কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থকাণ্ডে দ্বীতীয়ঃ প্রশ্নঃ - দেবযজনগ্রহাভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

বিষ্ণোঃ॒ ক্রমো᳚-ঽস্যভিমাতি॒হা গা॑য়॒ত্র-ঞ্ছন্দ॒ আ রো॑হ পৃথি॒বীমনু॒ বিক্র॑মস্ব॒ নির্ভ॑ক্ত॒-স্স য-ন্দ্বি॒ষ্মো বিষ্ণোঃ॒ ক্রমো᳚-ঽস্যভিশস্তি॒হা ত্রৈষ্টু॑ভ॒-ঞ্ছন্দ॒ আ রো॑হা॒ন্তরি॑ক্ষ॒মনু॒ বিক্র॑মস্ব॒ নির্ভ॑ক্ত॒-স্স য-ন্দ্বি॒ষ্মো বিষ্ণোঃ॒ ক্রমো᳚-ঽস্যরাতীয়॒তো হ॒ন্তা জাগ॑ত॒-ঞ্ছন্দ॒ আ রো॑হ॒ দিব॒মনু॒ বিক্র॑মস্ব॒ নির্ভ॑ক্ত॒-স্স য-ন্দ্বি॒ষ্মো বিষ্ণোঃ॒ [বিষ্ণোঃ᳚, ক্রমো॑-ঽসি শত্রূয়॒তো] 1

ক্রমো॑-ঽসি শত্রূয়॒তো হ॒ন্তা-ঽনু॑ষ্টুভ॒-ঞ্ছন্দ॒ আ রো॑হ॒ দিশো-ঽনু॒ বিক্র॑মস্ব॒ নির্ভ॑ক্ত॒-স্স য-ন্দ্বি॒ষ্মঃ ॥ অক্র॑ন্দদ॒গ্নি-স্স্ত॒নয়॑ন্নিব॒ দ্য়ৌঃ, ক্ষামা॒ রেরি॑হ-দ্বী॒রুধ॑-স্সম॒ঞ্জন্ন্ । স॒দ্য়ো জ॑জ্ঞা॒নো বি হীমি॒দ্ধো অখ্য়॒দা রোদ॑সী ভা॒নুনা॑ ভাত্য়॒ন্তঃ ॥ অগ্নে᳚-ঽভ্য়াবর্তিন্ন॒ভি ন॒ আ ব॑র্ত॒স্বা-ঽঽয়ু॑ষা॒ বর্চ॑সা স॒ন্য়া মে॒ধয়া᳚ প্র॒জয়া॒ ধনে॑ন ॥ অগ্নে॑ [অগ্নে᳚, অ॒ঙ্গি॒র॒-শ্শ॒ত-ন্তে॑] 2

অঙ্গির-শ্শ॒ত-ন্তে॑ সন্ত্বা॒বৃত॑-স্স॒হস্র॑-ন্ত উপা॒বৃতঃ॑ । তাসা॒-ম্পোষ॑স্য়॒ পোষে॑ণ॒ পুন॑র্নো ন॒ষ্টমা কৃ॑ধি॒ পুন॑র্নো র॒য়িমা কৃ॑ধি ॥ পুন॑রূ॒র্জা নিব॑র্তস্ব॒ পুন॑রগ্ন ই॒ষা-ঽঽয়ু॑ষা । পুন॑র্নঃ পাহি বি॒শ্বতঃ॑ ॥ স॒হ র॒য়্য়া নি ব॑র্ত॒স্বাগ্নে॒ পিন্ব॑স্ব॒ ধার॑য়া । বি॒শ্বফ্স্নি॑য়া বি॒শ্ব ত॒স্পরি॑ ॥ উদু॑ত্ত॒মং-বঁ॑রুণ॒ পাশ॑ ম॒স্মদবা॑-ঽধ॒মং- [-ঽধ॒মম্, বি ম॑দ্ধ্য়॒মগ্গ্​ শ্র॑থায় ।] 3

-ঁবি ম॑দ্ধ্য়॒মগ্গ্​ শ্র॑থায় । অথা॑ ব॒যমা॑দিত্য় ব্র॒তে তবানা॑গসো॒ অদি॑তয়ে স্য়াম ॥ আ ত্বা॑-ঽহার্​ষ-ম॒ন্তর॑ভূর্ধ্রু॒বস্তি॒ষ্ঠা ঽবি॑চাচলিঃ । বিশ॑স্ত্বা॒ সর্বা॑ বাঞ্ছন্ত্ব॒স্মি-ন্রা॒ষ্ট্রমধি॑ শ্রয় ॥অগ্নে॑ বৃ॒হন্নু॒ষসা॑মূ॒র্ধ্বো অ॑স্থান্নির্জগ্মি॒বান্-তম॑সো॒ জ্য়োতি॒ষা-ঽঽগা᳚ত্ । অ॒গ্নির্ভা॒নুনা॒ রুশ॑তা॒ স্বঙ্গ॒ আ জা॒তো বিশ্বা॒ সদ্মা᳚ন্যপ্রাঃ ॥ সীদ॒ ত্ব-ম্মা॒তুর॒স্য়া [সীদ॒ ত্ব-ম্মা॒তুর॒স্য়াঃ᳚, উ॒পস্থে॒ বিশ্বা᳚ন্যগ্নে] 4

উ॒পস্থে॒ বিশ্বা᳚ন্যগ্নে ব॒য়ুনা॑নি বি॒দ্বান্ । মৈনা॑ম॒র্চিষা॒ মা তপ॑সা॒-ঽভি শূ॑শুচো॒-ঽন্তর॑স্য়াগ্​ম্ শু॒ক্রজ্য়ো॑তি॒র্বি ভা॑হি ॥ অ॒ন্তর॑গ্নে রু॒চা ত্বমু॒খায়ৈ॒ সদ॑নে॒ স্বে । তস্য়া॒স্ত্বগ্​ম্ হর॑সা॒ তপ॒ঞ্জাত॑বেদ-শ্শি॒বো ভ॑ব ॥ শি॒বো ভূ॒ত্বা মহ্য়॑ম॒গ্নে-ঽথো॑ সীদ শি॒বস্ত্বম্ । শি॒বাঃ কৃ॒ত্বা দিশ॒-স্সর্বা॒-স্স্বাং-য়োঁনি॑মি॒হা-ঽঽ স॑দঃ ॥ হ॒গ্​ম্॒স-শ্শু॑চি॒ষ দ্বসু॑রন্তরিক্ষ॒-সদ্ধোতা॑ বেদি॒ষদতি॑থি র্দুরোণ॒সত্ । নৃ॒ষদ্ব॑র॒স-দৃ॑ত॒স-দ্ব্য়ো॑ম॒স-দ॒ব্জা গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ॥ 5 ॥
(দিব॒মনু॒ বি ক্র॑মস্ব॒ নির্ভ॑ক্ত॒-স্স য-ন্দ্বি॒ষ্মো বিষ্ণো॒ - র্ধনে॒নাগ্নে॑ - ঽধ॒ম - ম॒স্য়াঃ - শু॑চি॒ষথ্ - ষোড॑শ চ) (অ. 1)

দি॒বস্পরি॑ প্রথ॒ম-ঞ্জ॑জ্ঞে অ॒গ্নির॒স্ম-দ্দ্বি॒তীয়॒-ম্পরি॑ জা॒তবে॑দাঃ । তৃ॒তীয়॑ম॒ফ্সু নৃ॒মণা॒ অজ॑স্র॒মিন্ধা॑ন এন-ঞ্জরতে স্বা॒ধীঃ ॥ বি॒দ্মা তে॑ অগ্নে ত্রে॒ধা ত্র॒য়াণি॑ বি॒দ্মা তে॒ সদ্ম॒ বিভৃ॑ত-ম্পুরু॒ত্রা । বি॒দ্মা তে॒ নাম॑ পর॒ম-ঙ্গুহা॒ যদ্বি॒দ্মা তমুথ্সং॒-য়ঁত॑ আজ॒গন্থ॑ ॥ স॒মু॒দ্রে ত্বা॑ নৃ॒মণা॑ অ॒ফ্স্ব॑ন্তর্নৃ॒চক্ষা॑ ঈধে দি॒বো অ॑গ্ন॒ ঊধন্ন্॑ । তৃ॒তীয়ে᳚ ত্বা॒ [তৃ॒তীয়ে᳚ ত্বা, রজ॑সি তস্থি॒বাগ্​ম্ স॑মৃ॒তস্য়॒] 6

রজ॑সি তস্থি॒বাগ্​ম্ স॑মৃ॒তস্য়॒ যোনৌ॑ মহি॒ষা অ॑হিন্বন্ন্ ॥ অক্র॑ন্দদ॒গ্নি-স্স্ত॒নয়॑ন্নিব॒ দ্য়ৌঃ, ক্ষামা॒ রেরি॑হ-দ্বী॒রুধ॑-স্সম॒ঞ্জন্ন্ । স॒দ্য়ো জ॑জ্ঞা॒নো বি হীমি॒দ্ধো অখ্য়॒দা রোদ॑সী ভা॒নুনা॑ ভাত্য়॒ন্তঃ ॥ উ॒শি-ক্পা॑ব॒কো অ॑র॒তি-স্সু॑মে॒ধা মর্তে᳚ষ্ব॒গ্নির॒মৃতো॒ নিধা॑য়ি । ইয়॑র্তি ধূ॒মম॑রু॒ষ-ম্ভরি॑ভ্র॒দুচ্ছু॒ক্রেণ॑ শো॒চিষা॒ দ্য়ামিন॑ক্ষত্ ॥ বিশ্ব॑স্য় কে॒তুর্ভুব॑নস্য়॒ গর্ভ॒ আ [ ] 7

রোদ॑সী অপৃণা॒জ্জায়॑মানঃ । বী॒ডু-ঞ্চি॒দদ্রি॑মভিন-ত্পরা॒যন্ জনা॒ যদ॒গ্নিময়॑জন্ত॒ পঞ্চ॑ ॥ শ্রী॒ণামু॑দা॒রো ধ॒রুণো॑ রয়ী॒ণা-ম্ম॑নী॒ষাণা॒-ম্প্রার্প॑ণ॒-স্সোম॑গোপাঃ । বসো᳚-স্সূ॒নু-স্সহ॑সো অ॒ফ্সু রাজা॒ বি ভা॒ত্যগ্র॑ উ॒ষসা॑মিধা॒নঃ ॥ যস্তে॑ অ॒দ্য় কৃ॒ণব॑-দ্ভদ্রশোচে-ঽপূ॒প-ন্দে॑ব ঘৃ॒তব॑ন্তমগ্নে । প্রত-ন্ন॑য় প্রত॒রাং-বঁস্য়ো॒ অচ্ছা॒ভি দ্য়ু॒ম্ন-ন্দে॒বভ॑ক্তং-য়ঁবিষ্ঠ ॥ আ [ ] 8

ত-ম্ভ॑জ সৌশ্রব॒সেষ্ব॑গ্ন উ॒ক্থ-উ॑ক্থ॒ আ ভ॑জ শ॒স্যমা॑নে । প্রি॒য়-স্সূর্য়ে᳚ প্রি॒য়ো অ॒গ্না ভ॑বা॒ত্য়ুজ্জা॒তেন॑ ভি॒নদ॒দুজ্জনি॑ত্বৈঃ ॥ ত্বাম॑গ্নে॒ যজ॑মানা॒ অনু॒ দ্য়ূন্. বিশ্বা॒ বসূ॑নি দধিরে॒ বার্য়া॑ণি । ত্বয়া॑ স॒হ দ্রবি॑ণমি॒চ্ছমা॑না ব্র॒জ-ঙ্গোম॑ন্তমু॒শিজো॒ বি ব॑ব্রুঃ ॥ দৃ॒শা॒নো রু॒ক্ম উ॒র্ব্য়া ব্য়॑দ্য়ৌ-দ্দু॒র্মর্​ষ॒মায়ু॑-শ্শ্রি॒য়ে রু॑চা॒নঃ । অ॒গ্নির॒মৃতো॑ অভব॒-দ্বয়ো॑ভি॒র্যদে॑- -ন॒-ন্দ্য়ৌরজ॑নয়-থ্সু॒রেতাঃ᳚ ॥ 9 ॥
(তৃতিয়ে᳚ ত্বা॒ - গর্ভ॒ আ - য॑বি॒ষ্ঠা-ঽঽ - য - চ্চ॒ত্বারি॑ চ) (অ. 2)

অন্ন॑প॒তে-ঽন্ন॑স্য় নো দেহ্যনমী॒বস্য়॑ শু॒ষ্মিণঃ॑ । প্র প্র॑দা॒তার॑-ন্তারিষ॒ ঊর্জ॑-ন্নো ধেহি দ্বি॒পদে॒ চতু॑ষ্পদে ॥ উদু॑ ত্বা॒ বিশ্বে॑ দে॒বা অগ্নে॒ ভর॑ন্তু॒ চিত্তি॑ভিঃ । স নো॑ ভব শি॒বত॑ম-স্সু॒প্রতী॑কো বি॒ভাব॑সুঃ ॥ প্রেদ॑গ্নে॒ জ্য়োতি॑ষ্মান্. যাহি শি॒বেভি॑র॒র্চি॑ভি॒স্ত্বম্ । বৃ॒হদ্ভি॑-র্ভা॒নুভি॒-র্ভাস॒-ন্মা হিগ্​ম্॑সী স্ত॒নুবা᳚ প্র॒জাঃ ॥ স॒মিধা॒-ঽগ্নি-ন্দু॑বস্যত ঘৃ॒তৈর্বো॑ধয়॒তাতি॑থিম্ । আ- [আ, অ॒স্মি॒ন্॒. হ॒ব্য়া জু॑হোতন ।] 10

-ঽস্মি॑ন্. হ॒ব্য়া জু॑হোতন ॥ প্রপ্রা॒যম॒গ্নির্ভ॑র॒তস্য়॑ শৃণ্বে॒ বি য-থ্সূর্য়ো॒ ন রোচ॑তে বৃ॒হদ্ভাঃ । অ॒ভি যঃ পূ॒রু-ম্পৃত॑নাসু ত॒স্থৌ দী॒দায়॒ দৈব্য়ো॒ অতি॑থি-শ্শি॒বো নঃ॑ ॥ আপো॑ দেবীঃ॒ প্রতি॑ গৃহ্ণীত॒ ভস্মৈ॒ত-থ্স্য়ো॒নে কৃ॑ণুদ্ধ্বগ্​ম্ সুর॒ভাবু॑ লো॒কে । তস্মৈ॑ নমন্তা॒-ঞ্জন॑য়-স্সু॒পত্নী᳚র্মা॒তেব॑ পু॒ত্র-ম্বি॑ভৃ॒তা স্বে॑নম্ ॥ অ॒ফ্স্ব॑গ্নে॒ সধি॒ষ্টব॒- [অ॒ফ্স্ব॑গ্নে॒ সধি॒ষ্টব॑, সৌষ॑ধী॒রনু॑ রুদ্ধ্যসে ।] 11

সৌষ॑ধী॒রনু॑ রুদ্ধ্যসে । গর্ভে॒ সঞ্জা॑যসে॒ পুনঃ॑ ॥ গর্ভো॑ অ॒স্য়োষ॑ধীনা॒-ঙ্গর্ভো॒ বন॒স্পতী॑নাম্ । গর্ভো॒ বিশ্ব॑স্য় ভূ॒তস্য়াগ্নে॒ গর্ভো॑ অ॒পাম॑সি ॥ প্র॒সদ্য়॒ ভস্ম॑না॒ যোনি॑ম॒পশ্চ॑ পৃথি॒বীম॑গ্নে । স॒গ্​ম্॒সৃজ্য়॑ মা॒তৃভি॒স্ত্ব-ঞ্জ্য়োতি॑ষ্মা॒-ন্পুন॒রা-ঽস॑দঃ ॥ পুন॑রা॒সদ্য়॒ সদ॑নম॒পশ্চ॑ পৃথি॒বীম॑গ্নে । শেষে॑ মা॒তুর্যথো॒পস্থে॒ ঽন্তর॒স্য়াগ্​ম্ শি॒বত॑মঃ ॥ পুন॑রূ॒র্জা [ ] 12

-নি ব॑র্তস্ব॒ পুন॑রগ্ন ই॒ষা ঽঽয়ু॑ষা । পুন॑র্নঃ পাহি বি॒শ্বতঃ॑ ॥ স॒হ র॒য়্য়া নি ব॑র্ত॒স্বাগ্নে॒ পিন্ব॑স্ব॒ ধার॑য়া । বি॒শ্বফ্স্নি॑য়া বি॒শ্বত॒স্পরি॑ ॥ পুন॑স্ত্বা ঽঽদি॒ত্য়া রু॒দ্রা বস॑ব॒-স্সমি॑ন্ধতা॒-ম্পুন॑র্ব্র॒হ্মাণো॑ বসুনীথ য॒জ্ঞৈঃ । ঘৃ॒তেন॒ ত্ব-ন্ত॒নুবো॑ বর্ধযস্ব স॒ত্য়া-স্স॑ন্তু॒ যজ॑মানস্য়॒ কামাঃ᳚ ॥ বোধা॑ নো অ॒স্য় বচ॑সো যবিষ্ঠ॒ মগ্​ম্হি॑ষ্ঠস্য়॒ প্রভৃ॑তস্য় স্বধাবঃ । পীয়॑তি ত্বো॒ অনু॑ ত্বো গৃণাতি ব॒ন্দারু॑স্তে ত॒নুবং॑-বঁন্দে অগ্নে ॥ স বো॑ধি সূ॒রির্ম॒ঘবা॑ বসু॒দাবা॒ বসু॑পতিঃ । যু॒য়ো॒দ্ধ্য়॑স্ম-দ্দ্বেষাগ্​ম্॑সি ॥ 13 ॥
(আ - তবো॒ - র্জা-ঽ - নু॒ - ষোড॑শ চ) (অ. 3)

অপে॑ত॒ বীত॒ বি চ॑ সর্প॒তাতো॒ যে-ঽত্র॒ স্থ পু॑রা॒ণা যে চ॒ নূত॑নাঃ । অদা॑দি॒দং-য়ঁ॒মো॑-ঽব॒সান॑-ম্পৃথি॒ব্য়া অক্র॑ন্নি॒ম-ম্পি॒তরো॑ লো॒কম॑স্মৈ ॥ অ॒গ্নের্ভস্মা᳚স্য়॒গ্নেঃ পুরী॑ষমসি স॒জ্ঞান্ন॑মসি কাম॒ধর॑ণ॒-ম্ময়ি॑ তে কাম॒ধর॑ণ-ম্ভূয়াত্ ॥ সং-য়াঁ বঃ॑ প্রি॒য়াস্ত॒নুব॒-স্স-ম্প্রি॒য়া হৃদ॑য়ানি বঃ । আ॒ত্মা বো॑ অস্তু॒ [অস্তু, সম্প্রি॑য়॒] 14

সম্প্রি॑য়॒-স্সম্প্রি॑য়াস্ত॒নুবো॒ মম॑ ॥ অ॒য়গ্​ম্ সো অ॒গ্নির্যস্মি॒ন্-থ্সোম॒মিন্দ্র॑-স্সু॒ত-ন্দ॒ধে জ॒ঠরে॑ বাবশা॒নঃ । স॒হ॒স্রিয়ং॒-বাঁজ॒মত্য়॒-ন্ন সপ্তিগ্​ম্॑ সস॒বান্-থ্সন্-থ্স্তূ॑যসে জাতবেদঃ ॥ অগ্নে॑ দি॒বো অর্ণ॒মচ্ছা॑ জিগা॒স্যচ্ছা॑ দে॒বাগ্​ম্ ঊ॑চিষে॒ ধিষ্ণি॑য়া॒ যে । যাঃ প॒রস্তা᳚-দ্রোচ॒নে সূর্য়॑স্য়॒ যাশ্চা॒ বস্তা॑-দুপ॒তিষ্ঠ॑ন্ত॒ আপঃ॑ ॥ অগ্নে॒ য-ত্তে॑ দি॒বি বর্চঃ॑ পৃথি॒ব্য়াং-য়ঁদোষ॑ধী- [পৃথি॒ব্য়াং-য়ঁদোষ॑ধীষু, অ॒ফ্সু বা॑ যজত্র ।] 15

-ষ্ব॒ফ্সু বা॑ যজত্র । যেনা॒ন্তরি॑ক্ষ-মু॒র্বা॑ত॒তন্থ॑ ত্বে॒ষ-স্স ভা॒নুর॑র্ণ॒বো নৃ॒চক্ষাঃ᳚ ॥ পু॒রী॒ষ্য়া॑সো অ॒গ্নয়ঃ॑ প্রাব॒ণেভি॑-স্স॒জোষ॑সঃ । জু॒ষন্তাগ্​ম্॑ হ॒ব্যমাহু॑তমনমী॒বা ইষো॑ ম॒হীঃ ॥ ইডা॑মগ্নে পুরু॒দগ্​ম্ সগ্​ম্॑ স॒নি-ঙ্গো-শ্শ॑শ্বত্ত॒মগ্​ম্ হব॑মানায় সাধ । স্য়ান্ন॑-স্সূ॒নুস্তন॑য়ো বি॒জাবা-ঽগ্নে॒ সা তে॑ সুম॒তির্ভূ᳚ত্ব॒স্মে ॥ অ॒য়-ন্তে॒ যোনি॑র্-ঋ॒ত্বিয়ো॒ যতো॑ জা॒তো অরো॑চথাঃ । ত-ঞ্জা॒ন- [ত-ঞ্জা॒নন্ন্, অ॒গ্ন॒ আ রো॒হাথা॑ নো] 16

-ন্ন॑গ্ন॒ আ রো॒হাথা॑ নো বর্ধয়া র॒য়িম্ ॥ চিদ॑সি॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ পরি॒চিদ॑সি॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ লো॒ক-ম্পৃ॑ণ ছি॒দ্র-ম্পৃ॒ণাথো॑ সীদ শি॒বা ত্বম্ । ই॒ন্দ্রা॒গ্নী ত্বা॒ বৃহ॒স্পতি॑র॒স্মিন্. যোনা॑বসীষদন্ন্ ॥ তা অ॑স্য়॒ সূদ॑দোহস॒-স্সোমগ্গ্॑ শ্রীণন্তি॒ পৃশ্ঞ॑য়ঃ । জন্ম॑-ন্দে॒বানাং॒-বিঁশ॑স্ত্রি॒ষ্বা রো॑চ॒নে দি॒বঃ ॥ 17 ॥
(অ॒স্ত্বো - ষ॑ধীষু - জা॒ন - ন্ন॒ষ্টাচ॑ত্বারিগ্​ম্শচ্চ) (অ. 4)

সমি॑ত॒গ্​ম্॒ সঙ্ক॑ল্পেথা॒গ্​ম্॒ সম্প্রি॑য়ৌ রোচি॒ষ্ণূ সু॑মন॒স্যমা॑নৌ । ইষ॒মূর্জ॑ম॒ভি সং॒​বঁসা॑নৌ॒ সং-বাঁ॒-ম্মনাগ্​ম্॑সি॒ সং-ব্রঁ॒তা সমু॑ চি॒ত্তান্য়া-ঽক॑রম্ ॥ অগ্নে॑ পুরীষ্য়াধি॒পা ভ॑বা॒ ত্ব-ন্নঃ॑ । ইষ॒মূর্জং॒-য়ঁজ॑মানায় ধেহি ॥ পু॒রী॒ষ্য়॑স্ত্বম॑গ্নে রয়ি॒মা-ন্পু॑ষ্টি॒মাগ্​ম্ অ॑সি । শি॒বাঃ কৃ॒ত্বা দিশ॒-স্সর্বা॒-স্স্বাং-য়োঁনি॑মি॒হা-ঽস॑দঃ ॥ ভব॑ত-ন্ন॒-স্সম॑নসৌ॒ সমো॑কসা [সমো॑কসৌ, অ॒রে॒পসৌ᳚ ।] 18

-বরে॒পসৌ᳚ । মা য॒জ্ঞগ্​ম্ হিগ্​ম্॑সিষ্ট॒-ম্মা য॒জ্ঞপ॑তি-ঞ্জাতবেদসৌ শি॒বৌ ভ॑বতম॒দ্য় নঃ॑ ॥ মা॒তেব॑ পু॒ত্র-ম্পৃ॑থি॒বী পু॑রী॒ষ্য়॑ম॒গ্নিগ্গ্​ স্বে যোনা॑বভারু॒খা । তাং-বিঁশ্বৈ᳚র্দে॒বৈর্-ঋ॒তুভি॑-স্সং​বিঁদা॒নঃ প্র॒জাপ॑তির্বি॒শ্বক॑র্মা॒ বি মু॑ঞ্চতু ॥ যদ॒স্য় পা॒রে রজ॑স-শ্শু॒ক্র-ঞ্জ্য়োতি॒রজা॑যত । ত-ন্নঃ॑ পর্​ষ॒দতি॒ দ্বিষো-ঽগ্নে॑ বৈশ্বানর॒ স্বাহা᳚ ॥ নম॒-স্সু তে॑ নির্-ঋতে বিশ্বরূপে- [বিশ্বরূপে, অ॒য়॒স্ময়ং॒-বিঁ চৃ॑তা] 19

-ঽয়॒স্ময়ং॒-বিঁ চৃ॑তা ব॒ন্ধমে॒তম্ । য॒মেন॒ ত্বং-য়ঁ॒ম্য়া॑ সং-বিঁদা॒নোত্ত॒ম-ন্নাক॒মধি॑ রোহয়ে॒মম্ ॥ যত্তে॑ দে॒বী নির্-ঋ॑তিরাব॒বন্ধ॒ দাম॑ গ্রী॒বাস্ব॑ বিচ॒র্ত্যম্ । ই॒দ-ন্তে॒ ত-দ্বিষ্য়াং॒-য়াঁয়ু॑ষো॒ ন মদ্ধ্য়া॒দথা॑ জী॒বঃ পি॒তুম॑দ্ধি॒ প্রমু॑ক্তঃ ॥ যস্য়া᳚স্তে অ॒স্য়াঃ ক্রূ॒র আ॒সঞ্জু॒হোম্য়ে॒ষা-ম্ব॒ন্ধানা॑মব॒সর্জ॑নায় । ভূমি॒রিতি॑ ত্বা॒ জনা॑ বি॒দুর্নির্-ঋ॑তি॒- [বি॒দুর্নির্-ঋ॑তিঃ, ইতি॑ ত্বা॒ ঽহ-ম্পরি॑] 20

-রিতি॑ ত্বা॒ ঽহ-ম্পরি॑ বেদ বি॒শ্বতঃ॑ ॥ অসু॑ন্বন্ত॒ম য॑জমানমিচ্ছ স্তে॒নস্য়ে॒ত্য়ান্-তস্ক॑র॒স্য়ান্ বে॑ষি । অ॒ন্য় ম॒স্ম-দি॑চ্ছ॒ সা ত॑ ই॒ত্য়া নমো॑ দেবি নির্-ঋতে॒ তুভ্য়॑মস্তু ॥ দে॒বীম॒হ-ন্নির্-ঋ॑তিং॒-বঁন্দ॑মানঃ পি॒তেব॑ পু॒ত্র-ন্দ॑সয়ে॒ বচো॑ভিঃ । বিশ্ব॑স্য়॒ যা জায়॑মানস্য়॒ বেদ॒ শির॑-শ্শিরঃ॒ প্রতি॑ সূ॒রী বি চ॑ষ্টে ॥ নি॒বেশ॑ন-স্স॒ঙ্গম॑নো॒ বসূ॑নাং॒-বিঁশ্বা॑ রূ॒পা-ঽভি চ॑ষ্টে॒ [রূ॒পা-ঽভি চ॑ষ্টে, শচী॑ভিঃ ।] 21

শচী॑ভিঃ । দে॒ব ই॑ব সবি॒তা স॒ত্যধ॒র্মেন্দ্রো॒ ন ত॑স্থৌ সম॒রে প॑থী॒নাম্ ॥ সং-বঁ॑র॒ত্রা দ॑ধাতন॒ নিরা॑হা॒বান্ কৃ॑ণোতন । সি॒ঞ্চাম॑হা অব॒টমু॒দ্রিণং॑-বঁ॒য়ং-বিঁশ্বা-ঽহা-ঽদ॑স্ত॒মক্ষি॑তম্ ॥ নিষ্কৃ॑তাহা-বমব॒টগ্​ম্ সু॑বর॒ত্রগ্​ম্ সু॑ষেচ॒নম্ । উ॒দ্রিণগ্​ম্॑ সিঞ্চে॒ অক্ষি॑তম্ ॥ সীরা॑ যুঞ্জন্তি ক॒বয়ো॑ যু॒গা বি ত॑ন্বতে॒ পৃথ॑ক্ । ধীরা॑ দে॒বেষু॑ সুম্ন॒য়া ॥ যু॒নক্ত॒ সীরা॒ বি যু॒গা ত॑নোত কৃ॒তে যোনৌ॑ বপতে॒হ [ ] 22

বীজ᳚ম্ । গি॒রা চ॑ শ্রু॒ষ্টি-স্সভ॑রা॒ অস॑ন্নো॒ নেদী॑য়॒ ই-থ্সৃ॒ণ্য়া॑ প॒ক্বমা ঽয়॑ত্ ॥ লাঙ্গ॑ল॒-ম্পবী॑রবগ্​ম্ সু॒শেবগ্​ম্॑ সুম॒তিথ্স॑রু । উদি-ত্কৃ॑ষতি॒ গামবি॑-ম্প্রফ॒র্ব্য়॑-ঞ্চ॒ পীব॑রীম্ । প্র॒স্থাব॑-দ্রথ॒বাহ॑নম্ ॥ শু॒ন-ন্নঃ॒ ফালা॒ বি তু॑দন্তু॒ ভূমিগ্​ম্॑ শু॒ন-ঙ্কী॒নাশা॑ অ॒ভি য॑ন্তু বা॒হান্ । শু॒ন-ম্প॒র্জন্য়ো॒ মধু॑না॒ পয়ো॑ভি॒-শ্শুনা॑সীরা শু॒নম॒স্মাসু॑ ধত্তম্ ॥ কাম॑-ঙ্কামদুঘে ধুক্ষ্ব মি॒ত্রায়॒ বরু॑ণায় চ । ইন্দ্রা॑য়া॒গ্নয়ে॑ পূ॒ষ্ণ ওষ॑ধীভ্য়ঃ প্র॒জাভ্য়ঃ॑ ॥ঘৃ॒তেন॒ সীতা॒ মধু॑না॒ সম॑ক্তা॒ বিশ্বৈ᳚র্দে॒বৈরনু॑মতা ম॒রুদ্ভিঃ॑ । ঊর্জ॑স্বতী॒ পয়॑সা॒ পিন্ব॑মানা॒-ঽস্মান্-থ্সী॑তে॒ পয়॑সা॒-ঽভ্য়া-ব॑বৃথ্স্ব ॥ 23 ॥
(সমো॑কসৌ-বিশ্বরূপে-বি॒দুর্নির্-ঋ॑তি-র॒ভি চ॑ষ্ট-ই॒হ-মি॒ত্রায়॒-দ্বাবিগ্​ম্॑শতিশ্চ) (অ. 5)

যা জা॒তা ওষ॑ধয়ো দে॒বেভ্য়॑স্ত্রিয়ু॒গ-ম্পু॒রা । মন্দা॑মি ব॒ভ্রূণা॑ম॒হগ্​ম্ শ॒ত-ন্ধামা॑নি স॒প্ত চ॑ ॥ শ॒তং-বোঁ॑ অব॒-ন্ধামা॑নি স॒হস্র॑মু॒ত বো॒ রুহঃ॑ । অথা॑ শতক্রত্বো যূ॒যমি॒ম-ম্মে॑ অগ॒দ-ঙ্কৃ॑ত ॥ পুষ্পা॑বতীঃ প্র॒সূব॑তীঃ ফ॒লিনী॑রফ॒লা উ॒ত । অশ্বা॑ ইব স॒জিত্ব॑রী-র্বী॒রুধঃ॑ পারয়ি॒ষ্ণবঃ॑ ॥ ওষ॑ধী॒রিতি॑ মাতর॒-স্তদ্বো॑ দেবী॒-রুপ॑ ব্রুবে । রপাগ্​ম্॑সি বিঘ্ন॒তীরি॑ত॒ রপ॑- [বিঘ্ন॒তীরি॑ত॒ রপঃ॑, চা॒তয়॑মানাঃ ।] 24

-শ্চা॒তয়॑মানাঃ ॥ অ॒শ্ব॒ত্থে বো॑ নি॒ষদ॑ন-ম্প॒র্ণে বো॑ বস॒তিঃ কৃ॒তা । গো॒ভাজ॒ ই-ত্কিলা॑সথ॒ য-থ্স॒নব॑থ॒ পূরু॑ষম্ ॥ যদ॒হং-বাঁ॒জয়॑-ন্নি॒মা ওষ॑ধী॒র্॒হস্ত॑ আদ॒ধে । আ॒ত্মা যক্ষ্ম॑স্য় নশ্যতি পু॒রা জী॑ব॒গৃভো॑ যথা ॥ যদোষ॑ধয়-স্স॒ঙ্গচ্ছ॑ন্তে॒ রাজা॑ন॒-স্সমি॑তা বিব । বিপ্র॒-স্স উ॑চ্যতে ভি॒ষগ্র॑ক্ষো॒হা ঽমী॑ব॒ চাত॑নঃ ॥ নিষ্কৃ॑তি॒-র্নাম॑বো মা॒তা-ঽথা॑ যূ॒যগ্গ্​স্থ॒ সঙ্কৃ॑তীঃ । স॒রাঃ প॑ত॒ত্রিণী᳚- [স॒রাঃ প॑ত॒ত্রিণীঃ᳚, স্থ॒ন॒ যদা॒ ময়॑তি॒] 25

-স্থন॒ যদা॒ ময়॑তি॒ নিষ্কৃ॑ত ॥ অ॒ন্য়া বো॑ অ॒ন্য়াম॑ব-ত্ব॒ন্য়া-ঽন্যস্য়া॒ উপা॑বত । তা-স্সর্বা॒ ওষ॑ধয়-স্সং​বিঁদা॒না ই॒দ-ম্মে॒ প্রাব॑তা॒ বচঃ॑ ॥ উচ্ছুষ্মা॒ ওষ॑ধীনা॒-ঙ্গাবো॑ গো॒ষ্ঠা দি॑বেরতে । ধনগ্​ম্॑ সনি॒ষ্যন্তী॑ নামা॒ত্মান॒-ন্তব॑ পূরুষ ॥ অতি॒ বিশ্বাঃ᳚ পরি॒ষ্ঠাস্তে॒ন ই॑ব ব্র॒জম॑ক্রমুঃ । ওষ॑ধয়ঃ॒ প্রাচু॑চ্যবু॒ র্য়-ত্কি-ঞ্চ॑ ত॒নুবা॒গ্​ম্॒ রপঃ॑ ॥ যা- [য়াঃ, ত॒ আ॒ত॒স্থু-রা॒ত্মানং॒-য়াঁ] 26

-স্ত॑ আত॒স্থু-রা॒ত্মানং॒-য়াঁ আ॑বিবি॒শুঃ পরুঃ॑ পরুঃ । তাস্তে॒ যক্ষ্মং॒-বিঁবা॑ধন্তা মু॒গ্রো ম॑দ্ধ্যম॒শীরি॑ব ॥ সা॒কং-য়ঁ॑ক্ষ্ম॒ প্র প॑ত শ্য়ে॒নেন॑ কিকিদী॒বিনা᳚ । সা॒কং-বাঁত॑স্য়॒-ধ্রাজ্য়া॑ সা॒ক-ন্ন॑শ্য় নি॒হাক॑য়া ॥ অ॒শ্বা॒ব॒তীগ্​ম্ সো॑মব॒তী মূ॒র্জয়॑ন্তী॒ মুদো॑জসম্ । আ বি॑থ্সি॒ সর্বা॒ ওষ॑ধীর॒স্মা অ॑রি॒ষ্টতা॑তয়ে ॥ যাঃ ফ॒লিনী॒র্য়া অ॑ফ॒লা অ॑পু॒ষ্পা যাশ্চ॑ পু॒ষ্পিণীঃ᳚ । বৃহ॒স্পতি॑ প্রসূতা॒ স্তানো॑ মুঞ্চ॒ন্ত্বগ্​ম্ হ॑সঃ ॥ যা [য়াঃ, ওষ॑ধয়॒-স্সোম॑রাজ্ঞীঃ॒] 27

ওষ॑ধয়॒-স্সোম॑রাজ্ঞীঃ॒ প্রবি॑ষ্টাঃ পৃথি॒বীমনু॑ । তাসা॒-ন্ত্বম॑স্য়ুত্ত॒মা প্রণো॑ জী॒বাত॑বে-সুব ॥ অ॒ব॒পত॑ন্তীরবদ-ন্দি॒ব ওষ॑দয়ঃ॒ পরি॑ । য-ঞ্জী॒ব ম॒শ্ঞবা॑ মহৈ॒ ন স রি॑ষ্য়াতি॒ পূরু॑ষঃ ॥ যাশ্চে॒দ মু॑প-শৃ॒ণ্বন্তি॒ যাশ্চ॑ দূ॒র-ম্পরা॑গতাঃ । ই॒হ স॒ঙ্গত্য়॒ তা-স্সর্বা॑ অ॒স্মৈ স-ন্দ॑ত্ত ভেষ॒জম্ ॥ মা বো॑ রিষ-ত্খনি॒তা যস্মৈ॑ চা॒হ-ঙ্খনা॑মি বঃ । দ্বি॒প-চ্চতু॑ষ্প-দ॒স্মাক॒গ্​ম্॒ সর্ব॑-ম॒স্ত্বনা॑তুরম্ ॥ ওষ॑ধয়॒-স্সং-বঁ॑দন্তে॒ সোমে॑ন স॒হ রাজ্ঞা᳚ । যস্মৈ॑ ক॒রোতি॑ ব্রাহ্ম॒ণস্তগ্​ম্ রা॑জ-ন্পারয়ামসি ॥ 28 ॥
(রপঃ॑ - পত॒ত্রিণী॒- র্য়া - অগ্​ম্হ॑সো॒ যাঃ - খনা॑মি বো॒ - ঽষ্টাদ॑শ চ) (অ. 6)

মা নো॑ হিগ্​ম্সীজ্জনি॒তা যঃ পৃ॑থি॒ব্য়া যো বা॒ দিবগ্​ম্॑ স॒ত্যধ॑র্মা জ॒জান॑ । যশ্চা॒পশ্চ॒ন্দ্রা বৃ॑হ॒তীর্জ॒জান॒ কস্মৈ॑ দে॒বায়॑ হ॒বিষা॑ বিধেম ॥ অ॒ভ্য়াব॑র্তস্ব পৃথিবি য॒জ্ঞেন॒ পয়॑সা স॒হ । ব॒পা-ন্তে॑ অ॒গ্নিরি॑ষি॒তো-ঽব॑ সর্পতু ॥ অগ্নে॒ য-ত্তে॑ শু॒ক্রং-য়ঁচ্চ॒ন্দ্রং-য়ঁ-ত্পূ॒তং-য়ঁ-দ্য়॒জ্ঞিয়᳚ম্ । ত-দ্দে॒বেভ্য়ো॑ ভরামসি ॥ ইষ॒মূর্জ॑ম॒হমি॒ত আ [আ, দ॒দ॒ ঋ॒তস্য়॒ ধাম্নো॑] 29

দ॑দ ঋ॒তস্য়॒ ধাম্নো॑ অ॒মৃত॑স্য়॒ যোনেঃ᳚ । আ নো॒ গোষু॑ বিশ॒ত্বৌষ॑ধীষু॒ জহা॑মি সে॒দিমনি॑রা॒মমী॑বাম্ ॥ অগ্নে॒ তব॒ শ্রবো॒ বয়ো॒ মহি॑ ভ্রাজন্ত্য়॒র্চয়ো॑ বিভাবসো । বৃহ॑-দ্ভানো॒ শব॑সা॒ বাজ॑মু॒ক্থ্য়॑-ন্দধা॑সি দা॒শুষে॑ কবে ॥ ই॒র॒জ্যন্ন॑গ্নে প্রথযস্ব জ॒ন্তুভি॑র॒স্মে রায়ো॑ অমর্ত্য় । স দ॑র্​শ॒তস্য়॒ বপু॑ষো॒ বি রা॑জসি পৃ॒ণক্ষি॑ সান॒সিগ্​ম্ র॒য়িম্ ॥ ঊর্জো॑ নপা॒জ্জাত॑বেদ-স্সুশ॒স্তিভি॒-র্মন্দ॑স্ব [ ] 30

ধী॒তিভি॑র্​হি॒তঃ । ত্বে ইষ॒-স্স-ন্দ॑ধু॒-র্ভূরি॑রেতস-শ্চি॒ত্রো ত॑য়ো বা॒মজা॑তাঃ ॥ পা॒ব॒কব॑র্চা-শ্শু॒ক্রব॑র্চা॒ অনূ॑নবর্চা॒ উদি॑যর্​ষি ভা॒নুনা᳚ । পু॒ত্রঃ পি॒তরা॑ বি॒চর॒ন্নুপা॑বস্য়ু॒ভে পৃ॑ণক্ষি॒ রোদ॑সী ॥ ঋ॒তাবা॑ন-ম্মহি॒ষং-বিঁ॒শ্বচ॑র্​ষণিম॒গ্নিগ্​ম্ সু॒ম্নায়॑ দধিরে পু॒রো জনাঃ᳚ । শ্রুত্ক॑র্ণগ্​ম্ স॒প্রথ॑স্তম-ন্ত্বা গি॒রা দৈব্য়॒-ম্মানু॑ষা যু॒গা ॥ নি॒ষ্ক॒র্তার॑-মদ্ধ্ব॒রস্য়॒ প্রচে॑তস॒-ঙ্ক্ষয়॑ন্ত॒গ্​ম্॒ রাধ॑সে ম॒হে । রা॒তি-ম্ভৃগূ॑ণামু॒শিজ॑-ঙ্ক॒বিক্র॑তু-ম্পৃ॒ণক্ষি॑ সান॒সিগ্​ম্ - [সান॒সিম্, র॒য়িম্ ।] 31

র॒য়িম্ ॥ চিত॑-স্স্থ পরি॒চিত॑ ঊর্ধ্ব॒চিত॑-শ্শ্রযদ্ধ্ব॒-ন্তয়া॑ দে॒বত॑য়া-ঽঙ্গির॒স্ব-দ্ধ্রু॒বা-স্সী॑দত ॥ আ প্য়া॑যস্ব॒ সমে॑তু তে বি॒শ্বত॑-স্সোম॒ বৃষ্ণি॑যম্ । ভবা॒ বাজ॑স্য় সঙ্গ॒থে ॥ স-ন্তে॒ পয়াগ্​ম্॑সি॒ সমু॑ যন্তু॒ বাজা॒-স্সং-বৃঁষ্ণি॑য়া-ন্যভিমাতি॒ষাহঃ॑ । আ॒প্য়ায়॑মানো অ॒মৃতা॑য় সোম দি॒বি শ্রবাগ্॑স্য়ুত্ত॒মানি॑ ধিষ্ব ॥ 32 ॥
(আ - মন্দ॑স্ব - সান॒সি - মেকা॒ন্নচ॑ত্বারি॒গ্​ম্॒শচ্চ॑) (অ. 7)

অ॒ভ্য়॑স্থা॒-দ্বিশ্বাঃ॒ পৃত॑না॒ অরা॑তী॒স্তদ॒গ্নিরা॑হ॒ তদু॒ সোম॑ আহ । বৃহ॒স্পতি॑-স্সবি॒তা তন্ম॑ আহ পূ॒ষা মা॑-ঽধা-থ্সুকৃ॒তস্য়॑ লো॒কে ॥ যদক্র॑ন্দঃ প্রথ॒ম-ঞ্জায়॑মান উ॒দ্যন্-থ্স॑মু॒দ্রাদু॒ত বা॒ পুরী॑ষাত্ । শ্য়ে॒নস্য়॑ প॒ক্ষা হ॑রি॒ণস্য়॑ বা॒হূ উপ॑স্তুত॒-ঞ্জনি॑ম॒ ত-ত্তে॑ অর্বন্ন্ ॥ অ॒পা-ম্পৃ॒ষ্ঠম॑সি॒ যোনি॑র॒গ্নে-স্স॑মু॒দ্রম॒ভিতঃ॒ পিন্ব॑মানম্ । বর্ধ॑মান-ম্ম॒হ [বর্ধ॑মান-ম্ম॒হঃ, আ চ॒ পুষ্ক॑র-ন্দি॒বো] 33

আ চ॒ পুষ্ক॑র-ন্দি॒বো মাত্র॑য়া বরি॒ণা প্র॑থস্ব ॥ ব্রহ্ম॑ জজ্ঞা॒ন-ম্প্র॑থ॒ম-ম্পু॒রস্তা॒দ্বি সী॑ম॒ত-স্সু॒রুচো॑ বে॒ন আ॑বঃ । স বু॒দ্ধ্নিয়া॑ উপ॒মা অ॑স্য় বি॒ষ্ঠা-স্স॒তশ্চ॒ যোনি॒মস॑তশ্চ॒ বিবঃ॑ ॥ হি॒র॒ণ্য়॒গ॒র্ভ-স্সম॑বর্ত॒তাগ্রে॑ ভূ॒তস্য়॑ জা॒তঃ পতি॒রেক॑ আসীত্ । স দা॑ধার পৃথি॒বী-ন্দ্য়ামু॒তেমা-ঙ্কস্মৈ॑ দে॒বায়॑ হ॒বিষা॑ বিধেম ॥ দ্র॒ফ্সশ্চ॑স্কন্দ পৃথি॒বীমনু॒- [পৃথি॒বীমনু॑, দ্য়ামি॒ম-ঞ্চ॒] 34

-দ্য়ামি॒ম-ঞ্চ॒ যোনি॒মনু॒ যশ্চ॒ পূর্বঃ॑ । তৃ॒তীয়ং॒-য়োঁনি॒মনু॑ স॒ঞ্চর॑ন্ত-ন্দ্র॒ফ্স-ঞ্জু॑হো॒ম্যনু॑ স॒প্ত হোত্রাঃ᳚ ॥ নমো॑ অস্তু স॒র্পেভ্য়ো॒ যে কে চ॑ পৃথি॒বীমনু॑ । যে অ॒ন্তরি॑ক্ষে॒ যে দি॒বি তেভ্য়॑-স্স॒র্পেভ্য়ো॒ নমঃ॑ ॥ যে॑-ঽদো রো॑চ॒নে দি॒বো যে বা॒ সূর্য়॑স্য় র॒শ্মিষু॑ । যেষা॑ম॒ফ্সু সদঃ॑ কৃ॒ত-ন্তেভ্য়॑-স্স॒র্পেভ্য়ো॒ নমঃ॑ ॥ যা ইষ॑বো যাতু॒ ধানা॑নাং॒ ঁয়ে॑ বা॒ বন॒স্পতী॒গ্​ম্॒রনু॑ । যে বা॑-ঽব॒টেষু॒ শের॑তে॒ তেভ্য়॑-স্স॒র্পেভ্য়ো॒ নমঃ॑ ॥ 35 ॥
(ম॒হো - ঽনু॑ - যাতু॒ধানা॑না॒ - মেকা॑দশ চ) (অ. 8)

ধ্রু॒বা-ঽসি॑ ধ॒রুণা-ঽস্তৃ॑তা বি॒শ্বক॑র্মণা॒ সুকৃ॑তা । মা ত্বা॑ সমু॒দ্র উদ্ব॑ধী॒ন্মা সু॑প॒র্ণো ব্য়॑থমানা পৃথি॒বী-ন্দৃগ্​ম্॑হ ॥ প্র॒জাপ॑তিস্ত্বা সাদযতু পৃথি॒ব্য়াঃ পৃ॒ষ্ঠে ব্যচ॑স্বতী॒-ম্প্রথ॑স্বতী॒-ম্প্রথো॑-ঽসি পৃথি॒ব্য়॑সি॒ ভূর॑সি॒ ভূমি॑র॒স্যদি॑তিরসি বি॒শ্বধা॑য়া॒ বিশ্ব॑স্য়॒ ভুব॑নস্য় ধ॒র্ত্রী পৃ॑থি॒বীং-য়ঁ॑চ্ছ পৃথি॒বী-ন্দৃগ্​ম্॑হ পৃথি॒বী-ম্মা হিগ্​ম্॑সী॒র্বিশ্ব॑স্মৈ প্রা॒ণায়া॑পা॒নায়॑ ব্য়া॒নায়ো॑দা॒নায়॑ প্রতি॒ষ্ঠায়ৈ॑ [প্রতি॒ষ্ঠায়ৈ᳚, চ॒রিত্রা॑য়া॒-] 36

চ॒রিত্রা॑য়া॒-ঽগ্নিস্ত্বা॒-ঽভি পা॑তু ম॒হ্য়া স্ব॒স্ত্য়া ছ॒র্দিষা॒ শন্ত॑মেন॒ তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ ॥ কাণ্ডা᳚-ত্কাণ্ডা-ত্প্র॒রোহ॑ন্তী॒ পরু॑ষঃপরুষঃ॒ পরি॑ । এ॒বা নো॑ দূর্বে॒ প্র ত॑নু স॒হস্রে॑ণ শ॒তেন॑ চ ॥ যা শ॒তেন॑ প্রত॒নোষি॑ স॒হস্রে॑ণ বি॒রোহ॑সি । তস্য়া᳚স্তে দেবীষ্টকে বি॒ধেম॑ হ॒বিষা॑ ব॒যম্ ॥ অষা॑ঢা-ঽসি॒ সহ॑মানা॒ সহ॒স্বারা॑তী॒-স্সহ॑স্বারাতীয়॒ত-স্সহ॑স্ব॒ পৃত॑না॒-স্সহ॑স্ব পৃতন্য়॒তঃ । স॒হস্র॑বীর্য়া- [স॒হস্র॑বীর্য়া, অ॒সি॒ সা মা॑ জিন্ব ।] 37

-ঽসি॒ সা মা॑ জিন্ব ॥ মধু॒ বাতা॑ ঋতায়॒তে মধু॑ ক্ষরন্তি॒ সিন্ধ॑বঃ । মাদ্ধ্বী᳚র্ন-স্স॒ন্ত্বোষ॑ধীঃ ॥ মধু॒ নক্ত॑মু॒তোষসি॒ মধু॑ম॒-ত্পার্থি॑ব॒গ্​ম্॒ রজঃ॑ । মধু॒ দ্য়ৌর॑স্তু নঃ পি॒তা ॥ মধু॑মা-ন্নো॒ বন॒স্পতি॒-র্মধু॑মাগ্​ম্ অস্তু॒ সূর্য়ঃ॑ । মাদ্ধ্বী॒র্গাবো॑ ভবন্তু নঃ ॥ ম॒হী দ্য়ৌঃ পৃ॑থি॒বী চ॑ ন ই॒মং-য়ঁ॒জ্ঞ-ম্মি॑মিক্ষতাম্ । পি॒পৃ॒তা-ন্নো॒ ভরী॑মভিঃ ॥ ত-দ্বিষ্ণোঃ᳚ পর॒ম- [পর॒মম্, প॒দগ্​ম্ সদা॑ পশ্যন্তি] 38

-ম্প॒দগ্​ম্ সদা॑ পশ্যন্তি সূ॒রয়ঃ॑ । দি॒বীব॒ চক্ষু॒রাত॑তম্ ॥ ধ্রু॒বা-ঽসি॑ পৃথিবি॒ সহ॑স্ব পৃতন্য়॒তঃ । স্য়ূ॒তা দে॒বেভি॑র॒মৃতে॒না ঽঽগাঃ᳚ ॥ যাস্তে॑ অগ্নে॒ সূর্য়ে॒ রুচ॑ উদ্য়॒তো দিব॑মাত॒ন্বন্তি॑ র॒শ্মিভিঃ॑ । তাভি॒-স্সর্বা॑ভী রু॒চে জনা॑য় নস্কৃধি ॥ যা বো॑ দেবা॒-স্সূর্য়ে॒ রুচো॒ গোষ্বশ্বে॑ষু॒ যা রুচঃ॑ । ইন্দ্রা᳚গ্নী॒ তাভি॒-স্সর্বা॑ভী॒ রুচ॑-ন্নো ধত্ত বৃহস্পতে ॥ বি॒রা- [বি॒রাট্, জ্য়োতি॑রধারয়-] 39

-ড্জ্য়োতি॑রধারয়-থ্স॒ম্রা-ড্জ্য়োতি॑রধারয়-থ্স্ব॒রা-ড্জ্য়োতি॑রধারযত্ ॥ অগ্নে॑ যু॒ক্ষ্বা হি যে তবাশ্বা॑সো দেব সা॒ধবঃ॑ । অরং॒-বঁহ॑ন্ত্য়া॒শবঃ॑ ॥ যু॒ক্ষ্বা হি দে॑ব॒হূত॑মা॒গ্​ম্॒ অশ্বাগ্​ম্॑ অগ্নে র॒থীরি॑ব । নি হোতা॑ পূ॒র্ব্য়-স্স॑দঃ ॥ দ্র॒ফ্সশ্চ॑স্কন্দ পৃথি॒বীমনু॒ দ্য়ামি॒ম-ঞ্চ॒ যোনি॒মনু॒ যশ্চ॒ পূর্বঃ॑ । তৃ॒তীয়ং॒-য়োঁনি॒মনু॑ স॒ঞ্চর॑ন্ত-ন্দ্র॒ফ্স-ঞ্জু॑হো॒ম্যনু॑ স॒প্ত [ ] 40

হোত্রাঃ᳚ ॥ অভূ॑দি॒দং-বিঁশ্ব॑স্য়॒ ভুব॑নস্য়॒ বাজি॑নম॒গ্নে-র্বৈ᳚শ্বান॒রস্য়॑ চ । অ॒গ্নির্জ্য়োতি॑ষা॒ জ্য়োতি॑ষ্মা-ন্রু॒ক্মো বর্চ॑সা॒ বর্চ॑স্বান্ ॥ ঋ॒চে ত্বা॑ রু॒চে ত্বা॒ সমি-থ্স্র॑বন্তি স॒রিতো॒ ন ধেনাঃ᳚ । অ॒ন্তর্​হৃ॒দা মন॑সা পূ॒যমা॑নাঃ ॥ ঘৃ॒তস্য়॒ ধারা॑ অ॒ভি চা॑কশীমি । হি॒র॒ণ্যয়ো॑ বেত॒সো মদ্ধ্য়॑ আসাম্ ॥ তস্মিন্᳚থ্সুপ॒র্ণো ম॑ধু॒কৃ-ত্কু॑লা॒য়ী ভজ॑ন্নাস্তে॒ মধু॑ দে॒বতা᳚ভ্য়ঃ । তস্য়া॑ স তে॒ হর॑য়-স্স॒প্ত তীরে᳚ স্ব॒ধা-ন্দুহা॑না অ॒মৃত॑স্য়॒ ধারা᳚ম্ ॥ 41 ॥
(প্র॒তি॒ষ্ঠায়ৈ॑ - স॒হস্র॑বীর্য়া - পর॒মং - ঁবি॒রাট্থ্ - স॒প্ত - তীরে॑ - চ॒ত্বারি॑ চ) (অ. 9)

আ॒দি॒ত্য়-ঙ্গর্ভ॒-ম্পয়॑সা সম॒ঞ্জন্-থ্স॒হস্র॑স্য় প্রতি॒মাং-বিঁ॒শ্বরূ॑পম্ । পরি॑ বৃঙ্গ্ধি॒ হর॑সা॒ মা-ঽভি মৃ॑ক্ষ-শ্শ॒তায়ু॑ষ-ঙ্কৃণুহি চী॒যমা॑নঃ ॥ ই॒ম-ম্মা হিগ্​ম্॑সীর্দ্বি॒পাদ॑-ম্পশূ॒নাগ্​ম্ সহ॑স্রাক্ষ॒ মেধ॒ আ চী॒যমা॑নঃ । ম॒য়ুমা॑র॒ণ্যমনু॑ তে দিশামি॒ তেন॑ চিন্বা॒নস্ত॒নুবো॒ নি ষী॑দ ॥ বাত॑স্য়॒ ধ্রাজিং॒-বঁরু॑ণস্য়॒ নাভি॒মশ্ব॑-ঞ্জজ্ঞা॒নগ্​ম্ স॑রি॒রস্য়॒ মদ্ধ্য়ে᳚ । শিশু॑-ন্ন॒দীনা॒গ্​ম্॒ হরি॒মদ্রি॑বুদ্ধ॒মগ্নে॒ মা হিগ্​ম্॑সীঃ [মা হিগ্​ম্॑সীঃ, প॒র॒মে ব্য়ো॑মন্ন্ ।] 42

পর॒মে ব্য়ো॑মন্ন্ ॥ ই॒ম-ম্মা হিগ্​ম্॑সী॒রেক॑শফ-ম্পশূ॒না-ঙ্ক॑নিক্র॒দং-বাঁ॒জিনং॒-বাঁজি॑নেষু । গৌ॒রমা॑র॒ণ্যমনু॑ তে দিশামি॒ তেন॑ চিন্বা॒নস্ত॒নুবো॒ নি ষী॑দ ॥ অজ॑স্র॒মিন্দু॑মরু॒ষ-ম্ভু॑র॒ণ্য়ুম॒গ্নিমী॑ডে পূ॒র্বচি॑ত্তৌ॒ নমো॑ভিঃ । স পর্ব॑ভির্-ঋতু॒শঃ কল্প॑মানো॒ গা-ম্মা হিগ্​ম্॑সী॒রদি॑তিং-বিঁ॒রাজ᳚ম্ ॥ ই॒মগ্​ম্ স॑মু॒দ্রগ্​ম্ শ॒তধা॑র॒মু-থ্সং॑-ব্য়ঁ॒চ্যমা॑ন॒-ম্ভুব॑নস্য়॒ মদ্ধ্য়ে᳚ । ঘৃ॒ত-ন্দুহা॑না॒-মদি॑তি॒-ঞ্জনা॒য়াগ্নে॒ মা [-মদি॑তি॒-ঞ্জনা॒য়াগ্নে॒ মা, হি॒গ্​ম্॒সীঃ॒ প॒র॒মে ব্য়ো॑মন্ন্ ।] 43

হিগ্​ম্॑সীঃ পর॒মে ব্য়ো॑মন্ন্ । গ॒ব॒যমা॑র॒ণ্যমনু॑ তে দিশামি॒ তেন॑ চিন্বা॒নস্ত॒নুবো॒ নি ষী॑দ ॥ বরূ᳚ত্রি॒-ন্ত্বষ্টু॒র্বরু॑ণস্য়॒ নাভি॒মবি॑-ঞ্জজ্ঞা॒নাগ্​ম্ রজ॑সঃ॒ পর॑স্মাত্ । ম॒হীগ্​ম্ সা॑হ॒স্রীমসু॑রস্য় মা॒য়ামগ্নে॒ মা হিগ্​ম্॑সীঃ পর॒মে ব্য়ো॑মন্ন্ ॥ ই॒মামূ᳚র্ণা॒য়ুং-বঁরু॑ণস্য় মা॒য়া-ন্ত্বচ॑-ম্পশূ॒না-ন্দ্বি॒পদা॒-ঞ্চতু॑ষ্পদাম্ । ত্বষ্টুঃ॑ প্র॒জানা᳚-ম্প্রথ॒ম-ঞ্জ॒নিত্র॒মগ্নে॒ মা হিগ্​ম্॑সীঃ পর॒মে ব্য়ো॑মন্ন্ । উষ্ট্র॑মার॒ণ্যমনু॑ [উষ্ট্র॑মার॒ণ্যমনু॑, তে॒ দি॒শা॒মি॒ তেন॑] 44

তে দিশামি॒ তেন॑ চিন্বা॒নস্ত॒নুবো॒ নি ষী॑দ ॥ যো অ॒গ্নির॒গ্নেস্ত-প॒সো-ঽধি॑ জা॒ত-শ্শোচা᳚-ত্পৃথি॒ব্য়া উ॒ত বা॑ দি॒বস্পরি॑ । যেন॑ প্র॒জা বি॒শ্বক॑র্মা॒ ব্য়ান॒-ট্তম॑গ্নে॒ হেডঃ॒ পরি॑ তে বৃণক্তু ॥ অ॒জা হ্য়॑গ্নেরজ॑নিষ্ট॒ গর্ভা॒-থ্সা বা অ॑পশ্যজ্জনি॒তার॒মগ্রে᳚ । তয়া॒ রোহ॑মায়॒ন্নুপ॒ মেদ্ধ্য়া॑স॒স্তয়া॑ দে॒বা দে॒বতা॒মগ্র॑ আযন্ন্ । শ॒র॒ভ-( )-মা॑র॒ণ্যমনু॑ তে দিশামি॒ তেন॑ চিন্বা॒নস্ত॒নুবো॒ নিষী॑দ ॥ 45 ॥
(অগ্নে॒ মা হিগ্​ম্॑সী॒ - রগ্নে॒ মোষ্ট্র॑মা - র॒ণ্যমনু॑ - শর॒ভন্ - নব॑ চ) (অ. 10)

(আ॒দি॒ত্য় মি॒মন্দ্বি॒পাদে॑ ম॒য়ুং-বাঁত॒স্য়া ঽশ্ব॑ মি॒ম মেক॑শফ ঙ্গৌ॒রম জ॑স্রঙ্গব॒য়ং-বঁরূ᳚ত্রি॒ মবি॑ মি॒মামূ᳚র্ণা॒র্য়ু মুষ্ট্রং॒-য়োঁ অ॒গ্নি-শ্শ॑র॒ভং )

ইন্দ্রা᳚গ্নী রোচ॒না দি॒বঃ পরি॒ বাজে॑ষু ভূষথঃ । তদ্বা᳚-ঞ্চেতি॒ প্রবী॒র্য়᳚ম্ ॥ শ্ঞথ॑-দ্বৃ॒ত্রমু॒ত স॑নোতি॒ বাজ॒মিন্দ্রা॒ যো অ॒গ্নী সহু॑রী সপ॒র্য়াত্ । ই॒র॒জ্যন্তা॑ বস॒ব্য়॑স্য়॒ ভূরে॒-স্সহ॑স্তমা॒ সহ॑সা বাজ॒যন্তা᳚ ॥ প্র চ॑র্​ষ॒ণিভ্য়ঃ॑ পৃতনা॒ হবে॑ষু॒ প্র পৃ॑থি॒ব্য়া রি॑রিচাথে দি॒বশ্চ॑ । প্র সিন্ধু॑ভ্য়ঃ॒ প্রগি॒রিভ্য়ো॑ মহি॒ত্বা প্রেন্দ্রা᳚গ্নী॒ বিশ্বা॒ ভুব॒না-ঽত্য়॒ন্য়া ॥ মরু॑তো॒ যস্য়॒ হি [ ] 46

ক্ষয়ে॑ পা॒থা দি॒বো বি॑মহসঃ । স সু॑গো॒পাত॑মো॒ জনঃ॑ ॥ য॒জ্ঞৈর্বা॑ যজ্ঞবাহসো॒ বিপ্র॑স্য় বা মতী॒নাম্ । মরু॑ত-শ্শৃণু॒তা হব᳚ম্ ॥ শ্রি॒যসে॒ ক-ম্ভা॒নুভি॒-স্স-ম্মি॑মিক্ষিরে॒ তে র॒শ্মিভি॒স্ত ঋক্ব॑ভি-স্সুখা॒দয়ঃ॑ । তে বাশী॑মন্ত ই॒ষ্মিণো॒ অভী॑রবো বি॒দ্রে প্রি॒যস্য়॒ মারু॑তস্য়॒ ধাম্নঃ॑ ॥ অব॑ তে॒ হেড॒, উদু॑ত্ত॒মম্ ॥ কয়া॑ নশ্চি॒ত্র আ ভু॑বদূ॒তী স॒দা বৃ॑ধ॒-স্সখা᳚ । কয়া॒ শচি॑ষ্ঠয়া বৃ॒তা ॥ 47 ॥

কো অ॒দ্য় যু॑ঙ্ক্তে ধু॒রি গা ঋ॒তস্য়॒ শিমী॑বতো ভা॒মিনো॑ দুর্​হৃণা॒য়ূন্ । আ॒সন্নি॑ষূন্. হৃ॒থ্স্বসো॑ ময়ো॒ভূন্. য এ॑ষা-ম্ভৃ॒ত্য়ামৃ॒ণধ॒-থ্স জী॑বাত্ ॥ অগ্নে॒ নয়া, ঽঽদে॒বানা॒গ্​ম্॒ শন্নো॑ ভবন্তু॒, বাজে॑বাজে। অ॒ফ্স্ব॑গ্নে॒ সধি॒ষ্টব॒ সৌষ॑ধী॒রনু॑ রুদ্ধ্যসে । গর্ভে॒ সঞ্জা॑যসে॒ পুনঃ॑ ॥ বৃষা॑ সোম দ্য়ু॒মাগ্​ম্ অ॑সি॒ বৃষা॑ দেব॒ বৃষ॑ব্রতঃ । বৃষা॒ ধর্মা॑ণি দধিষে ॥ ই॒ম-ম্মে॑ বরুণ॒ , তত্ত্বা॑ যামি॒ত্ব-ন্নো॑ অগ্নে॒স ত্ব-ন্নো॑ অগ্নে ॥ 48 ॥
(হি - বৃ॒তা - ম॒ - একা॑দশ চ ) (অ. 11)

(বিষ্ণোঃ॒ ক্রমো॑-ঽসি - দি॒বস্প - র্যন্ন॑প॒তে - ঽপে॑ত॒ - সমি॑তং॒ - ঁয়া জা॒তা - মা নো॑ হিগ্​ম্সী - দ॒ভ্য়॑স্থা-দ্- ধ্রু॒বা - ঽস্য়া॑দি॒ত্যঙ্গর্ভ॒ - মিন্দ্রা᳚গ্নী রোচ॒ - নৈকা॑দশ )

(বিষ্ণো॑ - রস্মিন্. হ॒ব্য়ে - তি॑ ত্বা॒-ঽহং - ধী॒তিভি॒ - র্​হোত্রা॑ - অ॒ষ্টাচ॑ত্বারিগ্​ম্শত্)

(বিষ্ণোঃ॒ ক্রমো॑-ঽসি॒, ত্বন্নো॑ অগ্নে॒ স ত্বন্নো॑ অগ্নে)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থ কাণ্ডে দ্বিতীয়ঃ প্রশ্ন-স্সমাপ্তঃ ॥