কৃষ্ণ যজুর্বেদীয় তৈত্তিরীয় সংহিতায়াং ষষ্ঠকাণ্ডে তৃতীয়ঃ প্রশ্নঃ - সোমমন্ত্রব্রাহ্মণনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

চাত্বা॑লা॒-দ্ধিষ্ণি॑য়া॒নুপ॑ বপতি॒ যোনি॒র্বৈ য॒জ্ঞস্য়॒ চাত্বা॑লং-য়ঁ॒জ্ঞস্য়॑ সয়োনি॒ত্বায়॑ দে॒বা বৈ য॒জ্ঞ-ম্পরা॑-ঽজযন্ত॒ তমাগ্নী᳚দ্ধ্রা॒-ত্পুন॒রপা॑জযন্নে॒তদ্বৈ য॒জ্ঞস্য়া-প॑রাজিতং॒-য়ঁদাগ্নী᳚দ্ধ্রং॒-য়ঁদাগ্নী᳚দ্ধ্রা॒দ্ধিষ্ণি॑য়ান্. বি॒হর॑তি॒ যদে॒ব য॒জ্ঞস্য়া-প॑রাজিত॒-ন্তত॑ এ॒বৈন॒-ম্পুন॑স্তনুতে পরা॒জিত্য়ে॑ব॒ খলু॒ বা এ॒তে য॑ন্তি॒ যে ব॑হিষ্পবমা॒নগ্​ম্ সর্প॑ন্তি বহিষ্পবমা॒নে স্তু॒ত [স্তু॒তে, আ॒হাগ্নী॑দ॒গ্নীন্. বি] 1

আ॒হাগ্নী॑দ॒গ্নীন্. বি হ॑র ব॒র্॒হি-স্স্তৃ॑ণাহি পুরো॒ডাশা॒গ্​ম্॒ অল॑-ঙ্কু॒র্বিতি॑ য॒জ্ঞমে॒বাপ॒জিত্য়॒ পুন॑স্তন্বা॒না য॒ন্ত্যঙ্গা॑রৈ॒র্দ্বে সব॑নে॒ বি হ॑রতি শ॒লাকা॑ভি-স্তৃ॒তীয়গ্​ম্॑ সশুক্র॒ত্বায়াথো॒ স-ম্ভ॑রত্য়ে॒বৈন॒দ্ধিষ্ণি॑য়া॒ বা অ॒মুষ্মি॑ন্ ঁলো॒কে সোম॑মরক্ষ॒-ন্তেভ্য়ো-ঽধি॒ সোম॒মা-ঽহ॑র॒-ন্ত ম॑ন্ব॒বায়॒ন্ত-ম্পর্য়॑বিশ॒ন্॒. য এ॒বং-বেঁদ॑ বি॒ন্দতে॑ [য় এ॒বং-বেঁদ॑ বি॒ন্দতে᳚, প॒রি॒বে॒ষ্টার॒-ন্তে] 2

পরিবে॒ষ্টার॒-ন্তে সো॑মপী॒থেন॒ ব্য়া᳚র্ধ্যন্ত॒ তে দে॒বেষু॑ সোমপী॒থমৈ᳚চ্ছন্ত॒ তা-ন্দে॒বা অ॑ব্রুব॒-ন্দ্বেদ্বে॒ নাম॑নী কুরুদ্ধ্ব॒মথ॒ প্র বা॒-ঽঽফ্স্যথ॒ ন বেত্য়॒গ্নয়ো॒ বা অথ॒ ধিষ্ণি॑য়া॒স্তস্মা᳚-দ্দ্বি॒নামা᳚ ব্রাহ্ম॒ণো-ঽর্ধু॑ক॒স্তেষাং॒-য়েঁ নেদি॑ষ্ঠ-ম্প॒র্যবি॑শ॒-ন্তে সো॑মপী॒থ-ম্প্রা-ঽপ্নু॑বন্নাহব॒নীয়॑ আগ্নী॒দ্ধ্রীয়ো॑ হো॒ত্রীয়ো॑ মার্জা॒লীয়॒স্তস্মা॒-ত্তেষু॑ জুহ্বত্যতি॒হায়॒ বষ॑-ট্করোতি॒ বি হ্য়ে॑ [বি হি, এ॒তে সো॑মপী॒থেনা-ঽঽর্ধ্য়॑ন্ত] 3

-তে সো॑মপী॒থেনা-ঽঽর্ধ্য়॑ন্ত দে॒বা বৈ যাঃ প্রাচী॒-রাহু॑তী॒-রজু॑হবু॒র্য়ে পু॒রস্তা॒দসু॑রা॒ আস॒-ন্তাগ্​ স্তাভিঃ॒ প্রাণু॑দন্ত॒ যাঃ প্র॒তীচী॒র্য়ে প॒শ্চাদসু॑রা॒ আস॒-ন্তাগ্​স্তাভি॒-রপা॑নুদন্ত॒ প্রাচী॑র॒ন্য়া আহু॑তয়ো হূ॒যন্তে᳚ প্র॒ত্যঙ্ঙাসী॑নো॒ ধিষ্ণি॑য়া॒ন্. ব্য়াঘা॑রযতি প॒শ্চাচ্চৈ॒ব পুরস্তা᳚চ্চ॒ যজ॑মানো॒ ভ্রাতৃ॑ব্য়া॒-ন্প্র ণু॑দতে॒ তস্মা॒-ত্পরা॑চীঃ প্র॒জাঃ প্র বী॑যন্তে প্র॒তীচী᳚- [প্র॒তীচীঃ᳚, জা॒য়॒ন্তে॒ প্রা॒ণা বা এ॒তে] 4

-র্জাযন্তে প্রা॒ণা বা এ॒তে যদ্ধিষ্ণি॑য়া॒ যদ॑দ্ধ্ব॒র্য়ুঃ প্র॒ত্য়-ন্ধিষ্ণি॑য়া-নতি॒সর্পে᳚-ত্প্রা॒ণান্-থ্সঙ্ক॑র্​ষে-ত্প্র॒মায়ু॑ক-স্স্য়া॒ন্নাভি॒র্বা এ॒ষা য॒জ্ঞস্য়॒ যদ্ধোতো॒র্ধ্বঃ খলু॒ বৈ নাভ্য়ৈ᳚ প্রা॒ণো-ঽবাং॑অপা॒নো যদ॑ধ্ব॒র্য়ুঃ প্র॒ত্য়ং হোতা॑রমতি॒সর্পে॑দপা॒নে প্রা॒ণ-ন্দ॑ধ্য়া-ত্প্র॒মায়ু॑ক-স্স্য়া॒ন্নাদ্ধ্ব॒র্য়ুরুপ॑ গায়ে॒-দ্বাগ্বী᳚র্য়ো॒ বা অ॑দ্ধ্ব॒র্য়ু-র্যদ॑দ্ধ্ব॒র্য়ুরু॑প॒-গায়ে॑দু-দ্গা॒ত্রে [ ] 5

বাচ॒গ্​ম্॒ স-ম্প্র য॑চ্ছে-দুপ॒দাসু॑কা-ঽস্য়॒ বা-খ্স্য়া᳚দ্ব্রহ্মবা॒দিনো॑ বদন্তি॒ নাসগ্গ্॑স্থিতে॒ সোমে᳚-ঽদ্ধ্ব॒র্য়ুঃ প্র॒ত্যঙ্-খ্সদো-ঽতী॑য়া॒দথ॑ ক॒থা দা᳚ক্ষি॒ণানি॒ হোতু॑মেতি॒ যামো॒ হি স তেষা॒-ঙ্কস্মা॒ অহ॑ দে॒বা যামং॒-বাঁ-ঽয়া॑মং॒-বাঁ-ঽনু॑ জ্ঞাস্য়॒ন্তীত্য়ু-ত্ত॑রে॒ণা-ঽঽগ্নী᳚দ্ধ্র-ম্প॒রীত্য়॑ জুহোতি দাক্ষি॒ণানি॒ ন প্রা॒ণান্​থ্স-ঙ্ক॑র্​ষতি॒ ন্য়॑ন্য়ে ধিষ্ণি॑য়া উ॒প্যন্তে॒ নান্য়ে যা-ন্নি॒বপ॑তি॒ তেন॒ তা-ন্প্রী॑ণাতি॒ যা-ন্ননি॒বপ॑তি॒ যদ॑নুদি॒শতি॒ তেন॒ তান্ ॥ 6 ॥
(স্তু॒তে - বি॒ন্দতে॒ - হি - বী॑যন্তে প্র॒তীচী॑ - রুদ্গ্রা॒ত্র - উ॒প্যন্তে॒ - চতু॑র্দশ চ) (অ. 1)

সু॒ব॒র্গায়॒ বা এ॒তানি॑ লো॒কায়॑ হূযন্তে॒ য-দ্বৈ॑সর্জ॒নানি॒ দ্বাভ্য়া॒-ঙ্গার্​হ॑পত্য়ে জুহোতি দ্বি॒পা-দ্যজ॑মানঃ॒ প্রতি॑ষ্ঠিত্য়া॒ আগ্নী᳚দ্ধ্রে জুহোত্য়॒ন্তরি॑ক্ষ এ॒বা-ঽঽক্র॑মত আহব॒নীয়ে॑ জুহোতি সুব॒র্গমে॒বৈনং॑-লোঁ॒ক-ঙ্গ॑মযতি দে॒বান্. বৈ সু॑ব॒র্গং-লোঁ॒কং-য়ঁ॒তো রক্ষাগ্॑স্য় জিঘাগ্​ম্স॒ন্তে সোমে॑ন॒ রাজ্ঞা॒ রক্ষাগ্॑-স্যপ॒হত্য়া॒প্তু-মা॒ত্মান॑-ঙ্কৃ॒ত্বা সু॑ব॒র্গং-লোঁ॒কমা॑য়॒-ন্রক্ষ॑সা॒-মনু॑পলাভা॒য়া ঽঽত্ত॒-স্সোমো॑ ভব॒ত্যথ॑ [ভব॒ত্যথ॑, বৈ॒স॒র্জ॒নানি॑ জুহোতি॒] 7

বৈসর্জ॒নানি॑ জুহোতি॒ রক্ষ॑সা॒মপ॑হত্য়ৈ॒ ত্বগ্​ম্ সো॑ম তনূ॒কৃদ্ভ্য়॒ ইত্য়া॑হ তনূ॒কৃদ্ধ্য়॑ষ দ্বেষো᳚ভ্য়ো॒-ঽন্যকৃ॑তেভ্য়॒ ইত্য়া॑হা॒ন্যকৃ॑তানি॒ হি রক্ষাগ্॑স্য়ু॒রু য॒ন্তা-ঽসি॒ বরূ॑থ॒মিত্য়া॑হো॒রু ণ॑স্কৃ॒ধীতি॒ বাবৈতদা॑হ জুষা॒ণো অ॒প্তুরাজ্য়॑স্য় বে॒ত্বিত্য়া॑হা॒প্তুমে॒ব যজ॑মান-ঙ্কৃ॒ত্বা সু॑ব॒র্গং-লোঁ॒ক-ঙ্গ॑মযতি॒ রক্ষ॑সা॒-মনু॑পলাভা॒য়া-ঽঽ সোম॑-ন্দদত॒ [সোম॑-ন্দদতে, আ গ্রাব্ণ্ণ॒ আ] 8

আ গ্রাব্ণ্ণ॒ আ বা॑য়॒ব্য়া᳚ন্য়া দ্রো॑ণকল॒শমু-ত্পত্নী॒মা ন॑য়॒ন্ত্যন্বনাগ্​ম্॑সি॒ প্র ব॑র্তযন্তি॒ যাব॑দে॒বাস্য়াস্তি॒ তেন॑ স॒হ সু॑ব॒র্গং-লোঁ॒কমে॑তি॒ নয়॑বত্য়॒র্চা-ঽঽগ্নী᳚দ্ধ্রে জুহোতি সুব॒র্গস্য়॑ লো॒কস্য়া॒ভিনী᳚ত্য়ৈ॒ গ্রাব্ণ্ণো॑ বায়॒ব্য়া॑নি দ্রোণকল॒শমাগ্নী᳚দ্ধ্র॒ উপ॑ বাসযতি॒ বি হ্য়ে॑ন॒-ন্তৈর্গৃ॒হ্ণতে॒ য-থ্স॒হোপ॑বা॒সয়ে॑-দপুবা॒য়েত॑ সৌ॒ম্যর্চা প্র পা॑দযতি॒ স্বয়ৈ॒- [প্র পা॑দযতি॒ স্বয়᳚, এ॒বৈন॑-ন্দে॒বত॑য়া॒] 9

-বৈন॑-ন্দে॒বত॑য়া॒ প্র পা॑দয়॒ত্যদি॑ত্য়া॒-স্সদো॒-ঽস্যদি॑ত্য়া॒-স্সদ॒ আ সী॒দেত্য়া॑হ যথায়॒জুরে॒বৈত-দ্যজ॑মানো॒ বা এ॒তস্য়॑ পু॒রা গো॒প্তা ভ॑বত্য়ে॒ষ বো॑ দেব সবিত॒-স্সোম॒ ইত্য়া॑হ সবি॒তৃপ্র॑সূত এ॒বৈন॑-ন্দে॒বতা᳚ভ্য়॒-স্স-ম্প্রয়॑চ্ছত্য়ে॒ত-ত্ত্বগ্​ম্ সো॑ম দে॒বো দে॒বানুপা॑গা॒ ইত্য়া॑হ দে॒বো হ্য়ে॑ষ স- [দে॒বো হ্য়ে॑ষ সন্ন্, দে॒বানু॒পৈতী॒দম॒হ-] 10

-ন্দে॒বানু॒পৈতী॒দম॒হ-ম্ম॑নু॒ষ্য়ো॑ মনু॒ষ্য়া॑নিত্য়া॑হ মনু॒ষ্য়ো᳚(1॒) হ্য়ে॑ষ স-ন্ম॑নু॒ষ্য়া॑নু॒পৈতি॒ যদে॒ত-দ্যজু॒র্ন ব্রূ॒য়াদপ্র॑জা অপ॒শুর্যজ॑মান-স্স্য়া-থ্স॒হ প্র॒জয়া॑ সহ রা॒যস্পোষে॒ণেত্য়া॑হ প্র॒জয়ৈ॒ব প॒শুভি॑-স্স॒হেমং-লোঁ॒কমু॒পাব॑র্ততে॒ নমো॑ দে॒বেভ্য়॒ ইত্য়া॑হ নমস্কা॒রো হি দে॒বানাগ্॑ স্ব॒ধা পি॒তৃভ্য়॒ ইত্য়া॑হ স্বধাকা॒রো হি [স্বধাকা॒রো হি, পি॒তৃ॒ণামি॒দম॒হ-] 11

পি॑তৃ॒ণামি॒দম॒হ-ন্নির্বরু॑ণস্য়॒ পাশা॒দিত্য়া॑হ বরুণপা॒শাদে॒ব নির্মু॑চ্য়॒তে ঽগ্নে᳚ ব্রতপত আ॒ত্মনঃ॒ পূর্বা॑ ত॒নূরা॒দেয়েত্য়া॑হুঃ॒ কো হি তদ্বেদ॒ য-দ্বসী॑য়া॒ন্-থ্স্বে বশে॑ ভূ॒তে পুন॑র্বা॒ দদা॑তি॒ ন বেতি॒ গ্রাবা॑ণো॒ বৈ সোম॑স্য়॒ রাজ্ঞো॑ মলিম্লুসে॒না য এ॒বং-বিঁ॒দ্বা-ন্গ্রাব্ণ্ণ॒ আগ্নী᳚দ্ধ্র উপবা॒সয়॑তি॒ নৈন॑-ম্মলিম্লুসে॒না বি॑ন্দতি ॥ 12 ॥
(অথ॑-দদতে॒ - স্বয়া॒ - সন্থ্ - স্ব॑ধাকা॒রো হি - বি॑ন্দতি) (অ. 2)

বৈ॒ষ্ণ॒ব্যর্চা হু॒ত্বা যূপ॒মচ্ছৈ॑তি বৈষ্ণ॒বো বৈ দে॒বত॑য়া॒ যূপ॒-স্স্বয়ৈ॒বৈন॑-ন্দে॒বত॒য়া ঽচ্ছৈ॒ত্যত্য়॒ন্য়ানগা॒-ন্নান্য়া-নুপা॑গা॒মিত্য়া॒হাতি॒ হ্য়॑ন্য়ানেতি॒ নান্য়া-নু॒পৈত্য়॒র্বাক্ত্বা॒ পরৈ॑রবিদ-ম্প॒রো-ঽব॑রৈ॒রিত্য়া॑হা॒র্বাঘ্য়ে॑ন॒-ম্পরৈ᳚র্বি॒ন্দতি॑ প॒রো-ঽব॑রৈ॒স্ত-ন্ত্বা॑ জুষে [জুষে, বৈ॒ষ্ণ॒ব-ন্দে॑বয়॒জ্য়ায়া॒] 13

বৈষ্ণ॒ব-ন্দে॑বয়॒জ্য়ায়া॒ ইত্য়া॑হ দেবয়॒জ্য়ায়ৈ॒ হ্য়ে॑ন-ঞ্জু॒ষতে॑ দে॒বস্ত্বা॑ সবি॒তা মদ্ধ্বা॑-ঽন॒ক্ত্বিত্য়া॑হ॒ তেজ॑সৈ॒বৈন॑-মন॒ক্ত্য়োষ॑ধে॒ ত্রায়॑স্বৈন॒গ্গ্॒ স্বধি॑তে॒ মৈনগ্​ম্॑ হিগ্​ম্সী॒রিত্য়া॑হ॒ বজ্রো॒ বৈ স্বধি॑তি॒-শ্শান্ত্য়ৈ॒ স্বধি॑তের্বৃ॒ক্ষস্য়॒ বিভ্য়॑তঃ প্রথ॒মেন॒ শক॑লেন স॒হ তেজঃ॒ পরা॑ পততি॒ যঃ প্র॑থ॒ম-শ্শক॑লঃ পরা॒পতে॒-ত্তমপ্য়া হ॑রে॒-থ্সতে॑জস- [হ॑রে॒-থ্সতে॑জসম্, এ॒বৈন॒মা] 14

-মে॒বৈন॒মা হ॑রতী॒মে বৈ লো॒কা যূপা᳚-ত্প্রয়॒তো বি॑ভ্যতি॒ দিব॒মগ্রে॑ণ॒ মা লে॑খীর॒ন্তরি॑ক্ষ॒-ম্মদ্ধ্য়ে॑ন॒ মা হিগ্​ম্॑সী॒রিত্য়া॑হৈ॒ভ্য় এ॒বৈনং॑-লোঁ॒কেভ্য়॑-শ্শমযতি॒ বন॑স্পতে শ॒তব॑ল্​শো॒ বি রো॒হেত্য়া॒ব্রশ্চ॑নে জুহোতি॒ তস্মা॑-দা॒ব্রশ্চ॑না-দ্বৃ॒ক্ষাণা॒-ম্ভূয়াগ্​ম্॑স॒ উত্তি॑ষ্ঠন্তি স॒হস্র॑বল্​শা॒ বি ব॒য়গ্​ম্ রু॑হে॒মেত্য়া॑হা॒- ঽঽশিষ॑মে॒বৈতামা শা॒স্তে ঽন॑ক্ষসঙ্গ- [শা॒স্তে ঽন॑ক্ষসঙ্গম্, বৃ॒শ্চে॒-দ্যদ॑ক্ষস॒ঙ্গং-] 15

-ঁবৃশ্চে॒-দ্যদ॑ক্ষস॒ঙ্গং-বৃঁ॒শ্চেদ॑ধঈ॒ষং-য়ঁজ॑মানস্য় প্র॒মায়ু॑কগ্গ্​ স্য়া॒দ্য়-ঙ্কা॒ময়ে॒তাপ্র॑তিষ্ঠিত-স্স্য়া॒দিত্য়া॑রো॒হ-ন্তস্ম॑ বৃশ্চেদে॒ষ বৈ বন॒স্পতী॑না॒-মপ্র॑তিষ্ঠি॒তো-ঽপ্র॑তিষ্ঠিত এ॒ব ভ॑বতি॒ য-ঙ্কা॒ময়ে॑তাপ॒শু-স্স্য়া॒দিত্য়॑প॒র্ণ-ন্তস্মৈ॒ শুষ্কা᳚গ্রং-বৃঁশ্চেদে॒ষ বৈ বন॒স্পতী॑না-মপশ॒ব্য়ো॑-ঽপ॒শুরে॒ব ভ॑বতি॒ য-ঙ্কা॒ময়ে॑ত পশু॒মান্-থ্স্য়া॒দিতি॑ বহুপ॒র্ণ-ন্তস্মৈ॑ বহুশা॒খং-বৃঁ॑শ্চেদে॒ষ বৈ [ ] 16

বন॒স্পতী॑না-ম্পশ॒ব্য়ঃ॑ পশু॒মানে॒ব ভ॑বতি॒ প্রতি॑ষ্ঠিতং-বৃঁশ্চে-ত্প্রতি॒ষ্ঠাকা॑মস্য়ৈ॒ষ বৈ বন॒স্পতী॑না॒-ম্প্রতি॑ষ্ঠিতো॒ য-স্স॒মে ভূম্য়ৈ॒ স্বাদ্য়োনে॑ রূ॒ঢঃ প্রত্য়ে॒ব তি॑ষ্ঠতি॒ যঃ প্র॒ত্যঙ্ঙুপ॑নত॒স্তং-বৃঁ॑শ্চে॒-থ্স হি মেধ॑ম॒ভ্য়ুপ॑নতঃ॒ পঞ্চা॑রত্নি॒-ন্তস্মৈ॑ বৃশ্চে॒দ্য়-ঙ্কা॒ময়ে॒তোপৈ॑ন॒মুত্ত॑রো য॒জ্ঞো ন॑মে॒দিতি॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞ উপৈ॑ন॒মুত্ত॑রো য॒জ্ঞো [য়॒জ্ঞঃ, ন॒ম॒তি॒ ষড॑রত্নি] 17

ন॑মতি॒ ষড॑রত্নি-ম্প্রতি॒ষ্ঠাকা॑মস্য়॒ ষড্বা ঋ॒তব॑ ঋ॒তুষ্বে॒ব প্রতি॑ তিষ্ঠতি স॒প্তার॑ত্নি-ম্প॒শুকা॑মস্য় স॒প্তপ॑দা॒ শক্ব॑রী প॒শব॒-শ্শক্ব॑রী প॒শূনে॒বাব॑ রুন্ধে॒ নবা॑রত্নি॒-ন্তেজ॑স্কামস্য় ত্রি॒বৃতা॒ স্তোমে॑ন॒ সম্মি॑ত॒-ন্তেজ॑স্ত্রি॒বৃ-ত্তে॑জ॒স্ব্য়ে॑ব ভ॑ব॒-ত্য়েকা॑দশারত্নি-মিন্দ্রি॒যকা॑ম॒-স্য়ৈকা॑দশাক্ষরা ত্রি॒ষ্টুগি॑ন্দ্রি॒য়-ন্ত্রি॒ষ্টুগি॑ন্দ্রিয়া॒ব্য়ে॑ব ভ॑বতি॒ পঞ্চ॑দশারত্নি॒-ম্ভ্রাতৃ॑ব্যবতঃ পঞ্চদ॒শো বজ্রো॒ ভ্রাতৃ॑ব্য়াভিভূত্য়ৈ স॒প্তদ॑শারত্নি-ম্প্র॒জাকা॑মস্য় সপ্তদ॒শঃ প্র॒জাপ॑তিঃ প্র॒জাপ॑তে॒রাপ্ত্য়া॒ এক॑বিগ্​ম্শত্যরত্নি-ম্প্রতি॒ষ্ঠাকা॑ম-স্য়ৈকবি॒গ্​ম্॒শ-স্স্তোমা॑না-ম্প্রতি॒ষ্ঠা প্রতি॑ষ্ঠিত্য়া অ॒ষ্টাশ্রি॑র্ভব-ত্য়॒ষ্টাক্ষ॑রা গায়॒ত্রী তেজো॑ গায়॒ত্রী গা॑য়॒ত্রী য॑জ্ঞমু॒খ-ন্তেজ॑সৈ॒ব গা॑যত্রি॒য়া য॑জ্ঞমু॒খেন॒ সম্মি॑তঃ ॥ 18 ॥
(জু॒ষে॒ - সতে॑জস॒ - মন॑ক্ষসঙ্গং - বহুশা॒খং-বৃঁ॑শ্চেদে॒ষ বৈ - য॒জ্ঞ উপৈ॑ন॒মুত্ত॑রো য॒জ্ঞ - আপ্ত্য়া॒ - একা॒ন্নবিগ্​ম্॑শ॒তিশ্চ॑) (অ. 3)

পৃ॒থি॒ব্য়ৈ ত্বা॒-ঽন্তরি॑ক্ষায় ত্বা দি॒বে ত্বেত্য়া॑হৈ॒ভ্য় এ॒বৈনং॑-লোঁ॒কেভ্য়ঃ॒ প্রোক্ষ॑তি॒ পরা᳚ঞ্চ॒-ম্প্রোক্ষ॑তি॒ পরা॑ঙিব॒ হি সু॑ব॒র্গো লো॒কঃ ক্রূ॒রমি॑ব॒ বা এ॒ত-ত্ক॑রোতি॒ য-ত্খন॑ত্য়॒পো-ঽব॑ নযতি॒ শান্ত্য়ৈ॒ যব॑মতী॒রব॑ নয়॒ত্য়ূর্গ্বৈ যবো॒ যজ॑মানেন॒ যূপ॒-স্সম্মি॑তো॒ যাবা॑নে॒ব যজ॑মান॒-স্তাব॑তী-মে॒বাস্মি॒-ন্নূর্জ॑-ন্দধাতি [মে॒বাস্মি॒-ন্নূর্জ॑-ন্দধাতি, পি॒তৃ॒ণাগ্​ম্ সদ॑নম॒সীতি॑] 19

পিতৃ॒ণাগ্​ম্ সদ॑নম॒সীতি॑ ব॒র্॒হিরব॑ স্তৃণাতি পিতৃদেব॒ত্য়া᳚(1॒)গ্গ্॒ হ্য়ে॑ত-দ্যন্নিখা॑তং॒-য়ঁ-দ্ব॒র্॒হিরন॑বস্তীর্য় মিনু॒য়া-ত্পি॑তৃদেব॒ত্য়ো॑ নিখা॑ত-স্স্য়া-দ্ব॒র্॒হির॑ব॒স্তীর্য়॑ মিনোত্য়॒স্য়ামে॒বৈন॑-ম্মিনোতি যূপশক॒লমবা᳚স্যতি॒ সতে॑জসমে॒বৈন॑-ম্মিনোতি দে॒বস্ত্বা॑ সবি॒তা মদ্ধ্বা॑-ঽন॒ক্ত্বিত্য়া॑হ॒ তেজ॑সৈ॒বৈন॑মনক্তি সুপিপ্প॒লাভ্য়॒-স্ত্বৌষ॑ধীভ্য়॒ ইতি॑ চ॒ষাল॒-ম্প্রতি॑- [চ॒ষাল॒-ম্প্রতি॑, মু॒ঞ্চ॒তি॒ তস্মা᳚চ্ছীর্​ষ॒ত] 20

-মুঞ্চতি॒ তস্মা᳚চ্ছীর্​ষ॒ত ওষ॑ধয়ঃ॒ ফল॑-ঙ্গৃহ্ণন্ত্য়॒নক্তি॒ তেজো॒ বা আজ্য়ং॒-য়ঁজ॑মানেনাগ্নি॒ষ্ঠা-ঽশ্রি॒-স্সম্মি॑তা॒ যদ॑গ্নি॒ষ্ঠা-মশ্রি॑ম॒নক্তি॒ যজ॑মানমে॒ব তেজ॑সা ঽনক্ত্য়া॒ন্ত-ম॑নক্ত্য়া॒ন্তমে॒ব যজ॑মান॒-ন্তেজ॑সানক্তি স॒র্বতঃ॒ পরি॑ মৃশ॒ত্যপ॑রিবর্গ-মে॒বাস্মি॒-ন্তেজো॑ দধা॒ত্য়ু-দ্দিবগ্গ্॑ স্তভা॒না-ঽন্তরি॑ক্ষ-ম্পৃ॒ণেত্য়া॑হৈ॒ষাং-লোঁ॒কানাং॒-বিঁধৃ॑ত্য়ৈ বৈষ্ণ॒ব্যর্চা [বৈষ্ণ॒ব্যর্চা, ক॒ল্প॒য়॒তি॒ বৈ॒ষ্ণ॒বো বৈ] 21

ক॑ল্পযতি বৈষ্ণ॒বো বৈ দে॒বত॑য়া॒ যূপ॒-স্স্বয়ৈ॒বৈন॑-ন্দে॒বত॑য়া কল্পযতি॒ দ্বাভ্য়া᳚-ঙ্কল্পযতি দ্বি॒পা-দ্যজ॑মানঃ॒ প্রতি॑ষ্ঠিত্য়ৈ॒ য-ঙ্কা॒ময়ে॑ত॒ তেজ॑সৈন-ন্দে॒বতা॑ভিরিন্দ্রি॒য়েণ॒ ব্য়॑র্ধয়েয়॒-মিত্য়॑গ্নি॒ষ্ঠা-ন্তস্য়াশ্রি॑-মাহব॒নীয়া॑দি॒ত্থং-বেঁ॒ত্থং-বাঁ-ঽতি॑ নাবয়ে॒-ত্তেজ॑সৈ॒বৈন॑-ন্দে॒বতা॑ভিরিন্দ্রি॒য়েণ॒ ব্য়॑র্ধযতি॒ য-ঙ্কা॒ময়ে॑ত॒ তেজ॑সৈন-ন্দে॒বতা॑ভিরিন্দ্রি॒য়েণ॒ সম॑র্ধয়েয়॒মি- [সম॑র্ধয়েয়॒মিতি॑, অ॒গ্নি॒ষ্ঠা-] 22

-ত্য়॑গ্নি॒ষ্ঠা-ন্তস্য়াশ্রি॑মাহব॒নীয়ে॑ন॒ স-ম্মি॑নুয়া॒-ত্তেজ॑সৈ॒বৈন॑-ন্দে॒বতা॑ভিরিন্দ্রি॒য়েণ॒ সম॑র্ধযতি ব্রহ্ম॒বনি॑-ন্ত্বা ক্ষত্র॒বনি॒মিত্য়া॑হ যথায়॒জুরে॒বৈত-ত্পরি॑ ব্যয়॒ত্য়ূর্গ্বৈ র॑শ॒না যজ॑মানেন॒ যূপ॒-স্সম্মি॑তো॒ যজ॑মানমে॒বোর্জা সম॑র্ধযতি নাভিদ॒ঘ্নে পরি॑ ব্যযতি নাভিদ॒ঘ্ন এ॒বাস্মা॒ ঊর্জ॑-ন্দধাতি॒ তস্মা᳚ন্নাভিদ॒ঘ্ন ঊ॒র্জা ভু॑ঞ্জতে॒ য-ঙ্কা॒ময়ে॑তো॒র্জৈনং॒- [য়-ঙ্কা॒ময়ে॑তো॒র্জৈন᳚ম্, ব্য়॑র্ধয়েয়॒-] 23

ঁব্য়॑র্ধয়েয়॒-মিত্য়ূ॒র্ধ্বাং-বাঁ॒ তস্য়াবা॑চীং॒-বাঁ-ঽবো॑হেদূ॒র্জৈবৈনং॒-ব্য়ঁ॑র্ধযতি॒ যদি॑ কা॒ময়ে॑ত॒ বর্​ষু॑কঃ প॒র্জন্য়॑-স্স্য়া॒দিত্য়-বা॑চী॒মবো॑হে॒-দ্বৃষ্টি॑মে॒ব নি য॑চ্ছতি॒ যদি॑ কা॒ময়ে॒তাব॑র্​ষুক-স্স্য়া॒দিত্য়ূ॒র্ধ্বামুদূ॑হে॒-দ্বৃষ্টি॑মে॒বো-দ্য়॑চ্ছতি পিতৃ॒ণা-ন্নিখা॑ত-ম্মনু॒ষ্য়া॑ণামূ॒র্ধ্ব-ন্নিখা॑তা॒দা র॑শ॒নায়া॒ ওষ॑ধীনাগ্​ম্ রশ॒না বিশ্বে॑ষা- [বিশ্বে॑ষাম্, দে॒বানা॑-] 24

-ন্দে॒বানা॑-মূ॒র্ধ্বগ্​ম্ র॑শ॒নায়া॒ আ চ॒ষালা॒দিন্দ্র॑স্য় চ॒ষালগ্​ম্॑ সা॒দ্ধ্য়ানা॒মতি॑রিক্ত॒গ্​ম্॒ স বা এ॒ষ স॑র্বদেব॒ত্য়ো॑ যদ্য়ূপো॒ যদ্য়ূপ॑-ম্মি॒নোতি॒ সর্বা॑ এ॒ব দে॒বতাঃ᳚ প্রীণাতি য॒জ্ঞেন॒ বৈ দে॒বা-স্সু॑ব॒র্গং-লোঁ॒কমা॑য়॒-ন্তে॑-ঽমন্যন্ত মনু॒ষ্য়া॑ নো॒-ঽন্বাভ॑বিষ্য়॒ন্তীতি॒ তে যূপে॑ন যোপয়ি॒ত্বা সু॑ব॒র্গং ঁলো॒কমা॑য়॒-ন্তমৃষ॑য়ো॒ যূপে॑নৈ॒বানু॒ প্রাজা॑ন॒-ন্ত-দ্য়ূপ॑স্য় যূপ॒ত্বং- [য়ূপ॒ত্বম্, য-দ্য়ূপ॑-] 25

ঁয়-দ্য়ূপ॑-ম্মি॒নোতি॑ সুব॒র্গস্য়॑ লো॒কস্য়॒ প্রজ্ঞা᳚ত্য়ৈ পু॒রস্তা᳚-ন্মিনোতি পু॒রস্তা॒দ্ধি য॒জ্ঞস্য়॑ প্রজ্ঞা॒যতে প্র॑জ্ঞাত॒গ্​ম্॒ হি ত-দ্যদতি॑পন্ন আ॒হুরি॒দ-ঙ্কা॒র্য়॑মাসী॒দিতি॑ সা॒দ্ধ্য়া বৈ দে॒বা য॒জ্ঞমত্য়॑মন্যন্ত॒ তান্. য॒জ্ঞো নাস্পৃ॑শ॒-ত্তান্. য-দ্য়॒জ্ঞস্য়াতি॑রিক্ত॒মাসী॒-ত্তদ॑স্পৃশ॒দতি॑রিক্তং॒-বাঁ এ॒ত-দ্য়॒জ্ঞস্য়॒ যদ॒গ্নাব॒গ্নি-ম্ম॑থি॒ত্বা প্র॒হর॒ত্যতি॑রিক্তমে॒ত- [প্র॒হর॒ত্যতি॑রিক্তমে॒তত্, যূপ॑স্য়॒] 26

-দ্য়ূপ॑স্য়॒ যদূ॒র্ধ্ব-ঞ্চ॒ষালা॒-ত্তেষা॒-ন্ত-দ্ভা॑গ॒ধেয়॒-ন্তানে॒ব তেন॑ প্রীণাতি দে॒বা বৈ সগ্গ্​স্থি॑তে॒ সোমে॒ প্র স্রুচো-ঽহ॑র॒-ন্প্র যূপ॒-ন্তে॑-ঽমন্যন্ত যজ্ঞবেশ॒সং-বাঁ ই॒দ-ঙ্কু॑র্ম॒ ইতি॒ তে প্র॑স্ত॒রগ্গ্​ স্রু॒চা-ন্নি॒ষ্ক্রয়॑ণ-মপশ্য়॒ন্-থ্স্বরুং॒-য়ূঁপ॑স্য়॒ সগ্গ্​স্থি॑তে॒ সোমে॒ প্র প্র॑স্ত॒রগ্​ম্ হর॑তি জু॒হোতি॒ স্বরু॒ময়॑জ্ঞবেশসায় ॥ 27 ॥
(দ॒ধা॒তি॒ - প্রত্য়ৃ॒ - চা - সম॑র্ধয়েয়॒মিত্য়ূ॒ - র্জৈনং॒ - ঁবিশ্বে॑ষাং - ঁয়ূপ॒ত্ব - মতি॑রিক্তমে॒ত-দ্- দ্বিচ॑ত্বারিগ্​ম্শচ্চ) (অ. 4)

সা॒দ্ধ্য়া বৈ দে॒বা অ॒স্মিঁল্লো॒ক আ॑স॒-ন্নান্য়-ত্কি॑-ঞ্চ॒ন মি॒ষ-ত্তে᳚-ঽগ্নিমে॒বাগ্নয়ে॒ মেধা॒য়া ঽল॑ভন্ত॒ ন হ্য়॑ন্যদা॑ল॒ভ্য়ং॑-মবি॑ন্দ॒-ন্ততো॒ বা ই॒মাঃ প্র॒জাঃ প্রাজা॑যন্ত॒ যদ॒গ্নাব॒গ্নি-ম্ম॑থি॒ত্বা প্র॒হর॑তি প্র॒জানা᳚-ম্প্র॒জন॑নায় রু॒দ্রো বা এ॒ষ যদ॒গ্নির্যজ॑মানঃ প॒শুর্য়-ত্প॒শুমা॒লভ্য়া॒গ্নি-ম্মন্থে᳚-দ্রু॒দ্রায়॒ যজ॑মান॒- [যজ॑মানম্, অপি॑ দদ্ধ্য়া-] 28

-মপি॑ দদ্ধ্য়া-ত্প্র॒মায়ু॑ক-স্স্য়া॒দথো॒ খল্বা॑হুর॒গ্নি-স্সর্বা॑ দে॒বতা॑ হ॒বিরে॒তদ্য়-ত্প॒শুরিতি॒ য-ত্প॒শুমা॒লভ্য়া॒গ্নি-ম্মন্থ॑তি হ॒ব্য়ায়ৈ॒বা-ঽঽস॑ন্নায়॒ সর্বা॑ দে॒বতা॑ জনয়-ত্য়ুপা॒কৃত্য়ৈ॒ব মন্থ্য়॒-স্তন্নেবা-ঽঽল॑ব্ধ॒-ন্নেবানা॑লব্ধ-ম॒গ্নে-র্জ॒নিত্র॑-ম॒সীত্য়া॑হা॒গ্নের্​হ্য়ে॑ত-জ্জ॒নিত্রং॒-বৃঁষ॑ণৌ স্থ॒ ইত্য়া॑হ॒ বৃষ॑ণৌ॒ [বৃষ॑ণৌ, হ্য়ে॑তা-] 29

হ্য়ে॑তা-বু॒র্বশ্য়॑স্য়া॒য়ু-র॒সীত্য়া॑হ মিথুন॒ত্বায়॑ ঘৃ॒তেনা॒ক্তে বৃষ॑ণ-ন্দধাথা॒মিত্য়া॑হ॒ বৃষ॑ণ॒গ্গ্॒ হ্য়ে॑তে দধা॑তে॒ যে অ॒গ্নি-ঙ্গা॑য়॒ত্র-ঞ্ছন্দো-ঽনু॒ প্র জা॑য়॒স্বেত্য়া॑হ॒ ছন্দো॑ভিরে॒বৈন॒-ম্প্র জ॑নযত্য়॒গ্নয়ে॑ ম॒থ্যমা॑না॒য়ানু॑ ব্রূ॒হীত্য়া॑হ সাবি॒ত্রীমৃচ॒মন্বা॑হ সবি॒তৃপ্র॑সূত এ॒বৈন॑-ম্মন্থতি জা॒তায়ানু॑ ব্রূহি [ব্রূহি, প্র॒হ্রি॒যমা॑ণা॒য়া-ঽনু॑] 30

প্রহ্রি॒যমা॑ণা॒য়া-ঽনু॑ ব্রূ॒হীত্য়া॑হ॒ কাণ্ডে॑কাণ্ড এ॒বৈন॑-ঙ্ক্রি॒যমা॑ণে॒ সম॑র্ধযতি গায়॒ত্রী-স্সর্বা॒ অন্বা॑হ গায়॒ত্রছ॑ন্দা॒ বা অ॒গ্নি-স্স্বেনৈ॒বৈন॒-ঞ্ছন্দ॑সা॒ সম॑র্ধযত্য়॒গ্নিঃ পু॒রা ভব॑ত্য়॒গ্নি-ম্ম॑থি॒ত্বা প্র হ॑রতি॒ তৌ স॒ভং​বঁ॑ন্তৌ॒ যজ॑মানম॒ভি স-ম্ভ॑বতো॒ ভব॑ত-ন্ন॒-স্সম॑নসা॒বিত্য়া॑হ॒ শান্ত্য়ৈ᳚ প্র॒হৃত্য়॑ জুহোতি জা॒তায়ৈ॒বাস্মা॒ অন্ন॒মপি॑ দধা॒ত্য়াজ্য়ে॑ন জুহোত্য়ে॒তদ্বা অ॒গ্নেঃ প্রি॒য়-ন্ধাম॒ যদাজ্য়॑-ম্প্রি॒য়েণৈ॒বৈন॒-ন্ধাম্না॒ সম॑র্ধয়॒ত্যথো॒ তেজ॑সা ॥ 31 ॥
(যজ॑মান-মাহ॒ বৃষ॑ণৌ-জা॒তায়ানু॑ ব্রূ॒হ্য়া-প্য়॒ -ষ্টাদ॑শ চ) (অ. 5)

ই॒ষে ত্বেতি॑ ব॒র্॒হিরা দ॑ত্ত ই॒চ্ছত॑ ইব॒ হ্য়ে॑ষ যো যজ॑ত উপ॒বীর॒সীত্য়া॒হোপ॒ হ্য়ে॑নানাক॒রোত্য়ুপো॑ দে॒বা-ন্দৈবী॒র্বিশঃ॒ প্রাগু॒রিত্য়া॑হ॒ দৈবী॒র্​হ্য়ে॑তা বিশ॑-স্স॒তীর্দে॒বানু॑প॒যন্তি॒ বহ্নী॑রু॒শিজ॒ ইত্য়া॑হ॒র্ত্বিজো॒ বৈ বহ্ন॑য় উ॒শিজ॒-স্তস্মা॑দে॒বমা॑হ॒ বৃহ॑স্পতে ধা॒রয়া॒ বসূ॒নী- [বসূ॒নীতি॑, আ॒হ॒ ব্রহ্ম॒ বৈ] 32

-ত্য়া॑হ॒ ব্রহ্ম॒ বৈ দে॒বানা॒-ম্বৃহ॒স্পতি॒ র্ব্রহ্ম॑ণৈ॒বাস্মৈ॑ প॒শূনব॑ রুন্ধে হ॒ব্য়া তে᳚ স্বদন্তা॒মিত্য়া॑হ স্ব॒দয়॑ত্য়ে॒বৈনা॒-ন্দেব॑ ত্বষ্ট॒র্বসু॑ র॒ণ্বেত্য়া॑হ॒ ত্বষ্টা॒ বৈ প॑শূ॒না-ম্মি॑থু॒নানাগ্​ম্॑ রূপ॒কৃ-দ্রূ॒পমে॒ব প॒শুষু॑ দধাতি॒ রেব॑তী॒ রম॑দ্ধ্ব॒মিত্য়া॑হ প॒শবো॒ বৈ রে॒বতীঃ᳚ প॒শূনে॒বাস্মৈ॑ রমযতি দে॒বস্য়॑ ত্বা সবি॒তুঃ প্র॑স॒ব ইতি॑ [ইতি॑, র॒শ॒নামা দ॑ত্তে॒] 33

রশ॒নামা দ॑ত্তে॒ প্রসূ᳚ত্য়া অ॒শ্বিনো᳚র্বা॒হুভ্য়া॒-মিত্য়া॑হা॒শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚-ম্পূ॒ষ্ণো হস্তা᳚ভ্য়া॒মিত্য়া॑হ॒ যত্য়া॑ ঋ॒তস্য়॑ ত্বা দেবহবিঃ॒ পাশে॒না-ঽঽ র॑ভ॒ ইত্য়া॑হ স॒ত্য়ং-বাঁ ঋ॒তগ্​ম্ স॒ত্য়েনৈ॒বৈন॑মৃ॒তেনা ঽঽর॑ভতে ঽক্ষ্ণ॒য়া পরি॑ হরতি॒ বদ্ধ্য়॒গ্​ম্॒ হি প্র॒ত্যঞ্চ॑-ম্প্রতি মু॒ঞ্চন্তি॒ ব্য়াবৃ॑ত্ত্য়ৈ॒ ধর্​ষা॒ মানু॑ষা॒নিতি॒ নি যু॑নক্তি॒ ধৃত্য়া॑ অ॒দ্ভ্য়- [অ॒দ্ভ্য়ঃ, ত্বৌষ॑ধীভ্য়ঃ॒] 34

-স্ত্বৌষ॑ধীভ্য়ঃ॒ প্রোক্ষা॒মীত্য়া॑হা॒দ্ভ্য়ো হ্য়ে॑ষ ওষ॑ধীভ্য়-স্স॒ভং​বঁ॑তি॒ য-ত্প॒শুর॒পা-ম্পে॒রুর॒সীত্য়া॑হৈ॒ষ হ্য়॑পা-ম্পা॒তা যো মেধা॑য়া-ঽঽ র॒ভ্যতে᳚ স্বা॒ত্ত-ঞ্চি॒-থ্সদে॑বগ্​ম্ হ॒ব্যমাপো॑ দেবী॒-স্স্বদ॑তৈন॒মিত্য়া॑হ স্ব॒দয়॑ত্য়ে॒বৈন॑-মু॒পরি॑ষ্টা॒-ত্প্রোক্ষ॑ত্য়ু॒পরি॑ষ্টাদে॒বৈন॒-ম্মেদ্ধ্য়॑-ঙ্করোতি পা॒যয়॑ত্যন্তর॒ত এ॒বৈন॒-ম্মেদ্ধ্য়॑-ঙ্করোত্য়॒ধস্তা॒দুপো᳚ক্ষতি স॒র্বত॑ এ॒বৈন॒-ম্মেদ্ধ্য়॑-ঙ্করোতি ॥ 35 ॥
(বসূ॒নীতি॑-প্রস॒ব ইত্য়॒-দ্ভ্য়ো᳚-ঽন্তর॒ত এ॒বৈনং॒ - দশ॑ চ) (অ. 6)

অ॒গ্নিনা॒ বৈ হোত্রা॑ দে॒বা অসু॑রা-ন॒ভ্য়॑ভব-ন্ন॒গ্নয়ে॑ সমি॒দ্ধ্যমা॑না॒য়ানু॑ ব্রূ॒হীত্য়া॑হ॒ ভ্রাতৃ॑ব্য়াভিভূত্য়ৈ স॒প্তদ॑শ সামিধে॒নীরন্বা॑হ সপ্তদ॒শঃ প্র॒জাপ॑তিঃ প্র॒জাপ॑তে॒রাপ্ত্য়ৈ॑ স॒প্তদ॒শান্বা॑হ॒ দ্বাদ॑শ॒ মাসাঃ॒ পঞ্চ॒র্তব॒-স্স সং॑​বঁথ্স॒র-স্সং॑​বঁথ্স॒র-ম্প্র॒জা অনু॒ প্রজা॑যন্তে প্র॒জানা᳚-ম্প্র॒জন॑নায় দে॒বা বৈ সা॑মিধে॒নীর॒নূচ্য়॑ য॒জ্ঞ-ন্নান্ব॑পশ্য়॒ন্-থ্স প্র॒জাপ॑তি-স্তূ॒ষ্ণী-মা॑ঘা॒র- [-মা॑ঘা॒রম্, আ ঽঘা॑রয়॒-ত্ততো॒ বৈ] 36

-মা ঽঘা॑রয়॒-ত্ততো॒ বৈ দে॒বা য॒জ্ঞমন্ব॑পশ্য়॒ন্॒. য-ত্তূ॒ষ্ণী-মা॑ঘা॒র-মা॑ঘা॒রয়॑তি য॒জ্ঞস্য়ানু॑খ্য়াত্য়া॒ অসু॑রেষু॒ বৈ য॒জ্ঞ আ॑সী॒-ত্ত-ন্দে॒বাস্তূ᳚ষ্ণীগ্​ম্ হো॒মেনা॑বৃঞ্জত॒ য-ত্তূ॒ষ্ণী-মা॑ঘা॒র-মা॑ঘা॒রয়॑তি॒ ভ্রাতৃ॑ব্যস্য়ৈ॒ ব ত-দ্য়॒জ্ঞং-বৃঁ॑ঙ্ক্তে পরি॒ধী॑ন্-থ্স-ম্মা᳚র্​ষ্টি পু॒নাত্য়ে॒বৈনা॒-ন্ত্রিস্ত্রি॒-স্স-ম্মা᳚র্​ষ্টি॒ ত্র্য়া॑বৃ॒দ্ধি য॒জ্ঞো-ঽথো॒ রক্ষ॑সা॒মপ॑হত্য়ৈ॒ দ্বাদ॑শ॒ স-ম্প॑দ্যন্তে॒ দ্বাদ॑শ॒ [দ্বাদ॑শ, মাসা᳚-স্সং​বঁথ্স॒র-] 37

মাসা᳚-স্সং​বঁথ্স॒র-স্সং॑​বঁথ্স॒রমে॒ব প্রী॑ণা॒ত্যথো॑ সং​বঁথ্স॒রমে॒বাস্মা॒ উপ॑ দধাতি সুব॒র্গস্য়॑ লো॒কস্য়॒ সম॑ষ্ট্য়ৈ॒ শিরো॒ বা এ॒ত-দ্য়॒জ্ঞস্য়॒ যদা॑ঘা॒রো᳚-ঽগ্নি-স্সর্বা॑ দে॒বতা॒ যদা॑ঘা॒র-মা॑ঘা॒রয়॑তি শীর্​ষ॒ত এ॒ব য॒জ্ঞস্য়॒ যজ॑মান॒-স্সর্বা॑ দে॒বতা॒ অব॑ রুন্ধে॒ শিরো॒ বা এ॒ত-দ্য়॒জ্ঞস্য়॒ যদা॑ঘা॒র আ॒ত্মা প॒শুরা॑ঘা॒রমা॒ঘার্য়॑ প॒শুগ্​ম্ সম॑নক্ত্য়া॒ত্মন্নে॒ব য॒জ্ঞস্য়॒ [য়॒জ্ঞস্য়॑, শিরঃ॒ প্রতি॑ দধাতি॒] 38

শিরঃ॒ প্রতি॑ দধাতি॒ স-ন্তে᳚ প্রা॒ণো বা॒য়ুনা॑ গচ্ছতা॒মিত্য়া॑হ বায়ুদেব॒ত্য়ো॑ বৈ প্রা॒ণো বা॒য়াবে॒বাস্য়॑ প্রা॒ণ-ঞ্জু॑হোতি॒ সং-য়ঁজ॑ত্রৈ॒রঙ্গা॑নি॒ সং-য়ঁ॒জ্ঞপ॑তিরা॒শিষেত্য়া॑হ য॒জ্ঞপ॑তিমে॒বাস্য়া॒-ঽঽশিষ॑-ঙ্গমযতি বি॒শ্বরূ॑পো॒ বৈ ত্বা॒ষ্ট্র উ॒পরি॑ষ্টা-ত্প॒শুম॒ভ্য়॑বমী॒-ত্তস্মা॑-দু॒পরি॑ষ্টা-ত্প॒শোর্নাব॑ দ্যন্তি॒ যদু॒পরি॑ষ্টা-ত্প॒শুগ্​ম্ স॑ম॒নক্তি॒ মেদ্ধ্য়॑মে॒বৈ- [মেদ্ধ্য়॑মে॒ব, এ॒ন॒-ঙ্ক॒রো॒ত্য়ৃ॒ত্বিজো॑] 39

-ন॑-ঙ্করোত্য়ৃ॒ত্বিজো॑ বৃণীতে॒ ছন্দাগ্॑স্য়ে॒ব বৃ॑ণীতে স॒প্ত বৃ॑ণীতে স॒প্ত গ্রা॒ম্য়াঃ প॒শব॑-স্স॒প্তা-ঽঽর॒ণ্য়া-স্স॒প্ত ছন্দাগ্॑স্য়ু॒ভয়॒স্য়া ব॑রুদ্ধ্য়া॒ একা॑দশ প্রয়া॒জান্. য॑জতি॒ দশ॒ বৈ প॒শোঃ প্রা॒ণা আ॒ত্মৈকা॑দ॒শো যাবা॑নে॒ব প॒শুস্ত-ম্প্র য॑জতি ব॒পামেকঃ॒ পরি॑ শয় আ॒ত্মৈবা-ঽঽত্মান॒-ম্পরি॑ শয়ে॒ বজ্রো॒ বৈ স্বধি॑তি॒র্বজ্রো॑ যূপশক॒লো ঘৃ॒ত-ঙ্খলু॒ বৈ দে॒বা বজ্র॑-ঙ্কৃ॒ত্বা সোম॑মঘ্ন-ন্ঘৃ॒তেনা॒ক্তৌ প॒শু-ন্ত্রা॑য়েথা॒মিত্য়া॑হ॒ বজ্রে॑ণৈ॒বৈনং॒-বঁশে॑ কৃ॒ত্বা-ঽঽল॑ভতে ॥ 40 ॥
(আ॒ঘা॒রং - প॑দ্যন্তে॒ দ্বাদ॑শা॒ - ঽঽত্মন্নে॒ব য॒জ্ঞস্য়॒ - মেধ্য়॑মে॒ব - খলু॒ বা - অ॒ষ্টাদ॑শ চ) (অ. 7)

পর্য়॑গ্নি করোতি সর্ব॒হুত॑মে॒বৈন॑-ঙ্করো॒ত্য়-স্ক॑ন্দা॒য়া-স্ক॑ন্ন॒গ্​ম্॒ হি ত-দ্য়-দ্ধু॒তস্য়॒ স্কন্দ॑তি॒ ত্রিঃ পর্য়॑গ্নি করোতি॒ ত্র্য়া॑বৃ॒দ্ধি য॒জ্ঞো-ঽথো॒ রক্ষ॑সা॒মপ॑হত্য়ৈ ব্রহ্মবা॒দিনো॑ বদন্ত্যন্বা॒রভ্য়ঃ॑ প॒শূ(3)-র্নান্বা॒রভ্য়া(3) ইতি॑ মৃ॒ত্যবে॒ বা এ॒ষ নী॑যতে॒ য-ত্প॒শুস্তং-য়ঁদ॑ন্বা॒রভে॑ত প্র॒মায়ু॑কো॒ যজ॑মান-স্স্য়া॒দথো॒ খল্বা॑হু-স্সুব॒র্গায়॒ বা এ॒ষ লো॒কায়॑ নীযতে॒ য- [যত্, প॒শুরিতি॒] 41

-ত্প॒শুরিতি॒ যন্নান্বা॒রভে॑ত সুব॒র্গাল্লো॒কা-দ্যজ॑মানো হীয়েত বপা॒শ্রপ॑ণীভ্য়া-ম॒ন্বার॑ভতে॒ তন্নেবা॒ন্বার॑ব্ধ॒-ন্নেবান॑ন্বারব্ধ॒মুপ॒ প্রেষ্য়॑ হোতর্​হ॒ব্য়া দে॒বেভ্য়॒ ইত্য়া॑হেষি॒তগ্​ম্ হি কর্ম॑ ক্রি॒যতে॒ রেব॑তীর্য়॒জ্ঞপ॑তি-ম্প্রিয়॒ধা ঽঽবি॑শ॒তেত্য়া॑হ যথায়॒জুরে॒বৈতদ॒গ্নিনা॑ পু॒রস্তা॑দেতি॒ রক্ষ॑সা॒মপ॑হত্য়ৈ পৃথি॒ব্য়া-স্স॒পৃঞ্চঃ॑ পা॒হীতি॑ ব॒র্॒হি- [ব॒র্॒হিঃ, উপা᳚-ঽস্য়॒ত্য়-স্ক॑ন্দা॒য়া-] 42

-রুপা᳚-ঽস্য়॒ত্য়-স্ক॑ন্দা॒য়া-স্ক॑ন্ন॒গ্​ম্॒ হি ত-দ্য়-দ্ব॒র্॒হিষি॒ স্কন্দ॒ত্যথো॑ বর্​হি॒ষদ॑মে॒বৈন॑-ঙ্করোতি॒ পরাং॒আ ব॑র্ততে-ঽদ্ধ্ব॒র্য়ুঃ প॒শো-স্স᳚জ্ঞ॒ম্প্যমা॑না-ত্প॒শুভ্য়॑ এ॒ব তন্নি হ্নু॑ত আ॒ত্মনো-ঽনা᳚ব্রস্কায়॒ গচ্ছ॑তি॒ শ্রিয়॒-ম্প্র প॒শূনা᳚প্নোতি॒ য এ॒বং-বেঁদ॑ প॒শ্চাল্লো॑কা॒ বা এ॒ষা প্রাচ্য়ু॒দানী॑যতে॒ য-ত্পত্নী॒ নম॑স্ত আতা॒নেত্য়া॑হা-ঽঽদি॒ত্যস্য়॒ বৈ র॒শ্ময়॑ [র॒শ্ময়ঃ॑, আ॒তা॒নাস্তেভ্য়॑] 43

আতা॒নাস্তেভ্য়॑ এ॒ব নম॑স্করোত্যন॒র্বা প্রেহীত্য়া॑হ॒ ভ্রাতৃ॑ব্য়ো॒ বা অর্বা॒ ভ্রাতৃ॑ব্য়াপনুত্ত্য়ৈ ঘৃ॒তস্য়॑ কু॒ল্য়ামনু॑ স॒হ প্র॒জয়া॑ স॒হ রা॒যস্পোষে॒ণে-ত্য়া॑হা॒ ঽঽশিষ॑মে॒বৈতামা শা᳚স্ত॒ আপো॑ দেবী-শ্শুদ্ধায়ুব॒ ইত্য়া॑হ যথায়॒জুরে॒বৈতত্ ॥ 44 ॥
(লো॒কায়॑ নীযতে॒ য-দ্- ব॒র॒ঃঈ - র॒শ্ময়ঃ॑ - স॒প্তত্রিগ্​ম্॑শচ্চ) (অ. 8)

প॒শোর্বা আল॑ব্ধস্য় প্রা॒ণাঞ্ছুগৃ॑চ্ছতি॒ বাক্ত॒ আ প্য়া॑যতা-ম্প্রা॒ণস্ত॒ আ প্য়া॑যতা॒মিত্য়া॑হ প্রা॒ণেভ্য়॑ এ॒বাস্য়॒ শুচগ্​ম্॑ শমযতি॒ সা প্রা॒ণেভ্য়ো-ঽধি॑ পৃথি॒বীগ্​ম্ শু-ক্প্র বি॑শতি॒ শমহো᳚ভ্য়া॒মিতি॒ নি ন॑যত্যহোরা॒ত্রাভ্য়া॑মে॒ব পৃ॑থি॒ব্য়ৈ শুচগ্​ম্॑ শময়॒ত্য়োষ॑ধে॒ ত্রা॑যস্বৈন॒গ্গ্॒ স্বধি॑তে॒ মৈনগ্​ম্॑ হিগ্​ম্সী॒রিত্য়া॑হ॒ বজ্রো॒ বৈ স্বধি॑তি॒- [স্বধি॑তিঃ, শান্ত্য়ৈ॑ পার্​শ্ব॒ত] 45

-শ্শান্ত্য়ৈ॑ পার্​শ্ব॒ত আ চ্ছ্য়॑তি মদ্ধ্য়॒তো হি ম॑নু॒ষ্য়া॑ আ॒ চ্ছ্যন্তি॑ তির॒শ্চীন॒মা চ্ছ্য়॑ত্যনূ॒চীন॒গ্​ম্॒ হি ম॑নু॒ষ্য়া॑ আ॒চ্ছ্যন্তি॒ ব্য়াবৃ॑ত্ত্য়ৈ॒ রক্ষ॑সা-ম্ভা॒গো॑-ঽসীতি॑ স্থবিম॒তো ব॒র্॒হির॒ক্ত্বা-ঽপা᳚স্যত্য়॒স্নৈব রক্ষাগ্​ম্॑সি নি॒রব॑দযত ই॒দম॒হগ্​ম্ রক্ষো॑-ঽধ॒ম-ন্তমো॑ নয়ামি॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্ম ইত্য়া॑হ॒ দ্বৌ বাব পুরু॑ষৌ॒ য-ঞ্চৈ॒ব [ ] 46

দ্বেষ্টি॒ যশ্চৈ॑ন॒-ন্দ্বেষ্টি॒ তাবু॒ভাব॑ধ॒ম-ন্তমো॑ নযতী॒ষে ত্বেতি॑ ব॒পামুত্খি॑দতী॒চ্ছত॑ ইব॒ হ্য়ে॑ষ যো যজ॑তে॒ যদু॑পতৃ॒ন্দ্য়া-দ্রু॒দ্রো᳚-ঽস্য় প॒শূ-ন্ঘাতু॑ক-স্স্য়া॒-দ্যন্নোপ॑তৃ॒ন্দ্য়া-দয়॑তা স্য়া-দ॒ন্যয়ো॑পতৃ॒ণত্ত্য়॒ন্যয়া॒ ন ধৃত্য়ৈ॑ ঘৃ॒তেন॑ দ্য়াবাপৃথিবী॒ প্রোর্ণ্বা॑থা॒মিত্য়া॑হ॒ দ্য়াবা॑পৃথি॒বী এ॒ব রসে॑নান॒ক্ত্যচ্ছি॑ন্নো॒ [রসে॑নান॒ক্ত্যচ্ছি॑ন্নঃ, রায়॑-স্সু॒বীর॒] 47

রায়॑-স্সু॒বীর॒ ইত্য়া॑হ যথায়॒জুরে॒বৈত-ত্ক্রূ॒রমি॑ব॒ বা এ॒ত-ত্ক॑রোতি॒ য-দ্ব॒পা-মু॑ত্খি॒দ-ত্য়ু॒র্ব॑ন্তরি॑ক্ষ॒-মন্বি॒হীত্য়া॑হ॒ শান্ত্য়ৈ॒ প্র বা এ॒ষো᳚-ঽস্মাল্লো॒কাচ্চ্য়॑বতে॒ যঃ প॒শু-ম্মৃ॒ত্যবে॑ নী॒যমা॑নমন্বা॒রভ॑তে বপা॒শ্রপ॑ণী॒ পুন॑র॒ন্বার॑ভতে॒-ঽস্মিন্নে॒ব লো॒কে প্রতি॑ তিষ্ঠত্য়॒গ্নিনা॑ পু॒রস্তা॑দেতি॒ রক্ষ॑সা॒মপ॑হত্য়া॒ অথো॑ দে॒বতা॑ এ॒ব হ॒ব্য়েনা- [এ॒ব হ॒ব্য়েন॑, অন্বে॑তি॒] 48

-ন্বে॑তি॒ নান্ত॒মমঙ্গা॑র॒মতি॑ হরে॒-দ্যদ॑ন্ত॒মমঙ্গা॑রমতি॒ হরে᳚-দ্দে॒বতা॒ অতি॑ মন্য়েত॒ বায়ো॒ বীহি॑ স্তো॒কানা॒মিত্য়া॑হ॒ তস্মা॒-দ্বিভ॑ক্তা-স্স্তো॒কা অব॑ পদ্য়॒ন্তে-ঽগ্রং॒-বাঁ এ॒ত-ত্প॑শূ॒নাং-য়ঁ-দ্ব॒পা-ঽগ্র॒মোষ॑ধীনা-ম্ব॒র্॒হিরগ্রে॑ণৈ॒বাগ্র॒গ্​ম্॒ সম॑র্ধয়॒ত্যথো॒ ওষ॑ধীষ্বে॒ব প॒শূ-ন্প্রতি॑ষ্ঠাপযতি॒ স্বাহা॑কৃতীভ্য়ঃ॒ প্রেষ্য়েত্য়া॑হ [ ] 49

য॒জ্ঞস্য়॒ সমি॑ষ্ট্য়ৈ প্রাণাপা॒নৌ বা এ॒তৌ প॑শূ॒নাং-য়ঁ-ত্পৃ॑ষদা॒জ্যমা॒ত্মা ব॒পা পৃ॑ষদা॒জ্যম॑ভি॒ঘার্য়॑ ব॒পাম॒ভি ঘা॑রযত্য়া॒ত্মন্নে॒ব প॑শূ॒না-ম্প্রা॑ণাপা॒নৌ দ॑ধাতি॒ স্বাহো॒র্ধ্বন॑ভস-ম্মারু॒ত-ঙ্গ॑চ্ছত॒মিত্য়া॑হো॒র্ধ্বন॑ভা হ স্ম॒ বৈ মা॑রু॒তো দে॒বানাং᳚-বঁপা॒শ্রপ॑ণী॒ প্র হ॑রতি॒ তেনৈ॒বৈনে॒ প্র হ॑রতি॒ বিষূ॑চী॒ প্র হ॑রতি॒ তস্মা॒-দ্বিষ্ব॑ঞ্চৌ প্রাণাপা॒নৌ ॥ 50 ॥
(স্বধি॑তি - শ্চৈ॒বা - চ্ছি॑ন্নো - হ॒ব্য়েনে॒ - ষ্য়েত্য়া॑হ॒ - ষট্চ॑ত্বারিগ্​ম্শচ্চ) (অ. 9)

প॒শুমা॒লভ্য়॑ পুরো॒ডাশ॒-ন্নির্ব॑পতি॒ সমে॑ধমে॒বৈন॒মা ল॑ভতে ব॒পয়া᳚ প্র॒চর্য়॑ পুরো॒ডাশে॑ন॒ প্র চ॑র॒ত্য়ূর্গ্বৈ পু॑রো॒ডাশ॒ ঊর্জ॑মে॒ব প॑শূ॒না-ম্ম॑দ্ধ্য়॒তো দ॑ধা॒ত্যথো॑ প॒শোরে॒ব ছি॒দ্রমপি॑ দধাতি পৃষদা॒জ্যস্য়ো॑প॒হত্য়॒ ত্রিঃ পৃ॑চ্ছতি শৃ॒তগ্​ম্ হ॒বী(3)-শ্শ॑মিত॒রিতি॒ ত্রিষ॑ত্য়া॒ হি দে॒বা যো-ঽশৃ॑তগ্​ম্ শৃ॒তমাহ॒ স এন॑সা প্রাণাপা॒নৌ বা এ॒তৌ প॑শূ॒নাং- [এ॒তৌ প॑শূ॒নাম্, য-ত্পৃ॑ষদা॒জ্য়-ম্প॒শোঃ] 51

-ঁয়-ত্পৃ॑ষদা॒জ্য়-ম্প॒শোঃ খলু॒ বা আল॑ব্ধস্য়॒ হৃদ॑যমা॒ত্মা-ঽভি সমে॑তি॒ য-ত্পৃ॑ষদা॒জ্য়েন॒ হৃদ॑য়-মভিঘা॒রয়॑ত্য়া॒ত্মন্নে॒ব প॑শূ॒না-ম্প্রা॑ণাপা॒নৌ দ॑ধাতি প॒শুনা॒ বৈ দে॒বা-স্সু॑ব॒র্গং-লোঁ॒কমা॑য়॒-ন্তে॑-ঽমন্যন্ত মনু॒ষ্য়া॑ নো॒-ঽন্বাভ॑বিষ্য়॒ন্তীতি॒ তস্য়॒ শির॑-শ্ছি॒ত্ত্বা মেধ॒-ম্প্রাক্ষা॑রয়॒ন্​থ্স প্র॒ক্ষো॑-ঽভব॒-ত্ত-ত্প্র॒ক্ষস্য়॑ প্রক্ষ॒ত্বং-য়ঁ-ত্প্ল॑ক্ষশা॒খো-ত্ত॑রব॒র্॒হি-র্ভব॑তি॒ সমে॑ধস্য়ৈ॒ব [ ] 52

প॒শোরব॑ দ্যতি প॒শুং-বৈঁ হ্রি॒যমা॑ণ॒গ্​ম্॒ রক্ষা॒গ্॒স্যনু॑ সচন্তে-ঽন্ত॒রা যূপ॑-ঞ্চা-ঽঽহব॒নীয়॑-ঞ্চ হরতি॒ রক্ষ॑সা॒মপ॑হত্য়ৈ প॒শোর্বা আল॑ব্ধস্য়॒ মনো-ঽপ॑ ক্রামতি ম॒নোতা॑য়ৈ হ॒বিষো॑-ঽবদী॒যমা॑ন॒স্য়ানু॑ ব্রূ॒হীত্য়া॑হ॒ মন॑ এ॒বাস্য়াব॑ রুন্ধ॒ একা॑দশাব॒দানা॒ন্যব॑ দ্যতি॒ দশ॒ বৈ প॒শোঃ প্রা॒ণা আ॒ত্মৈকা॑দ॒শো যাবা॑নে॒ব প॒শুস্তস্য়া-ঽব॑- [প॒শুস্তস্য়া-ঽব॑, দ্য়॒তি॒ হৃদ॑য়॒স্য়া-] 53

-দ্যতি॒ হৃদ॑য়॒স্য়া-গ্রে-ঽব॑ দ্য়॒ত্যথ॑ জি॒হ্বায়া॒ অথ॒ বক্ষ॑সো॒ যদ্বৈ হৃদ॑য়েনাভি॒গচ্ছ॑তি॒ তজ্জি॒হ্বয়া॑ বদতি॒ যজ্জি॒হ্বয়া॒ বদ॑তি॒ তদুর॒সো-ঽধি॒ নির্ব॑দত্য়ে॒তদ্বৈ প॒শোর্য়॑থাপূ॒র্বং-য়ঁস্য়ৈ॒বম॑ব॒দায়॑ যথা॒কাম॒-মুত্ত॑রেষামব॒দ্যতি॑ যথা পূ॒র্বমে॒বাস্য়॑ প॒শোরব॑ত্ত-ম্ভবতি মদ্ধ্য়॒তো গু॒দস্য়াব॑ দ্যতি মদ্ধ্য়॒তো হি প্রা॒ণ উ॑ত্ত॒মস্য়াব॑ দ্য়- [উ॑ত্ত॒মস্য়াব॑ দ্যতি, উ॒ত্ত॒মো হি প্রা॒ণো] 54

-ত্য়ুত্ত॒মো হি প্রা॒ণো যদীত॑রং॒-য়ঁদীত॑র-মু॒ভয়॑মে॒বাজা॑মি॒ জায়॑মানো॒ বৈ ব্রা᳚হ্ম॒ণ-স্ত্রি॒ভির্-ঋ॑ণ॒বা জা॑যতে ব্রহ্ম॒চর্য়ে॒ণর্​ষি॑ভ্য়ো য॒জ্ঞেন॑ দে॒বেভ্য়ঃ॑ প্র॒জয়া॑ পি॒তৃভ্য়॑ এ॒ষ বা অ॑নৃ॒ণো যঃ পু॒ত্রী যজ্বা᳚ ব্রহ্মচারিবা॒সী তদ॑ব॒দানৈ॑-রে॒বা-ঽব॑ দযতে॒ তদ॑ব॒দানা॑না-মবদান॒ত্ব-ন্দে॑বাসু॒রা-স্সং​য়ঁ॑ত্তা আস॒-ন্তে দে॒বা অ॒গ্নিম॑ব্রুব॒-ন্ত্বয়া॑ বী॒রেণাসু॑রান॒ভি ভ॑বা॒মেতি॒ [ভ॑বা॒মেতি॑, সো᳚-ঽব্রবী॒-দ্বরং॑-বৃঁণৈ] 55

সো᳚-ঽব্রবী॒-দ্বরং॑-বৃঁণৈ প॒শোরু॑দ্ধা॒রমুদ্ধ॑রা॒ ইতি॒ স এ॒তমু॑দ্ধা॒রমুদ॑হরত॒ দোঃ পূ᳚র্বা॒র্ধস্য়॑ গু॒দ-ম্ম॑দ্ধ্য়॒ত-শ্শ্রোণি॑-ঞ্জঘনা॒র্ধস্য়॒ ততো॑ দে॒বা অভ॑ব॒-ন্পরা-ঽসু॑রা॒ য-ত্ত্র্য়॒ঙ্গাণাগ্​ম্॑ সমব॒দ্যতি॒ ভ্রাতৃ॑ব্য়াভিভূত্য়ৈ॒ ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো ভবত্যক্ষ্ণ॒য়া-ঽব॑ দ্যতি॒ তস্মা॑দক্ষ্ণ॒য়া প॒শবো-ঽঙ্গা॑নি॒ প্র হ॑রন্তি॒ প্রতি॑ষ্ঠিত্য়ৈ ॥ 56 ॥
(এ॒তৌ প॑শূ॒নাগ্​ম্ - সমে॑ধস্য়ৈ॒ব - তস্য়া-ঽবো᳚ - ত্ত॒মস্য়াব॑ দ্য়॒তী - তি॒ - পঞ্চ॑চত্বারিগ্​ম্শচ্চ) (অ. 10)

মেদ॑সা॒ স্রুচৌ॒ প্রোর্ণো॑তি॒ মেদো॑রূপা॒ বৈ প॒শবো॑ রূ॒পমে॒ব প॒শুষু॑ দধাতি যূ॒ষন্ন॑ব॒ধায়॒ প্রোর্ণো॑তি॒ রসো॒ বা এ॒ষ প॑শূ॒নাং-য়ঁদ্য়ূ রস॑মে॒ব প॒শুষু॑ দধাতি পা॒র্​শ্বেন॑ বসাহো॒ম-ম্প্রয়ৌ॑তি॒ মদ্ধ্য়ং॒-বাঁ এ॒ত-ত্প॑শূ॒নাং-য়ঁ-ত্পা॒র্​শ্বগ্​ম্ রস॑ এ॒ষ প॑শূ॒নাং-য়ঁদ্বসা॒ য-ত্পা॒র্​শ্বেন॑ বসাহো॒ম-ম্প্র॒য়ৌতি॑ মদ্ধ্য়॒ত এ॒ব প॑শূ॒নাগ্​ম্ রস॑-ন্দধাতি॒ ঘ্নন্তি॒ [ঘ্নন্তি॑, বা এ॒ত-ত্প॒শু-] 57

বা এ॒ত-ত্প॒শুং-য়ঁ-থ্স᳚জ্ঞ॒ম্পয়॑ন্ত্য়ৈ॒ন্দ্রঃ খলু॒ বৈ দে॒বত॑য়া প্রা॒ণ ঐ॒ন্দ্রো॑-ঽপা॒ন ঐ॒ন্দ্রঃ প্রা॒ণো অঙ্গে॑অঙ্গে॒ নি দে᳚দ্ধ্য়॒দিত্য়া॑হ প্রাণাপা॒নাবে॒ব প॒শুষু॑ দধাতি॒ দেব॑ ত্বষ্ট॒র্ভূরি॑ তে॒ সগ্​ম্ স॑মে॒ত্বিত্য়া॑হ ত্বা॒ষ্ট্রা হি দে॒বত॑য়া প॒শবো॒ বিষু॑রূপা॒ য-থ্সল॑ক্ষ্মাণো॒ ভব॒থেত্য়া॑হ॒ বিষু॑রূপা॒ হ্য়ে॑তে সন্ত॒-স্সল॑ক্ষ্মাণ এ॒তর্​হি॒ ভব॑ন্তি দেব॒ত্রা যন্ত॒- [দেব॒ত্রা যন্ত᳚ম্, অব॑সে॒] 58

-মব॑সে॒ সখা॒য়ো-ঽনু॑ ত্বা মা॒তা পি॒তরো॑ মদ॒ন্ত্বিত্য়া॒হা-নু॑মতমে॒বৈন॑-ম্মা॒ত্রা পি॒ত্রা সু॑ব॒র্গং-লোঁ॒ক-ঙ্গ॑মযত্যর্ধ॒র্চে ব॑সাহো॒ম-ঞ্জু॑হোত্য়॒সৌ বা অ॑র্ধ॒র্চ ই॒যম॑র্ধ॒র্চ ই॒মে এ॒ব রসে॑নানক্তি॒ দিশো॑ জুহোতি॒ দিশ॑ এ॒ব রসে॑নান॒ক্ত্যথো॑ দি॒গ্ভ্য় এ॒বোর্জ॒গ্​ম্॒ রস॒মব॑ রুন্ধে প্রাণাপা॒নৌ বা এ॒তৌ প॑শূ॒নাং-য়ঁ-ত্পৃ॑ষদা॒জ্য়ং-বাঁ॑নস্প॒ত্য়াঃ খলু॒ [খলু॑, বৈ দে॒বত॑য়া প॒শবো॒] 59

বৈ দে॒বত॑য়া প॒শবো॒ য-ত্পৃ॑ষদা॒জ্যস্য়ো॑-প॒হত্য়া-ঽঽহ॒ বন॒স্পত॒য়ে-ঽনু॑ ব্রূহি॒ বন॒স্পত॑য়ে॒ প্রেষ্য়েতি॑ প্রাণাপা॒নাবে॒ব প॒শুষু॑ দধাত্য়॒ন্যস্য়া᳚ন্যস্য় সমব॒ত্তগ্​ম্ স॒মব॑দ্যতি॒ তস্মা॒ন্নানা॑রূপাঃ প॒শবো॑ যূ॒ষ্ণোপ॑ সিঞ্চতি॒ রসো॒ বা এ॒ষ প॑শূ॒নাং-য়ঁদ্য়ূ রস॑মে॒ব প॒শুষু॑ দধা॒তীডা॒মুপ॑ হ্বযতে প॒শবো॒ বা ইডা॑ প॒শূনে॒বোপ॑ হ্বযতে চ॒তুরুপ॑ হ্বযতে॒ [চ॒তুরুপ॑ হ্বযতে, চতু॑ষ্পাদো॒ হি] 60

চতু॑ষ্পাদো॒ হি প॒শবো॒ য-ঙ্কা॒ময়ে॑তা প॒শু-স্স্য়া॒দিত্য়॑মে॒দস্ক॒-ন্তস্মা॒ আ দ॑দ্ধ্য়া॒ন্মেদো॑রূপা॒ বৈ প॒শবো॑ রূ॒পেণৈ॒বৈন॑-ম্প॒শুভ্য়ো॒ নির্ভ॑জত্যপ॒শুরে॒ব ভ॑বতি॒ য-ঙ্কা॒ময়ে॑ত পশু॒মান্-থ্স্য়া॒দিতি॒ মেদ॑স্ব॒-ত্তস্মা॒ আ দ॑দ্ধ্য়া॒ন্মেদো॑রূপা॒ বৈ প॒শবো॑ রূ॒পেণৈ॒বাস্মৈ॑ প॒শূনব॑ রুন্ধে পশু॒মানে॒ব ভ॑বতি প্র॒জাপ॑তির্য়॒জ্ঞম॑সৃজত॒ স আজ্য়॑- [স আজ্য়᳚ম্, পু॒রস্তা॑দসৃজত] 61

-ম্পু॒রস্তা॑দসৃজত প॒শু-ম্ম॑দ্ধ্য়॒তঃ পৃ॑ষদা॒জ্য়-ম্প॒শ্চা-ত্তস্মা॒দাজ্য়ে॑ন প্রয়া॒জা ই॑জ্যন্তে প॒শুনা॑ মদ্ধ্য়॒তঃ পৃ॑ষদা॒জ্য়েনা॑-নূয়া॒জা-স্তস্মা॑দে॒তন্মি॒শ্রমি॑ব পশ্চা-থ্সৃ॒ষ্টগ্গ্​ হ্য়েকা॑দশানূয়া॒জান্. য॑জতি॒ দশ॒ বৈ প॒শোঃ প্রা॒ণা আ॒ত্মৈকা॑দ॒শো যাবা॑নে॒ব প॒শুস্তমনু॑ যজতি॒ ঘ্নন্তি॒ বা এ॒ত-ত্প॒শুং-য়ঁ-থ্সং᳚(2)জ্ঞ॒পয়॑ন্তি প্রাণাপা॒নৌ খলু॒ বা এ॒তৌ প॑শূ॒নাং-য়ঁ-ত্পৃ॑ষদা॒জ্য়ং-য়ঁ-ত্পৃ॑ষদা॒জ্য়েনা॑ নূয়া॒জান্. যজ॑তি প্রাণাপা॒নাবে॒ব প॒শুষু॑ দধাতি ॥ 62 ॥
(ঘ্নন্তি॒ - যন্তং॒ - খলু॑ - চ॒তুরুপ॑ হ্বযত॒ - আজ্য়ং॒ - ঁয়-ত্পৃ॑ষদা॒জ্য়েন॒ - ষট্ চ॑) (অ. 11)

(চাত্বা॑লাথ্ - সুব॒র্গায়॒ য-দ্বৈ॑সর্জ॒নানি॑ - বৈষ্ণ॒ব্যর্চা - পৃ॑থি॒ব্য়ৈ - সা॒ধ্য়া - ই॒ষে ত্বে - ত্য়॒গ্নিনা॒ - পর্য়॑গ্নি - প॒শোঃ - প॒শুমা॒লভ্য়॒ - মেদ॑সা॒ স্রুচা॒ - বেকা॑দশ)

(চাত্বা॑লা-দ্- দে॒বানু॒পৈতি॑ - মুঞ্চতি - প্রহ্রি॒যমা॑ণায়॒ - পর্য়॑গ্নি - প॒শুমা॒লভ্য়॒ - চতু॑ষ্পাদো॒ - দ্বিষ॑ষ্টিঃ)

(চাত্বা॑লা, ত্প॒শুষু॑ দধাতি)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়াং ষষ্ঠকাণ্ডে তৃতীয়ঃ প্রশ্ন-স্সমাপ্তঃ ॥