කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ පඤ්චමඃ ප්රශ්නඃ - ඉෂ්ටිශේෂාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

පූ॒ර්ණා ප॒ශ්චාදු॒ත පූ॒ර්ණා පු॒රස්තා॒දු-න්ම॑ද්ධ්ය॒තඃ පෞ᳚ර්ණමා॒සී ජි॑ගාය । තස්යා᳚-න්දේ॒වා අධි॑ සං॒​වඁස॑න්ත උත්ත॒මේ නාක॑ ඉ॒හ මා॑දයන්තාම් ॥ යත්තේ॑ දේ॒වා අද॑ධු ර්භාග॒ධේය॒මමා॑වාස්යේ සං॒​වඁස॑න්තෝ මහි॒ත්වා । සානෝ॑ ය॒ජ්ඤ-ම්පි॑පෘහි විශ්වවාරේ ර॒යි-න්නෝ॑ ධේහි සුභගේ සු॒වීර᳚ම් ॥නි॒වේශ॑නී ස॒ඞ්ගම॑නී॒ වසූ॑නාං॒-විඁශ්වා॑ රූ॒පාණි॒ වසූ᳚න්යාවේ॒ශය॑න්තී । ස॒හ॒ස්ර॒පෝ॒ෂග්​ම් සු॒භගා॒ රරා॑ණා॒ සා න॒ ආග॒න්. වර්ච॑සා [ආග॒න්. වර්ච॑සා, සං॒​විඁ॒දා॒නා ।] 1

සං​විඁදා॒නා ॥ අග්නී॑ෂෝමෞ ප්රථ॒මෞ වී॒ර්යේ॑ණ॒ වසූ᳚-න්රු॒ද්රානා॑දි॒ත්යානි॒හ ජි॑න්වතම් । මා॒ද්ධ්යග්​ම් හි පෞ᳚ර්ණමා॒ස-ඤ්ජු॒ෂේථා॒-ම්බ්රහ්ම॑ණා වෘ॒ද්ධෞ සු॑කෘ॒තේන॑ සා॒තාවථා॒-ऽස්මභ්යග්​ම්॑ ස॒හවී॑රාග්​ම් ර॒යි-න්නි ය॑ච්ඡතම් ॥ ආ॒දි॒ත්යාශ්චා-ऽඞ්ගි॑රසශ්චා॒ග්නීනා-ऽද॑ධත॒ තේ ද॑ර්​ශපූර්ණමා॒සෞ ප්රෛඵ්ස॒-න්තේෂා॒මඞ්ගි॑රසා॒-න්නිරු॑ප්තග්​ම් හ॒විරාසී॒දථා॑-ऽऽදි॒ත්යා ඒ॒තෞ හෝමා॑වපශ්ය॒-න්තාව॑ජුහවු॒ස්තතෝ॒ වෛ තේ ද॑ර්​ශපූර්ණමා॒සෞ [ ] 2

පූර්ව॒ ආ ऽල॑භන්ත දර්​ශපූර්ණමා॒සා-වා॒ලභ॑මාන ඒ॒තෞ හෝමෞ॑ පු॒රස්තා᳚ජ්ජුහුයා-ථ්සා॒ක්ෂාදේ॒ව ද॑ර්​ශපූර්ණමා॒සාවා ල॑භතේ බ්රහ්මවා॒දිනෝ॑ වදන්ති॒ ස ත්වෛ ද॑ර්​ශපූර්ණමා॒සාවා ල॑භේත॒ ය ඒ॑නයෝරනු-ලෝ॒මඤ්ච॑ ප්රතිලෝ॒මඤ්ච॑ වි॒ද්යාදිත්ය॑මාවා॒ස්යා॑යා ඌ॒ර්ධ්ව-න්තද॑නුලෝ॒ම-ම්පෞ᳚ර්ණමා॒ස්යෛ ප්ර॑තී॒චීන॒-න්ත-ත්ප්ර॑තිලෝ॒මං-යඁ-ත්පෞ᳚ර්ණමා॒සී-ම්පූර්වා॑මා॒ලභේ॑ත ප්රතිලෝ॒මමේ॑නා॒වා ල॑භේතා॒-මුම॑ප॒ක්ෂීය॑මාණ॒-මන්වප॑- [-මන්වප॑, ක්ෂී॒යේ॒ත॒ සා॒ර॒ස්ව॒තෞ හෝමෞ॑] 3

-ක්ෂීයේත සාරස්ව॒තෞ හෝමෞ॑ පු॒රස්තා᳚ජ්ජුහුයාදමාවා॒ස්යා॑ වෛ සර॑ස්වත්යනුලෝ॒ම-මේ॒වෛනා॒වා ල॑භතේ॒ ऽමුමා॒ප්යාය॑මාන॒මන්වා ප්යා॑යත ආග්නාවෛෂ්ණ॒ව-මේකා॑දශකපාල-ම්පු॒රස්තා॒න්නිව॑ර්පේ॒-ථ්සර॑ස්වත්යෛ ච॒රුග්​ම් සර॑ස්වතේ॒ ද්වාද॑ශකපාලං॒-යඁදා᳚ග්නේ॒යෝ භව॑ත්ය॒ග්නිර්වෛ ය॑ජ්ඤමු॒ඛං-යඁ ॑ජ්ඤමු॒ඛමේ॒වර්ධි॑-ම්පු॒රස්තා᳚-ද්ධත්තේ॒ ය-ද්වෛ᳚ෂ්ණ॒වෝ භව॑ති ය॒ජ්ඤෝ වෛ විෂ්ණු॑ර්ය॒ජ්ඤමේ॒වා-ऽऽරභ්ය॒ ප්රත॑නුතේ॒ සර॑ස්වත්යෛ ච॒රුර්භ॑වති॒ සර॑ස්වතේ॒ ද්වාද॑ශකපාලෝ-ऽමාවා॒ස්යා॑ වෛ සර॑ස්වතී පූ॒ර්ණමා॑ස॒-ස්සර॑ස්වා॒-න්තාවේ॒ව සා॒ක්ෂාදා ර॑භත ඍ॒ද්ධ්නෝත්යා᳚භ්යා॒-න්ද්වාද॑ශකපාල॒-ස්සර॑ස්වතේ භවති මිථුන॒ත්වාය॒ ප්රජා᳚ත්යෛ මිථු॒නෞ ගාවෞ॒ දක්ෂි॑ණා॒ සමෘ॑ද්ධ්යෛ ॥ 4 ॥
(වර්ච॑සා॒ - වෛ තේ ද॑ර්​ශපූර්ණමා॒සා - වප॑ - තනුතේ॒ සර॑ස්වත්යෛ॒ - පඤ්ච॑විග්​ම්ශතිශ්ච) (අ. 1)

ඍෂ॑යෝ॒ වා ඉන්ද්ර॑-ම්ප්ර॒ත්යක්ෂ॒-න්නාප॑ශ්ය॒-න්තං-වඁසි॑ෂ්ඨඃ ප්ර॒ත්යක්ෂ॑මපශ්ය॒-ථ්සෝ᳚-ऽබ්රවී॒-ද්බ්රාහ්ම॑ණ-න්තේ වක්ෂ්යාමි॒ යථා॒ ත්වත්පු॑රෝහිතාඃ ප්ර॒ජාඃ ප්ර॑ජනි॒ෂ්යන්තේ-ऽථ॒ මේත॑රේභ්ය॒ ඍෂි॑භ්යෝ॒ මා ප්රවෝ॑ච॒ ඉති॒ තස්මා॑ ඒ॒තාන්​ථ්ස්තෝම॑-භාගානබ්රවී॒-ත්තතෝ॒ වසි॑ෂ්ඨපුරෝහිතාඃ ප්ර॒ජාඃ ප්රාජා॑යන්ත॒ තස්මා᳚-ද්වාසි॒ෂ්ඨෝ බ්ර॒හ්මා කා॒ර්යඃ॑ ප්රෛව ජා॑යතේ ර॒ශ්මිර॑සි॒ ක්ෂයා॑ය ත්වා॒ ක්ෂය॑-ඤ්ජි॒න්වේ- [ක්ෂය॑-ඤ්ජි॒න්වේති॑, ආ॒හ॒ දේ॒වා වෛ] 5

-ත්යා॑හ දේ॒වා වෛ ක්ෂයෝ॑ දේ॒වේභ්ය॑ ඒ॒ව ය॒ජ්ඤ-ම්ප්රා-ऽऽහ॒ ප්රේති॑රසි॒ ධර්මා॑ය ත්වා॒ ධර්ම॑-ඤ්ජි॒න්වේත්යා॑හ මනු॒ෂ්යා॑ වෛ ධර්මෝ॑ මනු॒ෂ්යේ᳚භ්ය ඒ॒ව ය॒ජ්ඤ-ම්ප්රා-ऽऽහාන්වි॑තිරසි දි॒වේ ත්වා॒ දිව॑-ඤ්ජි॒න්වේත්යා॑හෛ॒භ්ය ඒ॒ව ලෝ॒කේභ්යෝ॑ ය॒ජ්ඤ-ම්ප්රා-ऽऽහ॑විෂ්ට॒ම්භෝ॑-ऽසි॒ වෘෂ්ට්යෛ᳚ ත්වා॒ වෘෂ්ටි॑-ඤ්ජි॒න්වේත්යා॑හ॒ වෘෂ්ටි॑මේ॒වා-ऽව॑- [වෘෂ්ටි॑මේ॒වා-ऽව॑, රු॒න්ධේ॒ ප්ර॒වා-] 6

-රුන්ධේ ප්ර॒වා-ऽස්ය॑නු॒වා-ऽසීත්යා॑හ මිථුන॒ත්වායෝ॒ශිග॑සි॒ වසු॑භ්යස්ත්වා॒ වසූ᳚ඤ්ජි॒න්වේත්යා॑හා॒ෂ්ටෞ වස॑ව॒ ඒකා॑දශ රු॒ද්රා ද්වාද॑ශා-ऽऽදි॒ත්යා ඒ॒තාව॑න්තෝ॒ වෛ දේ॒වාස්තේභ්ය॑ ඒ॒ව ය॒ජ්ඤ-ම්ප්රා-ऽऽහෞජෝ॑-ऽසි පි॒තෘභ්ය॑ස්ත්වා පි॒තॄන් ජි॒න්වේත්යා॑හ දේ॒වානේ॒ව පි॒තॄනනු॒ සන්ත॑නෝති॒ තන්තු॑රසි ප්ර॒ජාභ්ය॑ස්ත්වා ප්ර॒ජා ජි॒න්වේ- [ප්ර॒ජා ජි॑න්ව, ඉත්යා॑හ පි॒තॄනේ॒ව] 7

-ත්යා॑හ පි॒තॄනේ॒ව ප්ර॒ජා අනු॒ සන්ත॑නෝති පෘතනා॒ෂාඩ॑සි ප॒ශුභ්ය॑ස්ත්වා ප॒ශූඤ්ජි॒න්වේත්යා॑හ ප්ර॒ජා ඒ॒ව ප॒ශූනනු॒ සන්ත॑නෝතිරේ॒වද॒ස්යෝ-ෂ॑ධීභ්ය॒ ස්ත්වෞෂ॑ධී-ර්ජි॒න්වේත්යා॒හෞෂ॑ධීෂ්වේ॒ව ප॒ශූ-න්ප්රති॑ෂ්ඨාපයත්යභි॒ජිද॑සි යු॒ක්තග්රා॒වේන්ද්රා॑ය॒ ත්වේන්ද්ර॑-ඤ්ජි॒න්වේත්යා॑හා॒භිජි॑ත්යා॒ අධි॑පතිරසි ප්රා॒ණාය॑ ත්වා ප්රා॒ණ- [ප්රා॒ණම්, ජි॒න්වේත්යා॑හ] 8

-ඤ්ජි॒න්වේත්යා॑හ ප්ර॒ජාස්වේ॒ව ප්රා॒ණා-න්ද॑ධාති ත්රි॒වෘද॑සි ප්ර॒වෘද॒සීත්යා॑හ මිථුන॒ත්වාය॑ සග්​ම්රෝ॒හෝ॑-ऽසි නීරෝ॒හෝ॑-ऽසීත්යා॑හ॒ ප්රජා᳚ත්යෛ වසු॒කෝ॑-ऽසි॒ වේෂ॑ශ්රිරසි॒ වස්ය॑ෂ්ටිර॒සීත්යා॑හ॒ ප්රති॑ෂ්ඨිත්යෛ ॥ 9 ॥
(ජි॒න්වේත්ය - ව॑ - ප්ර॒ජා ජි॑න්ව - ප්රා॒ණන් - ත්රි॒ග්​ම්॒ශච්ච॑) (අ. 2)

අ॒ග්නිනා॑ දේ॒වේන॒ පෘත॑නා ජයාමි ගාය॒ත්රේණ॒ ඡන්ද॑සා ත්රි॒වෘතා॒ ස්තෝමේ॑න රථන්ත॒රේණ॒ සාම්නා॑ වෂට්කා॒රේණ॒ වජ්රේ॑ණ පූර්ව॒ජා-න්භ්රාතෘ॑ව්යා॒නධ॑රා-න්පාදයා॒ම්යවෛ॑නා-න්බාධේ॒ ප්රත්යේ॑නාන්නුදේ॒-ऽස්මින් ක්ෂයේ॒-ऽස්මි-න්භූ॑මිලෝ॒කේ යෝ᳚-ऽස්මා-න්ද්වේෂ්ටි॒ යඤ්ච॑ ව॒ය-න්ද්වි॒ෂ්මෝ විෂ්ණෝඃ॒ ක්රමේ॒ණා-ऽත්යේ॑නාන් ක්රාමා॒මීන්ද්රේ॑ණ දේ॒වේන॒ පෘත॑නා ජයාමි॒ ත්රෛෂ්ටු॑භේන॒ ඡන්ද॑සා පඤ්චද॒ශේන॒ ස්තෝමේ॑න බෘහ॒තා සාම්නා॑ වෂට්කා॒රේණ॒ වජ්රේ॑ණ [වජ්රේ॑ණ, ස॒හ॒ජාන්. විශ්වේ॑භිර්දේ॒වේභිඃ॒ පෘත॑නා] 10

සහ॒ජාන්. විශ්වේ॑භිර්දේ॒වේභිඃ॒ පෘත॑නා ජයාමි॒ ජාග॑තේන॒ ඡන්ද॑සා සප්තද॒ශේන॒ ස්තෝමේ॑න වාමදේ॒ව්යේන॒ සාම්නා॑ වෂට්කා॒රේණ॒ වජ්රේ॑ණා පර॒ජානින්ද්රේ॑ණ ස॒යුජෝ॑ ව॒යග්​ම් සා॑ස॒හ්යාම॑ පෘතන්ය॒තඃ । ඝ්නන්තෝ॑ වෘ॒ත්රාණ්ය॑ප්ර॒ති । යත්තේ॑ අග්නේ॒ තේජ॒ස්තේනා॒හ-න්තේ॑ජ॒ස්වී භූ॑යාසං॒-යඁත්තේ॑ අග්නේ॒ වර්ච॒ස්තේනා॒හං-වඁ ॑ර්ච॒ස්වී භූ॑යාසං॒-යඁත්තේ॑ අග්නේ॒ හර॒ස්තේනා॒හග්​ම් හ॑ර॒ස්වී භූ॑යාසම් ॥ 11 ॥
(බෘ॒හ॒තා සාම්නා॑ වෂට්කා॒රේණ॒ වජ්රේ॑ණ॒ - ෂට්ච॑ත්වාරිග්​ම්ශච්ච) (අ. 3)

යේ දේ॒වා ය॑ජ්ඤ॒හනෝ॑ යජ්ඤ॒මුෂඃ॑ පෘථි॒ව්යාමද්ධ්යාස॑තේ । අ॒ග්නිර්මා॒ තේභ්යෝ॑ රක්ෂතු॒ ගච්ඡේ॑ම සු॒කෘතෝ॑ ව॒යම් ॥ ආ-ऽග॑න්ම මිත්රාවරුණා වරේණ්යා॒ රාත්රී॑ණා-ම්භා॒ගෝ යු॒වයෝ॒ර්යෝ අස්ති॑ । නාක॑-ඞ්ගෘහ්ණා॒නා-ස්සු॑කෘ॒තස්ය॑ ලෝ॒කේ තෘ॒තීයේ॑ පෘ॒ෂ්ඨේ අධි॑ රෝච॒නේ දි॒වඃ ॥ යේ දේ॒වා ය॑ජ්ඤ॒හනෝ॑ යජ්ඤ॒මුෂෝ॒-ऽන්තරි॒ක්ෂේ-ऽද්ධ්යාස॑තේ । වා॒යුර්මා॒ තේභ්යෝ॑ රක්ෂතු॒ ගච්ඡේ॑ම සු॒කෘතෝ॑ ව॒යම් ॥ යාස්තේ॒ රාත්රී᳚-ස්සවිත- [රාත්රී᳚-ස්සවිතඃ, දේ॒ව॒යානී॑රන්ත॒රා] 12

-ර්දේව॒යානී॑රන්ත॒රා ද්යාවා॑පෘථි॒වී වි॒යන්ති॑ । ගෘ॒හෛශ්ච॒ සර්වෛඃ᳚ ප්ර॒ජයා॒ න්වග්රේ॒ සුවෝ॒ රුහා॑ණාස්තරතා॒ රජාග්​ම්॑සි ॥ යේ දේ॒වා ය॑ජ්ඤ॒හනෝ॑ යජ්ඤ॒මුෂෝ॑ දි॒ව්යද්ධ්යාස॑තේ । සූර්යෝ॑ මා॒ තේභ්යෝ॑ රක්ෂතු॒ ගච්ඡේ॑ම සු॒කෘතෝ॑ ව॒යම් ॥ යේනේන්ද්රා॑ය ස॒මභ॑රඃ॒ පයාග්॑ස්යුත්ත॒මේන॑ හ॒විෂා॑ ජාතවේදඃ । තේනා᳚-ऽග්නේ॒ ත්වමු॒ත ව॑ර්ධයේ॒මග්​ම් ස॑ජා॒තානා॒ග්॒ ශ්රෛෂ්ඨ්ය॒ ආ ධේ᳚හ්යේනම් ॥ ය॒ජ්ඤ॒හනෝ॒ වෛ දේ॒වා ය॑ජ්ඤ॒මුෂ॑- [දේ॒වා ය॑ජ්ඤ॒මුෂඃ॑, ස॒න්ති॒ ත ඒ॒ෂු] 13

-ස්සන්ති॒ ත ඒ॒ෂු ලෝ॒කේෂ්වා॑සත ආ॒දදා॑නා විමථ්නා॒නා යෝ දදා॑ති॒ යෝ යජ॑තේ॒ තස්ය॑ । යේ දේ॒වා ය॑ජ්ඤ॒හනඃ॑ පෘථි॒ව්යාමද්ධ්යාස॑තේ॒ යේ අ॒න්තරි॑ක්ෂේ॒ යේ දි॒වීත්යා॑හේ॒මානේ॒ව ලෝ॒කාග්​ස්තී॒ර්ත්වා සගෘ॑හ॒-ස්සප॑ශු-ස්සුව॒ර්ගං-ලෝඁ॒කමේ॒ත්යප॒ වෛ සෝමේ॑නේජා॒නාද්දේ॒වතා᳚ශ්ච ය॒ජ්ඤශ්ච॑ ක්රාමන්ත්යාග්නේ॒ය-ම්පඤ්ච॑කපාලමුදවසා॒නීය॒-න්නිර්ව॑පේද॒ග්නි-ස්සර්වා॑ දේ॒වතාඃ॒ [දේ॒වතාඃ᳚, පාඞ්ක්තෝ॑ ය॒ජ්ඤෝ] 14

පාඞ්ක්තෝ॑ ය॒ජ්ඤෝ දේ॒වතා᳚ශ්චෛ॒ව ය॒ජ්ඤඤ්චාව॑ රුන්ධේගාය॒ත්රෝ වා අ॒ග්නිර්ගා॑ය॒ත්ර ඡ॑න්දා॒ස්ත-ඤ්ඡන්ද॑සා॒ ව්ය॑ර්ධයති॒ ය-ත්පඤ්ච॑කපාල-ඞ්ක॒රෝත්ය॒ෂ්ටාක॑පාලඃ කා॒ර්යෝ᳚-ऽෂ්ටාක්ෂ॑රා ගාය॒ත්රී ගා॑ය॒ත්රෝ᳚-ऽග්නි-ර්ගා॑ය॒ත්ර ඡ॑න්දා॒-ස්ස්වේනෛ॒වෛන॒-ඤ්ඡන්ද॑සා॒ සම॑ර්ධයති ප॒ඞ්ක්ත්යෞ॑ යාජ්යානුවා॒ක්යේ॑ භවතඃ॒ පාඞ්ක්තෝ॑ ය॒ජ්ඤස්තේනෛ॒ව ය॒ජ්ඤාන්නෛති॑ ॥ 15 ॥
(ස॒වි॒ත॒-ර්දේ॒වා ය॑ජ්ඤ॒මුෂඃ॒ - සර්වා॑ දේ॒වතා॒ - ස්ත්රිච॑ත්වාරිග්​ම්ශච්ච) (අ. 4)

සූර්යෝ॑ මා දේ॒වෝ දේ॒වේභ්යඃ॑ පාතු වා॒යුර॒න්තරි॑ක්ෂා॒-ද්යජ॑මානෝ॒-ऽග්නිර්මා॑ පාතු॒ චක්ෂු॑ෂඃ । සක්ෂ॒ ශූෂ॒ සවි॑ත॒ර්විශ්ව॑චර්​ෂණ ඒ॒තේභි॑-ස්සෝම॒ නාම॑භිර්විධේම තේ॒ තේභි॑-ස්සෝම॒ නාම॑භිර්විධේම තේ ॥ අ॒හ-ම්ප॒රස්තා॑ද॒-හම॒වස්තා॑ද॒හ-ඤ්ජ්යෝති॑ෂා॒ වි තමෝ॑ වවාර । යද॒න්තරි॑ක්ෂ॒-න්තදු॑ මේ පි॒තා-ऽභූ॑ද॒හග්​ම් සූර්ය॑මුභ॒යතෝ॑ දදර්​ශා॒හ-ම්භූ॑යා සමුත්ත॒ම-ස්ස॑මා॒නානා॒- [සමුත්ත॒ම-ස්ස॑මා॒නානා᳚ම්, ආ ස॑මු॒ද්රා-] 16

-මා ස॑මු॒ද්රා-දා-ऽන්තරි॑ක්ෂාත්-ප්ර॒ජාප॑තිරුද॒ධි-ඤ්ච්යා॑වයා॒තීන්ද්රඃ॒ ප්රස්නෞ॑තු ම॒රුතෝ॑ වර්​ෂය॒න්තූන්න॑ම්භය පෘථි॒වී-ම්භි॒න්ධීද-න්දි॒ව්ය-න්නභඃ॑ । උ॒ද්රෝ දි॒ව්යස්ය॑ නෝ දේ॒හීශා॑නෝ॒ විසෘ॑ජා॒ දෘති᳚ම් ॥ ප॒ශවෝ॒ වා ඒ॒තේ යදා॑දි॒ත්ය ඒ॒ෂ රු॒ද්රෝ යද॒ග්නිරෝෂ॑ධීඃ॒ ප්රාස්යා॒ග්නාවා॑දි॒ත්ය-ඤ්ජු॑හෝති රු॒ද්රාදේ॒ව ප॒ශූන॒න්තර්ද॑ධා॒ත්යථෝ॒ ඕෂ॑ධීෂ්වේ॒ව ප॒ශූ- [ප॒ශූන්, ප්රති॑ෂ්ඨාපයති] 17

-න්ප්රති॑ෂ්ඨාපයති ක॒විර්ය॒ජ්ඤස්ය॒ විත॑නෝති॒ පන්ථා॒-න්නාක॑ස්ය පෘ॒ෂ්ඨේ අධි॑ රෝච॒නේ දි॒වඃ । යේන॑ හ॒ව්යං-වඁහ॑සි॒ යාසි॑ දූ॒ත ඉ॒තඃ ප්රචේ॑තා අ॒මුත॒-ස්සනී॑යාන් ॥ යාස්තේ॒ විශ්වා᳚-ස්ස॒මිධ॒-ස්සන්ත්ය॑ග්නේ॒යාඃ පෘ॑ථි॒ව්යා-ම්බ॒ර්॒හිෂි॒ සූර්යේ॒ යාඃ । තාස්තේ॑ ගච්ඡ॒න්ත්වාහු॑ති-ඞ්ඝෘ॒තස්ය॑ දේවාය॒තේ යජ॑මානාය॒ ශර්ම॑ ॥ ආ॒ශාසා॑න-ස්සු॒වීර්යග්​ම්॑ රා॒යස්පෝෂ॒ග්ග්॒ ස්වශ්වි॑යම් । බෘහ॒ස්පති॑නා රා॒යා ස්ව॒ගාකෘ॑තෝ॒ මහ්යං॒-යඁජ॑මානාය තිෂ්ඨ ॥ 18 ॥
(ස॒මා॒නානා॒-මෝෂ॑ධීෂ්වේ॒ව ප॒ශූන් - මහ්යං॒-යඁජ॑මානා॒ - යෛක॑ඤ්ච) (අ. 5)

ස-න්ත්වා॑ නහ්යාමි॒ පය॑සා ඝෘ॒තේන॒ ස-න්ත්වා॑ නහ්යාම්ය॒ප ඕෂ॑ධීභිඃ । ස-න්ත්වා॑ නහ්යාමි ප්ර॒ජයා॒-ऽහම॒ද්ය සා දී᳚ක්ෂි॒තා ස॑නවෝ॒ වාජ॑ම॒ස්මේ ॥ ප්රෛතු॒ බ්රහ්ම॑ණ॒ස්පත්නී॒ වේදිං॒-වඁර්ණේ॑න සීදතු । අථා॒හම॑නුකා॒මිනී॒ ස්වේ ලෝ॒කේ වි॒ශා ඉ॒හ ॥ සු॒ප්ර॒ජස॑ස්ත්වා ව॒යග්​ම් සු॒පත්නී॒රුප॑ සේදිම । අග්නේ॑ සපත්න॒දම්භ॑න॒මද॑බ්ධාසෝ॒ අදා᳚භ්යම් ॥ ඉ॒මං-විඁෂ්යා॑මි॒ වරු॑ණස්ය॒ පාශං॒- [පාශ᳚ම්, යමබ॑ද්ධ්නීත] 19

-ඁයමබ॑ද්ධ්නීත සවි॒තා සු॒කේතඃ॑ । ධා॒තුශ්ච॒ යෝනෞ॑ සුකෘ॒තස්ය॑ ලෝ॒කේ ස්යෝ॒න-ම්මේ॑ ස॒හ පත්යා॑ කරෝමි ॥ ප්රේහ්යු॒දේහ්යෘ॒තස්ය॑ වා॒මීරන්ව॒ග්නිස්තේ-ऽග්ර॑-න්නය॒ත්වදි॑ති॒ර්මද්ධ්ය॑-න්දදතාග්​ම් රු॒ද්රාව॑සෘෂ්ටා-ऽසි යු॒වා නාම॒ මා මා॑ හිග්​ම්සී॒ර්වසු॑භ්යෝ රු॒ද්රේභ්ය॑ ආදි॒ත්යේභ්යෝ॒ විශ්වේ᳚භ්යෝ වෝ දේ॒වේභ්යඃ॑ ප॒න්නේජ॑නීර්ගෘහ්ණාමි ය॒ජ්ඤාය॑ වඃ ප॒න්නේජ॑නී-ස්සාදයාමි॒ විශ්ව॑ස්ය තේ॒ විශ්වා॑වතෝ॒ වෘෂ්ණි॑යාවත॒- [වෘෂ්ණි॑යාවතඃ, තවා᳚ග්නේ වා॒මීරනු॑] 20

-ස්තවා᳚ග්නේ වා॒මීරනු॑ ස॒දෘංශි॒ විශ්වා॒ රේතාග්​ම්॑සි ධිෂී॒යා-ऽග॑-න්දේ॒වාන්. ය॒ජ්ඤෝ නි දේ॒වීර්දේ॒වේභ්යෝ॑ ය॒ජ්ඤම॑ශිෂන්න॒ස්මින්-ථ්සු॑න්ව॒ති යජ॑මාන ආ॒ශිෂ॒-ස්ස්වාහා॑කෘතා-ස්සමුද්රේ॒ෂ්ඨා ග॑න්ධ॒ර්වමාති॑ෂ්ඨ॒තානු॑ । වාත॑ස්ය॒ පත්ම॑න්නි॒ඩ ඊ॑ඩි॒තාඃ ॥ 21 ॥
(පාශං॒ - ඁවෘෂ්ණි॑යාවත - ස්ත්රි॒ග්​ම්॒ශච්ච॑) (අ. 6)

ව॒ෂ॒ට්කා॒රෝ වෛ ගා॑යත්රි॒යෛ ශිරෝ᳚-ऽඡින॒-ත්තස්යෛ॒ රසඃ॒ පරා॑-ऽපත॒-ථ්ස පෘ॑ථි॒වී-ම්ප්රාවි॑ශ॒ථ්ස ඛ॑දි॒රෝ॑-ऽභව॒ද්යස්ය॑ ඛාදි॒ර-ස්ස්රු॒වෝ භව॑ති॒ ඡන්ද॑සාමේ॒ව රසේ॒නාව॑ ද්යති॒ සර॑සා අ॒ස්යා-ऽऽහු॑තයෝ භවන්ති තෘ॒තීය॑ස්යාමි॒තෝ දි॒වි සෝම॑ ආසී॒-ත්ත-ඞ්ගාය॒ත්ර්යා-ऽ හ॑ර॒-ත්තස්ය॑ ප॒ර්ණම॑ච්ඡිද්යත॒ ත-ත්ප॒ර්ණෝ॑-ऽභව॒-ත්ත-ත්ප॒ර්ණස්ය॑ පර්ණ॒ත්වං-යඁස්ය॑ පර්ණ॒මයී॑ ජු॒හූ- [ජු॒හූඃ, භව॑ති සෞ॒ම්යා] 22

-ර්භව॑ති සෞ॒ම්යා අ॒ස්යා-ऽऽහු॑තයෝ භවන්ති ජු॒ෂන්තේ᳚-ऽස්ය දේ॒වා ආහු॑තීර්දේ॒වා වෛ බ්රහ්ම॑න්නවදන්ත॒ ත-ත්ප॒ර්ණ උපා॑-ऽශෘණෝ-ථ්සු॒ශ්රවා॒ වෛ නාම॒ යස්ය॑ පර්ණ॒මයී॑ ජු॒හූර්භව॑ති॒ න පා॒පග්ග්​ ශ්ලෝකග්​ම්॑ ශෘණෝති॒ බ්රහ්ම॒ වෛ ප॒ර්ණෝ විණ්ම॒රුතෝ-ऽන්නං॒-විඁණ්මා॑රු॒තෝ᳚-ऽශ්ව॒ත්ථෝ යස්ය॑ පර්ණ॒මයී॑ ජු॒හූර්භව॒ත්යා-ශ්ව॑ත්-ථ්යුප॒භෘද්- බ්රහ්ම॑ණෛ॒වාන්න॒මව॑ රු॒න්ධේ-ऽථෝ॒ බ්රහ්මෛ॒- [රු॒න්ධේ-ऽථෝ॒ බ්රහ්ම॑, ඒ॒ව වි॒ශ්යද්ධ්යූ॑හති] 23

-ව වි॒ශ්යද්ධ්යූ॑හති රා॒ෂ්ට්රං-වෛඁ ප॒ර්ණෝ විඩ॑ශ්ව॒ත්ථෝ ය-ත්ප॑ර්ණ॒මයී॑ ජු॒හූර්භව॒ත්යා-ශ්ව॑ත්ථ්යුප॒භෘ-ද්රා॒ෂ්ට්රමේ॒ව වි॒ශ්යද්ධ්යූ॑හති ප්ර॒ජාප॑ති॒ර්වා අ॑ජුහෝ॒-ථ්සා යත්රා-ऽऽහු॑තිඃ ප්ර॒ත්යති॑ෂ්ඨ॒-ත්තතෝ॒ වික॑ඞ්කත॒ උද॑තිෂ්ඨ॒-ත්තතඃ॑ ප්ර॒ජා අ॑සෘජත॒ යස්ය॒ වෛක॑ඞ්කතී ධ්රු॒වා භව॑ති॒ ප්රත්ය॒වාස්යා ऽऽහු॑තයස්තිෂ්ඨ॒න්ත්යථෝ॒ ප්රෛව ජා॑යත ඒ॒තද්වෛ ස්රු॒චාග්​ම් රූ॒පං-යඁස්යෛ॒වග්​ම් රූ॑පා॒-ස්ස්රුචෝ॒ භව॑න්ති॒ සර්වා᳚ණ්යේ॒වෛනග්​ම්॑ රූ॒පාණි॑ පශූ॒නාමුප॑තිෂ්ඨන්තේ॒ නාස්යාප॑-රූපමා॒ත්මඤ්ජා॑යතේ ॥ 24 ॥
(ජු॒හූ - රථෝ॒ බ්රහ්ම॑ - ස්රු॒චාග්​ම් - ස॒ප්තද॑ශ ච) (අ. 7)

උ॒ප॒යා॒මගෘ॑හීතෝ-ऽසි ප්ර॒ජාප॑තයේ ත්වා॒ ජ්යෝති॑ෂ්මතේ॒ ජ්යෝති॑ෂ්මන්ත-ඞ්ගෘහ්ණාමි॒ දක්ෂා॑ය දක්ෂ॒වෘධේ॑ රා॒ත-න්දේ॒වේභ්යෝ᳚-ऽග්නි ජි॒හ්වේභ්ය॑ස්ත්වර්තා॒යුභ්ය॒ ඉන්ද්ර॑ජ්යේෂ්ඨේභ්යෝ॒ වරු॑ණරාජභ්යෝ॒ වාතා॑පිභ්යඃ ප॒ර්ජන්යා᳚ත්මභ්යෝ දි॒වේ ත්වා॒-ऽන්තරි॑ක්ෂාය ත්වා පෘථි॒ව්යෛ ත්වා-ऽපේ᳚න්ද්ර ද්විෂ॒තෝ මනෝ-ऽප॒ ජිජ්යා॑සතෝ ජ॒හ්යප॒ යෝ නෝ॑-ऽරාතී॒යති॒ ත-ඤ්ජ॑හි ප්රා॒ණාය॑ ත්වා-ऽපා॒නාය॑ ත්වා ව්යා॒නාය॑ ත්වා ස॒තේ ත්වා-ऽස॑තේ ත්වා॒-ऽද්භ්යස්ත්වෞෂ॑ධීභ්යෝ॒ විශ්වේ᳚භ්යස්ත්වා භූ॒තේභ්යෝ॒ යතඃ॑ ප්ර॒ජා අක්ඛි॑ද්රා॒ අජා॑යන්ත॒ තස්මෛ᳚ ත්වා ප්ර॒ජාප॑තයේ විභූ॒දාවංනේ॒ ජ්යෝති॑ෂ්මතේ॒ ජ්යෝති॑ෂ්මන්ත-ඤ්ජුහෝමි ॥ 25 ॥
(ඕෂ॑ධීභ්ය॒ - ශ්චතු॑ර්දශ ච) (අ. 8)

යාං-වාඁ අ॑ද්ධ්ව॒ර්යුශ්ච॒ යජ॑මානශ්ච දේ॒වතා॑මන්තරි॒තස්තස්යා॒ ආ වෘ॑ශ්ච්යේතේ ප්රාජාප॒ත්ය-න්ද॑ධිග්ර॒හ-ඞ්ගෘ॑හ්ණීයා-ත්ප්ර॒ජාප॑ති॒-ස්සර්වා॑ දේ॒වතා॑ දේ॒වතා᳚භ්ය ඒ॒ව නිහ්නු॑වාතේ ජ්යේ॒ෂ්ඨෝ වා ඒ॒ෂ ග්රහා॑ණාං॒-යඁස්යෛ॒ෂ ගෘ॒හ්යතේ॒ ජ්යෛෂ්ඨ්ය॑මේ॒ව ග॑ච්ඡති॒ සර්වා॑සාං॒-වාඁ ඒ॒තද්දේ॒වතා॑නාග්​ම් රූ॒පං-යඁදේ॒ෂ ග්රහෝ॒ යස්යෛ॒ෂ ගෘ॒හ්යතේ॒ සර්වා᳚ණ්යේ॒වෛනග්​ම්॑ රූ॒පාණි॑ පශූ॒නාමුප॑තිෂ්ඨන්ත උපයා॒මගෘ॑හීතෝ- [උපයා॒මගෘ॑හීතඃ, අ॒සි॒ ප්ර॒ජාප॑තයේ] 26

-ऽසි ප්ර॒ජාප॑තයේ ත්වා॒ ජ්යෝති॑ෂ්මතේ॒ ජ්යෝති॑ෂ්මන්ත-ඞ්ගෘහ්ණා॒මීත්යා॑හ॒ ජ්යෝති॑රේ॒වෛනග්​ම්॑ සමා॒නානා᳚-ඞ්කරෝත්යග්නි-ජි॒හ්වේභ්ය॑ස්ත්වර්තා॒යුභ්ය॒ ඉත්යා॑හෛ॒තාව॑තී॒ර්වෛ දේ॒වතා॒ස්තාභ්ය॑ ඒ॒වෛන॒ග්​ම්॒ සර්වා᳚භ්යෝ ගෘහ්ණා॒ත්යපේ᳚න්ද්ර ද්විෂ॒තෝ මන॒ ඉත්යා॑හ॒ භ්රාතෘ॑ව්යාපනුත්ත්යෛ ප්රා॒ණාය॑ ත්වා-ऽපා॒නාය॒ ත්වේත්යා॑හ ප්රා॒ණානේ॒ව යජ॑මානේ දධාති॒ තස්මෛ᳚ ත්වා ප්ර॒ජාප॑තයේ විභූ॒දාවංනේ॒ ජ්යෝති॑ෂ්මතේ॒ ජ්යෝති॑ෂ්මන්ත-ඤ්ජුහෝ॒මී- [ජ්යෝති॑ෂ්මන්ත-ඤ්ජුහෝ॒මි, ඉත්යා॑හ ප්ර॒ජාප॑ති-] 27

-ත්යා॑හ ප්ර॒ජාප॑ති॒-ස්සර්වා॑ දේ॒වතා॒-ස්සර්වා᳚භ්ය ඒ॒වෛන॑-න්දේ॒වතා᳚භ්යෝ ජුහෝත්යාජ්යග්ර॒හ-ඞ්ගෘ॑හ්ණීයා॒-ත්තේජ॑ස්කාමස්ය॒ තේජෝ॒ වා ආජ්ය॑-න්තේජ॒ස්ව්යේ॑ව භ॑වති සෝමග්ර॒හ-ඞ්ගෘ॑හ්ණීයා-ද්බ්රහ්මවර්ච॒සකා॑මස්ය බ්රහ්මවර්ච॒සං-වෛඁ සෝමෝ᳚ බ්රහ්මවර්ච॒ස්යේ॑ව භ॑වති දධිග්ර॒හ-ඞ්ගෘ॑හ්ණීයා-ත්ප॒ශුකා॑ම॒ස්යෝර්ග්වෛ දද්ධ්යූර්-ක්ප॒ශව॑ ඌ॒ර්ජෛවාස්මා॒ ඌර්ජ॑-ම්ප॒ශූනව॑ රුන්ධේ ॥ 28 ॥
(උ॒ප॒යා॒මගෘ॑හීතෝ - ජුහෝමි॒ - ත්රිච॑ත්වාරිග්​ම්ශච්ච) (අ. 9)

ත්වේ ක්රතු॒මපි॑ වෘඤ්ජන්ති॒ විශ්වේ॒ ද්විර්යදේ॒තේ ත්රි-ර්භව॒න්ත්යූමාඃ᳚ । ස්වා॒දෝ-ස්ස්වාදී॑ය-ස්ස්වා॒දුනා॑ සෘජා॒ සමත॑ ඌ॒ ෂු මධු॒ මධු॑නා॒-ऽභි යෝ॑ධි । උ॒ප॒යා॒මගෘ॑හීතෝ-ऽසි ප්ර॒ජාප॑තයේ ත්වා॒ ජුෂ්ට॑-ඞ්ගෘහ්ණාම්යේ॒ෂ තේ॒ යෝනිඃ॑ ප්ර॒ජාප॑තයේ ත්වා ॥ ප්රා॒ණ॒ග්ර॒හා-න්ගෘ॑හ්ණාත්යේ॒තාව॒ද්වා අ॑ස්ති॒ යාව॑දේ॒තේ ග්රහා॒-ස්ස්තෝමා॒ශ්ඡන්දාග්​ම්॑සි පෘ॒ෂ්ඨානි॒ දිශෝ॒ යාව॑දේ॒වාස්ති॒ ත- [යාව॑දේ॒වාස්ති॒ තත්, අව॑ රුන්ධේ] 29

-දව॑ රුන්ධේ ජ්යේ॒ෂ්ඨා වා ඒ॒තා-න්බ්රා᳚හ්ම॒ණාඃ පු॒රා විදාම॑ක්ර॒-න්තස්මා॒-ත්තේෂා॒ග්​ම්॒ සර්වා॒ දිශෝ॒-ऽභිජි॑තා අභූව॒න්॒. යස්යෛ॒ තේ ගෘ॒හ්යන්තේ॒ ජ්යෛෂ්ඨ්ය॑මේ॒ව ග॑ච්ඡත්ය॒භි දිශෝ॑ ජයති॒ පඤ්ච॑ ගෘහ්යන්තේ॒ පඤ්ච॒ දිශ॒-ස්සර්වා᳚ස්වේ॒ව දි॒ක්ෂ්-වෘ॑ද්ධ්නුවන්ති॒ නව॑නව ගෘහ්යන්තේ॒ නව॒ වෛ පුරු॑ෂේ ප්රා॒ණාඃ ප්රා॒ණානේ॒ව යජ॑මානේෂු දධති ප්රාය॒ණීයේ॑ චෝදය॒නීයේ॑ ච ගෘහ්යන්තේ ප්රා॒ණා වෛ ප්රා॑ණග්ර॒හාඃ [ප්රා॒ණා වෛ ප්රා॑ණග්ර॒හාඃ, ප්රා॒ණෛරේ॒ව] 30

ප්රා॒ණෛරේ॒ව ප්ර॒යන්ති॑ ප්රා॒ණෛරුද්ය॑න්ති දශ॒මේ-ऽහ॑-න්ගෘහ්යන්තේ ප්රා॒ණා වෛ ප්රා॑ණග්ර॒හාඃ ප්රා॒ණේභ්යඃ॒ ඛලු॒ වා ඒ॒ත-ත්ප්ර॒ජා ය॑න්ති॒ යද්වා॑මදේ॒ව්යං-යෝඁනේ॒ශ්ච්යව॑තේ දශ॒මේ-ऽහ॑න්. වාමදේ॒ව්යං-යෝඁනේ᳚ශ්ච්යවතේ॒ ය-ද්ද॑ශ॒මේ-ऽහ॑-න්ගෘ॒හ්යන්තේ᳚ ප්රා॒ණේභ්ය॑ ඒ॒ව ත-ත්ප්ර॒ජා නය॑න්ති । 31
(තත් - ප්රා॑ණග්ර॒හාඃ - ස॒ප්තවිග්​ම්॑ශච්ච) (අ. 10)

ප්ර දේ॒වන්දේ॒ව්යා ධි॒යා භර॑තා ජා॒තවේ॑දසම් । හ॒ව්යා නෝ॑ වක්ෂදානු॒ෂක් ॥ අ॒යමු॒ ෂ්ය ප්රදේ॑ව॒යුර්​හෝතා॑ ය॒ජ්ඤාය॑ නීයතේ । රථෝ॒ න යෝර॒භීවෘ॑තෝ॒ ඝෘණී॑වාන් චේතති॒ ත්මනා᳚ ॥ අ॒යම॒ග්නිරු॑රුෂ්යත්ය॒මෘතා॑දිව॒ ජන්ම॑නඃ । සහ॑සශ්චි॒-ථ්සහී॑යා-න්දේ॒වෝ ජී॒වාත॑වේ කෘ॒තඃ ॥ ඉඩා॑යාස්ත්වා ප॒දේ ව॒ය-න්නාභා॑ පෘථි॒ව්යා අධි॑ । ජාත॑වේදෝ॒ නි ධී॑ම॒හ්යග්නේ॑ හ॒ව්යාය॒ වෝඪ॑වේ । 32

අග්නේ॒ විශ්වේ॑භි-ස්ස්වනීක දේ॒වෛරූර්ණා॑වන්ත-ම්ප්රථ॒ම-ස්සී॑ද॒ යෝනි᳚ම් । කු॒ලා॒යින॑-ඞ්ඝෘ॒තව॑න්තග්​ම් සවි॒ත්රේ ය॒ජ්ඤ-න්න॑ය॒ යජ॑මානාය සා॒ධු ॥ සීද॑ හෝත॒-ස්ස්ව උ॑ ලෝ॒කේ චි॑කි॒ත්වාන්​ථ්සා॒දයා॑ ය॒ජ්ඤග්​ම් සු॑කෘ॒තස්ය॒ යෝනෞ᳚ । දේ॒වා॒වීර්දේ॒වාන්. හ॒විෂා॑ යජා॒ස්යග්නේ॑ බෘ॒හ-ද්යජ॑මානේ॒ වයෝ॑ ධාඃ ॥ නි හෝතා॑ හෝතෘ॒ෂද॑නේ॒ විදා॑නස්ත්වේ॒ෂෝ දී॑දි॒වාග්​ම් අ॑සද-ථ්සු॒දක්ෂඃ॑ । අද॑බ්ධව්රත-ප්රමති॒ර්වසි॑ෂ්ඨ-ස්සහස්ර-ම්භ॒ර-ශ්ශුචි॑ජිහ්වෝ අ॒ග්නිඃ ॥ ත්ව-න්දූ॒තස්ත්ව- [ත්ව-න්දූ॒තස්ත්වම්, උ॒ නඃ॒ ප॒ර॒ස්පාස්ත්වං-වඁස්ය॒ ආ] 33

-මු॑ නඃ පර॒ස්පාස්ත්වං-වඁස්ය॒ ආ වෘ॑ෂභ ප්රණේ॒තා । අග්නේ॑ තෝ॒කස්ය॑ න॒ස්තනේ॑ ත॒නූනා॒මප්ර॑යුච්ඡ॒-න්දීද්ය॑ද්බෝධි ගෝ॒පාඃ ॥ අ॒භි ත්වා॑ දේව සවිත॒රීශා॑නං॒-වාඁර්යා॑ණාම් । සදා॑-ऽව-න්භා॒ගමී॑මහේ ॥ ම॒හී ද්යෞඃ පෘ॑ථි॒වී ච॑න ඉ॒මං-යඁ॒ජ්ඤ-ම්මි॑මික්ෂතාම් । පි॒පෘ॒තා-න්නෝ॒ භරී॑මභිඃ ॥ ත්වාම॑ග්නේ॒ පුෂ්ක॑රා॒දද්ධ්යථ॑ර්වා॒ නිර॑මන්ථත । මූ॒ර්ධ්නෝ විශ්ව॑ස්ය වා॒ඝතඃ॑ ॥ තමු॑- [තමු॑, ත්වා॒ ද॒ද්ධ්යඞ්ඞෘෂිඃ॑] 34

-ත්වා ද॒ද්ධ්යඞ්ඞෘෂිඃ॑ පු॒ත්ර ඊ॑ධේ॒ අථ॑ර්වණඃ । වෘ॒ත්ර॒හණ॑-ම්පුරන්ද॒රම් ॥ තමු॑ ත්වා පා॒ථ්යෝ වෘෂා॒ සමී॑ධේ දස්යු॒හන්ත॑මම් । ධ॒න॒-ඤ්ජ॒යග්​ම් රණේ॑රණේ ॥ උ॒ත බ්රු॑වන්තු ජ॒න්තව॒ උද॒ග්නිර්වෘ॑ත්ර॒හා-ऽජ॑නි । ධ॒න॒-ඤ්ජ॒යෝ රණේ॑රණේ ॥ ආ යග්​ම් හස්තේ॒ න ඛා॒දින॒ග්​ම්॒ ශිශු॑-ඤ්ජා॒ත-න්න බිභ්ර॑ති । වි॒ශාම॒ග්නිග්ග්​ ස්ව॑ද්ධ්ව॒රම් ॥ ප්රදේ॒ව-න්දේ॒වවී॑තයේ॒ භර॑තා වසු॒විත්ත॑මම් । ආස්වේ යෝනෞ॒ නි ෂී॑දතු ॥ ආ [ ] 35

ජා॒ත-ඤ්ජා॒තවේ॑දසි ප්රි॒යග්​ම් ශි॑ශී॒තා-ऽති॑ථිම් । ස්යෝ॒න ආ ගෘ॒හප॑තිම් ॥ අ॒ග්නිනා॒-ऽග්නි-ස්සමි॑ද්ධ්යතේ ක॒විර්ගෘ॒හප॑ති॒ර්යුවා᳚ । හ॒ව්ය॒වා-ඩ්ජු॒හ්වා᳚ස්යඃ ॥ ත්වග්ග්​ හ්ය॑ග්නේ අ॒ග්නිනා॒ විප්රෝ॒ විප්රේ॑ණ॒ සන්​ථ්ස॒තා । සඛා॒ සඛ්යා॑ සමි॒ද්ධ්යසේ᳚ ॥ ත-ම්ම॑ර්ජයන්ත සු॒ක්රතු॑-ම්පුරෝ॒යාවා॑නමා॒ජිෂු॑ । ස්වේෂු॒ ක්ෂයේ॑ෂු වා॒ජින᳚ම් ॥ ය॒ජ්ඤේන॑ ය॒ජ්ඤම॑යජන්ත දේ॒වාස්තානි॒ ධර්මා॑ණි ප්රථ॒මාන්යා॑සන්න් । තේ හ॒ නාක॑-ම්මහි॒මාන॑-ස්සචන්තේ॒ යත්ර॒ පූර්වේ॑ සා॒ද්ධ්යා-ස්සන්ති॑ දේ॒වාඃ ॥ 36 ॥
(වෝඪ॑වේ- දූ॒තස්ත්වං - තමු॑ - සීද॒ත්වා - යත්ර॑ - ච॒ත්වාරි॑ ච) (අ. 11)

(පූ॒ර්ණ - ර්​ෂ॑යෝ॒ - ऽග්නිනා॒ - යේ දේ॒වාඃ - සූර්යෝ॑ මා॒ - සන්ත්වා॑ නහ්යාමි - වෂට්කා॒ර-ස්ස ඛ॑දි॒ර - උ॑පයා॒මගෘ॑හීතෝ-ऽසි॒ - යාං-වෛඁ - ත්වේ ක්රතුං॒ - ප්රදේ॒ව - මේකා॑දශ )

(පූ॒ර්ණා - ස॑හ॒ජාන් - තවා᳚-ऽග්නේ - ප්රා॒ණෛරේ॒ව - ෂට්ත්රිග්​ම්॑ශත්)

(පූ॒ර්ණා, සන්ති॑ දේ॒වාඃ)

॥ හරිඃ॑ ඕම් ॥

(ප්ර॒ජාප॑ති॒ - යෝ॑ වා - අග්නේ॒ - වි වෛ - පූ॒ර්ණා - පඤ්ච॑) (5)

॥ කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ පඤ්චමඃ ප්රශ්න-ස්සමාප්තඃ ॥