කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථකාණ්ඩේ ප්රථමඃ ප්රශ්නඃ- අග්නිචිත්යඞ්ග මන්ත්රපාඨාභිධානං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

යු॒ඤ්ජා॒නඃ ප්ර॑ථ॒ම-ම්මන॑ස්ත॒ත්වාය॑ සවි॒තා ධියඃ॑ । අ॒ග්නි-ඤ්ජ්යෝති॑ර්නි॒චාය්ය॑ පෘථි॒ව්යා අද්ධ්යා ऽභ॑රත් ॥ යු॒ක්ත්වාය॒ මන॑සා දේ॒වාන්-ථ්සුව॑ර්ය॒තෝ ධි॒යා දිව᳚ම් । බෘ॒හජ්ජ්යෝතිඃ॑ කරිෂ්ය॒ත-ස්ස॑වි॒තා ප්රසු॑වාති॒ තාන් ॥ යු॒ක්තේන॒ මන॑සා ව॒ය-න්දේ॒වස්ය॑ සවි॒තු-ස්ස॒වේ । සු॒ව॒ර්ගේයා॑ය॒ ශක්ත්යෛ᳚ ॥ යු॒ඤ්ජතේ॒ මන॑ උ॒ත යු॑ඤ්ජතේ॒ ධියෝ॒ විප්රා॒ විප්ර॑ස්ය බෘහ॒තෝ වි॑ප॒ශ්චිතඃ॑ । වි හෝත්රා॑ දධේ වයුනා॒ විදේක॒ ඉ- [වයුනා॒ විදේක॒ ඉත්, ම॒හී දේ॒වස්ය॑] 1

-න්ම॒හී දේ॒වස්ය॑ සවි॒තුඃ පරි॑ෂ්ටුතිඃ ॥ යු॒ජේ වා॒-ම්බ්රහ්ම॑ පූ॒ර්ව්ය-න්නමෝ॑භි॒ර්වි ශ්ලෝකා॑ යන්ති ප॒ථ්යේ॑ව॒ සූරාඃ᳚ । ශෘ॒ණ්වන්ති॒ විශ්වේ॑ අ॒මෘත॑ස්ය පු॒ත්රා ආ යේ ධාමා॑නි දි॒ව්යානි॑ ත॒ස්ථුඃ ॥ යස්ය॑ ප්ර॒යාණ॒මන්ව॒න්ය ඉද්ය॒යුර්දේ॒වා දේ॒වස්ය॑ මහි॒මාන॒මර්ච॑තඃ । යඃ පාර්ථි॑වානි විම॒මේ ස ඒත॑ශෝ॒ රජාග්​ම්॑සි දේ॒ව-ස්ස॑වි॒තා ම॑හිත්ව॒නා ॥ දේව॑ සවිතඃ॒ ප්රසු॑ව ය॒ජ්ඤ-ම්ප්රස॑ව [ ] 2

ය॒ජ්ඤප॑ති॒-ම්භගා॑ය දි॒ව්යෝ ග॑න්ධ॒ර්වඃ । කේ॒ත॒පූඃ කේත॑න්නඃ පුනාතු වා॒චස්පති॒ර්වාච॑ම॒ද්ය ස්ව॑දාති නඃ ॥ ඉ॒ම-න්නෝ॑ දේව සවිතර්ය॒ජ්ඤ-ම්ප්රසු॑ව දේවා॒යුවග්​ම්॑ සඛි॒විදග්​ම්॑ සත්රා॒ජිත॑-න්ධන॒ජිතග්​ම්॑ සුව॒ර්ජිත᳚ම් ॥ ඍ॒චා ස්තෝම॒ග්​ම්॒ සම॑ර්ධය ගාය॒ත්රේණ॑ රථන්ත॒රම් । බෘ॒හ-ද්ගා॑ය॒ත්රව॑ර්තනි ॥ දේ॒වස්ය॑ ත්වා සවි॒තුඃ ප්ර॑ස॒වේ᳚ ऽශ්විනෝ᳚ර්බා॒හුභ්යා᳚-ම්පූ॒ෂ්ණෝ හස්තා᳚භ්යා-ඞ්ගාය॒ත්රේණ॒ ඡන්ද॒සා ऽऽද॑දේ-ऽඞ්ගිර॒ස්වදභ්රි॑රසි॒ නාරි॑- [නාරිඃ॑, අ॒සි॒ පෘ॒ථි॒ව්යා-ස්ස॒ධස්ථා॑-] 3

-රසි පෘථි॒ව්යා-ස්ස॒ධස්ථා॑-ද॒ග්නි-ම්පු॑රී॒ෂ්ය॑මඞ්ගිර॒ස්වදා භ॑ර॒ ත්රෛෂ්ටු॑භේන ත්වා॒ ඡන්ද॒සා ऽऽද॑දේ-ऽඞ්ගිර॒ස්ව-ද්බභ්රි॑රසි॒ නාරි॑රසි॒ ත්වයා॑ ව॒යග්​ම් ස॒ධස්ථ॒ ආග්නිග්​ම් ශ॑කේම॒ ඛනි॑තු-ම්පුරී॒ෂ්ය॑-ඤ්ජාග॑තේන ත්වා॒ ඡන්ද॒සා ऽऽද॑දේ-ऽඞ්ගිර॒ස්වද්ධස්ත॑ ආ॒ධාය॑ සවි॒තා බිභ්ර॒දභ්රිග්​ම්॑ හිර॒ණ්යයී᳚ම් । තයා॒ ජ්යෝති॒රජ॑ස්ර॒-මිද॒ග්නි-ඞ්ඛා॒ත්වී න॒ ආ භ॒රානු॑ෂ්ටුභේන ත්වා॒ ඡන්ද॒සා ऽऽද॑දේ-ऽඞ්ගිර॒ස්වත් ॥ 4 ॥
(ඉ--ද්ය॒ජ්ඤ-ම්ප්රසු॑ව॒ - නාරි॒ - රානු॑ෂ්ටුභේන ත්වා॒ ඡන්ද॑සා॒ - ත්රීණි॑ ච) (අ. 1)

ඉ॒මාම॑ගෘභ්ණ-න්රශ॒නාමෘ॒තස්ය॒ පූර්ව॒ ආයු॑ෂි වි॒දථේ॑ෂු ක॒ව්යා । තයා॑ දේ॒වා-ස්සු॒තමා බ॑භූවුර්-ඍ॒තස්ය॒ සාම᳚න්-ථ්ස॒රමා॒රප॑න්තී ॥ ප්රතූ᳚ර්තං-වාඁජි॒න්නා ද්ර॑ව॒ වරි॑ෂ්ඨා॒මනු॑ සං॒​වඁත᳚ම් । දි॒වි තේ॒ ජන්ම॑ පර॒මම॒න්තරි॑ක්ෂේ॒ නාභිඃ॑ පෘථි॒ව්යාමධි॒ යෝනිඃ॑ ॥ යු॒ඤ්ජාථා॒ග්​ම්॒ රාස॑භං-යුඁ॒වම॒ස්මින්. යාමේ॑ වෘෂණ්වසූ । අ॒ග්නි-ම්භර॑න්තමස්ම॒යුම් ॥ යෝගේ॑යෝගේ ත॒වස්ත॑රං॒-වාඁජේ॑වාජේ හවාමහේ । සඛා॑ය॒ ඉන්ද්ර॑ම॒තයේ᳚ ॥ ප්ර॒තූර්ව॒- [ප්ර॒තූර්වන්න්॑, ඒහ්ය॑ව॒ක්රාම॒න්නශ॑ස්තී] 5

-න්නේහ්ය॑ව॒ක්රාම॒න්නශ॑ස්තී රු॒ද්රස්ය॒ ගාණ॑පත්යා-න්මයෝ॒භූරේහි॑ । උ॒ර්ව॑න්තරි॑ක්ෂ॒මන්වි॑හි ස්ව॒ස්ති ග॑ව්යූති॒රභ॑යානි කෘ॒ණ්වන්න් ॥ පූ॒ෂ්ණා ස॒යුජා॑ ස॒හ । පෘ॒ථි॒ව්යා-ස්ස॒ධස්ථා॑ද॒ග්නි-ම්පු॑රි॒ෂ්ය॑-මඞ්ගිර॒ස්ව-දච්ඡේ᳚හ්ය॒ග්නි-ම්පු॑රී॒ෂ්ය॑ -මඞ්ගිර॒ස්වද-ච්ඡේ॑මෝ॒-ऽග්නි-ම්පු॑රී॒ෂ්ය॑-මඞ්ගිර॒ස්ව-ද්භ॑රිෂ්යාමෝ॒-ऽග්නි-ම්පු॑රී॒ෂ්ය॑-මඞ්ගිර॒ස්ව-ද්භ॑රාමඃ ॥ අන්ව॒ග්නිරු॒ෂසා॒-මග්ර॑මඛ්ය॒-දන්වහා॑නි ප්රථ॒මෝ ජා॒තවේ॑දාඃ । අනු॒ සූර්ය॑ස්ය [සූර්ය॑ස්ය, පු॒රු॒ත්රා ච॑] 6

පුරු॒ත්රා ච॑ ර॒ශ්මීනනු॒ ද්යාවා॑පෘථි॒වී ආ ත॑තාන ॥ ආ॒ගත්ය॑ වා॒ජ්යද්ධ්ව॑න॒-ස්සර්වා॒ මෘධෝ॒ විධූ॑නුතේ । අ॒ග්නිග්​ම් ස॒ධස්ථේ॑ මහ॒ති චක්ෂු॑ෂා॒ නි චි॑කීෂතේ ॥ ආ॒ක්රම්ය॑ වාජි-න්පෘථි॒වීම॒ග්නිමි॑ච්ඡ රු॒චා ත්වම් । භූම්යා॑ වෘ॒ත්වාය॑ නෝ බ්රූහි॒ යතඃ॒ ඛනා॑ම॒ තං-වඁ॒යම් ॥ ද්යෞස්තේ॑ පෘ॒ෂ්ඨ-ම්පෘ॑ථි॒වී ස॒ධස්ථ॑මා॒ත්මා ऽන්තරි॑ක්ෂග්​ම් සමු॒ද්රස්තේ॒ යෝනිඃ॑ । වි॒ඛ්යාය॒ චක්ෂු॑ෂා॒ ත්වම॒භි ති॑ෂ්ඨ [ත්වම॒භි ති॑ෂ්ඨ, පෘ॒ත॒න්ය॒තඃ ।] 7

පෘතන්ය॒තඃ ॥ උත්ක්රා॑ම මහ॒තේ සෞභ॑ගායා॒-ස්මාදා॒ස්ථානා᳚-ද්ද්රවිණෝ॒දා වා॑ජින්න් । ව॒යග්ග්​ ස්යා॑ම සුම॒තෞ පෘ॑ථි॒ව්යා අ॒ග්නි-ඞ්ඛ॑නි॒ෂ්යන්ත॑ උ॒පස්ථේ॑ අස්යාඃ ॥ උද॑ක්රමී-ද්ද්රවිණෝ॒දා වා॒ජ්යර්වා-ऽක॒-ස්ස ලෝ॒කග්​ම් සුකෘ॑ත-ම්පෘථි॒ව්යාඃ । තතඃ॑ ඛනේම සු॒ප්රතී॑කම॒ග්නිග්​ම් සුවෝ॒ රුහා॑ණා॒ අධි॒ නාක॑ උත්ත॒මේ ॥ අ॒පෝ දේ॒වීරුප॑ සෘජ॒ මධු॑මතීරය॒ක්ෂ්මාය॑ ප්ර॒ජාභ්යඃ॑ । තාසා॒ග්॒ ස්ථානා॒දුජ්ජි॑හතා॒-මෝෂ॑ධය-ස්සුපිප්ප॒ලාඃ ॥ ජිඝ॑- [ජිඝ॑ර්මි, අ॒ග්නි-ම්මන॑සා] 8

-ර්ම්ය॒ග්නි-ම්මන॑සා ඝෘ॒තේන॑ ප්රති॒ක්ෂ්යන්ත॒-ම්භුව॑නානි॒ විශ්වා᳚ । පෘ॒ථු-න්ති॑ර॒ශ්චා වය॑සා බෘ॒හන්තං॒-ව්යඁචි॑ෂ්ඨ॒මන්නග්​ම්॑ රභ॒සං-විඁදා॑නම් ॥ ආ ත්වා॑ ජිඝර්මි॒ වච॑සා ඝෘ॒තේනා॑-ऽර॒ක්ෂසා॒ මන॑සා॒ තජ්ජු॑ෂස්ව । මර්ය॑ශ්රී-ස්ස්පෘහ॒ය-ද්ව॑ර්ණෝ අ॒ග්නිර්නා-ऽභි॒මෘශේ॑ ත॒නුවා॒ ජර්​හෘ॑ෂාණඃ ॥ පරි॒ වාජ॑පතිඃ ක॒විර॒ග්නිර්-හ॒ව්යාන්ය॑ක්රමීත් । දධ॒-ද්රත්නා॑නි දා॒ශුෂේ᳚ ॥ පරි॑ ත්වා-ऽග්නේ॒ පුරං॑-වඁ॒යං-විඁප්රග්​ම්॑ සහස්ය ධීමහි । ධෘ॒ෂ-ද්ව॑ර්ණ-න්දි॒වේදි॑වේ භේ॒ත්තාර॑-ම්භඞ්ගු॒රාව॑තඃ ॥ ත්වම॑ග්නේ॒ ද්යුභි॒ස්ත්ව-මා॑ශුශු॒ක්ෂණි॒ස්ත්ව-ම॒ද්භ්යස්ත්ව-මශ්ම॑න॒ස්පරි॑ । ත්වං-වඁනේ᳚භ්ය॒ ස්ත්වමෝෂ॑ධීභ්ය॒ ස්ත්ව-න්නෘ॒ණා-න්නෘ॑පතේ ජායසේ॒ ශුචිඃ॑ ॥ 9 ॥
(ප්ර॒තූර්ව॒න්ථ් - සූර්ය॑ස්ය - තිෂ්ඨ॒ - ජිඝ॑ර්මි - භේ॒ත්තාරං॑ - ඁවිග්​ම්ශ॒තිශ්ච॑) (අ. 2)

දේ॒වස්ය॑ ත්වා සවි॒තුඃ ප්ර॑ස॒වේ᳚-ऽශ්විනෝ᳚ ර්බා॒හුභ්යා᳚-ම්පූ॒ෂ්ණෝ හස්තා᳚භ්යා-ම්පෘථි॒ව්යා-ස්ස॒ධස්ථේ॒-ऽග්නි-ම්පු॑රී॒ෂ්ය॑-මඞ්ගිර॒ස්ව-ත්ඛ॑නාමි ॥ ජ්යෝති॑ෂ්මන්ත-න්ත්වා-ऽග්නේ සු॒ප්රතී॑ක॒මජ॑ස්රේණ භා॒නුනා॒ දීද්යා॑නම් । ශි॒ව-ම්ප්ර॒ජාභ්යෝ-ऽහිග්​ම්॑ සන්ත-ම්පෘථි॒ව්යා-ස්ස॒ධස්ථේ॒-ऽග්නි-ම්පු॑රී॒ෂ්ය॑ -මඞ්ගිර॒ස්ව-ත්ඛ॑නාමි ॥ අ॒පා-ම්පෘ॒ෂ්ඨම॑සි ස॒ප්රථා॑ උ॒ර්ව॑ග්නි-ම්භ॑රි॒ෂ්යදප॑රාවපිෂ්ඨම් । වර්ධ॑මාන-ම්ම॒හ ආ ච॒ පුෂ්ක॑ර-න්දි॒වෝ මාත්ර॑යා වරි॒ණා ප්ර॑ථස්ව ॥ ශර්ම॑ ච ස්ථෝ॒ [ශර්ම॑ ච ස්ථඃ, වර්ම॑ ච] 10

වර්ම॑ ච ස්ථෝ॒ අච්ඡි॑ද්රේ බහු॒ලේ උ॒භේ । ව්යච॑ස්වතී॒ සං-වඁ ॑සාථා-ම්භ॒ර්තම॒ග්නි-ම්පු॑රී॒ෂ්ය᳚ම් ॥ සං​වඁ ॑සාථාග්​ම් සුව॒ර්විදා॑ ස॒මීචී॒ උර॑සා॒ ත්මනා᳚ । අ॒ග්නිම॒න්ත ර්භ॑රි॒ෂ්යන්තී॒ ජ්යෝති॑ෂ්මන්ත॒ මජ॑ස්ර॒මිත් ॥ පු॒රී॒ෂ්යෝ॑-ऽසි වි॒ශ්වභ॑රාඃ । අථ॑ර්වා ත්වා ප්රථ॒මෝ නිර॑මන්ථදග්නේ ॥ ත්වාම॑ග්නේ॒ පුෂ්ක॑රා॒දද්ධ්යථ॑ර්වා॒ නිර॑මන්ථත । මූ॒ර්ධ්නෝ විශ්ව॑ස්ය වා॒ඝතඃ॑ ॥ තමු॑ ත්වා ද॒ද්ධ්යඞ්ඞෘෂිඃ॑ පු॒ත්ර ඊ॑ධේ॒ [පු॒ත්ර ඊ॑ධේ, අථ॑ර්වණඃ ।] 11

අථ॑ර්වණඃ । වෘ॒ත්ර॒හණ॑-ම්පුරන්ද॒රම් ॥ තමු॑ ත්වා පා॒ථ්යෝ වෘෂා॒ සමී॑ධේ දස්යු॒හන්ත॑මම් । ධ॒න॒ඤ්ජ॒යග්​ම් රණේ॑රණේ ॥ සීද॑ හෝත॒-ස්ස්ව උ॑ ලෝ॒කේ චි॑කි॒ත්වාන්-ථ්සා॒දයා॑ ය॒ජ්ඤග්​ම් සු॑කෘ॒තස්ය॒ යෝනෞ᳚ । දේ॒වා॒වීර්දේ॒වාන්. හ॒විෂා॑ යජා॒ස්යග්නේ॑ බෘ॒හ-ද්යජ॑මානේ॒ වයෝ॑ ධාඃ ॥ නි හෝතා॑ හෝතෘ॒ෂද॑නේ॒ විදා॑නස්ත්වේ॒ෂෝ දී॑දි॒වාග්​ම් අ॑සද-ථ්සු॒දක්ෂඃ॑ । අද॑බ්ධව්රත ප්රමති॒ර්වසි॑ෂ්ඨ-ස්සහස්ර-ම්භ॒ර-ශ්ශුචි॑ජිහ්වෝ අ॒ග්නිඃ ॥ සග්​ම් සී॑දස්ව ම॒හාග්​ම් අ॑සි॒ ශෝච॑ස්ව [ශෝච॑ස්ව, දේ॒ව॒වීත॑මඃ ।] 12

දේව॒වීත॑මඃ । වි ධූ॒මම॑ග්නේ අරු॒ෂ-ම්මි॑යේද්ධ්ය සෘ॒ජ ප්ර॑ශස්ත දර්​ශ॒තම් ॥ ජනි॑ෂ්වා॒ හි ජේන්යෝ॒ අග්රේ॒ අහ්නාග්​ම්॑ හි॒තෝ හි॒තේෂ්ව॑රු॒ෂෝ වනේ॑ෂු । දමේ॑දමේ ස॒ප්ත රත්නා॒ දධා॑නෝ॒-ऽග්නිර්​හෝතා॒ නි ෂ॑සාදා॒ යජී॑යාන් ॥ 13 ॥
(ස්ථ॒ - ඊ॒ධේ॒ - ශෝච॑ස්ව - ස॒ප්තවිග්​ම්॑ශතිශ්ච) - (අ. 3)

ස-න්තේ॑ වා॒යුර්මා॑ත॒රිශ්වා॑ දධාතූත්තා॒නායෛ॒ හෘද॑යං॒-යඁද්විලි॑ෂ්ටම් । දේ॒වානාං॒-යඁශ්චර॑ති ප්රා॒ණථේ॑න॒ තස්මෛ॑ ච දේවි॒ වෂ॑ඩස්තු॒ තුභ්ය᳚ම් ॥ සුජා॑තෝ॒ ජ්යෝති॑ෂා ස॒හ ශර්ම॒ වරූ॑ථ॒මා-ऽස॑ද॒-ස්සුවඃ॑ । වාසෝ॑ අග්නේ වි॒ශ්වරූ॑ප॒ග්​ම්॒ සං​ව්යඁ ॑යස්ව විභාවසෝ ॥ උදු॑ තිෂ්ඨ ස්වද්ධ්ව॒රාවා॑ නෝ දේ॒ව්යා කෘ॒පා । දෘ॒ශේ ච॑ භා॒සා බෘ॑හ॒තා සු॑ශු॒ක්වනි॒රා-ऽග්නේ॑ යාහි සුශ॒ස්තිභිඃ॑ ॥ 14 ॥

ඌ॒ර්ධ්ව ඌ॒ ෂු ණ॑ ඌ॒තයේ॒ තිෂ්ඨා॑ දේ॒වෝ න ස॑වි॒තා । ඌ॒ර්ධ්වෝ වාජ॑ස්ය॒ සනි॑තා॒ යද॒ඤ්ජිභි॑-ර්වා॒ඝද්භි॑-ර්වි॒හ්වයා॑මහේ ॥ ස ජා॒තෝ ගර්භෝ॑ අසි॒ රෝද॑ස්යෝ॒රග්නේ॒ චාරු॒ර්විභෘ॑ත॒ ඕෂ॑ධීෂු । චි॒ත්ර-ශ්ශිශුඃ॒ පරි॒ තමාග්॑ස්ය॒ක්තඃ ප්ර මා॒තෘභ්යෝ॒ අධි॒ කනි॑ක්රදද්ගාඃ ॥ ස්ථි॒රෝ භ॑ව වී॒ඩ්ව॑ඞ්ග ආ॒ශුර්භ॑ව වා॒ජ්ය॑ර්වන්න් । පෘ॒ථුර්භ॑ව සු॒ෂද॒ස්ත්වම॒ග්නේඃ පු॑රීෂ॒වාහ॑නඃ ॥ ශි॒වෝ භ॑ව [ ] 15

ප්ර॒ජාභ්යෝ॒ මානු॑ෂීභ්ය॒ස්ත්වම॑ඞ්ගිරඃ । මා ද්යාවා॑පෘථි॒වී අ॒භි ශූ॑ශුචෝ॒ මා-ऽන්තරි॑ක්ෂ॒-ම්මා වන॒ස්පතීන්॑ ॥ ප්රෛතු॑ වා॒ජී කනි॑ක්රද॒-න්නාන॑ද॒-ද්රාස॑භඃ॒ පත්වා᳚ । භර॑න්න॒ග්නි-ම්පු॑රී॒ෂ්ය॑-ම්මා පා॒ද්යායු॑ෂඃ පු॒රා ॥ රාස॑භෝ වා॒-ඞ්කනි॑ක්රද॒-ථ්සුයු॑ක්තෝ වෘෂණා॒ රථේ᳚ । ස වා॑ම॒ග්නි-ම්පු॑රී॒ෂ්ය॑මා॒ශුර්දූ॒තෝ ව॑හාදි॒තඃ ॥ වෘෂා॒-ऽග්නිං-වෘඁෂ॑ණ॒-ම්භර॑න්න॒පා-ඞ්ගර්භග්​ම්॑ සමු॒ද්රිය᳚ම් । අග්න॒ ආ යා॑හි [ ] 16

වී॒තය॑ ඍ॒තග්​ම් ස॒ත්යම් ॥ ඕෂ॑ධයඃ॒ ප්රති॑ ගෘහ්ණීතා॒-ऽග්නිමේ॒තග්​ම් ශි॒වමා॒යන්ත॑ම॒භ්යත්ර॑ යු॒ෂ්මාන් । ව්යස්ය॒න් විශ්වා॒ අම॑තී॒රරා॑තී-ර්නි॒ෂීද॑න්නෝ॒ අප॑ දුර්ම॒තිග්​ම් හ॑නත් ॥ ඕෂ॑ධයඃ॒ ප්රති॑ මෝදද්ධ්වමේන॒-ම්පුෂ්පා॑වතී-ස්සුපිප්ප॒ලාඃ । අ॒යං-වෝඁ॒ ගර්භ॑ ඍ॒ත්වියඃ॑ ප්ර॒ත්නග්​ම් ස॒ධස්ථ॒මා ऽස॑දත් ॥ 17 ॥
(සු॒ශ॒ස්තිභිඃ॑ - ශි॒වෝ භ॑ව - යාහි॒ - ෂට්ත්රිග්​ම්॑ශච්ච) (අ. 4)

වි පාජ॑සා පෘ॒ථුනා॒ ශෝශු॑චානෝ॒ බාධ॑ස්ව ද්වි॒ෂෝ ර॒ක්ෂසෝ॒ අමී॑වාඃ । සු॒ශර්ම॑ණෝ බෘහ॒ත-ශ්ශර්ම॑ණි ස්යාම॒ග්නේර॒හග්​ම් සු॒හව॑ස්ය॒ ප්රණී॑තෞ ॥ ආපෝ॒ හි ෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන । ම॒හේ රණා॑ය॒ චක්ෂ॑සේ ॥ යෝ ව॑-ශ්ශි॒වත॑මෝ॒ රස॒ස්තස්ය॑ භාජයතේ॒හ නඃ॑ । උ॒ශ॒තීරි॑ව මා॒තරඃ॑ ॥ තස්මා॒ අර॑-ඞ්ගමාම වෝ॒ යස්ය॒ ක්ෂයා॑ය॒ ජින්ව॑ථ । ආපෝ॑ ජ॒නය॑ථා ච නඃ ॥ මි॒ත්ර- [මි॒ත්රඃ, ස॒ග්​ම්॒සෘජ්ය॑] 18

-ස්ස॒ග්​ම්॒සෘජ්ය॑ පෘථි॒වී-ම්භූමි॑-ඤ්ච॒ ජ්යෝති॑ෂා ස॒හ । සුජා॑ත-ඤ්ජා॒තවේ॑දසම॒ග්නිං-වෛඁ᳚ශ්වාන॒රං-විඁ॒භුම් ॥ අ॒ය॒ක්ෂ්මාය॑ ත්වා॒ සග්​ම් සෘ॑ජාමි ප්ර॒ජාභ්යඃ॑ । විශ්වේ᳚ ත්වා දේ॒වා වෛ᳚ශ්වාන॒රා-ස්සග්​ම් සෘ॑ජ॒න්ත්වා-නු॑ෂ්ටුභේන॒ ඡන්ද॑සා-ऽඞ්ගිර॒ස්වත් ॥ රු॒ද්රා-ස්ස॒භෘන්ත්ය॑ පෘථි॒වී-ම්බෘ॒හජ්ජ්යෝති॒-ස්සමී॑ධිරේ । තේෂා᳚-ම්භා॒නුරජ॑ස්ර॒ ඉච්ඡු॒ක්රෝ දේ॒වේෂු॑ රෝචතේ ॥ සග්​ම් සෘ॑ෂ්ටාං॒-වඁසු॑භී රු॒ද්රෛර්ධීරෛඃ᳚ කර්ම॒ණ්යා᳚-ම්මෘද᳚ම් । හස්තා᳚භ්යා-ම්මෘ॒ද්වී-ඞ්කෘ॒ත්වා සි॑නීවා॒ලී ක॑රෝතු॒ [සි॑නීවා॒ලී ක॑රෝතු, තාම් ।] 19

තාම් ॥ සි॒නී॒වා॒ලී සු॑කප॒ර්දා සු॑කුරී॒රා ස්වෞ॑ප॒ශා । සා තුභ්ය॑මදිතේ මහ॒ ඕඛා-න්ද॑ධාතු॒ හස්ත॑යෝඃ ॥ උ॒ඛා-ඞ්ක॑රෝතු॒ ශක්ත්යා॑ බා॒හුභ්යා॒-මදි॑තිර්ධි॒යා । මා॒තා පු॒ත්රං-යඁථෝ॒පස්ථේ॒ සා-ऽග්නි-ම්බි॑භර්තු॒ ගර්භ॒ ආ ॥ ම॒ඛස්ය॒ ශිරෝ॑-ऽසි ය॒ජ්ඤස්ය॑ ප॒දේ ස්ථඃ॑ । වස॑වස්ත්වා කෘණ්වන්තු ගාය॒ත්රේණ॒ ඡන්ද॑සා ऽඞ්ගිර॒ස්ව-ත්පෘ॑ථි॒ව්ය॑සි රු॒ද්රාස්ත්වා॑ කෘණ්වන්තු॒ ත්රෛෂ්ටු॑භේන॒ ඡන්ද॑සා ऽඞ්ගිර॒ස්වද॒න්තරි॑ක්ෂම- [-ऽඞ්ගිර॒ස්වද॒න්තරි॑ක්ෂමසි, ආ॒දි॒ත්යාස්ත්වා॑] 20

-ස්යාදි॒ත්යාස්ත්වා॑ කෘණ්වන්තු॒ ජාග॑තේන॒ ඡන්ද॑සා-ऽඞ්ගිර॒ස්ව-ද්ද්යෞර॑සි॒ විශ්වේ᳚ ත්වා දේ॒වා වෛ᳚ශ්වාන॒රාඃ කෘ॑ණ්ව॒න්ත්වානු॑ෂ්ටුභේන॒ ඡන්ද॑සා-ऽඞ්ගිර॒ස්ව-ද්දිශෝ॑-ऽසි ධ්රු॒වා-ऽසි॑ ධා॒රයා॒ මයි॑ ප්ර॒ජාග්​ම් රා॒යස්පෝෂ॑-ඞ්ගෞප॒ත්යග්​ම් සු॒වීර්යග්​ම්॑ සජා॒තාන්. යජ॑මානා॒යා-ऽදි॑ත්යෛ॒ රාස්නා॒-ऽස්ය දි॑තිස්තේ॒ බිල॑-ඞ්ගෘහ්ණාතු॒ පාඞ්ක්තේ॑න॒ ඡන්ද॑සා ऽඞ්ගිර॒ස්වත් ॥ කෘ॒ත්වාය॒ සා ම॒හීමු॒ඛා-ම්මෘ॒න්මයීං॒-යෝඁනි॑ම॒ග්නයේ᳚ । තා-ම්පු॒ත්රේභ්ය॒-ස්ස-ම්ප්රා ය॑ච්ඡ॒දදි॑ති-ශ්ශ්ර॒පයා॒නිති॑ ॥ 21 ॥
(මි॒ත්රඃ - ක॑රෝ - ත්ව॒න්තරි॑ක්ෂමසි॒ - ප්ර - ච॒ත්වාරි॑ ච) (අ. 5)

වස॑වස්ත්වා ධූපයන්තු ගාය॒ත්රේණ॒ ඡන්ද॑සා-ऽඞ්ගිර॒ස්ව-ද්රු॒ද්රාස්ත්වා॑ ධූපයන්තු॒ ත්රෛෂ්ටු॑භේන॒ ඡන්ද॑සා-ऽඞ්ගිර॒ස්ව-දා॑දි॒ත්යාස්ත්වා॑ ධූපයන්තු॒ ජාග॑තේන॒ ඡන්ද॑සා-ऽඞ්ගිර॒ස්වද්- විශ්වේ᳚ ත්වා දේ॒වා වෛ᳚ශ්වාන॒රා ධූ॑පය॒න්ත්වානු॑ෂ්ටුභේන॒ ඡන්ද॑සා-ऽඞ්ගිර॒ස්ව-දින්ද්ර॑ස්ත්වා ධූපයත්වඞ්ගිර॒ස්ව--ද්විෂ්ණු॑ස්ත්වා ධූපයත්වඞ්ගිර॒ස්ව-ද්වරු॑ණස්ත්වා ධූපයත්වඞ්ගිර॒ස්ව-දදි॑තිස්ත්වා දේ॒වී වි॒ශ්වදේ᳚ව්යාවතී පෘථි॒ව්යා-ස්ස॒ධස්ථේ᳚-ऽඞ්ගිර॒ස්ව-ත්ඛ॑නත්වවට දේ॒වානා᳚-න්ත්වා॒ පත්නී᳚- [පත්නීඃ᳚, දේ॒වී-ර්වි॒ශ්වදේ᳚ව්යාවතීඃ] 22

-ර්දේ॒වී-ර්වි॒ශ්වදේ᳚ව්යාවතීඃ පෘථි॒ව්යා-ස්ස॒ධස්ථේ᳚-ऽඞ්ගිර॒ස්ව-ද්ද॑ධතූඛේ ධි॒ෂණා᳚ස්ත්වා දේ॒වීර්වි॒ශ්වදේ᳚ව්යාවතීඃ පෘථි॒ව්යා-ස්ස॒ධස්ථේ᳚-ऽඞ්ගිර॒ස්ව-ද॒භීන්ධ॑තාමුඛේ॒ ග්නාස්ත්වා॑ දේ॒වීර්වි॒ශ්වදේ᳚ව්යාවතීඃ පෘථි॒ව්යා-ස්ස॒ධස්ථේ᳚-ऽඞ්ගිර॒ස්ව-ච්ඡ්ර॑පයන්තූඛේ॒ වරූ᳚ත්රයෝ॒ ජන॑යස්ත්වා දේ॒වීර්වි॒ශ්වදේ᳚ව්යාවතීඃ පෘථි॒ව්යා-ස්ස॒ධස්ථේ᳚-ऽඞ්ගිර॒ස්ව-ත්ප॑චන්තූඛේ । මිත්රෛ॒තාමු॒ඛා-ම්ප॑චෛ॒ෂා මා භේ॑දි । ඒ॒තා-න්තේ॒ පරි॑ දදා॒ම්යභි॑ත්ත්යෛ ॥ අ॒භීමා- [අ॒භීමාම්, ම॒හි॒නා දිව॑-ම්මි॒ත්රෝ] 23

-ම්ම॑හි॒නා දිව॑-ම්මි॒ත්රෝ බ॑භූව ස॒ප්රථාඃ᳚ । උ॒ත ශ්රව॑සා පෘථි॒වීම් ॥ මි॒ත්රස්ය॑ චර්​ෂණී॒ධෘත॒-ශ්ශ්රවෝ॑ දේ॒වස්ය॑ සාන॒සිම් । ද්යු॒ම්න-ඤ්චි॒ත්රශ්ර॑වස්තමම් ॥ දේ॒වස්ත්වා॑ සවි॒තෝද්ව॑පතු සුපා॒ණි-ස්ස්ව॑ඞ්ගු॒රිඃ । සු॒බා॒හුරු॒ත ශක්ත්යා᳚ ॥ අප॑ද්යමානා පෘථි॒ව්යාශා॒ දිශ॒ ආ පෘ॑ණ । උත්ති॑ෂ්ඨ බෘහ॒තී භ॑වෝ॒ර්ධ්වා ති॑ෂ්ඨ ධ්රු॒වා ත්වම් ॥ වස॑ව॒ස්ත්වා ऽऽච්ඡෘ॑න්දන්තු ගාය॒ත්රේණ॒ ඡන්ද॑සා-ऽඞ්ගිර॒ස්ව-ද්රු॒ද්රාස්ත්වා-ऽऽ ච්ඡෘ॑න්දන්තු॒ ත්රෛෂ්ටු॑භේන॒ ඡන්ද॑සා-ऽඞ්ගිර॒ස්ව-දා॑දි॒ත්යාස්ත්වා ऽऽච්ඡෘ॑න්දන්තු॒ ජාග॑තේන॒ ඡන්ද॑සා-ऽඞ්ගිර॒ස්ව-ද්විශ්වේ᳚ ත්වා දේ॒වා වෛ᳚ශ්වාන॒රා ආ ච්ඡෘ॑න්ද॒න්ත්වානු॑ෂ්ටුභේන॒ ඡන්ද॑සා-ऽඞ්ගිර॒ස්වත් ॥ 24 ॥
(පත්නී॑ - රි॒මාග්​ම් - රු॒ද්රාස්ත්වා-ऽऽ ච්ඡෘ॑න්ද॒න්ත්වේ - කා॒න්න විග්​ම්॑ශ॒තිශ්ච॑) (අ. 6)

සමා᳚ස්ත්වා-ऽග්න ඍ॒තවෝ॑ වර්ධයන්තු සං​වඁථ්ස॒රා ඍෂ॑යෝ॒ යානි॑ ස॒ත්යා । ස-න්දි॒ව්යේන॑ දීදිහි රෝච॒නේන॒ විශ්වා॒ ආ භා॑හි ප්ර॒දිශඃ॑ පෘථි॒ව්යාඃ ॥ ස-ඤ්චේ॒ද්ධ්යස්වා᳚-ऽග්නේ॒ ප්ර ච॑ බෝධයෛන॒මුච්ච॑ තිෂ්ඨ මහ॒තේ සෞභ॑ගාය । මා ච॑ රිෂදුපස॒ත්තා තේ॑ අග්නේ බ්ර॒හ්මාණ॑ස්තේ ය॒ශස॑-ස්සන්තු॒ මා-ऽන්යේ ॥ ත්වාම॑ග්නේ වෘණතේ බ්රාහ්ම॒ණා ඉ॒මේ ශි॒වෝ අ॑ග්නේ [ ] 25

සං॒-වඁර॑ණේ භවා නඃ । ස॒ප॒ත්න॒හා නෝ॑ අභිමාති॒ජිච්ච॒ ස්වේ ගයේ॑ ජාගෘ॒හ්ය ප්ර॑යුච්ඡන්න් ॥ ඉ॒හෛවාග්නේ॒ අධි॑ ධාරයා ර॒යි-ම්මා ත්වා॒ නික්ර॑-න්පූර්ව॒චිතෝ॑ නිකා॒රිණඃ॑ । ක්ෂ॒ත්රම॑ග්නේ සු॒යම॑මස්තු॒ තුභ්ය॑මුපස॒ත්තා ව॑ර්ධතා-න්තේ॒ අනි॑ෂ්ටෘතඃ ॥ ක්ෂ॒ත්රේණා᳚-ऽග්නේ॒ ස්වායු॒-ස්සග්​ම් ර॑භස්ව මි॒ත්රේණා᳚-ऽග්නේ මිත්ර॒ධේයේ॑ යතස්ව । ස॒ජා॒තානා᳚-ම්මද්ධ්යම॒ස්ථා ඒ॑ධි॒ රාජ්ඤා॑මග්නේ විහ॒ව්යෝ॑ දීදිහී॒හ ॥ අති॒ [අති॑, නිහෝ॒ අති॒ ස්රිධෝ] 26

නිහෝ॒ අති॒ ස්රිධෝ ऽත්යචි॑ත්ති॒-මත්යරා॑තිමග්නේ । විශ්වා॒ හ්ය॑ග්නේ දුරි॒තා සහ॒ස්වාථා॒ස්මභ්යග්​ම්॑ ස॒හවී॑රාග්​ම් ර॒යින්දාඃ᳚ ॥ අ॒නා॒ධෘ॒ෂ්යෝ ජා॒තව॑දා॒ අනි॑ෂ්ටෘතෝ වි॒රාඩ॑ග්නේ ක්ෂත්ර॒භෘ-ද්දී॑දිහී॒හ । විශ්වා॒ ආශාඃ᳚ ප්රමු॒ඤ්ච-න්මානු॑ෂීර්භි॒ය-ශ්ශි॒වාභි॑ර॒ද්ය පරි॑ පාහි නෝ වෘ॒ධේ ॥ බෘහ॑ස්පතේ සවිතර්බෝ॒ධයෛ॑න॒ග්​ම්॒ සග්​ම්ශි॑ත-ඤ්චිථ්ස-න්ත॒රාග්​ම් සග්​ම් ශි॑ශාධි । ව॒ර්ධයෛ॑න-ම්මහ॒තේ සෞභ॑ගාය॒ [සෞභ॑ගාය, විශ්ව॑ ඒන॒මනු॑ මදන්තු දේ॒වාඃ ।] 27

විශ්ව॑ ඒන॒මනු॑ මදන්තු දේ॒වාඃ ॥ අ॒මු॒ත්ර॒භූයා॒දධ॒ යද්ය॒මස්ය॒ බෘහ॑ස්පතේ අ॒භිශ॑ස්තේ॒ර මු॑ඤ්චඃ । ප්රත්යෞ॑හතා-ම॒ශ්විනා॑ මෘ॒ත්යුම॑ස්මා-ද්දේ॒වානා॑-මග්නේ භි॒ෂජා॒ ශචී॑භිඃ ॥ උද්ව॒ය-න්තම॑ස॒ස්පරි॒ පශ්ය॑න්තෝ॒ ජ්යෝති॒රුත්ත॑රම් । දේ॒ව-න්දේ॑ව॒ත්රා සූර්ය॒මග॑න්ම॒ ජ්යෝති॑රුත්ත॒මම් ॥ 28 ॥
(ඉ॒මේ ශි॒වෝ අ॒ග්නේ - ऽති॒ - සෞභ॑ගාය॒ - චතු॑ස්ත්රිග්​ම්ශච්ච) (අ. 7)

ඌ॒ර්ධ්වා අ॑ස්ය ස॒මිධෝ॑ භවන්ත්යූ॒ර්ධ්වා ශු॒ක්රා ශෝ॒චීග්​ෂ්ය॒ග්නේඃ । ද්යු॒මත්ත॑මා සු॒ප්රතී॑කස්ය සූ॒නෝඃ ॥ තනූ॒නපා॒දසු॑රෝ වි॒ශ්වවේ॑දා දේ॒වෝ දේ॒වේෂු॑ දේ॒වඃ । ප॒ථ ආ-ऽන॑ක්ති॒ මද්ධ්වා॑ ඝෘ॒තේන॑ ॥ මද්ධ්වා॑ ය॒ජ්ඤ-න්න॑ක්ෂසේ ප්රීණා॒නෝ නරා॒ශග්​ම්සෝ॑ අග්නේ । සු॒කෘද්දේ॒ව-ස්ස॑වි॒තා වි॒ශ්වවා॑රඃ ॥ අච්ඡා॒යමේ॑ති॒ ශව॑සා ඝෘ॒තේනේ॑ඩා॒නෝ වහ්නි॒ර්නම॑සා । අ॒ග්නිග්ග්​ ස්රුචෝ॑ අද්ධ්ව॒රේෂු॑ ප්ර॒යථ්සු॑ ॥ ස ය॑ක්ෂදස්ය මහි॒මාන॑ම॒ග්නේ-ස්ස [මහි॒මාන॑ම॒ග්නේ-ස්සඃ, ඊ॒ ම॒න්ද්රාසු॑ ප්ර॒යසඃ॑ ।] 29

ඊ॑ ම॒න්ද්රාසු॑ ප්ර॒යසඃ॑ । වසු॒ශ්චේති॑ෂ්ඨෝ වසු॒ධාත॑මශ්ච ॥ ද්වාරෝ॑ දේ॒වීරන්ව॑ස්ය॒ විශ්වේ᳚ ව්ර॒තා ද॑දන්තේ අ॒ග්නේඃ । උ॒රු॒ව්යච॑සෝ॒ ධාම්නා॒ පත්ය॑මානාඃ ॥ තේ අ॑ස්ය॒ යෝෂ॑ණේ දි॒ව්යේ න යෝනා॑වු॒ෂාසා॒නක්තා᳚ । ඉ॒මං-යඁ॒ජ්ඤම॑වතා මද්ධ්ව॒ර-න්නඃ॑ ॥ දෛව්යා॑ හෝතාරාවූ॒ර්ධ්ව-ම॑ද්ධ්ව॒ර-න්නෝ॒-ऽග්නේර්ජි॒හ්වාම॒භි ගෘ॑ණීතම් । කෘ॒ණු॒ත-න්න॒-ස්ස්වි॑ෂ්ටිම් ॥ ති॒ස්රෝ දේ॒වීර්බ॒ර්॒හිරේදග්​ම් ස॑ද॒න්ත්විඩා॒ සර॑ස්වතී॒ [සර॑ස්වතී, භාර॑තී ।] 30

භාර॑තී । ම॒හී ගෘ॑ණා॒නා ॥ තන්න॑ස්තු॒රීප॒මද්භු॑ත-ම්පුරු॒ක්ෂු ත්වෂ්ටා॑ සු॒වීර᳚ම් । රා॒යස්පෝෂං॒-විඁ ෂ්ය॑තු॒ නාභි॑ම॒ස්මේ ॥ වන॑ස්ප॒තේ-ऽව॑ සෘජා॒ රරා॑ණ॒ස්ත්මනා॑ දේ॒වේෂු॑ । අ॒ග්නිර්​හ॒ව්යග්​ම් ශ॑මි॒තා සූ॑දයාති ॥ අග්නේ॒ ස්වාහා॑ කෘණුහි ජාතවේද॒ ඉන්ද්රා॑ය හ॒ව්යම් । විශ්වේ॑ දේ॒වා හ॒විරි॒ද-ඤ්ජු॑ෂන්තාම් ॥ හි॒ර॒ණ්ය॒ග॒ර්භ-ස්සම॑වර්ත॒තාග්රේ॑ භූ॒තස්ය॑ ජා॒තඃ පති॒රේක॑ ආසීත් । ස දා॑ධාර පෘථි॒වී-න්ද්යා- [පෘථි॒වී-න්ද්යාම්, උ॒තේමා-ඞ්කස්මෛ॑] 31

-මු॒තේමා-ඞ්කස්මෛ॑ දේ॒වාය॑ හ॒විෂා॑ විධේම ॥ යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ । ය ඊශේ॑ අ॒ස්ය ද්වි॒පද॒ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම ॥ ය ආ᳚ත්ම॒දා බ॑ල॒දා යස්ය॒ විශ්ව॑ උ॒පාස॑තේ ප්ර॒ශිෂං॒-යඁස්ය॑ දේ॒වාඃ । යස්ය॑ ඡා॒යා-ऽමෘතං॒-යඁස්ය॑ මෘ॒ත්යුඃ කස්මෛ॑ දේ॒වාය॑ හ॒විෂා॑ විධේම ॥ යස්යේ॒මේ හි॒මව॑න්තෝ මහි॒ත්වා යස්ය॑ සමු॒ද්රග්​ම් ර॒සයා॑ ස॒හා- [ස॒හ, ආ॒හුඃ ।] 32

-ऽऽහුඃ । යස්යේ॒මාඃ ප්ර॒දිශෝ॒ යස්ය॑ බා॒හූ කස්මෛ॑ දේ॒වාය॑ හ॒විෂා॑ විධේම ॥ ය-ඞ්ක්රන්ද॑සී॒ අව॑සා තස්තභා॒නේ අ॒භ්යෛක්ෂේ॑තා॒-ම්මන॑සා॒ රේජ॑මානේ । යත්රාධි॒ සූර॒ උදි॑තෞ॒ ව්යේති॒ කස්මෛ॑ දේ॒වාය॑ හ॒විෂා॑ විධේම ॥ යේන॒ ද්යෞරු॒ග්රා පෘ॑ථි॒වී ච॑ දෘ॒ඪේ යේන॒ සු॒ව॑-ස්ස්තභි॒තං-යේඁන॒ නාකඃ॑ । යෝ අ॒න්තරි॑ක්ෂේ॒ රජ॑සෝ වි॒මානQඃකස්මෛ॑ දේ॒වාය॑ හ॒විෂා॑ විධේම ॥ ආපෝ॑ හ॒ යන්ම॑හ॒තී ර්විශ්ව॒- [යන්ම॑හ॒තී ර්විශ්ව᳚ම්, අය॒-න්දක්ෂ॒-න්දධා॑නා] 33

-මාය॒-න්දක්ෂ॒-න්දධා॑නා ජ॒නය॑න්තීර॒ග්නිම් । තතෝ॑ දේ॒වානා॒-න්නිර॑වර්ත॒තාසු॒රේකඃ॒ කස්මෛ॑ දේ॒වාය॑ හ॒විෂා॑ විධේම ॥ යශ්චි॒දාපෝ॑ මහි॒නා ප॒ර්යප॑ශ්ය॒-ද්දක්ෂ॒-න්දධා॑නා ජ॒නය॑න්තීර॒ග්නිම් । යෝ දේ॒වේෂ්වධි॑ දේ॒ව ඒක॒ ආසී॒-ත්කස්මෛ॑ දේ॒වාය॑ හ॒විෂා॑ විධේම ॥ 34 ॥
(අ॒ග්නේ-ස්ස - සර॑ස්වතී॒ - ද්යාග්​ම් - ස॒හ - විශ්වං॒ - චතු॑ස්ත්රිග්​ම්ශච්ච) (අ. 8)

(ඌ॒ර්ධ්වා - යඃ ප්රා॑ණ॒තෝ - ය ආ᳚ත්ම॒දා - යස්යේ॒මේ - යඞ්ක්රන්ද॑සී॒ - යේන॒ ද්යෞ- රාපෝ॑ හ॒ යත් - තතෝ॑ දේ॒වානාං॒ - ඁයශ්චි॒දාපෝ॒ - යෝ දේ॒වේෂු॒ - නව॑ )

ආකූ॑තිම॒ග්නි-ම්ප්ර॒යුජ॒ග්ග්॒ ස්වාහා॒ මනෝ॑ මේ॒ධාම॒ග්නි-ම්ප්ර॒යුජ॒ග්ග්॒ ස්වාහා॑ චි॒ත්තං-විඁජ්ඤා॑තම॒ග්නි-ම්ප්ර॒යුජ॒ග්ග්॒ ස්වාහා॑ වා॒චෝ විධෘ॑තිම॒ග්නි-ම්ප්ර॒යුජ॒ග්ග්॒ ස්වාහා᳚ ප්ර॒ජාප॑තයේ॒ මන॑වේ॒ ස්වාහා॒-ऽග්නයේ॑ වෛශ්වාන॒රාය॒ ස්වාහා॒ විශ්වේ॑ දේ॒වස්ය॑ නේ॒තුර්මර්තෝ॑ වෘණීත ස॒ඛ්යං-විඁශ්වේ॑ රා॒ය ඉ॑ෂුද්ධ්යසි ද්යු॒ම්නං-වෘඁ ॑ණීත පු॒ෂ්යසේ॒ ස්වාහා॒ මා සු භි॑ත්ථා॒ මා සු රි॑ෂෝ॒ දෘග්​ම්හ॑ස්ව වී॒ඩය॑ස්ව॒ සු । අම්බ॑ ධෘෂ්ණු වී॒රය॑ස්වා॒- [වී॒රය॑ස්ව, අ॒ග්නිශ්චේ॒ද-ඞ්ක॑රිෂ්යථඃ ।] 35

-ऽග්නිශ්චේ॒ද-ඞ්ක॑රිෂ්යථඃ ॥ දෘග්​ම්හ॑ස්ව දේවි පෘථිවි ස්ව॒ස්තය॑ ආසු॒රී මා॒යා ස්ව॒ධයා॑ කෘ॒තා-ऽසි॑ । ජුෂ්ට॑-න්දේ॒වානා॑මි॒දම॑ස්තු හ॒ව්යමරි॑ෂ්ටා॒ ත්වමුදි॑හි ය॒ජ්ඤේ අ॒ස්මින්න් ॥ මිත්රෛ॒තාමු॒ඛා-න්ත॑පෛ॒ෂා මා භේ॑දි । ඒ॒තා-න්තේ॒ පරි॑ දදා॒ම්යභි॑ත්ත්යෛ ॥ ද්ර්ව॑න්න-ස්ස॒ර්පිරා॑සුතිඃ ප්ර॒ත්නෝ හෝතා॒ වරේ᳚ණ්යඃ । සහ॑සස්පු॒ත්රෝ අද්භු॑තඃ ॥ පර॑ස්යා॒ අධි॑ සං॒​වඁතෝ-ऽව॑රාග්​ම් අ॒භ්යා [අ॒භ්යා, ත॒ර॒ ।] 36

ත॑ර । යත්රා॒හමස්මි॒ තාග්​ම් අ॑ව ॥ ප॒ර॒මස්යාඃ᳚ පරා॒වතෝ॑ රෝ॒හිද॑ශ්ව ඉ॒හා-ऽග॑හි । පු॒රී॒ෂ්යඃ॑ පුරුප්රි॒යෝ-ऽග්නේ॒ ත්ව-න්ත॑රා॒ මෘධඃ॑ ॥ සීද॒ ත්ව-ම්මා॒තුර॒ස්යා උ॒පස්ථේ॒ විශ්වා᳚න්යග්නේ ව॒යුනා॑නි වි॒ද්වාන් । මෛනා॑ම॒ර්චිෂා॒ මා තප॑සා॒-ऽභි ශූ॑ශුචෝ॒-ऽන්තර॑ස්යාග්​ම් ශු॒ක්ර ජ්යෝ॑ති॒ර්වි භා॑හි ॥ අ॒න්තර॑ග්නේ රු॒චා ත්වමු॒ඛායෛ॒ සද॑නේ॒ ස්වේ । තස්යා॒ස්ත්වග්​ම් හර॑සා॒ තප॒න් ජාත॑වේද-ශ්ශි॒වෝ භ॑ව ॥ ශි॒වෝ භූ॒ත්වා මහ්ය॑ම॒ග්නේ-ऽථෝ॑ සීද ශි॒වස්ත්වම් । ශි॒වාඃ කෘ॒ත්වා දිශ॒-ස්සර්වා॒-ස්ස්වාං-යෝඁනි॑මි॒හා-ऽऽස॑දඃ ॥ 37 ॥
(වී॒රය॒ස්වා - ऽऽ - තප॑න් - විග්​ම්ශ॒තිශ්ච॑) (අ. 9)

යද॑ග්නේ॒ යානි॒ කානි॒ චා-ऽऽතේ॒ දාරූ॑ණි ද॒ද්ධ්මසි॑ । තද॑ස්තු॒ තුභ්ය॒මි-ද්ඝෘ॒ත-න්තජ්ජු॑ෂස්ව යවිෂ්ඨ්ය ॥ යදත්ත්යු॑ප॒ජිහ්වි॑කා॒ යද්ව॒ම්රෝ අ॑ති॒සර්ප॑ති । සර්ව॒-න්තද॑ස්තු තේ ඝෘ॒ත-න්තජ්ජු॑ෂස්ව යවිෂ්ඨ්ය ॥ රාත්රිග්​ම්॑ රාත්රි॒මප්ර॑යාව॒-ම්භර॒න්තෝ-ऽශ්වා॑යේව॒ තිෂ්ඨ॑තේ ඝා॒සම॑ස්මෛ । රා॒යස්පෝෂේ॑ණ॒ සමි॒ෂා මද॒න්තෝ-ऽග්නේ॒ මා තේ॒ ප්රති॑වේශා රිෂාම ॥ නාභා॑ [නාභා᳚, පෘ॒ථි॒ව්යා-ස්ස॑මිධා॒න-] 38

පෘථි॒ව්යා-ස්ස॑මිධා॒න-ම॒ග්නිග්​ම් රා॒යස්පෝෂා॑ය බෘහ॒තේ හ॑වාමහේ । ඉ॒ර॒ම්ම॒ද-ම්බෘ॒හදු॑ක්ථං॒-යඁජ॑ත්ර॒-ඤ්ජේතා॑රම॒ග්නි-ම්පෘත॑නාසු සාස॒හිම් ॥ යා-ස්සේනා॑ අ॒භීත්ව॑රීරා-ව්යා॒ධිනී॒-රුග॑ණා උ॒ත । යේ ස්තේ॒නා යේ ච॒ තස්ක॑රා॒ස්තාග්​ස්තේ॑ අ॒ග්නේ-ऽපි॑ දධාම්යා॒ස්යේ᳚ ॥ දග්ග්​ෂ්ට්රා᳚භ්යා-ම්ම॒ලිම්ලූ॒න් ජම්භ්යෛ॒-ස්තස්ක॑රාග්​ම් උ॒ත । හනූ᳚භ්යාග්​ ස්තේ॒නාන්-භ॑ගව॒ස්තාග්​-ස්ත්ව-ඞ්ඛා॑ද॒ සුඛා॑දිතාන් ॥ යේ ජනේ॑ෂු ම॒ලිම්ල॑ව-ස්ස්තේ॒නාස॒-ස්තස්ක॑රා॒ වනේ᳚ । යේ [ ] 39

කක්ෂේ᳚ෂ්වඝා॒ යව॒ස්තාග්​ස්තේ॑ දධාමි॒ ජම්භ॑යෝඃ ॥ යෝ අ॒ස්මභ්ය॑මරාතී॒යා-ද්යශ්ච॑ නෝ॒ ද්වේෂ॑තේ॒ ජනඃ॑ । නින්දා॒ද්යෝ අ॒ස්මා-න්දිඵ්සා᳚ච්ච॒ සර්ව॒-න්ත-ම්ම॑ස්ම॒සා කු॑රු ॥ සග්​ම්ශි॑ත-ම්මේ॒ බ්රහ්ම॒ සග්​ම්ශි॑තං-වීඁ॒ර්ය॑-ම්බල᳚ම් । සග්​ම්ශි॑ත-ඞ්ක්ෂ॒ත්ර-ඤ්ජි॒ෂ්ණු යස්යා॒-ऽහමස්මි॑ පු॒රෝහි॑තඃ ॥ උදේ॑ෂා-ම්බා॒හූ අ॑තිර॒මුද්වර්ච॒ උදූ॒ බල᳚ම් । ක්ෂි॒ණෝමි॒ බ්රහ්ම॑ණා॒-ऽමිත්රා॒නුන්න॑යාමි॒ [-ऽමිත්රා॒-නුන්න॑යාමි, ස්වාග්​ම් අ॒හම් ।] 40

ස්වාග්​ම් අ॒හම් ॥ දෘ॒ශා॒නෝ රු॒ක්ම උ॒ර්ව්යා ව්ය॑ද්යෞද්දු॒ර්මර්​ෂ॒මායු॑-ශ්ශ්රි॒යේ රු॑චා॒නඃ । අ॒ග්නිර॒මෘතෝ॑ අභව॒ද්වයෝ॑-භි॒ර්යදේ॑න॒-න්ද්යෞරජ॑නය-ථ්සු॒රේතාඃ᳚ ॥ විශ්වා॑ රූ॒පාණි॒ ප්රති॑ මුඤ්චතේ ක॒විඃ ප්රා-ऽසා॑වීද්භ॒ද්ර-න්ද්වි॒පදේ॒ චතු॑ෂ්පදේ । වි නාක॑මඛ්ය-ථ්සවි॒තා වරේ॒ණ්යෝ-ऽනු॑ ප්ර॒යාණ॑මු॒ෂසෝ॒ වි॑රාජති ॥ නක්තෝ॒ෂාසා॒ සම॑නසා॒ විරූ॑පේ ධා॒පයේ॑තේ॒ ශිශු॒මේකග්​ම්॑ සමී॒චී । ද්යාවා॒ ක්ෂාමා॑ රු॒ක්මෝ [රු॒ක්මඃ, අ॒න්තර්වි භා॑ති] 41

අ॒න්තර්වි භා॑ති දේ॒වා අ॒ග්නි-න්ධා॑රය-න්ද්රවිණෝ॒දාඃ ॥ සු॒ප॒ර්ණෝ॑-ऽසි ග॒රුත්මා᳚-න්ත්රි॒වෘත්තේ॒ ශිරෝ॑ ගාය॒ත්ර-ඤ්චක්ෂු॒-ස්ස්තෝම॑ ආ॒ත්මා සාම॑ තේ ත॒නූර්වා॑මදේ॒ව්ය-ම්බෘ॑හ-ද්රථන්ත॒රේ ප॒ක්ෂෞ ය॑ජ්ඤාය॒ජ්ඤිය॒-ම්පුච්ඡ॒-ඤ්ඡන්දා॒ග්॒ස්යඞ්ගා॑නි॒ ධිෂ්ණි॑යා-ශ්ශ॒ඵා යජූග්​ම්॑ෂි॒ නාම॑ ॥ සු॒ප॒ර්ණෝ॑-ऽසි ග॒රුත්මා॒-න්දිව॑-ඞ්ගච්ඡ॒ සුවඃ॑ පත ॥ 42 ॥
(නාභා॒ - වනේ॒ යේ - න॑යාමි॒ - ක්ෂාමා॑ රු॒ක්මෝ᳚ - ऽෂ්ටාත්රිග්​ම්॑ශච්ච) (අ. 10)

අග්නේ॒ යං-යඁ॒ජ්ඤම॑ද්ධ්ව॒රං-විඁ॒ශ්වතඃ॑ පරි॒භූරසි॑ । ස ඉද්දේ॒වේෂු॑ ගච්ඡති ॥ සෝම॒ යාස්තේ॑ මයෝ॒භුව॑ ඌ॒තය॒-ස්සන්ති॑ දා॒ශුෂේ᳚ । තාභි॑ර්නෝ-ऽවි॒තා භ॑ව ॥ අ॒ග්නිර්මූ॒ර්ධා භුවඃ॑ ॥ ත්වන්න॑-ස්සෝම॒ , යා තේ॒ ධාමා॑නි ॥ ත-ථ්ස॑වි॒තුර්වරේ᳚ණ්ය॒-ම්භර්ගෝ॑ දේ॒වස්ය॑ ධීමහි । ධියෝ॒ යෝ නඃ॑ ප්රචෝ॒දයා᳚ත් ॥ අචි॑ත්තී॒ යච්ච॑කෘ॒මා දෛව්යේ॒ ජනේ॑ දී॒නෛර්දක්ෂෛඃ॒ ප්රභූ॑තී පූරුෂ॒ත්වතා᳚ । 43

දේ॒වේෂු॑ ච සවිත॒ර්මානු॑ෂේෂු ච॒ ත්වන්නෝ॒ අත්ර॑ සුවතා॒දනා॑ගසඃ ॥ චෝ॒ද॒යි॒ත්රී සූ॒නෘතා॑නා॒-ඤ්චේත॑න්තී සුමතී॒නාම් । ය॒ජ්ඤ-න්ද॑ධේ॒ සර॑ස්වතී ॥ පාවී॑රවී ක॒න්යා॑ චි॒ත්රායු॒-ස්සර॑ස්වතී වී॒රප॑ත්නී॒ ධිය॑-න්ධාත් । ග්නාභි॒රච්ඡි॑ද්රග්​ම් ශර॒ණග්​ම් ස॒ජෝෂා॑ දුරා॒ධර්​ෂ॑-ඞ්ගෘණ॒තේ ශර්ම॑ යග්​ම්සත් ॥ පූ॒ෂා ගා අන්වේ॑තු නඃ පූ॒ෂා ර॑ක්ෂ॒ත්වර්ව॑තඃ । පූ॒ෂා වාජග්​ම්॑ සනෝතු නඃ ॥ ශු॒ක්ර-න්තේ॑ අ॒න්යද්ය॑ජ॒ත-න්තේ॑ අ॒න්ය- [අ॒න්යත්, විෂු॑රූපේ॒ අහ॑නී॒ ද්යෞරි॑වාසි ।] 44

-ද්විෂු॑රූපේ॒ අහ॑නී॒ ද්යෞරි॑වාසි । විශ්වා॒ හි මා॒යා අව॑සි ස්වධාවෝ භ॒ද්රා තේ॑ පූෂන්නි॒හ රා॒තිර॑ස්තු ॥ තේ॑-ऽවර්ධන්ත॒ ස්වත॑වසෝ මහිත්ව॒නා ऽऽනාක॑-න්ත॒ස්ථුරු॒රු ච॑ක්රිරේ॒ සදඃ॑ । විෂ්ණු॒ ර්යද්ධා-ऽऽව॒-ද්වෘෂ॑ණ-ම්මද॒ච්යුතං॒-වඁයෝ॒ න සී॑ද॒න්නධි॑ බ॒ර්॒හිෂි॑ ප්රි॒යේ ॥ ප්රචි॒ත්රම॒ර්ක-ඞ්ගෘ॑ණ॒තේ තු॒රාය॒ මාරු॑තාය॒ ස්වත॑වසේ භරද්ධ්වම් । යේ සහාග්​ම්॑සි॒ සහ॑සා॒ සහ॑න්තේ॒ [සහ॑න්තේ, රේජ॑තේ අග්නේ පෘථි॒වී ම॒ඛේභ්යඃ॑ ।] 45

රේජ॑තේ අග්නේ පෘථි॒වී ම॒ඛේභ්යඃ॑ ॥ විශ්වේ॑ දේ॒වා විශ්වේ॑ දේවාඃ ॥ ද්යාවා॑ නඃ පෘථි॒වී ඉ॒මග්​ම් සි॒ද්ධ්රම॒ද්ය දි॑වි॒ස්පෘශ᳚ම් । ය॒ජ්ඤ-න්දේ॒වේෂු॒ යච්ඡතාම් ॥ ප්ර පූ᳚ර්ව॒ජේ පි॒තරා॒ නව්ය॑සීභිර්ගී॒ර්භිඃ කෘ॑ණුද්ධ්ව॒ග්​ම්॒ සද॑නේ ඍ॒තස්ය॑ । ආ නෝ᳚ ද්යාවාපෘථිවී॒ දෛව්යේ॑න॒ ජනේ॑න යාත॒-ම්මහි॑ වාං॒-වඁරූ॑ථම් ॥ අ॒ග්නිග්ග්​ ස්තෝමේ॑න බෝධය සමිධා॒නෝ අම॑ර්ත්යම් । හ॒ව්යා දේ॒වේෂු॑ නෝ දධත් ॥ ස හ॑ව්ය॒වාඩම॑ර්ත්ය උ॒ශිග්දූ॒තශ්චනෝ॑හිතඃ । අ॒ග්නිර්ධි॒යා සමෘ॑ණ්වති ॥ ශන්නෝ॑ භවන්තු॒, වාජේ॑වාජේ ॥ 46 ॥
(පු॒රු॒ෂ॒ත්වතා॑ - යජ॒තන්තේ॑ අ॒න්යථ් - සහ॑න්තේ॒ - චනෝ॑හිතෝ॒ - ऽෂ්ටෞ ච॑ ) (අ. 11)

(යු॒ඤ්ජා॒න - ඉ॒මාම॑ගෘභ්ණන් - දේ॒වස්ය॒ - සන්තේ॒ - වි පාජ॑සා॒ - වස॑වස්ත්වා॒ - සමා᳚ස්ත්වෝ॒ - ර්ධ්වා - අ॒ස්යාකූ॑තිං॒ - ඁයද॑ග්නේ॒ යාන් - යග්නේ॒ යං-යඁ॒ජ්ඤ - මේකා॑දශ)

(යු॒ඤ්ජා॒නෝ - වර්ම॑ ච ස්ථ - ආදි॒ත්යස්ත්වා॒ - භාර॑තී॒ - ස්වාග්​ම් අ॒හග්​ම් - ෂට්ච॑ත්වාරිග්​ම්ශත් )

(යු॒ඤ්ජා॒නෝ, වාජේ॑වාජේ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය සංහිතායා-ඤ්චතුර්ථ කාණ්ඩේ ප්රථමඃ ප්රශ්න-ස්සමාප්තඃ ॥