කෘෂ්ණ යජුර්වේදීය තෛත්තිරීය සංහිතායා-ම්පඤ්චමකාණ්ඩේ ද්විතීයඃ ප්රශ්නඃ - චිත්යුපක්රමාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

විෂ්ණු॑මුඛා॒ වෛ දේ॒වා ශ්ඡන්දෝ॑භිරි॒මාන් ඁලෝ॒කාන॑නපජ॒ය්ය ම॒භ්ය॑ජය॒න්॒.ය-ද්වි॑ෂ්ණුක්ර॒මාන් ක්රම॑තේ॒ විෂ්ණු॑රේ॒ව භූ॒ත්වා යජ॑මාන॒ශ්ඡන්දෝ॑භිරි॒මාන් ඁලෝ॒කාන॑නපජ॒ය්යම॒භි ජ॑යති॒ විෂ්ණෝඃ॒ ක්රමෝ᳚-ऽස්ය-භිමාති॒හේත්යා॑හ ගාය॒ත්රී වෛ පෘ॑ථි॒වී ත්රෛෂ්ටු॑භම॒න්තරි॑ක්ෂ॒-ඤ්ජාග॑තී॒ ද්යෞරානු॑ෂ්ටුභී॒ර්දිශ॒ ශ්ඡන්දෝ॑භිරේ॒වේමාන් ඁලෝ॒කාන්. ය॑ථා පූ॒ර්වම॒භි ජ॑යති ප්ර॒ජාප॑තිර॒ග්නිම॑සෘජත॒ සෝ᳚-ऽස්මා-ථ්සෘ॒ෂ්ටඃ [සෝ᳚-ऽස්මා-ථ්සෘ॒ෂ්ටඃ, පරා॑ඞෛ॒ත්ත-] 1

පරා॑ඞෛ॒ත්ත-මේ॒තයා ऽන්වෛ॒දක්ර॑න්ද॒දිති॒ තයා॒ වෛ සෝ᳚-ऽග්නේඃ ප්රි॒ය-න්ධාමා-ऽවා॑රුන්ධ॒ යදේ॒තාම॒න්වාහා॒-ග්නේරේ॒වෛතයා᳚ ප්රි॒ය-න්ධාමා-ऽව॑ රුන්ධ ඊශ්ව॒රෝ වා ඒ॒ෂ පරා᳚-ම්ප්ර॒දඝෝ॒ යෝ වි॑ෂ්ණුක්ර॒මාන් ක්රම॑තේ චත॒සෘභි॒රා ව॑ර්තතේ ච॒ත්වාරි॒ ඡන්දාග්​ම්॑සි॒ ඡන්දාග්​ම්॑සි॒ ඛලු॒ වා අ॒ග්නේඃ ප්රි॒යා ත॒නූඃ ප්රි॒යාමේ॒වාස්ය॑ ත॒නුව॑ම॒භි [ ] 2
?
ප॒ර්යාව॑ර්තතේ දක්ෂි॒ණා ප॒ර්යාව॑ර්තතේ॒ ස්වමේ॒ව වී॒ර්ය॑මනු॑ ප॒ර්යාව॑ර්තතේ॒ තස්මා॒-ද්දක්ෂි॒ණෝ-ऽර්ධ॑ ආ॒ත්මනෝ॑ වී॒ර්යා॑වත්ත॒රෝ-ऽථෝ॑ ආදි॒ත්යස්යෛ॒වා-ऽऽවෘත॒මනු॑ ප॒ර්යාව॑ර්තතේ॒ ශුන॒ශ්ශේප॒මාජී॑ගර්තිං॒-වඁරු॑ණෝ-ऽගෘහ්ණා॒-ථ්ස ඒ॒තාං-වාඁ ॑රු॒ණීම॑පශ්ය॒-ත්තයා॒ වෛ ස ආ॒ත්මානං॑-වඁරුණපා॒ශාද॑මුඤ්ච॒-ද්වරු॑ණෝ॒ වා ඒ॒ත-ඞ්ගෘ॑හ්ණාති॒ ය උ॒ඛා-ම්ප්ර॑තිමු॒ඤ්චත॒ උදු॑ත්ත॒මං-වඁ ॑රුණ॒පාශ॑-ම॒ස්මදිත්යා॑හා॒-ऽऽත්මාන॑-මේ॒වෛතයා॑ [-මේ॒වෛතයා᳚, ව॒රු॒ණ॒පා॒ශා-] 3

වරුණපා॒ශා-න්මු॑ඤ්ච॒ත්යා ත්වා॑-ऽහාර්​ෂ॒මිත්යා॒හා ऽऽහ්ය॑න॒ග්​ම්॒ හර॑ති ධ්රු॒වස්ති॒ෂ්ඨා ऽවි॑චාචලි॒රිත්යා॑හ॒ ප්රති॑ෂ්ඨිත්යෛ॒ විශ॑ස්ත්වා॒ සර්වා॑ වාඤ්ඡ॒න්ත්විත්යා॑හ වි॒ශෛවෛන॒ග්​ම්॒ සම॑ර්ධයත්ය॒ස්මි-න්රා॒ෂ්ට්රමධි॑ ශ්ර॒යේත්යා॑හ රා॒ෂ්ට්රමේ॒වාස්මි॑-න්ධ්රු॒වම॑ක॒ර්ය-ඞ්කා॒මයේ॑ත රා॒ෂ්ට්රග්ග්​ ස්යා॒දිති॒ ත-ම්මන॑සා ධ්යායේ-ද්රා॒ෂ්ට්රමේ॒ව භ॑ව॒- [භ॑වති, අග්රේ॑] 4

-ත්යග්රේ॑ බෘ॒හන්නු॒ෂසා॑මූ॒ර්ධ්වෝ අ॑ස්ථා॒දිත්යා॒හා-ऽග්ර॑මේ॒වෛනග්​ම්॑ සමා॒නානා᳚-ඞ්කරෝති නිර්ජග්මි॒වා-න්තම॑ස॒ ඉත්යා॑හ॒ තම॑ ඒ॒වාස්මා॒දප॑ හන්ති॒ ජ්යෝති॒ෂා- ऽऽගා॒දිත්යා॑හ॒ ජ්යෝති॑රේ॒වා-ස්මි॑-න්දධාති චත॒සෘභි॑-ස්සාදයති ච॒ත්වාරි॒ ඡන්දාග්​ම්॑සි॒ ඡන්දෝ॑භිරේ॒වා-ऽ-ති॑ච්ඡන්දසෝත්ත॒මයා॒ වර්​ෂ්ම॒ වා ඒ॒ෂා ඡන්ද॑සාං॒-යඁදති॑ච්ඡන්දා॒ වර්​ෂ්මෛ॒වෛනග්​ම්॑ සමා॒නානා᳚-ඞ්කරෝති॒ සද්ව॑තී [සද්ව॑තී, භ॒ව॒ති॒ ස॒ත්ත්වමේ॒වෛන॑] 5

භවති ස॒ත්ත්වමේ॒වෛන॑-ඞ්ගමයති වාථ්ස॒ප්රේණෝප॑ තිෂ්ඨත ඒ॒තේන॒ වෛ ව॑ථ්ස॒ප්රීර්භා॑ලන්ද॒නෝ᳚-ऽග්නේඃ ප්රි॒ය-න්ධාමා-ऽවා॑-ऽරුන්ධා॒-ऽග්නේරේ॒වෛතේන॑ ප්රි॒ය-න්ධාමා-ऽව॑ රුන්ධ ඒකාද॒ශ-ම්භ॑වත්යේක॒ධෛව යජ॑මානේ වී॒ර්ය॑-න්දධාති॒ ස්තෝමේ॑න॒ වෛ දේ॒වා අ॒ස්මින් ඁලෝ॒ක ආ᳚ර්ධ්නුව॒න් ඡන්දෝ॑භිර॒මුෂ්මි॒න්-ථ්ස්තෝම॑ස්යේව॒ ඛලු॒ වා ඒ॒ත-ද්රූ॒පං-යඁ-ද්වා᳚ථ්ස॒ප්රං-යඁ-ද්වා᳚ථ්ස॒ප්රේණෝ॑ප॒තිෂ්ඨ॑ත [ඁය-ද්වා᳚ථ්ස॒ප්රේණෝ॑ප॒තිෂ්ඨ॑තේ, ඉ॒මමේ॒ව] 6

ඉ॒මමේ॒ව තේන॑ ලෝ॒කම॒භි ජ॑යති॒ ය-ද්වි॑ෂ්ණුක්ර॒මාන් ක්රම॑තේ॒-ऽමුමේ॒ව තෛර්ලෝ॒කම॒භි ජ॑යති පූර්වේ॒ද්යුඃ ප්රක්රා॑මත්යුත්තරේ॒ද්යු-හ් රුප॑ තිෂ්ඨතේ॒ තස්මා॒-ද්යෝගේ॒-ऽන්යාසා᳚-ම්ප්ර॒ජානා॒-ම්මනඃ॒, ක්ෂේමේ॒-ऽන්යාසා॒-න්තස්මා᳚-ද්යායාව॒රඃ, ක්ෂේ॒ම්යස්යේ॑ශේ॒ තස්මා᳚-ද්යායාව॒රඃ, ක්ෂේ॒ම්යම॒ද්ධ්යව॑ස්යති මු॒ෂ්ටී ක॑රෝති॒ වාචං॑-යඁච්ඡති ය॒ජ්ඤස්ය॒ ධෘත්යෛ᳚ ॥ 7 ॥
(සෘ॒ෂ්ටෝ᳚-ऽ - (1॒) භ්යේ॑ - තයා॑ - භවති॒ - සද්ව॑ත්යු - ප॒තිෂ්ඨ॑තේ॒ - ද්විච॑ත්වාරිග්​ම්ශච්ච) (අ. 1)

අන්න॑ප॒තේ-ऽන්න॑ස්ය නෝ දේ॒හීත්යා॑හා॒-ග්නිර්වා අන්න॑පති॒-ස්ස ඒ॒වාස්මා॒ අන්න॒-ම්ප්රය॑ච්ඡත්යනමී॒වස්ය॑ ශු॒ෂ්මිණ॒ ඉත්යා॑හා-ය॒ක්ෂ්මස්යේති॒ වාවෛතදා॑හ॒ ප්ර ප්ර॑දා॒තාර॑-න්තාරිෂ॒ ඌර්ජ॑-න්නෝ ධේහි ද්වි॒පදේ॒ චතු॑ෂ්පද॒ ඉත්යා॑හා॒-ऽऽශිෂ॑මේ॒වෛතාමා ශා᳚ස්ත॒ උදු॑ ත්වා॒ විශ්වේ॑ දේ॒වා ඉත්යා॑හ ප්රා॒ණා වෛ විශ්වේ॑ දේ॒වාඃ [දේ॒වාඃ, ප්රා॒ණෛරේ॒වෛන॒-] 8

ප්රා॒ණෛරේ॒වෛන॒-මුද්ය॑ච්ඡ॒තේ ऽග්නේ॒ භර॑න්තු॒ චිත්ති॑භි॒රිත්යා॑හ॒ යස්මා॑ ඒ॒වෛන॑-ඤ්චි॒ත්තායෝ॒ද්යච්ඡ॑තේ॒ තේනෛ॒වෛන॒ග්​ම්॒ සම॑ර්ධයති චත॒සෘභි॒රා සා॑දයති ච॒ත්වාරි॒ ඡන්දාග්​ම්॑සි॒ ඡන්දෝ॑භිරේ॒වා-ති॑ච්ඡන්දසෝත්ත॒මයා॒ වර්​ෂ්ම॒ වා ඒ॒ෂා ඡන්ද॑සාං॒-යඁදති॑ච්ඡන්දා॒ වර්​ෂ්මෛ॒වෛනග්​ම්॑ සමා॒නානා᳚-ඞ්කරෝති॒ සද්ව॑තී භවති ස॒ත්ත්වමේ॒වෛන॑-ඞ්ගමයති॒ ප්රේද॑ග්නේ॒ ජ්යෝති॑ෂ්මාන් [ ] 9

යා॒හීත්යා॑හ॒ ජ්යෝති॑රේ॒වාස්මි॑-න්දධාති ත॒නුවා॒ වා ඒ॒ෂ හි॑නස්ති॒ යග්​ම් හි॒නස්ති॒ මා හිග්​ම්॑සීස්ත॒නුවා᳚ ප්ර॒ජා ඉත්යා॑හ ප්ර॒ජාභ්ය॑ ඒ॒වෛනග්​ම්॑ ශමයති॒ රක්ෂාග්​ම්॑සි॒ වා ඒ॒ත-ද්ය॒ජ්ඤග්​ම් ස॑චන්තේ॒ යදන॑ උ॒ථ්සර්ජ॒-ත්යක්ර॑න්ද॒දිත්යන්වා॑හ॒ රක්ෂ॑සා॒මප॑හත්යා॒ අන॑සා වහ॒න්-ත්යප॑චිති-මේ॒වාස්මි॑-න්දධාති॒ තස්මා॑දන॒ස්වී ච॑ ර॒ථී චාති॑ථීනා॒-මප॑චිතතමා॒- [-මප॑චිතතමෞ, අප॑චිතිමා-න්භවති॒] 10

-වප॑චිතිමා-න්භවති॒ ය ඒ॒වං-වේඁද॑ ස॒මිධා॒-ऽග්නි-න්දු॑වස්ය॒තේති॑ ඝෘතානුෂි॒ක්තාමව॑සිතේ ස॒මිධ॒මා ද॑ධාති॒ යථා-ऽති॑ථය॒ ආග॑තාය ස॒ර්පිෂ්ව॑දාති॒ථ්ය-ඞ්ක්රි॒යතේ॑ තා॒දෘගේ॒ව ත-ද්ගා॑යත්රි॒යා බ්රා᳚හ්ම॒ණස්ය॑ ගාය॒ත්රෝ හි බ්රා᳚හ්ම॒ණස්ත්රි॒ෂ්ටුභා॑ රාජ॒න්ය॑ස්ය॒ ත්රෛෂ්ටු॑භෝ॒ හි රා॑ජ॒න්යෝ᳚ ऽඵ්සු භස්ම॒ ප්ර වේ॑ශයත්ය॒ඵ්සුයෝ॑නි॒ර්වා අ॒ග්නි-ස්ස්වාමේ॒වෛනං॒-යෝඁනි॑-ඞ්ගමයති ති॒සෘභිඃ॒ ප්රවේ॑ශයති ත්රි॒වෘද්වා [ත්රි॒වෘද්වෛ, අ॒ග්නි-ර්යාවා॑-] 11

අ॒ග්නි-ර්යාවා॑-නේ॒වා-ऽග්නිස්ත-ම්ප්ර॑ති॒ෂ්ඨා-ඞ්ග॑මයති॒ පරා॒ වා ඒ॒ෂෝ᳚-ऽග්නිං-වඁ ॑පති॒ යෝ᳚-ऽඵ්සු භස්ම॑ ප්රවේ॒ශය॑ති॒ ජ්යෝති॑ෂ්මතීභ්යා॒-මව॑ දධාති॒ ජ්යෝති॑රේ॒වා-ऽස්මි॑-න්දධාති॒ ද්වාභ්යා॒-ම්ප්රති॑ෂ්ඨිත්යෛ॒ පරා॒ වා ඒ॒ෂ ප්ර॒ජා-ම්ප॒ශූන් ව॑පති॒ යෝ᳚-ऽඵ්සු භස්ම॑ ප්රවේ॒ශය॑ති॒ පුන॑රූ॒ර්ජා ස॒හ ර॒ය්යේති॒ පුන॑රු॒දෛති॑ ප්ර॒ජාමේ॒ව ප॒ශූනා॒ත්ම-න්ධ॑ත්තේ॒ පුන॑ස්ත්වා-ऽऽදි॒ත්යා [පුන॑ස්ත්වා-ऽऽදි॒ත්යාඃ, රු॒ද්රා] 12

රු॒ද්රා වස॑ව॒-ස්සමි॑න්ධතා॒-මිත්යා॑හෛ॒තා වා ඒ॒ත-න්දේ॒වතා॒ අග්රේ॒ සමෛ᳚න්ධත॒ තාභි॑රේ॒වෛන॒ග්​ම්॒ සමි॑න්ධේ॒ බෝධා॒ ස බෝ॒ධීත්යුප॑ තිෂ්ඨතේ බෝ॒ධය॑ත්යේ॒වෛන॒-න්තස්මා᳚-ථ්සු॒ප්ත්වා ප්ර॒ජාඃ ප්රබු॑ද්ධ්යන්තේ යථාස්ථා॒නමුප॑ තිෂ්ඨතේ॒ තස්මා᳚-ද්යථාස්ථා॒න-ම්ප॒ශවඃ॒ පුන॒රේත්යෝප॑ තිෂ්ඨන්තේ ॥ 13 ॥
(වෛ විශ්වේ॑ දේ॒වා - ජ්යෝති॑ෂ්මා॒ - නප॑චිතතමෞ - ත්රි॒වෘද්වා - ආ॑දි॒ත්යා - ද්විච॑ත්වාරිග්​ම්ශච්ච) (අ. 2)

යාව॑තී॒ වෛ පෘ॑ථි॒වී තස්යෛ॑ ය॒ම ආධි॑පත්ය॒-ම්පරී॑යාය॒ යෝ වෛ ය॒ම-න්දේ॑ව॒යජ॑නම॒ස්යා අනි॑ර්යාච්යා॒-ऽග්නි-ඤ්චි॑නු॒තේ ය॒මායෛ॑න॒ග්​ම්॒ ස චි॑නු॒තේ-ऽපේ॒තේ-ත්ය॒ද්ධ්යව॑සායයති ය॒මමේ॒ව දේ॑ව॒යජ॑නම॒ස්යෛ නි॒ර්යාච්යා॒- ऽऽත්මනේ॒-ऽග්නි-ඤ්චි॑නුත ඉෂ්ව॒ග්රේණ॒ වා අ॒ස්යා අනා॑මෘත-මි॒ච්ඡන්තෝ॒ නාවි॑න්ද॒-න්තේ දේ॒වා ඒ॒ත-ද්යජු॑රපශ්ය॒න්නපේ॒තේති॒ යදේ॒තේනා᳚-ධ්යවසා॒යය॒- [-ධ්යවසා॒යය॑ති, අනා॑මෘත] 14

-ත්යනා॑මෘත ඒ॒වාග්නි-ඤ්චි॑නුත॒ උද්ධ॑න්ති॒ යදේ॒වාස්යා॑ අමේ॒ද්ධ්ය-න්තදප॑ හන්ත්ය॒පෝ-ऽවෝ᳚ක්ෂති॒ ශාන්ත්යෛ॒ සික॑තා॒ නි ව॑පත්යේ॒තද්වා අ॒ග්නේර්වෛ᳚ශ්වාන॒රස්ය॑ රූ॒පග්​ම් රූ॒පේණෛ॒ව වෛ᳚ශ්වාන॒රමව॑ රුන්ධ॒ ඌෂා॒-න්නිව॑පති॒ පුෂ්ටි॒ර්වා ඒ॒ෂා ප්ර॒ජන॑නං॒-යඁදූෂාඃ॒ පුෂ්ට්යා॑මේ॒ව ප්ර॒ජන॑නේ॒-ऽග්නි-ඤ්චි॑නු॒තේ-ऽථෝ॑ සං॒(2)ජ්ඤාන්න॑ ඒ॒ව සං॒(2)ජ්ඤාන්න॒ග්ග්॒ හ්යේ॑ත- [හ්යේ॑තත්, ප॒ශූ॒නාං-යඁදූෂා॒] 15

-ත්ප॑ශූ॒නාං-යඁදූෂා॒ ද්යාවා॑පෘථි॒වී ස॒හා-ऽऽස්තා॒-න්තේ වි॑ය॒තී අ॑බ්රූතා॒මස්ත්වේ॒ව නෞ॑ ස॒හ ය॒ජ්ඤිය॒මිති॒ යද॒මුෂ්යා॑ ය॒ජ්ඤිය॒මාසී॒-ත්තද॒ස්යාම॑දධා॒-ත්ත ඌෂා॑ අභව॒න්॒ යද॒ස්යා ය॒ජ්ඤිය॒මාසී॒-ත්තද॒මුෂ්යා॑මදධා॒-ත්තද॒දශ්ච॒න්ද්රම॑සි කෘ॒ෂ්ණමූෂා᳚-න්නි॒වප॑න්න॒දෝ ධ්යා॑යේ॒-ද්ද්යාවා॑පෘථි॒ව්යෝරේ॒ව ය॒ජ්ඤියේ॒-ऽග්නි-ඤ්චි॑නුතේ॒ ऽයග්​ම් සෝ අ॒ග්නිරිති॑ වි॒ශ්වාමි॑ත්රස්ය [ ] 16

සූ॒ක්ත-ම්භ॑වත්යේ॒තේන॒ වෛ වි॒ශ්වාමි॑ත්රෝ॒-ऽග්නේඃ ප්රි॒ය-න්ධාමා ऽවා॑රුන්ධා॒ග්නේරේ॒වෛතේන॑ ප්රි॒ය-න්ධාමාව॑ රුන්ධේ॒ ඡන්දෝ॑භි॒ර්වෛ දේ॒වා-ස්සු॑ව॒ර්ගං-ලෝඁ॒කමා॑ය॒න් චත॑ස්රඃ॒ ප්රාචී॒රුප॑ දධාති ච॒ත්වාරි॒ ඡන්දාග්​ම්॑සි॒ ඡන්දෝ॑භිරේ॒ව ත-ද්යජ॑මාන-ස්සුව॒ර්ගං-ලෝඁ॒කමේ॑ති॒ තේෂාග්​ම්॑ සුව॒ර්ගං-ලෝඁ॒කං-යඁ॒තා-න්දිශ॒-ස්සම॑ව්ලීයන්ත॒ තේ ද්වේ පු॒රස්තා᳚-ථ්ස॒මීචී॒ උපා॑දධත॒ ද්වේ [ ] 17

ප॒ශ්චා-ථ්ස॒මීචී॒ තාභි॒ර්වෛ තේදිශෝ॑-ऽදෘග්​ම්හ॒න්॒ යද්ද්වේ පු॒රස්තා᳚-ථ්ස॒මීචී॑ උප॒දධා॑ති॒ ද්වේ ප॒ශ්චා-ථ්ස॒මීචී॑ දි॒ශාං-විඁධෘ॑ත්යා॒ අථෝ॑ ප॒ශවෝ॒ වෛ ඡන්දාග්​ම්॑සි ප॒ශූනේ॒වාස්මෛ॑ ස॒මීචෝ॑ දධාත්ය॒ෂ්ටාවුප॑ දධාත්ය॒ෂ්ටාක්ෂ॑රා ගාය॒ත්රී ගා॑ය॒ත්රෝ᳚-ऽග්නි-ර්යාවා॑නේ॒වාග්නිස්ත-ඤ්චි॑නුතේ॒-ऽෂ්ටාවුප॑ දධාත්ය॒ෂ්ටාක්ෂ॑රා ගාය॒ත්රී ගා॑ය॒ත්රී සු॑ව॒ර්ගං-ලෝඁ॒කමඤ්ජ॑සා වේද සුව॒ර්ගස්ය॑ ලෝ॒කස්ය॒ [ලෝ॒කස්ය॑, ප්රජ්ඤා᳚ත්යෛ॒] 18

ප්රජ්ඤා᳚ත්යෛ॒ ත්රයෝ॑දශ ලෝකම්පෘ॒ණා උප॑ දධා॒ත්යේක॑විග්​ම්ශති॒-ස්සම්ප॑ද්යන්තේ ප්රති॒ෂ්ඨා වා ඒ॑කවි॒ග්​ම්॒ශඃ ප්ර॑ති॒ෂ්ඨා ගාර්​හ॑පත්ය ඒකවි॒ග්​ම්॒ශස්යෛ॒ව ප්ර॑ති॒ෂ්ඨා-ඞ්ගාර්​හ॑පත්ය॒මනු॒ ප්රති॑ තිෂ්ඨති॒ ප්රත්ය॒ග්නි-ඤ්චි॑ක්යා॒නස්ති॑ෂ්ඨති॒ ය ඒ॒වං-වේඁද॒ පඤ්ච॑චිතීක-ඤ්චින්වීත ප්රථ॒ම-ඤ්චි॑න්වා॒නඃ පාඞ්ක්තෝ॑ ය॒ජ්ඤඃ පාඞ්ක්තාඃ᳚ ප॒ශවෝ॑ ය॒ජ්ඤමේ॒ව ප॒ශූනව॑ රුන්ධේ॒ ත්රිචි॑තීක-ඤ්චින්වීත ද්වි॒තීය॑-ඤ්චින්වා॒නස්ත්රය॑ ඉ॒මේ ලෝ॒කා ඒ॒ෂ්වේ॑ව ලෝ॒කේෂු॒ [ලෝ॒කේෂු॑, ප්රති॑තිෂ්ඨ॒-] 19

ප්රති॑තිෂ්ඨ॒-ත්යේක॑චිතීක-ඤ්චින්වීත තෘ॒තීය॑-ඤ්චින්වා॒න ඒ॑ක॒ධා වෛ සු॑ව॒ර්ගෝ ලෝ॒ක ඒ॑ක॒වෘතෛ॒ව සු॑ව॒ර්ගං-ලෝඁ॒කමේ॑ති॒ පුරී॑ෂේණා॒භ්යූ॑හති॒ තස්මා᳚න්මා॒ග්​ම්॒ සේනාස්ථි॑ ඡ॒න්න-න්න දු॒ශ්චර්මා॑ භවති॒ ය ඒ॒වං-වේඁද॒ පඤ්ච॒ චිත॑යෝ භවන්ති ප॒ඤ්චභිඃ॒ පුරී॑ෂෛර॒භ්යූ॑හති॒ දශ॒ සම්ප॑ද්යන්තේ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජ්යේ॒වා-ऽන්නාද්යේ॒ ප්රති॑තිෂ්ඨති ॥ 20 ॥
(අ॒ධ්ය॒ව॒සා॒යය॑ති॒ - හ්යේ॑ත - ද්වි॒ශ්වාමි॑ත්රස්යා - දධත॒ ද්වේ - ලෝ॒කස්ය॑ - ලෝ॒කේෂු॑ -ස॒ප්තච॑ත්වාරිග්​ම්ශච්ච) (අ. 3)

වි වා ඒ॒තෞ ද්වි॑ෂාතේ॒ යශ්ච॑ පු॒රා-ऽග්නිර්යශ්චෝ॒ඛායා॒ග්​ම්॒ සමි॑ත॒මිති॑ චත॒සෘභි॒-ස්ස-න්නිව॑පති ච॒ත්වාරි॒ ඡන්දාග්​ම්॑සි॒ ඡන්දාග්​ම්॑සි॒ ඛලු॒ වා අ॒ග්නේඃ ප්රි॒යා ත॒නූඃ ප්රි॒යයෛ॒වෛනෞ॑ ත॒නුවා॒ සග්​ම් ශා᳚ස්ති॒ සමි॑ත॒මිත්යා॑හ॒ තස්මා॒ද්බ්රහ්ම॑ණා ක්ෂ॒ත්රග්​ම් සමේ॑ති॒ යථ්ස॒-න්න්යුප්ය॑ වි॒හර॑ති॒ තස්මා॒-ද්බ්රහ්ම॑ණා ක්ෂ॒ත්රං-ව්යේඁ᳚ත්යෘ॒තුභි॒- [ක්ෂ॒ත්රං-ව්යේඁ᳚ත්යෘ॒තුභිඃ॑, වා ඒ॒ත-න්දී᳚ක්ෂයන්ති॒] 21

-ර්වා ඒ॒ත-න්දී᳚ක්ෂයන්ති॒ ස ඍ॒තුභි॑රේ॒ව වි॒මුච්යෝ॑ මා॒තේව॑ පු॒ත්ර-ම්පෘ॑ථි॒වී පු॑රී॒ෂ්ය॑මිත්යා॑හ॒-ර්තුභි॑රේ॒වෛන॑-න්දීක්ෂයි॒ත්වර්තුභි॒ර්වි මු॑ඤ්චති වෛශ්වාන॒ර්යා ශි॒ක්ය॑මා ද॑ත්තේ ස්ව॒දය॑ත්යේ॒වෛන॑-න්නෛර්-ඍ॒තීඃ කෘ॒ෂ්ණා-ස්ති॒ස්ර-ස්තුෂ॑පක්වා භවන්ති॒ නිර්-ඍ॑ත්යෛ॒ වා ඒ॒ත-ද්භා॑ග॒ධේයං॒-යඁ-ත්තුෂා॒ නිර්-ඍ॑ත්යෛ රූ॒ප-ඞ්කෘ॒ෂ්ණග්​ම් රූ॒පේණෛ॒ව නිර්-ඍ॑ති-න්නි॒රව॑දයත ඉ॒මා-න්දිශං॑-යඁන්ත්යේ॒ෂා [ ] 22

වෛ නිර්-ඍ॑ත්යෛ॒ දික් ස්වායා॑මේ॒ව දි॒ශි නිර්-ඍ॑ති-න්නි॒රව॑දයතේ॒ ස්වකෘ॑ත॒ ඉරි॑ණ॒ උප॑ දධාති ප්රද॒රේ වෛ॒තද්වෛ නිර්-ඍ॑ත්යා ආ॒යත॑න॒ග්ග්॒ ස්ව ඒ॒වා-ऽऽයත॑නේ॒ නිර්-ඍ॑ති-න්නි॒රව॑දයතේ ශි॒ක්ය॑ම॒භ්යුප॑ දධාති නෛර්-ඍ॒තෝ වෛ පාශ॑-ස්සා॒ක්ෂාදේ॒වෛන॑-න්නිර්-ඍතිපා॒ශා-න්මු॑ඤ්චති ති॒ස්ර උප॑ දධාති ත්රේධාවිහි॒තෝ වෛ පුරු॑ෂෝ॒ යාවා॑නේ॒ව පුරු॑ෂ॒ස්තස්මා॒-න්නිර්-ඍ॑ති॒මව॑ යජතේ॒ පරා॑චී॒රුප॑ [පරා॑චී॒රුප॑, ද॒ධා॒ති॒ පරා॑චී-] 23

දධාති॒ පරා॑චී-මේ॒වාස්මා॒-න්නිර්-ඍ॑ති॒-ම්ප්රණු॑ද॒තේ ऽප්ර॑තීක්ෂ॒මා ය॑න්ති॒ නිර්-ඍ॑ත්යා අ॒න්තර්​හි॑ත්යෛ මාර්ජයි॒ත්වෝප॑ තිෂ්ඨන්තේ මේද්ධ්ය॒ත්වාය॒ ගාර්​හ॑පත්ය॒මුප॑ තිෂ්ඨන්තේ නිර්-ඍති ලෝ॒ක ඒ॒ව ච॑රි॒ත්වා පූ॒තා දේ॑වලෝ॒කමු॒පාව॑ර්තන්ත॒ ඒක॒යෝප॑ තිෂ්ඨන්ත ඒක॒ධෛව යජ॑මානේ වී॒ර්ය॑-න්දධති නි॒වේශ॑න-ස්ස॒ඞ්ගම॑නෝ॒ වසූ॑නා॒මිත්යා॑හ ප්ර॒ජා වෛ ප॒ශවෝ॒ වසු॑ ප්ර॒ජයෛ॒වෛන॑-ම්ප॒ශුභි॒-ස්සම॑ර්ධයන්ති ॥ 24 ॥
(ඍ॒තුභි॑ - රේ॒ෂා- පරා॑චී॒රුපා॒ - ෂ්ටාච॑ත්වාරිග්​ම්ශච්ච) (අ. 4)

පු॒රු॒ෂ॒මා॒ත්රේණ॒ වි මි॑මීතේ ය॒ජ්ඤේන॒ වෛ පුරු॑ෂ॒-ස්සම්මි॑තෝ යජ්ඤප॒රුෂෛ॒වෛනං॒-විඁමි॑මීතේ॒ යාවා॒-න්පුරු॑ෂ ඌ॒ර්ධ්වබා॑හු॒ස්තාවා᳚-න්භවත්යේ॒තාව॒ද්වෛ පුරු॑ෂේ වී॒ර්යං॑-වීඁ॒ර්යේ॑ණෛ॒වෛනං॒-විඁ මි॑මීතේ ප॒ක්ෂී භ॑වති॒ න හ්ය॑ප॒ක්ෂඃ පති॑තු॒-මර්​හ॑ත්යර॒ත්නිනා॑ ප॒ක්ෂෞ ද්රාඝී॑යාග්​ම්සෞ භවත॒ස්තස්මා᳚-ත්ප॒ක්ෂප්ර॑වයාග්​ම්සි॒ වයාග්​ම්॑සි ව්යාමමා॒ත්රෞ ප॒ක්ෂෞ ච॒ පුච්ඡ॑-ඤ්ච භවත්යේ॒තාව॒ද්වෛ පුරු॑ෂේ වී॒ර්යං॑- [වී॒ර්ය᳚ම්, වී॒ර්ය॑සම්මිතෝ॒] 25

-ඁවී॒ර්ය॑සම්මිතෝ॒ වේණු॑නා॒ වි මි॑මීත ආග්නේ॒යෝ වෛ වේණු॑-ස්සයෝනි॒ත්වාය॒ යජු॑ෂා යුනක්ති॒ යජු॑ෂා කෘෂති॒ ව්යාවෘ॑ත්ත්යෛ ෂඩ්ග॒වේන॑ කෘෂති॒ ෂ-ඩ්වා ඍ॒තව॑ ඍ॒තුභි॑රේ॒වෛන॑-ඞ්කෘෂති॒ ය-ද්ද්වා॑දශග॒වේන॑ සං​වඁථ්ස॒රේණෛ॒වේ යං-වාඁ අ॒ග්නේ-ර॑තිදා॒හාද॑බිභේ॒-ථ්සෛත-ද්ද්වි॑ගු॒ණම॑පශ්ය-ත්කෘ॒ෂ්ට-ඤ්චාකෘ॑ෂ්ට-ඤ්ච॒ තතෝ॒ වා ඉ॒මා-න්නා-ऽත්ය॑දහ॒ද්ය-ත්කෘ॒ෂ්ට-ඤ්චාකෘ॑ෂ්ට-ඤ්ච॒ [ඉ॒මා-න්නා-ऽත්ය॑දහ॒ද්ය-ත්කෘ॒ෂ්ට-ඤ්චාකෘ॑ෂ්ට-ඤ්ච, භව॑ත්ය॒ස්යා අන॑තිදාහාය] 26

භව॑ත්ය॒ස්යා අන॑තිදාහාය ද්විගු॒ණ-න්ත්වා අ॒ග්නි-මුද්ය॑න්තු-මර්​හ॒තීත්යා॑හු॒ර්ය-ත්කෘ॒ෂ්ට-ඤ්චාකෘ॑ෂ්ට-ඤ්ච॒ භව॑ත්ය॒ග්නේරුද්ය॑ත්යා ඒ॒තාව॑න්තෝ॒ වෛ ප॒ශවෝ᳚ ද්වි॒පාද॑ශ්ච॒ චතු॑ෂ්පාදශ්ච॒ තාන්. ය-ත්ප්රාච॑ උථ්සෘ॒ජේ-ද්රු॒ද්රායාපි॑ දද්ධ්යා॒-ද්ය-ද්ද॑ක්ෂි॒ණා පි॒තෘභ්යෝ॒ නිධු॑වේ॒ද්ය-ත්ප්ර॒තීචෝ॒ රක්ෂාග්​ම්॑සි හන්යු॒රුදී॑ච॒ උථ්සෘ॑ජත්යේ॒ෂා වෛ දේ॑වමනු॒ෂ්යාණාග්​ම්॑ ශා॒න්තා දි- [ශා॒න්තා දික්, තාමේ॒වෛනා॒-] 27

-ක්තාමේ॒වෛනා॒-නනූ-ථ්සෘ॑ජ॒ත්යථෝ॒ ඛල්වි॒මා-න්දිශ॒මු-ථ්සෘ॑ජත්ය॒සෞ වා ආ॑දි॒ත්යඃ ප්රා॒ණඃ ප්රා॒ණමේ॒වෛනා॒-නනූථ්සෘ॑ජති දක්ෂි॒ණා ප॒ර්යාව॑ර්තන්තේ॒ ස්වමේ॒ව වී॒ර්ය॑මනු॑ ප॒ර්යාව॑ර්තන්තේ॒ තස්මා॒-ද්දක්ෂි॒ණෝ-ऽර්ධ॑ ආ॒ත්මනෝ॑ වී॒ර්යා॑වත්ත॒රෝ-ऽථෝ॑ ආදි॒ත්යස්යෛ॒වා-ऽऽවෘත॒මනු॑ ප॒ර්යාව॑ර්තන්තේ॒ තස්මා॒-ත්පරා᳚ඤ්චඃ ප॒ශවෝ॒ වි ති॑ෂ්ඨන්තේ ප්ර॒ත්යඤ්ච॒ ආ ව॑ර්තන්තේ ති॒ස්රස්ති॑ස්ර॒-ස්සීතාඃ᳚ [ති॒ස්රස්ති॑ස්ර॒-ස්සීතාඃ᳚, කෘ॒ෂ॒ති॒ ත්රි॒වෘත॑මේ॒ව] 28

කෘෂති ත්රි॒වෘත॑මේ॒ව ය॑ජ්ඤමු॒ඛේ වි යා॑තය॒ත්යෝෂ॑ධීර්වපති॒ බ්රහ්ම॒ණා-ऽන්න॒මව॑ රුන්ධේ॒ ऽර්කේ᳚-ऽර්කශ්චී॑යතේ චතුර්ද॒ශභි॑ර්වපති ස॒ප්ත ග්රා॒ම්යා ඕෂ॑ධය-ස්ස॒ප්තා-ऽऽර॒ණ්යා උ॒භයී॑ෂා॒මව॑රුද්ධ්යා॒ අන්න॑ස්යාන්නස්ය වප॒ත්යන්න॑ස්යා-න්න॒ස්යාව॑රුද්ධ්යෛ කෘ॒ෂ්ටේ ව॑පති කෘ॒ෂ්ටේ හ්යෝෂ॑ධයඃ ප්රති॒තිෂ්ඨ॑න්ත්යනුසී॒තං-වඁ ॑පති॒ ප්රජා᳚ත්යෛ ද්වාද॒ශසු॒ සීතා॑සු වපති॒ ද්වාද॑ශ॒ මාසා᳚-ස්සං​වඁථ්ස॒ර-ස්සං॑​වඁථ්ස॒රේණෛ॒වාස්මා॒ අන්න॑-ම්පචති॒ යද॑ග්නි॒චි- [යද॑ග්නි॒චිත්, අන॑වරුද්ධස්යා-] 29

-දන॑වරුද්ධස්යා-ऽශ්ඤී॒යාදව॑-රුද්ධේන॒ ව්යෘ॑ද්ධ්යේත॒ යේ වන॒ස්පතී॑නා-ම්ඵල॒ග්රහ॑ය॒-ස්තානි॒ද්ධ්මේ-ऽපි॒ ප්රෝක්ෂේ॒-දන॑වරුද්ධ॒ස්යා-ව॑රුද්ධ්යෛ දි॒ග්භ්යෝ ලෝ॒ෂ්ටාන්-ථ්සම॑ස්යති දි॒ශාමේ॒ව වී॒ර්ය॑මව॒රුද්ධ්ය॑ දි॒ශාං-වීඁ॒ර්යේ᳚-ऽග්නි-ඤ්චි॑නුතේ॒ ය-න්ද්වි॒ෂ්යා-ද්යත්ර॒ ස ස්යා-ත්තස්යෛ॑ දි॒ශෝ ලෝ॒ෂ්ටමා හ॑රේ॒දිෂ॒-මූර්ජ॑ම॒හමි॒ත ආ ද॑ද॒ ඉතීෂ॑මේ॒වෝර්ජ॒-න්තස්යෛ॑ දි॒ශෝ-ऽව॑ රුන්ධේ॒ ක්ෂෝධු॑කෝ භවති॒ යස්තස්යා᳚-න්දි॒ශි භව॑ත්යුත්තරවේ॒දිමුප॑ වපත්යුත්තරවේ॒ද්යාග්​ හ්ය॑ග්නිශ්චී॒යතේ ऽථෝ॑ ප॒ශවෝ॒ වා උ॑ත්තරවේ॒දිඃ ප॒ශූනේ॒වාව॑ රු॒න්ධේ-ऽථෝ॑ යජ්ඤප॒රුෂෝ-ऽන॑න්තරිත්යෛ ॥ 30 ॥
(ච॒ භ॒ව॒ත්යේ॒තාව॒ද්වෛ පුරු॑ෂේ වී॒ර්යං॑ - ඁයත්කෘ॒ෂ්ටඤ්චා-ऽකෘ॑ෂ්ටඤ්ච॒ - දිඛ්- සීතා॑ - අග්නි॒චි - දව॒ - පඤ්ච॑විග්​ම්ශතිශ්ච) (අ. 5)

අග්නේ॒ තව॒ ශ්රවෝ॒ වය॒ ඉති॒ සික॑තා॒ නි ව॑පත්යේ॒තද්වා අ॒ග්නේර්වෛ᳚ශ්වාන॒රස්ය॑ සූ॒ක්තග්​ම් සූ॒ක්තේනෛ॒ව වෛ᳚ශ්වාන॒රමව॑ රුන්ධේ ෂ॒ඩ්භිර්නි ව॑පති॒ ෂඩ්වා ඍ॒තව॑-ස්සං​වඁථ්ස॒ර-ස්සං॑​වඁථ්ස॒රෝ᳚-ऽග්නිර්වෛ᳚ශ්වාන॒ර-ස්සා॒ක්ෂාදේ॒ව වෛ᳚ශ්වාන॒රමව॑ රුන්ධේ සමු॒ද්රං-වෛඁ නාමෛ॒තච්ඡන්ද॑-ස්සමු॒ද්රමනු॑ ප්ර॒ජාඃ ප්රජා॑යන්තේ॒ යදේ॒තේන॒ සික॑තා නි॒ වප॑ති ප්ර॒ජානාං᳚ ප්ර॒ජන॑නා॒යේන්ද්රෝ॑ [ප්ර॒ජානාං᳚ ප්ර॒ජන॑නා॒යේන්ද්රඃ॑, වෘ॒ත්රාය॒] 31

වෘ॒ත්රාය॒ වජ්ර॒-ම්ප්රාහ॑ර॒-ථ්ස ත්රේ॒ධා ව්ය॑භව॒-ථ්ස්ඵ්යස්තෘතී॑ය॒ග්​ම්॒ රථ॒ස්තෘතී॑යං॒-යූඁප॒ස්තෘතී॑යං॒-යේඁ᳚-ऽන්තශ්ශ॒රා අශී᳚ර්යන්ත॒ තා-ශ්ශර්ක॑රා අභව॒-න්තච්ඡර්ක॑රාණාග්​ම් ශර්කර॒ත්වං-වඁජ්රෝ॒ වෛ ශර්ක॑රාඃ ප॒ශුර॒ග්නි-ර්යච්ඡර්ක॑රාභිර॒ග්නි-ම්ප॑රිමි॒නෝති॒ වජ්රේ॑ණෛ॒වාස්මෛ॑ ප॒ශූ-න්පරි॑ ගෘහ්ණාති॒ තස්මා॒-ද්වජ්රේ॑ණ ප॒ශවඃ॒ පරි॑ගෘහීතා॒ස්තස්මා॒-ථ්ස්ථේයා॒නස්ථේ॑යසෝ॒ නෝප॑ හරතේ ත්රිස॒ප්තාභිඃ॑ ප॒ශුකා॑මස්ය॒ [ප॒ශුකා॑මස්ය, පරි॑] 32

පරි॑ මිනුයා-ථ්ස॒ප්ත වෛ ශී॑ර්​ෂ॒ණ්යාඃ᳚ ප්රා॒ණාඃ ප්රා॒ණාඃ ප॒ශවඃ॑ ප්රා॒ණෛරේ॒වාස්මෛ॑ ප॒ශූනව॑ රුන්ධේ ත්රිණ॒වාභි॒-ර්භ්රාතෘ॑ව්යවත-ස්ත්රි॒වෘත॑මේ॒ව වජ්රග්​ම්॑ ස॒ම්භෘත්ය॒ භ්රාතෘ॑ව්යාය॒ ප්රහ॑රති॒ ස්තෘත්යා॒ අප॑රිමිතාභිඃ॒ පරි॑ මිනුයා॒-දප॑රිමිත॒ස්යා-ව॑රුද්ධ්යෛ॒ ය-ඞ්කා॒මයේ॑තාප॒ශු-ස්ස්යා॒දිත්යප॑රිමිත්ය॒ තස්ය॒ ශර්ක॑රා॒-ස්සික॑තා॒ ව්යූ॑හේ॒දප॑රිගෘහීත ඒ॒වාස්ය॑ විෂූ॒චීන॒ග්​ම්॒ රේතඃ॒ පරා॑ සිඤ්චත්යප॒ශුරේ॒ව භ॑වති॒ [භ॑වති, ය-ඞ්කා॒මයේ॑ත] 33

ය-ඞ්කා॒මයේ॑ත පශු॒මාන්-ථ්ස්යා॒දිති॑ පරි॒මිත්ය॒ තස්ය॒ ශර්ක॑රා॒-ස්සික॑තා॒ ව්යූ॑හේ॒-ත්පරි॑ගෘහීත ඒ॒වාස්මෛ॑ සමී॒චීන॒ග්​ම්॒ රේත॑-ස්සිඤ්චති පශු॒මානේ॒ව භ॑වති සෞ॒ම්යා ව්යූ॑හති॒ සෝමෝ॒ වෛ රේ॑තෝ॒ධා රේත॑ ඒ॒ව ත-ද්ද॑ධාති ගායත්රි॒යා බ්රා᳚හ්ම॒ණස්ය॑ ගාය॒ත්රෝ හි බ්රා᳚හ්ම॒ණ-ස්ත්රි॒ෂ්ටුභා॑ රාජ॒න්ය॑ස්ය॒ ත්රෛෂ්ටු॑භෝ॒ හි රා॑ජ॒න්ය॑-ශ්ශං॒​යුඁ-ම්බා॑ර්​හස්ප॒ත්ය-ම්මේධෝ॒ නෝපා॑නම॒-ථ්සෝ᳚-ऽග්නි-ම්ප්රා-ऽවි॑ශ॒- [නෝපා॑නම॒-ථ්සෝ᳚-ऽග්නි-ම්ප්රා-ऽවි॑ශත්, සෝ᳚-ऽග්නේඃ] 34

-ථ්සෝ᳚-ऽග්නේඃ කෘෂ්ණෝ॑ රූ॒ප-ඞ්කෘ॒ත්වෝදා॑යත॒ සෝ-ऽශ්ව॒-ම්ප්රා-ऽවි॑ශ॒-ථ්සෝ-ऽශ්ව॑ස්යා-වාන්තරශ॒ඵෝ॑-භව॒-ද්යදශ්ව॑මාක්ර॒මය॑ති॒ ය ඒ॒ව මේධෝ-ऽශ්ව॒-ම්ප්රා-ऽවි॑ශ॒-ත්තමේ॒වාව॑ රුන්ධේ ප්ර॒ජාප॑තිනා॒-ऽග්නිශ්චේ॑ත॒ව්ය॑ ඉත්යා॑හුඃ ප්රාජාප॒ත්යෝ-ऽශ්වෝ॒ යදශ්ව॑මාක්ර॒මය॑ති ප්ර॒ජාප॑තිනෛ॒වා-ऽග්නි-ඤ්චි॑නුතේ පුෂ්කරප॒ර්ණමුප॑ දධාති॒ යෝනි॒ර්වා අ॒ග්නේඃ පු॑ෂ්කරප॒ර්ණග්​ම් සයෝ॑නි- -මේ॒වාග්නි-ඤ්චි॑නුතේ॒ ऽපා-ම්පෘ॒ෂ්ඨම॒සීත්යුප॑ දධාත්ය॒පාං-වාඁ ඒ॒ත-ත්පෘ॒ෂ්ඨං-යඁ-ත්පු॑ෂ්කරප॒ර්ණග්​ම් රූ॒පේණෛ॒වෛන॒දුප॑ දධාති ॥ 35 ॥
(ඉන්ද්රඃ॑ - ප॒ශුකා॑මස්ය - භවත්ය - විශ॒ථ් - සයෝ॑නිං - ඁවිග්​ම්ශ॒තිශ්ච॑) (අ. 6)

බ්රහ්ම॑ ජජ්ඤා॒නමිති॑ රු॒ක්මමුප॑ දධාති॒ බ්රහ්ම॑මුඛා॒ වෛ ප්ර॒ජාප॑තිඃ ප්ර॒ජා අ॑සෘජත॒ බ්රහ්ම॑මුඛා ඒ॒ව ත-ත්ප්ර॒ජා යජ॑මාන-ස්සෘජතේ॒ බ්රහ්ම॑ ජජ්ඤා॒නමිත්යා॑හ॒ තස්මා᳚ද්බ්රාහ්ම॒ණෝ මුඛ්යෝ॒ මුඛ්යෝ॑ භවති॒ ය ඒ॒වං-වේඁද॑ බ්රහ්මවා॒දිනෝ॑ වදන්ති॒ න පෘ॑ථි॒ව්යා-න්නාන්තරි॑ක්ෂේ॒ න දි॒ව්ය॑ග්නිශ්චේ॑ත॒ව්ය॑ ඉති॒ ය-ත්පෘ॑ථි॒ව්යා-ඤ්චි॑න්වී॒ත පෘ॑ථි॒වීග්​ම් ශු॒චා-ऽර්ප॑යේ॒න්නෞෂ॑ධයෝ॒ න වන॒ස්පත॑යඃ॒ [වන॒ස්පත॑යඃ, ප්ර ජා॑යේර॒න්॒.] 36

ප්ර ජා॑යේර॒න්॒. යද॒න්තරි॑ක්ෂේ චින්වී॒තාන්තරි॑ක්ෂග්​ම් ශු॒චා-ऽර්ප॑යේ॒න්න වයාග්​ම්॑සි॒ ප්ර ජා॑යේර॒න්॒. ය-ද්දි॒වි චි॑න්වී॒ත දිවග්​ම්॑ ශු॒චා-ऽර්ප॑යේ॒න්න ප॒ර්ජන්යෝ॑ වර්​ෂේද්රු॒ක්මමුප॑ දධාත්ය॒මෘතං॒-වෛඁ හිර॑ණ්යම॒මෘත॑ ඒ॒වාග්නි-ඤ්චි॑නුතේ॒ ප්රජා᳚ත්යෛ හිර॒ණ්මය॒-ම්පුරු॑ෂ॒මුප॑ දධාති යජමානලෝ॒කස්ය॒ විධෘ॑ත්යෛ॒ යදිෂ්ට॑කායා॒ ආතෘ॑ණ්ණමනූපද॒ද්ධ්යා-ත්ප॑ශූ॒නා-ඤ්ච॒ යජ॑මානස්ය ච ප්රා॒ණමපි॑ දද්ධ්යා-ද්දක්ෂිණ॒තඃ [දද්ධ්යා-ද්දක්ෂිණ॒තඃ, ප්රාඤ්ච॒මුප॑ දධාති] 37

ප්රාඤ්ච॒මුප॑ දධාති දා॒ධාර॑ යජමානලෝ॒ක-න්න ප॑ශූ॒නා-ඤ්ච॒ යජ॑මානස්ය ච ප්රා॒ණමපි॑ දධා॒ත්යථෝ॒ ඛල්විෂ්ට॑කායා॒ ආතෘ॑ණ්ණ॒මනූප॑ දධාති ප්රා॒ණානා॒මුථ්සෘ॑ෂ්ට්යෛ ද්ර॒ඵ්සශ්ච॑ස්ක॒න්දේත්ය॒භි මෘ॑ශති॒ හෝත්රා᳚ස්වේ॒වෛන॒-ම්ප්රති॑ෂ්ඨාපයති॒ ස්රුචා॒වුප॑ දධා॒ත්යාජ්ය॑ස්ය පූ॒ර්ණා-ඞ්කා᳚ර්​ෂ්මර්ය॒මයී᳚-න්ද॒ද්ධ්නඃ පූ॒ර්ණා-මෞදු॑බංරීමි॒යං-වෛඁ කා᳚ර්​ෂ්මර්ය॒මය්ය॒සාවෞ-දු॑බංරී॒මේ ඒ॒වෝප॑ ධත්තේ [ ] 38

තූ॒ෂ්ණීමුප॑ දධාති॒ න හීමේ යජු॒ෂා-ऽऽප්තු॒මර්​හ॑ති॒ දක්ෂි॑ණා-ඞ්කාර්​ෂ්මර්ය॒මයී॒-මුත්ත॑රා॒මෞ-දු॑ම්බරී॒-න්තස්මා॑ද॒ස්යා අ॒සාවුත්ත॒රා ऽऽජ්ය॑ස්ය පූ॒ර්ණා-ඞ්කා᳚ර්​ෂ්මර්ය॒මයීං॒-වඁජ්රෝ॒ වා ආජ්යං॒-වඁජ්රඃ॑ කාර්​ෂ්ම॒ර්යෝ॑ වජ්රේ॑ණෛ॒ව ය॒ජ්ඤස්ය॑ දක්ෂිණ॒තෝ රක්ෂා॒ග්॒ස්යප॑ හන්ති ද॒ද්ධ්නඃ පූ॒ර්ණාමෞදු॑ම්බරී-ම්ප॒ශවෝ॒ වෛ දද්ධ්යූර්ගු॑දු॒ම්බරඃ॑ ප॒ශුෂ්වේ॒වෝර්ජ॑-න්දධාති පූ॒ර්ණේ උප॑ දධාති පූ॒ර්ණේ ඒ॒වෛන॑- [පූ॒ර්ණේ ඒ॒වෛන᳚ම්, අ॒මුෂ්මි॑න් ඁලෝ॒ක] 39

ම॒මුෂ්මි॑න් ඁලෝ॒ක උප॑තිෂ්ඨේතේ වි॒රාජ්ය॒ග්නිශ්චේ॑ත॒ව්ය॑ ඉත්යා॑හු॒-ස්ස්රුග්වෛ වි॒රාඩ්ය-ථ්ස්රුචා॑වුප॒දධා॑ති වි॒රාජ්යේ॒වාග්නි-ඤ්චි॑නුතේ යජ්ඤමු॒ඛේය॑ජ්ඤමුඛේ॒ වෛ ක්රි॒යමා॑ණේ ය॒ජ්ඤග්​ම් රක්ෂාග්​ම්॑සි ජිඝාග්​ම්සන්ති යජ්ඤමු॒ඛග්​ම් රු॒ක්මෝ ය-ද්රු॒ක්මං-ව්යාඁ ॑ඝා॒රය॑ති යජ්ඤමු॒ඛාදේ॒ව රක්ෂා॒ග්॒ස්යප॑ හන්ති ප॒ඤ්චභි॒-ර්ව්යාඝා॑රයති॒ පාඞ්ක්තෝ॑ ය॒ජ්ඤෝ යාවා॑නේ॒ව ය॒ජ්ඤස්තස්මා॒-ද්රක්ෂා॒ග්॒ස්යප॑ හන්ත්යක්ෂ්ණ॒යාව්යා ඝා॑රයති॒ තස්මා॑දක්ෂ්ණ॒යා ප॒ශවෝ-ऽඞ්ගා॑නි॒ ප්ර හ॑රන්ති॒ ප්රති॑ෂ්ඨිත්යෛ ॥ 40 ॥
(වන॒ස්පත॑යෝ- දක්ෂිණ॒තෝ- ධ॑ත්ත- ඒනං॒- තස්මා॑ දක්ෂ්ණ॒යා-පඤ්ච॑ ච) (අ. 7)

ස්ව॒ය॒මා॒තෘ॒ණ්ණාමුප॑ දධාතී॒යං-වෛඁ ස්ව॑යමාතෘ॒ණ්ණේමාමේ॒වෝප॑ ධ॒ත්තේ ऽශ්ව॒මුප॑ ඝ්රාපයති ප්රා॒ණමේ॒වාස්යා᳚-න්දධා॒ත්යථෝ᳚ ප්රාජාප॒ත්යෝ වා අශ්වඃ॑ ප්ර॒ජාප॑තිනෛ॒වා-ऽග්නි-ඤ්චි॑නුතේ ප්රථ॒මේෂ්ට॑කෝපධී॒යමා॑නා පශූ॒නා-ඤ්ච॒ යජ॑මානස්ය ච ප්රා॒ණමපි॑ දධාති ස්වයමාතෘ॒ණ්ණා භ॑වති ප්රා॒ණානා॒මුථ්සෘ॑ෂ්ට්යා॒ අථෝ॑ සුව॒ර්ගස්ය॑ ලෝ॒කස්යානු॑ඛ්යාත්යා අ॒ග්නාව॒ග්නිශ්චේ॑ත॒ව්ය॑ ඉත්යා॑හුරේ॒ෂ වා [ඉත්යා॑හුරේ॒ෂ වෛ, අ॒ග්නිර්වෛ᳚ශ්වාන॒රෝ] 41

අ॒ග්නිර්වෛ᳚ශ්වාන॒රෝ යද්බ්රා᳚හ්ම॒ණස්තස්මෛ᳚ ප්රථ॒මාමිෂ්ට॑කාං॒-යඁජු॑ෂ්කෘතා॒-ම්ප්රය॑ච්ඡේ॒-ත්තා-ම්බ්රා᳚හ්ම॒ණශ්චෝප॑ දද්ධ්යාතා-ම॒ග්නාවේ॒ව තද॒ග්නි-ඤ්චි॑නුත ඊශ්ව॒රෝ වා ඒ॒ෂ ආර්ති॒මාර්තෝ॒ර්යෝ-ऽවි॑ද්වා॒නිෂ්ට॑කා-මුප॒දධා॑ති॒ ත්රීන්. වරා᳚-න්දද්යා॒-ත්ත්රයෝ॒ වෛ ප්රා॒ණාඃ ප්රා॒ණානා॒ග්॒ ස්පෘත්යෛ॒ ද්වාවේ॒ව දේයෞ॒ ද්වෞ හි ප්රා॒ණාවේක॑ ඒ॒ව දේය॒ ඒකෝ॒ හි ප්රා॒ණඃ ප॒ශු- [ප්රා॒ණඃ ප॒ශුඃ, වා ඒ॒ෂ යද॒ග්නිර්න] 42

-ර්වා ඒ॒ෂ යද॒ග්නිර්න ඛලු॒ වෛ ප॒ශව॒ ආය॑වසේ රමන්තේ දූර්වේෂ්ට॒කාමුප॑ දධාති පශූ॒නා-න්ධෘත්යෛ॒ ද්වාභ්යා॒-ම්ප්රති॑ෂ්ඨිත්යෛ॒ කාණ්ඩා᳚-ත්කාණ්ඩා-ත්ප්ර॒රෝහ॒න්තීත්යා॑හ॒ කාණ්ඩේ॑නකාණ්ඩේන॒ හ්යේ॑ෂා ප්ර॑ති॒තිෂ්ඨ॑ත්යේ॒වා නෝ॑ දූර්වේ॒ ප්රත॑නු ස॒හස්රේ॑ණ ශ॒තේන॒ චේත්යා॑හ සාහ॒ස්රඃ ප්ර॒ජාප॑තිඃ ප්ර॒ජාප॑තේ॒රාප්ත්යෛ॑ දේවල॒ක්ෂ්මං-වෛඁ ත්ර්යා॑ලිඛි॒තා තාමුත්ත॑රලක්ෂ්මාණ-න්දේ॒වා උපා॑දධ॒තා-ධ॑රලක්ෂ්මාණ॒-මසු॑රා॒ ය- [යම්, කා॒මයේ॑ත॒] 43

-ඞ්කා॒මයේ॑ත॒ වසී॑යාන්-ථ්ස්යා॒දිත්යුත්ත॑රලක්ෂ්මාණ॒-න්තස්යෝප॑ දද්ධ්යා॒-ද්වසී॑යානේ॒ව භ॑වති॒ ය-ඞ්කා॒මයේ॑ත॒ පාපී॑යාන්-ථ්ස්යා॒දිත්යධ॑රලක්ෂ්මාණ॒-න්තස්යෝප॑ දද්ධ්යාදසුරයෝ॒නි-මේ॒වෛන॒මනු॒ පරා॑ භාවයති॒ පාපී॑යා-න්භවති ත්ර්යාලිඛි॒තා භ॑වතී॒මේ වෛ ලෝ॒කාස්ත්ර්යා॑ලිඛි॒තෛභ්ය ඒ॒ව ලෝ॒කේභ්යෝ॒ භ්රාතෘ॑ව්යම॒න්තරේ॒ත්යඞ්ගි॑රස-ස්සුව॒ර්ගං-ලෝඁ॒කං-යඁ॒තඃ පු॑රෝ॒ඩාශඃ॑ කූ॒ර්මෝ භූ॒ත්වා-ऽනු॒ ප්රාස॑ර්ප॒- [ප්රාස॑ර්පත්, ය-ත්කූ॒ර්මමු॑ප॒දධා॑ති॒] 44

-ද්ය-ත්කූ॒ර්මමු॑ප॒දධා॑ති॒ යථා᳚ ක්ෂේත්ර॒විදඤ්ජ॑සා॒ නය॑ත්යේ॒වමේ॒වෛන॑-ඞ්කූ॒ර්ම-ස්සු॑ව॒ර්ගං-ලෝඁ॒කමඤ්ජ॑සා නයති॒ මේධෝ॒ වා ඒ॒ෂ ප॑ශූ॒නාං-යඁ-ත්කූ॒ර්මෝ ය-ත්කූ॒ර්මමු॑ප॒ දධා॑ති॒ ස්වමේ॒ව මේධ॒-ම්පශ්ය॑න්තඃ ප॒ශව॒ උප॑ තිෂ්ඨන්තේ ශ්මශා॒නං-වාඁ ඒ॒ත-ත්ක්රි॑යතේ॒ යන්මෘ॒තානා᳚-ම්පශූ॒නාග්​ම් ශී॒ර්॒ෂාණ්යු॑පධී॒යන්තේ॒ යජ්ජීව॑න්ත-ඞ්කූ॒ර්මමු॑ප॒ දධා॑ති॒ තේනාශ්ම॑ශානචිද්වාස්ත॒ව්යෝ॑ වා ඒ॒ෂ ය- [ඒ॒ෂ යත්, කූ॒ර්මෝ මධු॒] 45

-ත්කූ॒ර්මෝ මධු॒ වාතා॑ ඍතාය॒ත ඉති॑ ද॒ද්ධ්නා ම॑ධුමි॒ශ්රේණා॒භ්ය॑නක්ති ස්ව॒දය॑ත්යේ॒වෛන॑-ඞ්ග්රා॒ම්යං-වාඁ ඒ॒තදන්නං॒-යඁ-ද්දද්ධ්යා॑ර॒ණ්ය-ම්මධු॒ යද්ද॒ද්ධ්නා ම॑ධුමි॒ශ්රේණා᳚ භ්ය॒නක්ත්යු॒භය॒ස්යා ऽව॑රුද්ධ්යෛ ම॒හී ද්යෞඃ පෘ॑ථි॒වී ච॑ න॒ ඉත්යා॑හා॒ ऽऽභ්යාමේ॒වෛන॑මුභ॒යතඃ॒ පරි॑ගෘහ්ණාති॒ ප්රාඤ්ච॒මුප॑ දධාති සුව॒ර්ගස්ය॑ ලෝ॒කස්ය॒ සම॑ෂ්ට්යෛ පු॒රස්තා᳚-ත්ප්ර॒ත්යඤ්ච॒මුප॑ දධාති॒ තස්මා᳚- [තස්මා᳚ත්, පු॒රස්තා᳚-] 46

-ත්පු॒රස්තා᳚-ත්ප්ර॒ත්යඤ්චඃ॑ ප॒ශවෝ॒ මේධ॒මුප॑ තිෂ්ඨන්තේ॒ යෝ වා අප॑නාභිම॒ග්නි-ඤ්චි॑නු॒තේ යජ॑මානස්ය॒ නාභි॒මනු॒ ප්රවි॑ශති॒ ස ඒ॑නමීශ්ව॒රෝ හිග්​ම්සි॑තෝරු॒ලූඛ॑ල॒මුප॑ දධාත්යේ॒ෂා වා අ॒ග්නේර්නාභි॒-ස්සනා॑භිමේ॒වා-ऽග්නි-ඤ්චි॑නු॒තේ හිග්​ම්॑සායා॒ ඖදු॑ම්බර-ම්භව॒ත්යූර්ග්වා උ॑දු॒ම්බර॒ ඌර්ජ॑මේ॒වාව॑ රුන්ධේ මද්ධ්ය॒ත උප॑ දධාති මද්ධ්ය॒ත ඒ॒වාස්මා॒ ඌර්ජ॑-න්දධාති॒ තස්මා᳚-න්මද්ධ්ය॒ත ඌ॒ර්ජා භු॑ඤ්ජත॒ ඉය॑-ද්භවති ප්ර॒ජාප॑තිනා යජ්ඤමු॒ඛේන॒ සම්මි॑ත॒මව॑ හ॒න්ත්යන්න॑මේ॒වාක॑-ර්වෛෂ්ණ॒ව්යර්චෝප॑ දධාති॒ විෂ්ණු॒ර්වෛ ය॒ජ්ඤෝ වෛ᳚ෂ්ණ॒වා වන॒ස්පත॑යෝ ය॒ජ්ඤ ඒ॒ව ය॒ජ්ඤ-ම්ප්රති॑ෂ්ඨාපයති ॥ 47 ॥
(ඒ॒ෂ වෛ - ප॒ශු - ර්ය - ම॑සර්ප - දේ॒ෂ යත් - තස්මා॒ත් - තස්මා᳚ථ් - ස॒ප්තවිග්​ම්॑ශතිශ්ච) (අ. 8)

ඒ॒ෂාං-වාඁ ඒ॒තල්ලෝ॒කානා॒-ඤ්ජ්යෝති॒-ස්සම්භෘ॑තං॒-යඁදු॒ඛා යදු॒ඛා-මු॑ප॒දධා᳚ත්යේ॒භ්ය ඒ॒ව ලෝ॒කේභ්යෝ॒ ජ්යෝති॒රව॑ රුන්ධේ මද්ධ්ය॒ත උප॑ දධාති මද්ධ්ය॒ත ඒ॒වාස්මෛ॒ ජ්යෝති॑ර්දධාති॒ තස්මා᳚න්මද්ධ්ය॒තෝ ජ්යෝති॒රුපා᳚-ऽऽස්මහේ॒ සික॑තාභිඃ පූරයත්යේ॒තද්වා අ॒ග්නේර්වෛ᳚ශ්වාන॒රස්ය॑ රූ॒පග්​ම් රූ॒පේණෛ॒ව වෛ᳚ශ්වාන॒රමව॑ රුන්ධේ॒ ය-ඞ්කා॒මයේ॑ත॒ ක්ෂෝධු॑ක-ස්ස්යා॒-දිත්යූ॒නා-න්තස්යෝප॑ [-දිත්යූ॒නා-න්තස්යෝප॑, ද॒ද්ධ්යා॒-ත්ක්ෂෝධු॑ක] 48

දද්ධ්යා॒-ත්ක්ෂෝධු॑ක ඒ॒ව භ॑වති॒ ය-ඞ්කා॒මයේ॒තා-නු॑පදස්ය॒-දන්න॑මද්යා॒දිති॑ පූ॒ර්ණා-න්තස්යෝප॑ දද්ධ්යා॒දනු॑පදස්ය-දේ॒වාන්න॑මත්ති ස॒හස්රං॒-වෛඁ ප්රති॒ පුරු॑ෂඃ පශූ॒නාං-යඁ ॑ච්ඡති ස॒හස්ර॑ම॒න්යේ ප॒ශවෝ॒ මද්ධ්යේ॑ පුරුෂශී॒ර්॒ෂමුප॑ දධාති සවීර්ය॒ත්වායෝ॒-ඛායා॒මපි॑ දධාති ප්රති॒ෂ්ඨාමේ॒වෛන॑-ද්ගමයති॒ ව්යෘ॑ද්ධං॒-වාඁ ඒ॒ත-ත්ප්රා॒ණෛර॑මේ॒ද්ධ්යං-යඁ-ත්පු॑රුෂශී॒ර්॒ෂම॒මෘත॒-ඞ්ඛලු॒ වෛ ප්රා॒ණා [වෛ ප්රා॒ණාඃ, අ॒මෘත॒ග්​ම්॒] 49

අ॒මෘත॒ග්​ම්॒ හිර॑ණ්ය-ම්ප්රා॒ණේෂු॑ හිරණ්යශ॒ල්කා-න්ප්රත්ය॑ස්යති ප්රති॒ෂ්ඨාමේ॒වෛන॑-ද්ගමයි॒ත්වා ප්රා॒ණෛ-ස්සම॑ර්ධයති ද॒ද්ධ්නා ම॑ධුමි॒ශ්රේණ॑ පූරයති මධ॒ව්යෝ॑-ऽසා॒නීති॑ ශෘතාත॒ඞ්ක්යේ॑න මේද්ධ්ය॒ත්වාය॑ ග්රා॒ම්යං-වාඁ ඒ॒තදන්නං॒-යඁ-ද්දද්ධ්යා॑ර॒ණ්ය-ම්මධු॒ යද්ද॒ද්ධ්නා ම॑ධුමි॒ශ්රේණ॑ පූ॒රය॑ත්යු॒භය॒ස්යා-ව॑රුද්ධ්යෛ පශුශී॒ර්॒ෂාණ්යුප॑ දධාති ප॒ශවෝ॒ වෛ ප॑ශුශී॒ර්॒ෂාණි॑ ප॒ශූනේ॒වාව॑ රුන්ධේ॒ ය-ඞ්කා॒මයේ॑තා-ऽප॒ශු-ස්ස්යා॒දිති॑ [-ऽප॒ශු-ස්ස්යා॒දිති॑, වි॒ෂූ॒චීනා॑නි॒] 50

විෂූ॒චීනා॑නි॒ තස්යෝප॑ දද්ධ්යා॒-ද්විෂූ॑ච ඒ॒වාස්මා᳚-ත්ප॒ශූ-න්ද॑ධාත්යප॒ශුරේ॒ව භ॑වති॒ ය-ඞ්කා॒මයේ॑ත පශු॒මාන්-ථ්ස්යා॒දිති॑ සමී॒චීනා॑නි॒ තස්යෝප॑ දද්ධ්යා-ථ්ස॒මීච॑ ඒ॒වාස්මෛ॑ ප॒ශූ-න්ද॑ධාති පශු॒මානේ॒ව භ॑වති පු॒රස්තා᳚-ත්ප්රතී॒චීන॒මශ්ව॒ස්යෝප॑ දධාති ප॒ශ්චා-ත්ප්රා॒චීන॑මෘෂ॒භස්යා-ප॑ශවෝ॒ වා අ॒න්යේ ගෝ॑ අ॒ශ්වේභ්යඃ॑ ප॒ශවෝ॑ ගෝ අ॒ශ්වානේ॒වාස්මෛ॑ ස॒මීචෝ॑ දධාත්යේ॒-තාව॑න්තෝ॒ වෛ ප॒ශවෝ᳚ [ප॒ශවඃ॑, ද්වි॒පාද॑ශ්ච॒] 51

ද්වි॒පාද॑ශ්ච॒ චතු॑ෂ්පාදශ්ච॒ තාන්. වා ඒ॒තද॒ග්නෞ ප්රද॑ධාති॒ ය-ත්ප॑ශුශී॒ර්॒ෂාණ්යු॑ප॒-දධා᳚ත්ය॒-මුමා॑ර॒ණ්යමනු॑ තේ දිශා॒මීත්යා॑හ ග්රා॒ම්යේභ්ය॑ ඒ॒ව ප॒ශුභ්ය॑ ආර॒ණ්යා-න්ප॒ශූඤ්ඡුච॒මනූථ්සෘ॑ජති॒ තස්මා᳚-ථ්ස॒මාව॑-ත්පශූ॒නා-ම්ප්ර॒ජාය॑මානානා-මාර॒ණ්යාඃ ප॒ශවඃ॒ කනී॑යාග්​ම්ස-ශ්ශු॒චා හ්යෘ॑තා-ස්ස॑ර්පශී॒ර්॒ෂමුප॑ දධාති॒ යෛව ස॒ර්පේ ත්විෂි॒ස්තාමේ॒වා-ऽව॑ රුන්ධේ॒ [-ऽව॑ රුන්ධේ, ය-ථ්ස॑මී॒චීන॑-] 52

ය-ථ්ස॑මී॒චීන॑--ම්පශුශී॒ර්॒ෂෛරු॑ප ද॒ද්ධ්යා-ද්ග්රා॒ම්යා-න්ප॒ශූ-න්දග්​ම්ශු॑කා-ස්ස්යු॒ර්ය-ද්වි॑ෂූ॒චීන॑-මාර॒ණ්යාන්. යජු॑රේ॒ව ව॑දේ॒දව॒ තා-න්ත්විෂිග්​ම්॑ රුන්ධේ॒ යා ස॒ර්පේ න ග්රා॒ම්යා-න්ප॒ශූන්. හි॒නස්ති॒ නා-ऽऽර॒ණ්යානථෝ॒ ඛලූ॑ප॒ධේය॑මේ॒ව යදු॑ප॒දධා॑ති॒ තේන॒ තා-න්ත්විෂි॒මව॑ රුන්ධේ॒ යා ස॒ර්පේ ය-ද්යජු॒ර්වද॑ති॒ තේන॑ ශා॒න්තම් ॥ 53 ॥
(ඌ॒නාන්තස්යෝප॑ - ප්රා॒ණාඃ - ස්යා॒දිති॒ - වෛ ප॒ශවෝ॑ - රුන්ධේ॒ - චතු॑ශ්චත්වාරිග්​ම්ශච්ච) (අ. 9)

ප॒ශුර්වා ඒ॒ෂ යද॒ග්නිර්යෝනිඃ॒ ඛලු॒ වා ඒ॒ෂා ප॒ශෝර්වි ක්රි॑යතේ॒ ය-ත්ප්රා॒චීන॑මෛෂ්ට॒කා-ද්යජුඃ॑ ක්රි॒යතේ॒ රේතෝ॑-ऽප॒ස්යා॑ අප॒ස්යා॑ උප॑ දධාති॒ යෝනා॑වේ॒ව රේතෝ॑ දධාති॒ පඤ්චෝප॑ දධාති॒ පාඞ්ක්තාඃ᳚ ප॒ශවඃ॑ ප॒ශූනේ॒වාස්මෛ॒ ප්රජ॑නයති॒ පඤ්ච॑ දක්ෂිණ॒තෝ වජ්රෝ॒ වා අ॑ප॒ස්යා॑ වජ්රේ॑ණෛ॒ව ය॒ජ්ඤස්ය॑ දක්ෂිණ॒තෝ රක්ෂා॒ග්॒ස්යප॑ හන්ති॒ පඤ්ච॑ ප॒ශ්චා- [පඤ්ච॑ ප॒ශ්චාත්, ප්රාචී॒රුප॑ දධාති] 54

-ත්ප්රාචී॒රුප॑ දධාති ප॒ශ්චාද්වෛ ප්රා॒චීන॒ග්​ම්॒ රේතෝ॑ ධීයතේ ප॒ශ්චාදේ॒වාස්මෛ᳚ ප්රා॒චීන॒ග්​ම්॒ රේතෝ॑ දධාති॒ පඤ්ච॑ පු॒රස්තා᳚-ත්ප්ර॒තීචී॒රුප॑ දධාති॒ පඤ්ච॑ ප॒ශ්චා-ත්ප්රාචී॒ස්තස්මා᳚-ත්ප්රා॒චීන॒ග්​ම්॒ රේතෝ॑ ධීයතේ ප්ර॒තීචීඃ᳚ ප්ර॒ජා ජා॑යන්තේ॒ පඤ්චෝ᳚ත්තර॒ත ශ්ඡ॑න්ද॒ස්යාඃ᳚ ප॒ශවෝ॒ වෛ ඡ॑න්ද॒ස්යාඃ᳚ ප॒ශූනේ॒ව ප්රජා॑තා॒න්-ථ්ස්වමා॒යත॑නම॒භි පර්යූ॑හත ඉ॒යං-වාඁ අ॒ග්නේ-ර॑තිදා॒හා-ද॑බිභේ॒-ථ්සෛතා [-ද॑බිභේ॒-ථ්සෛතාඃ, අ॒ප॒ස්යා॑ අපශ්ය॒-ත්තා] 55

අ॑ප॒ස්යා॑ අපශ්ය॒-ත්තා උපා॑ධත්ත॒ තතෝ॒ වා ඉ॒මා-න්නාත්ය॑දහ॒-ද්යද॑ප॒ස්යා॑ උප॒දධා᳚ත්ය॒ස්යා අන॑තිදාහායෝ॒වාච॑ හේ॒යමද॒දි-ථ්ස බ්රහ්ම॒ණා-ऽන්නං॒-යඁස්යෛ॒තා උ॑පධී॒යාන්තෛ॒ ය උ॑ චෛනා ඒ॒වං​වේඁ ද॒දිති॑ ප්රාණ॒භෘත॒ උප॑ දධාති॒ රේත॑ස්යේ॒ව ප්රා॒ණා-න්ද॑ධාති॒ තස්මා॒-ද්වද॑-න්ප්රා॒ණ-න්පශ්ය॑ඤ්ඡෘ॒ණ්ව-න්ප॒ශුර්ජා॑යතේ॒ ऽය-ම්පු॒රෝ [-ऽය-ම්පු॒රඃ, භුව॒ ඉති॑] 56

භුව॒ ඉති॑ පු॒රස්තා॒දුප॑ දධාති ප්රා॒ණමේ॒වෛතාභි॑-ර්දාධාරා॒-ऽය-න්ද॑ක්ෂි॒ණා වි॒ශ්වක॒ර්මේති॑ දක්ෂිණ॒තෝ මන॑ ඒ॒වෛතාභි॑ර්දාධාරා॒ය-ම්ප॒ශ්චා-ද්වි॒ශ්වව්ය॑චා॒ ඉති॑ ප॒ශ්චා-ච්චක්ෂු॑රේ॒වෛතාභි॑-ර්දාධාරේ॒ද-මු॑ත්ත॒රා-ථ්සුව॒රිත්යු॑ත්තර॒ත-ශ්ශ්රෝත්ර॑මේ॒වෛතාභි॑-ර්දාධාරේ॒යමු॒පරි॑ ම॒තිරිත්යු॒පරි॑ෂ්ටා॒-ද්වාච॑මේ॒වෛතාභි॑-ර්දාධාර॒ දශ॑ද॒ශෝප॑ දධාති සවීර්ය॒ත්වායා᳚ක්ෂ්ණ॒යෝ [සවීර්ය॒ත්වායා᳚ක්ෂ්ණ॒යා, උප॑ දධාති॒] 57

-ප॑ දධාති॒ තස්මා॑දක්ෂ්ණ॒යා ප॒ශවෝ-ऽඞ්ගා॑නි॒ ප්රහ॑රන්ති॒ ප්රති॑ෂ්ඨිත්යෛ॒ යාඃ ප්රාචී॒ස්තාභි॒-ර්වසි॑ෂ්ඨ ආර්ධ්නෝ॒ද්යා ද॑ක්ෂි॒ණා තාභි॑ර්භ॒රද්වා॑ජෝ॒ යාඃ ප්ර॒තීචී॒ස්තාභි॑ ර්වි॒ශ්වාමි॑ත්රෝ॒ යා උදී॑චී॒ස්තාභි॑-ර්ජ॒මද॑ග්නි॒ර්යා ඌ॒ර්ධ්වාස්තාභි॑-ර්වි॒ශ්වක॑ර්මා॒ ය ඒ॒වමේ॒තාසා॒මෘද්ධිං॒-වේඁද॒ර්ධ්නෝත්යේ॒ව ය ආ॑සාමේ॒ව-ම්බ॒න්ධුතාං॒-වේඁද॒ බන්ධු॑මා-න්භවති॒ ය ආ॑සාමේ॒ව-ඞ්කॢප්තිං॒-වේඁද॒ කල්ප॑තේ- [කල්ප॑තේ, අ॒ස්මෛ॒ ය ආ॑සාමේ॒ව-] 58

-ऽස්මෛ॒ ය ආ॑සාමේ॒ව-මා॒යත॑නං॒-වේඁදා॒-ऽऽයත॑නවා-න්භවති॒ ය ආ॑සාමේ॒ව-ම්ප්ර॑ති॒ෂ්ඨාං-වේඁද॒ ප්රත්යේ॒ව ති॑ෂ්ඨති ප්රාණ॒භෘත॑ උප॒ධාය॑ සං॒​යඁත॒ උප॑ දධාති ප්රා॒ණානේ॒වා ऽස්මි॑-න්ධි॒ත්වා සං॒​යඁද්භි॒-ස්සං​යඁ ॑ච්ඡති॒ ත-ථ්සං॒​යඁතාග්​ම්॑ සං​යඁ॒ත්ත්වමථෝ᳚ ප්රා॒ණ ඒ॒වාපා॒න-න්ද॑ධාති॒ තස්මා᳚-ත්ප්රාණාපා॒නෞ ස-ඤ්ච॑රතෝ॒ විෂූ॑චී॒රුප॑ දධාති॒ තස්මා॒-ද්විෂ්ව॑ඤ්චෞ ප්රාණාපා॒නෞ යද්වා අ॒ග්නේරසං॑​යඁත॒- [අ॒ග්නේරසං॑​යඁතම්, අසු॑වර්ග්යමස්ය॒] 59

-මසු॑වර්ග්යමස්ය॒ ත-ථ්සු॑ව॒ර්ග්යෝ᳚-ऽග්නිර්ය-ථ්සං॒​යඁත॑ උප॒ දධා॑ති॒ සමේ॒වෛනං॑-යඁච්ඡති උව॒ර්ග්ය॑මේ॒වාක॒ -ස්ත්ර්යවි॒ර්වයඃ॑ කෘ॒තමයා॑නා॒මිත්යා॑හ॒ වයෝ॑භිරේ॒වායා॒නව॑ රු॒න්ධේ ऽයෛ॒ර්වයාග්​ම්॑සි ස॒ර්වතෝ॑ වායු॒මතී᳚ර්භවන්ති॒ තස්මා॑ද॒යග්​ම් ස॒ර්වතඃ॑ පවතේ ॥ 60 ॥
(ප॒ශ්චා - දේ॒තාඃ - පු॒රෝ᳚ - ऽක්ෂ්ණ॒යා - කල්ප॒තේ - ऽසං॑-යඁතං॒ - පඤ්ච॑ත්රිග්​ම්ශච්ච) (අ. 10)

ගා॒ය॒ත්රී ත්රි॒ෂ්ටු-බ්ජග॑ත්යනු॒ෂ්ටු-ක්ප॒ඞ්ක්ත්යා॑ ස॒හ । බෘ॒හ॒ත්යු॑ෂ්ණිහා॑ ක॒කු-ථ්සූ॒චීභි॑-ශ්ශිම්යන්තු ත්වා ॥ ද්වි॒පදා॒ යා චතු॑ෂ්පදා ත්රි॒පදා॒ යාච॒ ෂට්ප॑දා । සඡ॑න්දා॒ යා ච॒ විච්ඡ॑න්දා-ස්සූ॒චීභි॑-ශ්ශිම්යන්තු ත්වා ॥ ම॒හානා᳚ම්නී රේ॒වත॑යෝ॒ විශ්වා॒ ආශාඃ᳚ ප්ර॒සූව॑රීඃ । මේඝ්යා॑ වි॒ද්යුතෝ॒ වාච॑-ස්සූ॒චීභි॑-ශ්ශිම්යන්තු ත්වා ॥ ර॒ජ॒තා හරි॑ණී॒-ස්සීසා॒ යුජෝ॑ යුජ්යන්තේ॒ කර්ම॑භිඃ । අශ්ව॑ස්ය වා॒ජින॑ස්ත්ව॒චි සූ॒චීභි॑-ශ්ශිම්යන්තු ත්වා ॥ නාරී᳚- [නාරීඃ᳚, තේ॒ පත්න॑යෝ॒ ලෝම॒] 61

-ස්තේ॒ පත්න॑යෝ॒ ලෝම॒ විචි॑න්වන්තු මනී॒ෂයා᳚ । දේ॒වානා॒-ම්පත්නී॒ර්දිශ॑-ස්සූ॒චීභි॑-ශ්ශිම්යන්තු ත්වා ॥ කු॒විද॒ඞ්ග යව॑මන්තෝ॒ යව॑-ඤ්චි॒ද්යථා॒ දාන්ත්ය॑නුපූ॒ර්වං-විඁ॒යූය॑ । ඉ॒හේහෛ॑ෂා-ඞ්කෘණුත॒ භෝජ॑නානි॒ යේ බ॒ර්॒හිෂෝ॒ නමෝ॑වෘක්ති॒-න්නජ॒ග්මුඃ ॥ 62 ॥
(නාරී᳚ - ස්ත්රි॒ග්​ම්॒ශච්ච॑) (අ. 11)

කස්ත්වා᳚ ච්ඡ්යති॒ කස්ත්වා॒ වි ශා᳚ස්ති॒ කස්තේ॒ ගාත්රා॑ණි ශිම්යති । ක උ॑ තේ ශමි॒තා ක॒විඃ ॥ ඍ॒තව॑ස්ත ඍතු॒ධා පරු॑-ශ්ශමි॒තාරෝ॒ විශා॑සතු । සං॒​වඁ॒ථ්ස॒රස්ය॒ ධාය॑සා॒ ශිමී॑භි-ශ්ශිම්යන්තු ත්වා ॥ දෛව්යා॑ අද්ධ්ව॒ර්යව॑ස්ත්වා॒ ච්ඡ්යන්තු॒ වි ච॑ ශාසතු । ගාත්රා॑ණි පර්ව॒ශස්තේ॒ ශිමාඃ᳚ කෘණ්වන්තු॒ ශිම්ය॑න්තඃ ॥ අ॒ර්ධ॒මා॒සාඃ පරූග්​ම්॑ෂි තේ॒ මාසා᳚-ශ්ඡ්යන්තු॒ ශිම්ය॑න්තඃ । අ॒හෝ॒රා॒ත්රාණි॑ ම॒රුතෝ॒ විලි॑ෂ්ටග්​ම් [ම॒රුතෝ॒ විලි॑ෂ්ටම්, සූ॒ද॒ය॒න්තු॒ තේ॒ ।] 63

සූදයන්තු තේ ॥ පෘ॒ථි॒වී තේ॒ ऽන්තරි॑ක්ෂේණ වා॒යුශ්ඡි॒ද්ර-ම්භි॑ෂජ්යතු । ද්යෞස්තේ॒ නක්ෂ॑ත්රෛ-ස්ස॒හ රූ॒ප-ඞ්කෘ॑ණෝතු සාධු॒යා ॥ ශ-න්තේ॒ පරේ᳚භ්යෝ॒ ගාත්රේ᳚භ්ය॒-ශ්ශම॒ස්ත්වව॑රේභ්යඃ । ශම॒ස්ථභ්යෝ॑ ම॒ජ්ජභ්ය॒-ශ්ශමු॑ තේ ත॒නුවේ॑ භුවත් ॥ 64 ॥
(විලි॑ෂ්ටං - ත්රි॒ග්​ම්॒ශච්ච॑) (අ. 12)

(විෂ්ණු॑මුඛා॒ - අන්න॑පතේ॒ - යාව॑තී॒ - වි වෛ - පු॑රුෂමා॒ත්රේණා - ऽග්නේ॒ තව॒ ශ්රවෝ॒ වයෝ॒ - බ්රහ්ම॑ ජජ්ඤා॒නග්ග්​ - ස්ව॑යමාතෘ॒ණ්ණා - මේ॒ෂාං-වෛඁ - ප॒ශු - ර්ගා॑ය॒ත්රී - කස්ත්වා॒ - ද්වාද॑ශ )

(විෂ්ණු॑මුඛා॒ - අප॑චිතිමා॒න්॒ - වි වා ඒ॒තා - වග්නේ॒ තව॑ - ස්වයමාතෘ॒ණ්ණාං - ඁවි॑ෂූ॒චීනා॑නි - ගාය॒ත්රී - චතු॑ෂ්ෂෂ්ටිඃ)

(විෂ්ණු॑මුඛා, ස්ත॒නුවේ॑ භුවත්)

॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය සංහිතායා-ම්පඤ්චමකාණ්ඩේ ද්විතීයඃ ප්රශ්න-ස්සමාප්තඃ ॥