কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থকাণ্ডে চতুর্থঃ প্রশ্নঃ - পঞ্চমচিতিশেষনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

র॒শ্মির॑সি॒ ক্ষয়া॑য় ত্বা॒ ক্ষয়॑-ঞ্জিন্ব॒ প্রেতি॑রসি॒ ধর্মা॑য় ত্বা॒ ধর্ম॑-ঞ্জি॒ন্বান্বি॑তিরসি দি॒বে ত্বা॒ দিব॑-ঞ্জিন্ব স॒ন্ধির॑স্য়॒ন্তরি॑ক্ষায় ত্বা॒-ঽন্তরি॑ক্ষ-ঞ্জিন্ব প্রতি॒ধির॑সি পৃথি॒ব্য়ৈ ত্বা॑ পৃথি॒বী-ঞ্জি॑ন্ব বিষ্ট॒ভোং॑-ঽসি॒ বৃষ্ট্য়ৈ᳚ ত্বা॒ বৃষ্টি॑-ঞ্জিন্ব প্র॒বা-ঽস্যহ্নে॒ ত্বা-ঽহ॑র্জিন্বানু॒ বা-ঽসি॒ রাত্রি॑য়ৈ ত্বা॒ রাত্রি॑-ঞ্জিন্বো॒ শিগ॑সি॒ [রাত্রি॑-ঞ্জিন্বো॒ শিগ॑সি, বসু॑ভ্যস্ত্বা॒] 1

বসু॑ভ্যস্ত্বা॒ বসূ᳚ঞ্জিন্ব প্রকে॒তো॑-ঽসি রু॒দ্রেভ্য়॑স্ত্বা রু॒দ্রাঞ্জি॑ন্ব সুদী॒তির॑স্য়াদি॒ত্য়েভ্য়॑স্ত্বা ঽঽদি॒ত্য়াঞ্জি॒ন্বৌজো॑-ঽসি পি॒তৃভ্য়॑স্ত্বা পি॒তৄঞ্জি॑ন্ব॒ তন্তু॑রসি প্র॒জাভ্য়॑স্ত্বা প্র॒জা জি॑ন্ব পৃতনা॒ষাড॑সি প॒শুভ্য়॑স্ত্বা প॒শূঞ্জি॑ন্ব রে॒বদ॒স্য়োষ॑ধীভ্য়॒-স্ত্বৌষ॑ধী-র্জিন্বাভি॒জিদ॑সি যু॒ক্তগ্রা॒বেন্দ্রা॑য়॒ ত্বেন্দ্র॑-ঞ্জি॒ন্বাধি॑পতিরসি প্রা॒ণায়॑ [প্রা॒ণায়॑, ত্বা॒ প্রা॒ণ-ঞ্জি॑ন্ব] 2

ত্বা প্রা॒ণ-ঞ্জি॑ন্ব য॒ন্তা-ঽস্য়॑পা॒নায়॑ ত্বা-ঽপা॒ন-ঞ্জি॑ন্ব স॒গ্​ম্॒সর্পো॑-ঽসি॒ চক্ষু॑ষে ত্বা॒ চক্ষু॑র্জিন্ব বয়ো॒ধা অ॑সি॒ শ্রোত্রা॑য় ত্বা॒ শ্রোত্র॑-ঞ্জিন্ব ত্রি॒বৃদ॑সি প্র॒বৃদ॑সি সং॒​বৃঁদ॑সি বি॒বৃদ॑সি সগ্​ম্রো॒হো॑-ঽসি নীরো॒হো॑-ঽসি প্ররো॒হো᳚-ঽস্যনুরো॒হো॑-ঽসি বসু॒কো॑-ঽসি॒ বেষ॑শ্রিরসি॒ বস্য়॑ষ্টিরসি ॥ 3 ॥
(উ॒শিগ॑সি - প্রা॒ণায়॒ - ত্রিচ॑ত্বারিগ্​ম্শচ্চ) (অ. 1)

রাজ্ঞ্য়॑সি॒ প্রাচী॒ দিগ্বস॑বস্তে দে॒বা অধি॑পতয়ো॒-ঽগ্নির্​হে॑তী॒না-ম্প্র॑তিধ॒র্তা॑ ত্রি॒বৃ-ত্ত্বা॒ স্তোমঃ॑ পৃথি॒ব্য়াগ্​ শ্র॑য়॒ত্বাজ্য়॑-মু॒ক্থমব্য়॑থয়-থ্স্তভ্নাতু রথন্ত॒রগ্​ম্ সাম॒ প্রতি॑ষ্ঠিত্য়ৈ বি॒রাড॑সি দক্ষি॒ণা দিগ্রু॒দ্রাস্তে॑ দে॒বা অধি॑পতয়॒ ইন্দ্রো॑ হেতী॒না-ম্প্র॑তিধ॒র্তা প॑ঞ্চদ॒শস্ত্বা॒ স্তোমঃ॑ পৃথি॒ব্য়াগ্​ শ্র॑যতু॒ প্র-উ॑গমু॒ক্থ-মব্য়॑থয়-থ্স্তভ্নাতু বৃ॒হ-থ্সাম॒ প্রতি॑ষ্ঠিত্য়ৈ স॒ম্রাড॑সি প্র॒তীচী॒ দি- [দিক্, আ॒দি॒ত্য়াস্তে॑] 4

-গা॑দি॒ত্য়াস্তে॑ দে॒বা অধি॑পতয়॒-স্সোমো॑ হেতী॒না-ম্প্র॑তিধ॒র্তা স॑প্তদ॒শস্ত্বা॒ স্তোমঃ॑ পৃথি॒ব্য়াগ্​ শ্র॑যতু মরুত্ব॒তীয়॑মু॒ক্থ-মব্য়॑থয়-থ্স্তভ্নাতু বৈরূ॒পগ্​ম্ সাম॒ প্রতি॑ষ্ঠিত্য়ায়ৈ স্ব॒রাড॒স্য়ুদী॑চী॒ দিগ্ বিশ্বে॑ তে দে॒বা অধি॑পতয়ো॒ বরু॑ণো হেতী॒না-ম্প্র॑তিধ॒র্তৈক॑বি॒গ্​ম্॒শ স্ত্বা॒ স্তোমঃ॑ পৃথি॒ব্য়াগ্​ শ্র॑যতু॒ নিষ্কে॑বল্য়-মু॒ক্থমব্য়॑থয়-থ্স্তভ্নাতু বৈরা॒জগ্​ম্ সাম॒ প্রতি॑ষ্ঠিত্য়া॒ অধি॑পত্ন্যসি বৃহ॒তী দিম্ম॒রুত॑স্তে দে॒বা অধি॑পতয়ো॒ [অধি॑পতয়ঃ, বৃহ॒স্পতি॑র্​হেতী॒-] 5

বৃহ॒স্পতি॑র্​হেতী॒না-ম্প্র॑তিধ॒র্তা ত্রি॑ণবত্রযস্ত্রি॒গ্​ম্॒শৌ ত্বা॒ স্তোমৌ॑ পৃথি॒ব্য়াগ্​ শ্র॑যতাং-বৈঁশ্বদেবাগ্নিমারু॒তে উ॒ক্থে অব্য়॑থযন্তী স্তভ্নীতাগ্​ম্ শাক্বররৈব॒তে সাম॑নী॒ প্রতি॑ষ্ঠিত্য়া অ॒ন্তরি॑ক্ষা॒যর্​ষ॑যস্ত্বা প্রথম॒জা দে॒বেষু॑ দি॒বো মাত্র॑য়া বরি॒ণা প্র॑থন্তু বিধ॒র্তা চা॒যমধি॑পতিশ্চ॒ তে ত্বা॒ সর্বে॑ সং​বিঁদা॒না নাক॑স্য় পৃ॒ষ্ঠে সু॑ব॒র্গে লো॒কে যজ॑মান-ঞ্চ সাদযন্তু ॥ 6 ॥
(প্র॒তীচী॒ দিং - ম॒রুত॑স্তে দে॒বা অধি॑পতয় - শ্চত্বারি॒গ্​ম্॒শচ্চ॑) (অ. 2)

অ॒য়-ম্পু॒রো হরি॑কেশ॒-স্সূর্য়॑রশ্মি॒স্তস্য়॑ রথগৃ॒থ্সশ্চ॒ রথৌ॑জাশ্চ সেনানি গ্রাম॒ণ্য়ৌ॑ পুঞ্জিকস্থ॒লা চ॑ কৃতস্থ॒লা চা᳚ফ্স॒রসৌ॑ যাতু॒ধানা॑ হে॒তী রক্ষাগ্​ম্॑সি॒ প্রহে॑তি র॒য়-ন্দ॑ক্ষি॒ণা বি॒শ্ব ক॑র্মা॒ তস্য়॑ রথস্ব॒নশ্চ॒ রথে॑চিত্রশ্চ সেনানি গ্রাম॒ণ্য়ৌ॑ মেন॒কা চ॑ সহজ॒ন্য়া চা᳚ফ্স॒রসৌ॑ দং॒ণবঃ॑ প॒শবো॑ হে॒তিঃ পৌরু॑ষেয়ো ব॒ধঃ প্রহে॑তি র॒য়-ম্প॒শ্চা-দ্বি॒শ্বব্য়॑চা॒ স্তস্য়॒ রথ॑ প্রোত॒শ্চা-স॑মরথশ্চ সেনানি গ্রাম॒ণ্য়ৌ᳚ প্র॒ম্লোচ॑ন্তী চা- [প্র॒ম্লোচ॑ন্তী চ, অ॒নু॒ম্লোচ॑ন্তী-] 7

-ঽনু॒ম্লোচ॑ন্তী-চাফ্স॒রসৌ॑ স॒র্পা হে॒তি র্ব্য়া॒ঘ্রাঃ প্রহে॑তি র॒য় মু॑ত্ত॒রা-থ্সং॒​য়ঁঁদ্- ব॑সু॒স্তস্য়॑ সেন॒জিচ্চ॑ সু॒ষেণ॑শ্চ সেনানি গ্রাম॒ণ্য়ৌ॑ বি॒শ্বাচী॑ চ ঘৃ॒তাচী॑ চাফ্স॒রসা॒ বাপো॑ হে॒তি র্বাতঃ॒ প্রহে॑তি র॒যমু॒পর্য়॒ র্বাগ্ব॑-সু॒স্তস্য়॒ তার্ক্ষ্য়॒-শ্চারি॑ষ্ট-নেমিশ্চ সেনানি গ্রাম॒ণ্য়া॑ বু॒র্বশী॑ চ পূ॒র্বচি॑ত্তিশ্চা-ফ্স॒রসৌ॑ বি॒দ্য়ুদ্ধে॒তির॑-ব॒স্ফূর্জ॒-ন্প্রহে॑তি॒ স্তেভ্য়ো॒ নম॒স্তে নো॑ মৃডযন্তু॒ তে য- [তে যম্, দ্বি॒ষ্মো] 8

-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধাম্য়া॒য়োস্ত্বা॒ সদ॑নে সাদয়া॒ম্যব॑ত শ্ছা॒য়ায়া॒-ন্নম॑-স্সমু॒দ্রায়॒ নম॑-স্সমু॒দ্রস্য়॒ চক্ষ॑সে পরমে॒ষ্ঠী ত্বা॑ সাদযতু দি॒বঃ পৃ॒ষ্ঠে ব্যচ॑স্বতী॒-ম্প্রথ॑স্বতীং-বিঁ॒ভূম॑তী-ম্প্র॒ভূম॑তী-ম্পরি॒ভূম॑তী॒-ন্দিবং॑-য়ঁচ্ছ॒ দিব॑-ন্দৃগ্​ম্হ॒ দিব॒-ম্মা হিগ্​ম্॑সী॒র্বিশ্ব॑স্মৈ প্রা॒ণায়া॑পা॒নায়॑ ব্য়া॒নায়ো॑দা॒নায়॑ প্রতি॒ষ্ঠায়ৈ॑ চ॒রিত্রা॑য়॒ সূর্য়॑স্ত্বা॒-ঽভি পা॑তু ম॒হ্য়া স্ব॒স্ত্য়া ছ॒র্দিষা॒ শন্ত॑মেন॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ ॥ প্রোথ॒দশ্বো॒ ন যব॑সে অবি॒ষ্যন্. য॒দা ম॒হ-স্স॒ঁবর॑ণা॒-দ্ব্যস্থা᳚ত্ । আদ॑স্য়॒ বাতো॒ অনু॑ বাতি শো॒চিরধ॑ স্ম তে॒ ব্রজ॑ন-ঙ্কৃ॒ষ্ণম॑স্তি ॥ 9 ॥
(প্র॒ম্লোচ॑ন্তী চ॒ - যগ্গ্​ - স্ব॒স্ত্য়া - ঽষ্টাবিগ্​ম্॑শতিশ্চ) (অ. 3)

অ॒গ্নির্মূ॒র্ধা দি॒বঃ ক॒কু-ত্পতিঃ॑ পৃথি॒ব্য়া অ॒যম্ । অ॒পাগ্​ম্ রেতাগ্​ম্॑সি জিন্বতি ॥ ত্বাম॑গ্নে॒ পুষ্ক॑রা॒দদ্ধ্যথ॑র্বা॒ নির॑মন্থত । মূ॒র্ধ্নো বিশ্ব॑স্য় বা॒ঘতঃ॑ ॥ অ॒যম॒গ্নি-স্স॑হ॒স্রিণো॒ বাজ॑স্য় শ॒তিন॒স্পতিঃ॑ । মূ॒র্ধা ক॒বী র॑য়ী॒ণাম্ ॥ ভুবো॑ য॒জ্ঞস্য়॒ রজ॑সশ্চ নে॒তা যত্রা॑ নি॒য়ুদ্ভি॒-স্সচ॑সে শি॒বাভিঃ॑ । দি॒বি মূ॒র্ধান॑-ন্দধিষে সুব॒র্॒ষা-ঞ্জি॒হ্বাম॑গ্নে চকৃষে হব্য়॒বাহ᳚ম্ ॥ অবো᳚দ্ধ্য়॒গ্নি-স্স॒মিধা॒ জনা॑না॒- [জনা॑নাম্, প্রতি॑] 10

-ম্প্রতি॑ ধে॒নুমি॑বা য॒তীমু॒ষাস᳚ম্ । য॒হ্বা ই॑ব॒ প্রব॒য়া মু॒জ্জিহা॑নাঃ॒ প্র ভা॒নব॑-স্সিস্রতে॒ নাক॒মচ্ছ॑ ॥ অবো॑চাম ক॒বয়ে॒ মেদ্ধ্য়া॑য়॒ বচো॑ ব॒ন্দারু॑ বৃষ॒ভায়॒ বৃষ্ণে᳚ । গবি॑ষ্ঠিরো॒ নম॑সা॒ স্তোম॑ম॒গ্নৌ দি॒বীব॑ রু॒ক্মমু॒র্ব্যঞ্চ॑মশ্রেত্ ॥ জন॑স্য় গো॒পা অ॑জনিষ্ট॒ জাগৃ॑বির॒গ্নি-স্সু॒দক্ষ॑-স্সুবি॒তায়॒ নব্য়॑সে । ঘৃ॒তপ্র॑তীকো বৃহ॒তা দি॑বি॒স্পৃশা᳚ দ্য়ু॒মদ্বি ভা॑তি ভর॒তেভ্য়॒-শ্শুচিঃ॑ ॥ ত্বাম॑গ্নে॒ অঙ্গি॑রসো॒ [অঙ্গি॑রসঃ, গুহা॑ হি॒তমন্ব॑-] 11

গুহা॑ হি॒তমন্ব॑-বিন্দঞ্ছিশ্রিয়া॒ণং-বঁনে॑বনে । স জা॑যসে ম॒থ্যমা॑ন॒-স্সহো॑ ম॒হ-ত্ত্বামা॑হু॒-স্সহ॑সস্পু॒ত্রম॑ঙ্গিরঃ ॥ য॒জ্ঞস্য়॑ কে॒তু-ম্প্র॑থ॒ম-ম্পু॒রোহি॑তম॒গ্নি-ন্নর॑স্ত্রিষধ॒স্থে সমি॑ন্ধতে । ইন্দ্রে॑ণ দে॒বৈ-স্স॒রথ॒গ্​ম্॒ স ব॒র্॒হিষি॒ সীদ॒ন্নি হোতা॑ য॒জথা॑য় সু॒ক্রতুঃ॑ ॥ ত্বা-ঞ্চি॑ত্রশ্রবস্তম॒ হব॑ন্তে বি॒ক্ষু জ॒ন্তবঃ॑ । শো॒চিষ্কে॑শ-ম্পুরুপ্রি॒য়াগ্নে॑ হ॒ব্য়ায়॒ বোঢ॑বে ॥ সখা॑য়॒-স্সং​বঁ॑-স্স॒ম্যঞ্চ॒-মিষ॒গ্গ্॒- [-মিষ᳚ম্, স্তোম॑-ঞ্চা॒গ্নয়ে᳚ ।] 12

-স্তোম॑-ঞ্চা॒গ্নয়ে᳚ । বর্​ষি॑ষ্ঠায় ক্ষিতী॒নামূ॒র্জো নপ্ত্রে॒ সহ॑স্বতে ॥ সগ্​ম্স॒মিদ্য়ু॑বসে বৃষ॒ন্নগ্নে॒ বিশ্বা᳚ন্য়॒র্য় আ । ই॒ডস্প॒দে সমি॑দ্ধ্যসে॒ স নো॒ বসূ॒ন্য়া ভ॑র ॥ এ॒না বো॑ অ॒গ্নি-ন্নম॑সো॒র্জো নপা॑ত॒মা হু॑বে । প্রি॒য়-ঞ্চেতি॑ষ্ঠমর॒তিগ্গ্​ স্ব॑দ্ধ্ব॒রং-বিঁশ্ব॑স্য় দূ॒তম॒মৃত᳚ম্ ॥ স যো॑জতে অরু॒ষো বি॒শ্বভো॑জসা॒ স দু॑দ্রব॒-থ্স্বা॑হুতঃ । সু॒ব্রহ্মা॑ য॒জ্ঞ-স্সু॒শমী॒ [য়॒জ্ঞ-স্সু॒শমী᳚, বসূ॑না-] 13

বসূ॑না-ন্দে॒বগ্​ম্ রাধো॒ জনা॑নাম্ ॥ উদ॑স্য় শো॒চির॑স্থাদা॒-জুহ্বা॑নস্য় মী॒ঢুষঃ॑ । উদ্ধ॒মাসো॑ অরু॒ষাসো॑ দিবি॒স্পৃশ॒-স্সম॒গ্নিমি॑ন্ধতে॒ নরঃ॑ ॥ অগ্নে॒ বাজ॑স্য়॒ গোম॑ত॒ ঈশা॑ন-স্সহসো যহো । অ॒স্মে ধে॑হি জাতবেদো॒ মহি॒ শ্রবঃ॑ ॥ স ই॑ধা॒নো বসু॑ষ্ক॒বি-র॒গ্নিরী॒ডেন্য়ো॑ গি॒রা । রে॒বদ॒স্মভ্য়॑-ম্পুর্বণীক দীদিহি ॥ ক্ষ॒পো রা॑জন্নু॒ত ত্মনা-ঽগ্নে॒ বস্তো॑রু॒তোষসঃ॑ । স তি॑গ্মজম্ভ [ ] 14

র॒ক্ষসো॑ দহ॒ প্রতি॑ ॥ আ তে॑ অগ্ন ইধীমহি দ্য়ু॒মন্ত॑-ন্দেবা॒জর᳚ম্ । যদ্ধ॒ স্য়া তে॒ পনী॑যসী স॒মি-দ্দী॒দয়॑তি॒ দ্যবীষগ্গ্॑ স্তো॒তৃভ্য়॒ আ ভ॑র ॥ আ তে॑ অগ্ন ঋ॒চা হ॒বি-শ্শু॒ক্রস্য়॑ জ্য়োতিষস্পতে । সুশ্চ॑ন্দ্র॒ দস্ম॒ বিশ্প॑তে॒ হব্য়॑বা॒-ট্তুভ্য়গ্​ম্॑ হূযত॒ ইষগ্গ্॑ স্তো॒তৃভ্য়॒ আ ভ॑র ॥ উ॒ভে সু॑শ্চন্দ্র স॒র্পিষো॒ দর্বী᳚ শ্রীণীষ আ॒সনি॑ । উ॒তো ন॒ উ-ত্পু॑পূর্য়া [উ-ত্পু॑পূর্য়াঃ, উ॒ক্থেষু॑] 15

উ॒ক্থেষু॑ শবসস্পত॒ ইষগ্গ্॑ স্তো॒তৃভ্য়॒ আ ভ॑র ॥ অগ্নে॒ তম॒দ্য়াশ্ব॒-ন্ন স্তোমৈঃ॒ ক্রতু॒-ন্ন ভ॒দ্রগ্​ম্ হৃ॑দি॒স্পৃশ᳚ম্ । ঋ॒দ্ধ্য়ামা॑ ত॒ ওহৈঃ᳚ ॥ অধা॒ হ্য়॑গ্নে॒ ক্রতো᳚র্ভ॒দ্রস্য়॒ দক্ষ॑স্য় সা॒ধোঃ । র॒থীর্-ঋ॒তস্য়॑ বৃহ॒তো ব॒ভূথ॑ ॥ আ॒ভিষ্টে॑ অ॒দ্য় গী॒র্ভির্গৃ॒ণন্তো-ঽগ্নে॒ দাশে॑ম । প্র তে॑ দি॒বো ন স্ত॑নযন্তি॒ শুষ্মাঃ᳚ ॥ এ॒ভির্নো॑ অ॒র্কৈর্ভবা॑ নো অ॒র্বা- [অ॒র্বাঙ্, সুব॒র্ন জ্য়োতিঃ॑ ।] 16

-ঙ্খ্সুব॒র্ন জ্য়োতিঃ॑ । অগ্নে॒ বিশ্বে॑ভি-স্সু॒মনা॒ অনী॑কৈঃ ॥ অ॒গ্নিগ্​ম্ হোতা॑র-ম্মন্য়ে॒ দাস্ব॑ন্তং॒-বঁসো᳚-স্সূ॒নুগ্​ম্ সহ॑সো জা॒তবে॑দসম্ । বিপ্র॒-ন্ন জা॒তবে॑দসম্ । য ঊ॒র্ধ্বয়া᳚ স্বদ্ধ্ব॒রো দে॒বো দে॒বাচ্য়া॑ কৃ॒পা । ঘৃ॒তস্য়॒ বিভ্রা᳚ষ্টি॒মনু॑ শু॒ক্রশো॑চিষ আ॒জুহ্বা॑নস্য় স॒র্পিষঃ॑ ॥ অগ্নে॒ ত্ব-ন্নো॒ অন্ত॑মঃ । উ॒ত ত্রা॒তা শি॒বো ভ॑ব বরূ॒থ্য়ঃ॑ ॥ ত-ন্ত্বা॑ শোচিষ্ঠ দীদিবঃ । সু॒ম্নায়॑ নূ॒নমী॑মহে॒ সখি॑ভ্য়ঃ ॥ বসু॑র॒গ্নির্বসু॑শ্রবাঃ । অচ্ছা॑ নক্ষি দ্য়ু॒মত্ত॑মো র॒য়ি-ন্দাঃ᳚ ॥ 17 ॥
(জনা॑না॒ - মঙ্গি॑রস॒ - ইষগ্​ম্॑ - সু॒শমী॑ - তিগ্মজম্ভ - পুপূর্য়া - অ॒র্বাং - বসু॑শ্রবাঃ॒ - পঞ্চ॑ চ) (অ. 4)

ই॒ন্দ্রা॒গ্নিভ্য়া᳚-ন্ত্বা স॒য়ুজা॑ যু॒জা যু॑নজ্ম্য়া ঘা॒রাভ্য়া॒-ন্তেজ॑সা॒ বর্চ॑সো॒ ক্থেভি॒-স্স্তোমে॑ভি॒ শ্ছন্দো॑ভী র॒য়্য়ৈ পোষা॑য় সজা॒তানা᳚-ম্মদ্ধ্যম॒স্থেয়া॑য়॒ ময়া᳚ ত্বা স॒য়ুজা॑ যু॒জা যু॑নজ্ম্য়॒বা-ন্দু॒লা নি॑ত॒ত্নি র॒ভ্রয়॑ন্তী মে॒ঘয়॑ন্তী ব॒র্॒ষয়॑ন্তী চুপু॒ণীকা॒ নামা॑সি প্র॒জাপ॑তিনা ত্বা॒ বিশ্বা॑ভির্ধী॒ভিরুপ॑ দধামি পৃথি॒ব্য়ু॑দপু॒রমন্নে॑ন বি॒ষ্টা ম॑নু॒ষ্য়া᳚স্তে গো॒প্তারো॒ ঽগ্নির্বিয়॑ত্তো-ঽস্য়া॒-ন্তাম॒হ-ম্প্র॑ পদ্য়ে॒ সা [ ] 18

মে॒ শর্ম॑ চ॒ বর্ম॑ চা॒স্ত্বধি॑ দ্য়ৌর॒ন্তরি॑ক্ষ॒-ম্ব্রহ্ম॑ণা বি॒ষ্টা ম॒রুত॑স্তে গো॒প্তারো॑ বা॒য়ুর্বিয়॑ত্তো-ঽস্য়া॒-ন্তাম॒হ-ম্প্র প॑দ্য়ে॒ সা মে॒ শর্ম॑ চ॒ বর্ম॑ চাস্তু॒ দ্য়ৌরপ॑রাজিতা॒-ঽমৃতে॑ন বি॒ষ্টা-ঽঽদি॒ত্য়াস্তে॑ গো॒প্তার॒-স্সূর্য়ো॒ বিয়॑ত্তো-ঽস্য়া॒-ন্তাম॒হ-ম্প্র প॑দ্য়ে॒ সা মে॒ শর্ম॑ চ॒ বর্ম॑ চাস্তু ॥ 19 ॥
(সা - ঽষ্টাচ॑ত্বারিগ্​ম্শচ্চ) (অ. 5)

বৃহ॒স্পতি॑স্ত্বা সাদযতু পৃথি॒ব্য়াঃ পৃ॒ষ্ঠে জ্য়োতি॑ষ্মতীং॒-বিঁশ্ব॑স্মৈ প্রা॒ণায়া॑পা॒নায়॒ বিশ্ব॒-ঞ্জ্য়োতি॑র্যচ্ছা॒- গ্নিস্তে-ঽধি॑পতি র্বি॒শ্বক॑র্মা ত্বা সাদযত্ব॒ন্তরি॑ক্ষস্য় পৃ॒ষ্ঠে জ্য়োতি॑ষ্মতীং॒-বিঁশ্ব॑স্মৈ প্রা॒ণায়া॑পা॒নায়॒ বিশ্ব॒-ঞ্জ্য়োতি॑র্যচ্ছ বা॒য়ুস্তে-ঽধি॑পতিঃ প্র॒জাপ॑তিস্ত্বা সাদযতু দি॒বঃ পৃ॒ষ্ঠে জ্য়োতি॑ষ্মতীং॒-বিঁশ্ব॑স্মৈ প্রা॒ণায়া॑পা॒নায়॒ বিশ্ব॒-ঞ্জ্য়োতি॑র্যচ্ছ পরমে॒ষ্ঠী তে-ঽধি॑পতিঃ পুরোবাত॒সনি॑রস্য় ভ্র॒সনি॑রসি বিদ্য়ু॒থ্সনি॑- [বিদ্য়ু॒থ্সনিঃ॑, অ॒সি॒ স্ত॒ন॒য়ি॒ত্নু॒সনি॑রসি] 20

-রসি স্তনয়িত্নু॒সনি॑রসি বৃষ্টি॒সনি॑রস্য়॒-গ্নের্য়ান্য়॑সি দে॒বানা॑মগ্নে॒ যান্য়॑সি বা॒য়োর্য়ান্য়॑সি দে॒বানাং᳚-বাঁয়ো॒য়ান্য়॑স্য়॒ন্তরি॑ক্ষস্য়॒ যান্য়॑সি দে॒বানা॑- মন্তরিক্ষ॒য়ান্য়॑স্য়॒-ন্তরি॑ক্ষমস্য়॒ন্তরি॑ক্ষায় ত্বা সলি॒লায়॑ ত্বা॒ সর্ণী॑কায় ত্বা॒ সতী॑কায় ত্বা॒ কেতা॑য় ত্বা॒ প্রচে॑তসে ত্বা॒ বিব॑স্বতে ত্বা দি॒বস্ত্বা॒ জ্য়োতি॑ষ আদি॒ত্য়েভ্য়॑স্ত্ব॒র্চে ত্বা॑ রু॒চে ত্বা᳚ দ্য়ু॒তে ত্বা॑ ভা॒সে ত্বা॒ জ্য়োতি॑ষে ত্বা যশো॒দা-ন্ত্বা॒ যশ॑সি তেজো॒দা-ন্ত্বা॒ তেজ॑সি পয়ো॒দা-ন্ত্বা॒ পয়॑সি বর্চো॒দা-ন্ত্বা॒ বর্চ॑সি দ্রবিণো॒দা-ন্ত্বা॒ দ্রবি॑ণে সাদয়ামি॒ তেনর্​ষি॑ণা॒ তেন॒ ব্রহ্ম॑ণা॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ ॥ 21 ॥
(বি॒দ্য়ু॒থ্সনি॑ - র্দ্য়ু॒তে ত্বৈ - কা॒ন্ন ত্রি॒গ্​ম্॒শচ্চ॑) (অ. 6)

ভূ॒য়॒স্কৃদ॑সি বরিব॒স্কৃদ॑সি॒ প্রাচ্য়॑স্য়ূ॒র্ধ্বা-ঽস্য়॑-ন্তরিক্ষ॒সদ॑স্য়॒-ন্তরি॑ক্ষে সীদা-ফ্সু॒ষদ॑সি শ্য়েন॒সদ॑সি গৃদ্ধ্র॒সদ॑সি সুপর্ণ॒সদ॑সি নাক॒সদ॑সি পৃথি॒ব্য়াস্ত্বা॒ দ্রবি॑ণে সাদয়াম্য়॒-ন্তরি॑ক্ষস্য় ত্বা॒ দ্রবি॑ণে সাদয়ামি দি॒বস্ত্বা॒ দ্রবি॑ণে সাদয়ামি দি॒শা-ন্ত্বা॒ দ্রবি॑ণে সাদয়ামি দ্রবিণো॒দা-ন্ত্বা॒ দ্রবি॑ণে সাদয়ামি প্রা॒ণ-ম্মে॑ পাহ্য়-পা॒ন-ম্মে॑ পাহি ব্য়া॒ন-ম্মে॑ [ব্য়া॒ন-ম্মে᳚, পা॒হ্য়ায়ু॑র্মে পাহি] 22

পা॒হ্য়ায়ু॑র্মে পাহি বি॒শ্বায়ু॑র্মে পাহি স॒র্বায়ু॑র্মে পা॒হ্যগ্নে॒ য-ত্তে॒ পর॒গ্​ম্॒ হৃন্নাম॒ তাবেহি॒ সগ্​ম্ র॑ভাবহৈ॒ পাঞ্চ॑ জন্য়ে॒ষ্ব-প্য়ে᳚দ্ধ্যগ্নে॒ যাবা॒ অয়া॑বা॒ এবা॒ ঊমা॒-স্সব্দ॒-স্সগ॑র-স্সু॒মেকঃ॑ ॥ 23 ॥
(ব্য়া॒ন-ম্মে॒-দ্বাত্রিগ্​ম্॑শচ্চ) (অ. 7)

অ॒গ্নিনা॑ বিশ্বা॒ষাট্ সূর্য়ে॑ণ স্ব॒রা-ট্ক্রত্বা॒ শচী॒পতি॑র্-ঋষ॒ভেণ॒ ত্বষ্টা॑ য॒জ্ঞেন॑ ম॒ঘবা॒-ন্দক্ষি॑ণয়া সুব॒র্গো ম॒ন্য়ুনা॑ বৃত্র॒হা সৌহা᳚র্দ্য়েন তনূ॒ধা অন্নে॑ন॒ গয়ঃ॑ পৃথি॒ব্য়া-ঽস॑নো দৃ॒গ্ভির॑ন্না॒দো ব॑ষট্কা॒রেণ॒র্ধ-স্সাম্না॑ তনূ॒পা বি॒রাজা॒ জ্য়োতি॑ষ্মা॒-ন্ব্রহ্ম॑ণা সোম॒পা গোভি॑র্য়॒জ্ঞ-ন্দা॑ধার ক্ষ॒ত্রেণ॑ মনু॒ষ্য়া॑-নশ্বে॑ন চ॒ রথে॑ন চ ব॒জ্র্য়ৃ॑তুভিঃ॑ প্র॒ভু-স্সং॑​বঁথ্স॒রেণ॑ পরি॒ভূ স্তপ॒সা-ঽনা॑ধৃষ্ট॒-স্সূর্য়॒-স্স-ন্ত॒নূভিঃ॑ ॥ 24 ॥
(অ॒গ্নি - রৈকা॒ন্ন প॑ঞ্চা॒শত্) (অ. 8)

প্র॒জাপ॑তি॒র্মন॒সা ঽন্ধো-ঽচ্ছে॑তো ধা॒তা দী॒ক্ষায়াগ্​ম্॑ সবি॒তা ভৃ॒ত্য়া-ম্পূ॒ষা সো॑ম॒ক্রয়॑ণ্য়াং॒-বঁরু॑ণ॒ উপ॑ন॒দ্ধো ঽসু॑রঃ ক্রী॒যমা॑ণো মি॒ত্রঃ ক্রী॒ত-শ্শি॑পিবি॒ষ্ট আসা॑দিতো ন॒রন্ধি॑ষঃ প্রো॒হ্যমা॒ণো ঽধি॑পতি॒রাগ॑তঃ প্র॒জাপ॑তিঃ প্রণী॒যমা॑নো॒ ঽগ্নিরাগ্নী᳚দ্ধ্রে॒ বৃহ॒স্পতি॒রাগ্নী᳚দ্ধ্রা-ত্প্রণী॒যমা॑ন॒ ইন্দ্রো॑ হবি॒র্ধানে ঽদি॑তি॒রাসা॑দিতো॒ বিষ্ণু॑রুপাবহ্রি॒যমা॒ণো ঽথ॒র্বোপো᳚ত্তো য॒মো॑-ঽভিষু॑তো ঽপূত॒পা আ॑ধূ॒যমা॑নো বা॒য়ুঃ পূ॒যমা॑নো মি॒ত্রঃ, ক্ষী॑র॒শ্রীর্ম॒ন্থী স॑ক্তু॒শ্রীর্বৈ᳚শ্বদে॒ব উন্নী॑তো রু॒দ্র আহু॑তো বা॒য়ুরাবৃ॑ত্তো নৃ॒চক্ষাঃ॒ প্রতি॑খ্য়াতো ভ॒ক্ষ আগ॑তঃ পিতৃ॒ণা-ন্না॑রাশ॒গ্​ম্॒সো ঽসু॒রাত্ত॒-স্সিন্ধু॑র-বভৃ॒থম॑বপ্র॒যন্-থ্স॑মু॒দ্রো ঽব॑গত-স্সলি॒লঃ প্রপ্লু॑ত॒-স্সুব॑রু॒দৃচ॑-ঙ্গ॒তঃ ॥ 25 ॥
(রু॒দ্র - এক॑বিগ্​ম্শতিশ্চ) (অ. 9)

কৃত্তি॑কা॒ নক্ষ॑ত্র-ম॒গ্নির্দে॒বতা॒-ঽগ্নে রুচ॑-স্স্থ প্র॒জাপ॑তের্ধা॒তু-স্সোম॑স্য়॒র্চে ত্বা॑ রু॒চে ত্বা᳚ দ্য়ু॒তে ত্বা॑ ভা॒সে ত্বা॒ জ্য়োতি॑ষে ত্বা রোহি॒ণী নক্ষ॑ত্র-ম্প্র॒জাপ॑তির্দে॒বতা॑ মৃগশী॒র্॒ষ॑-ন্নক্ষ॑ত্র॒গ্​ম্॒ সোমো॑ দে॒বতা॒ ঽঽর্দ্রা নক্ষ॑ত্রগ্​ম্ রু॒দ্রো দে॒বতা॒ পুন॑র্বসূ॒ নক্ষ॑ত্র॒মদি॑তির্দে॒বতা॑- তি॒ষ্য়ো॑ নক্ষ॑ত্র॒-ম্বৃহ॒স্পতি॑র্দে॒বতা᳚ ঽঽশ্রে॒ষা নক্ষ॑ত্রগ্​ম্ স॒র্পা দে॒বতা॑ ম॒ঘা নক্ষ॑ত্র-ম্পি॒তরো॑ দে॒বতা॒ ফল্গু॑নী॒ নক্ষ॑ত্র- [নক্ষ॑ত্রম্, অ॒র্য়॒মা] 26

-মর্য়॒মা দে॒বতা॒ ফল্গু॑নী॒ নক্ষ॑ত্র॒-ম্ভগো॑ দে॒বতা॒ হস্তো॒ নক্ষ॑ত্রগ্​ম্ সবি॒তা দে॒বতা॑ চি॒ত্রা নক্ষ॑ত্র॒মিন্দ্রো॑ দে॒বতা᳚ স্বা॒তী নক্ষ॑ত্রং-বাঁ॒য়ুর্দে॒বতা॒ বিশা॑খে॒ নক্ষ॑ত্রমিন্দ্রা॒গ্নী দে॒বতা॑ ঽনূরা॒ধা নক্ষ॑ত্র-ম্মি॒ত্রো দে॒বতা॑ রোহি॒ণী নক্ষ॑ত্র॒মিন্দ্রো॑ দে॒বতা॑ বি॒চৃতৌ॒ নক্ষ॑ত্র-ম্পি॒তরো॑ দে॒বতা॑ ঽষা॒ঢা নক্ষ॑ত্র॒মাপো॑ দে॒বতা॑ ঽষা॒ঢা নক্ষ॑ত্রং॒-বিঁশ্বে॑ দে॒বা দে॒বতা᳚ শ্রো॒ণা নক্ষ॑ত্রং॒-বিঁষ্ণু॑র্দে॒বতা॒ শ্রবি॑ষ্ঠা॒ নক্ষ॑ত্রং॒-বঁস॑বো [নক্ষ॑ত্রং॒-বঁস॑বঃ, দে॒বতা॑] 27

দে॒বতা॑ শ॒তভি॑ষ॒-ন্নক্ষ॑ত্র॒মিন্দ্রো॑ দে॒বতা᳚ প্রোষ্ঠপ॒দা নক্ষ॑ত্রম॒জ এক॑পা-দ্দে॒বতা᳚ প্রোষ্ঠপ॒দা নক্ষ॑ত্র॒মহি॑র্বু॒দ্ধ্নিয়ো॑ দে॒বতা॑ রে॒বতী॒ নক্ষ॑ত্র-ম্পূ॒ষা দে॒বতা᳚ ঽশ্ব॒য়ুজৌ॒ নক্ষ॑ত্রম॒শ্বিনৌ॑ দে॒বতা॑ ঽপ॒ভর॑ণী॒র্নক্ষ॑ত্রং-য়ঁ॒মো দে॒বতা॑, পূ॒র্ণা প॒শ্চাদ্য়-ত্তে॑ দে॒বা অদ॑ধুঃ ॥ 28 ॥
(ফল্গু॑নী॒ নক্ষ॑ত্রং॒ - ঁবস॑ব॒ - স্ত্রয়॑স্ত্রিগ্​ম্শচ্চ) (অ. 10)

মধু॑শ্চ॒ মাধ॑বশ্চ॒ বাস॑ন্তিকাবৃ॒তূ শু॒ক্রশ্চ॒ শুচি॑শ্চ॒ গ্রৈষ্মা॑বৃ॒তূ নভ॑শ্চ নভ॒স্য়॑শ্চ॒ বার্​ষি॑কাবৃ॒তূ ই॒ষশ্চো॒র্জশ্চ॑ শার॒দাবৃ॒তূ সহ॑শ্চ সহ॒স্য়॑শ্চ॒ হৈম॑ন্তিকাবৃ॒তূ তপ॑শ্চ তপ॒স্য়॑শ্চ শৈশি॒রাবৃ॒তূ অ॒গ্নের॑ন্ত-শ্শ্লে॒ষো॑-ঽসি॒ কল্পে॑তা॒-ন্দ্য়াবা॑পৃথি॒বী কল্প॑ন্তা॒মাপ॒ ওষ॑ধীঃ॒ কল্প॑ন্তাম॒গ্নয়ঃ॒ পৃথ॒ম্মম॒ জ্য়ৈষ্ঠ্য়॑য়॒ সব্র॑তা॒ [সব্র॑তাঃ, যে᳚-ঽগ্নয়॒-] 29

যে᳚-ঽগ্নয়॒-স্সম॑নসো-ঽন্ত॒রা দ্য়াবা॑পৃথি॒বী শৈ॑শি॒রাবৃ॒তূ অ॒ভি কল্প॑মানা॒ ইন্দ্র॑মিব দে॒বা অ॒ভি সং​বিঁ॑শন্তু সং॒​য়ঁচ্চ॒ প্রচে॑তাশ্চা॒গ্নে-স্সোম॑স্য়॒ সূর্য়॑স্য়ো॒-গ্রা চ॑ ভী॒মা চ॑ পিতৃ॒ণাং-য়ঁ॒মস্য়েন্দ্র॑স্য় ধ্রু॒বা চ॑ পৃথি॒বী চ॑ দে॒বস্য়॑ সবি॒তুর্ম॒রুতাং॒-বঁরু॑ণস্য় ধ॒র্ত্রী চ॒ ধরি॑ত্রী চ মি॒ত্রাবরু॑ণয়ো র্মি॒ত্রস্য়॑ ধা॒তুঃ প্রাচী॑ চ প্র॒তীচী॑ চ॒ বসূ॑নাগ্​ম্ রু॒দ্রাণা॑- [রু॒দ্রাণা᳚ম্, আ॒দি॒ত্য়ানা॒-ন্তে] 30

-মাদি॒ত্য়ানা॒-ন্তে তে-ঽধি॑পতয়॒স্তেভ্য়ো॒ নম॒স্তে নো॑ মৃডযন্তু॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি স॒হস্র॑স্য় প্র॒মা অ॑সি স॒হস্র॑স্য় প্রতি॒মা অ॑সি স॒হস্র॑স্য় বি॒মা অ॑সি স॒হস্র॑স্য়ো॒ন্মা অ॑সি সাহ॒স্রো॑-ঽসি স॒হস্রা॑য় ত্বে॒মা মে॑ অগ্ন॒ ইষ্ট॑কা ধে॒নব॑-স্স॒ন্ত্বেকা॑ চ শ॒ত-ঞ্চ॑ স॒হস্র॑-ঞ্চা॒য়ুত॑-ঞ্চ [ ] 31

নি॒য়ুত॑-ঞ্চ প্র॒য়ুত॒-ঞ্চার্বু॑দ-ঞ্চ॒ ন্য়॑র্বুদ-ঞ্চ সমু॒দ্রশ্চ॒ মদ্ধ্য়॒-ঞ্চান্ত॑শ্চ পরা॒র্ধশ্চে॒মা মে॑ অগ্ন॒ ইষ্ট॑কা ধে॒নব॑-স্সন্তু ষ॒ষ্ঠি-স্স॒হস্র॑ম॒য়ুত॒-মক্ষী॑যমাণা ঋত॒স্থা স্থ॑র্তা॒বৃধো॑ ঘৃত॒শ্চুতো॑ মধু॒শ্চুত॒ ঊর্জ॑স্বতী-স্স্বধা॒বিনী॒স্তা মে॑ অগ্ন॒ ইষ্ট॑কা ধে॒নব॑-স্সন্তু বি॒রাজো॒ নাম॑ কাম॒দুঘা॑ অ॒মুত্রা॒মুষ্মি॑ন্ ঁলো॒কে ॥ 32 ॥
(সব্র॑তা - রু॒দ্রাণা॑ - ম॒য়ুত॑ঞ্চ॒ - পঞ্চ॑চত্বারিগ্​ম্শচ্চ) (অ. 11)

স॒মি-দ্দি॒শামা॒শয়া॑ ন-স্সুব॒র্বিন্মধো॒রতো॒ মাধ॑বঃ পাত্ব॒স্মান্ । অ॒গ্নির্দে॒বো দু॒ষ্টরী॑তু॒রদা᳚ভ্য় ই॒দ-ঙ্ক্ষ॒ত্রগ্​ম্ র॑ক্ষতু॒ পাত্ব॒স্মান্ ॥ র॒থ॒ন্ত॒রগ্​ম্ সাম॑ভিঃ পাত্ব॒স্মা-ন্গা॑য়॒ত্রী ছন্দ॑সাং-বিঁ॒শ্বরূ॑পা । ত্রি॒বৃন্নো॑ বি॒ষ্ঠয়া॒ স্তোমো॒ অহ্নাগ্​ম্॑ সমু॒দ্রো বাত॑ ই॒দমোজঃ॑ পিপর্তু ॥ উ॒গ্রা দি॒শাম॒ভি-ভূ॑তির্বয়ো॒ধা-শ্শুচি॑-শ্শু॒ক্রে অহ॑ন্য়োজ॒সীনা᳚ । ইন্দ্রাধি॑পতিঃ পিপৃতা॒দতো॑ নো॒ মহি॑ [ ] 33

ক্ষ॒ত্রং-বিঁ॒শ্বতো॑ ধারয়ে॒দম্ ॥ বৃ॒হ-থ্সাম॑ ক্ষত্র॒ভৃ-দ্বৃ॒দ্ধ বৃ॑ষ্ণিয়-ন্ত্রি॒ষ্টুভৌজ॑-শ্শুভি॒ত মু॒গ্রবী॑রম্ । ইন্দ্র॒ স্তোমে॑ন পঞ্চদ॒শেন॒ মদ্ধ্য়॑মি॒দং-বাঁতে॑ন॒ সগ॑রেণ রক্ষ ॥ প্রাচী॑ দি॒শাগ্​ম্ স॒হয়॑শা॒ যশ॑স্বতী॒ বিশ্বে॑ দেবাঃ প্রা॒বৃষা ঽহ্না॒গ্​ম্॒ সুব॑র্বতী । ই॒দ-ঙ্ক্ষ॒ত্র-ন্দু॒ষ্টর॑ম॒স্ত্বোজো ঽনা॑ধৃষ্টগ্​ম্ সহ॒স্রিয়॒গ্​ম্॒ সহ॑স্বত্ ॥ বৈ॒রূ॒পে সাম॑ন্নি॒হ তচ্ছ॑কেম॒ জগ॑ত্য়ৈনং-বিঁ॒ক্ষ্বা বে॑শয়ামঃ । বিশ্বে॑ দেবা-স্সপ্তদ॒শেন॒ [সপ্তদ॒শেন॑, বর্চ॑ ই॒দ-ঙ্ক্ষ॒ত্রগ্​ম্] 34

বর্চ॑ ই॒দ-ঙ্ক্ষ॒ত্রগ্​ম্ স॑লি॒লবা॑তমু॒গ্রম্ ॥ ধ॒র্ত্রী দি॒শা-ঙ্ক্ষ॒ত্রমি॒দ-ন্দা॑ধারোপ॒স্থা-ঽঽশা॑না-ম্মি॒ত্রব॑দ॒স্ত্বোজঃ॑ । মিত্রা॑বরুণা শ॒রদা-ঽহ্না᳚-ঞ্চিকিত্নূ অ॒স্মৈ রা॒ষ্ট্রায়॒ মহি॒ শর্ম॑ যচ্ছতম্ ॥ বৈ॒রা॒জে সাম॒ন্নধি॑ মে মনী॒ষা-ঽনু॒ষ্টুভা॒ সম্ভৃ॑তং-বীঁ॒র্য়গ্​ম্॑ সহঃ॑ । ই॒দ-ঙ্ক্ষ॒ত্র-ম্মি॒ত্রব॑দা॒র্দ্রদা॑নু॒ মিত্রা॑বরুণা॒ রক্ষ॑ত॒-মাধি॑পত্য়ৈঃ ॥ স॒ম্রা-ড্দি॒শাগ্​ম্ স॒হসা᳚ম্নী॒ সহ॑স্বত্য়ৃ॒তুর্​হে॑ম॒ন্তো বি॒ষ্ঠয়া॑ নঃ পিপর্তু । অ॒ব॒স্য়ুবা॑তা [অ॒ব॒স্য়ুবা॑তাঃ, বৃ॒হ॒তীর্নু] 35

বৃহ॒তীর্নু শক্ব॑রীরি॒মং-য়ঁ॒জ্ঞম॑বন্তু নো ঘৃ॒তাচীঃ᳚ ॥ সুব॑র্বতী সু॒দুঘা॑ নঃ॒ পয়॑স্বতী দি॒শা-ন্দে॒ব্য়॑বতু নো ঘৃ॒তাচী᳚ । ত্ব-ঙ্গো॒পাঃ পু॑রএ॒তোত প॒শ্চা-দ্বৃহ॑স্পতে॒ যাম্য়াং᳚-য়ুঁঙ্গ্ধি॒ বাচ᳚ম্ ॥ ঊ॒র্ধ্বা দি॒শাগ্​ম্ রন্তি॒রাশৌষ॑ধীনাগ্​ম্ সং​বঁথ্স॒রেণ॑ সবি॒তা নো॒ অহ্না᳚ম্ । রে॒ব-থ্সামাতি॑চ্ছন্দা উ॒ ছন্দো-ঽজা॑ত শত্রু-স্স্য়ো॒না নো॑ অস্তু ॥ স্তোম॑ত্রযস্ত্রিগ্​ম্শে॒ ভুব॑নস্য় পত্নি॒ বিব॑স্বদ্বাতে অ॒ভি নো॑ [অ॒ভি নঃ॑, গৃ॒ণা॒হি॒ ।] 36

গৃণাহি । ঘৃ॒তব॑তী সবিত॒রাধি॑পত্য়ৈঃ॒ পয়॑স্বতী॒ রন্তি॒রাশা॑ নো অস্তু ॥ ধ্রু॒বা দি॒শাং-বিঁষ্ণু॑প॒ত্ন্যঘো॑রা॒-ঽস্য়েশা॑না॒ সহ॑সো॒ যা ম॒নোতা᳚ । বৃহ॒স্পতি॑ র্মাত॒রিশ্বো॒ত বা॒য়ু-স্স॑ন্ধুবা॒না বাতা॑ অ॒ভি নো॑ গৃণন্তু ॥ বি॒ষ্ট॒ভো-ন্দি॒বো ধ॒রুণঃ॑ পৃথি॒ব্য়া অ॒স্য়েশা॑না॒ জগ॑তো॒ বিষ্ণু॑পত্নী । বি॒শ্বব্য়॑চা ই॒ষয়॑ন্তী॒ সুভূ॑তি-শ্শি॒বা নো॑ অ॒স্ত্বদি॑তিরু॒পস্থে᳚ ॥ বৈ॒শ্বা॒ন॒রো ন॑ ঊ॒ত্য়াপৃ॒ষ্টো দি॒ব্যনু॑ নো॒ ঽদ্য়ানু॑মতি॒রন্বিদ॑নুমতে॒ ত্ব-ঙ্কয়া॑ নশ্চি॒ত্র আভু॑ব॒ত্কো অ॒দ্য় যু॑ঙ্ক্তে ॥ 37 ॥
(মহি॑ - সপ্তদ॒শেনা॑ - ঽব॒স্য়ুবা॑তা - অ॒ভি নো - ঽনু॑ ন॒ - শ্চতু॑র্দশ চ) (অ. 12)

(র॒শ্মির॑সি॒ - রাজ্ঞ্য়॑স্য়॒ - য-ম্পু॒রো হরি॑কেশো॒ - ঽগ্নির্মূ॒র্ধ - ন্দ্রা॒গ্নিভ্য়াং॒ - বৃহ॒স্পতি॑ - র্ভূয়॒স্কৃদ॑ - স্য়॒গ্নিনা॑ বিশ্বা॒ষাট্ - প্র॒জাপ॑তি॒র্মন॑সা॒ - কৃত্তি॑কা॒ - মধু॑শ্চ - স॒মিদ্দি॒শাং - দ্বাদ॑শ )

(র॒শ্মির॑সি॒ - প্রতি॑ ধে॒নু- ম॑সি স্তনয়িত্নু॒সনি॑র - স্য়াদি॒ত্য়ানাগ্​ম্॑ - স॒প্তত্রিগ্​ম্॑শত্ )

(র॒শ্মির॑সি॒, কো অ॒দ্য় যু॑ঙ্ক্তে)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থ কাণ্ডে চতুর্থঃ প্রশ্ন-স্সমাপ্তঃ ॥