কৃষ্ণ যজুর্বেদীয় তৈত্তিরীয় সংহিতায়া-ন্তৃতীযকাণ্ডে পঞ্চমঃ প্রশ্নঃ - ইষ্টিশেষাভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

পূ॒র্ণা প॒শ্চাদু॒ত পূ॒র্ণা পু॒রস্তা॒দু-ন্ম॑দ্ধ্য়॒তঃ পৌ᳚র্ণমা॒সী জি॑গায় । তস্য়া᳚-ন্দে॒বা অধি॑ সং॒​বঁস॑ন্ত উত্ত॒মে নাক॑ ই॒হ মা॑দযন্তাম্ ॥ যত্তে॑ দে॒বা অদ॑ধু র্ভাগ॒ধেয়॒মমা॑বাস্য়ে সং॒​বঁস॑ন্তো মহি॒ত্বা । সানো॑ য॒জ্ঞ-ম্পি॑পৃহি বিশ্ববারে র॒য়ি-ন্নো॑ ধেহি সুভগে সু॒বীর᳚ম্ ॥নি॒বেশ॑নী স॒ঙ্গম॑নী॒ বসূ॑নাং॒-বিঁশ্বা॑ রূ॒পাণি॒ বসূ᳚ন্য়াবে॒শয়॑ন্তী । স॒হ॒স্র॒পো॒ষগ্​ম্ সু॒ভগা॒ ররা॑ণা॒ সা ন॒ আগ॒ন্. বর্চ॑সা [আগ॒ন্. বর্চ॑সা, সং॒​বিঁ॒দা॒না ।] 1

সং​বিঁদা॒না ॥ অগ্নী॑ষোমৌ প্রথ॒মৌ বী॒র্য়ে॑ণ॒ বসূ᳚-ন্রু॒দ্রানা॑দি॒ত্য়ানি॒হ জি॑ন্বতম্ । মা॒দ্ধ্য়গ্​ম্ হি পৌ᳚র্ণমা॒স-ঞ্জু॒ষেথা॒-ম্ব্রহ্ম॑ণা বৃ॒দ্ধৌ সু॑কৃ॒তেন॑ সা॒তাবথা॒-ঽস্মভ্য়গ্​ম্॑ স॒হবী॑রাগ্​ম্ র॒য়ি-ন্নি য॑চ্ছতম্ ॥ আ॒দি॒ত্য়াশ্চা-ঽঙ্গি॑রসশ্চা॒গ্নীনা-ঽদ॑ধত॒ তে দ॑র্​শপূর্ণমা॒সৌ প্রৈফ্স॒-ন্তেষা॒মঙ্গি॑রসা॒-ন্নিরু॑প্তগ্​ম্ হ॒বিরাসী॒দথা॑-ঽঽদি॒ত্য়া এ॒তৌ হোমা॑বপশ্য়॒-ন্তাব॑জুহবু॒স্ততো॒ বৈ তে দ॑র্​শপূর্ণমা॒সৌ [ ] 2

পূর্ব॒ আ ঽল॑ভন্ত দর্​শপূর্ণমা॒সা-বা॒লভ॑মান এ॒তৌ হোমৌ॑ পু॒রস্তা᳚জ্জুহুয়া-থ্সা॒ক্ষাদে॒ব দ॑র্​শপূর্ণমা॒সাবা ল॑ভতে ব্রহ্মবা॒দিনো॑ বদন্তি॒ স ত্বৈ দ॑র্​শপূর্ণমা॒সাবা ল॑ভেত॒ য এ॑নয়োরনু-লো॒মঞ্চ॑ প্রতিলো॒মঞ্চ॑ বি॒দ্য়াদিত্য়॑মাবা॒স্য়া॑য়া ঊ॒র্ধ্ব-ন্তদ॑নুলো॒ম-ম্পৌ᳚র্ণমা॒স্য়ৈ প্র॑তী॒চীন॒-ন্ত-ত্প্র॑তিলো॒মং-য়ঁ-ত্পৌ᳚র্ণমা॒সী-ম্পূর্বা॑মা॒লভে॑ত প্রতিলো॒মমে॑না॒বা ল॑ভেতা॒-মুম॑প॒ক্ষীয়॑মাণ॒-মন্বপ॑- [-মন্বপ॑, ক্ষী॒য়ে॒ত॒ সা॒র॒স্ব॒তৌ হোমৌ॑] 3

-ক্ষীয়েত সারস্ব॒তৌ হোমৌ॑ পু॒রস্তা᳚জ্জুহুয়াদমাবা॒স্য়া॑ বৈ সর॑স্বত্যনুলো॒ম-মে॒বৈনা॒বা ল॑ভতে॒ ঽমুমা॒প্য়ায়॑মান॒মন্বা প্য়া॑যত আগ্নাবৈষ্ণ॒ব-মেকা॑দশকপাল-ম্পু॒রস্তা॒ন্নিব॑র্পে॒-থ্সর॑স্বত্য়ৈ চ॒রুগ্​ম্ সর॑স্বতে॒ দ্বাদ॑শকপালং॒-য়ঁদা᳚গ্নে॒য়ো ভব॑ত্য়॒গ্নির্বৈ য॑জ্ঞমু॒খং-য়ঁ॑জ্ঞমু॒খমে॒বর্ধি॑-ম্পু॒রস্তা᳚-দ্ধত্তে॒ য-দ্বৈ᳚ষ্ণ॒বো ভব॑তি য॒জ্ঞো বৈ বিষ্ণু॑র্য়॒জ্ঞমে॒বা-ঽঽরভ্য়॒ প্রত॑নুতে॒ সর॑স্বত্য়ৈ চ॒রুর্ভ॑বতি॒ সর॑স্বতে॒ দ্বাদ॑শকপালো-ঽমাবা॒স্য়া॑ বৈ সর॑স্বতী পূ॒র্ণমা॑স॒-স্সর॑স্বা॒-ন্তাবে॒ব সা॒ক্ষাদা র॑ভত ঋ॒দ্ধ্নোত্য়া᳚ভ্য়া॒-ন্দ্বাদ॑শকপাল॒-স্সর॑স্বতে ভবতি মিথুন॒ত্বায়॒ প্রজা᳚ত্য়ৈ মিথু॒নৌ গাবৌ॒ দক্ষি॑ণা॒ সমৃ॑দ্ধ্য়ৈ ॥ 4 ॥
(বর্চ॑সা॒ - বৈ তে দ॑র্​শপূর্ণমা॒সা - বপ॑ - তনুতে॒ সর॑স্বত্য়ৈ॒ - পঞ্চ॑বিগ্​ম্শতিশ্চ) (অ. 1)

ঋষ॑য়ো॒ বা ইন্দ্র॑-ম্প্র॒ত্যক্ষ॒-ন্নাপ॑শ্য়॒-ন্তং-বঁসি॑ষ্ঠঃ প্র॒ত্যক্ষ॑মপশ্য়॒-থ্সো᳚-ঽব্রবী॒-দ্ব্রাহ্ম॑ণ-ন্তে বক্ষ্য়ামি॒ যথা॒ ত্বত্পু॑রোহিতাঃ প্র॒জাঃ প্র॑জনি॒ষ্যন্তে-ঽথ॒ মেত॑রেভ্য়॒ ঋষি॑ভ্য়ো॒ মা প্রবো॑চ॒ ইতি॒ তস্মা॑ এ॒তান্​থ্স্তোম॑-ভাগানব্রবী॒-ত্ততো॒ বসি॑ষ্ঠপুরোহিতাঃ প্র॒জাঃ প্রাজা॑যন্ত॒ তস্মা᳚-দ্বাসি॒ষ্ঠো ব্র॒হ্মা কা॒র্য়ঃ॑ প্রৈব জা॑যতে র॒শ্মির॑সি॒ ক্ষয়া॑য় ত্বা॒ ক্ষয়॑-ঞ্জি॒ন্বে- [ক্ষয়॑-ঞ্জি॒ন্বেতি॑, আ॒হ॒ দে॒বা বৈ] 5

-ত্য়া॑হ দে॒বা বৈ ক্ষয়ো॑ দে॒বেভ্য়॑ এ॒ব য॒জ্ঞ-ম্প্রা-ঽঽহ॒ প্রেতি॑রসি॒ ধর্মা॑য় ত্বা॒ ধর্ম॑-ঞ্জি॒ন্বেত্য়া॑হ মনু॒ষ্য়া॑ বৈ ধর্মো॑ মনু॒ষ্য়ে᳚ভ্য় এ॒ব য॒জ্ঞ-ম্প্রা-ঽঽহান্বি॑তিরসি দি॒বে ত্বা॒ দিব॑-ঞ্জি॒ন্বেত্য়া॑হৈ॒ভ্য় এ॒ব লো॒কেভ্য়ো॑ য॒জ্ঞ-ম্প্রা-ঽঽহ॑বিষ্ট॒ম্ভো॑-ঽসি॒ বৃষ্ট্য়ৈ᳚ ত্বা॒ বৃষ্টি॑-ঞ্জি॒ন্বেত্য়া॑হ॒ বৃষ্টি॑মে॒বা-ঽব॑- [বৃষ্টি॑মে॒বা-ঽব॑, রু॒ন্ধে॒ প্র॒বা-] 6

-রুন্ধে প্র॒বা-ঽস্য়॑নু॒বা-ঽসীত্য়া॑হ মিথুন॒ত্বায়ো॒শিগ॑সি॒ বসু॑ভ্যস্ত্বা॒ বসূ᳚ঞ্জি॒ন্বেত্য়া॑হা॒ষ্টৌ বস॑ব॒ একা॑দশ রু॒দ্রা দ্বাদ॑শা-ঽঽদি॒ত্য়া এ॒তাব॑ন্তো॒ বৈ দে॒বাস্তেভ্য়॑ এ॒ব য॒জ্ঞ-ম্প্রা-ঽঽহৌজো॑-ঽসি পি॒তৃভ্য়॑স্ত্বা পি॒তৄন্ জি॒ন্বেত্য়া॑হ দে॒বানে॒ব পি॒তৄননু॒ সন্ত॑নোতি॒ তন্তু॑রসি প্র॒জাভ্য়॑স্ত্বা প্র॒জা জি॒ন্বে- [প্র॒জা জি॑ন্ব, ইত্য়া॑হ পি॒তৄনে॒ব] 7

-ত্য়া॑হ পি॒তৄনে॒ব প্র॒জা অনু॒ সন্ত॑নোতি পৃতনা॒ষাড॑সি প॒শুভ্য়॑স্ত্বা প॒শূঞ্জি॒ন্বেত্য়া॑হ প্র॒জা এ॒ব প॒শূননু॒ সন্ত॑নোতিরে॒বদ॒স্য়ো-ষ॑ধীভ্য়॒ স্ত্বৌষ॑ধী-র্জি॒ন্বেত্য়া॒হৌষ॑ধীষ্বে॒ব প॒শূ-ন্প্রতি॑ষ্ঠাপযত্যভি॒জিদ॑সি যু॒ক্তগ্রা॒বেন্দ্রা॑য়॒ ত্বেন্দ্র॑-ঞ্জি॒ন্বেত্য়া॑হা॒ভিজি॑ত্য়া॒ অধি॑পতিরসি প্রা॒ণায়॑ ত্বা প্রা॒ণ- [প্রা॒ণম্, জি॒ন্বেত্য়া॑হ] 8

-ঞ্জি॒ন্বেত্য়া॑হ প্র॒জাস্বে॒ব প্রা॒ণা-ন্দ॑ধাতি ত্রি॒বৃদ॑সি প্র॒বৃদ॒সীত্য়া॑হ মিথুন॒ত্বায়॑ সগ্​ম্রো॒হো॑-ঽসি নীরো॒হো॑-ঽসীত্য়া॑হ॒ প্রজা᳚ত্য়ৈ বসু॒কো॑-ঽসি॒ বেষ॑শ্রিরসি॒ বস্য়॑ষ্টির॒সীত্য়া॑হ॒ প্রতি॑ষ্ঠিত্য়ৈ ॥ 9 ॥
(জি॒ন্বেত্য় - ব॑ - প্র॒জা জি॑ন্ব - প্রা॒ণন্ - ত্রি॒গ্​ম্॒শচ্চ॑) (অ. 2)

অ॒গ্নিনা॑ দে॒বেন॒ পৃত॑না জয়ামি গায়॒ত্রেণ॒ ছন্দ॑সা ত্রি॒বৃতা॒ স্তোমে॑ন রথন্ত॒রেণ॒ সাম্না॑ বষট্কা॒রেণ॒ বজ্রে॑ণ পূর্ব॒জা-ন্ভ্রাতৃ॑ব্য়া॒নধ॑রা-ন্পাদয়া॒ম্যবৈ॑না-ন্বাধে॒ প্রত্য়ে॑নান্নুদে॒-ঽস্মিন্ ক্ষয়ে॒-ঽস্মি-ন্ভূ॑মিলো॒কে যো᳚-ঽস্মা-ন্দ্বেষ্টি॒ যঞ্চ॑ ব॒য়-ন্দ্বি॒ষ্মো বিষ্ণোঃ॒ ক্রমে॒ণা-ঽত্য়ে॑নান্ ক্রামা॒মীন্দ্রে॑ণ দে॒বেন॒ পৃত॑না জয়ামি॒ ত্রৈষ্টু॑ভেন॒ ছন্দ॑সা পঞ্চদ॒শেন॒ স্তোমে॑ন বৃহ॒তা সাম্না॑ বষট্কা॒রেণ॒ বজ্রে॑ণ [বজ্রে॑ণ, স॒হ॒জান্. বিশ্বে॑ভির্দে॒বেভিঃ॒ পৃত॑না] 10

সহ॒জান্. বিশ্বে॑ভির্দে॒বেভিঃ॒ পৃত॑না জয়ামি॒ জাগ॑তেন॒ ছন্দ॑সা সপ্তদ॒শেন॒ স্তোমে॑ন বামদে॒ব্য়েন॒ সাম্না॑ বষট্কা॒রেণ॒ বজ্রে॑ণা পর॒জানিন্দ্রে॑ণ স॒য়ুজো॑ ব॒য়গ্​ম্ সা॑স॒হ্য়াম॑ পৃতন্য়॒তঃ । ঘ্নন্তো॑ বৃ॒ত্রাণ্য়॑প্র॒তি । যত্তে॑ অগ্নে॒ তেজ॒স্তেনা॒হ-ন্তে॑জ॒স্বী ভূ॑য়াসং॒-য়ঁত্তে॑ অগ্নে॒ বর্চ॒স্তেনা॒হং-বঁ॑র্চ॒স্বী ভূ॑য়াসং॒-য়ঁত্তে॑ অগ্নে॒ হর॒স্তেনা॒হগ্​ম্ হ॑র॒স্বী ভূ॑য়াসম্ ॥ 11 ॥
(বৃ॒হ॒তা সাম্না॑ বষট্কা॒রেণ॒ বজ্রে॑ণ॒ - ষট্চ॑ত্বারিগ্​ম্শচ্চ) (অ. 3)

যে দে॒বা য॑জ্ঞ॒হনো॑ যজ্ঞ॒মুষঃ॑ পৃথি॒ব্য়ামদ্ধ্য়াস॑তে । অ॒গ্নির্মা॒ তেভ্য়ো॑ রক্ষতু॒ গচ্ছে॑ম সু॒কৃতো॑ ব॒যম্ ॥ আ-ঽগ॑ন্ম মিত্রাবরুণা বরেণ্য়া॒ রাত্রী॑ণা-ম্ভা॒গো যু॒বয়ো॒র্য়ো অস্তি॑ । নাক॑-ঙ্গৃহ্ণা॒না-স্সু॑কৃ॒তস্য়॑ লো॒কে তৃ॒তীয়ে॑ পৃ॒ষ্ঠে অধি॑ রোচ॒নে দি॒বঃ ॥ যে দে॒বা য॑জ্ঞ॒হনো॑ যজ্ঞ॒মুষো॒-ঽন্তরি॒ক্ষে-ঽদ্ধ্য়াস॑তে । বা॒য়ুর্মা॒ তেভ্য়ো॑ রক্ষতু॒ গচ্ছে॑ম সু॒কৃতো॑ ব॒যম্ ॥ যাস্তে॒ রাত্রী᳚-স্সবিত- [রাত্রী᳚-স্সবিতঃ, দে॒ব॒য়ানী॑রন্ত॒রা] 12

-র্দেব॒য়ানী॑রন্ত॒রা দ্য়াবা॑পৃথি॒বী বি॒যন্তি॑ । গৃ॒হৈশ্চ॒ সর্বৈঃ᳚ প্র॒জয়া॒ ন্বগ্রে॒ সুবো॒ রুহা॑ণাস্তরতা॒ রজাগ্​ম্॑সি ॥ যে দে॒বা য॑জ্ঞ॒হনো॑ যজ্ঞ॒মুষো॑ দি॒ব্যদ্ধ্য়াস॑তে । সূর্য়ো॑ মা॒ তেভ্য়ো॑ রক্ষতু॒ গচ্ছে॑ম সু॒কৃতো॑ ব॒যম্ ॥ যেনেন্দ্রা॑য় স॒মভ॑রঃ॒ পয়াগ্॑স্য়ুত্ত॒মেন॑ হ॒বিষা॑ জাতবেদঃ । তেনা᳚-ঽগ্নে॒ ত্বমু॒ত ব॑র্ধয়ে॒মগ্​ম্ স॑জা॒তানা॒গ্॒ শ্রৈষ্ঠ্য়॒ আ ধে᳚হ্য়েনম্ ॥ য॒জ্ঞ॒হনো॒ বৈ দে॒বা য॑জ্ঞ॒মুষ॑- [দে॒বা য॑জ্ঞ॒মুষঃ॑, স॒ন্তি॒ ত এ॒ষু] 13

-স্সন্তি॒ ত এ॒ষু লো॒কেষ্বা॑সত আ॒দদা॑না বিমথ্না॒না যো দদা॑তি॒ যো যজ॑তে॒ তস্য়॑ । যে দে॒বা য॑জ্ঞ॒হনঃ॑ পৃথি॒ব্য়ামদ্ধ্য়াস॑তে॒ যে অ॒ন্তরি॑ক্ষে॒ যে দি॒বীত্য়া॑হে॒মানে॒ব লো॒কাগ্​স্তী॒র্ত্বা সগৃ॑হ॒-স্সপ॑শু-স্সুব॒র্গং-লোঁ॒কমে॒ত্যপ॒ বৈ সোমে॑নেজা॒নাদ্দে॒বতা᳚শ্চ য॒জ্ঞশ্চ॑ ক্রামন্ত্য়াগ্নে॒য়-ম্পঞ্চ॑কপালমুদবসা॒নীয়॒-ন্নির্ব॑পেদ॒গ্নি-স্সর্বা॑ দে॒বতাঃ॒ [দে॒বতাঃ᳚, পাঙ্ক্তো॑ য॒জ্ঞো] 14

পাঙ্ক্তো॑ য॒জ্ঞো দে॒বতা᳚শ্চৈ॒ব য॒জ্ঞঞ্চাব॑ রুন্ধেগায়॒ত্রো বা অ॒গ্নির্গা॑য়॒ত্র ছ॑ন্দা॒স্ত-ঞ্ছন্দ॑সা॒ ব্য়॑র্ধযতি॒ য-ত্পঞ্চ॑কপাল-ঙ্ক॒রোত্য়॒ষ্টাক॑পালঃ কা॒র্য়ো᳚-ঽষ্টাক্ষ॑রা গায়॒ত্রী গা॑য়॒ত্রো᳚-ঽগ্নি-র্গা॑য়॒ত্র ছ॑ন্দা॒-স্স্বেনৈ॒বৈন॒-ঞ্ছন্দ॑সা॒ সম॑র্ধযতি প॒ঙ্ক্ত্য়ৌ॑ যাজ্য়ানুবা॒ক্য়ে॑ ভবতঃ॒ পাঙ্ক্তো॑ য॒জ্ঞস্তেনৈ॒ব য॒জ্ঞান্নৈতি॑ ॥ 15 ॥
(স॒বি॒ত॒-র্দে॒বা য॑জ্ঞ॒মুষঃ॒ - সর্বা॑ দে॒বতা॒ - স্ত্রিচ॑ত্বারিগ্​ম্শচ্চ) (অ. 4)

সূর্য়ো॑ মা দে॒বো দে॒বেভ্য়ঃ॑ পাতু বা॒য়ুর॒ন্তরি॑ক্ষা॒-দ্যজ॑মানো॒-ঽগ্নির্মা॑ পাতু॒ চক্ষু॑ষঃ । সক্ষ॒ শূষ॒ সবি॑ত॒র্বিশ্ব॑চর্​ষণ এ॒তেভি॑-স্সোম॒ নাম॑ভির্বিধেম তে॒ তেভি॑-স্সোম॒ নাম॑ভির্বিধেম তে ॥ অ॒হ-ম্প॒রস্তা॑দ॒-হম॒বস্তা॑দ॒হ-ঞ্জ্য়োতি॑ষা॒ বি তমো॑ ববার । যদ॒ন্তরি॑ক্ষ॒-ন্তদু॑ মে পি॒তা-ঽভূ॑দ॒হগ্​ম্ সূর্য়॑মুভ॒যতো॑ দদর্​শা॒হ-ম্ভূ॑য়া সমুত্ত॒ম-স্স॑মা॒নানা॒- [সমুত্ত॒ম-স্স॑মা॒নানা᳚ম্, আ স॑মু॒দ্রা-] 16

-মা স॑মু॒দ্রা-দা-ঽন্তরি॑ক্ষাত্-প্র॒জাপ॑তিরুদ॒ধি-ঞ্চ্য়া॑বয়া॒তীন্দ্রঃ॒ প্রস্নৌ॑তু ম॒রুতো॑ বর্​ষয়॒ন্তূন্ন॑ম্ভয় পৃথি॒বী-ম্ভি॒ন্ধীদ-ন্দি॒ব্য়-ন্নভঃ॑ । উ॒দ্রো দি॒ব্যস্য়॑ নো দে॒হীশা॑নো॒ বিসৃ॑জা॒ দৃতি᳚ম্ ॥ প॒শবো॒ বা এ॒তে যদা॑দি॒ত্য় এ॒ষ রু॒দ্রো যদ॒গ্নিরোষ॑ধীঃ॒ প্রাস্য়া॒গ্নাবা॑দি॒ত্য়-ঞ্জু॑হোতি রু॒দ্রাদে॒ব প॒শূন॒ন্তর্দ॑ধা॒ত্যথো॒ ওষ॑ধীষ্বে॒ব প॒শূ- [প॒শূন্, প্রতি॑ষ্ঠাপযতি] 17

-ন্প্রতি॑ষ্ঠাপযতি ক॒বির্য়॒জ্ঞস্য়॒ বিত॑নোতি॒ পন্থা॒-ন্নাক॑স্য় পৃ॒ষ্ঠে অধি॑ রোচ॒নে দি॒বঃ । যেন॑ হ॒ব্য়ং-বঁহ॑সি॒ যাসি॑ দূ॒ত ই॒তঃ প্রচে॑তা অ॒মুত॒-স্সনী॑য়ান্ ॥ যাস্তে॒ বিশ্বা᳚-স্স॒মিধ॒-স্সন্ত্য়॑গ্নে॒য়াঃ পৃ॑থি॒ব্য়া-ম্ব॒র্॒হিষি॒ সূর্য়ে॒ যাঃ । তাস্তে॑ গচ্ছ॒ন্ত্বাহু॑তি-ঙ্ঘৃ॒তস্য়॑ দেবায়॒তে যজ॑মানায়॒ শর্ম॑ ॥ আ॒শাসা॑ন-স্সু॒বীর্য়গ্​ম্॑ রা॒যস্পোষ॒গ্গ্॒ স্বশ্বি॑যম্ । বৃহ॒স্পতি॑না রা॒য়া স্ব॒গাকৃ॑তো॒ মহ্য়ং॒-য়ঁজ॑মানায় তিষ্ঠ ॥ 18 ॥
(স॒মা॒নানা॒-মোষ॑ধীষ্বে॒ব প॒শূন্ - মহ্য়ং॒-য়ঁজ॑মানা॒ - যৈক॑ঞ্চ) (অ. 5)

স-ন্ত্বা॑ নহ্য়ামি॒ পয়॑সা ঘৃ॒তেন॒ স-ন্ত্বা॑ নহ্য়াম্য়॒প ওষ॑ধীভিঃ । স-ন্ত্বা॑ নহ্য়ামি প্র॒জয়া॒-ঽহম॒দ্য় সা দী᳚ক্ষি॒তা স॑নবো॒ বাজ॑ম॒স্মে ॥ প্রৈতু॒ ব্রহ্ম॑ণ॒স্পত্নী॒ বেদিং॒-বঁর্ণে॑ন সীদতু । অথা॒হম॑নুকা॒মিনী॒ স্বে লো॒কে বি॒শা ই॒হ ॥ সু॒প্র॒জস॑স্ত্বা ব॒য়গ্​ম্ সু॒পত্নী॒রুপ॑ সেদিম । অগ্নে॑ সপত্ন॒দম্ভ॑ন॒মদ॑ব্ধাসো॒ অদা᳚ভ্যম্ ॥ ই॒মং-বিঁষ্য়া॑মি॒ বরু॑ণস্য়॒ পাশং॒- [পাশ᳚ম্, যমব॑দ্ধ্নীত] 19

-ঁযমব॑দ্ধ্নীত সবি॒তা সু॒কেতঃ॑ । ধা॒তুশ্চ॒ যোনৌ॑ সুকৃ॒তস্য়॑ লো॒কে স্য়ো॒ন-ম্মে॑ স॒হ পত্য়া॑ করোমি ॥ প্রেহ্য়ু॒দেহ্য়ৃ॒তস্য়॑ বা॒মীরন্ব॒গ্নিস্তে-ঽগ্র॑-ন্নয়॒ত্বদি॑তি॒র্মদ্ধ্য়॑-ন্দদতাগ্​ম্ রু॒দ্রাব॑সৃষ্টা-ঽসি যু॒বা নাম॒ মা মা॑ হিগ্​ম্সী॒র্বসু॑ভ্য়ো রু॒দ্রেভ্য়॑ আদি॒ত্য়েভ্য়ো॒ বিশ্বে᳚ভ্য়ো বো দে॒বেভ্য়ঃ॑ প॒ন্নেজ॑নীর্গৃহ্ণামি য॒জ্ঞায়॑ বঃ প॒ন্নেজ॑নী-স্সাদয়ামি॒ বিশ্ব॑স্য় তে॒ বিশ্বা॑বতো॒ বৃষ্ণি॑য়াবত॒- [বৃষ্ণি॑য়াবতঃ, তবা᳚গ্নে বা॒মীরনু॑] 20

-স্তবা᳚গ্নে বা॒মীরনু॑ স॒দৃংশি॒ বিশ্বা॒ রেতাগ্​ম্॑সি ধিষী॒য়া-ঽগ॑-ন্দে॒বান্. য॒জ্ঞো নি দে॒বীর্দে॒বেভ্য়ো॑ য॒জ্ঞম॑শিষন্ন॒স্মিন্-থ্সু॑ন্ব॒তি যজ॑মান আ॒শিষ॒-স্স্বাহা॑কৃতা-স্সমুদ্রে॒ষ্ঠা গ॑ন্ধ॒র্বমাতি॑ষ্ঠ॒তানু॑ । বাত॑স্য়॒ পত্ম॑ন্নি॒ড ঈ॑ডি॒তাঃ ॥ 21 ॥
(পাশং॒ - ঁবৃষ্ণি॑য়াবত - স্ত্রি॒গ্​ম্॒শচ্চ॑) (অ. 6)

ব॒ষ॒ট্কা॒রো বৈ গা॑যত্রি॒য়ৈ শিরো᳚-ঽছিন॒-ত্তস্য়ৈ॒ রসঃ॒ পরা॑-ঽপত॒-থ্স পৃ॑থি॒বী-ম্প্রাবি॑শ॒থ্স খ॑দি॒রো॑-ঽভব॒দ্যস্য়॑ খাদি॒র-স্স্রু॒বো ভব॑তি॒ ছন্দ॑সামে॒ব রসে॒নাব॑ দ্যতি॒ সর॑সা অ॒স্য়া-ঽঽহু॑তয়ো ভবন্তি তৃ॒তীয়॑স্য়ামি॒তো দি॒বি সোম॑ আসী॒-ত্ত-ঙ্গায়॒ত্র্য়া-ঽ হ॑র॒-ত্তস্য়॑ প॒র্ণম॑চ্ছিদ্যত॒ ত-ত্প॒র্ণো॑-ঽভব॒-ত্ত-ত্প॒র্ণস্য়॑ পর্ণ॒ত্বং-য়ঁস্য়॑ পর্ণ॒ময়ী॑ জু॒হূ- [জু॒হূঃ, ভব॑তি সৌ॒ম্য়া] 22

-র্ভব॑তি সৌ॒ম্য়া অ॒স্য়া-ঽঽহু॑তয়ো ভবন্তি জু॒ষন্তে᳚-ঽস্য় দে॒বা আহু॑তীর্দে॒বা বৈ ব্রহ্ম॑ন্নবদন্ত॒ ত-ত্প॒র্ণ উপা॑-ঽশৃণো-থ্সু॒শ্রবা॒ বৈ নাম॒ যস্য়॑ পর্ণ॒ময়ী॑ জু॒হূর্ভব॑তি॒ ন পা॒পগ্গ্​ শ্লোকগ্​ম্॑ শৃণোতি॒ ব্রহ্ম॒ বৈ প॒র্ণো বিণ্ম॒রুতো-ঽন্নং॒-বিঁণ্মা॑রু॒তো᳚-ঽশ্ব॒ত্থো যস্য়॑ পর্ণ॒ময়ী॑ জু॒হূর্ভব॒ত্য়া-শ্ব॑ত্-থ্য়ুপ॒ভৃদ্- ব্রহ্ম॑ণৈ॒বান্ন॒মব॑ রু॒ন্ধে-ঽথো॒ ব্রহ্মৈ॒- [রু॒ন্ধে-ঽথো॒ ব্রহ্ম॑, এ॒ব বি॒শ্যদ্ধ্য়ূ॑হতি] 23

-ব বি॒শ্যদ্ধ্য়ূ॑হতি রা॒ষ্ট্রং-বৈঁ প॒র্ণো বিড॑শ্ব॒ত্থো য-ত্প॑র্ণ॒ময়ী॑ জু॒হূর্ভব॒ত্য়া-শ্ব॑ত্থ্য়ুপ॒ভৃ-দ্রা॒ষ্ট্রমে॒ব বি॒শ্যদ্ধ্য়ূ॑হতি প্র॒জাপ॑তি॒র্বা অ॑জুহো॒-থ্সা যত্রা-ঽঽহু॑তিঃ প্র॒ত্যতি॑ষ্ঠ॒-ত্ততো॒ বিক॑ঙ্কত॒ উদ॑তিষ্ঠ॒-ত্ততঃ॑ প্র॒জা অ॑সৃজত॒ যস্য়॒ বৈক॑ঙ্কতী ধ্রু॒বা ভব॑তি॒ প্রত্য়॒বাস্য়া ঽঽহু॑তযস্তিষ্ঠ॒ন্ত্যথো॒ প্রৈব জা॑যত এ॒তদ্বৈ স্রু॒চাগ্​ম্ রূ॒পং-য়ঁস্য়ৈ॒বগ্​ম্ রূ॑পা॒-স্স্রুচো॒ ভব॑ন্তি॒ সর্বা᳚ণ্য়ে॒বৈনগ্​ম্॑ রূ॒পাণি॑ পশূ॒নামুপ॑তিষ্ঠন্তে॒ নাস্য়াপ॑-রূপমা॒ত্মঞ্জা॑যতে ॥ 24 ॥
(জু॒হূ - রথো॒ ব্রহ্ম॑ - স্রু॒চাগ্​ম্ - স॒প্তদ॑শ চ) (অ. 7)

উ॒প॒য়া॒মগৃ॑হীতো-ঽসি প্র॒জাপ॑তয়ে ত্বা॒ জ্য়োতি॑ষ্মতে॒ জ্য়োতি॑ষ্মন্ত-ঙ্গৃহ্ণামি॒ দক্ষা॑য় দক্ষ॒বৃধে॑ রা॒ত-ন্দে॒বেভ্য়ো᳚-ঽগ্নি জি॒হ্বেভ্য়॑স্ত্বর্তা॒য়ুভ্য়॒ ইন্দ্র॑জ্য়েষ্ঠেভ্য়ো॒ বরু॑ণরাজভ্য়ো॒ বাতা॑পিভ্য়ঃ প॒র্জন্য়া᳚ত্মভ্য়ো দি॒বে ত্বা॒-ঽন্তরি॑ক্ষায় ত্বা পৃথি॒ব্য়ৈ ত্বা-ঽপে᳚ন্দ্র দ্বিষ॒তো মনো-ঽপ॒ জিজ্য়া॑সতো জ॒হ্যপ॒ যো নো॑-ঽরাতী॒যতি॒ ত-ঞ্জ॑হি প্রা॒ণায়॑ ত্বা-ঽপা॒নায়॑ ত্বা ব্য়া॒নায়॑ ত্বা স॒তে ত্বা-ঽস॑তে ত্বা॒-ঽদ্ভ্যস্ত্বৌষ॑ধীভ্য়ো॒ বিশ্বে᳚ভ্যস্ত্বা ভূ॒তেভ্য়ো॒ যতঃ॑ প্র॒জা অক্খি॑দ্রা॒ অজা॑যন্ত॒ তস্মৈ᳚ ত্বা প্র॒জাপ॑তয়ে বিভূ॒দাবংনে॒ জ্য়োতি॑ষ্মতে॒ জ্য়োতি॑ষ্মন্ত-ঞ্জুহোমি ॥ 25 ॥
(ওষ॑ধীভ্য়॒ - শ্চতু॑র্দশ চ) (অ. 8)

যাং-বাঁ অ॑দ্ধ্ব॒র্য়ুশ্চ॒ যজ॑মানশ্চ দে॒বতা॑মন্তরি॒তস্তস্য়া॒ আ বৃ॑শ্চ্য়েতে প্রাজাপ॒ত্য়-ন্দ॑ধিগ্র॒হ-ঙ্গৃ॑হ্ণীয়া-ত্প্র॒জাপ॑তি॒-স্সর্বা॑ দে॒বতা॑ দে॒বতা᳚ভ্য় এ॒ব নিহ্নু॑বাতে জ্য়ে॒ষ্ঠো বা এ॒ষ গ্রহা॑ণাং॒-য়ঁস্য়ৈ॒ষ গৃ॒হ্যতে॒ জ্য়ৈষ্ঠ্য়॑মে॒ব গ॑চ্ছতি॒ সর্বা॑সাং॒-বাঁ এ॒তদ্দে॒বতা॑নাগ্​ম্ রূ॒পং-য়ঁদে॒ষ গ্রহো॒ যস্য়ৈ॒ষ গৃ॒হ্যতে॒ সর্বা᳚ণ্য়ে॒বৈনগ্​ম্॑ রূ॒পাণি॑ পশূ॒নামুপ॑তিষ্ঠন্ত উপয়া॒মগৃ॑হীতো- [উপয়া॒মগৃ॑হীতঃ, অ॒সি॒ প্র॒জাপ॑তয়ে] 26

-ঽসি প্র॒জাপ॑তয়ে ত্বা॒ জ্য়োতি॑ষ্মতে॒ জ্য়োতি॑ষ্মন্ত-ঙ্গৃহ্ণা॒মীত্য়া॑হ॒ জ্য়োতি॑রে॒বৈনগ্​ম্॑ সমা॒নানা᳚-ঙ্করোত্যগ্নি-জি॒হ্বেভ্য়॑স্ত্বর্তা॒য়ুভ্য়॒ ইত্য়া॑হৈ॒তাব॑তী॒র্বৈ দে॒বতা॒স্তাভ্য়॑ এ॒বৈন॒গ্​ম্॒ সর্বা᳚ভ্য়ো গৃহ্ণা॒ত্যপে᳚ন্দ্র দ্বিষ॒তো মন॒ ইত্য়া॑হ॒ ভ্রাতৃ॑ব্য়াপনুত্ত্য়ৈ প্রা॒ণায়॑ ত্বা-ঽপা॒নায়॒ ত্বেত্য়া॑হ প্রা॒ণানে॒ব যজ॑মানে দধাতি॒ তস্মৈ᳚ ত্বা প্র॒জাপ॑তয়ে বিভূ॒দাবংনে॒ জ্য়োতি॑ষ্মতে॒ জ্য়োতি॑ষ্মন্ত-ঞ্জুহো॒মী- [জ্য়োতি॑ষ্মন্ত-ঞ্জুহো॒মি, ইত্য়া॑হ প্র॒জাপ॑তি-] 27

-ত্য়া॑হ প্র॒জাপ॑তি॒-স্সর্বা॑ দে॒বতা॒-স্সর্বা᳚ভ্য় এ॒বৈন॑-ন্দে॒বতা᳚ভ্য়ো জুহোত্য়াজ্যগ্র॒হ-ঙ্গৃ॑হ্ণীয়া॒-ত্তেজ॑স্কামস্য়॒ তেজো॒ বা আজ্য়॑-ন্তেজ॒স্ব্য়ে॑ব ভ॑বতি সোমগ্র॒হ-ঙ্গৃ॑হ্ণীয়া-দ্ব্রহ্মবর্চ॒সকা॑মস্য় ব্রহ্মবর্চ॒সং-বৈঁ সোমো᳚ ব্রহ্মবর্চ॒স্য়ে॑ব ভ॑বতি দধিগ্র॒হ-ঙ্গৃ॑হ্ণীয়া-ত্প॒শুকা॑ম॒স্য়োর্গ্বৈ দদ্ধ্য়ূর্-ক্প॒শব॑ ঊ॒র্জৈবাস্মা॒ ঊর্জ॑-ম্প॒শূনব॑ রুন্ধে ॥ 28 ॥
(উ॒প॒য়া॒মগৃ॑হীতো - জুহোমি॒ - ত্রিচ॑ত্বারিগ্​ম্শচ্চ) (অ. 9)

ত্বে ক্রতু॒মপি॑ বৃঞ্জন্তি॒ বিশ্বে॒ দ্বির্যদে॒তে ত্রি-র্ভব॒ন্ত্য়ূমাঃ᳚ । স্বা॒দো-স্স্বাদী॑য়-স্স্বা॒দুনা॑ সৃজা॒ সমত॑ ঊ॒ ষু মধু॒ মধু॑না॒-ঽভি যো॑ধি । উ॒প॒য়া॒মগৃ॑হীতো-ঽসি প্র॒জাপ॑তয়ে ত্বা॒ জুষ্ট॑-ঙ্গৃহ্ণাম্য়ে॒ষ তে॒ যোনিঃ॑ প্র॒জাপ॑তয়ে ত্বা ॥ প্রা॒ণ॒গ্র॒হা-ন্গৃ॑হ্ণাত্য়ে॒তাব॒দ্বা অ॑স্তি॒ যাব॑দে॒তে গ্রহা॒-স্স্তোমা॒শ্ছন্দাগ্​ম্॑সি পৃ॒ষ্ঠানি॒ দিশো॒ যাব॑দে॒বাস্তি॒ ত- [য়াব॑দে॒বাস্তি॒ তত্, অব॑ রুন্ধে] 29

-দব॑ রুন্ধে জ্য়ে॒ষ্ঠা বা এ॒তা-ন্ব্রা᳚হ্ম॒ণাঃ পু॒রা বিদাম॑ক্র॒-ন্তস্মা॒-ত্তেষা॒গ্​ম্॒ সর্বা॒ দিশো॒-ঽভিজি॑তা অভূব॒ন্॒. যস্য়ৈ॒ তে গৃ॒হ্যন্তে॒ জ্য়ৈষ্ঠ্য়॑মে॒ব গ॑চ্ছত্য়॒ভি দিশো॑ জযতি॒ পঞ্চ॑ গৃহ্যন্তে॒ পঞ্চ॒ দিশ॒-স্সর্বা᳚স্বে॒ব দি॒ক্ষ্-বৃ॑দ্ধ্নুবন্তি॒ নব॑নব গৃহ্যন্তে॒ নব॒ বৈ পুরু॑ষে প্রা॒ণাঃ প্রা॒ণানে॒ব যজ॑মানেষু দধতি প্রায়॒ণীয়ে॑ চোদয়॒নীয়ে॑ চ গৃহ্যন্তে প্রা॒ণা বৈ প্রা॑ণগ্র॒হাঃ [প্রা॒ণা বৈ প্রা॑ণগ্র॒হাঃ, প্রা॒ণৈরে॒ব] 30

প্রা॒ণৈরে॒ব প্র॒যন্তি॑ প্রা॒ণৈরুদ্য়॑ন্তি দশ॒মে-ঽহ॑-ন্গৃহ্যন্তে প্রা॒ণা বৈ প্রা॑ণগ্র॒হাঃ প্রা॒ণেভ্য়ঃ॒ খলু॒ বা এ॒ত-ত্প্র॒জা য॑ন্তি॒ যদ্বা॑মদে॒ব্য়ং-য়োঁনে॒শ্চ্যব॑তে দশ॒মে-ঽহ॑ন্. বামদে॒ব্য়ং-য়োঁনে᳚শ্চ্যবতে॒ য-দ্দ॑শ॒মে-ঽহ॑-ন্গৃ॒হ্যন্তে᳚ প্রা॒ণেভ্য়॑ এ॒ব ত-ত্প্র॒জা নয়॑ন্তি । 31
(তত্ - প্রা॑ণগ্র॒হাঃ - স॒প্তবিগ্​ম্॑শচ্চ) (অ. 10)

প্র দে॒বন্দে॒ব্য়া ধি॒য়া ভর॑তা জা॒তবে॑দসম্ । হ॒ব্য়া নো॑ বক্ষদানু॒ষক্ ॥ অ॒যমু॒ ষ্য় প্রদে॑ব॒য়ুর্​হোতা॑ য॒জ্ঞায়॑ নীযতে । রথো॒ ন যোর॒ভীবৃ॑তো॒ ঘৃণী॑বান্ চেততি॒ ত্মনা᳚ ॥ অ॒যম॒গ্নিরু॑রুষ্যত্য়॒মৃতা॑দিব॒ জন্ম॑নঃ । সহ॑সশ্চি॒-থ্সহী॑য়া-ন্দে॒বো জী॒বাত॑বে কৃ॒তঃ ॥ ইডা॑য়াস্ত্বা প॒দে ব॒য়-ন্নাভা॑ পৃথি॒ব্য়া অধি॑ । জাত॑বেদো॒ নি ধী॑ম॒হ্যগ্নে॑ হ॒ব্য়ায়॒ বোঢ॑বে । 32

অগ্নে॒ বিশ্বে॑ভি-স্স্বনীক দে॒বৈরূর্ণা॑বন্ত-ম্প্রথ॒ম-স্সী॑দ॒ যোনি᳚ম্ । কু॒লা॒য়িন॑-ঙ্ঘৃ॒তব॑ন্তগ্​ম্ সবি॒ত্রে য॒জ্ঞ-ন্ন॑য়॒ যজ॑মানায় সা॒ধু ॥ সীদ॑ হোত॒-স্স্ব উ॑ লো॒কে চি॑কি॒ত্বান্​থ্সা॒দয়া॑ য॒জ্ঞগ্​ম্ সু॑কৃ॒তস্য়॒ যোনৌ᳚ । দে॒বা॒বীর্দে॒বান্. হ॒বিষা॑ যজা॒স্যগ্নে॑ বৃ॒হ-দ্যজ॑মানে॒ বয়ো॑ ধাঃ ॥ নি হোতা॑ হোতৃ॒ষদ॑নে॒ বিদা॑নস্ত্বে॒ষো দী॑দি॒বাগ্​ম্ অ॑সদ-থ্সু॒দক্ষঃ॑ । অদ॑ব্ধব্রত-প্রমতি॒র্বসি॑ষ্ঠ-স্সহস্র-ম্ভ॒র-শ্শুচি॑জিহ্বো অ॒গ্নিঃ ॥ ত্ব-ন্দূ॒তস্ত্ব- [ত্ব-ন্দূ॒তস্ত্বম্, উ॒ নঃ॒ প॒র॒স্পাস্ত্বং-বঁস্য়॒ আ] 33

-মু॑ নঃ পর॒স্পাস্ত্বং-বঁস্য়॒ আ বৃ॑ষভ প্রণে॒তা । অগ্নে॑ তো॒কস্য়॑ ন॒স্তনে॑ ত॒নূনা॒মপ্র॑য়ুচ্ছ॒-ন্দীদ্য়॑দ্বোধি গো॒পাঃ ॥ অ॒ভি ত্বা॑ দেব সবিত॒রীশা॑নং॒-বাঁর্য়া॑ণাম্ । সদা॑-ঽব-ন্ভা॒গমী॑মহে ॥ ম॒হী দ্য়ৌঃ পৃ॑থি॒বী চ॑ন ই॒মং-য়ঁ॒জ্ঞ-ম্মি॑মিক্ষতাম্ । পি॒পৃ॒তা-ন্নো॒ ভরী॑মভিঃ ॥ ত্বাম॑গ্নে॒ পুষ্ক॑রা॒দদ্ধ্যথ॑র্বা॒ নির॑মন্থত । মূ॒র্ধ্নো বিশ্ব॑স্য় বা॒ঘতঃ॑ ॥ তমু॑- [তমু॑, ত্বা॒ দ॒দ্ধ্যঙ্ঙৃষিঃ॑] 34

-ত্বা দ॒দ্ধ্যঙ্ঙৃষিঃ॑ পু॒ত্র ঈ॑ধে॒ অথ॑র্বণঃ । বৃ॒ত্র॒হণ॑-ম্পুরন্দ॒রম্ ॥ তমু॑ ত্বা পা॒থ্য়ো বৃষা॒ সমী॑ধে দস্য়ু॒হন্ত॑মম্ । ধ॒ন॒-ঞ্জ॒য়গ্​ম্ রণে॑রণে ॥ উ॒ত ব্রু॑বন্তু জ॒ন্তব॒ উদ॒গ্নির্বৃ॑ত্র॒হা-ঽজ॑নি । ধ॒ন॒-ঞ্জ॒য়ো রণে॑রণে ॥ আ যগ্​ম্ হস্তে॒ ন খা॒দিন॒গ্​ম্॒ শিশু॑-ঞ্জা॒ত-ন্ন বিভ্র॑তি । বি॒শাম॒গ্নিগ্গ্​ স্ব॑দ্ধ্ব॒রম্ ॥ প্রদে॒ব-ন্দে॒ববী॑তয়ে॒ ভর॑তা বসু॒বিত্ত॑মম্ । আস্বে যোনৌ॒ নি ষী॑দতু ॥ আ [ ] 35

জা॒ত-ঞ্জা॒তবে॑দসি প্রি॒য়গ্​ম্ শি॑শী॒তা-ঽতি॑থিম্ । স্য়ো॒ন আ গৃ॒হপ॑তিম্ ॥ অ॒গ্নিনা॒-ঽগ্নি-স্সমি॑দ্ধ্যতে ক॒বির্গৃ॒হপ॑তি॒র্য়ুবা᳚ । হ॒ব্য়॒বা-ড্জু॒হ্বা᳚স্য়ঃ ॥ ত্বগ্গ্​ হ্য়॑গ্নে অ॒গ্নিনা॒ বিপ্রো॒ বিপ্রে॑ণ॒ সন্​থ্স॒তা । সখা॒ সখ্য়া॑ সমি॒দ্ধ্যসে᳚ ॥ ত-ম্ম॑র্জযন্ত সু॒ক্রতু॑-ম্পুরো॒য়াবা॑নমা॒জিষু॑ । স্বেষু॒ ক্ষয়ে॑ষু বা॒জিন᳚ম্ ॥ য॒জ্ঞেন॑ য॒জ্ঞম॑যজন্ত দে॒বাস্তানি॒ ধর্মা॑ণি প্রথ॒মান্য়া॑সন্ন্ । তে হ॒ নাক॑-ম্মহি॒মান॑-স্সচন্তে॒ যত্র॒ পূর্বে॑ সা॒দ্ধ্য়া-স্সন্তি॑ দে॒বাঃ ॥ 36 ॥
(বোঢ॑বে- দূ॒তস্ত্বং - তমু॑ - সীদ॒ত্বা - যত্র॑ - চ॒ত্বারি॑ চ) (অ. 11)

(পূ॒র্ণ - র্​ষ॑য়ো॒ - ঽগ্নিনা॒ - যে দে॒বাঃ - সূর্য়ো॑ মা॒ - সন্ত্বা॑ নহ্য়ামি - বষট্কা॒র-স্স খ॑দি॒র - উ॑পয়া॒মগৃ॑হীতো-ঽসি॒ - যাং-বৈঁ - ত্বে ক্রতুং॒ - প্রদে॒ব - মেকা॑দশ )

(পূ॒র্ণা - স॑হ॒জান্ - তবা᳚-ঽগ্নে - প্রা॒ণৈরে॒ব - ষট্ত্রিগ্​ম্॑শত্)

(পূ॒র্ণা, সন্তি॑ দে॒বাঃ)

॥ হরিঃ॑ ওম্ ॥

(প্র॒জাপ॑তি॒ - যো॑ বা - অগ্নে॒ - বি বৈ - পূ॒র্ণা - পঞ্চ॑) (5)

॥ কৃষ্ণ যজুর্বেদীয় তৈত্তিরীয় সংহিতায়া-ন্তৃতীযকাণ্ডে পঞ্চমঃ প্রশ্ন-স্সমাপ্তঃ ॥