কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে চতুর্থঃ প্রশ্নঃ - ইষ্টকাত্রয়াভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

দে॒বা॒সু॒রা-স্সং​য়ঁ॑ত্তা আস॒-ন্তে ন ব্য়॑জযন্ত॒ স এ॒তা ইন্দ্র॑স্ত॒নূর॑পশ্য়॒-ত্তা উপা॑ধত্ত॒ তাভি॒র্বৈ স ত॒নুব॑মিন্দ্রি॒য়ং-বীঁ॒র্য়॑মা॒ত্মন্ন॑ধত্ত॒ ততো॑ দে॒বা অভ॑ব॒-ন্পরা-ঽসু॑রা॒ যদি॑ন্দ্রত॒নূরু॑প॒দধা॑তি ত॒নুব॑মে॒ব তাভি॑রিন্দ্রি॒য়ং-বীঁ॒র্য়ং॑-য়ঁজ॑মান আ॒ত্ম-ন্ধ॒ত্তে-ঽথো॒ সেন্দ্র॑মে॒বাগ্নিগ্​ম্ সত॑নু-ঞ্চিনুতে॒ ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো [ভ্রাতৃ॑ব্য়ঃ, ভ॒ব॒তি॒ য॒জ্ঞো] 1

ভবতি য॒জ্ঞো দে॒বেভ্য়ো-ঽপা᳚ক্রাম॒-ত্তম॑ব॒রুধ॒-ন্নাশ॑ক্নুব॒ন্ত এ॒তা য॑জ্ঞত॒নূর॑পশ্য়॒-ন্তা উপা॑দধত॒ তাভি॒র্বৈ তে য॒জ্ঞমবা॑রুন্ধত॒ য-দ্য়॑জ্ঞত॒নূরু॑প॒দধা॑তি য॒জ্ঞমে॒ব তাভি॒র্যজ॑মা॒নো-ঽব॑ রুন্ধে॒ ত্রয়॑স্ত্রিগ্​ম্ শত॒মুপ॑ দধাতি॒ ত্রয়॑স্ত্রিগ্​ম্শ॒দ্বৈ দে॒বতা॑ দে॒বতা॑ এ॒বাব॑ রু॒ন্ধে ঽথো॒ সাত্মা॑নমে॒বাগ্নিগ্​ম্ সত॑নু-ঞ্চিনুতে॒ সাত্মা॒-ঽমুষ্মি॑-​ল্লোঁ॒কে [-ঽমুষ্মি॑-​ল্লোঁ॒কে, ভ॒ব॒তি॒ য] 2

ভ॑বতি॒ য এ॒বং-বেঁদ॒ জ্য়োতি॑ষ্মতী॒রুপ॑ দধাতি॒ জ্য়োতি॑রে॒বাস্মি॑-ন্দধাত্য়ে॒তাভি॒র্বা অ॒গ্নিশ্চি॒তো জ্ব॑লতি॒ তাভি॑রে॒বৈন॒গ্​ম্॒ সমি॑ন্ধ উ॒ভয়ো॑রস্মৈ লো॒কয়ো॒র্জ্য়োতি॑র্ভবতি নক্ষত্রেষ্ট॒কা উপ॑ দধাত্য়ে॒তানি॒ বৈ দি॒বো জ্য়োতীগ্​ম্॑ষি॒ তান্য়ে॒বাব॑ রুন্ধে সু॒কৃতাং॒-বাঁ এ॒তানি॒ জ্য়োতীগ্​ম্॑ষি॒ যন্নক্ষ॑ত্রাণি॒ তান্য়ে॒বা-ঽঽপ্নো॒ত্যথো॑ অনূকা॒শ-মে॒বৈতানি॒ [-মে॒বৈতানি॑, জ্য়োতীগ্​ম্॑ষি কুরুতে] 3

জ্য়োতীগ্​ম্॑ষি কুরুতে সুব॒র্গস্য়॑ লো॒কস্য়ানু॑খ্য়াত্য়ৈ॒ য-থ্সগ্গ্​স্পৃ॑ষ্টা উপদ॒দ্ধ্য়া-দ্বৃষ্ট্য়ৈ॑ লো॒কমপি॑ দদ্ধ্য়া॒দব॑র্​ষুকঃ প॒র্জন্য়॑-স্স্য়া॒দসগ্গ্॑স্পৃষ্টা॒ উপ॑ দধাতি॒ বৃষ্ট্য়া॑ এ॒ব লো॒ক-ঙ্ক॑রোতি॒ বর্​ষু॑কঃ প॒র্জন্য়ো॑ ভবতি পু॒রস্তা॑দ॒ন্য়াঃ প্র॒তীচী॒রুপ॑ দধাতি প॒শ্চাদ॒ন্য়াঃ প্রাচী॒স্তস্মা᳚-ত্প্রা॒চীনা॑নি চ প্রতী॒চীনা॑নি চ॒ নক্ষ॑ত্রা॒ণ্য়া ব॑র্তন্তে ॥ 4 ॥
(ভ্রাতৃ॑ব্য়ো - লো॒ক - এ॒বৈতান্য়ে - ক॑চত্বারিগ্​ম্শচ্চ) (অ. 1)

ঋ॒ত॒ব্য়া॑ উপ॑ দধাত্য়ৃতূ॒না-ঙ্কৢপ্ত্য়ৈ᳚ দ্ব॒দ্বম্মুপ॑ দধাতি॒ তস্মা᳚-দ্দ্ব॒ন্দ্বমৃ॒তবো ঽধৃ॑তেব॒ বা এ॒ষা যন্ম॑দ্ধ্য়॒মা চিতি॑র॒ন্তরি॑ক্ষমিব॒ বা এ॒ষা দ্ব॒দ্বম্ম॒ন্য়াসু॒ চিতী॒ষূপ॑ দধাতি॒ চত॑স্রো॒ মদ্ধ্য়ে॒ ধৃত্য়া॑ অন্ত॒শ্শ্লেষ॑ণং॒-বাঁ এ॒তাশ্চিতী॑নাং॒-য়ঁদৃ॑ত॒ব্য়া॑ যদৃ॑ত॒ব্য়া॑ উপ॒দধা॑তি॒ চিতী॑নাং॒-বিঁধৃ॑ত্য়া॒ অব॑কা॒মনূপ॑ দধাত্য়ে॒ষা বা অ॒গ্নের্য়োনি॒-স্সয়ো॑নি- [অ॒গ্নের্য়োনি॒-স্সয়ো॑নিম্, এ॒বাগ্নি-] 5

-মে॒বাগ্নি-ঞ্চি॑নুত উ॒বাচ॑ হ বি॒শ্বামি॒ত্রো ঽদ॒দি-থ্স ব্রহ্ম॒ণা-ঽন্নং॒-য়ঁস্য়ৈ॒তা উ॑পধী॒য়ান্তৈ॒ য উ॑ চৈনা এ॒বং-বেঁদ॒দিতি॑ সং​বঁথ্স॒রো বা এ॒ত-ম্প্র॑তি॒ষ্ঠায়ৈ॑ নুদতে॒ যো᳚-ঽগ্নি-ঞ্চি॒ত্বা ন প্র॑তি॒তিষ্ঠ॑তি॒ পঞ্চ॒ পূর্বা॒শ্চিত॑য়ো ভব॒ন্ত্যথ॑ ষ॒ষ্ঠী-ঞ্চিতি॑-ঞ্চিনুতে॒ ষড্বা ঋ॒তব॑-স্সং​বঁথ্স॒র ঋ॒তুষ্বে॒ব সং॑​বঁথ্স॒রে প্রতি॑তিষ্ঠত্য়ে॒ তা বা [প্রতি॑তিষ্ঠত্য়ে॒ তা বা, অধি॑পত্নী॒র্নামেষ্ট॑কা॒] 6

অধি॑পত্নী॒র্নামেষ্ট॑কা॒ যস্য়ৈ॒তা উ॑পধী॒যন্তে-ঽধি॑পতিরে॒ব স॑মা॒নানা᳚-ম্ভবতি॒ য-ন্দ্বি॒ষ্য়া-ত্তমু॑প॒দধ॑-দ্ধ্য়ায়েদে॒তাভ্য়॑ এ॒বৈন॑-ন্দে॒বতা᳚ভ্য়॒ আ বৃ॑শ্চতি তা॒জগার্তি॒মার্চ্ছ॒ত্যঙ্গি॑রস-স্সুব॒র্গং-লোঁ॒কং-য়ঁন্তো॒ যা য॒জ্ঞস্য়॒ নিষ্কৃ॑তি॒রাসী॒-ত্তামৃষি॑ভ্য়ঃ॒ প্রত্য়ৌ॑হ॒-ন্তদ্ধির॑ণ্যমভব॒দ্য়-দ্ধি॑রণ্যশ॒ল্কৈঃ প্রো॒ক্ষতি॑ য॒জ্ঞস্য়॒ নিষ্কৃ॑ত্য়া॒ অথো॑ ভেষ॒জমে॒বা-ঽস্মৈ॑ করো॒- [-ঽস্মৈ॑ করোতি, অথো॑ রূ॒পেণৈ॒বৈন॒গ্​ম্॒] 7

-ত্যথো॑ রূ॒পেণৈ॒বৈন॒গ্​ম্॒ সম॑র্ধয়॒ত্যথো॒ হির॑ণ্যজ্য়োতিষৈ॒ব সু॑ব॒র্গং-লোঁ॒কমে॑তি সাহ॒স্রব॑তা॒ প্রোক্ষ॑তি সাহ॒স্রঃ প্র॒জাপ॑তিঃ প্র॒জাপ॑তে॒রাপ্ত্য়া॑ ই॒মা মে॑ অগ্ন॒ ইষ্ট॑কা ধে॒নব॑-স্স॒ন্ত্বিত্য়া॑হ ধে॒নূরে॒বৈনাঃ᳚ কুরুতে॒ তা এ॑ন-ঙ্কাম॒দুঘা॑ অ॒মুত্রা॒মুষ্মি॑ন্ ঁলো॒ক উপ॑ তিষ্ঠন্তে ॥ 8 ॥
(সয়ো॑নি - মে॒তা বৈ - ক॑রো॒ত্য়ে - কা॒ন্নচ॑ত্বারি॒গ্​ম্॒শচ্চ॑) (অ. 2)

রু॒দ্রো বা এ॒ষ যদ॒গ্নি-স্স এ॒তর্​হি॑ জা॒তো যর্​হি॒ সর্ব॑শ্চি॒ত-স্স যথা॑ ব॒থ্সো জা॒ত-স্স্তন॑-ম্প্রে॒ফ্সত্য়ে॒বং-বাঁ এ॒ষ এ॒তর্​হি॑ ভাগ॒ধেয়॒-ম্প্রেফ্স॑তি॒ তস্মৈ॒ যদাহু॑তি॒-ন্ন জু॑হু॒য়াদ॑দ্ধ্ব॒র্য়ু-ঞ্চ॒ যজ॑মান-ঞ্চ ধ্য়ায়েচ্ছতরু॒দ্রীয়॑-ঞ্জুহোতি ভাগ॒ধেয়ে॑নৈ॒বৈনগ্​ম্॑ শমযতি॒ না-ঽঽর্তি॒মার্চ্ছ॑ত্যদ্ধ্ব॒র্য়ুর্ন যজ॑মানো॒ য-দ্গ্রা॒ম্য়াণা᳚-ম্পশূ॒না- [য়-দ্গ্রা॒ম্য়াণা᳚-ম্পশূ॒নাম্, পয়॑সা জুহু॒য়া-] 9

-ম্পয়॑সা জুহু॒য়া-দ্গ্রা॒ম্য়া-ন্প॒শূঞ্ছু॒চা ঽর্পয়ে॒-দ্যদা॑র॒ণ্য়ানা॑-মার॒ণ্য়ান্ জ॑র্তিলযবা॒গ্বা॑ বা জুহু॒য়া-দ্গ॑বীধুকযবা॒গ্বা॑ বা॒ ন গ্রা॒ম্য়া-ন্প॒শূন্. হি॒নস্তি॒ না-ঽঽর॒ণ্য়ানথো॒ খল্বা॑হু॒রনা॑হুতি॒র্বৈ জ॒র্তিলা᳚শ্চ গ॒বীধু॑কা॒শ্চেত্য়॑ জক্ষী॒রেণ॑ জুহোত্য়াগ্নে॒য়ী বা এ॒ষা যদ॒জা-ঽঽহু॑ত্য়ৈ॒ব জু॑হোতি॒ ন গ্রা॒ম্য়া-ন্প॒শূন্. হি॒নস্তি॒ না-ঽঽর॒ণ্য়ানঙ্গি॑রস-স্সুব॒র্গং-লোঁ॒কং-য়ঁন্তো॒- [-ঁলো॒কং-য়ঁন্তঃ॑, অ॒জায়া᳚-ঙ্ঘ॒র্ম-] 10

-ঽজায়া᳚-ঙ্ঘ॒র্ম-ম্প্রাসি॑ঞ্চ॒ন্​থ্সা শোচ॑ন্তী প॒র্ণ-ম্পরা॑-ঽজিহীত॒ সো᳚(1॒)-ঽর্কো॑-ঽভব॒-ত্তদ॒র্কস্য়া᳚-র্ক॒ত্বম॑র্কপ॒র্ণেন॑ জুহোতি সয়োনি॒ত্বায়োদ॒-ন্তিষ্ঠ॑ন্ জুহোত্য়ে॒ষা বৈ রু॒দ্রস্য়॒ দি-খ্স্বায়া॑মে॒ব দি॒শি রু॒দ্র-ন্নি॒রব॑দযতে চর॒মায়া॒মিষ্ট॑কায়া-ঞ্জুহোত্যন্ত॒ত এ॒ব রু॒দ্র-ন্নি॒রব॑দযতে ত্রেধাবিভ॒ক্ত-ঞ্জু॑হোতি॒ ত্রয়॑ ই॒মে লো॒কা ই॒মানে॒ব লো॒কান্-থ্স॒মাব॑দ্বীর্য়ান্ করো॒তীয়॒ত্যগ্রে॑ জুহো॒- [জুহোতি, অথেয়॒ত্যথেয়॑তি॒] 11

-ত্যথেয়॒ত্যথেয়॑তি॒ ত্রয়॑ ই॒মে লো॒কা এ॒ভ্য় এ॒বৈনং॑-লোঁ॒কেভ্য়॑-শ্শমযতি তি॒স্র উত্ত॑রা॒ আহু॑তীর্জুহোতি॒ ষ-ট্থ্স-ম্প॑দ্যন্তে॒ ষ-ড্বা ঋ॒তব॑ ঋ॒তুভি॑রে॒বৈনগ্​ম্॑ শমযতি॒ যদ॑নুপরি॒ক্রাম॑-ঞ্জুহু॒য়াদ॑ন্তরবচা॒রিণগ্​ম্॑ রু॒দ্র-ঙ্কু॑র্য়া॒দথো॒ খল্বা॑হুঃ॒ কস্য়াং॒-বাঁ-ঽহ॑ দি॒শি রু॒দ্রঃ কস্য়াং॒-বেঁত্য়॑নুপরি॒ক্রাম॑মে॒ব হো॑ত॒ব্য়॑-মপ॑রিবর্গমে॒বৈনগ্​ম্॑ শময়- [শমযতি, এ॒তাবৈ] 12

-ত্য়ে॒তাবৈ দে॒বতা᳚-স্সুব॒র্গ্য়া॑য়া উ॑ত্ত॒মাস্তা যজ॑মানং-বাঁচযতি॒ তাভি॑রে॒বৈনগ্​ম্॑ সুব॒র্গং-লোঁ॒ক-ঙ্গ॑মযতি॒ য-ন্দ্বি॒ষ্য়া-ত্তস্য়॑ সঞ্চ॒রে প॑শূ॒না-ন্ন্য়॑স্য়ে॒-দ্য়ঃ প্র॑থ॒মঃ প॒শুর॑ভি॒তিষ্ঠ॑তি॒ স আর্তি॒মার্চ্ছ॑তি ॥ 13 ॥
(প॒শূ॒নাং - ঁযন্তো - ঽগ্নে॑ জুহো॒ত্য় - প॑রিবর্গমে॒বৈনগ্​ম্॑ শমযতি - ত্রি॒গ্​ম্॒শচ্চ॑) (অ. 3)

অশ্ম॒ন্নূর্জ॒মিতি॒ পরি॑ ষিঞ্চতি মা॒র্জয়॑ত্য়ে॒বৈন॒মথো॑ ত॒র্পয়॑ত্য়ে॒ব স এ॑ন-ন্তৃ॒প্তো ঽক্ষু॑দ্ধ্য়॒-ন্নশো॑চ-ন্ন॒মুষ্মি॑ন্ ঁলো॒ক উপ॑ তিষ্ঠতে॒ তৃপ্য়॑তি প্র॒জয়া॑ প॒শুভি॒র্য় এ॒বং-বেঁদ॒ তা-ন্ন॒ ইষ॒মূর্জ॑-ন্ধত্ত মরুত-স্সগ্​ম্ররা॒ণা ইত্য়া॒হান্নং॒-বাঁ ঊর্গন্ন॑-ম্ম॒রুতো-ঽন্ন॑মে॒বাব॑ রু॒ন্ধে ঽশ্মগ্গ্॑স্তে॒ ক্ষুদ॒মু-ন্তে॒ শু- [ক্ষুদ॒মু-ন্তে॒ শুক্, ঋ॒চ্ছ॒তু॒ য-ন্দ্বি॒ষ্ম] 14

-গৃ॑চ্ছতু॒ য-ন্দ্বি॒ষ্ম ইত্য়া॑হ॒ যমে॒ব দ্বেষ্টি॒ তম॑স্য় ক্ষু॒ধা চ॑ শু॒চা চা᳚র্পযতি॒ ত্রিঃ প॑রিষি॒ঞ্চ-ন্পর্য়ে॑তি ত্রি॒বৃদ্বা অ॒গ্নির্য়াবা॑নে॒বা-গ্নিস্তস্য়॒ শুচগ্​ম্॑ শমযতি॒ ত্রিঃ পুনঃ॒ পর্য়ে॑তি॒ ষ-ট্থ্স-ম্প॑দ্যন্তে॒ ষ-ড্বা ঋ॒তব॑ ঋ॒তুভি॑রে॒বাস্য়॒ শুচগ্​ম্॑ শমযত্য়॒পাং-বাঁ এ॒ত-ত্পুষ্পং॒-য়ঁদ্বে॑ত॒সো॑-ঽপাগ্​ম্ - [যদ্বে॑ত॒সো॑-ঽপাম্, শরো-ঽব॑কা] 15

শরো-ঽব॑কা বেতসশা॒খয়া॒ চাব॑কাভিশ্চ॒ বি ক॑র্​ষ॒ত্য়াপো॒ বৈ শা॒ন্তা-শ্শা॒ন্তাভি॑রে॒বাস্য়॒ শুচগ্​ম্॑ শমযতি॒ যো বা অ॒গ্নি-ঞ্চি॒ত-ম্প্র॑থ॒মঃ প॒শুর॑ধি॒ক্রাম॑তীশ্ব॒রো বৈ তগ্​ম্ শু॒চা প্র॒দহো॑ ম॒ণ্ডূকে॑ন॒ বিক॑র্​ষত্য়ে॒ষ বৈ প॑শূ॒না-ম॑নুপজীবনী॒য়ো ন বা এ॒ষ গ্রা॒ম্য়েষু॑ প॒শুষু॑ হি॒তো না-ঽঽর॒ণ্য়েষু॒ তমে॒ব শু॒চা-ঽর্প॑যত্যষ্টা॒ভি-র্বি ক॑র্​ষ- [-র্বি ক॑র্​ষতি, অ॒ষ্টাক্ষ॑রা] 16

-ত্য়॒ষ্টাক্ষ॑রা গায়॒ত্রী গা॑য়॒ত্রো᳚-ঽগ্নির্য়াবা॑-নে॒বা-ঽগ্নিস্তস্য়॒ শুচগ্​ম্॑ শমযতি পাব॒কব॑তীভি॒রন্নং॒-বৈঁ পা॑ব॒কো-ঽন্নে॑নৈ॒বাস্য়॒ শুচগ্​ম্॑ শমযতি মৃ॒ত্য়ুর্বা এ॒ষ যদ॒গ্নির্ব্রহ্ম॑ণ এ॒তদ্রূ॒পং-য়ঁ-ত্কৃ॑ষ্ণাজি॒ন-ঙ্কার্​ষ্ণী॑ উপা॒নহা॒বুপ॑ মুঞ্চতে॒ ব্রহ্ম॑ণৈ॒ব মৃ॒ত্য়োর॒ন্তর্ধ॑ত্তে॒ ঽন্তর্মৃ॒ত্য়োর্ধ॑ত্তে॒ ঽন্তর॒ন্নাদ্য়া॒-দিত্য়া॑হুর॒ন্য়া-মু॑পমু॒ঞ্চতে॒-ঽন্য়া-ন্নান্ত- [-ঽন্য়া-ন্নান্তঃ, এ॒ব মৃ॒ত্য়োর্ধ॒ত্তে] 17

-রে॒ব মৃ॒ত্য়োর্ধ॒ত্তে ঽবা॒-ঽন্নাদ্য়গ্​ম্॑ রুন্ধে॒ নম॑স্তে॒ হর॑সে শো॒চিষ॒ ইত্য়া॑হ নম॒স্কৃত্য়॒ হি বসী॑য়াগ্​ম্ সমুপ॒চর॑ন্ত্য়॒ন্য়-ন্তে॑ অ॒স্ম-ত্ত॑পন্তু হে॒তয়॒ ইত্য়া॑হ॒ যমে॒ব দ্বেষ্টি॒ তম॑স্য় শু॒চা-ঽর্প॑যতি পাব॒কো অ॒স্মভ্য়গ্​ম্॑ শি॒বো ভ॒বেত্য়া॒হান্নং॒-বৈঁ পা॑ব॒কো-ঽন্ন॑মে॒বাব॑ রুন্ধে॒ দ্বাভ্য়া॒মধি॑ ক্রামতি॒ প্রতি॑ষ্ঠিত্য়া অপ॒স্য়॑বতীভ্য়া॒গ্​ম্॒ শান্ত্য়ৈ᳚ ॥ 18 ॥
(শু - গ্বে॑ত॒সো॑-ঽপা - ম॑ষ্টা॒ভির্বি ক॑র্​ষতি॒ - নান্ত - রেকা॒ন্ন প॑ঞ্চা॒শচ্চ॑) (অ. 4)

নৃ॒ষদে॒ বডিতি॒ ব্য়াঘা॑রযতি প॒ঙ্ক্ত্য়া-ঽঽহু॑ত্য়া যজ্ঞমু॒খমা র॑ভতে ঽক্ষ্ণ॒য়া ব্য়াঘা॑রযতি॒ তস্মা॑দক্ষ্ণ॒য়া প॒শবো-ঽঙ্গা॑নি॒ প্রহ॑রন্তি॒ প্রতি॑ষ্ঠিত্য়ৈ॒ যদ্ব॑ষট্কু॒র্য়া-দ্য়া॒তয়া॑মা-ঽস্য় বষট্কা॒র-স্স্য়া॒দ্যন্ন ব॑ষট্কু॒র্য়া-দ্রক্ষাগ্​ম্॑সি য॒জ্ঞগ্​ম্ হ॑ন্য়ু॒র্বডিত্য়া॑হ প॒রোক্ষ॑মে॒ব বষ॑-ট্করোতি॒ নাস্য়॑ যা॒তয়া॑মা বষট্কা॒রো ভব॑তি॒ ন য॒জ্ঞগ্​ম্ রক্ষাগ্​ম্॑সি ঘ্নন্তি হু॒তাদো॒ বা অ॒ন্য়ে দে॒বা [অ॒ন্য়ে দে॒বাঃ, অ॒হু॒তাদো॒-ঽন্য়ে] 19

অ॑হু॒তাদো॒-ঽন্য়ে তান॑গ্নি॒চিদে॒বোভয়া᳚-ন্প্রীণাতি॒ যে দে॒বা দে॒বানা॒মিতি॑ দ॒দ্ধ্না ম॑ধুমি॒শ্রেণাবো᳚ক্ষতি হু॒তাদ॑শ্চৈ॒ব দে॒বান॑হু॒তাদ॑শ্চ॒ যজ॑মানঃ প্রীণাতি॒ তে যজ॑মান-ম্প্রীণন্তি দ॒দ্ধ্নৈব হু॒তাদঃ॑ প্রী॒ণাতি॒ মধু॑ষা ঽহু॒তাদো᳚ গ্রা॒ম্য়ং-বাঁ এ॒তদন্নং॒-য়ঁদ্দদ্ধ্য়া॑র॒ণ্য়-ম্মধু॒ যদ্দ॒ধ্না ম॑ধুমি॒শ্রেণা॒-বোক্ষ॑ত্য়ু॒ভয়॒স্য়া-ঽব॑রুদ্ধ্য়ৈ গ্রুমু॒ষ্টিনা-ঽবো᳚ক্ষতি প্রাজাপ॒ত্য়ো [প্রাজাপ॒ত্য়ঃ, বৈ গ্রু॑মু॒ষ্টি-] 20

বৈ গ্রু॑মু॒ষ্টি-স্স॑য়োনি॒ত্বায়॒ দ্বাভ্য়া॒-ম্প্রতি॑ষ্ঠিত্য়া অনুপরি॒চার॒-মবো᳚ক্ষ॒ত্য়-প॑রিবর্গমে॒বৈনা᳚-ন্প্রীণাতি॒ বি বা এ॒ষ প্রা॒ণৈঃ প্র॒জয়া॑ প॒শুভি॑র্-ঋদ্ধ্যতে॒ যো᳚-ঽগ্নি-ঞ্চি॒ন্বন্ন॑ধি॒ক্রাম॑তি প্রাণ॒দা অ॑পান॒দা ইত্য়া॑হ প্রা॒ণানে॒বা-ঽঽত্ম-ন্ধ॑ত্তে বর্চো॒দা ব॑রিবো॒দা ইত্য়া॑হ প্র॒জা বৈ বর্চঃ॑ প॒শবো॒ বরি॑বঃ প্র॒জামে॒ব প॒শূনা॒ত্ম-ন্ধ॑ত্ত॒ ইন্দ্রো॑ বৃ॒ত্রম॑হ॒ন্তং-বৃঁ॒ত্রো [বৃ॒ত্রম॑হ॒ন্তং-বৃঁ॒ত্রঃ, হ॒ত-ষ্ষো॑ড॒শভি॑-] 21

হ॒ত-ষ্ষো॑ড॒শভি॑-র্ভো॒গৈর॑সিনা॒-থ্স এ॒তাম॒গ্নয়ে-ঽনী॑কবত॒ আহু॑তিমপশ্য়॒-ত্তাম॑জুহো॒-ত্তস্য়া॒গ্নিরনী॑ কবা॒ন্​থ্স্বেন॑ ভাগ॒ধেয়ে॑ন প্রী॒ত-ষ্ষো॑ডশ॒ধা বৃ॒ত্রস্য়॑ ভো॒গানপ্য়॑দহ-দ্বৈশ্বকর্ম॒ণেন॑ পা॒প্মনো॒ নির॑মুচ্যত॒ যদ॒গ্নয়ে-ঽনী॑কবত॒ আহু॑তি-ঞ্জু॒হোত্য়॒গ্নিরে॒বা-ঽস্য়ানী॑কবা॒ন্​থ্স্বেন॑ ভাগ॒ধেয়ে॑ন প্রী॒তঃ পা॒প্মান॒মপি॑ দহতি বৈশ্বকর্ম॒ণেন॑ পা॒প্মনো॒ নির্মু॑চ্যতে॒ য-ঙ্কা॒ময়ে॑ত চি॒র-ম্পা॒প্মনো॒ [চি॒র-ম্পা॒প্মনঃ॑, নির্মু॑চ্য়ে॒তেত্য়েকৈ॑ক॒-] 22

নির্মু॑চ্য়ে॒তেত্য়েকৈ॑ক॒-ন্তস্য়॑ জুহুয়াচ্চি॒রমে॒ব পা॒প্মনো॒ নির্মু॑চ্যতে॒ য-ঙ্কা॒ময়ে॑ত তা॒জ-ক্পা॒প্মনো॒ নির্মু॑চ্য়ে॒তেতি॒ সর্বা॑ণি॒ তস্য়া॑নু॒দ্রুত্য়॑ জুহুয়া-ত্তা॒জগে॒ব পা॒প্মনো॒ নির্মু॑চ্য়॒তে-ঽথো॒ খলু॒ নানৈ॒ব সূ॒ক্তাভ্য়া᳚-ঞ্জুহোতি॒ নানৈ॒ব সূ॒ক্তয়ো᳚র্বী॒র্য়॑-ন্দধা॒ত্যথো॒ প্রতি॑ষ্ঠিত্য়ৈ ॥ 23 ॥
(দে॒বাঃ - প্রা॑জাপ॒ত্য়ো-বৃ॒ত্র - শ্চি॒র-ম্পা॒প্মন॑ - শ্চত্বারি॒গ্​ম্॒শচ্চ॑) (অ. 5)

উদে॑নমুত্ত॒রা-ন্ন॒য়েতি॑ স॒মিধ॒ আ দ॑ধাতি॒ যথা॒ জনং॑-য়ঁ॒তে॑-ঽব॒স-ঙ্ক॒রোতি॑ তা॒দৃগে॒ব ত-ত্তি॒স্র আ দ॑ধাতি ত্রি॒বৃদ্বা অ॒গ্নির্য়াবা॑নে॒-বাগ্নিস্তস্মৈ॑ ভাগ॒ধেয়॑-ঙ্করো॒ত্য়ৌদু॑ম্বরী-র্ভব॒ন্ত্য়ূর্গ্বা উ॑দু॒ম্বর॒ ঊর্জ॑মে॒বাস্মা॒ অপি॑ দধা॒ত্য়ুদু॑ ত্বা॒ বিশ্বে॑ দে॒বা ইত্য়া॑হ প্রা॒ণা বৈ বিশ্বে॑ দে॒বাঃ প্রা॒ণৈ- [প্রা॒ণৈঃ, এ॒বৈন॒-] 24

-রে॒বৈন॒-মুদ্য়॑চ্ছ॒তে ঽগ্নে॒ ভর॑ন্তু॒ চিত্তি॑ভি॒রিত্য়া॑হ॒ যস্মা॑ এ॒বৈন॑-ঞ্চি॒ত্তায়ো॒দ্যচ্ছ॑তে॒ তেনৈ॒বৈন॒গ্​ম্॒ সম॑র্ধযতি॒ পঞ্চ॒ দিশো॒ দৈবী᳚র্য়॒জ্ঞম॑বন্তু দে॒বীরিত্য়া॑হ॒ দিশো॒ হ্য়ে॑ষো-ঽনু॑ প্র॒চ্যব॒তে ঽপাম॑তি-ন্দুর্ম॒তি-ম্বাধ॑মানা॒ ইত্য়া॑হ॒ রক্ষ॑সা॒মপ॑হত্য়ৈ রা॒যস্পোষে॑ য॒জ্ঞপ॑তি-মা॒ভজ॑ন্তী॒রিত্য়া॑হ প॒শবো॒ বৈ রা॒যস্পোষঃ॑ [রা॒যস্পোষঃ॑, প॒শূনে॒বাব॑] 25

প॒শূনে॒বাব॑ রুন্ধে ষ॒ড্ভির্​হ॑রতি॒ ষ-ড্বা ঋ॒তব॑ ঋ॒তুভি॑রে॒বৈনগ্​ম্॑ হরতি॒ দ্বে প॑রি॒গৃহ্য়॑বতী ভবতো॒ রক্ষ॑সা॒মপ॑হত্য়ৈ॒ সূর্য়॑রশ্মি॒র্॒হরি॑কেশঃ পু॒রস্তা॒দিত্য়া॑হ॒ প্রসূ᳚ত্য়ৈ॒ ততঃ॑ পাব॒কা আ॒শিষো॑ নো জুষন্তা॒মিত্য়া॒হান্নং॒-বৈঁ পা॑ব॒কো-ঽন্ন॑মে॒বাব॑ রুন্ধে দেবাসু॒রা-স্সং​য়ঁ॑ত্তা আস॒-ন্তে দে॒বা এ॒ত-দপ্র॑তিরথ-মপশ্য়॒-ন্তেন॒ বৈ তে᳚ প্র॒- [বৈ তে᳚ প্র॒তি, অসু॑রানজয়॒-ন্ত-] 26

-ত্যসু॑রানজয়॒-ন্ত-দপ্র॑তিরথস্য়া-প্রতিরথ॒ত্বং-য়ঁদপ্র॑তিরথ-ন্দ্বি॒তীয়ো॒ হোতা॒-ঽন্বাহা᳚প্র॒ত্য়ে॑ব তেন॒ যজ॑মানো॒ ভ্রাতৃ॑ব্য়ান্ জয়॒ত্যথো॒ অন॑ভিজিতমে॒বাভি জ॑যতি দশ॒র্চ-ম্ভ॑বতি॒ দশা᳚ক্ষরা বি॒রা-ড্বি॒রাজে॒মৌ লো॒কৌ বিধৃ॑তা ব॒নয়ো᳚র্লো॒কয়ো॒র্বিধৃ॑ত্য়া॒ অথো॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজ্য়ে॒বান্নাদ্য়ে॒ প্রতি॑তিষ্ঠ॒ত্যস॑দিব॒ বা অ॒ন্তরি॑ক্ষম॒ন্তরি॑ক্ষমি॒বা ঽঽগ্নী᳚দ্ধ্র॒-মাগ্নী॒দ্ধ্রে- [-মাগ্নী᳚দ্ধ্রে, অশ্মা॑ন॒-ন্নি দ॑ধাতি] 27

-ঽশ্মা॑ন॒-ন্নি দ॑ধাতি স॒ত্ত্বায়॒ দ্বাভ্য়া॒-ম্প্রতি॑ষ্ঠিত্য়ৈ বি॒মান॑ এ॒ষ দি॒বো মদ্ধ্য়॑ আস্ত॒ ইত্য়া॑হ॒ ব্য়ে॑বৈতয়া॑ মিমীতে॒ মদ্ধ্য়ে॑ দি॒বো নিহি॑তঃ॒ পৃশ্ঞি॒রশ্মেত্য়া॒হান্নং॒-বৈঁ পৃশ্ঞ্যন্ন॑মে॒বাব॑ রুন্ধে চত॒সৃভি॒রা পুচ্ছা॑দেতি চ॒ত্বারি॒ ছন্দাগ্​ম্॑সি॒ ছন্দো॑ভিরে॒বেন্দ্রং॒-বিঁশ্বা॑ অবীবৃধ॒ন্নিত্য়া॑হ॒ বৃদ্ধি॑মে॒বোপাব॑র্ততে॒ বাজা॑না॒গ্​ম্॒ সত্প॑তি॒-ম্পতি॒- [সত্প॑তি॒-ম্পতি᳚ম্, ইত্য়া॒হা-ঽন্নং॒-বৈঁ] 28

-মিত্য়া॒হা-ঽন্নং॒-বৈঁ বাজো-ঽন্ন॑মে॒বাব॑ রুন্ধে সুম্ন॒হূর্য়॒জ্ঞো দে॒বাগ্​ম্ আ চ॑ বক্ষ॒দিত্য়া॑হ প্র॒জা বৈ প॒শব॑-স্সু॒ম্ন-ম্প্র॒জামে॒ব প॒শূনা॒ত্ম-ন্ধ॑ত্তে॒ যক্ষ॑দ॒গ্নির্দে॒বো দে॒বাগ্​ম্ আ চ॑ বক্ষ॒দিত্য়া॑হ স্ব॒গাকৃ॑ত্য়ৈ॒ বাজ॑স্য় মা প্রস॒বেনো᳚-দ্গ্রা॒ভেণোদ॑গ্রভী॒দিত্য়া॑হা॒সৌ বা আ॑দি॒ত্য় উ॒দ্যন্নু॑দ্গ্রা॒ভ এ॒ষ নি॒ম্রোচ॑-ন্নিগ্রা॒ভো ব্রহ্ম॑ণৈ॒বা-ঽঽত্মান॑মু-দ্গৃ॒হ্ণাতি॒ ব্রহ্ম॑ণা॒ ভ্রাতৃ॑ব্য়॒-ন্নি গৃ॑হ্ণাতি ॥ 29 ॥
(প্রা॒ণৈঃ - পোষো᳚ - প্র॒ত্য়া - গ্নী᳚দ্ধে॒ - পতি॑ - মে॒ষ - দশ॑ চ) (অ. 6)

প্রাচী॒মনু॑ প্র॒দিশ॒-ম্প্রেহি॑ বি॒দ্বানিত্য়া॑হ দেবলো॒ক-মে॒বৈতয়ো॒পাব॑র্ততে॒ ক্রম॑দ্ধ্বম॒গ্নিনা॒ নাক॒-মিত্য়া॑হে॒মানে॒বৈতয়া॑ লো॒কান্ ক্র॑মতে পৃথি॒ব্য়া অ॒হমুদ॒ন্তরি॑ক্ষ॒মা ঽরু॑হ॒মিত্য়া॑হে॒মানে॒বৈতয়া॑ লো॒কান্-থ্স॒মারো॑হতি॒ সুব॒র্যন্তো॒ নাপে᳚ক্ষন্ত॒ ইত্য়া॑হ সুব॒র্গমে॒বৈতয়া॑ লো॒কমে॒ত্যগ্নে॒ প্রেহি॑ [প্রেহি॑, প্র॒থ॒মো] 30

প্রথ॒মো দে॑বয়॒তা-মিত্য়া॑হো॒ভয়ে᳚ষ্বে॒বৈতয়া॑ দেবমনু॒ষ্য়েষু॒ চক্ষু॑র্দধাতি প॒ঞ্চভি॒রধি॑ ক্রামতি॒ পাঙ্ক্তো॑ য॒জ্ঞো যাবা॑নে॒ব য॒জ্ঞস্তেন॑ স॒হ সু॑ব॒র্গং-লোঁ॒কমে॑তি॒ নক্তো॒ষাসেতি॑ পুরো-ঽনুবা॒ক্য়া॑মন্বা॑হ॒ প্রত্য়া॒ অগ্নে॑ সহস্রা॒ক্ষেত্য়া॑হ সাহ॒স্রঃ প্র॒জাপ॑তিঃ প্র॒জাপ॑তে॒রাপ্ত্য়ৈ॒ তস্মৈ॑ তে বিধেম॒ বাজা॑য়॒ স্বাহেত্য়া॒হান্নং॒-বৈঁ বাজো-ঽন্ন॑-মে॒বাব॑ [বাজো-ঽন্ন॑-মে॒বাব॑, রু॒ন্ধে॒ দ॒দ্ধ্নঃ] 31

রুন্ধে দ॒দ্ধ্নঃ পূ॒র্ণামৌদু॑ম্বরীগ্​ স্বযমাতৃ॒ণ্ণায়া᳚-ঞ্জুহো॒ত্য়ূর্গ্বৈ দদ্ধ্য়ূর্গু॑দু॒ম্বরো॒-ঽসৌ স্ব॑যমাতৃ॒ণ্ণা ঽমুষ্য়া॑মে॒বোর্জ॑-ন্দধাতি॒ তস্মা॑দ॒মুতো॒-ঽর্বাচী॒মূর্জ॒মুপ॑ জীবামস্তি॒সৃভি॑-স্সাদযতি ত্রি॒বৃদ্বা অ॒গ্নির্য়াবা॑নে॒বাগ্নিস্ত-ম্প্র॑তি॒ষ্ঠা-ঙ্গ॑মযতি॒ প্রেদ্ধো॑ অগ্নে দীদিহি পু॒রো ন॒ ইত্য়ৌদু॑ম্বরী॒মা দ॑ধাত্য়ে॒ষা বৈ সূ॒র্মী কর্ণ॑কাবত্য়ে॒তয়া॑ হ স্ম॒ [হ স্ম, বৈ] 32

বৈ দে॒বা অসু॑রাণাগ্​ম্ শতত॒র্॒হাগ্​ স্তৃগ্​ম্॑হন্তি॒ যদে॒তয়া॑ স॒মিধ॑মা॒দধা॑তি॒ বজ্র॑মে॒বৈতচ্ছ॑ত॒ঘ্নীং-য়ঁজ॑মানো॒ ভ্রাতৃ॑ব্য়ায়॒ প্রহ॑রতি॒ স্তৃত্য়া॒ অছ॑ম্বট্কারং-বিঁ॒ধেম॑ তে পর॒মে জন্ম॑ন্নগ্ন॒ ইতি॒ বৈক॑ঙ্কতী॒মা দ॑ধাতি॒ ভা এ॒বাব॑ রুন্ধে॒ তাগ্​ম্ স॑বি॒তুর্বরে᳚ণ্যস্য় চি॒ত্রামিতি॑ শমী॒ময়ী॒গ্​ম্॒ শান্ত্য়া॑ অ॒গ্নির্বা॑ হ॒ বা অ॑গ্নি॒চিত॑-ন্দু॒হে᳚-ঽগ্নি॒চিদ্বা॒-ঽগ্নি-ন্দু॑হে॒ তাগ্​ম্ [তাম্, স॒বি॒তু-] 33

স॑বি॒তু-র্বরে᳚ণ্যস্য় চি॒ত্রামিত্য়া॑হৈ॒ষ বা অ॒গ্নের্দোহ॒স্তম॑স্য়॒ কণ্ব॑ এ॒ব শ্রা॑য়॒সো॑-ঽবে॒-ত্তেন॑ হ স্মৈন॒গ্​ম্॒ স দু॑হে॒ যদে॒তয়া॑ স॒মিধ॑-মা॒দধা᳚ত্যগ্নি॒চিদে॒ব তদ॒গ্নি-ন্দু॑হে স॒প্ত তে॑ অগ্নে স॒মিধ॑-স্স॒প্তজি॒হ্বা ইত্য়া॑হ স॒প্তৈবাস্য়॒ সাপ্তা॑নি প্রীণাতি পূ॒র্ণয়া॑ জুহোতি পূ॒র্ণ ই॑ব॒ হি প্র॒জাপ॑তিঃ প্র॒জাপ॑তে॒- [প্র॒জাপ॑তেঃ, আপ্ত্য়ৈ॒] 34

-রাপ্ত্য়ৈ॒ ন্য়ূ॑নয়া জুহোতি॒ ন্য়ূ॑না॒দ্ধি প্র॒জাপ॑তিঃ প্র॒জা অসৃ॑জত প্র॒জানা॒গ্​ম্॒ সৃষ্ট্য়া॑ অ॒গ্নির্দে॒বেভ্য়ো॒ নিলা॑যত॒ স দিশো-ঽনু॒ প্রা-ঽবি॑শ॒জ্জুহ্ব॒ন্মন॑সা॒ দিশো᳚ দ্ধ্য়ায়ে দ্দি॒গ্ভ্য় এ॒বৈন॒মব॑ রুন্ধে দ॒দ্ধ্না পু॒রস্তা᳚জ্জুহো॒ত্য়া-জ্য়ে॑নো॒পরি॑ষ্টা॒-ত্তেজ॑শ্চৈ॒বাস্মা॑ ইন্দ্রি॒য়-ঞ্চ॑ স॒মীচী॑ দধাতি॒ দ্বাদ॑শকপালো বৈশ্বান॒রো ভ॑বতি॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒রো᳚-ঽগ্নির্বৈ᳚শ্বান॒র-স্সা॒ক্ষা- [-ঽগ্নির্বৈ᳚শ্বান॒র-স্সা॒ক্ষাত্, এ॒ব বৈ᳚শ্বান॒রমব॑] 35

-দে॒ব বৈ᳚শ্বান॒রমব॑ রুন্ধে॒ য-ত্প্র॑য়াজানূয়া॒জান্ কু॒র্য়াদ্বিক॑স্তি॒-স্সা য॒জ্ঞস্য়॑ দর্বিহো॒ম-ঙ্ক॑রোতি য॒জ্ঞস্য়॒ প্রতি॑ষ্ঠিত্য়ৈ রা॒ষ্ট্রং-বৈঁ বৈ᳚শ্বান॒রো বিণ্ম॒রুতো॑ বৈশ্বান॒রগ্​ম্ হু॒ত্বা মা॑রু॒তান্ জু॑হোতি রা॒ষ্ট্র এ॒ব বিশ॒মনু॑ বদ্ধ্নাত্য়ু॒চ্চৈ-র্বৈ᳚শ্বান॒রস্য়া-ঽঽ শ্রা॑বযত্য়ুপা॒গ্​ম্॒শু মা॑রু॒তান্ জু॑হোতি॒ তস্মা᳚-দ্রা॒ষ্ট্রং-বিঁশ॒মতি॑ বদতি মারু॒তা ভ॑বন্তি ম॒রুতো॒ বৈ দে॒বানাং॒-বিঁশো॑ দেববি॒শেনৈ॒বাস্মৈ॑ মনুষ্যবি॒শ -মব॑ রুন্ধে স॒প্ত ভ॑বন্তি স॒প্তগ॑ণা॒ বৈ ম॒রুতো॑ গণ॒শ এ॒ব বিশ॒মব॑ রুন্ধে গ॒ণেন॑ গ॒ণম॑নু॒দ্রুত্য়॑ জুহোতি॒ বিশ॑মে॒বাস্মা॒ অনু॑বর্ত্মান-ঙ্করোতি ॥ 36 ॥
(অগ্নে॒ প্রেহ্য় - ব॑ - স্ম - দুহে॒ তাং - প্র॒জাপ॑তেঃ - সা॒ক্ষান্ - ম॑নুষ্যবি॒শ - মেক॑বিগ্​ম্শতিশ্চ) (অ. 7)

বসো॒র্ধারা᳚-ঞ্জুহোতি॒ বসো᳚র্মে॒ ধারা॑-ঽস॒দিতি॒ বা এ॒ষা হূ॑যতে ঘৃ॒তস্য়॒ বা এ॑নমে॒ষা ধারা॒-ঽমুষ্মি॑ন্ ঁলো॒কে পিন্ব॑মা॒নোপ॑ তিষ্ঠত॒ আজ্য়ে॑ন জুহোতি॒ তেজো॒ বা আজ্য়॒-ন্তেজো॒ বসো॒র্ধারা॒ তেজ॑সৈ॒বাস্মৈ॒ তেজো-ঽব॑ রু॒ন্ধে-ঽথো॒ কামা॒ বৈ বসো॒র্ধারা॒ কামা॑নে॒বাব॑ রুন্ধে॒ য-ঙ্কা॒ময়ে॑ত প্রা॒ণান॑স্য়া॒-ঽন্নাদ্য়ং॒-বিঁ- [-ঽন্নাদ্য়ং॒-বিঁ, ছি॒ন্দ্য়া॒মিতি॑] 37

-চ্ছি॑ন্দ্য়া॒মিতি॑ বি॒গ্রাহ॒-ন্তস্য়॑ জুহুয়া-ত্প্রা॒ণানে॒বাস্য়া॒ন্নাদ্য়ং॒-বিঁচ্ছি॑নত্তি॒ য-ঙ্কা॒ময়ে॑ত প্রা॒ণান॑স্য়া॒ন্নাদ্য়॒গ্​ম্॒ স-ন্ত॑নুয়া॒মিতি॒ স-ন্ত॑তা॒-ন্তস্য়॑ জুহুয়া-ত্প্রা॒ণানে॒বাস্য়া॒ন্নাদ্য়॒গ্​ম্॒ স-ন্ত॑নোতি॒ দ্বাদ॑শ দ্বাদ॒শানি॑ জুহোতি॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒রেণৈ॒ বাস্মা॒ অন্ন॒মব॑ রু॒ন্ধে ঽন্ন॑-ঞ্চ॒ মে-ঽক্ষু॑চ্চ ম॒ ইত্য়া॑হৈ॒ ত-দ্বা [ইত্য়া॑হৈ॒ ত-দ্বৈ, অন্ন॑স্য় রূ॒পগ্​ম্] 38

অন্ন॑স্য় রূ॒পগ্​ম্ রূ॒পেণৈ॒বান্ন॒মব॑ রুন্ধে॒ ঽগ্নিশ্চ॑ ম॒ আপ॑শ্চ ম॒ ইত্য়া॑হৈ॒ষা বা অন্ন॑স্য়॒ যোনি॒-স্সয়ো᳚ন্য়ে॒বান্ন॒মব॑ রুন্ধে-ঽর্ধে॒ন্দ্রাণি॑ জুহোতি দে॒বতা॑ এ॒বাব॑ রুন্ধে॒ য-থ্সর্বে॑ষা-ম॒র্ধমিন্দ্রঃ॒ প্রতি॒ তস্মা॒দিন্দ্রো॑ দে॒বতা॑না-ম্ভূয়িষ্ঠ॒ভাক্ত॑ম॒ ইন্দ্র॒মুত্ত॑রমাহে-ন্দ্রি॒যমে॒বাস্মি॑-ন্নু॒পরি॑ষ্টা-দ্দধাতি যজ্ঞায়ু॒ধানি॑ জুহোতি য॒জ্ঞো [য়॒জ্ঞঃ, বৈ য॑জ্ঞায়ু॒ধানি॑] 39

বৈ য॑জ্ঞায়ু॒ধানি॑ য॒জ্ঞমে॒বাব॑ রু॒ন্ধে-ঽথো॑ এ॒তদ্বৈ য॒জ্ঞস্য়॑ রূ॒পগ্​ম্ রূ॒পেণৈ॒ব য॒জ্ঞমব॑ রুন্ধে ঽবভৃ॒থশ্চ॑ মে স্বগাকা॒রশ্চ॑ ম॒ ইত্য়া॑হ স্ব॒গাকৃ॑ত্য়া অ॒গ্নিশ্চ॑ মে ঘ॒র্মশ্চ॑ ম॒ ইত্য়া॑হৈ॒ত-দ্বৈ ব্র॑হ্মবর্চ॒সস্য়॑ রূ॒পগ্​ম্ রূ॒পেণৈ॒ব ব্র॑হ্মবর্চ॒সমব॑ রুন্ধ॒ ঋক্চ॑ মে॒ সাম॑ চ ম॒ ইত্য়া॑হৈ॒- [ম॒ ইত্য়া॑হ, এ॒তদ্বৈ ছন্দ॑সাগ্​ম্] 40

-তদ্বৈ ছন্দ॑সাগ্​ম্ রূ॒পগ্​ম্ রূ॒পেণৈ॒ব ছন্দা॒গ্॒স্যব॑ রুন্ধে॒ গর্ভা᳚শ্চ মে ব॒থ্সাশ্চ॑ ম॒ ইত্য়া॑হৈ॒ত-দ্বৈ প॑শূ॒নাগ্​ম্ রূ॒পগ্​ম্ রূ॒পেণৈ॒ব প॒শূনব॑ রুন্ধে॒ কল্পা᳚ন্ জুহো॒ত্য় কৢ॑প্তস্য়॒ কৢপ্ত্য়ৈ॑ যুগ্মদয়ু॒জে জু॑হোতি মিথুন॒ত্বায়ো᳚-ত্ত॒রাব॑তী ভবতো॒-ঽভিক্রা᳚ন্ত্য়া॒ একা॑ চ মে তি॒স্রশ্চ॑ ম॒ ইত্য়া॑হ দেবছন্দ॒সং-বাঁ একা॑ চ তি॒স্রশ্চ॑ [তি॒স্রশ্চ॑, ম॒নু॒ষ্য়॒ছ॒ন্দ॒স-ঞ্চত॑স্রশ্চা॒-ঽষ্টৌ] 41

মনুষ্যছন্দ॒স-ঞ্চত॑স্রশ্চা॒-ঽষ্টৌ চ॑ দেবছন্দ॒স-ঞ্চৈ॒ব ম॑নুষ্য় ছন্দ॒সঞ্চা-ঽব॑ রুন্ধ॒ আ ত্রয়॑স্ত্রিগ্​ম্ শতো জুহোতি॒ ত্রয়॑স্ত্রিগ্​ম্শ॒দ্বৈ দে॒বতা॑ দে॒বতা॑ এ॒বাব॑ রুন্ধ॒ আ-ঽষ্টাচ॑ত্বারিগ্​ম্শতো জুহোত্য়॒ষ্টাচ॑ত্বারিগ্​ম্-শদক্ষরা॒ জগ॑তী॒ জাগ॑তাঃ প॒শবো॒ জগ॑ত্য়ৈ॒বাস্মৈ॑ প॒শূনব॑ রুন্ধে॒ বাজ॑শ্চ প্রস॒বশ্চেতি॑ দ্বাদ॒শ-ঞ্জু॑হোতি॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒র এ॒ব প্রতি॑ তিষ্ঠতি ॥ 42 ॥
(বি - বৈ - য॒জ্ঞঃ-সাম॑ চ ম॒ ইত্য়া॑হ - চ তি॒স্র - শ্চৈকা॒ন্ন প॑ঞ্চা॒শচ্চ॑) (অ. 8)

অ॒গ্নির্দে॒বেভ্য়ো ঽপা᳚ক্রাম-দ্ভাগ॒ধেয়॑মি॒চ্ছমা॑ন॒স্ত-ন্দে॒বা অ॑ব্রুব॒ন্নুপ॑ ন॒ আ ব॑র্তস্ব হ॒ব্য়-ন্নো॑ ব॒হেতি॒ সো᳚-ঽব্রবী॒-দ্বরং॑-বৃঁণৈ॒ মহ্য়॑মে॒ব বা॑জপ্রস॒বীয়॑-ঞ্জুহব॒ন্নিতি॒ তস্মা॑দ॒গ্নয়ে॑ বাজপ্রস॒বীয়॑-ঞ্জুহ্বতি॒ য-দ্বা॑জপ্রস॒বীয়॑-ঞ্জু॒হোত্য়॒গ্নিমে॒ব ত-দ্ভা॑গ॒ধেয়ে॑ন॒ সম॑র্ধয়॒ত্যথো॑ অভিষে॒ক এ॒বাস্য়॒ স চ॑তুর্দ॒শভি॑র্জুহোতি স॒প্ত গ্রা॒ম্য়া ওষ॑ধয়-স্স॒প্তা- [ওষ॑ধয়-স্স॒প্ত, অ॒র॒ণ্য়া উ॒ভয়ী॑ষা॒-] 43

-ঽঽর॒ণ্য়া উ॒ভয়ী॑ষা॒-মব॑রুদ্ধ্য়া॒ অন্ন॑স্য়ান্নস্য় জুহো॒ত্যন্ন॑স্য়ান্ন॒স্য়া-ব॑রুদ্ধ্য়া॒ ঔদু॑ম্বরেণ স্রু॒বেণ॑ জুহো॒ত্য়ূর্গ্বা উ॑দু॒ম্বর॒ ঊর্গন্ন॑মূ॒র্জৈবাস্মা॒ ঊর্জ॒মন্ন॒মব॑ রুন্ধে॒ ঽগ্নির্বৈ দে॒বানা॑-ম॒ভিষি॑ক্তো-ঽগ্নি॒চি-ন্ম॑নু॒ষ্য়া॑ণা॒-ন্তস্মা॑দগ্নি॒চি-দ্বর্​ষ॑তি॒ ন ধা॑বে॒দব॑রুদ্ধ॒গ্গ্॒ হ্য়॑স্য়া-ন্ন॒মন্ন॑মিব॒ খলু॒ বৈ ব॒র্॒ষং-য়ঁদ্ধাবে॑-দ॒ন্নাদ্য়া᳚দ্ধাবে-দু॒পাব॑র্তেতা॒-ঽন্নাদ্য়॑-মে॒বা-ঽভ্য়ু॒- [-ঽন্নাদ্য়॑-মে॒বা-ঽভি, উ॒পাব॑র্ততে॒] 44

-পাব॑র্ততে॒ নক্তো॒ষাসেতি॑ কৃ॒ষ্ণায়ৈ᳚ শ্বে॒তব॑থ্সায়ৈ॒ পয়॑সা জুহো॒ত্যহ্নৈ॒বাস্মৈ॒ রাত্রি॒-ম্প্রদা॑পযতি॒ রাত্রি॒য়া-ঽহ॑রহোরা॒ত্রে এ॒বাস্মৈ॒ প্রত্তে॒ কাম॑ম॒ন্নাদ্য়॑-ন্দুহাতে রাষ্ট্র॒ভৃতো॑ জুহোতি রা॒ষ্ট্রমে॒বাব॑ রুন্ধে ষ॒ড্ভির্জু॑হোতি॒ ষড্বা ঋ॒তব॑ ঋ॒তুষ্বে॒ব প্রতি॑তিষ্ঠতি॒ ভুব॑নস্য় পত॒ ইতি॑ রথমু॒খে পঞ্চা-ঽঽহু॑তীর্জুহোতি॒ বজ্রো॒ বৈ রথো॒ বজ্রে॑ণৈ॒ব দিশো॒- [বজ্রে॑ণৈ॒ব দিশঃ॑, অ॒ভি জ॑যত্যগ্নি॒চিতগ্​ম্॑] 45

-ঽভি জ॑যত্যগ্নি॒চিতগ্​ম্॑ হ॒ বা অ॒মুষ্মি॑ন্ ঁলো॒কে বাতো॒-ঽভি প॑বতে বাতনা॒মানি॑ জুহোত্য়॒ভ্য়ে॑বৈন॑-ম॒মুষ্মি॑ন্ ঁলো॒কে বাতঃ॑ পবতে॒ ত্রীণি॑ জুহোতি॒ ত্রয়॑ ই॒মে লো॒কা এ॒ভ্য় এ॒ব লো॒কেভ্য়ো॒ বাত॒মব॑ রুন্ধে সমু॒দ্রো॑-ঽসি॒ নভ॑স্বা॒নিত্য়া॑হৈ॒তদ্বৈ বাত॑স্য় রূ॒পগ্​ম্ রূ॒পেণৈ॒ব বাত॒মব॑ রুন্ধে ঽঞ্জ॒লিনা॑ জুহোতি॒ ন হ্য়ে॑তেষা॑ম॒ন্যথা ঽঽহু॑তিরব॒কল্প॑তে ॥ 46 ॥
(ওষ॑ধয়-স্স॒প্তা - ভি - দিশো॒ - ঽন্যথা॒ - দ্বে চ॑) (অ. 9)

সু॒ব॒র্গায়॒ বৈ লো॒কায়॑ দেবর॒থো যু॑জ্যতে যত্রাকূ॒তায়॑ মনুষ্যর॒থ এ॒ষ খলু॒ বৈ দে॑বর॒থো যদ॒গ্নির॒গ্নিং-য়ুঁ॑নজ্মি॒ শব॑সা ঘৃ॒তেনেত্য়া॑হ যু॒নক্ত্য়ে॒বৈন॒গ্​ম্॒ স এ॑নং-য়ুঁ॒ক্ত-স্সু॑ব॒র্গং-লোঁ॒কম॒ভি ব॑হতি॒ য-থ্সর্বা॑ভিঃ প॒ঞ্চভি॑-র্য়ু॒ঞ্জ্য়া-দ্য়ু॒ক্তো᳚-ঽস্য়া॒-ঽগ্নিঃ প্রচ্য়ু॑ত-স্স্য়া॒দপ্র॑তিষ্ঠিতা॒ আহু॑তয়॒-স্স্য়ুরপ্র॑তিষ্ঠিতা॒-স্স্তোমা॒ অপ্র॑তিষ্ঠিতান্য়ু॒ক্থানি॑ তি॒সৃভিঃ॑ প্রাতস্সব॒নে॑-ঽভি মৃ॑শতি ত্রি॒বৃ- [ত্রি॒বৃত্, বা অ॒গ্নির্য়াবা॑নে॒বা-] 47

-দ্বা অ॒গ্নির্য়াবা॑নে॒বা-গ্নিস্তং-য়ুঁ॑নক্তি॒ যথা-ঽন॑সি যু॒ক্ত আ॑ধী॒যত॑ এ॒বমে॒ব ত-ত্প্রত্য়াহু॑তয়॒স্তিষ্ঠ॑ন্তি॒ প্রতি॒ স্তোমাঃ॒ প্রত্য়ু॒ক্থানি॑ যজ্ঞায়॒জ্ঞিয়॑স্য় স্তো॒ত্রে দ্বাভ্য়া॑ম॒ভি মৃ॑শত্য়ে॒তাবা॒ন্॒ বৈ য॒জ্ঞো যাবা॑নগ্নিষ্টো॒মো ভূ॒মা ত্বা অ॒স্য়াত॑ ঊ॒র্ধ্বঃ ক্রি॑যতে॒ যাবা॑নে॒ব য॒জ্ঞস্তম॑ন্ত॒তো᳚ ঽন্বারো॑হতি॒ দ্বাভ্য়া॒-ম্প্রতি॑ষ্ঠিত্য়া॒ এক॒য়া-ঽপ্র॑স্তুত॒-ম্ভব॒ত্যথা॒- [-ঽপ্র॑স্তুত॒-ম্ভব॒ত্যথ॑, অ॒ভি মৃ॑শ॒ত্য়ুপৈ॑ন॒-] 48

-ঽভি মৃ॑শ॒ত্য়ুপৈ॑ন॒-মুত্ত॑রো য॒জ্ঞো ন॑ম॒ত্যথো॒ সন্ত॑ত্য়ৈ॒ প্র বা এ॒ষো᳚-ঽস্মাল্লো॒কা-চ্চ্য়॑বতে॒ যো᳚-ঽগ্নি-ঞ্চি॑নু॒তে ন বা এ॒তস্য়া॑নিষ্ট॒ক আহু॑তি॒রব॑ কল্পতে॒ যাং-বাঁ এ॒ষো॑-ঽনিষ্ট॒ক আহু॑তি-ঞ্জু॒হোতি॒ স্রব॑তি॒ বৈ সা তাগ্​ স্রব॑ন্তীং-য়ঁ॒জ্ঞো-ঽনু॒ পরা॑ ভবতি য॒জ্ঞং-য়ঁজ॑মানো॒ য-ত্পু॑নশ্চি॒তি-ঞ্চি॑নু॒ত আহু॑তীনা॒-ম্প্রতি॑ষ্ঠিত্য়ৈ॒ প্রত্য়াহু॑তয়॒স্তিষ্ঠ॑ন্তি॒ [প্রত্য়াহু॑তয়॒স্তিষ্ঠ॑ন্তি, ন য॒জ্ঞঃ] 49

ন য॒জ্ঞঃ প॑রা॒ভব॑তি॒ ন যজ॑মানো॒ ঽষ্টাবুপ॑ দধাত্য়॒ষ্টাক্ষ॑রা গায়॒ত্রী গা॑য়॒ত্রেণৈ॒বৈন॒-ঞ্ছন্দ॑সা চিনুতে॒ যদেকা॑দশ॒ ত্রৈষ্টু॑ভেন॒ য-দ্দ্বাদ॑শ॒ জাগ॑তেন॒ ছন্দো॑ভিরে॒বৈন॑-ঞ্চিনুতে নপা॒ত্কো বৈনামৈ॒ষো᳚-ঽগ্নির্য়-ত্পু॑নশ্চি॒তির্য় এ॒বং-বিঁ॒দ্বা-ন্পু॑নশ্চি॒তি-ঞ্চি॑নু॒ত আ তৃ॒তীয়া॒-ত্পুরু॑ষা॒দন্ন॑মত্তি॒ যথা॒ বৈ পু॑নরা॒ধেয়॑ এ॒ব-ম্পু॑নশ্চি॒তির্য়ো᳚-ঽ-গ্ন্য়া॒ধেয়ে॑ন॒ ন- [-গ্ন্য়া॒ধেয়ে॑ন॒ ন, ঋ॒ধ্নোতি॒ স] 50

-র্ধ্নোতি॒ স পু॑নরা॒ধেয়॒মা ধ॑ত্তে॒ যো᳚-ঽগ্নি-ঞ্চি॒ত্বা নর্ধ্নোতি॒ স পু॑নশ্চি॒তি-ঞ্চি॑নুতে॒ য-ত্পু॑নশ্চি॒তি-ঞ্চি॑নু॒ত ঋদ্ধ্য়া॒ অথো॒ খল্বা॑হু॒র্ন চে॑ত॒ব্য়েতি॑ রু॒দ্রো বা এ॒ষ যদ॒গ্নির্যথা᳚ ব্য়া॒ঘ্রগ্​ম্ সু॒প্ত-ম্বো॒ধয়॑তি তা॒দৃগে॒ব তদথো॒ খল্বা॑হুশ্চেত॒ব্য়েতি॒ যথা॒ বসী॑য়াগ্​ম্স-ম্ভাগ॒ধেয়ে॑ন বো॒ধয়॑তি তা॒দৃগে॒ব তন্মনু॑র॒গ্নিম॑চিনুত॒ তেন॒ না-ঽঽর্ধ্নো॒থ্স এ॒তা-ম্পু॑নশ্চি॒তিম॑পশ্য়॒-ত্তাম॑চিনুত॒ তয়া॒ বৈ স আ᳚র্ধ্নো॒দ্য়-ত্পু॑নশ্চি॒তি-ঞ্চি॑নু॒ত ঋদ্ধ্য়ৈ᳚ ॥ 51 ॥
(ত্রি॒বৃ-দথ॒-তিষ্ঠ॑-ন্ত্যগ্ন্য়া॒ধেয়ে॑ন॒ না-চি॑নুত-স॒প্তদ॑শ- চ) (অ. 10)

ছ॒ন্দ॒শ্চিত॑-ঞ্চিন্বীত প॒শুকা॑মঃ প॒শবো॒ বৈ ছন্দাগ্​ম্॑সি পশু॒মানে॒ব ভ॑বতি শ্য়েন॒চিত॑-ঞ্চিন্বীত সুব॒র্গকা॑ম-শ্শ্য়ে॒নো বৈ বয়॑সা॒-ম্পতি॑ষ্ঠ-শ্শ্য়ে॒ন এ॒ব ভূ॒ত্বা সু॑ব॒র্গং-লোঁ॒ক-ম্প॑ততি কঙ্ক॒চিত॑-ঞ্চিন্বীত॒ যঃ কা॒ময়ে॑ত শীর্​ষ॒ণ্বান॒মুষ্মি॑ন্ ঁলো॒কে স্য়া॒মিতি॑ শীর্​ষ॒ণ্বানে॒বা-ঽমুষ্মি॑ন্ ঁলো॒কে ভ॑বত্যলজ॒চিত॑-ঞ্চিন্বীত॒ চতু॑স্সীত-ম্প্রতি॒ষ্ঠাকা॑ম॒শ্চত॑স্রো॒ দিশো॑ দি॒ক্ষ্বে॑ব প্রতি॑ তিষ্ঠতি প্রৌগ॒চিত॑-ঞ্চিন্বীত॒ ভ্রাতৃ॑ব্যবা॒-ন্প্রৈ- [ভ্রাতৃ॑ব্যবা॒-ন্প্র, এ॒ব ভ্রাতৃ॑ব্য়া-ন্নুদত] 52

-ব ভ্রাতৃ॑ব্য়া-ন্নুদত উভ॒যতঃ॑ প্রৌগ-ঞ্চিন্বীত॒য়ঃ কা॒ময়ে॑ত॒ প্রজা॒তা-ন্ভ্রাতৃ॑ব্য়া-ন্নু॒দেয়॒ প্রতি॑ জনি॒ষ্যমা॑ণা॒নিতি॒ প্রৈব জা॒তা-ন্ভ্রাতৃ॑ব্য়া-ন্নু॒দতে॒ প্রতি॑ জনি॒ষ্যমা॑ণা-ন্রথচক্র॒চিত॑-ঞ্চিন্বীত॒ ভ্রাতৃ॑ব্যবা॒ন্॒ বজ্রো॒ বৈ রথো॒ বজ্র॑মে॒ব ভ্রাতৃ॑ব্য়েভ্য়ঃ॒ প্রহ॑রতি দ্রোণ॒চিত॑-ঞ্চিন্বী॒তান্ন॑কামো॒ দ্রোণে॒ বা অন্ন॑-ম্ভ্রিযতে॒ সয়ো᳚ন্য়ে॒বান্ন॒মব॑ রুন্ধে সমূ॒হ্য়॑-ঞ্চিন্বীত প॒শুকা॑মঃ পশু॒মানে॒ব ভ॑বতি [পশু॒মানে॒ব ভ॑বতি, প॒রি॒চা॒য়্য়॑-ঞ্চিন্বীত॒] 53

পরিচা॒য়্য়॑-ঞ্চিন্বীত॒ গ্রাম॑কামো গ্রা॒ম্য়ে॑ব ভ॑বতি শ্মশান॒চিত॑-ঞ্চিন্বীত॒ যঃ কা॒ময়ে॑ত পিতৃলো॒ক ঋ॑দ্ধ্নুয়া॒মিতি॑ পিতৃলো॒ক এ॒বর্ধ্নো॑তি বিশ্বামিত্রজমদ॒গ্নী বসি॑ষ্ঠেনা-ঽস্পর্ধেতা॒গ্​ম্॒ স এ॒তা জ॒মদ॑গ্নির্বিহ॒ব্য়া॑ অপশ্য়॒-ত্তা উপা॑ধত্ত॒ তাভি॒র্বৈ স বসি॑ষ্ঠস্য়েন্দ্রি॒য়ং-বীঁ॒র্য়॑মবৃঙ্ক্ত॒ য-দ্বি॑হ॒ব্য়া॑ উপ॒দধা॑তীন্দ্রি॒যমে॒ব তাভি॑র্বী॒র্য়ং॑-য়ঁজ॑মানো॒ ভ্রাতৃ॑ব্যস্য় বৃঙ্ক্তে॒ হোতু॒র্ধিষ্ণি॑য়॒ উপ॑ দধাতি যজমানাযত॒নং-বৈঁ [ ] 54

হোতা॒ স্ব এ॒বাস্মা॑ আ॒যত॑ন ইন্দ্রি॒য়ং-বীঁ॒র্য়॑মব॑ রুন্ধে॒ দ্বাদ॒শোপ॑ দধাতি॒ দ্বাদ॑শাক্ষরা॒ জগ॑তী॒ জাগ॑তাঃ প॒শবো॒ জগ॑ত্য়ৈ॒বাস্মৈ॑ প॒শূনব॑ রুন্ধে॒ ঽষ্টাব॑ষ্টাব॒ন্য়েষু॒ ধিষ্ণি॑য়ে॒ষূপ॑ দধাত্য়॒ষ্টাশ॑ফাঃ প॒শবঃ॑ প॒শূনে॒বাব॑ রুন্ধে॒ ষণ্মা᳚র্জা॒লীয়ে॒ ষ-ড্বা ঋ॒তব॑ ঋ॒তবঃ॒ খলু॒ বৈ দে॒বাঃ পি॒তর॑ ঋ॒তূনে॒ব দে॒বা-ন্পি॒তৄ-ন্প্রী॑ণাতি ॥ 55 ॥
(প্র - ভ॑বতি - যজমানাযত॒নং-বাঁ - অ॒ষ্টাচ॑ত্বারিগ্​ম্শচ্চ) (অ. 11)

পব॑স্ব॒ বাজ॑সাতয়॒ ইত্য়॑নু॒ষ্টু-ক্প্র॑তি॒পদ্ভ॑বতি তি॒র্​সো॑-ঽনু॒ষ্টুভ॒শ্চত॑স্রো গায়॒ত্রিয়ো॒ য-ত্তি॒স্রো॑-ঽনু॒ষ্টুভ॒-স্তস্মা॒-দশ্ব॑স্ত্রি॒ভিস্তিষ্ঠগ্গ্॑ স্তিষ্ঠতি॒ যচ্চত॑স্রো গায়॒ত্রিয়॒স্তস্মা॒-থ্সর্বাগ্॑ শ্চ॒তুরঃ॑ প॒দঃ প্র॑তি॒দধ॒-ত্পলা॑যতে পর॒মা বা এ॒ষা ছন্দ॑সাং॒-য়ঁদ॑নু॒ষ্টু-ক্প॑র॒মশ্চ॑তুষ্টো॒ম-স্স্তোমা॑না-ম্পর॒মস্ত্রি॑রা॒ত্রো য॒জ্ঞানা᳚-ম্পর॒মো-ঽশ্বঃ॑ পশূ॒না-ম্প॑র॒মেণৈ॒বৈন॑-ম্পর॒মতা᳚-ঙ্গমযত্য়েকবি॒গ্​ম্॒শ-মহ॑র্ভবতি॒ [-মহ॑র্ভবতি, যস্মি॒ন্নশ্ব॑] 56

যস্মি॒ন্নশ্ব॑ আল॒ভ্যতে॒ দ্বাদ॑শ॒ মাসাঃ॒ পঞ্চ॒র্তব॒স্ত্রয়॑ ই॒মে লো॒কা অ॒সাবা॑দি॒ত্য় এ॑কবি॒গ্​ম্॒শ এ॒ষ প্র॒জাপ॑তিঃ প্রাজাপ॒ত্য়ো-ঽশ্ব॒স্তমে॒ব সা॒ক্ষাদৃ॑দ্ধ্নোতি॒ শক্ব॑রয়ঃ পৃ॒ষ্ঠ-ম্ভ॑বন্ত্য়॒ন্-যদ॑ন্য়॒-চ্ছন্দো॒-ঽন্য়ে᳚ন্য়ে॒ বা এ॒তে প॒শব॒ আ ল॑ভ্যন্ত উ॒তেব॑ গ্রা॒ম্য়া উ॒তেবা॑-ঽঽর॒ণ্য়া যচ্ছক্ব॑রয়ঃ পৃ॒ষ্ঠ-ম্ভব॒ন্ত্যশ্ব॑স্য় সর্ব॒ত্বায়॑ পার্থুর॒শ্ম-ম্ব্র॑হ্মসা॒ম-ম্ভ॑বতি র॒শ্মিনা॒ বা অশ্বো॑ [র॒শ্মিনা॒ বা অশ্বঃ॑, য॒ত ঈ᳚শ্ব॒রো] 57

য॒ত ঈ᳚শ্ব॒রো বা অশ্বো-ঽয়॒তো-ঽপ্র॑তিষ্ঠিতঃ॒ পরা᳚-ম্পরা॒বত॒-ঙ্গন্তো॒র্য়-ত্পা᳚র্থুর॒শ্ম-ম্ব্র॑হ্মসা॒ম-ম্ভব॒ত্যশ্ব॑স্য়॒ যত্য়ৈ॒ ধৃত্য়ৈ॒ সঙ্কৃ॑ত্যচ্ছাবাকসা॒ম-ম্ভ॑বত্য়ুথ্সন্নয়॒জ্ঞো বা এ॒ষ যদ॑শ্বমে॒ধঃ কস্তদ্বে॒দেত্য়া॑হু॒র্যদি॒ সর্বো॑ বা ক্রি॒যতে॒ ন বা॒ সর্ব॒ ইতি॒ য-থ্সঙ্কৃ॑ত্যচ্ছাবাকসা॒ম-ম্ভব॒ত্যশ্ব॑স্য় সর্ব॒ত্বায়॒ পর্য়া᳚প্ত্য়া॒ অন॑ন্তরায়ায়॒ সর্ব॑স্তোমো-ঽতিরা॒ত্র উ॑ত্ত॒মমহ॑র্ভবতি॒ সর্ব॒স্য়া-ঽঽপ্ত্য়ৈ॒ সর্ব॑স্য়॒ জিত্য়ৈ॒ সর্ব॑মে॒ব তেনা᳚-ঽঽপ্নোতি॒ সর্ব॑-ঞ্জযতি ॥ 58 ॥
(অহ॑র্ভবতি॒ - বা অশ্বো - ঽহ॑র্ভবতি॒ - দশ॑ চ) (অ. 12)

(দে॒বা॒সু॒রাস্তেন - র্ত॒ব্য়া॑ - রু॒দ্রো - ঽশ্ম॑ - ন্নৃ॒ষদে॒ ব - ডুদে॑নং॒ - প্রাচী॒মিতি॒ - বসো॒র্ধারা॑ - ম॒গ্নির্দে॒বেভ্য়ঃ॑ - সুব॒র্গায়॑ যত্রাকূ॒তায়॑ - ছন্দ॒শ্চিতং॒ - পব॑স্ব॒ - দ্বাদ॑শ )

(দে॒বা॒সু॒রা - অ॒জায়াং॒ - ঁবৈ গ্রু॑মু॒ষ্টিঃ - প্র॑থ॒মো দে॑বয়॒তামে॒ - তদ্বৈ ছন্দ॑সা - মৃ॒ধ্নো - ত্য়॒ষ্টৌ প॑ঞ্চা॒শত্)

(দে॒বা॒সু॒রা, স্সর্ব॑-ঞ্জযতি)

॥ হরিঃ॑ ওম্ ॥
॥ কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে চতুর্থঃ প্রশ্ন-স্সমাপ্তঃ ॥