කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ චතුර්ථඃ ප්රශ්නඃ - ඉෂ්ටිහෝමාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

වි වා ඒ॒තස්ය॑ ය॒ජ්ඤ ඍ॑ද්ධ්යතේ॒ යස්ය॑ හ॒විර॑ති॒රිච්ය॑තේ॒ සූර්යෝ॑ දේ॒වෝ දි॑වි॒ෂද්භ්ය॒ ඉත්යා॑හ॒ බෘහ॒ස්පති॑නා චෛ॒වාස්ය॑ ප්ර॒ජාප॑තිනා ච ය॒ජ්ඤස්ය॒ ව්යෘ॑ද්ධ॒මපි॑ වපති॒ රක්ෂාග්​ම්॑සි॒ වා ඒ॒ත-ත්ප॒ශුග්​ම් ස॑චන්තේ॒ යදේ॑කදේව॒ත්ය॑ ආල॑බ්ධෝ॒ භූයා॒-න්භව॑ති॒ යස්යා᳚ස්තේ॒ හරි॑තෝ॒ ගර්භ॒ ඉත්යා॑හ දේව॒ත්රෛවෛනා᳚-ඞ්ගමයති॒ රක්ෂ॑සා॒මප॑හත්යා॒ ආ ව॑ර්තන වර්ත॒යේත්යා॑හ॒ [වර්ත॒යේත්යා॑හ, බ්රහ්ම॑ණෛ॒වෛන॒-මා] 1

බ්රහ්ම॑ණෛ॒වෛන॒-මා ව॑ර්තයති॒ වි තේ॑ භිනද්මි තක॒රීමිත්යා॑හ යථාය॒ජුරේ॒වෛතදු॑- රුද්ර॒ඵ්සෝ වි॒ශ්වරූ॑ප॒ ඉන්දු॒රිත්යා॑හ ප්ර॒ජා වෛ ප॒ශව॒ ඉන්දුඃ॑ ප්ර॒ජයෛ॒වෛන॑-ම්ප॒ශුභි॒-ස්සම॑ර්ධයති॒ දිවං॒-වෛඁ ය॒ජ්ඤස්ය॒ ව්යෘ॑ද්ධ-ඞ්ගච්ඡති පෘථි॒වීමති॑රික්ත॒-න්තද්යන්න ශ॒මයේ॒දාර්ති॒මාර්ච්ඡේ॒-ද්යජ॑මානෝ ම॒හී ද්යෞඃ පෘ॑ථි॒වීච॑ න॒ ඉ॑- [න॒ ඉති॑, ආ॒හ॒ ද්යාවා॑පෘථි॒වීභ්යා॑මේ॒ව] 2

-ත්යාහ॒ ද්යාවා॑පෘථි॒වීභ්යා॑මේ॒ව ය॒ජ්ඤස්ය॒ ව්යෘ॑ද්ධ॒-ඤ්චාති॑රික්ත-ඤ්ච ශමයති॒ නා-ऽऽර්ති॒මාර්ච්ඡ॑ති॒ යජ॑මානෝ॒ භස්ම॑නා॒-ऽභි සමූ॑හති ස්ව॒ගාකෘ॑ත්යා॒ අථෝ॑ අ॒නයෝ॒ර්වා ඒ॒ෂ ගර්භෝ॒-ऽනයෝ॑රේ॒වෛන॑-න්දධාති॒ යද॑ව॒ද්යේදති॒ තද්රේ॑චයේ॒ද්යන්නාව॒ද්යේ-ත්ප॒ශෝරාල॑බ්ධස්ය॒ නාව॑ ද්යේ-ත්පු॒රස්තා॒න්නාභ්යා॑ අ॒න්යද॑ව॒ද්යේ-දු॒පරි॑ෂ්ටාද॒න්ය-ත්පු॒රස්තා॒ද්වෛ නාභ්යෛ᳚ [ ] 3

ප්රා॒ණ උ॒පරි॑ෂ්ටාදපා॒නෝ යාවා॑නේ॒ව ප॒ශුස්තස්යාව॑ ද්යති॒ විෂ්ණ॑වේ ශිපිවි॒ෂ්ටාය॑ ජුහෝති॒ යද්වෛ ය॒ජ්ඤස්යා॑ති॒රිච්ය॑තේ॒ යඃ ප॒ශෝර්භූ॒මා යා පුෂ්ටි॒ස්ත-ද්විෂ්ණු॑-ශ්ශිපිවි॒ෂ්ටෝ ऽති॑රික්ත ඒ॒වාති॑රික්ත-න්දධා॒ත්යති॑රික්තස්ය॒ ශාන්ත්යා॑ අ॒ෂ්ටාප්රූ॒ඩ්ඪිර॑ණ්ය॒-න්දක්ෂි॑ණා॒-ऽෂ්ටාප॑දී॒ හ්යේ॑ෂා ऽऽත්මා න॑ව॒මඃ ප॒ශෝරාප්ත්යා॑ අන්තරකෝ॒ශ උ॒ෂ්ණීෂේ॒ණා-ऽऽවි॑ෂ්ටිත-ම්භවත්යේ॒වමි॑ව॒ හි ප॒ශුරුල්බ॑මිව॒ චර්මේ॑ව මා॒ග්​ම්॒සමි॒වාස්ථී॑ව॒ යාවා॑නේ॒ව ප॒ශුස්තමා॒ප්ත්වා-ऽව॑ රුන්ධේ॒යස්යෛ॒ෂා ය॒ජ්ඤේ ප්රාය॑ශ්චිත්තිඃ ක්රි॒යත॑ ඉ॒ෂ්ට්වා වසී॑යා-න්භවති ॥ 4 ॥
(ව॒ර්ත॒යත්යා॑හ-න॒ ඉති॒-වෛ නාභ්යා॒-උල්බ॑මි॒වෛ-ක॑විග්​ම්ශතිශ්ච) (අ. 1)

ආ වා॑යෝ භූෂ ශුචිපා॒ උප॑ න-ස්ස॒හස්ර॑-න්තේ නි॒යුතෝ॑ විශ්වවාර । උපෝ॑ තේ॒ අන්ධෝ॒ මද්ය॑මයාමි॒ යස්ය॑ දේව දධි॒ෂේ පූ᳚ර්ව॒පේය᳚ම් ॥ ආකූ᳚ත්යෛ ත්වා॒ කාමා॑ය ත්වා ස॒මෘධේ᳚ ත්වා කික්කි॒ටා තේ॒ මනඃ॑ ප්ර॒ජාප॑තයේ॒ ස්වාහා॑ කික්කි॒ටා තේ᳚ ප්රා॒ණං-වාඁ॒යවේ॒ ස්වාහා॑ කික්කි॒ටා තේ॒ චක්ෂු॒-ස්සූර්යා॑ය॒ ස්වාහා॑ කික්කි॒ටා තේ॒ ශ්රෝත්ර॒-න්ද්යාවා॑පෘථි॒වීභ්යා॒ග්॒ ස්වාහා॑ කික්කි॒ටා තේ॒ වාච॒ග්​ම්॒ සර॑ස්වත්යෛ॒ ස්වාහා॒ [සර॑ස්වත්යෛ॒ ස්වාහා᳚, ත්ව-න්තු॒රීයා॑] 5

ත්ව-න්තු॒රීයා॑ ව॒ශිනී॑ ව॒ශා-ऽසි॑ ස॒කෘද්ය-ත්ත්වා॒ මන॑සා॒ ගර්භ॒ ආ-ऽශ॑යත් । ව॒ශා ත්වං-වඁ॒ශිනී॑ ගච්ඡ දේ॒වාන්-ථ්ස॒ත්යා-ස්ස॑න්තු॒ යජ॑මානස්ය॒ කාමාඃ᳚ ॥ අ॒ජා-ऽසි॑ රයි॒ෂ්ඨා පෘ॑ථි॒ව්යාග්​ම් සී॑දෝ॒ර්ධ්වා-ऽන්තරි॑ක්ෂ॒මුප॑ තිෂ්ඨස්ව දි॒වි තේ॑ බෘ॒හද්භාඃ ॥ තන්තු॑-න්ත॒න්ව-න්රජ॑සෝ භා॒නුමන්වි॑හි॒ ජ්යෝති॑ෂ්මතඃ ප॒ථෝ ර॑ක්ෂ ධි॒යා කෘ॒තාන් ॥ අ॒නු॒ල්බ॒ණං-වඁ ॑යත॒ ජෝගු॑වා॒මපෝ॒ මනු॑ ර්භව ජ॒නයා॒ දෛව්ය॒-ඤ්ජන᳚ම් ॥ මන॑සෝ හ॒විර॑සි ප්ර॒ජාප॑තේ॒ර්වර්ණෝ॒ ගාත්රා॑ණා-න්තේ ගාත්ර॒භාජෝ॑ භූයාස්ම ॥ 6 ॥
(සර॑ස්වත්යෛ॒ ස්වාහා॒ - මනු॒ - ස්ත්රයෝ॑දශ ච) (අ. 2)

ඉ॒මේ වෛ ස॒හා-ऽऽස්තා॒-න්තේ වා॒යුර්ව්ය॑වා॒-ත්තේ ගර්භ॑මදධාතා॒-න්තග්​ම් සෝමඃ॒ ප්රාජ॑නය-ද॒ග්නිර॑ග්රසත॒ ස ඒ॒ත-ම්ප්ර॒ජාප॑තිරාග්නේ॒ය-ම॒ෂ්ටාක॑පාලමපශ්ය॒-ත්ත-න්නිර॑වප॒-ත්තේනෛ॒වෛනා॑ම॒ග්නේරධි॒ නිර॑ක්රීණා॒-ත්තස්මා॒දප්ය॑න්යදේව॒ත්යා॑මා॒ලභ॑මාන ආග්නේ॒යම॒ෂ්ටාක॑පාල-ම්පු॒රස්තා॒න්නිර්ව॑පේද॒ග්නේරේ॒වෛනා॒මධි॑ නි॒ෂ්ක්රීයා-ऽऽල॑භතේ॒ ය- [යත්, වා॒යුර්ව්යවා॒-] 7

-ද්වා॒යුර්ව්යවා॒-ත්තස්මා᳚-ද්වාය॒ව්යා॑ යදි॒මේ ගර්භ॒මද॑ධාතා॒-න්තස්මා᳚-ද්ද්යාවාපෘථි॒ව්යා॑ ය-ථ්සෝමඃ॒ ප්රාජ॑නයද॒ග්නිරග්ර॑සත॒ තස්මා॑දග්නීෂෝ॒මීයා॒ යද॒නයෝ᳚ර්විය॒ත්යෝ-ර්වාගව॑ද॒-ත්තස්මා᳚-ථ්සාරස්ව॒තී ය-ත්ප්ර॒ජාප॑තිර॒ග්නේරධි॑ නි॒රක්රී॑ණා॒-ත්තස්මා᳚-ත්ප්රාජාප॒ත්යා සා වා ඒ॒ෂා ස॑ර්වදේව॒ත්යා॑ යද॒ජා ව॒ශා වා॑ය॒ව්යා॑මා ල॑භේත॒ භූති॑කාමෝ වා॒යුර්වෛ ක්ෂේපි॑ෂ්ඨා දේ॒වතා॑ වා॒යුමේ॒ව ස්වේන॑ [ස්වේන॑, භා॒ග॒ධේයේ॒නෝප॑ ධාවති॒] 8

භාග॒ධේයේ॒නෝප॑ ධාවති॒ ස ඒ॒වෛන॒-ම්භූති॑-ඞ්ගමයති ද්යාවාපෘථි॒ව්යා॑මා ල॑භේත කෘ॒ෂමා॑ණඃ ප්රති॒ෂ්ඨාකා॑මෝ දි॒ව ඒ॒වාස්මෛ॑ ප॒ර්ජන්යෝ॑ වර්​ෂති॒ ව්ය॑ස්යාමෝෂ॑ධයෝ රෝහන්ති ස॒මර්ධු॑කමස්ය ස॒ස්ය-ම්භ॑වත්යග්නීෂෝ॒මීයා॒මා ල॑භේත॒ යඃ කා॒මයේ॒තාන්න॑වානන්නා॒ද-ස්ස්යා॒මිත්ය॒ග්නිනෛ॒වාන්න॒මව॑ රුන්ධේ॒ සෝමේ॑නා॒න්නාද්ය॒-මන්න॑වානේ॒වාන්නා॒දෝ භ॑වති සාරස්ව॒තීමා ල॑භේත॒ ය [යඃ, ඊ॒ශ්ව॒රෝ වා॒චෝ] 9

ඊ᳚ශ්ව॒රෝ වා॒චෝ වදි॑තෝ॒-ස්සන්. වාච॒-න්නවදේ॒-ද්වාග්වෛ සර॑ස්වතී॒ සර॑ස්වතීමේ॒ව ස්වේන॑ භාග॒ධේයේ॒නෝප॑ ධාවති॒ සෛවාස්මි॒න්. වාච॑-න්දධාති ප්රාජාප॒ත්යාමා ල॑භේත॒ යඃ කා॒මයේ॒තාන॑භිජිතම॒භි ජ॑යේය॒මිති॑ ප්ර॒ජාප॑ති॒-ස්සර්වා॑ දේ॒වතා॑ දේ॒වතා॑භිරේ॒වා-න॑භිජිතම॒භි ජ॑යති වාය॒ව්ය॑යෝ॒පාක॑රෝති වා॒යෝරේ॒වෛනා॑මව॒රුද්ධ්යා-ऽऽල॑භත॒ ආකූ᳚ත්යෛ ත්වා॒ කාමා॑ය॒ ත්වේ- [කාමා॑ය ත්වා, ඉත්යා॑හ යථාය॒ජු-] 10

-ත්යා॑හ යථාය॒ජු-රේ॒වෛත-ත්කි॑ක්කිටා॒කාර॑-ඤ්ජුහෝති කික්කිටාකා॒රේණ॒ වෛ ග්රා॒ම්යාඃ ප॒ශවෝ॑ රමන්තේ॒ ප්රා-ऽऽර॒ණ්යාඃ ප॑තන්ති॒ ය-ත්කි॑ක්කිටා॒කාර॑-ඤ්ජු॒හෝති॑ ග්රා॒ම්යාණා᳚-ම්පශූ॒නා-න්ධෘත්යෛ॒ පර්ය॑ග්නෞ ක්රි॒යමා॑ණේ ජුහෝති॒ ජීව॑න්තීමේ॒වෛනාග්​ම්॑ සුව॒ර්ගං-ලෝඁ॒ක-ඞ්ග॑මයති॒ ත්ව-න්තු॒රීයා॑ ව॒ශිනී॑ ව॒ශා-ऽසීත්යා॑හ දේව॒ත්රෛවෛනා᳚-ඞ්ගමයති ස॒ත්යා-ස්ස॑න්තු॒ යජ॑මානස්ය॒ කාමා॒ ඉත්යා॑හෛ॒ෂ වෛ කාමෝ॒ [වෛ කාමඃ॑, යජ॑මානස්ය॒] 11

යජ॑මානස්ය॒ යදනා᳚ර්ත උ॒දෘච॒-ඞ්ගච්ඡ॑ති॒ තස්මා॑දේ॒වමා॑හා॒-ऽජා-ऽසි॑ රයි॒ෂ්ඨේත්යා॑හෛ॒ ෂ්වේ॑වෛනාං᳚-ලෝඁ॒කේෂු॒ ප්රති॑ෂ්ඨාපයති දි॒වි තේ॑ බෘ॒හද්භා ඉත්යා॑හ සුව॒ර්ග ඒ॒වාස්මෛ॑ ලෝ॒කේ ජ්යෝති॑-ර්දධාති॒ තන්තු॑-න්ත॒න්ව-න්රජ॑සෝ භා॒නුමන්වි॒හීත්යා॑හේ॒මානේ॒වාස්මෛ॑ ලෝ॒කාන් ජ්යෝති॑ෂ්මතඃ කරෝත්යනුල්බ॒ණං-වඁ ॑යත॒ ජෝගු॑වා॒මප॒ ඉ- [ජෝගු॑වා॒මප॒ ඉති॑, ආ॒හ॒ යදේ॒ව] 12

-ත්යා॑හ॒ යදේ॒ව ය॒ජ්ඤ උ॒ල්බණ॑-ඞ්ක්රි॒යතේ॒ තස්යෛ॒වෛෂා ශාන්ති॒ර්මනු॑ර්භව ජ॒නයා॒ දෛව්ය॒-ඤ්ජන॒මිත්යා॑හ මාන॒ව්යෝ॑ වෛ ප්ර॒ජාස්තා ඒ॒වා-ऽऽද්යාඃ᳚ කුරුතේ॒ මන॑සෝ හ॒විර॒සීත්යා॑හ ස්ව॒ගාකෘ॑ත්යෛ॒ ගාත්රා॑ණා-න්තේ ගාත්ර॒භාජෝ॑ භූයා॒ස්මේත්යා॑හා॒ ऽऽශිෂ॑මේ॒වෛතාමා ශා᳚ස්තේ॒ තස්යෛ॒ වා ඒ॒තස්යා॒ ඒක॑මේ॒වා-දේ॑වයජනං॒ ඁයදාල॑බ්ධායා-ම॒භ්රෝ [-ම॒භ්රඃ, භව॑ති॒] 13

භව॑ති॒ යදාල॑බ්ධායාම॒භ්ර-ස්ස්යාද॒ඵ්සු වා᳚ප්රවේ॒ශයේ॒-ථ්සර්වාං᳚-වාඁ॒ ප්රාශ්ඤී॑යා॒ද්යද॒ඵ්සු ප්ර॑වේ॒ශයේ᳚ද්යජ්ඤවේශ॒ස-ඞ්කු॑ර්යා॒-ථ්සර්වා॑මේ॒ව ප්රාශ්ඤී॑යාදින්ද්රි॒යමේ॒වා-ऽऽත්ම-න්ධ॑-ත්තේ॒ සා වා ඒ॒ෂා ත්ර॑යා॒ණාමේ॒වාව॑ රුද්ධා සං​වඁථ්සර॒සද॑-ස්සහස්රයා॒ජිනෝ॑ ගෘහමේ॒ධින॒ස්ත ඒ॒වෛතයා॑ යජේර॒-න්තේෂා॑මේ॒වෛෂා-ऽऽප්තා ॥ 14 ॥
(යථ් - ස්වේන॑ - සාරස්ව॒තීමා ල॑භේත॒ යඃ - කාමා॑ය ත්වා॒ - කාමෝ - ऽප॒ ඉත්ය॒ - භ්රෝ - ද්විච॑ත්වාරිග්​ම්ශච්ච) (අ. 3)

චි॒ත්ත-ඤ්ච॒ චිත්ති॒ශ්චා ऽऽකූ॑ත॒-ඤ්චා-ऽऽකූ॑තිශ්ච॒ විජ්ඤා॑ත-ඤ්ච වි॒ජ්ඤාන॑-ඤ්ච॒ මන॑ශ්ච॒ ශක්ව॑රීශ්ච॒ දර්​ශ॑ශ්ච පූ॒ර්ණමා॑සශ්ච බෘ॒හච්ච॑ රථන්ත॒ර-ඤ්ච॑ ප්ර॒ජාප॑ති॒ර්ජයා॒නින්ද්රා॑ය॒ වෘෂ්ණේ॒ ප්රාය॑ච්ඡදු॒ග්රඃ පෘ॑ත॒නාජ්යේ॑ෂු॒ තස්මෛ॒ විශ॒-ස්සම॑නමන්ත॒ සර්වා॒-ස්ස උ॒ග්ර-ස්සහි හව්යෝ॑ බ॒භූව॑දේවාසු॒රා-ස්සං​යඁ ॑ත්තා ආස॒න්​ථ්ස ඉන්ද්රඃ॑ ප්ර॒ජාප॑ති॒මුපා॑ ධාව॒-ත්තස්මා॑ ඒ॒තාඤ්ජයා॒-න්ප්රාය॑ච්ඡ॒-ත්තාන॑ජුහෝ॒-ත්තතෝ॒ වෛ දේ॒වා අසු॑රානජය॒න්॒. යදජ॑ය॒-න්තජ්ජයා॑නා-ඤ්ජය॒ත්වග්ග්​ ස්පර්ධ॑මානේනෛ॒තේ හෝ॑ත॒ව්යා॑ ජය॑ත්යේ॒ව තා-ම්පෘත॑නාම් ॥ 15 ॥
(උප॒ - පඤ්ච॑විග්​ම්ශතිශ්ච) (අ. 4)

අ॒ග්නිර්භූ॒තානා॒මධි॑පති॒-ස්සමා॑-ऽව॒ත්වින්ද්රෝ᳚ ජ්යේ॒ෂ්ඨානාං᳚-යඁ॒මඃ පෘ॑ථි॒ව්යා වා॒යුර॒න්තරි॑ක්ෂස්ය॒ සූර්යෝ॑දි॒වශ්ච॒න්ද්රමා॒ නක්ෂ॑ත්රාණා॒-ම්බෘහ॒ස්පති॒ර්බ්රහ්ම॑ණෝ මි॒ත්ර-ස්ස॒ත්යානාං॒-වඁරු॑ණෝ॒-ऽපාග්​ම් ස॑මු॒ද්ර-ස්ස්රෝ॒ත්යානා॒මන්න॒ග්​ම්॒ සාම්රා᳚ජ්යානා॒මධි॑පති॒ තන්මා॑-ऽවතු॒ සෝම॒ ඕෂ॑ධීනාග්​ම් සවි॒තා ප්ර॑ස॒වානාග්​ම්॑ රු॒ද්රඃ ප॑ශූ॒නා-න්ත්වෂ්ටා॑ රූ॒පාණාං॒-විඁෂ්ණුඃ॒ පර්ව॑තානා-ම්ම॒රුතෝ॑ ග॒ණානා॒මධි॑පතය॒ස්තේ මා॑වන්තු॒ පිත॑රඃ පිතාමහාඃ පරේ-ऽවරේ॒ තතා᳚ස්තතාමහා ඉ॒හ මා॑-ऽවත । අ॒ස්මි-න්බ්රහ්ම॑න්න॒ස්මින් ක්ෂ॒ත්රේ᳚-ऽස්යා-මා॒ශිෂ්ය॒ස්යා-ම්පු॑රෝ॒ධායා॑ම॒ස්මින්-කර්ම॑න්න॒ස්යා-න්දේ॒වහූ᳚ත්යාම් ॥ 16 ॥
(අ॒ව॒රේ॒ - ස॒ප්තද॑ශ ච) (අ. 5)

දේ॒වා වෛ යද්ය॒ජ්ඤේ-ऽකු॑ර්වත॒ තදසු॑රා අකුර්වත॒ තේ දේ॒වා ඒ॒තාන॑භ්යාතා॒නාන॑පශ්ය॒න්- තාන॒භ්යාත॑න්වත॒ යද්දේ॒වානා॒-ඞ්කර්මා-ऽऽසී॒දාර්ධ්ය॑ත॒ තද්යදසු॑රාණා॒-න්න තදා᳚ර්ධ්යත॒ යේන॒ කර්ම॒ණේර්ථ්සේ॒-ත්තත්ර॑ හෝත॒ව්යා॑ ඍ॒ද්ධ්නෝත්යේ॒ව තේන॒ කර්ම॑ණා॒ යද්විශ්වේ॑ දේ॒වා-ස්ස॒මභ॑ර॒-න්තස්මා॑-දභ්යාතා॒නා වෛ᳚ශ්වදේ॒වායත්-ප්ර॒ජාප॑ති॒ර්ජයා॒-න්ප්රාය॑ච්ඡ॒-ත්තස්මා॒ජ්ජයාඃ᳚ ප්රාජාප॒ත්යා [ප්රාජාප॒ත්යාඃ, ය-ද්රා᳚ෂ්ට්ර॒භෘද්භී॑] 17

ය-ද්රා᳚ෂ්ට්ර॒භෘද්භී॑ රා॒ෂ්ට්රමා-ऽද॑දත॒ ත-ද්රා᳚ෂ්ට්ර॒භෘතාග්​ම්॑ රාෂ්ට්රභෘ॒ත්ත්ව-න්තේ දේ॒වා අ॑භ්යාතා॒නෛරසු॑රාන॒භ්යාත॑න්වත॒ ජයෛ॑රජයන්-රාෂ්ට්ර॒භෘද්භී॑ රා॒ෂ්ට්රමා-ऽද॑දත॒ යද්දේ॒වා අ॑භ්යාතා॒නෛරසු॑රාන॒භ්යාත॑න්වත॒ තද॑භ්යාතා॒නානා॑මභ්යාතාන॒ත්වං-යඁජ්ජයෛ॒රජ॑ය॒-න්තජ්ජයා॑නා-ඤ්ජය॒ත්වං-යඁ-ද්රා᳚ෂ්ට්ර॒භෘද්භී॑ රා॒ෂ්ට්රමා-ऽද॑දත॒ ත-ද්රා᳚ෂ්ට්ර॒භෘතාග්​ම්॑ රාෂ්ට්රභෘ॒ත්ත්ව-න්තතෝ॑ දේ॒වා අභ॑ව॒-න්පරා-ऽසු॑රා॒ යෝ භ්රාතෘ॑ව්යවා॒න්-ථ්ස්යා-ථ්ස ඒ॒තාන් ජු॑හුයාදභ්යාතා॒නෛරේ॒ව භ්රාතෘ॑ව්යාන॒භ්යාත॑නුතේ॒ ජයෛ᳚ර්ජයති රාෂ්ට්ර॒භෘද්භී॑ රා॒ෂ්ට්රමා ද॑ත්තේ॒ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවති ॥ 18 ॥
(ප්රා॒ජා॒ප॒ත්යාඃ-සෝ᳚-ऽ-ෂ්ටා ද॑ශ ච) (අ. 6)

ඍ॒තා॒ෂා-ඩෘ॒තධා॑මා॒-ऽග්නි-ර්ග॑න්ධ॒ර්වස්ත-ස්යෞෂ॑ධයෝ-ऽඵ්ස॒රස॒ ඌර්ජෝ॒ නාම॒ ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තස්මෛ॒ ස්වාහා॒ තාභ්ය॒-ස්ස්වාහා॑ සග්​ම්හි॒තෝ වි॒ශ්වසා॑මා॒ සූර්යෝ॑ ගන්ධ॒ර්ව-ස්තස්ය॒ මරී॑චයෝ-ऽඵ්ස॒රස॑ ආ॒යුව॑-ස්සුෂු॒ම්න-ස්සූර්ය॑ රශ්මි-ශ්ච॒න්ද්රමා॑ ගන්ධ॒ර්ව-ස්තස්ය॒ නක්ෂ॑ත්රාණ්ය-ඵ්ස॒රසෝ॑ බේ॒කුර॑යෝභු॒ජ්යු-ස්සු॑ප॒ර්ණෝ ය॒ජ්ඤෝ ග॑න්ධ॒ර්ව-ස්තස්ය॒ දක්ෂි॑ණා අප්ස॒රස॑ ස්ත॒වාඃ ප්ර॒ජාප॑ති-ර්වි॒ශ්වක॑ර්මා॒ මනෝ॑ [මනඃ॑, ග॒න්ධ॒ර්වස්තස්ය॑-ර්ඛ්සා॒මාන්ය॑-ඵ්ස॒රසෝ॒] 19

ගන්ධ॒ර්වස්තස්ය॑-ර්ඛ්සා॒මාන්ය॑-ඵ්ස॒රසෝ॒ වහ්න॑යෛෂි॒රෝ වි॒ශ්වව්ය॑චා॒ වාතෝ॑ ගන්ධ॒ර්ව-ස්තස්යා-ऽऽපෝ᳚ ऽඵ්ස॒රසෝ॑ මු॒දාභුව॑නස්ය පතේ॒ යස්ය॑ත උ॒පරි॑ ගෘ॒හා ඉ॒හ ච॑ । ස නෝ॑ රා॒ස්වාජ්යා॑නිග්​ම් රා॒යස්පෝෂග්​ම්॑ සු॒වීර්යග්​ම්॑ සං​වඁථ්ස॒රීණාග්॑ ස්ව॒ස්තිම් ॥ ප॒ර॒මේ॒ෂ්ඨ්යධි॑පති-ර්මෘ॒ත්යු-ර්ග॑න්ධ॒ර්ව-ස්තස්ය॒ විශ්ව॑මප්ස॒රසෝ॒ භුව॑-ස්සුක්ෂි॒තිඃ- සුභූ॑ති-ර්භද්ර॒කෘ-ථ්සුව॑ර්වා-න්ප॒ර්ජන්යෝ॑ ගන්ධ॒ර්ව-ස්තස්ය॑ වි॒ද්යුතෝ᳚ ऽඵ්ස॒රසෝ॒ රුචෝ॑ දූ॒රේ හේ॑ති-රමෘඩ॒යෝ [දූ॒රේ හේ॑ති-රමෘඩ॒යඃ, මෘ॒ත්යුර්ග॑න්ධ॒ර්ව-ස්තස්ය॑] 20

මෘ॒ත්යුර්ග॑න්ධ॒ර්ව-ස්තස්ය॑ ප්ර॒ජා අ॑ඵ්ස॒රසෝ॑ භී॒රුව॒ශ්චරුඃ॑ කෘපණ කා॒ශී කාමෝ॑ ගන්ධ॒ර්ව-ස්තස්යා॒ධයෝ᳚ ऽඵ්ස॒රස॑-ශ්ශෝ॒චය॑න්තී॒ර්නාම॒ ස ඉ॒ද-ම්බ්රහ්ම॑ ක්ෂ॒ත්ර-ම්පා॑ත॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තස්මෛ॒ ස්වාහා॒ තාභ්ය॒-ස්ස්වාහා॒ ස නෝ॑ භුවනස්ය පතේ॒ යස්ය॑ත උ॒පරි॑ ගෘ॒හා ඉ॒හ ච॑ । උ॒රු බ්ර॒හ්ම॑ණේ॒-ऽස්මෛ ක්ෂ॒ත්රාය॒ මහි॒ ශර්ම॑ යච්ඡ ॥ 21 ॥
(මනෝ॑ - ऽමෘඩ॒යඃ - ෂට්ච॑ත්වාරිග්​ම්ශච්ච) (අ. 7)

රා॒ෂ්ට්රකා॑මාය හෝත॒ව්යා॑ රා॒ෂ්ට්රං-වෛඁ රා᳚ෂ්ට්ර॒භෘතෝ॑ රා॒ෂ්ට්රේණෛ॒වාස්මෛ॑ රා॒ෂ්ට්රමව॑ රුන්ධේ රා॒ෂ්ට්රමේ॒ව භ॑වත්යා॒ත්මනේ॑ හෝත॒ව්යා॑ රා॒ෂ්ට්රං-වෛඁ රා᳚ෂ්ට්ර॒භෘතෝ॑ රා॒ෂ්ට්ර-ම්ප්ර॒ජා රා॒ෂ්ට්ර-ම්ප॒ශවෝ॑ රා॒ෂ්ට්රං-යඁච්ඡ්රේෂ්ඨෝ॒ භව॑ති රා॒ෂ්ට්රේණෛ॒ව රා॒ෂ්ට්රමව॑ රුන්ධේ॒ වසි॑ෂ්ඨ-ස්සමා॒නානා᳚-ම්භවති॒ ග්රාම॑කාමාය හෝත॒ව්යා॑ රා॒ෂ්ට්රං-වෛඁ රා᳚ෂ්ට්ර॒භෘතෝ॑ රා॒ෂ්ට්රග්​ම් ස॑ජා॒තා රා॒ෂ්ට්රේණෛ॒වාස්මෛ॑ රා॒ෂ්ට්රග්​ම් ස॑ජා॒තානව॑ රුන්ධේ ග්රා॒- [රුන්ධේ ග්රා॒මී, ඒ॒ව භ॑වත්යධි॒දේව॑නේ] 22

-ම්යේ॑ව භ॑වත්යධි॒දේව॑නේ ජුහෝත්යධි॒දේව॑න ඒ॒වාස්මෛ॑ සජා॒තානව॑ රුන්ධේ॒ ත ඒ॑න॒මව॑රුද්ධා॒ උප॑ තිෂ්ඨන්තේ රථමු॒ඛ ඕජ॑ස්කාමස්ය හෝත॒ව්යා॑ ඕජෝ॒ වෛ රා᳚ෂ්ට්ර॒භෘත॒ ඕජෝ॒ රථ॒ ඕජ॑සෛ॒වාස්මා॒ ඕජෝ-ऽව॑ රුන්ධ ඕජ॒ස්ව්යේ॑ව භ॑වති॒ යෝ රා॒ෂ්ට්රාදප॑භූත॒-ස්ස්යා-ත්තස්මෛ॑ හෝත॒ව්යා॑ යාව॑න්තෝ-ऽස්ය॒ රථා॒-ස්ස්යුස්තා-න්බ්රූ॑යා-ද්යු॒න්ධ්වමිති॑ රා॒ෂ්ට්රමේ॒වා-ऽස්මෛ॑ යුන॒- [රා॒ෂ්ට්රමේ॒වා-ऽස්මෛ॑ යුනක්ති, ආහු॑තයෝ॒ වා] 23

-ක්ත්යාහු॑තයෝ॒ වා ඒ॒තස්යාකॢ॑ප්තා॒ යස්ය॑ රා॒ෂ්ට්ර-න්න කල්ප॑තේ ස්වර॒ථස්ය॒ දක්ෂි॑ණ-ඤ්ච॒ක්ර-ම්ප්ර॒වෘහ්ය॑ නා॒ඩීම॒භි ජු॑හුයා॒දාහු॑තීරේ॒වාස්ය॑ කල්පයති॒ තා අ॑ස්ය॒ කල්ප॑මානා රා॒ෂ්ට්රමනු॑ කල්පතේ සඞ්ග්රා॒මේ සං​යඁ ॑ත්තේ හෝත॒ව්යා॑ රා॒ෂ්ට්රං-වෛඁ රා᳚ෂ්ට්ර॒භෘතෝ॑ රා॒ෂ්ට්රේ ඛලු॒ වා ඒ॒තේ ව්යාය॑ච්ඡන්තේ॒ යේ ස॑ඞ්ග්රා॒මග්​ම් සං॒-යඁන්ති॒ යස්ය॒ පූර්ව॑ස්ය॒ ජුහ්ව॑ති॒ ස ඒ॒ව භ॑වති॒ ජය॑ති॒ තග්​ම් ස॑ග්රා॒ම්ම-ම්මා᳚න්ධු॒ක ඉ॒ද්ධ්මෝ [ඉ॒ද්ධ්මඃ, භ॒ව॒ත්යඞ්ගා॑රා] 24

භ॑ව॒ත්යඞ්ගා॑රා ඒ॒ව ප්ර॑ති॒වේෂ්ට॑මානා අ॒මිත්රා॑ණාමස්ය॒ සේනා॒-ම්ප්රති॑වේෂ්ටයන්ති॒ ය උ॒න්මාද්යේ॒-ත්තස්මෛ॑ හෝත॒ව්යා॑ ගන්ධර්වාඵ්ස॒රසෝ॒ වා ඒ॒තමුන්මා॑දයන්ති॒ ය උ॒න්මාද්ය॑ත්යේ॒තේ ඛලු॒ වෛ ග॑න්ධර්වාඵ්ස॒රසෝ॒ යද්රා᳚ෂ්ට්ර॒භෘත॒ස්තස්මෛ॒ ස්වාහා॒ තාභ්ය॒-ස්ස්වාහේති॑ ජුහෝති॒ තේනෛ॒වෛනා᳚ඤ්ඡමයති॒ නෛය॑ග්රෝධ॒ ඖදු॑ම්බර॒ ආශ්ව॑ත්ථඃ॒ ප්ලාක්ෂ॒ ඉතී॒ද්ධ්මෝ භ॑වත්යේ॒තේ වෛ ග॑න්ධර්වාඵ්ස॒රසා᳚-ඞ්ගෘ॒හා-ස්ස්ව ඒ॒වෛනා॑- [ඒ॒වෛනාන්॑, ආ॒යත॑නේ] 25

-නා॒යත॑නේ ශමයත්යභි॒චර॑තා ප්රතිලෝ॒මග්​ම් හෝ॑ත॒ව්යාඃ᳚ ප්රා॒ණානේ॒වාස්ය॑ ප්ර॒තීචඃ॒ ප්රති॑ යෞති॒ ත-න්තතෝ॒ යේන॒ කේන॑ ච ස්තෘණුතේ॒ ස්වකෘ॑ත॒ ඉරි॑ණේ ජුහෝති ප්රද॒රේ වෛ॒තද්වා අ॒ස්යෛ නිර්-ඍ॑තිගෘහීත॒-න්නිර්-ඍ॑තිගෘහීත ඒ॒වෛන॒-න්නිර්-ඍ॑ත්යා ග්රාහයති॒ යද්වා॒චඃ ක්රූ॒ර-න්තේන॒ වෂ॑-ට්කරෝති වා॒ච ඒ॒වෛන॑-ඞ්ක්රූ॒රේණ॒ ප්රවෘ॑ශ්චති තා॒ජගාර්ති॒මාර්ච්ඡ॑ති॒ යස්ය॑ කා॒මයේ॑තා॒න්නාද්ය॒- [කා॒මයේ॑තා॒න්නාද්ය᳚ම්, ආ ද॑දී॒යේති॒] 26

-මා ද॑දී॒යේති॒ තස්ය॑ ස॒භායා॑මුත්තා॒නෝ නි॒පද්ය॒ භුව॑නස්ය පත॒ ඉති॒ තෘණා॑නි॒ ස-ඞ්ගෘ॑හ්ණීයා-ත්ප්ර॒ජාප॑ති॒ර්වෛ භුව॑නස්ය॒ පතිඃ॑ ප්ර॒ජාප॑තිනෛ॒වාස්යා॒න්නාද්ය॒මා ද॑ත්ත ඉ॒දම॒හම॒මුෂ්යා॑ ऽऽමුෂ්යාය॒ණස්යා॒න්නාද්යග්​ම්॑ හරා॒මීත්යා॑හා॒න්නාද්ය॑මේ॒වාස්ය॑ හරති ෂ॒ඩ්භිර්​හ॑රති॒ ෂඩ්වා ඍ॒තවඃ॑ ප්ර॒ජාප॑තිනෛ॒වාස්යා॒-න්නාද්ය॑මා॒දාය॒ර්තවෝ᳚ ऽස්මා॒ අනු॒ ප්රය॑ච්ඡන්ති॒ [ප්රය॑ච්ඡන්ති, යෝ ජ්යේ॒ෂ්ඨබ॑න්ධු॒-] 27

යෝ ජ්යේ॒ෂ්ඨබ॑න්ධු॒-රප॑ භූත॒-ස්ස්යා-ත්තග්ග්​ස්ථලේ॑-ऽව॒සාය්ය॑ බ්රහ්මෞද॒න-ඤ්චතු॑-ශ්ශරාව-ම්ප॒ක්ත්වා තස්මෛ॑ හෝත॒ව්යා॑ වර්​ෂ්ම॒ වෛ රා᳚ෂ්ට්ර॒භෘතෝ॒ වෂ්ම॒ ස්ථලං॒-වඁර්​ෂ්ම॑ණෛ॒වෛනං॒-වඁෂ්ම॑ සමා॒නානා᳚-ඞ්ගමයති॒ චතු॑-ශ්ශරාවෝ භවති දි॒ක්ෂ්වේ॑ව ප්රති॑තිෂ්ඨති ක්ෂී॒රේ භ॑වති॒ රුච॑මේ॒වාස්මි॑-න්දධා॒ත්යුද්ධ॑රති ශෘත॒ත්වාය॑ ස॒ර්පිෂ්වා᳚-න්භවති මේද්ධ්ය॒ත්වාය॑ ච॒ත්වාර॑ ආර්​ෂේ॒යාඃ ප්රා-ऽශ්ඤ॑න්ති දි॒ශාමේ॒ව ජ්යෝති॑ෂි ජුහෝති ॥ 28 ॥
(ග්රා॒මී - යු॑නක්තී॒ - ධ්මඃ - ස්ව ඒ॒වෛනා॑ - න॒න්නාද්යං॑ - ඁයච්ඡ॒න්ත්යේ - කා॒න්න ප॑ඤ්චා॒ශච්ච॑) (අ. 8)

දේවි॑කා॒ නිව॑ර්පේ-ත්ප්ර॒ජාකා॑ම॒ශ්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සීව॒ ඛලු॒ වෛ ප්ර॒ජාශ්ඡන්දෝ॑භිරේ॒වාස්මෛ᳚ ප්ර॒ජාඃ ප්රජ॑නයති ප්රථ॒ම-න්ධා॒තාර॑-ඞ්කරෝති මිථු॒නී ඒ॒ව තේන॑ කරෝ॒ත්යන්වේ॒වාස්මා॒ අනු॑මතිර්මන්යතේ රා॒තේ රා॒කා ප්ර සි॑නීවා॒ලී ජ॑නයති ප්ර॒ජාස්වේ॒ව ප්රජා॑තාසු කු॒හ්වා॑ වාච॑-න්දධාත්යේ॒තා ඒ॒ව නිව॑ර්පේ-ත්ප॒ශුකා॑ම॒ශ්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සී- [දේවි॑කා॒ශ්ඡන්දාග්​ම්॑සි, ඉ॒ව॒ ඛලු॒ වෛ] 29

-ව॒ ඛලු॒ වෛ ප॒ශව॒ශ්ඡන්දෝ॑භිරේ॒වාස්මෛ॑ ප॒ශූ-න්ප්රජ॑නයති ප්රථ॒ම-න්ධා॒තාර॑-ඞ්කරෝති॒ ප්රෛව තේන॑ වාපය॒ත්යන්වේ॒වාස්මා॒ අනු॑මතිර්මන්යතේ රා॒තේ රා॒කා ප්ර සි॑නීවා॒ලී ජ॑නයති ප॒ශූනේ॒ව ප්රජා॑තාන් කු॒හ්වා᳚ ප්රති॑ෂ්ඨාපයත්යේ॒තා ඒ॒ව නිර්ව॑පේ॒-ද්ග්රාම॑කාම॒ශ්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සී ව॒ ඛලු॒ වෛ ග්රාම॒ශ්ඡන්දෝ॑භිරේ॒වාස්මෛ॒ ග්රාම॒- [ග්රාම᳚ම්, අව॑ රුන්ධේ] 30

-මව॑ රුන්ධේ මද්ධ්ය॒තෝ ධා॒තාර॑-ඞ්කරෝති මද්ධ්ය॒ත ඒ॒වෛන॒-ඞ්ග්රාම॑ස්ය දධාත්යේ॒තා ඒ॒ව නිර්ව॑පේ॒ජ්ජ්යෝගා॑මයාවී॒ ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සි॒ ඛලු॒ වා ඒ॒තම॒භි ම॑න්යන්තේ॒ යස්ය॒ ජ්යෝගා॒මය॑ති॒ ඡන්දෝ॑භිරේ॒වෛන॑-මග॒ද-ඞ්ක॑රෝති මද්ධ්ය॒තෝ ධා॒තාර॑-ඞ්කරෝති මද්ධ්ය॒තෝ වා ඒ॒තස්යාකॢ॑ප්තං॒-යඁස්ය॒ ජ්යෝගා॒මය॑ති මද්ධ්ය॒ත ඒ॒වාස්ය॒ තේන॑ කල්පයත්යේ॒තා ඒ॒ව නි- [ ඒ॒ව නිඃ, ව॒පේ॒ද්යං-යඁ॒ජ්ඤෝ] 31

-ර්ව॑පේ॒ද්යං-යඁ॒ජ්ඤෝ නෝප॒නමේ॒ච්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සි॒ ඛලු॒ වා ඒ॒ත-න්නෝප॑ නමන්ති॒ යං-යඁ॒ජ්ඤෝ නෝප॒නම॑ති ප්රථ॒ම-න්ධා॒තාර॑-ඞ්කරෝති මුඛ॒ත ඒ॒වාස්මෛ॒ ඡන්දාග්​ම්॑සි දධා॒ත්යුපෛ॑නං-යඁ॒ජ්ඤෝ න॑මත්යේ॒තා ඒ॒ව නිව॑ර්පේදීජා॒නශ්ඡන්දාග්​ම්॑සි॒ වෛ දේවි॑කා යා॒තයා॑මානීව॒ ඛලු॒ වා ඒ॒තස්ය॒ ඡන්දාග්​ම්॑සි॒ ය ඊ॑ජා॒න උ॑ත්ත॒ම-න්ධා॒තාර॑-ඞ්කරෝ- [උ॑ත්ත॒ම-න්ධා॒තාර॑-ඞ්කරෝති, උ॒පරි॑ෂ්ටාදේ॒වාස්මෛ॒] 32

-ත්යු॒පරි॑ෂ්ටාදේ॒වාස්මෛ॒ ඡන්දා॒ග්॒ස්යයා॑තයාමා॒න්යව॑ රුන්ධ॒ උපෛ॑න॒මුත්ත॑රෝ ය॒ජ්ඤෝ න॑මත්යේ॒තා ඒ॒ව නිව॑ර්පේ॒ද්ය-ම්මේ॒ධා නෝප॒නමේ॒ච්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සි॒ ඛලු॒ වා ඒ॒ත-න්නෝප॑ නමන්ති॒ ය-ම්මේ॒ධා නෝප॒නම॑ති ප්රථ॒ම-න්ධා॒තාර॑-ඞ්කරෝති මුඛ॒ත ඒ॒වාස්මෛ॒ ඡන්දාග්​ම්॑සි දධා॒ත්යුපෛ॑න-ම්මේ॒ධා න॑මත්යේ॒තා ඒ॒ව නිව॑ර්පේ॒- [නිව॑ර්පේත්, රුක්කා॑ම॒ශ්ඡන්දාග්​ම්॑සි॒ වෛ] 33

-ද්රුක්කා॑ම॒ශ්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සීව॒ ඛලු॒ වෛ රුක් ඡන්දෝ॑භිරේ॒වාස්මි॒-න්රුච॑-න්දධාතික්ෂී॒රේ භ॑වන්ති॒ රුච॑මේ॒වාස්මි॑-න්දධති මද්ධ්ය॒තෝ ධා॒තාර॑-ඞ්කරෝති මද්ධ්ය॒ත ඒ॒වෛනග්​ම්॑ රු॒චෝ ද॑ධාතිගාය॒ත්රී වා අනු॑මතිස්ත්රි॒ෂ්ටුග්රා॒කා ජග॑තී සිනීවා॒ල්ය॑නු॒ෂ්ටුප් කු॒හූර්ධා॒තා ව॑ෂට්කා॒රඃ පූ᳚ර්වප॒ක්ෂෝ රා॒කා-ऽප॑රප॒ක්ෂඃ කු॒හූර॑මාවා॒ස්යා॑ සිනීවා॒ලී පෞ᳚ර්ණමා॒ස්යනු॑මතිශ්ච॒න්ද්රමා॑ ධා॒තා-ऽෂ්ටෞ [ ] 34

වස॑වෝ॒-ऽෂ්ටාක්ෂ॑රා ගාය॒ත්ර්යේකා॑දශ රු॒ද්රා ඒකා॑දශාක්ෂරා ත්රි॒ෂ්ටුබ් ද්වාද॑ශා-ऽऽදි॒ත්යා ද්වාද॑ශාක්ෂරා॒ ජග॑තී ප්ර॒ජාප॑තිරනු॒ෂ්ටුබ් ධා॒තා ව॑ෂට්කා॒ර ඒ॒තද්වෛ දේවි॑කා॒-ස්සර්වා॑ණි ච॒ ඡන්දාග්​ම්॑සි॒ සර්වා᳚ශ්ච දේ॒වතා॑ වෂට්කා॒රස්තා ය-ථ්ස॒හ සර්වා॑ නි॒ර්වපේ॑දීශ්ව॒රා ඒ॑න-ම්ප්ර॒දහෝ॒ ද්වේ ප්ර॑ථ॒මේ නි॒රුප්ය॑ ධා॒තුස්තෘ॒තීය॒-න්නිව॑ර්පේ॒-ත්තථෝ॑ ඒ॒වෝත්ත॑රේ॒ නිව॑ර්පේ॒-ත්තථෛ॑න॒-න්න ප්රද॑හ॒න්ත්ය ථෝ॒ යස්මෛ॒ කාමා॑ය නිරු॒ප්යන්තේ॒ තමේ॒වා-ऽऽභි॒රුපා᳚-ऽऽප්නෝති ॥ 35 ॥
(ප॒ශුකා॑ම॒ශ්ඡන්දාග්​ම්॑සි॒ වෛ දේවි॑කා॒ශ්ඡන්දාග්​ම්॑සි॒-ග්රාමං॑-කල්පයත්යේ॒තා ඒ॒ව නි-රු॑ත්ත॒මන්ධා॒තාර॑-ඞ්කරෝති - මේ॒ධා න॑මත්යේ॒තා ඒ॒ව නිර්ව॑පේ - ද॒ෂ්ටෞ - ද॑හන්ති॒ - නව॑ ච) (අ. 9)
(දේවි॑කාඃ ප්ර॒ජාකා॑මෝ මිථු॒නී ප॒ශුකා॑මඃ॒ ප්රෛව ග්රාම॑කාමෝ॒ ජ්යෝගා॑මයාවී॒ යං-යඁ॒ජ්ඤෝ ය ඊ॑ජා॒නෝ ය-ම්මේ॒ධා රුක්කා॑මෝ॒-ऽෂ්ටෞ । දේවි॑කා භවන්ති දධති රා॒ෂ්ට්රකා॑මාය භවති දධාති ।)

වාස්තෝ᳚ෂ්පතේ॒ ප්රති॑ ජානී හ්ය॒ස්මාන්-ථ්ස්වා॑වේ॒ශෝ අ॑නමී॒වෝ භ॑වානඃ । ය-ත්ත්වේම॑හේ॒ ප්රති॒තන්නෝ॑ ජුෂස්ව॒ ශන්න॑ ඒධි ද්වි॒පදේ॒ ශඤ්චතු॑ෂ්පදේ ॥ වාස්තෝ᳚ෂ්පතේ ශ॒ග්මයා॑ ස॒ග්​ම්॒ සදා॑තේ සක්ෂී॒මහි॑ ර॒ණ්වයා॑ ගාතු॒මත්යා᳚ । ආවඃ॒, ක්ෂේම॑ උ॒ත යෝගේ॒ වර॑න්නෝ යූ॒ය-ම්පා॑ත ස්ව॒ස්තිභි॒-ස්සදා॑නඃ ॥ ය-ථ්සා॒ය-ම්ප්රා॑තරග්නිහෝ॒ත්ර-ඤ්ජු॒හෝත්යා॑හුතීෂ්ට॒කා ඒ॒ව තා උප॑ ධත්තේ॒ [තා උප॑ ධත්තේ, යජ॑මානෝ-ऽහෝරා॒ත්රාණි॒] 36

යජ॑මානෝ-ऽහෝරා॒ත්රාණි॒ වා ඒ॒තස්යේෂ්ට॑කා॒ ය ආහි॑තාග්නි॒ර්ය-ථ්සා॒ය-ම්ප්රා॑තර්ජු॒හෝත්ය॑හෝරා॒ත්රාණ්යේ॒වා ऽऽප්ත්වේෂ්ට॑කාඃ කෘ॒ත්වෝප॑ ධත්තේ॒ දශ॑ සමා॒නත්ර॑ ජුහෝති॒ දශා᳚ක්ෂරා වි॒රා-ඩ්වි॒රාජ॑මේ॒වා-ऽऽප්ත්වේෂ්ට॑කා-ඞ්කෘ॒ත්වෝප॑ ධ॒ත්තේ-ऽථෝ॑ වි॒රාජ්යේ॒ව ය॒ජ්ඤමා᳚ප්නෝති॒ චිත්ය॑ශ්චිත්යෝ-ऽස්ය භවති॒ තස්මා॒ද්යත්ර॒ දශෝ॑ෂි॒ත්වා ප්ර॒යාති॒ ත-ද්ය॑ජ්ඤවා॒ස්ත්වවා᳚ස්ත්වේ॒ව තද්ය-ත්තතෝ᳚-ऽර්වා॒චීනග්​ම්॑ [තද්ය-ත්තතෝ᳚-ऽර්වා॒චීන᳚ම්, රු॒ද්රඃ ඛලු॒ වෛ] 37

රු॒ද්රඃ ඛලු॒ වෛ වා᳚ස්තෝෂ්ප॒තිර්යදහු॑ත්වා වාස්තෝෂ්ප॒තීය॑-ම්ප්රයා॒යා-ද්රු॒ද්ර ඒ॑න-ම්භූ॒ත්වා-ऽග්නිර॑නූ॒ත්ථාය॑ හන්යාද්වාස්තෝෂ්ප॒තීය॑-ඤ්ජුහෝති භාග॒ධේයේ॑නෛ॒වෛනග්​ම්॑ ශමයති॒ නා-ऽऽර්ති॒මාර්ච්ඡ॑ති॒ යජ॑මානෝ॒ යද්යු॒ක්තේ ජු॑හු॒යාද්යථා॒ ප්රයා॑තේ॒ වාස්තා॒වාහු॑ති-ඤ්ජු॒හෝති॑ තා॒දෘගේ॒ව තද්යදයු॑ක්තේ ජුහු॒යාද්යථා॒ ක්ෂේම॒ ආහු॑ති-ඤ්ජු॒හෝති॑ තා॒දෘගේ॒ව තදහු॑තමස්ය වාස්තෝෂ්ප॒තීයග්ග්॑ ස්යා॒- [ස්යාත්, දක්ෂි॑ණෝ] 38

-ද්දක්ෂි॑ණෝ යු॒ක්තෝ භව॑ති ස॒ව්යෝ-ऽයු॒ක්තෝ-ऽථ॑ වාස්තෝෂ්ප॒තීය॑-ඤ්ජුහෝත්යු॒භය॑මේ॒වා-ऽ ක॒රප॑රිවර්ගමේ॒වෛනග්​ම්॑ ශමයති॒ යදේක॑යා ජුහු॒යාද්ද॑ර්විහෝ॒ම-ඞ්කු॑ර්යා-ත්පුරෝ-ऽනුවා॒ක්යා॑ ම॒නූච්ය॑ යා॒ජ්ය॑යා ජුහෝති සදේව॒ත්වාය॒ යද්ධු॒ත ආ॑ද॒ද්ධ්යා-ද්රු॒ද්ර-ඞ්ගෘ॒හාන॒න්වාරෝ॑හයේ॒-ද්යද॑ව॒ක්ෂාණා॒න්යස॑-ම්ප්රක්ෂාප්ය ප්රයා॒යාද්යථා॑ යජ්ඤවේශ॒සං-වාඁ॒-ऽऽදහ॑නං-වාඁ තා॒දෘගේ॒ව තද॒යන්තේ॒ යෝනි॑ර්-ඍ॒ත්විය॒ ඉත්ය॒රණ්යෝ᳚-ස්ස॒මාරෝ॑හය- [ඉත්ය॒රණ්යෝ᳚-ස්ස॒මාරෝ॑හයති, ඒ॒ෂ වා] 39

-ත්යේ॒ෂ වා අ॒ග්නේර්යෝනි॒-ස්ස්ව ඒ॒වෛනං॒-යෝඁනෞ॑ ස॒මාරෝ॑හය॒ත්යථෝ॒ ඛල්වා॑හු॒ර්යද॒රණ්යෝ᳚-ස්ස॒මාරූ॑ඪෝ॒ නශ්යේ॒දුද॑ස්යා॒ග්නි-ස්සී॑දේ-ත්පුනරා॒ධේය॑-ස්ස්යා॒දිති॒ යා තේ॑ අග්නේ ය॒ජ්ඤියා॑ ත॒නූස්තයේහ්යා රෝ॒හේත්යා॒ත්මන්-ථ්ස॒මාරෝ॑හයතේ॒ යජ॑මානෝ॒ වා අ॒ග්නේර්යෝනි॒-ස්ස්වායා॑මේ॒වෛනං॒-යෝඁන්යාග්​ම්॑ ස॒මාරෝ॑හයතේ ॥ 40 ॥
(ධ॒ත්තේ॒-ऽර්වා॒චීනග්ග්॑ -ස්යා-ථ්ස॒මාරෝ॑හයති॒ -පඤ්ච॑චත්වාරිග්​ම්ශච්ච) (අ. 10)

ත්වම॑ග්නේ බෘ॒හද්වයෝ॒ දධා॑සි දේව දා॒ශුෂේ᳚ । ක॒විර්ගෘ॒හප॑ති॒ර්යුවා᳚ ॥ හ॒ව්ය॒වාඩ॒ග්නිර॒ජරඃ॑ පි॒තා නෝ॑ වි॒භුර්වි॒භාවා॑ සු॒දෘශී॑කෝ අ॒ස්මේ । සු॒ගා॒ර්॒හ॒ප॒ත්යා-ස්සමිෂෝ॑ දිදීහ්යස්ම॒ද්රිය॒ඛ්ස-ම්මි॑මීහි॒ ශ්රවාග්​ම්॑සි ॥ ත්ව-ඤ්ච॑ සෝම නෝ॒ වශෝ॑ ජී॒වාතු॒-න්න ම॑රාමහේ । ප්රි॒යස්තෝ᳚ත්රෝ॒ වන॒ස්පතිඃ॑ ॥ බ්ර॒හ්මා දේ॒වානා᳚-ම්පද॒වීඃ ක॑වී॒නාමෘෂි॒ර්විප්රා॑ණා-ම්මහි॒ෂෝ මෘ॒ගාණා᳚ම් । ශ්යේ॒නෝ ගෘද්ධ්රා॑ණා॒ග්॒ ස්වධි॑ති॒ ර්වනා॑නා॒ග්​ම්॒ සෝමඃ॑ [සෝමඃ॑, ප॒විත්ර॒මත්යේ॑ති॒] 41

ප॒විත්ර॒මත්යේ॑ති॒ රේභන්න්॑ ॥ ආ වි॒ශ්වදේ॑ව॒ග්​ම්॒ සත්ප॑තිග්​ම් සූ॒ක්තෛර॒ද්යා වෘ॑ණීමහේ । ස॒ත්යස॑වග්​ම් සවි॒තාර᳚ම් ॥ ආස॒ත්යේන॒ රජ॑සා॒ වර්ත॑මානෝ නිවේ॒ශය॑න්න॒මෘත॒-ම්මර්ත්ය॑ඤ්ච । හි॒ර॒ණ්යයේ॑න සවි॒තා රථේ॒නා-ऽऽ දේ॒වෝයා॑ති॒ භුව॑නා වි॒පශ්යන්න්॑ ॥ යථා॑ නෝ॒ අදි॑තිඃ॒ කර॒-ත්පශ්වේ॒ නෘභ්යෝ॒ යථා॒ ගවේ᳚ । යථා॑ තෝ॒කාය॑ රු॒ද්රිය᳚ම් ॥ මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා [ ] 42

නෝ॒ අශ්වේ॑ෂු රීරිෂඃ । වී॒රා-න්මානෝ॑ රුද්ර භාමි॒තෝ ව॑ධීර්​හ॒විෂ්ම॑න්තෝ॒ නම॑සා විධේම තේ ॥ උ॒ද॒ප්රුතෝ॒ න වයෝ॒ රක්ෂ॑මාණා॒ වාව॑දතෝ අ॒භ්රිය॑ස්යේව॒ ඝෝෂාඃ᳚ । ගි॒රි॒භ්රජෝ॒ නෝර්මයෝ॒ මද॑න්තෝ॒ බෘහ॒ස්පති॑ම॒භ්ය॑ර්කා අ॑නාවන්න් ॥ හ॒ග්​ම්॒සෛරි॑ව॒ සඛි॑භි॒ර්වාව॑දද්භිරශ්ම॒න්- මයා॑නි॒ නහ॑නා॒ ව්යස්යන්න්॑ । බෘහ॒ස්පති॑රභි॒කනි॑ක්රද॒ද්ගා උ॒ත ප්රාස්තෞ॒දුච්ච॑ වි॒ද්වාග්​ම් අ॑ගායත් ॥ ඒන්ද්ර॑ සාන॒සිග්​ම් ර॒යිග්​ම් [ර॒යිම්, ස॒ජිත්වා॑නග්​ම් සදා॒සහ᳚ම් ।] 43

ස॒ජිත්වා॑නග්​ම් සදා॒සහ᳚ම් । වර්​ෂි॑ෂ්ඨමූ॒තයේ॑ භර ॥ ප්ර ස॑සාහිෂේ පුරුහූත॒ ශත්රූ॒න් ජ්යේෂ්ඨ॑ස්තේ॒ ශුෂ්ම॑ ඉ॒හ රා॒තිර॑ස්තු । ඉන්ද්රා-ऽऽ භ॑ර॒ දක්ෂි॑ණේනා॒ වසූ॑නි॒ පති॒-ස්සින්ධූ॑නාමසි රේ॒වතී॑නාම් ॥ ත්වග්​ම් සු॒තස්ය॑ පී॒තයේ॑ ස॒ද්යෝ වෘ॒ද්ධෝ අ॑ජායථාඃ । ඉන්ද්ර॒ ජ්යෛෂ්ඨ්යා॑ය සුක්රතෝ ॥ භුව॒ස්ත්වමි॑න්ද්ර॒ බ්රහ්ම॑ණා ම॒හා-න්භුවෝ॒ විශ්වේ॑ෂු॒ සව॑නේෂු ය॒ජ්ඤියඃ॑ । භුවෝ॒ නॄග්​ශ්ච්යෞ॒ත්නෝ විශ්ව॑ස්මි॒-න්භරේ॒ ජ්යේෂ්ඨ॑ශ්ච॒ මන්ත්රෝ॑ [මන්ත්රඃ॑, වි॒ශ්ව॒ච॒ර්​ෂ॒ණේ॒ ।] 44

විශ්වචර්​ෂණේ ॥ මි॒ත්රස්ය॑ චර්​ෂණී॒ධෘත॒-ශ්ශ්රවෝ॑ දේ॒වස්ය॑ සාන॒සිම් ।
ස॒ත්ය-ඤ්චි॒ත්ර ශ්ර॑වස්තමම් ॥ මි॒ත්රෝ ජනාන්॑ යාතයති ප්රජා॒න-න්මි॒ත්රෝ දා॑ධාර පෘථි॒වීමු॒ත ද්යාම් । මි॒ත්රඃ කෘ॒ෂ්ටීරනි॑මිෂා॒-ऽභි ච॑ෂ්ටේ ස॒ත්යාය॑ හ॒ව්ය-ඞ්ඝෘ॒තව॑-ද්විධේම ॥ ප්රසමි॑ත්ර॒ මර්තෝ॑ අස්තු॒ ප්රය॑ස්වා॒න්॒. යස්ත॑ ආදිත්ය॒ ශික්ෂ॑ති ව්ර॒තේන॑ । න හ॑න්යතේ॒ න ජී॑යතේ॒ ත්වෝතෝ॒ නෛන॒මග්​ම්හෝ॑ අශ්ඤෝ॒ත්යන්ති॑තෝ॒ න දූ॒රාත් ॥ ය- [යත්, චි॒ද්ධි තේ॒ විශෝ॑] 45

-ච්චි॒ද්ධි තේ॒ විශෝ॑ යථා॒ ප්රදේ॑ව වරුණ ව්ර॒තම් । මි॒නී॒මසි॒ ද්යවි॑ද්යවි ॥ ය-ත්කිඤ්චේ॒දං-වඁ ॑රුණ॒ දෛව්යේ॒ ජනේ॑-ऽභිද්රෝ॒හ-ම්ම॑නු॒ෂ්යා᳚ශ්චරා॑මසි । අචි॑ත්තී॒ය-ත්තව॒ ධර්මා॑ යුයෝපි॒මමා න॒ස්තස්මා॒ දේන॑සෝ දේව රීරිෂඃ ॥ කි॒ත॒වාසෝ॒ යද්රි॑ රි॒පුර්න දී॒වි යද්වා॑ ඝා ස॒ත්ය මු॒තයන්න වි॒ද්ම । සර්වා॒ තා විෂ්ය॑ ශිථි॒රේ ව॑ දේ॒වාථා॑ තේ ස්යාම වරුණ ප්රි॒යාසඃ॑ ॥ 46 ॥
(සෝමෝ॒-ගෝෂු॒ මා- ර॒යිං - මන්ත්රෝ॒ -ය-ච්ඡි॑ථි॒රා-ස॒ප්ත ච॑ ) (අ. 11)

(වි වා ඒ॒තස්යා - ऽऽවා॑යෝ - ඉ॒මේ වෛ - චි॒ත්තඤ්චා॒ - ऽග්නිර්භූ॒තානාං᳚ - දේ॒වා වා අ॑භ්යාතා॒නා - නෘ॑තා॒ෂාඩ් - රා॒ෂ්ට්රකා॑මාය॒ - දේවි॑කා॒ - වාස්තෝ᳚ෂ්පතේ॒ - ත්වම॑ග්නේ බෘ॒හ - දේකා॑දශ )

(වි වා ඒ॒තස්යේ - ත්යා॑හ - මෘ॒ත්යුර්ග॑න්ධ॒ර්වෝ - ऽව॑ රුන්ධේ මද්ධ්ය॒ත - ස්ත්වම॑ග්නේ බෘ॒හථ් - ෂට්ච॑ත්වාරිග්​ම්ශත්)

(වි වා ඒ॒තස්ය॑, ප්රි॒යාසඃ॑ )

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ චතුර්ථඃ ප්රශ්න-ස්සමාප්තඃ ॥