කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ ප්රථමඃ ප්රශ්නඃ - සෝමමන්ත්රබ්රාහ්මණනිරූපණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

ප්රා॒චීන॑වග්​ම්ශ-ඞ්කරෝති දේවමනු॒ෂ්යා දිශෝ॒ ව්ය॑භජන්ත॒ ප්රාචී᳚-න්දේ॒වා ද॑ක්ෂි॒ණා පි॒තරඃ॑ ප්ර॒තීචී᳚-ම්මනු॒ෂ්යා॑ උදී॑චීග්​ම් රු॒ද්රා ය-ත්ප්රා॒චීන॑වග්​ම්ශ-ඞ්ක॒රෝති॑ දේවලෝ॒කමේ॒ව ත-ද්යජ॑මාන උ॒පාව॑ර්තතේ॒ පරි॑ ශ්රයත්ය॒න්තර්​හි॑තෝ॒හි දේ॑වලෝ॒කෝ ම॑නුෂ්යලෝ॒කා-න්නාස්මාල්ලෝ॒කා-ථ්ස්වේ॑තව්යමි॒වේත්යා॑හුඃ॒ කෝ හි ත-ද්වේද॒ ය-ද්ය॒මුෂ්මි॑ඁල්ලෝ॒කේ-ऽස්ති॑ වා॒ න වේති॑ දි॒ක්ෂ්ව॑තී කා॒ශාන් ක॑රෝ- [දි॒ක්ෂ්ව॑තී කා॒ශාන් ක॑රෝති, උ॒භයෝ᳚] 1

-ත්යු॒භයෝ᳚-ර්ලෝ॒කයෝ॑-ර॒භිජි॑ත්යෛ කේශශ්ම॒ශ්රු ව॑පතේ න॒ඛානි॒ නි කෘ॑න්තතේ මෘ॒තා වා ඒ॒ෂා ත්වග॑මේ॒ද්ධ්යා ය-ත්කේ॑ශශ්ම॒ශ්රු මෘ॒තාමේ॒ව ත්වච॑ම-මේ॒ද්ධ්යාම॑ප॒හත්ය॑ ය॒ජ්ඤියෝ॑ භූ॒ත්වා මේධ॒මුපෛ॒ත්යඞ්ගි॑රස-ස්සුව॒ර්ගං-ලෝඁ॒කං-යඁන්තෝ॒-ऽඵ්සු දී᳚ක්ෂාත॒පසී॒ ප්රාවේ॑ශයන්න॒ඵ්සු ස්නා॑ති සා॒ක්ෂාදේ॒ව දී᳚ක්ෂාත॒පසී॒ අව॑ රුන්ධේ තී॒ර්ථේ ස්නා॑ති තී॒ර්ථේ හි තේ තා-ම්ප්රාවේ॑ශය-න්තී॒ර්ථේ ස්නා॑ති [ ] 2

තී॒ර්ථමේ॒ව ස॑මා॒නානා᳚-ම්භවත්ය॒පෝ᳚-ऽශ්ඤාත්යන්තර॒ත ඒ॒ව මේද්ධ්යෝ॑ භවති॒ වාස॑සා දීක්ෂයති සෞ॒ම්යං-වෛඁ ක්ෂෞම॑-න්දේ॒වත॑යා॒ සෝම॑මේ॒ෂ දේ॒වතා॒මුපෛ॑ති॒ යෝ දීක්ෂ॑තේ॒ සෝම॑ස්ය ත॒නූර॑සි ත॒නුව॑-ම්මේ පා॒හීත්යා॑හ॒ ස්වාමේ॒ව දේ॒වතා॒මුපෛ॒ත්යථෝ॑ ආ॒ශිෂ॑මේ॒වෛතාමා ශා᳚ස්තේ॒ ऽග්නේස්තූ॑ෂා॒ධානං॑-වාඁ॒යෝර්වා॑ත॒පාන॑-ම්පිතෘ॒ණා-න්නී॒වි-රෝෂ॑ධීනා-ම්ප්රඝා॒ත [-රෝෂ॑ධීනා-ම්ප්රඝා॒තඃ, ආ॒දි॒ත්යානා᳚-ම්ප්රාචීනතා॒නෝ] 3

ආ॑දි॒ත්යානා᳚-ම්ප්රාචීනතා॒නෝ විශ්වේ॑ෂා-න්දේ॒වානා॒මෝතු॒ ර්නක්ෂ॑ත්රාණා-මතීකා॒ශාස්තද්වා ඒ॒ත-ථ්ස॑ර්ව දේව॒ත්යං॑-යඁ-ද්වාසෝ॒ ය-ද්වාස॑සා දී॒ක්ෂය॑ති॒ සර්වා॑භිරේ॒වෛන॑-න්දේ॒වතා॑භි-ර්දීක්ෂයති බ॒හිඃප්රා॑ණෝ॒ වෛ ම॑නු॒ෂ්ය॑ස්ත-ස්යාශ॑න-ම්ප්රා॒ණෝ᳚-ऽශ්ඤාති॒ සප්රා॑ණ ඒ॒ව දී᳚ක්ෂත॒ ආශි॑තෝ භවති॒ යාවා॑නේ॒වාස්ය॑ ප්රා॒ණස්තේන॑ ස॒හ මේධ॒මුපෛ॑ති ඝෘ॒ත-න්දේ॒වානා॒-ම්මස්තු॑ පිතෘ॒ණා-න්නිෂ්ප॑ක්ව-ම්මනු॒ෂ්යා॑ණා॒-න්තද්වා [-ම්මනු॒ෂ්යා॑ණා॒-න්තද්වෛ, ඒ॒ත-ථ්ස॑ර්වදේව॒ත්යං॑] 4

ඒ॒ත-ථ්ස॑ර්වදේව॒ත්යං॑-යඁන්නව॑නීතං॒-යඁන්නව॑නීතේනාභ්ය॒ඞ්ක්තේ සර්වා॑ ඒ॒ව දේ॒වතාඃ᳚ ප්රීණාති॒ ප්රච්යු॑තෝ॒ වා ඒ॒ෂෝ᳚-ऽස්මාල්ලෝ॒කාදග॑තෝ දේවලෝ॒කං-යෝඁ දී᳚ක්ෂි॒තෝ᳚ ऽන්ත॒රේව॒ නව॑නීත॒-න්තස්මා॒-න්නව॑නීතේනා॒භ්ය॑ඞ්ක්තේ ऽනුලෝ॒මං-යඁජු॑ෂා॒ ව්යාවෘ॑ත්ත්යා॒ ඉන්ද්රෝ॑ වෘ॒ත්රම॑හ॒-න්තස්ය॑ ක॒නීනි॑කා॒ පරා॑-ऽපත॒-ත්තදාඤ්ජ॑නම-භව॒ද්යදා॒ඞ්ක්තේ චක්ෂු॑රේ॒ව භ්රාතෘ॑ව්යස්ය වෘඞ්ක්තේ॒ දක්ෂි॑ණ॒-ම්පූර්ව॒මා-ऽඞ්ක්තේ॑ [දක්ෂි॑ණ॒-ම්පූර්ව॒මා-ऽඞ්ක්තේ᳚, ස॒ව්යග්​ම් හි] 5

ස॒ව්යග්​ම් හි පූර්ව॑-ම්මනු॒ෂ්යා॑ ආ॒ඤ්ජතේ॒ න නි ධා॑වතේ॒ නීව॒ හි ම॑නු॒ෂ්යා॑ ධාව॑න්තේ॒ පඤ්ච॒ කෘත්ව॒ ආ-ऽඞ්ක්තේ॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධේ॒ පරි॑මිත॒මාඞ්ක්තේ ऽප॑රිමිත॒ග්​ම්॒ හි ම॑නු॒ෂ්යා॑ ආ॒ඤ්ජතේ॒ සතූ॑ල॒යා-ऽऽඞ්ක්තේ- ऽප॑තූලයා॒ හි ම॑නු॒ෂ්යා॑ ආ॒ඤ්ජතේ॒ ව්යාවෘ॑ත්ත්යෛ॒ යදප॑තූලයාඤ්ජී॒ත වජ්ර॑ ඉව ස්යා॒-ථ්සතූ॑ල॒යා-ऽऽඞ්ක්තේ॑ මිත්ර॒ත්වායේ- [මිත්ර॒ත්වාය॑, ඉන්ද්රෝ॑] 6

-න්ද්රෝ॑ වෘ॒ත්රම॑හ॒න්​ථ්සෝ᳚-ऽ(1॒)පෝ᳚-ऽ(1॒)භ්ය॑-ම්රියත॒ තාසාං॒-යඁන්මේද්ධ්යං॑-යඁ॒ජ්ඤිය॒ග්​ම්॒ සදේ॑ව॒මාසී॒-ත්තද॒පෝද॑ක්රාම॒-ත්තේ ද॒ර්භා අ॑භව॒න්॒. යද්ද॑ර්භපුඤ්ජී॒ලෛඃ ප॒වය॑ති॒ යා ඒ॒ව මේද්ධ්යා॑ ය॒ජ්ඤියා॒-ස්සදේ॑වා॒ ආප॒ස්තාභි॑රේ॒වෛන॑-ම්පවයති॒ ද්වාභ්යා᳚-ම්පවයත්ය-හෝරා॒ත්රාභ්යා॑මේ॒වෛන॑-ම්පවයති ත්රි॒භිඃ ප॑වයති॒ ත්රය॑ ඉ॒මේ ලෝ॒කා ඒ॒භිරේ॒වෛනං॑-ලෝඁ॒කෛඃ ප॑වයති ප॒ඤ්චභිඃ॑ [ප॒ඤ්චභිඃ॑, ප॒ව॒ය॒ති॒ පඤ්චා᳚ක්ෂරා] 7

පවයති॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤායෛ॒වෛන॑-ම්පවයති ෂ॒ඩ්භිඃ ප॑වයති॒ ෂඩ්වා ඍ॒තව॑ ඍ॒තුභි॑රේ॒වෛන॑-ම්පවයති ස॒ප්තභිඃ॑ පවයති ස॒ප්ත ඡන්දාග්​ම්॑සි॒ ඡන්දෝ॑භිරේ॒වෛන॑-ම්පවයති න॒වභිඃ॑ පවයති॒ නව॒ වෛ පුරු॑ෂේ ප්රා॒ණා-ස්සප්රා॑ණමේ॒වෛන॑-ම්පවය॒ත්යේක॑විග්​ම්ශත්යා පවයති॒ දශ॒ හස්ත්යා॑ අ॒ඞ්ගුල॑යෝ॒ දශ॒ පද්යා॑ ආ॒ත්මෛක॑වි॒ග්​ම්॒ශෝ යාවා॑නේ॒ව පුරු॑ෂ॒ස්ත-මප॑රිවර්ග- [පුරු॑ෂ॒ස්ත-මප॑රිවර්ගම්, ප॒ව॒ය॒ති॒ චි॒ත්පති॑ස්ත්වා] 8

-ම්පවයති චි॒ත්පති॑ස්ත්වා පුනා॒ත්විත්යා॑හ॒ මනෝ॒ වෛ චි॒ත්පති॒ර්මන॑සෛ॒වෛන॑-ම්පවයති වා॒ක්පති॑ස්ත්වා පුනා॒ත්විත්යා॑හ වා॒චෛවෛන॑-ම්පවයති දේ॒වස්ත්වා॑ සවි॒තා පු॑නා॒ත්විත්යා॑හ සවි॒තෘප්ර॑සූත ඒ॒වෛන॑-ම්පවයති॒ තස්ය॑ තේ පවිත්රපතේ ප॒විත්රේ॑ණ॒ යස්මෛ॒ ක-ම්පු॒නේ තච්ඡ॑කේය॒මිත්යා॑-හා॒-ऽऽශිෂ॑මේ॒වෛතාමා ශා᳚ස්තේ ॥ 9 ॥
(අ॒තී॒කා॒ශාන් ක॑රෝ॒ත්ය - වේ॑ශය-න්ති॒ර්ථ ස්නා॑ති - ප්රඝා॒තෝ - ම॑නු॒ෂ්යා॑ණා॒-න්තද්වා - ආ-ऽඞ්ක්තේ॑ - මිත්ර॒ත්වාය॑ - ප॒ඤ්චභි॒ - රප॑රිවර්ග - ම॒ෂ්ටාච॑ත්වාරිග්​ම්ශච්ච) (අ. 1)

යාව॑න්තෝ॒ වෛ දේ॒වා ය॒ජ්ඤායාපු॑නත॒ ත ඒ॒වාභ॑ව॒න්॒. ය ඒ॒වං-විඁ॒ද්වාන්. ය॒ජ්ඤාය॑ පුනී॒තේ භව॑ත්යේ॒ව බ॒හිඃ ප॑වයි॒ත්වා-ऽන්තඃ ප්ර පා॑දයති මනුෂ්යලෝ॒ක ඒ॒වෛන॑-ම්පවයි॒ත්වා පූ॒ත-න්දේ॑වලෝ॒ක-ම්ප්ර ණ॑ය॒ත්යදී᳚ක්ෂිත॒ ඒක॒යා-ऽऽහු॒ත්යේත්යා॑හු-ස්ස්රු॒වේණ॒ චත॑ස්රෝ ජුහෝති දීක්ෂිත॒ත්වාය॑ ස්රු॒චා ප॑ඤ්ච॒මී-ම්පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධ॒ ආකූ᳚ත්යෛ ප්ර॒යුජේ॒-ऽග්නයේ॒ [ප්ර॒යුජේ॒-ऽග්නයේ᳚, ස්වාහේත්යා॒හා] 10

ස්වාහේත්යා॒හා-ऽऽකූ᳚ත්යා॒ හි පුරු॑ෂෝ ය॒ජ්ඤම॒භි ප්ර॑යු॒ඞ්ක්තේ යජේ॒යේති॑ මේ॒ධායෛ॒ මන॑සේ॒-ऽග්නයේ॒ ස්වාහේත්යා॑හ මේ॒ධයා॒ හි මන॑සා॒ පුරු॑ෂෝ ය॒ජ්ඤම॑භි॒ගච්ඡ॑ති॒ සර॑ස්වත්යෛ පූ॒ෂ්ණේ᳚-ऽග්නයේ॒ ස්වාහේත්යා॑හ॒ වාග්වෛ සර॑ස්වතී පෘථි॒වී පූ॒ෂා වා॒චෛව පෘ॑ථි॒ව්යා ය॒ජ්ඤ-ම්ප්රයු॑ඞ්ක්ත॒ ආපෝ॑ දේවී-ර්බෘහතී-ර්විශ්වශම්භුව॒ ඉත්යා॑හ॒ යා වෛ වර්​ෂ්යා॒ස්තා [යා වෛ වර්​ෂ්යා॒ස්තාඃ, ආපෝ॑ දේ॒වී-ර්බෘ॑හ॒තී-] 11

ආපෝ॑ දේ॒වී-ර්බෘ॑හ॒තී-ර්වි॒ශ්වශ॑භුං​වෝඁ॒ යදේ॒ත-ද්යජු॒ර්න බ්රූ॒යා-ද්දි॒ව්යා ආපෝ-ऽශා᳚න්තා ඉ॒මං-ලෝඁ॒කමා ග॑ච්ඡේයු॒රාපෝ॑ දේවී-ර්බෘහතී-ර්විශ්වශම්භුව॒ ඉත්යා॑හා॒ස්මා ඒ॒වෛනා॑ ලෝ॒කාය॑ ශමයති॒ තස්මා᳚ච්ඡා॒න්තා ඉ॒මං-ලෝඁ॒කමා ග॑ච්ඡන්ති॒ ද්යාවා॑පෘථි॒වී ඉත්යා॑හ॒ ද්යාවා॑පෘථි॒ව්යෝර්​හි ය॒ජ්ඤ උ॒ර්ව॑න්තරි॑ක්ෂ॒-මිත්යා॑හා॒න්තරි॑ක්ෂේ॒ හි ය॒ජ්ඤෝ බෘහ॒ස්පති॑ර්නෝ හ॒විෂා॑ වෘධා॒- [හ॒විෂා॑ වෘධාතු, ඉත්යා॑හ॒ බ්රහ්ම॒ වෛ] 12

-ත්විත්යා॑හ॒ බ්රහ්ම॒ වෛ දේ॒වානා॒-ම්බෘහ॒ස්පති॒-ර්බ්රහ්ම॑ණෛ॒වාස්මෛ॑ ය॒ජ්ඤමව॑ රුන්ධේ॒ යද්- බ්රූ॒යා-ද්වි॑ධේ॒රිති॑ යජ්ඤස්ථා॒ණුමෘ॑ච්ඡේ-ද්වෘධා॒ත්විත්යා॑හ යජ්ඤස්ථා॒ණුමේ॒ව පරි॑ වෘණක්ති ප්ර॒ජාප॑ති-ර්ය॒ජ්ඤම॑සෘජත॒ සෝ᳚-ऽස්මා-ථ්සෘ॒ෂ්ටඃ පරාං॑ඓ॒-ථ්ස ප්ර යජු॒රව්ලී॑නා॒-ත්ප්ර සාම॒ තමෘගුද॑යච්ඡ॒-ද්යදෘගු॒දය॑ච්ඡ॒-ත්තදෞ᳚-ද්ග්රහ॒ණස්යෞ᳚-ද්ග්රහණ॒ත්ව මෘ॒චා [මෘ॒චා, ජු॒හෝ॒ති॒ ය॒ජ්ඤස්යෝද්ය॑ත්යා] 13

ජු॑හෝති ය॒ජ්ඤස්යෝද්ය॑ත්යා අනු॒ෂ්ටුප්-ඡන්ද॑සා॒-මුද॑යච්ඡ॒දිත්යා॑-හු॒ස්තස්මා॑දනු॒ෂ්ටුභා॑ ජුහෝති ය॒ජ්ඤස්යෝද්ය॑ත්යෛ॒ ද්වාද॑ශ වාථ්සබ॒න්ධාන්යුද॑යච්ඡ॒-න්නිත්යා॑හු॒-ස්තස්මා᳚ද්- ද්වාද॒ශභි॑-ර්වාථ්සබන්ධ॒විදෝ॑ දීක්ෂයන්ති॒ සා වා ඒ॒ෂර්ග॑නු॒ෂ්ටුග්-වාග॑නු॒ෂ්ටුග්-යදේ॒තය॒ර්චා දී॒ක්ෂය॑ති වා॒චෛවෛන॒ග්​ම්॒ සර්ව॑යා දීක්ෂයති॒ විශ්වේ॑ දේ॒වස්ය॑ නේ॒තුරිත්යා॑හ සාවි॒ත්ර්යේ॑තේන॒ මර්තෝ॑ වෘණීත ස॒ඛ්ය- [ස॒ඛ්යම්, ඉත්යා॑හ] 14

-මිත්යා॑හ පිතෘදේව॒ත්යෛ॑තේන॒ විශ්වේ॑ රා॒ය ඉ॑ෂුද්ධ්ය॒සීත්යා॑හ වෛශ්වදේ॒ව්යේ॑තේන॑ ද්යු॒ම්නං-වෘඁ ॑ණීත පු॒ෂ්යස॒ ඉත්යා॑හ පෞ॒ෂ්ණ්යේ॑තේන॒ සා වා ඒ॒ෂර්ඛ්ස॑ර්වදේව॒ත්යා॑ යදේ॒තය॒ර්චා දී॒ක්ෂය॑ති॒ සර්වා॑භිරේ॒වෛන॑-න්දේ॒වතා॑භිර්දීක්ෂයති ස॒ප්තාක්ෂ॑ර-ම්ප්රථ॒ම-ම්ප॒දම॒ෂ්ටාක්ෂ॑රාණි॒ ත්රීණි॒ යානි॒ ත්රීණි॒ තාන්ය॒ෂ්ටාවුප॑ යන්ති॒ යානි॑ ච॒ත්වාරි॒ තාන්ය॒ෂ්ටෞ යද॒ෂ්ටාක්ෂ॑රා॒ තේන॑ [තේන॑, ගා॒ය॒ත්රී යදේකා॑දශාක්ෂරා॒] 15

ගාය॒ත්රී යදේකා॑දශාක්ෂරා॒ තේන॑ ත්රි॒ෂ්ටුග්ය-ද්ද්වාද॑ශාක්ෂරා॒ තේන॒ ජග॑තී॒ සා වා ඒ॒ෂර්ඛ්සර්වා॑ණි॒ ඡන්දාග්​ම්॑සි॒ යදේ॒තය॒ර්චා දී॒ක්ෂය॑ති॒ සර්වේ॑භිරේ॒වෛන॒-ඤ්ඡන්දෝ॑භිර්දීක්ෂයති ස॒ප්තාක්ෂ॑ර-ම්ප්රථ॒ම-ම්ප॒දග්​ම් ස॒ප්තප॑දා॒ ශක්ව॑රී ප॒ශව॒-ශ්ශක්ව॑රී ප॒ශූනේ॒වාව॑ රුන්ධ॒ ඒක॑ස්මාද॒ක්ෂරා॒දනා᳚ප්ත-ම්ප්රථ॒ම-ම්ප॒ද-න්තස්මා॒-ද්ය-ද්වා॒චෝ-ऽනා᳚ප්ත॒-න්තන්ම॑නු॒ෂ්යා॑ උප॑ ජීවන්ති පූ॒ර්ණයා॑ ජුහෝති පූ॒ර්ණ ඉ॑ව॒ හි ප්ර॒ජාප॑තිඃ ප්ර॒ජාප॑තේ॒රාප්ත්යෛ॒ න්යූ॑නයා ජුහෝති॒ න්යූ॑නා॒ද්ධි ප්ර॒ජාප॑තිඃ ප්ර॒ජා අසෘ॑ජත ප්ර॒ජානා॒ග්​ම්॒ සෘෂ්ට්යෛ᳚ ॥ 16 ॥
(අ॒ග්නයේ॒ - තා - වෘ॑ධාත්වෘ॒ - චා - ස॒ඛ්යං - තේන॑ - ජුහෝති॒ - පඤ්ච॑දශ ච) (අ. 2)

ඍ॒-ඛ්සා॒මේ වෛ දේ॒වේභ්යෝ॑ ය॒ජ්ඤායා-ऽති॑ෂ්ඨමානේ॒ කෘෂ්ණෝ॑ රූ॒ප-ඞ්කෘ॒ත්වා- ऽප॒ක්රම්යා॑තිෂ්ඨතා॒-න්තේ॑-ऽමන්යන්ත॒ යං-වාඁ ඉ॒මේ උ॑පාව॒ර්ථ්ස්යත॒-ස්ස ඉ॒ද-ම්භ॑විෂ්ය॒තීති॒ තේ උපා॑මන්ත්රයන්ත॒ තේ අ॑හෝරා॒ත්රයෝ᳚-ර්මහි॒මාන॑-මපනි॒ධාය॑ දේ॒වානු॒පාව॑ර්තේතාමේ॒ෂ වා ඍ॒චෝ වර්ණෝ॒ යච්ඡු॒ක්ල-ඞ්කෘ॑ෂ්ණාජි॒නස්යෛ॒ෂ සාම්නෝ॒ ය-ත්කෘ॒ෂ්ණමෘ॑ඛ්සා॒මයෝ॒-ශ්ශිල්පේ᳚ ස්ථ॒ ඉත්යා॑හර්ඛ්සා॒මේ ඒ॒වා-ऽව॑ රුන්ධ ඒ॒ෂ [ඒ॒වා-ऽව॑ රුන්ධ ඒ॒ෂඃ, වා අහ්නෝ॒] 17

වා අහ්නෝ॒ වර්ණෝ॒ යච්ඡු॒ක්ල-ඞ්කෘ॑ෂ්ණාජි॒නස්යෛ॒ෂ රාත්රි॑යා॒ ය-ත්කෘ॒ෂ්ණං-යඁදේ॒වෛන॑යෝ॒ස්තත්ර॒ න්ය॑ක්ත॒-න්තදේ॒වාව॑ රුන්ධේ කෘෂ්ණාජි॒නේන॑ දීක්ෂයති॒ බ්රහ්ම॑ණෝ॒ වා ඒ॒ත-ද්රූ॒පං-යඁ-ත්කෘ॑ෂ්ණාජි॒න-ම්බ්රහ්ම॑ණෛ॒වෛන॑-න්දීක්ෂයතී॒මා-න්ධිය॒ග්​ම්॒ ශික්ෂ॑මාණස්ය දේ॒වේත්යා॑හ යථාය॒ජුරේ॒වෛත-ද්ගර්භෝ॒ වා ඒ॒ෂ ය-ද්දී᳚ක්ෂි॒ත උල්බං॒-වාඁසඃ॒ ප්රෝර්ණු॑තේ॒ තස්මා॒- [තස්මා᳚ත්, ගර්භාඃ॒ ප්රාවෘ॑තා] 18

-ද්ගර්භාඃ॒ ප්රාවෘ॑තා ජායන්තේ॒ න පු॒රා සෝම॑ස්ය ක්ර॒යාදපෝ᳚ර්ණ්වීත॒ ය-ත්පු॒රා සෝම॑ස්ය ක්ර॒යාද॑පෝර්ණ්වී॒ත ගර්භාඃ᳚ ප්ර॒ජානා᳚-ම්පරා॒පාතු॑කා-ස්ස්යුඃ ක්රී॒තේ සෝමේ-ऽපෝ᳚ර්ණුතේ॒ ජාය॑ත ඒ॒ව තදථෝ॒ යථා॒ වසී॑යාග්​ම් ස-ම්ප්රත්යපෝර්ණු॒තේ තා॒දෘගේ॒ව තදඞ්ගි॑රස-ස්සුව॒ර්ගං-ලෝඁ॒කං-යඁන්ත॒ ඌර්ජං॒-ව්යඁ ॑භජන්ත॒ තතෝ॒ යද॒ත්යශි॑ෂ්යත॒ තේ ශ॒රා අ॑භව॒න්නූර්ග්වෛ ශ॒රා යච්ඡ॑ර॒මයී॒ [යච්ඡ॑ර॒මයී᳚, මේඛ॑ලා॒] 19

මේඛ॑ලා॒ භව॒ත්යූර්ජ॑මේ॒වාව॑ රුන්ධේ මද්ධ්ය॒ත-ස්සන්න॑හ්යති මද්ධ්ය॒ත ඒ॒වාස්මා॒ ඌර්ජ॑-න්දධාති॒ තස්මා᳚න්මද්ධ්ය॒ත ඌ॒ර්ජා භු॑ඤ්ජත ඌ॒ර්ධ්වං-වෛඁ පුරු॑ෂස්ය॒ නාභ්යෛ॒ මේද්ධ්ය॑-මවා॒චීන॑-මමේ॒ද්ධ්යං-යඁන්ම॑ද්ධ්ය॒ත-ස්ස॒නංහ්ය॑ති॒ මේද්ධ්ය॑-ඤ්චෛ॒වාස්යා॑මේ॒ද්ධ්ය-ඤ්ච॒ ව්යාව॑ර්තය॒තීන්ද්රෝ॑ වෘ॒ත්රාය॒ වජ්ර॒-ම්ප්රාහ॑ර॒-ථ්ස ත්රේ॒ධා ව්ය॑භව॒-ථ්ස්ඵ්යස්තෘතී॑ය॒ග්​ම්॒ රථ॒ස්තෘතී॑යං॒-යූඁප॒ස්තෘතී॑යං॒- [-යූප॒ස්තෘතී॑ය॒ම්, යේ᳚-ऽන්ත-ශ්ශ॒රා] 20

-ඁයේ᳚-ऽන්ත-ශ්ශ॒රා අශී᳚ර්යන්ත॒ තේ ශ॒රා අ॑භව॒-න්තච්ඡ॒රාණාග්​ම්॑ ශර॒ත්වං-වඁජ්රෝ॒ වෛ ශ॒රාඃ, ක්ෂු-ත්ඛලු॒ වෛ ම॑නු॒ෂ්ය॑ස්ය॒ භ්රාතෘ॑ව්යෝ॒ යච්ඡ॑ර॒මයී॒ මේඛ॑ලා॒ භව॑ති॒ වජ්රේ॑ණෛ॒ව සා॒ක්ෂා-ත්ක්ෂුධ॒-ම්භ්රාතෘ॑ව්ය-ම්මද්ධ්ය॒තෝ-ऽප॑ හතේ ත්රි॒වෘ-ද්භ॑වති ත්රි॒වෘද්වෛ ප්රා॒ණස්ත්රි॒වෘත॑මේ॒ව ප්රා॒ණ-ම්ම॑ද්ධ්ය॒තෝ යජ॑මානේ දධාති පෘ॒ථ්වී භ॑වති॒ රජ්ජූ॑නාං॒-ව්යාඁවෘ॑ත්යෛ॒ මේඛ॑ලයා॒ යජ॑මාන-න්දීක්ෂයති॒ යෝක්ත්රේ॑ණ॒ පත්නී᳚-ම්මිථුන॒ත්වාය॑ [ ] 21

ය॒ජ්ඤෝ දක්ෂි॑ණාම॒භ්ය॑ද්ධ්යාය॒-ත්තාග්​ම් සම॑භව॒-ත්තදින්ද්රෝ॑-ऽචාය॒-ථ්සෝ॑-ऽමන්යත॒ යෝ වා ඉ॒තෝ ජ॑නි॒ෂ්යතේ॒ ස ඉ॒ද-ම්භ॑විෂ්ය॒තීති॒ තා-ම්ප්රාවි॑ශ॒-ත්තස්යා॒ ඉන්ද්ර॑ ඒ॒වාජා॑යත॒ සෝ॑-ऽමන්යත॒ යෝ වෛ මදි॒තෝ ऽප॑රෝ ජනි॒ෂ්යතේ॒ ස ඉ॒ද-ම්භ॑විෂ්ය॒තීති॒ තස්යා॑ අනු॒මෘශ්ය॒ යෝනි॒මා-ऽච්ඡි॑න॒-ථ්සා සූ॒තව॑ශා-ऽභව॒-ත්ත-ථ්සූ॒තව॑ශායෛ॒ ජන්ම॒ [ජන්ම॑, තාග්​ම් හස්තේ॒ න්ය॑වේෂ්ටයත॒] 22

තාග්​ම් හස්තේ॒ න්ය॑වේෂ්ටයත॒ තා-ම්මෘ॒ගේෂු॒ න්ය॑දධා॒-ථ්සා කෘ॑ෂ්ණවිෂා॒ණා- ऽභ॑ව॒දින්ද්ර॑ස්ය॒ යෝනි॑රසි॒ මා මා॑ හිග්​ම්සී॒රිති॑ කෘෂ්ණවිෂා॒ණා-ම්ප්ර ය॑ච්ඡති॒ සයෝ॑නිමේ॒ව ය॒ජ්ඤ-ඞ්ක॑රෝති॒ සයෝ॑නි॒-න්දක්ෂි॑ණා॒ග්​ම්॒ සයෝ॑නි॒මින්ද්රග්​ම්॑ සයෝනි॒ත්වාය॑ කෘ॒ෂ්යෛ ත්වා॑ සුස॒ස්යායා॒ ඉත්යා॑හ॒ තස්මා॑දකෘෂ්ටප॒ච්යා ඕෂ॑ධයඃ පච්යන්තේ සුපිප්ප॒ලාභ්ය॒-ස්ත්වෞෂ॑ධීභ්ය॒ ඉත්යා॑හ॒ තස්මා॒දෝෂ॑ධයඃ॒ ඵල॑-ඞ්ගෘහ්ණන්ති॒ යද්ධස්තේ॑න [යද්ධස්තේ॑න, ක॒ණ්ඩූ॒යේත॑] 23

කණ්ඩූ॒යේත॑ පාමන॒-ම්භාවු॑කාඃ ප්ර॒ජා-ස්ස්යු॒ර්ය-ථ්ස්මයේ॑ත නග්න॒-ම්භාවු॑කාඃ කෘෂ්ණවිෂා॒ණයා॑ කණ්ඩූයතේ-ऽපි॒ගෘහ්ය॑ ස්මයතේ ප්ර॒ජානා᳚-ඞ්ගෝපී॒ථාය॒ න පු॒රා දක්ෂි॑ණාභ්යෝ॒ නේතෝඃ᳚ කෘෂ්ණවිෂා॒ණාමව॑ චෘතේ॒ද්ය-ත්පු॒රා දක්ෂි॑ණාභ්යෝ॒ නේතෝඃ᳚ කෘෂ්ණවිෂා॒ණා-ම॑වචෘ॒තේ-ද්යෝනිඃ॑ ප්ර॒ජානා᳚-ම්පරා॒පාතු॑කා ස්යාන්නී॒තාසු॒ දක්ෂි॑ණාසු॒ චාත්වා॑ලේ කෘෂ්ණවිෂා॒ණා-ම්ප්රාස්ය॑ති॒ යෝනි॒ර්වෛ ය॒ජ්ඤස්ය॒ චාත්වා॑ලං॒-යෝඁනිඃ॑ කෘෂ්ණවිෂා॒ණා යෝනා॑වේ॒ව යෝනි॑-න්දධාති ය॒ජ්ඤස්ය॑ සයෝනි॒ත්වාය॑ ॥ 24 ॥
(රු॒න්ධ॒ ඒ॒ෂ - තස්මා᳚ - ච්ඡර॒මයී॒ - යූප॒ස්තෘතී॑යං - මිථුන॒ත්වාය॒ - ජන්ම॒ - හස්තේ॑නා॒ - ऽෂ්ටාච॑ත්වාරිග්​ම්ශච්ච) (අ. 3)

වාග්වෛ දේ॒වේභ්යෝ ऽපා᳚ක්රාම-ද්ය॒ජ්ඤායාති॑ෂ්ඨමානා॒ සා වන॒ස්පතී॒-න්ප්රාවි॑ශ॒-ථ්සෛෂා වාග්වන॒ස්පති॑ෂු වදති॒ යා දු॑න්දු॒භෞ යා තූණ॑වේ॒ යා වීණා॑යාං॒-යඁ-ද්දී᳚ක්ෂිතද॒ණ්ඩ-ම්ප්ර॒යච්ඡ॑ති॒ වාච॑මේ॒වාව॑ රුන්ධ॒ ඖදු॑බංරෝ භව॒ත්යූර්ග්වා උ॑දු॒බංර॒ ඌර්ජ॑මේ॒වාව॑ රුන්ධේ॒ මුඛේ॑න॒ සම්මි॑තෝ භවති මුඛ॒ත ඒ॒වාස්මා॒ ඌර්ජ॑-න්දධාති॒ තස්මා᳚-න්මුඛ॒ත ඌ॒ර්ජා භු॑ඤ්ජතේ [ ] 25

ක්රී॒තේ සෝමේ॑ මෛත්රාවරු॒ණාය॑ ද॒ණ්ඩ-ම්ප්ර ය॑ච්ඡති මෛත්රාවරු॒ණෝ හි පු॒රස්තා॑-දෘ॒ත්විග්භ්යෝ॒ වාචං॑-විඁ॒භජ॑ති॒ තාමෘ॒ත්විජෝ॒ යජ॑මානේ॒ ප්රති॑ ෂ්ඨාපයන්ති॒ ස්වාහා॑ ය॒ජ්ඤ-ම්මන॒සේත්යා॑හ॒ මන॑සා॒ හි පුරු॑ෂෝ ය॒ජ්ඤම॑භි॒ගච්ඡ॑ති॒ ස්වාහා॒ ද්යාවා॑පෘථි॒වීභ්යා॒ -මිත්යා॑හ॒ ද්යාවා॑පෘථි॒ව්යෝර්​හි ය॒ජ්ඤ-ස්ස්වාහෝ॒රෝර॒-න්තරි॑ක්ෂා॒ -දිත්යා॑හා॒න්තරි॑ක්ෂේ॒ හි ය॒ජ්ඤ-ස්ස්වාහා॑ ය॒ජ්ඤං-වාඁතා॒දා ර॑භ॒ ඉත්යා॑හා॒-ऽයං- [ඉත්යා॑හා॒-ऽයම්, වාව යඃ පව॑තේ॒] 26

-ඁවාව යඃ පව॑තේ॒ ස ය॒ජ්ඤස්තමේ॒ව සා॒ක්ෂාදා ර॑භතේ මු॒ෂ්ටී ක॑රෝති॒ වාචං॑-යඁච්ඡති ය॒ජ්ඤස්ය॒ ධෘත්යා॒ අදී᳚ක්ෂිෂ්ටා॒ය-ම්බ්රා᳚හ්ම॒ණ ඉති॒ ත්රිරු॑පා॒ග්॒ශ්වා॑හ දේ॒වේභ්ය॑ ඒ॒වෛන॒-ම්ප්රා-ऽऽහ॒ ත්රිරු॒ච්චෛරු॒භයේ᳚භ්ය ඒ॒වෛන॑-න්දේවමනු॒ෂ්යේභ්යඃ॒ ප්රා-ऽऽහ॒ න පු॒රා නක්ෂ॑ත්රේභ්යෝ॒ වාචං॒-විඁ සෘ॑ජේ॒-ද්යත්පු॒රා නක්ෂ॑ත්රේභ්යෝ॒ වාචං॑-විඁසෘ॒ජේ-ද්ය॒ජ්ඤං-විඁච්ඡි॑න්ද්යා॒- [-ඁවිච්ඡි॑න්ද්යාත්, උදි॑තේෂු॒] 27

-දුදි॑තේෂු॒ නක්ෂ॑ත්රේෂු ව්ර॒ත-ඞ්කෘ॑ණු॒තේති॒ වාචං॒-විඁ සෘ॑ජති ය॒ජ්ඤව්ර॑තෝ॒ වෛ දී᳚ක්ෂි॒තෝ ය॒ජ්ඤමේ॒වාභි වාචං॒-විඁ සෘ॑ජති॒ යදි॑ විසෘ॒ජේ-ද්වෛ᳚ෂ්ණ॒වීමෘච॒මනු॑ බ්රූයා-ද්ය॒ජ්ඤෝ වෛ විෂ්ණු॑ර්ය॒ජ්ඤේනෛ॒ව ය॒ජ්ඤග්​ම් ස-න්ත॑නෝති॒ දෛවී॒-න්ධිය॑-ම්මනාමහ॒ ඉත්යා॑හ ය॒ජ්ඤමේ॒ව තන්ම්ර॑දයති සුපා॒රා නෝ॑ අස॒ද්වශ॒ ඉත්යා॑හ॒ ව්යු॑ෂ්ටිමේ॒වාව॑ රුන්ධේ [රුන්ධේ, බ්ර॒හ්ම॒වා॒දිනෝ॑ වදන්ති] 28

බ්රහ්මවා॒දිනෝ॑ වදන්ති හෝත॒ව්ය॑-න්දීක්ෂි॒තස්ය॑ ගෘ॒හා(3) ඉ න හෝ॑ත॒ව්යා(3)මිති॑ හ॒විර්වෛ දී᳚ක්ෂි॒තෝ යජ්ජු॑හු॒යා-ද්යජ॑මානස්යාව॒දාය॑ ජුහුයා॒-ද්යන්න ජු॑හු॒යා-ද්ය॑ජ්ඤප॒රුර॒න්තරි॑යා॒ද්යේ දේ॒වා මනෝ॑ජාතා මනෝ॒යුජ॒ ඉත්යා॑හ ප්රා॒ණා වෛ දේ॒වා මනෝ॑ජාතා මනෝ॒යුජ॒ස්තේෂ්වේ॒ව ප॒රෝක්ෂ॑-ඤ්ජුහෝති॒ තන්නේව॑ හු॒ත-න්නේවාහු॑තග්ග්​ ස්ව॒පන්තං॒-වෛඁ දී᳚ක්ෂි॒තග්​ම් රක්ෂාග්​ම්॑සි ජිඝාග්​ම්සන්ත්ය॒ග්නිඃ - [ජිඝාග්​ම්සන්ත්ය॒ග්නිඃ, ඛලු॒ වෛ] 29

ඛලු॒ වෛ ර॑ක්ෂෝ॒හා-ऽග්නේ॒ ත්වග්​ම් සු ජා॑ගෘහි ව॒යග්​ම් සු ම॑න්දිෂීම॒හීත්යා॑හා॒ග්නි-මේ॒වාධි॒පා-ඞ්කෘ॒ත්වා ස්ව॑පිති॒ රක්ෂ॑සා॒මප॑හත්යා අව්ර॒ත්යමි॑ව॒ වා ඒ॒ෂ ක॑රෝති॒ යෝ දී᳚ක්ෂි॒ත-ස්ස්වපි॑ති॒ ත්වම॑ග්නේ ව්රත॒පා අ॒සීත්යා॑හා॒ග්නිර්වෛ දේ॒වානාං᳚-ව්රඁ॒තප॑ති॒-ස්ස ඒ॒වෛනං॑-ව්රඁ॒තමා ල॑භං​යඁති දේ॒ව ආ මර්ත්යේ॒ෂ්වේත්යා॑හ දේ॒වෝ [දේ॒වඃ, හ්යේ॑ෂ ස-න්මර්ත්යේ॑ෂු॒] 30

හ්යේ॑ෂ ස-න්මර්ත්යේ॑ෂු॒ ත්වං-යඁ॒ජ්ඤේෂ්වීඩ්ය॒ ඉත්යා॑හෛ॒තග්​ම් හි ය॒ජ්ඤේෂ්වීඩ॒තේ-ऽප॒ වෛ දී᳚ක්ෂි॒තා-ථ්සු॑ෂු॒පුෂ॑ ඉන්ද්රි॒ය-න්දේ॒වතාඃ᳚ ක්රාමන්ති॒ විශ්වේ॑ දේ॒වා අ॒භි මාමා-ऽව॑වෘත්ර॒-න්නිත්යා॑-හේන්ද්රි॒යේණෛ॒වෛන॑-න්දේ॒වතා॑භි॒-ස්ස-න්න॑යති॒ යදේ॒ත-ද්යජු॒ර්න බ්රූ॒යා-ද්යාව॑ත ඒ॒ව ප॒ශූන॒භි දීක්ෂේ॑ත॒ තාව॑න්තෝ-ऽස්ය ප॒ශව॑-ස්ස්යූ॒ රාස්වේය॑- [ප॒ශව॑-ස්ස්යූ॒ රාස්වේය॑ත්, සෝ॒මා-ऽऽ භූයෝ॑] 31

-ථ්සෝ॒මා-ऽऽ භූයෝ॑ භ॒රේත්යා॒හා-ප॑රිමිතානේ॒ව ප॒ශූනව॑ රුන්ධේ ච॒න්ද්රම॑සි॒ මම॒ භෝගා॑ය භ॒වේත්යා॑හ යථාදේව॒තමේ॒වෛනාඃ॒ ප්රති॑ ගෘහ්ණාති වා॒යවේ᳚ ත්වා॒ වරු॑ණාය॒ ත්වේති॒ යදේ॒වමේ॒තා නානු॑දි॒ශේදය॑ථාදේවත॒-න්දක්ෂි॑ණා ගමයේ॒දා දේ॒වතා᳚භ්යෝ වෘශ්ච්යේත॒ යදේ॒වමේ॒තා අ॑නුදි॒ශති॑ යථාදේව॒තමේ॒ව දක්ෂි॑ණා ගමයති॒ න දේ॒වතා᳚භ්ය॒ ආ [න දේ॒වතා᳚භ්ය॒ ආ, වෘ॒ශ්ච්ය॒තේ॒ දේවී॑රාපෝ] 32

වෘ॑ශ්ච්යතේ॒ දේවී॑රාපෝ අපා-න්නපා॒දිත්යා॑හ॒ යද්වෝ॒ මේද්ධ්යං॑-යඁ॒ජ්ඤිය॒ග්​ම්॒ සදේ॑ව॒-න්තද්වෝ॒ මා-ऽව॑ ක්රමිෂ॒මිති॒ වාවෛතදා॒හාච්ඡි॑න්න॒-න්තන්තු॑-ම්පෘථි॒ව්යා අනු॑ ගේෂ॒මිත්යා॑හ॒ සේතු॑මේ॒ව කෘ॒ත්වා-ऽත්යේ॑ති ॥ 33 ॥
(භු॒ඤ්ජ॒තේ॒ - ऽයං - ඡි॑න්ද්යා-ද්- රුන්ධේ॒ - ऽග්නි - රා॑හ දේ॒ව - ඉය॑-ද්- දේ॒වතා᳚භ්ය॒ ආ - ත්රය॑ස්ත්රිග්​ම්ශච්ච) (අ. 4)

දේ॒වා වෛ දේ॑ව॒යජ॑න-මද්ධ්යව॒සාය॒ දිශෝ॒ න ප්රාජා॑න॒-න්තේ᳚(1॒)-ऽන්යෝ᳚-ऽන්යමුපා॑ධාව॒-න්ත්වයා॒ ප්ර ජා॑නාම॒ ත්වයේති॒ තේ-ऽදි॑ත්යා॒ග්​ම්॒ සම॑ද්ධ්රයන්ත॒ ත්වයා॒ ප්ර ජා॑නා॒මේති॒ සා-ऽබ්ර॑වී॒-ද්වරං॑-වෘඁණෛ॒ මත්ප්රා॑යණා ඒ॒ව වෝ॑ ය॒ජ්ඤා මදු॑දයනා අස॒න්නිති॒ තස්මා॑දාදි॒ත්යඃ ප්රා॑ය॒ණීයෝ॑ ය॒ජ්ඤානා॑මාදි॒ත්ය උ॑දය॒නීයඃ॒ පඤ්ච॑ දේ॒වතා॑ යජති॒ පඤ්ච॒ දිශෝ॑ දි॒ශා-ම්ප්රජ්ඤා᳚ත්යා॒ [දි॒ශා-ම්ප්රජ්ඤා᳚ත්යෛ, අථෝ॒ පඤ්චා᳚ක්ෂරා] 34

අථෝ॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධේ॒ පථ්යාග්॑ ස්ව॒ස්තිම॑යජ॒-න්ප්රාචී॑මේ॒ව තයා॒ දිශ॒-ම්ප්රාජා॑නන්න॒ග්නිනා॑ දක්ෂි॒ණා සෝමේ॑න ප්ර॒තීචීග්​ම්॑ සවි॒ත්රෝදී॑චී॒-මදි॑ත්යෝ॒ර්ධ්වා-ම්පථ්යාග්॑ ස්ව॒ස්තිං ඁය॑ජති॒ ප්රාචී॑මේ॒ව තයා॒ දිශ॒-ම්ප්ර ජා॑නාති॒ පථ්යාග්॑ ස්ව॒ස්තිමි॒ෂ්ට්වා-ऽග්නීෂෝමෞ॑ යජති॒ චක්ෂු॑ෂී॒ වා ඒ॒තේ ය॒ජ්ඤස්ය॒ යද॒ග්නීෂෝමෞ॒ තාභ්යා॑මේ॒වානු॑ පශ්ය- [පශ්යති, අ॒ග්නීෂෝමා॑-වි॒ෂ්ට්වා] 35

-ත්ය॒ග්නීෂෝමා॑-වි॒ෂ්ට්වා ස॑වි॒තාරං॑-යඁජති සවි॒තෘප්ර॑සූත ඒ॒වානු॑ පශ්යති සවි॒තාර॑මි॒ෂ්ට්වා-ऽදි॑තිං-යඁජතී॒යං-වාඁ අදි॑තිර॒ස්යාමේ॒ව ප්ර॑ති॒ෂ්ඨායානු॑ පශ්ය॒ත්යදි॑තිමි॒ෂ්ට්වා මා॑රු॒තීමෘච॒මන්වා॑හ ම॒රුතෝ॒ වෛ දේ॒වානාං॒-විඁශෝ॑ දේවවි॒ශ-ඞ්ඛලු॒ වෛ කල්ප॑මාන-ම්මනුෂ්යවි॒ශමනු॑ කල්පතේ॒ ය-න්මා॑රු॒තීමෘච॑ම॒න්වාහ॑ වි॒ශා-ඞ්කॢප්ත්යෛ᳚ බ්රහ්මවා॒දිනෝ॑ වදන්ති ප්රයා॒ජව॑දනනූයා॒ජ-ම්ප්රා॑ය॒ණීය॑-ඞ්කා॒ර්ය॑-මනූයා॒ජව॑- [-මනූයා॒ජව॑ත්, අ॒ප්ර॒යා॒ජ-මු॑දය॒නීය॒] 36

-දප්රයා॒ජ-මු॑දය॒නීය॒-මිතී॒මේ වෛ ප්ර॑යා॒ජා අ॒මී අ॑නූයා॒ජා-ස්සෛව සා ය॒ජ්ඤස්ය॒ සන්ත॑ති॒ස්ත-ත්තථා॒ න කා॒ර්ය॑මා॒ත්මා වෛ ප්ර॑යා॒ජාඃ ප්ර॒ජා-ऽනූ॑යා॒ජා ය-ත්ප්ර॑යා॒ජා-න॑න්තරි॒යාදා॒ත්මාන॑ම॒-න්තරි॑යා॒-ද්යද॑නූයා॒ජා-න॑න්තරි॒යා-ත්ප්ර॒ජාම॒න්තරි॑යා॒ද්යතඃ॒ ඛලු॒ වෛ ය॒ජ්ඤස්ය॒ විත॑තස්ය॒ න ක්රි॒යතේ॒ තදනු॑ ය॒ජ්ඤඃ පරා॑ භවති ය॒ජ්ඤ-ම්ප॑රා॒භව॑න්තං॒-යඁජ॑මා॒නෝ-ऽනු॒ [-ඁයජ॑මා॒නෝ-ऽනු॑, පරා॑ භවති] 37

පරා॑ භවති ප්රයා॒ජව॑දේ॒වා-නූ॑යා॒ජව॑-ත්ප්රාය॒ණීය॑-ඞ්කා॒ර්ය॑-ම්ප්රයා॒ජව॑දනූයා॒ජව॑-දුදය॒නීය॒-න්නා-ऽऽත්මාන॑මන්ත॒රේති॒ න ප්ර॒ජා-න්න ය॒ජ්ඤඃ ප॑රා॒භව॑ති॒ න යජ॑මානඃ ප්රාය॒ණීය॑ස්ය නිෂ්කා॒ස උ॑දය॒නීය॑ම॒භි නිර්ව॑පති॒ සෛව සා ය॒ජ්ඤස්ය॒ සන්ත॑ති॒ර්යාඃ ප්රා॑ය॒ණීය॑ස්ය යා॒ජ්යා॑ ය-ත්තා උ॑දය॒නීය॑ස්ය යා॒ජ්යාඃ᳚ කු॒ර්යා-ත්පරාං॑අ॒මුං-ලෝඁ॒කමා රෝ॑හේ-ත්ප්ර॒මායු॑ක-ස්ස්යා॒ද්යාඃ ප්රා॑ය॒ණීය॑ස්ය පුරෝ-ऽනුවා॒ක්යා᳚ස්තා උ॑දය॒නීය॑ස්ය යා॒ජ්යාඃ᳚ කරෝත්ය॒ස්මින්නේ॒ව ලෝ॒කේ ප්රති॑ තිෂ්ඨති ॥ 38 ॥
(ප්රජ්ඤා᳚ත්යෛ - පශ්යත්ය - නූයා॒ජව॒ - ද්යජ॑මා॒නෝ-ऽනු॑ - පුරෝනුවා॒ක්යා᳚ස්තා - අ॒ෂ්ටෞ ච॑) (අ. 5)

ක॒ද්රූශ්ච॒ වෛ සු॑ප॒ර්ණී චා᳚-ऽऽත්මරූ॒පයෝ॑රස්පර්ධේතා॒ග්​ම්॒ සා ක॒ද්රූ-ස්සු॑ප॒ර්ණීම॑ජය॒-ථ්සා-ऽබ්ර॑වී-ත්තෘ॒තීය॑ස්යාමි॒තෝ දි॒වි සෝම॒ස්තමා හ॑ර॒ තේනා॒-ऽऽත්මාන॒-න්නිෂ්ක්රී॑ණී॒ෂ්වේතී॒යං-වෛඁ ක॒ද්රූර॒සෞ සු॑ප॒ර්ණී ඡන්දාග්​ම්॑සි සෞපර්ණේ॒යා-ස්සාබ්ර॑වීද॒ස්මෛ වෛ පි॒තරෞ॑ පු॒ත්රා-න්බි॑භෘත-ස්තෘ॒තීය॑ස්යාමි॒තෝ දි॒වි සෝම॒ස්තමා හ॑ර॒ තේනා॒-ऽऽත්මාන॒-න්නිෂ්ක්රී॑ණී॒ෂ්වේ- [නිෂ්ක්රී॑ණී॒ෂ්ව, ඉති॑ මා] 39

-ති॑ මා ක॒ද්රූර॑වෝච॒දිති॒ ජග॒ත්යුද॑පත॒-ච්චතු॑ර්දශාක්ෂරා ස॒තී සා ऽප්රා᳚ප්ය॒ න්ය॑වර්තත॒ තස්යෛ॒ ද්වේ අ॒ක්ෂරේ॑ අමීයේතා॒ග්​ම්॒ සා ප॒ශුභි॑ශ්ච දී॒ක්ෂයා॒ චා-ऽග॑ච්ඡ॒-ත්තස්මා॒ජ්ජග॑තී॒ ඡන්ද॑සා-ම්පශ॒ව්ය॑තමා॒ තස්මා᳚-ත්පශු॒මන්ත॑-න්දී॒ක්ෂෝප॑ නමති ත්රි॒ෂ්ටුගුද॑පත॒-ත්ත්රයෝ॑දශාක්ෂරා ස॒තී සා ऽප්රා᳚ප්ය॒ න්ය॑වර්තත॒ තස්යෛ॒ ද්වේ අ॒ක්ෂරේ॑ අමීයේතා॒ග්​ම්॒ සා දක්ෂි॑ණාභිශ්ච॒ [දක්ෂි॑ණාභිශ්ච, තප॑සා॒] 40

තප॑සා॒ චා-ऽග॑ච්ඡ॒-ත්තස්මා᳚-ත්ත්රි॒ෂ්ටුභෝ॑ ලෝ॒කේ මාද්ධ්ය॑න්දිනේ॒ සව॑නේ॒ දක්ෂි॑ණා නීයන්ත ඒ॒ත-ත්ඛලු॒ වාව තප॒ ඉත්යා॑හු॒ර්ය-ස්ස්ව-න්දදා॒තීති॑ ගාය॒ත්ර්යුද॑පත॒ච්චතු॑රක්ෂරා ස॒ත්ය॑ජයා॒ ජ්යෝති॑ෂා॒ තම॑ස්යා අ॒ජා-ऽභ්ය॑රුන්ධ॒ තද॒ජායා॑ අජ॒ත්වග්​ම් සා සෝම॒-ඤ්චා-ऽऽහ॑රච්ච॒ත්වාරි॑ චා॒ක්ෂරා॑ණි॒ සා-ऽෂ්ටාක්ෂ॑රා॒ සම॑පද්යත බ්රහ්මවා॒දිනෝ॑ වදන්ති॒ [බ්රහ්මවා॒දිනෝ॑ වදන්ති, කස්මා᳚-ථ්ස॒ත්යා-] 41

කස්මා᳚-ථ්ස॒ත්යා-ද්ගා॑ය॒ත්රී කනි॑ෂ්ඨා॒ ඡන්ද॑සාග්​ම් ස॒තී ය॑ජ්ඤමු॒ඛ-ම්පරී॑යා॒යේති॒ යදේ॒වාද-ස්සෝම॒මා-ऽහ॑ර॒-ත්තස්මා᳚-ද්යජ්ඤමු॒ඛ-ම්පර්යෛ॒-ත්තස්මා᳚-ත්තේජ॒ස්විනී॑තමා ප॒ද්භ්යා-න්ද්වේ සව॑නේ ස॒මගෘ॑හ්ණා॒-න්මුඛේ॒නෛකං॒-යඁන්මුඛේ॑න ස॒මගෘ॑හ්ණා॒-ත්තද॑ධය॒-ත්තස්මා॒-ද්ද්වේ සව॑නේ ශු॒ක්ර॑වතී ප්රාතස්සව॒න-ඤ්ච॒ මාද්ධ්ය॑න්දින-ඤ්ච॒ තස්මා᳚-ත්තෘතීය සව॒න ඍ॑ජී॒ෂම॒භි ෂු॑ණ්වන්ති ධී॒තමි॑ව॒ හි මන්ය॑න්ත [හි මන්ය॑න්තේ, ආ॒ශිර॒මව॑ නයති] 42

ආ॒ශිර॒මව॑ නයති සශුක්ර॒ත්වායාථෝ॒ ස-ම්භ॑රත්යේ॒වෛන॒-ත්තග්​ම් සෝම॑-මාහ්රි॒යමා॑ණ-ඞ්ගන්ධ॒ර්වෝ වි॒ශ්වාව॑සඃ॒ පර්ය॑මුෂ්ණා॒-ථ්ස ති॒ස්රෝ රාත්රීඃ॒ පරි॑මුෂිතෝ-ऽවස॒-ත්තස්මා᳚-ත්ති॒ස්රෝ රාත්රීඃ᳚ ක්රී॒ත-ස්සෝමෝ॑ වසති॒ තේ දේ॒වා අ॑බ්රුව॒න්-ථ්ස්ත්රීකා॑මා॒ වෛ ග॑න්ධ॒ර්වා ස්ස්ත්රි॒යා නිෂ්ක්රී॑ණා॒මේති॒ තේ වාච॒ග්ග්॒ ස්ත්රිය॒මේක॑හායනී-ඞ්කෘ॒ත්වා තයා॒ නිර॑ක්රීණ॒න්-ථ්සා රෝ॒හි-ද්රූ॒ප-ඞ්කෘ॒ත්වා ග॑න්ධ॒ර්වේභ්යෝ॑- [ග॑න්ධ॒ර්වේභ්යඃ॑, අ॒ප॒ක්රම්යා॑තිෂ්ඨ॒-ත්ත-ද්රෝ॒හිතෝ॒] 43

-ऽප॒ක්රම්යා॑තිෂ්ඨ॒-ත්ත-ද්රෝ॒හිතෝ॒ ජන්ම॒ තේ දේ॒වා අ॑බ්රුව॒න්නප॑ යු॒ෂ්මදක්ර॑මී॒-න්නාස්මානු॒-පාව॑ර්තතේ॒ වි හ්ව॑යාමහා॒ ඉති॒ බ්රහ්ම॑ ගන්ධ॒ර්වා අව॑ද॒න්නගා॑ය-න්දේ॒වා-ස්සා දේ॒වා-න්ගාය॑ත උ॒පාව॑ර්තත॒ තස්මා॒-ද්ගාය॑න්ත॒ග්ග්॒ ස්ත්රියඃ॑ කාමයන්තේ॒ කාමු॑කා ඒන॒ග්ග්॒ ස්ත්රියෝ॑ භවන්ති॒ ය ඒ॒වං-වේඁදාථෝ॒ ය ඒ॒වං-විඁ॒ද්වානපි॒ ජන්යේ॑ෂු॒ භව॑ති॒ තේභ්ය॑ ඒ॒ව ද॑දත්යු॒ත ය-ද්බ॒හුත॑යා॒ [ය-ද්බ॒හුත॑යාඃ, භව॒න්ත්යේක॑හායන්යා] 44

භව॒න්ත්යේක॑හායන්යා ක්රීණාති වා॒චෛවෛන॒ග්​ම්॒ සර්ව॑යා ක්රීණාති॒ තස්මා॒දේක॑හායනා මනු॒ෂ්යා॑ වාචං॑-වඁද॒න්ත්යකූ॑ට॒යා ऽක॑ර්ණ॒යා-ऽ කා॑ණ॒යාශ්ලෝ॑ණ॒යා ऽස॑ප්තශඵයා ක්රීණාති॒ සර්ව॑යෛ॒වෛන॑-ඞ්ක්රීණාති॒ යච්ඡ්වේ॒තයා᳚ ක්රීණී॒යා-ද්දු॒ශ්චර්මා॒ යජ॑මාන-ස්ස්යා॒ද්ය-ත්කෘ॒ෂ්ණයා॑-ऽනු॒ස්තර॑ණී ස්යා-ත්ප්ර॒මායු॑කෝ॒ යජ॑මාන-ස්ස්යා॒ද්ය-ද්ද්වි॑රූ॒පයා॒ වාර්ත්ර॑ඝ්නී ස්යා॒-ථ්ස වා॒-ऽන්ය-ඤ්ජි॑නී॒යා-ත්තං-වාඁ॒-ऽන්යෝ ජි॑නීයාදරු॒ණයා॑ පිඞ්ගා॒ක්ෂ්යා ක්රී॑ණාත්යේ॒තද්වෛ සෝම॑ස්ය රූ॒පග්ග්​ ස්වයෛ॒වෛන॑-න්දේ॒වත॑යා ක්රීණාති ॥ 45 ॥
(නිෂ්ක්රී॑ණීෂ්ව॒ - දක්ෂි॑ණාභිශ්ච - වදන්ති॒ - මන්ය॑න්තේ-ගන්ධ॒ර්වේභ්යෝ॑-බ॒හුත॑යාඃ-පිඞ්ගා॒ක්ෂ්යා-දශ॑ ච ) (අ. 6)

තද්ධිර॑ණ්යමභව॒-ත්තස්මා॑ද॒ද්භ්යෝ හිර॑ණ්ය-ම්පුනන්ති බ්රහ්මවා॒දිනෝ॑ වදන්ති॒ කස්මා᳚-ථ්ස॒ත්යාද॑න॒ස්ථිකේ॑න ප්ර॒ජාඃ ප්ර॒වීය॑න්තේ ऽස්ථ॒න්වතී᳚ර්ජායන්ත॒ ඉති॒ යද්ධිර॑ණ්ය-ඞ්ඝෘ॒තේ॑-ऽව॒ධාය॑ ජු॒හෝති॒ තස්මා॑දන॒ස්ථිකේ॑න ප්ර॒ජාඃ ප්ර වී॑යන්තේ ऽස්ථ॒න්වතී᳚ර්ජායන්ත ඒ॒තද්වා අ॒ග්නේඃ ප්රි॒ය-න්ධාම॒ ය-ද්ඝෘ॒ත-න්තේජෝ॒ හිර॑ණ්යමි॒යන්තේ॑ ශුක්ර ත॒නූරි॒දං-වඁර්ච॒ ඉත්යා॑හ॒ සතේ॑ජසමේ॒වෛන॒ග්​ම්॒ සත॑නු- [සත॑නුම්, ක॒රෝ॒ත්යථෝ॒] 46

-ඞ්කරෝ॒ත්යථෝ॒ ස-ම්භ॑රත්යේ॒වෛනං॒-යඁදබ॑ද්ධම-වද॒ද්ධ්යා-ද්ගර්භාඃ᳚ ප්ර॒ජානා᳚-ම්පරා॒පාතු॑කා-ස්ස්යුර්බ॒ද්ධමව॑ දධාති॒ ගර්භා॑ණා॒-න්ධෘත්යෛ॑ නිෂ්ට॒ර්ක්ය॑-ම්බද්ධ්නාති ප්ර॒ජානා᳚-ම්ප්ර॒ජන॑නාය॒ වාග්වා ඒ॒ෂා ය-ථ්සෝ॑ම॒ක්රය॑ණී॒ ජූර॒සීත්යා॑හ॒ යද්ධි මන॑සා॒ ජව॑තේ॒ ත-ද්වා॒චා වද॑ති ධෘ॒තා මන॒සේත්යා॑හ॒ මන॑සා॒ හි වාග්ධෘ॒තා ජුෂ්ටා॒ විෂ්ණ॑ව॒ ඉත්යා॑හ [ ] 47

ය॒ජ්ඤෝ වෛ විෂ්ණු॑ ර්ය॒ජ්ඤායෛ॒වෛනා॒-ඤ්ජුෂ්ටා᳚-ඞ්කරෝති॒ තස්යා᳚ස්තේ ස॒ත්යස॑වසඃ ප්රස॒ව ඉත්යා॑හ සවි॒තෘ-ප්ර॑සූතාමේ॒ව වාච॒මව॑ රුන්ධේ॒ කාණ්ඩේ॑කාණ්ඩේ॒ වෛ ක්රි॒යමා॑ණේ ය॒ජ්ඤග්​ම් රක්ෂාග්​ම්॑සි ජිඝාග්​ම්සන්ත්යේ॒ෂ ඛලු॒ වා අර॑ක්ෂෝහතඃ॒ පන්ථා॒ යෝ᳚-ऽග්නේශ්ච॒ සූර්ය॑ස්ය ච॒ සූර්ය॑ස්ය॒ චක්ෂු॒රා-ऽරු॑හම॒ග්නේර॒ක්ෂ්ණඃ ක॒නීනි॑කා॒මිත්යා॑හ॒ ය ඒ॒වාර॑ක්ෂෝහතඃ॒ පන්ථා॒ස්තග්​ම් ස॒මාරෝ॑හති॒ [ස॒මාරෝ॑හති, වාග්වා ඒ॒ෂා] 48

වාග්වා ඒ॒ෂා ය-ථ්සෝ॑ම॒ක්රය॑ණී॒ චිද॑සි ම॒නා-ऽසීත්යා॑හ॒ ශාස්ත්යේ॒වෛනා॑මේ॒ත-ත්තස්මා᳚ච්ඡි॒ෂ්ටාඃ ප්ර॒ජා ජා॑යන්තේ॒ චිද॒සීත්යා॑හ॒ යද්ධි මන॑සා චේ॒තය॑තේ॒ ත-ද්වා॒චා වද॑ති ම॒නා-ऽසීත්යා॑හ॒ යද්ධි මන॑සා-ऽභි॒ගච්ඡ॑ති॒ ත-ත්ක॒රෝති॒ ධීර॒සීත්යා॑හ॒ යද්ධි මන॑සා॒ ධ්යාය॑ති॒ ත-ද්වා॒චා [ ] 49

වද॑ති॒ දක්ෂි॑ණා॒-ऽසීත්යා॑හ॒ දක්ෂි॑ණා॒ හ්යේ॑ෂා ය॒ජ්ඤියා॒-ऽසීත්යා॑හ ය॒ජ්ඤියා॑මේ॒වෛනා᳚-ඞ්කරෝති ක්ෂ॒ත්රියා॒සීත්යා॑හ ක්ෂ॒ත්රියා॒ හ්යේ॑ෂා ऽදි॑තිරස්යුභ॒යත॑ශ්ශී॒ර්​ෂ්ණීත්යා॑හ॒ යදේ॒වා-ऽऽදි॒ත්යඃ ප්රා॑ය॒ණීයෝ॑ ය॒ජ්ඤානා॑මාදි॒ත්ය උ॑දය॒නීය॒-ස්තස්මා॑දේ॒වමා॑හ॒ යදබ॑ද්ධා॒ ස්යාදය॑තා ස්යා॒ද්ය-ත්ප॑දිබ॒ද්ධා-ऽනු॒ස්තර॑ණී ස්යා-ත්ප්ර॒මායු॑කෝ॒ යජ॑මාන-ස්ස්යා॒- [යජ॑මාන-ස්ස්යාත්, ය-ත්ක॑ර්ණගෘහී॒තා] 50

-ද්ය-ත්ක॑ර්ණගෘහී॒තා වාර්ත්ර॑ඝ්නී ස්යා॒-ථ්ස වා॒-ऽන්ය-ඤ්ජි॑නී॒යා-ත්තං-වාඁ॒-ऽන්යෝ ජි॑නීයාන්මි॒ත්රස්ත්වා॑ ප॒දි බ॑ද්ධ්නා॒ත්විත්යා॑හ මි॒ත්රෝ වෛ ශි॒වෝ දේ॒වානා॒-න්තේනෛ॒වෛනා᳚-ම්ප॒දි බ॑ද්ධ්නාති පූ॒ෂා-ऽද්ධ්ව॑නඃ පා॒ත්විත්යා॑හේ॒යං-වෛඁ පූ॒ෂේමාමේ॒වාස්යා॑ අධි॒පාම॑ක॒-ස්සම॑ෂ්ට්යා॒ ඉන්ද්රා॒යා-ද්ධ්ය॑ක්ෂා॒යේත්යා॒හේන්ද්ර॑මේ॒වාස්යා॒ අද්ධ්ය॑ක්ෂ-ඞ්කරෝ॒- [අද්ධ්ය॑ක්ෂ-ඞ්කරෝති, අනු॑ ත්වා මා॒තා] 51

-ත්යනු॑ ත්වා මා॒තා ම॑න්යතා॒මනු॑ පි॒තේත්යා॒හා-නු॑මතයෛ॒වෛන॑යා ක්රීණාති॒ සා දේ॑වි දේ॒වමච්ඡේ॒හීත්යා॑හ දේ॒වී හ්යේ॑ෂා දේ॒ව-ස්සෝම॒ ඉන්ද්රා॑ය॒ සෝම॒මිත්යා॒හේන්ද්රා॑ය॒ හි සෝම॑ ආහ්රි॒යතේ॒ යදේ॒ත-ද්යජු॒ර්න බ්රූ॒යා-ත්පරා᳚ච්යේ॒ව සෝ॑ම॒ක්රය॑ණීයා-ද්රු॒ද්රස්ත්වා-ऽऽ ව॑ර්තය॒ත්විත්යා॑හ රු॒ද්රෝ වෛ ක්රූ॒රෝ [රු॒ද්රෝ වෛ ක්රූ॒රඃ, දේ॒වානා॒-න්තමේ॒වාස්යෛ॑] 52

දේ॒වානා॒-න්තමේ॒වාස්යෛ॑ ප॒රස්තා᳚-ද්දධා॒ත්යාවෘ॑ත්ත්යෛ ක්රූ॒රමි॑ව॒ වා ඒ॒ත-ත්ක॑රෝති॒ ය-ද්රු॒ද්රස්ය॑ කී॒ර්තය॑ති මි॒ත්රස්ය॑ ප॒ථේත්යා॑හ॒ ශාන්ත්යෛ॑ වා॒චා වා ඒ॒ෂ වි ක්රී॑ණීතේ॒ ය-ස්සෝ॑ම॒ක්රය॑ණ්යා ස්ව॒ස්ති සෝම॑සඛා॒ පුන॒රේහි॑ ස॒හ ර॒ය්යේත්යා॑හ වා॒චෛව වි॒ක්රීය॒ පුන॑රා॒ත්මන් වාච॑-න්ධ॒ත්තේ-ऽනු॑පදාසුකා-ऽස්ය॒ වාග්භ॑වති॒ ය ඒ॒වං-වේඁද॑ ॥ 53 ॥
(සත॑නුං॒ - ඁවිෂ්ණ॑ව॒ ඉත්යා॑හ - ස॒මාරෝ॑හති॒ - ධ්යාය॑ති॒ ත-ද්වා॒චා - යජ॑මාන-ස්ස්යාත් - කරෝති - ක්රූ॒රෝ - වේද॑) (අ. 7)

ෂට් ප॒දාන්යනු॒ නි ක්රා॑මති ෂඩ॒හං-වාඁන්නාති॑ වදත්යු॒ත සං॑​වඁථ්ස॒රස්යාය॑නේ॒ යාව॑ත්යේ॒ව වාක්තාමව॑ රුන්ධේ සප්ත॒මේ ප॒දේ ජු॑හෝති ස॒ප්තප॑දා॒ ශක්ව॑රී ප॒ශව॒-ශ්ශක්ව॑රී ප॒ශූනේ॒වාව॑ රුන්ධේ ස॒ප්ත ග්රා॒ම්යාඃ ප॒ශව॑-ස්ස॒ප්තා-ऽऽර॒ණ්යා-ස්ස॒ප්ත ඡන්දාග්॑-ස්යු॒භය॒ස්යා-ව॑රුද්ධ්යෛ॒ වස්ව්ය॑සි රු॒ද්රා-ऽසීත්යා॑හ රූ॒පමේ॒වාස්යා॑ ඒ॒ත-න්ම॑හි॒මානං॒- [ඒ॒ත-න්ම॑හි॒මාන᳚ම්, ව්යාච॑ෂ්ටේ॒ බෘහ॒ස්පති॑ස්ත්වා] 54

-ඁව්යාච॑ෂ්ටේ॒ බෘහ॒ස්පති॑ස්ත්වා සු॒ම්නේ ර॑ණ්ව॒ත්විත්යා॑හ॒ බ්රහ්ම॒ වෛ දේ॒වානා॒-ම්බෘහ॒ස්පති॒-ර්බ්රහ්ම॑ණෛ॒වාස්මෛ॑ ප॒ශූනව॑ රුන්ධේ රු॒ද්රෝ වසු॑භි॒රා චි॑කේ॒ත්විත්යා॒හා-ऽऽවෘ॑ත්ත්යෛ පෘථි॒ව්යාස්ත්වා॑ මූ॒ර්ධන්නා ජි॑ඝර්මි දේව॒යජ॑න॒ ඉත්යා॑හ පෘථි॒ව්යා හ්යේ॑ෂ මූ॒ර්ධා ය-ද්දේ॑ව॒යජ॑න॒මිඩා॑යාඃ ප॒ද ඉත්යා॒හේඩා॑යෛ॒ හ්යේ॑ත-ත්ප॒දං-යඁ-ථ්සෝ॑ම॒ක්රය॑ණ්යෛ ඝෘ॒තව॑ති॒ ස්වාහේ- [ස්වාහා᳚, ඉත්යා॑හ॒] 55

-ත්යා॑හ॒ යදේ॒වාස්යෛ॑ ප॒දා-ද්ඝෘ॒තමපී᳚ඩ්යත॒ තස්මා॑දේ॒වමා॑හ॒ යද॑ද්ධ්ව॒ර්යුර॑න॒ග්නාවාහු॑ති-ඤ්ජුහු॒යාද॒න්ධෝ᳚-ऽද්ධ්ව॒ර්යු-ස්ස්යා॒-ද්රක්ෂාග්​ම්॑සි ය॒ජ්ඤග්​ම් හ॑න්යු॒ර්॒හිර॑ණ්යමු॒පාස්ය॑ ජුහෝත්යග්නි॒වත්යේ॒ව ජු॑හෝති॒ නාන්ධෝ᳚-ऽද්ධ්ව॒ර්යු ර්භව॑ති॒ න ය॒ජ්ඤග්​ම් රක්ෂාග්​ම්॑සි ඝ්නන්ති॒ කාණ්ඩේ॑කාණ්ඩේ॒ වෛ ක්රි॒යමා॑ණේ ය॒ජ්ඤග්​ම් රක්ෂාග්​ම්॑සි ජිඝාග්​ම්සන්ති॒ පරි॑ලිඛිත॒ග්​ම්॒ රක්ෂඃ॒ පරි॑ලිඛිතා॒ අරා॑තය॒ ඉත්යා॑හ॒ රක්ෂ॑සා॒-මප॑හත්යා [රක්ෂ॑සා॒-මප॑හත්යෛ, ඉ॒දම॒හග්​ම්] 56

ඉ॒දම॒හග්​ම් රක්ෂ॑සෝ ග්රී॒වා අපි॑ කෘන්තාමි॒ යෝ᳚-ऽස්මා-න්ද්වේෂ්ටි॒ ය-ඤ්ච॑ ව॒ය-න්ද්වි॒ෂ්ම ඉත්යා॑හ॒ ද්වෞ වාව පුරු॑ෂෞ॒ ය-ඤ්චෛ॒ව ද්වේෂ්ටි॒ යශ්චෛ॑න॒-න්ද්වේෂ්ටි॒ තයෝ॑-රේ॒වා-ऽන॑න්තරාය-ඞ්ග්රී॒වාඃ කෘ॑න්තති ප॒ශවෝ॒ වෛ සෝ॑ම॒ක්රය॑ණ්යෛ ප॒දං-යාඁ ॑වත්ත්මූ॒තග්​ම් සං-වඁ ॑පති ප॒ශූනේ॒වාව॑ රුන්ධේ॒-ऽස්මේ රාය॒ ඉති॒ සං ඁව॑පත්යා॒ත්මාන॑-මේ॒වාද්ධ්ව॒ර්යුඃ -[-මේ॒වාද්ධ්ව॒ර්යුඃ, ප॒ශුභ්යෝ॒] 57

ප॒ශුභ්යෝ॒ නාන්තරේ॑ති॒ ත්වේ රාය॒ ඉති॒ යජ॑මානාය॒ ප්ර ය॑ච්ඡති॒ යජ॑මාන ඒ॒ව ර॒යි-න්ද॑ධාති॒ තෝතේ॒ රාය॒ ඉති॒ පත්නි॑යා අ॒ර්ධෝ වා ඒ॒ෂ ආ॒ත්මනෝ॒ ය-ත්පත්නී॒ යථා॑ ගෘ॒හේෂු॑ නිධ॒ත්තේ තා॒දෘගේ॒ව ත-ත්ත්වෂ්ටී॑මතී තේ සපේ॒යේත්යා॑හ॒ ත්වෂ්ටා॒ වෛ ප॑ශූ॒නා-ම්මි॑ථු॒නානාග්​ම්॑ රූප॒කෘ-ද්රූ॒පමේ॒ව ප॒ශුෂු॑ දධාත්ය॒ස්මෛ වෛ ලෝ॒කාය॒ ගාර්​හ॑පත්ය॒ ආ ධී॑යතේ॒ ऽමුෂ්මා॑ ආහව॒නීයෝ॒ ය-ද්ගාර්​හ॑පත්ය උප॒වපේ॑ද॒ස්මින් ඁලෝ॒කේ ප॑ශ॒මාන්-ථ්ස්යා॒-ද්යදා॑හව॒නීයේ॒ ऽමුෂ්මි॑න් ඁලෝ॒කේ ප॑ශු॒මාන්-ථ්ස්යා॑දු॒භයෝ॒රුප॑ වපත්යු॒භයෝ॑රේ॒වෛනං॑-ලෝඁ॒කයෝඃ᳚ පශු॒මන්ත॑-ඞ්කරෝති ॥ 58 ॥
(ම॒හි॒මාන॒ග්ග්॒ - ස්වාහා - ऽප॑හත්යා - අධ්ව॒ර්යු - ධී॑යතේ॒ - චතු॑ර්විග්​ම්ශතිශ්ච) (අ. 8)

බ්ර॒හ්ම॒වා॒දිනෝ॑ වදන්ති වි॒චිත්ය॒-ස්සෝමා(3) න වි॒චිත්යා(3) ඉති॒ සෝමෝ॒ වා ඕෂ॑ධීනා॒ග්​ම්॒ රාජා॒ තස්මි॒න්॒. යදාප॑න්න-ඞ්ග්රසි॒තමේ॒වාස්ය॒ ත-ද්ය-ද්වි॑චිනු॒යා-ද්යථා॒ ऽऽස්යා᳚ද්ග්රසි॒ත-න්නි॑ෂ්ඛි॒දති॑ තා॒දෘගේ॒ව තද්යන්න වි॑චිනු॒යා-ද්යථා॒ ऽක්ෂන්නාප॑න්නං-විඁ॒ධාව॑ති තා॒දෘගේ॒ව ත-ත්ක්ෂෝධු॑කෝ ऽද්ධ්ව॒ර්යු-ස්ස්යා-ත්ක්ෂෝධු॑කෝ॒ යජ॑මාන॒-ස්සෝම॑වික්රයි॒න්-ථ්සෝමග්​ම්॑ ශෝධ॒යේත්යේ॒ව බ්රූ॑යා॒-ද්යදීත॑රං॒- [බ්රූ॑යා॒-ද්යදීත॑රම්, යදීත॑ර-] 59

-ඁයදීත॑ර-මු॒භයේ॑නෛ॒ව සෝ॑මවික්ර॒යිණ॑-මර්පයති॒ තස්මා᳚-ථ්සෝමවික්ර॒යී ක්ෂෝධු॑කෝ ऽරු॒ණෝ හ॑ ස්මා॒-ऽऽහෞප॑වේශි-ස්සෝම॒ක්රය॑ණ ඒ॒වාහ-න්තෘ॑තීය සව॒නමව॑ රුන්ධ॒ ඉති॑ පශූ॒නා-ඤ්චර්ම॑-න්මිමීතේ ප॒ශූනේ॒වාව॑ රුන්ධේ ප॒ශවෝ॒ හි තෘ॒තීය॒ග්​ම්॒ සව॑නං॒-යඁ-ඞ්කා॒මයේ॑තාප॒ශු-ස්ස්යා॒-දිත්යෘ॑ක්ෂ॒ත-ස්තස්ය॑ මිමීත॒ර්ක්ෂං-වාඁ අ॑පශ॒ව්ය-ම॑ප॒ශුරේ॒ව භ॑වති॒ ය-ඞ්කා॒මයේ॑ත පශු॒මාන්-ථ්ස්යා॒ - [ ] 60

-දිති॑ ලෝම॒තස්තස්ය॑ මිමීතෛ॒තද්වෛ ප॑ශූ॒නාග්​ම් රූ॒පග්​ම් රූ॒පේණෛ॒වා-ऽස්මෛ॑ ප॒ශූනව॑ රුන්ධේ පශු॒මානේ॒ව භ॑වත්ය॒පාමන්තේ᳚ ක්රීණාති॒ සර॑සමේ॒වෛන॑-ඞ්ක්රීණාත්ය॒-මාත්යෝ॒-ऽසීත්යා॑හා॒-ऽමෛවෛන॑-ඞ්කුරුතේ ශු॒ක්රස්තේ॒ ග්රහ॒ ඉත්යා॑හ ශු॒ක්රෝ හ්ය॑ස්ය॒ ග්රහෝ ऽන॒සා-ऽච්ඡ॑ යාති මහි॒මාන॑-මේ॒වාස්යාච්ඡ॑ යා॒ත්යන॒සා- [යා॒ත්යන॒සා, අච්ඡ॑] 61

-ऽච්ඡ॑ යාති॒ තස්මා॑-දනෝවා॒හ්යග්​ම්॑ ස॒මේ ජීව॑නං॒-යඁත්ර॒ ඛලු॒ වා ඒ॒තග්​ම් ශී॒ර්​ෂ්ණා හර॑න්ති॒ තස්මා᳚ච්ඡීර්​ෂහා॒ර්ය॑-ඞ්ගි॒රෞ ජීව॑නම॒භි ත්ය-න්දේ॒වග්​ම් ස॑වි॒තාර॒මිත්යති॑-ච්ඡන්දස॒ර්චා මි॑මී॒තේ ऽති॑ච්ඡන්දා॒ වෛ සර්වා॑ණි॒ ඡන්දාග්​ම්॑සි॒ සර්වේ॑භිරේ॒වෛන॒-ඤ්ඡන්දෝ॑භිර්මිමීතේ॒ වර්​ෂ්ම॒ වා ඒ॒ෂා ඡන්ද॑සාං॒-යඁදති॑ච්ඡන්දා॒ යදති॑ච්ඡන්දස॒ර්චා මිමී॑තේ॒ වර්​ෂ්මෛ॒වෛනග්​ම්॑ සමා॒නානා᳚-ඞ්කරෝ॒ත්යේක॑යෛකයෝ॒-ථ්සර්ග॑- [-ඞ්කරෝ॒ත්යේක॑යෛකයෝ॒-ථ්සර්ග᳚ම්, මි॒මී॒තේ] 62

-ම්මිමී॒තේ ऽයා॑තයාම්නියායාතයාම්නියෛ॒වෛන॑-ම්මිමීතේ॒ තස්මා॒න්නානා॑වීර්යා අ॒ඞ්ගුල॑ය॒-ස්සර්වා᳚ස්වඞ්ගු॒ෂ්ඨමුප॒ නි ගෘ॑හ්ණාති॒ තස්මා᳚-ථ්ස॒මාව॑ද්වීර්යෝ॒-ऽන්යාභි॑-ර॒ඞ්ගුලි॑භි॒ස්තස්මා॒-ථ්සර්වා॒ අනු॒ ස-ඤ්ච॑රති॒ ය-ථ්ස॒හ සර්වා॑භි॒ර්මිමී॑ත॒ සග්ග්​ශ්ලි॑ෂ්ටා අ॒ඞ්ගුල॑යෝ ජායේර॒-න්නේක॑යෛකයෝ॒-ථ්සර්ග॑-ම්මිමීතේ॒ තස්මා॒-ද්විභ॑ක්තා ජායන්තේ॒ පඤ්ච॒ කෘත්වෝ॒ යජු॑ෂා මිමීතේ॒ පඤ්චා᳚ක්ෂරා ප॒ඞ්ක්තිඃ පාඞ්ක්තෝ॑ ය॒ජ්ඤෝ ය॒ජ්ඤමේ॒වාව॑ රුන්ධේ॒ පඤ්ච॒ කෘත්ව॑-ස්තූ॒ෂ්ණී- [කෘත්ව॑-ස්තූ॒ෂ්ණීම්, දශ॒ ස-ම්ප॑ද්යන්තේ॒] 63

-න්දශ॒ ස-ම්ප॑ද්යන්තේ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජෛ॒වාන්නාද්ය॒මව॑ රුන්ධේ॒ ය-ද්යජු॑ෂා॒ මිමී॑තේ භූ॒තමේ॒වාව॑ රුන්ධේ॒ ය-ත්තූ॒ෂ්ණී-ම්භ॑වි॒ෂ්ය-ද්ය-ද්වෛ තාවා॑නේ॒ව සෝම॒-ස්ස්යා-ද්යාව॑න්ත॒-ම්මිමී॑තේ॒ යජ॑මානස්යෛ॒ව ස්යා॒න්නාපි॑ සද॒ස්යා॑නා-ම්ප්ර॒ජාභ්ය॒ස්ත්වේත්යුප॒ සමූ॑හති සද॒ස්යා॑නේ॒වාන්වා භ॑ජති॒ වාස॒සෝප॑ නහ්යති සර්වදේව॒ත්යං॑-වෛඁ [ ] 64

වාස॒-ස්සර්වා॑භිරේ॒වෛන॑-න්දේ॒වතා॑භි॒-ස්සම॑ර්ධයති ප॒ශවෝ॒ වෛ සෝමඃ॑ ප්රා॒ණාය॒ ත්වේත්යුප॑ නහ්යති ප්රා॒ණමේ॒ව ප॒ශුෂු॑ දධාති ව්යා॒නාය॒ ත්වේත්යනු॑ ශෘන්ථති ව්යා॒නමේ॒ව ප॒ශුෂු॑ දධාති॒ තස්මා᳚-ථ්ස්ව॒පන්ත॑-ම්ප්රා॒ණා න ජ॑හති ॥ 65 ॥
(ඉත॑රං - පශු॒මාන්-ථ්ස්යා᳚--ද්යා॒ත්යන॑සෝ॒ - ථ්සර්ගං॑ - තූ॒ෂ්ණීග්​ම් - ස॑ර්වදේව॒ත්යං॑-වෛඁ - ත්රය॑ස්ත්රිග්​ම්ශච්ච) (අ. 9)

ය-ත්ක॒ලයා॑ තේ ශ॒ඵේන॑ තේ ක්රීණා॒නීති॒ පණේ॒තාගෝ॑අර්ඝ॒ග්​ම්॒ සෝම॑-ඞ්කු॒ර්යාදගෝ॑අර්ඝං॒-යඁජ॑මාන॒-මගෝ॑අර්ඝමද්ධ්ව॒ර්යු-ඞ්ගෝස්තු ම॑හි॒මාන॒-න්නාව॑ තිරේ॒-ද්ගවා॑ තේ ක්රීණා॒නීත්යේ॒ව බ්රූ॑යා-ද්ගෝඅ॒ර්ඝමේ॒ව සෝම॑-ඞ්ක॒රෝති॑ ගෝඅ॒ර්ඝං-යඁජ॑මාන-ඞ්ගෝඅ॒ර්ඝම॑ද්ධ්ව॒ර්යු-න්න ගෝර්ම॑හි॒මාන॒මව॑ තිරත්ය॒ජයා᳚ ක්රීණාති॒ සත॑පසමේ॒වෛන॑-ඞ්ක්රීණාති॒ හිර॑ණ්යේන ක්රීණාති॒ සශු॑ක්රමේ॒වෛ- [සශු॑ක්රමේ॒ව, ඒ॒න॒-ඞ්ක්රී॒ණා॒ති॒ ධේ॒න්වා ක්රී॑ණාති॒] 66

-න॑-ඞ්ක්රීණාති ධේ॒න්වා ක්රී॑ණාති॒ සාශි॑රමේ॒වෛන॑-ඞ්ක්රීණාත්යෘෂ॒භේණ॑ ක්රීණාති॒ සේන්ද්ර॑මේ॒වෛන॑-ඞ්ක්රීණාත්යන॒ඩුහා᳚ ක්රීණාති॒ වහ්නි॒ර්වා අ॑න॒ඩ්වාන්. වහ්නි॑නෛ॒ව වහ්නි॑ ය॒ජ්ඤස්ය॑ ක්රීණාති මිථු॒නාභ්යා᳚-ඞ්ක්රීණාති මිථු॒නස්යාව॑-රුද්ධ්යෛ॒ වාස॑සා ක්රීණාති සර්වදේව॒ත්යං॑-වෛඁ වා॒ස-ස්සර්වා᳚භ්ය ඒ॒වෛන॑-න්දේ॒වතා᳚භ්යඃ ක්රීණාති॒ දශ॒ ස-ම්ප॑ද්යන්තේ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජෛ॒වාන්නාද්ය॒මව॑ රුන්ධේ॒ [රුන්ධේ, තප॑ස-ස්ත॒නූර॑සි] 67

තප॑ස-ස්ත॒නූර॑සි ප්ර॒ජාප॑තේ॒-ර්වර්ණ॒ ඉත්යා॑හ ප॒ශුභ්ය॑ ඒ॒ව තද॑ද්ධ්ව॒-ර්යුර්නි හ්නු॑ත ආ॒ත්මනෝ-ऽනා᳚ව්රස්කාය॒ ගච්ඡ॑ති॒ ශ්රිය॒-ම්ප්ර ප॒ශූනා᳚ප්නෝති॒ ය ඒ॒වං-වේඁද॑ ශු॒ක්ර-න්තේ॑ ශු॒ක්රේණ॑ ක්රීණා॒මීත්යා॑හ යථා ය॒ජුරේ॒වෛත-ද්දේ॒වා වෛ යේන॒ හිර॑ණ්යේන॒ සෝම॒මක්රී॑ණ॒-න්තද॑භී॒ෂහා॒ පුන॒රා-ऽද॑දත॒ කෝ හි තේජ॑සා වික්රේ॒ෂ්යත॒ ඉති॒ යේන॒ හිර॑ණ්යේන॒ [හිර॑ණ්යේන, සෝම॑-] 68

සෝම॑-ඞ්ක්රීණී॒යා-ත්තද॑භී॒ෂහා॒ පුන॒රා ද॑දීත॒ තේජ॑ ඒ॒වා-ऽऽත්ම-න්ධ॑ත්තේ॒-ऽස්මේ ජ්යෝති॑-ස්සෝමවික්ර॒යිණි॒ තම॒ ඉත්යා॑හ॒ ජ්යෝති॑රේ॒ව යජ॑මානේ දධාති॒ තම॑සා සෝමවික්ර॒යිණ॑මර්පයති॒ යදනු॑පග්රථ්ය හ॒න්යා-ද්ද॑න්ද॒ශූකා॒ස්තාග්​ම් සමාග්​ම්॑ ස॒ර්පා-ස්ස්යු॑රි॒දම॒හග්​ම් ස॒ර්පාණා᳚-න්දන්ද॒ශූකා॑නා-ඞ්ග්රී॒වා උප॑ ග්රථ්නා॒මීත්යා॒හා-ද॑න්දශූකා॒ස්තාග්​ම් සමාග්​ම්॑ ස॒ර්පා භ॑වන්ති॒ තම॑සා සෝමවික්ර॒යිණං॑-විඁද්ධ්යති॒ ස්වාන॒ [ස්වාන॑, භ්රාජේත්යා॑හෛ॒තේ] 69

භ්රාජේත්යා॑හෛ॒තේ වා අ॒මුෂ්මි॑න් ඁලෝ॒කේ සෝම॑මරක්ෂ॒-න්තේභ්යෝ-ऽධි॒ සෝම॒මා-ऽහ॑ර॒න්॒. යදේ॒තේභ්ය॑-ස්සෝම॒ක්රය॑ණා॒-න්නානු॑දි॒ශේදක්රී॑තෝ-ऽස්ය॒ සෝම॑-ස්ස්යා॒න්නාස්යෛ॒තේ॑ ऽමුෂ්මි॑න් ඁලෝ॒කේ සෝමග්​ම්॑ රක්ෂේයු॒ර්යදේ॒තේභ්ය॑-ස්සෝම॒ක්රය॑ණානනුදි॒ශති॑ ක්රී॒තෝ᳚-ऽස්ය॒ සෝමෝ॑ භවත්යේ॒තේ᳚-ऽස්යා॒මුෂ්මි॑න් ඁලෝ॒කේ සෝමග්​ම්॑ රක්ෂන්ති ॥ 70 ॥
(සශු॑ක්රමේ॒ව - රු॑න්ධ॒ - ඉති॒ යේන॒ හිර॑ණ්යේන॒ - ස්වාන॒ - චතු॑ශ්චත්වාරිග්​ම්ශච්ච) (අ. 10)

වා॒රු॒ණෝ වෛ ක්රී॒ත-ස්සෝම॒ උප॑නද්ධෝ මි॒ත්රෝ න॒ ඒහි॒ සුමි॑ත්රධා॒ ඉත්යා॑හ॒ ශාන්ත්යා॒ ඉන්ද්ර॑ස්යෝ॒රුමා වි॑ශ॒ දක්ෂි॑ණ॒මිත්යා॑හ දේ॒වා වෛ යග්​ම් සෝම॒මක්රී॑ණ-න්තමින්ද්ර॑ස්යෝ॒රෞ දක්ෂි॑ණ॒ ආ ऽසා॑දයන්නේ॒ෂ ඛලු॒ වා ඒ॒තර්​හීන්ද්රෝ॒ යෝ යජ॑තේ॒ තස්මා॑දේ॒වමා॒හෝදායු॑ෂා ස්වා॒යුෂේත්යා॑හ දේ॒වතා॑ ඒ॒වා-න්වා॒රභ්යෝ- [ඒ॒වා-න්වා॒රභ්යෝත්, ති॒ෂ්ඨ॒ත්යු॒-ර්ව॑න්තරි॑ක්ෂ॒-] 71

-ත්ති॑ෂ්ඨත්යු॒-ර්ව॑න්තරි॑ක්ෂ॒-මන්වි॒හීත්යා॑හා-න්තරික්ෂදේව॒ත්යෝ᳚(1॒) හ්යේ॑තර්​හි॒ සෝමෝ-ऽදි॑ත්යා॒-ස්සදෝ॒-ऽස්යදි॑ත්යා॒-ස්සද॒ ආ සී॒දේත්යා॑හ යථාය॒ජුරේ॒වෛත-ද්වි වා ඒ॑නමේ॒තද॑ර්ධයති॒ ය-ද්වා॑රු॒ණග්​ම් සන්ත॑-ම්මෛ॒ත්ර-ඞ්ක॒රෝති॑ වාරු॒ණ්යර්චා-ऽऽ සා॑දයති॒ ස්වයෛ॒වෛන॑-න්දේ॒වත॑යා॒ සම॑ර්ධයති॒ වාස॑සා ප॒ර්යාන॑හ්යති සර්වදේව॒ත්යං॑-වෛඁ වාස॒-ස්සර්වා॑භිරේ॒වෛ- [වාස॒-ස්සර්වා॑භිරේ॒ව, ඒ॒න॒-න්දේ॒වතා॑භි॒-] 72

-න॑-න්දේ॒වතා॑භි॒-ස්සම॑ර්ධය॒ත්යථෝ॒ රක්ෂ॑සා॒මප॑හත්යෛ॒ වනේ॑ෂු॒ ව්ය॑න්තරි॑ක්ෂ-න්තතා॒නේත්යා॑හ॒ වනේ॑ෂු॒ හි ව්ය॑න්තරි॑ක්ෂ-න්ත॒තාන॒ වාජ॒මර්ව॒ථ්ස්විත්යා॑හ॒ වාජ॒ග්ග්॒ හ්යර්ව॑ථ්සු॒ පයෝ॑ අඝ්නි॒යාස්විත්යා॑හ॒ පයෝ॒ හ්ය॑ඝ්නි॒යාසු॑ හෘ॒ථ්සු ක්රතු॒මිත්යා॑හ හෘ॒ථ්සු හි ක්රතුං॒-වඁරු॑ණෝ වි॒ක්ෂ්ව॑ග්නිමිත්යා॑හ॒ වරු॑ණෝ॒ හි වි॒ක්ෂ්ව॑ග්නි-න්දි॒වි සූර්ය॒- [සූර්ය᳚ම්, ඉත්යා॑හ දි॒වි හි] 73

-මිත්යා॑හ දි॒වි හි සූර්ය॒ග්​ම්॒ සෝම॒මද්රා॒විත්යා॑හ॒ ග්රාවා॑ණෝ॒ වා අද්ර॑ය॒ස්තේෂු॒ වා ඒ॒ෂ සෝම॑-න්දධාති॒ යෝ යජ॑තේ॒ තස්මා॑දේ॒වමා॒හෝදු॒ ත්ය-ඤ්ජා॒තවේ॑දස॒මිති॑ සෞ॒ර්යර්චා කෘ॑ෂ්ණාජි॒න-ම්ප්ර॒ත්යාන॑හ්යති॒ රක්ෂ॑සා॒මප॑හත්යා॒ උස්රා॒වේත॑-න්ධූර්​ෂාහා॒විත්යා॑හ යථාය॒ජුරේ॒වෛත-ත්ප්ර ච්ය॑වස්ව භුවස්පත॒ ඉත්යා॑හ භූ॒තානා॒ග්॒ හ්යේ॑ [භූ॒තානා॒ග්​ම්॒ හි, ඒ॒ෂ පති॒-ර්විශ්වා᳚න්ය॒භි] 74

-ෂ පති॒-ර්විශ්වා᳚න්ය॒භි ධාමා॒නීත්යා॑හ॒ විශ්වා॑නි॒ හ්යේ᳚(1॒) ෂෝ॑-ऽභි ධාමා॑නි ප්ර॒ච්යව॑තේ॒ මා ත්වා॑ පරිප॒රී වි॑ද॒දිත්යා॑හ॒ යදේ॒වාද-ස්සෝම॑මාහ්රි॒යමා॑ණ-ඞ්ගන්ධ॒ර්වෝ වි॒ශ්වාව॑සුඃ ප॒ර්යමු॑ෂ්ණා॒-ත්තස්මා॑-දේ॒වමා॒හාප॑රිමෝෂාය॒ යජ॑මානස්ය ස්ව॒ස්ත්යය॑න්ය॒සීත්යා॑හ॒ යජ॑මානස්යෛ॒වෛෂ ය॒ජ්ඤස්යා᳚න්වාර॒භෝං ऽන॑වච්ඡිත්ත්යෛ॒ වරු॑ණෝ॒ වා ඒ॒ෂ යජ॑මානම॒භ්යෛති॒ ය- [යත්, ක්රී॒ත-ස්සෝම॒ උප॑නද්ධෝ॒ නමෝ॑] 75

-ත්ක්රී॒ත-ස්සෝම॒ උප॑නද්ධෝ॒ නමෝ॑ මි॒ත්රස්ය॒ වරු॑ණස්ය॒ චක්ෂ॑ස॒ ඉත්යා॑හ॒ ශාන්ත්යා॒ ආ සෝමං॒-වඁහ॑න්ත්ය॒ග්නිනා॒ ප්රති॑ තිෂ්ඨතේ॒ තෞ ස॒භං​වඁ ॑න්තෞ॒ යජ॑මානම॒භි ස-ම්භ॑වතඃ පු॒රා ඛලු॒ වාවෛෂ මේධා॑යා॒-ऽऽත්මාන॑මා॒රභ්ය॑ චරති॒ යෝ දී᳚ක්ෂි॒තෝ යද॑ග්නීෂෝ॒මීය॑-ම්ප॒ශුමා॒ලභ॑ත ආත්මනි॒ෂ්ක්රය॑ණ ඒ॒වාස්ය॒ ස තස්මා॒-ත්තස්ය॒ නා-ऽऽශ්ය॑-ම්පුරුෂනි॒ෂ්ක්රය॑ණ ඉව॒ හ්යථෝ॒ ඛල්වා॑හු ර॒ග්නීෂෝමා᳚භ්යාං॒-වාඁ ඉන්ද්රෝ॑ වෘ॒ත්රම॑හ॒න්නිති॒ යද॑ග්නීෂෝ॒මීය॑-ම්ප॒ශුමා॒ලභ॑ත॒ වාර්ත්ර॑ඝ්න ඒ॒වාස්ය॒ ස තස්මා᳚-ද්වා॒ශ්යං॑-වාඁරු॒ණ්යර්චා පරි॑ චරති॒ ස්වයෛ॒වෛන॑-න්දේ॒වත॑යා॒ පරි॑ චරති ॥ 76 ॥
(අ॒න්වා॒රභ්යෝථ් - සර්වා॑භිරේ॒ව - සූර්යං॑ - භූ॒තානා॒ග්॒ හ්යේ॑ - ති॒ ය - දා॑හුඃ - ස॒ප්තවිග්​ම්॑ශතිශ්ච) (අ. 11)

(ප්රා॒චීන॑වග්​ම්ශං॒ -ඁයාව॑න්ත - ඍඛ්සා॒මේ - වාග්වෛ දේ॒වේභ්යෝ॑ - දේ॒වා වෛ දේ॑ව॒යජ॑නං - ක॒ද්රූශ්ච॒ - තද්ධිර॑ණ්ය॒ග්​ම්॒ - ෂට් ප॒දානි॑ - බ්රහ්මවා॒දිනෝ॑ වි॒චිත්යෝ॒ - ය-ත්ක॒ලයා॑ තේ - වාරු॒ණෝ වෛ ක්රී॒ත-ස්සෝම॒ - ඒකා॑දශ)

(ප්රා॒චීන॑වග්​ම්ශ॒ග්ග්॒ - ස්වාහේත්යා॑හ॒ - යේ᳚-ऽන්ත-ශ්ශ॒රා - හ්යේ॑ෂ සං - තප॑සා ච॒ - යත්ක॑ර්ණගෘහී॒ - තේති॑ ලෝම॒තෝ - වා॑රු॒ණඃ - ෂට්-ථ්ස॑ප්තතිඃ )

(ප්රා॒චීන॑වග්​ම් ශ॒, ම්පරි॑ චරති)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායාං ෂෂ්ඨකාණ්ඩේ ප්රථමඃ ප්රශ්න-ස්සමාප්තඃ ॥