কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থকাণ্ডে প্রথমঃ প্রশ্নঃ- অগ্নিচিত্যঙ্গ মন্ত্রপাঠাভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

যু॒ঞ্জা॒নঃ প্র॑থ॒ম-ম্মন॑স্ত॒ত্বায়॑ সবি॒তা ধিয়ঃ॑ । অ॒গ্নি-ঞ্জ্য়োতি॑র্নি॒চায়্য়॑ পৃথি॒ব্য়া অদ্ধ্য়া ঽভ॑রত্ ॥ যু॒ক্ত্বায়॒ মন॑সা দে॒বান্-থ্সুব॑র্য়॒তো ধি॒য়া দিব᳚ম্ । বৃ॒হজ্জ্য়োতিঃ॑ করিষ্য়॒ত-স্স॑বি॒তা প্রসু॑বাতি॒ তান্ ॥ যু॒ক্তেন॒ মন॑সা ব॒য়-ন্দে॒বস্য়॑ সবি॒তু-স্স॒বে । সু॒ব॒র্গেয়া॑য়॒ শক্ত্য়ৈ᳚ ॥ যু॒ঞ্জতে॒ মন॑ উ॒ত যু॑ঞ্জতে॒ ধিয়ো॒ বিপ্রা॒ বিপ্র॑স্য় বৃহ॒তো বি॑প॒শ্চিতঃ॑ । বি হোত্রা॑ দধে বয়ুনা॒ বিদেক॒ ই- [বয়ুনা॒ বিদেক॒ ইত্, ম॒হী দে॒বস্য়॑] 1

-ন্ম॒হী দে॒বস্য়॑ সবি॒তুঃ পরি॑ষ্টুতিঃ ॥ যু॒জে বা॒-ম্ব্রহ্ম॑ পূ॒র্ব্য়-ন্নমো॑ভি॒র্বি শ্লোকা॑ যন্তি প॒থ্য়ে॑ব॒ সূরাঃ᳚ । শৃ॒ণ্বন্তি॒ বিশ্বে॑ অ॒মৃত॑স্য় পু॒ত্রা আ যে ধামা॑নি দি॒ব্য়ানি॑ ত॒স্থুঃ ॥ যস্য়॑ প্র॒য়াণ॒মন্ব॒ন্য় ইদ্য়॒য়ুর্দে॒বা দে॒বস্য়॑ মহি॒মান॒মর্চ॑তঃ । যঃ পার্থি॑বানি বিম॒মে স এত॑শো॒ রজাগ্​ম্॑সি দে॒ব-স্স॑বি॒তা ম॑হিত্ব॒না ॥ দেব॑ সবিতঃ॒ প্রসু॑ব য॒জ্ঞ-ম্প্রস॑ব [ ] 2

য॒জ্ঞপ॑তি॒-ম্ভগা॑য় দি॒ব্য়ো গ॑ন্ধ॒র্বঃ । কে॒ত॒পূঃ কেত॑ন্নঃ পুনাতু বা॒চস্পতি॒র্বাচ॑ম॒দ্য় স্ব॑দাতি নঃ ॥ ই॒ম-ন্নো॑ দেব সবিতর্য়॒জ্ঞ-ম্প্রসু॑ব দেবা॒য়ুবগ্​ম্॑ সখি॒বিদগ্​ম্॑ সত্রা॒জিত॑-ন্ধন॒জিতগ্​ম্॑ সুব॒র্জিত᳚ম্ ॥ ঋ॒চা স্তোম॒গ্​ম্॒ সম॑র্ধয় গায়॒ত্রেণ॑ রথন্ত॒রম্ । বৃ॒হ-দ্গা॑য়॒ত্রব॑র্তনি ॥ দে॒বস্য়॑ ত্বা সবি॒তুঃ প্র॑স॒বে᳚ ঽশ্বিনো᳚র্বা॒হুভ্য়া᳚-ম্পূ॒ষ্ণো হস্তা᳚ভ্য়া-ঙ্গায়॒ত্রেণ॒ ছন্দ॒সা ঽঽদ॑দে-ঽঙ্গির॒স্বদভ্রি॑রসি॒ নারি॑- [নারিঃ॑, অ॒সি॒ পৃ॒থি॒ব্য়া-স্স॒ধস্থা॑-] 3

-রসি পৃথি॒ব্য়া-স্স॒ধস্থা॑-দ॒গ্নি-ম্পু॑রী॒ষ্য়॑মঙ্গির॒স্বদা ভ॑র॒ ত্রৈষ্টু॑ভেন ত্বা॒ ছন্দ॒সা ঽঽদ॑দে-ঽঙ্গির॒স্ব-দ্বভ্রি॑রসি॒ নারি॑রসি॒ ত্বয়া॑ ব॒য়গ্​ম্ স॒ধস্থ॒ আগ্নিগ্​ম্ শ॑কেম॒ খনি॑তু-ম্পুরী॒ষ্য়॑-ঞ্জাগ॑তেন ত্বা॒ ছন্দ॒সা ঽঽদ॑দে-ঽঙ্গির॒স্বদ্ধস্ত॑ আ॒ধায়॑ সবি॒তা বিভ্র॒দভ্রিগ্​ম্॑ হির॒ণ্যয়ী᳚ম্ । তয়া॒ জ্য়োতি॒রজ॑স্র॒-মিদ॒গ্নি-ঙ্খা॒ত্বী ন॒ আ ভ॒রানু॑ষ্টুভেন ত্বা॒ ছন্দ॒সা ঽঽদ॑দে-ঽঙ্গির॒স্বত্ ॥ 4 ॥
(ই--দ্য়॒জ্ঞ-ম্প্রসু॑ব॒ - নারি॒ - রানু॑ষ্টুভেন ত্বা॒ ছন্দ॑সা॒ - ত্রীণি॑ চ) (অ. 1)

ই॒মাম॑গৃভ্ণ-ন্রশ॒নামৃ॒তস্য়॒ পূর্ব॒ আয়ু॑ষি বি॒দথে॑ষু ক॒ব্য়া । তয়া॑ দে॒বা-স্সু॒তমা ব॑ভূবুর্-ঋ॒তস্য়॒ সাম᳚ন্-থ্স॒রমা॒রপ॑ন্তী ॥ প্রতূ᳚র্তং-বাঁজি॒ন্না দ্র॑ব॒ বরি॑ষ্ঠা॒মনু॑ সং॒​বঁত᳚ম্ । দি॒বি তে॒ জন্ম॑ পর॒মম॒ন্তরি॑ক্ষে॒ নাভিঃ॑ পৃথি॒ব্য়ামধি॒ যোনিঃ॑ ॥ যু॒ঞ্জাথা॒গ্​ম্॒ রাস॑ভং-য়ুঁ॒বম॒স্মিন্. যামে॑ বৃষণ্বসূ । অ॒গ্নি-ম্ভর॑ন্তমস্ম॒য়ুম্ ॥ যোগে॑য়োগে ত॒বস্ত॑রং॒-বাঁজে॑বাজে হবামহে । সখা॑য়॒ ইন্দ্র॑ম॒তয়ে᳚ ॥ প্র॒তূর্ব॒- [প্র॒তূর্বন্ন্॑, এহ্য়॑ব॒ক্রাম॒ন্নশ॑স্তী] 5

-ন্নেহ্য়॑ব॒ক্রাম॒ন্নশ॑স্তী রু॒দ্রস্য়॒ গাণ॑পত্য়া-ন্ময়ো॒ভূরেহি॑ । উ॒র্ব॑ন্তরি॑ক্ষ॒মন্বি॑হি স্ব॒স্তি গ॑ব্য়ূতি॒রভ॑য়ানি কৃ॒ণ্বন্ন্ ॥ পূ॒ষ্ণা স॒য়ুজা॑ স॒হ । পৃ॒থি॒ব্য়া-স্স॒ধস্থা॑দ॒গ্নি-ম্পু॑রি॒ষ্য়॑-মঙ্গির॒স্ব-দচ্ছে᳚হ্য়॒গ্নি-ম্পু॑রী॒ষ্য়॑ -মঙ্গির॒স্বদ-চ্ছে॑মো॒-ঽগ্নি-ম্পু॑রী॒ষ্য়॑-মঙ্গির॒স্ব-দ্ভ॑রিষ্য়ামো॒-ঽগ্নি-ম্পু॑রী॒ষ্য়॑-মঙ্গির॒স্ব-দ্ভ॑রামঃ ॥ অন্ব॒গ্নিরু॒ষসা॒-মগ্র॑মখ্য়॒-দন্বহা॑নি প্রথ॒মো জা॒তবে॑দাঃ । অনু॒ সূর্য়॑স্য় [সূর্য়॑স্য়, পু॒রু॒ত্রা চ॑] 6

পুরু॒ত্রা চ॑ র॒শ্মীননু॒ দ্য়াবা॑পৃথি॒বী আ ত॑তান ॥ আ॒গত্য়॑ বা॒জ্যদ্ধ্ব॑ন॒-স্সর্বা॒ মৃধো॒ বিধূ॑নুতে । অ॒গ্নিগ্​ম্ স॒ধস্থে॑ মহ॒তি চক্ষু॑ষা॒ নি চি॑কীষতে ॥ আ॒ক্রম্য়॑ বাজি-ন্পৃথি॒বীম॒গ্নিমি॑চ্ছ রু॒চা ত্বম্ । ভূম্য়া॑ বৃ॒ত্বায়॑ নো ব্রূহি॒ যতঃ॒ খনা॑ম॒ তং-বঁ॒যম্ ॥ দ্য়ৌস্তে॑ পৃ॒ষ্ঠ-ম্পৃ॑থি॒বী স॒ধস্থ॑মা॒ত্মা ঽন্তরি॑ক্ষগ্​ম্ সমু॒দ্রস্তে॒ যোনিঃ॑ । বি॒খ্য়ায়॒ চক্ষু॑ষা॒ ত্বম॒ভি তি॑ষ্ঠ [ত্বম॒ভি তি॑ষ্ঠ, পৃ॒ত॒ন্য়॒তঃ ।] 7

পৃতন্য়॒তঃ ॥ উত্ক্রা॑ম মহ॒তে সৌভ॑গায়া॒-স্মাদা॒স্থানা᳚-দ্দ্রবিণো॒দা বা॑জিন্ন্ । ব॒যগ্গ্​ স্য়া॑ম সুম॒তৌ পৃ॑থি॒ব্য়া অ॒গ্নি-ঙ্খ॑নি॒ষ্যন্ত॑ উ॒পস্থে॑ অস্য়াঃ ॥ উদ॑ক্রমী-দ্দ্রবিণো॒দা বা॒জ্যর্বা-ঽক॒-স্স লো॒কগ্​ম্ সুকৃ॑ত-ম্পৃথি॒ব্য়াঃ । ততঃ॑ খনেম সু॒প্রতী॑কম॒গ্নিগ্​ম্ সুবো॒ রুহা॑ণা॒ অধি॒ নাক॑ উত্ত॒মে ॥ অ॒পো দে॒বীরুপ॑ সৃজ॒ মধু॑মতীরয়॒ক্ষ্মায়॑ প্র॒জাভ্য়ঃ॑ । তাসা॒গ্॒ স্থানা॒দুজ্জি॑হতা॒-মোষ॑ধয়-স্সুপিপ্প॒লাঃ ॥ জিঘ॑- [জিঘ॑র্মি, অ॒গ্নি-ম্মন॑সা] 8

-র্ম্য়॒গ্নি-ম্মন॑সা ঘৃ॒তেন॑ প্রতি॒ক্ষ্যন্ত॒-ম্ভুব॑নানি॒ বিশ্বা᳚ । পৃ॒থু-ন্তি॑র॒শ্চা বয়॑সা বৃ॒হন্তং॒-ব্য়ঁচি॑ষ্ঠ॒মন্নগ্​ম্॑ রভ॒সং-বিঁদা॑নম্ ॥ আ ত্বা॑ জিঘর্মি॒ বচ॑সা ঘৃ॒তেনা॑-ঽর॒ক্ষসা॒ মন॑সা॒ তজ্জু॑ষস্ব । মর্য়॑শ্রী-স্স্পৃহ॒য়-দ্ব॑র্ণো অ॒গ্নির্না-ঽভি॒মৃশে॑ ত॒নুবা॒ জর্​হৃ॑ষাণঃ ॥ পরি॒ বাজ॑পতিঃ ক॒বির॒গ্নির্-হ॒ব্য়ান্য়॑ক্রমীত্ । দধ॒-দ্রত্না॑নি দা॒শুষে᳚ ॥ পরি॑ ত্বা-ঽগ্নে॒ পুরং॑-বঁ॒য়ং-বিঁপ্রগ্​ম্॑ সহস্য় ধীমহি । ধৃ॒ষ-দ্ব॑র্ণ-ন্দি॒বেদি॑বে ভে॒ত্তার॑-ম্ভঙ্গু॒রাব॑তঃ ॥ ত্বম॑গ্নে॒ দ্য়ুভি॒স্ত্ব-মা॑শুশু॒ক্ষণি॒স্ত্ব-ম॒দ্ভ্যস্ত্ব-মশ্ম॑ন॒স্পরি॑ । ত্বং-বঁনে᳚ভ্য়॒ স্ত্বমোষ॑ধীভ্য়॒ স্ত্ব-ন্নৃ॒ণা-ন্নৃ॑পতে জাযসে॒ শুচিঃ॑ ॥ 9 ॥
(প্র॒তূর্ব॒ন্থ্ - সূর্য়॑স্য় - তিষ্ঠ॒ - জিঘ॑র্মি - ভে॒ত্তারং॑ - ঁবিগ্​ম্শ॒তিশ্চ॑) (অ. 2)

দে॒বস্য়॑ ত্বা সবি॒তুঃ প্র॑স॒বে᳚-ঽশ্বিনো᳚ র্বা॒হুভ্য়া᳚-ম্পূ॒ষ্ণো হস্তা᳚ভ্য়া-ম্পৃথি॒ব্য়া-স্স॒ধস্থে॒-ঽগ্নি-ম্পু॑রী॒ষ্য়॑-মঙ্গির॒স্ব-ত্খ॑নামি ॥ জ্য়োতি॑ষ্মন্ত-ন্ত্বা-ঽগ্নে সু॒প্রতী॑ক॒মজ॑স্রেণ ভা॒নুনা॒ দীদ্য়া॑নম্ । শি॒ব-ম্প্র॒জাভ্য়ো-ঽহিগ্​ম্॑ সন্ত-ম্পৃথি॒ব্য়া-স্স॒ধস্থে॒-ঽগ্নি-ম্পু॑রী॒ষ্য়॑ -মঙ্গির॒স্ব-ত্খ॑নামি ॥ অ॒পা-ম্পৃ॒ষ্ঠম॑সি স॒প্রথা॑ উ॒র্ব॑গ্নি-ম্ভ॑রি॒ষ্যদপ॑রাবপিষ্ঠম্ । বর্ধ॑মান-ম্ম॒হ আ চ॒ পুষ্ক॑র-ন্দি॒বো মাত্র॑য়া বরি॒ণা প্র॑থস্ব ॥ শর্ম॑ চ স্থো॒ [শর্ম॑ চ স্থঃ, বর্ম॑ চ] 10

বর্ম॑ চ স্থো॒ অচ্ছি॑দ্রে বহু॒লে উ॒ভে । ব্যচ॑স্বতী॒ সং-বঁ॑সাথা-ম্ভ॒র্তম॒গ্নি-ম্পু॑রী॒ষ্য়᳚ম্ ॥ সং​বঁ॑সাথাগ্​ম্ সুব॒র্বিদা॑ স॒মীচী॒ উর॑সা॒ ত্মনা᳚ । অ॒গ্নিম॒ন্ত র্ভ॑রি॒ষ্যন্তী॒ জ্য়োতি॑ষ্মন্ত॒ মজ॑স্র॒মিত্ ॥ পু॒রী॒ষ্য়ো॑-ঽসি বি॒শ্বভ॑রাঃ । অথ॑র্বা ত্বা প্রথ॒মো নির॑মন্থদগ্নে ॥ ত্বাম॑গ্নে॒ পুষ্ক॑রা॒দদ্ধ্যথ॑র্বা॒ নির॑মন্থত । মূ॒র্ধ্নো বিশ্ব॑স্য় বা॒ঘতঃ॑ ॥ তমু॑ ত্বা দ॒দ্ধ্যঙ্ঙৃষিঃ॑ পু॒ত্র ঈ॑ধে॒ [পু॒ত্র ঈ॑ধে, অথ॑র্বণঃ ।] 11

অথ॑র্বণঃ । বৃ॒ত্র॒হণ॑-ম্পুরন্দ॒রম্ ॥ তমু॑ ত্বা পা॒থ্য়ো বৃষা॒ সমী॑ধে দস্য়ু॒হন্ত॑মম্ । ধ॒ন॒ঞ্জ॒য়গ্​ম্ রণে॑রণে ॥ সীদ॑ হোত॒-স্স্ব উ॑ লো॒কে চি॑কি॒ত্বান্-থ্সা॒দয়া॑ য॒জ্ঞগ্​ম্ সু॑কৃ॒তস্য়॒ যোনৌ᳚ । দে॒বা॒বীর্দে॒বান্. হ॒বিষা॑ যজা॒স্যগ্নে॑ বৃ॒হ-দ্যজ॑মানে॒ বয়ো॑ ধাঃ ॥ নি হোতা॑ হোতৃ॒ষদ॑নে॒ বিদা॑নস্ত্বে॒ষো দী॑দি॒বাগ্​ম্ অ॑সদ-থ্সু॒দক্ষঃ॑ । অদ॑ব্ধব্রত প্রমতি॒র্বসি॑ষ্ঠ-স্সহস্র-ম্ভ॒র-শ্শুচি॑জিহ্বো অ॒গ্নিঃ ॥ সগ্​ম্ সী॑দস্ব ম॒হাগ্​ম্ অ॑সি॒ শোচ॑স্ব [শোচ॑স্ব, দে॒ব॒বীত॑মঃ ।] 12

দেব॒বীত॑মঃ । বি ধূ॒মম॑গ্নে অরু॒ষ-ম্মি॑য়েদ্ধ্য় সৃ॒জ প্র॑শস্ত দর্​শ॒তম্ ॥ জনি॑ষ্বা॒ হি জেন্য়ো॒ অগ্রে॒ অহ্নাগ্​ম্॑ হি॒তো হি॒তেষ্ব॑রু॒ষো বনে॑ষু । দমে॑দমে স॒প্ত রত্না॒ দধা॑নো॒-ঽগ্নির্​হোতা॒ নি ষ॑সাদা॒ যজী॑য়ান্ ॥ 13 ॥
(স্থ॒ - ঈ॒ধে॒ - শোচ॑স্ব - স॒প্তবিগ্​ম্॑শতিশ্চ) - (অ. 3)

স-ন্তে॑ বা॒য়ুর্মা॑ত॒রিশ্বা॑ দধাতূত্তা॒নায়ৈ॒ হৃদ॑য়ং॒-য়ঁদ্বিলি॑ষ্টম্ । দে॒বানাং॒-য়ঁশ্চর॑তি প্রা॒ণথে॑ন॒ তস্মৈ॑ চ দেবি॒ বষ॑ডস্তু॒ তুভ্য়᳚ম্ ॥ সুজা॑তো॒ জ্য়োতি॑ষা স॒হ শর্ম॒ বরূ॑থ॒মা-ঽস॑দ॒-স্সুবঃ॑ । বাসো॑ অগ্নে বি॒শ্বরূ॑প॒গ্​ম্॒ সং​ব্য়ঁ॑যস্ব বিভাবসো ॥ উদু॑ তিষ্ঠ স্বদ্ধ্ব॒রাবা॑ নো দে॒ব্য়া কৃ॒পা । দৃ॒শে চ॑ ভা॒সা বৃ॑হ॒তা সু॑শু॒ক্বনি॒রা-ঽগ্নে॑ যাহি সুশ॒স্তিভিঃ॑ ॥ 14 ॥

ঊ॒র্ধ্ব ঊ॒ ষু ণ॑ ঊ॒তয়ে॒ তিষ্ঠা॑ দে॒বো ন স॑বি॒তা । ঊ॒র্ধ্বো বাজ॑স্য়॒ সনি॑তা॒ যদ॒ঞ্জিভি॑-র্বা॒ঘদ্ভি॑-র্বি॒হ্বয়া॑মহে ॥ স জা॒তো গর্ভো॑ অসি॒ রোদ॑স্য়ো॒রগ্নে॒ চারু॒র্বিভৃ॑ত॒ ওষ॑ধীষু । চি॒ত্র-শ্শিশুঃ॒ পরি॒ তমাগ্॑স্য়॒ক্তঃ প্র মা॒তৃভ্য়ো॒ অধি॒ কনি॑ক্রদদ্গাঃ ॥ স্থি॒রো ভ॑ব বী॒ড্ব॑ঙ্গ আ॒শুর্ভ॑ব বা॒জ্য়॑র্বন্ন্ । পৃ॒থুর্ভ॑ব সু॒ষদ॒স্ত্বম॒গ্নেঃ পু॑রীষ॒বাহ॑নঃ ॥ শি॒বো ভ॑ব [ ] 15

প্র॒জাভ্য়ো॒ মানু॑ষীভ্য়॒স্ত্বম॑ঙ্গিরঃ । মা দ্য়াবা॑পৃথি॒বী অ॒ভি শূ॑শুচো॒ মা-ঽন্তরি॑ক্ষ॒-ম্মা বন॒স্পতীন্॑ ॥ প্রৈতু॑ বা॒জী কনি॑ক্রদ॒-ন্নান॑দ॒-দ্রাস॑ভঃ॒ পত্বা᳚ । ভর॑ন্ন॒গ্নি-ম্পু॑রী॒ষ্য়॑-ম্মা পা॒দ্য়ায়ু॑ষঃ পু॒রা ॥ রাস॑ভো বা॒-ঙ্কনি॑ক্রদ॒-থ্সুয়ু॑ক্তো বৃষণা॒ রথে᳚ । স বা॑ম॒গ্নি-ম্পু॑রী॒ষ্য়॑মা॒শুর্দূ॒তো ব॑হাদি॒তঃ ॥ বৃষা॒-ঽগ্নিং-বৃঁষ॑ণ॒-ম্ভর॑ন্ন॒পা-ঙ্গর্ভগ্​ম্॑ সমু॒দ্রিয়᳚ম্ । অগ্ন॒ আ যা॑হি [ ] 16

বী॒তয়॑ ঋ॒তগ্​ম্ স॒ত্যম্ ॥ ওষ॑ধয়ঃ॒ প্রতি॑ গৃহ্ণীতা॒-ঽগ্নিমে॒তগ্​ম্ শি॒বমা॒যন্ত॑ম॒ভ্যত্র॑ যু॒ষ্মান্ । ব্যস্য়॒ন্ বিশ্বা॒ অম॑তী॒ররা॑তী-র্নি॒ষীদ॑ন্নো॒ অপ॑ দুর্ম॒তিগ্​ম্ হ॑নত্ ॥ ওষ॑ধয়ঃ॒ প্রতি॑ মোদদ্ধ্বমেন॒-ম্পুষ্পা॑বতী-স্সুপিপ্প॒লাঃ । অ॒য়ং-বোঁ॒ গর্ভ॑ ঋ॒ত্বিয়ঃ॑ প্র॒ত্নগ্​ম্ স॒ধস্থ॒মা ঽস॑দত্ ॥ 17 ॥
(সু॒শ॒স্তিভিঃ॑ - শি॒বো ভ॑ব - যাহি॒ - ষট্ত্রিগ্​ম্॑শচ্চ) (অ. 4)

বি পাজ॑সা পৃ॒থুনা॒ শোশু॑চানো॒ বাধ॑স্ব দ্বি॒ষো র॒ক্ষসো॒ অমী॑বাঃ । সু॒শর্ম॑ণো বৃহ॒ত-শ্শর্ম॑ণি স্য়াম॒গ্নের॒হগ্​ম্ সু॒হব॑স্য়॒ প্রণী॑তৌ ॥ আপো॒ হি ষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ॥ যো ব॑-শ্শি॒বত॑মো॒ রস॒স্তস্য়॑ ভাজযতে॒হ নঃ॑ । উ॒শ॒তীরি॑ব মা॒তরঃ॑ ॥ তস্মা॒ অর॑-ঙ্গমাম বো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ ॥ মি॒ত্র- [মি॒ত্রঃ, স॒গ্​ম্॒সৃজ্য়॑] 18

-স্স॒গ্​ম্॒সৃজ্য়॑ পৃথি॒বী-ম্ভূমি॑-ঞ্চ॒ জ্য়োতি॑ষা স॒হ । সুজা॑ত-ঞ্জা॒তবে॑দসম॒গ্নিং-বৈঁ᳚শ্বান॒রং-বিঁ॒ভুম্ ॥ অ॒য়॒ক্ষ্মায়॑ ত্বা॒ সগ্​ম্ সৃ॑জামি প্র॒জাভ্য়ঃ॑ । বিশ্বে᳚ ত্বা দে॒বা বৈ᳚শ্বান॒রা-স্সগ্​ম্ সৃ॑জ॒ন্ত্বা-নু॑ষ্টুভেন॒ ছন্দ॑সা-ঽঙ্গির॒স্বত্ ॥ রু॒দ্রা-স্স॒ভৃন্ত্য়॑ পৃথি॒বী-ম্বৃ॒হজ্জ্য়োতি॒-স্সমী॑ধিরে । তেষা᳚-ম্ভা॒নুরজ॑স্র॒ ইচ্ছু॒ক্রো দে॒বেষু॑ রোচতে ॥ সগ্​ম্ সৃ॑ষ্টাং॒-বঁসু॑ভী রু॒দ্রৈর্ধীরৈঃ᳚ কর্ম॒ণ্য়া᳚-ম্মৃদ᳚ম্ । হস্তা᳚ভ্য়া-ম্মৃ॒দ্বী-ঙ্কৃ॒ত্বা সি॑নীবা॒লী ক॑রোতু॒ [সি॑নীবা॒লী ক॑রোতু, তাম্ ।] 19

তাম্ ॥ সি॒নী॒বা॒লী সু॑কপ॒র্দা সু॑কুরী॒রা স্বৌ॑প॒শা । সা তুভ্য়॑মদিতে মহ॒ ওখা-ন্দ॑ধাতু॒ হস্ত॑য়োঃ ॥ উ॒খা-ঙ্ক॑রোতু॒ শক্ত্য়া॑ বা॒হুভ্য়া॒-মদি॑তির্ধি॒য়া । মা॒তা পু॒ত্রং-য়ঁথো॒পস্থে॒ সা-ঽগ্নি-ম্বি॑ভর্তু॒ গর্ভ॒ আ ॥ ম॒খস্য়॒ শিরো॑-ঽসি য॒জ্ঞস্য়॑ প॒দে স্থঃ॑ । বস॑বস্ত্বা কৃণ্বন্তু গায়॒ত্রেণ॒ ছন্দ॑সা ঽঙ্গির॒স্ব-ত্পৃ॑থি॒ব্য়॑সি রু॒দ্রাস্ত্বা॑ কৃণ্বন্তু॒ ত্রৈষ্টু॑ভেন॒ ছন্দ॑সা ঽঙ্গির॒স্বদ॒ন্তরি॑ক্ষম- [-ঽঙ্গির॒স্বদ॒ন্তরি॑ক্ষমসি, আ॒দি॒ত্য়াস্ত্বা॑] 20

-স্য়াদি॒ত্য়াস্ত্বা॑ কৃণ্বন্তু॒ জাগ॑তেন॒ ছন্দ॑সা-ঽঙ্গির॒স্ব-দ্দ্য়ৌর॑সি॒ বিশ্বে᳚ ত্বা দে॒বা বৈ᳚শ্বান॒রাঃ কৃ॑ণ্ব॒ন্ত্বানু॑ষ্টুভেন॒ ছন্দ॑সা-ঽঙ্গির॒স্ব-দ্দিশো॑-ঽসি ধ্রু॒বা-ঽসি॑ ধা॒রয়া॒ ময়ি॑ প্র॒জাগ্​ম্ রা॒যস্পোষ॑-ঙ্গৌপ॒ত্য়গ্​ম্ সু॒বীর্য়গ্​ম্॑ সজা॒তান্. যজ॑মানা॒য়া-ঽদি॑ত্য়ৈ॒ রাস্না॒-ঽস্য় দি॑তিস্তে॒ বিল॑-ঙ্গৃহ্ণাতু॒ পাঙ্ক্তে॑ন॒ ছন্দ॑সা ঽঙ্গির॒স্বত্ ॥ কৃ॒ত্বায়॒ সা ম॒হীমু॒খা-ম্মৃ॒ন্ময়ীং॒-য়োঁনি॑ম॒গ্নয়ে᳚ । তা-ম্পু॒ত্রেভ্য়॒-স্স-ম্প্রা য॑চ্ছ॒দদি॑তি-শ্শ্র॒পয়া॒নিতি॑ ॥ 21 ॥
(মি॒ত্রঃ - ক॑রো - ত্ব॒ন্তরি॑ক্ষমসি॒ - প্র - চ॒ত্বারি॑ চ) (অ. 5)

বস॑বস্ত্বা ধূপযন্তু গায়॒ত্রেণ॒ ছন্দ॑সা-ঽঙ্গির॒স্ব-দ্রু॒দ্রাস্ত্বা॑ ধূপযন্তু॒ ত্রৈষ্টু॑ভেন॒ ছন্দ॑সা-ঽঙ্গির॒স্ব-দা॑দি॒ত্য়াস্ত্বা॑ ধূপযন্তু॒ জাগ॑তেন॒ ছন্দ॑সা-ঽঙ্গির॒স্বদ্- বিশ্বে᳚ ত্বা দে॒বা বৈ᳚শ্বান॒রা ধূ॑পয়॒ন্ত্বানু॑ষ্টুভেন॒ ছন্দ॑সা-ঽঙ্গির॒স্ব-দিন্দ্র॑স্ত্বা ধূপযত্বঙ্গির॒স্ব--দ্বিষ্ণু॑স্ত্বা ধূপযত্বঙ্গির॒স্ব-দ্বরু॑ণস্ত্বা ধূপযত্বঙ্গির॒স্ব-দদি॑তিস্ত্বা দে॒বী বি॒শ্বদে᳚ব্য়াবতী পৃথি॒ব্য়া-স্স॒ধস্থে᳚-ঽঙ্গির॒স্ব-ত্খ॑নত্ববট দে॒বানা᳚-ন্ত্বা॒ পত্নী᳚- [পত্নীঃ᳚, দে॒বী-র্বি॒শ্বদে᳚ব্য়াবতীঃ] 22

-র্দে॒বী-র্বি॒শ্বদে᳚ব্য়াবতীঃ পৃথি॒ব্য়া-স্স॒ধস্থে᳚-ঽঙ্গির॒স্ব-দ্দ॑ধতূখে ধি॒ষণা᳚স্ত্বা দে॒বীর্বি॒শ্বদে᳚ব্য়াবতীঃ পৃথি॒ব্য়া-স্স॒ধস্থে᳚-ঽঙ্গির॒স্ব-দ॒ভীন্ধ॑তামুখে॒ গ্নাস্ত্বা॑ দে॒বীর্বি॒শ্বদে᳚ব্য়াবতীঃ পৃথি॒ব্য়া-স্স॒ধস্থে᳚-ঽঙ্গির॒স্ব-চ্ছ্র॑পযন্তূখে॒ বরূ᳚ত্রয়ো॒ জন॑যস্ত্বা দে॒বীর্বি॒শ্বদে᳚ব্য়াবতীঃ পৃথি॒ব্য়া-স্স॒ধস্থে᳚-ঽঙ্গির॒স্ব-ত্প॑চন্তূখে । মিত্রৈ॒তামু॒খা-ম্প॑চৈ॒ষা মা ভে॑দি । এ॒তা-ন্তে॒ পরি॑ দদা॒ম্যভি॑ত্ত্য়ৈ ॥ অ॒ভীমা- [অ॒ভীমাম্, ম॒হি॒না দিব॑-ম্মি॒ত্রো] 23

-ম্ম॑হি॒না দিব॑-ম্মি॒ত্রো ব॑ভূব স॒প্রথাঃ᳚ । উ॒ত শ্রব॑সা পৃথি॒বীম্ ॥ মি॒ত্রস্য়॑ চর্​ষণী॒ধৃত॒-শ্শ্রবো॑ দে॒বস্য়॑ সান॒সিম্ । দ্য়ু॒ম্ন-ঞ্চি॒ত্রশ্র॑বস্তমম্ ॥ দে॒বস্ত্বা॑ সবি॒তোদ্ব॑পতু সুপা॒ণি-স্স্ব॑ঙ্গু॒রিঃ । সু॒বা॒হুরু॒ত শক্ত্য়া᳚ ॥ অপ॑দ্যমানা পৃথি॒ব্য়াশা॒ দিশ॒ আ পৃ॑ণ । উত্তি॑ষ্ঠ বৃহ॒তী ভ॑বো॒র্ধ্বা তি॑ষ্ঠ ধ্রু॒বা ত্বম্ ॥ বস॑ব॒স্ত্বা ঽঽচ্ছৃ॑ন্দন্তু গায়॒ত্রেণ॒ ছন্দ॑সা-ঽঙ্গির॒স্ব-দ্রু॒দ্রাস্ত্বা-ঽঽ চ্ছৃ॑ন্দন্তু॒ ত্রৈষ্টু॑ভেন॒ ছন্দ॑সা-ঽঙ্গির॒স্ব-দা॑দি॒ত্য়াস্ত্বা ঽঽচ্ছৃ॑ন্দন্তু॒ জাগ॑তেন॒ ছন্দ॑সা-ঽঙ্গির॒স্ব-দ্বিশ্বে᳚ ত্বা দে॒বা বৈ᳚শ্বান॒রা আ চ্ছৃ॑ন্দ॒ন্ত্বানু॑ষ্টুভেন॒ ছন্দ॑সা-ঽঙ্গির॒স্বত্ ॥ 24 ॥
(পত্নী॑ - রি॒মাগ্​ম্ - রু॒দ্রাস্ত্বা-ঽঽ চ্ছৃ॑ন্দ॒ন্ত্বে - কা॒ন্ন বিগ্​ম্॑শ॒তিশ্চ॑) (অ. 6)

সমা᳚স্ত্বা-ঽগ্ন ঋ॒তবো॑ বর্ধযন্তু সং​বঁথ্স॒রা ঋষ॑য়ো॒ যানি॑ স॒ত্য়া । স-ন্দি॒ব্য়েন॑ দীদিহি রোচ॒নেন॒ বিশ্বা॒ আ ভা॑হি প্র॒দিশঃ॑ পৃথি॒ব্য়াঃ ॥ স-ঞ্চে॒দ্ধ্যস্বা᳚-ঽগ্নে॒ প্র চ॑ বোধয়ৈন॒মুচ্চ॑ তিষ্ঠ মহ॒তে সৌভ॑গায় । মা চ॑ রিষদুপস॒ত্তা তে॑ অগ্নে ব্র॒হ্মাণ॑স্তে য॒শস॑-স্সন্তু॒ মা-ঽন্য়ে ॥ ত্বাম॑গ্নে বৃণতে ব্রাহ্ম॒ণা ই॒মে শি॒বো অ॑গ্নে [ ] 25

সং॒-বঁর॑ণে ভবা নঃ । স॒প॒ত্ন॒হা নো॑ অভিমাতি॒জিচ্চ॒ স্বে গয়ে॑ জাগৃ॒হ্য় প্র॑য়ুচ্ছন্ন্ ॥ ই॒হৈবাগ্নে॒ অধি॑ ধারয়া র॒য়ি-ম্মা ত্বা॒ নিক্র॑-ন্পূর্ব॒চিতো॑ নিকা॒রিণঃ॑ । ক্ষ॒ত্রম॑গ্নে সু॒যম॑মস্তু॒ তুভ্য়॑মুপস॒ত্তা ব॑র্ধতা-ন্তে॒ অনি॑ষ্টৃতঃ ॥ ক্ষ॒ত্রেণা᳚-ঽগ্নে॒ স্বায়ু॒-স্সগ্​ম্ র॑ভস্ব মি॒ত্রেণা᳚-ঽগ্নে মিত্র॒ধেয়ে॑ যতস্ব । স॒জা॒তানা᳚-ম্মদ্ধ্যম॒স্থা এ॑ধি॒ রাজ্ঞা॑মগ্নে বিহ॒ব্য়ো॑ দীদিহী॒হ ॥ অতি॒ [অতি॑, নিহো॒ অতি॒ স্রিধো] 26

নিহো॒ অতি॒ স্রিধো ঽত্যচি॑ত্তি॒-মত্যরা॑তিমগ্নে । বিশ্বা॒ হ্য়॑গ্নে দুরি॒তা সহ॒স্বাথা॒স্মভ্য়গ্​ম্॑ স॒হবী॑রাগ্​ম্ র॒য়িন্দাঃ᳚ ॥ অ॒না॒ধৃ॒ষ্য়ো জা॒তব॑দা॒ অনি॑ষ্টৃতো বি॒রাড॑গ্নে ক্ষত্র॒ভৃ-দ্দী॑দিহী॒হ । বিশ্বা॒ আশাঃ᳚ প্রমু॒ঞ্চ-ন্মানু॑ষীর্ভি॒য়-শ্শি॒বাভি॑র॒দ্য় পরি॑ পাহি নো বৃ॒ধে ॥ বৃহ॑স্পতে সবিতর্বো॒ধয়ৈ॑ন॒গ্​ম্॒ সগ্​ম্শি॑ত-ঞ্চিথ্স-ন্ত॒রাগ্​ম্ সগ্​ম্ শি॑শাধি । ব॒র্ধয়ৈ॑ন-ম্মহ॒তে সৌভ॑গায়॒ [সৌভ॑গায়, বিশ্ব॑ এন॒মনু॑ মদন্তু দে॒বাঃ ।] 27

বিশ্ব॑ এন॒মনু॑ মদন্তু দে॒বাঃ ॥ অ॒মু॒ত্র॒ভূয়া॒দধ॒ যদ্য়॒মস্য়॒ বৃহ॑স্পতে অ॒ভিশ॑স্তে॒র মু॑ঞ্চঃ । প্রত্য়ৌ॑হতা-ম॒শ্বিনা॑ মৃ॒ত্য়ুম॑স্মা-দ্দে॒বানা॑-মগ্নে ভি॒ষজা॒ শচী॑ভিঃ ॥ উদ্ব॒য়-ন্তম॑স॒স্পরি॒ পশ্য়॑ন্তো॒ জ্য়োতি॒রুত্ত॑রম্ । দে॒ব-ন্দে॑ব॒ত্রা সূর্য়॒মগ॑ন্ম॒ জ্য়োতি॑রুত্ত॒মম্ ॥ 28 ॥
(ই॒মে শি॒বো অ॒গ্নে - ঽতি॒ - সৌভ॑গায়॒ - চতু॑স্ত্রিগ্​ম্শচ্চ) (অ. 7)

ঊ॒র্ধ্বা অ॑স্য় স॒মিধো॑ ভবন্ত্য়ূ॒র্ধ্বা শু॒ক্রা শো॒চীগ্​ষ্য়॒গ্নেঃ । দ্য়ু॒মত্ত॑মা সু॒প্রতী॑কস্য় সূ॒নোঃ ॥ তনূ॒নপা॒দসু॑রো বি॒শ্ববে॑দা দে॒বো দে॒বেষু॑ দে॒বঃ । প॒থ আ-ঽন॑ক্তি॒ মদ্ধ্বা॑ ঘৃ॒তেন॑ ॥ মদ্ধ্বা॑ য॒জ্ঞ-ন্ন॑ক্ষসে প্রীণা॒নো নরা॒শগ্​ম্সো॑ অগ্নে । সু॒কৃদ্দে॒ব-স্স॑বি॒তা বি॒শ্ববা॑রঃ ॥ অচ্ছা॒যমে॑তি॒ শব॑সা ঘৃ॒তেনে॑ডা॒নো বহ্নি॒র্নম॑সা । অ॒গ্নিগ্গ্​ স্রুচো॑ অদ্ধ্ব॒রেষু॑ প্র॒যথ্সু॑ ॥ স য॑ক্ষদস্য় মহি॒মান॑ম॒গ্নে-স্স [মহি॒মান॑ম॒গ্নে-স্সঃ, ঈ॒ ম॒ন্দ্রাসু॑ প্র॒যসঃ॑ ।] 29

ঈ॑ ম॒ন্দ্রাসু॑ প্র॒যসঃ॑ । বসু॒শ্চেতি॑ষ্ঠো বসু॒ধাত॑মশ্চ ॥ দ্বারো॑ দে॒বীরন্ব॑স্য়॒ বিশ্বে᳚ ব্র॒তা দ॑দন্তে অ॒গ্নেঃ । উ॒রু॒ব্যচ॑সো॒ ধাম্না॒ পত্য়॑মানাঃ ॥ তে অ॑স্য়॒ যোষ॑ণে দি॒ব্য়ে ন যোনা॑বু॒ষাসা॒নক্তা᳚ । ই॒মং-য়ঁ॒জ্ঞম॑বতা মদ্ধ্ব॒র-ন্নঃ॑ ॥ দৈব্য়া॑ হোতারাবূ॒র্ধ্ব-ম॑দ্ধ্ব॒র-ন্নো॒-ঽগ্নের্জি॒হ্বাম॒ভি গৃ॑ণীতম্ । কৃ॒ণু॒ত-ন্ন॒-স্স্বি॑ষ্টিম্ ॥ তি॒স্রো দে॒বীর্ব॒র্॒হিরেদগ্​ম্ স॑দ॒ন্ত্বিডা॒ সর॑স্বতী॒ [সর॑স্বতী, ভার॑তী ।] 30

ভার॑তী । ম॒হী গৃ॑ণা॒না ॥ তন্ন॑স্তু॒রীপ॒মদ্ভু॑ত-ম্পুরু॒ক্ষু ত্বষ্টা॑ সু॒বীর᳚ম্ । রা॒যস্পোষং॒-বিঁ ষ্য়॑তু॒ নাভি॑ম॒স্মে ॥ বন॑স্প॒তে-ঽব॑ সৃজা॒ ররা॑ণ॒স্ত্মনা॑ দে॒বেষু॑ । অ॒গ্নির্​হ॒ব্য়গ্​ম্ শ॑মি॒তা সূ॑দয়াতি ॥ অগ্নে॒ স্বাহা॑ কৃণুহি জাতবেদ॒ ইন্দ্রা॑য় হ॒ব্যম্ । বিশ্বে॑ দে॒বা হ॒বিরি॒দ-ঞ্জু॑ষন্তাম্ ॥ হি॒র॒ণ্য়॒গ॒র্ভ-স্সম॑বর্ত॒তাগ্রে॑ ভূ॒তস্য়॑ জা॒তঃ পতি॒রেক॑ আসীত্ । স দা॑ধার পৃথি॒বী-ন্দ্য়া- [পৃথি॒বী-ন্দ্য়াম্, উ॒তেমা-ঙ্কস্মৈ॑] 31

-মু॒তেমা-ঙ্কস্মৈ॑ দে॒বায়॑ হ॒বিষা॑ বিধেম ॥ যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ । য ঈশে॑ অ॒স্য় দ্বি॒পদ॒শ্চতু॑ষ্পদঃ॒ কস্মৈ॑ দে॒বায়॑ হ॒বিষা॑ বিধেম ॥ য আ᳚ত্ম॒দা ব॑ল॒দা যস্য়॒ বিশ্ব॑ উ॒পাস॑তে প্র॒শিষং॒-য়ঁস্য়॑ দে॒বাঃ । যস্য়॑ ছা॒য়া-ঽমৃতং॒-য়ঁস্য়॑ মৃ॒ত্য়ুঃ কস্মৈ॑ দে॒বায়॑ হ॒বিষা॑ বিধেম ॥ যস্য়ে॒মে হি॒মব॑ন্তো মহি॒ত্বা যস্য়॑ সমু॒দ্রগ্​ম্ র॒সয়া॑ স॒হা- [স॒হ, আ॒হুঃ ।] 32

-ঽঽহুঃ । যস্য়ে॒মাঃ প্র॒দিশো॒ যস্য়॑ বা॒হূ কস্মৈ॑ দে॒বায়॑ হ॒বিষা॑ বিধেম ॥ য-ঙ্ক্রন্দ॑সী॒ অব॑সা তস্তভা॒নে অ॒ভ্য়ৈক্ষে॑তা॒-ম্মন॑সা॒ রেজ॑মানে । যত্রাধি॒ সূর॒ উদি॑তৌ॒ ব্য়েতি॒ কস্মৈ॑ দে॒বায়॑ হ॒বিষা॑ বিধেম ॥ যেন॒ দ্য়ৌরু॒গ্রা পৃ॑থি॒বী চ॑ দৃ॒ঢে যেন॒ সু॒ব॑-স্স্তভি॒তং-য়েঁন॒ নাকঃ॑ । যো অ॒ন্তরি॑ক্ষে॒ রজ॑সো বি॒মানQঃকস্মৈ॑ দে॒বায়॑ হ॒বিষা॑ বিধেম ॥ আপো॑ হ॒ যন্ম॑হ॒তী র্বিশ্ব॒- [যন্ম॑হ॒তী র্বিশ্ব᳚ম্, অয়॒-ন্দক্ষ॒-ন্দধা॑না] 33

-মায়॒-ন্দক্ষ॒-ন্দধা॑না জ॒নয়॑ন্তীর॒গ্নিম্ । ততো॑ দে॒বানা॒-ন্নির॑বর্ত॒তাসু॒রেকঃ॒ কস্মৈ॑ দে॒বায়॑ হ॒বিষা॑ বিধেম ॥ যশ্চি॒দাপো॑ মহি॒না প॒র্যপ॑শ্য়॒-দ্দক্ষ॒-ন্দধা॑না জ॒নয়॑ন্তীর॒গ্নিম্ । যো দে॒বেষ্বধি॑ দে॒ব এক॒ আসী॒-ত্কস্মৈ॑ দে॒বায়॑ হ॒বিষা॑ বিধেম ॥ 34 ॥
(অ॒গ্নে-স্স - সর॑স্বতী॒ - দ্য়াগ্​ম্ - স॒হ - বিশ্বং॒ - চতু॑স্ত্রিগ্​ম্শচ্চ) (অ. 8)

(ঊ॒র্ধ্বা - যঃ প্রা॑ণ॒তো - য আ᳚ত্ম॒দা - যস্য়ে॒মে - যঙ্ক্রন্দ॑সী॒ - যেন॒ দ্য়ৌ- রাপো॑ হ॒ যত্ - ততো॑ দে॒বানাং॒ - ঁযশ্চি॒দাপো॒ - যো দে॒বেষু॒ - নব॑ )

আকূ॑তিম॒গ্নি-ম্প্র॒য়ুজ॒গ্গ্॒ স্বাহা॒ মনো॑ মে॒ধাম॒গ্নি-ম্প্র॒য়ুজ॒গ্গ্॒ স্বাহা॑ চি॒ত্তং-বিঁজ্ঞা॑তম॒গ্নি-ম্প্র॒য়ুজ॒গ্গ্॒ স্বাহা॑ বা॒চো বিধৃ॑তিম॒গ্নি-ম্প্র॒য়ুজ॒গ্গ্॒ স্বাহা᳚ প্র॒জাপ॑তয়ে॒ মন॑বে॒ স্বাহা॒-ঽগ্নয়ে॑ বৈশ্বান॒রায়॒ স্বাহা॒ বিশ্বে॑ দে॒বস্য়॑ নে॒তুর্মর্তো॑ বৃণীত স॒খ্য়ং-বিঁশ্বে॑ রা॒য় ই॑ষুদ্ধ্যসি দ্য়ু॒ম্নং-বৃঁ॑ণীত পু॒ষ্যসে॒ স্বাহা॒ মা সু ভি॑ত্থা॒ মা সু রি॑ষো॒ দৃগ্​ম্হ॑স্ব বী॒ডয়॑স্ব॒ সু । অম্ব॑ ধৃষ্ণু বী॒রয়॑স্বা॒- [বী॒রয়॑স্ব, অ॒গ্নিশ্চে॒দ-ঙ্ক॑রিষ্যথঃ ।] 35

-ঽগ্নিশ্চে॒দ-ঙ্ক॑রিষ্যথঃ ॥ দৃগ্​ম্হ॑স্ব দেবি পৃথিবি স্ব॒স্তয়॑ আসু॒রী মা॒য়া স্ব॒ধয়া॑ কৃ॒তা-ঽসি॑ । জুষ্ট॑-ন্দে॒বানা॑মি॒দম॑স্তু হ॒ব্যমরি॑ষ্টা॒ ত্বমুদি॑হি য॒জ্ঞে অ॒স্মিন্ন্ ॥ মিত্রৈ॒তামু॒খা-ন্ত॑পৈ॒ষা মা ভে॑দি । এ॒তা-ন্তে॒ পরি॑ দদা॒ম্যভি॑ত্ত্য়ৈ ॥ দ্র্ব॑ন্ন-স্স॒র্পিরা॑সুতিঃ প্র॒ত্নো হোতা॒ বরে᳚ণ্য়ঃ । সহ॑সস্পু॒ত্রো অদ্ভু॑তঃ ॥ পর॑স্য়া॒ অধি॑ সং॒​বঁতো-ঽব॑রাগ্​ম্ অ॒ভ্য়া [অ॒ভ্য়া, ত॒র॒ ।] 36

ত॑র । যত্রা॒হমস্মি॒ তাগ্​ম্ অ॑ব ॥ প॒র॒মস্য়াঃ᳚ পরা॒বতো॑ রো॒হিদ॑শ্ব ই॒হা-ঽগ॑হি । পু॒রী॒ষ্য়ঃ॑ পুরুপ্রি॒য়ো-ঽগ্নে॒ ত্ব-ন্ত॑রা॒ মৃধঃ॑ ॥ সীদ॒ ত্ব-ম্মা॒তুর॒স্য়া উ॒পস্থে॒ বিশ্বা᳚ন্যগ্নে ব॒য়ুনা॑নি বি॒দ্বান্ । মৈনা॑ম॒র্চিষা॒ মা তপ॑সা॒-ঽভি শূ॑শুচো॒-ঽন্তর॑স্য়াগ্​ম্ শু॒ক্র জ্য়ো॑তি॒র্বি ভা॑হি ॥ অ॒ন্তর॑গ্নে রু॒চা ত্বমু॒খায়ৈ॒ সদ॑নে॒ স্বে । তস্য়া॒স্ত্বগ্​ম্ হর॑সা॒ তপ॒ন্ জাত॑বেদ-শ্শি॒বো ভ॑ব ॥ শি॒বো ভূ॒ত্বা মহ্য়॑ম॒গ্নে-ঽথো॑ সীদ শি॒বস্ত্বম্ । শি॒বাঃ কৃ॒ত্বা দিশ॒-স্সর্বা॒-স্স্বাং-য়োঁনি॑মি॒হা-ঽঽস॑দঃ ॥ 37 ॥
(বী॒রয়॒স্বা - ঽঽ - তপ॑ন্ - বিগ্​ম্শ॒তিশ্চ॑) (অ. 9)

যদ॑গ্নে॒ যানি॒ কানি॒ চা-ঽঽতে॒ দারূ॑ণি দ॒দ্ধ্মসি॑ । তদ॑স্তু॒ তুভ্য়॒মি-দ্ঘৃ॒ত-ন্তজ্জু॑ষস্ব যবিষ্ঠ্য় ॥ যদত্ত্য়ু॑প॒জিহ্বি॑কা॒ যদ্ব॒ম্রো অ॑তি॒সর্প॑তি । সর্ব॒-ন্তদ॑স্তু তে ঘৃ॒ত-ন্তজ্জু॑ষস্ব যবিষ্ঠ্য় ॥ রাত্রিগ্​ম্॑ রাত্রি॒মপ্র॑য়াব॒-ম্ভর॒ন্তো-ঽশ্বা॑য়েব॒ তিষ্ঠ॑তে ঘা॒সম॑স্মৈ । রা॒যস্পোষে॑ণ॒ সমি॒ষা মদ॒ন্তো-ঽগ্নে॒ মা তে॒ প্রতি॑বেশা রিষাম ॥ নাভা॑ [নাভা᳚, পৃ॒থি॒ব্য়া-স্স॑মিধা॒ন-] 38

পৃথি॒ব্য়া-স্স॑মিধা॒ন-ম॒গ্নিগ্​ম্ রা॒যস্পোষা॑য় বৃহ॒তে হ॑বামহে । ই॒র॒ম্ম॒দ-ম্বৃ॒হদু॑ক্থং॒-য়ঁজ॑ত্র॒-ঞ্জেতা॑রম॒গ্নি-ম্পৃত॑নাসু সাস॒হিম্ ॥ যা-স্সেনা॑ অ॒ভীত্ব॑রীরা-ব্য়া॒ধিনী॒-রুগ॑ণা উ॒ত । যে স্তে॒না যে চ॒ তস্ক॑রা॒স্তাগ্​স্তে॑ অ॒গ্নে-ঽপি॑ দধাম্য়া॒স্য়ে᳚ ॥ দগ্গ্​ষ্ট্রা᳚ভ্য়া-ম্ম॒লিম্লূ॒ন্ জম্ভ্য়ৈ॒-স্তস্ক॑রাগ্​ম্ উ॒ত । হনূ᳚ভ্য়াগ্​ স্তে॒নান্-ভ॑গব॒স্তাগ্​-স্ত্ব-ঙ্খা॑দ॒ সুখা॑দিতান্ ॥ যে জনে॑ষু ম॒লিম্ল॑ব-স্স্তে॒নাস॒-স্তস্ক॑রা॒ বনে᳚ । যে [ ] 39

কক্ষে᳚ষ্বঘা॒ যব॒স্তাগ্​স্তে॑ দধামি॒ জম্ভ॑য়োঃ ॥ যো অ॒স্মভ্য়॑মরাতী॒য়া-দ্যশ্চ॑ নো॒ দ্বেষ॑তে॒ জনঃ॑ । নিন্দা॒দ্য়ো অ॒স্মা-ন্দিফ্সা᳚চ্চ॒ সর্ব॒-ন্ত-ম্ম॑স্ম॒সা কু॑রু ॥ সগ্​ম্শি॑ত-ম্মে॒ ব্রহ্ম॒ সগ্​ম্শি॑তং-বীঁ॒র্য়॑-ম্বল᳚ম্ । সগ্​ম্শি॑ত-ঙ্ক্ষ॒ত্র-ঞ্জি॒ষ্ণু যস্য়া॒-ঽহমস্মি॑ পু॒রোহি॑তঃ ॥ উদে॑ষা-ম্বা॒হূ অ॑তির॒মুদ্বর্চ॒ উদূ॒ বল᳚ম্ । ক্ষি॒ণোমি॒ ব্রহ্ম॑ণা॒-ঽমিত্রা॒নুন্ন॑য়ামি॒ [-ঽমিত্রা॒-নুন্ন॑য়ামি, স্বাগ্​ম্ অ॒হম্ ।] 40

স্বাগ্​ম্ অ॒হম্ ॥ দৃ॒শা॒নো রু॒ক্ম উ॒র্ব্য়া ব্য়॑দ্য়ৌদ্দু॒র্মর্​ষ॒মায়ু॑-শ্শ্রি॒য়ে রু॑চা॒নঃ । অ॒গ্নির॒মৃতো॑ অভব॒দ্বয়ো॑-ভি॒র্যদে॑ন॒-ন্দ্য়ৌরজ॑নয়-থ্সু॒রেতাঃ᳚ ॥ বিশ্বা॑ রূ॒পাণি॒ প্রতি॑ মুঞ্চতে ক॒বিঃ প্রা-ঽসা॑বীদ্ভ॒দ্র-ন্দ্বি॒পদে॒ চতু॑ষ্পদে । বি নাক॑মখ্য়-থ্সবি॒তা বরে॒ণ্য়ো-ঽনু॑ প্র॒য়াণ॑মু॒ষসো॒ বি॑রাজতি ॥ নক্তো॒ষাসা॒ সম॑নসা॒ বিরূ॑পে ধা॒পয়ে॑তে॒ শিশু॒মেকগ্​ম্॑ সমী॒চী । দ্য়াবা॒ ক্ষামা॑ রু॒ক্মো [রু॒ক্মঃ, অ॒ন্তর্বি ভা॑তি] 41

অ॒ন্তর্বি ভা॑তি দে॒বা অ॒গ্নি-ন্ধা॑রয়-ন্দ্রবিণো॒দাঃ ॥ সু॒প॒র্ণো॑-ঽসি গ॒রুত্মা᳚-ন্ত্রি॒বৃত্তে॒ শিরো॑ গায়॒ত্র-ঞ্চক্ষু॒-স্স্তোম॑ আ॒ত্মা সাম॑ তে ত॒নূর্বা॑মদে॒ব্য়-ম্বৃ॑হ-দ্রথন্ত॒রে প॒ক্ষৌ য॑জ্ঞায়॒জ্ঞিয়॒-ম্পুচ্ছ॒-ঞ্ছন্দা॒গ্॒স্যঙ্গা॑নি॒ ধিষ্ণি॑য়া-শ্শ॒ফা যজূগ্​ম্॑ষি॒ নাম॑ ॥ সু॒প॒র্ণো॑-ঽসি গ॒রুত্মা॒-ন্দিব॑-ঙ্গচ্ছ॒ সুবঃ॑ পত ॥ 42 ॥
(নাভা॒ - বনে॒ যে - ন॑য়ামি॒ - ক্ষামা॑ রু॒ক্মো᳚ - ঽষ্টাত্রিগ্​ম্॑শচ্চ) (অ. 10)

অগ্নে॒ যং-য়ঁ॒জ্ঞম॑দ্ধ্ব॒রং-বিঁ॒শ্বতঃ॑ পরি॒ভূরসি॑ । স ইদ্দে॒বেষু॑ গচ্ছতি ॥ সোম॒ যাস্তে॑ ময়ো॒ভুব॑ ঊ॒তয়॒-স্সন্তি॑ দা॒শুষে᳚ । তাভি॑র্নো-ঽবি॒তা ভ॑ব ॥ অ॒গ্নির্মূ॒র্ধা ভুবঃ॑ ॥ ত্বন্ন॑-স্সোম॒ , যা তে॒ ধামা॑নি ॥ ত-থ্স॑বি॒তুর্বরে᳚ণ্য়॒-ম্ভর্গো॑ দে॒বস্য়॑ ধীমহি । ধিয়ো॒ যো নঃ॑ প্রচো॒দয়া᳚ত্ ॥ অচি॑ত্তী॒ যচ্চ॑কৃ॒মা দৈব্য়ে॒ জনে॑ দী॒নৈর্দক্ষৈঃ॒ প্রভূ॑তী পূরুষ॒ত্বতা᳚ । 43

দে॒বেষু॑ চ সবিত॒র্মানু॑ষেষু চ॒ ত্বন্নো॒ অত্র॑ সুবতা॒দনা॑গসঃ ॥ চো॒দ॒য়ি॒ত্রী সূ॒নৃতা॑না॒-ঞ্চেত॑ন্তী সুমতী॒নাম্ । য॒জ্ঞ-ন্দ॑ধে॒ সর॑স্বতী ॥ পাবী॑রবী ক॒ন্য়া॑ চি॒ত্রায়ু॒-স্সর॑স্বতী বী॒রপ॑ত্নী॒ ধিয়॑-ন্ধাত্ । গ্নাভি॒রচ্ছি॑দ্রগ্​ম্ শর॒ণগ্​ম্ স॒জোষা॑ দুরা॒ধর্​ষ॑-ঙ্গৃণ॒তে শর্ম॑ যগ্​ম্সত্ ॥ পূ॒ষা গা অন্বে॑তু নঃ পূ॒ষা র॑ক্ষ॒ত্বর্ব॑তঃ । পূ॒ষা বাজগ্​ম্॑ সনোতু নঃ ॥ শু॒ক্র-ন্তে॑ অ॒ন্যদ্য়॑জ॒ত-ন্তে॑ অ॒ন্য়- [অ॒ন্যত্, বিষু॑রূপে॒ অহ॑নী॒ দ্য়ৌরি॑বাসি ।] 44

-দ্বিষু॑রূপে॒ অহ॑নী॒ দ্য়ৌরি॑বাসি । বিশ্বা॒ হি মা॒য়া অব॑সি স্বধাবো ভ॒দ্রা তে॑ পূষন্নি॒হ রা॒তির॑স্তু ॥ তে॑-ঽবর্ধন্ত॒ স্বত॑বসো মহিত্ব॒না ঽঽনাক॑-ন্ত॒স্থুরু॒রু চ॑ক্রিরে॒ সদঃ॑ । বিষ্ণু॒ র্যদ্ধা-ঽঽব॒-দ্বৃষ॑ণ-ম্মদ॒চ্য়ুতং॒-বঁয়ো॒ ন সী॑দ॒ন্নধি॑ ব॒র্॒হিষি॑ প্রি॒য়ে ॥ প্রচি॒ত্রম॒র্ক-ঙ্গৃ॑ণ॒তে তু॒রায়॒ মারু॑তায়॒ স্বত॑বসে ভরদ্ধ্বম্ । যে সহাগ্​ম্॑সি॒ সহ॑সা॒ সহ॑ন্তে॒ [সহ॑ন্তে, রেজ॑তে অগ্নে পৃথি॒বী ম॒খেভ্য়ঃ॑ ।] 45

রেজ॑তে অগ্নে পৃথি॒বী ম॒খেভ্য়ঃ॑ ॥ বিশ্বে॑ দে॒বা বিশ্বে॑ দেবাঃ ॥ দ্য়াবা॑ নঃ পৃথি॒বী ই॒মগ্​ম্ সি॒দ্ধ্রম॒দ্য় দি॑বি॒স্পৃশ᳚ম্ । য॒জ্ঞ-ন্দে॒বেষু॒ যচ্ছতাম্ ॥ প্র পূ᳚র্ব॒জে পি॒তরা॒ নব্য়॑সীভির্গী॒র্ভিঃ কৃ॑ণুদ্ধ্ব॒গ্​ম্॒ সদ॑নে ঋ॒তস্য়॑ । আ নো᳚ দ্য়াবাপৃথিবী॒ দৈব্য়ে॑ন॒ জনে॑ন যাত॒-ম্মহি॑ বাং॒-বঁরূ॑থম্ ॥ অ॒গ্নিগ্গ্​ স্তোমে॑ন বোধয় সমিধা॒নো অম॑র্ত্যম্ । হ॒ব্য়া দে॒বেষু॑ নো দধত্ ॥ স হ॑ব্য়॒বাডম॑র্ত্য় উ॒শিগ্দূ॒তশ্চনো॑হিতঃ । অ॒গ্নির্ধি॒য়া সমৃ॑ণ্বতি ॥ শন্নো॑ ভবন্তু॒, বাজে॑বাজে ॥ 46 ॥
(পু॒রু॒ষ॒ত্বতা॑ - যজ॒তন্তে॑ অ॒ন্যথ্ - সহ॑ন্তে॒ - চনো॑হিতো॒ - ঽষ্টৌ চ॑ ) (অ. 11)

(য়ু॒ঞ্জা॒ন - ই॒মাম॑গৃভ্ণন্ - দে॒বস্য়॒ - সন্তে॒ - বি পাজ॑সা॒ - বস॑বস্ত্বা॒ - সমা᳚স্ত্বো॒ - র্ধ্বা - অ॒স্য়াকূ॑তিং॒ - ঁযদ॑গ্নে॒ যান্ - যগ্নে॒ যং-য়ঁ॒জ্ঞ - মেকা॑দশ)

(য়ু॒ঞ্জা॒নো - বর্ম॑ চ স্থ - আদি॒ত্যস্ত্বা॒ - ভার॑তী॒ - স্বাগ্​ম্ অ॒হগ্​ম্ - ষট্চ॑ত্বারিগ্​ম্শত্ )

(য়ু॒ঞ্জা॒নো, বাজে॑বাজে)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থ কাণ্ডে প্রথমঃ প্রশ্ন-স্সমাপ্তঃ ॥