කෘෂ්ණ යජුර්වේදීය තෛත්තිරීය සංහිතායාං සප්තමකාණ්ඩේ පඤ්චමඃ ප්රශ්නඃ - සත්රවිශේෂාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

ගාවෝ॒ වා ඒ॒ත-ථ්ස॒ත්ර-මා॑සතාශෘ॒ඞ්ගා-ස්ස॒තී-ශ්ශෘඞ්ගා॑ණි නෝ ජායන්තා॒ ඉති॒ කාමේ॑න॒ තාසා॒-න්දශ॒මාසා॒ නිෂ॑ණ්ණා॒ ආස॒න්නථ॒ ශෘඞ්ගා᳚ණ්යජායන්ත॒ තා උද॑තිෂ්ඨ॒න්නරා॒ථ්ස්මේත්යථ॒ යාසා॒-න්නාජා॑යන්ත॒ තා-ස්සං॑​වඁථ්ස॒ර-මා॒ප්ත්වෝද॑තිෂ්ඨ॒ -න්නරා॒ථ්ස්මේති॒ යාසා॒-ඤ්චාජා॑යන්ත॒ යාසා᳚-ඤ්ච॒ න තා උ॒භයී॒රු-ද॑තිෂ්ඨ॒-න්නරා॒ථ්ස්මේති॑ ගෝස॒ත්රං-වෛඁ [ගෝස॒ත්රං-වෛඁ, සං॒​වඁ॒ථ්ස॒රෝ ය] 1

සං॑​වඁථ්ස॒රෝ ය ඒ॒වං-විඁ॒ද්වාග්​ම්ස॑-ස්සං​වඁථ්ස॒ර-මු॑ප॒යන්ත්යෘ॑ද්ධ්නු॒වන්ත්යේ॒ව තස්මා᳚-ත්තූප॒රා වාර්​ෂි॑කෞ॒ මාසෞ॒ පර්ත්වා॑ චරති ස॒ත්රාභි॑ජිත॒ග්ග්॒හ්ය॑ස්යෛ॒ තස්මා᳚-ථ්සං​වඁථ්සර॒සදෝ॒ ය-ත්කි-ඤ්ච॑ ගෘ॒හේ ක්රි॒යතේ॒ තදා॒ප්ත-මව॑රුද්ධ-ම॒භිජි॑ත-ඞ්ක්රියතේ සමු॒ද්රං-වාඁ ඒ॒තේ ප්ර ප්ල॑වන්තේ॒ යේ සං॑​වඁථ්ස॒රමු॑ප॒යන්ති॒ යෝ වෛ ස॑මු॒ද්රස්ය॑ පා॒ර-න්න පශ්ය॑ති॒ න වෛ ස තත॒ උදේ॑ති සං​වඁථ්ස॒රෝ [උදේ॑ති සං​වඁථ්ස॒රඃ, වෛ ස॑මු॒ද්ර-] 2

වෛ ස॑මු॒ද්ර-ස්තස්යෛ॒ත-ත්පා॒රං-යඁද॑තිරා॒ත්රෞ ය ඒ॒වං-විඁ॒ද්වාග්​ම්ස॑-ස්සං​වඁථ්ස॒ර-මු॑ප॒යන්ත්යනා᳚ර්තා ඒ॒වෝදෘච॑-ඞ්ගච්ඡන්තී॒යං-වෛඁ පූර්වෝ॑-ऽතිරා॒ත්රෝ॑ ऽසාවුත්ත॑රෝ॒ මනඃ॒ පූර්වෝ॒ වාගුත්ත॑රඃ ප්රා॒ණඃ පූර්වෝ॑-ऽපා॒න උත්ත॑රඃ ප්ර॒රෝධ॑න॒-ම්පූර්ව॑ උ॒දය॑න॒මුත්ත॑රෝ॒ ජ්යෝති॑ෂ්ටෝමෝ වෛශ්වාන॒රෝ॑ ऽතිරා॒ත්රෝ භ॑වති॒ ජ්යෝති॑රේ॒ව පු॒රස්තා᳚ද්දධතේ සුව॒ර්ගස්ය॑ ලෝ॒කස්යා-නු॑ඛ්යාත්යෛ චතුර්වි॒ග්​ම්॒ශඃ ප්රා॑ය॒ණීයෝ॑ භවති॒ චතු॑ර්විග්​ම්ශති-රර්ධමා॒සා- [චතු॑ර්විග්​ම්ශති-රර්ධමා॒සාඃ, සං॒​වඁ॒ථ්ස॒රඃ] 3

-ස්සං॑​වඁථ්ස॒රඃ ප්ර॒යන්ත॑ ඒ॒ව සං॑​වඁථ්ස॒රේ ප්රති॑ තිෂ්ඨන්ති॒ තස්ය॒ ත්රීණි॑ ච ශ॒තානි॑ ෂ॒ෂ්ටිශ්ච॑ ස්තෝ॒ත්රීයා॒ස්තාව॑තී-ස්සං​වඁථ්ස॒රස්ය॒ රාත්ර॑ය උ॒භේ ඒ॒ව සං॑​වඁථ්ස॒රස්ය॑ රූ॒පේ ආ᳚ප්නුවන්ති॒ තේ සග්ග්​ස්ථි॑ත්යා॒ අරි॑ෂ්ට්යා॒ උත්ත॑රෛ॒රහෝ॑භිශ්චරන්ති ෂඩ॒හා භ॑වන්ති॒ ෂ-ඩ්වා ඍ॒තව॑-ස්සං​වඁථ්ස॒ර ඍ॒තුෂ්වේ॒ව සං॑​වඁථ්ස॒රේ ප්රති॑ තිෂ්ඨන්ති॒ ගෞශ්චා-ऽऽයු॑ශ්ච මද්ධ්ය॒ත-ස්ස්තෝමෞ॑ භවත-ස්සං​වඁථ්ස॒රස්යෛ॒ව තන්මි॑ථු॒න-ම්ම॑ද්ධ්ය॒තෝ [තන්මි॑ථු॒න-ම්ම॑ද්ධ්ය॒තඃ, ද॒ධ॒ති॒ ප්ර॒ජන॑නාය॒] 4

ද॑ධති ප්ර॒ජන॑නාය॒ ජ්යෝති॑ර॒භිතෝ॑ භවති වි॒මෝච॑නමේ॒ව තච්ඡන්දාග්॑ස්යේ॒ව ත-ද්වි॒මෝකං॑-යඁ॒න්ත්යථෝ॑ උභ॒යතෝ᳚ජ්යෝතිෂෛ॒ව ෂ॑ඩ॒හේන॑ සුව॒ර්ගං-ලෝඁ॒කං-යඁ ॑න්ති බ්රහ්මවා॒දිනෝ॑ වද॒න්ත්යාස॑තේ॒ කේන॑ ය॒න්තීති॑ දේව॒යානේ॑න ප॒ථේති॑ බ්රූයා॒ච්ඡන්දාග්​ම්॑සි॒ වෛ දේ॑ව॒යානඃ॒ පන්ථා॑ ගාය॒ත්රී ත්රි॒ෂ්ටුබ්-ජග॑තී॒ජ්යෝති॒ර්වෛ ගා॑ය॒ත්රී ගෞස්ත්රි॒ෂ්ටුගායු॒ර්ජග॑තී॒ යදේ॒තේ ස්තෝමා॒ භව॑න්ති දේව॒යානේ॑නෛ॒ව [ ] 5

ත-ත්ප॒ථා ය॑න්ති සමා॒නග්​ම් සාම॑ භවති දේවලෝ॒කෝ වෛ සාම॑ දේවලෝ॒කාදේ॒ව නය॑න්ත්ය॒න්යාඅ॑න්යා॒ ඍචෝ॑ භවන්ති මනුෂ්යලෝ॒කෝ වා ඍචෝ॑ මනුෂ්යලෝ॒කාදේ॒වාන්යම॑න්ය-න්දේවලෝ॒කම॑භ්යා॒රෝහ॑න්තෝ යන්ත්යභිව॒ර්තෝ බ්ර॑හ්මසා॒ම-ම්භ॑වති සුව॒ර්ගස්ය॑ ලෝ॒කස්යා॒භිවෘ॑ත්යා අභි॒ජි-ද්භ॑වති සුව॒ර්ගස්ය॑ ලෝ॒කස්යා॒භිජි॑ත්යෛ විශ්ව॒ජි-ද්භ॑වති॒ විශ්ව॑ස්ය॒ ජිත්යෛ॑ මා॒සිමා॑සි පෘ॒ෂ්ඨාන්යුප॑ යන්ති මා॒සිමා᳚ස්යතිග්රා॒හ්යා॑ ගෘහ්යන්තේ මා॒සිමා᳚ස්යේ॒ව වී॒ර්ය॑-න්දධති මා॒සා-ම්ප්රති॑ෂ්ඨිත්යා උ॒පරි॑ෂ්ටාන්මා॒සා-ම්පෘ॒ෂ්ඨාන්යුප॑ යන්ති॒ තස්මා॑දු॒පරි॑ෂ්ටා॒දෝෂ॑ධයඃ॒ ඵල॑-ඞ්ගෘහ්ණන්ති ॥ 6 ॥
(ගෝ॒ස॒ත්රං-වාඁ - ඒ॑ති සං​වඁථ්ස॒රෝ᳚ - ऽර්ධමා॒සා - මි॑ථු॒න-ම්ම॑ද්ධ්ය॒තෝ - දේ॑ව॒යානේ॑නෛ॒ව - වී॒ර්යං॑ - ත්රයෝ॑දශ ච) (අ. 1)

ගාවෝ॒ වා ඒ॒ත-ථ්ස॒ත්රමා॑සතාශෘ॒ඞ්ගා-ස්ස॒තී-ශ්ශෘඞ්ගා॑ණි॒ සිෂා॑සන්තී॒ස්තාසා॒-න්දශ॒ මාසා॒ නිෂ॑ණ්ණා॒ ආස॒න්නථ॒ ශෘඞ්ගා᳚ණ්යජායන්ත॒ තා අ॑බ්රුව॒න්නරා॒ථ්ස්මෝ-ත්ති॑ෂ්ඨා॒මාව॒ ත-ඞ්කාම॑මරුථ්ස්මහි॒ යේන॒ කාමේ॑න॒ න්යෂ॑දා॒මේති॒ තාසා॑මු॒ ත්වා අ॑බ්රුවන්න॒ර්ධාවා॒ යාව॑තී॒ර්වා-ऽऽසා॑මහා ඒ॒වේමෞද්වා॑ද॒ශෞ මාසෞ॑ සං​වඁථ්ස॒රග්​ම් ස॒පාන්ද්යෝ-ත්ති॑ෂ්ඨා॒මේති॒ තාසා᳚- [තාසා᳚ම්, ද්වා॒ද॒ශේ මා॒සි] 7

-න්ද්වාද॒ශේ මා॒සි ශෘඞ්ගා॑ණි॒ ප්රාව॑ර්තන්ත ශ්ර॒ද්ධයා॒ වා-ऽශ්ර॑ද්ධයා වා॒ තා ඉ॒මා යාස්තූ॑ප॒රා උ॒භය්යෝ॒ වාව තා ආ᳚ර්ධ්නුව॒න්॒. යාශ්ච॒ ශෘඞ්ගා॒ණ්යස॑න්ව॒න්॒. යාශ්චෝර්ජ॑ම॒වාරු॑න්ධත॒ර්ධ්නෝති॑ ද॒ශසු॑ මා॒සූ᳚ත්තිෂ්ඨ॑න්නෘ॒ද්ධ්නෝති॑ ද්වාද॒ශසු॒ ය ඒ॒වං-වේඁද॑ ප॒දේන॒ ඛලු॒ වා ඒ॒තේ ය॑න්ති වි॒න්දති॒ ඛලු॒ වෛ ප॒දේන॒ ය-න්තද්වා ඒ॒තදෘ॒ද්ධමය॑න॒-න්තස්මා॑ දේ॒ත-ද්ගෝ॒සනි॑ ॥ 8 ॥
(ති॒ෂ්ඨා॒මේති॒ තාසාං॒ - තස්මා॒-ද්- ද්වේ ච॑) (අ. 2)

ප්ර॒ථ॒මේ මා॒සි පෘ॒ෂ්ඨාන්යුප॑ යන්ති මද්ධ්ය॒ම උප॑ යන්ත්යුත්ත॒ම උප॑ යන්ති॒ තදා॑හු॒ර්යාං-වෛඁ ත්රිරේක॒ස්යාහ්න॑ උප॒සීද॑න්ති ද॒හ්රං-වෛඁ සා-ऽප॑රාභ්යා॒-න්දෝහා᳚භ්යා-න්දු॒හේ-ऽථ॒ කුත॒-ස්සා ධෝ᳚ක්ෂ්යතේ॒ යා-න්ද්වාද॑ශ॒ කෘත්ව॑ උප॒සීද॒න්තීති॑ සං​වඁථ්ස॒රග්​ම් ස॒පාන්ද්යෝ᳚ත්ත॒මේ මා॒සි ස॒කෘ-ත්පෘ॒ෂ්ඨාන්යුපේ॑යු॒ස්ත-ද්යජ॑මානා ය॒ජ්ඤ-ම්ප॒ශූනව॑ රුන්ධතේ සමු॒ද්රං-වාඁ [සමු॒ද්රං-වෛඁ, ඒ॒තේ॑-ऽනවා॒රම॑පා॒ර-ම්ප්ර] 9

ඒ॒තේ॑-ऽනවා॒රම॑පා॒ර-ම්ප්ර ප්ල॑වන්තේ॒ යේ සං॑​වඁථ්ස॒රමු॑ප॒යන්ති॒ ය-ද්බෘ॑හ-ද්රථන්ත॒රේ අ॒න්වර්ජේ॑යු॒ර්යථා॒ මද්ධ්යේ॑ සමු॒ද්රස්ය॑ ප්ල॒වම॒න්වර්ජේ॑යුස්තා॒දෘ-ක්තදනු॑ථ්සර්ග-ම්බෘහ-ද්රථන්ත॒රාභ්යා॑මි॒ත්වා ප්ර॑ති॒ෂ්ඨා-ඞ්ග॑ච්ඡන්ති॒ සර්වේ᳚භ්යෝ॒ වෛ කාමේ᳚භ්ය-ස්ස॒න්ධිර්දු॑හේ॒ ත-ද්යජ॑මානා॒-ස්සර්වා॒න් කාමා॒නව॑ රුන්ධතේ ॥ 10 ॥
(ස॒මු॒ද්රං-වෛඁ - චතු॑ස්ත්රිග්​ම්ශච්ච) (අ. 3)

ස॒මා॒න්ය॑ ඍචෝ॑ භවන්ති මනුෂ්යලෝ॒කෝ වා ඍචෝ॑ මනුෂ්යලෝ॒කාදේ॒ව න ය॑න්ත්ය॒න්යද॑න්ය॒-ථ්සාම॑ භවති දේවලෝ॒කෝ වෛ සාම॑ දේවලෝ॒කාදේ॒වාන්යම॑න්ය-ම්මනුෂ්යලෝ॒ක-ම්ප්ර॑ත්යව॒රෝහ॑න්තෝ යන්ති॒ ජග॑තී॒මග්ර॒ උප॑ යන්ති॒ ජග॑තීං॒-වෛඁ ඡන්දාග්​ම්॑සි ප්ර॒ත්යව॑රෝහන්ත්යා-ග්රය॒ණ-ඞ්ග්රහා॑ බෘ॒හ-ත්පෘ॒ෂ්ඨානි॑ ත්රයස්ත්රි॒ග්​ම්॒ශග්ග්​ස්තෝමා॒-ස්තස්මා॒-ජ්ජ්යායාග්​ම්॑ස॒-ඞ්කනී॑යා-න්ප්ර॒ත්යව॑රෝහති වෛශ්වකර්ම॒ණෝ ගෘ॑හ්යතේ॒විශ්වා᳚න්යේ॒ව තේන॒ කර්මා॑ණි॒ යජ॑මානා॒ අව॑ රුන්ධත ආදි॒ත්යෝ [ආදි॒ත්යඃ, ගෘ॒හ්ය॒ත॒ ඉ॒යං-වාඁ] 11

ගෘ॑හ්යත ඉ॒යං-වාඁ අදි॑තිර॒ස්යාමේ॒ව ප්රති॑ තිෂ්ඨන්ත්ය॒න්යෝ᳚-ऽන්යෝ ගෘහ්යේතේ මිථුන॒ත්වාය॒ ප්රජා᳚ත්යා අවාන්ත॒රං-වෛඁ ද॑ශරා॒ත්රේණ॑ ප්ර॒ජාප॑තිඃ ප්ර॒ජා අ॑සෘජත॒ ය-ද්ද॑ශරා॒ත්රෝ භව॑ති ප්ර॒ජා ඒ॒ව ත-ද්යජ॑මානා-ස්සෘජන්ත ඒ॒තාග්​ම් හ॒ වා උ॑ද॒ඞ්ක-ශ්ශෞ᳚ල්බාය॒න-ස්ස॒ත්රස්යර්ධි॑මුවාච॒ ය-ද්ද॑ශරා॒ත්රෝය-ද්ද॑ශරා॒ත්රෝ භව॑ති ස॒ත්රස්යර්ධ්යා॒ අථෝ॒ යදේ॒ව පූර්වේ॒ෂ්වහ॑ස්සු॒ විලෝ॑ම ක්රි॒යතේ॒ තස්යෛ॒වෛ ( )-ෂා ශාන්තිඃ॑ ॥ 12 ॥
(ආ॒දි॒ත්ය - ස්තස්යෛ॒ව - ද්වේ ච॑) (අ. 4)

යදි॒ සෝමෞ॒ සග්​ම්සු॑තෞ॒ ස්යාතා᳚-ම්මහ॒ති රාත්රි॑යෛ ප්රාතරනුවා॒ක-මු॒පාකු॑ර්යා॒-ත්පූර්වෝ॒ වාච॒-ම්පූර්වෝ॑ දේ॒වතාඃ॒ පූර්ව॒-ශ්ඡන්දාග්​ම්॑සි වෘඞ්ක්තේ॒ වෘෂ॑ණ්වතී-ම්ප්රති॒පද॑-ඞ්කුර්යා-ත්ප්රාතස්සව॒නාදේ॒වෛෂා॒මින්ද්රං॑-වෘඁ॒ඞ්ක්තේ ऽථෝ॒ ඛල්වා॑හුස්සවනමු॒ඛේ-ස॑වනමුඛේ කා॒ර්යේති॑ සවනමු॒ඛා-ථ්ස॑වනමුඛා-දේ॒වෛෂා॒මින්ද්රං॑-වෘඁඞ්ක්තේ සං​වේඁ॒ශායෝ॑පවේ॒ශාය॑ ගායත්රි॒යාස්ත්රි॒ෂ්ටුභෝ॒ ජග॑ත්යා අනු॒ෂ්ටුභඃ॑ ප॒ඞ්ක්ත්යා අ॒භිභූ᳚ත්යෛ॒ ස්වාහා॒ ඡන්දාග්​ම්॑සි॒ වෛ සං॑​වේඁ॒ශ උ॑පවේ॒ශ-ශ්ඡන්දෝ॑භි-රේ॒වෛෂා॒- [උ॑පවේ॒ශ-ශ්ඡන්දෝ॑භි-රේ॒වෛෂා᳚ම්, ඡන්දාග්​ම්॑සි] 13

-ඤ්ඡන්දාග්​ම්॑සි වෘඞ්ක්තේ සජ॒නීය॒ග්​ම්॒ ශස්යං॑-විඁහ॒ව්යග්​ම්॑ ශස්ය॑ම॒ගස්ත්ය॑ස්ය කයාශු॒භීය॒ග්​ම්॒ ශස්ය॑මේ॒තාව॒ද්වා අ॑ස්ති॒ යාව॑දේ॒ත-ද්යාව॑දේ॒වාස්ති॒ තදේ॑ෂාං-වෘඁඞ්ක්තේ॒ යදි॑ ප්රාතස්සව॒නේ ක॒ලශෝ॒ දීර්යේ॑ත වෛෂ්ණ॒වීෂු॑ ශිපිවි॒ෂ්ටව॑තීෂු ස්තුවීර॒න්॒.යද්වෛ ය॒ජ්ඤස්යා॑-ති॒රිච්ය॑තේ॒ විෂ්ණු॒-න්තච්ඡි॑පිවි॒ෂ්ටම॒භ්යති॑ රිච්යතේ॒ තද්විෂ්ණු॑-ශ්ශිපිවි॒ෂ්ටෝ-ऽති॑රික්ත ඒ॒වාති॑රික්ත-න්දධා॒ත්යථෝ॒ අති॑රික්තේනෛ॒වා-ති॑රික්තමා॒ප්ත්වා-ऽව॑ රුන්ධතේ॒ යදි॑ ම॒ද්ධ්යන්දි॑නේ॒ දීර්යේ॑ත වෂට්කා॒රනි॑ධන॒ග්​ම්॒ සාම॑ කුර්යුර්වෂට්කා॒රෝ වෛ ය॒ජ්ඤස්ය॑ ප්රති॒ෂ්ඨා ප්ර॑ති॒ෂ්ඨාමේ॒වෛන॑-ද්ගමයන්ති॒ යදි॑ තෘතීයසව॒න ඒ॒තදේ॒ව ॥ 14 ॥
(ඡන්දෝ॑භිරේ॒වෛෂා॒ - මවෛ - කා॒න්නවිග්​ම්॑ශ॒තිශ්ච॑) (අ. 5)

ෂ॒ඩ॒හෛ-ර්මාසා᳚න්-ථ්ස॒ම්පාද්යා-ऽහ॒රු-ථ්සෘ॑ජන්ති ෂඩ॒හෛර්​හි මාසා᳚න්-ථ්ස॒ම්පශ්ය॑න්ත්ය-ර්ධමා॒සෛර්මාසා᳚න්-ථ්ස॒ම්පාද්යාහ॒රු-ථ්සෘ॑ජන්ත්ය-ර්ධමා॒සෛර්​හි මාසා᳚න්-ථ්ස॒ම්පශ්ය॑න්ත්යමාවා॒ස්ය॑යා॒ මාසා᳚න්-ථ්ස॒ම්පාද්යාහ॒රු-ථ්සෘ॑ජන්ත්යමාවා॒ස්ය॑යා॒ හි මාසා᳚න්-ථ්ස॒ම්පශ්ය॑න්ති පෞර්ණමා॒ස්යා මාසා᳚න්-ථ්ස॒ම්පාද්යා-ऽහරු-ථ්සෘ॑ජන්ති පෞර්ණමා॒ස්යා හි මාසා᳚න්-ථ්ස॒ම්පශ්ය॑න්ති॒ යෝ වෛ පූ॒ර්ණ ආ॑සි॒ඤ්චති॒ පරා॒ ස සි॑ඤ්චති॒ යඃ පූ॒ර්ණාදු॒දච॑ති [ ] 15

ප්රා॒ණම॑ස්මි॒න්​ථ්ස ද॑ධාති॒ ය-ත්පෞ᳚ර්ණමා॒ස්යා මාසා᳚න්-ථ්ස॒පාන්ද්යාහ॑රු-ථ්සෘ॒ජන්ති॑ සං​වඁථ්ස॒රායෛ॒ව ත-ත්ප්රා॒ණ-න්ද॑ධති॒ තදනු॑ ස॒ත්රිණඃ॒ ප්රාණ॑න්ති॒ යදහ॒ර්නෝ-ථ්සෘ॒ජේයු॒ර්යථා॒ දෘති॒රුප॑නද්ධෝ වි॒පත॑ත්යේ॒වග්​ම් සං॑​වඁථ්ස॒රෝ වි ප॑තේ॒දාර්ති॒-මාර්ච්ඡේ॑යු॒ර්ය-ත්පෞ᳚ර්ණමා॒ස්යා මාසා᳚න්-ථ්ස॒පාන්ද්යාහ॑රු-ථ්සෘ॒ජන්ති॑ සං​වඁථ්ස॒රායෛ॒ව තදු॑දා॒න-න්ද॑ධති॒ තදනු॑ ස॒ත්රිණ॒ උ- [ස॒ත්රිණ॒ උත්, අ॒න॒න්ති॒ නා-ऽऽර්ති॒-මාර්ච්ඡ॑න්ති] 16

-ද॑නන්ති॒ නා-ऽऽර්ති॒-මාර්ච්ඡ॑න්ති පූ॒ර්ණමා॑සේ॒ වෛ දේ॒වානාග්​ම්॑ සු॒තෝ ය-ත්පෞ᳚ර්ණමා॒ස්යා මාසා᳚න්-ථ්ස॒පාන්ද්යාහ॑රු-ථ්සෘ॒ජන්ති॑ දේ॒වානා॑මේ॒ව ත-ද්ය॒ජ්ඤේන॑ ය॒ජ්ඤ-ම්ප්ර॒ත්යව॑රෝහන්ති॒ වි වා ඒ॒ත-ද්ය॒ජ්ඤ-ඤ්ඡි॑න්දන්ති॒ ය-ථ්ෂ॑ඩ॒හස॑තන්ත॒ග්​ම්॒ සන්ත॒මථාහ॑රු-ථ්සෘ॒ජන්ති॑ ප්රාජාප॒ත්ය-ම්ප॒ශුමා ල॑භන්තේ ප්ර॒ජාප॑ති॒-ස්සර්වා॑ දේ॒වතා॑ දේ॒වතා॑භිරේ॒ව ය॒ජ්ඤග්​ම් ස-න්ත॑න්වන්ති॒ යන්ති॒ වා ඒ॒තේ සව॑නා॒ද්යේ-ऽහ॑- [සව॑නා॒ද්යේ-ऽහඃ॑, උ॒-ථ්සෘ॒ජන්ති॑] 17

-රු-ථ්සෘ॒ජන්ති॑ තු॒රීය॒-ඞ්ඛලු॒ වා ඒ॒ත-ථ්සව॑නං॒-යඁ-ථ්සා᳚නාං॒ය්යං-යඁ-ථ්සා᳚නාං॒ය්ය-ම්භව॑ති॒ තේනෛ॒ව සව॑නා॒න්න ය॑න්ති සමුප॒හූය॑ භක්ෂයන්ත්යේ॒තථ්- සෝ॑මපීථා॒ හ්යේ॑තර්​හි॑ යථායත॒නං-වාඁ ඒ॒තේෂාග්​ම්॑ සවන॒භාජෝ॑ දේ॒වතා॑ ගච්ඡන්ති॒ යේ-ऽහ॑රු-ථ්සෘ॒ජන්ත්ය॑නුසව॒න-ම්පු॑රෝ॒ඩාශා॒-න්නිර්ව॑පන්ති යථායත॒නාදේ॒ව ස॑වන॒භාජෝ॑ දේ॒වතා॒ අව॑ රුන්ධතේ॒ ऽෂ්ටාක॑පාලා-න්ප්රාතස්සව॒න ඒකා॑දශකපාලා॒-න්මාද්ධ්ය॑න්දිනේ॒ සව॑නේ॒ ද්වාද॑ශකපාලාග්​-ස්තෘතීයසව॒නේ ඡන්දාග්॑ස්යේ॒වා-ऽऽප්ත්වා -ऽව॑ රුන්ධතේ වෛශ්වදේ॒ව-ඤ්ච॒රු-න්තෘ॑තීයසව॒නේ නිර්ව॑පන්ති වෛශ්වදේ॒වං-වෛඁ තෘ॑තීයසව॒න-න්තේනෛ॒ව තෘ॑තීයසව॒නාන්න ය॑න්ති ॥ 18 ॥
(උ॒දච॒ - ත්යු - ද්යේ-ऽහ॑ - රා॒ප්ත්වා - පඤ්ච॑දශ ච) (අ. 6)

උ॒ථ්සෘජ්යාං(3)නෝථ්සෘජ්යා(3)මිති॑ මීමාග්​ම්සන්තේ බ්රහ්මවා॒දින॒-ස්තද්වා॑හුරු॒-ථ්සෘජ්ය॑මේ॒වේත්ය॑-මාවා॒ස්යා॑යා-ඤ්ච පෞර්ණමා॒ස්යා-ඤ්චෝ॒-ථ්සෘජ්ය॒මිත්යා॑හුරේ॒තේ හි ය॒ජ්ඤං-වඁහ॑ත॒ ඉති॒ තේ ත්වාව නෝථ්සෘජ්යේ॒ ඉත්යා॑හු॒ර්යේ අ॑වාන්ත॒රං-යඁ॒ජ්ඤ-ම්භේ॒ජාතේ॒ ඉති॒ යා ප්ර॑ථ॒මා ව්ය॑ෂ්ටකා॒ තස්යා॑මු॒-ථ්සෘජ්ය॒මිත්යා॑හුරේ॒ෂ වෛ මා॒සෝ වි॑ශ॒ර ඉති॒ නා-ऽऽදි॑ෂ්ට॒- [නා-ऽऽදි॑ෂ්ටම්, උථ්සෘ॑ජේයු॒-] 19

-මුථ්සෘ॑ජේයු॒-ර්යදාදි॑ෂ්ට-මුථ්සෘ॒ජේයු॑ර්යා॒දෘශේ॒ පුනඃ॑ පර්යාප්ලා॒වේ මද්ධ්යේ॑ ෂඩ॒හස්ය॑ ස॒පන්ද්යේ॑ත ෂඩ॒හෛර්මාසා᳚න්-ථ්ස॒පාන්ද්ය॒ ය-ථ්ස॑ප්ත॒ම- මහ॒ස්තස්මි॒න්නු-ථ්සෘ॑ජේයු॒-ස්තද॒ග්නයේ॒ වසු॑මතේ පුරෝ॒ඩාශ॑ම॒ෂ්ටාක॑පාල॒-න්නිර්ව॑පේයුරෛ॒න්ද්ර-න්දධීන්ද්රා॑ය ම॒රුත්ව॑තේ පුරෝ॒ඩාශ॒මේකා॑දශකපාලං-වෛඁශ්වදේ॒ව-න්ද්වාද॑ශකපාලම॒ග්නේර්වෛ වසු॑මතඃ ප්රාතස්සව॒නං-යඁද॒ග්නයේ॒ වසු॑මතේ පුරෝ॒ඩාශ॑ම॒ෂ්ටාක॑පාල-න්නි॒ර්වප॑න්ති දේ॒වතා॑මේ॒ව ත-ද්භා॒ගිනී᳚-ඞ්කු॒ර්වන්ති॒ [-ඞ්කු॒ර්වන්ති॑, සව॑න] 20

සව॑න-මෂ්ටා॒භිරුප॑ යන්ති॒ යදෛ॒න්ද්ර-න්දධි॒ භව॒තීන්ද්ර॑මේ॒ව ත-ද්භා॑ග॒ධේයා॒න්න ච්යා॑වය॒න්තීන්ද්ර॑ස්ය॒ වෛ ම॒රුත්ව॑තෝ॒ මාද්ධ්ය॑න්දින॒ග්​ම්॒ සව॑නං॒-යඁදින්ද්රා॑ය ම॒රුත්ව॑තේ පුරෝ॒ඩාශ॒මේකා॑දශකපාල-න්නි॒ර්වප॑න්ති දේ॒වතා॑මේ॒ව ත-ද්භා॒ගිනී᳚-ඞ්කු॒ර්වන්ති॒ සව॑නමේකාද॒ශභි॒රුප॑ යන්ති॒ විශ්වේ॑ෂාං॒-වෛඁ දේ॒වානා॑මෘභු॒මතා᳚-න්තෘතීයසව॒නං​යඁ-ද්වෛ᳚ශ්වදේ॒ව-න්ද්වාද॑ශකපාල-න්නි॒ර්වප॑න්ති දේ॒වතා॑ ඒ॒ව ත-ද්භා॒ගිනීඃ᳚ කු॒ර්වන්ති॒ සව॑න-න්ද්වාද॒ශභි॒- [සව॑න-න්ද්වාද॒ශභිඃ॑, උප॑ යන්ති] 21

-රුප॑ යන්ති ප්රාජාප॒ත්ය-ම්ප॒ශුමා ල॑භන්තේ ය॒ජ්ඤෝ වෛ ප්ර॒ජාප॑ති-ර්ය॒ජ්ඤස්යා-න॑නුසර්ගායාභිව॒ර්ත ඉ॒ත-ෂ්ෂණ්මා॒සෝ බ්ර॑හ්මසා॒ම-ම්භ॑වති॒ බ්රහ්ම॒ වා අ॑භිව॒ර්තෝ බ්රහ්ම॑ණෛ॒ව ත-ථ්සු॑ව॒ර්ගං-ලෝඁ॒ක-ම॑භිව॒ර්තය॑න්තෝ යන්ති ප්රතිකූ॒ලමි॑ව॒ හීත-ස්සු॑ව॒ර්ගෝ ලෝ॒ක ඉන්ද්ර॒ ක්රතු॑-න්න॒ ආ භ॑ර පි॒තා පු॒ත්රේභ්යෝ॒ යථා᳚ । ශික්ෂා॑ නෝ අ॒ස්මි-න්පු॑රුහූත॒ යාම॑නි ජී॒වා ජ්යෝති॑-රශීම॒හීත්ය॒-මුත॑ ආය॒තාග්​ම් ෂණ්මා॒සෝ බ්ර॑හ්මසා॒ම-ම්භ॑වත්ය॒යං-වෛඁ ලෝ॒කෝ ජ්යෝතිඃ॑ ප්ර॒ජා ජ්යෝති॑රි॒මමේ॒ව තල්ලෝ॒ක-ම්පශ්ය॑න්තෝ-ऽභි॒වද॑න්ත॒ ආ ය॑න්ති ॥ 22 ॥
(නා-ऽऽදි॑ෂ්ටං - කු॒ර්වන්ති॑ - ද්වාද॒ශභි॒ - රිති॑- විග්​ම්ශ॒තිශ්ච॑) (අ. 7)

දේ॒වානාං॒-වාඁ අන්ත॑-ඤ්ජ॒ග්මුෂා॑මින්ද්රි॒යං-වීඁ॒ර්ය॑-මපා᳚ක්රාම॒-ත්ත-ත්ක්රෝ॒ශේනාවා॑රුන්ධත॒ ත-ත්ක්රෝ॒ශස්ය॑ ක්රෝශ॒ත්වං-යඁ-ත්ක්රෝ॒ශේන॒ චාත්වා॑ල॒ස්යාන්තේ᳚ ස්තු॒වන්ති॑ ය॒ජ්ඤස්යෛ॒වාන්ත॑-ඞ්ග॒ත්වේන්ද්රි॒යං-වීඁ॒ර්ය॑මව॑ රුන්ධතේ ස॒ත්රස්යර්ධ්යා॑ ऽऽහව॒නීය॒ස්යාන්තේ᳚ ස්තුවන්ත්ය॒ග්නි-මේ॒වෝප॑-ද්ර॒ෂ්ටාර॑-ඞ්කෘ॒ත්වර්ධි॒මුප॑ යන්ති ප්ර॒ජාප॑තේ॒ර්॒හෘද॑යේන හවි॒ර්ධානේ॒-ऽන්ත-ස්ස්තු॑වන්ති ප්රේ॒මාණ॑මේ॒වාස්ය॑ ගච්ඡන්ති ශ්ලෝ॒කේන॑ පු॒රස්තා॒-ථ්සද॑ස- [පු॒රස්තා॒-ථ්සද॑සඃ, ස්තු॒ව॒න්ත්යනු॑ශ්ලෝකේන] 23

-ස්ස්තුව॒න්ත්යනු॑ශ්ලෝකේන ප॒ශ්චා-ද්ය॒ජ්ඤස්යෛ॒වාන්ත॑-ඞ්ග॒ත්වා ශ්ලෝ॑ක॒භාජෝ॑ භවන්ති න॒වභි॑-රද්ධ්ව॒ර්යුරු-ද්ගා॑යති॒ නව॒ වෛ පුරු॑ෂේ ප්රා॒ණාඃ ප්රා॒ණානේ॒ව යජ॑මානේෂු දධාති॒ සර්වා॑ ඓ॒න්ද්රියෝ॑ භවන්ති ප්රා॒ණේෂ්වේ॒වේන්ද්රි॒ය-න්ද॑ධ॒-ත්යප්ර॑තිහෘතාභි॒රු-ද්ගා॑යති॒ තස්මා॒-ත්පුරු॑ෂ॒-ස්සර්වා᳚ණ්ය॒න්යානි॑ ශී॒ර්​ෂ්ණෝ-ऽඞ්ගා॑නි॒ ප්රත්ය॑චති॒ ශිර॑ ඒ॒ව න ප॑ඤ්චද॒ශග්​ම්ර॑ථන්ත॒ර-ම්භ॑වතීන්ද්රි॒යමේ॒වාව॑ රුන්ධතේ සප්තද॒ශ- [සප්තද॒ශම්, බෘ॒හ-ද॒න්නාද්ය॒ස්යා] 24

-ම්බෘ॒හ-ද॒න්නාද්ය॒ස්යා-ऽව॑රුද්ධ්යා॒ අථෝ॒ ප්රෛව තේන॑ ජායන්ත ඒකවි॒ග්​ම්॒ශ-ම්භ॒ද්ර-න්ද්වි॒පදා॑සු॒ ප්රති॑ෂ්ඨිත්යෛ॒ පත්න॑ය॒ උප॑ ගායන්ති මිථුන॒ත්වාය॒ ප්රජා᳚ත්යෛ ප්ර॒ජා॑පතිඃ ප්ර॒ජා අ॑සෘජත॒ සෝ॑-ऽකාමයතා॒-ऽऽසාම॒හග්​ම් රා॒ජ්ය-ම්පරී॑යා॒මිති॒ තාසාග්​ම්॑ රාජ॒නේනෛ॒ව රා॒ජ්ය-ම්පර්යෛ॒-ත්ත-ද්රා॑ජ॒නස්ය॑ රාජන॒ත්වං-යඁ-ද්රා॑ජ॒න-ම්භව॑ති ප්ර॒ජානා॑මේ॒ව ත-ද්යජ॑මානා රා॒ජ්ය-ම්පරි॑ යන්ති පඤ්චවි॒ග්​ම්॒ශ-ම්භ॑වති ප්ර॒ජාප॑තේ॒- [ප්ර॒ජාප॑තේඃ, ආප්ත්යෛ॑ ප॒ඤ්චභි॒-ස්තිෂ්ඨ॑න්ත-ස්ස්තුවන්ති] 25

-රාප්ත්යෛ॑ ප॒ඤ්චභි॒-ස්තිෂ්ඨ॑න්ත-ස්ස්තුවන්ති දේවලෝ॒කමේ॒වාභි ජ॑යන්ති ප॒ඤ්චභි॒රාසී॑නා මනුෂ්යලෝ॒කමේ॒වාභි ජ॑යන්ති॒ දශ॒ සම්ප॑ද්යන්තේ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජෛ॒වා-න්නාද්ය॒මව॑ රුන්ධතේ පඤ්ච॒ධා වි॑නි॒ෂද්ය॑ ස්තුවන්ති॒ පඤ්ච॒ දිශෝ॑ දි॒ක්ෂ්වේ॑ව ප්රති॑තිෂ්ඨ॒න්ත්යේකෛ॑ක॒යා-ऽස්තු॑තයා ස॒මාය॑න්ති දි॒ග්භ්ය ඒ॒වාන්නාද්ය॒ග්​ම්॒ ස-ම්භ॑රන්ති॒ තාභි॑-රුද්ගා॒තෝ-ද්ගා॑යති දි॒ග්භ්ය ඒ॒වා-ऽන්නාද්යග්​ම්॑ [ඒ॒වා-ऽන්නාද්ය᳚ම්, ස॒ම්භෘත්ය॒ තේජ॑] 26

ස॒ම්භෘත්ය॒ තේජ॑ ආ॒ත්ම-න්ද॑ධතේ॒ තස්මා॒දේකඃ॑ ප්රා॒ණ-ස්සර්වා॒ණ්යඞ්ගා᳚න්යව॒ත්යථෝ॒ යථා॑ සුප॒ර්ණ උ॑ත්පති॒ෂ්යඤ්ඡිර॑ උත්ත॒ම-ඞ්කු॑රු॒ත ඒ॒වමේ॒ව ත-ද්යජ॑මානාඃ ප්ර॒ජානා॑මුත්ත॒මා භ॑වන්ත්යාස॒න්දී-මු॑ද්ගා॒තා ऽऽරෝ॑හති॒ සාම්රා᳚ජ්යමේ॒ව ග॑ච්ඡන්ති ප්ලේ॒ඞ්ඛග්​ම් හෝතා॒ නාක॑ස්යෛ॒ව පෘ॒ෂ්ඨග්​ම් රෝ॑හන්ති කූ॒ර්චාව॑ද්ධ්ව॒ර්යු-ර්බ්ර॒ද්ධ්නස්යෛ॒ව වි॒ෂ්ටප॑-ඞ්ගච්ඡන්ත්යේ॒තාව॑න්තෝ॒ වෛ දේ॑වලෝ॒කාස්තේෂ්වේ॒ව ය॑ථාපූ॒ර්ව-ම්ප්රති॑ තිෂ්ඨ॒න්ත්යථෝ॑ ආ॒ක්රම॑ණමේ॒ව ත-ථ්සේතුං॒-යඁජ॑මානාඃ කුර්වතේ සුව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ 27 ॥
(සද॑සඃ-සප්තද॒ශං-ප්ර॒ජාප॑තේ-ර්ගායති දි॒ග්භ්ය ඒ॒වාන්නාද්යං॒-ප්රත්යේ-කා॑දශ ච) (අ. 8)

අ॒ර්ක්යේ॑ණ॒ වෛ ස॑හස්ර॒ශඃ ප්ර॒ජාප॑තිඃ ප්ර॒ජා අ॑සෘජත॒ තාභ්ය॒ ඉලා᳚දේ॒න්නේරාං॒-ලූඁතා॒මවා॑රුන්ධ॒ යද॒ර්ක්ය॑-ම්භව॑ති ප්ර॒ජා ඒ॒ව ත-ද්යජ॑මානා-ස්සෘජන්ත॒ ඉලා᳚ද-ම්භවති ප්ර॒ජාභ්ය॑ ඒ॒ව සෘ॒ෂ්ටාභ්ය॒ ඉරාං॒-ලූඁතා॒මව॑ රුන්ධතේ॒ තස්මා॒ද්යාග්​ම් සමාග්​ම්॑ ස॒ත්රග්​ම් සමෘ॑ද්ධ॒-ඞ්ක්ෂෝධු॑කා॒ස්තාග්​ම් සමා᳚-ම්ප්ර॒ජා ඉෂ॒ග්ග්॒ හ්යා॑සා॒මූර්ජ॑මා॒දද॑තේ॒ යාග්​ම් සමාං॒-ව්යෘඁ ॑ද්ධ॒-මක්ෂෝ॑ධුකා॒ස්තාග්​ම් සමා᳚-ම්ප්ර॒ජා [සමා᳚-ම්ප්ර॒ජාඃ, න හ්යා॑සා॒මිෂ॒] 28

න හ්යා॑සා॒මිෂ॒-මූර්ජ॑-මා॒දද॑ත උත්ක්රෝ॒ද-ඞ්කු॑ර්වතේ॒ යථා॑ බ॒න්ධා-න්මු॑මුචා॒නා උ॑ත්ක්රෝ॒ද-ඞ්කු॒ර්වත॑ ඒ॒වමේ॒ව ත-ද්යජ॑මානා දේවබ॒න්ධා-න්මු॑මුචා॒නා උ॑ත්ක්රෝ॒ද-ඞ්කු॑ර්වත॒ ඉෂ॒මූර්ජ॑මා॒ත්ම-න්දධා॑නා වා॒ණ-ශ්ශ॒තත॑න්තුර්භවති ශ॒තායුඃ॒ පුරු॑ෂ-ශ්ශ॒තේන්ද්රි॑ය॒ ආයු॑ෂ්යේ॒වේන්ද්රි॒යේ ප්රති॑ තිෂ්ඨන්ත්යා॒ජි-න්ධා॑ව॒න්ත්යන॑භිජිතස්යා॒-භිජි॑ත්යෛ දුන්දු॒භීන්-ථ්ස॒මාඝ්න॑න්ති පර॒මා වා ඒ॒ෂා වාග්යා දු॑න්දු॒භෞ ප॑ර॒මාමේ॒ව [ ] 29

වාච॒මව॑ රුන්ධතේ භූමිදුන්දු॒භිමා ඝ්න॑න්ති॒ යෛවේමාං-වාඁ-ක්ප්රවි॑ෂ්ටා॒ තාමේ॒වාව॑ රුන්ධ॒තේ ऽථෝ॑ ඉ॒මාමේ॒ව ජ॑යන්ති॒ සර්වා॒ වාචෝ॑ වදන්ති॒ සර්වා॑සාං-වාඁ॒චාමව॑රුද්ධ්යා ආ॒ර්ද්රේචර්ම॒න් ව්යාය॑ච්ඡේතේ ඉන්ද්රි॒යස්යා ව॑රුද්ධ්යා॒ ආ-ऽන්යඃ ක්රෝශ॑ති॒ ප්රාන්ය-ශ්ශග්​ම්॑සති॒ ය ආ॒ක්රෝශ॑ති පු॒නාත්යේ॒වෛනා॒න්​ථ්ස යඃ ප්ර॒ශග්​ම්ස॑ති පූ॒තේෂ්වේ॒වා-ऽන්නාද්ය॑-න්දධා॒ත්යෘෂි॑කෘත-ඤ්ච॒ [-න්දධා॒ත්යෘෂි॑කෘත-ඤ්ච॒, වා ඒ॒තේ] 30

වා ඒ॒තේ දේ॒වකෘ॑ත-ඤ්ච॒ පූර්වෛ॒ර්මාසෛ॒රව॑ රුන්ධතේ॒ ය-ද්භූ॑තේ॒ච්ඡදා॒ග්​ම්॒ සාමා॑නි॒ භව॑න්ත්යු॒භය॒ස්යාව॑රුද්ධ්යෛ॒ යන්ති॒ වා ඒ॒තේ මි॑ථු॒නාද්යේ සං॑​වඁථ්ස॒ර-මු॑ප॒යන්ත්ය॑න්තර්වේ॒දි මි॑ථු॒නෞ ස-ම්භ॑වත॒ස්තේනෛ॒ව මි॑ථු॒නාන්න ය॑න්ති ॥ 31 ॥
(ව්යෘ॑ද්ධ॒මක්ෂෝ॑ධුකා॒ස්තාග්​ම් සමා᳚-ම්ප්ර॒ජාඃ - ප॑ර॒මාමේ॒ව - ච॑ - ත්රි॒ග්​ම්॒ශච්ච॑) (අ. 9)

චර්මාව॑ භින්දන්ති පා॒ප්මාන॑මේ॒වෛෂා॒මව॑ භින්දන්ති॒ මා-ऽප॑ රාථ්සී॒ර්මා-ऽති॑ ව්යාථ්සී॒රිත්යා॑හ සම්ප්ර॒ත්යේ॑වෛෂා᳚-ම්පා॒ප්මාන॒මව॑ භින්දන්ත්යුදකු॒ම්භාන॑ධිනි॒ධාය॑ දා॒ස්යෝ॑ මාර්ජා॒ලීය॒-ම්පරි॑ නෘත්යන්ති ප॒දෝ නි॑ඝ්න॒තීරි॒දම්ම॑ධු॒-ඞ්ගාය॑න්ත්යෝ॒ මධු॒ වෛ දේ॒වානා᳚-ම්පර॒ම-ම॒න්නාද්ය॑-ම්පර॒මමේ॒වා-න්නාද්ය॒මව॑ රුන්ධතේ ප॒දෝ නි ඝ්න॑න්ති මහී॒යාමේ॒වෛෂු॑ දධති ॥ 32 ॥
(චර්මෛ - කා॒න්නප॑ඤ්චා॒ශත්) (අ. 10)

පෘ॒ථි॒ව්යෛ ස්වාහා॒ ऽන්තරි॑ක්ෂාය॒ ස්වාහා॑ දි॒වේ ස්වාහා॑ සම්ප්ලෝෂ්ය॒තේ ස්වාහා॑ ස॒ප්ලං​වඁ ॑මානාය॒ ස්වාහා॒ සම්ප්ලු॑තාය॒ ස්වාහා॑ මේඝායිෂ්ය॒තේ ස්වාහා॑ මේඝාය॒තේ ස්වාහා॑ මේඝි॒තාය॒ ස්වාහා॑ මේ॒ඝාය॒ ස්වාහා॑ නීහා॒රාය॒ ස්වාහා॑ නි॒හාකා॑යෛ॒ ස්වාහා᳚ ප්රාස॒චාය॒ ස්වාහා᳚ ප්රච॒ලාකා॑යෛ॒ ස්වාහා॑ විද්යෝතිෂ්ය॒තේ ස්වාහා॑ වි॒ද්යෝත॑මානාය॒ ස්වාහා॑ සං​විඁ॒ද්යෝත॑මානාය॒ ස්වාහා᳚ ස්තනයිෂ්ය॒තේ ස්වාහා᳚ ස්ත॒නය॑තේ॒ ස්වාහෝ॒ -ග්රග්ග්​ ස්ත॒නය॑තේ॒ ස්වාහා॑ වර්​ෂිෂ්ය॒තේ ස්වාහා॒ වර්​ෂ॑තේ॒ ස්වාහා॑ ऽභි॒වර්​ෂ॑තේ॒ ස්වාහා॑ පරි॒වර්​ෂ॑තේ॒ ස්වාහා॑ සං॒​වඁර්​ෂ॑තේ॒ [සං॒​වඁර්​ෂ॑තේ, ස්වාහා॑ ऽනු॒වර්​ෂ॑තේ॒ ස්වාහා॑] 33

ස්වාහා॑ ऽනු॒වර්​ෂ॑තේ॒ ස්වාහා॑ ශීකායිෂ්ය॒තේ ස්වාහා॑ ශීකාය॒තේ ස්වාහා॑ ශීකි॒තාය॒ ස්වාහා᳚ප්රෝෂිෂ්ය॒තේ ස්වාහා᳚ ප්රුෂ්ණ॒තේ ස්වාහා॑ පරිප්රුෂ්ණ॒තේ ස්වාහෝ᳚-ද්ග්රහීෂ්ය॒තේ ස්වාහෝ᳚ ද්ගෘහ්ණ॒තේ ස්වාහෝ-ද්ගෘ॑හීතාය॒ ස්වාහා॑ විප්ලෝෂ්ය॒තේ ස්වාහා॑ වි॒ප්ලව॑මානාය॒ ස්වාහා॒ විප්ලු॑තාය॒ ස්වාහා॑ ऽऽතඵ්ස්ය॒තේ ස්වාහා॒ ऽऽතප॑තේ ॒ස්වාහෝ॒-ග්රමා॒තප॑තේ॒ ස්වාහ॒ -ර්ග්භ්ය-ස්ස්වාහා॒ යජු॑ර්භ්ය॒-ස්ස්වාහා॒ සාම॑භ්ය॒-ස්ස්වාහා ऽඞ්ගි॑රෝභ්ය॒-ස්ස්වාහා॒ වේදේ᳚භ්ය॒-ස්ස්වාහා॒ ගාථා᳚භ්ය॒-ස්ස්වාහා॑ නාරාශ॒ග්​ම්॒සීභ්ය॒-ස්ස්වාහා॒ රෛභී᳚භ්ය॒-ස්ස්වාහා॒ සර්ව॑ස්මෛ॒ ස්වාහා᳚ ॥ 34 ॥
(සං॒​වඁර්​ෂ॑තේ॒ - රෛභී᳚භ්ය॒-ස්ස්වාහා॒ - ද්වේ ච॑) (අ. 11)

ද॒ත්වතේ॒ ස්වාහා॑ ऽද॒න්තකා॑ය॒ ස්වාහා᳚ ප්රා॒ණිනේ॒ ස්වාහා᳚ ऽප්රා॒ණාය॒ ස්වාහා॒ මුඛ॑වතේ॒ ස්වාහා॑-ऽමු॒ඛාය॒ ස්වාහා॒ නාසි॑කවතේ॒ ස්වාහා॑ ऽනාසි॒කාය॒ ස්වාහා᳚ ऽක්ෂ॒ණ්වතේ॒ ස්වාහා॑-ऽන॒ක්ෂිකා॑ය॒ ස්වාහා॑ ක॒ර්ණිනේ॒ ස්වාහා॑ ऽක॒ර්ණකා॑ය॒ ස්වාහා॑ ශීර්​ෂ॒ණ්වතේ॒ ස්වාහා॑-ऽශී॒ර්॒ෂකා॑ය॒ ස්වාහා॑ ප॒ද්වතේ॒ ස්වාහා॑ ऽපා॒දකා॑ය॒ ස්වාහා᳚ ප්රාණ॒තේ ස්වාහා ऽප්රා॑ණතේ॒ ස්වාහා॒ වද॑තේ॒ ස්වාහා ऽව॑දතේ॒ ස්වාහා॒ පශ්ය॑තේ॒ ස්වාහා ऽප॑ශ්යතේ॒ ස්වාහා॑ ශෘණ්ව॒තේ ස්වාහා ऽශෘ॑ණ්වතේ॒ ස්වාහා॑ මන॒ස්විනේ॒ ස්වාහා॑- [මන॒ස්විනේ॒ ස්වාහා᳚, අ॒ම॒නසේ॒ ස්වාහා॑] 35

-ऽම॒නසේ॒ ස්වාහා॑ රේත॒ස්විනේ॒ ස්වාහා॑ ऽරේ॒තස්කා॑ය॒ ස්වාහා᳚ ප්ර॒ජාභ්ය॒-ස්ස්වාහා᳚ ප්ර॒ජන॑නාය॒ ස්වාහා॒ ලෝම॑වතේ॒ ස්වාහා॑ ऽලෝ॒මකා॑ය॒ ස්වාහා᳚ ත්ව॒චේ ස්වාහා॒ ऽත්වක්කා॑ය॒ ස්වාහා॒ චර්ම॑ණ්වතේ॒ ස්වාහා॑ ऽච॒ර්මකා॑ය॒ ස්වාහා॒ ලෝහි॑තවතේ॒ ස්වාහා॑-ऽලෝහි॒තාය॒ ස්වාහා॑ මාග්​ම්ස॒න්වතේ॒ ස්වාහා॑ ऽමා॒ග්​ම්॒සකා॑ය॒ ස්වාහා॒ ස්නාව॑භ්ය॒-ස්ස්වාහා᳚ ऽස්නා॒වකා॑ය॒ ස්වාහා᳚ ස්ථ॒න්වතේ॒ ස්වාහා॑-ऽන॒ස්ථිකා॑ය॒ ස්වාහා॑ මජ්ජ॒න්වතේ॒ ස්වාහා॑ ऽම॒ජ්ජකා॑ය॒ ස්වාහා॒ ऽඞ්ගිනේ॒ ස්වාහා॑-ऽන॒ඞ්ගාය॒ ස්වාහා॒ ऽऽත්මනේ॒ ස්වාහා ऽනා᳚ත්මනේ॒ ස්වාහා॒ සර්ව॑ස්මෛ॒ ස්වාහා᳚ ॥ 36 ॥
(ම॒න॒ස්විනේ॒ ස්වාහා - ऽනා᳚ත්මනේ॒ ස්වාහා॒ - ද්වේ ච॑) (අ. 12)

කස්ත්වා॑ යුනක්ති॒ ස ත්වා॑ යුනක්තු॒ විෂ්ණු॑ස්ත්වා යුනක්ත්ව॒ස්ය ය॒ජ්ඤස්යර්ධ්යෛ॒ මහ්ය॒ග්​ම්॒ සන්න॑ත්යා අ॒මුෂ්මෛ॒ කාමා॒යා-ऽऽයු॑ෂේ ත්වා ප්රා॒ණාය॑ ත්වා ऽපා॒නාය॑ ත්වා ව්යා॒නාය॑ ත්වා॒ ව්යු॑ෂ්ට්යෛ ත්වා ර॒ය්යෛ ත්වා॒ රාධ॑සේ ත්වා॒ ඝෝෂා॑ය ත්වා॒ පෝෂා॑ය ත්වා ऽऽරාද්ඝෝ॒ෂාය॑ ත්වා॒ ප්රච්යු॑ත්යෛ ත්වා ॥ 37 ॥
(කස්ත්වා॒ - ऽෂ්ටාත්රිග්​ම්॑ශත්) (අ. 13)

අ॒ග්නයේ॑ ගාය॒ත්රාය॑ ත්රි॒වෘතේ॒ රාථ॑න්තරාය වාස॒න්තායා॒-ෂ්ටාක॑පාල॒ ඉන්ද්රා॑ය॒ ත්රෛෂ්ටු॑භාය පඤ්චද॒ශාය॒ බාර්​හ॑තාය॒ ග්රෛෂ්මා॒යෛකා॑දශකපාලෝ॒ විශ්වේ᳚භ්යෝ දේ॒වේභ්යෝ॒ ජාග॑තේභ්ය-ස්සප්තද॒ශේභ්යෝ॑ වෛරූ॒පේභ්යෝ॒ වාර්​ෂි॑කේභ්යෝ॒ ද්වාද॑ශකපාලෝ මි॒ත්රාවරු॑ණාභ්යා॒-මානු॑ෂ්ටුභාභ්යා-මේකවි॒ග්​ම්॒ශාභ්යාං᳚-වෛඁරා॒ජාභ්යාග්​ම්॑ ශාර॒දාභ්යා᳚-ම්පය॒ස්යා॑ බෘහ॒ස්පත॑යේ॒ පාඞ්ක්තා॑ය ත්රිණ॒වාය॑ ශාක්ව॒රාය॒ හෛම॑න්තිකාය ච॒රු-ස්ස॑වි॒ත්ර ආ॑තිච්ඡන්ද॒සාය॑ ත්රයස්ත්රි॒ග්​ම්॒ශාය॑ රෛව॒තාය॑ ශෛශි॒රාය॒ ද්වාද॑ශකපා॒ලෝ ऽදි॑ත්යෛ॒ විෂ්ණු॑පත්න්යෛ ච॒රුර॒ග්නයේ॑ වෛශ්වාන॒රාය॒ ද්වාද॑ශකපා॒ලෝ ऽනු॑මත්යෛ ච॒රුඃ කා॒ය ඒක॑කපාලඃ ॥ 38 ॥
(අ॒ග්නයේ-ऽදි॑ත්යා॒ අනු॑මත්යෛ - ස॒ප්තච॑ත්වාරිග්​ම්ශත්) (අ. 14)

යෝ වා අ॒ග්නාව॒ග්නිඃ ප්ර॑හ්රි॒යතේ॒ යශ්ච॒ සෝමෝ॒ රාජා॒ තයෝ॑රේ॒ෂ ආ॑ති॒ථ්යං-යඁද॑ග්නීෂෝ॒මීයෝ-ऽථෛ॒ෂ රු॒ද්රෝ යශ්චී॒යතේ॒ ය-ථ්සඤ්චි॑තේ॒-ऽග්නාවේ॒තානි॑ හ॒වීග්​ම්ෂි॒ න නි॒ර්වපේ॑දේ॒ෂ ඒ॒ව රු॒ද්රෝ-ऽශා᳚න්ත උපෝ॒ත්ථාය॑ ප්ර॒ජා-ම්ප॒ශූන් යජ॑මානස්යා॒භි ම॑න්යේත॒ ය-ථ්සඤ්චි॑තේ॒-ऽග්නාවේ॒තානි॑ හ॒වීග්​ම්ෂි॑ නි॒ර්වප॑ති භාග॒ධේයේ॑නෛ॒වෛනග්​ම්॑ ශමයති॒ නාස්ය॑ රු॒ද්රෝ-ऽශා᳚න්ත [රු॒ද්රෝ-ऽශා᳚න්තඃ, උ॒පෝ॒ත්ථාය॑] 39

උපෝ॒ත්ථාය॑ ප්ර॒ජා-ම්ප॒ශූන॒භි ම॑න්යතේ॒ දශ॑ හ॒වීග්​ම්ෂි॑ භවන්ති॒ නව॒ වෛ පුරු॑ෂේ ප්රා॒ණා නාභි॑ර්දශ॒මී ප්රා॒ණානේ॒ව යජ॑මානේ දධා॒ත්යථෝ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජ්යේ॒වාන්නාද්යේ॒ ප්රති॑ තිෂ්ඨත්යෘ॒තුභි॒ර්වා ඒ॒ෂ ඡන්දෝ॑භි॒-ස්ස්තෝමෛඃ᳚ පෘ॒ෂ්ඨෛශ්චේ॑ත॒ව්ය॑ ඉත්යා॑හු॒ර්යදේ॒තානි॑ හ॒වීග්​ම්ෂි॑ නි॒ර්වප॑ත්යෘ॒තුභි॑රේ॒වෛන॒-ඤ්ඡන්දෝ॑භි॒-ස්ස්තෝමෛඃ᳚ පෘ॒ෂ්ඨෛශ්චි॑නුතේ॒ දිශ॑-ස්සුෂුවා॒ණේනා॑ - [ ] 40

-භි॒ජිත්යා॒ ඉත්යා॑හු॒ර්යදේ॒තානි॑ හ॒වීග්​ම්ෂි॑ නි॒ර්වප॑ති දි॒ශාම॒භිජි॑ත්යා ඒ॒තයා॒ වා ඉන්ද්ර॑-න්දේ॒වා අ॑යාජය॒-න්තස්මා॑දින්ද්රස॒ව ඒ॒තයා॒ මනු॑-ම්මනු॒ෂ්යා᳚ස්තස්මා᳚-න්මනුස॒වෝ යථේන්ද්රෝ॑ දේ॒වානාං॒-යඁථා॒ මනු॑ර්මනු॒ෂ්යා॑ණාමේ॒ව-ම්භ॑වති॒ ය ඒ॒වං-විඁ॒ද්වානේ॒තයේෂ්ට්යා॒ යජ॑තේ॒ දිග්ව॑තීඃ පුරෝ-ऽනුවා॒ක්යා॑ භවන්ති॒ සර්වා॑සා-න්දි॒ශාම॒භිජි॑ත්යෛ ॥ 41 ॥
(අශා᳚න්තඃ - සුෂුවා॒ණේනෛ - ක॑චත්වාරිග්​ම්ශච්ච) (අ. 15)

යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ । ය ඊශේ॑ අ॒ස්ය ද්වි॒පද॒ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම ॥ උ॒ප॒යා॒මගෘ॑හීතෝ-ऽසි ප්ර॒ජාප॑තයේ ත්වා॒ ජුෂ්ට॑-ඞ්ගෘහ්ණාමි॒ තස්ය॑ තේ॒ ද්යෞර්ම॑හි॒මා නක්ෂ॑ත්රාණි රූ॒පමා॑දි॒ත්යස්තේ॒ තේජ॒ස්තස්මෛ᳚ ත්වා මහි॒ම්නේ ප්ර॒ජාප॑තයේ॒ ස්වාහා᳚ ॥ 42 ॥
(යඃ ප්රා॑ණ॒තෝ ද්යෞරා॑දි॒ත්යෝ᳚ - ऽෂ්ටාත්රිග්​ම්॑ශත් ) (අ. 16)

ය ආ᳚ත්ම॒දා බ॑ල॒දා යස්ය॒ විශ්ව॑ උ॒පාස॑තේ ප්ර॒ශිෂං॒-යඁස්ය॑ දේ॒වාඃ । යස්ය॑ ඡා॒යා-ऽමෘතං॒-යඁස්ය॑ මෘ॒ත්යුඃ කස්මෛ॑ දේ॒වාය॑ හ॒විෂා॑ විධේම ॥ උ॒ප॒යා॒මගෘ॑හීතෝ-ऽසි ප්ර॒ජාප॑තයේ ත්වා॒ ජුෂ්ට॑-ඞ්ගෘහ්ණාමි॒ තස්ය॑ තේ පෘථි॒වී ම॑හි॒මෞෂ॑ධයෝ॒ වන॒ස්පත॑යෝ රූ॒පම॒ග්නිස්තේ॒ තේජ॒ස්තස්මෛ᳚ ත්වා මහි॒ම්නේ ප්ර॒ජාප॑තයේ॒ ස්වාහා᳚ ॥ 43 ॥
(ය ආ᳚ත්ම॒දාඃ පෘ॑ථි॒ව්ය॑ග්නි-රේකා॒න්නච॑ත්වාරි॒ග්​ම්॒ශත්) (අ. 17)

ආ බ්රහ්ම॑-න්බ්රාහ්ම॒ණෝ බ්ර॑හ්මවර්ච॒සී ජා॑යතා॒මා ऽස්මි-න්රා॒ෂ්ට්රේ රා॑ජ॒න්ය॑ ඉෂ॒ව්ය॑-ශ්ශූරෝ॑ මහාර॒ථෝ ජා॑යතා॒-න්දෝග්ධ්රී॑ධේ॒නුර්වෝඪා॑ ऽන॒ඩ්වානා॒ශු-ස්සප්තිඃ॒ පුර॑න්ධි॒ර්යෝෂා॑ ජි॒ෂ්ණූ ර॑ථේ॒ෂ්ඨා-ස්ස॒භේයෝ॒ යුවා ऽऽස්ය යජ॑මානස්ය වී॒රෝ ජා॑යතා-න්නිකා॒මේනි॑කාමේ නඃ ප॒ර්ජන්යෝ॑ වර්​ෂතු ඵ॒ලින්යෝ॑ න॒ ඕෂ॑ධයඃ පච්යන්තාං-යෝඁගක්ෂේ॒මෝනඃ॑ කල්පතාම් ॥ 44 ॥
(ආ බ්රහ්ම॒ - න්නේක॑චත්වාරිග්​ම්ශත් )(ආ18)

ආ-ऽක්රාන්॑ වා॒ජී පෘ॑ථි॒වීම॒ග්නිං-යුඁජ॑මකෘත වා॒ජ්යර්වා ऽऽක්රාන්॑ වා॒ජ්ය॑න්තරි॑ක්ෂං-වාඁ॒යුං-යුඁජ॑මකෘත වා॒ජ්යර්වා॒ ද්යාං-වාඁ॒ජ්යා-ऽක්රග්ග්॑ස්ත॒ සූර්යං॒-යුඁජ॑මකෘත වා॒ජ්යර්වා॒ ऽග්නිස්තේ॑ වාජි॒න්॒ යුඞ්ඞනු॒ ත්වා ऽऽ ර॑භේ ස්ව॒ස්ති මා॒ ස-ම්පා॑රය වා॒යුස්තේ॑ වාජි॒න්॒ යුඞ්ඞනු॒ ත්වා ऽऽ ර॑භේ ස්ව॒ස්ති මා॒ ස- [ස්ව॒ස්ති මා॒ සම්, පා॒ර॒යා॒ ऽऽදි॒ත්යස්තේ॑] 45

-ම්පා॑රයා ऽऽදි॒ත්යස්තේ॑ වාජි॒න්॒ යුඞ්ඞනු॒ ත්වා ऽऽ ර॑භේ ස්ව॒ස්ති මා॒ ස-ම්පා॑රය ප්රාණ॒ධෘග॑සි ප්රා॒ණ-ම්මේ॑ දෘග්​ම්හ ව්යාන॒ධෘග॑සි ව්යා॒න-ම්මේ॑ දෘග්​ම්හා ऽපාන॒ධෘග॑ස්යපා॒න-ම්ම॑ දෘග්​ම්හ॒ චක්ෂු॑රසි॒ චක්ෂු॒ර්මයි॑ ධේහි॒ ශ්රෝත්ර॑මසි॒ ශ්රෝත්ර॒-ම්මයි॑ ධේ॒හ්යායු॑ර॒ස්යායු॒ර්මයි॑ ධේහි ॥ 46 ॥
(වා॒යුස්තේ॑ වාජි॒න්॒ යුඞ්ඞනු॒ ත්වා ऽऽ ර॑භේ ස්ව॒ස්ති මා॒ සං - ත්රිච॑ත්වාරිග්​ම්ශච්ච) (අ. 19)

ජජ්ඤි॒ බීජං॒-වඁර්​ෂ්ටා॑ ප॒ර්ජන්යඃ॒ පක්තා॑ ස॒ස්යග්​ම් සු॑පිප්ප॒ලා ඕෂ॑ධය-ස්ස්වධිචර॒ණේයග්​ම් සූ॑පසද॒නෝ᳚-ऽග්නි-ස්ස්ව॑ද්ධ්ය॒ක්ෂම॒න්තරි॑ක්ෂග්​ම්සුපා॒වඃ පව॑මාන-ස්සූපස්ථා॒නා ද්යෞ-ශ්ශි॒වම॒සෞ තප॑න් යථාපූ॒ර්වම॑හෝරා॒ත්රේ ප॑ඤ්චද॒ශිනෝ᳚ ऽර්ධමා॒සා-ස්ත්රි॒ග්​ම්॒ශිනෝ॒ මාසාඃ᳚ කॢ॒ප්තා ඍ॒තව॑-ශ්ශා॒න්ත-ස්සං॑​වඁථ්ස॒රඃ ॥ 47 ॥
(ජජ්ඤි॒ බීජ॒ - මේක॑ත්රිග්​ම්ශත්) (අ. 20)

ආ॒ග්නේ॒යෝ᳚-ऽෂ්ටාක॑පාල-ස්සෞ॒ම්යශ්ච॒රු-ස්සා॑වි॒ත්රෝ᳚-ऽෂ්ටාක॑පාලඃ පෞ॒ෂ්ණශ්ච॒රූ රෞ॒ද්රශ්ච॒රුර॒ග්නයේ॑ වෛශ්වාන॒රාය॒ ද්වාද॑ශකපාලෝ මෘගාඛ॒රේ යදි॒ නා-ऽऽගච්ඡේ॑-ද॒ග්නයේ-ऽග්​ම්॑හෝ॒මුචේ॒-ऽෂ්ටාක॑පාල-ස්සෞ॒ර්ය-ම්පයෝ॑ වාය॒ව්ය॑ ආජ්ය॑භාගඃ ॥ 48 ॥
(ආ॒ග්නේ॒ය - ශ්චතු॑ර්විග්​ම්ශතිඃ) (අ. 21)

අ॒ග්නයේ-ऽග්​ම්॑හෝ॒මුචේ॒-ऽෂ්ටාක॑පාල॒ ඉන්ද්රා॑යා-ऽග්​ම්හෝ॒මුච॒ ඒකා॑දශකපාලෝ මි॒ත්රාවරු॑ණාභ්යා-මාගෝ॒මුග්භ්යා᳚-ම්පය॒ස්යා॑ වායෝසාවි॒ත්ර ආ॑ගෝ॒මුග්භ්යා᳚-ඤ්ච॒රුර॒ශ්විභ්යා॑-මාගෝ॒මුග්භ්යා᳚-න්ධා॒නා ම॒රුද්භ්ය॑ ඒනෝ॒මුග්භ්ය॑-ස්ස॒ප්තක॑පාලෝ॒ විශ්වේ᳚භ්යෝ දේ॒වේභ්ය॑ ඒනෝ॒මුග්භ්යෝ॒ ද්වාද॑ශකපා॒ලෝ ऽනු॑මත්යෛ ච॒රුර॒ග්නයේ॑ වෛශ්වාන॒රාය॒ ද්වාද॑ශකපාලෝ॒ ද්යාවා॑පෘථි॒වීභ්යා॑-මග්​ම්හෝ॒මුග්භ්යා᳚-න්ද්විකපා॒ලඃ ॥ 49 ॥
(අ॒ග්නයේ-ऽග්​ම්॑හෝ॒මුචේ᳚ - ත්රි॒ග්​ම්॒ශත්) (අ. 22)

අ॒ග්නයේ॒ සම॑නම-ත්පෘථි॒ව්යෛ සම॑නම॒ද්යථා॒-ऽග්නිඃ පෘ॑ථි॒ව්යා ස॒මන॑මදේ॒ව-ම්මහ්ය॑-ම්භ॒ද්රා-ස්සන්න॑තය॒-ස්ස-න්න॑මන්තු වා॒යවේ॒ සම॑නමද॒න්තරි॑ක්ෂාය॒ සම॑නම॒ද්යථා॑ වා॒යුර॒න්තරි॑ක්ෂේණ॒ සූර්යා॑ය॒ සම॑නමද්දි॒වේ සම॑නම॒ද්යථා॒ සූර්යෝ॑ දි॒වා ච॒න්ද්රම॑සේ॒ සම॑නම॒න්නක්ෂ॑ත්රේභ්ය॒-ස්සම॑නම॒ද්යථා॑ ච॒න්ද්රමා॒ නක්ෂ॑ත්රෛ॒ර්වරු॑ණාය॒ සම॑නමද॒ද්භ්ය-ස්සම॑නම॒-ද්යථා॒ [-ස්සම॑නම॒-ද්යථා᳚, වරු॑ණෝ॒-ऽද්භි-ස්සාම්නේ॒] 50

වරු॑ණෝ॒-ऽද්භි-ස්සාම්නේ॒ සම॑නමදෘ॒චේ සම॑නම॒ද්යථා॒ සාම॒ර්චා බ්රහ්ම॑ණේ॒ සම॑නම-ත්ක්ෂ॒ත්රාය॒ සම॑නම॒ද්යථා॒ බ්රහ්ම॑ ක්ෂ॒ත්රේණ॒ රාජ්ඤේ॒ සම॑නම-ද්වි॒ශේ සම॑නම॒ද්යථා॒ රාජා॑ වි॒ශා රථා॑ය॒-ස්සම॑නම॒දශ්වේ᳚භ්ය॒-ස්සම॑නම॒ද්යථා॒ රථෝ-ऽශ්වෛඃ᳚ ප්ර॒ජාප॑තයේ॒ සම॑නම-ද්භූ॒තේභ්ය॒-ස්සම॑නම॒ද්යථා᳚ ප්ර॒ජාප॑තිර්භූ॒තෛ-ස්ස॒මන॑මදේ॒ව-ම්මහ්ය॑-ම්භ॒ද්රා-ස්සන්න॑තය॒-ස්ස-න්න॑මන්තු ॥ 51 ॥
(අ॒ද්භ්ය-ස්සම॑නම॒ද්යථා॒-මහ්යං॑-ච॒ත්වාරි॑ ච) (අ. 23)

යේ තේ॒ පන්ථා॑න-ස්සවිතඃ පූ॒ර්ව්යාසෝ॑-ऽරේ॒ණවෝ॒ විත॑තා අ॒න්තරි॑ක්ෂේ । තේභි॑ර්නෝ අ॒ද්ය ප॒ථිභි॑-ස්සු॒ගේභී॒ රක්ෂා॑ ච නෝ॒ අධි॑ ච දේව බ්රූහි ॥ නමෝ॒-ऽග්නයේ॑ පෘථිවි॒ක්ෂිතේ॑ ලෝක॒ස්පෘතේ॑ ලෝ॒කම॒ස්මෛ යජ॑මානාය දේහි॒ නමෝ॑ වා॒යවේ᳚-ऽන්තරික්ෂ॒ක්ෂිතේ॑ ලෝක॒ස්පෘතේ॑ ලෝ॒කම॒ස්මෛ යජ॑මානාය දේහි॒ නම॒-ස්සූර්යා॑ය දිවි॒ක්ෂිතේ॑ ලෝක॒ස්පෘතේ॑ ලෝ॒කම॒ස්මෛ යජ॑මානාය දේහි ॥ 52 ॥
(යේ තේ॒ - චතු॑ශ්චත්වාරිග්​ම්ශත්) (අ. 24)

යෝ වා අශ්ව॑ස්ය॒ මේද්ධ්ය॑ස්ය॒ ශිරෝ॒ වේද॑ ශීර්​ෂ॒ණ්වා-න්මේද්ධ්යෝ॑ භවත්යු॒ෂා වා අශ්ව॑ස්ය॒ මේද්ධ්ය॑ස්ය॒ ශිර॒-ස්සූර්ය॒ශ්චක්ෂු॒ර්වාතඃ॑ ප්රා॒ණශ්ච॒න්ද්රමා॒-ශ්ශ්රෝත්ර॒-න්දිශඃ॒ පාදා॑ අවාන්තරදි॒ශාඃ පර්​ශ॑වෝ-ऽහෝරා॒ත්රේ නි॑මේ॒ෂෝ᳚-ऽර්ධමා॒සාඃ පර්වා॑ණි॒ මාසා᳚-ස්ස॒ධාන්නා᳚න්යෘ॒තවෝ-ऽඞ්ගා॑නි සං​වඁථ්ස॒ර ආ॒ත්මා ර॒ශ්මයඃ॒ කේශා॒ නක්ෂ॑ත්රාණි රූ॒ප-න්තාර॑කා අ॒ස්ථානි॒ නභෝ॑ මා॒ග්​ම්॒සාන්යෝෂ॑ධයෝ॒ ලෝමා॑නි॒ වන॒ස්පත॑යෝ॒ වාලා॑ අ॒ග්නිර්මුඛං॑-වෛඁශ්වාන॒රෝ ව්යාත්තග්​ම්॑ [ව්යාත්ත᳚ම්, ස॒මු॒ද්ර උ॒දර॑ම॒න්තරි॑ක්ෂ-] 53

සමු॒ද්ර උ॒දර॑ම॒න්තරි॑ක්ෂ-ම්පා॒යු-ර්ද්යාවා॑පෘථි॒වී ආ॒ණ්ඩෞ ග්රාවා॒ ශේප॒-ස්සෝමෝ॒ රේතෝ॒ යජ්ජ॑ඤ්ජ॒භ්යතේ॒ තද්වි ද්යෝ॑තතේ॒ යද්වි॑ධූනු॒තේ ත-ථ්ස්ත॑නයති॒ යන්මේහ॑ති॒ තද්ව॑ර්​ෂති॒ වාගේ॒වාස්ය॒ වාගහ॒ර්වා අශ්ව॑ස්ය॒ ජාය॑මානස්ය මහි॒මා පු॒රස්තා᳚ජ්ජායතේ॒ රාත්රි॑රේන-ම්මහි॒මා ප॒ශ්චාදනු॑ ජායත ඒ॒තෞ වෛ ම॑හි॒මානා॒-වශ්ව॑ම॒භිත॒-ස්ස-ම්බ॑භූවතු॒ර්॒හයෝ॑ දේ॒වාන॑වහ॒ දර්වා-ऽසු॑රාන් වා॒ජී ග॑න්ධ॒ර්වා-නශ්වෝ॑ මනු॒ෂ්යා᳚න්-ථ්සමු॒ද්රෝ වා අශ්ව॑ස්ය॒ යෝනි॑-ස්සමු॒ද්රෝ බන්ධුඃ॑ ॥ 54 ॥
(ව්යාත්ත॑ - මවහ॒-ද්- ද්වාද॑ශ ච ) (අ. 25)

(ගාවෝ॒ - ගාව॒-ස්සිෂා॑සන්තීඃ- ප්රථ॒මේ මා॒සි - ස॑මා॒න්යෝ॑ - යදි॒ සෝමෞ॑- ෂඩ॒හෛ - රු॒-ථ්සෘජ්යා(3)න් - දේ॒වානා॑ - ම॒ර්ක්යේ॑ණ॒ - චර්මා-ऽව॑ - පෘථි॒ව්යෛ - ද॒ත්වතේ॒ - කස්ත්වා॒ - ऽග්නයේ॒ - යෝ වෛ - යඃ ප්රා॑ණ॒තෝ - ය ආ᳚ත්ම॒දා - ආ බ්රහ්ම॒ - න්නා-ऽක්රා॒න් - ජජ්ඤි॒ බීජ॑ - මාග්නේ॒යෝ᳚-ऽෂ්ටාක॑පාලෝ॒ - ऽග්නයේ-ऽග්​ම්॑හෝ॒මුචේ॒-ऽෂ්ටාක॑පාලෝ॒ - ऽග්නයේ॒සම॑නම॒--ද්යේ තේ॒ පන්ථා॑නෝ॒ - යෝ වා අශ්ව॑ස්ය॒මේද්ධ්ය॑ස්ය॒ ශිරඃ॒ - පඤ්ච॑විග්​ම්ශතිඃ)

(ගාවඃ॑ - සමා॒න්යඃ॑ - සව॑නමෂ්ටා॒භි - ර්වා ඒ॒තේ දේ॒වකෘ॑තඤ්චා - ऽභි॒ජිත්යා॒ ඉත්යා॑හු॒ -ර්වරු॑ණෝ॒-ऽද්භි-ස්සාම්නේ॒ - චතු॑ෂ් පඤ්චා॒සත්)

(ගාවෝ॒, යෝනි॑ ස්සමු॒ද්රෝ බන්ධුඃ॑)

(ප්ර॒ජනන॑ග්​ම් - සාද්යාඃ - ප්ර॒ජවං॒ - බෘහ॒ස්පති॒ - ර්ගාවඃ - පඤ්ච॑) (7)

(ඉ॒ෂේ, වා॑ය॒ව්ය॑, ම්ප්ර॒ජාප॑ති, ර්යුඤ්ජා॒නා, ස්සා॑වි॒ත්රාණි॑, ප්රාචීන॑වග්​ම්ශ, ම්ප්ර॒ජන॑නග්​ම්, සප්ත) (7)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායාං සප්තමකාණ්ඩේ පඤ්චමඃ ප්රශ්න-ස්සමාප්තඃ ॥

॥ ඉති තෛත්තිරීයසංහිතා සමාප්තා ॥