කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ ද්විතීයඃ ප්රශ්නඃ - පවමානග්රාහාදීනාං-ව්යාඁඛ්යානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

යෝ වෛ පව॑මානානාමන්වාරෝ॒හාන්. වි॒ද්වාන්. යජ॒තේ-ऽනු॒ පව॑මානා॒නා රෝ॑හති॒ න පව॑මානේ॒භ්යෝ-ऽව॑ ච්ඡිද්යතේ ශ්යේ॒නෝ॑-ऽසි ගාය॒ත්රඡ॑න්දා॒ අනු॒ ත්වා-ऽऽර॑භේ ස්ව॒ස්ති මා॒ ස-ම්පා॑රය සුප॒ර්ණෝ॑-ऽසි ත්රි॒ෂ්ටුප්ඡ॑න්දා॒ අනු॒ ත්වා-ऽऽර॑භේ ස්ව॒ස්ති මා॒ ස-ම්පා॑රය॒ සඝා॑-ऽසි॒ ජග॑තීඡන්දා॒ අනු॒ ත්වා-ऽऽර॑භේ ස්ව॒ස්ති මා॒ සම්පා॑ර॒යේත්යා॑හෛ॒තේ [ ] 1

වෛ පව॑මානානාමන්වාරෝ॒හාස්තාන්. ය ඒ॒වං-විඁ॒ද්වාන්. යජ॒තේ-ऽනු॒ පව॑මානා॒නා රෝ॑හති॒ න පව॑මානේ॒භ්යෝ-ऽව॑ ච්ඡිද්යතේ॒ යෝ වෛ පව॑මානස්ය॒ සන්ත॑තිං॒-වේඁද॒ සර්ව॒මායු॑රේති॒ න පු॒රා-ऽऽයු॑ෂඃ॒ ප්ර මී॑යතේ පශු॒මා-න්භ॑වති වි॒න්දතේ᳚ ප්ර॒ජා-ම්පව॑මානස්ය॒ ග්රහා॑ ගෘහ්ය॒න්තේ-ऽථ॒ වා අ॑ස්යෛ॒තේ-ऽගෘ॑හීතා ද්රෝණකල॒ශ ආ॑ධව॒නීයඃ॑ පූත॒භෘ-ත්තාන්. යදගෘ॑හීත්වෝපාකු॒ර්යා-ත්පව॑මානං॒-විඁ- [-ත්පව॑මානං॒-විඁ, ඡි॒න්ද්යා॒-ත්තං-විඁ॒ච්ඡිද්ය॑මාන-] 2

ච්ඡි॑න්ද්යා॒-ත්තං-විඁ॒ච්ඡිද්ය॑මාන-මද්ධ්ව॒ර්යෝඃ ප්රා॒ණෝ-ऽනු॒ විච්ඡි॑ද්යේ-තෝපයා॒මගෘ॑හීතෝ-ऽසි ප්ර॒ජාප॑තයේ॒ ත්වේති॑ ද්රෝණකල॒ශම॒භි මෘ॑ශේ॒දින්ද්රා॑ය॒ ත්වේත්යා॑ධව॒නීයං॒-විඁශ්වේ᳚භ්යස්ත්වා දේ॒වේභ්ය॒ ඉති॑ පූත॒භෘත॒-ම්පව॑මානමේ॒ව ත-ථ්ස-න්ත॑නෝති॒ සර්ව॒මායු॑රේති॒ න පු॒රා-ऽऽයු॑ෂඃ॒ ප්රමී॑යතේ පශු॒මා-න්භ॑වති වි॒න්දතේ᳚ ප්ර॒ජාම් ॥ 3 ॥
(ඒ॒තේ - වි - ද්විච॑ත්වාරිග්​ම්ශච්ච) (අ. 1)

ත්රීණි॒ වාව සව॑නා॒න්යථ॑ තෘ॒තීය॒ග්​ම්॒ සව॑න॒මව॑ ලුම්පන්ත්යන॒ග්​ම්॒ශු කු॒ර්වන්ත॑ උපා॒ග්​ම්॒ශුග්​ම්හු॒ත්වෝපාග්​ම්॑ශුපා॒ත්රේ-ऽග්​ම්॑ශුම॒වාස්ය॒ තන්තෘ॑තීයසව॒නේ॑ ऽපි॒සෘජ්යා॒භි ෂු॑ණුයා॒ද්යදා᳚ප්යා॒යය॑ති॒ තේනාග්​ම්॑ශු॒මද්යද॑භිෂු॒ණෝති॒ තේන॑ර්ජී॒ෂි සර්වා᳚ණ්යේ॒ව ත-ථ්සව॑නාන්යග්​ම්ශු॒මන්ති॑ ශු॒ක්රව॑න්ති ස॒මාව॑ද්වීර්යාණි කරෝති॒ ද්වෞ ස॑මු॒ද්රෞ විත॑තාවජූ॒ර්යෞ ප॒ර්යාව॑ර්තේතේ ජ॒ඨරේ॑ව॒ පාදාඃ᳚ । තයෝඃ॒ පශ්ය॑න්තෝ॒ අති॑ යන්ත්ය॒න්ය-මප॑ශ්යන්ත॒- [යන්ත්ය॒න්ය-මප॑ශ්යන්තඃ, සේතු॒නා-ऽති॑] 4

-ස්සේතු॒නා-ऽති॑ යන්ත්ය॒න්යම් ॥ ද්වේ ද්රධ॑සී ස॒තතී॑ වස්ත॒ ඒකඃ॑ කේ॒ශී විශ්වා॒ භුව॑නානි වි॒ද්වාන් । ති॒රෝ॒ධායෛ॒ත්යසි॑තං॒-වඁසා॑න-ශ්ශු॒ක්රමා ද॑ත්තේ අනු॒හාය॑ ජා॒ර්යෛ ॥ දේ॒වා වෛ යද්ය॒ජ්ඤේ-ऽකු॑ර්වත॒ තදසු॑රා අකුර්වත॒ තේ දේ॒වා ඒ॒ත-ම්ම॑හාය॒ජ්ඤම॑පශ්ය॒-න්තම॑තන්වතාග්නිහෝ॒ත්රං-ව්රඁ॒තම॑කුර්වත॒ තස්මා॒-ද්ද්විව්ර॑ත-ස්ස්යා॒-ද්ද්විර්​හ්ය॑ග්නිහෝ॒ත්ර-ඤ්ජුහ්ව॑ති පෞර්ණමා॒සං-යඁ॒ජ්ඤ-ම॑ග්නීෂෝ॒මීය॑- [-ම॑ග්නීෂෝ॒මීය᳚ම්, ප॒ශුම॑කුර්වත] 5

-ම්ප॒ශුම॑කුර්වත දා॒ර්​ශ්යං-යඁ॒ජ්ඤමා᳚ග්නේ॒ය-ම්ප॒ශුම॑කුර්වත වෛශ්වදේ॒ව-ම්ප්රා॑තස්සව॒න -ම॑කුර්වත වරුණප්රඝා॒සා-න්මාද්ධ්ය॑දින්න॒ග්​ම්॒ සව॑නග්​ම් සාකමේ॒ධා-න්පි॑තෘය॒ජ්ඤ-න්ත්ර්ය॑ම්බකාග්​-ස්තෘතීයසව॒නම॑කුර්වත॒ තමේ॑ෂා॒මසු॑රා ය॒ජ්ඤ -ම॒න්වවා॑ජිගාග්​ම්ස॒-න්ත-න්නා-ऽන්වවා॑ය॒-න්තේ᳚-ऽබ්රුවන්නද්ධ්වර්ත॒ව්යා වා ඉ॒මේ දේ॒වා අ॑භූව॒න්නිති॒ තද॑ද්ධ්ව॒රස්යා᳚ ऽද්ධ්වර॒ත්ව-න්තතෝ॑ දේ॒වා අභ॑ව॒-න්පරා-ऽසු॑රා॒ ය ඒ॒වං-විඁ॒ද්වාන්-ථ්සෝමේ॑න॒ යජ॑තේ॒ භව॑ත්යා॒ත්මනා॒ පරා᳚ ऽස්ය॒ භ්රාතෘ॑ව්යෝ භවති ॥ 6 ॥
(අප॑ශ්යන්තෝ-ऽ - ග්නීෂෝ॒මීය॑ - මා॒ත්මනා॒ පරා॒ - ත්රීණි॑ ච) (අ. 2)

ප॒රි॒භූර॒ග්නි-ම්ප॑රි॒භූරින්ද්ර॑-ම්පරි॒භූර්විශ්වා᳚-න්දේ॒වා-න්ප॑රි॒භූර්මාග්​ම් ස॒හ බ්ර॑හ්මවර්ච॒සේන॒ ස නඃ॑ පවස්ව॒ ශ-ඞ්ගවේ॒ ශ-ඤ්ජනා॑ය॒ ශමර්ව॑තේ॒ ශග්​ම් රා॑ජ॒න්නෝෂ॑ධී॒භ්යෝ ऽච්ඡි॑න්නස්ය තේ රයිපතේ සු॒වීර්ය॑ස්ය රා॒යස්පෝෂ॑ස්ය දදි॒තාර॑-ස්ස්යාම । තස්ය॑ මේ රාස්ව॒ තස්ය॑ තේ භක්ෂීය॒ තස්ය॑ ත ඉ॒දමුන්මෘ॑ජේ ॥ ප්රා॒ණාය॑ මේ වර්චෝ॒දා වර්ච॑සේ පවස්වා පා॒නාය॑ ව්යා॒නාය॑ වා॒චේ [වා॒චේ, ද॒ක්ෂ॒ක්ර॒තුභ්යා॒-ඤ්චක්ෂු॑ර්භ්යා-ම්මේ] 7

ද॑ක්ෂක්ර॒තුභ්යා॒-ඤ්චක්ෂු॑ර්භ්යා-ම්මේ වර්චෝ॒දෞ වර්ච॑සේ පවේථා॒ග්॒ ශ්රෝත්රා॑යා॒ ऽऽත්මනේ ऽඞ්ගේ᳚භ්ය॒ ආයු॑ෂේ වී॒ර්යා॑ය॒ විෂ්ණෝ॒රින්ද්ර॑ස්ය॒ විශ්වේ॑ෂා-න්දේ॒වානා᳚-ඤ්ජ॒ඨර॑මසි වර්චෝ॒දා මේ॒ වර්ච॑සේ පවස්ව॒ කෝ॑-ऽසි॒ කෝ නාම॒ කස්මෛ᳚ ත්වා॒ කාය॑ ත්වා॒ ය-න්ත්වා॒ සෝමේ॒නාතී॑තෘපං॒-යඁ-න්ත්වා॒ සෝමේ॒නාමී॑මදග්​ම් සුප්ර॒ජාඃ ප්ර॒ජයා॑ භූයාසග්​ම් සු॒වීරෝ॑ වී॒රෛ-ස්සු॒වර්චා॒ වර්ච॑සා සු॒පෝෂඃ॒ පෝෂෛ॒-ර්විශ්වේ᳚භ්යෝ මේ රූ॒පේභ්යෝ॑ වර්චෝ॒දා [වර්චෝ॒දාඃ, වර්ච॑සේ] 8

වර්ච॑සේ පවස්ව॒ තස්ය॑ මේ රාස්ව॒ තස්ය॑ තේ භක්ෂීය॒ තස්ය॑ ත ඉ॒දමුන්මෘ॑ජේ ॥ බුභූ॑ෂ॒න්නවේ᳚ක්ෂේතෛ॒ෂ වෛ පාත්රි॑යඃ ප්ර॒ජාප॑තිර්ය॒ජ්ඤඃ ප්ර॒ජාප॑ති॒ස්තමේ॒ව ත॑ර්පයති॒ ස ඒ॑න-න්තෘ॒ප්තෝ භූත්යා॒-ऽභි ප॑වතේ බ්රහ්මවර්ච॒සකා॒මෝ-ऽවේ᳚ක්ෂේතෛ॒ෂ වෛ පාත්රි॑යඃ ප්ර॒ජාප॑තිර්ය॒ජ්ඤඃ ප්ර॒ජාප॑ති॒ස්තමේ॒ව ත॑ර්පයති॒ ස ඒ॑න-න්තෘ॒ප්තෝ බ්ර॑හ්මවර්ච॒සේනා॒භි ප॑වත ආමයා॒- [ආමයා॒වී, අවේ᳚ක්ෂේතෛ॒ෂ වෛ] 9

-ව්යවේ᳚ක්ෂේතෛ॒ෂ වෛ පාත්රි॑යඃ ප්ර॒ජාප॑තිර්ය॒ජ්ඤඃ ප්ර॒ජාප॑ති॒ස්තමේ॒ව ත॑ර්පයති॒ ස ඒ॑න-න්තෘ॒ප්ත ආයු॑ෂා॒-ऽභි ප॑වතේ-ऽභි॒චර॒න්නවේ᳚ක්ෂේතෛ॒ෂ වෛ පාත්රි॑යඃ ප්ර॒ජාප॑තිර්ය॒ජ්ඤඃ ප්ර॒ජාප॑ති॒ස්තමේ॒ව ත॑ර්පයති॒ ස ඒ॑න-න්තෘ॒ප්තඃ ප්රා॑ණාපා॒නාභ්යාං᳚-වාඁ॒චෝ ද॑ක්ෂක්ර॒තුභ්යා॒-ඤ්චක්ෂු॑ර්භ්යා॒ග්॒ ශ්රෝත්රා᳚භ්යා-මා॒ත්මනෝ-ऽඞ්ගේ᳚භ්ය॒ ආයු॑ෂෝ॒-ऽන්තරේ॑ති තා॒ජ-ක්ප්ර ධ॑න්වති ॥ 10 ॥
(වා॒චේ-රූ॒පේභ්යෝ॑ වර්චෝ॒දා - ආ॑මයා॒වී - පඤ්ච॑චත්වාරිග්​ම්ශච්ච) (අ. 3)

ස්ඵ්ය-ස්ස්ව॒ස්තිර්වි॑ඝ॒න-ස්ස්ව॒ස්තිඃ පර්​ශු॒ර්වේදිඃ॑ පර॒ශුර්න॑-ස්ස්ව॒ස්තිඃ । ය॒ජ්ඤියා॑ යජ්ඤ॒කෘත॑-ස්ස්ථ॒ තේ මා॒ස්මින් ය॒ජ්ඤ උප॑ හ්වයද්ධ්ව॒මුප॑ මා॒ ද්යාවා॑පෘථි॒වී හ්ව॑යේතා॒මුපා᳚-ऽऽස්තා॒වඃ ක॒ලශ॒-ස්සෝමෝ॑ අ॒ග්නිරුප॑ දේ॒වා උප॑ ය॒ජ්ඤ උප॑ මා॒ හෝත්රා॑ උපහ॒වේ හ්ව॑යන්තා॒-න්නමෝ॒-ऽග්නයේ॑ මඛ॒ඝ්නේම॒ඛස්ය॑ මා॒ යශෝ᳚-ऽර්යා॒දිත්යා॑හව॒නීය॒මුප॑ තිෂ්ඨතේ ය॒ජ්ඤෝ වෛ ම॒ඛෝ [ය॒ජ්ඤෝ වෛ ම॒ඛඃ, ය॒ජ්ඤං-වාඁව] 11

ය॒ජ්ඤං-වාඁව ස තද॑හ॒-න්තස්මා॑ ඒ॒ව න॑ම॒ස්කෘත්ය॒ සදඃ॒ ප්රස॑ර්පත්යා॒ත්මනෝ-ऽනා᳚ර්ත්යෛ॒ නමෝ॑ රු॒ද්රාය॑ මඛ॒ඝ්නේ නම॑ස්කෘත්යා මා පා॒හීත්යාග්නී᳚ද්ධ්ර॒-න්තස්මා॑ ඒ॒ව න॑ම॒ස්කෘත්ය॒ සදඃ॒ ප්රස॑ර්පත්යා॒ත්මනෝ-ऽනා᳚ර්ත්යෛ॒ නම॒ ඉන්ද්රා॑ය මඛ॒ඝ්න ඉ॑න්ද්රි॒ය-ම්මේ॑ වී॒ර්ය॑-ම්මා නිර්ව॑ධී॒රිති॑ හෝ॒ත්රීය॑මා॒ශිෂ॑මේ॒වෛතාමා ශා᳚ස්තෛන්ද්රි॒යස්ය॑ වී॒ර්ය॑ස්යානි॑ර්ඝාතාය॒ යා වෛ [ ] 12

දේ॒වතා॒-ස්සද॒ස්යාර්ති॑මා॒ර්පය॑න්ති॒ යස්තා වි॒ද්වා-න්ප්ර॒සර්ප॑ති॒ න සද॒ස්යාර්ති॒මාර්ච්ඡ॑ති॒ නමෝ॒-ऽග්නයේ॑ මඛ॒ඝ්න ඉත්යා॑හෛ॒තා වෛ දේ॒වතා॒-ස්සද॒ස්යාර්ති॒මා-ऽර්ප॑යන්ති॒ තා ය ඒ॒වං-විඁ॒ද්වා-න්ප්ර॒සර්ප॑ති॒ න සද॒ස්යාර්ති॒මාර්ච්ඡ॑ති ද්දෘ॒ඪේ ස්ථ॑-ශ්ශිථි॒රේ ස॒මීචී॒ මා-ऽග්​ම්හ॑සස්පාත॒ග්​ම්॒ සූර්යෝ॑ මා දේ॒වෝ දි॒ව්යාදග්​ම්හ॑සස්පාතු වා॒යුර॒න්තරි॑ක්ෂා- [වා॒යුර॒න්තරි॑ක්ෂාත්, අ॒ග්නිඃ පෘ॑ථි॒ව්යා] 13

-ද॒ග්නිඃ පෘ॑ථි॒ව්යා ය॒මඃ පි॒තෘභ්ය॒-ස්සර॑ස්වතී මනු॒ෂ්යේ᳚භ්යෝ॒ දේවී᳚ ද්වාරෞ॒ මා මා॒ ස-න්තා᳚ප්ත॒-න්නම॒-ස්සද॑සේ॒ නම॒-ස්සද॑ස॒ස්පත॑යේ॒ නම॒-ස්සඛී॑නා-ම්පුරෝ॒ගාණා॒-ඤ්චක්ෂු॑ෂේ॒ නමෝ॑ දි॒වේ නමඃ॑ පෘථි॒ව්යා අහේ॑ දෛධිෂ॒ව්යෝදත॑ස්තිෂ්ඨා॒-ऽන්යස්ය॒ සද॑නේ සීද॒ යෝ᳚-ऽස්ම-ත්පාක॑තර॒ උන්නි॒වත॒ උදු॒ද්වත॑ශ්ච ගේෂ-ම්පා॒ත-ම්මා᳚ ද්යාවාපෘථිවී අ॒ද්යාහ්න॒-ස්සදෝ॒ වෛ ප්ර॒සර්ප॑න්ත- [වෛ ප්ර॒සර්ප॑න්තම්, පි॒තරෝ-ऽනු॒] 14

-ම්පි॒තරෝ-ऽනු॒ ප්රස॑ර්පන්ති॒ ත ඒ॑නමීශ්ව॒රා හිග්​ම්සි॑තෝ॒-ස්සදඃ॑ ප්ර॒සෘප්ය॑ දක්ෂිණා॒ර්ධ-ම්පරේ᳚ක්ෂේ॒තා-ऽග॑න්ත පිතරඃ පිතෘ॒මාන॒හං-යුඁ॒ෂ්මාභි॑ර්භූයාසග්​ම් සුප්ර॒ජසෝ॒ මයා॑ යූ॒ය-ම්භූ॑යා॒ස්තේති॒ තේභ්ය॑ ඒ॒ව න॑ම॒ස්කෘත්ය॒ සදඃ॒ ප්රස॑ර්පත්යා॒ත්මනෝ-ऽනා᳚ර්ත්යෛ ॥ 15 ॥
(ම॒ඛෝ - වා - අ॒න්තරි॑ක්ෂාත් - ප්ර॒සර්ප॑න්තං॒ - ත්රය॑ස්ත්රිග්​ම්ශච්ච) (අ. 4)

භක්ෂේහි॒ මා ऽऽවි॑ශ දීර්ඝායු॒ත්වාය॑ ශන්තනු॒ත්වාය॑ රා॒යස්පෝෂා॑ය॒ වර්ච॑සේ සුප්රජා॒ස්ත්වායේහි॑ වසෝ පුරෝ වසෝ ප්රි॒යෝ මේ॑ හෘ॒දෝ᳚-ऽස්ය॒ශ්විනෝ᳚ස්ත්වා බා॒හුභ්යාග්​ම්॑ සඝ්යාස-න්නෘ॒චක්ෂ॑ස-න්ත්වා දේව සෝම සු॒චක්ෂා॒ අව॑ ඛ්යේෂ-ම්ම॒න්ද්රා-ऽභිභූ॑තිඃ කේ॒තුර්ය॒ජ්ඤානාං॒-වාඁග්ජු॑ෂා॒ණා සෝම॑ස්ය තෘප්යතු ම॒න්ද්රා ස්ව॑ර්වා॒ච්යදි॑ති॒රනා॑හත ශීර්​ෂ්ණී॒ වාග්ජු॑ෂා॒ණා සෝම॑ස්ය තෘප්ය॒ත්වේහි॑ විශ්වචර්​ෂණේ [ ] 16

ශ॒ම්භූර්ම॑යෝ॒භූ-ස්ස්ව॒ස්ති මා॑ හරිවර්ණ॒ ප්රච॑ර॒ ක්රත්වේ॒ දක්ෂා॑ය රා॒යස්පෝෂා॑ය සුවී॒රතා॑යෛ॒ මා මා॑ රාජ॒න්. වි බී॑භිෂෝ॒ මා මේ॒ හාර්දි॑ ත්වි॒ෂා ව॑ධීඃ । වෘෂ॑ණේ॒ ශුෂ්මා॒යා-ऽऽයු॑ෂේ॒ වර්ච॑සේ ॥ වසු॑ම-ද්ගණස්ය සෝම දේව තේ මති॒විදඃ॑ ප්රාත॒ස්සව॒නස්ය॑ ගාය॒ත්රඡ॑න්දස॒ ඉන්ද්ර॑පීතස්ය॒ නරා॒ශග්​ම්ස॑පීතස්ය පි॒තෘපී॑තස්ය॒ මධු॑මත॒ උප॑හූත॒ස්යෝප॑හූතෝ භක්ෂයාමි රු॒ද්රව॑-ද්ගණස්ය සෝම දේව තේ මති॒විදෝ॒ මාද්ධ්ය॑න්දිනස්ය॒ සව॑නස්ය ත්රි॒ෂ්ටුප්ඡ॑න්දස॒ ඉන්ද්ර॑පීතස්ය॒ නරා॒ශග්​ම් ස॑පීතස්ය [ ] 17

පි॒තෘපී॑තස්ය॒ මධු॑මත॒ උප॑හූත॒ස්යෝප॑හූතෝ භක්ෂයාම්යාදි॒ත්යව॑-ද්ගණස්ය සෝම දේව තේ මති॒විද॑ස්තෘ॒තීය॑ස්ය॒ සව॑නස්ය॒ ජග॑තීඡන්දස॒ ඉන්ද්ර॑පීතස්ය॒ නරා॒ශග්​ම් ස॑පීතස්ය පි॒තෘපී॑තස්ය॒ මධු॑මත॒ උප॑හූත॒ස්යෝප॑හූතෝ භක්ෂයාමි ॥ ආප්යා॑යස්ව॒ සමේ॑තු තේ වි॒ශ්වත॑-ස්සෝම॒ වෘෂ්ණි॑යම් । භවා॒ වාජ॑ස්ය සඞ්ග॒ථේ ॥ හින්ව॑ මේ॒ ගාත්රා॑ හරිවෝ ග॒ණා-න්මේ॒ මා විතී॑තෘෂඃ । ශි॒වෝ මේ॑ සප්ත॒ර්॒ෂීනුප॑ තිෂ්ඨස්ව॒ මා මේ-ऽවා॒න්නාභි॒මති॑ [මා මේ-ऽවා॒න්නාභි॒මති॑, ගාඃ॒ ।] 18

ගාඃ ॥ අපා॑ම॒ සෝම॑ම॒මෘතා॑ අභූ॒මා-ऽද॑ර්​ශ්ම॒ ජ්යෝති॒රවි॑දාම දේ॒වාන් । කිම॒ස්මාන් කෘ॑ණව॒දරා॑තිඃ॒ කිමු॑ ධූ॒ර්තිර॑මෘත॒ මර්ත්ය॑ස්ය ॥ යන්ම॑ ආ॒ත්මනෝ॑ මි॒න්දා-ऽභූ॑ද॒ග්නිස්ත-ත්පුන॒රා-ऽහා᳚ර්ජා॒තවේ॑දා॒ විච॑ර්​ෂණිඃ ॥ පුන॑ර॒ග්නිශ්චක්ෂු॑රදා॒ත්-පුන॒රින්ද්රෝ॒ බෘහ॒ස්පතිඃ॑ । පුන॑ර්මේ අශ්විනා යු॒ව-ඤ්චක්ෂු॒රා ධ॑ත්තම॒ක්ෂ්යෝඃ ॥ ඉ॒ෂ්ටය॑ජුෂස්තේ දේව සෝම ස්තු॒තස්තෝ॑මස්ය [ ] 19

ශ॒ස්තෝක්ථ॑ස්ය॒ හරි॑වත॒ ඉන්ද්ර॑පීතස්ය॒ මධු॑මත॒ උප॑හූත॒ස්යෝප॑හූතෝ භක්ෂයාමි ॥ ආ॒පූර්යා॒-ස්ස්ථා-ऽऽමා॑ පූරයත ප්ර॒ජයා॑ ච॒ ධනේ॑න ච ॥ ඒ॒ත-ත්තේ॑ තත॒ යේ ච॒ ත්වාමන්වේ॒ත-ත්තේ॑ පිතාමහ ප්රපිතාමහ॒ යේ ච॒ ත්වාමන්වත්ර॑ පිතරෝ යථාභා॒ග-ම්ම॑න්දද්ධ්ව॒-න්නමෝ॑ වඃ පිතරෝ॒ රසා॑ය॒ නමෝ॑ වඃ පිතර॒-ශ්ශුෂ්මා॑ය॒ නමෝ॑ වඃ පිතරෝ ජී॒වාය॒ නමෝ॑ වඃ පිතර- [නමෝ॑ වඃ පිතරඃ, ස්ව॒ධායෛ॒] 20

-ස්ස්ව॒ධායෛ॒ නමෝ॑ වඃ පිතරෝ ම॒න්යවේ॒ නමෝ॑ වඃ පිතරෝ ඝෝ॒රාය॒ පිත॑රෝ॒ නමෝ॑ වෝ॒ ය ඒ॒තස්මි॑න් ඁලෝ॒කේස්ථ යු॒ෂ්මාග්​ස්තේ-ऽනු॒ යේ᳚-ऽස්මින් ඁලෝ॒කේ මා-න්තේ-ऽනු॒ ය ඒ॒තස්මි॑න් ඁලෝ॒කේ ස්ථ යූ॒ය-න්තේෂාං॒-වඁසි॑ෂ්ඨා භූයාස්ත॒ යේ᳚-ऽස්මින් ඁලෝ॒කේ॑-ऽහ-න්තේෂාං॒-වඁසි॑ෂ්ඨෝ භූයාස॒-ම්ප්රජා॑පතේ॒ න ත්වදේ॒තාන්ය॒න්යෝ විශ්වා॑ ජා॒තානි॒ පරි॒තා බ॑භූව । 21

ය-ත්කා॑මාස්තේ ජුහු॒මස්තන්නෝ॑ අස්තු ව॒යග්ග්​ ස්යා॑ම॒ පත॑යෝ රයී॒ණාම් ॥ දේ॒වකෘ॑ත॒ස්යෛන॑සෝ ऽව॒යජ॑නමසි මනු॒ෂ්ය॑කෘත॒ස්යෛන॑සෝ ऽව॒යජ॑නමසි පි॒තෘකෘ॑ත॒ස්යෛන॑සෝ ऽව॒යජ॑නමස්ය॒ඵ්සු ධෞ॒තස්ය॑ සෝම දේව තේ॒ නෘභි॑-ස්සු॒තස්යේ॒ෂ්ට ය॑ජුෂ-ස්ස්තු॒තස්තෝ॑මස්ය ශ॒ස්තෝක්ථ॑ස්ය॒ යෝ භ॒ක්ෂෝඅ॑ශ්ව॒සනි॒ර්යෝ ගෝ॒සනි॒ස්තස්ය॑ තේ පි॒තෘභි॑ර්භ॒ක්ෂ-ඞ්කෘ॑ත॒ස්යෝ-ප॑හූත॒ස්යෝප॑හූතෝ භක්ෂයාමි ॥ 22 ॥
(වි॒ශ්ව॒ච॒ර්​ෂ॒ණේ॒ - ත්රි॒ෂ්ටුප්ඡ॑න්දස॒ ඉන්ද්ර॑පීතස්ය॒ නරා॒ශග්​ම් ස॑පීත॒ස්යා - ऽති॑ -ස්තු॒තස්තෝ॑මස්ය - ජී॒වාය॒ නමෝ॑ වඃ පිතරෝ - බභූව॒ - චතු॑ශ්චත්වාරිග්​ම්ශච්ච) (අ. 5)

ම॒හී॒නා-ම්පයෝ॑-ऽසි॒ විශ්වේ॑ෂා-න්දේ॒වානා᳚-න්ත॒නූර්-ඍ॒ද්ධ්යාස॑ම॒ද්ය පෘෂ॑තීනා॒-ඞ්ග්රහ॒-ම්පෘෂ॑තීනා॒-ඞ්ග්රහෝ॑-ऽසි॒ විෂ්ණෝ॒ර්॒හෘද॑යම॒ස්යේක॑මිෂ॒ විෂ්ණු॒ස්ත්වා-ऽනු॒ විච॑ක්රමේ භූ॒තිර්ද॒ද්ධ්නා ඝෘ॒තේන॑ වර්ධතා॒-න්තස්ය॑ මේ॒ෂ්ටස්ය॑ වී॒තස්ය॒ ද්රවි॑ණ॒මා ග॑ම්යා॒ජ්ජ්යෝති॑රසි වෛශ්වාන॒ර-ම්පෘශ්ඤි॑යෛ දු॒ග්ධං-යාඁව॑තී॒ ද්යාවා॑පෘථි॒වී ම॑හි॒ත්වා යාව॑ච්ච ස॒ප්ත සින්ධ॑වෝ විත॒ස්ථුඃ । තාව॑න්තමින්ද්ර තේ॒ [තාව॑න්තමින්ද්ර තේ, ග්රහග්​ම්॑] 23

ග්රහග්​ම්॑ ස॒හෝර්ජා ගෘ॑හ්ණා॒ම්යස්තෘ॑තම් ॥ ය-ත්කෘ॑ෂ්ණශකු॒නඃ පෘ॑ෂදා॒ජ්යම॑වමෘ॒ශේච්ඡූ॒ද්රා අ॑ස්ය ප්ර॒මායු॑කා-ස්ස්යු॒ර්යච්ඡ්වා ऽව॑මෘ॒ශේච්චතු॑ෂ්පාදෝ-ऽස්ය ප॒ශවඃ॑ ප්ර॒මායු॑කා-ස්ස්යු॒ර්ය-ථ්ස්කන්දේ॒-ද්යජ॑මානඃ ප්ර॒මායු॑ක-ස්ස්යා-ත්ප॒ශවෝ॒ වෛ පෘ॑ෂදා॒ජ්ය-ම්ප॒ශවෝ॒ වා ඒ॒තස්ය॑ ස්කන්දන්ති॒ යස්ය॑ පෘෂදා॒ජ්යග්ග්​ ස්කන්ද॑ති॒ ය-ත්පෘ॑ෂදා॒ජ්ය-ම්පුන॑ර්ගෘ॒හ්ණාති॑ ප॒ශූනේ॒වාස්මෛ॒ පුන॑ර්ගෘහ්ණාති ප්රා॒ණෝ වෛ පෘ॑ෂදා॒ජ්ය-ම්ප්රා॒ණෝ වා [පෘ॑ෂදා॒ජ්ය-ම්ප්රා॒ණෝ වෛ, ඒ॒තස්ය॑] 24

ඒ॒තස්ය॑ ස්කන්දති॒ යස්ය॑ පෘෂදා॒ජ්යග්ග්​ ස්කන්ද॑ති॒ ය-ත්පෘ॑ෂදා॒ජ්ය-ම්පුන॑ර්ගෘ॒හ්ණාති॑ ප්රා॒ණමේ॒වාස්මෛ॒ පුන॑ර්ගෘහ්ණාති॒ හිර॑ණ්යමව॒ධාය॑ ගෘහ්ණාත්ය॒මෘතං॒-වෛඁ හිර॑ණ්ය-ම්ප්රා॒ණඃ පෘ॑ෂදා॒ජ්යම॒මෘත॑මේ॒වාස්ය॑ ප්රා॒ණේ ද॑ධාති ශ॒තමා॑න-ම්භවති ශ॒තායුඃ॒ පුරු॑ෂ-ශ්ශ॒තේන්ද්රි॑ය॒ ආයු॑ෂ්යේ॒වේන්ද්රි॒යේ ප්රති॑තිෂ්ඨ॒ත්යශ්ව॒මව॑ ඝ්රාපයති ප්රාජාප॒ත්යෝ වා අශ්වඃ॑ ප්රාජාප॒ත්යඃ ප්රා॒ණ-ස්ස්වාදේ॒වාස්මෛ॒ යෝනේඃ᳚ ප්රා॒ණ-න්නිර්මි॑මීතේ॒ වි වා ඒ॒තස්ය॑ ය॒ජ්ඤශ්ඡි॑ද්යතේ॒ යස්ය॑ පෘෂදා॒ජ්යග්ග්​ ස්කන්ද॑ති වෛෂ්ණ॒ව්යර්චා පුන॑ර්ගෘහ්ණාති ය॒ජ්ඤෝ වෛ විෂ්ණු॑ර්ය॒ජ්ඤේනෛ॒ව ය॒ජ්ඤග්​ම් ස-න්ත॑නෝති ॥ 25 ॥
(තේ॒ - පෘ॒ෂ॒දා॒ජ්ය-ම්ප්රා॒ණෝ වෛ - යෝනේඃ᳚ ප්රා॒ණං - ද්වාවිග්​ම්॑ශතිශ්ච) (අ. 6)

දේව॑ සවිතරේ॒ත-ත්තේ॒ ප්රා-ऽऽහ॒ ත-ත්ප්ර ච॑ සු॒ව ප්ර ච॑ යජ॒ බෘහ॒ස්පති॑ර්බ්ර॒හ්මා ऽऽයු॑ෂ්මත්යා ඍ॒චෝ මා ගා॑ත තනූ॒පා-ථ්සාම්න॑-ස්ස॒ත්යා ව॑ ආ॒ශිෂ॑-ස්සන්තු ස॒ත්යා ආකූ॑තය ඍ॒ත-ඤ්ච॑ ස॒ත්ය-ඤ්ච॑ වදත ස්තු॒ත දේ॒වස්ය॑ සවි॒තුඃ ප්ර॑ස॒වේ ස්තු॒තස්ය॑ ස්තු॒තම॒ස්යූර්ජ॒-ම්මහ්යග්ග්॑ ස්තු॒ත-න්දු॑හා॒මා මා᳚ ස්තු॒තස්ය॑ ස්තු॒ත-ඞ්ග॑ම්යාච්ඡ॒ස්ත්රස්ය॑ ශ॒ස්ත්ර- [ශ॒ස්ත්රම්, අ॒ස්යූර්ජ॒-ම්මහ්යග්​ම්॑] 26

-ම॒ස්යූර්ජ॒-ම්මහ්යග්​ම්॑ ශ॒ස්ත්ර-න්දු॑හා॒මා මා॑ ශ॒ස්ත්රස්ය॑ ශ॒ස්ත්ර-ඞ්ග॑ම්යා-දින්ද්රි॒යාව॑න්තෝ වනාමහේ ධුක්ෂී॒මහි॑ ප්ර॒ජාමිෂ᳚ම් ॥ සා මේ॑ ස॒ත්යා-ऽऽශීර්දේ॒වේෂු॑ භූයා-ද්බ්රහ්මවර්ච॒ස-ම්මා-ऽऽ ග॑ම්යාත් ॥ ය॒ජ්ඤෝ බ॑භූව॒ ස ආ බ॑භූව॒ සප්රජ॑ජ්ඤේ॒ ස වා॑වෘධේ । ස දේ॒වානා॒මධි॑-පතිර්බභූව॒ සෝ අ॒ස්මාග්​ම් අධි॑පතීන් කරෝතු ව॒යග්ග්​ ස්යා॑ම॒ පත॑යෝ රයී॒ණාම් ॥ ය॒ජ්ඤෝ වා॒ වෛ [ ] 27

ය॒ජ්ඤප॑ති-න්දු॒හේ ය॒ජ්ඤප॑තිර්වා ය॒ජ්ඤ-න්දු॑හේ॒ ස ය-ස්ස්තු॑තශ॒ස්ත්රයෝ॒ර්දෝහ॒ම වි॑ද්වා॒න්॒. යජ॑තේ॒ තං-යඁ॒ජ්ඤෝ දු॑හේ॒ ස ඉ॒ෂ්ට්වා පාපී॑යා-න්භවති॒ ය ඒ॑නයෝ॒ර්දෝහං॑-විඁ॒ද්වාන්. යජ॑තේ॒ ස ය॒ජ්ඤ-න්දු॑හේ॒ ස ඉ॒ෂ්ට්වා වසී॑යා-න්භවති ස්තු॒තස්ය॑ ස්තු॒තම॒ස්යූර්ජ॒-ම්මහ්යග්ග්॑ ස්තු॒ත-න්දු॑හා॒මා මා᳚ ස්තු॒තස්ය॑ ස්තු॒ත-ඞ්ග॑ම්යාච්ඡ॒ස්ත්රස්ය॑ ශ॒ස්ත්රම॒ස්යූර්ජ॒-ම්මහ්යග්​ම්॑ ශ॒ස්ත්ර-න්දු॑හා॒ මා මා॑ ශ॒ස්ත්රස්ය॑ ශ॒ස්ත්ර-ඞ්ග॑ම්යා॒දිත්යා॑හෛ॒ෂ වෛ ස්තු॑තශ॒ස්ත්රයෝ॒ර්දෝහ॒ස්තං-යඁ ඒ॒වං-විඁ॒ද්වාන්. යජ॑තේ දු॒හ ඒ॒ව ය॒ජ්ඤමි॒ෂ්ට්වා වසී॑යා-න්භවති ॥ 28 ॥
(ශ॒ස්ත්රං - ඁවෛ - ශ॒ස්ත්රන්දු॑හාං॒ - ද්වාවිග්​ම්॑ශතිශ්ච) (අ. 7)

ශ්යේ॒නාය॒ පත්ව॑නේ॒ ස්වාහා॒ වට්ථ්ස්ව॒යම॑භිගූර්තාය॒ නමෝ॑ විෂ්ට॒ම්භාය॒ ධර්ම॑ණේ॒ ස්වාහා॒ වට්ථ්ස්ව॒යම॑භිගූර්තාය॒ නමඃ॑ පරි॒ධයේ॑ ජන॒ප්රථ॑නාය॒ ස්වාහා॒ වට්ථ්ස්ව॒යම॑භිගූර්තාය॒ නම॑ ඌ॒ර්ජේ හෝත්රා॑ණා॒ග්॒ ස්වාහා॒ වට්ථ්ස්ව॒යම॑භිගූර්තාය॒ නමඃ॒ පය॑සේ॒ හෝත්රා॑ණා॒ග්॒ ස්වාහා॒ වට්ථ්ස්ව॒යම॑භිගූර්තාය॒ නමඃ॑ ප්ර॒ජාප॑තයේ॒ මන॑වේ॒ ස්වාහා॒ වට්ථ්ස්ව॒යම॑භිගූර්තාය॒ නම॑ ඍ॒තමෘ॑තපා-ස්සුවර්වා॒ට්ථ්ස්වාහා॒ වට්ථ්ස්ව॒යම॑භිගූර්තාය॒ නම॑ස්තෘ॒ම්පන්තා॒ග්​ම්॒ හෝත්රා॒ මධෝ᳚ර්ඝෘ॒තස්ය॑ ය॒ජ්ඤප॑ති॒මෘෂ॑ය॒ ඒන॑සා- [ඒන॑සා, ආ॒හුඃ॒ ।] 29

-ऽऽහුඃ । ප්ර॒ජා නිර්භ॑ක්තා අනුත॒ප්යමා॑නා මධ॒ව්යෞ᳚ ස්තෝ॒කාවප॒ තෞ ර॑රාධ ॥ ස-න්න॒ස්තාභ්යාග්​ම්॑ සෘජතුවි॒ශ්වක॑ර්මා ඝෝ॒රා ඍෂ॑යෝ॒ නමෝ॑ අස්ත්වේභ්යඃ । චක්ෂු॑ෂ ඒෂා॒-ම්මන॑සශ්ච ස॒න්ධෞ බෘහ॒ස්පත॑යේ॒ මහි॒ ෂ-ද්ද්යු॒මන්නමඃ॑ ॥ නමෝ॑ වි॒ශ්වක॑ර්මණේ॒ ස උ॑ පාත්ව॒ස්මාන॑න॒න්යාන්-ථ්සෝ॑ම॒පා-න්මන්ය॑මානඃ । ප්රා॒ණස්ය॑ වි॒ද්වාන්-ථ්ස॑ම॒රේ න ධීර॒ ඒන॑ශ්චකෘ॒වා-න්මහි॑ බ॒ද්ධ ඒ॑ෂාම් ॥ තං-විඁ ॑ශ්වකර්ම॒- [තං-විඁ ॑ශ්වකර්මන්න්, ප්ර මු॑ඤ්චා ස්ව॒ස්තයේ॒] 30

-න්ප්ර මු॑ඤ්චා ස්ව॒ස්තයේ॒ යේ භ॒ක්ෂය॑න්තෝ॒ න වසූ᳚න්යානෘ॒හුඃ । යාන॒ග්නයෝ॒-ऽන්වත॑ප්යන්ත॒ ධිෂ්ණි॑යා ඉ॒ය-න්තේෂා॑මව॒යා දුරි॑ෂ්ට්යෛ॒ ස්වි॑ෂ්ටි-න්න॒ස්තා-ඞ්කෘ॑ණෝතු වි॒ශ්වක॑ර්මා ॥ නමඃ॑ පි॒තෘභ්යෝ॑ අ॒භි යේ නෝ॒ අඛ්ය॑න්. යජ්ඤ॒කෘතෝ॑ ය॒ජ්ඤකා॑මා-ස්සුදේ॒වා අ॑කා॒මා වෝ॒ දක්ෂි॑ණා॒-න්න නී॑නිම॒ මා න॒ස්තස්මා॒ දේන॑සඃ පාපයිෂ්ට । යාව॑න්තෝ॒ වෛ ස॑ද॒ස්යා᳚ස්තේ සර්වේ॑ දක්ෂි॒ණ්යා᳚ස්තේභ්යෝ॒ යෝ දක්ෂි॑ණා॒-න්න [ ] 31

නයේ॒දෛභ්යෝ॑ වෘශ්ච්යේත॒ ය-ද්වෛ᳚ශ්වකර්ම॒ණානි॑ ජු॒හෝති॑ සද॒ස්යා॑නේ॒ව ත-ත්ප්රී॑ණාත්ය॒ස්මේ දේ॑වාසෝ॒ වපු॑ෂේ චිකිථ්සත॒ යමා॒ශිරා॒ දම්ප॑තී වා॒මම॑ශ්ඤු॒තඃ । පුමා᳚-න්පු॒ත්රෝ ජා॑යතේ වි॒න්දතේ॒ වස්වථ॒ විශ්වේ॑ අර॒පා ඒ॑ධතේ ගෘ॒හඃ ॥ ආ॒ශී॒ර්දා॒යා දම්ප॑තී වා॒මම॑ශ්ඤුතා॒මරි॑ෂ්ටෝ॒ රාය॑-ස්සචතා॒ග්​ම්॒ සමෝ॑කසා । ය ආ-ऽසි॑ච॒-ථ්ස-න්දු॑ග්ධ-ඞ්කු॒ම්භ්යා ස॒හේෂ්ටේන॒ යාම॒න්නම॑ති-ඤ්ජහාතු॒ සඃ ॥ ස॒ර්පි॒ර්ග්රී॒වී [ ] 32

පීව॑ර්යස්ය ජා॒යා පීවා॑නඃ පු॒ත්රා අකෘ॑ශාසෝ අස්ය । ස॒හජා॑නි॒ර්ය-ස්සු॑මඛ॒ස්යමා॑න॒ ඉන්ද්රා॑යා॒-ऽऽශිරග්​ම්॑ ස॒හ කු॒ම්භ්යා-ऽදා᳚ත් ॥ ආ॒ශීර්ම॒ ඌර්ජ॑මු॒ත සු॑ප්රජා॒ස්ත්වමිෂ॑-න්දධාතු॒ ද්රවි॑ණ॒ග්​ම්॒ සව॑ර්චසම් । ස॒-ඤ්ජය॒න් ක්ෂේත්රා॑ණි॒ සහ॑සා॒-ऽහමි॑න්ද්ර කෘණ්වා॒නෝ අ॒න්යාග්​ම් අධ॑රාන්​ථ්ස॒පත්නාන්॑ ॥ භූ॒තම॑සි භූ॒තේ මා॑ ධා॒ මුඛ॑මසි॒ මුඛ॑-ම්භූයාස॒-න්ද්යාවා॑පෘථි॒වීභ්යා᳚-න්ත්වා॒ පරි॑ගෘහ්ණාමි॒ විශ්වේ᳚ ත්වා දේ॒වා වෛ᳚ශ්වාන॒රාඃ [වෛ᳚ශ්වාන॒රාඃ, ප්රච්යා॑වයන්තු] 33

ප්රච්යා॑වයන්තු දි॒වි දේ॒වා-න්දෘග්​ම්॑හා॒න්තරි॑ක්ෂේ॒ වයාග්​ම්॑සි පෘථි॒ව්යා-ම්පාර්ථි॑වා-න්ධ්රු॒ව-න්ධ්රු॒වේණ॑ හ॒විෂා-ऽව॒ සෝම॑-න්නයාමසි । යථා॑ න॒-ස්සර්ව॒මිජ්ජග॑දය॒ක්ෂ්මග්​ම් සු॒මනා॒ අස॑ත් । යථා॑ න॒ ඉන්ද්ර॒ ඉද්විශඃ॒ කේව॑ලී॒-ස්සර්වා॒-ස්සම॑නසඃ॒ කර॑ත් । යථා॑ න॒-ස්සර්වා॒ ඉද්දිශෝ॒-ऽස්මාක॒-ඞ්කේව॑ලී॒රසන්න්॑ ॥ 34 ॥
(ඒන॑සා - විශ්වකර්ම॒න් - යෝ දක්ෂි॑ණා॒-න්න - ස॑ර්පිර්ග්රී॒වී - වෛ᳚ශ්වන॒රා - ශ්ච॑ත්වාරි॒ග්​ම්॒ශච්ච॑) (අ. 8)

යද්වෛ හෝතා᳚-ऽද්ධ්ව॒ර්යුම॑භ්යා॒හ්වය॑තේ॒ වජ්ර॑මේනම॒භි ප්රව॑ර්තය॒ත්යුක්ථ॑ශා॒ ඉත්යා॑හ ප්රාතස්සව॒න-ම්ප්ර॑ති॒ගීර්ය॒ ත්රීණ්යේ॒තාන්ය॒ක්ෂරා॑ණි ත්රි॒පදා॑ ගාය॒ත්රී ගා॑ය॒ත්ර-ම්ප්රා॑තස්සව॒න-ඞ්ගා॑යත්රි॒යෛව ප්රා॑තස්සව॒නේ වජ්ර॑ම॒න්තර්ධ॑ත්ත උ॒ක්ථං-වාඁ॒චීත්යා॑හ॒ මාද්ධ්ය॑දින්න॒ග්​ම්॒ සව॑න-ම්ප්රති॒ගීර්ය॑ ච॒ත්වාර්යේ॒තාන්ය॒-ක්ෂරා॑ණි॒ චතු॑ෂ්පදා ත්රි॒ෂ්ටු-ප්ත්රෛෂ්ටු॑භ॒-ම්මාද්ධ්ය॑දින්න॒ග්​ම්॒ සව॑න-න්ත්රි॒ෂ්ටුභෛ॒ව මාද්ධ්ය॑න්දිනේ॒ සව॑නේ॒ වජ්ර॑ම॒න්තර්ධ॑ත්ත [වජ්ර॑ම॒න්තර්ධ॑ත්තේ, උ॒ක්ථං-වාඁ॒චීන්ද්රා॒යේත්යා॑හ] 35

උ॒ක්ථං-වාඁ॒චීන්ද්රා॒යේත්යා॑හ තෘතීයසව॒න-ම්ප්ර॑ති॒ගීර්ය॑ ස॒ප්තෛතාන්ය॒ක්ෂරා॑ණි ස॒ප්තප॑දා॒ ශක්ව॑රී ශාක්ව॒රෝ වජ්රෝ॒ වජ්රේ॑ණෛ॒ව තෘ॑තීයසව॒නේ වජ්ර॑ම॒න්තර්ධ॑ත්තේ බ්රහ්මවා॒දිනෝ॑ වදන්ති॒ ස ත්වා අ॑ද්ධ්ව॒ර්යු-ස්ස්යා॒ද්යෝ ය॑ථාසව॒න-ම්ප්ර॑තිග॒රේ ඡන්දාග්​ම්॑සි සම්පා॒දයේ॒-ත්තේජඃ॑ ප්රාත-ස්සව॒න ආ॒ත්ම-න්දධී॑තේන්ද්රි॒ය-ම්මාද්ධ්ය॑න්දිනේ॒ සව॑නේ ප॒ශූග්​ ස්තෘ॑තීයසව॒න ඉත්යුක්ථ॑ශා॒ ඉත්යා॑හ ප්රාතස්සව॒න-ම්ප්ර॑ති॒ගීර්ය॒ ත්රීණ්යේ॒තාන්ය॒ක්ෂරා॑ණි [ ] 36

ත්රි॒පදා॑ ගාය॒ත්රී ගා॑ය॒ත්ර-ම්ප්රා॑තස්සව॒න-ම්ප්රා॑තස්සව॒න ඒ॒ව ප්ර॑තිග॒රේ ඡන්දාග්​ම්॑සි॒ සම්පා॑දය॒ත්යථෝ॒ තේජෝ॒ වෛ ගා॑ය॒ත්රී තේජඃ॑ ප්රාත-ස්සව॒න-න්තේජ॑ ඒ॒ව ප්රා॑තස්සව॒න ආ॒ත්ම-න්ධ॑ත්ත උ॒ක්ථං-වාඁ॒චීත්යා॑හ॒ මාද්ධ්ය॑න්දින॒ග්​ම්॒ සව॑න-ම්ප්රති॒ගීර්ය॑ ච॒ත්වාර්යේ॒තාන්ය॒ක්ෂරා॑ණි॒ චතු॑ෂ්පදා ත්රි॒ෂ්ටු-ප්ත්රෛෂ්ටු॑භ॒-ම්මාද්ධ්ය॑න්දින॒ග්​ම්॒ සව॑න॒-ම්මාද්ධ්ය॑දින්න ඒ॒ව සව॑නේ ප්රතිග॒රේ ඡන්දාග්​ම්॑සි॒ සම්පා॑දය॒ත්යථෝ॑ ඉන්ද්රි॒යං-වෛඁ ත්රි॒ෂ්ටුගි॑න්ද්රි॒ය-ම්මාද්ධ්ය॑දින්න॒ග්​ම්॒ සව॑න- [සව॑නම්, ඉ॒න්ද්රි॒යමේ॒ව] 37

-මින්ද්රි॒යමේ॒ව මාද්ධ්ය॑න්දිනේ॒ සව॑න ආ॒ත්ම-න්ධ॑ත්ත උ॒ක්ථං-වාඁ॒චීන්ද්රා॒යේත්යා॑හ තෘතීයසව॒න-ම්ප්ර॑ති॒ගීර්ය॑ ස॒ප්තෛතාන්ය॒ක්ෂරා॑ණි ස॒ප්තප॑දා॒ ශක්ව॑රී ශාක්ව॒රාඃ ප॒ශවෝ॒ ජාග॑ත-න්තෘතීයසව॒න-න්තෘ॑තීයසව॒න ඒ॒ව ප්ර॑තිග॒රේ ඡන්දාග්​ම්॑සි॒ සම්පා॑දය॒ත්යථෝ॑ ප॒ශවෝ॒ වෛ ජග॑තී ප॒ශව॑ස්තෘතීයසව॒න-ම්ප॒ශූනේ॒ව තෘ॑තීයසව॒න ආ॒ත්ම-න්ධ॑ත්තේ॒ යද්වෛ හෝතා᳚-ऽද්ධ්ව॒ර්යුම॑භ්යා॒හ්වය॑ත ආ॒ව්ය॑මස්මි-න්දධාති॒ තද්යන්නා- [තද්යන්න, අ॒ප॒හනී॑ත පු॒රා-ऽස්ය॑] 38

-ऽප॒හනී॑ත පු॒රා-ऽස්ය॑ සං​වඁථ්ස॒රා-ද්ගෘ॒හ ආ වේ॑වීර॒ඤ්ඡෝග්​ම්සා॒ මෝද॑ ඉ॒වේති॑ ප්ර॒ත්යාහ්ව॑යතේ॒ තේනෛ॒ව තදප॑ හතේ॒ යථා॒ වා ආය॑තා-ම්ප්ර॒තීක්ෂ॑ත ඒ॒වම॑ද්ධ්ව॒ර්යුඃ ප්ර॑තිග॒ර-ම්ප්රතී᳚ක්ෂතේ॒ යද॑භි ප්රතිගෘණී॒යාද්යථා ऽऽය॑තයා සමෘ॒ච්ඡතේ॑ තා॒දෘගේ॒ව තද්යද॑ර්ධ॒ර්චාල්ලුප්යේ॑ත॒ යථා॒ ධාව॑ද්භ්යෝ॒ හීය॑තේ තා॒දෘගේ॒ව ත-ත්ප්ර॒බාහු॒ග්වා ඍ॒ත්විජා॑මුද්ගී॒ථා උ॑ද්ගී॒ථ ඒ॒වෝ-ද්ගා॑තෘ॒ණා- [ඒ॒වෝ-ද්ගා॑තෘ॒ණාම්, ඍ॒චඃ ප්ර॑ණ॒ව] 39

-මෘ॒චඃ ප්ර॑ණ॒ව උ॑ක්ථශ॒ග්​ම්॒සිනා᳚-ම්ප්රතිග॒රෝ᳚-ऽද්ධ්වර්යූ॒ණාං-යඁ ඒ॒වං-විඁ॒ද්වා-න්ප්ර॑තිගෘ॒ණාත්ය॑න්නා॒ද ඒ॒ව භ॑ව॒ත්යා-ऽස්ය॑ ප්ර॒ජායාං᳚-වාඁ॒ජී ජා॑යත ඉ॒යං-වෛඁ හෝතා॒-ऽසාව॑ද්ධ්ව॒ර්යුර්යදාසී॑න॒-ශ්ශග්​ම් ස॑ත්ය॒ස්යා ඒ॒ව තද්ධෝතා॒ නෛත්යාස්ත॑ ඉව॒ හීයමථෝ॑ ඉ॒මාමේ॒ව තේන॒ යජ॑මානෝ දුහේ॒ ය-ත්තිෂ්ඨ॑-න්ප්රතිගෘ॒ණාත්ය॒මුෂ්යා॑ ඒ॒ව තද॑ද්ධ්ව॒ර්යුර්නෛති॒ [තද॑ද්ධ්ව॒ර්යුර්නෛති॑, තිෂ්ඨ॑තීව॒ හ්ය॑සාවථෝ॑] 40

තිෂ්ඨ॑තීව॒ හ්ය॑සාවථෝ॑ අ॒මූමේ॒ව තේන॒ යජ॑මානෝ දුහේ॒ යදාසී॑න॒-ශ්ශග්​ම්ස॑ති॒ තස්මා॑දි॒තඃ ප්ර॑දාන-න්දේ॒වා උප॑ ජීවන්ති॒ ය-ත්තිෂ්ඨ॑-න්ප්රතිගෘ॒ණාති॒ තස්මා॑ද॒මුතඃ॑ ප්රදාන-ම්මනු॒ෂ්යා॑ උප॑ ජීවන්ති॒ ය-ත්ප්රාංආසී॑න॒-ශ්ශග්​ම්ස॑ති ප්ර॒ත්ය-න්තිෂ්ඨ॑-න්ප්රතිගෘ॒ණාති॒ තස්මා᳚-ත්ප්රා॒චීන॒ග්​ම්॒ රේතෝ॑ ධීයතේ ප්ර॒තීචීඃ᳚ ප්ර॒ජා ජා॑යන්තේ॒ යද්වෛ හෝතා᳚-ऽද්ධ්ව॒ර්යුම॑භ්යා॒හ්වය॑තේ॒ වජ්ර॑මේනම॒භි ප්රව॑ර්තයති॒ පරාං॒ආ ව॑ර්තතේ॒ වජ්ර॑මේ॒ව තන්නි ක॑රෝති ॥ 41 ॥
(සව॑නේ॒ වජ්ර॑ම॒න්තර්ධ॑ත්තේ॒ - ත්රීණ්යේ॒තාන්ය॒ක්ෂරා॑ණී - න්ද්රි॒ය-ම්මාධ්ය॑න්දින॒ග්​ම්॒ සව॑නං॒ - නෝ - ද්ගා॑තෘ॒ණා - ම॑ධ්ව॒ර්යුර්නෛති॑ - වර්තයත්ය॒ - ෂ්ටෞ ච॑) (අ. 9)

උ॒ප॒යා॒මගෘ॑හීතෝ-ऽසි වාක්ෂ॒සද॑සි වා॒ක්පාභ්යා᳚-න්ත්වා ක්රතු॒පාභ්යා॑ම॒ස්ය ය॒ජ්ඤස්ය॑ ධ්රු॒වස්යා-ऽද්ධ්ය॑-ක්ෂාභ්යා-ඞ්ගෘහ්ණා-ම්යුපයා॒මගෘ॑හීතෝ-ऽස්යෘත॒සද॑සි චක්ෂු॒ෂ්පාභ්යා᳚-න්ත්වා ක්රතු॒පාභ්යා॑ම॒ස්ය ය॒ජ්ඤස්ය॑ ධ්රු॒වස්යා-ऽද්ධ්ය॑ක්ෂාභ්යා-ඞ්ගෘහ්ණාම්යුපයා॒මගෘ॑හීතෝ-ऽසි ශ්රුත॒සද॑සි ශ්රෝත්ර॒පාභ්යා᳚-න්ත්වා ක්රතු॒පාභ්යා॑ම॒ස්ය ය॒ජ්ඤස්ය॑ ධ්රු॒වස්යා-ऽද්ධ්ය॑ක්ෂාභ්යා-ඞ්ගෘහ්ණාමි දේ॒වේභ්ය॑ස්ත්වා වි॒ශ්වදේ॑වේභ්යස්ත්වා॒ විශ්වේ᳚භ්යස්ත්වා දේ॒වේභ්යෝ॒ විෂ්ණ॑වුරුක්රමෛ॒ෂ තේ॒ සෝම॒ස්තග්​ම් ර॑ක්ෂස්ව॒ [සෝම॒ස්තග්​ම් ර॑ක්ෂස්ව, ත-න්තේ॑] 42

ත-න්තේ॑ දු॒ශ්චක්ෂා॒ මා-ऽව॑ ඛ්ය॒න්මයි॒ වසුඃ॑ පුරෝ॒වසු॑ර්වා॒ක්පා වාච॑-ම්මේ පාහි॒ මයි॒ වසු॑ර්වි॒දද්ව॑සුශ්චක්ෂු॒ෂ්පාශ්චක්ෂු॑-ර්මේ පාහි॒ මයි॒ වසු॑-ස්සං॒​යඁද්ව॑සු-ශ්ශ්රෝත්ර॒පා-ශ්ශ්රෝත්ර॑-ම්මේ පාහි॒ භූර॑සි॒ ශ්රේෂ්ඨෝ॑ රශ්මී॒නා-ම්ප්රා॑ණ॒පාඃ ප්රා॒ණ-ම්මේ॑ පාහි॒ ධූර॑සි॒ ශ්රේෂ්ඨෝ॑ රශ්මී॒නාම॑පාන॒පා අ॑පා॒න-ම්මේ॑ පාහි॒ යෝ න॑ ඉන්ද්රවායූ මිත්රාවරුණා-වශ්විනාවභි॒දාස॑ති॒ භ්රාතෘ॑ව්ය උ॒ත්පිපී॑තේ ශුභස්පතී ඉ॒දම॒හ-න්තමධ॑ර-ම්පාදයාමි॒ යථේ᳚න්ද්රා॒-ऽහමු॑ත්ත॒මශ්චේ॒තයා॑නි ॥ 43 ॥
(ර॒ක්ෂ॒ස්ව॒ - භ්ර්රාතෘ॑ව්ය॒ - ස්ත්රයෝ॑දශ ච) (අ. 10)

ප්ර සෝ අ॑ග්නේ॒ තවෝ॒තිභි॑-ස්සු॒වීරා॑භිස්තරති॒ වාජ॑කර්මභිඃ । යස්ය॒ ත්වග්​ම් ස॒ඛ්යමාවි॑ථ ॥ ප්ර හෝත්රේ॑ පූ॒ර්ව්යං-වඁචෝ॒-ऽග්නයේ॑ භරතා බෘ॒හත් । වි॒පා-ඤ්ජ්යෝතීග්​ම්॑ෂි॒ බිභ්ර॑තේ॒ න වේ॒ධසේ᳚ ॥ අග්නේ॒ ත්රී තේ॒ වාජි॑නා॒ ත්රී ෂ॒ධස්ථා॑ ති॒ස්රස්තේ॑ ජි॒හ්වා ඍ॑තජාත පූ॒ර්වීඃ । ති॒ස්ර උ॑ තේ ත॒නුවෝ॑ දේ॒වවා॑තා॒ස්තාභි॑ර්නඃ පාහි॒ ගිරෝ॒ අප්ර॑යුච්ඡන්න් ॥ සං-වාඁ॒-ඞ්කර්ම॑ණා॒ සමි॒ෂා [සමි॒ෂා, හි॒නෝ॒මීන්ද්රා॑-විෂ්ණූ॒] 44

හි॑නෝ॒මීන්ද්රා॑-විෂ්ණූ॒ අප॑සස්පා॒රේ අ॒ස්ය । ජු॒ෂේථාං᳚-යඁ॒ජ්ඤ-න්ද්රවි॑ණ-ඤ්ච ධත්ත॒මරි॑ෂ්ටෛර්නඃ ප॒ථිභිඃ॑ පා॒රය॑න්තා ॥ උ॒භා ජි॑ග්යථු॒ර්න පරා॑ ජයේථේ॒ න පරා॑ ජිග්යේ කත॒රශ්ච॒නෛනෝඃ᳚ । ඉන්ද්ර॑ශ්ච විෂ්ණෝ॒ යදප॑ස්පෘධේථා-න්ත්රේ॒ධා ස॒හස්රං॒-විඁ තදෛ॑රයේථාම් ॥ ත්රීණ්යායූග්​ම්॑ෂි॒ තව॑ ජාතවේදස්ති॒ස්ර ආ॒ජානී॑රු॒ෂස॑ස්තේ අග්නේ । තාභි॑ර්දේ॒වානා॒මවෝ॑ යක්ෂි වි॒ද්වානථා॑ [වි॒ද්වානථ॑, භ॒ව॒ යජ॑මානාය॒ ශං​යෝඁඃ ।] 45

-භව॒ යජ॑මානාය॒ ශං​යෝඁඃ ॥ අ॒ග්නිස්ත්රීණි॑ ත්රි॒ධාතූ॒න්යා ක්ෂේ॑ති වි॒දථා॑ ක॒විඃ । ස ත්රීග්​ම්රේ॑කාද॒ශාග්​ම් ඉ॒හ ॥ යක්ෂ॑ච්ච පි॒ප්රය॑ච්ච නෝ॒ විප්රෝ॑ දූ॒තඃ පරි॑ෂ්කෘතඃ । නභ॑න්තාමන්ය॒කේ ස॑මේ ॥ ඉන්ද්රා॑විෂ්ණූ දෘග්​ම්හි॒තා-ශ්ශම්බ॑රස්ය॒ නව॒ පුරෝ॑ නව॒ති-ඤ්ච॑- ශ්ඤථිෂ්ටම් । ශ॒තං-වඁ॒ර්චින॑-ස්ස॒හස්ර॑-ඤ්ච සා॒කග්​ම් හ॒ථෝ අ॑ප්ර॒ත්යසු॑රස්ය වී॒රාන් ॥ උ॒ත මා॒තා ම॑හි॒ෂ මන්ව॑වේනද॒මී ත්වා॑ ජහති පුත්ර දේ॒වාඃ । අථා᳚බ්රවී-ද්වෘ॒ත්රමින්ද්රෝ॑ හනි॒ෂ්යන්-ථ්සඛේ॑ විෂ්ණෝ විත॒රං-විඁක්ර॑මස්ව ॥ 46 ॥
(ඉ॒ෂා - ऽථ॑ - ත්වා॒ - ත්රයෝ॑දශ ච) (අ. 11)

(යෝ වෛ පව॑මානානාං॒ - ත්රීණි॑ - පරි॒භූරඃ - ස්ඵ්ය-ස්ස්ව॒ස්ති - ර්භක්ෂේහි॑ - මහී॒නා-ම්පයෝ॑-ऽසි॒ - දේව॑ සවිතරේ॒තත්තේ᳚ - ශ්යේ॒නාය॒ - යද්වෛ හෝතෝ॑ - පයා॒මගෘ॑හීතෝ-ऽසි වාක්ෂ॒සත් - ප්ර සෝ අ॑ග්න॒ - ඒකා॑දශ )

(යෝ වෛ - ස්ඵ්ය-ස්ස්ව॒ස්තිඃ - ස්ව॒ධායෛ॒ නමඃ॒ - ප්රමු॑ඤ්ච॒ - තිෂ්ඨ॑තීව॒ - ෂට්ච॑ත්වාරිග්​ම්ශත් )

(යෝ වෛ පව॑මානානා॒ම්, වික්ර॑මස්ව)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-න්තෘතීයකාණ්ඩේ ද්විතීයඃ ප්රශ්න-ස්සමාප්තඃ ॥