කෘෂ්ණ යජුර්වේදීය තෛත්තිරීය සංහිතායා-ම්ප්රථමකාණ්ඩේ සප්තමඃ ප්රශ්නඃ - යාජමාන බ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

පා॒ක॒ය॒ජ්ඤං-වාඁ අන්වාහි॑තාග්නේඃ ප॒ශව॒ උප॑ තිෂ්ඨන්ත॒ ඉඩා॒ ඛලු॒ වෛ පා॑කය॒ජ්ඤ-ස්සෛෂා-ऽන්ත॒රා ප්ර॑යාජානූයා॒ජාන්. යජ॑මානස්ය ලෝ॒කේ-ऽව॑හිතා॒ තාමා᳚හ්රි॒යමා॑ණාම॒භි ම॑න්ත්රයේත॒ සුරූ॑පවර්​ෂවර්ණ॒ ඒහීති॑ ප॒ශවෝ॒ වා ඉඩා॑ ප॒ශූනේ॒වෝප॑ හ්වයතේ ය॒ජ්ඤං-වෛඁ දේ॒වා අදු॑හ්රන්. ය॒ජ්ඤෝ-ऽසු॑රාග්​ම් අදුහ॒-ත්තේ-ऽසු॑රා ॒ජ්ඤදු॑ග්ධාඃ॒ පරා॑-ऽභව॒න්॒. යෝ වෛ ය॒ජ්ඤස්ය॒ දෝහං॑-විඁ॒ද්වාන් [ ] 1

යජ॒තේ-ऽප්ය॒න්යං-යඁජ॑මාන-න්දුහේ॒ සා මේ॑ ස॒ත්යා-ऽऽශීර॒ස්ය ය॒ජ්ඤස්ය॑ භූයා॒දිත්යා॑හෛ॒ෂ වෛ ය॒ජ්ඤස්ය॒ දෝහ॒ස්තේනෛ॒වෛන॑-න්දුහේ॒ ප්රත්තා॒ වෛ ගෞර්දු॑හේ॒ ප්රත්තේඩා॒ යජ॑මානාය දුහ ඒ॒තේ වා ඉඩා॑යෛ॒ ස්තනා॒ ඉඩෝප॑හූ॒තේති॑ වා॒යුර්ව॒ථ්සෝ යර්​හි॒ හෝතේඩා॑මුප॒හ්වයේ॑ත॒ තර්​හි॒ යජ॑මානෝ॒ හෝතා॑ර॒මීක්ෂ॑මාණෝ වා॒යු-ම්මන॑සා ධ්යායේ- [ධ්යායේත්, මා॒ත්රේ] 2

-න්මා॒ත්රේ ව॒ථ්ස-මු॒පාව॑සෘජති॒ සර්වේ॑ණ॒ වෛ ය॒ජ්ඤේන॑ දේ॒වා-ස්සු॑ව॒ර්ගං-ලෝඁ॒කමා॑ය-න්පාකය॒ජ්ඤේන॒ මනු॑රශ්රාම්ය॒ථ්සේඩා॒ මනු॑මු॒පාව॑ර්තත॒ තා-න්දේ॑වාසු॒රා ව්ය॑හ්වයන්ත ප්ර॒තීචී᳚-න්දේ॒වාඃ පරා॑චී॒මසු॑රා॒-ස්සා දේ॒වානු॒පාව॑ර්තත ප॒ශවෝ॒ වෛ ත-ද්දේ॒වාන॑වෘණත ප॒ශවෝ-ऽසු॑රානජහු॒ර්ය-ඞ්කා॒මයේ॑තාප॒ශු-ස්ස්යා॒දිති॒ පරා॑චී॒-න්තස්යේඩා॒මුප॑ හ්වයේතාප॒ශුරේ॒ව භ॑වති॒ යං- [භ॑වති॒ යම්, කා॒මයේ॑ත] 3

-කා॒මයේ॑ත පශු॒මාන්-ථ්ස්යා॒දිති॑ ප්ර॒තීචී॒-න්තස්යේඩා॒-මුප॑ හ්වයේත පශු॒මානේ॒ව භ॑වති බ්රහ්මවා॒දිනෝ॑ වදන්ති॒ ස ත්වා ඉඩා॒මුප॑ හ්වයේත॒ ය ඉඩා॑- මුප॒හූයා॒ත්මාන॒-මිඩා॑යා-මුප॒හ්වයේ॒තේති॒ සා නඃ॑ ප්රි॒යා සු॒ප්රතූ᳚ර්ති-ර්ම॒ඝෝනීත්යා॒හේඩා॑-මේ॒වෝප॒හූයා॒-ऽऽත්මාන॒ -මිඩා॑යා॒මුප॑ හ්වයතේ॒ ව්ය॑ස්තමිව॒ වා ඒ॒ත-ද්ය॒ජ්ඤස්ය॒ යදිඩා॑ සා॒මි ප්රා॒ශ්ඤන්ති॑ [ ] 4

සා॒මි මා᳚ර්ජයන්ත ඒ॒ත-ත්ප්රති॒ වා අසු॑රාණාං-යඁ॒ජ්ඤෝ ව්ය॑ච්ඡිද්යත॒ බ්රහ්ම॑ණා දේ॒වා-ස්සම॑දධු॒-ර්බෘහ॒ස්පති॑ -ස්තනුතාමි॒ම-න්න॒ ඉත්යා॑හ॒ බ්රහ්ම॒ වෛ දේ॒වානා॒-ම්බෘහ॒ස්පති॒-ර්බ්රහ්ම॑ණෛ॒ව ය॒ජ්ඤග්​ම් ස-න්ද॑ධාති॒ විච්ඡි॑න්නං-යඁ॒ජ්ඤග්​ම් සමි॒ම-න්ද॑ධා॒ත්විත්යා॑හ॒ සන්ත॑ත්යෛ॒ විශ්වේ॑ දේ॒වා ඉ॒හ මා॑දයන්තා॒මිත්යා॑හ ස॒න්තත්යෛ॒ව ය॒ජ්ඤ-න්දේ॒වේභ්යෝ-ऽනු॑ දිශති॒ යාං-වෛඁ [ ] 5

ය॒ජ්ඤේ දක්ෂි॑ණා॒-න්දදා॑ති॒ තාම॑ස්ය ප॒ශවෝ-ऽනු॒ ස-ඞ්ක්රා॑මන්ති॒ ස ඒ॒ෂ ඊ॑ජා॒නෝ॑-ऽප॒ශු-ර්භාවු॑කෝ॒ යජ॑මානේන॒ ඛලු॒ වෛ තත්කා॒ර්ය॑-මිත්යා॑හු॒-ර්යථා॑ දේව॒ත්රා ද॒ත්ත-ඞ්කු॑ර්වී॒තාත්ම-න්ප॒ශූ-න්ර॒මයේ॒තේති॒ බ්රද්ධ්න॒ පින්ව॒ස්වේත්යා॑හ ය॒ජ්ඤෝ වෛ බ්ර॒ද්ධ්නෝ ය॒ජ්ඤමේ॒ව තන්ම॑හය॒ත්යථෝ॑ දේව॒ත්රෛව ද॒ත්ත-ඞ්කු॑රුත ආ॒ත්ම-න්ප॒ශූ-න්ර॑මයතේ॒ දද॑තෝ මේ॒ මා ක්ෂා॒යීත්යා॒හාක්ෂි॑ති-මේ॒වෝපෛ॑ති කුර්ව॒තෝ මේ॒ මෝප॑ දස॒දිත්යා॑හ භූ॒මාන॑මේ॒වෝපෛ॑ති ॥ 6 ॥
(වි॒ද්වාන්-ධ්යා॑යේ-ද්භවති॒ යං-ප්රා॒ශ්ඤන්ති॒-යාං-වෛඁ-ම॒-ඒකා॒න්නවිග්​ම්॑ශ॒තිශ්ච॑ ) (අ. 1)

සග්ග්​ශ්ර॑වා හ සෞවර්චන॒සඃ තුමි॑ඤ්ජ॒මෞපෝ॑දිති-මුවාච॒ යථ්ස॒ත්රිණා॒ග්​ම්॒ හෝතා-ऽභූඃ॒ කාමිඩා॒මුපා᳚හ්වථා॒ ඉති॒ තාමුපා᳚හ්ව॒ ඉති॑ හෝවාච॒ යා ප්රා॒ණේන॑ දේ॒වා-න්දා॒ධාර॑ ව්යා॒නේන॑ මනු॒ෂ්යා॑නපා॒නේන॑ පි॒තෘනිති॑ ඡි॒නත්ති॒ සා න ඡි॑න॒ත්තී(3) ඉති॑ ඡි॒නත්තීති॑ හෝවාච॒ ශරී॑රං॒-වාඁ අ॑ස්යෛ॒ තදුපා᳚හ්වථා॒ ඉති॑ හෝවාච॒ ගෞර්වා [ගෞර්වෛ, අ॒ස්යෛ॒ ශරී॑රං॒] 7

අ॑ස්යෛ॒ ශරී॑ර॒-ඞ්ගාං-වාඁව තෞ ත-ත්පර්ය॑වදතාං॒-යාඁ ය॒ජ්ඤේ දී॒යතේ॒ සා ප්රා॒ණේන॑ දේ॒වා-න්දා॑ධාර॒ යයා॑ මනු॒ෂ්යා॑ ජීව॑න්ති॒ සා ව්යා॒නේන॑ මනු॒ෂ්යාන්॑ යා-ම්පි॒තෘභ්යෝ॒ ඝ්නන්ති॒ සා-ऽපා॒නේන॑ පි॒තॄන්. ය ඒ॒වං ඁවේද॑ පශු॒මා-න්භ॑ව॒ත්යථ॒ වෛ තාමුපා᳚හ්ව॒ ඉති॑ හෝවාච॒ යා ප්ර॒ජාඃ ප්ර॒භව॑න්තීඃ॒ ප්රත්යා॒භව॒තීත්යන්නං॒ ඁවා අ॑ස්යෛ॒ ත- [අ॑ස්යෛ॒ තත්, උපා᳚හ්වථා॒ ඉති॑] 8

-දුපා᳚හ්වථා॒ ඉති॑ හෝවා॒චෞෂ॑ධයෝ॒ වා අ॑ස්යා॒ අන්න॒මෝෂ॑ධයෝ॒ වෛ ප්ර॒ජාඃ ප්ර॒භව॑න්තීඃ॒ ප්රත්යා භ॑වන්ති॒ ය ඒ॒වං-වේඁදා᳚න්නා॒දෝ භ॑ව॒ත්යථ॒ වෛ තාමුපා᳚හ්ව॒ ඉති॑ හෝවාච॒ යා ප්ර॒ජාඃ ප॑රා॒භව॑න්තී-රනුගෘ॒හ්ණාති॒ ප්රත්යා॒භව॑න්තී-ර්ගෘ॒හ්ණාතීති॑ ප්රති॒ෂ්ඨාං-වාඁ අ॑ස්යෛ॒ තදුපා᳚හ්වථා॒ ඉති॑ හෝවාචේ॒යං-වාඁ අ॑ස්යෛ ප්රති॒ෂ්ඨේ [ප්රති॒ෂ්ඨා, ඉ॒යං-වෛඁ] 9

යං-වෛඁ ප්ර॒ජාඃ ප॑රා॒භව॑න්තී॒රනු॑ ගෘහ්ණාති॒ ප්රත්යා॒භව॑න්තී-ර්ගෘහ්ණාති॒ ය ඒ॒වං-වේඁද॒ ප්රත්යේ॒ව ති॑ෂ්ඨ॒ත්යථ॒ වෛ තාමුපා᳚හ්ව॒ ඉති॑ හෝවාච॒ යස්යෛ॑ නි॒ක්රම॑ණේ ඝෘ॒ත-ම්ප්ර॒ජා-ස්ස॒ඤ්ජීව॑න්තීඃ॒ පිබ॒න්තීති॑ ඡි॒නත්ති॒ සා න ඡි॑න॒ත්තී (3) ඉති॒ න ඡි॑න॒ත්තීති॑ හෝවාච॒ ප්ර තු ජ॑නය॒තීත්යේ॒ෂ වා ඉඩා॒මුපා᳚හ්වථා॒ ඉති॑ හෝවාච॒ වෘෂ්ටි॒ර්॒වා ඉඩා॒ වෘෂ්ට්යෛ॒ වෛ නි॒ක්රම॑ණේ ඝෘ॒ත-ම්ප්ර॒ජා-ස්ස॒ඤ්ජීව॑න්තීඃ පිබන්ති॒ ය ඒ॒වං-වේඁද॒ ප්රෛව ජා॑යතේ-ऽන්නා॒දෝ භ॑වති ॥ 10 ॥
(ගෞර්වා-අ॑ස්යෛ॒ තත්-ප්ර॑ති॒ෂ්ඨා-ऽහ්ව॑ථා॒ ඉති॑-විග්​ම්ශ॒තිශ්ච॑) (අ. 2)

ප॒රෝක්ෂං॒-වාඁ අ॒න්යේ දේ॒වා ඉ॒ජ්යන්තේ᳚ ප්ර॒ත්යක්ෂ॑ම॒න්යේ ය-ද්යජ॑තේ॒ ය ඒ॒ව දේ॒වාඃ ප॒රෝක්ෂ॑මි॒ජ්යන්තේ॒ තානේ॒ව ත-ද්ය॑ජති॒ යද॑න්වාහා॒ර්ය॑-මා॒හර॑ත්යේ॒තේ වෛ දේ॒වාඃ ප්ර॒ත්යක්ෂං॒-යඁ-ද්බ්රා᳚හ්ම॒ණාස්තානේ॒ව තේන॑ ප්රීණා॒ත්යථෝ॒ දක්ෂි॑ණෛ॒වාස්යෛ॒ෂා-ऽථෝ॑ ය॒ජ්ඤස්යෛ॒ව ඡි॒ද්රමපි॑ දධාති॒ යද්වෛ ය॒ජ්ඤස්ය॑ ක්රූ॒රං-යඁද්විලි॑ෂ්ට॒-න්තද॑න්වාහා॒ර්යේ॑ණා॒- [තද॑න්වාහා॒ර්යේ॑ණ, අ॒න්වාහ॑රති॒] 11

-ऽන්වාහ॑රති॒ තද॑න්වාහා॒ර්ය॑ස්යා-න්වාහාර්ය॒ත්ව-න්දේ॑වදූ॒තා වා ඒ॒තේ යද්-ඍ॒ත්විජෝ॒ යද॑න්වාහා॒ර්ය॑-මා॒හර॑ති දේවදූ॒තානේ॒ව ප්රී॑ණාති ප්ර॒ජාප॑ති-ර්දේ॒වේභ්යෝ॑ ය॒ජ්ඤාන් ව්යාදි॑ශ॒-ථ්ස රි॑රිචා॒නෝ॑-ऽමන්යත॒ ස ඒ॒තම॑න්වාහා॒ර්ය॑-මභ॑ක්ත-මපශ්ය॒-ත්තමා॒ත්මන්න॑ධත්ත॒ස වා ඒ॒ෂ ප්රා॑ජාප॒ත්යෝ යද॑න්වාහා॒ර්යෝ॑ යස්යෛ॒වං-විඁ॒දුෂෝ᳚-ऽන්වාහා॒ර්ය॑ ආහ්රි॒යතේ॑ සා॒ක්ෂාදේ॒ව ප්ර॒ජාප॑ති-මෘද්ධ්නෝ॒ත්යප॑රිමිතෝනි॒රුප්යෝ-ऽප॑රිමිතඃ ප්ර॒ජාප॑තිඃ ප්ර॒ජාප॑තේ॒- [ප්ර॒ජාප॑තේඃ, ආප්ත්යෛ॑] 12

-රාප්ත්යෛ॑ දේ॒වා වෛ ය-ද්ය॒ජ්ඤේ-ऽකු॑ර්වත॒ තදසු॑රා අකුර්වත॒ තේ දේ॒වා ඒ॒ත-ම්ප්රා॑ජාප॒ත්ය-ම॑න්වාහා॒ර්ය॑-මපශ්ය॒-න්තම॒න්වාහ॑රන්ත॒ තතෝ॑ දේ॒වා අභ॑ව॒-න්පරාසු॑රා॒ යස්යෛ॒වං-විඁ॒දුෂෝ᳚-ऽන්වාහා॒ර්ය॑ ආහ්රි॒යතේ॒ භව॑ත්යා॒ත්මනා॒ පරා᳚ස්ය॒ භ්රාතෘ॑ව්යෝ භවති ය॒ජ්ඤේන॒ වා ඉ॒ෂ්ටී ප॒ක්වේන॑ පූ॒ර්තී යස්යෛ॒වං-විඁ॒දුෂෝ᳚-ऽන්වාහා॒ර්ය॑ ආහ්රි॒යතේ॒ ස ත්වේ॑වේෂ්ටා॑පූ॒ර්තී ප්ර॒ජාප॑තේර්භා॒ගෝ॑-ऽසී- [ප්ර॒ජාප॑තේර්භා॒ගෝ॑-ऽසී, ඉත්යා॑හ] 13

-ත්යා॑හ ප්ර॒ජාප॑තිමේ॒ව භා॑ග॒ධේයේ॑න॒ සම॑ර්ධය॒ත්යූර්ජ॑ස්වා॒-න්පය॑ස්වා॒නිත්යා॒හෝර්ජ॑-මේ॒වාස්මි॒-න්පයෝ॑ දධාති ප්රාණාපා॒නෞ මේ॑ පාහි සමානව්යා॒නෞ මේ॑ පා॒හීත්යා॑හා॒-ऽऽශිෂ॑මේ॒වෛතාමා ශා॒ස්තේ ऽක්ෂි॑තෝ॒ ऽස්යක්ෂි॑ත්යෛ ත්වා॒ මා මේ᳚ ක්ෂේෂ්ඨා අ॒මුත්රා॒මුෂ්මි॑න් ඁලෝ॒ක ඉත්යා॑හ॒ ක්ෂීය॑තේ॒ වා අ॒මුෂ්මි॑න් ඁලෝ॒කේ-ऽන්න॑-මි॒තඃප්ර॑දාන॒ග්ග්॒ හ්ය॑මුෂ්මින් ඁලෝ॒කේ ප්ර॒ජා උ॑ප॒ජීව॑න්ති॒ යදේ॒ව-ම॑භිමෘ॒ශත්යක්ෂි॑ති-මේ॒වෛන॑-ද්ගමයති॒ නාස්යා॒මුෂ්මි॑න් ඁලෝ॒කේ-ऽන්න॑-ඞ්ක්ෂීයතේ ॥ 14 ॥
(අ॒න්වා॒හා॒ර්යේ॑ණ-ප්ර॒ජාප॑තේ-රසි॒-හ්ය॑මුෂ්මි॑න් ඁලෝ॒කේ-පඤ්ච॑දශ ච ) (අ. 3)

බ॒ර්॒හිෂෝ॒-ऽහ-න්දේ॑වය॒ජ්යයා᳚ ප්ර॒ජාවා᳚-න්භූයාස॒මිත්යා॑හ බ॒ර්॒හිෂා॒ වෛ ප්ර॒ජාප॑තිඃ ප්ර॒ජා අ॑සෘජත॒ තේනෛ॒ව ප්ර॒ජා-ස්සෘ॑ජතේ॒ නරා॒ශග්​ම්ස॑ස්යා॒හ-න්දේ॑වය॒ජ්යයා॑ පශු॒මා-න්භූ॑යාස॒මිත්යා॑හ॒ නරා॒ශග්​ම්සේ॑න॒ වෛ ප්ර॒ජාප॑තිඃ ප॒ශූන॑සෘජත॒ තේනෛ॒ව ප॒ශූන්-ථ්සෘ॑ජතේ॒-ऽග්නේ-ස්ස්වි॑ෂ්ට॒කෘතෝ॒-ऽහ-න්දේ॑වය॒ජ්යයා-ऽऽයු॑ෂ්මාන්. ය॒ජ්ඤේන॑ ප්රති॒ෂ්ඨා-ඞ්ග॑මේය॒මිත්යා॒හා-ऽऽයු॑රේ॒වාත්ම-න්ධ॑ත්තේ॒ ප්රති॑ ය॒ජ්ඤේන॑ තිෂ්ඨති දර්​ශපූර්ණමා॒සයෝ॒- [දර්​ශපූර්ණමා॒සයෝඃ᳚, වෛ දේ॒වා] 15

-ර්වෛ දේ॒වා උජ්ජි॑ති॒-මනූද॑ජය-න්දර්​ශපූර්ණමා॒සාභ්යා॒- මසු॑රා॒නපා॑-නුදන්තා॒ග්නේ-ර॒හමුජ්ජි॑ති॒-මනූජ්ජේ॑ෂ॒-මිත්යා॑හ දර්​ශපූර්ණමා॒සයෝ॑රේ॒ව දේ॒වතා॑නාං॒-යඁජ॑මාන॒ උජ්ජි॑ති॒මනූජ්ජ॑යති දර්​ශපූර්ණමා॒සාභ්යා॒-ම්භ්රාතෘ॑ව්යා॒නප॑ නුදතේ॒ වාජ॑වතීභ්යාං॒-ව්යූඁ ॑හ॒ත්යන්නං॒-වෛඁ වාජෝ-ऽන්න॑මේ॒වාව॑ රුන්ධේ॒ ද්වාභ්යා॒-ම්ප්රති॑ෂ්ඨිත්යෛ॒ යෝ වෛ ය॒ජ්ඤස්ය॒ ද්වෞ දෝහෞ॑ වි॒ද්වාන් යජ॑ත උභ॒යත॑ [උභ॒යතඃ॑, ඒ॒ව ය॒ජ්ඤං] 16

ඒ॒ව ය॒ජ්ඤ-න්දු॑හේ පු॒රස්තා᳚ච්චෝ॒පරි॑ෂ්ටාච්චෛ॒ෂ වා අ॒න්යෝ ය॒ජ්ඤස්ය॒ දෝහ॒ ඉඩා॑යාම॒න්යෝ යර්​හි॒ හෝතා॒ යජ॑මානස්ය॒ නාම॑ ගෘහ්ණී॒යා-ත්තර්​හි॑ බ්රූයා॒දේමා අ॑ග්මන්නා॒ශිෂෝ॒ දෝහ॑කාමා॒ ඉති॒ සග්ග්​ස්තු॑තා ඒ॒ව දේ॒වතා॑ දු॒හේ-ऽථෝ॑ උභ॒යත॑ ඒ॒ව ය॒ජ්ඤ-න්දු॑හේ පු॒රස්තා᳚ච්චෝ॒පරි॑ෂ්ටාච්ච॒ රෝහි॑තේන ත්වා॒-ऽග්නිර්දේ॒වතා᳚-ඞ්ගමය॒ත්විත්යා॑හෛ॒තේ වෛ දේ॑වා॒ශ්වා [වෛ දේ॑වා॒ශ්වාඃ, යජ॑මානඃ ප්රස්ත॒රෝ] 17

යජ॑මානඃ ප්රස්ත॒රෝ යදේ॒තෛඃ ප්ර॑ස්ත॒ර-ම්ප්ර॒හර॑ති දේවා॒ශ්වෛරේ॒ව යජ॑මානග්​ම් සුව॒ර්ගං-ලෝඁ॒ක-ඞ්ග॑මයති॒ වි තේ॑ මුඤ්චාමි රශ॒නා වි ර॒ශ්මීනිත්යා॑හෛ॒ෂ වා අ॒ග්නේර්වි॑මෝ॒කස්තේ-නෛ॒වෛනං॒-විඁමු॑ඤ්චති ॒විෂ්ණෝ᳚-ශ්ශං॒​යෝඁර॒හ-න්දේ॑වය॒ජ්යයා॑ ය॒ජ්ඤේන॑ ප්රති॒ෂ්ඨා-ඞ්ග॑මේය॒මිත්යා॑හ ය॒ජ්ඤෝ වෛ විෂ්ණු॑-ර්ය॒ජ්ඤ ඒ॒වාන්ත॒තඃ ප්රති॑ තිෂ්ඨති॒ සෝම॑ස්යා॒හ-න්දේ॑වය॒ජ්යයා॑ සු॒රේතා॒ [සු॒රේතාඃ᳚, රේතෝ॑] 18

රේතෝ॑ ධිෂී॒යේත්යා॑හ॒ සෝමෝ॒ වෛ රේ॑තෝ॒ධාස්තේනෛ॒ව රේත॑ ආ॒ත්ම-න්ධ॑ත්තේ॒ ත්වෂ්ටු॑ර॒හ-න්දේ॑වය॒ජ්යයා॑ පශූ॒නාග්​ම් රූ॒ප-ම්පු॑ෂේය॒මිත්යා॑හ॒ ත්වෂ්ටා॒ වෛ ප॑ශූ॒නා-ම්මි॑ථු॒නානාග්​ම්॑ රූප॒කෘත්තේනෛ॒ව ප॑ශූ॒නාග්​ම් රූ॒පමා॒ත්ම-න්ධ॑ත්තේ දේ॒වානා॒-ම්පත්නී॑ර॒ග්නි-ර්ගෘ॒හප॑ති-ර්ය॒ජ්ඤස්ය॑ මිථු॒න-න්තයෝ॑ර॒හ-න්දේ॑වය॒ජ්යයා॑ මිථු॒නේන॒ ප්රභූ॑යාස॒-මිත්යා॑හෛ॒තස්මා॒-ද්වෛ මි॑ථු॒නා-ත්ප්ර॒ජාප॑ති-ර්මිථු॒නේන॒ [ර්මිථු॒නේන॑, ප්රා-ऽජා॑යත॒] 19

ප්රා-ऽජා॑යත॒ තස්මා॑දේ॒ව යජ॑මානෝ මිථු॒නේන॒ ප්රජා॑යතේ වේ॒දෝ॑-ऽසි॒ විත්ති॑රසි වි॒දේයේත්යා॑හ වේ॒දේන॒ වෛ දේ॒වා අසු॑රාණාං-විඁ॒ත්තං-වේඁද්ය॑මවින්දන්ත॒ ත-ද්වේ॒දස්ය॑ වේද॒ත්වං-යඁද්ය॒-ද්භ්රාතෘ॑ව්යස්යාභි॒ද්ධ්යායේ॒-ත්තස්ය॒ නාම॑ ගෘහ්ණීයා॒-ත්තදේ॒වාස්ය॒ සර්වං॑-වෘඁඞ්ක්තේ ඝෘ॒තව॑න්ත-ඞ්කුලා॒යිනග්​ම්॑ රා॒යස්පෝෂග්​ම්॑ සහ॒ස්රිණං॑-වේඁ॒දෝ ද॑දාතු වා॒ජින॒මිත්යා॑හ॒ ප්රස॒හස්ර॑-ම්ප॒ශූනා᳚ප්නෝ॒ත්යා ස්ය॑ ප්ර॒ජායාං᳚-වාඁ॒ජී ජා॑යතේ॒ ය ඒ॒වං-වේඁද॑ ॥ 20 ॥
(ද॒ර්॒ශ॒පූ॒ර්ණ॒මාසයෝ॑-රුභ॒යතෝ॑-දේවා॒ශ්වාඃ-සු॒රේතාඃ᳚-ප්ර॒ජාප॑ති-ර්මිථු॒නේනා᳚-ප්නෝත්ය॒-ෂ්ටෞ ච॑) (අ. 4)

ධ්රු॒වාං-වෛඁ රිච්ය॑මානාං-යඁ॒ජ්ඤෝ-ऽනු॑ රිච්යතේ ය॒ජ්ඤං-යඁජ॑මානෝ॒ යජ॑මාන-ම්ප්ර॒ජා ධ්රු॒වාමා॒ප්යාය॑මානාං-යඁ॒ජ්ඤෝ-ऽන්වා ප්යා॑යතේ ය॒ජ්ඤං-යඁජ॑මානෝ॒ යජ॑මාන-ම්ප්ර॒ජා ආ ප්යා॑යතා-න්ධ්රු॒වා ඝෘ॒තේනේත්යා॑හ ධ්රු॒වාමේ॒වා ऽऽ ප්යා॑යයති॒ තාමා॒ප්යාය॑මානාං-යඁ॒ජ්ඤෝ-ऽන්වා ප්යා॑යතේ ය॒ජ්ඤං-යඁජ॑මානෝ॒ යජ॑මාන-ම්ප්ර॒ජාඃ ප්ර॒ජාප॑තේ-ර්වි॒භාන්නාම॑ ලෝ॒කස්තස්මිග්ග්॑ස්ත්වා දධාමි ස॒හ යජ॑මානේ॒නේ- [යජ॑මානේ॒නේති, ආ॒හා॒-ऽයං-වෛඁ] 21

-ත්යා॑හා॒-ऽයං-වෛඁ ප්ර॒ජාප॑තේ-ර්වි॒භාන්නාම॑ ලෝ॒කස්තස්මි॑-න්නේ॒වෛන॑-න්දධාති ස॒හ යජ॑මානේන॒ රිච්ය॑ත ඉව॒ වා ඒ॒ත-ද්ය-ද්යජ॑තේ॒ ය-ද්ය॑ජමානභා॒ග-ම්ප්රා॒ශ්ඤාත්යා॒ත්මාන॑මේ॒ව ප්රී॑ණාත්යේ॒තාවා॒න්॒. වෛ ය॒ජ්ඤෝ යාවාන්॑. යජමානභා॒ගෝ ය॒ජ්ඤෝ යජ॑මානෝ॒ ය-ද්ය॑ජමානභා॒ග-ම්ප්රා॒ශ්ඤාති॑ ය॒ජ්ඤ ඒ॒ව ය॒ජ්ඤ-ම්ප්රති॑ ෂ්ඨාපයත්යේ॒තද්වෛ සූ॒යව॑ස॒ග්​ම්॒ සෝද॑කං॒-යඁද්බ॒ර්॒හිශ්චා-ऽऽප॑ශ්චෛ॒ත- [-ऽऽප॑ශ්චෛ॒තත්, යජ॑මානස්යා॒-] 22

-ද්යජ॑මානස්යා॒-ऽऽයත॑නං॒-යඁද්වේදි॒ර්ය-ත්පූ᳚ර්ණපා॒ත්ර-ම॑න්තර්වේ॒දි නි॒නය॑ති॒ ස්ව ඒ॒වා-ऽऽය॑තනේ සූ॒යව॑ස॒ග්​ම්॒ සෝද॑ක-ඞ්කුරුතේ॒ සද॑සි॒ සන්මේ॑ භූයා॒ ඉත්යා॒හා-ऽऽපෝ॒ වෛ ය॒ජ්ඤ ආපෝ॒-ऽමෘතං॑-යඁ॒ජ්ඤමේ॒වාමෘත॑-මා॒ත්ම-න්ධ॑ත්තේ॒ සර්වා॑ණි॒ වෛ භූ॒තානි॑ ව්ර॒ත-මු॑ප॒යන්ත॒ -මනූප॑ යන්ති॒ ප්රාච්යා᳚-න්දි॒ශි දේ॒වා ඍ॒ත්විජෝ॑ මාර්ජයන්තා॒-මිත්යා॑හෛ॒ෂ වෛ ද॑ර්​ශපූර්ණමා॒සයෝ॑-රවභෘ॒ථෝ [-රවභෘ॒ථඃ, යාන්යේ॒වෛන॑-ම්භූ॒තානි॑] 23

යාන්යේ॒වෛන॑-ම්භූ॒තානි॑ ව්ර॒තමු॑ප॒යන්ත॑-මනූප॒යන්ති॒ තෛරේ॒ව ස॒හාව॑භෘ॒ථමවෛ॑ති॒ විෂ්ණු॑මුඛා॒ වෛ දේ॒වා ශ්ඡන්දෝ॑භිරි॒මාන් ඁලෝ॒කා-න॑නපජ॒ය්යම॒භ්ය॑ජය॒න්॒. ය-ද්වි॑ෂ්ණුක්ර॒මාන් ක්රම॑තේ॒ විෂ්ණු॑රේ॒ව භූ॒ත්වා යජ॑මාන॒ශ්ඡන්දෝ॑භිරි॒මාන් ඁලෝ॒කා-න॑නපජ॒ය්යම॒භි ජ॑යති॒ විෂ්ණෝඃ॒ ක්රමෝ᳚-ऽස්යභිමාති॒හේත්යා॑හ ගාය॒ත්රී වෛ පෘ॑ථි॒වී ත්රෛෂ්ටු॑භම॒න්තරි॑ක්ෂ॒-ඤ්ජාග॑තී॒ ද්යෞරානු॑ෂ්ටුභී॒-ර්දිශ॒ ශ්ඡන්දෝ॑භිරේ॒වේමාන් ඁලෝ॒කාන්. ය॑ථාපූ॒ර්වම॒භි ජ॑යති ॥ 24 ॥
(යජ॑මානේ॒නේති॑-චෛ॒ තද॑-වභෘ॒ථෝ-දිශඃ॑-ස॒ප්ත ච॑) (අ. 5)

අග॑න්ම॒ සුව॒-ස්සුව॑රග॒න්මේත්යා॑හ සුව॒ර්ගමේ॒ව ලෝ॒කමේ॑ති ස॒න්දෘශ॑ස්තේ॒ මා ඡි॑ථ්සි॒ යත්තේ॒ තප॒ස්තස්මෛ॑ තේ॒ මා ऽऽ වෘ॒ක්ෂීත්යා॑හ යථාය॒ජු-රේ॒වෛත-ථ්සු॒භූර॑සි॒ ශ්රේෂ්ඨෝ॑ රශ්මී॒නාමා॑යු॒ර්ධා අ॒ස්යායු॑ර්මේ ධේ॒හීත්යා॑හා॒-ऽऽශිෂ॑මේ॒වෛතාමා ශා᳚ස්තේ॒ ප්ර වා ඒ॒ෂෝ᳚-ऽස්මාන් ඁලෝ॒කාච්ච්ය॑වතේ॒ යෝ [යඃ, වි॒ෂ්ණු॒ක්ර॒මාන් ක්රම॑තේ] 25

වි॑ෂ්ණුක්ර॒මාන් ක්රම॑තේ සුව॒ර්ගාය॒ හි ලෝ॒කාය॑ විෂ්ණුක්ර॒මාඃ ක්ර॒ම්යන්තේ᳚ බ්රහ්මවා॒දිනෝ॑ වදන්ති॒ ස ත්වෛ වි॑ෂ්ණුක්ර॒මාන් ක්ර॑මේත॒ ය ඉ॒මාන් ඁලෝ॒කා-න්භ්රාතෘ॑ව්යස්ය සං॒​විඁද්ය॒ පුන॑රි॒මං-ලෝඁ॒ක-ම්ප්ර॑ත්යව॒රෝහේ॒දිත්යේ॒ෂ වා අ॒ස්ය ලෝ॒කස්ය॑ ප්රත්යවරෝ॒හෝ යදාහේ॒දම॒හම॒මු-ම්භ්රාතෘ॑ව්යමා॒භ්යෝ දි॒ග්භ්යෝ᳚-ऽස්යෛ දි॒ව ඉතී॒මානේ॒ව ලෝ॒කා-න්භ්රාතෘ॑ව්යස්ය සං॒​විඁද්ය॒ පුන॑රි॒මං-ලෝඁ॒ක-ම්ප්ර॒ත්යව॑රෝහති॒ සං- [සම්, ජ්යෝති॑ෂා-ऽභූව॒මිත්යා॑හා॒ස්මින්නේ॒ව] 26

-ජ්යෝති॑ෂා-ऽභූව॒මිත්යා॑හා॒ස්මින්නේ॒ව ලෝ॒කේ ප්රති॑ තිෂ්ඨත්යෛ॒න්ද්රී-මා॒වෘත॑-ම॒න්වාව॑ර්ත॒ ඉත්යා॑හා॒සෞ වා ආ॑දි॒ත්ය ඉන්ද්ර॒ස්තස්යෛ॒වා-ऽऽවෘත॒මනු॑ ප॒ර්යාව॑ර්තතේ දක්ෂි॒ණා ප॒ර්යාව॑ර්තතේ॒ ස්වමේ॒ව වී॒ර්ය॑මනු॑ ප॒ර්යාව॑ර්තතේ॒ තස්මා॒-ද්දක්ෂි॒ණෝ-ऽර්ධ॑ ආ॒ත්මනෝ॑ වී॒ර්යා॑වත්ත॒රෝ-ऽථෝ॑ ආදි॒ත්යස්යෛ॒වා-ऽऽවෘත॒මනු॑ ප॒ර්යාව॑ර්තතේ॒ සම॒හ-ම්ප්ර॒ජයා॒ ස-ම්මයා᳚ ප්ර॒ජේත්යා॑හා॒-ऽऽශිෂ॑- [ප්ර॒ජේත්යා॑හා॒-ऽऽශිෂ᳚ම්, ඒ॒වෛතාමා] 27

-මේ॒වෛතාමා ශා᳚ස්තේ॒ සමි॑ද්ධෝ අග්නේ මේ දීදිහි සමේ॒ද්ධා තේ॑ අග්නේ දීද්යාස॒මිත්යා॑හ යථාය॒ජු-රේ॒වෛතද්වසු॑මාන්. ය॒ජ්ඤෝ වසී॑යා-න්භූයාස॒-මිත්යා॑හා॒-ऽऽශිෂ॑මේ॒වේතාමා ශා᳚ස්තේ බ॒හු වෛ ගාර්​හ॑පත්ය॒ස්යාන්තේ॑ මි॒ශ්රමි॑ව චර්යත ආග්නිපාවමා॒නීභ්යා॒-ඞ්ගාර්​හ॑පත්ය॒මුප॑ තිෂ්ඨතේ පු॒නාත්යේ॒වාග්නි-ම්පු॑නී॒ත ආ॒ත්මාන॒-න්ද්වාභ්යා॒-ම්ප්රති॑ෂ්ඨිත්යා॒ අග්නේ॑ ගෘහපත॒ ඉත්යා॑හ [ඉත්යා॑හ, ය॒ථා॒ය॒ජුරේ॒වෛතච්ඡ॒තග්​ම්] 28

යථාය॒ජුරේ॒වෛතච්ඡ॒තග්​ම් හිමා॒ ඉත්යා॑හ ශ॒ත-න්ත්වා॑ හේම॒න්තානි॑න්ධිෂී॒යේති॒ වාවෛතදා॑හ පු॒ත්රස්ය॒ නාම॑ ගෘහ්ණාත්යන්නා॒දමේ॒වෛන॑-ඞ්කරෝති॒ තාමා॒ශිෂ॒මා ශා॑සේ॒ තන්ත॑වේ॒ ජ්යෝති॑ෂ්මතී॒මිති॑ බ්රූයා॒-ද්යස්ය॑ පු॒ත්රෝ-ऽජා॑ත॒-ස්ස්යා-ත්තේ॑ජ॒ස්ව්යේ॑වාස්ය॑ බ්රහ්මවර්ච॒සී පු॒ත්රෝ ජා॑යතේ॒ තාමා॒ශිෂ॒මා ශා॑සේ॒-ऽමුෂ්මෛ॒ ජ්යෝති॑ෂ්මතී॒මිති॑ බ්රූයා॒-ද්යස්ය॑ පු॒ත්රෝ [පු॒ත්රඃ, ජා॒ත-ස්ස්යාත්තේජ॑] 29

ජා॒ත-ස්ස්යාත්තේජ॑ ඒ॒වාස්මි॑-න්බ්රහ්මවර්ච॒ස-න්ද॑ධාති॒ යෝ වෛ ය॒ජ්ඤ-ම්ප්ර॒යුජ්ය॒ න වි॑මු॒ඤ්චත්ය॑ප්රතිෂ්ඨා॒නෝ වෛ ස භ॑වති॒ කස්ත්වා॑ යුනක්ති॒ ස ත්වා॒ වි මු॑ඤ්ච॒ත්විත්යා॑හ ප්ර॒ජාප॑ති॒-ර්වෛ කඃ ප්ර॒ජාප॑තිනෛ॒වෛනං॑-යුඁ॒නක්ති॑ ප්ර॒ජාප॑තිනා॒ වි මු॑ඤ්චති॒ ප්රති॑ෂ්ඨිත්යා ඊශ්ව॒රං-වෛඁ ව්ර॒තමවි॑සෘෂ්ට-ම්ප්ර॒දහෝ-ऽග්නේ᳚ ව්රතපතේ ව්ර॒තම॑චාරිෂ॒මිත්යා॑හ ව්ර॒තමේ॒ව [ ] 30

වි සෘ॑ජතේ॒ ශාන්ත්යා॒ අප්ර॑දාහාය॒ පරාං॒අ॒. වාව ය॒ජ්ඤ ඒ॑ති॒ න නි ව॑ර්තතේ॒ පුන॒ර්යෝ වෛ ය॒ජ්ඤස්ය॑ පුනරාල॒ම්භං-විඁ॒ද්වාන්. යජ॑තේ॒ තම॒භි නි ව॑ර්තතේ ය॒ජ්ඤෝ බ॑භූව॒ ස ආ බ॑භූ॒වේත්යා॑හෛ॒ෂ වෛ ය॒ජ්ඤස්ය॑ පුනරාල॒ම්භ-ස්තේනෛ॒වෛන॒-ම්පුන॒රා ල॑භ॒තේ-ऽන॑වරුද්ධා॒ වා ඒ॒තස්ය॑ වි॒රාඩ් ය ආහි॑තාග්නි॒-ස්සන්න॑ස॒භඃ ප॒ශවඃ॒ ඛලු॒ වෛ බ්රා᳚හ්ම॒ණස්ය॑ ස॒භේෂ්ට්වා ප්රාංඋ॒ත්ක්රම්ය॑ බ්රූයා॒-ද්ගෝමාග්​ම්॑ අ॒ග්නේ-ऽවි॑මාග්​ම් අ॒ශ්වී ය॒ජ්ඤ ඉත්යව॑ ස॒භාග්​ම් රු॒න්ධේ ප්ර ස॒හස්ර॑-ම්ප॒ශූනා᳚ප්නෝ॒ත්යා-ऽස්ය॑ ප්ර॒ජායාං᳚-වාඁ॒ජී ජා॑යතේ ॥ 31 ॥
(යඃ-ස-මා॒සිෂං॑-ගෘහපත॒-ඉත්යා॑හා॒-මුෂ්මෛ॒ ජ්යෝති॑ෂ්මතී॒මිති॑ බ්රූයා॒-ද්යස්ය॑පු॒ත්රෝ-ව්ර॒තමේ॒ව-ඛලු॒ වෛ- චතු॑ර්විග්​ම්ශතිශ්ච) (අ. 6)

දේව॑ සවිතඃ॒ ප්ර සු॑ව ය॒ජ්ඤ-ම්ප්ර සු॑ව ය॒ජ්ඤප॑ති॒-ම්භගා॑ය දි॒ව්යෝ ග॑න්ධ॒ර්වඃ । කේ॒ත॒පූඃ කේත॑-න්නඃ පුනාතු වා॒චස්පති॒-ර්වාච॑ම॒ද්ය ස්ව॑දාති නඃ ॥ ඉන්ද්ර॑ස්ය॒ වජ්රෝ॑-ऽසි॒ වාර්ත්ර॑ඝ්න॒ස්ත්වයා॒-ऽයං-වෘඁ॒ත්රං-වඁ ॑ද්ධ්යාත් ॥ වාජ॑ස්ය॒ නු ප්ර॑ස॒වේ මා॒තර॑-ම්ම॒හීමදි॑ති॒-න්නාම॒ වච॑සා කරාමහේ । යස්යා॑මි॒දං-විඁශ්ව॒-ම්භුව॑න-මාවි॒වේශ॒ තස්යා᳚-න්නෝ දේ॒ව-ස්ස॑වි॒තා ධර්ම॑ සාවිෂත් ॥ අ॒- [අ॒ඵ්සු, අ॒න්තර॒මෘත॑ම॒ඵ්සු] 32

ඵ්ස්ව॑න්තර॒මෘත॑ම॒ඵ්සු භේ॑ෂ॒ජම॒පාමු॒ත ප්රශ॑ස්ති॒ෂ්වශ්වා॑ භවථ වාජිනඃ ॥ වා॒යු-ර්වා᳚ ත්වා॒ මනු॑-ර්වා ත්වා ගන්ධ॒ර්වා-ස්ස॒ප්තවිග්​ම්॑ශතිඃ । තේ අග්රේ॒ අශ්ව॑මායුඤ්ජ॒න්තේ අ॑ස්මිඤ්ජ॒වමා-ऽද॑ධුඃ ॥ අපා᳚-න්නපාදාශුහේම॒න්॒. ය ඌ॒ර්මිඃ ක॒කුද්මා॒-න්ප්රතූ᳚ර්ති-ර්වාජ॒සාත॑ම॒ස්තේනා॒යං-වාඁජග්​ම්॑ සේත් ॥ විෂ්ණෝඃ॒ ක්රමෝ॑-ऽසි॒ විෂ්ණෝඃ᳚ ක්රා॒න්තම॑සි॒ විෂ්ණෝ॒-ර්වික්රා᳚න්තමස්ය॒ඞ්කෞ න්ය॒ඞ්කා ව॒භිතෝ॒ රථං॒-යෞඁ ධ්වා॒න්තං-වාඁ ॑තා॒ග්රමනු॑ ස॒ඤ්චර॑න්තෞ දූ॒රේහේ॑ති-රින්ද්රි॒යාවා᳚-න්පත॒ත්රී තේ නෝ॒-ऽග්නයඃ॒ පප්ර॑යඃ පාරයන්තු ॥ 33 ॥
(අ॒ඵ්සු-න්ය॒ඞ්කෞ-පඤ්ච॑දශ ච) (අ. 7)

දේ॒වස්යා॒හග්​ම් ස॑වි॒තුඃ ප්ර॑ස॒වේ බෘහ॒ස්පති॑නා වාජ॒ජිතා॒ වාජ॑-ඤ්ජේෂ-න්දේ॒වස්යා॒හග්​ම් ස॑වි॒තුඃ ප්ර॑ස॒වේ බෘහ॒ස්පති॑නා වාජ॒ජිතා॒ වර්​ෂි॑ෂ්ඨ॒-න්නාකග්​ම්॑ රුහේය॒මින්ද්රා॑ය॒ වාචං॑-වඁද॒තේන්ද්රං॒-වාඁජ॑-ඤ්ජාපය॒තේන්ද්රෝ॒ වාජ॑මජයිත් ॥ අශ්වා॑ජනි වාජිනි॒ වාජේ॑ෂු වාජිනීව॒ත්යශ්වා᳚න්-ථ්ස॒මථ්සු॑ වාජය ॥ අර්වා॑-ऽසි॒ සප්ති॑රසි වා॒ජ්ය॑සි॒ වාජි॑නෝ॒ වාජ॑-න්ධාවත ම॒රුතා᳚-ම්ප්රස॒වේ ජ॑යත॒ වි යෝජ॑නා මිමීද්ධ්ව॒මද්ධ්ව॑න-ස්ස්කභ්නීත॒ [ස්කභ්නීත, කාෂ්ඨා᳚-ඞ්ගච්ඡත॒] 34

කාෂ්ඨා᳚-ඞ්ගච්ඡත॒ වාජේ॑වාජේ-ऽවත වාජිනෝ නෝ॒ ධනේ॑ෂු විප්රා අමෘතා ඍතජ්ඤාඃ ॥ අ॒ස්ය මද්ධ්වඃ॑ පිබත මා॒දය॑ද්ධ්ව-න්තෘ॒ප්තා යා॑ත ප॒ථිභි॑-ර්දේව॒යානෛඃ᳚ ॥ තේ නෝ॒ අර්ව॑න්තෝ හවන॒ශ්රුතෝ॒ හවං॒-විඁශ්වේ॑ ශෘණ්වන්තු වා॒ජිනඃ॑ ॥ මි॒තද්ර॑ව-ස්සහස්ර॒සා මේ॒ධසා॑තා සනි॒ෂ්යවඃ॑ । ම॒හෝ යේ රත්නග්​ම්॑ සමි॒ථේෂු॑ ජභ්රි॒රේ ශන්නෝ॑ භවන්තු වා॒ජිනෝ॒ හවේ॑ෂු ॥දේ॒වතා॑තා මි॒තද්ර॑ව-ස්ස්ව॒ර්කාඃ । ජ॒ම්භය॒න්තෝ-ऽහිං॒-වෘඁක॒ග්​ම්॒ රක්ෂාග්​ම්॑සි॒ සනේ᳚ම්ය॒ස්මද්යු॑යව॒- [සනේ᳚ම්ය॒ස්මද්යු॑යවන්න්, අමී॑වාඃ ।] 35

-න්නමී॑වාඃ ॥ ඒ॒ෂ ස්ය වා॒ජී ක්ෂි॑ප॒ණි-න්තු॑රණ්යති ග්රී॒වායා᳚-ම්බ॒ද්ධෝ අ॑පික॒ක්ෂ ආ॒සනි॑ । ක්රතු॑-න්දධි॒ක්රා අනු॑ ස॒න්තවී᳚ත්ව-ත්ප॒ථාමඞ්කා॒ග්॒ස්යන්වා॒පනී॑ඵණත් ॥උ॒ත ස්මා᳚ස්ය॒ ද්රව॑ත-ස්තුරණ්ය॒තඃ ප॒ර්ණ-න්න වේ-රනු॑ වාති ප්රග॒ර්ධිනඃ॑ । ශ්යේ॒නස්යේ॑ව॒ ධ්රජ॑තෝ අඞ්ක॒ස-ම්පරි॑ දධි॒ක්රාව්.ණ්ණ॑-ස්ස॒හෝර්ජා තරි॑ත්රතඃ ॥ ආ මා॒ වාජ॑ස්ය ප්රස॒වෝ ජ॑ගම්යා॒දා ද්යාවා॑පෘථි॒වී වි॒ශ්වශ॑ම්භූ । ආ මා॑ ගන්තා-ම්පි॒තරා॑ [ගන්තා-ම්පි॒තරා᳚, මා॒තරා॒] 36

මා॒තරා॒ චා-ऽऽ මා॒ සෝමෝ॑ අමෘත॒ත්වාය॑ ගම්යාත් ॥ වාජි॑නෝ වාජජිතෝ॒ වාජග්​ම්॑ සරි॒ෂ්යන්තෝ॒ වාජ॑-ඤ්ජේ॒ෂ්යන්තෝ॒ බෘහ॒ස්පතේ᳚-ර්භා॒ගමව॑ ජිඝ්රත॒ වාජි॑නෝ වාජජිතෝ॒ වාජග්​ම්॑ සසෘ॒වාග්​ම්සෝ॒ වාජ॑-ඤ්ජිගි॒වාග්​ම්සෝ॒ බෘහ॒ස්පතේ᳚-ර්භා॒ගේ නි මෘ॑ඪ්වමි॒යං-වඁ॒-ස්සා ස॒ත්යා ස॒න්ධා-ऽභූ॒ද්යාමින්ද්රේ॑ණ ස॒මධ॑ද්ධ්ව॒-මජී॑ජිපත වනස්පතය॒ ඉන්ද්රං॒-වාඁජං॒-විඁ මු॑ච්යද්ධ්වම් ॥ 37 ॥
(ස්ක॒භ්නී॒ත॒-යු॒ය॒ව॒න්-පි॒තරා॒-ද්විච॑ත්වාරිග්​ම්ශච්ච) (අ. 8)

ක්ෂ॒ත්රස්යෝලග්ග්॑මසි ක්ෂ॒ත්රස්ය॒ යෝනි॑රසි॒ ජාය॒ ඒහි॒ සුවෝ॒ රෝහා॑ව॒ රෝහා॑ව॒ හි සුව॑ර॒හ-න්නා॑වු॒භයෝ॒-ස්සුවෝ॑ රෝක්ෂ්යාමි॒ වාජ॑ශ්ච ප්රස॒වශ්චා॑පි॒ජශ්ච॒ ක්රතු॑ශ්ච॒ සුව॑ශ්ච මූ॒ර්ධා ච॒ ව්යශ්න්නි॑යශ්චා-ऽऽන්ත්යාය॒න ශ්චාන්ත්ය॑ශ්ච භෞව॒නශ්ච॒ භුව॑න॒ශ්චාධි॑පතිශ්ච । ආයු॑-ර්ය॒ජ්ඤේන॑ කල්පතා-ම්ප්රා॒ණෝ ය॒ජ්ඤේන॑ කල්පතාමපා॒නෝ [කල්පතාමපා॒නඃ, ය॒ජ්ඤේන॑ කල්පතාං] 38

ය॒ජ්ඤේන॑ කල්පතාං-ව්යාඁ॒නෝ ය॒ජ්ඤේන॑ කල්පතා॒-ඤ්චක්ෂු॑-ර්ය॒ජ්ඤේන॑ කල්පතා॒ග්॒ ශ්රෝත්රං॑-යඁ॒ජ්ඤේන॑ කල්පතා॒-ම්මනෝ॑ ය॒ජ්ඤේන॑ කල්පතාං॒-වාඁග් ය॒ජ්ඤේන॑ කල්පතා-මා॒ත්මා ය॒ජ්ඤේන॑ කල්පතාං-යඁ॒ජ්ඤෝ ය॒ජ්ඤේන॑ කල්පතා॒ග්​ම්॒ සුව॑-ර්දේ॒වාග්​ම් අ॑ගන්මා॒මෘතා॑ අභූම ප්ර॒ජාප॑තේඃ ප්ර॒ජා අ॑භූම॒ සම॒හ-ම්ප්ර॒ජයා॒ ස-ම්මයා᳚ ප්ර॒ජා සම॒හග්​ම් රා॒යස්පෝෂේ॑ණ॒ ස-ම්මයා॑ රා॒යස්පෝෂෝ-ऽන්නා॑ය ත්වා॒-ऽන්නාද්යා॑ය ත්වා॒ වාජා॑ය ත්වා වාජජි॒ත්යායෛ᳚ ත්වා॒ ऽමෘත॑මසි॒ පුෂ්ටි॑රසි ප්ර॒ජන॑නමසි ॥ 39 ॥
(අ॒පා॒නෝ-වාජා॑ය॒-නව॑ ච) (අ. 9)

වාජ॑ස්යේ॒ම-ම්ප්ර॑ස॒ව-ස්සු॑ෂුවේ॒ අග්රේ॒ සෝම॒ග්​ම්॒ රාජා॑න॒මෝෂ॑ධීෂ්ව॒ඵ්සු । තා අ॒ස්මභ්ය॒-ම්මධු॑මතී-ර්භවන්තු ව॒යග්​ම් රා॒ෂ්ට්රේ ජා᳚ග්රියාම පු॒රෝහි॑තාඃ । වාජ॑ස්යේ॒ද-ම්ප්ර॑ස॒ව ආ බ॑භූවේ॒මා ච॒ විශ්වා॒ භුව॑නානි ස॒ර්වතඃ॑ । ස වි॒රාජ॒-ම්පර්යේ॑ති ප්රජා॒න-න්ප්ර॒ජා-ම්පුෂ්ටිං॑-වඁ॒ර්ධය॑මානෝ අ॒ස්මේ । වාජ॑ස්යේ॒මා-ම්ප්ර॑ස॒ව-ශ්ශි॑ශ්රියේ॒ දිව॑මි॒මා ච॒ විශ්වා॒ භුව॑නානි ස॒ම්රාට් । අදි॑ථ්සන්ත-න්දාපයතු ප්රජා॒න-න්ර॒යිං- [ප්රජා॒න-න්ර॒යිම්, ච॒ න॒-ස්සර්ව॑වීරාං॒] 40

-ච॑ න॒-ස්සර්ව॑වීරා॒-න්නි ය॑ච්ඡතු ॥ අග්නේ॒ අච්ඡා॑ වදේ॒හ නඃ॒ ප්රති॑ න-ස්සු॒මනා॑ භව । ප්ර ණෝ॑ යච්ඡ භුවස්පතේ ධන॒දා අ॑සි න॒ස්ත්වම් ॥ ප්ර ණෝ॑ යච්ඡත්වර්ය॒මා ප්ර භගඃ॒ ප්ර බෘහ॒ස්පතිඃ॑ । ප්ර දේ॒වාඃ ප්රෝත සූ॒නෘතා॒ ප්ර වාග් දේ॒වී ද॑දාතු නඃ ॥ අ॒ර්ය॒මණ॒-ම්බෘහ॒ස්පති॒මින්ද්ර॒-න්දානා॑ය චෝදය । වාචං॒-විඁෂ්ණු॒ග්​ම්॒ සර॑ස්වතීග්​ම් සවි॒තාරං॑- [සර॑ස්වතීග්​ම් සවි॒තාර᳚ම්, ච වා॒ජින᳚ම් ।] 41

-ච වා॒ජින᳚ම් ॥ සෝම॒ග්​ම්॒ රාජා॑නං॒-වඁරු॑ණම॒ග්නි-ම॒න්වාර॑භාමහේ । ආ॒දි॒ත්යාන් විෂ්ණු॒ග්​ම්॒ සූර්ය॑-ම්බ්ර॒හ්මාණ॑-ඤ්ච॒ බෘහ॒ස්පති᳚ම් ॥ දේ॒වස්ය॑ ත්වා සවි॒තුඃ ප්ර॑ස॒වේ᳚-ऽශ්විනෝ᳚-ර්බා॒හුභ්යා᳚-ම්පූ॒ෂ්ණෝ හස්තා᳚භ්යා॒ග්​ම්॒ සර॑ස්වත්යෛ වා॒චෝ ය॒න්තු-ර්ය॒න්ත්රේණා॒ග්නේස්ත්වා॒ ආම්රා᳚ජ්යේනා॒භිෂි॑ඤ්චා॒මීන්ද්ර॑ස්ය॒ බෘහ॒ස්පතේ᳚ස්ත්වා॒ සාම්රා᳚ජ්යේනා॒භිෂි॑ඤ්චාමි ॥ 42 ॥
(ර॒යිග්​ම්-ස॑වි॒තාර॒ග්​ම්॒-ෂට්ත්රිග්​ම්॑ශච්ච) (අ. 10)

අ॒ග්නිරේකා᳚ක්ෂරේණ॒ වාච॒මුද॑ජයද॒ශ්විනෞ॒ ද්ව්ය॑ක්ෂරේණ ප්රාණාපා॒නාවුද॑ජයතාං॒-විඁෂ්ණු॒ස්ත්ය්ර॑ක්ෂරේණ॒ ත්රීන් ඁලෝ॒කානුද॑ජය॒-ථ්සෝම॒ශ්චතු॑රක්ෂරේණ॒ චතු॑ෂ්පදඃ ප॒ශූනුද॑ජය-ත්පූ॒ෂා පඤ්චා᳚ක්ෂරේණ ප॒ඞ්ක්තිමුද॑ජය-ද්ධා॒තා ෂඩ॑ක්ෂරේණ॒ ෂඩ්-ඍ॒තූනුද॑ජය-න්ම॒රුත॑-ස්ස॒ප්තාක්ෂ॑රේණ ස॒ප්තප॑දා॒ග්​ම්॒ ශක්ව॑රී॒මුද॑ජය॒-න්බෘහ॒ස්පති॑-ර॒ෂ්ටාක්ෂ॑රේණ ගාය॒ත්රීමුද॑ජය-න්මි॒ත්රෝ නවා᳚ක්ෂරේණ ත්රි॒වෘත॒ග්ග්॒ ස්තෝම॒මුද॑ජය॒- [ස්තෝම॒මුද॑ජයත්, වරු॑ණෝ॒ දශා᳚ක්ෂරේණ] 43

-ද්වරු॑ණෝ॒ දශා᳚ක්ෂරේණ වි॒රාජ॒-මුද॑ජය॒දින්ද්ර॒ ඒකා॑දශාක්ෂරේණ ත්රි॒ෂ්ටුභ॒-මුද॑ජය॒-ද්විශ්වේ॑ දේ॒වා ද්වාද॑ශාක්ෂරේණ॒ ජග॑තී॒මුද॑ජය॒න් වස॑ව॒ස්ත්රයෝ॑ දශාක්ෂරේණ ත්රයෝද॒ශග්ග්​ ස්තෝම॒මුද॑ජය-න්රු॒ද්රාශ්චතු॑ර්දශාක්ෂරේණ චතුර්ද॒ශග්ග්​ ස්තෝම॒මුද॑ජයන්නාදි॒ත්යාඃ පඤ්ච॑දශාක්ෂරේණ පඤ්චද॒ශග්ග්​ ස්තෝම॒මුද॑ජය॒න්නදි॑ති॒-ෂ්ෂෝඩ॑ශාක්ෂරේණ ෂෝඩ॒ශග්ග්​ ස්තෝම॒මුද॑ජය-ත්ප්ර॒ජාප॑ති-ස්ස॒ප්තද॑ශාක්ෂරේණ සප්තද॒ශග්ග්​ ස්තෝම॒මුද॑ජයත් ॥ 44 ॥
(ත්රි॒වෘත॒ග්ග්॒ ස්තෝම॒මුද॑ජය॒-ථ්ෂට්ච॑ත්වාරිග්​ම්ශච්ච) (අ. 11)

උ॒ප॒යා॒මගෘ॑හීතෝ-ऽසි නෘ॒ෂද॑-න්ත්වා ද්රු॒ෂද॑-ම්භුවන॒සද॒මින්ද්රා॑ය॒ ජුෂ්ට॑-ඞ්ගෘහ්ණාම්යේ॒ෂ තේ॒ යෝනි॒රින්ද්රා॑ය ත්වෝපයා॒මගෘ॑හීතෝ-ऽස්යඵ්සු॒ෂද॑-න්ත්වා ඝෘත॒සදං॑-ව්යෝඁම॒සද॒මින්ද්රා॑ය॒ ජුෂ්ට॑-ඞ්ගෘහ්ණාම්යේ॒ෂ තේ॒ යෝනි॒රින්ද්රා॑ය ත්වෝපයා॒මගෘ॑හීතෝ-ऽසි පෘථිවි॒ෂද॑-න්ත්වා-ऽන්තරික්ෂ॒සද॑-න්නාක॒සද॒මින්ද්රා॑ය॒ ජුෂ්ට॑-ඞ්ගෘහ්ණාම්යේ॒ෂ තේ॒ යෝනි॒රින්ද්රා॑ය ත්වා ॥ යේ ග්රහාඃ᳚ පඤ්චජ॒නීනා॒ යේෂා᳚-න්ති॒ස්රඃ ප॑රම॒ජාඃ । දෛව්යඃ॒ කෝශ॒- [දෛව්යඃ॒ කෝශඃ॑, සමු॑බ්ජිතඃ ।] 45

-ස්සමු॑බ්ජිතඃ । තේෂාං॒-විඁශි॑ප්රියාණා॒-මිෂ॒මූර්ජ॒ග්​ම්॒ සම॑ග්රභී-මේ॒ෂ තේ॒ යෝනි॒රින්ද්රා॑ය ත්වා ॥ අ॒පාග්​ම් රස॒මුද්ව॑යස॒ග්​ම්॒ සූර්ය॑රශ්මිග්​ම් ස॒මාභෘ॑තම් । අ॒පාග්​ම් රස॑ස්ය॒ යෝ රස॒ස්තං-වෝඁ ॑ ගෘහ්ණාම්යුත්ත॒මමේ॒ෂ තේ॒ යෝනි॒රින්ද්රා॑ය ත්වා ॥ අ॒යා වි॒ෂ්ඨා ජ॒නය॒න් කර්ව॑රාණි॒ ස හි ඝෘණි॑රු॒රු-ර්වරා॑ය ගා॒තුඃ । ස ප්රත්යුදෛ᳚-ද්ධ॒රුණෝ මද්ධ්වෝ॒ අග්ර॒ග්ග්॒ ස්වායාං॒-යඁ-ත්ත॒නුවා᳚-න්ත॒නූමෛර॑යත । උ॒ප॒යා॒මගෘ॑හීතෝ-ऽසි ප්ර॒ජාප॑තයේ ත්වා॒ ජුෂ්ට॑-ඞ්ගෘහ්ණාම්යේ॒ෂ තේ॒ යෝනිඃ॑ ප්ර॒ජාප॑තයේ ත්වා ॥ 46 ॥
(කෝශ॑-ස්ත॒නුවා॒න්-ත්රයෝ॑දශ ච) (අ. 12)

අන්වහ॒ මාසා॒ අන්විද්වනා॒න්යන්වෝෂ॑ධී॒රනු॒ පර්ව॑තාසඃ । අන්වින්ද්ර॒ග්​ම්॒ රෝද॑සී වාවශා॒නේ අන්වාපෝ॑ අජිහත॒ ජාය॑මානම් ॥ අනු॑ තේ දායි ම॒හ ඉ॑න්ද්රි॒යාය॑ ස॒ත්රා තේ॒ විශ්ව॒මනු॑ වෘත්ර॒හත්යේ᳚ । අනු॑ ක්ෂ॒ත්රමනු॒ සහෝ॑ යජ॒ත්රේන්ද්ර॑ දේ॒වේභි॒රනු॑ තේ නෘ॒ෂහ්යේ᳚ ॥ ඉ॒න්ද්රා॒ණීමා॒සු නාරි॑ෂු සු॒පත්නී॑-ම॒හම॑ශ්රවම් । න හ්ය॑ස්යා අප॒ර-ඤ්ච॒න ජ॒රසා॒ [ජ॒රසා᳚, මර॑තේ॒ පතිඃ॑ ।] 47

මර॑තේ॒ පතිඃ॑ ॥ නාහමි॑න්ද්රාණි රාරණ॒ සඛ්යු॑-ර්වෘ॒ෂාක॑පේර්-ඍ॒තේ । යස්යේ॒දමප්යග්​ම්॑ හ॒විඃ ප්රි॒ය-න්දේ॒වේෂු॒ ගච්ඡ॑ති ॥යෝ ජා॒ත ඒ॒ව ප්ර॑ථ॒මෝ මන॑ස්වා-න්දේ॒වෝ දේ॒වාන් ක්රතු॑නා ප॒ර්යභූ॑ෂත් । යස්ය॒ ශුෂ්මා॒ද්රෝද॑සී॒ අභ්ය॑සේතා-න්නෘං॒ණස්ය॑ ම॒හ්නා ස ජ॑නාස॒ ඉන්ද්රඃ॑ ॥ ආ තේ॑ ම॒හ ඉ॑න්ද්රෝ॒ත්යු॑ග්ර॒ සම॑න්යවෝ॒ ය-ථ්ස॒මර॑න්ත॒ සේනාඃ᳚ । පතා॑ති දි॒ද්යුන්නර්ය॑ස්ය බාහු॒වෝ-ර්මා තේ॒ [බාහු॒වෝ-ර්මා තේ᳚, මනෝ॑] 48

මනෝ॑ විෂ්ව॒ද්රිය॒ග් වි චා॑රීත් ॥ මා නෝ॑ මර්ධී॒රා භ॑රා ද॒ද්ධි තන්නඃ॒ ප්ර දා॒ශුෂේ॒ දාත॑වේ॒ භූරි॒ ය-ත්තේ᳚ । නව්යේ॑ දේ॒ෂ්ණේ ශ॒ස්තේ අ॒ස්මි-න්ත॑ උ॒ක්ථේ ප්ර බ්ර॑වාම ව॒යමි॑න්ද්ර ස්තු॒වන්තඃ॑ ॥ ආ තූ භ॑ර॒ මාකි॑රේ॒ත-ත්පරි॑ ෂ්ඨා-ද්වි॒ද්මා හි ත්වා॒ වසු॑පතිං॒-වඁසූ॑නාම් । ඉන්ද්ර॒ ය-ත්තේ॒ මාහි॑න॒-න්දත්ර॒-මස්ත්ය॒ස්මභ්ය॒-න්තද්ධ॑ර්යශ්ව॒ [තද්ධ॑ර්යශ්ව, ප්ර ය॑න්ධි ।] 49

ප්ර ය॑න්ධි ॥ ප්ර॒දා॒තාරග්​ම්॑ හවාමහ॒ ඉන්ද්ර॒මා හ॒විෂා॑ ව॒යම් । උ॒භා හි හස්තා॒ වසු॑නා පෘ॒ණස්වා ऽऽ ප්ර ය॑ච්ඡ॒ දක්ෂි॑ණා॒දෝත ස॒ව්යාත් ॥ ප්ර॒දා॒තා ව॒ජ්රී වෘ॑ෂ॒භස්තු॑රා॒ෂාට්ඡු॒ෂ්මී රාජා॑ වෘත්ර॒හා සෝ॑ම॒පාවා᳚ । අ॒ස්මින්. ය॒ජ්ඤේ බ॒ර්॒හිෂ්යා නි॒ෂද්යාථා॑ භව॒ යජ॑මානාය॒ ශං-යෝඃ ඁ॥ ඉන්ද්ර॑-ස්සු॒ත්රාමා॒ ස්වවා॒ග්​ම්॒ අවෝ॑භි-ස්සුමෘඩී॒කෝ භ॑වතු වි॒ශ්වවේ॑දාඃ । බාධ॑තා॒-න්ද්වේෂෝ॒ අභ॑ය-ඞ්කෘණෝතු සු॒වීර්ය॑ස්ය॒ [සු॒වීර්ය॑ස්ය, පත॑ය-ස්ස්යාම ।] 50

පත॑ය-ස්ස්යාම ॥ තස්ය॑ ව॒යග්​ම් සු॑ම॒තෞ ය॒ජ්ඤිය॒ස්යාපි॑ භ॒ද්රේ සෞ॑මන॒සේ ස්යා॑ම । ස සු॒ත්රාමා॒ ස්වවා॒ග්​ම්॒ ඉන්ද්රෝ॑ අ॒ස්මේ ආ॒රාච්චි॒-ද්ද්වේෂ॑-ස්සනු॒ත-ර්යු॑යෝතු ॥ රේ॒වතී᳚-ර්න-ස්සධ॒මාද॒ ඉන්ද්රේ॑ සන්තු තු॒විවා॑ජාඃ । ක්ෂු॒මන්තෝ॒ යාභි॒-ර්මදේ॑ම ॥ ප්රෝෂ්ව॑ස්මෛ පුරෝර॒ථමින්ද්රා॑ය ශූ॒ෂම॑ර්චත । අ॒භීකේ॑ චිදු ලෝක॒කෘ-ථ්ස॒ඞ්ගේ ස॒මථ්සු॑ වෘත්ර॒හා । අ॒ස්මාක॑-ම්බෝධි චෝදි॒තා නභ॑න්තා-මන්ය॒කේෂා᳚ම් । ජ්යා॒කා අධි॒ ධන්ව॑සු ॥ 51 ॥
(ජ॒රසා॒-මා තේ॑-හර්යශ්ව-සු॒වීර්ය॒ස්යා-ද්ධ්යේ-ක॑-ඤ්ච ) (අ. 13)

(පා॒ක॒ය॒ජ්ඤග්​ම්-සග්ග්​ශ්ර॑වාඃ-ප॒රෝක්ෂං॑-බ॒ර්॒හිෂෝ॒-ऽහං -ධ්රු॒වා-මග॒න්මේත්යා॑හ॒ -දේව॑ සවිත-ර්දේ॒වස්යා॒හං-ක්ෂ॒ත්රස්යෝලග්ග්​ම්॒​වාඁජ॑ස්යේ॒ම-ම॒ග්නිරේකා᳚ක්ෂරේණෝ -පයා॒මගෘ॑හීතෝ॒-ऽ-ස්යන්වහ॒ මාසා॒-ස්ත්රයෝ॑දශ ।)

(පා॒ක॒ය॒ජ්ඤං-ප॒රෝක්ෂං॑-ධ්රු॒වාං​විඁ සෘ॑ජතේ-ච න॒-ස්සර්ව॑වීරාං॒ - පත॑ය-ස්ස්යෝ॒-මෛක॑පඤ්චා॒ශත් । )

(පා॒ක॒ය॒ජ්ඤම්, ධන්ව॑සු)

॥ හරි॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ම්ප්රථමකාණ්ඩේ සප්තමඃ ප්රශ්න-ස්සමාප්තඃ ॥