কৃষ্ণ যজুর্বেদীয় তৈত্তিরীয় সংহিতায়া-ম্প্রথমকাণ্ডে চতুর্থঃ প্রশ্নঃ - সুত্য়াদিনে কর্তব্য়া গ্রহাঃ

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

আ দ॑দে॒ গ্রাবা᳚-ঽস্যদ্ধ্বর॒কৃ-দ্দে॒বেভ্য়ো॑ গম্ভী॒রমি॒ম- ম॑দ্ধ্ব॒র-ঙ্কৃ॑দ্ধ্য়ুত্ত॒মেন॑ প॒বিনেন্দ্রা॑য়॒ সোম॒গ্​ম্॒ সুষু॑ত॒-ম্মধু॑মন্ত॒-ম্পয়॑স্বন্তং-বৃঁষ্টি॒বনি॒মিন্দ্রা॑য় ত্বা বৃত্র॒ঘ্ন ইন্দ্রা॑য় ত্বা বৃত্র॒তুর॒ ইন্দ্রা॑য় ত্বা-ঽভিমাতি॒ঘ্ন ইন্দ্রা॑য় ত্বা-ঽঽদি॒ত্যব॑ত॒ ইন্দ্রা॑য় ত্বা বি॒শ্বদে᳚ব্য়াবতে শ্বা॒ত্রা-স্স্থ॑ বৃত্র॒তুরো॒ রাধো॑গূর্তা অ॒মৃত॑স্য়॒ পত্নী॒স্তা দে॑বী-র্দেব॒ত্রেমং-য়ঁ॒জ্ঞ-ন্ধ॒ত্তোপ॑হূতা॒-স্সোম॑স্য় পিব॒তোপ॑হূতো যু॒ষ্মাক॒গ্​ম্॒ [য়ু॒ষ্মাক᳚ম্, সোমঃ॑ পিবতু॒ যত্তে॑] 1

সোমঃ॑ পিবতু॒ যত্তে॑ সোম দি॒বি জ্য়োতি॒র্য়-ত্পৃ॑থি॒ব্য়াং-য়ঁদু॒রাব॒ন্তরি॑ক্ষে॒ তেনা॒স্মৈ যজ॑মানায়ো॒রু রা॒য়া কৃ॒দ্ধ্যধি॑ দা॒ত্রে বো॑চো॒ ধিষ॑ণে বী॒ডূ স॒তী বী॑ডয়েথা॒-মূর্জ॑-ন্দধাথা॒মূর্জ॑-ম্মে ধত্ত॒-ম্মা বাগ্​ম্॑ হিগ্​ম্সিষ॒-ম্মা মা॑ হিগ্​ম্সিষ্ট॒-ম্প্রাগপা॒গুদ॑গধ॒রাক্তাস্ত্বা॒ দিশ॒ আ ধা॑ব॒ন্ত্বম্ব॒ নি ষ্ব॑র । যত্তে॑ সো॒মা-ঽদা᳚ভ্য়॒-ন্নাম॒ জাগৃ॑বি॒ তস্মৈ॑ তে সোম॒ সোমা॑য়॒ স্বাহা᳚ ॥ 2 ॥
(য়ু॒ষ্মাকগ্গ্॑ - স্বর॒ যত্তে॒ -নব॑ চ ) (অ. 1)

বা॒চস্পত॑য়ে পবস্ব বাজি॒ন্ বৃষা॒ বৃষ্ণো॑ অ॒গ্​ম্॒শুভ্য়া॒-ঙ্গভ॑স্তিপূতো দে॒বো দে॒বানা᳚-ম্প॒বিত্র॑মসি॒ যেষা᳚-ম্ভা॒গো-ঽসি॒ তেভ্য়॑স্ত্বা॒ স্বাঙ্কৃ॑তো-ঽসি॒ মধু॑মতী-র্ন॒ ইষ॑স্কৃধি॒ বিশ্বে᳚ভ্যস্ত্বেন্দ্রি॒য়েভ্য়ো॑ দি॒ব্য়েভ্য়ঃ॒ পার্থি॑বেভ্য়ো॒ মন॑স্ত্বা ঽষ্টূ॒র্ব॑ন্তরি॑ক্ষ॒-মন্বি॑হি॒ স্বাহা᳚ ত্বা সুভব॒-স্সূর্য়া॑য় দে॒বেভ্য়॑স্ত্বা মরীচি॒পেভ্য়॑ এ॒ষ তে॒ যোনিঃ॑ প্রা॒ণায়॑ ত্বা ॥ 3 ॥
(বা॒চঃ-স॒প্তচ॑ত্বারিগ্​ম্শত্) (অ. 2)

উ॒প॒য়া॒মগৃ॑হীতো ঽস্য়॒ন্তর্য়॑চ্ছ মঘব-ন্পা॒হি সোম॑মুরু॒ষ্য় রায়॒-স্সমিষো॑ যজস্বা॒-ঽন্তস্তে॑ দধামি॒ দ্য়াবা॑পৃথি॒বী অ॒ন্তরু॒র্ব॑ন্তরি॑ক্ষগ্​ম্ স॒জোষা॑ দে॒বৈরব॑রৈঃ॒ পরৈ᳚শ্চা-ঽন্তর্য়া॒মে ম॑ঘব-ন্মাদযস্ব॒ স্বাঙ্কৃ॑তো-ঽসি॒ মধু॑মতীর্ন॒ ইষ॑স্কৃধি॒ বিশ্বে᳚ভ্যস্ত্বেন্দ্রি॒য়েভ্য়ো॑ দি॒ব্য়েভ্য়ঃ॒ পার্থি॑বেভ্য়ো॒ মন॑স্ত্বা-ঽষ্টূ॒র্ব॑ন্তরি॑ক্ষ॒মন্বি॑হি॒ স্বাহা᳚ ত্বা সুভব॒-স্সূর্য়া॑য় দে॒বেভ্য়॑ স্ত্বা মরীচি॒পেভ্য়॑ এ॒ষ তে॒ যোনি॑রপা॒নায়॑ ত্বা ॥ 4 ॥
(দে॒বেভ্য়ঃ॑-স॒প্ত চ॑) (অ. 3)

আ বা॑য়ো ভূষ শুচিপা॒ উপ॑ ন-স্স॒হস্র॑-ন্তে নি॒য়ুতো॑ বিশ্ববার । উপো॑ তে॒ অন্ধো॒ মদ্য়॑ময়ামি॒ যস্য়॑ দেব দধি॒ষে পূ᳚র্ব॒পেয়᳚ম্ ॥ উ॒প॒য়া॒মগৃ॑হীতো-ঽসি বা॒যবে॒ ত্বেন্দ্র॑বায়ূ ই॒মে সু॒তাঃ । উপ॒ প্রয়ো॑ভি॒রা গ॑ত॒মিন্দ॑বো বামু॒শন্তি॒ হি ॥ উ॒প॒য়া॒মগৃ॑হীতো-ঽসীন্দ্রবা॒য়ুভ্য়া᳚-ন্ত্বৈ॒ষ তে॒ যোনি॑-স্স॒জোষা᳚ভ্য়া-ন্ত্বা ॥ 5 ॥
(আ বা॑য়ো॒- ত্রিচ॑ত্বারিগ্​ম্শত্) (অ. 4)

অ॒য়ং-বাঁ᳚-ম্মিত্রাবরুণা সু॒ত-স্সোম॑ ঋতাবৃধা । মমেদি॒হ শ্রু॑ত॒গ্​ম্॒ হব᳚ম্ । উ॒প॒য়া॒মগৃ॑হীতো-ঽসি মি॒ত্রাবরু॑ণাভ্য়া-ন্ত্বৈ॒ষ তে॒ যোনি॑র্-ঋতা॒য়ুভ্য়া᳚-ন্ত্বা ॥ 6 ॥
(অ॒য়ং-বাঁং᳚ - ঁবিগ্​ম্শ॒তিঃ) (অ. 5)

যা বা॒-ঙ্কশা॒ মধু॑ম॒ত্যশ্বি॑না সূ॒নৃতা॑বতী । তয়া॑ য॒জ্ঞ-ম্মি॑মিক্ষতম্ । উ॒প॒য়া॒মগৃ॑হীতো-ঽস্য়॒শ্বিভ্য়া᳚-ন্ত্বৈ॒ষ তে॒ যোনি॒র্মাদ্ধ্বী᳚ভ্য়া-ন্ত্বা ॥ 7 ॥
(য়া বা॑- ম॒ষ্টাদ॑শ) (অ. 6)

প্রা॒ত॒র্য়ুজৌ॒ বি মু॑চ্য়েথা॒-মশ্বি॑না॒বেহ গ॑চ্ছতম্ । অ॒স্য় সোম॑স্য় পী॒তয়ে᳚ ॥ উ॒প॒য়া॒মগৃ॑হীতো-ঽস্য়॒শ্বিভ্য়া᳚-ন্ত্বৈ॒ষ তে॒ যোনি॑র॒শ্বিভ্য়া᳚-ন্ত্বা ॥ 8 ॥
(প্রা॒ত॒র্য়ুজা॒বে-কা॒ন্নবিগ্​ম্॑শ॒তিঃ) (অ. 7)

অ॒য়ং-বেঁ॒নশ্চো॑দয়॒-ত্পৃশ্ঞি॑গর্ভা॒ জ্য়োতি॑র্জরায়ূ॒ রজ॑সো বি॒মানে᳚ । ই॒মম॒পাগ্​ম্ স॑ঙ্গ॒মে সূর্য়॑স্য়॒ শিশু॒-ন্ন বিপ্রা॑ ম॒তিভী॑ রিহন্তি ॥ উ॒প॒য়া॒মগৃ॑হীতো-ঽসি॒ শণ্ডা॑য় ত্বৈ॒ষ তে॒ যোনি॑-র্বী॒রতা᳚-ম্পাহি ॥ 9 ॥
(অ॒য়ং-বেঁ॒নঃ- পঞ্চ॑বিগ্​ম্শতিঃ) (অ. 8)

ত-ম্প্র॒ত্নথা॑ পূ॒র্বথা॑ বি॒শ্বথে॒মথা᳚ জ্য়ে॒ষ্ঠতা॑তি-ম্বর্​হি॒ষদগ্​ম্॑ সুব॒র্বিদ॑-ম্প্রতীচী॒নং-বৃঁ॒জন॑-ন্দোহসে গি॒রা-ঽঽশু-ঞ্জয়॑ন্ত॒মনু॒ যাসু॒ বর্ধ॑সে । উ॒প॒য়া॒মগৃ॑হীতো-ঽসি॒ মর্কা॑য় ত্বৈ॒ষ তে॒ যোনিঃ॑ প্র॒জাঃ পা॑হি ॥ 10 ॥
(ত-ম্প্র॒ত্নয়া॒-ষট্বিগ্​ম্॑শতিঃ ) (অ. 9)

যে দে॑বা দি॒ব্য়েকা॑দশ॒ স্থ পৃ॑থি॒ব্য়ামদ্ধ্য়েকা॑দশ॒ স্থা-ঽফ্সু॒ষদো॑ মহি॒নৈকা॑দশ॒ স্থ তে দে॑বা য॒জ্ঞমি॒ম-ঞ্জু॑ষদ্ধ্ব-মুপয়া॒মগৃ॑হীতো-ঽস্য়াগ্রয়॒ণো॑-ঽসি॒ স্বা᳚গ্রযণো॒ জিন্ব॑ য॒জ্ঞ-ঞ্জিন্ব॑ য॒জ্ঞপ॑তিম॒ভি সব॑না পাহি॒ বিষ্ণু॒স্ত্বা-ম্পা॑তু॒ বিশ॒-ন্ত্ব-ম্পা॑হীন্দ্রি॒য়েণৈ॒ষ তে॒ যোনি॒-র্বিশ্বে᳚ভ্যস্ত্বা দে॒বেভ্য়ঃ॑ ॥ 11 ॥
যে দে॑বা॒-স্ত্রিচ॑ত্বারিগ্​ম্শত্) (অ. 10)

ত্রি॒গ্​ম্॒শত্ত্রয়॑শ্চ গ॒ণিনো॑ রু॒জন্তো॒ দিবগ্​ম্॑ রু॒দ্রাঃ পৃ॑থি॒বী-ঞ্চ॑ সচন্তে । এ॒কা॒দ॒শাসো॑ অফ্সু॒ষদ॑-স্সু॒তগ্​ম্ সোম॑-ঞ্জুষন্তা॒গ্​ম্॒ সব॑নায়॒ বিশ্বে᳚ ॥ উ॒প॒য়া॒মগৃ॑হীতো -ঽস্য়াগ্রয়॒ণো॑-ঽসি॒ স্বা᳚গ্রযণো॒ জিন্ব॑ য॒জ্ঞ-ঞ্জিন্ব॑ য॒জ্ঞপ॑তিম॒ভি সব॑না পাহি॒ বিষ্ণু॒স্ত্বা-ম্পা॑তু॒ বিশ॒-ন্ত্ব-ম্পা॑হীন্দ্রি॒য়েণৈ॒ষ তে॒ যোনি॒-র্বিশ্বে᳚ভ্যস্ত্বা দে॒বেভ্য়ঃ॑ ॥ 12 ॥
(ত্রি॒গ্​ম্॒শত্ত্রয়ো॒-দ্বিচ॑ত্বারিগ্​ম্শত্) (অ. 11)

উ॒প॒য়া॒মগৃ॑হীতো॒-ঽসীন্দ্রা॑য় ত্বা বৃ॒হদ্ব॑তে॒ বয়॑স্বত উক্থা॒য়ুবে॒ যত্ত॑ ইন্দ্র বৃ॒হদ্বয়॒স্তস্মৈ᳚ ত্বা॒ বিষ্ণ॑বে ত্বৈ॒ষ তে॒ যোনি॒রিন্দ্রা॑য় ত্বোক্থা॒য়ুবে᳚ ॥ 13 ॥
(উ॒প॒য়া॒মগৃ॑হীতো॒-ঽসীন্দ্রা॑য়॒-দ্বাবিগ্​ম্॑শতিঃ) (অ. 12)

মূ॒র্ধান॑-ন্দি॒বো অ॑র॒তি-ম্পৃ॑থি॒ব্য়া বৈ᳚শ্বান॒রমৃ॒তায়॑ জা॒তম॒গ্নিম্ । ক॒বিগ্​ম্ স॒ম্রাজ॒-মতি॑থি॒-ঞ্জনা॑নামা॒সন্না পাত্র॑-ঞ্জনযন্ত দে॒বাঃ ॥ উ॒প॒য়া॒মগৃ॑হীতো-ঽস্য়॒গ্নয়ে᳚ ত্বা বৈশ্বান॒রায়॑ ধ্রু॒বো॑-ঽসি ধ্রু॒বক্ষি॑তি-র্ধ্রু॒বাণা᳚-ন্ধ্রু॒বত॒মো-ঽচ্য়ু॑তানা-মচ্য়ুত॒ক্ষিত্ত॑ম এ॒ষ তে॒ যোনি॑র॒গ্নয়ে᳚ ত্বা বৈশ্বান॒রায়॑ ॥ 14 ॥
(মূ॒র্ধানং॒-পঞ্চ॑ত্রিগ্​ম্শত্) (অ. 13)

মধু॑শ্চ॒ মাধ॑বশ্চ শু॒ক্রশ্চ॒ শুচি॑শ্চ॒ নভ॑শ্চ নভ॒স্য়॑শ্চে॒ষশ্চো॒র্জশ্চ॒ সহ॑শ্চ সহ॒স্য়॑শ্চ॒ তপ॑শ্চ তপ॒স্য়॑শ্চো-পয়া॒মগৃ॑হীতো-ঽসি স॒গ্​ম্॒সর্পো᳚- ঽস্য়গ্​ম্হস্প॒ত্য়ায়॑ ত্বা ॥ 15 ॥
(মধু॑শ্চ-ত্রি॒গ্​ম্॒শত্) (অ. 14)

ইন্দ্রা᳚গ্নী॒ আ গ॑তগ্​ম্ সু॒ত-ঙ্গী॒র্ভি-র্নভো॒ বরে᳚ণ্যম্ । অ॒স্য় পা॑ত-ন্ধি॒য়েষি॒তা ॥ উ॒প॒য়া॒মগৃ॑হীতো-ঽসীন্দ্রা॒গ্নিভ্য়া᳚-ন্ত্বৈ॒ষ তে॒ যোনি॑রিন্দ্রা॒গ্নিভ্য়া᳚-ন্ত্বা ॥ 16 ॥
(ইন্দ্রা᳚গ্নী॒ বিগ্​ম্শ॒তিঃ) (অ. 15)

ওমা॑সশ্চর্​ষণীধৃতো॒ বিশ্বে॑ দেবাস॒ আ গ॑ত । দা॒শ্বাগ্​ম্সো॑ দা॒শুষ॑-স্সু॒তম্ ॥ উ॒প॒য়া॒মগৃ॑হীতো-ঽসি॒ বিশ্বে᳚ভ্যস্ত্বা দে॒বেভ্য়॑ এ॒ষ তে॒ যোনি॒-র্বিশ্বে᳚ভ্যস্ত্বা দে॒বেভ্য়ঃ॑ ॥ 17 ॥
(ওমা॑সো বিগ্​ম্শ॒তিঃ) (অ. 16)

ম॒রুত্ব॑ন্তং-বৃঁষ॒ভং-বাঁ॑বৃধা॒নমক॑বারি-ন্দি॒ব্য়গ্​ম্ শা॒সমিন্দ্র᳚ম্ । বি॒শ্বা॒সাহ॒মব॑সে॒ নূত॑নায়ো॒গ্রগ্​ম্ স॑হো॒দামি॒হ তগ্​ম্ হু॑বেম ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ম॒রুত্ব॑ত এ॒ষ তে॒ যোনি॒রিন্দ্রা॑য় ত্বা ম॒রুত্ব॑তে ॥ 18 ॥
(ম॒রুত্ব॑ন্ত॒গ্​ম্॒-ষট্বিগ্​ম্॑শতিঃ) (অ. 17)

ইন্দ্র॑ মরুত্ব ই॒হ পা॑হি॒ সোমং॒-য়ঁথা॑ শার্য়া॒তে অপি॑ব-স্সু॒তস্য়॑ । তব॒ প্রণী॑তী॒ তব॑ শূর॒ শর্ম॒ন্না-বি॑বাসন্তি ক॒বয়॑-স্সুয়॒জ্ঞাঃ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ম॒রুত্ব॑ত এ॒ষ তে॒ যোনি॒রিন্দ্রা॑য় ত্বা ম॒রুত্ব॑তে ॥ 19 ॥
(ইন্দ্রৈ॒কা॒ন্ন ত্রি॒গ্​ম্॒শত্) (অ. 18)

ম॒রুত্বাগ্​ম্॑ ইন্দ্র বৃষ॒ভো রণা॑য়॒ পিবা॒ সোম॑মনুষ্ব॒ধ-ম্মদা॑য় । আ সি॑ঞ্চস্ব জ॒ঠরে॒ মদ্ধ্ব॑ ঊ॒র্মি-ন্ত্বগ্​ম্ রাজা॑-ঽসি প্র॒দিব॑-স্সু॒তানা᳚ম্ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ম॒রুত্ব॑ত এ॒ষ তে॒ যোনি॒রিন্দ্রা॑য় ত্বা ম॒রুত্ব॑তে ॥ 20 ॥
(ম॒রুত্বা॒নেকা॒ন্নত্রি॒গ্​ম্॒শত্) (অ. 19)

ম॒হাগ্​ম্ ইন্দ্রো॒ য ওজ॑সা প॒র্জন্য়ো॑ বৃষ্টি॒মাগ্​ম্ ই॑ব । স্তোমৈ᳚র্ব॒থ্সস্য়॑ বাবৃধে ॥ উ॒প॒য়া॒মগৃ॑হীতো-ঽসি মহে॒ন্দ্রায়॑ ত্বৈ॒ষ তে॒ যোনি॑-র্মহে॒ন্দ্রায়॑ ত্বা ॥ 21 ॥
(ম॒হানেকা॒ন্নবিগ্​ম্॑শতিঃ) (অ. 20)

ম॒হাগ্​ম্ ইন্দ্রো॑ নৃ॒বদা চ॑র্​ষণি॒প্রা উ॒ত দ্বি॒বর্​হা॑ অমি॒ন-স্সহো॑ভিঃ । অ॒স্ম॒দ্রিয়॑গ্বাবৃধে বী॒র্য়া॑য়ো॒রুঃ পৃ॒থু-স্সুকৃ॑তঃ ক॒র্তৃভি॑র্ভূত্ ॥ উ॒প॒য়া॒মগৃ॑হীতো-ঽসি মহে॒ন্দ্রায়॑ ত্বৈ॒ষ তে॒ যোনি॑-র্মহে॒ন্দ্রায়॑ ত্বা ॥ 22 ॥
(ম॒হা-ন্নৃ॒বথ্ - ষড্বিগ্​ম্॑শতিঃ) (অ. 21)

ক॒দা চ॒ন স্ত॒রীর॑সি॒ নেন্দ্র॑ সশ্চসি দা॒শুষে᳚ । উপো॒পেন্নু ম॑ঘব॒-ন্ভূয়॒ ইন্নু তে॒ দান॑-ন্দে॒বস্য়॑ পৃচ্যতে ॥ উ॒প॒য়া॒মগৃ॑হীতো-ঽস্য়া-দি॒ত্য়েভ্য়॑স্ত্বা ॥ ক॒দা চ॒ন প্র যু॑চ্ছস্য়ু॒ভে নি পা॑সি॒ জন্ম॑নী । তুরী॑য়াদিত্য়॒ সব॑ন-ন্ত ইন্দ্রি॒যমা ত॑স্থাব॒মৃত॑-ন্দি॒বি ॥ য॒জ্ঞো দে॒বানা॒-ম্প্রত্য়ে॑তি সু॒ম্নমাদি॑ত্য়াসো॒ ভব॑তা মৃড॒যন্তঃ॑ । আ বো॒ ঽর্বাচী॑ সুম॒তি-র্ব॑বৃত্য়াদ॒গ্​ম্॒হো-শ্চি॒দ্য়া ব॑রিবো॒বিত্ত॒রা-ঽস॑ত্ ॥ বিব॑স্ব আদিত্য়ৈ॒ষ তে॑ সোমপী॒থস্তেন॑ মন্দস্ব॒ তেন॑ তৃপ্য় তৃ॒প্য়াস্ম॑ তে ব॒য়-ন্ত॑র্পয়ি॒তারো॒ যা দি॒ব্য়া বৃষ্টি॒স্তয়া᳚ ত্বা শ্রীণামি ॥ 23 ॥
(বঃ॒- স॒প্তবিগ্​ম্॑শতিশ্চ) (অ. 22)

বা॒মম॒দ্য় স॑বিতর্বা॒মমু॒ শ্বো দি॒বেদি॑বে বা॒মম॒স্মভ্য়গ্​ম্॑ সাবীঃ ॥ বা॒মস্য়॒ হি ক্ষয়॑স্য় দেব॒ ভূরে॑র॒য়া ধি॒য়া বা॑ম॒ভাজ॑-স্স্য়াম ॥ উ॒প॒য়া॒মগৃ॑হীতো-ঽসি দে॒বায়॑ ত্বা সবি॒ত্রে ॥ 24 ॥
(বা॒মং-চতু॑র্বিগ্​ম্শতিঃ) (অ. 23)

অদ॑ব্ধেভি-স্সবিতঃ পা॒য়ুভি॒ষ্ট্বগ্​ম্ শি॒বেভি॑র॒দ্য় পরি॑পাহি নো॒ গয়᳚ম্ । হির॑ণ্যজিহ্ব-স্সুবি॒তায়॒ নব্য়॑সে॒ রক্ষা॒ মাকি॑র্নো অ॒ঘশগ্​ম্॑স ঈশত ॥ উ॒প॒য়া॒মগৃ॑হীতো-ঽসি দে॒বায়॑ ত্বা সবি॒ত্রে ॥ 25 ॥
(অদ॑ব্ধেভি॒-স্ত্রিয়ো॑বিগ্​ম্শতিঃ) (অ. 24)

হির॑ণ্যপাণিমূ॒তয়ে॑ সবি॒তার॒মুপ॑ হ্বয়ে । স চেত্তা॑ দে॒বতা॑ প॒দম্ ॥ উ॒প॒য়া॒মগৃ॑হীতো-ঽসি দে॒বায়॑ ত্বা সবি॒ত্রে ॥ 26 ॥
(হির॑ণ্যপাণিং॒-চতু॑র্দশ) (অ. 25)

সু॒শর্মা॑-ঽসি সুপ্রতিষ্ঠা॒নো বৃ॒হদু॒ক্ষে নম॑ এ॒ষ তে॒ যোনি॒-র্বিশ্বে᳚ভ্যস্ত্বা দে॒বেভ্য়ঃ॑ ॥ 27 ॥
(সু॒শর্মা॒-দ্বাদ॑শ) (অ. 26)

বৃহ॒স্পতি॑সুতস্য় ত ইন্দো ইন্দ্রি॒য়াব॑তঃ॒ পত্নী॑বন্ত॒-ঙ্গ্রহ॑-ঙ্গৃহ্ণা॒ম্যগ্না(3)ই পত্নী॒বা(3) স্স॒জূর্দে॒বেন॒ ত্বষ্ট্রা॒ সোম॑-ম্পিব॒ স্বাহা᳚ ॥ 28 ॥
(বৃহ॒স্পতি॑সুতস্য়॒-পঞ্চ॑দশ) (অ. 27)

হরি॑রসি হারিয়োজ॒নো হর্য়ো᳚-স্স্থা॒তা বজ্র॑স্য় ভ॒র্তা পৃশ্ঞেঃ᳚ প্রে॒তা তস্য়॑ তে দেব সোমে॒ষ্টয়॑জুষ-স্স্তু॒তস্তো॑মস্য় শ॒স্তোক্থ॑স্য়॒ হরি॑বন্ত॒-ঙ্গ্রহ॑-ঙ্গৃহ্ণামি হ॒রী-স্স্থ॒ হর্য়ো᳚র্ধা॒না-স্স॒হসো॑মা॒ ইন্দ্রা॑য়॒ স্বাহা᳚ ॥ 29 ॥
(হরি॑রসি॒-ষড্বিগ্​ম্॑শতিঃ) (অ. 28)

অগ্ন॒ আয়ূগ্​ম্॑ষি পবস॒ আ সু॒বোর্জ॒মিষ॑-ঞ্চ নঃ । আ॒রে বা॑ধস্ব দু॒চ্ছুনা᳚ম্ ॥ উ॒প॒য়া॒মগৃ॑হীতো-ঽস্য়॒গ্নয়ে᳚ ত্বা॒ তেজ॑স্বত এ॒ষ তে॒ যোনি॑র॒গ্নয়ে᳚ ত্বা॒ তেজ॑স্বতে ॥ 30 ॥
(অগ্ন॒ আয়ূগ্​ম্॑ষি॒-ত্রয়ো॑বিগ্​ম্শতিঃ) (অ. 29)

উ॒ত্তিষ্ঠ॒ন্নোজ॑সা স॒হ পী॒ত্বা শিপ্রে॑ অবেপয়ঃ । সোম॑মিন্দ্র চ॒মূ সু॒তম্ ॥ উ॒প॒য়া॒মগৃ॑হীতো॒-ঽসীন্দ্রা॑য়॒ ত্বৌজ॑স্বত এ॒ষ তে॒ যোনি॒রিন্দ্রা॑য়॒ ত্বৌজ॑স্বতে ॥ 31 ॥
(উ॒ত্তিষ্ঠ॒ন্নেক॑বিগ্​ম্শতিঃ) (অ. 30)

ত॒রণি॑-র্বি॒শ্বদ॑র্​শতো জ্য়োতি॒ষ্কৃদ॑সি সূর্য় । বিশ্ব॒মা ভা॑সি রোচ॒নম্ ॥ উ॒প॒য়া॒মগৃ॑হীতো-ঽসি॒ সূর্য়া॑য় ত্বা॒ ভ্রাজ॑স্বত এ॒ষ তে॒ যোনি॒-স্সূর্য়া॑য় ত্বা॒ ভ্রাজ॑স্বতে ॥ 32 ॥
(ত॒রণি॑-র্বিগ্​ম্শ॒তিঃ) (অ. 31)

আ প্য়া॑যস্ব মদিন্তম॒ সোম॒ বিশ্বা॑ভি-রূ॒তিভিঃ॑ । ভবা॑ ন-স্স॒প্রথ॑স্তমঃ ॥ 33 ॥
(আ প্য়া॑যস্ব॒-নব॑) (অ. 32)

ঈ॒য়ুষ্টে যে পূর্ব॑তরা॒মপ॑শ্যন্ ব্য়ু॒চ্ছন্তী॑মু॒ষস॒-ম্মর্ত্য়া॑সঃ । অ॒স্মাভি॑রূ॒ নু প্র॑তি॒চক্ষ্য়া॑-ঽভূ॒দো তে য॑ন্তি॒ যে অ॑প॒রীষু॒ পশ্য়ান্॑ ॥ 34 ॥
(ঈ॒য়ু-রেকা॒ন্নবিগ্​ম্॑শতিঃ) (অ. 33)

জ্য়োতি॑ষ্মতী-ন্ত্বা সাদয়ামি জ্য়োতি॒ষ্কৃত॑-ন্ত্বা সাদয়ামি জ্য়োতি॒র্বিদ॑-ন্ত্বা সাদয়ামি॒ ভাস্ব॑তী-ন্ত্বা সাদয়ামি॒ জ্বল॑ন্তী-ন্ত্বা সাদয়ামি মল্মলা॒ভব॑ন্তী-ন্ত্বা সাদয়ামি॒ দীপ্য়॑মানা-ন্ত্বা সাদয়ামি॒ রোচ॑মানা-ন্ত্বা সাদয়া॒ম্যজ॑স্রা-ন্ত্বা সাদয়ামি বৃ॒হজ্জ্য়ো॑তিষ-ন্ত্বা সাদয়ামি বো॒ধয়॑ন্তী-ন্ত্বা সাদয়ামি॒ জাগ্র॑তী-ন্ত্বা সাদয়ামি ॥ 35 ॥
(জ্য়োতি॑ষ্মতী॒গ্​ম্॒-ষট্ত্রিগ্​ম্॑শত্) (অ. 34)

প্র॒য়া॒সায়॒ স্বাহা॑ ঽঽয়া॒সায়॒ স্বাহা॑ বিয়া॒সায়॒ স্বাহা॑ সং​য়াঁ॒সায়॒ স্বাহো᳚দ্য়া॒সায়॒ স্বাহা॑-ঽবয়া॒সায়॒ স্বাহা॑ শু॒চে স্বাহা॒ শোকা॑য়॒ স্বাহা॑ তপ্য়॒ত্বৈ স্বাহা॒ তপ॑তে॒ স্বাহা᳚ ব্রহ্মহ॒ত্য়ায়ৈ॒ স্বাহা॒ সর্ব॑স্মৈ॒ স্বাহা᳚ ॥ 36 ॥
(প্র॒য়া॒সায়॒-চতু॑র্বিগ্​ম্শতিঃ ) (অ. 35)

চি॒ত্তগ্​ম্ স॑ন্তা॒নেন॑ ভ॒বং-য়ঁ॒ক্না রু॒দ্র-ন্তনি॑ম্না পশু॒পতিগ্গ্॑ স্থূলহৃদ॒য়েনা॒গ্নিগ্​ম্ হৃদ॑য়েন রু॒দ্রং-লোঁহি॑তেন শ॒র্ব-ম্মত॑স্নাভ্য়া-ম্মহাদে॒ব-ম॒ন্তঃপা᳚র্​শ্বেনৌষিষ্ঠ॒হনগ্​ম্॑ শিঙ্গীনিকো॒শ্য়া᳚ভ্য়াম্ ॥ 37 ॥
(চি॒ত্ত-ম॒ষ্টাদ॑শ) (অ. 36)

আ তি॑ষ্ঠ বৃত্রহ॒-ন্রথং॑-য়ুঁ॒ক্তা তে॒ ব্রহ্ম॑ণা॒ হরী᳚ । অ॒র্বা॒চীন॒গ্​ম্॒ সু তে॒ মনো॒ গ্রাবা॑ কৃণোতু ব॒গ্নুনা᳚ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ষোড॒শিন॑ এ॒ষ তে॒ যোনি॒রিন্দ্রা॑য় ত্বা ষোড॒শিনে᳚ ॥ 38 ॥
(আ তি॑ষ্ট॒-ষট্বিগ্​ম্॑শতিঃ) (অ. 37)

ইন্দ্র॒মিদ্ধরী॑ বহ॒তো-ঽপ্র॑তিধৃষ্টশবস॒-মৃষী॑ণা-ঞ্চ স্তু॒তীরুপ॑ য॒জ্ঞ-ঞ্চ॒ মানু॑ষাণাম্ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ষোড॒শিন॑ এ॒ষ তে॒ যোনি॒রিন্দ্রা॑য় ত্বা ষোড॒শিনে᳚ ॥ 39 ॥
(ইন্দ্র॒মিত্-ত্রয়ো॑বিগ্​ম্শতিঃ) (অ. 38)

অসা॑বি॒ সোম॑ ইন্দ্র তে॒ শবি॑ষ্ঠ ধৃষ্ণ॒বা গ॑হি । আ ত্বা॑ পৃণক্ত্বিন্দ্রি॒য়গ্​ম্ রজ॒-স্সূর্য়॒-ন্ন র॒শ্মিভিঃ॑ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ষোড॒শিন॑ এ॒ষ তে॒ যোনি॒রিন্দ্রা॑য় ত্বা ষোড॒শিনে᳚ ॥ 40 ॥
(অসা॑বি-স॒প্তবিগ্​ম্॑শতিঃ) (অ. 39)

সর্ব॑স্য় প্রতি॒শীব॑রী॒ ভূমি॑স্ত্বো॒পস্থ॒ আ-ঽধি॑ত । স্য়ো॒না-ঽস্মৈ॑ সু॒ষদা॑ ভব॒ যচ্ছা᳚-ঽস্মৈ শর্ম॑ স॒প্রথাঃ᳚ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ষোড॒শিন॑ এ॒ষ তে॒ যোনি॒রিন্দ্রা॑য় ত্বা ষোড॒শিনে᳚ ॥ 41 ॥
(সর্ব॑স্য়॒ ষড্বিগ্​ম্॑শতিঃ) (অ. 40)

ম॒হাগ্​ম্ ইন্দ্রো॒ বজ্র॑বাহু-ষ্ষোড॒শী শর্ম॑ যচ্ছতু । স্ব॒স্তি নো॑ ম॒ঘবা॑ করোতু॒ হন্তু॑ পা॒প্মানং॒-য়োঁ᳚-ঽস্মা-ন্দ্বেষ্টি॑ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ষোড॒শিন॑ এ॒ষ তে॒ যোনি॒রিন্দ্রা॑য় ত্বা ষোড॒শিনে᳚ ॥ 42 ॥
(ম॒হান্-ষড্বিগ্​ম্॑শতিঃ) (অ. 41)

স॒জোষা॑ ইন্দ্র॒ সগ॑ণো ম॒রুদ্ভি॒-স্সোম॑-ম্পিব বৃত্রহঞ্ছূর বি॒দ্বান্ । জ॒হি শত্রূ॒গ্​ম্॒ রপ॒ মৃধো॑ নুদ॒স্বা-ঽথাভ॑য়-ঙ্কৃণুহি বি॒শ্বতো॑ নঃ ॥ উ॒প॒য়া॒মগৃ॑হীতো॒-ঽসীন্দ্রা॑য় ত্বা ষোড॒শিন॑ এ॒ষ তে॒ যোনি॒রিন্দ্রা॑য় ত্বা ষোড॒শিনে᳚ ॥ 43 ॥
(স॒জোষাঃ᳚-ত্রি॒গ্​ম্॒শত্) (অ. 42)

উদু॒ ত্য়-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য়॒ সূর্য়᳚ম্ ॥ চি॒ত্র-ন্দে॒বানা॒-মুদ॑গা॒দনী॑ক॒-ঞ্চক্ষু॑-র্মি॒ত্রস্য়॒ বরু॑ণস্য়া॒-ঽগ্নেঃ । আ-ঽপ্রা॒ দ্য়াবা॑পৃথি॒বী অ॒ন্তরি॑ক্ষ॒গ্​ম্॒ সূর্য়॑ আ॒ত্মা জগ॑তস্ত॒স্থুষ॑শ্চ ॥ অগ্নে॒ নয়॑ সু॒পথা॑ রা॒য়ে অ॒স্মান্. বিশ্বা॑নি দেব ব॒য়ুনা॑নি বি॒দ্বান্ । যু॒য়ো॒দ্ধ্য়॑স্ম-জ্জু॑হুরা॒ণ মেনো॒ ভূয়ি॑ষ্ঠা-ন্তে॒ নম॑উক্তিং-বিঁধেম ॥ দিব॑-ঙ্গচ্ছ॒ সুবঃ॑ পত রূ॒পেণ॑ [রূ॒পেণ॑, বো॒ রূ॒পম॒ভ্য়ৈমি॒ বয়॑সা॒ বয়ঃ॑ ।] ॥ 44 ॥

বো রূ॒পম॒ভ্য়ৈমি॒ বয়॑সা॒ বয়ঃ॑ । তু॒থো বো॑ বি॒শ্ববে॑দা॒ বি ভ॑জতু॒ বর্​ষি॑ষ্ঠে॒ অধি॒ নাকে᳚ ॥ এ॒তত্তে॑ অগ্নে॒ রাধ॒ ঐতি॒ সোম॑চ্য়ুত॒-ন্তন্মি॒ত্রস্য়॑ প॒থা ন॑য়॒র্তস্য়॑ প॒থা প্রেত॑ চ॒ন্দ্রদ॑ক্ষিণা য॒জ্ঞস্য়॑ প॒থা সু॑বি॒তা নয়॑ন্তী-র্ব্রাহ্ম॒ণম॒দ্য় রা᳚দ্ধ্য়াস॒মৃষি॑মার্​ষে॒য়-ম্পি॑তৃ॒মন্ত॑-ম্পৈতৃম॒ত্য়গ্​ম্ সু॒ধাতু॑দক্ষিণং॒-বিঁ সুবঃ॒ পশ্য়॒ ব্য়॑ন্তরি॑ক্ষং॒-য়ঁত॑স্ব সদ॒স্য়ৈ॑ র॒স্মদ্দা᳚ত্রা দেব॒ত্রা গ॑চ্ছত॒ মধু॑মতীঃ প্রদা॒তার॒মা বি॑শ॒তা-ঽন॑বহায়া॒-ঽস্মা-ন্দে॑ব॒য়ানে॑ন প॒থেত॑ সু॒কৃতাং᳚-লোঁ॒কে সী॑দত॒ তন্ন॑-স্সগ্গ্​স্কৃ॒তম্ ॥ 45 ॥
(রূ॒পেণ॑-সদ॒স্য়ৈ॑-র॒ষ্টাদ॑শ চ) (অ. 43)

ধা॒তা রা॒তি-স্স॑বি॒তেদ-ঞ্জু॑ষন্তা-ম্প্র॒জাপ॑তি-র্নিধি॒পতি॑র্নো অ॒গ্নিঃ । ত্বষ্টা॒ বিষ্ণুঃ॑ প্র॒জয়া॑ সগ্​ম্ররা॒ণো যজ॑মানায়॒ দ্রবি॑ণ-ন্দধাতু ॥ সমি॑ন্দ্র ণো॒ মন॑সা নেষি॒ গোভি॒-স্সগ্​ম্ সূ॒রিভি॑র্মঘব॒ন্-থ্সগ্গ্​ স্ব॒স্ত্য়া । স-ম্ব্রহ্ম॑ণা দে॒বকৃ॑তং॒-য়ঁদস্তি॒ স-ন্দে॒বানাগ্​ম্॑ সুম॒ত্য়া য॒জ্ঞিয়া॑নাম্ ॥ সং-বঁর্চ॑সা॒ পয়॑সা॒ স-ন্ত॒নূভি॒-রগ॑ন্মহি॒ মন॑সা॒ সগ্​ম্ শি॒বেন॑ ॥ ত্বষ্টা॑ নো॒ অত্র॒ বরি॑বঃ কৃণো॒- [বরি॑বঃ কৃণোতু, অনু॑ মার্​ষ্টু] 46

ত্বনু॑ মার্​ষ্টু ত॒নুবো॒ যদ্বিলি॑ষ্টম্ ॥ যদ॒দ্য় ত্বা᳚ প্রয়॒তি য॒জ্ঞে অ॒স্মিন্নগ্নে॒ হোতা॑র॒মবৃ॑ণীমহী॒হ । ঋধ॑গয়া॒ডৃধ॑গু॒তা-ঽশ॑মিষ্ঠাঃ প্রজা॒নন্. য॒জ্ঞমুপ॑ যাহি বি॒দ্বান্ ॥ স্ব॒গা বো॑ দেবা॒-স্সদ॑নমকর্ম॒ য আ॑জ॒গ্ম সব॑নে॒দ-ঞ্জু॑ষা॒ণাঃ । জ॒ক্ষি॒বাগ্​ম্সঃ॑ পপি॒বাগ্​ম্স॑শ্চ॒ বিশ্বে॒-ঽস্মে ধ॑ত্ত বসবো॒ বসূ॑নি ॥ যানা-ঽব॑হ উশ॒তো দে॑ব দে॒বা-ন্তা- [দে॒বা-ন্তান্, প্রের॑য়॒ স্বে অ॑গ্নে স॒ধস্থে᳚ ।] 47

ন্প্রের॑য়॒ স্বে অ॑গ্নে স॒ধস্থে᳚ । বহ॑মানা॒ ভর॑মাণা হ॒বীগ্​ম্ষি॒ বসু॑-ঙ্ঘ॒র্ম-ন্দিব॒মা তি॑ষ্ঠ॒তানু॑ । যজ্ঞ॑ য॒জ্ঞ-ঙ্গ॑চ্ছ য॒জ্ঞপ॑তি-ঙ্গচ্ছ॒ স্বাং-য়োঁনি॑-ঙ্গচ্ছ॒ স্বাহৈ॒ষ তে॑ য॒জ্ঞো য॑জ্ঞপতে স॒হসূ᳚ক্তবাক-স্সু॒বীর॒-স্স্বাহা॒ দেবা॑ গাতুবিদো গা॒তুং-বিঁ॒ত্ত্বা গা॒তুমি॑ত॒ মন॑সস্পত ই॒ম-ন্নো॑ দেব দে॒বেষু॑ য॒জ্ঞগ্গ্​ স্বাহা॑ বা॒চি স্বাহা॒ বাতে॑ ধাঃ ॥ 48 ॥
(কৃ॒ণো॒তু॒-তান॒-ষ্টাচ॑ত্বারিগ্​ম্শচ্চ ) (অ. 44)

উ॒রুগ্​ম্ হি রাজা॒ বরু॑ণশ্চ॒কার॒ সূর্য়া॑য়॒ পন্থা॒-মন্বে॑ত॒বা উ॑ । অ॒পদে॒ পাদা॒ প্রতি॑ধাতবে-ঽকরু॒তা-ঽপ॑ব॒ক্তা হৃ॑দয়া॒বিধ॑শ্চিত্ ॥ শ॒ত-ন্তে॑ রাজ-ন্ভি॒ষজ॑-স্স॒হস্র॑মু॒র্বী গ॑ম্ভী॒রা সু॑ম॒তিষ্টে॑ অস্তু । বাধ॑স্ব॒ দ্বেষো॒ নির্-ঋ॑তি-ম্পরা॒চৈঃ কৃ॒ত-ঞ্চি॒দেনঃ॒ প্র মু॑মুগ্দ্ধ্য়॒স্মত্ ॥ অ॒ভিষ্ঠি॑তো॒ বরু॑ণস্য়॒ পাশো॒-ঽগ্নেরনী॑কম॒প আ বি॑বেশ । অপা᳚ন্নপা-ত্প্রতি॒রক্ষ॑ন্নসু॒র্য়॑-ন্দমে॑দমে [ ] 49

স॒মিধং॑-য়ঁক্ষ্যগ্নে ॥ প্রতি॑ তে জি॒হ্বা ঘৃ॒তমুচ্চ॑রণ্য়ে-থ্সমু॒দ্রে তে॒ হৃদ॑যম॒ফ্স্ব॑ন্তঃ । স-ন্ত্বা॑ বিশ॒ন্ত্বোষ॑ধী-রু॒তা-ঽঽপো॑ য॒জ্ঞস্য়॑ ত্বা যজ্ঞপতে হ॒বির্ভিঃ॑ ॥ সূ॒ক্ত॒বা॒কে ন॑মোবা॒কে বি॑ধে॒মা-ঽব॑ভৃথ নিচঙ্কুণ নিচে॒রুর॑সি নিচঙ্কু॒ণা-ঽব॑ দে॒বৈ-র্দে॒বকৃ॑ত॒মেনো॑-ঽয়া॒ডব॒ মর্ত্য়ৈ॒-র্মর্ত্য়॑কৃতমু॒রোরা নো॑ দেব রি॒ষস্পা॑হি সুমি॒ত্রা ন॒ আপ॒ ওষ॑ধয়- [ওষ॑ধয়ঃ, স॒ন্তু॒ দু॒র্মি॒ত্রাস্তস্মৈ॑] 50

স্সন্তু দুর্মি॒ত্রাস্তস্মৈ॑ ভূয়াসু॒-র্য়ো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্মো দেবী॑রাপ এ॒ষ বো॒ গর্ভ॒স্তং-বঁ॒-স্সুপ্রী॑ত॒গ্​ম্॒ সুভৃ॑ত-মকর্ম দে॒বেষু॑ ন-স্সু॒কৃতো᳚ ব্রূতা॒-ত্প্রতি॑য়ুতো॒ বরু॑ণস্য়॒ পাশঃ॒ প্রত্য়॑স্তো॒ বরু॑ণস্য়॒ পাশ॒ এধো᳚-ঽস্য়েধিষী॒মহি॑ স॒মিদ॑সি॒ তেজো॑-ঽসি তেজো॒ ময়ি॑ ধেহ্য়॒পো অন্ব॑চারিষ॒গ্​ম্॒ রসে॑ন॒ সম॑সৃক্ষ্মহি । পয়॑স্বাগ্​ম্ অগ্ন॒ আ ঽগ॑ম॒-ন্ত-ম্মা॒ সগ্​ম্ সৃ॑জ॒ বর্চ॑সা ॥ 51 ॥
(দমে॑দম॒-ওষ॑ধয়॒- আ-ষট্চ॑) (অ. 45)

যস্ত্বা॑ হৃ॒দা কী॒রিণা॒ মন্য়॑মা॒নো ঽম॑র্ত্য়॒-ম্মর্ত্য়ো॒ জোহ॑বীমি । জাত॑বেদো॒ যশো॑ অ॒স্মাসু॑ ধেহি প্র॒জাভি॑রগ্নে অমৃত॒ত্বম॑শ্য়াম্ ॥ যস্মৈ॒ ত্বগ্​ম্ সু॒কৃতে॑ জাতবেদ॒ উ লো॒কম॑গ্নে কৃ॒ণব॑-স্স্য়ো॒নম্ । অ॒শ্বিন॒গ্​ম্॒ স পু॒ত্রিণং॑-বীঁ॒রব॑ন্ত॒-ঙ্গোম॑ন্তগ্​ম্ র॒য়ি-ন্ন॑শতে স্ব॒স্তি ॥ ত্বে সু পু॑ত্র শব॒সো-ঽবৃ॑ত্র॒ন্ কাম॑কাতয়ঃ । ন ত্বামি॒ন্দ্রাতি॑ রিচ্যতে ॥ উ॒ক্থৌ॑ক্থে॒ সোম॒ ইন্দ্র॑-ম্মমাদ নী॒থেনী॑থে ম॒ঘবা॑নগ্​ম্ [ম॒ঘবা॑নগ্​ম্, সু॒তাসঃ॑ ।] 52

সু॒তাসঃ॑ । যদীগ্​ম্॑ স॒বাধঃ॑ পি॒তর॒-ন্ন পু॒ত্রা-স্স॑মা॒নদ॑ক্ষা॒ অব॑সে॒ হব॑ন্তে ॥ অগ্নে॒ রসে॑ন॒ তেজ॑সা॒ জাত॑বেদো॒ বি রো॑চসে । র॒ক্ষো॒হা-ঽমী॑ব॒চাত॑নঃ ॥ অ॒পো অন্ব॑চারিষ॒গ্​ম্॒ রসে॑ন॒ সম॑সৃক্ষ্মহি । পয়॑স্বাগ্​ম্ অগ্ন॒ আ-ঽগ॑ম॒-ন্ত-ম্মা॒ সগ্​ম্ সৃ॑জ॒ বর্চ॑সা ॥বসু॒-র্বসু॑পতি॒র্॒ হিক॒মস্য়॑গ্নে বি॒ভাব॑সুঃ । স্য়াম॑ তে সুম॒তাবপি॑ ॥ ত্বাম॑গ্নে॒ বসু॑পতিং॒-বঁসূ॑নাম॒ভি প্র ম॑ন্দে [প্র ম॑ন্দে, অ॒দ্ধ্ব॒রেষু॑ রাজন্ন্ ।] 53

অদ্ধ্ব॒রেষু॑ রাজন্ন্ । ত্বয়া॒ বাজং॑-বাঁজ॒যন্তো॑ জয়েমা॒-ঽভিষ্য়া॑ম পৃথ্সু॒তী-র্মর্ত্য়া॑নাম্ । ত্বাম॑গ্নে বাজ॒সাত॑মং॒-বিঁপ্রা॑ বর্ধন্তি॒ সুষ্টু॑তম্ । স নো॑ রাস্ব সু॒বীর্য়᳚ম্ ॥ অ॒য়-ন্নো॑ অ॒গ্নির্বরি॑বঃ কৃণোত্ব॒য়-ম্মৃধঃ॑ পু॒র এ॑তু প্রভি॒ন্দন্ন্ ॥ অ॒য়গ্​ম্ শত্রূ᳚ঞ্জযতু॒ জর্​হৃ॑ষাণো॒-ঽয়ং-বাঁজ॑-ঞ্জযতু॒ বাজ॑সাতৌ ॥ অ॒গ্নিনা॒-ঽগ্নি-স্সমি॑দ্ধ্যতে ক॒বি-র্গৃ॒হপ॑তি॒-র্য়ুবা᳚ । হ॒ব্য়॒বাড্-জু॒হ্বা᳚স্য়ঃ ॥ ত্বগ্গ্​ হ্য়॑গ্নে অ॒গ্নিনা॒ বিপ্রো॒ বিপ্রে॑ণ॒ সন্​থ্স॒তা । সখা॒ সখ্য়া॑ সমি॒দ্ধ্যসে᳚ ॥ উদ॑গ্নে॒ শুচ॑য়॒স্তব॒, বি জ্য়োতি॑ষা ॥ 54 ॥
(ম॒ঘবা॑নং-মন্দে॒-হ্য়॑গ্নে॒-চতু॑র্দশ চ) (অ. 46)

(আ দ॑দে-বা॒চস্পত॑য়-উপয়া॒মগৃ॑হীতো॒-ঽস্য়া বা॑য়ো -অ॒য়ং-বাঁং॒ - ঁয়া বাং᳚-প্রাত॒র্য়ুজা॑-ব॒যন্-তং -ঁয়ে দে॑বা-স্ত্রি॒গ্​ম্॒শ-দু॑পয়া॒মগৃ॑হীতো-ঽসি-মূ॒র্ধানং॒-মধু॒শ্চে-ন্দ্রা᳚গ্নী॒; ওমা॑সো-ম॒রুত্ব॑ন্ত॒-মিন্দ্র॑ মরুত্বো-ম॒রুত্বা᳚ন্- ম॒হা-ন্ম॒হান্নু॒বত্-ক॒দা-বা॒ম-মদ॑ব্ধেভি॒র্॒ হির॑ণ্যপাণিগ্​ম্-সু॒শর্মা॒-বৃহ॒স্পতি॑ সুতস্য়॒ - হরি॑র॒স্য়-গ্ন॑-উ॒ত্তিষ্ঠ॑ন্-ত॒রণি॒- রাপ্য়া॑যস্বে॒-য়ুষ্টে যে-জ্য়োতি॑ষ্মতীং-প্রয়া॒সায়॑-চি॒ত্ত-মাতি॒ষ্ঠে-ন্দ্র॒-মসা॑বি॒-সর্ব॑স্য়-ম॒হান্-থ্স॒জোষা॒-উদু॒ত্য়ং-ধা॒তো-রুগ্​ম্ হি-য়-স্ত্বা॒ ষট্চ॑ত্বারিগ্​ম্শত্ ।)

(বা॒চ প্রা॒ণায়॑ ত্বা । উ॒প॒য়া॒মগৃ॑হীতো-ঽস্যপা॒নায়॑ ত্বা । আ বা॑য়ো বা॒যবে॑ স॒জোষা᳚ভ্য়া-ন্ত্বা । অ॒যমৃ॑তা॒য়ুভ্য়া᳚-ন্ত্বা । যা বা॑ম॒শ্বিভ্য়া॒-ম্মাদ্ধ্বী᳚ভ্য়া-ন্ত্বা । প্রা॒ত॒র্য়ুজা॑ব॒শ্বিভ্য়া॑ম॒শ্বিভ্য়া᳚-ন্ত্বা । অ॒য়গ্​ম্ শণ্ডা॑য় বী॒রতা᳚-ম্পাহি । ত-ম্মর্কা॑য় প্র॒জাঃ পা॑হি । যে দে॑বা স্ত্রি॒গ্​ম্॒শদা᳚গ্রয়॒ণো॑-ঽসি॒ বিশ্বে᳚ভ্যস্ত্বা দে॒বেভ্য়ঃ॑ । উ॒প॒য়া॒মগৃ॑হীতো॒-ঽসীন্দ্রা॑য় ত্বোক্থা॒য়ুবে᳚ । মূ॒র্ধান॑ম॒গ্নয়ে᳚ ত্বা বৈশ্বান॒রায়॑ । মধু॑শ্চ স॒গ্​ম্॒ সর্পো॑-ঽসি । ইন্দ্রা᳚গ্নী ইন্দ্রা॒গ্নিভ্য়া᳚-ন্ত্বা । ওমা॑সো॒ বিশ্বে᳚ভ্যস্ত্বা দে॒বেভ্য়ঃ॑ । ম॒রুত্ব॑-ন্ত॒ন্ত্রীণীন্দ্রা॑য় ত্বা ম॒রুত্ব॑তে । ম॒হান্দ্বে ম॑হে॒ন্দ্রায়॑ ত্বা । ক॒দা চ॒না-ঽঽদি॒ত্য়েভ্য়॑স্ত্বা । ক॒দা চ॒ন স্ত॒রী-র্বিব॑স্ব আদিত্য় । ইন্দ্র॒গ্​ম্॒ শুচি॑র॒পঃ । বা॒মন্ত্রীণী॑ দে॒বায়॑ ত্বা সবি॒ত্রে । সু॒শর্মা॑-ঽসি॒ বিশ্বে᳚ভ্যস্ত্বা দে॒বেভ্য়ঃ॑ । বৃহ॒স্পতি॑-সুতস্য়॒ ত্বষ্ট্রা॒ সোম॑-ম্পিব॒ স্বাহা᳚ । হরি॑রসি স॒হসো॑মা॒ ইন্দ্রা॑য়॒ স্বাহা᳚ । অগ্ন॒ আয়ূগ্॑ষ্য়॒গ্নয়ে᳚ ত্বা॒ তেজ॑স্বতে । উ॒ত্তিষ্ঠ॒ন্নিন্দ্রা॑য়॒ ত্বৌজ॑স্বতে । ত॒রণি॒-স্সূর্য়া॑য় ত্বা॒ ভ্রাজ॑স্বতে । আ তি॑ষ্ঠাদ্য়া॒ষ্ষটিন্দ্রা॑য় ত্বা ষোড॒শিনে᳚ । উদু॒ ত্য়-ঞ্চি॒ত্রম্ । অগ্নে॒ নয়॒ দিব॑-ঙ্গচ্ছ । উ॒রূমায়ু॑ষ্টে॒ যদ্দে॑বা মুমুগ্ধি । অগ্না॑বিষ্ণূ সুক্রতূ মুমুক্তম্ । পরা॒ বৈ প॒ঙ্ক্ত্য়ঃ॑ । দে॒বা বৈ যে দে॒বাঃ প॒ঙ্ক্ত্য়ো᳚ । পরা॒ বৈ স বাচ᳚ম্ । ভূমি॒র্ব্য়॑তৃষ্যন্ন্ । প্র॒জাপ॑তি॒-র্ব্য়॑ক্ষুদ্ধ্যন্ন্ । ভূমি॑রাদি॒য়া বৈ । অ॒গ্নি॒হো॒ত্রমা॑দি॒ত্য়ো বৈ । ভূমি॒-র্লেক॒-স্সলে॑ক-স্সু॒লেকঃ॑ । বিষ্ণো॒রুদু॑ত্ত॒মম্ । অন্ন॑পতে॒ পুন॑স্বা-ঽঽদি॒ত্য়াঃ । উ॒রুগ্​ম্ সগ্​ম্ সৃ॑জ॒ বর্চ॑সা । যস্ত্বা॒ সুষ্টু॑তম্ । ত্বম॑গ্নে যু॒ক্ষ্বা হি সু॑ষ্টি॒তিম্ । ত্বম॑গ্নে॒ বিচ॑র্​ষণে । যত্বা॒ বি রো॑চসে ।)

(আ দ॑দে॒-য়ে দে॑বা-ম॒হা-নু॒ত্তিষ্ঠ॒ন্-থ্সর্ব॑স্য়-সন্তু দুর্মি॒ত্রা-শ্চতু॑ষ্পঞ্চা॒শত্ ।)

(আ দ॑দে॒, বি জ্য়োতি॑ষা)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্প্রথমকাণ্ডে চতুর্থঃ প্রশ্ন-স্সমাপ্তঃ ॥