Sri Vishnu Panjara Stotram - Grantha

𑌓𑌂 𑌅𑌸𑍍𑌯 𑌶𑍍𑌰𑍀𑌵𑌿𑌷𑍍𑌣𑍁𑌪𑌂𑌜𑌰𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 𑌨𑌾𑌰𑌦 𑌋𑌷𑌿𑌃 । 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 । 𑌶𑍍𑌰𑍀𑌵𑌿𑌷𑍍𑌣𑍁𑌃 𑌪𑌰𑌮𑌾𑌤𑍍𑌮𑌾 𑌦𑍇𑌵𑌤𑌾 । 𑌅𑌹𑌂 𑌬𑍀𑌜𑌮𑍍 । 𑌸𑍋𑌹𑌂 𑌶𑌕𑍍𑌤𑌿𑌃 । 𑌓𑌂 𑌹𑍍𑌰𑍀𑌂 𑌕𑍀𑌲𑌕𑌮𑍍 । 𑌮𑌮 𑌸𑌰𑍍𑌵𑌦𑍇𑌹𑌰𑌕𑍍𑌷𑌣𑌾𑌰𑍍𑌥𑌂 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌨𑌾𑌰𑌦 𑌋𑌷𑌯𑍇 𑌨𑌮𑌃 𑌮𑍁𑌖𑍇 । 𑌶𑍍𑌰𑍀𑌵𑌿𑌷𑍍𑌣𑍁𑌪𑌰𑌮𑌾𑌤𑍍𑌮𑌦𑍇𑌵𑌤𑌾𑌯𑍈 𑌨𑌮𑌃 𑌹𑍃𑌦𑌯𑍇 । 𑌅𑌹𑌂 𑌬𑍀𑌜𑌂 𑌗𑍁𑌹𑍍𑌯𑍇 । 𑌸𑍋𑌹𑌂 𑌶𑌕𑍍𑌤𑌿𑌃 𑌪𑌾𑌦𑌯𑍋𑌃 । 𑌓𑌂 𑌹𑍍𑌰𑍀𑌂 𑌕𑍀𑌲𑌕𑌂 𑌪𑌾𑌦𑌾𑌗𑍍𑌰𑍇 । 𑌓𑌂 𑌹𑍍𑌰𑌾𑌂 𑌹𑍍𑌰𑍀𑌂 𑌹𑍍𑌰𑍂𑌂 𑌹𑍍𑌰𑍈𑌂 𑌹𑍍𑌰𑍌𑌂 𑌹𑍍𑌰𑌃 𑌇𑌤𑌿 𑌮𑌂𑌤𑍍𑌰𑌃 ।

𑌓𑌂 𑌹𑍍𑌰𑌾𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌹𑍍𑌰𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌹𑍍𑌰𑍂𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌹𑍍𑌰𑍈𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌹𑍍𑌰𑍌𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌹𑍍𑌰𑌃 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌇𑌤𑌿 𑌕𑌰𑌨𑍍𑌯𑌾𑌸𑌃 ।

𑌓𑌂 𑌹𑍍𑌰𑌾𑌂 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌹𑍍𑌰𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌹𑍍𑌰𑍂𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌹𑍍𑌰𑍈𑌂 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌹𑍍𑌰𑍌𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌹𑍍𑌰𑌃 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌇𑌤𑌿 𑌅𑌂𑌗𑌨𑍍𑌯𑌾𑌸𑌃 ।

𑌅𑌹𑌂 𑌬𑍀𑌜𑌂 𑌪𑍍𑌰𑌾𑌣𑌾𑌯𑌾𑌮𑌂 𑌮𑌂𑌤𑍍𑌰𑌤𑍍𑌰𑌯𑍇𑌣 𑌕𑍁𑌰𑍍𑌯𑌾𑌤𑍍 ।

𑌧𑍍𑌯𑌾𑌨𑌮𑍍 ।
𑌪𑌰𑌂 𑌪𑌰𑌸𑍍𑌮𑌾𑌤𑍍𑌪𑍍𑌰𑌕𑍃𑌤𑍇𑌰𑌨𑌾𑌦𑌿𑌮𑍇𑌕𑌂 𑌨𑌿𑌵𑌿𑌷𑍍𑌟𑌂 𑌬𑌹𑍁𑌧𑌾 𑌗𑍁𑌹𑌾𑌯𑌾𑌮𑍍 ।
𑌸𑌰𑍍𑌵𑌾𑌲𑌯𑌂 𑌸𑌰𑍍𑌵𑌚𑌰𑌾𑌚𑌰𑌸𑍍𑌥𑌂 𑌨𑌮𑌾𑌮𑌿 𑌵𑌿𑌷𑍍𑌣𑍁𑌂 𑌜𑌗𑌦𑍇𑌕𑌨𑌾𑌥𑌮𑍍 ॥ 1 ॥

𑌓𑌂 𑌵𑌿𑌷𑍍𑌣𑍁𑌪𑌂𑌜𑌰𑌕𑌂 𑌦𑌿𑌵𑍍𑌯𑌂 𑌸𑌰𑍍𑌵𑌦𑍁𑌷𑍍𑌟𑌨𑌿𑌵𑌾𑌰𑌣𑌮𑍍 ।
𑌉𑌗𑍍𑌰𑌤𑍇𑌜𑍋 𑌮𑌹𑌾𑌵𑍀𑌰𑍍𑌯𑌂 𑌸𑌰𑍍𑌵𑌶𑌤𑍍𑌰𑍁𑌨𑌿𑌕𑍃𑌂𑌤𑌨𑌮𑍍 ॥ 2 ॥

𑌤𑍍𑌰𑌿𑌪𑍁𑌰𑌂 𑌦𑌹𑌮𑌾𑌨𑌸𑍍𑌯 𑌹𑌰𑌸𑍍𑌯 𑌬𑍍𑌰𑌹𑍍𑌮𑌣𑍋 𑌹𑌿𑌤𑌮𑍍 ।
𑌤𑌦𑌹𑌂 𑌸𑌂𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌆𑌤𑍍𑌮𑌰𑌕𑍍𑌷𑌾𑌕𑌰𑌂 𑌨𑍃𑌣𑌾𑌮𑍍 ॥ 3 ॥

𑌪𑌾𑌦𑍌 𑌰𑌕𑍍𑌷𑌤𑍁 𑌗𑍋𑌵𑌿𑌂𑌦𑍋 𑌜𑌂𑌘𑍇 𑌚𑍈𑌵 𑌤𑍍𑌰𑌿𑌵𑌿𑌕𑍍𑌰𑌮𑌃 ।
𑌊𑌰𑍂 𑌮𑍇 𑌕𑍇𑌶𑌵𑌃 𑌪𑌾𑌤𑍁 𑌕𑌟𑌿𑌂 𑌚𑍈𑌵 𑌜𑌨𑌾𑌰𑍍𑌦𑌨𑌃 ॥ 4 ॥

𑌨𑌾𑌭𑌿𑌂 𑌚𑍈𑌵𑌾𑌚𑍍𑌯𑍁𑌤𑌃 𑌪𑌾𑌤𑍁 𑌗𑍁𑌹𑍍𑌯𑌂 𑌚𑍈𑌵 𑌤𑍁 𑌵𑌾𑌮𑌨𑌃 ।
𑌉𑌦𑌰𑌂 𑌪𑌦𑍍𑌮𑌨𑌾𑌭𑌶𑍍𑌚 𑌪𑍃𑌷𑍍𑌠𑌂 𑌚𑍈𑌵 𑌤𑍁 𑌮𑌾𑌧𑌵𑌃 ॥ 5 ॥

𑌵𑌾𑌮𑌪𑌾𑌰𑍍𑌶𑍍𑌵𑌂 𑌤𑌥𑌾 𑌵𑌿𑌷𑍍𑌣𑍁𑌰𑍍𑌦𑌕𑍍𑌷𑌿𑌣𑌂 𑌮𑌧𑍁𑌸𑍂𑌦𑌨𑌃 ।
𑌬𑌾𑌹𑍂 𑌵𑍈 𑌵𑌾𑌸𑍁𑌦𑍇𑌵𑌶𑍍𑌚 𑌹𑍃𑌦𑌿 𑌦𑌾𑌮𑍋𑌦𑌰𑌸𑍍𑌤𑌥𑌾 ॥ 6 ॥

𑌕𑌂𑌠𑌂 𑌰𑌕𑍍𑌷𑌤𑍁 𑌵𑌾𑌰𑌾𑌹𑌃 𑌕𑍃𑌷𑍍𑌣𑌶𑍍𑌚 𑌮𑍁𑌖𑌮𑌂𑌡𑌲𑌮𑍍 ।
𑌮𑌾𑌧𑌵𑌃 𑌕𑌰𑍍𑌣𑌮𑍂𑌲𑍇 𑌤𑍁 𑌹𑍃𑌷𑍀𑌕𑍇𑌶𑌶𑍍𑌚 𑌨𑌾𑌸𑌿𑌕𑍇 ॥ 𑍭 ॥

𑌨𑍇𑌤𑍍𑌰𑍇 𑌨𑌾𑌰𑌾𑌯𑌣𑍋 𑌰𑌕𑍍𑌷𑍇𑌲𑍍𑌲𑌲𑌾𑌟𑌂 𑌗𑌰𑍁𑌡𑌧𑍍𑌵𑌜𑌃 ।
𑌕𑌪𑍋𑌲𑍌 𑌕𑍇𑌶𑌵𑍋 𑌰𑌕𑍍𑌷𑍇𑌦𑍍𑌵𑍈𑌕𑍁𑌂𑌠𑌃 𑌸𑌰𑍍𑌵𑌤𑍋𑌦𑌿𑌶𑌮𑍍 ॥ 𑍮 ॥

𑌶𑍍𑌰𑍀𑌵𑌤𑍍𑌸𑌾𑌂𑌕𑌶𑍍𑌚 𑌸𑌰𑍍𑌵𑍇𑌷𑌾𑌮𑌂𑌗𑌾𑌨𑌾𑌂 𑌰𑌕𑍍𑌷𑌕𑍋 𑌭𑌵𑍇𑌤𑍍 ।
𑌪𑍂𑌰𑍍𑌵𑌸𑍍𑌯𑌾𑌂 𑌪𑍁𑌂𑌡𑌰𑍀𑌕𑌾𑌕𑍍𑌷 𑌆𑌗𑍍𑌨𑍇𑌯𑍍𑌯𑌾𑌂 𑌶𑍍𑌰𑍀𑌧𑌰𑌸𑍍𑌤𑌥𑌾 ॥ 𑍯 ॥

𑌦𑌕𑍍𑌷𑌿𑌣𑍇 𑌨𑌾𑌰𑌸𑌿𑌂𑌹𑌶𑍍𑌚 𑌨𑍈𑌰𑍃𑌤𑍍𑌯𑌾𑌂 𑌮𑌾𑌧𑌵𑍋𑌽𑌵𑌤𑍁 ।
𑌪𑍁𑌰𑍁𑌷𑍋𑌤𑍍𑌤𑌮𑍋 𑌵𑌾𑌰𑍁𑌣𑍍𑌯𑌾𑌂 𑌵𑌾𑌯𑌵𑍍𑌯𑌾𑌂 𑌚 𑌜𑌨𑌾𑌰𑍍𑌦𑌨𑌃 ॥ 10 ॥

𑌗𑌦𑌾𑌧𑌰𑌸𑍍𑌤𑍁 𑌕𑍌𑌬𑍇𑌰𑍍𑌯𑌾𑌮𑍀𑌶𑌾𑌨𑍍𑌯𑌾𑌂 𑌪𑌾𑌤𑍁 𑌕𑍇𑌶𑌵𑌃 ।
𑌆𑌕𑌾𑌶𑍇 𑌚 𑌗𑌦𑌾 𑌪𑌾𑌤𑍁 𑌪𑌾𑌤𑌾𑌳𑍇 𑌚 𑌸𑍁𑌦𑌰𑍍𑌶𑌨𑌮𑍍 ॥ 11 ॥

𑌸𑌨𑍍𑌨𑌦𑍍𑌧𑌃 𑌸𑌰𑍍𑌵𑌗𑌾𑌤𑍍𑌰𑍇𑌷𑍁 𑌪𑍍𑌰𑌵𑌿𑌷𑍍𑌟𑍋 𑌵𑌿𑌷𑍍𑌣𑍁𑌪𑌂𑌜𑌰𑌃 ।
𑌵𑌿𑌷𑍍𑌣𑍁𑌪𑌂𑌜𑌰𑌵𑌿𑌷𑍍𑌟𑍋𑌽𑌹𑌂 𑌵𑌿𑌚𑌰𑌾𑌮𑌿 𑌮𑌹𑍀𑌤𑌲𑍇 ॥ 12 ॥

𑌰𑌾𑌜𑌦𑍍𑌵𑌾𑌰𑍇𑌽𑌪𑌥𑍇 𑌘𑍋𑌰𑍇 𑌸𑌂𑌗𑍍𑌰𑌾𑌮𑍇 𑌶𑌤𑍍𑌰𑍁𑌸𑌂𑌕𑌟𑍇 ।
𑌨𑌦𑍀𑌷𑍁 𑌚 𑌰𑌣𑍇 𑌚𑍈𑌵 𑌚𑍋𑌰𑌵𑍍𑌯𑌾𑌘𑍍𑌰𑌭𑌯𑍇𑌷𑍁 𑌚 ॥ 13 ॥

𑌡𑌾𑌕𑌿𑌨𑍀𑌪𑍍𑌰𑍇𑌤𑌭𑍂𑌤𑍇𑌷𑍁 𑌭𑌯𑌂 𑌤𑌸𑍍𑌯 𑌨 𑌜𑌾𑌯𑌤𑍇 ।
𑌰𑌕𑍍𑌷 𑌰𑌕𑍍𑌷 𑌮𑌹𑌾𑌦𑍇𑌵 𑌰𑌕𑍍𑌷 𑌰𑌕𑍍𑌷 𑌜𑌨𑍇𑌶𑍍𑌵𑌰 ॥ 14 ॥

𑌰𑌕𑍍𑌷𑌂𑌤𑍁 𑌦𑍇𑌵𑌤𑌾𑌃 𑌸𑌰𑍍𑌵𑌾 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑍇𑌶𑍍𑌵𑌰𑌾𑌃 ।
𑌜𑌲𑍇 𑌰𑌕𑍍𑌷𑌤𑍁 𑌵𑌾𑌰𑌾𑌹𑌃 𑌸𑍍𑌥𑌲𑍇 𑌰𑌕𑍍𑌷𑌤𑍁 𑌵𑌾𑌮𑌨𑌃 ॥ 15 ॥

𑌅𑌟𑌵𑍍𑌯𑌾𑌂 𑌨𑌾𑌰𑌸𑌿𑌂𑌹𑌶𑍍𑌚 𑌸𑌰𑍍𑌵𑌤𑌃 𑌪𑌾𑌤𑍁 𑌕𑍇𑌶𑌵𑌃 ॥
𑌦𑌿𑌵𑌾 𑌰𑌕𑍍𑌷𑌤𑍁 𑌮𑌾𑌂 𑌸𑍂𑌰𑍍𑌯𑍋 𑌰𑌾𑌤𑍍𑌰𑍌 𑌰𑌕𑍍𑌷𑌤𑍁 𑌚𑌂𑌦𑍍𑌰𑌮𑌾𑌃 ॥ 16 ॥

𑌪𑌂𑌥𑌾𑌨𑌂 𑌦𑍁𑌰𑍍𑌗𑌮𑌂 𑌰𑌕𑍍𑌷𑍇𑌤𑍍𑌸𑌰𑍍𑌵𑌮𑍇𑌵 𑌜𑌨𑌾𑌰𑍍𑌦𑌨𑌃 ।
𑌰𑍋𑌗𑌵𑌿𑌘𑍍𑌨𑌹𑌤𑌶𑍍𑌚𑍈𑌵 𑌬𑍍𑌰𑌹𑍍𑌮𑌹𑌾 𑌗𑍁𑌰𑍁𑌤𑌲𑍍𑌪𑌗𑌃 ॥ 1𑍭 ॥

𑌸𑍍𑌤𑍍𑌰𑍀𑌹𑌂𑌤𑌾 𑌬𑌾𑌲𑌘𑌾𑌤𑍀 𑌚 𑌸𑍁𑌰𑌾𑌪𑍋 𑌵𑍃𑌷𑌲𑍀𑌪𑌤𑌿𑌃 ।
𑌮𑍁𑌚𑍍𑌯𑌤𑍇 𑌸𑌰𑍍𑌵𑌪𑌾𑌪𑍇𑌭𑍍𑌯𑍋 𑌯𑌃 𑌪𑌠𑍇𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ॥ 1𑍮 ॥

𑌅𑌪𑍁𑌤𑍍𑌰𑍋 𑌲𑌭𑌤𑍇 𑌪𑍁𑌤𑍍𑌰𑌂 𑌧𑌨𑌾𑌰𑍍𑌥𑍀 𑌲𑌭𑌤𑍇 𑌧𑌨𑌮𑍍 ।
𑌵𑌿𑌦𑍍𑌯𑌾𑌰𑍍𑌥𑍀 𑌲𑌭𑌤𑍇 𑌵𑌿𑌦𑍍𑌯𑌾𑌂 𑌮𑍋𑌕𑍍𑌷𑌾𑌰𑍍𑌥𑍀 𑌲𑌭𑌤𑍇 𑌗𑌤𑌿𑌮𑍍 ॥ 1𑍯 ॥

𑌆𑌪𑌦𑍋 𑌹𑌰𑌤𑍇 𑌨𑌿𑌤𑍍𑌯𑌂 𑌵𑌿𑌷𑍍𑌣𑍁𑌸𑍍𑌤𑍋𑌤𑍍𑌰𑌾𑌰𑍍𑌥𑌸𑌂𑌪𑌦𑌾 ।
𑌯𑌸𑍍𑌤𑍍𑌵𑌿𑌦𑌂 𑌪𑌠𑌤𑍇 𑌸𑍍𑌤𑍋𑌤𑍍𑌰𑌂 𑌵𑌿𑌷𑍍𑌣𑍁𑌪𑌂𑌜𑌰𑌮𑍁𑌤𑍍𑌤𑌮𑌮𑍍 ॥ 20 ॥

𑌮𑍁𑌚𑍍𑌯𑌤𑍇 𑌸𑌰𑍍𑌵𑌪𑌾𑌪𑍇𑌭𑍍𑌯𑍋 𑌵𑌿𑌷𑍍𑌣𑍁𑌲𑍋𑌕𑌂 𑌸 𑌗𑌚𑍍𑌛𑌤𑌿 ।
𑌗𑍋𑌸𑌹𑌸𑍍𑌰𑌫𑌲𑌂 𑌤𑌸𑍍𑌯 𑌵𑌾𑌜𑌪𑍇𑌯𑌶𑌤𑌸𑍍𑌯 𑌚 ॥ 21 ॥

𑌅𑌶𑍍𑌵𑌮𑍇𑌧𑌸𑌹𑌸𑍍𑌰𑌸𑍍𑌯 𑌫𑌲𑌂 𑌪𑍍𑌰𑌾𑌪𑍍𑌨𑍋𑌤𑌿 𑌮𑌾𑌨𑌵𑌃 ।
𑌸𑌰𑍍𑌵𑌕𑌾𑌮𑌂 𑌲𑌭𑍇𑌦𑌸𑍍𑌯 𑌪𑌠𑌨𑌾𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ॥ 22 ॥

𑌜𑌲𑍇 𑌵𑌿𑌷𑍍𑌣𑍁𑌃 𑌸𑍍𑌥𑌲𑍇 𑌵𑌿𑌷𑍍𑌣𑍁𑌰𑍍𑌵𑌿𑌷𑍍𑌣𑍁𑌃 𑌪𑌰𑍍𑌵𑌤𑌮𑌸𑍍𑌤𑌕𑍇 ।
𑌜𑍍𑌵𑌾𑌲𑌾𑌮𑌾𑌲𑌾𑌕𑍁𑌲𑍇 𑌵𑌿𑌷𑍍𑌣𑍁𑌃 𑌸𑌰𑍍𑌵𑌂 𑌵𑌿𑌷𑍍𑌣𑍁𑌮𑌯𑌂 𑌜𑌗𑌤𑍍 ॥ 23 ॥

𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌾𑌂𑌡𑌪𑍁𑌰𑌾𑌣𑍇 𑌇𑌂𑌦𑍍𑌰𑌨𑌾𑌰𑌦𑌸𑌂𑌵𑌾𑌦𑍇 𑌶𑍍𑌰𑍀𑌵𑌿𑌷𑍍𑌣𑍁𑌪𑌂𑌜𑌰𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: