කෘෂ්ණ යජුර්වේදීය තෛත්තිරීය සංහිතායා-ම්පඤ්චමකාණ්ඩේ ප්රථමඃ ප්රශ්නඃ - උඛ්යාග්නිකථනං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

සා॒වි॒ත්රාණි॑ ජුහෝති॒ ප්රසූ᳚ත්යෛ චතුර්ගෘහී॒තේන॑ ජුහෝති॒ චතු॑ෂ්පාදඃ ප॒ශවඃ॑ ප॒ශූනේ॒වා-ऽව॑ රුන්ධේ॒ චත॑ස්රෝ॒ දිශෝ॑ දි॒ක්ෂ්වේ॑ව ප්රති॑ තිෂ්ඨති॒ ඡන්දාග්​ම්॑සි දේ॒වේභ්යෝ ऽපා᳚-ऽක්රාම॒-න්න වෝ॑ භා॒ගානි॑ හ॒ව්යං-වඁ ॑ක්ෂ්යාම॒ ඉති॒ තේභ්ය॑ ඒ॒තච්ච॑තු-ර්ගෘහී॒තම॑-ධාරය-න්පුරෝ-ऽනු වා॒ක්යා॑යෛ යා॒ජ්යා॑යෛ දේ॒වතා॑යෛ වෂට්කා॒රාය॒ යච්ච॑තුර්ගෘහී॒ත-ඤ්ජු॒හෝති॒ ඡන්දාග්॑ස්යේ॒ව ත-ත්ප්රී॑ණාති॒ තාන්ය॑ස්ය ප්රී॒තානි॑ දේ॒වේභ්යෝ॑ හ॒ව්යං-වඁ ॑හන්ති॒ ය-ඞ්කා॒මයේ॑ත॒ [ය-ඞ්කා॒මයේ॑ත, පාපී॑යාන්-ථ්ස්යා॒දිත්යේකෛ॑ක॒-] 1

පාපී॑යාන්-ථ්ස්යා॒දිත්යේකෛ॑ක॒-න්තස්ය॑ ජුහුයා॒-දාහු॑තීභිරේ॒වෛන॒මප॑ ගෘහ්ණාති॒ පාපී॑යා-න්භවති॒ ය-ඞ්කා॒මයේ॑ත॒ වසී॑යාන්-ථ්ස්යා॒දිති॒ සර්වා॑ණි॒ තස්යා॑-ऽනු॒ද්රුත්ය॑ ජුහුයා॒දාහු॑ත්යෛ॒වෛන॑ම॒භි ක්ර॑මයති॒ වසී॑යා-න්භව॒ත්යථෝ॑ ය॒ජ්ඤස්යෛ॒වෛෂා-ऽභික්රා᳚න්ති॒රේති॒ වා ඒ॒ෂ ය॑ජ්ඤමු॒ඛා-දෘද්ධ්යා॒ යෝ᳚-ऽග්නේර්දේ॒වතා॑යා॒ ඒත්ය॒ෂ්ටාවේ॒තානි॑ සාවි॒ත්රාණි॑ භවන්ත්ය॒ෂ්ටාක්ෂ॑රා ගාය॒ත්රී ගා॑ය॒ත්රෝ᳚- [ගා॑ය॒ත්රඃ, අ॒ග්නිස්තේනෛ॒ව] 2

-ऽග්නිස්තේනෛ॒ව ය॑ජ්ඤමු॒ඛාදෘද්ධ්යා॑ අ॒ග්නේර්දේ॒වතා॑යෛ॒ නෛත්ය॒ෂ්ටෞ සා॑වි॒ත්රාණි॑ භව॒න්ත්යාහු॑තිර්නව॒මී ත්රි॒වෘත॑මේ॒ව ය॑ජ්ඤමු॒ඛේ වියා॑තයති॒ යදි॑ කා॒මයේ॑ත॒ ඡන්දාග්​ම්॑සි යජ්ඤයශ॒සේනා᳚ ऽර්පයේය॒මිත්යෘච॑මන්ත॒මා-ඞ්කු॑ර්යා॒ච්ඡන්දාග්॑ස්යේ॒ව ය॑ජ්ඤයශ॒සේනා᳚ ऽර්පයති॒ යදි॑ කා॒මයේ॑ත॒ යජ॑මානං-යඁජ්ඤයශ॒සේනා᳚-ऽර්පයේය॒මිති॒ යජු॑රන්ත॒ම-ඞ්කු॑ර්යා॒-ද්යජ॑මානමේ॒ව ය॑ජ්ඤයශ॒සේනා᳚-ऽර්පයත්යෘ॒චා ස්තෝම॒ග්​ම්॒ සම॑ර්ධ॒යේ- [සම॑ර්ධ॒යේති॑, ආ॒හ॒ සමෘ॑ද්ධ්යෛ] 3

-ත්යා॑හ॒ සමෘ॑ද්ධ්යෛ ච॒තුර්භි॒රභ්රි॒මා ද॑ත්තේ ච॒ත්වාරි॒ ඡන්දාග්​ම්॑සි॒ ඡන්දෝ॑භිරේ॒ව දේ॒වස්ය॑ ත්වා සවි॒තුඃ ප්ර॑ස॒ව ඉත්යා॑හ॒ ප්රසූ᳚ත්යා අ॒ග්නිර්දේ॒වේභ්යෝ॒ නිලා॑යත॒ ස වේණු॒-ම්ප්රා-ऽවි॑ශ॒-ථ්ස ඒ॒තාමූ॒තිමනු॒ සම॑චර॒-ද්ය-ද්වේණෝ᳚-ස්සුෂි॒රග්​ම් සු॑ෂි॒රා-ऽභ්රි॑ර්භවති සයෝනි॒ත්වාය॒ ස යත්ර॑ය॒ත්රා-ऽව॑ස॒-ත්ත-ත්කෘ॒ෂ්ණම॑භව-ත්කල්මා॒ෂී භ॑වති රූ॒පස॑මෘද්ධ්යා උභයතඃ॒, ක්ෂ්ණූර්භ॑වතී॒තශ්චා॒-ऽ-මුත॑ශ්චා॒-ऽර්කස්යා-ව॑රුද්ධ්යෛ ව්යාමමා॒ත්රී භ॑වත්යේ॒තාව॒ද්වෛ පුරු॑ෂේ වී॒ර්යං॑-වීඁ॒ර්ය॑සම්මි॒තා ऽප॑රිමිතා භව॒ත්ය-ප॑රිමිත॒ස්යා-ऽ ව॑රුද්ධ්යෛ॒ යෝ වන॒ස්පතී॑නා-ම්ඵල॒ග්රහි॒-ස්ස ඒ॑ෂාං-වීඁ॒ර්යා॑වා-න්ඵල॒ග්රහි॒ර්වේණු॑-ර්වෛණ॒වී භ॑වති වී॒ර්ය॑ස්යා ව॑රුද්ධ්යෛ ॥ 4 ॥
(කා॒මයේ॑ත - ගාය॒ත්රෝ᳚ - ऽර්ධ॒යේති॑ - ච - ස॒ප්තවිග්​ම්॑ශතිශ්ච) (අ. 1)

ව්යෘ॑ද්ධං॒-වාඁ ඒ॒ත-ද්ය॒ජ්ඤස්ය॒ යද॑ය॒ජුෂ්කේ॑ණ ක්රි॒යත॑ ඉ॒මාම॑ගෘභ්ණ-න්රශ॒නා-මෘ॒තස්යේත්ය॑ශ්වාභි॒ධානී॒මා ද॑ත්තේ॒ යජු॑ෂ්කෘත්යෛ ය॒ජ්ඤස්ය॒ සමෘ॑ද්ධ්යෛ॒ ප්රතූ᳚ර්තං-වාඁජි॒න්නා ද්ර॒වේත්යශ්ව॑-ම॒භි ද॑ධාති රූ॒පමේ॒වා-ऽස්යෛ॒ත-න්ම॑හි॒මානං॒-ව්යාඁච॑ෂ්ටේ යු॒ඤ්ජාථා॒ග්​ම්॒ රාස॑භං-යුඁ॒වමිති॑ ගර්ද॒භ-මස॑ත්යේ॒ව ග॑ර්ද॒භ-ම්ප්රති॑ ෂ්ඨාපයති॒ තස්මා॒දශ්වා᳚-ද්ගර්ද॒භෝ-ऽස॑ත්තරෝ॒ යෝගේ॑යෝගේ ත॒වස්ත॑ර॒මිත්යා॑හ॒ [ත॒වස්ත॑ර॒මිත්යා॑හ, යෝගේ॑යෝග] 5

යෝගේ॑යෝග ඒ॒වෛනං॑-යුඁඞ්ක්තේ॒ වාජේ॑වාජේ හවාමහ॒ ඉත්යා॒හාන්නං॒-වෛඁ වාජෝ-ऽන්න॑මේ॒වාව॑ රුන්ධේ॒ සඛා॑ය॒ ඉන්ද්ර॑මූ॒තය॒ ඉත්යා॑හේන්ද්රි॒යමේ॒වාව॑ රුන්ධේ॒ ऽග්නිර්දේ॒වේභ්යෝ॒ නිලා॑යත॒ ත-ම්ප්ර॒ජාප॑ති॒රන්ව॑වින්ද-ත්ප්රාජාප॒ත්යෝ-ऽශ්වෝ ऽශ්වේ॑න॒ ස-ම්භ॑ර॒ත්යනු॑විත්ත්යෛ පාපවස්ය॒සං-වාඁ ඒ॒ත-ත්ක්රි॑යතේ॒ යච්ඡ්රේය॑සා ච॒ පාපී॑යසා ච සමා॒න-ඞ්කර්ම॑ කු॒ර්වන්ති॒ පාපී॑යා॒න්॒.- [පාපී॑යාන්, හ්යශ්වා᳚-ද්ගර්ද॒භෝ-ऽශ්ව॒-] 6

-හ්යශ්වා᳚-ද්ගර්ද॒භෝ-ऽශ්ව॒-ම්පූර්ව॑-න්නයන්ති පාපවස්ය॒-සස්ය॒ ව්යාවෘ॑ත්ත්යෛ॒ තස්මා॒ච්ඡ්රේයාග්​ම්॑ස॒-ම්පාපී॑යා-න්ප॒ශ්චාදන්වේ॑ති බ॒හුර්වෛ භව॑තෝ॒ භ්රාතෘ॑ව්යෝ॒ භව॑තීව॒ ඛලු॒ වා ඒ॒ෂ යෝ᳚-ऽග්නි-ඤ්චි॑නු॒තේ ව॒ජ්ර්යශ්වඃ॑ ප්ර॒තූර්ව॒න්නේහ්ය॑ව॒-ක්රාම॒න්න-ශ॑ස්තී॒රිත්යා॑හ॒ වජ්රේ॑ණෛ॒ව පා॒ප්මාන॒-ම්භ්රාතෘ॑ව්ය॒මව॑ ක්රාමති රු॒ද්රස්ය॒ ගාණ॑පත්යා॒දිත්යා॑හ රෞ॒ද්රා වෛ ප॒ශවෝ॑ රු॒ද්රාදේ॒ව [ ] 7

ප॒ශූ-න්නි॒ර්යාච්යා॒-ऽऽත්මනේ॒ කර්ම॑ කුරුතේ පූ॒ෂ්ණා ස॒යුජා॑ ස॒හේත්යා॑හ පූ॒ෂා වා අද්ධ්ව॑නාග්​ම් සන්නේ॒තා සම॑ෂ්ට්යෛ॒ පුරී॑ෂායතනෝ॒ වා ඒ॒ෂ යද॒ග්නිරඞ්ගි॑රසෝ॒ වා ඒ॒තමග්රේ॑ දේ॒වතා॑නා॒ග්​ම්॒ සම॑භර-න්පෘථි॒ව්යා-ස්ස॒ධස්ථා॑ද॒ග්නි-ම්පු॑රී॒ෂ්ය॑-මඞ්ගිර॒ස්ව-දච්ඡේ॒හීත්යා॑හ॒ සාය॑තනමේ॒වෛන॑-න්දේ॒වතා॑භි॒-ස්ස-ම්භ॑රත්ය॒ග්නි-ම්පු॑රී॒ෂ්ය॑-මඞ්ගිර॒ස්ව- දච්ඡේ॑ම॒ ඉත්යා॑හ॒ යේන॑ [ ] 8

ස॒ඞ්ගච්ඡ॑තේ॒ වාජ॑මේ॒වාස්ය॑ වෘඞ්ක්තේ ප්ර॒ජාප॑තයේ ප්රති॒ප්රෝච්යා॒ග්නි-ස්ස॒ම්භෘත්ය॒ ඉත්යා॑හුරි॒යං-වෛඁ ප්ර॒ජාප॑ති॒ස්තස්යා॑ ඒ॒තච්ඡ්රෝත්රං॒-යඁද්ව॒ල්මීකෝ॒-ऽග්නි-ම්පු॑රී॒ෂ්ය॑-මඞ්ගිර॒ස්ව-ද්භ॑රිෂ්යාම॒ ඉති॑ වල්මීකව॒පාමුප॑ තිෂ්ඨතේ සා॒ක්ෂාදේ॒ව ප්ර॒ජාප॑තයේ ප්රති॒ප්රෝච්යා॒-ऽග්නිග්​ම් ස-ම්භ॑රත්ය॒ග්නි-ම්පු॑රී॒ෂ්ය॑-මඞ්ගිර॒ස්ව-ද්භ॑රාම॒ ඉත්යා॑හ॒ යේන॑ ස॒ගඤ්ච්ඡ॑තේ॒ වාජ॑මේ॒වාස්ය॑ වෘ॒ඞ්ක්තේ ऽන්ව॒ග්නිරු॒ෂසා॒මග්ර॑- [-ऽන්ව॒ග්නිරු॒ෂසා॒මග්ර᳚ම්, අ॒ඛ්ය॒දිත්යා॒හා-] 9

-මඛ්ය॒දිත්යා॒හා-නු॑ඛ්යාත්යා ආ॒ගත්ය॑ වා॒ජ්යද්ධ්ව॑න ආ॒ක්රම්ය॑ වාජි-න්පෘථි॒වීමිත්යා॑හේ॒ච්ඡත්යේ॒වෛන॒-ම්පූර්ව॑යා වි॒න්දත්යුත්ත॑රයා॒ ද්වාභ්යා॒මා ක්ර॑මයති॒ ප්රති॑ෂ්ඨිත්යා॒ අනු॑රූපාභ්යා॒-න්තස්මා॒දනු॑රූපාඃ ප॒ශවඃ॒ ප්රජා॑යන්තේ॒ ද්යෞස්තේ॑ පෘ॒ෂ්ඨ-ම්පෘ॑ථි॒වී ස॒ධස්ථ॒මිත්යා॑හෛ॒භ්යෝ වා ඒ॒තං-ලෝඁ॒කේභ්යඃ॑ ප්ර॒ජාප॑ති॒-ස්සමෛ॑රය-ද්රූ॒පමේ॒වාස්යෛ॒-තන්ම॑හි॒මානං॒-ව්යාඁච॑ෂ්ටේ ව॒ජ්රී වා ඒ॒ෂ යදශ්වෝ॑ ද॒-ද්භිර॒න්යතෝ॑දද්භ්යෝ॒ භූයාං॒-ලෝඁම॑භිරුභ॒යාද॑ද්භ්යෝ॒ ය-න්ද්වි॒ෂ්යා-ත්තම॑ධස්ප॒ද-න්ධ්යා॑යේ॒-ද්වජ්රේ॑ණෛ॒වෛනග්ග්॑ ස්තෘණුතේ ॥ 10 ॥
(ආ॒හ॒ - පාපී॑යාන් - රු॒ද්රාදේ॒ව - යේනා - ऽග්රං॑ - ඁව॒ජ්රී වෛ - ස॒ප්තද॑ශ ච) (අ. 2)

උත්ක්රා॒මෝ-ද॑ක්රමී॒දිති॒ ද්වාභ්යා॒මුත්ක්ර॑මයති॒ ප්රති॑ෂ්ඨිත්යා॒ අනු॑රූපාභ්යා॒-න්තස්මා॒දනු॑රූපාඃ ප॒ශවඃ॒ ප්රජා॑යන්තේ॒ ऽප උප॑ සෘජති॒ යත්ර॒ වා ආප॑ උප॒ ගච්ඡ॑න්ති॒ තදෝෂ॑ධයඃ॒ ප්රති॑ තිෂ්ඨ॒න්ත්යෝෂ॑ධීඃ ප්රති॒තිෂ්ඨ॑න්තීඃ ප॒ශවෝ-ऽනු॒ ප්රති॑ තිෂ්ඨන්ති ප॒ශූන්. ය॒ජ්ඤෝ ය॒ජ්ඤං-යඁජ॑මානෝ॒ යජ॑මාන-ම්ප්ර॒ජාස්තස්මා॑ද॒ප උප॑ සෘජති॒ ප්රති॑ෂ්ඨිත්යෛ॒ යද॑ද්ධ්ව॒ර්යු-ර॑න॒ග්නාවාහු॑ති-ඤ්ජුහු॒යාද॒න්ධෝ᳚ ऽද්ධ්ව॒ර්යු- [-ऽද්ධ්ව॒ර්යුඃ, ස්යා॒-ද්රක්ෂාග්​ම්॑සි] 11

-ස්ස්යා॒-ද්රක්ෂාග්​ම්॑සි ය॒ජ්ඤග්​ම් හ॑න්යු॒ර්॒හිර॑ණ්යමු॒පාස්ය॑ ජුහෝත්යග්නි॒වත්යේ॒ව ජු॑හෝති॒ නාන්ධෝ᳚-ऽද්ධ්ව॒ර්යුර්භව॑ති॒ න ය॒ජ්ඤග්​ම් රක්ෂාග්​ම්॑සි ඝ්නන්ති॒ ජිඝ॑ර්ම්ය॒ග්නි-ම්මන॑සා ඝෘ॒තේනේත්යා॑හ॒ මන॑සා॒ හි පුරු॑ෂෝ ය॒ජ්ඤම॑භි॒ගච්ඡ॑ති ප්රති॒ක්ෂ්යන්ත॒-ම්භුව॑නානි॒ විශ්වේත්යා॑හ॒ සර්ව॒ග්ග්॒ හ්යේ॑ෂ ප්ර॒ත්ය-ඞ්ක්ෂේති॑ පෘ॒ථු-න්ති॑ර॒ශ්චා වය॑සා බෘ॒හන්ත॒මිත්යා॒හා-ऽල්පෝ॒ හ්යේ॑ෂ ජා॒තෝ ම॒හා- [ම॒හාන්, භව॑ති॒] 12

-න්භව॑ති॒ ව්යචි॑ෂ්ඨ॒මන්නග්​ම්॑ රභ॒සං-විඁදා॑න॒මිත්යා॒හා ऽන්න॑මේ॒වා-ऽස්මෛ᳚ ස්වදයති॒ සර්ව॑මස්මෛ ස්වදතේ॒ ය ඒ॒වං-වේඁදා ऽऽත්වා॑ ජිඝර්මි॒ වච॑සා ඝෘ॒තේනේත්යා॑හ॒ තස්මා॒-ද්ය-ත්පුරු॑ෂෝ॒ මන॑සා-ऽභි॒ගච්ඡ॑ති॒ ත-ද්වා॒චා ව॑දත්ය ර॒ක්ෂසේත්යා॑හ॒ රක්ෂ॑සා॒මප॑හත්යෛ॒ මර්ය॑ශ්රී-ස්ස්පෘහ॒ය-ද්ව॑ර්ණෝ අ॒ග්නිරිත්යා॒හා-ප॑චිතිමේ॒වා-ऽස්මි॑-න්දධා॒ත්ය-ප॑චිතිමා-න්භවති॒ ය ඒ॒වං- [ය ඒ॒වම්, වේද॒ මන॑සා॒ ත්වෛ] 13

-ඁවේද॒ මන॑සා॒ ත්වෛ තාමාප්තු॑මර්​හති॒ යාම॑ද්ධ්ව॒ර්යුර॑-න॒ග්නාවාහු॑ති-ඤ්ජු॒හෝති॒ මන॑ස්වතීභ්යා-ඤ්ජුහෝ॒ත්යාහු॑ත්යෝ॒රාප්ත්යෛ॒ ද්වාභ්යා॒-ම්ප්රති॑ෂ්ඨිත්යෛ යජ්ඤමු॒ඛේ ය॑ජ්ඤමුඛේ॒ වෛ ක්රි॒යමා॑ණේ ය॒ජ්ඤග්​ම් රක්ෂාග්​ම්॑සි ජිඝාග්​ම් සන්ත්යේ॒තර්​හි॒ ඛලු॒ වා ඒ॒ත-ද්ය॑ජ්ඤමු॒ඛං-යඁර්​හ්යේ॑න॒-දාහු॑ති-රශ්ඤු॒තේ පරි॑ ලිඛති॒ රක්ෂ॑සා॒මප॑හත්යෛ ති॒සෘභිඃ॒ පරි॑ ලිඛති ත්රි॒වෘද්වා අ॒ග්නිර්යාවා॑නේ॒වා-ऽග්නිස්තස්මා॒-ද්රක්ෂා॒ග්॒ස්යප॑ හන්ති [හන්ති, ගා॒ය॒ත්රි॒යා පරි॑] 14

ගායත්රි॒යා පරි॑ ලිඛති॒ තේජෝ॒ වෛ ගා॑ය॒ත්රී තේජ॑සෛ॒වෛන॒-ම්පරි॑ගෘහ්ණාති ත්රි॒ෂ්ටුභා॒ පරි॑ ලිඛතීන්ද්රි॒යං-වෛඁ ත්රි॒ෂ්ටු-ගි॑න්ද්රි॒යේණෛ॒වෛන॒-ම්පරි॑ ගෘහ්ණාත්යනු॒ෂ්ටුභා॒ පරි॑ ලිඛත්යනු॒ෂ්ටු-ඵ්සර්වා॑ණි॒ ඡන්දාග්​ම්॑සි පරි॒භූඃ පර්යා᳚ප්ත්යෛ මද්ධ්ය॒තෝ॑-ऽනු॒ෂ්ටුභා॒ වාග්වා අ॑නු॒ෂ්ටු-ප්තස්මා᳚-න්මද්ධ්ය॒තෝ වා॒චා ව॑දාමෝ ගායත්රි॒යා ප්ර॑ථ॒මයා॒ පරි॑ ලිඛ॒ත්යථා॑-ऽනු॒ෂ්ටුභා-ऽථ॑ ත්රි॒ෂ්ටුභා॒ තේජෝ॒ වෛ ගා॑ය॒ත්රී ය॒ජ්ඤෝ॑ ऽනු॒ෂ්ටුගි॑න්ද්රි॒ය-න්ත්රි॒ෂ්ටු-ප්තේජ॑සා චෛ॒වේන්ද්රි॒යේණ॑ චෝභ॒යතෝ॑ ය॒ජ්ඤ-ම්පරි॑ ගෘහ්ණාති ॥ 15 ॥
(අ॒න්ධෝ᳚-ऽද්ධ්ව॒ර්යු - ර්ම॒හාන් - භ॑වති॒ ය ඒ॒වග්​ම් - හ॑න්ති - ත්රි॒ෂ්ටුභා॒ තේජෝ॒ වෛ ගා॑ය॒ත්රී - ත්රයෝ॑දශ ච) (අ. 3)

දේ॒වස්ය॑ ත්වා සවි॒තුඃ ප්ර॑ස॒ව ඉති॑ ඛනති॒ ප්රසූ᳚ත්යා॒ අථෝ॑ ධූ॒ම-මේ॒වෛතේන॑ ජනයති॒ ජ්යෝති॑ෂ්මන්ත-න්ත්වා-ऽග්නේ සු॒ප්රතී॑ක॒-මිත්යා॑හ॒ ජ්යෝති॑රේ॒වෛතේන॑ ජනයති॒ සෝ᳚-ऽග්නිර්ජා॒තඃ ප්ර॒ජා-ශ්ශු॒චා-ऽऽර්ප॑ය॒-ත්ත-න්දේ॒වා අ॑ර්ධ॒ර්චේනා॑-ශමයඤ්ඡි॒ව-ම්ප්ර॒ජාභ්යෝ-ऽහිග්​ම්॑ සන්ත॒මිත්යා॑හ ප්ර॒ජාභ්ය॑ ඒ॒වෛනග්​ම්॑ ශමයති॒ ද්වාභ්යා᳚-ඞ්ඛනති॒ ප්රති॑ෂ්ඨිත්යා අ॒පා-ම්පෘ॒ෂ්ඨම॒සීති॑ පුෂ්කරප॒ර්ණමා [පුෂ්කරප॒ර්ණමා, හ॒ර॒ත්ය॒පාං-වාඁ] 16

හ॑රත්ය॒පාං-වාඁ ඒ॒ත-ත්පෘ॒ෂ්ඨං-යඁ-ත්පු॑ෂ්කරප॒ර්ණග්​ම් රූ॒පේණෛ॒වෛන॒දා හ॑රති පුෂ්කරප॒ර්ණේන॒ ස-ම්භ॑රති॒ යෝනි॒ර්වා අ॒ග්නේඃ පු॑ෂ්කරප॒ර්ණග්​ම් සයෝ॑නිමේ॒වාග්නිග්​ම් සම්භ॑රති කෘෂ්ණාජි॒නේන॒ සම්භ॑රති ය॒ජ්ඤෝ වෛ කෘ॑ෂ්ණාජි॒නං-යඁ॒ජ්ඤේනෛ॒ව ය॒ජ්ඤග්​ම් සම්භ॑රති॒ ය-ද්ග්රා॒ම්යාණා᳚-ම්පශූ॒නා-ඤ්චර්ම॑ණා ස॒ම්භරේ᳚-ද්ග්රා॒ම්යා-න්ප॒ශූඤ්ඡු॒චා-ऽර්ප॑යේ-ත්කෘෂ්ණාජි॒නේන॒ සම්භ॑රත්යාර॒ණ්යානේ॒ව ප॒ශූ- [ප॒ශූන්, ශු॒චා-ऽර්ප॑යති॒] 17

-ඤ්ඡු॒චා-ऽර්ප॑යති॒ තස්මා᳚-ථ්ස॒මාව॑-ත්පශූ॒නා-ම්ප්ර॒ජාය॑මානානා-මාර॒ණ්යාඃ ප॒ශවඃ॒ කනී॑යාග්​ම්ස-ශ්ශු॒චා හ්යෘ॑තා ලෝ॑ම॒ත-ස්සම්භ॑ර॒ත්යතෝ॒ හ්ය॑ස්ය॒ මේද්ධ්ය॑-ඞ්කෘෂ්ණාජි॒න-ඤ්ච॑ පුෂ්කරප॒ර්ණ-ඤ්ච॒ සග්ග්​ ස්තෘ॑ණාතී॒යං-වෛඁ කෘ॑ෂ්ණාජි॒නම॒සෞ පු॑ෂ්කරප॒ර්ණ-මා॒භ්යා-මේ॒වෛන॑-මුභ॒යතඃ॒ පරි॑ගෘහ්ණාත්ය॒-ග්නිර්දේ॒වේභ්යෝ॒ නිලා॑යත॒ තමථ॒ර්වා-ऽන්ව॑පශ්ය॒දථ॑ර්වා ත්වා ප්රථ॒මෝ නිර॑මන්ථදග්න॒ ඉ- [නිර॑මන්ථදග්න॒ ඉති॑, ආ॒හ॒ ය ඒ॒වෛන॑-] 18

-ත්යා॑හ॒ ය ඒ॒වෛන॑-ම॒න්වප॑ශ්ය॒-ත්තේනෛ॒වෛන॒ග්​ම්॒ සම්භ॑රති॒ ත්වාම॑ග්නේ॒ පුෂ්ක॑රා॒දධීත්යා॑හ පුෂ්කරප॒ර්ණේ හ්යේ॑න॒මුප॑ශ්රිත॒-මවි॑න්ද॒-ත්තමු॑ ත්වා ද॒ද්ධ්යඞ්ඞෘෂි॒රිත්යා॑හ ද॒ද්ධ්යඞ් වා ආ॑ථර්ව॒ණ-ස්තේ॑ජ॒ස්ව්යා॑සී॒-ත්තේජ॑ ඒ॒වාස්මි॑-න්දධාති॒ තමු॑ ත්වා පා॒ථ්යෝ වෘෂේත්යා॑හ॒ පූර්ව॑මේ॒වෝදි॒ත-මුත්ත॑රේණා॒භි ගෘ॑ණාති [ගෘ॑ණාති, ච॒ත॒සෘභි॒-ස්සම්භ॑රති] 19

චත॒සෘභි॒-ස්සම්භ॑රති ච॒ත්වාරි॒ ඡන්දාග්​ම්॑සි॒ ඡන්දෝ॑භිරේ॒ව ගා॑ය॒ත්රීභි॑ර්බ්රාහ්ම॒ණස්ය॑ ගාය॒ත්රෝ හි බ්රා᳚හ්ම॒ණ-ස්ත්රි॒ෂ්ටුග්භී॑ රාජ॒න්ය॑ස්ය॒ ත්රෛෂ්ටු॑භෝ॒ හි රා॑ජ॒න්යෝ॑ ය-ඞ්කා॒මයේ॑ත॒ වසී॑යාන්-ථ්ස්යා॒දිත්යු॒භයී॑භි॒ස්තස්ය॒ සම්භ॑රේ॒-ත්තේජ॑ශ්චෛ॒වා-ऽස්මා॑ ඉන්ද්රි॒ය-ඤ්ච॑ ස॒මීචී॑ දධාත්යෂ්ටා॒භි-ස්සම්භ॑රත්ය॒ෂ්ටාක්ෂ॑රා ගාය॒ත්රී ගා॑ය॒ත්රෝ᳚ ऽග්නිර්යාවා॑නේ॒වා-ऽග්නිස්තග්​ම් සම්භ॑රති॒ සීද॑ හෝත॒රිත්යා॑- -හ දේ॒වතා॑ ඒ॒වාස්මෛ॒ සග්​ම් සා॑දයති॒ නි හෝතේති॑ මනු॒ෂ්යා᳚න්-ථ්සග්​ම් සී॑ද॒ස්වේති॒ වයාග්​ම්॑සි॒ ජනි॑ෂ්වා॒ හි ජේන්යෝ॒ අග්රේ॒ අහ්නා॒මිත්යා॑හ දේව මනු॒ෂ්යානේ॒වා-ऽස්මෛ॒ සග්​ම්ස॑න්නා॒-න්ප්රජ॑නයති ॥ 20
(ඓ - ව ප॒ශූ - නිති॑ - ගෘණාති - හෝත॒රිති॑ - ස॒ප්තවිග්​ම්॑ශතිශ්ච) (අ. 4)

ක්රූ॒රමි॑ව॒ වා අ॑ස්යා ඒ॒ත-ත්ක॑රෝති॒ ය-ත්ඛන॑ත්ය॒ප උප॑ සෘජ॒ත්යාපෝ॒ වෛ ශා॒න්තා-ශ්ශා॒න්තාභි॑රේ॒වා-ऽස්යෛ॒ ශුචග්​ම්॑ ශමයති॒ ස-න්තේ॑ වා॒යුර්මා॑ත॒රිශ්වා॑ දධා॒ත්විත්යා॑හ ප්රා॒ණෝ වෛ වා॒යුඃ ප්රා॒ණේනෛ॒වාස්යෛ᳚ ප්රා॒ණග්​ම් ස-න්ද॑ධාති॒ ස-න්තේ॑ වා॒යුරිත්යා॑හ॒ තස්මා᳚-ද්වා॒යුප්ර॑ච්යුතා දි॒වෝ වෘෂ්ටි॑රීර්තේ॒ තස්මෛ॑ ච දේවි॒ වෂ॑ඩස්තු॒ [වෂ॑ඩස්තු, තුභ්ය॒මිත්යා॑හ॒] 21

තුභ්ය॒මිත්යා॑හ॒ ෂඩ්වා ඍ॒තව॑ ඍ॒තුෂ්වේ॒ව වෘෂ්ටි॑-න්දධාති॒ තස්මා॒-ථ්සර්වා॑නෘ॒තූන්. ව॑ර්​ෂති॒ ය-ද්ව॑ෂට්කු॒ර්යා-ද්යා॒තයා॑මා-ऽස්ය වෂට්කා॒ර-ස්ස්යා॒ද්යන්න ව॑ෂට්කු॒ර්යා-ද්රක්ෂාග්​ම්॑සි ය॒ජ්ඤග්​ම් හ॑න්යු॒ර්වඩිත්යා॑හ ප॒රෝක්ෂ॑මේ॒ව වෂ॑-ට්කරෝති॒ නාස්ය॑ යා॒තයා॑මා වෂට්කා॒රෝ භව॑ති॒ න ය॒ජ්ඤග්​ම් රක්ෂාග්​ම්॑සි ඝ්නන්ති॒ සුජා॑තෝ॒ ජ්යෝති॑ෂා ස॒හේත්ය॑නු॒ෂ්ටුභෝප॑ නහ්යත්යනු॒ෂ්ටු- [නහ්යත්යනු॒ෂ්ටුප්, සර්වා॑ණි॒ ඡන්දාග්​ම්॑සි॒] 22

-ඵ්සර්වා॑ණි॒ ඡන්දාග්​ම්॑සි॒ ඡන්දාග්​ම්॑සි॒ ඛලු॒ වා අ॒ග්නේඃ ප්රි॒යා ත॒නූඃ ප්රි॒යයෛ॒වෛන॑-න්ත॒නුවා॒ පරි॑ දධාති॒ වේදු॑කෝ॒ වාසෝ॑ භවති॒ය ඒ॒වං-වේඁද॑ වාරු॒ණෝ වා අ॒ග්නිරුප॑නද්ධ॒ උදු॑ තිෂ්ඨ ස්වද්ධ්වරෝ॒ර්ධ්ව ඌ॒ ෂුණ॑ ඌ॒තය॒ ඉති॑ සාවි॒ත්රීභ්යා॒මු-ත්ති॑ෂ්ඨති සවි॒තෘප්ර॑සූත ඒ॒වාස්යෝ॒ර්ධ්වාං-වඁ ॑රුණමේ॒නිමු-ථ්සෘ॑ජති॒ ද්වාභ්යා॒-ම්ප්රති॑ෂ්ඨිත්යෛ॒ ස ජා॒තෝ ගර්භෝ॑ අසි॒ [ගර්භෝ॑ අසි, රෝද॑ස්යෝ॒රිත්යා॑හේ॒මේ] 23

රෝද॑ස්යෝ॒රිත්යා॑හේ॒මේ වෛ රෝද॑සී॒ තයෝ॑රේ॒ෂ ගර්භෝ॒ යද॒ග්නි-ස්තස්මා॑-දේ॒වමා॒හාග්නේ॒ චාරු॒ර්විභෘ॑ත॒ ඕෂ॑ධී॒ෂ්විත්යා॑හ ය॒දා හ්යේ॑තං-විඁ॒භර॒න්ත්යථ॒ චාරු॑තරෝ॒ භව॑ති॒ ප්ර මා॒තෘභ්යෝ॒ අධි॒ කනි॑ක්රද-ද්ගා॒ ඉත්යා॒හෞෂ॑ධයෝ॒ වා අ॑ස්ය මා॒තර॒ස්තාභ්ය॑ ඒ॒වෛන॒-ම්ප්රච්යා॑වයති ස්ථි॒රෝ භ॑ව වී॒ඩ්ව॑ඞ්ග॒ ඉති॑ ගර්ද॒භ ආ සා॑දයති॒ [ආ සා॑දයති, ස-න්න॑හ්යත්යේ॒වෛන॑-] 24

ස-න්න॑හ්යත්යේ॒වෛන॑-මේ॒තයා᳚ ස්ථේ॒ම්නේ ග॑ර්ද॒භේන॒ සම්භ॑රති॒ තස්මා᳚-ද්ගර්ද॒භඃ ප॑ශූ॒නා-ම්භා॑රභා॒රිත॑මෝ ගර්ද॒භේන॒ ස-ම්භ॑රති॒ තස්මා᳚-ද්ගර්ද॒භෝ-ऽප්ය॑නාලේ॒ශේ-ऽත්ය॒න්යා-න්ප॒ශූ-න්මේ᳚ද්ය॒ත්යන්න॒ග්ග්॒ හ්යේ॑නේනා॒-ऽර්කග්​ම් ස॒ම්භර॑න්ති ගර්ද॒භේන॒ සම්භ॑රති॒ තස්මා᳚-ද්ගර්ද॒භෝ ද්වි॒රේතා॒-ස්සන් කනි॑ෂ්ඨ-ම්පශූ॒නා-ම්ප්රජා॑යතේ॒-ऽග්නිර්​හ්ය॑ස්ය॒ යෝනි॑-න්නි॒ර්දහ॑ති ප්ර॒ජාසු॒ වා ඒ॒ෂ ඒ॒තර්​හ්යාරූ॑ඪ॒- [ඒ॒තර්​හ්යාරූ॑ඪඃ, ස ඊ᳚ශ්ව॒රඃ ප්ර॒ජා-ශ්ශු॒චා] 25

-ස්ස ඊ᳚ශ්ව॒රඃ ප්ර॒ජා-ශ්ශු॒චා ප්ර॒දහ॑-ශ්ශි॒වෝ භ॑ව ප්ර॒ජාභ්ය॒ ඉත්යා॑හ ප්ර॒ජාභ්ය॑ ඒ॒වෛනග්​ම්॑ ශමයති॒ මානු॑ෂීභ්ය॒ස්ත්වම॑ඞ්ගිර॒ ඉත්යා॑හ මාන॒ව්යෝ॑ හි ප්ර॒ජා මා ද්යාවා॑පෘථි॒වී අ॒භි ශූ॑ශුචෝ॒ මා-ऽන්තරි॑ක්ෂ॒-ම්මා වන॒ස්පතී॒නිත්යා॑හෛ॒භ්ය ඒ॒වෛනං॑-ලෝඁ॒කේභ්ය॑-ශ්ශමයති॒ ප්රෛතු॑ වා॒ජී කනි॑ක්රද॒දිත්යා॑හ වා॒ජී හ්යේ॑ෂ නාන॑ද॒-ද්රාස॑භඃ॒ පත්වේ- [පත්වේති, ආ॒හ॒ රාස॑භ॒ ඉති॒] 26

-ත්යා॑හ॒ රාස॑භ॒ ඉති॒ හ්යේ॑තමෘෂ॒යෝ-ऽව॑ද॒-න්භර॑න්න॒ග්නි-ම්පු॑රී॒ෂ්ය॑මිත්යා॑හා॒-ऽග්නිග්ග්​ හ්යේ॑ෂ භර॑ති॒ මා පා॒ද්යායු॑ෂඃ පු॒රේත්යා॒හා-ऽऽයු॑රේ॒වා-ऽස්මි॑-න්දධාති॒ තස්මා᳚-ද්ගර්ද॒භ-ස්සර්ව॒මායු॑රේති॒ තස්මා᳚-ද්ගර්ද॒භේ පු॒රා-ऽऽයු॑ෂඃ॒ ප්රමී॑තේ බිභ්යති॒ වෘෂා॒-ऽග්නිං-වෘඁෂ॑ණ॒-ම්භර॒න්නිත්යා॑හ॒ වෘෂා॒ හ්යේ॑ෂ වෘෂා॒-ऽග්නිර॒පා-ඞ්ගර්භග්​ම්॑ - [වෘෂා॒-ऽග්නිර॒පා-ඞ්ගර්භ᳚ම්, ස॒මු॒ද්රිය॒-] 27

සමු॒ද්රිය॒-මිත්යා॑හා॒-ऽපාග්​ හ්යේ॑ෂ ගර්භෝ॒ යද॒ග්නිරග්න॒ ආ යා॑හි වී॒තය॒ ඉති॒ වා ඉ॒මෞ ලෝ॒කෞ ව්යෛ॑තා॒මග්න॒ ආ යා॑හි වී॒තය॒ ඉති॒ යදාහා॒ ऽනයෝ᳚ර්ලෝ॒කයෝ॒-ර්වීත්යෛ॒ ප්රච්යු॑තෝ॒ වා ඒ॒ෂ ආ॒යත॑නා॒දග॑තඃ ප්රති॒ෂ්ඨාග්​ම් ස ඒ॒තර්​හ්ය॑ද්ධ්ව॒ර්යු-ඤ්ච॒ යජ॑මාන-ඤ්ච ද්ධ්යායත්යෘ॒තග්​ම් ස॒ත්යමිත්යා॑හේ॒යං-වාඁ ඍ॒තම॒සෞ [ ] 28

ස॒ත්යම॒නයෝ॑රේ॒වෛන॒-ම්ප්රති॑ ෂ්ඨාපයති॒ නා-ऽऽර්ති॒මාර්ච්ඡ॑ත්යද්ධ්ව॒ර්යුර්න යජ॑මානෝ॒ වරු॑ණෝ॒ වා ඒ॒ෂ යජ॑මානම॒භ්යෛති॒ යද॒ග්නිරුප॑නද්ධ॒ ඕෂ॑ධයඃ॒ ප්රති॑ ගෘහ්ණීතා॒ග්නිමේ॒ත-මිත්යා॑හ॒ ශාන්ත්යෛ॒ ව්යස්ය॒න් විශ්වා॒ අම॑තී॒රරා॑තී॒-රිත්යා॑හ॒ රක්ෂ॑සා॒මප॑හත්යෛ නි॒ෂීද॑-න්නෝ॒ අප॑ දුර්ම॒තිග්​ම් හ॑න॒දිත්යා॑හ॒ ප්රති॑ෂ්ඨිත්යා॒ ඕෂ॑ධයඃ॒ ප්රති॑මෝදද්ධ්ව- [ප්රති॑මෝදද්ධ්වම්, ඒ॒න॒මිත්යා॒හෞෂ॑ධයෝ॒] 29

-මේන॒මිත්යා॒හෞෂ॑ධයෝ॒ වා අ॒ග්නේර්භා॑ග॒ධේය॒-න්තාභි॑රේ॒වෛන॒ග්​ම්॒ සම॑ර්ධයති॒ පුෂ්පා॑වතී-ස්සුපිප්ප॒ලා ඉත්යා॑හ॒ තස්මා॒දෝෂ॑ධයඃ॒ ඵල॑-ඞ්ගෘහ්ණන්ත්ය॒ යං-වෝඁ॒ ගර්භ॑ ඍ॒ත්වියඃ॑ ප්ර॒ත්නග්​ම් ස॒ධස්ථ॒මා-ऽස॑ද॒දිත්යා॑හ॒ යාභ්ය॑ ඒ॒වෛන॑-ම්ප්රච්යා॒වය॑ති॒ තාස්වේ॒වෛන॒-ම්ප්රති॑ෂ්ඨාපයති॒ ද්වාභ්යා॑මු॒පාව॑හරති॒ ප්රති॑ෂ්ඨිත්යෛ ॥ 30 ॥
(අ॒ස්ත්ව॒ - නු॒ෂ්ටු - බ॑සි - සාදය॒ත්යා - රූ॑ඪඃ॒-පත්වේති॒-ගර්භ॑-ම॒සෞ - මෝ॑දද්ධ්වං॒ - ද්විච॑ත්වාරිග්​ම්ශච්ච) (අ. 5)

වා॒රු॒ණෝ වා අ॒ග්නිරුප॑නද්ධෝ॒ වි පාජ॒සේති॒ විස්රග්​ම්॑සයති සවි॒තෘප්ර॑සූත ඒ॒වාස්ය॒ විෂූ॑චීං-වඁරුණමේ॒නිං-විඁසෘ॑ජත්ය॒ප උප॑ සෘජ॒ත්යාපෝ॒ වෛ ශා॒න්තා-ශ්ශා॒න්තාභි॑රේ॒වාස්ය॒ ශුචග්​ම්॑ ශමයති ති॒සෘභි॒රුප॑ සෘජති ත්රි॒වෘද්වා අ॒ග්නිර්යාවා॑නේ॒වා-ග්නිස්තස්ය॒ ශුචග්​ම්॑ ශමයති මි॒ත්ර-ස්ස॒ග්​ම්॒සෘජ්ය॑ පෘථි॒වීමිත්යා॑හ මි॒ත්රෝ වෛ ශි॒වෝ දේ॒වානා॒-න්තේනෛ॒වෛ- [දේ॒වානා॒-න්තේනෛ॒ව, ඒ॒න॒ග්​ම්॒ සග්​ම් සෘ॑ජති॒] 31

-න॒ග්​ම්॒ සග්​ම් සෘ॑ජති॒ ශාන්ත්යෛ॒ යද්ග්රා॒ම්යාණා॒-ම්පාත්රා॑ණා-ඞ්ක॒පාලෛ᳚-ස්සග්​ම්සෘ॒ජේ-ද්ග්රා॒ම්යාණි॒ පාත්රා॑ණි ශු॒චා-ऽර්ප॑යේදර්මකපා॒ලෛ-ස්සග්​ම් සෘ॑ජත්යේ॒තානි॒ වා අ॑නුපජීවනී॒යානි॒ තාන්යේ॒ව ශු॒චා-ऽර්ප॑යති॒ ශර්ක॑රාභි॒-ස්සග්​ම් සෘ॑ජති॒ ධෘත්යා॒ අථෝ॑ ශ॒න්ත්වායා॑ ජලෝ॒මෛ-ස්සග්​ම් සෘ॑ජත්යේ॒ෂා වා අ॒ග්නේඃ ප්රි॒යා ත॒නූර්යද॒ජා ප්රි॒යයෛ॒වෛන॑-න්ත॒නුවා॒ සග්​ම් සෘ॑ජ॒ත්යථෝ॒ තේජ॑සා කෘෂ්ණාජි॒නස්ය॒ ලෝම॑භි॒-ස්සග්​ම් - [ලෝම॑භි॒-ස්සම්, සෘ॒ජ॒ති॒ ය॒ජ්ඤෝ වෛ] 32

සෘ॑ජති ය॒ජ්ඤෝ වෛ කෘ॑ෂ්ණාජි॒නං-යඁ॒ජ්ඤේනෛ॒ව ය॒ජ්ඤග්​ම් සග්​ම් සෘ॑ජති රු॒ද්රා-ස්ස॒භෘත්ය॑ පෘථි॒වීමිත්යා॑හෛ॒තා වා ඒ॒ත-න්දේ॒වතා॒ අග්රේ॒ සම॑භර॒-න්තාභි॑රේ॒වෛන॒ග්​ම්॒ සම්භ॑රති ම॒ඛස්ය॒ ශිරෝ॒-ऽසීත්යා॑හ ය॒ජ්ඤෝ වෛ ම॒ඛස්තස්යෛ॒ත-ච්ඡිරෝ॒ යදු॒ඛා තස්මා॑දේ॒වමා॑හ ය॒ජ්ඤස්ය॑ ප॒දේ ස්ථ॒ ඉත්යා॑හ ය॒ජ්ඤස්ය॒ හ්යේ॑තේ [ ] 33

ප॒දේ අථෝ॒ ප්රති॑ෂ්ඨිත්යෛ॒ ප්රා-ऽන්යාභි॒-ර්යච්ඡ॒ත්යන්ව॒න්යෛ-ර්ම॑න්ත්රයතේ මිථුන॒ත්වාය॒ ත්ර්යු॑ද්ධි-ඞ්කරෝති॒ ත්රය॑ ඉ॒මේ ලෝ॒කා ඒ॒ෂාං-ලෝඁ॒කානා॒මාප්ත්යෛ॒ ඡන්දෝ॑භිඃ කරෝති වී॒ර්යං॑-වෛඁ ඡන්දාග්​ම්॑සි වී॒ර්යේ॑ණෛ॒වෛනා᳚-ඞ්කරෝති॒ යජු॑ෂා॒ බිල॑-ඞ්කරෝති॒ ව්යාවෘ॑ත්ත්යා॒ ඉය॑තී-ඞ්කරෝති ප්ර॒ජාප॑තිනා යජ්ඤමු॒ඛේන॒ සම්මි॑තා-න්ද්විස්ත॒නා-ඞ්ක॑රෝති॒ යාවා॑පෘථි॒ව්යෝර්දෝහා॑ය॒ චතු॑ස්ස්තනා-ඞ්කරෝති පශූ॒නා-න්දෝහා॑යා॒ෂ්ටාස්ත॑නා-ඞ්කරෝති॒ ඡන්ද॑සා॒-න්දෝහා॑ය॒ නවා᳚ශ්රි-මභි॒චර॑තඃ කුර්යා-ත්ත්රි॒වෘත॑මේ॒ව වජ්රග්​ම්॑ ස॒ම්භෘත්ය॒ භ්රාතෘ॑ව්යාය॒ ප්රහ॑රති॒ ස්තෘත්යෛ॑ කෘ॒ත්වාය॒ සා ම॒හීමු॒ඛාමිති॒ නි ද॑ධාති දේ॒වතා᳚ස්වේ॒වෛනා॒-ම්ප්රති॑ෂ්ඨාපයති ॥ 34 ॥
(තේනෛ॒ව - ලෝම॑භි॒-ස්ස - මේ॒තේ - අ॑භි॒චර॑ත॒ - ඒක॑විග්​ම්ශතිශ්ච) (අ. 6)

ස॒ප්තභි॑ර්ධූපයති ස॒ප්ත වෛ ශී॑ර්​ෂ॒ණ්යාඃ᳚ ප්රා॒ණා-ශ්ශිර॑ ඒ॒ත-ද්ය॒ජ්ඤස්ය॒ යදු॒ඛා ශී॒ර්॒ෂන්නේ॒ව ය॒ජ්ඤස්ය॑ ප්රා॒ණා-න්ද॑ධාති॒ තස්මා᳚-ථ්ස॒ප්ත ශී॒ර්॒ෂ-න්ප්රා॒ණා අ॑ශ්වශ॒කේන॑ ධූපයති ප්රාජාප॒ත්යෝ වා අශ්ව॑-ස්සයෝනි॒ත්වායා-දි॑ති॒ස්ත්වේත්යා॑හේ॒යං-වාඁ අදි॑ති॒රදි॑ත්යෛ॒වාදි॑ත්යා-ඞ්ඛනත්ය॒ස්යා අක්රූ॑රඞ්කාරාය॒ න හි ස්ව-ස්ස්වග්​ම් හි॒නස්ති॑ දේ॒වානා᳚-න්ත්වා॒ පත්නී॒රිත්යා॑හ දේ॒වානාං॒- [දේ॒වානා᳚ම්, වා ඒ॒තා-ම්පත්න॒යෝ-ऽග්රේ॑-ऽ] 35

-ඁවා ඒ॒තා-ම්පත්න॒යෝ-ऽග්රේ॑-ऽ-කුර්ව॒-න්තාභි॑රේ॒වෛනා᳚-න්දධාති ධි॒ෂණා॒ස්ත්වේත්යා॑හ වි॒ද්යා වෛ ධි॒ෂණා॑ වි॒ද්යාභි॑-රේ॒වෛනා॑-ම॒භීන්ධේ॒ ග්නාස්ත්වේත්යා॑හ॒ ඡන්දාග්​ම්॑සි॒ වෛ ග්නා ශ්ඡන්දෝ॑භි-රේ॒වෛනාග්॑ ශ්රපයති॒ වරූ᳚ත්රය॒ස්ත්වේත්යා॑හ॒ හෝත්රා॒ වෛ වරූ᳚ත්රයෝ॒ හෝත්රා॑භිරේ॒වෛනා᳚-ම්පචති॒ ජන॑ය॒ස්ත්වේත්යා॑හ දේ॒වානාං॒-වෛඁ පත්නී॒- [පත්නීඃ᳚, ජන॑ය॒ස්තාභි॑-] 36

-ර්ජන॑ය॒ස්තාභි॑-රේ॒වෛනා᳚-ම්පචති ෂ॒ඩ්භිඃ ප॑චති॒ ෂඩ්වා ඍ॒තව॑ ඍ॒තුභි॑රේ॒වෛනා᳚-ම්පචති॒ ද්විඃ පච॒න්ත්විත්යා॑හ॒ තස්මා॒-ද්ද්වි-ස්සං॑​වඁථ්ස॒රස්ය॑ ස॒ස්ය-ම්ප॑ච්යතේ වාරු॒ණ්යු॑ඛා-ऽභීද්ධා॑ මෛ॒ත්රියෝපෛ॑ති॒ ශාන්ත්යෛ॑ දේ॒වස්ත්වා॑ සවි॒තෝ-ද්ව॑ප॒ත්විත්යා॑හ සවි॒තෘප්ර॑සූත ඒ॒වෛනා॒-ම්බ්රහ්ම॑ණා දේ॒වතා॑භි॒රු-ද්ව॑ප॒ත්යප॑ද්යමානා පෘථි॒ව්යාශා॒ දිශ॒ ආ පෘ॒ණේ- [ආ පෘ॒ණ, ඉත්යා॑හ॒] 37

-ත්යා॑හ॒ තස්මා॑ද॒ග්නි-ස්සර්වා॒ දිශෝ-ऽනු॒ විභා॒ත්යුත්ති॑ෂ්ඨ බෘහ॒තී භ॑වෝ॒ර්ධ්වා ති॑ෂ්ඨ ධ්රු॒වා ත්වමිත්යා॑හ॒ ප්රති॑ෂ්ඨිත්යා අසු॒ර්ය॑-ම්පාත්ර॒මනා᳚ච්ඡෘණ්ණ॒මා-ච්ඡෘ॑ණත්ති දේව॒ත්රා-ऽක॑රජක්ෂී॒රේණා-ऽऽච්ඡෘ॑ණත්ති පර॒මං-වාඁ ඒ॒ත-ත්පයෝ॒ යද॑ජක්ෂී॒ර-ම්ප॑ර॒මේණෛ॒වෛනා॒-ම්පය॒සා-ऽऽච්ඡෘ॑ණත්ති॒ යජු॑ෂා॒ ව්යාවෘ॑ත්ත්යෛ॒ ඡන්දෝ॑භි॒රා ච්ඡෘ॑ණත්ති॒ ඡන්දෝ॑භි॒ර්වා ඒ॒ෂා ක්රි॑යතේ॒ ඡන්දෝ॑භිරේ॒ව ඡන්දා॒ග්॒ස්යා ච්ඡෘ॑ණත්ති ॥ 38 ॥
(ආ॒හ॒ දේ॒වානාං॒ - ඁවෛ පත්නීඃ᳚ - පෘණෛ॒ - ෂා - ෂට් ච॑) (අ. 7)

ඒක॑විග්​ම්ශත්යා॒ මාෂෛඃ᳚ පුරුෂශී॒ර්॒ෂ-මච්ඡෛ᳚ත්යමේ॒ද්ධ්යා වෛ මාෂා॑ අමේ॒ද්ධ්ය-ම්පු॑රුෂශී॒ර්॒ෂ-ම॑මේ॒ද්ධ්යෛරේ॒වා-ස්යා॑-මේ॒ද්ධ්ය-න්නි॑රව॒දාය॒ මේද්ධ්ය॑-ඞ්කෘ॒ත්වා ऽऽහ॑ර॒ත්යේක॑විග්​ම්ශති-ර්භවන්ත්යේකවි॒ග්​ම්॒ශෝ වෛ පුරු॑ෂඃ॒ පුරු॑ෂ॒ස්යා-ऽऽප්ත්යෛ॒ ව්යෘ॑ද්ධං॒-වාඁ ඒ॒ත-ත්ප්රා॒ණෛර॑මේ॒ද්ධ්යං-යඁ-ත්පු॑රුෂශී॒ර්॒ෂග්​ම් ස॑ප්ත॒ධා විතෘ॑ණ්ණාං-වඁල්මීකව॒පා-ම්ප්රති॒ නි ද॑ධාති ස॒ප්ත වෛ ශී॑ර්​ෂ॒ණ්යාඃ᳚ ප්රා॒ණාඃ ප්රා॒ණෛරේ॒වෛන॒-ථ්සම॑ර්ධයති මේද්ධ්ය॒ත්වාය॒ යාව॑න්තෝ॒ [යාව॑න්තඃ, වෛ මෘ॒ත්යුබ॑න්ධව॒-] 39

වෛ මෘ॒ත්යුබ॑න්ධව॒-ස්තේෂාං᳚-යඁ॒ම ආධි॑පත්ය॒-ම්පරී॑යාය යමගා॒ථාභිඃ॒ පරි॑ගායති ය॒මාදේ॒වෛන॑-ද්වෘඞ්ක්තේ ති॒සෘභිඃ॒ පරි॑ගායති॒ ත්රය॑ ඉ॒මේ ලෝ॒කා ඒ॒භ්ය ඒ॒වෛන॑ල්ලෝ॒කේභ්යෝ॑ වෘඞ්ක්තේ॒ තස්මා॒-ද්ගාය॑තේ॒ න දේය॒-ඞ්ගාථා॒ හි ත-ද්වෘ॒ඞ්ක්තේ᳚ ऽග්නිභ්යඃ॑ ප॒ශූනා ල॑භතේ॒ කාමා॒ වා අ॒ග්නයඃ॒ කාමා॑නේ॒වාව॑ රුන්ධේ॒ ය-ත්ප॒ශූ-න්නා-ऽऽලභේ॒තා-ऽන॑වරුද්ධා අස්ය [ ] 40

ප॒ශව॑-ස්ස්යු॒ර්ය-ත්පර්ය॑ග්නිකෘතානු-ථ්සෘ॒ජේ-ද්ය॑ජ්ඤවේශ॒ස-ඞ්කු॑ර්යා॒-ද්ය-ථ්සග්ග්॑ස්ථා॒පයේ᳚-ද්යා॒තයා॑මානි ශී॒ර්॒ෂාණි॑ ස්යු॒ර්ය-ත්ප॒ශූනා॒ලභ॑තේ॒ තේනෛ॒ව ප॒ශූනව॑ රුන්ධේ॒ ය-ත්පර්ය॑ග්නිකෘතානු-ථ්සෘ॒ජති॑ ශී॒ර්​ෂ්ණා-මයා॑තයාමත්වාය ප්රාජාප॒ත්යේන॒ සග්ග්​ ස්ථා॑පයති ය॒ජ්ඤෝ වෛ ප්ර॒ජාප॑තිර්ය॒ජ්ඤ ඒ॒ව ය॒ජ්ඤ-ම්ප්රති॑ෂ්ඨාපයති ප්ර॒ජාප॑තිඃ ප්ර॒ජා අ॑සෘජත॒ ස රි॑රිචා॒නෝ॑-ऽමන්යත॒ ස ඒ॒තා ආ॒ප්රීර॑පශ්ය॒-ත්තාභි॒ර්වෛ ස මු॑ඛ॒ත [ස මු॑ඛ॒තඃ, ආ॒ත්මාන॒මා ऽප්රී॑ණීත॒] 41

ආ॒ත්මාන॒මා ऽප්රී॑ණීත॒ යදේ॒තා ආ॒ප්රියෝ॒ භව॑න්ති ය॒ජ්ඤෝ වෛ ප්ර॒ජාප॑ති-ර්ය॒ජ්ඤමේ॒වෛතාභි॑ර්මුඛ॒ත ආ ප්රී॑ණා॒ත්ය-ප॑රිමිතඡන්දසෝ භව॒න්ත්යප॑රිමිතඃ ප්ර॒ජාප॑තිඃ ප්ර॒ජාප॑තේ॒රාප්ත්යා॑ ඌනාතිරි॒ක්තා මි॑ථු॒නාඃ ප්රජා᳚ත්යෛ ලෝම॒ශං-වෛඁ නාමෛ॒තච්ඡන්දඃ॑ ප්ර॒ජාප॑තේඃ ප॒ශවෝ॑ ලෝම॒ශාඃ ප॒ශූනේ॒වා-ऽව॑ රුන්ධේ॒ සර්වා॑ණි॒ වා ඒ॒තා රූ॒පාණි॒ සර්වා॑ණි රූ॒පාණ්ය॒ග්නෞ චිත්යේ᳚ ක්රියන්තේ॒ තස්මා॑දේ॒තා අ॒ග්නේශ්චිත්ය॑ස්ය [අ॒ග්නේශ්චිත්ය॑ස්ය, භ॒ව॒න්ත්යේක॑විග්​ම් ශතිග්​ම්] 42

භව॒න්ත්යේක॑විග්​ම් ශතිග්​ම් සාමිධේ॒නීරන්වා॑හ॒ රුග්වා ඒ॑කවි॒ග්​ම්॒ශෝ රුච॑මේ॒ව ග॑ච්ඡ॒ත්යථෝ᳚ ප්රති॒ෂ්ඨාමේ॒ව ප්ර॑ති॒ෂ්ඨා හ්යේ॑කවි॒ග්​ම්॒ශ-ශ්චතු॑ර්විග්​ම්ශති॒මන්වා॑හ॒ චතු॑ර්විග්​ම්ශතිරර්ධමා॒සා-ස්සං॑​වඁථ්ස॒ර-ස්සං॑​වඁථ්ස॒රෝ᳚-ऽග්නිර්වෛ᳚ශ්වාන॒ර-ස්සා॒ක්ෂාදේ॒ව වෛ᳚ශ්වාන॒රමව॑ රුන්ධේ॒ පරා॑චී॒රන්වා॑හ॒ පරා॑ඞිව॒ හි සු॑ව॒ර්ගෝ ලෝ॒ක-ස්සමා᳚ස්ත්වා-ऽග්න ඍ॒තවෝ॑ වර්ධය॒න්ත්විත්යා॑හ॒ සමා॑භිරේ॒වා-ऽග්නිං-වඁ ॑ර්ධය- [-ऽග්නිං-වඁ ॑ර්ධයති, ඍ॒තුභි॑-ස්සං​වඁථ්ස॒රං-විඁශ්වා॒] 43

-ත්යෘ॒තුභි॑-ස්සං​වඁථ්ස॒රං-විඁශ්වා॒ ආ භා॑හි ප්ර॒දිශඃ॑ පෘථි॒ව්යා ඉත්යා॑හ॒ තස්මා॑ද॒ග්නි-ස්සර්වා॒ දිශෝ-ऽනු॒ විභා॑ති॒ ප්රත්යෞ॑හතාම॒ශ්විනා॑ මෘ॒ත්යුම॑ස්මා॒දිත්යා॑හ මෘ॒ත්යුමේ॒වා-ऽස්මා॒දප॑ නුද॒ත්යුද්ව॒ය-න්තම॑ස॒ස්පරීත්යා॑හ පා॒ප්මා වෛ තමඃ॑ පා॒ප්මාන॑මේ॒වාස්මා॒දප॑ හ॒න්ත්යග॑න්ම॒ ජ්යෝති॑රුත්ත॒ම-මිත්යා॑හා॒-ऽසෞ වා ආ॑දි॒ත්යෝ ජ්යෝති॑රුත්ත॒ම-මා॑දි॒ත්යස්යෛ॒ව සායු॑ජ්ය-ඞ්ගච්ඡති॒ න සං॑​වඁථ්ස॒රස්ති॑ෂ්ඨති॒ නාස්ය॒ ශ්රීස්ති॑ෂ්ඨති॒ යස්යෛ॒තාඃ ක්රි॒යන්තේ॒ ජ්යෝති॑ෂ්මතී-මුත්ත॒මාමන්වා॑හ॒ ජ්යෝති॑රේ॒වාස්මා॑ උ॒පරි॑ෂ්ටා-ද්දධාති සුව॒ර්ගස්ය॑ ලෝ॒කස්යානු॑ඛ්යාත්යෛ ॥ 44 ॥
(යාව॑න්තෝ - ऽස්ය - මුඛ॒ත - ශ්චිත්ය॑ස්ය - වර්ධය - ත්යාදි॒ත්යෝ᳚ - ऽෂ්ටාවිග්​ම්॑ශතිශ්ච) (අ. 8)

ෂ॒ඩ්භිර්දී᳚ක්ෂයති॒ ෂඩ්වා ඍ॒තව॑ ඍ॒තුභි॑රේ॒වෛන॑-න්දීක්ෂයති ස॒ප්තභි॑ර්දීක්ෂයති ස॒ප්ත ඡන්දාග්​ම්॑සි॒ ඡන්දෝ॑භිරේ॒වෛන॑-න්දීක්ෂයති॒ විශ්වේ॑ දේ॒වස්ය॑ නේ॒තුරිත්ය॑-නු॒ෂ්ටුභෝ᳚ත්ත॒මයා॑ ජුහෝති॒ වාග්වා අ॑නු॒ෂ්ටු-ප්තස්මා᳚-ත්ප්රා॒ණානාං॒-වාඁගු॑ත්ත॒මෛ- ක॑ස්මාද॒ක්ෂරා॒දනා᳚ප්ත-ම්ප්රථ॒ම-ම්ප॒ද-න්තස්මා॒-ද්ය-ද්වා॒චෝ-ऽනා᳚ප්ත॒-න්තන්ම॑නු॒ෂ්යා॑ උප॑ ජීවන්ති පූ॒ර්ණයා॑ ජුහෝති පූ॒ර්ණ ඉ॑ව॒ හි ප්ර॒ජාප॑තිඃ [ප්ර॒ජාප॑තිඃ, ප්ර॒ජාප॑තේ॒රාපත්යෛ॒] 45

ප්ර॒ජාප॑තේ॒රාප්ත්යෛ॒ න්යූ॑නයා ජුහෝති॒ න්යූ॑නා॒ද්ධි ප්ර॒ජාප॑තිඃ ප්ර॒ජා අසෘ॑ජත ප්ර॒ජානා॒ග්​ම්॒ සෘෂ්ට්යෛ॒ යද॒ර්චිෂි॑ ප්රවෘ॒ඤ්ජ්යා-ද්භූ॒තමව॑ රුන්ධීත॒ යදඞ්ගා॑රේෂු භවි॒ෂ්යදඞ්ගා॑රේෂු॒ ප්රවෘ॑ණක්ති භවි॒ෂ්ය දේ॒වාව॑ රුන්ධේ භවි॒ෂ්යද්ධි භූයෝ॑ භූ॒තා-ද්ද්වාභ්යා॒-ම්ප්රවෘ॑ණක්ති ද්වි॒පා-ද්යජ॑මානඃ॒ ප්රති॑ෂ්ඨිත්යෛ॒ බ්රහ්ම॑ණා॒ වා ඒ॒ෂා යජු॑ෂා॒ සම්භෘ॑තා॒ යදු॒ඛා සා යද්භිද්යේ॒තා-ऽऽර්ති॒මාර්ච්ඡේ॒- [-ऽऽර්ති॒මාර්ච්ඡේ᳚ත්, යජ॑මානෝ] 46

-ද්යජ॑මානෝ හ॒න්යේතා᳚-ऽස්ය ය॒ජ්ඤෝ මිත්රෛ॒තාමු॒ඛා-න්ත॒පේත්යා॑හ॒ බ්රහ්ම॒ වෛ මි॒ත්රෝ බ්රහ්ම॑න්නේ॒වෛනා॒-ම්ප්රති॑ෂ්ඨාපයති॒ නා-ऽऽර්ති॒මාර්ච්ඡ॑ති॒ යජ॑මානෝ॒ නාස්ය॑ ය॒ජ්ඤෝ හ॑න්යතේ॒ යදි॒ භිද්යේ॑ත॒ තෛරේ॒ව ක॒පාලෛ॒-ස්සග්​ම් සෘ॑ජේ॒-ථ්සෛව තතඃ॒ ප්රාය॑ශ්චිත්ති॒ර්යෝ ග॒තශ්රී॒-ස්ස්යාන්ම॑ථි॒ත්වා තස්යාව॑ දද්ධ්යා-ද්භූ॒තෝ වා ඒ॒ෂ ස ස්වා- [ඒ॒ෂ ස ස්වාම්, දේ॒වතා॒මුපෛ॑ති॒] 47

-න්දේ॒වතා॒මුපෛ॑ති॒ යෝ භූති॑කාම॒-ස්ස්යාද්ය උ॒ඛායෛ॑ ස॒ම්භවේ॒-ථ්ස ඒ॒ව තස්ය॑ ස්යා॒දතෝ॒ හ්යේ॑ෂ ස॒ම්භව॑ත්යේ॒ෂ වෛ ස්ව॑ය॒ම්භූර්නාම॒ භව॑ත්යේ॒ව ය-ඞ්කා॒මයේ॑ත॒ භ්රාතෘ॑ව්යමස්මෛ ජනයේය॒මිත්ය॒-න්යත॒ස්තස්යා॒-ऽऽහෘත්යා-ऽව॑ දද්ධ්යා-ථ්සා॒ක්ෂාදේ॒වාස්මෛ॒ භ්රාතෘ॑ව්ය-ඤ්ජනයත්යම්බ॒රීෂා॒දන්න॑ කාම॒ස්යාව॑ දද්ධ්යාදම්බ॒රීෂේ॒ වා අන්න॑-ම්භ්රියතේ॒ සයෝ᳚න්යේ॒වාන්න॒- [සයෝ᳚න්යේ॒වාන්න᳚ම්, අව॑ රුන්ධේ॒] 48

-මව॑ රුන්ධේ॒ මුඤ්ජා॒නව॑ දධා॒ත්යූර්ග්වෛ මුඤ්ජා॒ ඌර්ජ॑මේ॒වාස්මා॒ අපි॑ දධාත්ය॒ග්නිර්දේ॒වේභ්යෝ॒ නිලා॑යත॒ ස ක්රු॑මු॒ක-ම්ප්රා-ऽවි॑ශ-ත්ක්රුමු॒කමව॑ දධාති॒ යදේ॒වාස්ය॒ තත්ර॒ න්ය॑ක්ත॒-න්ත දේ॒වාව॑ රුන්ධ॒ ආජ්යේ॑න॒ සං-යෞඁ᳚ත්යේ॒තද්වා අ॒ග්නේඃ ප්රි॒ය-න්ධාම॒ යදාජ්ය॑-ම්ප්රි॒යේණෛ॒වෛන॒-න්ධාම්නා॒ සම॑ර්ධය॒ත්යථෝ॒ තේජ॑සා॒ [තේජ॑සා, වෛ ක॑කන්තී॒මා ද॑ධාති॒] 49

වෛ ක॑ඞ්කතී॒මා ද॑ධාති॒ භා ඒ॒වාව॑ රුන්ධේ ශමී॒මයී॒මා ද॑ධාති॒ ශාන්ත්යෛ॒ සීද॒ ත්ව-ම්මා॒තුර॒ස්යා උ॒පස්ථ॒ ඉති॑ ති॒සෘභි॑ර්ජා॒තමුප॑ තිෂ්ඨතේ॒ ත්රය॑ ඉ॒මේ ලෝ॒කා ඒ॒ෂ්වේ॑ව ලෝ॒කේෂ්වා॒විද॑-ඞ්ගච්ඡ॒ත්යථෝ᳚ ප්රා॒ණානේ॒වා-ऽऽත්ම-න්ධ॑ත්තේ ॥ 50 ॥
( ප්ර॒ජාප॑ති--ර් ඍච්ඡේ॒ථ් - ස්වා - මේ॒වාන්නං॒ - තේජ॑සා॒ - චතු॑ස්ත්රිග්​ම්ශච්ච) (අ. 9)

න හ॑ ස්ම॒ වෛ පු॒රා-ऽග්නිරප॑රශුවෘක්ණ-න්දහති॒ තද॑ස්මෛ ප්රයෝ॒ග ඒ॒වර්​ෂි॑රස්වදය॒-ද්යද॑ග්නේ॒ යානි॒ කානි॒ චේති॑ ස॒මිධ॒මා ද॑ධා॒ත්යප॑රශුවෘක්ණ-මේ॒වාස්මෛ᳚ ස්වදයති॒ සර්ව॑මස්මෛ ස්වදතේ॒ ය ඒ॒වං-වේඁදෞදු॑ම්බරී॒මා ද॑ධා॒ත්යූර්ග්වා උ॑දු॒ම්බර॒ ඌර්ජ॑මේ॒වාස්මා॒ අපි॑ දධාති ප්ර॒ජාප॑තිර॒ග්නි-ම॑සෘජත॒ තග්​ම් සෘ॒ෂ්ටග්​ම් රක්ෂාග්॑- [සෘ॒ෂ්ටග්​ම් රක්ෂාග්​ම්॑සි, අ॒ජි॒ඝා॒ග්​ම්॒ස॒න්​ථ්ස ඒ॒ත-] 51

-ස්යජිඝාග්​ම්ස॒න්​ථ්ස ඒ॒ත-ද්රා᳚ක්ෂෝ॒ඝ්නම॑පශ්ය॒-ත්තේන॒ වෛ සරක්ෂා॒ග්॒ස්යපා॑-ऽහත॒ ය-ද්රා᳚ක්ෂෝ॒ඝ්න-ම්භව॑ත්ය॒ග්නේරේ॒ව තේන॑ ජා॒තා-ද්රක්ෂා॒ග්॒ස්යප॑ හ॒න්ත්යාශ්ව॑ත්ථී॒මා ද॑ධාත්යශ්ව॒ත්ථෝ වෛ වන॒ස්පතී॑නාග්​ම් සපත්නසා॒හෝ විජි॑ත්යෛ॒ වෛක॑ඞ්කතී॒මා ද॑ධාති॒ භා ඒ॒වාව॑ රුන්ධේ ශමී॒මයී॒මා ද॑ධාති॒ ශාන්ත්යෛ॒ සග්​ම්ශි॑ත-ම්මේ॒ බ්රහ්මෝදේ॑ෂා-ම්බා॒හූ අ॑තිර॒මිත්යු॑ත්ත॒මේ ඖදු॑ම්බරී [ඖදු॑ම්බරී, වා॒ච॒ය॒ති॒ බ්රහ්ම॑ණෛ॒ව] 52

වාචයති॒ බ්රහ්ම॑ණෛ॒ව ක්ෂ॒ත්රග්​ම් සග්ග්​ ශ්ය॑ති ක්ෂ॒ත්රේණ॒ බ්රහ්ම॒ තස්මා᳚-ද්බ්රාහ්ම॒ණෝ රා॑ජ॒න්ය॑වා॒නත්ය॒න්ය-ම්බ්රා᳚හ්ම॒ණ-න්තස්මා᳚-ද්රාජ॒න්යෝ᳚ බ්රාහ්ම॒ණවා॒නත්ය॒න්යග්​ම් රා॑ජ॒න්ය॑-ම්මෘ॒ත්යුර්වා ඒ॒ෂ යද॒ග්නිර॒මෘත॒ග්​ම්॒ හිර॑ණ්යග්​ම් රු॒ක්මමන්ත॑ර॒-ම්ප්රති॑මුඤ්චතේ॒ ऽමෘත॑මේ॒ව මෘ॒ත්යෝර॒න්තර්ධ॑ත්ත॒ ඒක॑විග්​ම්ශතිනිර්බාධෝ භව॒ත්යේක॑විග්​ම්ශති॒ර්වෛ දේ॑වලෝ॒කා ද්වාද॑ශ॒ මාසාඃ॒ පඤ්ච॒ර්තව॒ස්ත්රය॑ ඉ॒මේ ලෝ॒කා අ॒සාවා॑දි॒ත්ය [අ॒සාවා॑දි॒ත්යඃ, ඒ॒ක॒වි॒ග්​ම්॒ශ ඒ॒තාව॑න්තෝ॒ වෛ] 53

ඒ॑කවි॒ග්​ම්॒ශ ඒ॒තාව॑න්තෝ॒ වෛ දේ॑වලෝ॒කාස්තේභ්ය॑ ඒ॒ව භ්රාතෘ॑ව්යම॒න්තරේ॑ති නිර්බා॒ධෛර්වෛ දේ॒වා අසු॑රා-න්නිර්බා॒ධේ॑-ऽකුර්වත॒ තන්නි॑ර්බා॒ධානා᳚-න්නිර්බාධ॒ත්ව-න්නි॑ර්බා॒ධී භ॑වති॒ භ්රාතෘ॑ව්යානේ॒ව නි॑ර්බා॒ධේ කු॑රුතේ සාවිත්රි॒යා ප්රති॑මුඤ්චතේ॒ ප්රසූ᳚ත්යෛ॒ නක්තෝ॒ෂාසේත්යුත්ත॑රයා ऽහෝරා॒ත්රාභ්යා॑මේ॒වෛන॒-මුද්ය॑ච්ඡතේ දේ॒වා අ॒ග්නි-න්ධා॑රය-න්ද්රවිණෝ॒දා ඉත්යා॑හ ප්රා॒ණා වෛ දේ॒වා ද්ර॑විණෝ॒දා අ॑හෝරා॒ත්රාභ්යා॑මේ॒වෛන॑මු॒ද්යත්ය॑ [ ] 54

ප්රා॒ණෛර්දා॑ධා॒රා ऽऽසී॑නඃ॒ ප්රති॑මුඤ්චතේ॒ තස්මා॒දාසී॑නාඃ ප්ර॒ජාඃ ප්රජා॑යන්තේ කෘෂ්ණාජි॒නමුත්ත॑ර॒-න්තේජෝ॒ වෛ හිර॑ණ්ය॒-ම්බ්රහ්ම॑ කෘෂ්ණාජි॒න-න්තේජ॑සා චෛ॒වෛන॒-ම්බ්රහ්ම॑ණා චෝභ॒යතඃ॒ පරි॑ගෘහ්ණාති॒ ෂඩු॑ද්යාමග්​ම් ශි॒ක්ය॑-ම්භවති॒ ෂඩ්වා ඍ॒තව॑ ඍ॒තුභි॑රේ॒වෛන॒-මුද්ය॑ච්ඡතේ॒ ය-ද්ද්වාද॑ශෝද්යාමග්​ම් සං​වඁථ්ස॒රේණෛ॒ව මෞ॒ඤ්ජ-ම්භ॑ව॒ත්යූර්ග්වෛ මුඤ්ජා॑ ඌ॒ර්ජෛවෛන॒ග්​ම්॒ ස ම॑ර්ධයති සුප॒ර්ණෝ॑-ऽසි ග॒රුත්මා॒නිත්යවේ᳚ක්ෂතේ රූ॒පමේ॒වාස්යෛ॒තන්ම॑හි॒මානං॒-ව්යාඁච॑ෂ්ටේ॒ දිව॑-ඞ්ගච්ඡ॒ සුවඃ॑ ප॒තේත්යා॑හ සුව॒ර්ගමේ॒වෛනං॑-ලෝඁ॒ක-ඞ්ග॑මයති ॥ 55 ॥
(රක්ෂා॒ග්॒ස්යෞ - දු॑බංරි - ආදි॒ත්ය - උ॒ද්යත්ය॒ - සං - චතු॑ර්විග්​ම්ශතිශ්ච) (අ. 10)

සමි॑ද්ධෝ අ॒ඤ්ජන් කෘද॑ර-ම්මතී॒නා-ඞ්ඝෘ॒තම॑ග්නේ॒ මධු॑ම॒-ත්පින්ව॑මානඃ । වා॒ජී වහ॑න් වා॒ජින॑-ඤ්ජාතවේදෝ දේ॒වානාං᳚-වඁක්ෂි ප්රි॒යමා ස॒ධස්ථ᳚ම් ॥ ඝෘ॒තේනා॒ඤ්ජන්​ථ්ස-ම්ප॒ථෝ දේ॑ව॒යානා᳚-න්ප්රජා॒නන් වා॒ජ්යප්යේ॑තු දේ॒වාන් । අනු॑ ත්වා සප්තේ ප්ර॒දිශ॑-ස්සචන්තාග්​ ස්ව॒ධාම॒ස්මෛ යජ॑මානාය ධේහි ॥ ඊඩ්ය॒ශ්චාසි॒ වන්ද්ය॑ශ්ච වාජින්නා॒ශුශ්චාසි॒ මේද්ධ්ය॑ශ්ච සප්තේ । අ॒ග්නිෂ්ට්වා॑ [අ॒ග්නිෂ්ට්වා᳚, දේ॒වෛර්වසු॑භි-ස්ස॒ජෝෂාඃ᳚] 56

දේ॒වෛර්වසු॑භි-ස්ස॒ජෝෂාඃ᳚ ප්රී॒තං-වඁහ්නිං॑-වඁහතු ජා॒තවේ॑දාඃ ॥ ස්තී॒ර්ණ-ම්බ॒ර්॒හි-ස්සු॒ෂ්ටරී॑මා ජුෂා॒ණෝරු පෘ॒ථු ප්රථ॑මාන-ම්පෘථි॒ව්යාම් । දේ॒වේභි॑ර්යු॒ක්තමදි॑ති-ස්ස॒ජෝෂා᳚-ස්ස්යෝ॒න-ඞ්කෘ॑ණ්වා॒නා සු॑වි॒තේ ද॑ධාතු ॥ ඒ॒තා උ॑ ව-ස්සු॒භගා॑ වි॒ශ්වරූ॑පා॒ විපක්ෂෝ॑භි॒-ශ්ශ්රය॑මාණා॒ උදාතෛඃ᳚ । ඍ॒ෂ්වා-ස්ස॒තීඃ ක॒වෂ॒-ශ්ශුම්භ॑මානා॒ ද්වාරෝ॑ දේ॒වී-ස්සු॑ප්රාය॒ණා භ॑වන්තු ॥ අ॒න්ත॒රා මි॒ත්රාවරු॑ණා॒ චර॑න්තී॒ මුඛං॑-යඁ॒ජ්ඤානා॑ම॒භි සං॑​විඁදා॒නේ । උ॒ෂාසා॑ වාග්​ම් [උ॒ෂාසා॑ වාම්, සු॒හි॒ර॒ණ්යේ සු॑ශි॒ල්පේ] 57

සුහිර॒ණ්යේ සු॑ශි॒ල්පේ ඍ॒තස්ය॒ යෝනා॑වි॒හ සා॑දයාමි ॥ ප්ර॒ථ॒මා වාග්​ම්॑ සර॒ථිනා॑ සු॒වර්ණා॑ දේ॒වෞ පශ්ය॑න්තෞ॒ භුව॑නානි॒ විශ්වා᳚ । අපි॑ප්රය॒-ඤ්චෝද॑නා වා॒-ම්මිමා॑නා॒ හෝතා॑රා॒ ජ්යෝතිඃ॑ ප්ර॒දිශා॑ දි॒ශන්තා᳚ ॥ ආ॒දි॒ත්යෛර්නෝ॒ භාර॑තී වෂ්ටු ය॒ජ්ඤග්​ම් සර॑ස්වතී ස॒හ රු॒ද්රෛර්න॑ ආවීත් । ඉඩෝප॑හූතා॒ වසු॑භි-ස්ස॒ජෝෂා॑ ය॒ජ්ඤ-න්නෝ॑ දේවීර॒මෘතේ॑ෂු ධත්ත ॥ ත්වෂ්ටා॑ වී॒ර-න්දේ॒වකා॑ම-ඤ්ජජාන॒ ත්වෂ්ටු॒රර්වා॑ ජායත ආ॒ශුරශ්වඃ॑ । 58

ත්වෂ්ටේ॒දං-විඁශ්ව॒-ම්භුව॑න-ඤ්ජජාන බ॒හෝඃ ක॒ර්තාර॑මි॒හ ය॑ක්ෂි හෝතඃ ॥ අශ්වෝ॑ ඝෘ॒තේන॒ ත්මන්යා॒ සම॑ක්ත॒ උප॑ දේ॒වාග්​ම් ඍ॑තු॒ශඃ පාථ॑ ඒතු । වන॒ස්පති॑-ර්දේවලෝ॒ක-ම්ප්ර॑ජා॒නන්න॒ග්නිනා॑ හ॒ව්යා ස්ව॑දි॒තානි॑ වක්ෂත් ॥ ප්ර॒ජාප॑තේ॒ස්තප॑සා වාවෘධා॒න-ස්ස॒ද්යෝ ජා॒තෝ ද॑ධිෂේ ය॒ජ්ඤම॑ග්නේ । ස්වාහා॑කෘතේන හ॒විෂා॑ පුරෝගා යා॒හි සා॒ද්ධ්යා හ॒විර॑දන්තු දේ॒වාඃ ॥ 59 ॥
(අ॒ග්නිෂ්ට්වා॑ - වා॒ - මශ්වෝ॒ - ද්විච॑ත්වාරිග්​ම්ශච්ච) (අ. 11)

(සා॒වි॒ත්රාණි॒ - ව්යෘ॑ද්ධ॒ - මුත්ක්රා॑ම - දේ॒වස්ය॑ ඛනති - ක්රූ॒රං -ඁවා॑රු॒ණඃ - ස॒ප්තභි॒ - රේක॑විග්​ම්ශත්යා - ෂ॒ඩ්භි - ර්න හ॑ ස්ම॒ - සමි॑ද්ධෝ අ॒ඤ්ජ - න්නේකා॑දශ )

(සා॒වි॒ත්රා - ණ්යුත්ක්රා॑ම - ක්රූ॒රං -ඁවා॑රු॒ණඃ - ප॒ශව॑-ස්ස්යු॒ - ර්න හ॑ ස්ම॒ - නව॑පඤ්චා॒ශත්)

(සා॒වි॒ත්රාණි॑, හ॒විර॑දන්තු දේ॒වාඃ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ම්පඤ්චමකාණ්ඩේ ප්රථමඃ ප්රශ්න-ස්සමාප්තඃ ॥