කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ ද්විතීයඃ ප්රශ්නඃ - සෝමමන්ත්රබ්රාහ්මණනිරූපණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

යදු॒භෞ වි॒මුච්යා॑-ऽऽති॒ථ්ය-ඞ්ගෘ॑හ්ණී॒යා-ද්ය॒ජ්ඤං-විඁච්ඡි॑න්ද්යා॒-ද්යදු॒භාව-වි॑මුච්ය॒ යථා-ऽනා॑ගතායා-ऽऽති॒ථ්ය-ඞ්ක්රි॒යතේ॑ තා॒දෘගේ॒ව ත-ද්විමු॑ක්තෝ॒-ऽන්යෝ॑-ऽන॒ඩ්වා-න්භව॒ත්ය වි॑මුක්තෝ॒-ऽන්යෝ-ऽථා॑-ऽऽති॒ථ්ය-ඞ්ගෘ॑හ්ණාති ය॒ජ්ඤස්ය॒ සන්ත॑ත්යෛ॒ පත්න්ය॒න්වාර॑භතේ॒ පත්නී॒ හි පාරී॑ණහ්ය॒ස්යේශේ॒ පත්නි॑යෛ॒ වානු॑මත॒-න්නිර්ව॑පති॒ යද්වෛ පත්නී॑ ය॒ජ්ඤස්ය॑ ක॒රෝති॑ මිථු॒න-න්තදථෝ॒ පත්නි॑යා ඒ॒වෛ- [පත්නි॑යා ඒ॒ව, ඒ॒ෂ] 1

-ෂ ය॒ජ්ඤස්යා᳚න්වාර॒භෝං ऽන॑වච්ඡිත්ත්යෛ॒ යාව॑-ද්භි॒ර්වෛ රාජා॑-ऽනුච॒රෛරා॒ගච්ඡ॑ති॒ සර්වේ᳚භ්යෝ॒ වෛ තේභ්ය॑ ආති॒ථ්ය-ඞ්ක්රි॑යතේ॒ ඡන්දාග්​ම්॑සි॒ ඛලු॒ වෛ සෝම॑ස්ය॒ රාජ්ඤෝ॑-ऽනුච॒රාණ්ය॒ග්නේ-රා॑ති॒ථ්යම॑සි॒ විෂ්ණ॑වේ॒ ත්වේත්යා॑හ ගායත්රි॒යා ඒ॒වෛතේන॑ කරෝති॒ සෝම॑ස්යා-ऽऽති॒ථ්යම॑සි॒ විෂ්ණ॑වේ॒ ත්වේත්යා॑හ ත්රි॒ෂ්ටුභ॑ ඒ॒වෛතේන॑ කරෝ॒ත්යති॑ථේරාති॒ථ්යම॑සි॒ විෂ්ණ॑වේ॒ ත්වේත්යා॑හ॒ ජග॑ත්යා [ජග॑ත්යෛ, ඒ॒වෛතේන॑] 2

ඒ॒වෛතේන॑ කරෝත්ය॒ග්නයේ᳚ ත්වා රායස්පෝෂ॒දාව්න්නේ॒ විෂ්ණ॑වේ॒ ත්වේත්යා॑හානු॒ෂ්ටුභ॑ ඒ॒වෛතේන॑ කරෝති ශ්යේ॒නාය॑ ත්වා සෝම॒භෘතේ॒ විෂ්ණ॑වේ॒ ත්වේත්යා॑හ ගායත්රි॒යා ඒ॒වෛතේන॑ කරෝති॒ පඤ්ච॒ කෘත්වෝ॑ ගෘහ්ණාති॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධේ බ්රහ්මවා॒දිනෝ॑ වදන්ති॒ කස්මා᳚-ථ්ස॒ත්යා-ද්ගා॑යත්රි॒යා උ॑භ॒යත॑ ආති॒ථ්යස්ය॑ ක්රියත॒ ඉති॒ යදේ॒වා-ऽද-ස්සෝම॒මා- [යදේ॒වා-ऽද-ස්සෝම॒මා, ආහ॑ර॒-ත්තස්මා᳚-] 3

-ऽහ॑ර॒-ත්තස්මා᳚-ද්ගායත්රි॒යා උ॑භ॒යත॑ ආති॒ථ්යස්ය॑ ක්රියතේ පු॒රස්තා᳚ච්චෝ॒ පරි॑ෂ්ටාච්ච॒ ශිරෝ॒ වා ඒ॒ත-ද්ය॒ජ්ඤස්ය॒ යදා॑ති॒ථ්ය-න්නව॑කපාලඃ පුරෝ॒ඩාශෝ॑ භවති॒ තස්මා᳚න්නව॒ධා ශිරෝ॒ විෂ්යූ॑ත॒-න්නව॑කපාලඃ පුරෝ॒ඩාශෝ॑ භවති॒ තේ ත්රය॑ස්ත්රිකපා॒ලාස්ත්රි॒වෘතා॒ ස්තෝමේ॑න॒ සම්මි॑තා॒ස්තේජ॑ස්ත්රි॒වෘ-ත්තේජ॑ ඒ॒ව ය॒ජ්ඤස්ය॑ ශී॒ර්॒ෂ-න්ද॑ධාති॒ නව॑කපාලඃ පුරෝ॒ඩාශෝ॑ භවති॒ තේ ත්රය॑ස්ත්රිකපා॒ලාස්ත්රි॒වෘතා᳚ ප්රා॒ණේන॒ සම්මි॑තාස්ත්රි॒වෘද්වෛ [ ] 4

ප්රා॒ණ-ස්ත්රි॒වෘත॑මේ॒ව ප්රා॒ණම॑භිපූ॒ර්වං-යඁ॒ජ්ඤස්ය॑ ශී॒ර්॒ෂ-න්ද॑ධාති ප්ර॒ජාප॑තේ॒ර්වා ඒ॒තානි॒ පක්ෂ්මා॑ණි॒ යද॑ශ්වවා॒ලා ඓ᳚ක්ෂ॒වී ති॒රශ්චී॒ යදාශ්ව॑වාලඃ ප්රස්ත॒රෝ භව॑ත්යෛක්ෂ॒වී ති॒රශ්චී᳚ ප්ර॒ජාප॑තේරේ॒ව තච්චක්ෂු॒-ස්සම්භ॑රති දේ॒වා වෛ යා ආහු॑තී॒රජු॑හවු॒ස්තා අසු॑රා නි॒ෂ්කාව॑මාද॒-න්තේ දේ॒වාඃ කා᳚ර්​ෂ්ම॒ර්ය॑මපශ්යන් කර්ම॒ණ්යෝ॑ වෛ කර්මෛ॑නේන කුර්වී॒තේති॒ තේ කා᳚ර්​ෂ්මර්ය॒මයා᳚-න්පරි॒ධී- [-න්පරි॒ධීන්, අ॒කු॒ර්ව॒ත॒ තෛර්වෛ] 5

-න॑කුර්වත॒ තෛර්වෛ තේ රක්ෂා॒ග්॒ස්යපා᳚ඝ්නත॒ ය-ත්කා᳚ර්​ෂ්මර්ය॒මයාඃ᳚ පරි॒ධයෝ॒ භව॑න්ති॒ රක්ෂ॑සා॒මප॑හත්යෛ॒ සග්ග්​ ස්ප॑ර්​ශයති॒ රක්ෂ॑සා॒මන॑න්ව-වචාරාය॒ න පු॒රස්තා॒-ත්පරි॑ දධාත්යාදි॒ත්යෝ හ්යේ॑වෝද්ය-න්පු॒රස්තා॒-ද්රක්ෂාග්॑ස්යප॒හන්ත්යූ॒ර්ධ්වේ ස॒මිධා॒වා ද॑ධාත්යු॒පරි॑ෂ්ටාදේ॒ව රක්ෂා॒ග්॒ස්යප॑ හන්ති॒ යජු॑ෂා॒-ऽන්යා-න්තූ॒ෂ්ණීම॒න්යා-ම්මි॑ථුන॒ත්වාය॒ ද්වේ ආ ද॑ධාති ද්වි॒පා-ද්යජ॑මානඃ॒ ප්රති॑ෂ්ඨිත්යෛ බ්රහ්මවා॒දිනෝ॑ වද- [වදන්ති, අ॒ග්නිශ්ච॒ වා] 6

-න්ත්ය॒ග්නිශ්ච॒ වා ඒ॒තෞ සෝම॑ශ්ච ක॒ථා සෝමා॑යා-ऽऽති॒ථ්ය-ඞ්ක්රි॒යතේ॒ නාග්නය॒ ඉති॒ යද॒ග්නාව॒ග්නි-ම්ම॑ථි॒ත්වා ප්ර॒හර॑ති॒ තේනෛ॒වාග්නය॑ ආති॒ථ්ය-ඞ්ක්රි॑ය॒තේ ऽථෝ॒ ඛල්වා॑හුර॒ග්නි-ස්සර්වා॑ දේ॒වතා॒ ඉති॒ යද්ධ॒විරා॒සාද්යා॒ග්නි-ම්මන්ථ॑ති හ॒ව්යායෛ॒වා-ऽऽස॑න්නාය॒ සර්වා॑ දේ॒වතා॑ ජනයති ॥ 7 ॥
(පත්නි॑යා ඒ॒ව - ජග॑ත්යා॒ - ආ - ත්රි॒වෘද්වෛ - ප॑රි॒ධීන් - ව॑ද॒න්ත්යේ - ක॑චත්වාරිග්​ම්ශච්ච) (අ. 1)

දේ॒වා॒සු॒රා-ස්සං​යඁ ॑ත්තා ආස॒-න්තේ දේ॒වා මි॒ථෝ විප්රි॑යා ආස॒-න්තේ᳚-ऽ(1॒)න්යෝ᳚-ऽන්යස්මෛ॒ ජ්යෛෂ්ඨ්යා॒යාති॑ෂ්ඨමානාඃ පඤ්ච॒ධා ව්ය॑ක්රාමන්න॒ග්නිර්වසු॑භි॒-ස්සෝමෝ॑ රු॒ද්රෛරින්ද්රෝ॑ ම॒රුද්භි॒-ර්වරු॑ණ ආදි॒ත්යෛ-ර්බෘහ॒ස්පති॒-ර්විශ්වෛ᳚ර්දේ॒වෛස්තේ॑ ऽමන්ය॒න්තාසු॑රේභ්යෝ॒ වා ඉ॒ද-ම්භ්රාතෘ॑ව්යේභ්යෝ රද්ධ්යාමෝ॒ යන්මි॒ථෝ විප්රි॑යා॒-ස්ස්මෝ යා න॑ ඉ॒මාඃ ප්රි॒යාස්ත॒නුව॒ස්තා-ස්ස॒මව॑ද්යාමහෛ॒ තාභ්ය॒-ස්ස නිර්-ඍ॑ච්ඡා॒ද්යෝ [නිර්-ඍ॑ච්ඡා॒ද්යඃ, නඃ॒ ප්ර॒ථ॒මෝ᳚(1॒)-ऽන්යෝ᳚] 8

නඃ॑ ප්රථ॒මෝ᳚(1॒)-ऽන්යෝ᳚-ऽන්යස්මෛ॒ ද්රුහ්යා॒දිති॒ තස්මා॒ද්ය-ස්සතා॑නූනප්ත්රිණා-ම්ප්රථ॒මෝ ද්රුහ්ය॑ති॒ ස ආර්ති॒මාර්ච්ඡ॑ති॒ ය-ත්තා॑නූන॒ප්ත්රග්​ම් ස॑මව॒ද්යති॒ භ්රාතෘ॑ව්යාභිභූත්යෛ॒ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවති॒ පඤ්ච॒ කෘත්වෝ-ऽව॑ද්යති පඤ්ච॒ධා හි තේ ත-ථ්ස॑ම॒වාද්ය॒න්තාථෝ॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධ॒ ආප॑තයේ ත්වා ගෘහ්ණා॒මීත්යා॑හ ප්රා॒ණෝ වා [ප්රා॒ණෝ වෛ, ආප॑තිඃ] 9

ආප॑තිඃ ප්රා॒ණමේ॒ව ප්රී॑ණාති॒ පරි॑පතය॒ ඉත්යා॑හ॒ මනෝ॒ වෛ පරි॑පති॒ර්මන॑ ඒ॒ව ප්රී॑ණාති॒ තනූ॒නප්ත්ර॒ ඉත්යා॑හ ත॒නුවෝ॒ හි තේ තා-ස්ස॑ම॒වාද්ය॑න්ත ශාක්ව॒රායේත්යා॑හ॒ ශක්ත්යෛ॒ හි තේ තා-ස්ස॑ම॒වාද්ය॑න්ත॒ ශක්ම॒-න්නෝජි॑ෂ්ඨා॒යේත්යා॒හෞජි॑ෂ්ඨ॒ග්​ම්॒ හි තේ ත දා॒ත්මන॑-ස්සම॒වාද්ය॒න්තා--නා॑ධෘෂ්ට-මස්යනාධෘ॒ෂ්ය-මිත්යා॒හා-ऽනා॑ධෘෂ්ට॒ග්ග්॒ හ්යේ॑තද॑නාධෘ॒ෂ්ය-න්දේ॒වානා॒-මෝජ॒ [දේ॒වානා॒-මෝජඃ॑, ඉත්යා॑හ] 10

ඉත්යා॑හ දේ॒වානා॒ග්॒ හ්යේ॑තදෝජෝ॑-ऽභිශස්ති॒පා අ॑නභිශස්තේ॒න්යමිත්යා॑හා-භිශස්ති॒පා හ්යේ॑තද॑ -නභිශස්තේ॒න්යමනු॑ මේ දී॒ක්ෂා-න්දී॒ක්ෂාප॑ති-ර්මන්යතා॒මිත්යා॑හ යථාය॒ජුරේ॒වෛත-ද්ඝෘ॒තං-වෛඁ දේ॒වා වජ්ර॑-ඞ්කෘ॒ත්වා සෝම॑මඝ්න-න්නන්ති॒කමි॑ව॒ ඛලු॒ වා අ॑ස්යෛ॒තච්ච॑රන්ති॒ ය-ත්තා॑නූන॒ප්ත්රේණ॑ ප්ර॒චර॑න්ත්ය॒ග්​ම්॒ ශුරග්​ම්॑ ශුස්තේ දේව සෝ॒මා-ऽऽ ප්යා॑යතා॒-මිත්යා॑හ॒ ය- [-මිත්යා॑හ॒ යත්, ඒ॒වාස්යා॑-] 11

-දේ॒වාස්යා॑-පුවා॒යතේ॒ යන්මීය॑තේ॒-තදේ॒වාස්යෛ॒තේනා-ऽऽ ප්යා॑යය॒ත්යා තුභ්ය॒මින්ද්රඃ॑ ප්යායතා॒මා ත්වමින්ද්රා॑ය ප්යාය॒ස්වේත්යා॑-හෝ॒භාවේ॒වේන්ද්ර॑-ඤ්ච॒ සෝම॒-ඤ්චා-ऽऽප්යා॑යය॒ත්යා ප්යා॑යය॒ සඛී᳚න්-ථ්ස॒න්යා මේ॒ධයේත්යා॑හ॒ර්ත්විජෝ॒ වා අ॑ස්ය॒ සඛා॑ය॒ස්තා-නේ॒වා-ऽऽප්යා॑යයති ස්ව॒ස්ති තේ॑ දේව සෝම සු॒ත්යාම॑ශී॒යේ- [සු॒ත්යාම॑ශී॒ය, ඉත්යා॑හා॒ ऽऽශිෂ॑-] 12

-ත්යා॑හා॒ ऽऽශිෂ॑-මේ॒වෛතාමා ශා᳚ස්තේ॒ ප්ර වා ඒ॒තේ᳚-ऽස්මා-ල්ලෝ॒කාච්ච්ය॑වන්තේ॒ යේ සෝම॑මා-ප්යා॒යය॑න්ත්ය-න්තරික්ෂදේව॒ත්යෝ॑ හි සෝම॒ ආප්යා॑යිත॒ ඒෂ්ටා॒ රායඃ॒ ප්රේෂේ භගා॒යේත්යා॑හ॒ ද්යාවා॑පෘථි॒වීභ්යා॑මේ॒ව න॑ම॒ස්කෘත්යා॒ස්මින් ඁලෝ॒කේ ප්රති॑ තිෂ්ඨන්ති දේවාසු॒රා-ස්සං​යඁ ॑ත්තා ආස॒-න්තේ දේ॒වා බිභ්ය॑තෝ॒-ऽග්නි-ම්ප්රාවි॑ශ॒-න්තස්මා॑දාහුර॒ග්නි-ස්සර්වා॑ දේ॒වතා॒ ඉති॒ තේ᳚- [දේ॒වතා॒ ඉති॒ තේ, අ॒ග්නිමේ॒ව] 13

-ऽග්නිමේ॒ව වරූ॑ථ-ඞ්කෘ॒ත්වා ऽසු॑රාන॒භ්ය॑භව-න්න॒ග්නිමි॑ව॒ ඛලු॒ වා ඒ॒ෂ ප්රවි॑ශති॒ යෝ॑-ऽවාන්තරදී॒ක්ෂාමු॒පෛති॒ භ්රාතෘ॑ව්යාභිභූත්යෛ॒ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවත්යා॒ත්මාන॑මේ॒ව දී॒ක්ෂයා॑ පාති ප්ර॒ජාම॑වාන්තරදී॒ක්ෂයා॑ සන්ත॒රා-ම්මේඛ॑ලාග්​ම් ස॒මාය॑ච්ඡතේ ප්ර॒ජා හ්යා᳚ත්මනෝ-ऽන්ත॑රතරා ත॒ප්තව්ර॑තෝ භවති॒ මද॑න්තීභිර්මාර්ජයතේ॒ නිර්​හ්ය॑ග්නි-ශ්ශී॒තේන॒ වාය॑ති॒ සමි॑ද්ධ්යෛ॒ යා තේ॑ අග්නේ॒ රුද්රි॑යා ත॒නූරිත්යා॑හ॒ ස්වයෛ॒වෛන॑-ද්දේ॒වත॑යා ව්රතයති සයෝනි॒ත්වාය॒ ශාන්ත්යෛ᳚ ॥ 14 ॥
(යෝ - වා - ඕජ॑ - ආහ॒ ය - ද॑ශී॒යේ - ති॒ තේ᳚ - ऽග්න॒ - ඒකා॑දශ ච) (අ. 2)

තේෂා॒මසු॑රාණා-න්ති॒ස්රඃ පුර॑ ආස-න්නය॒ස්ම-ය්ය॑ව॒මා-ऽථ॑ රජ॒තා-ऽථ॒ හරි॑ණී॒ තා දේ॒වා ජේතු॒-න්නාශ॑ක්නුව॒-න්තා උ॑ප॒සදෛ॒වාජි॑ගීෂ॒-න්තස්මා॑දාහු॒ර්යශ්චෛ॒වං-වේඁද॒ යශ්ච॒ නෝප॒සදා॒ වෛ ම॑හාපු॒ර-ඤ්ජ॑ය॒න්තීති॒ ත ඉෂු॒ග්​ම්॒ සම॑ස්කුර්වතා॒- ග්නිමනී॑ක॒ග්​ම්॒ සෝමග්​ම්॑ ශ॒ල්යං-විඁෂ්ණු॒-න්තේජ॑න॒-න්තේ᳚-ऽබ්රුව॒න් ක ඉ॒මාම॑සිෂ්ය॒තීති॑ [ ] 15

රු॒ද්ර ඉත්ය॑බ්රුව-න්රු॒ද්රෝ වෛ ක්රූ॒ර-ස්සෝ᳚-ऽස්ය॒ත්විති॒ සෝ᳚-ऽබ්රවී॒-ද්වරං॑-වෘඁණා අ॒හමේ॒ව ප॑ශූ॒නා-මධි॑පතිරසා॒නීති॒ තස්මා᳚-ද්රු॒ද්රඃ ප॑ශූ॒නා-මධි॑පති॒ස්තාග්​ම් රු॒ද්රෝ-ऽවා॑සෘජ॒-ථ්ස ති॒ස්රඃ පුරෝ॑ භි॒ත්ත්වෛභ්යෝ ලෝ॒කේභ්යෝ- ऽසු॑රා॒-න්ප්රාණු॑දත॒ යදු॑ප॒සද॑ උපස॒ද්යන්තේ॒ භ්රාතෘ॑ව්යපරාණුත්යෛ॒ නාන්යාමාහු॑ති-ම්පු॒රස්තා᳚-ජ්ජුහුයා॒-ද්යද॒න්යාමාහු॑ති-ම්පු॒රස්තා᳚-ජ්ජුහු॒යා- [-ජ්ජුහු॒යාත්, අ॒න්යන්මුඛ॑-ඞ්කුර්යා-] 16

-ද॒න්යන්මුඛ॑-ඞ්කුර්යා-ථ්ස්රු॒වේණා॑-ऽඝා॒රමා ඝා॑රයති ය॒ජ්ඤස්ය॒ ප්රජ්ඤා᳚ත්යෛ॒ පරාං॑අති॒ක්රම්ය॑ ජුහෝති॒ පරා॑ච ඒ॒වෛභ්යෝ ලෝ॒කේභ්යෝ॒ යජ॑මානෝ॒ භ්රාතෘ॑ව්යා॒-න්ප්ර ණු॑දතේ॒ පුන॑රත්යා॒ක්රම්යෝ॑ප॒සද॑-ඤ්ජුහෝති ප්ර॒ණුද්යෛ॒වෛභ්යෝ ලෝ॒කේභ්යෝ॒ භ්රාතෘ॑ව්යාඤ්ජි॒ත්වා භ්රා॑තෘව්යලෝ॒ක-ම॒භ්යාරෝ॑හති දේ॒වා වෛ යාඃ ප්රා॒තරු॑ප॒සද॑ උ॒පාසී॑ද॒-න්නහ්න॒ස්තාභි॒රසු॑රා॒-න්ප්රාණු॑දන්ත॒ යා-ස්සා॒යග්​ම් රාත්රි॑යෛ॒ තාභි॒ර්ය-ථ්සා॒ය-ම්ප්රා॑ත-රුප॒සද॑- [-රුප॒සදඃ॑, උ॒ප॒ස॒ද්යන්තේ॑] 17

උපස॒ද්යන්තේ॑ ऽහෝරා॒ත්රාභ්යා॑මේ॒ව ත-ද්යජ॑මානෝ॒ භ්රාතෘ॑ව්යා॒-න්ප්ර ණු॑දතේ॒ යාඃ ප්රා॒තර්යා॒ජ්යා᳚-ස්ස්යුස්තා-ස්සා॒ය-ම්පු॑රෝ-ऽනුවා॒ක්යාඃ᳚ කුර්යා॒දයා॑තයාමත්වාය ති॒ස්ර උ॑ප॒සද॒ උපෛ॑ති॒ ත්රය॑ ඉ॒මේ ලෝ॒කා ඉ॒මානේ॒ව ලෝ॒කා-න්ප්රී॑ණාති॒ ෂට්-ථ්ස-ම්ප॑ද්යන්තේ॒ ෂඩ්වා ඍ॒තව॑ ඍ॒තූනේ॒ව ප්රී॑ණාති॒ ද්වාද॑ශා॒හීනේ॒ සෝම॒ උපෛ॑ති॒ ද්වාද॑ශ॒ මාසා᳚-ස්සං​වඁථ්ස॒ර-ස්ස॑වන්​ථ්ස॒රමේ॒ව ප්රී॑ණාති॒ චතු॑ර්විග්​ම්ශති॒-ස්ස- [චතු॑ර්විග්​ම්ශති॒-ස්සම්, ප॒ද්ය॒න්තේ॒ චතු॑ර්විග්​ම්ශති-] 18

-ම්ප॑ද්යන්තේ॒ චතු॑ර්විග්​ම්ශති-රර්ධමා॒සා අ॑ර්ධමා॒සානේ॒ව ප්රී॑ණා॒ත්යාරා᳚ග්රා-මවාන්තරදී॒ක්ෂා-මුපේ॑යා॒ද්යඃ කා॒මයේ॑තා॒-ऽස්මි-න්මේ॑ ලෝ॒කේ-ऽර්ධු॑කග්ග්​ ස්යා॒දිත්යේක॒මග්රේ-ऽථ॒ ද්වාවථ॒ ත්රීනථ॑ ච॒තුර॑ ඒ॒ෂා වා ආරා᳚ග්රා ऽවාන්තරදී॒ක්ෂා ऽස්මින්නේ॒වාස්මෛ॑ ලෝ॒කේ-ऽර්ධු॑ක-ම්භවති ප॒රෝව॑රීයසී-මවාන්තරදී॒ක්ෂා-මුපේ॑යා॒ද්යඃ කා॒මයේ॑තා॒මුෂ්මි॑-න්මේ ලෝ॒කේ-ऽර්ධු॑කග්ග්​ ස්යා॒දිති॑ ච॒තුරෝ-ऽග්රේ ऽථ॒ ත්රීනථ॒ ද්වාවථෛක॑මේ॒ෂා වෛ ප॒රෝව॑රීයස්ය-වාන්තරදී॒ක්ෂා ऽමුෂ්මි॑න්නේ॒වාස්මෛ॑ ලෝ॒කේ-ऽර්ධු॑ක-ම්භවති ॥ 19 ॥
(අ॒සි॒ෂ්ය॒තීති॑ - ජුහු॒යාථ් - සා॒ය-ම්ප්රා॑තරුප॒සද॒ - ශ්චතු॑ර්විග්​ම්ශති॒-ස්සං - ච॒තුරෝ-ऽග්රේ॒ - ෂෝඩ॑ශ ච) (අ. 3)

සු॒ව॒ර්ගං-වාඁ ඒ॒තේ ලෝ॒කං-යඁ ॑න්ති॒ ය උ॑ප॒සද॑ උප॒යන්ති॒ තේෂාං॒-යඁ උ॒න්නය॑තේ॒ හීය॑ත ඒ॒ව ස නෝද॑නේ॒ෂීති॒ සූ᳚න්නීයමිව॒ යෝ වෛ ස්වා॒ර්ථේතාං᳚-යඁ॒තාග්​ ශ්රා॒න්තෝ හීය॑ත උ॒ත ස නි॒ෂ්ට්යාය॑ ස॒හ ව॑සති॒ තස්මා᳚-ථ්ස॒කෘදු॒න්නීය॒ නාප॑ර॒මුන්න॑යේත ද॒ද්ධ්නෝන්න॑යේතෛ॒තද්වෛ ප॑ශූ॒නාග්​ම් රූ॒පග්​ම් රූ॒පේණෛ॒ව ප॒ශූනව॑ රුන්ධේ [ ] 20

ය॒ජ්ඤෝ දේ॒වේභ්යෝ॒ නිලා॑යත॒ විෂ්ණූ॑ රූ॒ප-ඞ්කෘ॒ත්වා ස පෘ॑ථි॒වී-ම්ප්රාවි॑ශ॒-ත්ත-න්දේ॒වා හස්තා᳚න්-ථ්ස॒ග්​ම්॒ රභ්යෛ᳚ච්ඡ॒-න්තමින්ද්ර॑ උ॒පර්යු॑ප॒ර්යත්ය॑ක්රාම॒-ථ්සෝ᳚-ऽබ්රවී॒-ත්කෝ මා॒-ऽයමු॒පර්යු॑ප॒ර්යත්ය॑ක්රමී॒-දිත්ය॒හ-න්දු॒ර්ගේ හන්තේත්යථ॒ කස්ත්වමිත්ය॒හ-න්දු॒ර්ගාදාහ॒ර්තේති॒ සෝ᳚-ऽබ්රවී-ද්දු॒ර්ගේ වෛ හන්තා॑-ऽවෝචථා වරා॒හෝ॑-ऽයං-වාඁ ॑මමෝ॒ෂ- [-ඁවා॑මමෝ॒ෂඃ, ස॒ප්තා॒නා] 21

-ස්ස॑ප්තා॒නා-ඞ්ගි॑රී॒ණා-ම්ප॒රස්තා᳚ද්වි॒ත්තං-වේඁද්ය॒මසු॑රාණා-ම්බිභර්ති॒ ත-ඤ්ජ॑හි॒ යදි॑ දු॒ර්ගේ හන්තා-ऽසීති॒ ස ද॑ර්භපුඤ්ජී॒ලමු॒-ද්වෘහ්ය॑ ස॒ප්ත ගි॒රී-න්භි॒ත්ත්වා තම॑හ॒න්-ථ්සෝ᳚-ऽබ්රවී-ද්දු॒ර්ගාද්වා ආහ॑ර්තාවෝචථා ඒ॒තමා හ॒රේති॒ තමේ᳚භ්යෝ ය॒ජ්ඤ ඒ॒ව ය॒ජ්ඤමා-ऽහ॑ර॒ද්ය-ත්තද්වි॒ත්තං-වේඁද්ය॒මසු॑රාණා॒-මවි॑න්දන්ත॒ තදේකං॒-වේඁද්යෛ॑ වේදි॒ත්ව-මසු॑රාණාං॒- [-මසු॑රාණාම්, වා ඉ॒යමග්ර॑] 22

-ඁවා ඉ॒යමග්ර॑ ආසී॒-ද්යාව॒දාසී॑නඃ පරා॒පශ්ය॑ති॒ තාව॑-ද්දේ॒වානා॒-න්තේ දේ॒වා අ॑බ්රුව॒න්නස්ත්වේ॒ව නෝ॒-ऽස්යාමපීති॒ කිය॑ද්වෝ දාස්යාම॒ ඉති॒ යාව॑දි॒යග්​ම් ස॑ලාවෘ॒කී ත්රිඃ ප॑රි॒ක්රාම॑ති॒ තාව॑න්නෝ ද॒ත්තේති॒ ස ඉන්ද්ර॑-ස්සලාවෘ॒කී රූ॒ප-ඞ්කෘ॒ත්වේමා-න්ත්රි-ස්ස॒ර්වතඃ॒ පර්ය॑ක්රාම॒-ත්තදි॒මාම॑වින්දන්ත॒ යදි॒මාමවි॑න්දන්ත॒ ත-ද්වේද්යෛ॑ වේදි॒ත්වග්​ම් [වේදි॒ත්වම්, සා වා ඉ॒යග්​ම්] 23

සා වා ඉ॒යග්​ම් සර්වෛ॒ව වේදි॒රිය॑ති ශක්ෂ්යා॒මීති॒ ත්වා අ॑ව॒මාය॑ යජන්තේ ත්රි॒ග්​ම්॒ශ-ත්ප॒දානි॑ ප॒ශ්චා-ත්ති॒රශ්චී॑ භවති॒ ෂට්ත්රිග්​ම්॑ශ॒-ත්ප්රාචී॒ චතු॑ර්විග්​ම්ශතිඃ පු॒රස්තා᳚-ත්ති॒රශ්චී॒ දශ॑දශ॒ සම්ප॑ද්යන්තේ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජෛ॒වාන්නාද්ය॒මව॑ රුන්ධ॒ උද්ධ॑න්ති॒ යදේ॒වාස්යා॑ අමේ॒ද්ධ්ය-න්තදප॑ හ॒න්ත්යුද්ධ॑න්ති॒ තස්මා॒දෝෂ॑ධයඃ॒ පරා॑ භවන්ති බ॒ර්॒හි-ස්ස්තෘ॑ණාති॒ තස්මා॒දෝෂ॑ධයඃ॒ පුන॒රා භ॑ව॒න්ත්යුත්ත॑ර-ම්බ॒ර්॒හිෂ॑ උත්තරබ॒ර්॒හි-ස්ස්තෘ॑ණාති ප්ර॒ජා වෛ බ॒ර්॒හිර්යජ॑මාන උත්තර බ॒ර්॒හි ර්යජ॑මාන-මේ॒වා-ය॑ජමානා॒දුත්ත॑ර-ඞ්කරෝති॒ තස්මා॒-ද්යජ॑මා॒නෝ ऽය॑ජමානා॒දුත්ත॑රඃ ॥ 24 ॥
(රු॒න්ධේ॒ - වා॒ම॒මෝ॒ෂෝ - වේ॑දි॒ත්වමසු॑රාණාං - ඁවේදි॒ත්වං - භ॑වන්ති॒ - පඤ්ච॑විග්​ම්ශතිශ්ච) (අ. 4)

යද්වා අනී॑ශානෝ භා॒රමා॑ද॒ත්තේ වි වෛ ස ලි॑ශතේ॒ ය-ද්ද්වාද॑ශ සා॒හ්නස්යෝ॑ප॒සද॒-ස්ස්යුස්ති॒ස්ත්රෝ॑-ऽහීන॑ස්ය ය॒ජ්ඤස්ය॒ විලෝ॑ම ක්රියේත ති॒ස්ර ඒ॒ව සා॒හ්නස්යෝ॑ප॒සදෝ॒ ද්වාද॑ශා॒හීන॑ස්ය ය॒ජ්ඤස්ය॑ සවීර්ය॒ත්වායාථෝ॒ සලෝ॑ම ක්රියතේ ව॒ථ්සස්යෛක॒-ස්ස්තනෝ॑ භා॒ගී හි සෝ-ऽථෛක॒ග්ග්॒ ස්තනං॑-ව්රඁ॒තමුපෛ॒ත්යථ॒ ද්වාවථ॒ ත්රීනථ॑ ච॒තුර॑ ඒ॒තද්වෛ [ ] 25

ක්ෂු॒රප॑වි॒ නාම॑ ව්ර॒තං-යේඁන॒ ප්ර ජා॒තා-න්භ්රාතෘ॑ව්යා-න්නු॒දතේ॒ ප්රති॑ ජනි॒ෂ්යමා॑ණා॒නථෝ॒ කනී॑යසෛ॒ව භූය॒ උපෛ॑ති ච॒තුරෝ-ऽග්රේ॒ ස්තනා᳚න් ව්ර॒තමුපෛ॒ත්යථ॒ ත්රීනථ॒ ද්වාවථෛක॑මේ॒තද්වෛ සු॑ජඝ॒න-න්නාම॑ ව්ර॒ත-න්ත॑ප॒ස්යග්​ම්॑ සුව॒ර්ග්ය॑මථෝ॒ ප්රෛව ජා॑යතේ ප්ර॒ජයා॑ ප॒ශුභි॑ර්යවා॒ගූ රා॑ජ॒න්ය॑ස්ය ව්ර॒ත-ඞ්ක්රූ॒රේව॒ වෛ ය॑වා॒ගූඃ ක්රූ॒ර ඉ॑ව [ක්රූ॒ර ඉ॑ව, රා॒ජ॒න්යෝ॑ වජ්ර॑ස්ය] 26

රාජ॒න්යෝ॑ වජ්ර॑ස්ය රූ॒පග්​ම් සමෘ॑ද්ධ්යා ආ॒මික්ෂා॒ වෛශ්ය॑ස්ය පාකය॒ජ්ඤස්ය॑ රූ॒ප-ම්පුෂ්ට්යෛ॒ පයෝ᳚ බ්රාහ්ම॒ණස්ය॒ තේජෝ॒ වෛ බ්රා᳚හ්ම॒ණස්තේජඃ॒ පය॒ස්තේජ॑සෛ॒ව තේජඃ॒ පය॑ ආ॒ත්ම-න්ධ॒ත්තේ ऽථෝ॒ පය॑සා॒ වෛ ගර්භා॑ වර්ධන්තේ॒ ගර්භ॑ ඉව॒ ඛලු॒ වා ඒ॒ෂ ය-ද්දී᳚ක්ෂි॒තෝ යද॑ස්ය॒ පයෝ᳚ ව්ර॒ත-ම්භව॑ත්යා॒ත්මාන॑මේ॒ව ත-ද්ව॑ර්ධයති॒ ත්රිව්ර॑තෝ॒ වෛ මනු॑රාසී॒-ද්ද්විව්ර॑තා॒ අසු॑රා॒ ඒක॑ව්රතා [ඒක॑ව්රතාඃ, දේ॒වාඃ ප්රා॒තර්ම॒ද්ධ්යන්දි॑නේ] 27

දේ॒වාඃ ප්රා॒තර්ම॒ද්ධ්යන්දි॑නේ සා॒ය-න්ත-න්මනෝ᳚ර්ව්ර॒තමා॑සී-ත්පාකය॒ජ්ඤස්ය॑ රූ॒ප-ම්පුෂ්ට්යෛ᳚ ප්රා॒තශ්ච॑ සා॒ය-ඤ්චාසු॑රාණා-න්නිර්ම॒ද්ධ්ය-ඞ්ක්ෂු॒ධෝ රූ॒ප-න්තත॒ස්තේ පරා॑-ऽභව-න්ම॒ද්ධ්යන්දි॑නේ මද්ධ්යරා॒ත්රේ දේ॒වානා॒-න්තත॒ස්තේ॑-ऽභවන්-ථ්සුව॒ර්ගං-ලෝඁ॒කමා॑ය॒න්॒. යද॑ස්ය ම॒ද්ධ්යන්දි॑නේ මද්ධ්යරා॒ත්රේ ව්ර॒ත-ම්භව॑ති මද්ධ්ය॒තෝ වා අන්නේ॑න භුඤ්ජතේ මද්ධ්ය॒ත ඒ॒ව තදූර්ජ॑-න්ධත්තේ॒ භ්රාතෘ॑ව්යාභිභූත්යෛ॒ භව॑ත්යා॒ත්මනා॒ [භව॑ත්යා॒ත්මනා᳚, පරා᳚-ऽස්ය॒ භ්රාතෘ॑ව්යෝ] 28

පරා᳚-ऽස්ය॒ භ්රාතෘ॑ව්යෝ භවති॒ ගර්භෝ॒ වා ඒ॒ෂ ය-ද්දී᳚ක්ෂි॒තෝ යෝනි॑ ර්දීක්ෂිතවිමි॒තං-යඁ-ද්දී᳚ක්ෂි॒තෝ දී᳚ක්ෂිතවිමි॒තා-ත්ප්ර॒වසේ॒-ද්යථා॒ යෝනේ॒ර්ගර්භ॒-ස්ස්කන්ද॑ති තා॒දෘගේ॒ව තන්න ප්ර॑වස්ත॒ව්ය॑මා॒ත්මනෝ॑ ගෝපී॒ථායෛ॒ෂ වෛ ව්යා॒ඝ්රඃ කු॑ලගෝ॒පෝ යද॒ග්නිස්තස්මා॒-ද්ය-ද්දී᳚ක්ෂි॒තඃ ප්ර॒වසේ॒-ථ්ස ඒ॑නමීශ්ව॒රෝ॑-ऽනූ॒ත්ථාය॒ හන්තෝ॒ර්න ප්ර॑වස්ත॒ව්ය॑මා॒ත්මනෝ॒ ගුප්ත්යෛ॑ දක්ෂිණ॒ත-ශ්ශ॑ය ඒ॒තද්වෛ යජ॑මානස්යා॒ ऽऽයත॑න॒ග්ග්॒ස්ව ඒ॒වා-ऽऽයත॑නේ ශයේ॒ ऽග්නිම॑භ්යා॒වෘත්ය॑ ශයේ දේ॒වතා॑ ඒ॒ව ය॒ජ්ඤම॑භ්යා॒වෘත්ය॑ ශයේ ॥ 29 ॥
(ඒ॒තද්වෛ-ක්රූ॒ර ඉ॒වෛ-ක॑ව්රතා-ආ॒ත්මනා॒-යජ॑මානස්ය॒-ත්රයෝ॑දශ ච) (අ. 5)

පු॒රෝහ॑විෂි දේව॒යජ॑නේ යාජයේ॒ද්ය-ඞ්කා॒මයේ॒තෝපෛ॑න॒මුත්ත॑රෝ ය॒ජ්ඤෝ න॑මේද॒භි සු॑ව॒ර්ගං-ලෝඁ॒ක-ඤ්ජ॑යේ॒දිත්යේ॒තද්වෛ පු॒රෝහ॑විර්දේව॒යජ॑නං॒-යඁස්ය॒ හෝතා᳚ ප්රාතරනුවා॒ක -ම॑නුබ්රු॒ව-න්න॒ග්නිම॒ප ආ॑දි॒ත්යම॒භි වි॒පශ්ය॒ත්යුපෛ॑න॒මුත්ත॑රෝ ය॒ජ්ඤෝ න॑මත්ය॒භි සු॑ව॒ර්ගං-ලෝඁ॒ක-ඤ්ජ॑යත්යා॒ප්තේ දේ॑ව॒යජ॑නේ යාජයේ॒--ද්භ්රාතෘ॑ව්යවන්ත॒-ම්පන්ථාං᳚-වාඁ-ऽධිස්ප॒ර්॒ශයේ᳚-ත්ක॒ර්තං-වාඁ॒ යාව॒න්නාන॑සේ॒ යාත॒වෛ [ ] 30

න රථා॑යෛ॒තද්වා ආ॒ප්ත-න්දේ॑ව॒යජ॑නමා॒ප්නෝත්යේ॒ව භ්රාතෘ॑ව්ය॒-න්නෛන॒-ම්භ්රාතෘ॑ව්ය ආප්නෝ॒ත්යේකෝ᳚න්නතේ දේව॒ය॑ජනේ යාජයේ-ත්ප॒ශුකා॑ම॒-මේකෝ᳚න්නතා॒ද්වෛ දේ॑ව॒යජ॑නා॒දඞ්ගි॑රසඃ ප॒ශූන॑සෘජන්තාන්ත॒රා ස॑දෝහවිර්ධා॒නේ උ॑න්න॒තග්ග්​ ස්යා॑දේ॒තද්වා ඒකෝ᳚න්නත-න්දේව॒යජ॑න-ම්පශු॒මානේ॒ව භ॑වති॒ ත්ර්යු॑න්නතේ දේව॒යජ॑නේ යාජයේ-ථ්සුව॒ර්ගකා॑ම॒-න්ත්ර්යු॑න්නතා॒ද්වෛ දේ॑ව॒යජ॑නා॒දඞ්ගි॑රස-ස්සුව॒ර්ගං-ලෝඁ॒කමා॑ය-න්නන්ත॒රා ऽऽහ॑ව॒නීය॑-ඤ්ච හවි॒ර්ධාන॑-ඤ්චෝ- [හවි॒ර්ධාන॑-ඤ්ච, උ॒න්න॒තග්ග්​ ස්යා॑දන්ත॒රා] 31

-න්න॒තග්ග්​ ස්යා॑දන්ත॒රා හ॑වි॒ර්ධාන॑-ඤ්ච॒ සද॑ශ්චාන්ත॒රා සද॑ශ්ච॒ ගාර්​හ॑පත්ය-ඤ්චෛ॒තද්වෛ ත්ර්යු॑න්නත-න්දේව॒යජ॑නග්​ම් සුව॒ර්ගමේ॒ව ලෝ॒කමේ॑ති॒ ප්රති॑ෂ්ඨිතේ දේව॒යජ॑නේ යාජයේ-ත්ප්රති॒ෂ්ඨාකා॑මමේ॒තද්වෛ ප්රති॑ෂ්ඨිත-න්දේව॒යජ॑නං॒-යඁ-ථ්ස॒ර්වත॑-ස්ස॒ම-ම්ප්රත්යේ॒ව ති॑ෂ්ඨති॒ යත්රා॒න්යා අ॑න්යා॒ ඕෂ॑ධයෝ॒ ව්යති॑ෂක්තා॒-ස්ස්යුස්ත-ද්යා॑ජයේ-ත්ප॒ශුකා॑මමේ॒තද්වෛ ප॑ශූ॒නාග්​ම් රූ॒පග්​ම් රූ॒පේණෛ॒වාස්මෛ॑ ප॒ශූ- [ප॒ශූන්, අව॑ රුන්ධේ] 32

-නව॑ රුන්ධේ පශු॒මානේ॒ව භ॑වති॒ නිර්-ඍ॑තිගෘහීතේ දේව॒යජ॑නේ යාජයේ॒ද්ය-ඞ්කා॒මයේ॑ත॒ නිර්-ඍ॑ත්යාස්ය ය॒ජ්ඤ-ඞ්ග්රා॑හයේය॒මිත්යේ॒තද්වෛ නිර්-ඍ॑තිගෘහීත-න්දේව॒යජ॑නං॒-යඁ-ථ්ස॒දෘශ්යෛ॑ ස॒ත්යා॑ ඍ॒ක්ෂ-න්නිර්-ඍ॑ත්යෛ॒වාස්ය॑ ය॒ජ්ඤ-ඞ්ග්රා॑හයති॒ ව්යාවෘ॑ත්තේ දේව॒යජ॑නේ යාජයේ-ද්ව්යා॒වෘත්කා॑මං॒-යඁ-ම්පාත්රේ॑ වා॒ තල්පේ॑ වා॒ මීමාග්​ම්॑සේර-න්ප්රා॒චීන॑මාහව॒නීයා᳚-ත්ප්රව॒ණග්ග්​ ස්යා᳚-ත්ප්රතී॒චීන॒-ඞ්ගාර්​හ॑පත්යාදේ॒තද්වෛ ව්යාවෘ॑ත්ත-න්දේව॒යජ॑නං॒-විඁ පා॒ප්මනා॒ භ්රාතෘ॑ව්යේ॒ණා- ऽऽව॑ර්තතේ॒ නෛන॒-ම්පාත්රේ॒ න තල්පේ॑ මීමාග්​ම් සන්තේ කා॒ර්යේ॑ දේව॒යජ॑නේ යාජයේ॒-ද්භූති॑කාම-ඞ්කා॒යා॑ වෛ පුරු॑ෂෝ॒ භව॑ත්යේ॒ව ॥ 33 ॥
(යාත॒වෛ - හ॑වි॒ර්ධාන॑-ඤ්ච - ප॒ශූන් - පා॒ප්මනා॒ - ऽෂ්ටාද॑ශ ච) (අ. 6)

තේභ්ය॑ උත්තරවේ॒දි-ස්සි॒ග්​ම්॒හී රූ॒ප-ඞ්කෘ॒ත්වෝභයා॑-නන්ත॒රා-ऽප॒ක්රම්යා॑තිෂ්ඨ॒-ත්තේ දේ॒වා අ॑මන්යන්ත යත॒රාන්. වා ඉ॒යමු॑පාව॒ර්ථ්ස්යති॒ ත ඉ॒ද-ම්භ॑විෂ්ය॒න්තීති॒ තාමුපා॑මන්ත්රයන්ත॒ සා-ऽබ්ර॑වී॒-ද්වරං॑-වෘඁණෛ॒ සර්වා॒-න්මයා॒ කාමා॒න් ව්ය॑ශ්ඤවථ॒ පූර්වා॒-න්තු මා॒-ऽග්නේරාහු॑තිරශ්ඤවතා॒ ඉති॒ තස්මා॑දුත්තරවේ॒දි-ම්පූර්වා॑ම॒ග්නේ- ර්ව්යාඝා॑රයන්ති॒ වාරේ॑වෘත॒ග්ග්॒ හ්ය॑ස්යෛ॒ ශම්ය॑යා॒ පරි॑ මිමීතේ॒ [මිමීතේ, මාත්රෛ॒වා-ऽස්යෛ॒] 34

මාත්රෛ॒වා-ऽස්යෛ॒ සාථෝ॑ යු॒ක්තේනෛ॒ව යු॒ක්තමව॑ රුන්ධේ වි॒ත්තාය॑නී මේ॒-ऽසීත්යා॑හ වි॒ත්තා හ්යේ॑නා॒නාව॑-ත්ති॒ක්තාය॑නී මේ॒-ऽසීත්යා॑හ ති॒ක්තාන්. හ්යේ॑නා॒නාව॒දව॑තාන්මා නාථි॒තමිත්යා॑හ නාථි॒තාන්. හ්යේ॑නා॒නාව॒දව॑තාන්මා ව්යථි॒තමිත්යා॑හ ව්යථි॒තාන්. හ්යේ॑නා॒නාව॑-ද්වි॒දේ-ර॒ග්නි-ර්නභෝ॒ නාමා- [-ර්නභෝ॒ නාමා॑, අග්නේ॑ අඞ්ගිර॒ ඉති॒] 35

-ऽග්නේ॑ අඞ්ගිර॒ ඉති॒ ත්රිර්​හ॑රති॒ ය ඒ॒වෛෂු ලෝ॒කේෂ්ව॒ග්නය॒-ස්තානේ॒වාව॑ රුන්ධේ තූ॒ෂ්ණී-ඤ්ච॑තු॒ර්ථග්​ම් හ॑ර॒ත්යනි॑-රුක්තමේ॒වාව॑ රුන්ධේ සි॒ග්​ම්॒හීර॑සි මහි॒ෂීර॒සීත්යා॑හ සි॒ග්​ම්॒හීර්​හ්යේ॑ෂා රූ॒ප-ඞ්කෘ॒ත්වෝභයා॑-නන්ත॒රා ऽප॒ක්රම්යාති॑ෂ්ඨදු॒රු ප්ර॑ථස්වෝ॒රු තේ॑ ය॒ජ්ඤප॑තිඃ ප්රථතා॒මිත්යා॑හ॒ යජ॑මානමේ॒ව ප්ර॒ජයා॑ ප॒ශුභිඃ॑ ප්රථයති ධ්රු॒වා- [ධ්රු॒වා, අ॒සීති॒ සග්​ම් හ॑න්ති॒] 36

-ऽසීති॒ සග්​ම් හ॑න්ති॒ ධෘත්යෛ॑ දේ॒වේභ්ය॑-ශ්ශුන්ධස්ව දේ॒වේභ්ය॑-ශ්ශුම්භ॒ස්වේත්යව॑ චෝ॒ක්ෂති॒ ප්ර ච॑ කිරති॒ ශුද්ධ්යා॑ ඉන්ද්රඝෝ॒ෂස්ත්වා॒ වසු॑භිඃ පු॒රස්තා᳚-ත්පා॒ත්විත්යා॑හ දි॒ග්භ්ය ඒ॒වෛනා॒-ම්ප්රෝක්ෂ॑ති දේ॒වාග්​ශ්චේදු॑-ත්තරවේ॒දිරු॒පාව॑වර්තී॒හෛව වි ජ॑යාමහා॒ ඉත්යසු॑රා॒ වජ්ර॑මු॒ද්යත්ය॑ දේ॒වාන॒භ්යා॑යන්ත॒ තානි॑න්ද්රඝෝ॒ෂෝ වසු॑භිඃ පු॒රස්තා॒දපා॑- [පු॒රස්තා॒දපා॑, අ॒නු॒ද॒ත॒ මනෝ॑ජවාඃ] 37

-නුදත॒ මනෝ॑ජවාඃ පි॒තෘභි॑ ර්දක්ෂිණ॒තඃ ප්රචේ॑තා රු॒ද්රෛඃ ප॒ශ්චා-ද්වි॒ශ්වක॑ර්මා-ऽऽදි॒ත්යෛරු॑ත්තර॒තෝ යදේ॒වමු॑ත්තරවේ॒දි-ම්ප්රෝ॒ක්ෂති॑ දි॒ග්භ්ය ඒ॒ව ත-ද්යජ॑මානෝ॒ භ්රාතෘ॑ව්යා॒-න්ප්ර ණු॑දත॒ ඉන්ද්රෝ॒ යතී᳚න්-ථ්සාලාවෘ॒කේභ්යඃ॒ ප්රාය॑ච්ඡ॒-ත්තා-න්ද॑ක්ෂිණ॒ත උ॑ත්තරවේ॒ද්යා ආ॑ද॒න්॒ ය-ත්ප්රෝක්ෂ॑ණීනා-මු॒ච්ඡිෂ්යේ॑ත॒ ත-ද්ද॑ක්ෂිණ॒ත උ॑ත්තරවේ॒ද්යෛ නි න॑යේ॒-ද්යදේ॒ව තත්ර॑ ක්රූ॒ර-න්ත-ත්තේන॑ ශමයති॒ ය-න්ද්වි॒ෂ්යා-ත්ත-න්ධ්යා॑යේච්ඡු॒චෛ වෛන॑මර්පයති ॥ 38 ॥
(මි॒මී॒තේ॒ - නාම॑ - ධ්රු॒වා - ऽප॑ - ශු॒චා - ත්රීණි॑ ච) ( ආ7)

සෝත්ත॑රවේ॒දිර॑බ්රවී॒-ථ්සර්වා॒-න්මයා॒ කාමා॒න් ව්ය॑ශ්ඤව॒ථේති॒ තේ දේ॒වා අ॑කාමය॒න්තාසු॑රා॒-න්භ්රාතෘ॑ව්යාන॒භි භ॑වේ॒මේති॒ තේ॑-ऽජුහවු-ස්සි॒ග්​ම්॒හීර॑සි සපත්නසා॒හී ස්වාහේති॒ තේ-ऽසු॑රා॒-න්භ්රාතෘ॑ව්යා-න॒භ්ය॑භව॒-න්තේ-ऽසු॑රා॒-න්භ්රාතෘ॑ව්යා-නභි॒භූයා॑කාමයන්ත ප්ර॒ජාං-විඁ ॑න්දේම॒හීති॒ තේ॑-ऽජුහවු-ස්සි॒ග්​ම්॒හීර॑සි සුප්රජා॒වනි॒-ස්ස්වාහේති॒ තේ ප්ර॒ජාම॑වින්දන්ත॒ තේ ප්ර॒ජාං-විඁ॒ත්ත්වා- [ප්ර॒ජාං-විඁ॒ත්ත්වා,අ॒කා॒ම॒ය॒න්ත॒ ප॒ශූන්. ] 39

-ऽකා॑මයන්ත ප॒ශූන්. වි॑න්දේම॒හීති॒ තේ॑-ऽජුහවු-ස්සි॒ග්​ම්॒හීර॑සි රායස්පෝෂ॒වනි॒-ස්ස්වාහේති॒ තේ ප॒ශූන॑වින්දන්ත॒ තේ ප॒ශූන්. වි॒ත්ත්වා-ऽකා॑මයන්ත ප්රති॒ෂ්ඨාං-විඁ ॑න්දේම॒හීති॒ තේ॑-ऽජුහවු-ස්සි॒ග්​ම්॒හී-ර॑ස්යාදිත්ය॒වනි॒-ස්ස්වාහේති॒ ත ඉ॒මා-ම්ප්ර॑ති॒ෂ්ඨාම॑වින්දන්ත॒ ත ඉ॒මා-ම්ප්ර॑ති॒ෂ්ඨාං-විඁ॒ත්ත්වා-ऽකා॑මයන්ත දේ॒වතා॑ ආ॒ශිෂ॒ උපේ॑යා॒මේති॒ තේ॑-ऽජුහවු-ස්සි॒ග්​ම්॒හීර॒ස්යා ව॑හ දේ॒වා-න්දේ॑වය॒තේ [ ] 40

යජ॑මානාය॒ ස්වාහේති॒ තේ දේ॒වතා॑ ආ॒ශිෂ॒ උපා॑ය॒-න්පඤ්ච॒ කෘත්වෝ॒ ව්යාඝා॑රයති॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධේ ऽක්ෂ්ණ॒යා ව්යාඝා॑රයති॒ තස්මා॑දක්ෂ්ණ॒යා ප॒ශවෝ-ऽඞ්ගා॑නි॒ ප්රහ॑රන්ති॒ ප්රති॑ෂ්ඨිත්යෛ භූ॒තේභ්ය॒ස්ත්වේති॒ ස්රුච॒මුද්ගෘ॑හ්ණාති॒ ය ඒ॒ව දේ॒වා භූ॒තාස්තේෂා॒-න්ත-ද්භා॑ග॒ධේය॒-න්තානේ॒ව තේන॑ ප්රීණාති॒ පෞතු॑ද්රවා-න්පරි॒ධී-න්පරි॑ දධාත්යේ॒ෂාං- [දධාත්යේ॒ෂාම්, ලෝ॒කානාං॒-විඁධෘ॑ත්යා] 41

-ඁලෝ॒කානාං॒-විඁධෘ॑ත්යා අ॒ග්නේස්ත්රයෝ॒ ජ්යායාග්​ම්॑සෝ॒ භ්රාත॑ර ආස॒-න්තේ දේ॒වේභ්යෝ॑ හ॒ව්යං-වඁහ॑න්තඃ॒ ප්රාමී॑යන්ත॒ සෝ᳚-ऽග්නිර॑බිභේදි॒ත්ථං-වාඁව ස්ය ආර්ති॒මා-ऽරි॑ෂ්ය॒තීති॒ ස නිලා॑යත॒ ස යාං-වඁන॒ස්පති॒ෂ්වව॑ස॒ත්තා-ම්පූතු॑ද්රෞ॒ යාමෝෂ॑ධීෂු॒ තාග්​ම් සු॑ගන්ධි॒තේජ॑නේ॒ යා-ම්ප॒ශුෂු॒ තා-ම්පේත්ව॑ස්යාන්ත॒රා ශෘඞ්ගේ॒ ත-න්දේ॒වතාඃ॒ ප්රෛෂ॑මෛච්ඡ॒-න්තමන්ව॑වින්ද॒-න්ත-ම॑බ්රුව॒- [-ම॑බ්රුවන්න්, උප॑ න॒ ආ] 42

-න්නුප॑ න॒ ආ ව॑ර්තස්ව හ॒ව්ය-න්නෝ॑ ව॒හේති॒ සෝ᳚-ऽබ්රවී॒-ද්වරං॑-වෘඁණෛ॒ යදේ॒ව ගෘ॑හී॒තස්යාහු॑තස්ය බහිඃපරි॒ධි ස්කන්දා॒-ත්තන්මේ॒ භ්රාතෘ॑ණා-ම්භාග॒ධේය॑-මස॒දිති॒ තස්මා॒-ද්ය-ද්ගෘ॑හී॒තස්යා-ऽහු॑තස්ය බහිඃපරි॒ධි ස්කන්ද॑ති॒ තේෂා॒-න්ත-ද්භා॑ග॒ධේය॒-න්තානේ॒ව තේන॑ ප්රීණාති॒ සෝ॑-ऽමන්යතා-ऽස්ථ॒න්වන්තෝ॑ මේ॒ පූර්වේ॒ භ්රාත॑රඃ॒ ප්රාමේ॑ෂතා॒-ऽස්ථානි॑ ශාතයා॒ ඉති॒ ස යා- [ස යානි॑, ] 43

-න්ය॒ස්ථාන්යශා॑තයත॒ ත-ත්පූතු॑ද්ර්ව-භව॒-ද්යන්මා॒ග්​ම්॒ සමුප॑මෘත॒-න්ත-ද්ගුල්ගු॑ලු॒ යදේ॒තාන්-ථ්ස॑භාං॒රාන්-ථ්ස॒-ම්භර॑ත්ය॒ග්නිමේ॒ව ත-ථ්සම්භ॑රත්ය॒ග්නේඃ පුරී॑ෂ-ම॒සීත්යා॑හා॒-ऽග්නේර්​හ්යේ॑ත-ත්පුරී॑ෂං॒-යඁ-ථ්ස॑ම්භා॒රා අථෝ॒ ඛල්වා॑හුරේ॒තේ වාවෛන॒-න්තේ භ්රාත॑රඃ॒ පරි॑ ශේරේ॒ ය-ත්පෞතු॑ද්රවාඃ පරි॒ධය॒ ඉති॑ ॥ 44 ॥
(වි॒ත්ත්වා - දේ॑වය॒ත - ඒ॒ෂා - ම॑බ්රුව॒න් - යානි॒ - චතු॑ශ්චත්වාරිග්​ම්ශච්ච) (අ. 8)

බ॒ද්ධමව॑ ස්යති වරුණපා॒ශාදේ॒වෛනේ॑ මුඤ්චති॒ ප්රණේ॑නේක්ති॒ මේද්ධ්යේ॑ ඒ॒වෛනේ॑ කරෝති සාවිත්රි॒යර්චා හු॒ත්වා හ॑වි॒ර්ධානේ॒ ප්ර ව॑ර්තයති සවි॒තෘප්ර॑සූත ඒ॒වෛනේ॒ ප්ර ව॑ර්තයති॒ වරු॑ණෝ॒ වා ඒ॒ෂ දු॒ර්වාගු॑භ॒යතෝ॑ බ॒ද්ධෝ යදක්ෂ॒-ස්ස යදු॒-ථ්සර්ජේ॒-ද්යජ॑මානස්ය ගෘ॒හා-න॒භ්යුථ්ස॑ර්ජේ-ථ්සු॒වාග්දේ॑ව॒ දුර්යා॒ග්​ම්॒ ආ ව॒දේත්යා॑හ ගෘ॒හා වෛ දුර්යා॒-ශ්ශාන්ත්යෛ॒ ප- [දුර්යා॒-ශ්ශාන්ත්යෛ॒ පත්නී᳚, උපා॑නක්ති॒] 45

-ත්න්යුපා॑නක්ති॒ පත්නී॒ හි සර්ව॑ස්ය මි॒ත්ර-ම්මි॑ත්ර॒ත්වාය॒ යද්වෛ පත්නී॑ ය॒ජ්ඤස්ය॑ ක॒රෝති॑ මිථු॒න-න්තදථෝ॒ පත්නි॑යා ඒ॒වෛෂ ය॒ජ්ඤස්යා᳚-න්වාර॒භෝං-ऽන॑වච්ඡිත්ත්යෛ॒ වර්ත්ම॑නා॒ වා අ॒න්විත්ය॑ ය॒ජ්ඤග්​ම් රක්ෂාග්​ම්॑සි ජිඝාග්​ම්සන්ති වෛෂ්ණ॒වීභ්යා॑මෘ॒ග්භ්යාං-වඁර්ත්ම॑නෝ ර්ජුහෝති ය॒ජ්ඤෝ වෛ විෂ්ණු॑ර්ය॒ජ්ඤාදේ॒ව රක්ෂා॒ග්॒ස්යප॑ හන්ති॒ යද॑ද්ධ්ව॒ර්යු-ර॑න॒ග්නා-වාහු॑ති-ඤ්ජුහු॒යා-ද॒න්ධෝ᳚-ऽද්ධ්ව॒ර්යු-ස්ස්යා॒-ද්රක්ෂාග්​ම්॑සි ය॒ජ්ඤග්​ම් හ॑න්යු॒ර්॒- [ය॒ජ්ඤග්​ම් හ॑න්යුඃ, හිර॑ණ්ය-මු॒පාස්ය॑] 46

-හිර॑ණ්ය-මු॒පාස්ය॑ ජුහෝත්යග්නි॒වත්යේ॒ව ජු॑හෝති॒ නාන්ධෝ᳚-ऽද්ධ්ව॒ර්යුර්භව॑ති॒ න ය॒ජ්ඤග්​ම් රක්ෂාග්​ම්॑සි ඝ්නන්ති॒ ප්රාචී॒ ප්රේත॑මද්ධ්ව॒ර-ඞ්ක॒ල්පය॑න්තී॒ ඉත්යා॑හ සුව॒ර්ගමේ॒වෛනේ॑ ලෝ॒ක-ඞ්ග॑මය॒ත්යත්ර॑ රමේථාං॒-වඁර්​ෂ්ම॑-න්පෘථි॒ව්යා ඉත්යා॑හ॒ වර්​ෂ්ම॒ හ්යේ॑ත-ත්පෘ॑ථි॒ව්යා ය-ද්දේ॑ව॒යජ॑න॒ග්​ම්॒ ශිරෝ॒ වා ඒ॒ත-ද්ය॒ජ්ඤස්ය॒ යද්ධ॑වි॒ර්ධාන॑-න්දි॒වෝ වා॑ විෂ්ණවු॒ත වා॑ පෘථි॒ව්යා [පෘථි॒ව්යාඃ, ඉත්යා॒ශීර්ප॑දය॒ර්චා] 47

ඉත්යා॒ශීර්ප॑දය॒ර්චා දක්ෂි॑ණස්ය හවි॒ර්ධාන॑ස්ය මේ॒ථී-න්නි හ॑න්ති ශීර්​ෂ॒ත ඒ॒ව ය॒ජ්ඤස්ය॒ යජ॑මාන ආ॒ශිෂෝ-ऽව॑ රුන්ධේ ද॒ණ්ඩෝ වා ඖ॑ප॒රස්තෘ॒තීය॑ස්ය හවි॒ර්ධාන॑ස්ය වෂට්කා॒රේ-ණාක්ෂ॑-මච්ඡින॒-ද්යත්-තෘ॒තීය॑-ඤ්ඡ॒දිර්-හ॑වි॒ර්ධාන॑යෝ-රුදාහ්රි॒යතේ॑ තෘ॒තීය॑ස්ය හවි॒ර්ධාන॒ස්යාව॑රුද්ධ්යෛ॒ ශිරෝ॒ වා ඒ॒ත-ද්ය॒ජ්ඤස්ය॒ යද්ධ॑වි॒ර්ධානං॒-විඁෂ්ණෝ॑ ර॒රාට॑මසි॒ විෂ්ණෝඃ᳚ පෘ॒ෂ්ඨම॒සීත්යා॑හ॒ තස්මා॑දේතාව॒ද්ධා ශිරෝ॒ විෂ්යූ॑තං॒-විඁෂ්ණෝ॒-ස්ස්යූර॑සි॒ විෂ්ණෝ᳚ර්ධ්රු॒වම॒සීත්යා॑හ වෛෂ්ණ॒වග්​ම් හි දේ॒වත॑යා හවි॒ර්ධානං॒-යඁ-ම්ප්ර॑ථ॒ම-ඞ්ග්ර॒න්ථි-ඞ්ග්ර॑ථ්නී॒යාද්ය-ත්ත-න්න වි॑ස්ර॒ග්​ම්॒ සයේ॒දමේ॑හේනාද්ධ්ව॒ර්යුඃ ප්රමී॑යේත॒ තස්මා॒-ථ්ස වි॒ස්රස්යඃ॑ ॥ 48 ॥
(පත්නී॑ -හන්යු-ර්වා පෘථි॒ව්යා-විෂ්යූ॑තං॒-විඁෂ්ණෝඃ॒-ෂඩ්විග්​ම්॑ශතිශ්ච) (අ. 9)

දේ॒වස්ය॑ ත්වා සවි॒තුඃ ප්ර॑ස॒ව ඉත්යභ්රි॒මා ද॑ත්තේ॒ ප්රසූ᳚ත්යා අ॒ශ්විනෝ᳚ ර්බා॒හුභ්යා॒මිත්යා॑හා॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚-ම්පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ॒ වජ්ර॑ ඉව॒ වා ඒ॒ෂා යදභ්රි॒රභ්රි॑රසි॒ නාරි॑ර॒සීත්යා॑හ॒ ශාන්ත්යෛ॒ කාණ්ඩේ॑ කාණ්ඩේ॒ වෛ ක්රි॒යමා॑ණේ ය॒ජ්ඤග්​ම් රක්ෂාග්​ම්॑සි ජිඝාග්​ම්සන්ති॒ පරි॑ලිඛිත॒ග්​ම්॒ රක්ෂඃ॒ පරි॑ලිඛිතා॒ අරා॑තය॒ ඉත්යා॑හ॒ රක්ෂ॑සා॒-මප॑හත්යා [රක්ෂ॑සා॒-මප॑හත්යෛ, ඉ॒දම॒හග්​ම්] 49

ඉ॒දම॒හග්​ම් රක්ෂ॑සෝ ග්රී॒වා අපි॑ කෘන්තාමි॒ යෝ᳚-ऽස්මා-න්ද්වේෂ්ටි॒ ය-ඤ්ච॑ ව॒ය-න්ද්වි॒ෂ්ම ඉත්යා॑හ॒ ද්වෞ වාව පුරු॑ෂෞ॒ ය-ඤ්චෛ॒ව ද්වේෂ්ටි॒ යශ්චෛ॑න॒-න්ද්වේෂ්ටි॒ තයෝ॑-රේ॒වා-ऽන॑න්තරාය-ඞ්ග්රී॒වාඃ කෘ॑න්තති දි॒වේ ත්වා॒-ऽන්තරි॑ක්ෂාය ත්වා පෘථි॒ව්යෛ ත්වේත්යා॑හෛ॒භ්ය ඒ॒වෛනාං᳚-ලෝඁ॒කේභ්යඃ॒ ප්රෝක්ෂ॑ති ප॒රස්තා॑-ද॒ර්වාචී॒-ම්ප්රෝක්ෂ॑ති॒ තස්මා᳚- [තස්මා᳚ත්, ප॒රස්තා॑-] 50

-ත්ප॒රස්තා॑-ද॒ර්වාචී᳚-ම්මනු॒ෂ්යා॑ ඌර්ජ॒මුප॑ ජීවන්ති ක්රූ॒රමි॑ව॒ වා ඒ॒ත-ත්ක॑රෝති॒ ය-ත්ඛන॑ත්ය॒පෝ-ऽව॑ නයති॒ ශාන්ත්යෛ॒ යව॑මතී॒රව॑ නය॒ත්යූර්ග්වෛ යව॒ ඌර්ගු॑දු॒බංර॑ ඌ॒ර්ජෛවෝර්ජ॒ග්​ම්॒ සම॑ර්ධයති॒ යජ॑මානේන॒ සම්මි॒තෞදු॑බංරී භවති॒ යාවා॑නේ॒ව යජ॑මාන॒ස්තාව॑තී-මේ॒වාස්මි॒-න්නූර්ජ॑-න්දධාති පිතෘ॒ණාග්​ම් සද॑නම॒සීති॑ බ॒ර්॒හිරව॑ ස්තෘණාති පිතෘදේව॒ත්යා᳚(1॒)ග්ග්॒- [පිතෘදේව॒ත්යා᳚ම්, හ්යේ॑ත-ද්යන්නිඛා॑තං॒-] 51

-හ්යේ॑ත-ද්යන්නිඛා॑තං॒-යඁ-ද්බ॒ර්॒හි-රන॑වස්තීර්ය මිනු॒යා-ත්පි॑තෘදේව॒ත්යා॑ නිඛා॑තා ස්යා-ද්බ॒ර්॒හි-ර॑ව॒ස්තීර්ය॑ මිනෝත්ය॒ස්යා-මේ॒වෛනා᳚-ම්මිනෝ॒ත්යථෝ᳚ ස්වා॒රුහ॑-මේ॒වෛනා᳚-ඞ්කරෝ॒ත්යු-ද්දිවග්ග්॑ ස්තභා॒නා-ऽऽන්තරි॑ක්ෂ-ම්පෘ॒ණේත්යා॑හෛ॒ෂාං-ලෝඁ॒කානාං॒-විඁධෘ॑ත්යෛ ද්යුතා॒නස්ත්වා॑ මාරු॒තෝ මි॑නෝ॒ත්විත්යා॑හ ද්යුතා॒නෝ හ॑ ස්ම॒ වෛ මා॑රු॒තෝ දේ॒වානා॒-මෞදු॑බංරී-ම්මිනෝති॒ තේනෛ॒වෛ- [තේනෛ॒ව, ඒ॒නා॒-ම්මි॒නෝ॒ති॒ බ්ර॒හ්ම॒වනි॑-න්ත්වා] 52

-නා᳚-ම්මිනෝති බ්රහ්ම॒වනි॑-න්ත්වා ක්ෂත්ර॒වනි॒මිත්යා॑හ යථාය॒ජුරේ॒වෛත-ද්ඝෘ॒තේන॑ ද්යාවාපෘථිවී॒ ආ පෘ॑ණේථා॒මිත්යෞදු॑බංර්යා-ඤ්ජුහෝති॒ ද්යාවා॑පෘථි॒වී ඒ॒ව රසේ॑නානක්ත්යා॒-න්තම॒න්ව-ව॑ස්රාවයත්යා॒න්තමේ॒ව යජ॑මාන॒-න්තේජ॑සා-නක්ත්යෛ॒න්ද්රම॒සීති॑ ඡ॒දිරධි॒ නි ද॑ධාත්යෛ॒න්ද්රග්​ම් හි දේ॒වත॑යා॒ සදෝ॑ විශ්වජ॒නස්ය॑ ඡා॒යේත්යා॑හ විශ්වජ॒නස්ය॒ හ්යේ॑ෂා ඡා॒යා ය-ථ්සදෝ॒ නව॑ඡදි॒ [නව॑ඡදි, තේජ॑ස්කාමස්ය] 53

තේජ॑ස්කාමස්ය මිනුයා-ත්ත්රි॒වෘතා॒ ස්තෝමේ॑න॒ සම්මි॑ත॒-න්තේජ॑ස්ත්රි॒වෘ-ත්තේ॑ජ॒ස්ව්යේ॑ව භ॑ව॒-ත්යේකා॑දශ-ඡදීන්ද්රි॒යකා॑ම॒-ස්යෛකා॑දශාක්ෂරා ත්රි॒ෂ්ටුගි॑න්ද්රි॒ය-න්ත්රි॒ෂ්ටුගි॑න්ද්රියා॒ව්යේ॑ව භ॑වති॒ පඤ්ච॑දශඡදි॒ භ්රාතෘ॑ව්යවතඃ පඤ්චද॒ශෝ වජ්රෝ॒ භ්රාතෘ॑ව්යාභිභූත්යෛ ස॒ප්තද॑ශඡදි ප්ර॒ජාකා॑මස්ය සප්තද॒ශඃ ප්ර॒ජාප॑තිඃ ප්ර॒ජාප॑තේ॒රාප්ත්යා॒ ඒක॑විග්​ම්ශතිඡදි ප්රති॒ෂ්ඨාකා॑ම-ස්යෛකවි॒ග්​ම්॒ශ-ස්ස්තෝමා॑නා-ම්ප්රති॒ෂ්ඨා ප්රති॑ෂ්ඨිත්යා උ॒දරං॒-වෛඁ සද॒ ඌර්ගු॑දු॒බංරෝ॑ මද්ධ්ය॒ත ඖදු॑බංරී-ම්මිනෝති මද්ධ්ය॒ත ඒ॒ව ප්ර॒ජානා॒මූර්ජ॑-න්දධාති॒ තස්මා᳚- [තස්මා᳚ත්, ම॒ද්ධ්ය॒ත ඌ॒ර්ජා] 54

-න්මද්ධ්ය॒ත ඌ॒ර්ජා භු॑ඤ්ජතේ යජමානලෝ॒කේ වෛ දක්ෂි॑ණානි ඡ॒දීග්​ම්ෂි॑ භ්රාතෘව්යලෝ॒ක උත්ත॑රාණි॒ දක්ෂි॑ණා॒න්යුත්ත॑රාණි කරෝති॒ යජ॑මාන-මේ॒වා-ය॑ජමානා॒දුත්ත॑ර-ඞ්කරෝති॒ තස්මා॒-ද්යජ॑මා॒නෝ-ऽය॑ජමානා॒දුත්ත॑රෝ ऽන්තර්ව॒ර්තාන් ක॑රෝති॒ ව්යාවෘ॑ත්ත්යෛ॒ තස්මා॒දර॑ණ්ය-ම්ප්ර॒ජා උප॑ ජීවන්ති॒ පරි॑ ත්වා ගිර්වණෝ॒ ගිර॒ ඉත්යා॑හ යථාය॒ජුරේ॒වෛතදින්ද්ර॑ස්ය॒ ස්යූර॒සීන්ද්ර॑ස්ය ධ්රු॒වම॒සීත්යා॑හෛ॒න්ද්රග්​ම් හි දේ॒වත॑යා॒ සදෝ॒ ය-ම්ප්ර॑ථ॒ම-ඞ්ග්ර॒න්ථි-ඞ්ග්ර॑ථ්නී॒යාද්ය-ත්ත-න්න වි॑ස්ර॒ග්​ම්॒ සයේ॒දමේ॑හේනාද්ධ්ව॒ර්යුඃ ප්රමී॑යේත॒ තස්මා॒-ථ්ස වි॒ස්රස්යඃ॑ ॥ 55 ॥
(අප॑හත්යෛ॒ - තස්මා᳚ත් - පිතෘදේව॒ත්යං॑ - තේනෛ॒ව - නව॑ඡදි॒ - තස්මා॒ථ් - සදඃ॒ - පඤ්ච॑දශ ච) (අ. 10)

ශිරෝ॒ වා ඒ॒ත-ද්ය॒ජ්ඤස්ය॒ යද්ධ॑වි॒ර්ධාන॑-ම්ප්රා॒ණා උ॑පර॒වා හ॑වි॒ර්ධානේ॑ ඛායන්තේ॒ තස්මා᳚-ච්ඡී॒ර්॒ෂ-න්ප්රා॒ණා අ॒ධස්තා᳚-ත්ඛායන්තේ॒ තස්මා॑-ද॒ධස්තා᳚-ච්ඡී॒ර්​ෂ්ණඃ ප්රා॒ණා ර॑ක්ෂෝ॒හණෝ॑ වලග॒හනෝ॑ වෛෂ්ණ॒වා-න්ඛ॑නා॒මීත්යා॑හ වෛෂ්ණ॒වා හි දේ॒වත॑යෝපර॒වා අසු॑රා॒ වෛ නි॒ර්යන්තෝ॑ දේ॒වානා᳚-ම්ප්රා॒ණේෂු॑ වල॒ගා-න්න්ය॑ඛන॒-න්තා-න්බා॑හුමා॒ත්රේ-ऽන්ව॑වින්ද॒-න්තස්මා᳚-ද්බාහුමා॒ත්රාඃ ඛා॑යන්ත ඉ॒දම॒හ-න්තං-වඁ ॑ල॒ග-මුද්ව॑පාමි॒ [ ] 56

ය-න්න॑-ස්සමා॒නෝ යමස॑මානෝ නිච॒ඛානේත්යා॑හ॒ ද්වෞ වාව පුරු॑ෂෞ॒ යශ්චෛ॒ව ස॑මා॒නෝ යශ්චාස॑මානෝ॒ යමේ॒වාස්මෛ॒ තෞ ව॑ල॒ග-න්නි॒ඛන॑ත॒ස්ත-මේ॒වෝද්ව॑පති॒ සන්තෘ॑ණත්ති॒ තස්මා॒-ථ්සන්තෘ॑ණ්ණා අන්තර॒තඃ ප්රා॒ණා න ස-ම්භි॑නත්ති॒ තස්මා॒-දස॑භින්න්නාඃ ප්රා॒ණා අ॒පෝ-ऽව॑ නයති॒ තස්මා॑-දා॒ර්ද්රා අ॑න්තර॒තඃ ප්රා॒ණා යව॑මතී॒-රව॑ නය॒- [-රව॑ නයති, ඌර්ග්වෛ] 57

-ත්යූර්ග්වෛ යවඃ॑ ප්රා॒ණා උ॑පර॒වාඃ ප්රා॒ණේෂ්වේ॒වෝර්ජ॑-න්දධාති බ॒ර්॒හිරව॑ ස්තෘණාති॒ තස්මා᳚ල්ලෝම॒ශා අ॑න්තර॒තඃ ප්රා॒ණා ආජ්යේ॑න॒ ව්යාඝා॑රයති॒ තේජෝ॒ වා ආජ්ය॑-ම්ප්රා॒ණා උ॑පර॒වාඃ ප්රා॒ණේෂ්වේ॒ව තේජෝ॑ දධාති॒ හනූ॒ වා ඒ॒තේ ය॒ජ්ඤස්ය॒ යද॑ධි॒ෂව॑ණේ॒ න ස-න්තෘ॑ණ॒ත්ත්ය ස॑තෘංණ්ණේ॒ හි හනූ॒ අථෝ॒ ඛලු॑ දීර්ඝසෝ॒මේ ස॒තෘන්ද්යේ॒ ධෘත්යෛ॒ ශිරෝ॒ වා ඒ॒ත-ද්ය॒ජ්ඤස්ය॒ යද්ධ॑වි॒ර්ධාන॑- [යද්ධ॑වි॒ර්ධාන᳚ම්, ප්රා॒ණා උ॑පර॒වා හනූ॑] 58

-ම්ප්රා॒ණා උ॑පර॒වා හනූ॑ අධි॒ෂව॑ණේ ජි॒හ්වා චර්ම॒ ග්රාවා॑ණෝ॒ දන්තා॒ මුඛ॑මාහව॒නීයෝ॒ නාසි॑කෝ-ත්තරවේ॒දි-රු॒දර॒ග්​ම්॒ සදෝ॑ ය॒දා ඛලු॒ වෛ ජි॒හ්වයා॑ ද॒ථ්ස්වධි॒ ඛාද॒ත්යථ॒ මුඛ॑-ඞ්ගච්ඡති ය॒දා මුඛ॒-ඞ්ගච්ඡ॒ත්යථෝ॒දර॑-ඞ්ගච්ඡති॒ තස්මා᳚ද්ධවි॒ර්ධානේ॒ චර්ම॒න්නධි॒ ග්රාව॑භිරභි॒ෂුත්යා॑-ऽऽහව॒නීයේ॑ හු॒ත්වා ප්ර॒ත්යඤ්චඃ॑ ප॒රේත්ය॒ සද॑සි භක්ෂයන්ති॒ යෝ වෛ වි॒රාජෝ॑ යජ්ඤමු॒ඛේ දෝහං॒-වේඁද॑ දු॒හ ඒ॒වෛ නා॑මි॒යං-වෛඁ වි॒රා-ට්තස්යෛ॒ ත්වක්චර්මෝධෝ॑-ऽධි॒ෂව॑ණේ॒ ස්තනා॑ උපර॒වා ග්රාවා॑ණෝ ව॒ථ්සා ඍ॒ත්විජෝ॑ දුහන්ති॒ සෝමඃ॒ පයෝ॒ ය ඒ॒වං-වේඁද॑ දු॒හ ඒ॒වෛනා᳚ම් ॥ 59 ॥
(ව॒පා॒මි॒-යව॑මතී॒රව॑ නයති-හවි॒ර්ධාන॑-මේ॒ව-ත්රයෝ॑විග්​ම්ශතිශ්ච) (අ. 11)

(යදු॒භෞ - දේ॑වාසු॒රාඃ මි॒ථ - ස්තේෂාග්​ම්॑ - සුව॒ර්ගං - ඁයද්වා අනී॑ශානඃ - පු॒රෝහ॑විෂි॒ - තේභ්යඃ॒ - සෝත්ත॑රවේ॒දි - ර්බ॒ද්ධන් - දේ॒වස්යා-ऽභ්රිං॒-වඁජ්රඃ - ශිරෝ॒ වා - ඒකා॑දශ )

(යදු॒භා - විත්යා॑හ දේ॒වානාං᳚ - ඁය॒ජ්ඤෝ දේ॒වේභ්යෝ॒ - න රථා॑ය॒ - යජ॑මානාය - ප॒රස්තා॑ද॒ර්වාචී॒ - න්නව॑ පඤ්චා॒ශත්)

(යදු॒භෞ, දු॒හ ඒ॒වෛනා᳚ම්)

॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ ද්විතීයඃ ප්රශ්න-ස්සමාප්තඃ ॥