කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ තෘතීයඃ ප්රශ්නඃ - වෛකෘතවිධීනාමභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අග්නේ॑ තේජස්වි-න්තේජ॒ස්වී ත්ව-න්දේ॒වේෂු॑ භූයා॒ස්තේජ॑ස්වන්ත॒-ම්මාමායු॑ෂ්මන්තං॒-වඁර්ච॑ස්වන්ත-ම්මනු॒ෂ්යේ॑ෂු කුරු දී॒ක්ෂායෛ॑ ච ත්වා॒ තප॑සශ්ච॒ තේජ॑සේ ජුහෝමි තේජෝ॒විද॑සි॒ තේජෝ॑ මා॒ මා හා॑සී॒න්මා-ऽහ-න්තේජෝ॑ හාසිෂ॒-ම්මා මා-න්තේජෝ॑ හාසී॒දින්ද්රෞ॑ජස්වින්නෝජ॒ස්වී ත්ව-න්දේ॒වේෂු॑ භූයා॒ ඕජ॑ස්වන්ත॒-ම්මාමායු॑ෂ්මන්තං॒-වඁර්ච॑ස්වන්ත-ම්මනු॒ෂ්යේ॑ෂු කුරු॒ බ්රහ්ම॑ණශ්ච ත්වා ක්ෂ॒ත්රස්ය॒ චෞ- [ක්ෂ॒ත්රස්ය॒ ච, ඕජ॑සේ ජුහෝම්යෝජෝ॒වි-] 1

-ජ॑සේ ජුහෝම්යෝජෝ॒වි-ද॒ස්යෝජෝ॑ මා॒ මා හා॑සී॒න්මා-ऽහමෝජෝ॑ හාසිෂ॒-ම්මා මාමෝජෝ॑ හාසී॒-ථ්සූර්ය॑ භ්රාජස්වි-න්භ්රාජ॒ස්වී ත්ව-න්දේ॒වේෂු॑ භූයා॒ භ්රාජ॑ස්වන්ත॒-ම්මාමායු॑ෂ්මන්තං॒-වඁර්ච॑ස්වන්ත-ම්මනු॒ෂ්යේ॑ෂු කුරු වා॒යෝශ්ච॑ ත්වා॒-ऽපාඤ්ච॒ භ්රාජ॑සේ ජුහෝමිසුව॒ර්විද॑සි॒ සුව॑ර්මා॒ මා හා॑සී॒න්මා-ऽහග්​ම් සුව॑ර්​හාසිෂ॒-ම්මා මාග්​ම් සුව॑ර්​හාසී॒-න්මයි॑ මේ॒ධා-ම්මයි॑ ප්ර॒ජා-ම්මය්ය॒ග්නිස්තේජෝ॑ දධාතු॒ මයි॑ මේ॒ධා-ම්මයි॑ ප්ර॒ජා-ම්මයීන්ද්ර॑ ඉන්ද්රි॒ය-න්ද॑ධාතු॒ මයි॑ මේ॒ධා-ම්මයි॑ ප්ර॒ජා-ම්මයි॒ සූර්යෝ॒ භ්රාජෝ॑ දධාතු ॥ 2 ॥
(ක්ෂ॒ත්රස්ය॑ ච॒ - මයි॒ - ත්රයෝ॑විග්​ම්ශතිශ්ච) (අ. 1)

වා॒යුර්​හි॑කං॒ර්තා-ऽග්නිඃ ප්ර॑ස්තෝ॒තා ප්ර॒ජාප॑ති॒-ස්සාම॒ බෘහ॒ස්පති॑රුද්ගා॒තා විශ්වේ॑ දේ॒වා උ॑පගා॒තාරෝ॑ ම॒රුතඃ॑ ප්රතිහ॒ර්තාර॒ ඉන්ද්රෝ॑ නි॒ධන॒න්තේ දේ॒වාඃ ප්රා॑ණ॒භෘතඃ॑ ප්රා॒ණ-ම්මයි॑ දධත්වේ॒තද්වෛ සර්ව॑මද්ධ්ව॒ර්යු-රු॑පාකු॒ර්වන්නු॑ද්ගා॒තෘභ්ය॑ උ॒පාක॑රෝති॒ තේ දේ॒වාඃ ප්රා॑ණ॒භෘතඃ॑ ප්රා॒ණ-ම්මයි॑ දධ॒ත්විත්යා॑හෛ॒තදේ॒ව සව॑ර්මා॒ත්ම-න්ධ॑ත්ත॒ ඉඩා॑ දේව॒හූ ර්මනු॑-ර්යජ්ඤ॒නී-ර්බෘහ॒ස්පති॑රුක්ථාම॒දානි॑ ශග්​ම්සිෂ॒-ද්විශ්වේ॑ දේ॒වා- [දේ॒වාඃ, සූ॒ක්ත॒වාචඃ॒ පෘථි॑වි] 3

-ස්සූ᳚ක්ත॒වාචඃ॒ පෘථි॑වි මාත॒ර්මා මා॑හිග්​ම්සී॒ ර්මධු॑ මනිෂ්යේ॒ මධු॑ ජනිෂ්යේ॒ මධු॑වක්ෂ්යාමි॒ මධු॑වදිෂ්යාමි॒ මධු॑මතී-න්දේ॒වේභ්යෝ॒ වාච॑මුද්යාසග්​ම් ශුශ්රූ॒ෂේණ්යා᳚-ම්මනු॒ෂ්යේ᳚භ්ය॒ස්ත-ම්මා॑ දේ॒වා අ॑වන්තු ශෝ॒භායෛ॑ පි॒තරෝ-ऽනු॑ මදන්තු ॥ 4 ॥
(ශ॒ග්​ම්॒සි॒ෂ॒-ද්විශ්වේ॑ දේ॒වා - අ॒ෂ්ටාවිග්​ම්॑ශතිශ්ච) (අ. 2)

වස॑වස්ත්වා॒ ප්රව॑හන්තු ගාය॒ත්රේණ॒ ඡන්ද॑සා॒-ऽග්නේඃ ප්රි॒ය-ම්පාථ॒ උපේ॑හි රු॒ද්රාස්ත්වා॒ ප්රවෘ॑හන්තු॒ ත්රෛෂ්ටු॑භේන॒ ඡන්ද॒සේන්ද්ර॑ස්ය ප්රි॒ය-ම්පාථ॒ උපේ᳚හ්යාදි॒ත්යාස්ත්වා॒ ප්රවෘ॑හන්තු॒ ජාග॑තේන॒ ඡන්ද॑සා॒ විශ්වේ॑ෂා-න්දේ॒වානා᳚-ම්ප්රි॒ය-ම්පාථ॒ උපේ॑හි॒ මාන්දා॑සු තේ ශුක්ර ශු॒ක්රමා ධූ॑නෝමි භ॒න්දනා॑සු॒ කෝත॑නාසු॒ නූත॑නාසු॒ රේශී॑ෂු॒ මේෂී॑ෂු॒ වාශී॑ෂු විශ්ව॒භෘථ්සු॒ මාද්ධ්වී॑ෂු කකු॒හාසු॒ ශක්ව॑රීෂු [ ] 5

ශු॒ක්රාසු॑ තේ ශුක්ර ශු॒ක්රමා ධූ॑නෝමි ශු॒ක්ර-න්තේ॑ ශු॒ක්රේණ॑ ගෘහ්ණා॒ම්යහ්නෝ॑ රූ॒පේණ॒ සූර්ය॑ස්ය ර॒ශ්මිභිඃ॑ ॥ ආ-ऽස්මි॑න්නු॒ග්රා අ॑චුච්යවුර්දි॒වෝ ධාරා॑ අසශ්චත ॥ ක॒කු॒හග්​ම් රූ॒පං-වෘඁ ॑ෂ॒භස්ය॑ රෝචතේ බෘ॒හ-ථ්සෝම॒-ස්සෝම॑ස්ය පුරෝ॒ගා-ශ්ශු॒ක්ර-ශ්ශු॒ක්රස්ය॑ පුරෝ॒ගාඃ ॥ ය-ත්තේ॑ සෝ॒මාදා᳚භ්ය॒-න්නාම॒ ජාගෘ॑වි॒ තස්මෛ॑ තේ සෝම॒ සෝමා॑ය॒ ස්වාහෝ॒ශි-ක්ත්ව-න්දේ॑ව සෝම ගාය॒ත්රේණ॒ ඡන්ද॑සා॒-ऽග්නේඃ [ඡන්ද॑සා॒-ऽග්නේඃ, ප්රි॒ය-ම්පාථෝ॒] 6

ප්රි॒ය-ම්පාථෝ॒ අපී॑හි ව॒ශී ත්ව-න්දේ॑ව සෝම॒ ත්රෛෂ්ටු॑භේන॒ ඡන්ද॒සේන්ද්ර॑ස්ය ප්රි॒ය-ම්පාථෝ॒ අපී᳚හ්ය॒ස්මථ්ස॑ඛා॒ ත්ව-න්දේ॑ව සෝම॒ ජාග॑තේන॒ ඡන්ද॑සා॒ විශ්වේ॑ෂා-න්දේ॒වානා᳚-ම්ප්රි॒ය-ම්පාථෝ॒ අපී॒හ්යා නඃ॑ ප්රා॒ණ ඒ॑තු පරා॒වත॒ ආ-ऽන්තරි॑ක්ෂාද්දි॒වස්පරි॑ । ආයුඃ॑ පෘථි॒ව්යා අද්ධ්ය॒මෘත॑මසි ප්රා॒ණාය॑ ත්වා ॥ ඉ॒න්ද්රා॒ග්නී මේ॒ වර්චඃ॑ කෘණුතාං॒-වඁර්ච॒-ස්සෝමෝ॒ බෘහ॒ස්පතිඃ॑ । වර්චෝ॑ මේ॒ විශ්වේ॑දේ॒වා වර්චෝ॑ මේ ධත්තමශ්විනා ॥ ද॒ධ॒න්වේ වා॒ යදී॒මනු॒ වෝච॒ද්බ්රහ්මා॑ණි॒ වේරු॒ තත් । පරි॒ විශ්වා॑නි॒ කාව්යා॑ නේ॒මිශ්ච॒ක්රමි॑වා භවත් ॥ 7 ॥
(ශක්ව॑රීෂ්ව॒ - ග්නේ - ර්බෘහ॒ස්පතිඃ॒ - පඤ්ච॑විග්​ම්ශතිශ්ච) (අ. 3)

ඒ॒තද්වා අ॒පා-න්නා॑ම॒ධේය॒-ඞ්ගුහ්යං॒-යඁදා॑ධා॒වා මාන්දා॑සු තේ ශුක්ර ශු॒ක්රමා ධූ॑නෝ॒මීත්යා॑හා॒පාමේ॒ව නා॑ම॒ධේයේ॑න॒ ගුහ්යේ॑න දි॒වෝ වෘෂ්ටි॒මව॑ රුන්ධේ ශු॒ක්ර-න්තේ॑ ශු॒ක්රේණ॑ ගෘහ්ණා॒මීත්යා॑හෛ॒තද්වා අහ්නෝ॑ රූ॒පං-යඁද්රාත්රි॒-ස්සූර්ය॑ස්ය ර॒ශ්මයෝ॒ වෘෂ්ට්යා॑ ඊශ॒තේ-ऽහ්න॑ ඒ॒ව රූ॒පේණ॒ සූර්ය॑ස්ය ර॒ශ්මිභි॑ර්දි॒වෝ වෘෂ්ටි॑-ඤ්ච්යාවය॒ත්යා-ऽස්මි॑න්නු॒ග්රා [-ऽස්මි॑න්නු॒ග්රාඃ, අ॒චු॒ච්ය॒වු॒රිත්යා॑හ] 8

අ॑චුච්යවු॒රිත්යා॑හ යථාය॒ජුරේ॒වෛත-ත්ක॑කු॒හග්​ම් රූ॒පං-වෘඁ ॑ෂ॒භස්ය॑ රෝචතේ බෘ॒හදිත්යා॑හෛ॒තද්වා අ॑ස්ය කකු॒හග්​ම් රූ॒පං-යඁ-ද්වෘෂ්ටී॑ රූ॒පේණෛ॒ව වෘෂ්ටි॒මව॑ රුන්ධේ॒ යත්තේ॑ සෝ॒මාදා᳚භ්ය॒-න්නාම॒ ජාගෘ॒වීත්යා॑හෛ॒ෂ හ॒ වෛ හ॒විෂා॑ හ॒විර්ය॑ජති॒ යෝ-ऽදා᳚භ්ය-ඞ්ගෘහී॒ත්වා සෝමා॑ය ජු॒හෝති॒පරා॒ වා ඒ॒තස්යා-ऽऽයුඃ॑ ප්රා॒ණ ඒ॑ති॒ [ප්රා॒ණ ඒ॑ති, යෝ-ऽග්​ම්॑ශු-] 9

යෝ-ऽග්​ම්॑ශු-ඞ්ගෘ॒හ්ණාත්යා නඃ॑ ප්රා॒ණ ඒ॑තු පරා॒වත॒ ඉත්යා॒හා-ऽऽයු॑රේ॒ව ප්රා॒ණමා॒ත්ම-න්ධ॑ත්තේ॒ ऽමෘත॑මසි ප්රා॒ණාය॒ ත්වේති॒ හිර॑ණ්යම॒භි ව්ය॑නිත්ය॒මෘතං॒-වෛඁ හිර॑ණ්ය॒මායුඃ॑ ප්රා॒ණෝ॑-ऽමෘතේ॑නෛ॒වා-ऽऽයු॑රා॒ත්ම-න්ධ॑ත්තේ ශ॒තමා॑න-ම්භවති ශ॒තායුඃ॒ පුරු॑ෂ-ශ්ශ॒තේන්ද්රි॑ය॒ ආයු॑ෂ්යේ॒වේන්ද්රි॒යේ ප්රති॑තිෂ්ඨත්ය॒ප උප॑ ස්පෘශති භේෂ॒ජං-වාඁ ආපෝ॑ භේෂ॒ජමේ॒ව කු॑රුතේ ॥ 10 ॥
(උ॒ග්රා - ඒ॒ත්යා - ප॒ - ස්ත්රීණි॑ ච) (අ. 4)

වා॒යුර॑සි ප්රා॒ණෝ නාම॑ සවි॒තුරාධි॑පත්යේ-ऽපා॒න-ම්මේ॑ දා॒ශ්චක්ෂු॑රසි॒ ශ්රෝත්ර॒-න්නාම॑ ධා॒තුරාධි॑පත්ය॒ ආයු॑ර්මේ දා රූ॒පම॑සි॒ වර්ණෝ॒ නාම॒ බෘහ॒ස්පතේ॒රාධි॑පත්යේ ප්ර॒ජා-ම්මේ॑ දා ඍ॒තම॑සි ස॒ත්ය-න්නාමේන්ද්ර॒ස්යා-ऽऽධි॑පත්යේ ක්ෂ॒ත්ර-ම්මේ॑ දා භූ॒තම॑සි॒ භව්ය॒-න්නාම॑ පිතෘ॒ණාමාධි॑පත්යේ॒-ऽපා-මෝෂ॑ධීනා॒-ඞ්ගර්භ॑-න්ධා ඍ॒තස්ය॑ ත්වා॒ ව්යෝ॑මන ඍ॒තස්ය॑ [ ] 11

ත්වා॒ විභූ॑මන ඍ॒තස්ය॑ ත්වා॒ විධ॑ර්මණ ඍ॒තස්ය॑ ත්වා ස॒ත්යාය॒ර්තස්ය॑ ත්වා॒ ජ්යෝති॑ෂේ ප්ර॒ජාප॑ති ර්වි॒රාජ॑මපශ්ය॒-ත්තයා॑ භූ॒ත-ඤ්ච॒ භව්ය॑-ඤ්චා සෘජත॒ තාමෘෂි॑භ්යස්ති॒රෝ॑-ऽදධා॒-ත්තා-ඤ්ජ॒මද॑ග්නි॒ස්තප॑සා-ऽ පශ්ය॒-ත්තයා॒ වෛ ස පෘශ්ඤී॒න් කාමා॑නසෘජත॒ ත-ත්පෘශ්ඤී॑නා-ම්පෘශ්ඤි॒ත්වං-යඁ-ත්පෘශ්ඤ॑යෝ ගෘ॒හ්යන්තේ॒ පෘශ්ඤී॑නේ॒ව තෛඃ කාමා॒න්॒. යජ॑මා॒නෝ-ऽව॑ රුන්ධේ වා॒යුර॑සි ප්රා॒ණෝ [වා॒යුර॑සි ප්රා॒ණඃ, නාමේත්යා॑හ] 12

නාමේත්යා॑හ ප්රාණාපා॒නාවේ॒වාව॑ රුන්ධේ॒ චක්ෂු॑රසි॒ ශ්රෝත්ර॒-න්නාමේත්යා॒හා-ऽऽයු॑රේ॒වාව॑ රුන්ධේ රූ॒පම॑සි॒ වර්ණෝ॒ නාමේත්යා॑හ ප්ර॒ජාමේ॒වාව॑ රුන්ධඍ॒තම॑සි ස॒ත්ය-න්නාමේත්යා॑හ ක්ෂ॒ත්රමේ॒වාව॑ රුන්ධේ භූ॒තම॑සි॒ භව්ය॒-න්නාමේත්යා॑හ ප॒ශවෝ॒ වා අ॒පාමෝෂ॑ධීනා॒-ඞ්ගර්භඃ॑ ප॒ශූනේ॒වා- [ප॒ශූනේ॒ව, අව॑ රුන්ධ] 13

-ව॑ රුන්ධ ඒ॒තාව॒ද්වෛ පුරු॑ෂ-ම්ප॒රිත॒ස්තදේ॒වාව॑ රුන්ධ ඍ॒තස්ය॑ ත්වා॒ ව්යෝ॑මන॒ ඉත්යා॑හේ॒යං-වාඁ ඍ॒තස්ය॒ ව්යෝ॑මේ॒මාමේ॒වාභි ජ॑යත්යෘ॒තස්ය॑ ත්වා॒ විභූ॑මන॒ ඉත්යා॑හා॒-ऽන්තරි॑ක්ෂං॒-වාඁ ඍ॒තස්ය॒ විභූ॑මා॒න්තරි॑ක්ෂමේ॒වාභි ජ॑යත්යෘ॒තස්ය॑ ත්වා॒ විධ॑ර්මණ॒ ඉත්යා॑හ॒ ද්යෞර්වා ඍ॒තස්ය॒ විධ॑ර්ම॒ දිව॑මේ॒වාභි ජ॑යත්යෘ॒තස්ය॑ [ජ॑යත්යෘ॒තස්ය॑, ත්වා॒ ස॒ත්යායේත්යා॑හ॒] 14

ත්වා ස॒ත්යායේත්යා॑හ॒ දිශෝ॒ වා ඍ॒තස්ය॑ ස॒ත්ය-න්දිශ॑ ඒ॒වාභි ජ॑යත්යෘ॒තස්ය॑ ත්වා॒ ජ්යෝති॑ෂ॒ ඉත්යා॑හ සුව॒ර්ගෝ වෛ ලෝ॒ක ඍ॒තස්ය॒ ජ්යෝති॑-ස්සුව॒ර්ගමේ॒ව ලෝ॒කම॒භි ජ॑යත්යේ॒තාව॑න්තෝ॒ වෛ දේ॑වලෝ॒කාස්තානේ॒වාභි ජ॑යති॒ දශ॒ සම්ප॑ද්යන්තේ॒ දශා᳚ක්ෂරා වි॒රාඩන්නං॑-විඁ॒රා-ඩ්වි॒රාජ්යේ॒වාන්නාද්යේ॒ ප්රති॑තිෂ්ඨති ॥ 15 ॥
(ව්යෝ॑මන ඍ॒තස්ය॑ - ප්රා॒ණඃ - ප॒ශුනේ॒ව - විධ॑ර්ම॒ දිව॑මේ॒වාභි ජ॑යත්යෘ॒තස්ය॒ -ෂට්ච॑ත්වාරිග්​ම්ශච්ච) (අ. 5)

දේ॒වා වෛ ය-ද්ය॒ජ්ඤේන॒ නාවාරු॑න්ධත॒ ත-ත්පරෛ॒රවා॑රුන්ධත॒ ත-ත්පරා॑ණා-ම්පර॒ත්වං-යඁ-ත්පරේ॑ ගෘ॒හ්යන්තේ॒ යදේ॒ව ය॒ජ්ඤේන॒නාව॑රු॒න්ධේ තස්යාව॑රුද්ධ්යෛ॒ ය-ම්ප්ර॑ථ॒ම-ඞ්ගෘ॒හ්ණාතී॒මමේ॒ව තේන॑ ලෝ॒කම॒භි ජ॑යති॒ය-න්ද්වි॒තීය॑ම॒න්තරි॑ක්ෂ॒-න්තේන॒ ය-න්තෘ॒තීය॑ම॒මුමේ॒ව තේන॑ ලෝ॒කම॒භි ජ॑යති॒ යදේ॒තේ ගෘ॒හ්යන්ත॑ ඒ॒ෂාං ඁලෝ॒කානා॑-ම॒භිජි॑ත්යා॒ [-ම॒භිජි॑ත්යා, උත්ත॑රේ॒ෂ්වහ-] 16

උත්ත॑රේ॒ෂ්වහ॑-ස්ස්ව॒මුතෝ॒-ऽර්වාඤ්චෝ॑ ගෘහ්යන්තේ ऽභි॒ජිත්යෛ॒වේමාං-ලෝඁ॒කා-න්පුන॑රි॒මං-ලෝඁ॒ක-ම්ප්ර॒ත්යව॑රෝහන්ති॒ ය-ත්පූර්වේ॒ෂ්වහ॑-ස්ස්වි॒තඃ පරා᳚ඤ්චෝ ගෘ॒හ්යන්තේ॒ තස්මා॑දි॒තඃ පරා᳚ඤ්ච ඉ॒මේ ලෝ॒කා යදුත්ත॑රේ॒ෂ්වහ॑-ස්ස්ව॒මුතෝ॒-ऽර්වාඤ්චෝ॑ ගෘ॒හ්යන්තේ॒ තස්මා॑ද॒මුතෝ॒ ऽර්වාඤ්ච॑ ඉ॒මේ ලෝ॒කාස්තස්මා॒දයා॑තයාම්නෝ ලෝ॒කා-න්ම॑නු॒ෂ්යා॑ උප॑ ජීවන්ති බ්රහ්මවා॒දිනෝ॑ වදන්ති॒ කස්මා᳚-ථ්ස॒ත්යාද॒ද්භ්ය ඕෂ॑ධය॒-ස්ස-ම්භ॑ව॒න්ත්යෝෂ॑ධයෝ [ඕෂ॑ධය॒-ස්ස-ම්භ॑ව॒න්ත්යෝෂ॑ධයඃ, ම॒නු॒ෂ්යා॑ණා॒මන්න॑-] 17

මනු॒ෂ්යා॑ණා॒මන්න॑-ම්ප්ර॒ජාප॑ති-ම්ප්ර॒ජා අනු॒ ප්රජා॑යන්ත॒ ඉති॒ පරා॒නන්විති॑ බ්රූයා॒-ද්ය-ද්ගෘ॒හ්ණාත්ය॒ද්භ්යස්ත්වෞෂ॑ධීභ්යෝ ගෘහ්ණා॒මීති॒ තස්මා॑ද॒ද්භ්ය ඕෂ॑ධය॒-ස්සම්භ॑වන්ති॒ ය-ද්ගෘ॒හ්ණාත්යෝෂ॑ධීභ්යස්ත්වා ප්ර॒ජාභ්යෝ॑ ගෘහ්ණා॒මීති॒ තස්මා॒දෝෂ॑ධයෝ මනු॒ෂ්යා॑ණා॒මන්නං॒-යඁ-ද්ගෘ॒හ්ණාති॑ ප්ර॒ජාභ්ය॑ස්ත්වා ප්ර॒ජාප॑තයේ ගෘහ්ණා॒මීති॒ තස්මා᳚-ත්ප්ර॒ජාප॑ති-ම්ප්ර॒ජා අනු॒ ප්රජා॑යන්තේ ॥ 18 ॥
(අ॒භිජි॑ත්යෛ - භව॒න්ත්යෝෂ॑ධයෝ॒ - ऽෂ්ටා ච॑ත්වාරිග්​ම්ශච්ච) (අ. 6)

ප්ර॒ජාප॑තිර්දේවාසු॒රාන॑ සෘජත॒ තදනු॑ ය॒ජ්ඤෝ॑-ऽසෘජ්යත ය॒ජ්ඤ-ඤ්ඡන්දාග්​ම්॑සි॒ තේ විෂ්ව॑ඤ්චෝ॒ ව්ය॑ක්රාම॒න්-ථ්සෝ-ऽසු॑රා॒නනු॑ ය॒ජ්ඤෝ-ऽපා᳚ක්රාම-ද්ය॒ජ්ඤ-ඤ්ඡන්දාග්​ම්॑සි॒ තේ දේ॒වා අ॑මන්යන්තා॒මී වා ඉ॒දම॑භූව॒න්॒. ය-ද්ව॒යග්ග්​ ස්ම ඉති॒ තේ ප්ර॒ජාප॑ති॒මුපා॑-ऽධාව॒න්-ථ්සෝ᳚-ऽබ්රවීත්-ප්ර॒ජාප॑ති॒ශ්ඡන්ද॑සාං-වීඁ॒ර්ය॑මා॒දාය॒ තද්වඃ॒ ප්ර දා᳚ස්යා॒මීති॒ ස ඡන්ද॑සාං-වීඁ॒ර්ය॑- [ඡන්ද॑සාං-වීඁ॒ර්ය᳚ම්, ආ॒දාය॒ තදේ᳚භ්යඃ॒] 19

-මා॒දාය॒ තදේ᳚භ්යඃ॒ ප්රාය॑ච්ඡ॒-ත්තදනු॒ ඡන්දා॒ග්॒ස්යපා᳚-ऽක්රාම॒න් ඡන්දාග්​ම්॑සි ය॒ජ්ඤස්තතෝ॑ දේ॒වා අභ॑ව॒-න්පරා-ऽසු॑රා॒ ය ඒ॒ව-ඤ්ඡන්ද॑සාං-වීඁ॒ර්යං॑-වේඁදා-ऽऽ ශ්රා॑ව॒යා-ऽස්තු॒ ශ්රෞෂ॒ඩ් යජ॒ යේ යජා॑මහේ වෂට්කා॒රෝ භව॑ත්යා॒ත්මනා॒ පරා᳚-ऽස්ය॒ භ්රාතෘ॑ව්යෝ භවති බ්රහ්මවා॒දිනෝ॑ වදන්ති॒ කස්මෛ॒ කම॑ද්ධ්ව॒ර්යුරා ශ්රා॑වය॒තීති॒ ඡන්ද॑සාං-වීඁ॒ර්යා॑යේති॑ බ්රූයාදේ॒ ත-ද්වෛ [ ] 20

ඡන්ද॑සාං-වීඁ॒ර්ය॑මා ශ්රා॑ව॒යා-ऽස්තු॒ ශ්රෞෂ॒ඩ් යජ॒ යේ යජා॑මහේ වෂට්කා॒රෝ ය ඒ॒වං-වේඁද॒ සවී᳚ර්යෛරේ॒ව ඡන්දෝ॑භිරර්චති॒ ය-ත්කි-ඤ්චාර්ච॑ති॒ යදින්ද්රෝ॑ වෘ॒ත්රමහ॑න්න-මේ॒ද්ධ්ය-න්ත-ද්ය-ද්යතී॑න॒පාව॑පද-මේ॒ද්ධ්ය-න්තදථ॒ කස්මා॑දෛ॒න්ද්රෝ ය॒ජ්ඤ ආ සග්ග්​ස්ථා॑තෝ॒රිත්යා॑හු॒රින්ද්ර॑ස්ය॒ වා ඒ॒ෂා ය॒ජ්ඤියා॑ ත॒නූර්ය-ද්ය॒ජ්ඤස්තාමේ॒ව ත ද්ය॑ජන්ති॒ ය ඒ॒වං-වේඁදෝපෛ॑නං-යඁ॒ජ්ඤෝ න॑මති ॥ 21 ॥
(ඡන්ද॑සාං-වීඁ॒ර්යං॑ - ඁවා - ඒ॒ව ත - ද॒ෂ්ටෞ ච॑) (අ. 7)

ආ॒යුර්දා අ॑ග්නේ හ॒විෂෝ॑ ජුෂා॒ණෝ ඝෘ॒තප්ර॑තීකෝ ඝෘ॒තයෝ॑නිරේධි । ඝෘ॒ත-ම්පී॒ත්වා මධු॒චාරු॒ ගව්ය॑-ම්පි॒තේව॑පු॒ත්රම॒භි ර॑ක්ෂතාදි॒මම් ॥ ආ වෘ॑ශ්ච්යතේ॒ වා ඒ॒ත-ද්යජ॑මානෝ॒-ऽග්නිභ්යාං॒-යඁදේ॑නයෝ-ශ්ශෘත॒-ඞ්කෘත්යාථා॒-ऽන්යත්රා॑-වභෘ॒ථම॒වෛත්යා॑යු॒ර්දා අ॑ග්නේ හ॒විෂෝ॑ ජුෂා॒ණ ඉත්ය॑වභෘ॒ථම॑වෛ॒ෂ්යන් ජු॑හුයා॒දාහු॑ත්යෛ॒වෛනෞ॑ ශමයති॒ නා-ऽऽර්ති॒මාර්ච්ඡ॑ති॒ යජ॑මානෝ॒ ය-ත්කුසී॑ද॒- [ය-ත්කුසී॑දම්, අප්ර॑තීත්ත॒-ම්මයි॒ යේන॑] 22

-මප්ර॑තීත්ත॒-ම්මයි॒ යේන॑ ය॒මස්ය॑ බ॒ලිනා॒ චරා॑මි । ඉ॒හෛව ස-න්නි॒රව॑දයේ॒ තදේ॒ත-ත්තද॑ග්නේ අනෘ॒ණෝ භ॑වාමි । විශ්ව॑ලෝප විශ්වදා॒වස්ය॑ ත්වා॒ ऽऽසඤ්ජු॑හෝම්ය॒ග්ධාදේකෝ॑ ऽහු॒තාදේක॑-ස්සමස॒නාදේකඃ॑ । තේනඃ॑ කෘණ්වන්තු භේෂ॒ජග්​ම් සද॒-ස්සහෝ॒ වරේ᳚ණ්යම් ॥ අ॒ය-න්නෝ॒ නභ॑සා පු॒ර-ස්ස॒ග්ග්॒ස්ඵානෝ॑ අ॒භි ර॑ක්ෂතු । ගෘ॒හාණා॒මස॑මර්ත්යෛ බ॒හවෝ॑ නෝ ගෘ॒හා අ॑සන්න් ॥ ස ත්වන්නෝ॑ [ස ත්වන්නඃ॑, න॒භ॒ස॒ස්ප॒ත॒ ඌර්ජ॑-න්නෝ] 23

නභසස්පත॒ ඌර්ජ॑-න්නෝ ධේහි භ॒ද්රයා᳚ । පුන॑ර්නෝ න॒ෂ්ටමා කෘ॑ධි॒ පුන॑ර්නෝ ර॒යිමා කෘ॑ධි ॥ දේව॑ සග්ග්​ස්ඵාන සහස්රපෝ॒ෂස්යේ॑ශිෂේ॒ ස නෝ॑ රා॒ස්වා-ऽජ්යා॑නිග්​ම් රා॒යස්පෝෂග්​ම්॑ සු॒වීර්යග්​ම්॑ සං​වඁථ්ස॒රීණාග්॑ ස්ව॒ස්තිම් ॥ අ॒ග්නිර්වාව ය॒ම ඉ॒යං-යඁ॒මී කුසී॑දං॒-වාඁ ඒ॒ත-ද්ය॒මස්ය॒ යජ॑මාන॒ ආ ද॑ත්තේ॒ යදෝෂ॑ධීභි॒ර්වේදිග්ග්॑ ස්තෘ॒ණාති॒ යදනු॑පෞෂ්ය ප්රයා॒යා-ද්ග්රී॑වබ॒ද්ධමේ॑න- [-ද්ග්රී॑වබ॒ද්ධමේ॑නම්, අ॒මුෂ්මි॑න් ඁලෝ॒කේ] 24

-ම॒මුෂ්මි॑න් ඁලෝ॒කේ නේ॑නීයේර॒න්॒. ය-ත්කුසී॑ද॒මප්ර॑තීත්ත॒-ම්මයීත්යුපෞ॑ෂතී॒හෛව සන්. ය॒ම-ඞ්කුසී॑ද-න්නිරව॒දායා॑නෘ॒ණ-ස්සු॑ව॒ර්ගං-ලෝඁ॒කමේ॑ති॒යදි॑ මි॒ශ්රමි॑ව॒ චරේ॑දඤ්ජ॒ලිනා॒ සක්තූ᳚-න්ප්රදා॒ව්යේ॑ ජුහුයාදේ॒ෂ වා අ॒ග්නිර්වෛ᳚ශ්වාන॒රෝ ය-ත්ප්ර॑දා॒ව්ය॑-ස්ස ඒ॒වෛනග්ග්॑ස්වදය॒ත්යහ්නාං᳚-විඁ॒ධාන්යා॑-මේකාෂ්ට॒කායා॑මපූ॒ප-ඤ්චතු॑-ශ්ශරාව-ම්ප॒ක්ත්වා ප්රා॒තරේ॒තේන॒ කක්ෂ॒-මුපෞ॑ෂේ॒ද්යදි॒ [-මුපෞ॑ෂේ॒ද්යදි॑, දහ॑ති] 25

දහ॑ති පුණ්ය॒සම॑-ම්භවති॒ යදි॒ න දහ॑ති පාප॒සම॑මේ॒තේන॑ හස්ම॒ වා ඍෂ॑යඃ පු॒රා වි॒ජ්ඤානේ॑න දීර්ඝස॒ත්රමුප॑ යන්ති॒ යෝ වා උ॑පද්ර॒ෂ්ටාර॑මුප-ශ්රෝ॒තාර॑මනුඛ්යා॒තාරං॑-විඁ॒ද්වාන්. යජ॑තේ॒ සම॒මුෂ්මි॑න් ඁලෝ॒ක ඉ॑ෂ්ටාපූ॒ර්තේන॑ ගච්ඡතේ॒-ऽග්නිර්වා උ॑පද්ර॒ෂ්ටා වා॒යුරු॑පශ්රෝ॒තා ऽऽදි॒ත්යෝ॑-ऽනුඛ්යා॒තා තාන්. ය ඒ॒වං-විඁ॒ද්වාන්. යජ॑තේ॒ සම॒මුෂ්මි॑න් ඁලෝ॒ක ඉ॑ෂ්ටාපූ॒ර්තේන॑ ගච්ඡතේ॒ ऽය-න්නෝ॒ නභ॑සා පු॒ර [පු॒රඃ, ඉත්යා॑හා॒ග්නිර්වෛ] 26

ඉත්යා॑හා॒ග්නිර්වෛ නභ॑සා පු॒රෝ᳚-ऽග්නිමේ॒ව තදා॑හෛ॒තන්මේ॑ ගෝපා॒යේති॒ ස ත්ව-න්නෝ॑ නභසස්පත॒ ඉත්යා॑හ වා॒යුර්වෛ නභ॑ස॒ස්පති॑ර්වා॒යුමේ॒ව තදා॑හෛ॒තන්මේ॑ ගෝපා॒යේති॒ දේව॑ සග්ග්​ස්ඵා॒නේත්යා॑හා॒-ऽසෞ වා ආ॑දි॒ත්යෝ දේ॒ව-ස්ස॒ග්ග්॒ස්ඵාන॑ ආදි॒ත්යමේ॒ව තදා॑හෛ॒තන්මේ॑ ගෝපා॒යේති॑ ॥ 27 ॥
(කුසී॑දං॒ - ත්ව-න්න॑ - ඒන - මෝෂේ॒ද්යදි॑ - පු॒ර - ආ॑දි॒ත්යමේ॒ව තදා॑හෛ॒තන්මේ॑ ගෝපා॒යේති॑) (අ. 8)

ඒ॒තං-යුඁවා॑න॒-ම්පරි॑ වෝ දදාමි॒ තේන॒ ක්රීඩ॑න්තීශ්චරත ප්රි॒යේණ॑ । මා න॑-ශ්ශාප්ත ජ॒නුෂා॑ සුභාගා රා॒යස්පෝෂේ॑ණ॒ සමි॒ෂා ම॑දේම ॥ නමෝ॑ මහි॒ම්න උ॒ත චක්ෂු॑ෂේ තේ॒ මරු॑තා-ම්පිත॒ස්තද॒හ-ඞ්ගෘ॑ණාමි । අනු॑ මන්යස්ව සු॒යජා॑ යජාම॒ ජුෂ්ට॑-න්දේ॒වානා॑මි॒දම॑ස්තු හ॒ව්යම් ॥ දේ॒වානා॑මේ॒ෂ උ॑පනා॒හ ආ॑සීද॒පා-ඞ්ගර්භ॒ ඕෂ॑ධීෂු॒ න්ය॑ක්තඃ । සෝම॑ස්ය ද්ර॒ඵ්සම॑වෘණීත පූ॒ෂා [ ] 28

බෘ॒හන්නද්රි॑රභව॒-ත්තදේ॑ෂාම් ॥ පි॒තා ව॒ථ්සානා॒-ම්පති॑රඝ්නි॒යානා॒මථෝ॑ පි॒තා ම॑හ॒තා-ඞ්ගර්ග॑රාණාම් । ව॒ථ්සෝ ජ॒රායු॑ ප්රති॒ධු-ක්පී॒යූෂ॑ ආ॒මික්ෂා॒ මස්තු॑ ඝෘ॒තම॑ස්ය॒ රේතඃ॑ ॥ ත්වා-ඞ්ගාවෝ॑-ऽවෘණත රා॒ජ්යාය॒ ත්වාග්​ම් හ॑වන්ත ම॒රුත॑-ස්ස්ව॒ර්කාඃ । වර්​ෂ්ම॑න් ක්ෂ॒ත්රස්ය॑ ක॒කුභි॑ ශිශ්රියා॒ණස්තතෝ॑ න උ॒ග්රෝ වි භ॑ජා॒ වසූ॑නි ॥ ව්යෘ॑ද්ධේන॒ වා ඒ॒ෂ ප॒ශුනා॑ යජතේ॒ යස්යෛ॒තානි॒ න ක්රි॒යන්ත॑ ඒ॒ෂ හ॒ ත්වෛ සමෘ॑ද්ධේන යජතේ॒ යස්යෛ॒තානි॑ ක්රි॒යන්තේ᳚ ॥ 29 ॥
(පූ॒ෂා - ක්රි॒යන්ත॑ ඒ॒ෂෝ᳚ - ऽෂ්ටෞ ච॑) (අ. 9)

සූර්යෝ॑ දේ॒වෝ දි॑වි॒ෂද්භ්යෝ॑ ධා॒තා ක්ෂ॒ත්රාය॑ වා॒යුඃ ප්ර॒ජාභ්යඃ॑ । බෘහ॒ස්පති॑ස්ත්වා ප්ර॒ජාප॑තයේ॒ ජ්යෝති॑ෂ්මතී-ඤ්ජුහෝතු ॥ යස්යා᳚ස්තේ॒ හරි॑තෝ॒ ගර්භෝ-ऽථෝ॒ යෝනි॑ර්​හිර॒ණ්යයී᳚ । අඞ්ගා॒න්යහ්රු॑තා॒ යස්යෛ॒ තා-න්දේ॒වෛ-ස්සම॑ජීගමම් ॥ ආ ව॑ර්තන වර්තය॒ නි නි॑වර්තන වර්ත॒යේන්ද්ර॑ නර්දබුද । භූම්යා॒ශ්චත॑ස්රඃ ප්ර॒දිශ॒ස්තාභි॒රා ව॑ර්තයා॒ පුනඃ॑ ॥ වි තේ॑ භිනද්මි තක॒රීං-විඁයෝනිං॒-විඁ ග॑වී॒න්යෞ᳚ । වි [ ] 30

මා॒තර॑ඤ්ච පු॒ත්ර-ඤ්ච॒ වි ගර්භ॑-ඤ්ච ජ॒රායු॑ ච ॥ බ॒හිස්තේ॑ අස්තු॒ බාලිති॑ ॥ උ॒රු॒ද්ර॒ඵ්සෝ වි॒ශ්වරූ॑ප॒ ඉන්දුඃ॒ පව॑මානෝ॒ ධීර॑ ආනඤ්ජ॒ ගර්භ᳚ම් ॥ ඒක॑පදී ද්වි॒පදී᳚ ත්රි॒පදී॒ චතු॑ෂ්පදී॒ පඤ්ච॑පදී॒ ෂට්ප॑දී ස॒ප්තප॑ද්ය॒ෂ්ටාප॑දී॒ භුව॒නා-ऽනු॑ ප්රථතා॒ග්॒ ස්වාහා᳚ ॥ ම॒හී ද්යෞඃ පෘ॑ථි॒වී ච॑ න ඉ॒මං-යඁ॒ජ්ඤ-ම්මි॑මික්ෂතාම් । පි॒පෘ॒තාන්නෝ॒ භරී॑මභිඃ ॥ 31 ॥
(ග॒වි॒න්යෞ॑ වි - චතු॑ශ්චත්වාරිග්​ම්ශච්ච) (අ. 10)

ඉ॒දං-වාඁ ॑මා॒ස්යේ॑ හ॒විඃ ප්රි॒යමි॑න්ද්රාබෘහස්පතී । උ॒ක්ථ-ම්මද॑ශ්ච ශස්යතේ ॥ අ॒යං-වාඁ॒-ම්පරි॑ ෂිච්යතේ॒ සෝම॑ඉන්ද්රාබෘහස්පතී । චාරු॒ර්මදා॑ය පී॒තයේ᳚ ॥ අ॒ස්මේ ඉ॑න්ද්රාබෘහස්පතී ර॒යි-න්ධ॑ත්තග්​ම් ශත॒ග්වින᳚ම් । අශ්වා॑වන්තග්​ම් සහ॒ස්රිණ᳚ම් ॥ බෘහ॒ස්පති॑ර්නඃ॒ පරි॑පාතු ප॒ශ්චාදු॒තෝත්ත॑රස්මා॒දධ॑රාදඝා॒යෝඃ । ඉන්ද්රඃ॑ පු॒රස්තා॑දු॒ත ම॑ද්ධ්ය॒තෝ න॒-ස්සඛා॒ සඛි॑භ්යෝ॒ වරි॑වඃ කෘණෝතු ॥ වි තේ॒ විෂ්ව॒ග්වාත॑ජූතාසෝ අග්නේ॒ භාමා॑ස- [අග්නේ॒ භාමා॑සඃ, ශු॒චේ॒ ශුච॑යශ්චරන්ති ।] 32

-ශ්ශුචේ॒ ශුච॑යශ්චරන්ති । තු॒වි॒ම්ර॒ක්ෂාසෝ॑ දි॒ව්යා නව॑ග්වා॒ වනා॑ වනන්ති ධෘෂ॒තා රු॒ජන්තඃ॑ ॥ ත්වාම॑ග්නේ॒ මානු॑ෂීරීඩතේ॒ විශෝ॑ හෝත්රා॒විදං॒-විඁවි॑චිග්​ම් රත්න॒ධාත॑මම් । ගුහා॒ සන්තග්​ම්॑ සුභග වි॒ශ්වද॑ර්​ශත-න්තු විෂ්ම॒ණසග්​ම්॑ සු॒යජ॑-ඞ්ඝෘත॒ශ්රිය᳚ම් ॥ ධා॒තා ද॑දාතු නෝ ර॒යිමීශා॑නෝ॒ ජග॑ත॒ස්පතිඃ॑ । ස නඃ॑ පූ॒ර්ණේන॑ වාවනත් ॥ ධා॒තා ප්ර॒ජායා॑ උ॒ත රා॒ය ඊ॑ශේ ධා॒තේදං-විඁශ්ව॒-ම්භුව॑න-ඤ්ජජාන । ධා॒තා පු॒ත්රං-යඁජ॑මානාය॒ දාතා॒ [දාතා᳚, තස්මා॑] 33

තස්මා॑ උ හ॒ව්ය-ඞ්ඝෘ॒තව॑ද්විධේම ॥ ධා॒තා ද॑දාතු නෝ ර॒යි-ම්ප්රාචී᳚-ඤ්ජී॒වාතු॒මක්ෂි॑තාම් । ව॒ය-න්දේ॒වස්ය॑ ධීමහි සුම॒තිග්​ම් ස॒ත්යරා॑ධසඃ ॥ ධා॒තා ද॑දාතු දා॒ශුෂේ॒ වසූ॑නි ප්ර॒ජාකා॑මාය මී॒ඪුෂේ॑ දුරෝ॒ණේ । තස්මෛ॑ දේ॒වා අ॒මෘතා॒-ස්සං​ව්යඁ ॑යන්තාං॒-විඁශ්වේ॑ දේ॒වාසෝ॒ අදි॑ති-ස්ස॒ජෝෂාඃ᳚ ॥ අනු॑ නෝ॒-ऽද්යා-ऽනු॑මතිර්ය॒ජ්ඤ-න්දේ॒වේෂු॑ මන්යතාම් । අ॒ග්නිශ්ච॑ හව්ය॒වාහ॑නෝ॒ භව॑තා-න්දා॒ශුෂේ॒ මයඃ॑ ॥ අන්විද॑නුමතේ॒ ත්ව- [අන්විද॑නුමතේ॒ ත්වම්, මන්යා॑සෛ॒ ශඤ්ච॑නඃ කෘධි ।] 34

-ම්මන්යා॑සෛ॒ ශඤ්ච॑නඃ කෘධි । ක්රත්වේ॒ දක්ෂා॑ය නෝ හිනු॒ ප්රණ॒ ආයූග්​ම්॑ෂි තාරිෂඃ ॥ අනු॑ මන්යතා-මනු॒මන්ය॑මානා ප්ර॒ජාව॑න්තග්​ම් ර॒යිමක්ෂී॑යමාණම් । තස්යෛ॑ ව॒යග්​ම් හේඩ॑සි॒ මා-ऽපි॑ භූම॒ සා නෝ॑ දේ॒වී සු॒හවා॒ ශර්ම॑ යච්ඡතු ॥ යස්යා॑මි॒ද-ම්ප්ර॒දිශි॒ යද්වි॒රෝච॒තේ-ऽනු॑මති॒-ම්ප්රති॑ භූෂන්ත්යා॒යවඃ॑ । යස්යා॑ උ॒පස්ථ॑ උ॒ර්ව॑න්තරි॑ක්ෂ॒ග්​ම්॒ සා නෝ॑ දේ॒වී සු॒හවා॒ ශර්ම॑ යච්ඡතු ॥ 35 ॥

රා॒කාම॒හග්​ම් සු॒හවාග්​ම්॑ සුෂ්ටු॒තී හු॑වේ ශෘ॒ණෝතු॑ න-ස්සු॒භගා॒ බෝධ॑තු॒ ත්මනා᳚ । සීව්ය॒ත්වප॑-ස්සූ॒ච්යා-ऽච්ඡි॑ද්යමානයා॒ දදා॑තු වී॒රග්​ම් ශ॒තදා॑යමු॒ක්ථ්ය᳚ම් ॥ යාස්තේ॑ රාකේ සුම॒තය॑-ස්සු॒පේශ॑සෝ॒ යාභි॒ර්දදා॑සි දා॒ශුෂේ॒ වසූ॑නි । තාභි॑ර්නෝ අ॒ද්ය සු॒මනා॑ උ॒පාග॑හි සහස්රපෝ॒ෂග්​ම් සු॑භගේ॒ රරා॑ණා ॥ සිනී॑වාලි॒, යා සු॑පා॒ණිඃ ॥ කු॒හූම॒හග්​ම් සු॒භගාං᳚-විඁද්ම॒නාප॑සම॒ස්මින්. ය॒ජ්ඤේ සු॒හවා᳚-ඤ්ජෝහවීමි । සා නෝ॑ දදාතු॒ ශ්රව॑ණ-ම්පිතෘ॒ණා-න්තස්යා᳚ස්තේ දේවි හ॒විෂා॑ විධේම ॥ කු॒හූ-ර්දේ॒වානා॑ම॒මෘත॑ස්ය॒ පත්නී॒ හව්යා॑ නෝ අ॒ස්ය හ॒විෂ॑ශ්චිකේතු । ස-න්දා॒ශුෂේ॑ කි॒රතු॒ භූරි॑ වා॒මග්​ම් රා॒යස්පෝෂ॑-ඤ්චිකි॒තුෂේ॑ දධාතු ॥ 36 ॥
(භාමා॑සෝ॒ - දාතා॒ - ත්ව - ම॒න්තරි॑ක්ෂ॒ග්​ම්॒ සා නෝ॑ දේ॒වී සු॒හවා॒ ශර්ම॑ යච්ඡතු॒ -ශ්රව॑ණං॒ - චතු॑ර්විග්​ම්ශතිශ්ච) (අ. 11)

(අග්නේ॑ තේජස්වින් - වා॒යු - ර්වස॑වස්ත් - වෛ॒තද්වා අ॒පාං - ඁවා॒යුර॑සි ප්රා॒ණෝ නාම॑ - දේ॒වා වෛ යද්ය॒ජ්ඤේන॒න - ප්ර॒ජාප॑ති ර්දේවාසු॒රා - නා॑යු॒ර්දා - ඒ॒තං-යුඁවා॑න॒ග්​ම්॒ - සූර්යෝ॑ දේ॒ව - ඉ॒දං-වාඁ॒ - මේකා॑දශ)

(අග්නේ॑ තේජස්වින් - වා॒යුර॑සි॒ - ඡන්ද॑සාං-වීඁ॒ර්යං॑ - මා॒තර॑ඤ්ච॒ - ෂට්ත්රිග්​ම්॑ශත් )

(අග්නේ॑ තේජස්විග්ග්, ශ්චිකි॒තුෂේ॑ දධාතු )

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ තෘතීයඃ ප්රශ්න-ස්සමාප්තඃ ॥