ॒ ද්වාද॑ශා॒ - ऽऽත්මන්නේ॒ව ය॒ජ්ඤස්ය॒ - මේධ්ය॑මේ॒ව - ඛලු॒ වා - අ॒ෂ්ටාද॑ශ ච) (අ. 7)

පර්ය॑ග්නි කරෝති සර්ව॒හුත॑මේ॒වෛන॑-ඞ්කරෝ॒ත්ය-ස්ක॑න්දා॒යා-ස්ක॑න්න॒ග්​ම්॒ හි ත-ද්ය-ද්ධු॒තස්ය॒ ස්කන්ද॑ති॒ ත්රිඃ පර්ය॑ග්නි කරෝති॒ ත්ර්යා॑වෘ॒ද්ධි ය॒ජ්ඤෝ-ऽථෝ॒ රක්ෂ॑සා॒මප॑හත්යෛ බ්රහ්මවා॒දිනෝ॑ වදන්ත්යන්වා॒රභ්යඃ॑ ප॒ශූ(3)-ර්නාන්වා॒රභ්යා(3) ඉති॑ මෘ॒ත්යවේ॒ වා ඒ॒ෂ නී॑යතේ॒ ය-ත්ප॒ශුස්තං-යඁද॑න්වා॒රභේ॑ත ප්ර॒මායු॑කෝ॒ යජ॑මාන-ස්ස්යා॒දථෝ॒ ඛල්වා॑හු-ස්සුව॒ර්ගාය॒ වා ඒ॒ෂ ලෝ॒කාය॑ නීයතේ॒ ය- [යත්, ප॒ශුරිති॒] 41

-ත්ප॒ශුරිති॒ යන්නාන්වා॒රභේ॑ත සුව॒ර්ගාල්ලෝ॒කා-ද්යජ॑මානෝ හීයේත වපා॒ශ්රප॑ණීභ්යා-ම॒න්වාර॑භතේ॒ තන්නේවා॒න්වාර॑බ්ධ॒-න්නේවාන॑න්වාරබ්ධ॒මුප॒ ප්රේෂ්ය॑ හෝතර්​හ॒ව්යා දේ॒වේභ්ය॒ ඉත්යා॑හේෂි॒තග්​ම් හි කර්ම॑ ක්රි॒යතේ॒ රේව॑තීර්ය॒ජ්ඤප॑ති-ම්ප්රිය॒ධා ऽऽවි॑ශ॒තේත්යා॑හ යථාය॒ජුරේ॒වෛතද॒ග්නිනා॑ පු॒රස්තා॑දේති॒ රක්ෂ॑සා॒මප॑හත්යෛ පෘථි॒ව්යා-ස්ස॒පෘඤ්චඃ॑ පා॒හීති॑ බ॒ර්॒හි- [බ॒ර්॒හිඃ, උපා᳚-ऽස්ය॒ත්ය-ස්ක॑න්දා॒යා-] 42

-රුපා᳚-ऽස්ය॒ත්ය-ස්ක॑න්දා॒යා-ස්ක॑න්න॒ග්​ම්॒ හි ත-ද්ය-ද්බ॒ර්॒හිෂි॒ ස්කන්ද॒ත්යථෝ॑ බර්​හි॒ෂද॑මේ॒වෛන॑-ඞ්කරෝති॒ පරාං॒ආ ව॑ර්තතේ-ऽද්ධ්ව॒ර්යුඃ ප॒ශෝ-ස්ස᳚ජ්ඤ॒ම්ප්යමා॑නා-ත්ප॒ශුභ්ය॑ ඒ॒ව තන්නි හ්නු॑ත ආ॒ත්මනෝ-ऽනා᳚ව්රස්කාය॒ ගච්ඡ॑ති॒ ශ්රිය॒-ම්ප්ර ප॒ශූනා᳚ප්නෝති॒ ය ඒ॒වං-වේඁද॑ ප॒ශ්චාල්ලෝ॑කා॒ වා ඒ॒ෂා ප්රාච්යු॒දානී॑යතේ॒ ය-ත්පත්නී॒ නම॑ස්ත ආතා॒නේත්යා॑හා-ऽऽදි॒ත්යස්ය॒ වෛ ර॒ශ්මය॑ [ර॒ශ්මයඃ॑, ආ॒තා॒නාස්තේභ්ය॑] 43

ආතා॒නාස්තේභ්ය॑ ඒ॒ව නම॑ස්කරෝත්යන॒ර්වා ප්රේහීත්යා॑හ॒ භ්රාතෘ॑ව්යෝ॒ වා අර්වා॒ භ්රාතෘ॑ව්යාපනුත්ත්යෛ ඝෘ॒තස්ය॑ කු॒ල්යාමනු॑ ස॒හ ප්ර॒ජයා॑ ස॒හ රා॒යස්පෝෂේ॒ණේ-ත්යා॑හා॒ ऽऽශිෂ॑මේ॒වෛතාමා ශා᳚ස්ත॒ ආපෝ॑ දේවී-ශ්ශුද්ධායුව॒ ඉත්යා॑හ යථාය॒ජුරේ॒වෛතත් ॥ 44 ॥
(ලෝ॒කාය॑ නීයතේ॒ ය-ද්- බ॒ර॒ඃඊ - ර॒ශ්මයඃ॑ - ස॒ප්තත්රිග්​ම්॑ශච්ච) (අ. 8)

ප॒ශෝර්වා ආල॑බ්ධස්ය ප්රා॒ණාඤ්ඡුගෘ॑ච්ඡති॒ වාක්ත॒ ආ ප්යා॑යතා-ම්ප්රා॒ණස්ත॒ ආ ප්යා॑යතා॒මිත්යා॑හ ප්රා॒ණේභ්ය॑ ඒ॒වාස්ය॒ ශුචග්​ම්॑ ශමයති॒ සා ප්රා॒ණේභ්යෝ-ऽධි॑ පෘථි॒වීග්​ම් ශු-ක්ප්ර වි॑ශති॒ ශමහෝ᳚භ්යා॒මිති॒ නි න॑යත්යහෝරා॒ත්රාභ්යා॑මේ॒ව පෘ॑ථි॒ව්යෛ ශුචග්​ම්॑ ශමය॒ත්යෝෂ॑ධේ॒ ත්රා॑යස්වෛන॒ග්ග්॒ ස්වධි॑තේ॒ මෛනග්​ම්॑ හිග්​ම්සී॒රිත්යා॑හ॒ වජ්රෝ॒ වෛ ස්වධි॑ති॒- [ස්වධි॑තිඃ, ශාන්ත්යෛ॑ පාර්​ශ්ව॒ත] 45

-ශ්ශාන්ත්යෛ॑ පාර්​ශ්ව॒ත ආ ච්ඡ්ය॑ති මද්ධ්ය॒තෝ හි ම॑නු॒ෂ්යා॑ ආ॒ ච්ඡ්යන්ති॑ තිර॒ශ්චීන॒මා ච්ඡ්ය॑ත්යනූ॒චීන॒ග්​ම්॒ හි ම॑නු॒ෂ්යා॑ ආ॒ච්ඡ්යන්ති॒ ව්යාවෘ॑ත්ත්යෛ॒ රක්ෂ॑සා-ම්භා॒ගෝ॑-ऽසීති॑ ස්ථවිම॒තෝ බ॒ර්॒හිර॒ක්ත්වා-ऽපා᳚ස්යත්ය॒ස්නෛව රක්ෂාග්​ම්॑සි නි॒රව॑දයත ඉ॒දම॒හග්​ම් රක්ෂෝ॑-ऽධ॒ම-න්තමෝ॑ නයාමි॒ යෝ᳚-ऽස්මා-න්ද්වේෂ්ටි॒ ය-ඤ්ච॑ ව॒ය-න්ද්වි॒ෂ්ම ඉත්යා॑හ॒ ද්වෞ වාව පුරු॑ෂෞ॒ ය-ඤ්චෛ॒ව [ ] 46

ද්වේෂ්ටි॒ යශ්චෛ॑න॒-න්ද්වේෂ්ටි॒ තාවු॒භාව॑ධ॒ම-න්තමෝ॑ නයතී॒ෂේ ත්වේති॑ ව॒පාමුත්ඛි॑දතී॒ච්ඡත॑ ඉව॒ හ්යේ॑ෂ යෝ යජ॑තේ॒ යදු॑පතෘ॒න්ද්යා-ද්රු॒ද්රෝ᳚-ऽස්ය ප॒ශූ-න්ඝාතු॑ක-ස්ස්යා॒-ද්යන්නෝප॑තෘ॒න්ද්යා-දය॑තා ස්යා-ද॒න්යයෝ॑පතෘ॒ණත්ත්ය॒න්යයා॒ න ධෘත්යෛ॑ ඝෘ॒තේන॑ ද්යාවාපෘථිවී॒ ප්රෝර්ණ්වා॑ථා॒මිත්යා॑හ॒ ද්යාවා॑පෘථි॒වී ඒ॒ව රසේ॑නාන॒ක්ත්යච්ඡි॑න්නෝ॒ [රසේ॑නාන॒ක්ත්යච්ඡි॑න්නඃ, රාය॑-ස්සු॒වීර॒] 47

රාය॑-ස්සු॒වීර॒ ඉත්යා॑හ යථාය॒ජුරේ॒වෛත-ත්ක්රූ॒රමි॑ව॒ වා ඒ॒ත-ත්ක॑රෝති॒ ය-ද්ව॒පා-මු॑ත්ඛි॒ද-ත්යු॒ර්ව॑න්තරි॑ක්ෂ॒-මන්වි॒හීත්යා॑හ॒ ශාන්ත්යෛ॒ ප්ර වා ඒ॒ෂෝ᳚-ऽස්මාල්ලෝ॒කාච්ච්ය॑වතේ॒ යඃ ප॒ශු-ම්මෘ॒ත්යවේ॑ නී॒යමා॑නමන්වා॒රභ॑තේ වපා॒ශ්රප॑ණී॒ පුන॑ර॒න්වාර॑භතේ॒-ऽස්මින්නේ॒ව ලෝ॒කේ ප්රති॑ තිෂ්ඨත්ය॒ග්නිනා॑ පු॒රස්තා॑දේති॒ රක්ෂ॑සා॒මප॑හත්යා॒ අථෝ॑ දේ॒වතා॑ ඒ॒ව හ॒ව්යේනා- [ඒ॒ව හ॒ව්යේන॑, අන්වේ॑ති॒] 48

-න්වේ॑ති॒ නාන්ත॒මමඞ්ගා॑ර॒මති॑ හරේ॒-ද්යද॑න්ත॒මමඞ්ගා॑රමති॒ හරේ᳚-ද්දේ॒වතා॒ අති॑ මන්යේත॒ වායෝ॒ වීහි॑ ස්තෝ॒කානා॒මිත්යා॑හ॒ තස්මා॒-ද්විභ॑ක්තා-ස්ස්තෝ॒කා අව॑ පද්ය॒න්තේ-ऽග්රං॒-වාඁ ඒ॒ත-ත්ප॑ශූ॒නාං-යඁ-ද්ව॒පා-ऽග්ර॒මෝෂ॑ධීනා-ම්බ॒ර්॒හිරග්රේ॑ණෛ॒වාග්ර॒ග්​ම්॒ සම॑ර්ධය॒ත්යථෝ॒ ඕෂ॑ධීෂ්වේ॒ව ප॒ශූ-න්ප්රති॑ෂ්ඨාපයති॒ ස්වාහා॑කෘතීභ්යඃ॒ ප්රේෂ්යේත්යා॑හ [ ] 49

ය॒ජ්ඤස්ය॒ සමි॑ෂ්ට්යෛ ප්රාණාපා॒නෞ වා ඒ॒තෞ ප॑ශූ॒නාං-යඁ-ත්පෘ॑ෂදා॒ජ්යමා॒ත්මා ව॒පා පෘ॑ෂදා॒ජ්යම॑භි॒ඝාර්ය॑ ව॒පාම॒භි ඝා॑රයත්යා॒ත්මන්නේ॒ව ප॑ශූ॒නා-ම්ප්රා॑ණාපා॒නෞ ද॑ධාති॒ ස්වාහෝ॒ර්ධ්වන॑භස-ම්මාරු॒ත-ඞ්ග॑ච්ඡත॒මිත්යා॑හෝ॒ර්ධ්වන॑භා හ ස්ම॒ වෛ මා॑රු॒තෝ දේ॒වානාං᳚-වඁපා॒ශ්රප॑ණී॒ ප්ර හ॑රති॒ තේනෛ॒වෛනේ॒ ප්ර හ॑රති॒ විෂූ॑චී॒ ප්ර හ॑රති॒ තස්මා॒-ද්විෂ්ව॑ඤ්චෞ ප්රාණාපා॒නෞ ॥ 50 ॥
(ස්වධි॑ති - ශ්චෛ॒වා - ච්ඡි॑න්නෝ - හ॒ව්යේනේ॒ - ෂ්යේත්යා॑හ॒ - ෂට්ච॑ත්වාරිග්​ම්ශච්ච) (අ. 9)

ප॒ශුමා॒ලභ්ය॑ පුරෝ॒ඩාශ॒-න්නිර්ව॑පති॒ සමේ॑ධමේ॒වෛන॒මා ල॑භතේ ව॒පයා᳚ ප්ර॒චර්ය॑ පුරෝ॒ඩාශේ॑න॒ ප්ර ච॑ර॒ත්යූර්ග්වෛ පු॑රෝ॒ඩාශ॒ ඌර්ජ॑මේ॒ව ප॑ශූ॒නා-ම්ම॑ද්ධ්ය॒තෝ ද॑ධා॒ත්යථෝ॑ ප॒ශෝරේ॒ව ඡි॒ද්රමපි॑ දධාති පෘෂදා॒ජ්යස්යෝ॑ප॒හත්ය॒ ත්රිඃ පෘ॑ච්ඡති ශෘ॒තග්​ම් හ॒වී(3)-ශ්ශ॑මිත॒රිති॒ ත්රිෂ॑ත්යා॒ හි දේ॒වා යෝ-ऽශෘ॑තග්​ම් ශෘ॒තමාහ॒ ස ඒන॑සා ප්රාණාපා॒නෞ වා ඒ॒තෞ ප॑ශූ॒නාං- [ඒ॒තෞ ප॑ශූ॒නාම්, ය-ත්පෘ॑ෂදා॒ජ්ය-ම්ප॒ශෝඃ] 51

-ඁය-ත්පෘ॑ෂදා॒ජ්ය-ම්ප॒ශෝඃ ඛලු॒ වා ආල॑බ්ධස්ය॒ හෘද॑යමා॒ත්මා-ऽභි සමේ॑ති॒ ය-ත්පෘ॑ෂදා॒ජ්යේන॒ හෘද॑ය-මභිඝා॒රය॑ත්යා॒ත්මන්නේ॒ව ප॑ශූ॒නා-ම්ප්රා॑ණාපා॒නෞ ද॑ධාති ප॒ශුනා॒ වෛ දේ॒වා-ස්සු॑ව॒ර්ගං-ලෝඁ॒කමා॑ය॒-න්තේ॑-ऽමන්යන්ත මනු॒ෂ්යා॑ නෝ॒-ऽන්වාභ॑විෂ්ය॒න්තීති॒ තස්ය॒ ශිර॑-ශ්ඡි॒ත්ත්වා මේධ॒-ම්ප්රාක්ෂා॑රය॒න්​ථ්ස ප්ර॒ක්ෂෝ॑-ऽභව॒-ත්ත-ත්ප්ර॒ක්ෂස්ය॑ ප්රක්ෂ॒ත්වං-යඁ-ත්ප්ල॑ක්ෂශා॒ඛෝ-ත්ත॑රබ॒ර්॒හි-ර්භව॑ති॒ සමේ॑ධස්යෛ॒ව [ ] 52

ප॒ශෝරව॑ ද්යති ප॒ශුං-වෛඁ හ්රි॒යමා॑ණ॒ග්​ම්॒ රක්ෂා॒ග්॒ස්යනු॑ සචන්තේ-ऽන්ත॒රා යූප॑-ඤ්චා-ऽऽහව॒නීය॑-ඤ්ච හරති॒ රක්ෂ॑සා॒මප॑හත්යෛ ප॒ශෝර්වා ආල॑බ්ධස්ය॒ මනෝ-ऽප॑ ක්රාමති ම॒නෝතා॑යෛ හ॒විෂෝ॑-ऽවදී॒යමා॑න॒ස්යානු॑ බ්රූ॒හීත්යා॑හ॒ මන॑ ඒ॒වාස්යාව॑ රුන්ධ॒ ඒකා॑දශාව॒දානා॒න්යව॑ ද්යති॒ දශ॒ වෛ ප॒ශෝඃ ප්රා॒ණා ආ॒ත්මෛකා॑ද॒ශෝ යාවා॑නේ॒ව ප॒ශුස්තස්යා-ऽව॑- [ප॒ශුස්තස්යා-ऽව॑, ද්ය॒ති॒ හෘද॑ය॒ස්යා-] 53

-ද්යති॒ හෘද॑ය॒ස්යා-ග්රේ-ऽව॑ ද්ය॒ත්යථ॑ ජි॒හ්වායා॒ අථ॒ වක්ෂ॑සෝ॒ යද්වෛ හෘද॑යේනාභි॒ගච්ඡ॑ති॒ තජ්ජි॒හ්වයා॑ වදති॒ යජ්ජි॒හ්වයා॒ වද॑ති॒ තදුර॒සෝ-ऽධි॒ නිර්ව॑දත්යේ॒තද්වෛ ප॒ශෝර්ය॑ථාපූ॒ර්වං-යඁස්යෛ॒වම॑ව॒දාය॑ යථා॒කාම॒-මුත්ත॑රේෂාමව॒ද්යති॑ යථා පූ॒ර්වමේ॒වාස්ය॑ ප॒ශෝරව॑ත්ත-ම්භවති මද්ධ්ය॒තෝ ගු॒දස්යාව॑ ද්යති මද්ධ්ය॒තෝ හි ප්රා॒ණ උ॑ත්ත॒මස්යාව॑ ද්ය- [උ॑ත්ත॒මස්යාව॑ ද්යති, උ॒ත්ත॒මෝ හි ප්රා॒ණෝ] 54

-ත්යුත්ත॒මෝ හි ප්රා॒ණෝ යදීත॑රං॒-යඁදීත॑ර-මු॒භය॑මේ॒වාජා॑මි॒ ජාය॑මානෝ॒ වෛ බ්රා᳚හ්ම॒ණ-ස්ත්රි॒භිර්-ඍ॑ණ॒වා ජා॑යතේ බ්රහ්ම॒චර්යේ॒ණර්​ෂි॑භ්යෝ ය॒ජ්ඤේන॑ දේ॒වේභ්යඃ॑ ප්ර॒ජයා॑ පි॒තෘභ්ය॑ ඒ॒ෂ වා අ॑නෘ॒ණෝ යඃ පු॒ත්රී යජ්වා᳚ බ්රහ්මචාරිවා॒සී තද॑ව॒දානෛ॑-රේ॒වා-ऽව॑ දයතේ॒ තද॑ව॒දානා॑නා-මවදාන॒ත්ව-න්දේ॑වාසු॒රා-ස්සං​යඁ ॑ත්තා ආස॒-න්තේ දේ॒වා අ॒ග්නිම॑බ්රුව॒-න්ත්වයා॑ වී॒රේණාසු॑රාන॒භි භ॑වා॒මේති॒ [භ॑වා॒මේති॑, සෝ᳚-ऽබ්රවී॒-ද්වරං॑-වෘඁණෛ] 55

සෝ᳚-ऽබ්රවී॒-ද්වරං॑-වෘඁණෛ ප॒ශෝරු॑ද්ධා॒රමුද්ධ॑රා॒ ඉති॒ ස ඒ॒තමු॑ද්ධා॒රමුද॑හරත॒ දෝඃ පූ᳚ර්වා॒ර්ධස්ය॑ ගු॒ද-ම්ම॑ද්ධ්ය॒ත-ශ්ශ්රෝණි॑-ඤ්ජඝනා॒ර්ධස්ය॒ තතෝ॑ දේ॒වා අභ॑ව॒-න්පරා-ऽසු॑රා॒ ය-ත්ත්ර්ය॒ඞ්ගාණාග්​ම්॑ සමව॒ද්යති॒ භ්රාතෘ॑ව්යාභිභූත්යෛ॒ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවත්යක්ෂ්ණ॒යා-ऽව॑ ද්යති॒ තස්මා॑දක්ෂ්ණ॒යා ප॒ශවෝ-ऽඞ්ගා॑නි॒ ප්ර හ॑රන්ති॒ ප්රති॑ෂ්ඨිත්යෛ ॥ 56 ॥
(ඒ॒තෞ ප॑ශූ॒නාග්​ම් - සමේ॑ධස්යෛ॒ව - තස්යා-ऽවෝ᳚ - ත්ත॒මස්යාව॑ ද්ය॒තී - ති॒ - පඤ්ච॑චත්වාරිග්​ම්ශච්ච) (අ. 10)

මේද॑සා॒ ස්රුචෞ॒ ප්රෝර්ණෝ॑ති॒ මේදෝ॑රූපා॒ වෛ ප॒ශවෝ॑ රූ॒පමේ॒ව ප॒ශුෂු॑ දධාති යූ॒ෂන්න॑ව॒ධාය॒ ප්රෝර්ණෝ॑ති॒ රසෝ॒ වා ඒ॒ෂ ප॑ශූ॒නාං-යඁද්යූ රස॑මේ॒ව ප॒ශුෂු॑ දධාති පා॒ර්​ශ්වේන॑ වසාහෝ॒ම-ම්ප්රයෞ॑ති॒ මද්ධ්යං॒-වාඁ ඒ॒ත-ත්ප॑ශූ॒නාං-යඁ-ත්පා॒ර්​ශ්වග්​ම් රස॑ ඒ॒ෂ ප॑ශූ॒නාං-යඁද්වසා॒ ය-ත්පා॒ර්​ශ්වේන॑ වසාහෝ॒ම-ම්ප්ර॒යෞති॑ මද්ධ්ය॒ත ඒ॒ව ප॑ශූ॒නාග්​ම් රස॑-න්දධාති॒ ඝ්නන්ති॒ [ඝ්නන්ති॑, වා ඒ॒ත-ත්ප॒ශු-] 57

වා ඒ॒ත-ත්ප॒ශුං-යඁ-ථ්ස᳚ජ්ඤ॒ම්පය॑න්ත්යෛ॒න්ද්රඃ ඛලු॒ වෛ දේ॒වත॑යා ප්රා॒ණ ඓ॒න්ද්රෝ॑-ऽපා॒න ඓ॒න්ද්රඃ ප්රා॒ණෝ අඞ්ගේ॑අඞ්ගේ॒ නි දේ᳚ද්ධ්ය॒දිත්යා॑හ ප්රාණාපා॒නාවේ॒ව ප॒ශුෂු॑ දධාති॒ දේව॑ ත්වෂ්ට॒ර්භූරි॑ තේ॒ සග්​ම් ස॑මේ॒ත්විත්යා॑හ ත්වා॒ෂ්ට්රා හි දේ॒වත॑යා ප॒ශවෝ॒ විෂු॑රූපා॒ ය-ථ්සල॑ක්ෂ්මාණෝ॒ භව॒ථේත්යා॑හ॒ විෂු॑රූපා॒ හ්යේ॑තේ සන්ත॒-ස්සල॑ක්ෂ්මාණ ඒ॒තර්​හි॒ භව॑න්ති දේව॒ත්රා යන්ත॒- [දේව॒ත්රා යන්ත᳚ම්, අව॑සේ॒] 58

-මව॑සේ॒ සඛා॒යෝ-ऽනු॑ ත්වා මා॒තා පි॒තරෝ॑ මද॒න්ත්විත්යා॒හා-නු॑මතමේ॒වෛන॑-ම්මා॒ත්රා පි॒ත්රා සු॑ව॒ර්ගං-ලෝඁ॒ක-ඞ්ග॑මයත්යර්ධ॒ර්චේ ව॑සාහෝ॒ම-ඤ්ජු॑හෝත්ය॒සෞ වා අ॑ර්ධ॒ර්ච ඉ॒යම॑ර්ධ॒ර්ච ඉ॒මේ ඒ॒ව රසේ॑නානක්ති॒ දිශෝ॑ ජුහෝති॒ දිශ॑ ඒ॒ව රසේ॑නාන॒ක්ත්යථෝ॑ දි॒ග්භ්ය ඒ॒වෝර්ජ॒ග්​ම්॒ රස॒මව॑ රුන්ධේ ප්රාණාපා॒නෞ වා ඒ॒තෞ ප॑ශූ॒නාං-යඁ-ත්පෘ॑ෂදා॒ජ්යං-වාඁ ॑නස්ප॒ත්යාඃ ඛලු॒ [ඛලු॑, වෛ දේ॒වත॑යා ප॒ශවෝ॒] 59

වෛ දේ॒වත॑යා ප॒ශවෝ॒ ය-ත්පෘ॑ෂදා॒ජ්යස්යෝ॑-ප॒හත්යා-ऽऽහ॒ වන॒ස්පත॒යේ-ऽනු॑ බ්රූහි॒ වන॒ස්පත॑යේ॒ ප්රේෂ්යේති॑ ප්රාණාපා॒නාවේ॒ව ප॒ශුෂු॑ දධාත්ය॒න්යස්යා᳚න්යස්ය සමව॒ත්තග්​ම් ස॒මව॑ද්යති॒ තස්මා॒න්නානා॑රූපාඃ ප॒ශවෝ॑ යූ॒ෂ්ණෝප॑ සිඤ්චති॒ රසෝ॒ වා ඒ॒ෂ ප॑ශූ॒නාං-යඁද්යූ රස॑මේ॒ව ප॒ශුෂු॑ දධා॒තීඩා॒මුප॑ හ්වයතේ ප॒ශවෝ॒ වා ඉඩා॑ ප॒ශූනේ॒වෝප॑ හ්වයතේ ච॒තුරුප॑ හ්වයතේ॒ [ච॒තුරුප॑ හ්වයතේ, චතු॑ෂ්පාදෝ॒ හි] 60

චතු॑ෂ්පාදෝ॒ හි ප॒ශවෝ॒ ය-ඞ්කා॒මයේ॑තා ප॒ශු-ස්ස්යා॒දිත්ය॑මේ॒දස්ක॒-න්තස්මා॒ ආ ද॑ද්ධ්යා॒න්මේදෝ॑රූපා॒ වෛ ප॒ශවෝ॑ රූ॒පේණෛ॒වෛන॑-ම්ප॒ශුභ්යෝ॒ නිර්භ॑ජත්යප॒ශුරේ॒ව භ॑වති॒ ය-ඞ්කා॒මයේ॑ත පශු॒මාන්-ථ්ස්යා॒දිති॒ මේද॑ස්ව॒-ත්තස්මා॒ ආ ද॑ද්ධ්යා॒න්මේදෝ॑රූපා॒ වෛ ප॒ශවෝ॑ රූ॒පේණෛ॒වාස්මෛ॑ ප॒ශූනව॑ රුන්ධේ පශු॒මානේ॒ව භ॑වති ප්ර॒ජාප॑තිර්ය॒ජ්ඤම॑සෘජත॒ ස ආජ්ය॑- [ස ආජ්ය᳚ම්, පු॒රස්තා॑දසෘජත] 61

-ම්පු॒රස්තා॑දසෘජත ප॒ශු-ම්ම॑ද්ධ්ය॒තඃ පෘ॑ෂදා॒ජ්ය-ම්ප॒ශ්චා-ත්තස්මා॒දාජ්යේ॑න ප්රයා॒ජා ඉ॑ජ්යන්තේ ප॒ශුනා॑ මද්ධ්ය॒තඃ පෘ॑ෂදා॒ජ්යේනා॑-නූයා॒ජා-ස්තස්මා॑දේ॒තන්මි॒ශ්රමි॑ව පශ්චා-ථ්සෘ॒ෂ්ටග්ග්​ හ්යේකා॑දශානූයා॒ජාන්. ය॑ජති॒ දශ॒ වෛ ප॒ශෝඃ ප්රා॒ණා ආ॒ත්මෛකා॑ද॒ශෝ යාවා॑නේ॒ව ප॒ශුස්තමනු॑ යජති॒ ඝ්නන්ති॒ වා ඒ॒ත-ත්ප॒ශුං-යඁ-ථ්සං᳚(2)ජ්ඤ॒පය॑න්ති ප්රාණාපා॒නෞ ඛලු॒ වා ඒ॒තෞ ප॑ශූ॒නාං-යඁ-ත්පෘ॑ෂදා॒ජ්යං-යඁ-ත්පෘ॑ෂදා॒ජ්යේනා॑ නූයා॒ජාන්. යජ॑ති ප්රාණාපා॒නාවේ॒ව ප॒ශුෂු॑ දධාති ॥ 62 ॥
(ඝ්නන්ති॒ - යන්තං॒ - ඛලු॑ - ච॒තුරුප॑ හ්වයත॒ - ආජ්යං॒ - ඁය-ත්පෘ॑ෂදා॒ජ්යේන॒ - ෂට් ච॑) (අ. 11)

(චාත්වා॑ලාථ් - සුව॒ර්ගාය॒ ය-ද්වෛ॑සර්ජ॒නානි॑ - වෛෂ්ණ॒ව්යර්චා - පෘ॑ථි॒ව්යෛ - සා॒ධ්යා - ඉ॒ෂේ ත්වේ - ත්ය॒ග්නිනා॒ - පර්ය॑ග්නි - ප॒ශෝඃ - ප॒ශුමා॒ලභ්ය॒ - මේද॑සා॒ ස්රුචා॒ - වේකා॑දශ)

(චාත්වා॑ලා-ද්- දේ॒වානු॒පෛති॑ - මුඤ්චති - ප්රහ්රි॒යමා॑ණාය॒ - පර්ය॑ග්නි - ප॒ශුමා॒ලභ්ය॒ - චතු॑ෂ්පාදෝ॒ - ද්විෂ॑ෂ්ටිඃ)

(චාත්වා॑ලා, ත්ප॒ශුෂු॑ දධාති)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ තෘතීයඃ ප්රශ්න-ස්සමාප්තඃ ॥