කෘෂ්ණ යජුර්වේදීය තෛත්තිරීය සංහිතායා-ම්පඤ්චමකාණ්ඩේ ෂෂ්ඨඃ ප්රශ්නඃ - උපානුවාක්යාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

හිර॑ණ්යවර්ණා॒-ශ්ශුච॑යඃ පාව॒කා යාසු॑ ජා॒තඃ ක॒ශ්යපෝ॒ යාස්වින්ද්රඃ॑ । අ॒ග්නිං-යාඁ ගර්භ॑-න්දධි॒රේ විරූ॑පා॒ස්තා න॒ ආප॒-ශ්ශග්ග්​ ස්යෝ॒නා භ॑වන්තු ॥ යාසා॒ග්​ම්॒ රාජා॒ වරු॑ණෝ॒ යාති॒ මද්ධ්යේ॑ සත්යානෘ॒තේ අ॑ව॒පශ්ය॒න් ජනා॑නාම් । ම॒ධු॒ශ්චුත॒-ශ්ශුච॑යෝ॒ යාඃ පා॑ව॒කාස්තා න॒ ආප॒-ශ්ශග්ග්​ ස්යෝ॒නා භ॑වන්තු ॥ යාසා᳚-න්දේ॒වා දි॒වි කෘ॒ණ්වන්ති॑ භ॒ක්ෂං-යාඁ අ॒න්තරි॑ක්ෂේ බහු॒ධා භව॑න්ති । යාඃ පෘ॑ථි॒වී-ම්පය॑සෝ॒න්දන්ති॑ - [ ] 1

ශු॒ක්රාස්තා න॒ ආප॒-ශ්ශග්ග්​ ස්යෝ॒නා භ॑වන්තු ॥ ශි॒වේන॑ මා॒ චක්ෂු॑ෂා පශ්යතා-ऽऽප-ශ්ශි॒වයා॑ ත॒නුවෝප॑ ස්පෘශත॒ ත්වච॑-ම්මේ । සර්වාග්​ම්॑ අ॒ග්නීග්​ම් ර॑ඵ්සු॒ෂදෝ॑ හුවේ වෝ॒ මයි॒ වර්චෝ॒ බල॒මෝජෝ॒ නි ධ॑ත්ත ॥ යද॒ද-ස්ස॑-ම්ප්රය॒තීරහා॒ වන॑දතාහ॒තේ । තස්මා॒දා න॒ද්යෝ॑ නාම॑ ස්ථ॒ තා වෝ॒ නාමා॑නි සින්ධවඃ ॥ ය-ත්ප්රේෂි॑තා॒ වරු॑ණේන॒ තා-ශ්ශීභග්​ම්॑ ස॒මව॑ල්ගත । 2

තදා᳚ප්නෝ॒-දින්ද්රෝ॑ වෝ ය॒තී-ස්තස්මා॒-දාපෝ॒ අනු॑ ස්ථන ॥ අ॒ප॒කා॒මග්ග්​ ස්යන්ද॑මානා॒ අවී॑වරත වෝ॒ හික᳚ම් । ඉන්ද්රෝ॑ ව॒-ශ්ශක්ති॑භි ර්දේවී॒-ස්තස්මා॒-ද්වාර්ණාම॑ වෝ හි॒තම් ॥ ඒකෝ॑ දේ॒වෝ අප්ය॑තිෂ්ඨ॒-ථ්ස්යන්ද॑මානා යථා ව॒ශම් । උදා॑නිෂු-ර්ම॒හීරිති॒ තස්මා॑-දුද॒ක-මු॑ච්යතේ ॥ ආපෝ॑ භ॒ද්රා ඝෘ॒තමිදාප॑ ආසුර॒ග්නී-ෂෝමෞ॑ බිභ්ර॒ත්යාප॒ ඉ-ත්තාඃ । තී॒ව්රෝ රසෝ॑ මධු॒පෘචා॑- [මධු॒පෘචා᳚ම්, අ॒ර॒ඞ්ග॒ම ආ මා᳚] 3

-මරඞ්ග॒ම ආ මා᳚ ප්රා॒ණේන॑ ස॒හ වර්ච॑සා ගන්න් ॥ ආදි-ත්ප॑ශ්යාම්යු॒ත වා॑ ශෘණෝ॒ම්යා මා॒ ඝෝෂෝ॑ ගච්ඡති॒ වාන්න॑ ආසාම් । මන්යේ॑ භේජා॒නෝ අ॒මෘත॑ස්ය॒ තර්​හි॒ හිර॑ණ්යවර්ණා॒ අතෘ॑පං-යඁ॒දා වඃ॑ ॥ ආපෝ॒ හි ෂ්ඨා ම॑යෝ॒ භුව॒ස්තා න॑ ඌ॒ර්ජේ ද॑ධාතන । ම॒හේ රණා॑ය॒ චක්ෂ॑සේ ॥ යෝ ව॑-ශ්ශි॒වත॑මෝ॒ රස॒ස්තස්ය॑ භාජයතේ॒හ නඃ॑ । උ॒ශ॒තීරි॑ව මා॒තරඃ॑ ॥ තස්මා॒ අර॑-ඞ්ගමාම වෝ॒ යස්ය॒ ක්ෂයා॑ය॒ ජින්ව॑ථ । ආපෝ॑ ජ॒නය॑ථා ච නඃ ॥ දි॒වි ශ්ර॑ය ස්වා॒න්තරි॑ක්ෂේ යතස්ව පෘථි॒ව්යා ස-ම්භ॑ව බ්රහ්මවර්ච॒-සම॑සි බ්රහ්මවර්ච॒සාය॑ ත්වා ॥ 4
(උ॒දන්ති॑ - ස॒මව॑ල්ගත - මධු॒පෘචාං᳚ - මා॒තරෝ॒ - ද්වාවිග්​ම්॑ශතිශ්ච) (අ. 1)

අ॒පා-ඞ්ග්රහා᳚-න්ගෘහ්ණාත්යේ॒තද්වාව රා॑ජ॒සූයං॒-යඁදේ॒තේ ග්රහා᳚-ස්ස॒වෝ᳚ ऽග්නිර්ව॑රුණස॒වෝ රා॑ජ॒සූය॑-මග්නිස॒ව-ශ්චිත්ය॒ස්තාභ්යා॑-මේ॒ව සූ॑ය॒තේ-ऽථෝ॑ උ॒භාවේ॒ව ලෝ॒කාව॒භි ජ॑යති॒ යශ්ච॑ රාජ॒සූයේ॑නේජා॒නස්ය॒ යශ්චා᳚-ऽග්නි॒චිත॒ ආපෝ॑ භව॒න්ත්යාපෝ॒ වා අ॒ග්නේර්භ්රාතෘ॑ව්යා॒ යද॒පෝ᳚ ऽග්නේර॒ධස්තා॑දුප॒ දධා॑ති॒ භ්රාතෘ॑ව්යාභිභූත්යෛ॒ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවත්ය॒මෘතං॒- [භ්රාතෘ॑ව්යෝ භවත්ය॒මෘත᳚ම්, වා ආප॒ස්තස්මා॑-] 5

-ඁවා ආප॒ස්තස්මා॑-ද॒ද්භිරව॑තාන්ත-ම॒භි ෂි॑ඤ්චන්ති॒ නා-ऽऽර්ති॒මාර්ච්ඡ॑ති॒ සර්ව॒මායු॑රේති॒ යස්යෛ॒තා උ॑පධී॒යන්තේ॒ ය උ॑ චෛනා ඒ॒වං-වේඁදාන්නං॒-වාඁ ආපඃ॑ ප॒ශව॒ ආපෝ-ऽන්න॑-ම්ප॒ශවෝ᳚-ऽන්නා॒දඃ ප॑ශු॒මා-න්භ॑වති॒ යස්යෛ॒තා උ॑පධී॒යන්තේ॒ ය උ॑ චෛනා ඒ॒වං-වේඁද॒ ද්වාද॑ශ භවන්ති॒ ද්වාද॑ශ॒ මාසා᳚-ස්සං​වඁථ්ස॒ර-ස්සං॑​වඁථ්ස॒රේණෛ॒වාස්මා॒ [-ස්සං॑​වඁථ්ස॒රේණෛ॒වාස්මා᳚, අන්න॒මව॑ රුන්ධේ॒] 6

අන්න॒මව॑ රුන්ධේ॒ පාත්රා॑ණි භවන්ති॒ පාත්රේ॒ වා අන්න॑මද්යතේ॒ සයෝ᳚න්යේ॒වාන්න॒මව॑ රුන්ධ॒ ආ ද්වා॑ද॒ශා-ත්පුරු॑ෂා॒දන්න॑-ම॒ත්ත්යථෝ॒ පාත්රා॒න්න ඡි॑ද්යතේ॒ යස්යෛ॒තා උ॑පධී॒යන්තේ॒ ය උ॑ චෛනා ඒ॒වං-වේඁද॑ කු॒ම්භාශ්ච॑ කු॒ම්භීශ්ච॑ මිථු॒නානි॑ භවන්ති මිථු॒නස්ය॒ ප්රජා᳚ත්යෛ॒ ප්ර ප්ර॒ජයා॑ ප॒ශුභි॑-ර්මිථු॒නෛ-ර්ජා॑යතේ॒ යස්යෛ॒තා උ॑පධී॒යන්තේ॒ ය උ॑ [ය උ॑, චෛ॒නා॒ ඒ॒වං-වේඁද॒] 7

චෛනා ඒ॒වං-වේඁද॒ ශුග්වා අ॒ග්නි-ස්සෝ᳚-ऽද්ධ්ව॒ර්යුං-යඁජ॑මාන-ම්ප්ර॒ජා-ශ්ශු॒චා-ऽර්ප॑යති॒ යද॒ප උ॑ප॒දධා॑ති॒ ශුච॑මේ॒වාස්ය॑ ශමයති॒ නා-ऽऽර්ති॒මාර්ච්ඡ॑ත්යද්ධ්ව॒ර්යුර්න යජ॑මාන॒-ශ්ශාම්ය॑න්ති ප්ර॒ජා යත්රෛ॒තා උ॑පධී॒යන්තේ॒ ऽපාං-වාඁ ඒ॒තානි॒ හෘද॑යානි॒ යදේ॒තා ආපෝ॒ යදේ॒තා අ॒ප උ॑ප॒දධා॑ති දි॒ව්යාභි॑රේ॒වෛනා॒-ස්සග්​ම් සෘ॑ජති॒ වර්​ෂු॑කඃ ප॒ර්ජන්යෝ॑ [ප॒ර්ජන්යඃ॑, භ॒ව॒ති॒ යෝ වා] 8

භවති॒ යෝ වා ඒ॒තාසා॑මා॒යත॑න॒-ඞ්කॢප්තිං॒-වේඁදා॒-ऽऽයත॑නවා-න්භවති॒ කල්ප॑තේ ऽස්මා අනුසී॒තමුප॑ දධාත්යේ॒තද්වා ආ॑සාමා॒යත॑නමේ॒ෂා කॢප්ති॒ර්ය ඒ॒වං-වේඁදා॒-ऽऽයත॑නවා-න්භවති॒ කල්ප॑තේ-ऽස්මෛ ද්ව॒ද්වම්ම॒න්යා උප॑ දධාති॒ චත॑ස්රෝ॒ මද්ධ්යේ॒ ධෘත්යා॒ අන්නං॒-වාඁ ඉෂ්ට॑කා ඒ॒ත-ත්ඛලු॒ වෛ සා॒ක්ෂාදන්නං॒-යඁදේ॒ෂ ච॒රුර්යදේ॒ත-ඤ්ච॒රුමු॑ප॒ දධා॑ති සා॒ක්ෂා- [සා॒ක්ෂාත්, ඒ॒වා-ऽස්මා॒ අන්න॒මව॑ රුන්ධේ] 9

-දේ॒වා-ऽස්මා॒ අන්න॒මව॑ රුන්ධේ මද්ධ්ය॒ත උප॑ දධාති මද්ධ්ය॒ත ඒ॒වාස්මා॒ අන්න॑-න්දධාති॒ තස්මා᳚-න්මද්ධ්ය॒තෝ-ऽන්න॑මද්යතේ බාර්​හස්ප॒ත්යෝ භ॑වති॒ බ්රහ්ම॒ වෛ දේ॒වානා॒-ම්බෘහ॒ස්පති॒-ර්බ්රහ්ම॑ණෛ॒වාස්මා॒ අන්න॒මව॑ රුන්ධේ බ්රහ්මවර්ච॒සම॑සි බ්රහ්මවර්ච॒සාය॒ ත්වේත්යා॑හ තේජ॒ස්වී බ්ර॑හ්මවර්ච॒සී භ॑වති॒ යස්යෛ॒ෂ උ॑පධී॒යතේ॒ ය උ॑ චෛනමේ॒වං-වේඁද॑ ॥ 10 ॥
(අ॒මෘත॑ - මස්මෛ - ජායතේ॒ යස්යෛ॒තා - උ॑පධී॒යන්තේ॒ ය උ॑ - ප॒ර්ජන්ය॑ - උප॒දධා॑ති සා॒ක්ෂාථ් - ස॒ප්තච॑ත්වාරිග්​ම්ශච්ච) (අ. 2)

භූ॒තේ॒ෂ්ට॒කා උප॑ දධා॒ත්යත්රා᳚ත්ර॒ වෛ මෘ॒ත්යුර්ජා॑යතේ॒ යත්ර॑යත්රෛ॒ව මෘ॒ත්යුර්ජාය॑තේ॒ තත॑ ඒ॒වෛන॒මව॑ යජතේ॒ තස්මා॑දග්නි॒චි-ථ්සර්ව॒මායු॑රේති॒ සර්වේ॒ හ්ය॑ස්ය මෘ॒ත්යවෝ ऽවේ᳚ෂ්ටා॒ස්තස්මා॑-දග්නි॒චින්නා-භිච॑රිත॒වෛ ප්ර॒ත්යගේ॑න-මභිචා॒ර-ස්ස්තෘ॑ණුතේ සූ॒යතේ॒ වා ඒ॒ෂ යෝ᳚-ऽග්නි-ඤ්චි॑නු॒තේ දේ॑වසු॒වාමේ॒තානි॑ හ॒වීග්​ම්ෂි॑ භවන්ත්යේ॒තාව॑න්තෝ॒ වෛ දේ॒වානාග්​ම්॑ ස॒වාස්ත ඒ॒වා- [ස॒වාස්ත ඒ॒ව, අ॒ස්මෛ॒ ස॒වා-න්ප්ර] 11

-ऽස්මෛ॑ ස॒වා-න්ප්ර ය॑ච්ඡන්ති॒ ත ඒ॑නග්​ම් සුවන්තේ ස॒වෝ᳚-ऽග්නිර්ව॑රුණස॒වෝ රා॑ජ॒සූය॑-ම්බ්රහ්මස॒වශ්චිත්යෝ॑ දේ॒වස්ය॑ ත්වා සවි॒තුඃ ප්ර॑ස॒ව ඉත්යා॑හ සවි॒තෘප්ර॑සූත ඒ॒වෛන॒-ම්බ්රහ්ම॑ණා දේ॒වතා॑භිර॒භි ෂි॑ඤ්ච॒ත්යන්න॑-ස්යාන්නස්යා॒භි ෂි॑ඤ්ච॒ත්යන්න॑-ස්යාන්න॒ස්යා-ව॑රුද්ධ්යෛ පු॒රස්තා᳚-ත්ප්ර॒ත්යඤ්ච॑ම॒භි ෂි॑ඤ්චති පු॒රස්තා॒ද්ධි ප්ර॑තී॒චී-න॒මන්න॑ම॒ද්යතේ॑ ශීර්​ෂ॒තෝ॑-ऽභි ෂි॑ඤ්චති ශීර්​ෂ॒තෝ හ්යන්න॑ම॒ද්යත॒ ආ මුඛා॑-ද॒න්වව॑ස්රාවයති [මුඛා॑-ද॒න්වව॑ස්රාවයති, මු॒ඛ॒ත ඒ॒වා-ऽස්මා॑] 12

මුඛ॒ත ඒ॒වා-ऽස්මා॑ අ॒න්නාද්ය॑-න්දධාත්ය॒ග්නේස්ත්වා॒ සාම්රා᳚ජ්යේනා॒භි ෂි॑ඤ්චා॒මීත්යා॑හෛ॒ෂ වා අ॒ග්නේ-ස්ස॒වස්තේනෛ॒වෛන॑ම॒භි ෂි॑ඤ්චති॒ බෘහ॒ස්පතේ᳚ස්ත්වා॒ සාම්රා᳚ජ්යේනා॒භිෂි॑ඤ්චා॒මීත්යා॑හ॒ බ්රහ්ම॒ වෛ දේ॒වානා॒-ම්බෘහ॒ස්පති॒ර්බ්රහ්ම॑ණෛ॒වෛන॑ම॒භි ෂි॑ඤ්ච॒තීන්ද්ර॑ස්ය ත්වා॒ සාම්රා᳚ජ්යේනා॒භි ෂි॑ඤ්චා॒-මීත්යා॑හේන්ද්රි॒යමේ॒වාස්මි॑-න්නු॒පරි॑ෂ්ටා-ද්දධාත්යේ॒ත- [-ද්දධාත්යේ॒තත්, වෛ රා॑ජ॒සූය॑ස්ය] 13

-ද්වෛ රා॑ජ॒සූය॑ස්ය රූ॒පං-යඁ ඒ॒වං-විඁ॒ද්වාන॒ග්නි-ඤ්චි॑නු॒ත උ॒භාවේ॒ව ලෝ॒කාව॒භි ජ॑යති॒ යශ්ච॑ රාජ॒සූයේ॑නේජා॒නස්ය॒ යශ්චා᳚ග්නි॒චිත॒ ඉන්ද්ර॑ස්ය සුෂුවා॒ණස්ය॑ දශ॒ධේන්ද්රි॒යං-වීඁ॒ර්ය॑-ම්පරා॑-ऽපත॒-ත්තද්දේ॒වා-ස්සෞ᳚ත්රාම॒ණ්යා සම॑භරන්-ථ්සූ॒යතේ॒ වා ඒ॒ෂ යෝ᳚-ऽග්නි-ඤ්චි॑නු॒තේ᳚-ऽග්නි-ඤ්චි॒ත්වා සෞ᳚ත්රාම॒ණ්යා ය॑ජේතේන්ද්රි॒යමේ॒ව වී॒ර්යග්​ම්॑ ස॒භෘන්ත්යා॒-ऽऽත්ම-න්ධ॑ත්තේ ॥ 14 ॥
(ත ඒ॒වා - න්වව॑ස්රාවයත්යේ॒ - ත - ද॒ෂ්ටාච॑ත්වාරිග්​ම්ශච්ච) (අ. 3)

ස॒ජූරබ්දෝ-ऽයා॑වභි-ස්ස॒ජූරු॒ෂා අරු॑ණීභි-ස්ස॒ජූ-ස්සූර්ය॒ ඒත॑ශේන ස॒ජෝෂා॑ව॒ශ්විනා॒ දග්​ම්සෝ॑භි-ස්ස॒ජූර॒ග්නිර්වෛ᳚ශ්වාන॒ර ඉඩා॑භිර්ඝෘ॒තේන॒ ස්වාහා॑ සං​වඁථ්ස॒රෝ වා අබ්දෝ॒ මාසා॒ අයා॑වා උ॒ෂා අරු॑ණී॒ සූර්ය॒ ඒත॑ශ ඉ॒මේ අ॒ශ්විනා॑ සං​වඁථ්ස॒රෝ᳚-ऽග්නිර්වෛ᳚ශ්වාන॒රඃ ප॒ශව॒ ඉඩා॑ ප॒ශවෝ॑ ඝෘ॒තග්​ම් සං॑​වඁථ්ස॒ර-ම්ප॒ශවෝ-ऽනු॒ ප්ර ජා॑යන්තේ සං​වඁථ්ස॒රේණෛ॒වාස්මෛ॑ ප॒ශූ-න්ප්රජ॑නයති දර්භස්ත॒ම්බේ ජු॑හෝති॒ ය - [ ] 15

-ද්වා අ॒ස්යා අ॒මෘතං॒-යඁ-ද්වී॒ර්ය॑-න්ත-ද්ද॒ර්භාස්තස්මි॑න් ජුහෝති॒ ප්රෛව ජා॑යතේ ऽන්නා॒දෝ භ॑වති॒ යස්යෛ॒ව-ඤ්ජුහ්ව॑ත්යේ॒තා වෛ දේ॒වතා॑ අ॒ග්නේඃ පු॒රස්තා᳚ද්භාගා॒ස්තා ඒ॒ව ප්රී॑ණා॒ත්යථෝ॒ චක්ෂු॑රේ॒වාග්නේඃ පු॒රස්තා॒-ත්ප්රති॑ දධා॒ත්යන॑න්ධෝ භවති॒ ය ඒ॒වං-වේඁදා-ऽऽපෝ॒ වා ඉ॒දමග්රේ॑ සලි॒ලමා॑සී॒-ථ්ස ප්ර॒ජාප॑තිඃ පුෂ්කරප॒ර්ණේ වාතෝ॑ භූ॒තෝ॑-ऽලේලාය॒-ථ්ස [භූ॒තෝ॑-ऽලේලාය॒-ථ්සඃ, ප්ර॒ති॒ෂ්ඨා-න්නා-ऽවි॑න්දත॒] 16

ප්ර॑ති॒ෂ්ඨා-න්නා-ऽවි॑න්දත॒ ස ඒ॒තද॒පා-ඞ්කු॒ලාය॑මපශ්ය॒-ත්තස්මි॑න්න॒ග්නිම॑චිනුත॒ තදි॒යම॑භව॒-ත්තතෝ॒ වෛ ස ප්රත්ය॑තිෂ්ඨ॒ද්යා-ම්පු॒රස්තා॑දු॒පා-ද॑ධා॒-ත්තච්ඡිරෝ॑ ऽභව॒-ථ්සා ප්රාචී॒ දිග්යා-න්ද॑ක්ෂිණ॒ත උ॒පාද॑ධා॒-ථ්ස දක්ෂි॑ණඃ ප॒ක්ෂෝ॑-ऽභව॒-ථ්සා ද॑ක්ෂි॒ණා දිග්යා-ම්ප॒ශ්චා-දු॒පාද॑ධා॒-ත්ත-ත්පුච්ඡ॑මභව॒-ථ්සා ප්ර॒තීචී॒ දිග්යාමු॑ත්තර॒ත උ॒පාද॑ධා॒- [උ॒පාද॑ධාත්, ස උත්ත॑රඃ] 17

-ථ්ස උත්ත॑රඃ ප॒ක්ෂෝ॑-ऽභව॒-ථ්සෝදී॑චී॒ දිග්යාමු॒පරි॑ෂ්ටා-දු॒පාද॑ධා॒-ත්ත-ත්පෘ॒ෂ්ඨම॑භව॒-ථ්සෝර්ධ්වා දිගි॒යං-වාඁ අ॒ග්නිඃ පඤ්චේ᳚ෂ්ටක॒-ස්තස්මා॒-ද්යද॒ස්යා-ඞ්ඛන॑න්ත්ය॒භීෂ්ට॑කා-න්තෘ॒න්දන්ත්ය॒භි ශර්ක॑රා॒ග්​ම්॒ සර්වා॒ වා ඉ॒යං-වඁයෝ᳚භ්යෝ॒ නක්ත॑-න්දෘ॒ශේ දී᳚ප්යතේ॒ තස්මා॑දි॒මාං-වඁයාග්​ම්॑සි॒ නක්ත॒-න්නාද්ධ්යා॑සතේ॒ ය ඒ॒වං-විඁ॒ද්වාන॒ග්නි-ඤ්චි॑නු॒තේ ප්රත්යේ॒ව [ප්රත්යේ॒ව, ති॒ෂ්ඨ॒ත්ය॒භි දිශෝ॑] 18

ති॑ෂ්ඨත්ය॒භි දිශෝ॑ ජයත්යාග්නේ॒යෝ වෛ බ්රා᳚හ්ම॒ණස්තස්මා᳚-ද්බ්රාහ්ම॒ණාය॒ සර්වා॑සු දි॒ක්ෂ්වර්ධු॑ක॒ග්ග්॒ ස්වාමේ॒ව ත-ද්දිශ॒මන්වේ᳚ත්ය॒පාං-වාඁ අ॒ග්නිඃ කු॒ලාය॒-න්තස්මා॒දාපෝ॒-ऽග්නිග්​ම් හාරු॑කා॒-ස්ස්වාමේ॒ව ත-ද්යෝනි॒-ම්ප්රවි॑ශන්ති ॥ 19 ॥
(යද॑- ලේලාය॒-ථ්ස-උ॑ත්තර॒ත උ॒පාද॑ධා-දේ॒ව - ද්වාත්රිග්​ම්॑ශච්ච) (අ. 4)

සං॒​වඁ॒ථ්ස॒රමුඛ්ය॑-ම්භෘ॒ත්වා ද්වි॒තීයේ॑ සං​වඁථ්ස॒ර ආ᳚ග්නේ॒යම॒ෂ්ටාක॑පාල॒-න්නිර්ව॑පේදෛ॒න්ද්ර-මේකා॑දශකපාලං-වෛඁශ්වදේ॒ව-න්ද්වාද॑ශකපාල-ම්බාර්​හස්ප॒ත්ය-ඤ්ච॒රුං-වෛඁ᳚ෂ්ණ॒ව-න්ත්රි॑කපා॒ල-න්තෘ॒තීයේ॑ සං​වඁථ්ස॒රේ॑-ऽභි॒ජිතා॑ යජේත॒ යද॒ෂ්ටාක॑පාලෝ॒ භව॑ත්ය॒ෂ්ටාක්ෂ॑රා ගාය॒ත්ර්යා᳚ග්නේ॒ය-ඞ්ගා॑ය॒ත්ර-ම්ප්රා॑තස්සව॒න-ම්ප්රා॑තස්සව॒නමේ॒ව තේන॑ දාධාර ගාය॒ත්රී-ඤ්ඡන්දෝ॒ යදේකා॑දශකපාලෝ॒ භව॒ත්යේකා॑දශාක්ෂරා ත්රි॒ෂ්ටුගෛ॒න්ද්ර-න්ත්රෛෂ්ටු॑භ॒-ම්මාද්ධ්ය॑න්දින॒ග්​ම්॒ සව॑න॒-ම්මාද්ධ්ය॑න්දිනමේ॒ව සව॑න॒-න්තේන॑ දාධාර ත්රි॒ෂ්ටුභ॒- [ත්රි॒ෂ්ටුභ᳚ම්, ඡන්දෝ॒ ය-ද්ද්වාද॑ශකපාලෝ॒ භව॑ති॒] 20

-ඤ්ඡන්දෝ॒ ය-ද්ද්වාද॑ශකපාලෝ॒ භව॑ති॒ ද්වාද॑ශාක්ෂරා॒ ජග॑තී වෛශ්වදේ॒ව-ඤ්ජාග॑ත-න්තෘතීයසව॒න-න්තෘ॑තීයසව॒නමේ॒ව තේන॑ දාධාර॒ ජග॑තී॒-ඤ්ඡන්දෝ॒ ය-ද්බා॑ර්​හස්ප॒ත්යශ්ච॒රුර්භව॑ති॒ බ්රහ්ම॒ වෛ දේ॒වානා॒-ම්බෘහ॒ස්පති॒ර්බ්රහ්මෛ॒ව තේන॑ දාධාර॒ ය-ද්වෛ᳚ෂ්ණ॒වස්ත්රි॑කපා॒ලෝ භව॑ති ය॒ජ්ඤෝ වෛ විෂ්ණු॑ර්ය॒ජ්ඤමේ॒ව තේන॑ දාධාර॒ ය-ත්තෘ॒තීයේ॑ සං​වඁථ්ස॒රේ॑-ऽභි॒ජිතා॒ යජ॑තේ॒-ऽභිජි॑ත්යෛ॒ ය-ථ්සං॑​වඁථ්ස॒රමුඛ්ය॑-ම්බි॒භර්තී॒මමේ॒ව [ ] 21

තේන॑ ලෝ॒කග්ග්​ ස්පෘ॑ණෝති॒ ය-ද්ද්වි॒තීයේ॑ සං​වඁථ්ස॒රේ᳚-ऽග්නි-ඤ්චි॑නු॒තේ᳚ ऽන්තරි॑ක්ෂමේ॒ව තේන॑ ස්පෘණෝති॒ ය-ත්තෘ॒තීයේ॑ සං​වඁථ්ස॒රේ යජ॑තේ॒-ऽමුමේ॒ව තේන॑ ලෝ॒කග්ග්​ ස්පෘ॑ණෝත්යේ॒තං-වෛඁ පර॑ ආට්ණා॒රඃ ක॒ක්ෂීවාග්​ම්॑ ඖශි॒ජෝ වී॒තහ॑ව්ය-ශ්ශ්රාය॒සස්ත්ර॒සද॑ස්යුඃ පෞරුකු॒ථ්ස්යඃ ප්ර॒ජාකා॑මා අචින්වත॒ තතෝ॒ වෛ තේ ස॒හස්රග්​ම්॑ සහස්ර-ම්පු॒ත්රාන॑වින්දන්ත॒ ප්රථ॑තේ ප්ර॒ජයා॑ ප॒ශුභි॒ස්තා-ම්මාත්රා॑මාප්නෝති॒ යා-න්තේ-ऽග॑ච්ඡ॒න්॒ ය ඒ॒වං ඁවි॒ද්වානේ॒තම॒ග්නි-ඤ්චි॑නු॒තේ ॥ 22 ॥
(දා॒ධා॒ර॒ ත්රි॒ෂ්ටුභ॑ - මි॒මමේ॒වෛ - වං - ච॒ත්වාරි॑ ච) (අ. 5)

ප්ර॒ජාප॑තිර॒ග්නිම॑චිනුත॒ ස ක්ෂු॒රප॑විර්භූ॒ත්වා-ऽති॑ෂ්ඨ॒-ත්ත-න්දේ॒වා බිභ්ය॑තෝ॒ නෝපා॑-ऽऽය॒-න්තේ ඡන්දෝ॑භිරා॒ත්මාන॑-ඤ්ඡාදයි॒ත්වෝපා॑-ऽऽය॒-න්තච්ඡන්ද॑සා-ඤ්ඡන්ද॒ස්ත්ව-ම්බ්රහ්ම॒ වෛ ඡන්දාග්​ම්॑සි॒ බ්රහ්ම॑ණ ඒ॒ත-ද්රූ॒පං-යඁ-ත්කෘ॑ෂ්ණාජි॒න-ඞ්කාර්​ෂ්ණී॑ උපා॒නහා॒වුප॑ මුඤ්චතේ॒ ඡන්දෝ॑භිරේ॒වා-ऽऽත්මාන॑-ඤ්ඡාදයි॒ත්වා-ऽග්නිමුප॑ චරත්යා॒ත්මනෝ-ऽහිග්​ම්॑සායෛ දේවනි॒ධිර්වා ඒ॒ෂ නි ධී॑යතේ॒ යද॒ග්නි- [යද॒ග්නිඃ, අ॒න්යේ වා॒ වෛ] 23

-ර॒න්යේ වා॒ වෛ නි॒ධිමගු॑ප්තං-විඁ॒න්දන්ති॒ න වා॒ ප්රති॒ ප්ර ජා॑නාත්යු॒ඛාමා ක්රා॑මත්යා॒ත්මාන॑මේ॒වාධි॒පා-ඞ්කු॑රුතේ॒ ගුප්ත්යා॒ අථෝ॒ ඛල්වා॑හු॒ර්නා-ऽऽක්රම්යේති॑ නෛර්-ඍ॒ත්යු॑ඛා යදා॒ක්රාමේ॒න්නිර්-ඍ॑ත්යා ආ॒ත්මාන॒මපි॑ දද්ධ්යා॒-ත්තස්මා॒න්නා-ऽऽක්රම්යා॑ පුරුෂශී॒ර්॒ෂමුප॑ දධාති॒ ගුප්ත්යා॒ අථෝ॒ යථා᳚ බ්රූ॒යාදේ॒තන්මේ॑ ගෝපා॒යේති॑ තා॒දෘගේ॒ව ත- [තත්, ප්ර॒ජාප॑ති॒ර්වා] 24

-ත්ප්ර॒ජාප॑ති॒ර්වා අථ॑ර්වා॒ ऽග්නිරේ॒ව ද॒ද්ධ්යඞ්ඞා॑ථර්ව॒ණස්තස්යේෂ්ට॑කා අ॒ස්ථාන්යේ॒තග්​ම් හ॒ වාව තද්-ඍෂි॑ර॒භ්යනූ॑වා॒චේන්ද්රෝ॑ දධී॒චෝ අ॒ස්ථභි॒රිති॒ යදිෂ්ට॑කාභිර॒ග්නි-ඤ්චි॒නෝති॒ සාත්මා॑නමේ॒වාග්නි-ඤ්චි॑නුතේ॒ සාත්මා॒මුෂ්මි॑න් ඁලෝ॒කේ භ॑වති॒ ය ඒ॒වං-වේඁද॒ ශරී॑රං॒-වාඁ ඒ॒තද॒ග්නේර්යච්චිත්ය॑ ආ॒ත්මා වෛ᳚ශ්වාන॒රෝ යච්චි॒තේ වෛ᳚ශ්වාන॒ර-ඤ්ජු॒හෝති॒ ශරී॑රමේ॒ව ස॒ග්ග්॒ස්කෘත්යා॒- [ස॒ග්ග්॒ස්කෘත්යා॑, අ॒භ්යාරෝ॑හති॒] 25

-ऽභ්යාරෝ॑හති॒ ශරී॑රං॒-වාඁ ඒ॒ත-ද්යජ॑මාන॒-ස්සග්ග්​ ස්කු॑රුතේ॒ යද॒ග්නි-ඤ්චි॑නු॒තේ යච්චි॒තේ වෛ᳚ශ්වාන॒ර-ඤ්ජු॒හෝති॒ ශරී॑රමේ॒ව ස॒ග්ග්॒ස්කෘත්යා॒ ऽऽත්මනා॒-ऽභ්යාරෝ॑හති॒ තස්මා॒-ත්තස්ය॒ නාව॑ ද්යන්ති॒ ජීව॑න්නේ॒ව දේ॒වානප්යේ॑ති වෛශ්වාන॒ර්යර්චා පුරී॑ෂ॒මුප॑ දධාතී॒යං-වාඁ අ॒ග්නිර්වෛ᳚ශ්වාන॒රස්තස්යෛ॒ෂා චිති॒ර්ය-ත්පුරී॑ෂම॒ග්නිමේ॒ව වෛ᳚ශ්වාන॒ර-ඤ්චි॑නුත ඒ॒ෂා වා අ॒ග්නේඃ ප්රි॒යා ත॒නූර්ය-ද්වෛ᳚ශ්වාන॒රඃ ප්රි॒යාමේ॒වාස්ය॑ ත॒නුව॒මව॑ රුන්ධේ ॥ 26 ॥
(අ॒ග්නි - ස්තථ් - ස॒ග්ග්॒ස්කෘත්යා॒ - ග්නේ - ර්දශ॑ ච) (අ. 6)

අ॒ග්නේර්වෛ දී॒ක්ෂයා॑ දේ॒වා වි॒රාජ॑මාප්නුව-න්ති॒ස්රෝ රාත්රී᳚ර්දීක්ෂි॒ත-ස්ස්යා᳚-ත්ත්රි॒පදා॑ වි॒රා-ඩ්වි॒රාජ॑මාප්නෝති॒ ෂඩ්-රාත්රී᳚ර්දීක්ෂි॒ත-ස්ස්යා॒-ථ්ෂ-ඩ්වා ඍ॒තව॑-ස්සං​වඁථ්ස॒ර-ස්සං॑​වඁථ්ස॒රෝ වි॒රා-ඩ්වි॒රාජ॑මාප්නෝති॒ දශ॒ රාත්රී᳚ර්දීක්ෂි॒ත-ස්ස්යා॒-ද්දශා᳚ක්ෂරා වි॒රා-ඩ්වි॒රාජ॑මාප්නෝති॒ ද්වාද॑ශ॒ රාත්රී᳚ර්දීක්ෂි॒ත-ස්ස්යා॒-ද්ද්වාද॑ශ॒ මාසා᳚-ස්සං​වඁථ්ස॒ර-ස්සං॑​වඁථ්ස॒රෝ වි॒රා-ඩ්වි॒රාජ॑මාප්නෝති॒ ත්රයෝ॑දශ॒ රාත්රී᳚ර්දීක්ෂි॒ත-ස්ස්යා॒-ත්ත්රයෝ॑දශ॒ [ත්රයෝ॑දශ, මාසා᳚-] 27

මාසා᳚-ස්සං​වඁථ්ස॒ර-ස්සං॑​වඁථ්ස॒රෝ වි॒රා-ඩ්වි॒රාජ॑මාප්නෝති॒ පඤ්ච॑දශ॒ රාත්රී᳚ර්දීක්ෂි॒ත-ස්ස්යා॒-ත්පඤ්ච॑දශ॒ වා අ॑ර්ධමා॒සස්ය॒ රාත්ර॑යෝ-ऽර්ධමාස॒ශ-ස්සං॑​වඁථ්ස॒ර ආ᳚ප්යතේ සං​වඁථ්ස॒රෝ වි॒රා-ඩ්වි॒රාජ॑මාප්නෝති ස॒ප්තද॑ශ॒ රාත්රී᳚ර්දීක්ෂි॒ත-ස්ස්යා॒-ද්ද්වාද॑ශ॒ මාසාඃ॒ පඤ්ච॒ර්තව॒-ස්ස සං॑​වඁථ්ස॒ර-ස්සං॑​වඁථ්ස॒රෝ වි॒රා-ඩ්වි॒රාජ॑මාප්නෝති॒ චතු॑ර්විග්​ම්ශති॒ග්​ම්॒ රාත්රී᳚ර්දීක්ෂි॒ත-ස්ස්යා॒-ච්චතු॑ර්විග්​ම්ශතිරර්ධමා॒සා-ස්සං॑​වඁථ්ස॒ර-ස්සං॑​වඁථ්ස॒රෝ වි॒රා-ඩ්වි॒රාජ॑මාප්නෝති ත්රි॒ග්​ම්॒ශත॒ග්​ම්॒ රාත්රී᳚ර්දීක්ෂි॒ත-ස්ස්යා᳚- [රාත්රී᳚ර්දීක්ෂි॒ත-ස්ස්යා᳚ත්, ත්රි॒ග්​ම්॒ශද॑ක්ෂරා] 28

-ත්ත්රි॒ග්​ම්॒ශද॑ක්ෂරා වි॒රා-ඩ්වි॒රාජ॑මාප්නෝති॒ මාස॑-න්දීක්ෂි॒ත-ස්ස්යා॒-ද්යෝ මාස॒-ස්ස සං॑​වඁථ්ස॒ර-ස්සං॑​වඁථ්ස॒රෝ වි॒රා-ඩ්වි॒රාජ॑මාප්නෝති ච॒තුරෝ॑ මා॒සෝ දී᳚ක්ෂි॒ත-ස්ස්යා᳚ච්ච॒තුරෝ॒ වා ඒ॒ත-ම්මා॒සෝ වස॑වෝ-ऽබිභරු॒ස්තේ පෘ॑ථි॒වීමා-ऽජ॑ය-න්ගාය॒ත්රී-ඤ්ඡන්දෝ॒-ऽෂ්ටෞ රු॒ද්රාස්තේ᳚-ऽන්තරි॑ක්ෂ॒මා-ऽජ॑ය-න්ත්රි॒ෂ්ටුභ॒-ඤ්ඡන්දෝ॒ ද්වාද॑ශා-ऽऽදි॒ත්යාස්තේ දිව॒මා-ऽජ॑ය॒න් ජග॑තී॒-ඤ්ඡන්ද॒ස්තතෝ॒ වෛ තේ ව්යා॒වෘත॑-මගච්ඡ॒ඤ්ඡ්රෛෂ්ඨ්ය॑-න්දේ॒වානා॒-න්තස්මා॒-ද්ද්වාද॑ශ මා॒සෝ භෘ॒ත්වා-ऽග්නි-ඤ්චි॑න්වීත॒ ද්වාද॑ශ॒ මාසා᳚-ස්සං​වඁථ්ස॒ර-ස්සං॑​වඁථ්ස॒රෝ᳚ -ऽග්නිශ්චිත්ය॒ස්තස්යා॑-හෝරා॒ත්රාණීෂ්ට॑කා ආ॒ප්තේෂ්ට॑කමේන-ඤ්චිනු॒තේ-ऽථෝ᳚ ව්යා॒වෘත॑මේ॒ව ග॑ච්ඡති॒ ශ්රෛෂ්ඨ්යග්​ම්॑ සමා॒නානා᳚ම් ॥ 29 ॥
(ස්යා॒-ත්ත්රයෝ॑දශ - ත්රි॒ග්​ම්॒ශත॒ග්​ම්॒ රාත්රී᳚ර්දීක්ෂි॒ත-ස්ස්යා॒-ද්- වෛ තේ᳚ - ऽෂ්ටාවිග්​ම්॑ශතිශ්ච) (අ. 7)

සු॒ව॒ර්ගාය॒ වා ඒ॒ෂ ලෝ॒කාය॑ චීයතේ॒ යද॒ග්නිස්තං-යඁන්නාන්වා॒රෝහේ᳚-ථ්සුව॒ර්ගාල්ලෝ॒කා-ද්යජ॑මානෝ හීයේත පෘථි॒වීමා-ऽක්ර॑මිෂ-ම්ප්රා॒ණෝ මා॒ මා හා॑සීද॒න්තරි॑ක්ෂ॒මා-ऽක්ර॑මිෂ-ම්ප්ර॒ජා මා॒ මා හා॑සී॒-ද්දිව॒මා-ऽක්ර॑මිෂ॒ග්​ම්॒ සුව॑රග॒න්මේත්යා॑හෛ॒ෂ වා අ॒ග්නේර॑න්වාරෝ॒හස්තේනෛ॒වෛන॑-ම॒න්වාරෝ॑හති සුව॒ර්ගස්ය॑ ලෝ॒කස්ය॒ සම॑ෂ්ට්යෛ॒ ය-ත්ප॒ක්ෂස॑ම්මිතා-ම්මිනු॒යා- [මිනු॒යාත්, කනී॑යාග්​ම්ස-] 30

-ත්කනී॑යාග්​ම්සං-යඁජ්ඤක්ර॒තුමුපේ॑යා॒-ත්පාපී॑යස්යස්යා॒ ऽऽත්මනඃ॑ ප්ර॒ජා ස්යා॒-ද්වේදි॑සම්මිතා-ම්මිනෝති॒ ජ්යායාග්​ම්॑සමේ॒ව ය॑ජ්ඤක්ර॒තුමුපෛ॑ති॒ නාස්යා॒-ऽऽත්මනඃ॒ පාපී॑යසී ප්ර॒ජා භ॑වති සාහ॒ස්ර-ඤ්චි॑න්වීත ප්රථ॒ම-ඤ්චි॑න්වා॒න-ස්ස॒හස්ර॑සම්මිතෝ॒ වා අ॒යං-ලෝඁ॒ක ඉ॒මමේ॒ව ලෝ॒කම॒භි ජ॑යති॒ ද්විෂා॑හස්ර-ඤ්චින්වීත ද්වි॒තීය॑-ඤ්චින්වා॒නෝ ද්විෂා॑හස්රං॒-වාඁ අ॒න්තරි॑ක්ෂ-ම॒න්තරි॑ක්ෂමේ॒වාභි ජ॑යති॒ ත්රිෂා॑හස්ර-ඤ්චින්වීත තෘ॒තීය॑-ඤ්චින්වා॒න- [තෘ॒තීය॑-ඤ්චින්වා॒නඃ, ත්රිෂා॑හස්රෝ॒ වා අ॒සෞ] 31

-ස්ත්රිෂා॑හස්රෝ॒ වා අ॒සෞ ලෝ॒කෝ॑ ऽමුමේ॒ව ලෝ॒කම॒භි ජ॑යති ජානුද॒ඝ්න-ඤ්චි॑න්වීත ප්රථ॒ම-ඤ්චි॑න්වා॒නෝ ගා॑යත්රි॒යෛවේමං-ලෝඁ॒කම॒භ්යාරෝ॑හති නාභිද॒ඝ්න-ඤ්චි॑න්වීත ද්වි॒තීය॑-ඤ්චින්වා॒නස්ත්රි॒ෂ්ටුභෛ॒වා-න්තරි॑ක්ෂ-ම॒භ්යාරෝ॑හති ග්රීවද॒ඝ්න-ඤ්චි॑න්වීත තෘ॒තීය॑-ඤ්චින්වා॒නෝ ජග॑ත්යෛ॒වාමුන් ඁලෝ॒කම॒භ්යාරෝ॑හති॒ නාග්නි-ඤ්චි॒ත්වා රා॒මාමුපේ॑යාදයෝ॒නෞ රේතෝ॑ ධාස්යා॒මීති॒ න ද්වි॒තීය॑-ඤ්චි॒ත්වා-ऽන්යස්ය॒ ස්ත්රිය॒- [ස්ත්රිය᳚ම්, උපේ॑යා॒න්න] 32

-මුපේ॑යා॒න්න තෘ॒තීය॑-ඤ්චි॒ත්වා කා-ඤ්ච॒නෝපේ॑යා॒-ද්රේතෝ॒ වා ඒ॒තන්නි ධ॑ත්තේ॒ යද॒ග්නි-ඤ්චි॑නු॒තේ යදු॑පේ॒යා-ද්රේත॑සා॒ ව්යෘ॑ද්ධ්යේ॒තා-ऽථෝ॒ ඛල්වා॑හුර ප්රජ॒ස්ය-න්ත-ද්යන්නෝපේ॒යාදිති॒ ය-ද්රේ॑ත॒ස්සිචා॑වුප॒දධා॑ති॒ තේ ඒ॒ව යජ॑මානස්ය॒ රේතෝ॑ බිභෘත॒ස්තස්මා॒-දුපේ॑යා॒-ද්රේත॒සෝ-ऽස්ක॑න්දාය॒ ත්රීණි॒ වාව රේතාග්​ම්॑සි පි॒තා පු॒ත්රඃ පෞත්රෝ॒ [පෞත්රඃ॑, ය-ද්ද්වේ රේ॑ත॒ස්සිචා॑] 33

ය-ද්ද්වේ රේ॑ත॒ස්සිචා॑-වුපද॒ද්ධ්යා-ද්රේතෝ᳚-ऽස්ය॒ විච්ඡි॑න්ද්යා-ත්ති॒ස්ර උප॑ දධාති॒ රේත॑ස॒-ස්සන්ත॑ත්යා ඉ॒යං-වාඁව ප්ර॑ථ॒මා රේ॑ත॒ස්සිග් වාග්වා ඉ॒ය-න්තස්මා॒-ත්පශ්ය॑න්තී॒මා-ම්පශ්ය॑න්ති॒ වාචං॒-වඁද॑න්තීම॒න්තරි॑ක්ෂ-න්ද්වි॒තීයා᳚ ප්රා॒ණෝ වා අ॒න්තරි॑ක්ෂ॒-න්තස්මා॒න්නා-ऽන්තරි॑ක්ෂ॒-ම්පශ්ය॑න්ති॒ න ප්රා॒ණම॒සෞ තෘ॒තීයා॒ චක්ෂු॒ර්වා අ॒සෞ තස්මා॒-ත්පශ්ය॑න්ත්ය॒මූ-ම්පශ්ය॑න්ති॒ චක්ෂු॒-ර්යජු॑ෂේ॒මා-ඤ්චා॒- [චක්ෂු॒-ර්යජු॑ෂේ॒මා-ඤ්චා॑, අ॒මූ-ඤ්චෝප॑] 34

-ऽමූ-ඤ්චෝප॑ දධාති॒ මන॑සා මද්ධ්ය॒මාමේ॒ෂාං-ලෝඁ॒කානා॒-ඞ්කॢප්ත්යා॒ අථෝ᳚ ප්රා॒ණානා॑මි॒ෂ්ටෝ ය॒ජ්ඤෝ භෘගු॑භිරාශී॒ර්දා වසු॑භි॒ස්තස්ය॑ ත ඉ॒ෂ්ටස්ය॑ වී॒තස්ය॒ ද්රවි॑ණේ॒හ භ॑ක්ෂී॒යේත්යා॑හ ස්තුතශ॒ස්ත්රේ ඒ॒වෛතේන॑ දුහේ පි॒තා මා॑ත॒රිශ්වා-ऽච්ඡි॑ද්රා ප॒දා ධා॒ අච්ඡි॑ද්රා උ॒ශිජඃ॑ ප॒දා-ऽනු॑ තක්ෂු॒-ස්සෝමෝ॑ විශ්ව॒වින්නේ॒තා නේ॑ෂ॒-ද්බෘහ॒ස්පති॑රුක්ථාම॒දානි॑ ශග්​ම්සිෂ॒දිත්යා॑හෛ॒තද්වා අ॒ග්නේරු॒ක්ථ-න්තේනෛ॒වෛන॒මනු॑ ශග්​ම්සති ॥ 35 ॥
(මි॒නු॒යාත් - තෘ॒තීය॑-ඤ්චින්වා॒නඃ - ස්ත්රියං॒ - පෞත්ර॑ - ශ්ච॒ - වෛ - ස॒ප්ත ච॑) (අ. 8)

සූ॒යතේ॒ වා ඒ॒ෂෝ᳚-ऽග්නී॒නාං-යඁ උ॒ඛායා᳚-ම්භ්රි॒යතේ॒ යද॒ධ-ස්සා॒දයේ॒-ද්ගර්භාඃ᳚ ප්ර॒පාදු॑කා-ස්ස්යු॒රථෝ॒ යථා॑ ස॒වා-ත්ප්ර॑ත්යව॒රෝහ॑ති තා॒දෘගේ॒ව තදා॑ස॒න්දී සා॑දයති॒ ගර්භා॑ණා॒-න්ධෘත්යා॒ අප්ර॑පාදා॒යාථෝ॑ ස॒වමේ॒වෛන॑-ඞ්කරෝති॒ ගර්භෝ॒ වා ඒ॒ෂ යදුඛ්යෝ॒ යෝනි॑-ශ්ශි॒ක්යං॑-යඁච්ඡි॒ක්යා॑දු॒ඛා-න්නි॒රූහේ॒-ද්යෝනේ॒ර්ගර්භ॒-න්නිර්​හ॑ණ්යා॒-ථ්ෂඩු॑ද්යාමග්​ම් ශි॒ක්ය॑-ම්භවති ෂෝඪා විහි॒තෝ වෛ [ ] 36

පුරු॑ෂ ආ॒ත්මා ච॒ ශිර॑ශ්ච ච॒ත්වාර්යඞ්ගා᳚න්යා॒ත්මන්නේ॒වෛන॑-ම්බිභර්ති ප්ර॒ජාප॑ති॒ර්වා ඒ॒ෂ යද॒ග්නිස්තස්යෝ॒ඛා චෝ॒ලූඛ॑ල-ඤ්ච॒ ස්තනෞ॒ තාව॑ස්ය ප්ර॒ජා උප॑ ජීවන්ති॒ යදු॒ඛා-ඤ්චෝ॒ලූඛ॑ල-ඤ්චෝප॒දධා॑ති॒ තාභ්යා॑මේ॒ව යජ॑මානෝ॒-ऽමුෂ්මි॑න් ඁලෝ॒කේ᳚-ऽග්නි-න්දු॑හේ සං​වඁථ්ස॒රෝ වා ඒ॒ෂ යද॒ග්නිස්තස්ය॑ ත්රේධාවිහි॒තා ඉෂ්ට॑කාඃ ප්රාජාප॒ත්යා වෛ᳚ෂ්ණ॒වී- [වෛ᳚ෂ්ණ॒වීඃ, වෛ॒ශ්ව॒ක॒ර්ම॒ණී-] 37

-ර්වෛ᳚ශ්වකර්ම॒ණී-ර॑හෝරා॒ත්රාණ්යේ॒වා-ऽස්ය॑ ප්රාජාප॒ත්යා යදුඛ්ය॑-ම්බි॒භර්ති॑ ප්රාජාප॒ත්යා ඒ॒ව තදුප॑ ධත්තේ॒ ය-ථ්ස॒මිධ॑ ආ॒දධා॑ති වෛෂ්ණ॒වා වෛ වන॒ස්පත॑යෝ වෛෂ්ණ॒වීරේ॒ව තදුප॑ ධත්තේ॒ යදිෂ්ට॑කාභිර॒ග්නි-ඤ්චි॒නෝතී॒යං-වෛඁ වි॒ශ්වක॑ර්මා වෛශ්වකර්ම॒ණීරේ॒ව තදුප॑ ධත්තේ॒ තස්මා॑-දාහු-ස්ත්රි॒වෘද॒ග්නිරිති॒ තං-වාඁ ඒ॒තං-යඁජ॑මාන ඒ॒ව චි॑න්වීත॒ යද॑ස්යා॒න්ය ශ්චි॑නු॒යාද්ය-ත්ත-න්දක්ෂි॑ණාභි॒ර්න රා॒ධයේ॑ද॒ග්නිම॑ස්ය වෘඤ්ජීත॒ යෝ᳚-ऽස්යා॒-ऽග්නි-ඤ්චි॑නු॒යා-ත්ත-න්දක්ෂි॑ණාභී රාධයේද॒ග්නිමේ॒ව ත-ථ්ස්පෘ॑ණෝති ॥ 38 ॥
(ෂෝ॒ඪා॒වි॒හි॒තෝ වෛ - වෛ᳚ෂ්ණ॒වී - ර॒න්යෝ - විග්​ම්॑ශ॒තිශ්ච॑) (අ. 9)

ප්ර॒ජාප॑ති-ර॒ග්නි-ම॑චිනුත॒ර්තුභි॑-ස්සං​වඁථ්ස॒රං-වඁ ॑ස॒න්තේනෛ॒වාස්ය॑ පූර්වා॒ර්ධම॑චිනුත ග්රී॒ෂ්මේණ॒ දක්ෂි॑ණ-ම්ප॒ක්ෂං-වඁ॒ර්॒ෂාභිඃ॒ පුච්ඡග්​ම්॑ ශ॒රදෝත්ත॑ර-ම්ප॒ක්ෂග්​ම් හේ॑ම॒න්තේන॒ මද්ධ්ය॒-ම්බ්රහ්ම॑ණා॒ වා අ॑ස්ය॒ ත-ත්පූ᳚ර්වා॒ර්ධම॑චිනුත ක්ෂ॒ත්රේණ॒ දක්ෂි॑ණ-ම්ප॒ක්ෂ-ම්ප॒ශුභිඃ॒ පුච්ඡං॑-විඁ॒ශෝත්ත॑ර-ම්ප॒ක්ෂමා॒ශයා॒ මද්ධ්යං॒-යඁ ඒ॒වං-විඁ॒ද්වාන॒ග්නි-ඤ්චි॑නු॒ත ඍ॒තුභි॑රේ॒වෛන॑-ඤ්චිනු॒තේ-ऽථෝ॑ ඒ॒තදේ॒ව සර්ව॒මව॑ - [සර්ව॒මව॑, රු॒න්ධේ॒ ශෘ॒ණ්වන්ත්යේ॑න] 39

රුන්ධේ ශෘ॒ණ්වන්ත්යේ॑න-ම॒ග්නි-ඤ්චි॑ක්යා॒නමත්ත්යන්න॒ග්​ම්॒ රෝච॑ත ඉ॒යං-වාඁව ප්ර॑ථ॒මා චිති॒රෝෂ॑ධයෝ॒ වන॒ස්පත॑යඃ॒ පුරී॑ෂම॒න්තරි॑ක්ෂ-න්ද්වි॒තීයා॒ වයාග්​ම්॑සි॒ පුරී॑ෂම॒සෞ තෘ॒තීයා॒ නක්ෂ॑ත්රාණි॒ පුරී॑ෂං-යඁ॒ජ්ඤශ්ච॑තු॒ර්ථී දක්ෂි॑ණා॒ පුරී॑ෂං॒-යඁජ॑මානඃ පඤ්ච॒මී ප්ර॒ජා පුරී॑ෂං॒-යඁ-ත්ත්රිචි॑තීක-ඤ්චින්වී॒ත ය॒ජ්ඤ-න්දක්ෂි॑ණාමා॒ත්මාන॑-ම්ප්ර॒ජාම॒න්තරි॑යා॒-ත්තස්මා॒-ත්පඤ්ච॑චිතීකශ්චේත॒ව්ය॑ ඒ॒තදේ॒ව සර්වග්ග්॑ ස්පෘණෝති॒ ය-ත්ති॒ස්රශ්චිත॑ය- [ය-ත්ති॒ස්රශ්චිත॑යඃ, ත්රි॒වෘද්ධ්ය॑ග්නිර්ය-ද්ද්වේ] 40

-ස්ත්රි॒වෘද්ධ්ය॑ග්නිර්ය-ද්ද්වේ ද්වි॒පා-ද්යජ॑මානඃ॒ ප්රති॑ෂ්ඨිත්යෛ॒ පඤ්ච॒ චිත॑යෝ භවන්ති॒ පාඞ්ක්තඃ॒ පුරු॑ෂ ආ॒ත්මාන॑මේ॒ව ස්පෘ॑ණෝති॒ පඤ්ච॒ චිත॑යෝ භවන්ති ප॒ඤ්චභිඃ॒ පුරී॑ෂෛර॒භ්යූ॑හති॒ දශ॒ ස-ම්ප॑ද්යන්තේ॒ දශා᳚ක්ෂරෝ॒ වෛ පුරු॑ෂෝ॒ යාවා॑නේ॒ව පුරු॑ෂ॒ස්තග්ග්​ ස්පෘ॑ණෝ॒ත්යථෝ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජ්යේ॒වාන්නාද්යේ॒ ප්රති॑ තිෂ්ඨති සං​වඁථ්ස॒රෝ වෛ ෂ॒ෂ්ඨී චිති॑ර්-ඍ॒තවඃ॒ පුරී॑ෂ॒ග්​ම්॒ ෂට් චිත॑යෝ භවන්ති॒ ෂට් පුරී॑ෂාණි॒ ද්වාද॑ශ॒ ස-ම්ප॑ද්යන්තේ॒ ද්වාද॑ශ॒ මාසා᳚-ස්සං​වඁථ්ස॒ර-ස්සං॑​වඁථ්ස॒ර ඒ॒ව ප්රති॑ තිෂ්ඨති ॥ 41 ॥
(අව॒ - චිත॑යඃ॒ - පුරී॑ෂං॒ - පඤ්ච॑දශ ච) (අ. 10)

රෝහි॑තෝ ධූ॒ම්රරෝ॑හිතඃ ක॒ර්කන්ධු॑රෝහිත॒ස්තේ ප්රා॑ජාප॒ත්යා බ॒භ්රුර॑රු॒ණබ॑භ්රු॒-ශ්ශුක॑බභ්රු॒ස්තේ රෞ॒ද්රා-ශ්ශ්යේත॑-ශ්ශ්යේතා॒ක්ෂ-ශ්ශ්යේත॑ග්රීව॒ස්තේ පි॑තෘදේව॒ත්යා᳚ස්ති॒ස්රඃ කෘ॒ෂ්ණා ව॒ශා වා॑රු॒ණ්ය॑ස්ති॒ස්ර-ශ්ශ්වේ॒තා ව॒ශා-ස්සෞ॒ර්යෝ॑ මෛත්රාබාර්​හස්ප॒ත්යා ධූ॒ම්රල॑ලාමාස්තූප॒රාඃ ॥ 42 ॥
(රෝහි॑තඃ॒-ෂඩ්වග්​ම්॑ශතිඃ) (අ. 11)

පෘශ්ඤි॑-ස්තිර॒ශ්චීන॑-පෘශ්ඤිරූ॒ර්ධ්ව-පෘ॑ශ්ඤි॒ස්තේ මා॑රු॒තාඃ ඵ॒ල්ගූර්ලෝ॑හිතෝ॒ර්ණී බ॑ල॒ක්ෂී තා-ස්සා॑රස්ව॒ත්යඃ॑ පෘෂ॑තී ස්ථූ॒ලපෘ॑ෂතී ක්ෂු॒ද්රපෘ॑ෂතී॒ තා වෛ᳚ශ්වදේ॒ව්ය॑ස්ති॒ස්ර-ශ්ශ්යා॒මා ව॒ශාඃ පෞ॒ෂ්ණිය॑ස්ති॒ස්රෝ රෝහි॑ණීර්ව॒ශා මෛ॒ත්රිය॑ ඓන්ද්රාබාර්​හස්ප॒ත්යා අ॑රු॒ණල॑ලාමාස්තූප॒රාඃ ॥ 43 ॥
(පෘශ්ඤිඃ॒ - ෂඩ්විග්​ම්॑ශතිඃ) (අ. 12)

ශි॒ති॒බා॒හු-ර॒න්යත॑ශ්ශිතිබාහු-ස්සම॒න්ත ශි॑තිබාහු॒ස්ත ඓ᳚න්ද්රවාය॒වා-ශ්ශි॑ති॒රන්ධ්රෝ॒ ऽන්යත॑ශ්ශිතිරන්ධ්ර-ස්සම॒න්තශි॑තිරන්ධ්ර॒ස්තේ මෛ᳚ත්රාවරු॒ණා-ශ්ශු॒ද්ධවා॑ල-ස්ස॒ර්වශු॑ද්ධවාලෝ ම॒ණිවා॑ල॒ස්ත ආ᳚ශ්වි॒නාස්ති॒ස්ර-ශ්ශි॒ල්පා ව॒ශා වෛ᳚ශ්වදේ॒ව්ය॑ස්ති॒ස්ර-ශ්ශ්යේනීඃ᳚ පරමේ॒ෂ්ඨිනේ॑ සෝමාපෞ॒ෂ්ණා-ශ්ශ්යා॒මල॑ලාමාස්තූප॒රාඃ ॥ 44 ॥
(ශි॒ති॒බා॒හුඃ පඤ්ච॑විග්​ම්ශතිඃ) (අ. 13)

උ॒න්න॒ත ඍ॑ෂ॒භෝ වා॑ම॒නස්ත ඓ᳚න්ද්රාවරු॒ණා-ශ්ශිති॑කකුච්ඡිතිපෘ॒ෂ්ඨ-ශ්ශිති॑භස॒-ත්ත ඓ᳚න්ද්රාබාර්​හස්ප॒ත්යා-ශ්ශි॑ති॒පාච්ඡි॒ත්යෝෂ්ඨ॑-ශ්ශිති॒භ්රුස්ත ඓ᳚න්ද්රාවෛෂ්ණ॒වාස්ති॒ස්ර-ස්සි॒ද්ධ්මා ව॒ශා වෛ᳚ශ්වකර්ම॒ණ්ය॑ස්ති॒ස්රෝ ධා॒ත්රේ පෘ॑ෂෝද॒රා ඓ᳚න්ද්රාපෞ॒ෂ්ණා-ශ්ශ්යේත॑ලලාමාස්තූප॒රාඃ ॥ 45 ॥
(උ॒න්න॒තඃ පඤ්ච॑විග්​ම්ශතිඃ) (අ. 14)

ක॒ර්ණාස්ත්රයෝ॑ යා॒මා-ස්සෞ॒ම්යාස්ත්රය॑-ශ්ශ්විති॒ඞ්ගා අ॒ග්නයේ॒ යවි॑ෂ්ඨාය॒ ත්රයෝ॑ නකු॒ලාස්ති॒ස්රෝ රෝහි॑ණී॒ස්ත්ර්යව්ය॒ස්තා වසූ॑නා-න්ති॒ස්රෝ॑-ऽරු॒ණා දි॑ත්යෞ॒හ්ය॑ස්තා රු॒ද්රාණාග්​ම්॑ සෝමෛ॒න්ද්රා බ॒භ්රුල॑ලාමාස්තූප॒රාඃ ॥ 46 ॥
(ක॒ර්ණාස්ත්රයෝ॑ - විග්​ම්ශතිඃ) (අ. 15)

ශු॒ණ්ඨාස්ත්රයෝ॑ වෛෂ්ණ॒වා අ॑ධීලෝධ॒කර්ණා॒ස්ත්රයෝ॒ විෂ්ණ॑ව උරුක්ර॒මාය॑ ලඵ්සු॒දින॒ස්ත්රයෝ॒ විෂ්ණ॑ව උරුගා॒යාය॒ පඤ්චා॑වීස්ති॒ස්ර ආ॑දි॒ත්යානා᳚-න්ත්රිව॒ථ්සා-ස්ති॒ස්රෝ-ऽඞ්ගි॑රසාමෛන්ද්රාවෛෂ්ණ॒වා ගෞ॒රල॑ලාමාස්තූප॒රාඃ ॥ 47 ॥
(ශු॒ණ්ඨා - විග්​ම්॑ශ॒තිඃ) (අ. 16)

ඉන්ද්රා॑ය॒ රාජ්ඤේ॒ ත්රය॑-ශ්ශිතිපෘ॒ෂ්ඨා ඉන්ද්රා॑යා-ධිරා॒ජාය॒ ත්රය॒-ශ්ශිති॑කකුද॒ ඉන්ද්රා॑ය ස්ව॒රාජ්ඤේ॒ ත්රය॒-ශ්ශිති॑භස-දස්ති॒ස්රස්තු॑ර්යෞ॒හ්ය॑-ස්සා॒ද්ධ්යානා᳚-න්ති॒ස්රඃ ප॑ෂ්ඨෞ॒හ්යෝ॑ විශ්වේ॑ෂා-න්දේ॒වානා॑මාග්නේ॒න්ද්රාඃ කෘ॒ෂ්ණල॑ලාමාස්තූප॒රාඃ ॥ 48 ॥
(ඉන්ද්රා॑ය॒ රාජ්ඤේ॒ - ද්වාවිග්​ම්॑ශතිඃ) (අ. 17)

අදි॑ත්යෛ॒ ත්රයෝ॑ රෝහිතෛ॒තා ඉ॑න්ද්රා॒ණ්යෛ ත්රයඃ॑ කෘෂ්ණෛ॒තාඃ කු॒හ්වෛ᳚ ත්රයෝ॑-ऽරුණෛ॒තාස්ති॒ස්රෝ ධේ॒නවෝ॑ රා॒කායෛ॒ ත්රයෝ॑-ऽන॒ඩ්වාහ॑-ස්සිනීවා॒ල්යා ආ᳚ග්නාවෛෂ්ණ॒වා රෝහි॑තලලාමාස්තූප॒රාඃ ॥ 49 ॥
(අදි॑ත්යා-අ॒ෂ්ටාද॑ශ) (අ. 18)

සෞ॒ම්යාස්ත්රයඃ॑ පි॒ශඞ්ගා॒-ස්සෝමා॑ය॒ රාජ්ඤේ॒ ත්රය॑-ස්සා॒රඞ්ගාඃ᳚ පාර්ජ॒න්යා නභෝ॑රූපාස්ති॒ස්රෝ॑-ऽජා ම॒ල්॒හා ඉ॑න්ද්රා॒ණ්යෛ ති॒ස්රෝ මේ॒ෂ්ය॑ ආදි॒ත්යා ද්යා॑වාපෘථි॒ව්යා॑ මා॒ලඞ්ගා᳚ස්තූප॒රාඃ ॥ 50 ॥
(සෞ॒ම්යා - ඒකා॒න්නවිග්​ම්॑ශ॒තිඃ) (අ. 19)

වා॒රු॒ණාස්ත්රයඃ॑ කෘ॒ෂ්ණල॑ලාමා॒ වරු॑ණාය॒ රාජ්ඤේ॒ ත්රයෝ॒ රෝහි॑තලලාමා॒ වරු॑ණාය රි॒ශාද॑සේ॒ ත්රයෝ॑-ऽරු॒ණල॑ලාමා-ශ්ශි॒ල්පාස්ත්රයෝ॑ වෛශ්වදේ॒වාස්ත්රයඃ॒ පෘශ්ඤ॑ය-ස්සර්වදේව॒ත්යා॑ ඓන්ද්රාසූ॒රා-ශ්ශ්යේත॑ලලාමාස්තූප॒රාඃ ॥ 51 ॥
(වා॒රු॒ණා - විග්​ම්॑ශ॒තිඃ) (අ. 20)

සෝමා॑ය ස්ව॒රාජ්ඤේ॑-ऽනෝවා॒හාව॑න॒ඩ්වාහා॑-වින්ද්රා॒ග්නිභ්යා॑-මෝජෝ॒දාභ්යා॒මුෂ්ටා॑රා-වින්ද්රා॒ග්නිභ්යා᳚-ම්බල॒දාභ්යාග්​ම්॑ සීරවා॒හාවවී॒ ද්වේ ධේ॒නූ භෞ॒මී දි॒ග්භ්යෝ වඩ॑බේ॒ ද්වේ ධේ॒නූ භෞ॒මී වෛ॑රා॒ජී පු॑රු॒ෂී ද්වේ ධේ॒නූ භෞ॒මී වා॒යව॑ ආරෝහණවා॒හාව॑න॒ඩ්වාහෞ॑ වාරු॒ණී කෘ॒ෂ්ණේ ව॒ශේ අ॑රා॒ඩ්යෞ॑ දි॒ව්යාවෘ॑ෂ॒භෞ ප॑රිම॒රෞ ॥ 52 ॥
(සෝමා॑ය ස්ව॒රාජ්ඤේ॒ - චතු॑ස්ත්රිග්​ම්ශත්) (අ. 21)

ඒකා॑දශ ප්රා॒තර්ග॒ව්යාඃ ප॒ශව॒ ආ ල॑භ්යන්තේ ඡග॒ලඃ ක॒ල්මාෂඃ॑ කිකිදී॒විර්වි॑දී॒ගය॒ස්තේ ත්වා॒ෂ්ට්රා-ස්සෞ॒රීර්නව॑ ශ්වේ॒තා ව॒ශා අ॑නූබ॒න්ධ්යා॑ භවන්ත්යාග්නේ॒ය ඓ᳚න්ද්රා॒ග්න ආ᳚ශ්වි॒නස්තේ වි॑ශාලයූ॒ප ආ ල॑භ්යන්තේ ॥ 53 ॥
(ඓකා॑දශ ප්රා॒තඃ - පඤ්ච॑විග්​ම්ශතිඃ) (අ. 22)

පි॒ශඞ්ගා॒ස්ත්රයෝ॑ වාස॒න්තා-ස්සා॒රඞ්ගා॒ස්ත්රයෝ॒ ග්රෛෂ්මාඃ॒ පෘෂ॑න්ත॒ස්ත්රයෝ॒ වාර්​ෂි॑කාඃ॒ පෘශ්ඤ॑ය॒ස්ත්රය॑-ශ්ශාර॒දාඃ පෘ॑ශ්ඤිස॒ක්ථා-ස්ත්රයෝ॒ හෛම॑න්තිකා අවලි॒ප්තාස්ත්රය॑-ශ්ශෛශි॒රා-ස්සං॑​වඁථ්ස॒රාය॒ නිව॑ක්ෂසඃ ॥ 54 ॥
(පි॒ශඞ්ගා॑ - විග්​ම්ශ॒තිඃ) (අ. 23)

(රෝහි॑තඃ කෘ॒ෂ්ණා ධූ॒ම්රල॑ලාමාඃ॒ - පෘශ්ඤි॑-ශ්ශ්යා॒මා අ॑රු॒ණල॑ලාමාඃ -ශිතිබා॒හු-ශ්ශි॒ල්පා-ශ්ශ්යේනී᳚-ශ්ශ්යා॒මල॑ලාමා - උන්න॒ත-ස්සි॒ද්ධ්මා ධා॒ත්රේ පෞ॒ෂ්ණා-ශ්ශ්යේත॑ලලාමාඃ - ක॒ර්ණා බ॒භ්රුල॑ලාමාඃ - ශු॒ණ්ඨා ගෞ॒රල॑ලාමා॒ - ඉන්ද්රා॑ය කෘ॒ෂ්ණාල॑ලාමා॒ - අදි॑ත්යෛ॒ රෝහි॑ත ලලාමඃ -සෞ॒ම්යා මා॒ලඞ්ගා॑ - වාරු॒ණා-ස්සූ॒රා-ශ්ශ්යේත॑ලලාමා॒ - දශ॑ ।)

(හිර॑ණ්යවර්ණා - අ॒පා-ඞ්ග්රහා᳚න් - භූතේෂ්ට॒කාඃ - ස॒ජූඃ - සං॑​වඁථ්ස॒රං - ප්ර॒ජාප॑ති॒-ස්ස ක්ෂු॒රප॑වි - ර॒වග්නේර්වෛ දී॒ක්ෂයා॑ - සුව॒ර්ගාය॒ තං-යඁන්න - සූ॒යතේ᳚ - ප්ර॒ජාප॑තිර්-ඍ॒තුභී॒ - රෝහි॑තඃ॒ - පෘඤිඃ॑ - ශිතිබා॒හු - රු॑න්න॒තඃ - ක॒ර්ණාඃ - ශු॒ණ්ඨා - ඉන්ද්රා॒යා- දි॑ත්යෛ - සෞ॒ම්යා - වා॑රු॒ණාඃ - සෝමා॒යෛ - කා॑දශ - පි॒ශඞ්ගා॒ - ස්ත්රයෝ॑විග්​ම්ශතිඃ)

(හිර॑ණ්යවර්ණා - භූතේෂ්ට॒කාඃ - ඡන්දෝ॒ යත් - කනී॑යාග්​ම්සන්-ත්රි॒වෘද්ධ්ය॑ග්නි - ර්වා॑රු॒ණා - ශ්චතු॑ෂ්පඤ්චා॒ශත් )

(හිර॑ණ්යවර්ණා॒, නිව॑ක්ෂසඃ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ම්පඤ්චමකාණ්ඩේ ෂෂ්ඨඃ ප්රශ්න-ස්සමාප්තඃ ॥