কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে প্রথমঃ প্রশ্নঃ - উখ্য়াগ্নিকথনং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

সা॒বি॒ত্রাণি॑ জুহোতি॒ প্রসূ᳚ত্য়ৈ চতুর্গৃহী॒তেন॑ জুহোতি॒ চতু॑ষ্পাদঃ প॒শবঃ॑ প॒শূনে॒বা-ঽব॑ রুন্ধে॒ চত॑স্রো॒ দিশো॑ দি॒ক্ষ্বে॑ব প্রতি॑ তিষ্ঠতি॒ ছন্দাগ্​ম্॑সি দে॒বেভ্য়ো ঽপা᳚-ঽক্রাম॒-ন্ন বো॑ ভা॒গানি॑ হ॒ব্য়ং-বঁ॑ক্ষ্য়াম॒ ইতি॒ তেভ্য়॑ এ॒তচ্চ॑তু-র্গৃহী॒তম॑-ধারয়-ন্পুরো-ঽনু বা॒ক্য়া॑য়ৈ যা॒জ্য়া॑য়ৈ দে॒বতা॑য়ৈ বষট্কা॒রায়॒ যচ্চ॑তুর্গৃহী॒ত-ঞ্জু॒হোতি॒ ছন্দাগ্॑স্য়ে॒ব ত-ত্প্রী॑ণাতি॒ তান্য়॑স্য় প্রী॒তানি॑ দে॒বেভ্য়ো॑ হ॒ব্য়ং-বঁ॑হন্তি॒ য-ঙ্কা॒ময়ে॑ত॒ [য়-ঙ্কা॒ময়ে॑ত, পাপী॑য়ান্-থ্স্য়া॒দিত্য়েকৈ॑ক॒-] 1

পাপী॑য়ান্-থ্স্য়া॒দিত্য়েকৈ॑ক॒-ন্তস্য়॑ জুহুয়া॒-দাহু॑তীভিরে॒বৈন॒মপ॑ গৃহ্ণাতি॒ পাপী॑য়া-ন্ভবতি॒ য-ঙ্কা॒ময়ে॑ত॒ বসী॑য়ান্-থ্স্য়া॒দিতি॒ সর্বা॑ণি॒ তস্য়া॑-ঽনু॒দ্রুত্য়॑ জুহুয়া॒দাহু॑ত্য়ৈ॒বৈন॑ম॒ভি ক্র॑মযতি॒ বসী॑য়া-ন্ভব॒ত্যথো॑ য॒জ্ঞস্য়ৈ॒বৈষা-ঽভিক্রা᳚ন্তি॒রেতি॒ বা এ॒ষ য॑জ্ঞমু॒খা-দৃদ্ধ্য়া॒ যো᳚-ঽগ্নের্দে॒বতা॑য়া॒ এত্য়॒ষ্টাবে॒তানি॑ সাবি॒ত্রাণি॑ ভবন্ত্য়॒ষ্টাক্ষ॑রা গায়॒ত্রী গা॑য়॒ত্রো᳚- [গা॑য়॒ত্রঃ, অ॒গ্নিস্তেনৈ॒ব] 2

-ঽগ্নিস্তেনৈ॒ব য॑জ্ঞমু॒খাদৃদ্ধ্য়া॑ অ॒গ্নের্দে॒বতা॑য়ৈ॒ নৈত্য়॒ষ্টৌ সা॑বি॒ত্রাণি॑ ভব॒ন্ত্য়াহু॑তির্নব॒মী ত্রি॒বৃত॑মে॒ব য॑জ্ঞমু॒খে বিয়া॑তযতি॒ যদি॑ কা॒ময়ে॑ত॒ ছন্দাগ্​ম্॑সি যজ্ঞযশ॒সেনা᳚ ঽর্পয়েয়॒মিত্য়ৃচ॑মন্ত॒মা-ঙ্কু॑র্য়া॒চ্ছন্দাগ্॑স্য়ে॒ব য॑জ্ঞযশ॒সেনা᳚ ঽর্পযতি॒ যদি॑ কা॒ময়ে॑ত॒ যজ॑মানং-য়ঁজ্ঞযশ॒সেনা᳚-ঽর্পয়েয়॒মিতি॒ যজু॑রন্ত॒ম-ঙ্কু॑র্য়া॒-দ্যজ॑মানমে॒ব য॑জ্ঞযশ॒সেনা᳚-ঽর্পযত্য়ৃ॒চা স্তোম॒গ্​ম্॒ সম॑র্ধ॒য়ে- [সম॑র্ধ॒য়েতি॑, আ॒হ॒ সমৃ॑দ্ধ্য়ৈ] 3

-ত্য়া॑হ॒ সমৃ॑দ্ধ্য়ৈ চ॒তুর্ভি॒রভ্রি॒মা দ॑ত্তে চ॒ত্বারি॒ ছন্দাগ্​ম্॑সি॒ ছন্দো॑ভিরে॒ব দে॒বস্য়॑ ত্বা সবি॒তুঃ প্র॑স॒ব ইত্য়া॑হ॒ প্রসূ᳚ত্য়া অ॒গ্নির্দে॒বেভ্য়ো॒ নিলা॑যত॒ স বেণু॒-ম্প্রা-ঽবি॑শ॒-থ্স এ॒তামূ॒তিমনু॒ সম॑চর॒-দ্য়-দ্বেণো᳚-স্সুষি॒রগ্​ম্ সু॑ষি॒রা-ঽভ্রি॑র্ভবতি সয়োনি॒ত্বায়॒ স যত্র॑য়॒ত্রা-ঽব॑স॒-ত্ত-ত্কৃ॒ষ্ণম॑ভব-ত্কল্মা॒ষী ভ॑বতি রূ॒পস॑মৃদ্ধ্য়া উভযতঃ॒, ক্ষ্ণূর্ভ॑বতী॒তশ্চা॒-ঽ-মুত॑শ্চা॒-ঽর্কস্য়া-ব॑রুদ্ধ্য়ৈ ব্য়ামমা॒ত্রী ভ॑বত্য়ে॒তাব॒দ্বৈ পুরু॑ষে বী॒র্য়ং॑-বীঁ॒র্য়॑সম্মি॒তা ঽপ॑রিমিতা ভব॒ত্য়-প॑রিমিত॒স্য়া-ঽ ব॑রুদ্ধ্য়ৈ॒ যো বন॒স্পতী॑না-ম্ফল॒গ্রহি॒-স্স এ॑ষাং-বীঁ॒র্য়া॑বা-ন্ফল॒গ্রহি॒র্বেণু॑-র্বৈণ॒বী ভ॑বতি বী॒র্য়॑স্য়া ব॑রুদ্ধ্য়ৈ ॥ 4 ॥
(কা॒ময়ে॑ত - গায়॒ত্রো᳚ - ঽর্ধ॒য়েতি॑ - চ - স॒প্তবিগ্​ম্॑শতিশ্চ) (অ. 1)

ব্য়ৃ॑দ্ধং॒-বাঁ এ॒ত-দ্য়॒জ্ঞস্য়॒ যদ॑য়॒জুষ্কে॑ণ ক্রি॒যত॑ ই॒মাম॑গৃভ্ণ-ন্রশ॒না-মৃ॒তস্য়েত্য়॑শ্বাভি॒ধানী॒মা দ॑ত্তে॒ যজু॑ষ্কৃত্য়ৈ য॒জ্ঞস্য়॒ সমৃ॑দ্ধ্য়ৈ॒ প্রতূ᳚র্তং-বাঁজি॒ন্না দ্র॒বেত্যশ্ব॑-ম॒ভি দ॑ধাতি রূ॒পমে॒বা-ঽস্য়ৈ॒ত-ন্ম॑হি॒মানং॒-ব্য়াঁচ॑ষ্টে যু॒ঞ্জাথা॒গ্​ম্॒ রাস॑ভং-য়ুঁ॒বমিতি॑ গর্দ॒ভ-মস॑ত্য়ে॒ব গ॑র্দ॒ভ-ম্প্রতি॑ ষ্ঠাপযতি॒ তস্মা॒দশ্বা᳚-দ্গর্দ॒ভো-ঽস॑ত্তরো॒ যোগে॑য়োগে ত॒বস্ত॑র॒মিত্য়া॑হ॒ [ত॒বস্ত॑র॒মিত্য়া॑হ, যোগে॑য়োগ] 5

যোগে॑য়োগ এ॒বৈনং॑-য়ুঁঙ্ক্তে॒ বাজে॑বাজে হবামহ॒ ইত্য়া॒হান্নং॒-বৈঁ বাজো-ঽন্ন॑মে॒বাব॑ রুন্ধে॒ সখা॑য়॒ ইন্দ্র॑মূ॒তয়॒ ইত্য়া॑হেন্দ্রি॒যমে॒বাব॑ রুন্ধে॒ ঽগ্নির্দে॒বেভ্য়ো॒ নিলা॑যত॒ ত-ম্প্র॒জাপ॑তি॒রন্ব॑বিন্দ-ত্প্রাজাপ॒ত্য়ো-ঽশ্বো ঽশ্বে॑ন॒ স-ম্ভ॑র॒ত্যনু॑বিত্ত্য়ৈ পাপবস্য়॒সং-বাঁ এ॒ত-ত্ক্রি॑যতে॒ যচ্ছ্রেয়॑সা চ॒ পাপী॑যসা চ সমা॒ন-ঙ্কর্ম॑ কু॒র্বন্তি॒ পাপী॑য়া॒ন্॒.- [পাপী॑য়ান্, হ্যশ্বা᳚-দ্গর্দ॒ভো-ঽশ্ব॒-] 6

-হ্যশ্বা᳚-দ্গর্দ॒ভো-ঽশ্ব॒-ম্পূর্ব॑-ন্নযন্তি পাপবস্য়॒-সস্য়॒ ব্য়াবৃ॑ত্ত্য়ৈ॒ তস্মা॒চ্ছ্রেয়াগ্​ম্॑স॒-ম্পাপী॑য়া-ন্প॒শ্চাদন্বে॑তি ব॒হুর্বৈ ভব॑তো॒ ভ্রাতৃ॑ব্য়ো॒ ভব॑তীব॒ খলু॒ বা এ॒ষ যো᳚-ঽগ্নি-ঞ্চি॑নু॒তে ব॒জ্র্যশ্বঃ॑ প্র॒তূর্ব॒ন্নেহ্য়॑ব॒-ক্রাম॒ন্ন-শ॑স্তী॒রিত্য়া॑হ॒ বজ্রে॑ণৈ॒ব পা॒প্মান॒-ম্ভ্রাতৃ॑ব্য়॒মব॑ ক্রামতি রু॒দ্রস্য়॒ গাণ॑পত্য়া॒দিত্য়া॑হ রৌ॒দ্রা বৈ প॒শবো॑ রু॒দ্রাদে॒ব [ ] 7

প॒শূ-ন্নি॒র্য়াচ্য়া॒-ঽঽত্মনে॒ কর্ম॑ কুরুতে পূ॒ষ্ণা স॒য়ুজা॑ স॒হেত্য়া॑হ পূ॒ষা বা অদ্ধ্ব॑নাগ্​ম্ সন্নে॒তা সম॑ষ্ট্য়ৈ॒ পুরী॑ষাযতনো॒ বা এ॒ষ যদ॒গ্নিরঙ্গি॑রসো॒ বা এ॒তমগ্রে॑ দে॒বতা॑না॒গ্​ম্॒ সম॑ভর-ন্পৃথি॒ব্য়া-স্স॒ধস্থা॑দ॒গ্নি-ম্পু॑রী॒ষ্য়॑-মঙ্গির॒স্ব-দচ্ছে॒হীত্য়া॑হ॒ সায়॑তনমে॒বৈন॑-ন্দে॒বতা॑ভি॒-স্স-ম্ভ॑রত্য়॒গ্নি-ম্পু॑রী॒ষ্য়॑-মঙ্গির॒স্ব- দচ্ছে॑ম॒ ইত্য়া॑হ॒ যেন॑ [ ] 8

স॒ঙ্গচ্ছ॑তে॒ বাজ॑মে॒বাস্য়॑ বৃঙ্ক্তে প্র॒জাপ॑তয়ে প্রতি॒প্রোচ্য়া॒গ্নি-স্স॒ম্ভৃত্য়॒ ইত্য়া॑হুরি॒য়ং-বৈঁ প্র॒জাপ॑তি॒স্তস্য়া॑ এ॒তচ্ছ্রোত্রং॒-য়ঁদ্ব॒ল্মীকো॒-ঽগ্নি-ম্পু॑রী॒ষ্য়॑-মঙ্গির॒স্ব-দ্ভ॑রিষ্য়াম॒ ইতি॑ বল্মীকব॒পামুপ॑ তিষ্ঠতে সা॒ক্ষাদে॒ব প্র॒জাপ॑তয়ে প্রতি॒প্রোচ্য়া॒-ঽগ্নিগ্​ম্ স-ম্ভ॑রত্য়॒গ্নি-ম্পু॑রী॒ষ্য়॑-মঙ্গির॒স্ব-দ্ভ॑রাম॒ ইত্য়া॑হ॒ যেন॑ স॒গঞ্চ্ছ॑তে॒ বাজ॑মে॒বাস্য়॑ বৃ॒ঙ্ক্তে ঽন্ব॒গ্নিরু॒ষসা॒মগ্র॑- [-ঽন্ব॒গ্নিরু॒ষসা॒মগ্র᳚ম্, অ॒খ্য়॒দিত্য়া॒হা-] 9

-মখ্য়॒দিত্য়া॒হা-নু॑খ্য়াত্য়া আ॒গত্য়॑ বা॒জ্যদ্ধ্ব॑ন আ॒ক্রম্য়॑ বাজি-ন্পৃথি॒বীমিত্য়া॑হে॒চ্ছত্য়ে॒বৈন॒-ম্পূর্ব॑য়া বি॒ন্দত্য়ুত্ত॑রয়া॒ দ্বাভ্য়া॒মা ক্র॑মযতি॒ প্রতি॑ষ্ঠিত্য়া॒ অনু॑রূপাভ্য়া॒-ন্তস্মা॒দনু॑রূপাঃ প॒শবঃ॒ প্রজা॑যন্তে॒ দ্য়ৌস্তে॑ পৃ॒ষ্ঠ-ম্পৃ॑থি॒বী স॒ধস্থ॒মিত্য়া॑হৈ॒ভ্য়ো বা এ॒তং-লোঁ॒কেভ্য়ঃ॑ প্র॒জাপ॑তি॒-স্সমৈ॑রয়-দ্রূ॒পমে॒বাস্য়ৈ॒-তন্ম॑হি॒মানং॒-ব্য়াঁচ॑ষ্টে ব॒জ্রী বা এ॒ষ যদশ্বো॑ দ॒-দ্ভির॒ন্যতো॑দদ্ভ্য়ো॒ ভূয়াং॒-লোঁম॑ভিরুভ॒য়াদ॑দ্ভ্য়ো॒ য-ন্দ্বি॒ষ্য়া-ত্তম॑ধস্প॒দ-ন্ধ্য়া॑য়ে॒-দ্বজ্রে॑ণৈ॒বৈনগ্গ্॑ স্তৃণুতে ॥ 10 ॥
(আ॒হ॒ - পাপী॑য়ান্ - রু॒দ্রাদে॒ব - যেনা - ঽগ্রং॑ - ঁব॒জ্রী বৈ - স॒প্তদ॑শ চ) (অ. 2)

উত্ক্রা॒মো-দ॑ক্রমী॒দিতি॒ দ্বাভ্য়া॒মুত্ক্র॑মযতি॒ প্রতি॑ষ্ঠিত্য়া॒ অনু॑রূপাভ্য়া॒-ন্তস্মা॒দনু॑রূপাঃ প॒শবঃ॒ প্রজা॑যন্তে॒ ঽপ উপ॑ সৃজতি॒ যত্র॒ বা আপ॑ উপ॒ গচ্ছ॑ন্তি॒ তদোষ॑ধয়ঃ॒ প্রতি॑ তিষ্ঠ॒ন্ত্য়োষ॑ধীঃ প্রতি॒তিষ্ঠ॑ন্তীঃ প॒শবো-ঽনু॒ প্রতি॑ তিষ্ঠন্তি প॒শূন্. য॒জ্ঞো য॒জ্ঞং-য়ঁজ॑মানো॒ যজ॑মান-ম্প্র॒জাস্তস্মা॑দ॒প উপ॑ সৃজতি॒ প্রতি॑ষ্ঠিত্য়ৈ॒ যদ॑দ্ধ্ব॒র্য়ু-র॑ন॒গ্নাবাহু॑তি-ঞ্জুহু॒য়াদ॒ন্ধো᳚ ঽদ্ধ্ব॒র্য়ু- [-ঽদ্ধ্ব॒র্য়ুঃ, স্য়া॒-দ্রক্ষাগ্​ম্॑সি] 11

-স্স্য়া॒-দ্রক্ষাগ্​ম্॑সি য॒জ্ঞগ্​ম্ হ॑ন্য়ু॒র্॒হির॑ণ্যমু॒পাস্য়॑ জুহোত্যগ্নি॒বত্য়ে॒ব জু॑হোতি॒ নান্ধো᳚-ঽদ্ধ্ব॒র্য়ুর্ভব॑তি॒ ন য॒জ্ঞগ্​ম্ রক্ষাগ্​ম্॑সি ঘ্নন্তি॒ জিঘ॑র্ম্য়॒গ্নি-ম্মন॑সা ঘৃ॒তেনেত্য়া॑হ॒ মন॑সা॒ হি পুরু॑ষো য॒জ্ঞম॑ভি॒গচ্ছ॑তি প্রতি॒ক্ষ্যন্ত॒-ম্ভুব॑নানি॒ বিশ্বেত্য়া॑হ॒ সর্ব॒গ্গ্॒ হ্য়ে॑ষ প্র॒ত্য়-ঙ্ক্ষেতি॑ পৃ॒থু-ন্তি॑র॒শ্চা বয়॑সা বৃ॒হন্ত॒মিত্য়া॒হা-ঽল্পো॒ হ্য়ে॑ষ জা॒তো ম॒হা- [ম॒হান্, ভব॑তি॒] 12

-ন্ভব॑তি॒ ব্যচি॑ষ্ঠ॒মন্নগ্​ম্॑ রভ॒সং-বিঁদা॑ন॒মিত্য়া॒হা ঽন্ন॑মে॒বা-ঽস্মৈ᳚ স্বদযতি॒ সর্ব॑মস্মৈ স্বদতে॒ য এ॒বং-বেঁদা ঽঽত্বা॑ জিঘর্মি॒ বচ॑সা ঘৃ॒তেনেত্য়া॑হ॒ তস্মা॒-দ্য়-ত্পুরু॑ষো॒ মন॑সা-ঽভি॒গচ্ছ॑তি॒ ত-দ্বা॒চা ব॑দত্য় র॒ক্ষসেত্য়া॑হ॒ রক্ষ॑সা॒মপ॑হত্য়ৈ॒ মর্য়॑শ্রী-স্স্পৃহ॒য়-দ্ব॑র্ণো অ॒গ্নিরিত্য়া॒হা-প॑চিতিমে॒বা-ঽস্মি॑-ন্দধা॒ত্য়-প॑চিতিমা-ন্ভবতি॒ য এ॒বং- [য় এ॒বম্, বেদ॒ মন॑সা॒ ত্বৈ] 13

-ঁবেদ॒ মন॑সা॒ ত্বৈ তামাপ্তু॑মর্​হতি॒ যাম॑দ্ধ্ব॒র্য়ুর॑-ন॒গ্নাবাহু॑তি-ঞ্জু॒হোতি॒ মন॑স্বতীভ্য়া-ঞ্জুহো॒ত্য়াহু॑ত্য়ো॒রাপ্ত্য়ৈ॒ দ্বাভ্য়া॒-ম্প্রতি॑ষ্ঠিত্য়ৈ যজ্ঞমু॒খে য॑জ্ঞমুখে॒ বৈ ক্রি॒যমা॑ণে য॒জ্ঞগ্​ম্ রক্ষাগ্​ম্॑সি জিঘাগ্​ম্ সন্ত্য়ে॒তর্​হি॒ খলু॒ বা এ॒ত-দ্য়॑জ্ঞমু॒খং-য়ঁর্​হ্য়ে॑ন॒-দাহু॑তি-রশ্ঞু॒তে পরি॑ লিখতি॒ রক্ষ॑সা॒মপ॑হত্য়ৈ তি॒সৃভিঃ॒ পরি॑ লিখতি ত্রি॒বৃদ্বা অ॒গ্নির্য়াবা॑নে॒বা-ঽগ্নিস্তস্মা॒-দ্রক্ষা॒গ্॒স্যপ॑ হন্তি [হন্তি, গা॒য়॒ত্রি॒য়া পরি॑] 14

গাযত্রি॒য়া পরি॑ লিখতি॒ তেজো॒ বৈ গা॑য়॒ত্রী তেজ॑সৈ॒বৈন॒-ম্পরি॑গৃহ্ণাতি ত্রি॒ষ্টুভা॒ পরি॑ লিখতীন্দ্রি॒য়ং-বৈঁ ত্রি॒ষ্টু-গি॑ন্দ্রি॒য়েণৈ॒বৈন॒-ম্পরি॑ গৃহ্ণাত্যনু॒ষ্টুভা॒ পরি॑ লিখত্যনু॒ষ্টু-ফ্সর্বা॑ণি॒ ছন্দাগ্​ম্॑সি পরি॒ভূঃ পর্য়া᳚প্ত্য়ৈ মদ্ধ্য়॒তো॑-ঽনু॒ষ্টুভা॒ বাগ্বা অ॑নু॒ষ্টু-প্তস্মা᳚-ন্মদ্ধ্য়॒তো বা॒চা ব॑দামো গাযত্রি॒য়া প্র॑থ॒ময়া॒ পরি॑ লিখ॒ত্যথা॑-ঽনু॒ষ্টুভা-ঽথ॑ ত্রি॒ষ্টুভা॒ তেজো॒ বৈ গা॑য়॒ত্রী য॒জ্ঞো॑ ঽনু॒ষ্টুগি॑ন্দ্রি॒য়-ন্ত্রি॒ষ্টু-প্তেজ॑সা চৈ॒বেন্দ্রি॒য়েণ॑ চোভ॒যতো॑ য॒জ্ঞ-ম্পরি॑ গৃহ্ণাতি ॥ 15 ॥
(অ॒ন্ধো᳚-ঽদ্ধ্ব॒র্য়ু - র্ম॒হান্ - ভ॑বতি॒ য এ॒বগ্​ম্ - হ॑ন্তি - ত্রি॒ষ্টুভা॒ তেজো॒ বৈ গা॑য়॒ত্রী - ত্রয়ো॑দশ চ) (অ. 3)

দে॒বস্য়॑ ত্বা সবি॒তুঃ প্র॑স॒ব ইতি॑ খনতি॒ প্রসূ᳚ত্য়া॒ অথো॑ ধূ॒ম-মে॒বৈতেন॑ জনযতি॒ জ্য়োতি॑ষ্মন্ত-ন্ত্বা-ঽগ্নে সু॒প্রতী॑ক॒-মিত্য়া॑হ॒ জ্য়োতি॑রে॒বৈতেন॑ জনযতি॒ সো᳚-ঽগ্নির্জা॒তঃ প্র॒জা-শ্শু॒চা-ঽঽর্প॑য়॒-ত্ত-ন্দে॒বা অ॑র্ধ॒র্চেনা॑-শমযঞ্ছি॒ব-ম্প্র॒জাভ্য়ো-ঽহিগ্​ম্॑ সন্ত॒মিত্য়া॑হ প্র॒জাভ্য়॑ এ॒বৈনগ্​ম্॑ শমযতি॒ দ্বাভ্য়া᳚-ঙ্খনতি॒ প্রতি॑ষ্ঠিত্য়া অ॒পা-ম্পৃ॒ষ্ঠম॒সীতি॑ পুষ্করপ॒র্ণমা [পুষ্করপ॒র্ণমা, হ॒র॒ত্য়॒পাং-বাঁ] 16

হ॑রত্য়॒পাং-বাঁ এ॒ত-ত্পৃ॒ষ্ঠং-য়ঁ-ত্পু॑ষ্করপ॒র্ণগ্​ম্ রূ॒পেণৈ॒বৈন॒দা হ॑রতি পুষ্করপ॒র্ণেন॒ স-ম্ভ॑রতি॒ যোনি॒র্বা অ॒গ্নেঃ পু॑ষ্করপ॒র্ণগ্​ম্ সয়ো॑নিমে॒বাগ্নিগ্​ম্ সম্ভ॑রতি কৃষ্ণাজি॒নেন॒ সম্ভ॑রতি য॒জ্ঞো বৈ কৃ॑ষ্ণাজি॒নং-য়ঁ॒জ্ঞেনৈ॒ব য॒জ্ঞগ্​ম্ সম্ভ॑রতি॒ য-দ্গ্রা॒ম্য়াণা᳚-ম্পশূ॒না-ঞ্চর্ম॑ণা স॒ম্ভরে᳚-দ্গ্রা॒ম্য়া-ন্প॒শূঞ্ছু॒চা-ঽর্প॑য়ে-ত্কৃষ্ণাজি॒নেন॒ সম্ভ॑রত্য়ার॒ণ্য়ানে॒ব প॒শূ- [প॒শূন্, শু॒চা-ঽর্প॑যতি॒] 17

-ঞ্ছু॒চা-ঽর্প॑যতি॒ তস্মা᳚-থ্স॒মাব॑-ত্পশূ॒না-ম্প্র॒জায়॑মানানা-মার॒ণ্য়াঃ প॒শবঃ॒ কনী॑য়াগ্​ম্স-শ্শু॒চা হ্য়ৃ॑তা লো॑ম॒ত-স্সম্ভ॑র॒ত্যতো॒ হ্য়॑স্য়॒ মেদ্ধ্য়॑-ঙ্কৃষ্ণাজি॒ন-ঞ্চ॑ পুষ্করপ॒র্ণ-ঞ্চ॒ সগ্গ্​ স্তৃ॑ণাতী॒য়ং-বৈঁ কৃ॑ষ্ণাজি॒নম॒সৌ পু॑ষ্করপ॒র্ণ-মা॒ভ্য়া-মে॒বৈন॑-মুভ॒যতঃ॒ পরি॑গৃহ্ণাত্য়॒-গ্নির্দে॒বেভ্য়ো॒ নিলা॑যত॒ তমথ॒র্বা-ঽন্ব॑পশ্য়॒দথ॑র্বা ত্বা প্রথ॒মো নির॑মন্থদগ্ন॒ ই- [নির॑মন্থদগ্ন॒ ইতি॑, আ॒হ॒ য এ॒বৈন॑-] 18

-ত্য়া॑হ॒ য এ॒বৈন॑-ম॒ন্বপ॑শ্য়॒-ত্তেনৈ॒বৈন॒গ্​ম্॒ সম্ভ॑রতি॒ ত্বাম॑গ্নে॒ পুষ্ক॑রা॒দধীত্য়া॑হ পুষ্করপ॒র্ণে হ্য়ে॑ন॒মুপ॑শ্রিত॒-মবি॑ন্দ॒-ত্তমু॑ ত্বা দ॒দ্ধ্যঙ্ঙৃষি॒রিত্য়া॑হ দ॒দ্ধ্যঙ্ বা আ॑থর্ব॒ণ-স্তে॑জ॒স্ব্য়া॑সী॒-ত্তেজ॑ এ॒বাস্মি॑-ন্দধাতি॒ তমু॑ ত্বা পা॒থ্য়ো বৃষেত্য়া॑হ॒ পূর্ব॑মে॒বোদি॒ত-মুত্ত॑রেণা॒ভি গৃ॑ণাতি [গৃ॑ণাতি, চ॒ত॒সৃভি॒-স্সম্ভ॑রতি] 19

চত॒সৃভি॒-স্সম্ভ॑রতি চ॒ত্বারি॒ ছন্দাগ্​ম্॑সি॒ ছন্দো॑ভিরে॒ব গা॑য়॒ত্রীভি॑র্ব্রাহ্ম॒ণস্য়॑ গায়॒ত্রো হি ব্রা᳚হ্ম॒ণ-স্ত্রি॒ষ্টুগ্ভী॑ রাজ॒ন্য়॑স্য়॒ ত্রৈষ্টু॑ভো॒ হি রা॑জ॒ন্য়ো॑ য-ঙ্কা॒ময়ে॑ত॒ বসী॑য়ান্-থ্স্য়া॒দিত্য়ু॒ভয়ী॑ভি॒স্তস্য়॒ সম্ভ॑রে॒-ত্তেজ॑শ্চৈ॒বা-ঽস্মা॑ ইন্দ্রি॒য়-ঞ্চ॑ স॒মীচী॑ দধাত্যষ্টা॒ভি-স্সম্ভ॑রত্য়॒ষ্টাক্ষ॑রা গায়॒ত্রী গা॑য়॒ত্রো᳚ ঽগ্নির্য়াবা॑নে॒বা-ঽগ্নিস্তগ্​ম্ সম্ভ॑রতি॒ সীদ॑ হোত॒রিত্য়া॑- -হ দে॒বতা॑ এ॒বাস্মৈ॒ সগ্​ম্ সা॑দযতি॒ নি হোতেতি॑ মনু॒ষ্য়া᳚ন্-থ্সগ্​ম্ সী॑দ॒স্বেতি॒ বয়াগ্​ম্॑সি॒ জনি॑ষ্বা॒ হি জেন্য়ো॒ অগ্রে॒ অহ্না॒মিত্য়া॑হ দেব মনু॒ষ্য়ানে॒বা-ঽস্মৈ॒ সগ্​ম্স॑ন্না॒-ন্প্রজ॑নযতি ॥ 20
(ঐ - ব প॒শূ - নিতি॑ - গৃণাতি - হোত॒রিতি॑ - স॒প্তবিগ্​ম্॑শতিশ্চ) (অ. 4)

ক্রূ॒রমি॑ব॒ বা অ॑স্য়া এ॒ত-ত্ক॑রোতি॒ য-ত্খন॑ত্য়॒প উপ॑ সৃজ॒ত্য়াপো॒ বৈ শা॒ন্তা-শ্শা॒ন্তাভি॑রে॒বা-ঽস্য়ৈ॒ শুচগ্​ম্॑ শমযতি॒ স-ন্তে॑ বা॒য়ুর্মা॑ত॒রিশ্বা॑ দধা॒ত্বিত্য়া॑হ প্রা॒ণো বৈ বা॒য়ুঃ প্রা॒ণেনৈ॒বাস্য়ৈ᳚ প্রা॒ণগ্​ম্ স-ন্দ॑ধাতি॒ স-ন্তে॑ বা॒য়ুরিত্য়া॑হ॒ তস্মা᳚-দ্বা॒য়ুপ্র॑চ্য়ুতা দি॒বো বৃষ্টি॑রীর্তে॒ তস্মৈ॑ চ দেবি॒ বষ॑ডস্তু॒ [বষ॑ডস্তু, তুভ্য়॒মিত্য়া॑হ॒] 21

তুভ্য়॒মিত্য়া॑হ॒ ষড্বা ঋ॒তব॑ ঋ॒তুষ্বে॒ব বৃষ্টি॑-ন্দধাতি॒ তস্মা॒-থ্সর্বা॑নৃ॒তূন্. ব॑র্​ষতি॒ য-দ্ব॑ষট্কু॒র্য়া-দ্য়া॒তয়া॑মা-ঽস্য় বষট্কা॒র-স্স্য়া॒দ্যন্ন ব॑ষট্কু॒র্য়া-দ্রক্ষাগ্​ম্॑সি য॒জ্ঞগ্​ম্ হ॑ন্য়ু॒র্বডিত্য়া॑হ প॒রোক্ষ॑মে॒ব বষ॑-ট্করোতি॒ নাস্য়॑ যা॒তয়া॑মা বষট্কা॒রো ভব॑তি॒ ন য॒জ্ঞগ্​ম্ রক্ষাগ্​ম্॑সি ঘ্নন্তি॒ সুজা॑তো॒ জ্য়োতি॑ষা স॒হেত্য়॑নু॒ষ্টুভোপ॑ নহ্যত্যনু॒ষ্টু- [নহ্যত্যনু॒ষ্টুপ্, সর্বা॑ণি॒ ছন্দাগ্​ম্॑সি॒] 22

-ফ্সর্বা॑ণি॒ ছন্দাগ্​ম্॑সি॒ ছন্দাগ্​ম্॑সি॒ খলু॒ বা অ॒গ্নেঃ প্রি॒য়া ত॒নূঃ প্রি॒যয়ৈ॒বৈন॑-ন্ত॒নুবা॒ পরি॑ দধাতি॒ বেদু॑কো॒ বাসো॑ ভবতি॒য় এ॒বং-বেঁদ॑ বারু॒ণো বা অ॒গ্নিরুপ॑নদ্ধ॒ উদু॑ তিষ্ঠ স্বদ্ধ্বরো॒র্ধ্ব ঊ॒ ষুণ॑ ঊ॒তয়॒ ইতি॑ সাবি॒ত্রীভ্য়া॒মু-ত্তি॑ষ্ঠতি সবি॒তৃপ্র॑সূত এ॒বাস্য়ো॒র্ধ্বাং-বঁ॑রুণমে॒নিমু-থ্সৃ॑জতি॒ দ্বাভ্য়া॒-ম্প্রতি॑ষ্ঠিত্য়ৈ॒ স জা॒তো গর্ভো॑ অসি॒ [গর্ভো॑ অসি, রোদ॑স্য়ো॒রিত্য়া॑হে॒মে] 23

রোদ॑স্য়ো॒রিত্য়া॑হে॒মে বৈ রোদ॑সী॒ তয়ো॑রে॒ষ গর্ভো॒ যদ॒গ্নি-স্তস্মা॑-দে॒বমা॒হাগ্নে॒ চারু॒র্বিভৃ॑ত॒ ওষ॑ধী॒ষ্বিত্য়া॑হ য॒দা হ্য়ে॑তং-বিঁ॒ভর॒ন্ত্যথ॒ চারু॑তরো॒ ভব॑তি॒ প্র মা॒তৃভ্য়ো॒ অধি॒ কনি॑ক্রদ-দ্গা॒ ইত্য়া॒হৌষ॑ধয়ো॒ বা অ॑স্য় মা॒তর॒স্তাভ্য়॑ এ॒বৈন॒-ম্প্রচ্য়া॑বযতি স্থি॒রো ভ॑ব বী॒ড্ব॑ঙ্গ॒ ইতি॑ গর্দ॒ভ আ সা॑দযতি॒ [আ সা॑দযতি, স-ন্ন॑হ্যত্য়ে॒বৈন॑-] 24

স-ন্ন॑হ্যত্য়ে॒বৈন॑-মে॒তয়া᳚ স্থে॒ম্নে গ॑র্দ॒ভেন॒ সম্ভ॑রতি॒ তস্মা᳚-দ্গর্দ॒ভঃ প॑শূ॒না-ম্ভা॑রভা॒রিত॑মো গর্দ॒ভেন॒ স-ম্ভ॑রতি॒ তস্মা᳚-দ্গর্দ॒ভো-ঽপ্য়॑নালে॒শে-ঽত্য়॒ন্য়া-ন্প॒শূ-ন্মে᳚দ্য়॒ত্যন্ন॒গ্গ্॒ হ্য়ে॑নেনা॒-ঽর্কগ্​ম্ স॒ম্ভর॑ন্তি গর্দ॒ভেন॒ সম্ভ॑রতি॒ তস্মা᳚-দ্গর্দ॒ভো দ্বি॒রেতা॒-স্সন্ কনি॑ষ্ঠ-ম্পশূ॒না-ম্প্রজা॑যতে॒-ঽগ্নির্​হ্য়॑স্য়॒ যোনি॑-ন্নি॒র্দহ॑তি প্র॒জাসু॒ বা এ॒ষ এ॒তর্​হ্য়ারূ॑ঢ॒- [এ॒তর্​হ্য়ারূ॑ঢঃ, স ঈ᳚শ্ব॒রঃ প্র॒জা-শ্শু॒চা] 25

-স্স ঈ᳚শ্ব॒রঃ প্র॒জা-শ্শু॒চা প্র॒দহ॑-শ্শি॒বো ভ॑ব প্র॒জাভ্য়॒ ইত্য়া॑হ প্র॒জাভ্য়॑ এ॒বৈনগ্​ম্॑ শমযতি॒ মানু॑ষীভ্য়॒স্ত্বম॑ঙ্গির॒ ইত্য়া॑হ মান॒ব্য়ো॑ হি প্র॒জা মা দ্য়াবা॑পৃথি॒বী অ॒ভি শূ॑শুচো॒ মা-ঽন্তরি॑ক্ষ॒-ম্মা বন॒স্পতী॒নিত্য়া॑হৈ॒ভ্য় এ॒বৈনং॑-লোঁ॒কেভ্য়॑-শ্শমযতি॒ প্রৈতু॑ বা॒জী কনি॑ক্রদ॒দিত্য়া॑হ বা॒জী হ্য়ে॑ষ নান॑দ॒-দ্রাস॑ভঃ॒ পত্বে- [পত্বেতি, আ॒হ॒ রাস॑ভ॒ ইতি॒] 26

-ত্য়া॑হ॒ রাস॑ভ॒ ইতি॒ হ্য়ে॑তমৃষ॒য়ো-ঽব॑দ॒-ন্ভর॑ন্ন॒গ্নি-ম্পু॑রী॒ষ্য়॑মিত্য়া॑হা॒-ঽগ্নিগ্গ্​ হ্য়ে॑ষ ভর॑তি॒ মা পা॒দ্য়ায়ু॑ষঃ পু॒রেত্য়া॒হা-ঽঽয়ু॑রে॒বা-ঽস্মি॑-ন্দধাতি॒ তস্মা᳚-দ্গর্দ॒ভ-স্সর্ব॒মায়ু॑রেতি॒ তস্মা᳚-দ্গর্দ॒ভে পু॒রা-ঽঽয়ু॑ষঃ॒ প্রমী॑তে বিভ্যতি॒ বৃষা॒-ঽগ্নিং-বৃঁষ॑ণ॒-ম্ভর॒ন্নিত্য়া॑হ॒ বৃষা॒ হ্য়ে॑ষ বৃষা॒-ঽগ্নির॒পা-ঙ্গর্ভগ্​ম্॑ - [বৃষা॒-ঽগ্নির॒পা-ঙ্গর্ভ᳚ম্, স॒মু॒দ্রিয়॒-] 27

সমু॒দ্রিয়॒-মিত্য়া॑হা॒-ঽপাগ্​ হ্য়ে॑ষ গর্ভো॒ যদ॒গ্নিরগ্ন॒ আ যা॑হি বী॒তয়॒ ইতি॒ বা ই॒মৌ লো॒কৌ ব্য়ৈ॑তা॒মগ্ন॒ আ যা॑হি বী॒তয়॒ ইতি॒ যদাহা॒ ঽনয়ো᳚র্লো॒কয়ো॒-র্বীত্য়ৈ॒ প্রচ্য়ু॑তো॒ বা এ॒ষ আ॒যত॑না॒দগ॑তঃ প্রতি॒ষ্ঠাগ্​ম্ স এ॒তর্​হ্য়॑দ্ধ্ব॒র্য়ু-ঞ্চ॒ যজ॑মান-ঞ্চ দ্ধ্য়াযত্য়ৃ॒তগ্​ম্ স॒ত্যমিত্য়া॑হে॒য়ং-বাঁ ঋ॒তম॒সৌ [ ] 28

স॒ত্যম॒নয়ো॑রে॒বৈন॒-ম্প্রতি॑ ষ্ঠাপযতি॒ না-ঽঽর্তি॒মার্চ্ছ॑ত্যদ্ধ্ব॒র্য়ুর্ন যজ॑মানো॒ বরু॑ণো॒ বা এ॒ষ যজ॑মানম॒ভ্য়ৈতি॒ যদ॒গ্নিরুপ॑নদ্ধ॒ ওষ॑ধয়ঃ॒ প্রতি॑ গৃহ্ণীতা॒গ্নিমে॒ত-মিত্য়া॑হ॒ শান্ত্য়ৈ॒ ব্যস্য়॒ন্ বিশ্বা॒ অম॑তী॒ররা॑তী॒-রিত্য়া॑হ॒ রক্ষ॑সা॒মপ॑হত্য়ৈ নি॒ষীদ॑-ন্নো॒ অপ॑ দুর্ম॒তিগ্​ম্ হ॑ন॒দিত্য়া॑হ॒ প্রতি॑ষ্ঠিত্য়া॒ ওষ॑ধয়ঃ॒ প্রতি॑মোদদ্ধ্ব- [প্রতি॑মোদদ্ধ্বম্, এ॒ন॒মিত্য়া॒হৌষ॑ধয়ো॒] 29

-মেন॒মিত্য়া॒হৌষ॑ধয়ো॒ বা অ॒গ্নের্ভা॑গ॒ধেয়॒-ন্তাভি॑রে॒বৈন॒গ্​ম্॒ সম॑র্ধযতি॒ পুষ্পা॑বতী-স্সুপিপ্প॒লা ইত্য়া॑হ॒ তস্মা॒দোষ॑ধয়ঃ॒ ফল॑-ঙ্গৃহ্ণন্ত্য়॒ যং-বোঁ॒ গর্ভ॑ ঋ॒ত্বিয়ঃ॑ প্র॒ত্নগ্​ম্ স॒ধস্থ॒মা-ঽস॑দ॒দিত্য়া॑হ॒ যাভ্য়॑ এ॒বৈন॑-ম্প্রচ্য়া॒বয়॑তি॒ তাস্বে॒বৈন॒-ম্প্রতি॑ষ্ঠাপযতি॒ দ্বাভ্য়া॑মু॒পাব॑হরতি॒ প্রতি॑ষ্ঠিত্য়ৈ ॥ 30 ॥
(অ॒স্ত্ব॒ - নু॒ষ্টু - ব॑সি - সাদয়॒ত্য়া - রূ॑ঢঃ॒-পত্বেতি॒-গর্ভ॑-ম॒সৌ - মো॑দদ্ধ্বং॒ - দ্বিচ॑ত্বারিগ্​ম্শচ্চ) (অ. 5)

বা॒রু॒ণো বা অ॒গ্নিরুপ॑নদ্ধো॒ বি পাজ॒সেতি॒ বিস্রগ্​ম্॑সযতি সবি॒তৃপ্র॑সূত এ॒বাস্য়॒ বিষূ॑চীং-বঁরুণমে॒নিং-বিঁসৃ॑জত্য়॒প উপ॑ সৃজ॒ত্য়াপো॒ বৈ শা॒ন্তা-শ্শা॒ন্তাভি॑রে॒বাস্য়॒ শুচগ্​ম্॑ শমযতি তি॒সৃভি॒রুপ॑ সৃজতি ত্রি॒বৃদ্বা অ॒গ্নির্য়াবা॑নে॒বা-গ্নিস্তস্য়॒ শুচগ্​ম্॑ শমযতি মি॒ত্র-স্স॒গ্​ম্॒সৃজ্য়॑ পৃথি॒বীমিত্য়া॑হ মি॒ত্রো বৈ শি॒বো দে॒বানা॒-ন্তেনৈ॒বৈ- [দে॒বানা॒-ন্তেনৈ॒ব, এ॒ন॒গ্​ম্॒ সগ্​ম্ সৃ॑জতি॒] 31

-ন॒গ্​ম্॒ সগ্​ম্ সৃ॑জতি॒ শান্ত্য়ৈ॒ যদ্গ্রা॒ম্য়াণা॒-ম্পাত্রা॑ণা-ঙ্ক॒পালৈ᳚-স্সগ্​ম্সৃ॒জে-দ্গ্রা॒ম্য়াণি॒ পাত্রা॑ণি শু॒চা-ঽর্প॑য়েদর্মকপা॒লৈ-স্সগ্​ম্ সৃ॑জত্য়ে॒তানি॒ বা অ॑নুপজীবনী॒য়ানি॒ তান্য়ে॒ব শু॒চা-ঽর্প॑যতি॒ শর্ক॑রাভি॒-স্সগ্​ম্ সৃ॑জতি॒ ধৃত্য়া॒ অথো॑ শ॒ন্ত্বায়া॑ জলো॒মৈ-স্সগ্​ম্ সৃ॑জত্য়ে॒ষা বা অ॒গ্নেঃ প্রি॒য়া ত॒নূর্যদ॒জা প্রি॒যয়ৈ॒বৈন॑-ন্ত॒নুবা॒ সগ্​ম্ সৃ॑জ॒ত্যথো॒ তেজ॑সা কৃষ্ণাজি॒নস্য়॒ লোম॑ভি॒-স্সগ্​ম্ - [লোম॑ভি॒-স্সম্, সৃ॒জ॒তি॒ য॒জ্ঞো বৈ] 32

সৃ॑জতি য॒জ্ঞো বৈ কৃ॑ষ্ণাজি॒নং-য়ঁ॒জ্ঞেনৈ॒ব য॒জ্ঞগ্​ম্ সগ্​ম্ সৃ॑জতি রু॒দ্রা-স্স॒ভৃত্য়॑ পৃথি॒বীমিত্য়া॑হৈ॒তা বা এ॒ত-ন্দে॒বতা॒ অগ্রে॒ সম॑ভর॒-ন্তাভি॑রে॒বৈন॒গ্​ম্॒ সম্ভ॑রতি ম॒খস্য়॒ শিরো॒-ঽসীত্য়া॑হ য॒জ্ঞো বৈ ম॒খস্তস্য়ৈ॒ত-চ্ছিরো॒ যদু॒খা তস্মা॑দে॒বমা॑হ য॒জ্ঞস্য়॑ প॒দে স্থ॒ ইত্য়া॑হ য॒জ্ঞস্য়॒ হ্য়ে॑তে [ ] 33

প॒দে অথো॒ প্রতি॑ষ্ঠিত্য়ৈ॒ প্রা-ঽন্য়াভি॒-র্যচ্ছ॒ত্যন্ব॒ন্য়ৈ-র্ম॑ন্ত্রযতে মিথুন॒ত্বায়॒ ত্র্য়ু॑দ্ধি-ঙ্করোতি॒ ত্রয়॑ ই॒মে লো॒কা এ॒ষাং-লোঁ॒কানা॒মাপ্ত্য়ৈ॒ ছন্দো॑ভিঃ করোতি বী॒র্য়ং॑-বৈঁ ছন্দাগ্​ম্॑সি বী॒র্য়ে॑ণৈ॒বৈনা᳚-ঙ্করোতি॒ যজু॑ষা॒ বিল॑-ঙ্করোতি॒ ব্য়াবৃ॑ত্ত্য়া॒ ইয়॑তী-ঙ্করোতি প্র॒জাপ॑তিনা যজ্ঞমু॒খেন॒ সম্মি॑তা-ন্দ্বিস্ত॒না-ঙ্ক॑রোতি॒ যাবা॑পৃথি॒ব্য়োর্দোহা॑য়॒ চতু॑স্স্তনা-ঙ্করোতি পশূ॒না-ন্দোহা॑য়া॒ষ্টাস্ত॑না-ঙ্করোতি॒ ছন্দ॑সা॒-ন্দোহা॑য়॒ নবা᳚শ্রি-মভি॒চর॑তঃ কুর্য়া-ত্ত্রি॒বৃত॑মে॒ব বজ্রগ্​ম্॑ স॒ম্ভৃত্য়॒ ভ্রাতৃ॑ব্য়ায়॒ প্রহ॑রতি॒ স্তৃত্য়ৈ॑ কৃ॒ত্বায়॒ সা ম॒হীমু॒খামিতি॒ নি দ॑ধাতি দে॒বতা᳚স্বে॒বৈনা॒-ম্প্রতি॑ষ্ঠাপযতি ॥ 34 ॥
(তেনৈ॒ব - লোম॑ভি॒-স্স - মে॒তে - অ॑ভি॒চর॑ত॒ - এক॑বিগ্​ম্শতিশ্চ) (অ. 6)

স॒প্তভি॑র্ধূপযতি স॒প্ত বৈ শী॑র্​ষ॒ণ্য়াঃ᳚ প্রা॒ণা-শ্শির॑ এ॒ত-দ্য়॒জ্ঞস্য়॒ যদু॒খা শী॒র্॒ষন্নে॒ব য॒জ্ঞস্য়॑ প্রা॒ণা-ন্দ॑ধাতি॒ তস্মা᳚-থ্স॒প্ত শী॒র্॒ষ-ন্প্রা॒ণা অ॑শ্বশ॒কেন॑ ধূপযতি প্রাজাপ॒ত্য়ো বা অশ্ব॑-স্সয়োনি॒ত্বায়া-দি॑তি॒স্ত্বেত্য়া॑হে॒য়ং-বাঁ অদি॑তি॒রদি॑ত্য়ৈ॒বাদি॑ত্য়া-ঙ্খনত্য়॒স্য়া অক্রূ॑রঙ্কারায়॒ ন হি স্ব-স্স্বগ্​ম্ হি॒নস্তি॑ দে॒বানা᳚-ন্ত্বা॒ পত্নী॒রিত্য়া॑হ দে॒বানাং॒- [দে॒বানা᳚ম্, বা এ॒তা-ম্পত্ন॒য়ো-ঽগ্রে॑-ঽ] 35

-ঁবা এ॒তা-ম্পত্ন॒য়ো-ঽগ্রে॑-ঽ-কুর্ব॒-ন্তাভি॑রে॒বৈনা᳚-ন্দধাতি ধি॒ষণা॒স্ত্বেত্য়া॑হ বি॒দ্য়া বৈ ধি॒ষণা॑ বি॒দ্য়াভি॑-রে॒বৈনা॑-ম॒ভীন্ধে॒ গ্নাস্ত্বেত্য়া॑হ॒ ছন্দাগ্​ম্॑সি॒ বৈ গ্না শ্ছন্দো॑ভি-রে॒বৈনাগ্॑ শ্রপযতি॒ বরূ᳚ত্রয়॒স্ত্বেত্য়া॑হ॒ হোত্রা॒ বৈ বরূ᳚ত্রয়ো॒ হোত্রা॑ভিরে॒বৈনা᳚-ম্পচতি॒ জন॑য়॒স্ত্বেত্য়া॑হ দে॒বানাং॒-বৈঁ পত্নী॒- [পত্নীঃ᳚, জন॑য়॒স্তাভি॑-] 36

-র্জন॑য়॒স্তাভি॑-রে॒বৈনা᳚-ম্পচতি ষ॒ড্ভিঃ প॑চতি॒ ষড্বা ঋ॒তব॑ ঋ॒তুভি॑রে॒বৈনা᳚-ম্পচতি॒ দ্বিঃ পচ॒ন্ত্বিত্য়া॑হ॒ তস্মা॒-দ্দ্বি-স্সং॑​বঁথ্স॒রস্য়॑ স॒স্য়-ম্প॑চ্যতে বারু॒ণ্য়ু॑খা-ঽভীদ্ধা॑ মৈ॒ত্রিয়োপৈ॑তি॒ শান্ত্য়ৈ॑ দে॒বস্ত্বা॑ সবি॒তো-দ্ব॑প॒ত্বিত্য়া॑হ সবি॒তৃপ্র॑সূত এ॒বৈনা॒-ম্ব্রহ্ম॑ণা দে॒বতা॑ভি॒রু-দ্ব॑প॒ত্যপ॑দ্যমানা পৃথি॒ব্য়াশা॒ দিশ॒ আ পৃ॒ণে- [আ পৃ॒ণ, ইত্য়া॑হ॒] 37

-ত্য়া॑হ॒ তস্মা॑দ॒গ্নি-স্সর্বা॒ দিশো-ঽনু॒ বিভা॒ত্য়ুত্তি॑ষ্ঠ বৃহ॒তী ভ॑বো॒র্ধ্বা তি॑ষ্ঠ ধ্রু॒বা ত্বমিত্য়া॑হ॒ প্রতি॑ষ্ঠিত্য়া অসু॒র্য়॑-ম্পাত্র॒মনা᳚চ্ছৃণ্ণ॒মা-চ্ছৃ॑ণত্তি দেব॒ত্রা-ঽক॑রজক্ষী॒রেণা-ঽঽচ্ছৃ॑ণত্তি পর॒মং-বাঁ এ॒ত-ত্পয়ো॒ যদ॑জক্ষী॒র-ম্প॑র॒মেণৈ॒বৈনা॒-ম্পয়॒সা-ঽঽচ্ছৃ॑ণত্তি॒ যজু॑ষা॒ ব্য়াবৃ॑ত্ত্য়ৈ॒ ছন্দো॑ভি॒রা চ্ছৃ॑ণত্তি॒ ছন্দো॑ভি॒র্বা এ॒ষা ক্রি॑যতে॒ ছন্দো॑ভিরে॒ব ছন্দা॒গ্॒স্য়া চ্ছৃ॑ণত্তি ॥ 38 ॥
(আ॒হ॒ দে॒বানাং॒ - ঁবৈ পত্নীঃ᳚ - পৃণৈ॒ - ষা - ষট্ চ॑) (অ. 7)

এক॑বিগ্​ম্শত্য়া॒ মাষৈঃ᳚ পুরুষশী॒র্॒ষ-মচ্ছৈ᳚ত্যমে॒দ্ধ্য়া বৈ মাষা॑ অমে॒দ্ধ্য়-ম্পু॑রুষশী॒র্॒ষ-ম॑মে॒দ্ধ্য়ৈরে॒বা-স্য়া॑-মে॒দ্ধ্য়-ন্নি॑রব॒দায়॒ মেদ্ধ্য়॑-ঙ্কৃ॒ত্বা ঽঽহ॑র॒ত্য়েক॑বিগ্​ম্শতি-র্ভবন্ত্য়েকবি॒গ্​ম্॒শো বৈ পুরু॑ষঃ॒ পুরু॑ষ॒স্য়া-ঽঽপ্ত্য়ৈ॒ ব্য়ৃ॑দ্ধং॒-বাঁ এ॒ত-ত্প্রা॒ণৈর॑মে॒দ্ধ্য়ং-য়ঁ-ত্পু॑রুষশী॒র্॒ষগ্​ম্ স॑প্ত॒ধা বিতৃ॑ণ্ণাং-বঁল্মীকব॒পা-ম্প্রতি॒ নি দ॑ধাতি স॒প্ত বৈ শী॑র্​ষ॒ণ্য়াঃ᳚ প্রা॒ণাঃ প্রা॒ণৈরে॒বৈন॒-থ্সম॑র্ধযতি মেদ্ধ্য়॒ত্বায়॒ যাব॑ন্তো॒ [য়াব॑ন্তঃ, বৈ মৃ॒ত্য়ুব॑ন্ধব॒-] 39

বৈ মৃ॒ত্য়ুব॑ন্ধব॒-স্তেষাং᳚-য়ঁ॒ম আধি॑পত্য়॒-ম্পরী॑য়ায় যমগা॒থাভিঃ॒ পরি॑গাযতি য॒মাদে॒বৈন॑-দ্বৃঙ্ক্তে তি॒সৃভিঃ॒ পরি॑গাযতি॒ ত্রয়॑ ই॒মে লো॒কা এ॒ভ্য় এ॒বৈন॑ল্লো॒কেভ্য়ো॑ বৃঙ্ক্তে॒ তস্মা॒-দ্গায়॑তে॒ ন দেয়॒-ঙ্গাথা॒ হি ত-দ্বৃ॒ঙ্ক্তে᳚ ঽগ্নিভ্য়ঃ॑ প॒শূনা ল॑ভতে॒ কামা॒ বা অ॒গ্নয়ঃ॒ কামা॑নে॒বাব॑ রুন্ধে॒ য-ত্প॒শূ-ন্না-ঽঽলভে॒তা-ঽন॑বরুদ্ধা অস্য় [ ] 40

প॒শব॑-স্স্য়ু॒র্য়-ত্পর্য়॑গ্নিকৃতানু-থ্সৃ॒জে-দ্য়॑জ্ঞবেশ॒স-ঙ্কু॑র্য়া॒-দ্য়-থ্সগ্গ্॑স্থা॒পয়ে᳚-দ্য়া॒তয়া॑মানি শী॒র্॒ষাণি॑ স্য়ু॒র্য়-ত্প॒শূনা॒লভ॑তে॒ তেনৈ॒ব প॒শূনব॑ রুন্ধে॒ য-ত্পর্য়॑গ্নিকৃতানু-থ্সৃ॒জতি॑ শী॒র্​ষ্ণা-ময়া॑তয়ামত্বায় প্রাজাপ॒ত্য়েন॒ সগ্গ্​ স্থা॑পযতি য॒জ্ঞো বৈ প্র॒জাপ॑তির্য়॒জ্ঞ এ॒ব য॒জ্ঞ-ম্প্রতি॑ষ্ঠাপযতি প্র॒জাপ॑তিঃ প্র॒জা অ॑সৃজত॒ স রি॑রিচা॒নো॑-ঽমন্যত॒ স এ॒তা আ॒প্রীর॑পশ্য়॒-ত্তাভি॒র্বৈ স মু॑খ॒ত [স মু॑খ॒তঃ, আ॒ত্মান॒মা ঽপ্রী॑ণীত॒] 41

আ॒ত্মান॒মা ঽপ্রী॑ণীত॒ যদে॒তা আ॒প্রিয়ো॒ ভব॑ন্তি য॒জ্ঞো বৈ প্র॒জাপ॑তি-র্য়॒জ্ঞমে॒বৈতাভি॑র্মুখ॒ত আ প্রী॑ণা॒ত্য়-প॑রিমিতছন্দসো ভব॒ন্ত্যপ॑রিমিতঃ প্র॒জাপ॑তিঃ প্র॒জাপ॑তে॒রাপ্ত্য়া॑ ঊনাতিরি॒ক্তা মি॑থু॒নাঃ প্রজা᳚ত্য়ৈ লোম॒শং-বৈঁ নামৈ॒তচ্ছন্দঃ॑ প্র॒জাপ॑তেঃ প॒শবো॑ লোম॒শাঃ প॒শূনে॒বা-ঽব॑ রুন্ধে॒ সর্বা॑ণি॒ বা এ॒তা রূ॒পাণি॒ সর্বা॑ণি রূ॒পাণ্য়॒গ্নৌ চিত্য়ে᳚ ক্রিযন্তে॒ তস্মা॑দে॒তা অ॒গ্নেশ্চিত্য়॑স্য় [অ॒গ্নেশ্চিত্য়॑স্য়, ভ॒ব॒ন্ত্য়েক॑বিগ্​ম্ শতিগ্​ম্] 42

ভব॒ন্ত্য়েক॑বিগ্​ম্ শতিগ্​ম্ সামিধে॒নীরন্বা॑হ॒ রুগ্বা এ॑কবি॒গ্​ম্॒শো রুচ॑মে॒ব গ॑চ্ছ॒ত্যথো᳚ প্রতি॒ষ্ঠামে॒ব প্র॑তি॒ষ্ঠা হ্য়ে॑কবি॒গ্​ম্॒শ-শ্চতু॑র্বিগ্​ম্শতি॒মন্বা॑হ॒ চতু॑র্বিগ্​ম্শতিরর্ধমা॒সা-স্সং॑​বঁথ্স॒র-স্সং॑​বঁথ্স॒রো᳚-ঽগ্নির্বৈ᳚শ্বান॒র-স্সা॒ক্ষাদে॒ব বৈ᳚শ্বান॒রমব॑ রুন্ধে॒ পরা॑চী॒রন্বা॑হ॒ পরা॑ঙিব॒ হি সু॑ব॒র্গো লো॒ক-স্সমা᳚স্ত্বা-ঽগ্ন ঋ॒তবো॑ বর্ধয়॒ন্ত্বিত্য়া॑হ॒ সমা॑ভিরে॒বা-ঽগ্নিং-বঁ॑র্ধয়- [-ঽগ্নিং-বঁ॑র্ধযতি, ঋ॒তুভি॑-স্সং​বঁথ্স॒রং-বিঁশ্বা॒] 43

-ত্য়ৃ॒তুভি॑-স্সং​বঁথ্স॒রং-বিঁশ্বা॒ আ ভা॑হি প্র॒দিশঃ॑ পৃথি॒ব্য়া ইত্য়া॑হ॒ তস্মা॑দ॒গ্নি-স্সর্বা॒ দিশো-ঽনু॒ বিভা॑তি॒ প্রত্য়ৌ॑হতাম॒শ্বিনা॑ মৃ॒ত্য়ুম॑স্মা॒দিত্য়া॑হ মৃ॒ত্য়ুমে॒বা-ঽস্মা॒দপ॑ নুদ॒ত্য়ুদ্ব॒য়-ন্তম॑স॒স্পরীত্য়া॑হ পা॒প্মা বৈ তমঃ॑ পা॒প্মান॑মে॒বাস্মা॒দপ॑ হ॒ন্ত্যগ॑ন্ম॒ জ্য়োতি॑রুত্ত॒ম-মিত্য়া॑হা॒-ঽসৌ বা আ॑দি॒ত্য়ো জ্য়োতি॑রুত্ত॒ম-মা॑দি॒ত্যস্য়ৈ॒ব সায়ু॑জ্য়-ঙ্গচ্ছতি॒ ন সং॑​বঁথ্স॒রস্তি॑ষ্ঠতি॒ নাস্য়॒ শ্রীস্তি॑ষ্ঠতি॒ যস্য়ৈ॒তাঃ ক্রি॒যন্তে॒ জ্য়োতি॑ষ্মতী-মুত্ত॒মামন্বা॑হ॒ জ্য়োতি॑রে॒বাস্মা॑ উ॒পরি॑ষ্টা-দ্দধাতি সুব॒র্গস্য়॑ লো॒কস্য়ানু॑খ্য়াত্য়ৈ ॥ 44 ॥
(য়াব॑ন্তো - ঽস্য় - মুখ॒ত - শ্চিত্য়॑স্য় - বর্ধয় - ত্য়াদি॒ত্য়ো᳚ - ঽষ্টাবিগ্​ম্॑শতিশ্চ) (অ. 8)

ষ॒ড্ভির্দী᳚ক্ষযতি॒ ষড্বা ঋ॒তব॑ ঋ॒তুভি॑রে॒বৈন॑-ন্দীক্ষযতি স॒প্তভি॑র্দীক্ষযতি স॒প্ত ছন্দাগ্​ম্॑সি॒ ছন্দো॑ভিরে॒বৈন॑-ন্দীক্ষযতি॒ বিশ্বে॑ দে॒বস্য়॑ নে॒তুরিত্য়॑-নু॒ষ্টুভো᳚ত্ত॒ময়া॑ জুহোতি॒ বাগ্বা অ॑নু॒ষ্টু-প্তস্মা᳚-ত্প্রা॒ণানাং॒-বাঁগু॑ত্ত॒মৈ- ক॑স্মাদ॒ক্ষরা॒দনা᳚প্ত-ম্প্রথ॒ম-ম্প॒দ-ন্তস্মা॒-দ্য়-দ্বা॒চো-ঽনা᳚প্ত॒-ন্তন্ম॑নু॒ষ্য়া॑ উপ॑ জীবন্তি পূ॒র্ণয়া॑ জুহোতি পূ॒র্ণ ই॑ব॒ হি প্র॒জাপ॑তিঃ [প্র॒জাপ॑তিঃ, প্র॒জাপ॑তে॒রাপত্য়ৈ॒] 45

প্র॒জাপ॑তে॒রাপ্ত্য়ৈ॒ ন্য়ূ॑নয়া জুহোতি॒ ন্য়ূ॑না॒দ্ধি প্র॒জাপ॑তিঃ প্র॒জা অসৃ॑জত প্র॒জানা॒গ্​ম্॒ সৃষ্ট্য়ৈ॒ যদ॒র্চিষি॑ প্রবৃ॒ঞ্জ্য়া-দ্ভূ॒তমব॑ রুন্ধীত॒ যদঙ্গা॑রেষু ভবি॒ষ্যদঙ্গা॑রেষু॒ প্রবৃ॑ণক্তি ভবি॒ষ্য় দে॒বাব॑ রুন্ধে ভবি॒ষ্যদ্ধি ভূয়ো॑ ভূ॒তা-দ্দ্বাভ্য়া॒-ম্প্রবৃ॑ণক্তি দ্বি॒পা-দ্যজ॑মানঃ॒ প্রতি॑ষ্ঠিত্য়ৈ॒ ব্রহ্ম॑ণা॒ বা এ॒ষা যজু॑ষা॒ সম্ভৃ॑তা॒ যদু॒খা সা যদ্ভিদ্য়ে॒তা-ঽঽর্তি॒মার্চ্ছে॒- [-ঽঽর্তি॒মার্চ্ছে᳚ত্, যজ॑মানো] 46

-দ্যজ॑মানো হ॒ন্য়েতা᳚-ঽস্য় য॒জ্ঞো মিত্রৈ॒তামু॒খা-ন্ত॒পেত্য়া॑হ॒ ব্রহ্ম॒ বৈ মি॒ত্রো ব্রহ্ম॑ন্নে॒বৈনা॒-ম্প্রতি॑ষ্ঠাপযতি॒ না-ঽঽর্তি॒মার্চ্ছ॑তি॒ যজ॑মানো॒ নাস্য়॑ য॒জ্ঞো হ॑ন্যতে॒ যদি॒ ভিদ্য়ে॑ত॒ তৈরে॒ব ক॒পালৈ॒-স্সগ্​ম্ সৃ॑জে॒-থ্সৈব ততঃ॒ প্রায়॑শ্চিত্তি॒র্য়ো গ॒তশ্রী॒-স্স্য়ান্ম॑থি॒ত্বা তস্য়াব॑ দদ্ধ্য়া-দ্ভূ॒তো বা এ॒ষ স স্বা- [এ॒ষ স স্বাম্, দে॒বতা॒মুপৈ॑তি॒] 47

-ন্দে॒বতা॒মুপৈ॑তি॒ যো ভূতি॑কাম॒-স্স্য়াদ্য় উ॒খায়ৈ॑ স॒ম্ভবে॒-থ্স এ॒ব তস্য়॑ স্য়া॒দতো॒ হ্য়ে॑ষ স॒ম্ভব॑ত্য়ে॒ষ বৈ স্ব॑য়॒ম্ভূর্নাম॒ ভব॑ত্য়ে॒ব য-ঙ্কা॒ময়ে॑ত॒ ভ্রাতৃ॑ব্যমস্মৈ জনয়েয়॒মিত্য়॒-ন্যত॒স্তস্য়া॒-ঽঽহৃত্য়া-ঽব॑ দদ্ধ্য়া-থ্সা॒ক্ষাদে॒বাস্মৈ॒ ভ্রাতৃ॑ব্য়-ঞ্জনযত্যম্ব॒রীষা॒দন্ন॑ কাম॒স্য়াব॑ দদ্ধ্য়াদম্ব॒রীষে॒ বা অন্ন॑-ম্ভ্রিযতে॒ সয়ো᳚ন্য়ে॒বান্ন॒- [সয়ো᳚ন্য়ে॒বান্ন᳚ম্, অব॑ রুন্ধে॒] 48

-মব॑ রুন্ধে॒ মুঞ্জা॒নব॑ দধা॒ত্য়ূর্গ্বৈ মুঞ্জা॒ ঊর্জ॑মে॒বাস্মা॒ অপি॑ দধাত্য়॒গ্নির্দে॒বেভ্য়ো॒ নিলা॑যত॒ স ক্রু॑মু॒ক-ম্প্রা-ঽবি॑শ-ত্ক্রুমু॒কমব॑ দধাতি॒ যদে॒বাস্য়॒ তত্র॒ ন্য়॑ক্ত॒-ন্ত দে॒বাব॑ রুন্ধ॒ আজ্য়ে॑ন॒ সং-য়ৌঁ᳚ত্য়ে॒তদ্বা অ॒গ্নেঃ প্রি॒য়-ন্ধাম॒ যদাজ্য়॑-ম্প্রি॒য়েণৈ॒বৈন॒-ন্ধাম্না॒ সম॑র্ধয়॒ত্যথো॒ তেজ॑সা॒ [তেজ॑সা, বৈ ক॑কন্তী॒মা দ॑ধাতি॒] 49

বৈ ক॑ঙ্কতী॒মা দ॑ধাতি॒ ভা এ॒বাব॑ রুন্ধে শমী॒ময়ী॒মা দ॑ধাতি॒ শান্ত্য়ৈ॒ সীদ॒ ত্ব-ম্মা॒তুর॒স্য়া উ॒পস্থ॒ ইতি॑ তি॒সৃভি॑র্জা॒তমুপ॑ তিষ্ঠতে॒ ত্রয়॑ ই॒মে লো॒কা এ॒ষ্বে॑ব লো॒কেষ্বা॒বিদ॑-ঙ্গচ্ছ॒ত্যথো᳚ প্রা॒ণানে॒বা-ঽঽত্ম-ন্ধ॑ত্তে ॥ 50 ॥
( প্র॒জাপ॑তি--র্ ঋচ্ছে॒থ্ - স্বা - মে॒বান্নং॒ - তেজ॑সা॒ - চতু॑স্ত্রিগ্​ম্শচ্চ) (অ. 9)

ন হ॑ স্ম॒ বৈ পু॒রা-ঽগ্নিরপ॑রশুবৃক্ণ-ন্দহতি॒ তদ॑স্মৈ প্রয়ো॒গ এ॒বর্​ষি॑রস্বদয়॒-দ্যদ॑গ্নে॒ যানি॒ কানি॒ চেতি॑ স॒মিধ॒মা দ॑ধা॒ত্যপ॑রশুবৃক্ণ-মে॒বাস্মৈ᳚ স্বদযতি॒ সর্ব॑মস্মৈ স্বদতে॒ য এ॒বং-বেঁদৌদু॑ম্বরী॒মা দ॑ধা॒ত্য়ূর্গ্বা উ॑দু॒ম্বর॒ ঊর্জ॑মে॒বাস্মা॒ অপি॑ দধাতি প্র॒জাপ॑তির॒গ্নি-ম॑সৃজত॒ তগ্​ম্ সৃ॒ষ্টগ্​ম্ রক্ষাগ্॑- [সৃ॒ষ্টগ্​ম্ রক্ষাগ্​ম্॑সি, অ॒জি॒ঘা॒গ্​ম্॒স॒ন্​থ্স এ॒ত-] 51

-স্যজিঘাগ্​ম্স॒ন্​থ্স এ॒ত-দ্রা᳚ক্ষো॒ঘ্নম॑পশ্য়॒-ত্তেন॒ বৈ সরক্ষা॒গ্॒স্যপা॑-ঽহত॒ য-দ্রা᳚ক্ষো॒ঘ্ন-ম্ভব॑ত্য়॒গ্নেরে॒ব তেন॑ জা॒তা-দ্রক্ষা॒গ্॒স্যপ॑ হ॒ন্ত্য়াশ্ব॑ত্থী॒মা দ॑ধাত্যশ্ব॒ত্থো বৈ বন॒স্পতী॑নাগ্​ম্ সপত্নসা॒হো বিজি॑ত্য়ৈ॒ বৈক॑ঙ্কতী॒মা দ॑ধাতি॒ ভা এ॒বাব॑ রুন্ধে শমী॒ময়ী॒মা দ॑ধাতি॒ শান্ত্য়ৈ॒ সগ্​ম্শি॑ত-ম্মে॒ ব্রহ্মোদে॑ষা-ম্বা॒হূ অ॑তির॒মিত্য়ু॑ত্ত॒মে ঔদু॑ম্বরী [ঔদু॑ম্বরী, বা॒চ॒য়॒তি॒ ব্রহ্ম॑ণৈ॒ব] 52

বাচযতি॒ ব্রহ্ম॑ণৈ॒ব ক্ষ॒ত্রগ্​ম্ সগ্গ্​ শ্য়॑তি ক্ষ॒ত্রেণ॒ ব্রহ্ম॒ তস্মা᳚-দ্ব্রাহ্ম॒ণো রা॑জ॒ন্য়॑বা॒নত্য়॒ন্য়-ম্ব্রা᳚হ্ম॒ণ-ন্তস্মা᳚-দ্রাজ॒ন্য়ো᳚ ব্রাহ্ম॒ণবা॒নত্য়॒ন্য়গ্​ম্ রা॑জ॒ন্য়॑-ম্মৃ॒ত্য়ুর্বা এ॒ষ যদ॒গ্নির॒মৃত॒গ্​ম্॒ হির॑ণ্য়গ্​ম্ রু॒ক্মমন্ত॑র॒-ম্প্রতি॑মুঞ্চতে॒ ঽমৃত॑মে॒ব মৃ॒ত্য়োর॒ন্তর্ধ॑ত্ত॒ এক॑বিগ্​ম্শতিনির্বাধো ভব॒ত্য়েক॑বিগ্​ম্শতি॒র্বৈ দে॑বলো॒কা দ্বাদ॑শ॒ মাসাঃ॒ পঞ্চ॒র্তব॒স্ত্রয়॑ ই॒মে লো॒কা অ॒সাবা॑দি॒ত্য় [অ॒সাবা॑দি॒ত্য়ঃ, এ॒ক॒বি॒গ্​ম্॒শ এ॒তাব॑ন্তো॒ বৈ] 53

এ॑কবি॒গ্​ম্॒শ এ॒তাব॑ন্তো॒ বৈ দে॑বলো॒কাস্তেভ্য়॑ এ॒ব ভ্রাতৃ॑ব্যম॒ন্তরে॑তি নির্বা॒ধৈর্বৈ দে॒বা অসু॑রা-ন্নির্বা॒ধে॑-ঽকুর্বত॒ তন্নি॑র্বা॒ধানা᳚-ন্নির্বাধ॒ত্ব-ন্নি॑র্বা॒ধী ভ॑বতি॒ ভ্রাতৃ॑ব্য়ানে॒ব নি॑র্বা॒ধে কু॑রুতে সাবিত্রি॒য়া প্রতি॑মুঞ্চতে॒ প্রসূ᳚ত্য়ৈ॒ নক্তো॒ষাসেত্য়ুত্ত॑রয়া ঽহোরা॒ত্রাভ্য়া॑মে॒বৈন॒-মুদ্য়॑চ্ছতে দে॒বা অ॒গ্নি-ন্ধা॑রয়-ন্দ্রবিণো॒দা ইত্য়া॑হ প্রা॒ণা বৈ দে॒বা দ্র॑বিণো॒দা অ॑হোরা॒ত্রাভ্য়া॑মে॒বৈন॑মু॒দ্যত্য়॑ [ ] 54

প্রা॒ণৈর্দা॑ধা॒রা ঽঽসী॑নঃ॒ প্রতি॑মুঞ্চতে॒ তস্মা॒দাসী॑নাঃ প্র॒জাঃ প্রজা॑যন্তে কৃষ্ণাজি॒নমুত্ত॑র॒-ন্তেজো॒ বৈ হির॑ণ্য়॒-ম্ব্রহ্ম॑ কৃষ্ণাজি॒ন-ন্তেজ॑সা চৈ॒বৈন॒-ম্ব্রহ্ম॑ণা চোভ॒যতঃ॒ পরি॑গৃহ্ণাতি॒ ষডু॑দ্য়ামগ্​ম্ শি॒ক্য়॑-ম্ভবতি॒ ষড্বা ঋ॒তব॑ ঋ॒তুভি॑রে॒বৈন॒-মুদ্য়॑চ্ছতে॒ য-দ্দ্বাদ॑শোদ্য়ামগ্​ম্ সং​বঁথ্স॒রেণৈ॒ব মৌ॒ঞ্জ-ম্ভ॑ব॒ত্য়ূর্গ্বৈ মুঞ্জা॑ ঊ॒র্জৈবৈন॒গ্​ম্॒ স ম॑র্ধযতি সুপ॒র্ণো॑-ঽসি গ॒রুত্মা॒নিত্যবে᳚ক্ষতে রূ॒পমে॒বাস্য়ৈ॒তন্ম॑হি॒মানং॒-ব্য়াঁচ॑ষ্টে॒ দিব॑-ঙ্গচ্ছ॒ সুবঃ॑ প॒তেত্য়া॑হ সুব॒র্গমে॒বৈনং॑-লোঁ॒ক-ঙ্গ॑মযতি ॥ 55 ॥
(রক্ষা॒গ্॒স্য়ৌ - দু॑বংরি - আদি॒ত্য় - উ॒দ্যত্য়॒ - সং - চতু॑র্বিগ্​ম্শতিশ্চ) (অ. 10)

সমি॑দ্ধো অ॒ঞ্জন্ কৃদ॑র-ম্মতী॒না-ঙ্ঘৃ॒তম॑গ্নে॒ মধু॑ম॒-ত্পিন্ব॑মানঃ । বা॒জী বহ॑ন্ বা॒জিন॑-ঞ্জাতবেদো দে॒বানাং᳚-বঁক্ষি প্রি॒যমা স॒ধস্থ᳚ম্ ॥ ঘৃ॒তেনা॒ঞ্জন্​থ্স-ম্প॒থো দে॑ব॒য়ানা᳚-ন্প্রজা॒নন্ বা॒জ্যপ্য়ে॑তু দে॒বান্ । অনু॑ ত্বা সপ্তে প্র॒দিশ॑-স্সচন্তাগ্​ স্ব॒ধাম॒স্মৈ যজ॑মানায় ধেহি ॥ ঈড্য়॒শ্চাসি॒ বন্দ্য়॑শ্চ বাজিন্না॒শুশ্চাসি॒ মেদ্ধ্য়॑শ্চ সপ্তে । অ॒গ্নিষ্ট্বা॑ [অ॒গ্নিষ্ট্বা᳚, দে॒বৈর্বসু॑ভি-স্স॒জোষাঃ᳚] 56

দে॒বৈর্বসু॑ভি-স্স॒জোষাঃ᳚ প্রী॒তং-বঁহ্নিং॑-বঁহতু জা॒তবে॑দাঃ ॥ স্তী॒র্ণ-ম্ব॒র্॒হি-স্সু॒ষ্টরী॑মা জুষা॒ণোরু পৃ॒থু প্রথ॑মান-ম্পৃথি॒ব্য়াম্ । দে॒বেভি॑র্য়ু॒ক্তমদি॑তি-স্স॒জোষা᳚-স্স্য়ো॒ন-ঙ্কৃ॑ণ্বা॒না সু॑বি॒তে দ॑ধাতু ॥ এ॒তা উ॑ ব-স্সু॒ভগা॑ বি॒শ্বরূ॑পা॒ বিপক্ষো॑ভি॒-শ্শ্রয়॑মাণা॒ উদাতৈঃ᳚ । ঋ॒ষ্বা-স্স॒তীঃ ক॒বষ॒-শ্শুম্ভ॑মানা॒ দ্বারো॑ দে॒বী-স্সু॑প্রায়॒ণা ভ॑বন্তু ॥ অ॒ন্ত॒রা মি॒ত্রাবরু॑ণা॒ চর॑ন্তী॒ মুখং॑-য়ঁ॒জ্ঞানা॑ম॒ভি সং॑​বিঁদা॒নে । উ॒ষাসা॑ বাগ্​ম্ [উ॒ষাসা॑ বাম্, সু॒হি॒র॒ণ্য়ে সু॑শি॒ল্পে] 57

সুহির॒ণ্য়ে সু॑শি॒ল্পে ঋ॒তস্য়॒ যোনা॑বি॒হ সা॑দয়ামি ॥ প্র॒থ॒মা বাগ্​ম্॑ সর॒থিনা॑ সু॒বর্ণা॑ দে॒বৌ পশ্য়॑ন্তৌ॒ ভুব॑নানি॒ বিশ্বা᳚ । অপি॑প্রয়॒-ঞ্চোদ॑না বা॒-ম্মিমা॑না॒ হোতা॑রা॒ জ্য়োতিঃ॑ প্র॒দিশা॑ দি॒শন্তা᳚ ॥ আ॒দি॒ত্য়ৈর্নো॒ ভার॑তী বষ্টু য॒জ্ঞগ্​ম্ সর॑স্বতী স॒হ রু॒দ্রৈর্ন॑ আবীত্ । ইডোপ॑হূতা॒ বসু॑ভি-স্স॒জোষা॑ য॒জ্ঞ-ন্নো॑ দেবীর॒মৃতে॑ষু ধত্ত ॥ ত্বষ্টা॑ বী॒র-ন্দে॒বকা॑ম-ঞ্জজান॒ ত্বষ্টু॒রর্বা॑ জাযত আ॒শুরশ্বঃ॑ । 58

ত্বষ্টে॒দং-বিঁশ্ব॒-ম্ভুব॑ন-ঞ্জজান ব॒হোঃ ক॒র্তার॑মি॒হ য॑ক্ষি হোতঃ ॥ অশ্বো॑ ঘৃ॒তেন॒ ত্মন্য়া॒ সম॑ক্ত॒ উপ॑ দে॒বাগ্​ম্ ঋ॑তু॒শঃ পাথ॑ এতু । বন॒স্পতি॑-র্দেবলো॒ক-ম্প্র॑জা॒নন্ন॒গ্নিনা॑ হ॒ব্য়া স্ব॑দি॒তানি॑ বক্ষত্ ॥ প্র॒জাপ॑তে॒স্তপ॑সা বাবৃধা॒ন-স্স॒দ্য়ো জা॒তো দ॑ধিষে য॒জ্ঞম॑গ্নে । স্বাহা॑কৃতেন হ॒বিষা॑ পুরোগা যা॒হি সা॒দ্ধ্য়া হ॒বির॑দন্তু দে॒বাঃ ॥ 59 ॥
(অ॒গ্নিষ্ট্বা॑ - বা॒ - মশ্বো॒ - দ্বিচ॑ত্বারিগ্​ম্শচ্চ) (অ. 11)

(সা॒বি॒ত্রাণি॒ - ব্য়ৃ॑দ্ধ॒ - মুত্ক্রা॑ম - দে॒বস্য়॑ খনতি - ক্রূ॒রং -ঁবা॑রু॒ণঃ - স॒প্তভি॒ - রেক॑বিগ্​ম্শত্য়া - ষ॒ড্ভি - র্ন হ॑ স্ম॒ - সমি॑দ্ধো অ॒ঞ্জ - ন্নেকা॑দশ )

(সা॒বি॒ত্রা - ণ্য়ুত্ক্রা॑ম - ক্রূ॒রং -ঁবা॑রু॒ণঃ - প॒শব॑-স্স্য়ু॒ - র্ন হ॑ স্ম॒ - নব॑পঞ্চা॒শত্)

(সা॒বি॒ত্রাণি॑, হ॒বির॑দন্তু দে॒বাঃ)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে প্রথমঃ প্রশ্ন-স্সমাপ্তঃ ॥