කෘෂ්ණ යජුර්වේදීය තෛත්තිරීය සංහිතායා-න්ද්විතීයකාණ්ඩේ ප්රථමඃ ප්රශ්නඃ - පශුවිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

වා॒ය॒ව්යග්ග්॑ ශ්වේ॒තමා ල॑භේත॒ භූති॑කාමෝ වා॒යුර්වෛ ක්ෂේපි॑ෂ්ඨා දේ॒වතා॑වා॒යුමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛන॒-ම්භූති॑-ඞ්ගමයති॒ භව॑ත්යේ॒වා-ති॑ක්ෂිප්රා දේ॒වතේත්යා॑හු॒-ස්සෛන॑මීශ්ව॒රා ප්ර॒දහ॒ ඉත්යේ॒තමේ॒ව සන්තං॑-වාඁ॒යවේ॑ නි॒යුත්ව॑ත॒ ආ ල॑භේත නි॒යුද්වා අ॑ස්ය॒ ධෘති॑ර්ධෘ॒ත ඒ॒ව භූති॒මුපෛ॒ත්ය ප්ර॑දාහාය॒ භව॑ත්යේ॒ව [ ] 1

වා॒යවේ॑ නි॒යුත්ව॑ත॒ ආ ල॑භේත॒ ග්රාම॑කාමෝ වා॒යුර්වා ඉ॒මාඃ ප්ර॒ජා න॑ස්යෝ॒තා නේ॑නීයතේ වා॒යුමේ॒ව නි॒යුත්ව॑න්ත॒ග්ග්॒ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ᳚ ප්ර॒ජා න॑ස්යෝ॒තා නිය॑ච්ඡති ග්රා॒ම්යේ॑ව භ॑වති නි॒යුත්ව॑තේ භවති ධ්රු॒වා ඒ॒වාස්මා॒ අන॑පගාඃ කරෝති වා॒යවේ॑ නි॒යුත්ව॑ත॒ ආ ල॑භේත ප්ර॒ජාකා॑මඃ ප්රා॒ණෝ වෛ වා॒යුර॑පා॒නෝ නි॒යු-ත්ප්රා॑ණාපා॒නෞ ඛලු॒ වා ඒ॒තස්ය॑ ප්ර॒ජායා॒ [ප්ර॒ජායාඃ᳚, අප॑] 2

අප॑ ක්රාමතෝ॒ යෝ-ऽල॑-ම්ප්ර॒ජායෛ॒ ස-න්ප්ර॒ජා-න්න වි॒න්දතේ॑ වා॒යුමේ॒ව නි॒යුත්ව॑න්ත॒ග්ග්॒ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ᳚ ප්රාණාපා॒නාභ්යා᳚-ම්ප්ර॒ජා-ම්ප්ර ජ॑නයති වි॒න්දතේ᳚ ප්ර॒ජාං-වාඁ॒යවේ॑ නි॒යුත්ව॑ත॒ ආ ල॑භේත॒ ජ්යෝගා॑මයාවී ප්රා॒ණෝ වෛ වා॒යුර॑පා॒නෝ නි॒යු-ත්ප්රා॑ණාපා॒නෞ ඛලු॒ වා ඒ॒තස්මා॒ දප॑ක්රාමතෝ॒ යස්ය॒ ජ්යෝගා॒මය॑ති වා॒යුමේ॒ව නි॒යුත්ව॑න්ත॒ග්ග්॒ ස්වේන॑ භාග॒ධේයේ॒නෝප॑ - [භාග॒ධේයේ॒නෝප॑, ධා॒ව॒ති॒ ස] 3

ධාවති॒ ස ඒ॒වා-ऽස්මි॑-න්ප්රාණාපා॒නෞ ද॑ධාත්යු॒ත යදී॒තාසු॒ර්භව॑ති॒ ජීව॑ත්යේ॒ව ප්ර॒ජාප॑ති॒ර්වා ඉ॒දමේක॑ ආසී॒-ථ්සෝ॑-ऽකාමයත ප්ර॒ජාඃ ප॒ශූන්-ථ්සෘ॑ජේ॒යේති॒ ස ආ॒ත්මනෝ॑ ව॒පාමුද॑ක්ඛිද॒-ත්තාම॒ග්නෞ ප්රාගෘ॑හ්ණා॒-ත්තතෝ॒-ऽජස්තූ॑ප॒ර-ස්සම॑භව॒-ත්තග්ග්​ ස්වායෛ॑ දේ॒වතා॑යා॒ ආ ऽල॑භත॒ තතෝ॒ වෛ ස ප්ර॒ජාඃ ප॒ශූන॑සෘජත॒ යඃ ප්ර॒ජාකා॑මඃ [ ] 4

ප॒ශුකා॑ම॒-ස්ස්යා-ථ්ස ඒ॒ත-ම්ප්රා॑ජාප॒ත්යම॒ජ-න්තූ॑ප॒රමා ල॑භේත ප්ර॒ජාප॑තිමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ᳚ ප්ර॒ජා-ම්ප॒ශූ-න්ප්රජ॑නයති॒ යච්ඡ්​ම॑ශ්රු॒ණස්ත-ත්පුරු॑ෂාණාග්​ම් රූ॒පං-යඁ-ත්තූ॑ප॒රස්තදශ්වා॑නාං॒-යඁද॒න්යතෝ॑ද॒-න්ත-ද්ගවාං॒-යඁදව්යා॑ ඉව ශ॒ඵාස්තදවී॑නාං॒-යඁද॒ජස්ත-ද॒ජානා॑-මේ॒තාව॑න්තෝ॒ වෛ ග්රා॒ම්යාඃ ප॒ශව॒ස්තා- [ප॒ශව॒ස්තාන්, රූ॒පේණෛ॒වාව॑ රුන්ධේ] 5

-න්රූ॒පේණෛ॒වාව॑ රුන්ධේ සෝමාපෞ॒ෂ්ණ-න්ත්රෛ॒තමා ල॑භේත ප॒ශුකා॑මෝ॒ද්වෞ වා අ॒ජායෛ॒ ස්තනෞ॒ නානෛ॒ව ද්වාව॒භි ජායේ॑තේ॒ ඌර්ජ॒-ම්පුෂ්ටි॑-න්තෘ॒තීය॑ස්සෝමාපූ॒ෂණා॑වේ॒ව ස්වේන॑ භාග॒ධේයේ॒නෝප॑ ධාවති॒ තාවේ॒වාස්මෛ॑ ප॒ශූ-න්ප්රජ॑නයත॒-ස්සෝමෝ॒ වෛ රේ॑තෝ॒ධාඃ පූ॒ෂා ප॑ශූ॒නා-ම්ප්ර॑ජනයි॒තා සෝම॑ ඒ॒වාස්මෛ॒ රේතෝ॒ දධා॑ති පූ॒ෂා ප॒ශූ-න්ප්ර ජ॑නය॒ත්යෞදු॑ම්බරෝ॒ යූපෝ॑ භව॒ත්යූර්ග්වා උ॑දු॒ම්බර॒ ඌර්ක්ප॒ශව॑ ඌ॒ර්ජෛවාස්මා॒ ඌර්ජ॑-ම්ප॒ශූනව॑ රුන්ධේ ॥ 6 ॥
(අප්ර॑දාහාය॒ භව॑ත්යේ॒ව - ප්ර॒ජායා॑ - ආ॒මය॑ති වා॒යුමේ॒ව නි॒යුත්ව॑ත॒ග්ග්॒ ස්වේන॑ භාග॒ධේයේ॒නෝප॑ - ප්ර॒ජාක॑ම॒ - ස්තාන් - යූප॒ - ස්ත්රයෝ॑දශ ච ) (අ. 1)

ප්ර॒ජාප॑තිඃ ප්ර॒ජා අ॑සෘජත॒ තා අ॑ස්මා-ථ්සෘ॒ෂ්ටාඃ පරා॑චීරාය॒-න්තා වරු॑ණමගච්ඡ॒-න්තා අන්වෛ॒-ත්තාඃ පුන॑රයාචත॒ තා අ॑ස්මෛ॒ න පුන॑රදදා॒-ථ්සෝ᳚-ऽබ්රවී॒-ද්වරං॑-වෘඁණී॒ෂ්වාථ॑ මේ॒ පුන॑ර්දේ॒හීති॒ තාසාං॒-වඁර॒මා ऽල॑භත॒ ස කෘ॒ෂ්ණ ඒක॑ශිතිපාද-භව॒ද්යෝ වරු॑ණ ගෘහීත॒-ස්ස්යා-ථ්ස ඒ॒තං-වාඁ ॑රු॒ණ-ඞ්කෘ॒ෂ්ණ-මේක॑ශිතිපාද॒මා-ල॑භේත॒ වරු॑ණ- [වරු॑ණම්, ඒ॒ව ස්වේන॑] 7

-මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛනං॑-වඁරුණපා॒ශා-න්මු॑ඤ්චති කෘ॒ෂ්ණ ඒක॑ශිතිපා-ද්භවති වාරු॒ණෝ හ්යේ॑ෂ දේ॒වත॑යා॒ සමෘ॑ද්ධ්යෛ॒ සුව॑ර්භානුරාසු॒ර-ස්සූර්ය॒-න්තම॑සා-ऽවිද්ධ්ය॒ත තස්මෛ॑දේ॒වාඃ ප්රාය॑ශ්චිත්ති-මෛච්ඡ॒-න්තස්ය॒ ය-ත්ප්ර॑ථ॒ම-න්තමෝ॒-ऽපාඝ්න॒න්-ථ්සා කෘ॒ෂ්ණා-ऽවි॑රභව॒-ද්ය-ද්ද්වි॒තීය॒ග්​ම්॒ සා ඵල්ගු॑නී॒ යත තෘ॒තීය॒ග්​ම්॒ සා බ॑ල॒ක්ෂී යද॑ද්ධ්ය॒ස්ථා-ද॒පාකෘ॑න්ත॒න්-ථ්සා ऽවි॑ර්ව॒ශා [ ] 8

සම॑භව॒-ත්තේ දේ॒වා අ॑බ්රුව-න්දේවප॒ශුර්වා අ॒යග්​ම් සම॑භූ॒-ත්කස්මා॑ ඉ॒මමා ල॑ඵ්ස්යාමහ॒ ඉත්යථ॒ වෛ තර්​හ්යල්පා॑ පෘථි॒ව්යාසී॒-දජා॑තා॒ ඕෂ॑ධය॒ස්තාමවිං॑-වඁ॒ශාමා॑දි॒ත්යේභ්යඃ॒ කාමා॒යා-ऽල॑භන්ත॒ තතෝ॒ වා අප්ර॑ථත පෘථි॒ව්ය-ජා॑ය॒න්තෞෂ॑ධයෝ॒ යඃ කා॒මයේ॑ත॒ ප්රථේ॑ය ප॒ශුභිඃ॒ ප්ර ප්ර॒ජයා॑ ජායේ॒යේති॒ ස ඒ॒තාමවිං॑-වඁ॒ශාමා॑දි॒ත්යේභ්යඃ॒ කාමා॒යා- [කාමා॑ය, ආල॑භේතා ऽऽදි॒ත්යානේ॒ව] 9

-ऽऽල॑භේතා ऽऽදි॒ත්යානේ॒ව කාම॒ග්ග්॒ ස්වේන॑ භාග॒ධේයේ॒නෝප॑ ධාවති॒ ත ඒ॒වෛන॑-ම්ප්ර॒ථය॑න්ති ප॒ශුභිඃ॒ ප්ර ප්ර॒ජයා॑ ජනයන්ත්ය॒-සාවා॑දි॒ත්යෝ න ව්ය॑රෝචත॒ තස්මෛ॑ දේ॒වාඃ ප්රාය॑ශ්චිත්තිමෛච්ඡ॒-න්තස්මා॑ ඒ॒තා ම॒ල්॒​හා ආල॑භන්තා-ऽऽග්නේ॒යී-ඞ්කෘ॑ෂ්ණග්රී॒වීග්​ම් සග්​ම්॑හි॒තාමෛ॒න්ද්රීග්​ ශ්වේ॒තා-ම්බා॑ර්​හස්ප॒ත්යා-න්තාභි॑රේ॒වාස්මි॒-න්රුච॑මදධු॒ර්යෝ බ්ර॑හ්මවර්ච॒ස-කා॑ම॒-ස්ස්යා-ත්තස්මා॑ ඒ॒තා ම॒ල්॒​හා ආ ල॑භේතා- [ආ ල॑භේත, ආ॒ග්නේ॒යී-ඞ්කෘ॑ෂ්ණග්රී॒වීග්​ම්] 10
(ශිඛණ්ඩි පඤ්චති)

-ऽऽග්නේ॒යී-ඞ්කෘ॑ෂ්ණග්රී॒වීග්​ම් සග්​ම්॑හි॒තාමෛ॒න්ද්රීග්​ ශ්වේ॒තා-ම්බා॑ර්​හස්ප॒ත්යාමේ॒තා ඒ॒ව දේ॒වතා॒-ස්ස්වේන॑ භාග॒ධේයේ॒නෝප॑ ධාවති॒ තා ඒ॒වාස්මි॑-න්බ්රහ්මවර්ච॒ස-න්ද॑ධති බ්රහ්මවර්ච॒ස්යේ॑ව භ॑වති ව॒සන්තා᳚ ප්රා॒තරා᳚ග්නේ॒යී-ඞ්කෘ॑ෂ්ණ ග්රී॒වීමා ල॑භේත ග්රී॒ෂ්මේ ම॒ද්ධ්යන්දි॑නේ සග්​ම්හි॒තාමෛ॒න්ද්රීග්​ම් ශ॒රද්ය॑පරා॒හ්ණේ ශ්වේ॒තා-ම්බා॑ර්​හස්ප॒ත්යා-න්ත්රීණි॒ වා ආ॑දි॒ත්යස්ය॒ තේජාග්​ම්॑සි ව॒සන්තා᳚ ප්රා॒තර්ග්රී॒ෂ්මේ ම॒ද්ධ්යන්දි॑නේ ශ॒රද්ය॑පරා॒හ්ණේ යාව॑න්ත්යේ॒ව තේජාග්​ම්॑සි॒ තාන්යේ॒වා- [තාන්යේ॒ව, අව॑ රුන්ධේ] 11

-ऽව॑ රුන්ධේ සං​වඁථ්ස॒ර-ම්ප॒ර්යාල॑භ්යන්තේ සං​වඁථ්ස॒රෝ වෛ බ්ර॑හ්මවර්ච॒සස්ය॑ ප්රදා॒තා සං॑​වඁථ්ස॒ර ඒ॒වාස්මෛ᳚ බ්රහ්මවර්ච॒ස-ම්ප්ර ය॑ච්ඡති බ්රහ්මවර්ච॒ස්යේ॑ව භ॑වති ග॒ර්භිණ॑යෝ භවන්තීන්ද්රි॒යං-වෛඁ ගර්භ॑ ඉන්ද්රි॒යමේ॒වාස්මි॑-න්දධති සාරස්ව॒තී-ම්මේ॒ෂීමා ල॑භේත॒ ය ඊ᳚ශ්ව॒රෝ වා॒චෝ වදි॑තෝ॒-ස්සන් වාච॒-න්න වදේ॒-ද්වාග්වෛ සර॑ස්වතී॒ සර॑ස්වතීමේ॒ව ස්වේන॑ භාග॒ධේයේ॒නෝප॑ ධාවති॒ සෛවාස්මි॒- [සෛවාස්මින්න්॑, වාච॑-න්දධාති] 12

-න්වාච॑-න්දධාති ප්රවදි॒තා වා॒චෝ භ॑ව॒ත්යප॑න්නදතී භවති॒ තස්මා᳚-න්මනු॒ෂ්යා᳚-ස්සර්වාං॒-වාඁචං॑-වඁදන්ත්යාග්නේ॒ය-ඞ්කෘ॒ෂ්ණග්රී॑ව॒මා ල॑භේත සෞ॒ම්ය-ම්බ॒භ්රු-ඤ්ජ්යෝගා॑මයාව්ය॒ග්නිං-වාඁ ඒ॒තස්ය॒ ශරී॑ර-ඞ්ගච්ඡති॒ සෝම॒ග්​ම්॒ රසෝ॒ යස්ය॒ ජ්යෝගා॒මය॑ත්ය॒ග්නේරේ॒වාස්ය॒ ශරී॑ර-න්නිෂ්ක්රී॒ණාති॒ සෝමා॒-ද්රස॑මු॒ත යදී॒තාසු॒ර්භව॑ති॒ ජීව॑ත්යේ॒ව සෞ॒ම්ය-ම්බ॒භ්රුමා ල॑භේතා-ऽऽග්නේ॒ය-ඞ්කෘ॒ෂ්ණග්රී॑ව-ම්ප්ර॒ජාකා॑ම॒-ස්සෝමෝ॒ [සෝමඃ॑, වෛ රේ॑තෝ॒ධා] 13

වෛ රේ॑තෝ॒ධා අ॒ග්නිඃ ප්ර॒ජානා᳚-ම්ප්රජනයි॒තා සෝම॑ ඒ॒වාස්මෛ॒ රේතෝ॒ දධා᳚ත්ය॒ග්නිඃ ප්ර॒ජා-ම්ප්රජ॑නයති වි॒න්දතේ᳚ ප්ර॒ජාමා᳚ග්නේ॒ය-ඞ්කෘ॒ෂ්ණග්රී॑ව॒මා ල॑භේත සෞ॒ම්ය-ම්බ॒භ්රුං-යෝඁ බ්රා᳚හ්ම॒ණෝ වි॒ද්යාම॒නූච්ය॒ න වි॒රෝචේ॑ත॒ යදා᳚ග්නේ॒යෝ භව॑ති॒ තේජ॑ ඒ॒වාස්මි॒-න්තේන॑ දධාති॒ ය-ථ්සෞ॒ම්යෝ බ්ර॑හ්මවර්ච॒ස-න්තේන॑ කෘ॒ෂ්ණග්රී॑ව ආග්නේ॒යෝ භ॑වති॒ තම॑ ඒ॒වාස්මා॒දප॑ හන්ති ශ්වේ॒තෝ භ॑වති॒ [භ॑වති, රුච॑මේ॒වාස්මි॑-න්දධාති] 14

රුච॑මේ॒වාස්මි॑-න්දධාති බ॒භ්රු-ස්සෞ॒ම්යෝ භ॑වති බ්රහ්මවර්ච॒සමේ॒වාස්මි॒-න්ත්විෂි॑-න්දධාත්යා-ග්නේ॒ය-ඞ්කෘ॒ෂ්ණග්රී॑ව॒මා ල॑භේත සෞ॒ම්ය-ම්බ॒භ්රුමා᳚ග්නේ॒ය-ඞ්කෘ॒ෂ්ණග්රී॑ව-ම්පුරෝ॒ධායා॒ග්॒ ස්පර්ධ॑මාන ආග්නේ॒යෝ වෛ බ්රා᳚හ්ම॒ණ-ස්සෞ॒ම්යෝ රා॑ජ॒න්යෝ॑-ऽභිත॑-ස්සෞ॒ම්යමා᳚ග්නේ॒යෞ භ॑වත॒-ස්තේජ॑සෛ॒ව බ්රහ්ම॑ණෝභ॒යතෝ॑ රා॒ෂ්ට්ර-ම්පරි॑ ගෘහ්ණාත්යේක॒ධා ස॒මා වෘ॑ඞ්ක්තේ පු॒ර ඒ॑න-න්දධතේ ॥ 15 ॥
(ල॒භේ॒ත॒ වරු॑ණං - ඁව॒ශෛ - තාමවිං॑-වඁ॒ශාමා॑දි॒ත්යේභ්යඃ॒ කාමා॑ය - ම॒ල්​හා ආ ල॑භේත॒ - තාන්යේ॒ව - සෛවාස්මි॒න්ථ් - සෝමඃ॑ - ස්වේ॒තෝ භ॑වති॒ - ත්රිච॑ත්වාරිග්​ම්ශච්ච ) (අ. 2)

දේ॒වා॒සු॒රා ඒ॒ෂු ලෝ॒කේෂ්ව॑ස්පර්ධන්ත॒ ස ඒ॒තං-විඁෂ්ණු॑-ර්වාම॒නම॑පශ්ය॒-ත්තග්ග්​ ස්වායෛ॑ දේ॒වතා॑යා॒ ආ-ऽල॑භත॒ තතෝ॒ වෛ ස ඉ॒මාං-ලෝඁ॒කාන॒භ්ය॑ජයද්- වෛෂ්ණ॒වං-වාඁ ॑ම॒නමා ල॑භේත॒ ස්පර්ධ॑මානෝ॒ විෂ්ණු॑රේ॒ව භූ॒ත්වේමාන් ඁලෝ॒කාන॒භි ජ॑යති॒ විෂ॑ම॒ ආ ල॑භේත॒ විෂ॑මා ඉව॒ හීමේ ලෝ॒කා-ස්සමෘ॑ද්ධ්යා॒ ඉන්ද්රා॑ය මන්යු॒මතේ॒ මන॑ස්වතේ ල॒ලාම॑-ම්ප්රාශෘ॒ඞ්ගමා ල॑භේත සඞ්ග්රා॒මේ [ ] 16

සං​යඁ ॑ත්ත ඉන්ද්රි॒යේණ॒ වෛ ම॒න්යුනා॒ මන॑සා සඞ්ග්රා॒ම-ඤ්ජ॑ය॒තීන්ද්ර॑මේ॒ව ම॑න්යු॒මන්ත॒-ම්මන॑ස්වන්ත॒ග්ග්॒ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මි॑න්නින්ද්රි॒ය-ම්ම॒න්යු-ම්මනෝ॑ දධාති॒ ජය॑ති॒ තග්​ම් ස॑ග්රා॒ම්මමින්ද්රා॑ය ම॒රුත්ව॑තේ පෘශ්ඤිස॒ක්ථමා ල॑භේත॒ ග්රාම॑කාම॒ ඉන්ද්ර॑මේ॒ව ම॒රුත්ව॑න්ත॒ග්ග්॒ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ ස ජා॒තා-න්ප්රය॑ච්ඡති ග්රා॒ම්යේ॑ව භ॑වති॒ යදෘ॑ෂ॒භස්තේනෛ॒- [යදෘ॑ෂ॒භස්තේන॑, ඓ॒න්ද්රෝ ය-ත්පෘශ්ඤි॒ස්තේන॑] 17

-න්ද්රෝ ය-ත්පෘශ්ඤි॒ස්තේන॑ මාරු॒ත-ස්සමෘ॑ද්ධ්යෛ ප॒ශ්චා-ත්පෘ॑ශ්ඤිස॒ක්ථෝ භ॑වති පශ්චාදන්ව-වසා॒යිනී॑මේ॒වාස්මෛ॒ විශ॑-ඞ්කරෝති සෞ॒ම්ය-ම්බ॒භ්රුමා ල॑භේ॒තාන්න॑කාම-ස්සෞ॒ම්යං-වාඁ අන්න॒ග්​ම්॒ සෝම॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මා॒ අන්න॒-ම්ප්රය॑॑ච්ඡත්යන්නා॒ද ඒ॒ව භ॑වති බ॒භ්රුර්භ॑වත්යේ॒තද්වා අන්න॑ස්ය රූ॒පග්​ම් සමෘ॑ද්ධ්යෛ සෞ॒ම්ය-ම්බ॒භ්රුමා ල॑භේත॒ යමලග්​ම්॑ [යමල᳚ම්, රා॒ජ්යාය॒] 18

රා॒ජ්යාය॒ සන්තග්​ම්॑ රා॒ජ්ය-න්නෝප॒නමේ᳚-ථ්සෞ॒ම්යං-වෛඁ රා॒ජ්යග්​ම් සෝම॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ රා॒ජ්ය-ම්ප්රය॑ච්ඡ॒ත්යුපෛ॑නග්​ම් රා॒ජ්ය-න්න॑මති බ॒භ්රුර්භ॑වත්යේ॒ත-ද්වෛ සෝම॑ස්ය රූ॒පග්​ම් සමෘ॑ද්ධ්යා॒ ඉන්ද්රා॑ය වෘත්ර॒තුරේ॑ ල॒ලාම॑-ම්ප්රාශෘ॒ඞ්ගමා ල॑භේත ග॒තශ්රීඃ᳚ ප්රති॒ෂ්ඨාකා॑මඃ පා॒ප්මාන॑මේ॒ව වෘ॒ත්ර-න්තී॒ර්ත්වා ප්ර॑ති॒ෂ්ඨා-ඞ්ග॑ච්ඡ॒තීන්ද්රා॑යාභිමාති॒ඝ්නේ ල॒ලාම॑-ම්ප්රාශෘ॒ඞ්ගමා [ල॒ලාම॑-ම්ප්රාශෘ॒ඞ්ගමා, ල॒භේ॒ත॒ යඃ පා॒ප්මනා॑] 19

ල॑භේත॒ යඃ පා॒ප්මනා॑ ගෘහී॒ත-ස්ස්යා-ත්පා॒ප්මා වා අ॒භිමා॑ති॒රින්ද්ර॑මේ॒වා- භි॑මාති॒හන॒ග්ග්॒ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මා᳚-ත්පා॒ප්මාන॑ම॒භිමා॑ති॒-ම්ප්රණු॑දත॒ ඉන්ද්රා॑ය ව॒ජ්රිණේ॑ ල॒ලාම॑-ම්ප්රාශෘ॒ඞ්ගමා ල॑භේත॒ යමලග්​ම්॑ රා॒ජ්යාය॒ සන්තග්​ම්॑ රා॒ජ්ය-න්නෝප॒නමේ॒දින්ද්ර॑මේ॒ව ව॒ජ්රිණ॒ග්ග්॒ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॒ වජ්ර॒-ම්ප්ර ය॑ච්ඡති॒ ස ඒ॑නං॒ ඁවජ්රෝ॒ භූත්යා॑ ඉන්ධ॒ උපෛ॑නග්​ම් රා॒ජ්ය-න්න॑මති ල॒ලාමඃ॑ ප්රාශෘ॒ඞ්ගෝ භ॑වත්යේ॒තද්වෛ වජ්ර॑ස්ය රූ॒පග්​ම් සමෘ॑ද්ධ්යෛ ॥ 20
(ස॒ග්රා॒ම්මේ - තේනා - ල॑ - මභිමාති॒ඝ්නේ ල॒ලාම॑-ම්ප්රාශෘ॒ඞ්ගමෛ - නං॒ - පඤ්ච॑දශ ච ) (අ. 3)

අ॒සාවා॑දි॒ත්යෝ න ව්ය॑රෝචත॒ තස්මෛ॑ දේ॒වාඃ ප්රාය॑ශ්චිත්තිමෛච්ඡ॒-න්තස්මා॑ ඒ॒තා-න්දශ॑ර්​ෂභා॒මා-ऽල॑භන්ත॒ තයෛ॒වාස්මි॒-න්රුච॑මදධු॒ර්යෝ බ්ර॑හ්මවර්ච॒සකා॑ම॒-ස්ස්යා-ත්තස්මා॑ ඒ॒තා-න්දශ॑ර්​ෂභා॒මා ල॑භේතා॒-මුමේ॒වා-ऽऽදි॒ත්යග්ග්​ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මි॑-න්බ්රහ්මවර්ච॒ස-න්ද॑ධාති බ්රහ්මවර්ච॒ස්යේ॑ව භ॑වති ව॒සන්තා᳚ ප්රා॒තස්ත්රීන් ඁල॒ලාමා॒නා ල॑භේත ග්රී॒ෂ්මේ ම॒ද්ධ්යන්දි॑නේ॒ - [ම॒ද්ධ්යන්දි॑නේ, ත්රීඤ්ඡි॑ති පෘ॒ෂ්ඨාඤ්ඡ॒රද්ය॑පරා॒හ්ණේ] 21

ත්රීඤ්ඡි॑ති පෘ॒ෂ්ඨාඤ්ඡ॒රද්ය॑පරා॒හ්ණේ ත්රීඤ්ඡි॑ති॒වාරා॒-න්ත්රීණි॒ වා ආ॑දි॒ත්යස්ය॒ තේජාග්​ම්॑සි ව॒සන්තා᳚ ප්රා॒තර්ග්රී॒ෂ්මේ ම॒ද්ධ්යන්දි॑නේ ශ॒රද්ය॑පරා॒හ්ණේ යාව॑න්ත්යේ॒ව තේජාග්​ම්॑සි॒ තාන්යේ॒වාව॑ රුන්ධේ॒ ත්රය॑ස්ත්රය॒ ආ ල॑භ්යන්තේ-ऽභි පූ॒ර්වමේ॒වාස්මි॒-න්තේජෝ॑ දධාති සං​වඁථ්ස॒ර-ම්ප॒ර්යාල॑භ්යන්තේ සං​වඁථ්ස॒රෝ වෛ බ්ර॑හ්මවර්ච॒සස්ය॑ ප්රදා॒තා සං॑​වඁථ්ස॒ර ඒ॒වාස්මෛ᳚ බ්රහ්මවර්ච॒ස-ම්ප්ර ය॑ච්ඡති බ්රහ්මවර්ච॒ස්යේ॑ව භ॑වති සං​වඁථ්ස॒රස්ය॑ ප॒රස්තා᳚-ත්ප්රාජාප॒ත්ය-ඞ්කද්රු॒- [ ප්රාජාප॒ත්ය-ඞ්කද්රු᳚ම්, ආ ල॑භේත] 22

-මා ල॑භේත ප්ර॒ජාප॑ති॒-ස්සර්වා॑ දේ॒වතා॑ දේ॒වතා᳚ස්වේ॒ව ප්රති॑තිෂ්ඨති॒ යදි॑ බිභී॒යා-ද්දු॒ශ්චර්මා॑ භවිෂ්යා॒මීති॑ සෝමාපෞ॒ෂ්ණග්ග්​ ශ්යා॒මමා ල॑භේත සෞ॒ම්යෝ වෛ දේ॒වත॑යා॒ පුරු॑ෂඃ පෞ॒ෂ්ණාඃ ප॒ශව॒-ස්ස්වයෛ॒වාස්මෛ॑ දේ॒වත॑යා ප॒ශුභි॒ස්ත්වච॑-ඞ්කරෝති॒ න දු॒ශ්චර්මා॑ භවති දේ॒වාශ්ච॒ වෛ ය॒මශ්චා॒ස්මින් ඁලෝ॒කේ᳚-ऽස්පර්ධන්ත॒ ස ය॒මෝ දේ॒වානා॑මින්ද්රි॒යං-වීඁ॒ර්ය॑මයුවත॒ තද්ය॒මස්ය॑ [තද්ය॒මස්ය॑, ය॒ම॒ත්ව-න්තේ] 23

යම॒ත්ව-න්තේ දේ॒වා අ॑මන්යන්ත ය॒මෝ වා ඉ॒දම॑භූ॒-ද්ය-ද්ව॒යග්ග්​ ස්ම ඉති॒ තේ ප්ර॒ජාප॑ති॒මුපා॑ධාව॒න්-ථ්ස ඒ॒තෞ ප්ර॒ජාප॑තිරා॒ත්මන॑ උක්ෂව॒ශෞ නිර॑මිමීත॒ තේ දේ॒වා වෛ᳚ෂ්ණාවරු॒ණීං-වඁ॒ශාමා-ऽල॑භන්තෛ॒න්ද්රමු॒ක්ෂාණ॒න්තං-වඁරු॑ණේනෛ॒ව ග්රා॑හයි॒ත්වා විෂ්ණු॑නා ය॒ජ්ඤේන॒ ප්රාණු॑දන්තෛ॒න්ද්රේණෛ॒-වාස්යේ᳚න්ද්රි॒යම॑-වෘඤ්ජත॒ යෝ භ්රාතෘ॑ව්යවා॒න්-ථ්ස්යා-ථ්ස ස්පර්ධ॑මානෝ වෛෂ්ණාවරු॒ණීං- [වෛෂ්ණාවරු॒ණීම්, ව॒ශාමා] 24

-ඁව॒ශාමා ල॑භේතෛ॒න්ද්රමු॒ක්ෂාණං॒-වඁරු॑ණේනෛ॒ව භ්රාතෘ॑ව්ය-ඞ්ග්රාහයි॒ත්වා විෂ්ණු॑නා ය॒ජ්ඤේන॒ ප්රණු॑දත ඓ॒න්ද්රේණෛ॒වාස්යේ᳚න්ද්රි॒යං-වෘඁ ॑ඞ්ක්තේ॒ භව॑ත්යා॒ත්මනා॒ පරා᳚ස්ය॒ භ්රාතෘ॑ව්යෝ භව॒තීන්ද්රෝ॑ වෘ॒ත්රම॑හ॒-න්තං-වෘඁ॒ත්රෝ හ॒ත-ෂ්ෂෝ॑ඩ॒ශභි॑-ර්භෝ॒ගෛර॑සිනා॒-ත්තස්ය॑ වෘ॒ත්රස්ය॑ ශීර්​ෂ॒තෝ ගාව॒ උදා॑ය॒-න්තා වෛ॑දේ॒හ්යෝ॑-ऽභව॒-න්තාසා॑මෘෂ॒භෝ ජ॒ඝනේ-ऽනූදෛ॒-ත්තමින්ද්රෝ॑- [ජ॒ඝනේ-ऽනූදෛ॒-ත්තමින්ද්රඃ॑, අ॒චා॒ය॒ථ්සෝ॑-ऽමන්යත॒] 25

-ऽචාය॒ථ්සෝ॑-ऽමන්යත॒ යෝ වා ඉ॒මමා॒ලභේ॑ත॒ මුච්යේ॑තා॒ස්මා-ත්පා॒ප්මන॒ ඉති॒ ස ආ᳚ග්නේ॒ය-ඞ්කෘ॒ෂ්ණග්රී॑ව॒මා ල॑භතෛ॒න්ද්රමෘ॑ෂ॒භ-න්තස්යා॒ග්නිරේ॒ව ස්වේන॑ භාග॒ධේයේ॒නෝප॑ සෘත-ෂ්ෂෝඩශ॒ධා වෘ॒ත්රස්ය॑ භෝ॒ගානප්ය॑දහදෛ॒න්ද්රේණේ᳚න්ද්රි॒ය- මා॒ත්මන්න॑ධත්ත॒ යඃ පා॒ප්මනා॑ ගෘහී॒ත-ස්ස්යා-ථ්ස ආ᳚ග්නේ॒ය-ඞ්කෘ॒ෂ්ණග්රී॑ව॒මා ල॑භේතෛ॒න්ද්රමෘ॑ෂ॒භ-ම॒ග්නිරේ॒වාස්ය॒ ස්වේන॑ භාග॒ධේයේ॒නෝප॑සෘතඃ [ ] 26

පා॒ප්මාන॒මපි॑ දහත්යෛ॒න්ද්රේණේ᳚න්ද්රි॒යමා॒ත්ම-න්ධ॑ත්තේ॒ මුච්ය॑තේ පා॒ප්මනෝ॒ භව॑ත්යේ॒ව ද්යා॑වාපෘථි॒ව්යා᳚-න්ධේ॒නුමා ල॑භේත॒ ජ්යෝග॑පරුද්ධෝ॒ ऽනයෝ॒ර්॒හි වා ඒ॒ෂෝ-ऽප්ර॑තිෂ්ඨි॒තෝ-ऽථෛ॒ෂ ජ්යෝගප॑රුද්ධෝ॒ ද්යාවා॑පෘථි॒වී ඒ॒ව ස්වේන॑ භාග॒ධේයේ॒නෝප॑ ධාවති॒ තේ ඒ॒වෛන॑-ම්ප්රති॒ෂ්ඨා-ඞ්ග॑මයතඃ॒ ප්රත්යේ॒ව ති॑ෂ්ඨති පර්යා॒රිණී॑ භවති පර්යා॒රීව॒ හ්යේ॑තස්ය॑ රා॒ෂ්ට්රං-යෝඁ ජ්යෝග॑පරුද්ධ॒-ස්සමෘ॑ද්ධ්යෛ වාය॒ව්යං॑- [වාය॒ව්ය᳚ම්, ව॒ථ්සමා] 27

-ඁව॒ථ්සමා ල॑භේත වා॒යුර්වා අ॒නයෝ᳚ර්ව॒ථ්ස ඉ॒මේ වා ඒ॒තස්මෛ॑ ලෝ॒කා අප॑ශුෂ්කා॒ විඩප॑ශු॒ෂ්කා-ऽථෛ॒ෂ ජ්යෝගප॑රුද්ධෝ වා॒යුමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මා॑ ඉ॒මාං-ලෝඁ॒කාන්. විශ॒-ම්ප්රදා॑පයති॒ ප්රාස්මා॑ ඉ॒මේ ලෝ॒කා-ස්ස්නු॑වන්තිභුඤ්ජ॒ත්යේ॑නං॒-විඁඩුප॑තිෂ්ඨතේ ॥ 28 ॥
(ම॒ධ්යන්දි॑නේ॒ - කද්රුං॑ - ඁය॒මස්ය॒ - ස්පර්ධ॑මානෝ වෛෂ්ණාවරු॒ණීං -තමින්ද්රෝ᳚ - ऽස්ය॒ ස්වේන॑ භාග॒ධේයේ॒නෝප॑සෘතෝ - වාය॒ව්යං॑ - ද්විච॑ත්වාරිග්​ම්ශච්ච) (අ. 4)

ඉන්ද්රෝ॑ ව॒ලස්ය॒ බිල॒මපෞ᳚ර්ණෝ॒-ථ්ස ය උ॑ත්ත॒මඃ ප॒ශුරාසී॒-ත්ත-ම්පෘ॒ෂ්ඨ-ම්ප්රති॑ ස॒ගෘංහ්යෝද॑ක්ඛිද॒-ත්තග්​ම් ස॒හස්ර॑-ම්ප॒ශවෝ-ऽනූදා॑ය॒න්-ථ්ස උ॑න්න॒තෝ॑-ऽභව॒ද්යඃ ප॒ශුකා॑ම॒-ස්ස්යා-ථ්ස ඒ॒තමෛ॒න්ද්රමු॑න්න॒තමා ල॑භේ॒තේන්ද්ර॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ ප॒ශූ-න්ප්රය॑ච්ඡති පශු॒මානේ॒ව භ॑වත්යුන්න॒තෝ [භ॑වත්යුන්න॒තඃ, භ॒ව॒ති॒ සා॒හ॒ස්රී] 29

භ॑වති සාහ॒ස්රී වා ඒ॒ෂා ල॒ක්ෂ්මී යදු॑න්න॒තෝ ල॒ක්ෂ්මියෛ॒ ව ප॒ශූනව॑ රුන්ධේ ය॒දා ස॒හස්ර॑-ම්ප॒ශූ-න්ප්රා᳚ප්නු॒යාදථ॑ වෛෂ්ණ॒වං-වාඁ ॑ ම॒නමා ල॑භේතෛ॒තස්මි॒න්. වෛ ත-ථ්ස॒හස්ර॒මද්ධ්ය॑තිෂ්ඨ॒-ත්තස්මා॑දේ॒ෂ වා॑ම॒න-ස්සමී॑ෂිතඃ ප॒ශුභ්ය॑ ඒ॒ව ප්රජා॑තේභ්යඃ ප්රති॒ෂ්ඨා-න්ද॑ධාති॒ කෝ॑-ऽර්​හති ස॒හස්ර॑-ම්ප॒ශූ-න්ප්රාප්තු॒මිත්යා॑හු-රහෝරා॒ත්රාණ්යේ॒ව ස॒හස්රග්​ම්॑ ස॒ම්පාද්යා-ऽऽල॑භේත ප॒ශවෝ॒ [ප॒ශවඃ॑, වා අ॑හෝරා॒ත්රාණි॑] 30

වා අ॑හෝරා॒ත්රාණි॑ ප॒ශූනේ॒ව ප්රජා॑තා-න්ප්රති॒ෂ්ඨා-ඞ්ග॑මය॒-ත්යෝෂ॑ධීභ්යෝ වේ॒හත॒මා ල॑භේත ප්ර॒ජාකා॑ම॒ ඕෂ॑ධයෝ॒ වා ඒ॒ත-ම්ප්ර॒ජායෛ॒ පරි॑බාධන්තේ॒ යෝ-ऽල॑-ම්ප්ර॒ජායෛ॒ ස-න්ප්ර॒ජා-න්න වි॒න්දත॒ ඕෂ॑ධයඃ॒ ඛලු॒ වා ඒ॒තස්යෛ॒ සූතු॒මපි॑ ඝ්නන්ති॒ යා වේ॒හ-ද්භව॒ත්යෝෂ॑ධීරේ॒ව ස්වේන॑ භාග॒ධේයේ॒නෝප॑ ධාවති॒ තා ඒ॒වාස්මෛ॒ ස්වාද්යෝනේඃ᳚ ප්ර॒ජා-ම්ප්ර ජ॑නයන්ති වි॒න්දතේ᳚ [ ] 31

ප්ර॒ජාමාපෝ॒ වා ඕෂ॑ධ॒යෝ-ऽස॒-ත්පුරු॑ෂ॒ ආප॑ ඒ॒වාස්මා॒ අස॑ත॒-ස්සද්ද॑දති॒ තස්මා॑දාහු॒ර්යශ්චෛ॒වං-වේඁද॒ යශ්ච॒ නාප॒ස්ත්වාවාස॑ත॒-ස්සද්ද॑ද॒තී-ත්යෛ॒න්ද්රීග්​ම් සූ॒තව॑ශා॒මා ල॑භේත॒ භූති॑කා॒මෝ-ऽජා॑තෝ॒ වා ඒ॒ෂ යෝ-ऽල॒-ම්භූත්යෛ॒ ස-න්භූති॒-න්න ප්රා॒ප්නෝතීන්ද්ර॒-ඞ්ඛලු॒ වා ඒ॒ෂා සූ॒ත්වා ව॒ශා-ऽභ॑ව॒- [ව॒ශා-ऽභ॑වත්, ඉන්ද්ර॑මේ॒ව] 32

-දින්ද්ර॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛන॒-ම්භූති॑-ඞ්ගමයති॒ භව॑ත්යේ॒ව යග්​ම් සූ॒ත්වා ව॒ශා ස්යා-ත්තමෛ॒න්ද්රමේ॒වා-ऽऽ ල॑භේතෛ॒තද්වාව තදි॑න්ද්රි॒යග්​ම් සා॒ක්ෂාදේ॒වේන්ද්රි॒යමව॑ රුන්ධ ඓන්ද්රා॒ග්න-ම්පු॑නරු-ථ්සෘ॒ෂ්ටමා ල॑භේත॒ ය ආ තෘ॒තීයා॒-ත්පුරු॑ෂා॒-ථ්සෝම॒-න්න පිබේ॒-ද්විච්ඡි॑න්නෝ॒ වා ඒ॒තස්ය॑ සෝමපී॒ථෝ යෝ බ්රා᳚හ්ම॒ණ-ස්සන්නා [ ] 33

තෘ॒තීයා॒-ත්පුරු॑ෂා॒-ථ්සෝම॒-න්න පිබ॑තීන්ද්රා॒ග්නී ඒ॒ව ස්වේන॑ භාග॒ධේයේ॒නෝප॑ ධාවති॒ තාවේ॒වාස්මෛ॑ සෝමපී॒ථ-ම්ප්රය॑ච්ඡත॒ උපෛ॑නග්​ම් සෝමපී॒ථෝ න॑මති॒ යදෛ॒න්ද්රෝ භව॑තීන්ද්රි॒යං-වෛඁ සෝ॑මපී॒ථ ඉ॑න්ද්රි॒යමේ॒ව සෝ॑මපී॒ථමව॑ රුන්ධේ॒ යදා᳚ග්නේ॒යෝ භව॑ත්යාග්නේ॒යෝ වෛ බ්රා᳚හ්ම॒ණ-ස්ස්වාමේ॒ව දේ॒වතා॒මනු॒ සන්ත॑නෝති පුනරුථ්​සෘ॒ෂ්ටෝ භ॑වති පුනරුථ්​සෘ॒ෂ්ට ඉ॑ව॒ හ්යේ॑තස්ය॑ [හ්යේ॑තස්ය॑, සෝ॒ම॒පී॒ථ-ස්සමෘ॑ද්ධ්යෛ] 34

සෝමපී॒ථ-ස්සමෘ॑ද්ධ්යෛ බ්රාහ්මණස්ප॒ත්ය-න්තූ॑ප॒රමා ල॑භේතා-භි॒චර॒-න්බ්රහ්ම॑ණ॒ස්පති॑මේ॒ව ස්වේන॑ භාග॒ධේයේ॒නෝප॑ ධාවති॒ තස්මා॑ ඒ॒වෛන॒මා වෘ॑ශ්චති තා॒ජගාර්ති॒-මාර්ච්ඡ॑ති තූප॒රෝ භ॑වති ක්ෂු॒රප॑වි॒ර්වා ඒ॒ෂා ල॒ක්ෂ්මී ය-ත්තූ॑ප॒ර-ස්සමෘ॑ද්ධ්යෛ॒ ස්ඵ්යෝ යූපෝ॑ භවති॒ වජ්රෝ॒ වෛ ස්ඵ්යෝ වජ්ර॑මේ॒වාස්මෛ॒ ප්රහ॑රති ශර॒මය॑-ම්බ॒ර්॒හි-ශ්ශෘ॒ණාත්යේ॒වෛනං॒-වෛඁභී॑දක ඉ॒ද්ධ්මෝ භි॒නත්ත්යේ॒වෛන᳚ම් ॥ 35 ॥
(භ॒ව॒ත්යු॒න්න॒තඃ - ප॒ශවෝ॑ - ජනයන්ති වි॒න්දතේ॑ - ऽභව॒ථ් - සන්නෛ - තස්යේ॒ - ධ්ම - ස්ත්රීණි॑ ච) (අ. 5)

බා॒ර්॒හ॒ස්ප॒ත්යග්​ම් ශි॑තිපෘ॒ෂ්ඨමා ල॑භේත॒ ග්රාම॑කාමෝ॒ යඃ කා॒මයේ॑ත පෘ॒ෂ්ඨග්​ම් ස॑මා॒නානාග්॑ ස්යා॒මිති॒ බෘහ॒ස්පති॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛන॑-ම්පෘ॒ෂ්ඨග්​ම් ස॑මා॒නානා᳚-ඞ්කරෝති ග්රා॒ම්යේ॑ව භ॑වති ශිතිපෘ॒ෂ්ඨෝ භ॑වති බාර්​හස්ප॒ත්යෝ හ්යේ॑ෂ දේ॒වත॑යා॒ සමෘ॑ද්ධ්යෛ පෞ॒ෂ්ණග්ග්​ ශ්යා॒මමා ල॑භේ॒තාන්න॑කා॒මෝ-ऽන්නං॒-වෛඁ පූ॒ෂා පූ॒ෂණ॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මා॒ [ඒ॒වාස්මෛ᳚, අන්න॒-ම්ප්ර] 36

අන්න॒-ම්ප්ර ය॑ච්ඡත්යන්නා॒ද ඒ॒ව භ॑වති ශ්යා॒මෝ භ॑වත්යේ॒තද්වා අන්න॑ස්ය රූ॒පග්​ම් සමෘ॑ද්ධ්යෛ මාරු॒ත-ම්පෘශ්ඤි॒මා ල॑භේ॒තා-ऽන්න॑-කා॒මෝ-ऽන්නං॒-වෛඁ ම॒රුතෝ॑ම॒රුත॑ ඒ॒ව ස්වේන॑ භාග॒ධේයේ॒නෝප॑ ධාවති॒ ත ඒ॒වාස්මා॒ අන්න॒-ම්ප්රය॑ච්ඡන්ත්යන්නා॒ද​ඒ॒ව භ॑වති॒ පෘශ්ඤි॑ ර්භවත්යේ॒තද්වා අන්න॑ස්ය රූ॒පග්​ම් සමෘ॑ද්ධ්යා ඓ॒න්ද්රම॑රු॒ණමා ල॑භේතේන්ද්රි॒යකා॑ම॒ ඉන්ද්ර॑මේ॒ව [ ] 37

ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මි॑න්නින්ද්රි॒ය-න්ද॑ධාතීන්ද්රියා॒ව්යේ॑ව භ॑වත්යරු॒ණෝ භ්රූමා᳚-න්භවත්යේ॒තද්වා ඉන්ද්ර॑ස්ය රූ॒පග්​ම් සමෘ॑ද්ධ්යෛ සාවි॒ත්රමු॑පද්ධ්ව॒ස්තමා ල॑භේත ස॒නිකා॑ම-ස්සවි॒තා වෛ ප්ර॑ස॒වානා॑මීශේ සවි॒තාර॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ ස॒නි-ම්ප්රසු॑වති॒ දාන॑කාමා අස්මෛ ප්ර॒ජා භ॑වන්ත්යුපද්ධ්ව॒ස්තෝ භ॑වති සාවි॒ත්රෝ හ්යේ॑ෂ [සාවි॒ත්රෝ හ්යේ॑ෂඃ, දේ॒වත॑යා॒ සමෘ॑ද්ධ්යෛ] 38

දේ॒වත॑යා॒ සමෘ॑ද්ධ්යෛ වෛශ්වදේ॒ව-ම්බ॑හුරූ॒පමා ල॑භේ॒තා-ऽන්න॑කාමෝවෛශ්වදේ॒වං-වාඁ අන්නං॒-විඁශ්වා॑නේ॒ව දේ॒වාන්-ථ්ස්වේන॑ භාග॒ධේයේ॒නෝප॑ ධාවති॒ත ඒ॒වාස්මා॒ අන්න॒-ම්ප්රය॑ච්ඡන්ත්යන්නා॒ද ඒ॒ව භ॑වති බහුරූ॒පෝ භ॑වතිබහුරූ॒පග්ග්​ හ්යන්න॒ග්​ම්॒ සමෘ॑ද්ධ්යෛ වෛශ්වදේ॒ව-ම්බ॑හුරූ॒පමා ල॑භේත॒ ග්රාම॑කාමෝ වෛශ්වදේ॒වා වෛ ස॑ජා॒තා විශ්වා॑නේ॒ව දේ॒වාන්-ථ්ස්වේන॑ භාග॒ධේයේ॒නෝප॑ ධාවති॒ ත ඒ॒වා-ऽස්මෛ॑ [ඒ॒වා-ऽස්මෛ᳚, ස॒ජා॒තා-න්ප්ර ය॑ච්ඡන්ති] 39

සජා॒තා-න්ප්ර ය॑ච්ඡන්ති ග්රා॒ම්යේ॑ව භ॑වති බහුරූ॒පෝ භ॑වති බහුදේව॒ත්යෝ᳚(1॒) හ්යේ॑ෂ සමෘ॑ද්ධ්යෛ ප්රාජාප॒ත්ය-න්තූ॑ප॒රමා ල॑භේත॒ යස්යානා᳚ජ්ඤාතමිව॒ ජ්යෝගා॒මයේ᳚-ත්ප්රාජාප॒ත්යෝ වෛ පුරු॑ෂඃ ප්ර॒ජාප॑තිඃ॒ ඛලු॒ වෛ තස්ය॑ වේද॒ යස්යානා᳚ජ්ඤාතමිව॒ ජ්යෝගා॒මය॑ති ප්ර॒ජාප॑තිමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛන॒-න්තස්මා॒-ථ්ස්රාමා᳚-න්මුඤ්චති තූප॒රෝ භ॑වති ප්රාජාප॒ත්යෝ හ්යේ॑ -ෂ දේ॒වත॑යා॒ සමෘ॑ද්ධ්යෛ ॥ 40 ॥
(අ॒ස්මා॒ - ඉන්ද්ර॑මේ॒වෛ - ෂ - ස॑ජා॒තා විශ්වා॑නේ॒ව දේ॒වාන්-ථ්ස්වේන॑ භාග॒ධේයේ॒නෝප॑ ධාවති॒ ත ඒ॒වාස්මෛ᳚ - ප්රාජාප॒ත්යෝ හි - ත්රීණි॑ ච) (අ. 11)

ව॒ෂ॒ට්කා॒රෝ වෛ ගා॑යත්රි॒යෛ ශිරෝ᳚-ऽච්ඡින॒-ත්තස්යෛ॒ රසඃ॒ පරා॑පත॒-ත්ත-ම්බෘහ॒ස්පති॒ රුපා॑-ऽගෘහ්ණා॒ථ්​සා ශි॑තිපෘ॒ෂ්ඨා ව॒ශා-ऽභ॑ව॒ද්යෝ ද්වි॒තීයඃ॑ ප॒රා-ऽප॑ත॒-ත්ත-ම්මි॒ත්රාවරු॑ණා॒-වුපා॑ගෘහ්ණීතා॒ග්​ම්॒ සා ද්වි॑රූ॒පා ව॒ශා-ऽභ॑ව॒-ද්යස්තෘ॒තීයඃ॑ ප॒රාප॑ත॒-ත්තං-විඁශ්වේ॑ දේ॒වා උපා॑ගෘහ්ණ॒න්-ථ්සා බ॑හුරූ॒පා ව॒ශා භ॑ව॒ද්ය-ශ්ච॑තු॒ර්ථඃ ප॒රාප॑ත॒-ථ්ස පෘ॑ථි॒වී-ම්ප්රා-ऽවි॑ශ॒-ත්ත-ම්බෘහ॒ස්පති॑ර॒- [බෘහ॒ස්පති॑ර॒භි, අ॒ගෘ॒හ්ණා॒-දස්ත්වේ॒වා-ऽයං-] 41

-භ්ය॑ගෘහ්ණා॒-දස්ත්වේ॒වා-ऽය-ම්භෝගා॒යේති॒ ස උ॑ක්ෂව॒ශ-ස්සම॑භව॒-ද්යල්ලෝහි॑ත-ම්ප॒රාප॑ත॒-ත්ත-ද්රු॒ද්ර උපා॑-ऽගෘහ්ණා॒-ථ්සා රෞ॒ද්රී රෝහි॑ණී ව॒ශා-ऽභ॑ව-ද්බාර්​හස්ප॒ත්යාග්​ම් ශි॑තිපෘ॒ෂ්ඨාමා ල॑භේත බ්රහ්මවර්ච॒සකා॑මෝ॒ බෘහ॒ස්පති॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මි॑-න්බ්රහ්මවර්ච॒ස-න්ද॑ධාති බ්රහ්මවර්ච॒ස්යේ॑ව භ॑වති॒ ඡන්ද॑සාං॒-වාඁ ඒ॒ෂ රසෝ॒ යද්ව॒ශා රස॑ ඉව॒ ඛලු॒ [ඛලු॑, වෛ] 42

වෛ බ්ර॑හ්මවර්ච॒ස-ඤ්ඡන්ද॑සාමේ॒ව රසේ॑න॒ රස॑-ම්බ්රහ්මවර්ච॒සමව॑ රුන්ධේ මෛත්රාවරු॒ණී-න්ද්වි॑රූ॒පාමා ල॑භේත॒ වෘෂ්ටි॑කාමෝ මෛ॒ත්රං-වාඁ අහ॑ර්වාරු॒ණී රාත්රි॑රහෝරා॒ත්රාභ්යා॒-ඞ්ඛලු॒ වෛ ප॒ර්ජන්යෝ॑ වර්​ෂති මි॒ත්රාවරු॑ණාවේ॒ව ස්වේන॑ භාග॒ධේයේ॒නෝප॑ ධාවති॒ තාවේ॒වාස්මා॑ අහෝරා॒ත්රාභ්යා᳚-ම්ප॒ර්ජන්යං॑-වඁර්​ෂයත॒-ශ්ඡන්ද॑සාං॒-වාඁ ඒ॒ෂ රසෝ॒ යද්ව॒ශා රස॑ ඉව॒ ඛලු॒ වෛ වෘෂ්ටි॒-ශ්ඡන්ද॑සාමේ॒ව රසේ॑න॒ [රසේ॑න, රසං॒-වෘඁෂ්ටි॒මව॑ රුන්ධේ] 43

රසං॒-වෘඁෂ්ටි॒මව॑ රුන්ධේ මෛත්රාවරු॒ණී-න්ද්වි॑රූ॒පාමා ල॑භේත ප්ර॒ජාකා॑මෝ මෛ॒ත්රං-වාඁ අහ॑ර්වාරු॒ණී රාත්රි॑රහෝරා॒ත්රාභ්යා॒-ඞ්ඛලු॒ වෛ ප්ර॒ජාඃ ප්රජා॑යන්තේ මි॒ත්රාවරු॑ණාවේ॒ව ස්වේන॑ භාග॒ධේයේ॒නෝප॑ ධාවති॒ තාවේ॒වාස්මා॑ අහෝරා॒ත්රාභ්යා᳚-ම්ප්ර॒ජා-ම්ප්රජ॑නයත॒-ශ්ඡන්ද॑සාං॒-වාඁ ඒ॒ෂ රසෝ॒ යද්ව॒ශා රස॑ ඉව॒ ඛලු॒ වෛ ප්ර॒ජා ඡන්ද॑සාමේ॒ව රසේ॑න॒ රස॑-ම්ප්ර॒ජාමව॑- [රස॑-ම්ප්ර॒ජාමව॑, රු॒න්ධේ॒ වෛ॒ශ්ව॒දේ॒වීම්-] 44

-රුන්ධේ වෛශ්වදේ॒වී-ම්බ॑හුරූ॒පාමා ල॑භේ॒තාන්න॑කාමෝ වෛශ්වදේ॒වං-වාඁ අන්නං॒-විඁශ්වා॑නේ॒ව දේ॒වාන්-ථ්ස්වේන॑ භාග॒ධේයේ॒නෝප॑ ධාවති॒ ත ඒ॒වාස්මා॒ අන්නං॒ ප්රය॑ච්ඡන්ත්යන්නා॒ද ඒ॒ව භ॑වති॒ ඡන්ද॑සාං॒-වාඁ ඒ॒ෂ රසෝ॒ යද්ව॒ශා රස॑ ඉව॒ ඛලු॒ වා අන්න॒-ඤ්ඡන්ද॑සාමේ॒ව රසේ॑න॒ රස॒මන්න॒මව॑ රුන්ධේ වෛශ්වදේ॒වී-ම්බ॑හුරූ॒පාමා ල॑භේත॒ ග්රාම॑කාමෝ වෛශ්වදේ॒වා වෛ [වෛ, ස॒ජා॒තා විශ්වා॑නේ॒ව] 45

ස॑ජා॒තා විශ්වා॑නේ॒ව දේ॒වාන්-ථ්ස්වේන॑ භාග॒ධේයේ॒නෝප॑ ධාවති॒ ත ඒ॒වාස්මෛ॑ සජා॒තා-න්ප්ර ය॑ච්ඡන්ති ග්රා॒ම්යේ॑ව භ॑වති॒ ඡන්ද॑සාං॒-වාඁ ඒ॒ෂ රසෝ॒ යද්ව॒ශා රස॑ ඉව॒ ඛලු॒ වෛ ස॑ජා॒තා-ශ්ඡන්ද॑සාමේ॒ව රසේ॑න॒ රසග්​ම්॑ සජා॒තානව॑ රුන්ධේ බාර්​හස්ප॒ත්ය- මු॑ක්ෂව॒ශමා ල॑භේත බ්රහ්මවර්ච॒සකා॑මෝ॒ බෘහ॒ස්පති॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වා-ऽස්මි॑-න්බ්රහ්මවර්ච॒සං- [ඒ॒වා-ऽස්මි॑-න්බ්රහ්මවර්ච॒සම්, ද॒ධා॒ති॒ බ්ර॒හ්ම॒ව॒ර්ච॒ස්යේ॑ව] 46

-ද॑ධාති බ්රහ්මවර්ච॒ස්යේ॑ව භ॑වති॒ වශං॒-වාඁ ඒ॒ෂ ච॑රති॒ යදු॒ක්ෂාවශ॑ ඉව॒ ඛලු॒ වෛ බ්ර॑හ්මවර්ච॒සං-වඁශේ॑නෛ॒ව වශ॑-ම්බ්රහ්මවර්ච॒සමව॑ රුන්ධේරෞ॒ද්රීග්​ම්රෝහි॑ණී॒මා ල॑භේතාභි॒චර॑-න්රු॒ද්රමේ॒ව ස්වේන॑ භාග॒ධේයේ॒නෝප॑ ධාවති॒ තස්මා॑ ඒ॒වෛන॒මා වෘ॑ශ්චති තා॒ජගාර්ති॒මාර්ච්ඡ॑ති॒ රෝහි॑ණී භවති රෞ॒ද්රී හ්යේ॑ෂා දේ॒වත॑යා॒ සමෘ॑ද්ධ්යෛ॒ ස්ඵ්යෝ යූපෝ॑ භවති॒ වජ්රෝ॒ වෛ ස්ඵ්යෝ වජ්ර॑මේ॒වාස්මෛ॒ ප්ර හ॑රති ශර॒මය॑-ම්බ॒ර්॒හි-ශ්ශෘ॒ණාත්යේ॒වෛනං॒-වෛඁභී॑දක ඉ॒ද්ධ්මෝ භි॒නත්ත්යේ॒වෛන᳚ම් ॥ 47 ॥
(අ॒භි - ඛලු॒ - වෘෂ්ටි॒-ශ්ඡන්ද॑සාමේ॒ව රසේ॑න - ප්ර॒ජාමව॑ - වෛශ්වදේ॒වා වෛ - බ්ර॑හ්මවර්ච॒සං - ඁයූප॒ - ඒකා॒න්නවිග්​ම්॑ශ॒තිශ්ච॑) (අ. 7)

අ॒සාවා॑දි॒ත්යෝ න ව්ය॑රෝචත॒ තස්මෛ॑ දේ॒වාඃ ප්රාය॑ශ්චිත්තිමෛච්ඡ॒-න්තස්මා॑ ඒ॒තාග්​ම් සෞ॒රීග්​ ශ්වේ॒තාං-වඁ॒ශාමා-ऽල॑භන්ත॒ තයෛ॒වාස්මි॒-න්රුච॑මදධු॒ර්යෝ බ්ර॑හ්මවර්ච॒සකා॑ම॒-ස්ස්යා-ත්තස්මා॑ ඒ॒තාග්​ම් සෞ॒රීග්​ ශ්වේ॒තාං-වඁ॒ශාමා ල॑භේතා॒මුමේ॒වා ऽऽදි॒ත්යග්ග්​ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මි॑-න්බ්රහ්මවර්ච॒ස-න්ද॑ධාති බ්රහ්මවර්ච॒ස්යේ॑ව භ॑වති බෛ॒ල්॒​වෝ යූපෝ॑ භවත්ය॒සෞ [ ] 48

වා ආ॑දි॒ත්යෝ යතෝ-ऽජා॑යත॒ තතෝ॑ බි॒ල්ව॑ උද॑තිෂ්ඨ॒-ථ්සයෝ᳚න්යේ॒ව බ්ර॑හ්මවර්ච॒සමව॑ රුන්ධේ බ්රාහ්මණස්ප॒ත්යා-ම්බ॑භ්රුක॒ර්ණීමා ල॑භේතා-භි॒චර॑න්-වාරු॒ණ-න්දශ॑කපාල-ම්පු॒රස්තා॒-න්නිර්ව॑පේ॒-ද්වරු॑ණේනෛ॒ව භ්රාතෘ॑ව්ය-ඞ්ග්රාහයි॒ත්වා බ්රහ්ම॑ණා ස්තෘණුතේ බභ්රුක॒ර්ණී භ॑වත්යේ॒තද්වෛ බ්රහ්ම॑ණෝ රූ॒පග්​ම් සමෘ॑ද්ධ්යෛ॒ ස්ඵ්යෝ යූපෝ॑ භවති॒ වජ්රෝ॒ වෛ ස්ඵ්යෝ වජ්ර॑මේ॒වාස්මෛ॒ ප්ර හ॑රති ශර॒මය॑-ම්බ॒ර්॒හි-ශ්ශෘ॒ණා- [-බ॒ර්॒හි-ශ්ශෘ॒ණාති॑, ඒ॒වෛනං॒-වෛඁභී॑දක] 49

-ත්යේ॒වෛනං॒-වෛඁභී॑දක ඉ॒ද්ධ්මෝ භි॒නත්ත්යේ॒වෛනං॑-වෛඁෂ්ණ॒වං-වාඁ ॑ම॒නමා ල॑භේත॒ යං-යඁ॒ජ්ඤෝ නෝප॒නමේ॒-ද්විෂ්ණු॒ර්වෛ ය॒ජ්ඤෝ විෂ්ණු॑මේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ ය॒ජ්ඤ-ම්ප්ර ය॑ච්ඡ॒ත්යුපෛ॑නං-යඁ॒ජ්ඤෝ න॑මති වාම॒නෝ භ॑වති වෛෂ්ණ॒වෝ හ්යේ॑ෂ දේ॒වත॑යා॒ සමෘ॑ද්ධ්යෛ ත්වා॒ෂ්ට්රං-වඁ ॑ඩ॒බ මා ල॑භේත ප॒ශුකා॑ම॒ස්ත්වෂ්ටා॒ වෛ ප॑ශූ॒නා-ම්මි॑ථු॒නානාං᳚- [වෛ ප॑ශූ॒නා-ම්මි॑ථු॒නානා᳚ම්, ප්ර॒ජ॒න॒යි॒තා] 50

ප්රජනයි॒තා ත්වෂ්ටා॑රමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ ප॒ශූ-න්මි॑ථු॒නා-න්ප්ර ජ॑නයති ප්ර॒ජා හි වා ඒ॒තස්මි॑-න්ප॒ශවඃ॒ ප්රවි॑ෂ්ටා॒ අථෛ॒ෂ පුමා॒න්ථ්​සන් ව॑ඩ॒බ-ස්සා॒ක්ෂාදේ॒ව ප්ර॒ජා-ම්ප॒ශූනව॑ රුන්ධේ මෛ॒ත්රග්ග්​ ශ්වේ॒තමා ල॑භේත සඞ්ග්රා॒මේ සං​යඁ ॑ත්තේ සම॒යකා॑මෝ මි॒ත්රමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛන॑-ම්මි॒ත්රේණ॒ ස-න්න॑යති - [අ-න්න॑යති, වි॒ශා॒ලෝ භ॑වති॒] 51

විශා॒ලෝ භ॑වති॒ ව්යව॑සායයත්යේ॒වෛන॑-ම්ප්රාජාප॒ත්ය-ඞ්කෘ॒ෂ්ණමා ල॑භේත॒ වෘෂ්ටි॑කාමඃ ප්ර॒ජාප॑ති॒ර්වෛ වෘෂ්ට්යා॑ ඊශේ ප්ර॒ජාප॑තිමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මෛ॑ ප॒ර්ජන්යං॑-වඁර්​ෂයති කෘ॒ෂ්ණෝ භ॑වත්යේ॒තද්වෛ වෘෂ්ට්යෛ॑ රූ॒පග්​ම් රූ॒පේණෛ॒ව වෘෂ්ටි॒මව॑ රුන්ධේ ශ॒බලෝ॑ භවති වි॒ද්යුත॑මේ॒වාස්මෛ॑ ජනයි॒ත්වා ව॑ර්​ෂයත්යවාශෘ॒ඞ්ගෝ භ॑වති॒ වෘෂ්ටි॑මේ॒වාස්මෛ॒ නි ය॑ච්ඡති ॥ 52 ॥
(අ॒සෞ - ශෘ॒ණාති॑ - මිථු॒නානාං᳚ - නයති - යච්ඡති) (අ. 8)

වරු॑ණග්​ම් සුෂුවා॒ණම॒න්නාද්ය॒-න්නෝපා॑නම॒-ථ්ස ඒ॒තාං-වාඁ ॑රු॒ණී-ඞ්කෘ॒ෂ්ණාං-වඁ॒ශාම॑පශ්ය॒-ත්තාග්​ ස්වායෛ॑ දේ॒වතා॑යා॒ ආල॑භත॒ තතෝ॒ වෛ තම॒න්නා-ද්ය॒මුපා॑-ऽනම॒-ද්යමල॑-ම॒න්නාද්යා॑ය॒ සන්ත॑ම॒න්නාද්ය॒-න්නෝප॒නමේ॒-ථ්ස ඒ॒තාං ඁවා॑රු॒ණී-ඞ්කෘ॒ෂ්ණාං-වඁ॒ශාමා ල॑භේත॒ වරු॑ණමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මා॒ අන්න॒-ම්ප්ර ය॑ච්ඡත්යන්නා॒ද [අන්න॒-ම්ප්ර ය॑ච්ඡත්යන්නා॒දඃ, ඒ॒ව භ॑වති] 53

ඒ॒ව භ॑වති කෘ॒ෂ්ණා භ॑වති වාරු॒ණී හ්යේ॑ෂා දේ॒වත॑යා॒ සමෘ॑ද්ධ්යෛ මෛ॒ත්රග්ග්​ ශ්වේ॒තමා ල॑භේත වාරු॒ණ-ඞ්කෘ॒ෂ්ණම॒පා-ඤ්චෞෂ॑ධීනා-ඤ්ච ස॒ධාං​වඁන්න॑කාමෝ මෛ॒ත්රීර්වා ඕෂ॑ධයෝ වාරු॒ණීරාපෝ॒-ऽපා-ඤ්ච॒ ඛලු॒ වා ඕෂ॑ධීනා-ඤ්ච॒ රස॒මුප॑ ජීවාමෝ මි॒ත්රාවරු॑ණාවේ॒ව ස්වේන॑ භාග॒ධේයේ॒නෝප॑ ධාවති॒ තාවේ॒වාස්මා॒ අන්න॒-ම්ප්රය॑ච්ඡතෝ-ऽන්නා॒ද ඒ॒ව භ॑ව- [ඒ॒ව භ॑වති, අ॒පා-ඤ්චෞෂ॑ධීනා-ඤ්ච] 54
(ශිඛණ්ඩි ප්රචතිඃ)

-ත්ය॒පා-ඤ්චෞෂ॑ධීනා-ඤ්ච ස॒ධාං​වාඁ ල॑භත උ॒භය॒ස්යා-ව॑රුද්ධ්යෛ॒විශා॑ඛෝ॒ යූපෝ॑ භවති॒ ද්වේ හ්යේ॑තේ දේ॒වතේ॒ සමෘ॑ද්ධ්යෛ මෛ॒ත්රග්ග්​ ශ්වේ॒තමා ල॑භේත වාරු॒ණ-ඞ්කෘ॒ෂ්ණ-ඤ්ජ්යෝගා॑මයාවී॒-ය-න්මෛ॒ත්රෝ භව॑ති මි॒ත්රේණෛ॒වා-ऽස්මෛ॒ වරු॑ණග්​ම් ශමයති॒ ය-ද්වා॑රු॒ණ-ස්සා॒ක්ෂාදේ॒වෛනං॑-වඁරුණපා॒ශා-න්මු॑ඤ්චත්යු॒ත යදී॒තාසු॒ර්භව॑ති॒ ජීව॑ත්යේ॒ව දේ॒වා වෛ පුෂ්ටි॒-න්නා-ऽවි॑න්ද॒න්- [නා-ऽවි॑න්දන්න්, තා-ම්මි॑ථු॒නේ॑] 55

-තා-ම්මි॑ථු॒නේ॑ ऽපශ්ය॒-න්තස්යා॒-න්න සම॑රාධය॒න්තා-ව॒ශ්විනා॑-වබ්රූතා-මා॒වයෝ॒ර්වා ඒ॒ෂා මෛතස්යාං᳚ ඁවදද්ධ්ව॒මිති॒ සාශ්විනෝ॑රේ॒වාභ॑ව॒ද්යඃ පුෂ්ටි॑කාම॒-ස්ස්යා-ථ්ස ඒ॒තාමා᳚ශ්වි॒නීං-යඁ॒මීං-වඁ॒ශාමා ල॑භේතා॒-ऽශ්විනා॑වේ॒ව ස්වේන॑ භාග॒ධේයේ॒නෝප॑ ධාවති॒ තාවේ॒වාස්මි॒-න්පුෂ්ටි॑-න්ධත්තඃ॒ පුෂ්ය॑ති ප්ර॒ජයා॑ ප॒ශුභිඃ॑ ॥ 56 ॥
(අ॒න්නා॒දෝ᳚ - ऽන්නා॒ද ඒ॒ව භ॑වත්ය - වින්ද॒න් - පඤ්ච॑චත්වාරිග්​ම්ශච්ච) (අ. 9)

ආ॒ශ්වි॒න-න්ධූ॒ම්රල॑ලාම॒ මා ල॑භේත॒ යෝ දුර්බ්රා᳚හ්මණ॒-ස්සෝම॒-ම්පිපා॑සේ-ද॒ශ්විනෞ॒ වෛ දේ॒වානා॒-මසෝ॑මපාවාස්තා॒-න්තෞ ප॒ශ්චා සෝ॑මපී॒ථ-ම්ප්රාප්නු॑තා-ම॒ශ්විනා॑-වේ॒තස්ය॑ දේ॒වතා॒ යෝ දුර්බ්රා᳚හ්මණ॒-ස්සෝම॒-ම්පිපා॑සත්ය॒ශ්විනා॑වේ॒ව ස්වේන॑ භාග॒ධේයේ॒නෝප॑ ධාවති॒-තා-වේ॒වා-ऽස්මෛ॑ සෝමපී॒ථ-ම්ප්ර ය॑ච්ඡත॒ උපෛ॑නග්​ම් සෝමපී॒ථෝ න॑මති॒ ය-ද්ධූ॒ම්රෝ භව॑ති ධූම්රි॒මාණ॑-මේ॒වා-ऽස්මා॒-දප॑ හන්ති ල॒ලාමෝ॑ [ල॒ලාමඃ॑, භ॒ව॒ති මු॒ඛ॒ත] 57

භවති මුඛ॒ත ඒ॒වාස්මි॒-න්තේජෝ॑ දධාති වාය॒ව්ය॑-ඞ්ගෝමෘ॒ගමා ල॑භේත॒ යමජ॑ඝ්නිවාග්​ම් සමභි॒ශග්​ම් සේ॑යු॒රපූ॑තා॒ වා ඒ॒තං-වාඁගෘ॑ච්ඡති॒ යමජ॑ඝ්නිවාග්​ම් සමභි॒ශග්​ම් ස॑න්ති॒ නෛෂ ග්රා॒ම්යඃ ප॒ශුර්නාර॒ණ්යෝ ය-ද්ගෝ॑මෘ॒ගෝ නේවෛ॒ෂ ග්රාමේ॒ නාර॑ණ්යේ॒ යමජ॑ඝ්නිවාග්​ම් සමභි॒ශග්​ම් ස॑න්ති වා॒යුර්වෛ දේ॒වානා᳚-ම්ප॒විත්රං॑-වාඁ॒යුමේ॒ව ස්වේන॑ භාග॒ධේයේ॒නෝප॑ ධාවති॒ ස ඒ॒වෛ- [ස ඒ॒ව, ඒ॒න॒-ම්ප॒ව॒ය॒ති॒ පරා॑චී॒] 58

-න॑-ම්පවයති॒ පරා॑චී॒ වා ඒ॒තස්මෛ᳚ ව්යු॒ච්ඡන්තී॒ ව්යු॑ච්ඡති॒ තමඃ॑ පා॒ප්මාන॒-ම්ප්රවි॑ශති॒ යස්යා᳚-ऽऽශ්වි॒නේ ශ॒ස්යමා॑නේ॒ සූර්යෝ॒ නා-ऽऽවිර්භව॑ති සෞ॒ර්ය-ම්බ॑හුරූ॒පමා ල॑භේතා॒-ऽමු-මේ॒වා-ऽऽදි॒ත්යග්ග්​ ස්වේන॑ භාග॒ධේයේ॒නෝප॑ ධාවති॒ ස ඒ॒වාස්මා॒-ත්තමඃ॑ පා॒ප්මාන॒මප॑ හන්ති ප්ර॒තීච්ය॑ස්මෛ ව්යු॒ච්ඡන්තී॒ ව්යු॑ච්ඡ॒ත්යප॒ තමඃ॑ පා॒ප්මානග්​ම්॑ හතේ ॥ 59 ॥
(ල॒ලාමඃ॒ - ස ඒ॒ව - ෂට්ච॑ත්වාරිග්​ම්ශච්ච) (අ. 10)

ඉන්ද්රං॑-වෝඁ වි॒ශ්වත॒ස්පරී, න්ද්ර॒-න්නරෝ॒, මරු॑තෝ॒ යද්ධ॑ වෝ දි॒වෝ, යා ව॒-ශ්ශර්ම॑ ॥ භරේ॒ෂ්වින්ද්රග්​ම්॑ සු॒හවග්​ම්॑ හවාමහේ ऽග්​ම්හෝ॒මුචග්​ම්॑ සු॒කෘත॒-න්දෛව්ය॒-ඤ්ජන᳚ම් । අ॒ග්නි-ම්මි॒ත්රං-වඁරු॑ණග්​ම් සා॒තයේ॒ භග॒-න්ද්යාවා॑පෘථි॒වී ම॒රුත॑-ස්ස්ව॒ස්තයේ᳚ ॥ ම॒මත්තු॑ නඃ॒ පරි॑ජ්මා වස॒ර්॒හා ම॒මත්තු॒ වාතෝ॑ අ॒පාං-වෘඁෂ॑ණ්වාන්න් । ශි॒ශී॒තමි॑න්ද්රාපර්වතා යු॒ව-න්න॒ස්තන්නෝ॒ විශ්වේ॑ වරිවස්යන්තු දේ॒වාඃ ॥ ප්රි॒යා වෝ॒ නාම॑ - [ප්රි॒යා වෝ॒ නාම॑, හු॒වේ॒ තු॒රාණා᳚ම් ।] 60

හුවේ තු॒රාණා᳚ම් । ආ ය-ත්තෘ॒පන්ම॑රුතෝ වාවශා॒නාඃ ॥ ශ්රි॒යසේ॒ ක-ම්භා॒නුභි॒-ස්ස-ම්මි॑මික්ෂිරේ॒ තේ ර॒ශ්මිභි॒ස්ත ඍක්ව॑භි-ස්සුඛා॒දයඃ॑ । තේ වාශී॑මන්ත ඉ॒ෂ්මිණෝ॒ අභී॑රවෝ වි॒ද්රේ ප්රි॒යස්ය॒ මාරු॑තස්ය॒ ධාම්නඃ॑ ॥ අ॒ග්නිඃ ප්ර॑ථ॒මෝ වසු॑භිර්නෝ අව්යා॒-ථ්සෝමෝ॑ රු॒ද්රේභි॑ර॒භි ර॑ක්ෂත॒ ත්මනා᳚ । ඉන්ද්රෝ॑ ම॒රුද්භි॑ර්-ඍතු॒ධා කෘ॑ණෝත්වාදි॒ත්යෛර්නෝ॒ වරු॑ණ॒-ස්සග්​ම් ශි॑ශාතු ॥ ස-න්නෝ॑ දේ॒වෝ වසු॑භිර॒ග්නි-ස්සග්​ම් [වසු॑භිර॒ග්නි-ස්සම්, සෝම॑ස්ත॒නූභී॑ රු॒ද්රියා॑භිඃ ।] 61

සෝම॑ස්ත॒නූභී॑ රු॒ද්රියා॑භිඃ । සමින්ද්රෝ॑ ම॒රුද්භි॑ ර්ය॒ජ්ඤියෛ॒-ස්සමා॑දි॒ත්යෛර්නෝ॒ වරු॑ණෝ අජිජ්ඤිපත් ॥ යථා॑-ऽऽදි॒ත්යා වසු॑භි-ස්සම්බභූ॒වු-ර්ම॒රුද්භී॑ රු॒ද්රා-ස්ස॒මජා॑නතා॒භි । ඒ॒වා ත්රි॑ණාම॒න්න-හෘ॑ණීයමානා॒ විශ්වේ॑ දේ॒වා-ස්සම॑නසෝ භවන්තු ॥ කුත්රා॑ චි॒ද්යස්ය॒ සමෘ॑තෞ ර॒ණ්වා නරෝ॑ නෘ॒ෂද॑නේ । අර්​හ॑න්තශ්චි॒-ද්යමි॑න්ධ॒තේ ස॑ඤ්ජ॒නය॑න්ති ජ॒න්තවඃ॑ ॥ සං-යඁදි॒ෂෝ වනා॑මහේ॒ සග්​ම් හ॒ව්යා මානු॑ෂාණාම් । උ॒ත ද්යු॒ම්නස්ය॒ ශව॑ස [ශව॑සඃ, ඍ॒තස්ය॑ ර॒ශ්මිමා ද॑දේ ।] 62

ඍ॒තස්ය॑ ර॒ශ්මිමා ද॑දේ ॥ ය॒ජ්ඤෝ දේ॒වානා॒-ම්ප්රත්යේ॑ති සු॒ම්නමාදි॑ත්යාසෝ॒ භව॑තා මෘඩ॒යන්තඃ॑ । ආ වෝ॒-ऽර්වාචී॑ සුම॒තිර්ව॑වෘත්යාද॒ග්​ම්॒ හෝශ්චි॒ද්යා ව॑රිවෝ॒විත්ත॒රා-ऽස॑ත් ॥ ශුචි॑ර॒ප-ස්සූ॒යව॑සා අද॑බ්ධ॒ උප॑ ක්ෂේති වෘ॒ද්ධව॑යා-ස්සු॒වීරඃ॑ । නකි॒ෂ්ටං(2) ඝ්න॒න්ත්යන්ති॑තෝ॒ න දූ॒රාද්ය ආ॑දි॒ත්යානා॒-ම්භව॑ති॒ ප්රණී॑තෞ ॥ ධා॒රය॑න්ත ආදි॒ත්යාසෝ॒ ජග॒ථ්ස්ථා දේ॒වා විශ්ව॑ස්ය॒ භුව॑නස්ය ගෝ॒පාඃ । දී॒ර්ඝාධි॑යෝ॒ රක්ෂ॑මාණා [රක්ෂ॑මාණාඃ, අ॒සු॒ර්ය॑මෘ॒තාවා॑න॒-] 63

අසු॒ර්ය॑මෘ॒තාවා॑න॒-ශ්චය॑මානා ඍ॒ණානි॑ ॥ ති॒ස්රෝ භූමී᳚ර්ධාරය॒-න්ත්රීග්​ම් රු॒ත ද්යූ-න්ත්රීණි॑ ව්ර॒තා වි॒දථේ॑ අ॒න්තරේ॑ෂාම් । ඍ॒තේනා॑-ऽऽදිත්යා॒ මහි॑ වෝ මහි॒ත්ව-න්තද॑ර්යමන් වරුණ මිත්ර॒ චාරු॑ ॥ ත්යාන්නු ක්ෂ॒ත්රියා॒ග්​ම්॒ අව॑ ආදි॒ත්යාන්. යා॑චිෂාමහේ । සු॒මෘ॒ඩී॒කාග්​ම් අ॒භිෂ්ට॑යේ ॥ න ද॑ක්ෂි॒ණා විචි॑කිතේ॒ න ස॒ව්යා න ප්රා॒චීන॑මාදිත්යා॒ නෝත ප॒ශ්චා । පා॒ක්යා॑ චිද්වසවෝ ධී॒ර්යා॑ චි- [ධී॒ර්යා॑ චිත්, යු॒ෂ්මානී॑තෝ॒] 64

-ද්යු॒ෂ්මානී॑තෝ॒ අභ॑ය॒-ඤ්ජ්යෝති॑රශ්යාම් ॥ ආ॒දි॒ත්යානා॒මව॑සා॒ නූත॑නේන සක්ෂී॒මහි॒ ශර්ම॑ණා॒ ශන්ත॑මේන । අ॒නා॒ගා॒ස්ත්වේ අ॑දිති॒ත්වේ තු॒රාස॑ ඉ॒මං-යඁ॒ජ්ඤ-න්ද॑ධතු॒ ශ්රෝෂ॑මාණාඃ ॥ ඉ॒ම-ම්මේ॑ වරුණ ශ්රුධී॒ හව॑ම॒ද්යා ච॑ මෘඩය । ත්වාම॑ව॒ස්යුරා ච॑කේ ॥ තත්ත්වා॑ යාමි॒ බ්රහ්ම॑ණා॒ වන්ද॑මාන॒-ස්තදා ශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ද්ධ්යුරු॑ශග්​ම්ස॒ මා න॒ ආයුඃ॒ ප්රමෝ॑ෂීඃ ॥ 65 ॥
(නාමා॒ - ऽග්නි-ස්සග්​ම් - ශව॑සෝ॒ - රක්ෂ॑මාණා - ධී॒ර්යා॑-ඤ්චි॒දේ - කා॒න්න ප॑ඤ්චා॒ශච්ච॑) (අ. 11)

(වා॒ය॒ව්යං॑ - ප්රා॒ජප॑ති॒ස්තා වරු॑ණං - දේවාසු॒රා ඒ॒ෂ්ව॑ - සාවා॑දි॒ත්යෝ දශ॑ර්​ෂභා॒-මින්ද්රෝ॑ ව॒ලස්ය॑ - බාර්​හස්ප॒ත්යං - ඁව॑ෂට්කා॒රෝ॑ - ऽසෞසෞ॒රීං॒ - ඁව॑රුණ -මාශ්වි॒න - මින්ද්රං॑-වෝඁ॒ නර॒ - ඒකාද॑ශ)

(වා॒ය॒ව්ය॑ - මාග්නේ॒යී-ඞ්කෘ॑ෂ්ණග්රී॒වී - ම॒සාවා॑දි॒ත්යෝ - වා අ॑හෝරා॒ත්රාණි॑ - වෂට්කා॒රඃ - ප්ර॑ජනයි॒තා - හු॑වේ තු॒රාණාං॒ - පඤ්ච॑ෂෂ්ටිඃ )

(වා॒ය॒ව්ය॑ම්, ප්රමෝ॑ෂීඃ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-න්ද්විතීයකාණ්ඩේ ප්රථමඃ ප්රශ්න-ස්සමාප්තඃ ॥