কৃষ্ণ যজুর্বেদীয় তৈত্তিরীয় সংহিতায়া-ন্দ্বিতীযকাণ্ডে ষষ্ঠঃ প্রশ্নঃ - অবশিষ্টকর্মাভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

স॒মিধো॑ যজতি বস॒ন্তমে॒বর্তূ॒নামব॑ রুন্ধে॒ তনূ॒নপা॑তং-য়ঁজতি গ্রী॒ষ্মমে॒বাব॑ রুন্ধ ই॒ডো য॑জতি ব॒র্॒ষা এ॒বাব॑ রুন্ধে ব॒র্॒হির্য়॑জতি শ॒রদ॑মে॒বাব॑ রুন্ধে স্বাহাকা॒রং-য়ঁ॑জতি হেম॒ন্তমে॒বাব॑ রুন্ধে॒ তস্মা॒-থ্স্বাহা॑কৃতা॒ হেম॑-ন্প॒শবো-ঽব॑ সীদন্তি স॒মিধো॑ যজত্য়ু॒ষস॑ এ॒ব দে॒বতা॑না॒মব॑ রুন্ধে॒ তনূ॒নপা॑তং-য়ঁজতি য॒জ্ঞমে॒বাব॑ রুন্ধ [য়॒জ্ঞমে॒বাব॑ রুন্ধ, ই॒ডো য॑জতি] 1

ই॒ডো য॑জতি প॒শূনে॒বাব॑ রুন্ধে ব॒র্​হির্য়॑জতি প্র॒জামে॒বাব॑ রুন্ধে স॒মান॑যত উপ॒ভৃত॒স্তেজো॒ বা আজ্য়॑-ম্প্র॒জা ব॒র্॒হিঃ প্র॒জাস্বে॒ব তেজো॑ দধাতি স্বাহাকা॒রং-য়ঁ॑জতি॒ বাচ॑মে॒বাব॑ রুন্ধে॒ দশ॒ স-ম্প॑দ্যন্তে॒ দশা᳚ক্ষরা বি॒রাডন্নং॑-বিঁ॒রাড্বি॒রাজৈ॒ বান্নাদ্য়॒মব॑ রুন্ধে স॒মিধো॑ যজত্য়॒স্মিন্নে॒ব লো॒কে প্রতি॑তিষ্ঠতি॒ তনূ॒নপা॑তং-য়ঁজতি [ ] 2

য॒জ্ঞ এ॒বান্তরি॑ক্ষে॒ প্রতি॑ তিষ্ঠতী॒ডো য॑জতি প॒শুষ্বে॒ব প্রতি॑তিষ্ঠতি ব॒র॒ঃইর্য়॑জতি॒ য এ॒ব দে॑ব॒য়ানাঃ॒ পন্থা॑ন॒স্তেষ্বে॒ব প্রতি॑তিষ্ঠতি স্বাহাকা॒রং-য়ঁ॑জতি সুব॒র্গ এ॒ব লো॒কে প্রতি॑ তিষ্ঠত্য়ে॒তাব॑ন্তো॒ বৈ দে॑বলো॒কাস্তেষ্বে॒ব য॑থাপূ॒র্ব-ম্প্রতি॑তিষ্ঠতি দেবাসু॒রা এ॒ষু লো॒কেষ্ব॑স্পর্ধন্ত॒ তে দে॒বাঃ প্র॑য়া॒জৈরে॒ভ্য়ো লো॒কেভ্য়ো ঽসু॑রা॒-ন্প্রাণু॑দন্ত॒ ত-ত্প্র॑য়া॒জানা᳚- [ত-ত্প্র॑য়া॒জানা᳚ম্, প্র॒য়া॒জ॒ত্ব-] 3

-ম্প্রয়াজ॒ত্বং-য়ঁস্য়ৈ॒বং-বিঁ॒দুষঃ॑ প্রয়া॒জা ই॒জ্যন্তে॒ প্রৈভ্য়ো লো॒কেভ্য়ো॒ ভ্রাতৃ॑ব্য়ান্নুদতে ঽভি॒ক্রাম॑-ঞ্জুহোত্য়॒ভিজি॑ত্য়ৈ॒ যো বৈ প্র॑য়া॒জানা᳚-ম্মিথু॒নং-বেঁদ॒ প্র প্র॒জয়া॑ প॒শুভি॑ র্মিথু॒নৈ র্জা॑যতে স॒মিধো॑ ব॒হ্বীরি॑ব যজতি॒ তনূ॒নপা॑ত॒মেক॑মিব মিথু॒ন-ন্তদি॒ডো ব॒হ্বীরি॑ব যজতি ব॒র্॒হিরেক॑মিব মিথু॒ন-ন্তদে॒তদ্বৈ প্র॑য়া॒জানা᳚-ম্মিথু॒নং-য়ঁ এ॒বং-বেঁদ॒ প্র [ ] 4

প্র॒জয়া॑ প॒শুভি॑ র্মিথু॒নৈ র্জা॑যতে দে॒বানাং॒-বাঁ অনি॑ষ্টা দে॒বতা॒ আস॒ন্নথাসু॑রা য॒জ্ঞম॑জিঘাগ্​ম্ স॒-ন্তে দে॒বা গা॑য়॒ত্রীং-ব্য়ৌঁ॑হ॒-ন্পঞ্চা॒ক্ষরা॑ণি প্রা॒চীনা॑নি॒ ত্রীণি॑ প্রতী॒চীনা॑নি॒ ততো॒ বর্ম॑ য॒জ্ঞায়াভ॑ব॒দ্বর্ম॒ যজ॑মানায়॒ য-ত্প্র॑য়াজানূয়া॒জা ই॒জ্যন্তে॒ বর্মৈ॒ব তদ্য়॒জ্ঞায়॑ ক্রিযতে॒ বর্ম॒ যজ॑মানায়॒ ভ্রাতৃ॑ব্য়াভিভূত্য়ৈ॒ তস্মা॒-দ্বরূ॑থ-ম্পু॒রস্তা॒-দ্বর্​ষী॑য়ঃ প॒শ্চাদ্ধ্রসী॑য়ো দে॒বা বৈ পু॒রা রক্ষো᳚ভ্য়॒ [পু॒রা রক্ষো᳚ভ্য়ঃ, ইতি॑ স্বাহাকা॒রেণ॑] 5

ইতি॑ স্বাহাকা॒রেণ॑ প্রয়া॒জেষু॑ য॒জ্ঞগ্​ম্ স॒গ্গ্॒স্থাপ্য়॑মপশ্য়॒-ন্তগ্গ্​ স্বা॑হাকা॒রেণ॑ প্রয়া॒জেষু॒ সম॑স্থাপয়॒ন্ বি বা এ॒ত-দ্য়॒জ্ঞ-ঞ্ছি॑ন্দন্তি॒ য-থ্স্বা॑হাকা॒রেণ॑ প্রয়া॒জেষু॑ সগ্গ্​স্থা॒পয়॑ন্তি প্রয়া॒জানি॒ষ্ট্বা হ॒বীগ্​ষ্য়॒ভি ঘা॑রযতি য॒জ্ঞস্য়॒ সন্ত॑ত্য়া॒ অথো॑ হ॒বিরে॒বাক॒রথো॑ যথাপূ॒র্বমুপৈ॑তি পি॒তা বৈ প্র॑য়া॒জাঃ প্র॒জা-ঽনূ॑য়া॒জা য-ত্প্র॑য়া॒জানি॒ষ্ট্বা হ॒বীগ্​ষ্য়॑ভিঘা॒রয়॑তি পি॒তৈব ত-ত্পু॒ত্রেণ॒ সাধা॑রণ- [সাধা॑রণম্, কু॒রু॒তে॒ তস্মা॑দাহু॒-] 6

-ঙ্কুরুতে॒ তস্মা॑দাহু॒-র্যশ্চৈ॒বং-বেঁদ॒ যশ্চ॒ ন ক॒থা পু॒ত্রস্য়॒ কেব॑ল-ঙ্ক॒থা সাধা॑রণ-ম্পি॒তুরিত্যস্ক॑ন্নমে॒ব তদ্য়-ত্প্র॑য়া॒জেষ্বি॒ষ্টেষু॒ স্কন্দ॑তি গায়॒ত্র্য়ে॑ব তেন॒ গর্ভ॑-ন্ধত্তে॒ সা প্র॒জা-ম্প॒শূন্. যজ॑মানায়॒ প্রজ॑নযতি ॥ 7 ॥
(য়॒জ॒তি॒ য॒জ্ঞামে॒বাব॑ রুন্ধে॒ - তনূ॒নপা॑তং-য়ঁজতি - প্রয়া॒জানা॑ ট্ট মে॒বং-বেঁদ॒ প্র - রক্ষো᳚ভ্য়ঃ॒ - সাধা॑রণং॒ - পঞ্চ॑ত্রিগ্​ম্শচ্চ ) (অ. 1)

চক্ষু॑ষী॒ বা এ॒তে য॒জ্ঞস্য়॒ যদাজ্য়॑ভাগৌ॒ যদাজ্য়॑ভাগৌ॒ যজ॑তি॒ চক্ষু॑ষী এ॒ব ত-দ্য়॒জ্ঞস্য়॒ প্রতি॑ দধাতি পূর্বা॒র্ধে জু॑হোতি॒ তস্মা᳚-ত্পূর্বা॒র্ধে চক্ষু॑ষী প্র॒বাহু॑গ্-জুহোতি॒ তস্মা᳚-ত্প্র॒বাহু॒ক্চক্ষু॑ষী দেবলো॒কং-বাঁ অ॒গ্নিনা॒ যজ॑মা॒নো-ঽনু॑ পশ্যতি পিতৃলো॒কগ্​ম্ সোমে॑নোত্তরা॒র্ধে᳚ ঽগ্নয়ে॑ জুহোতি দক্ষিণা॒র্ধে সোমা॑য়ৈ॒বমি॑ব॒ হীমৌ লো॒কাব॒নয়ো᳚ র্লো॒কয়ো॒রনু॑খ্য়াত্য়ৈ॒ রাজা॑নৌ॒ বা এ॒তৌ দে॒বতা॑নাং॒- [দে॒বতা॑নাম্, যদ॒গ্নীষোমা॑বন্ত॒রা] 8

ঁযদ॒গ্নীষোমা॑বন্ত॒রা দে॒বতা॑ ইজ্য়েতে দে॒বতা॑নাং॒-বিঁধৃ॑ত্য়ৈ॒ তস্মা॒-দ্রাজ্ঞা॑ মনু॒ষ্য়া॑ বিধৃ॑তা ব্রহ্মবা॒দিনো॑ বদন্তি॒ কি-ন্ত-দ্য়॒জ্ঞে যজ॑মানঃ কুরুতে॒ যেনা॒ন্যতো॑দতশ্চ প॒শূ-ন্দা॒ধা-রো॑ভ॒যতো॑দত॒-শ্চেত্য়ৃচ॑-ম॒নূচ্য়া ঽঽজ্য়॑ভাগস্য় জুষা॒ণেন॑ যজতি॒ তেনা॒ন্যতো॑দতো দাধা॒রর্চ॑ম॒নূচ্য়॑ হ॒বিষ॑ ঋ॒চা য॑জতি॒ তেনো॑ভ॒যতো॑দতো দাধার মূর্ধ॒ন্বতী॑ পুরো-ঽনুবা॒ক্য়া॑ ভবতি মূ॒র্ধান॑মে॒বৈনগ্​ম্॑ সমা॒নানা᳚-ঙ্করোতি [ ] 9

নি॒য়ুত্ব॑ত্য়া যজতি॒ ভ্রাতৃ॑ব্যস্য়ৈ॒ব প॒শূ-ন্নি যু॑বতে কে॒শিনগ্​ম্॑হ দা॒র্ভ্য়-ঙ্কে॒শী সাত্য়॑কামিরুবাচ স॒প্তপ॑দা-ন্তে॒ শক্ব॑রী॒গ্॒ শ্বো য॒জ্ঞে প্র॑য়ো॒ক্তাসে॒ যস্য়ৈ॑ বী॒র্য়ে॑ণ॒ প্র জা॒তা-ন্ভ্রাতৃ॑ব্য়ান্নু॒দতে॒ প্রতি॑ জনি॒ষ্যমা॑ণা॒ন্॒. যস্য়ৈ॑ বী॒র্য়ে॑ণো॒ভয়ো᳚ র্লো॒কয়ো॒ র্জ্য়োতি॑ র্ধ॒ত্তে যস্য়ৈ॑ বী॒র্য়ে॑ণ পূর্বা॒র্ধেনা॑ন॒ড্বা-ন্ভু॒নক্তি॑ জঘনা॒র্ধেন॑ ধে॒নুরিতি॑ পু॒রস্তা᳚ল্লক্ষ্মা পুরো-ঽনুবা॒ক্য়া॑ ভবতি জা॒তানে॒ব ভ্রাতৃ॑ব্য়া॒-ন্প্রণু॑দত উ॒পরি॑ষ্টাল্লক্ষ্মা [ ] 10

যা॒জ্য়া॑ জনি॒ষ্যমা॑ণানে॒ব প্রতি॑নুদতে পু॒রস্তা᳚ল্লক্ষ্মা পুরো-ঽনুবা॒ক্য়া॑ ভবত্য়॒স্মিন্নে॒ব লো॒কে জ্য়োতি॑র্ধত্ত উ॒পরি॑ষ্টাল্লক্ষ্মা যা॒জ্য়া॑-ঽমুষ্মি॑ন্নে॒ব লো॒কে জ্য়োতি॑র্ধত্তে॒ জ্য়োতি॑ষ্মন্তাবস্মা ই॒মৌ লো॒কৌ ভ॑বতো॒ য এ॒বং-বেঁদ॑ পু॒রস্তা᳚ল্লক্ষ্মা পুরো-ঽনুবা॒ক্য়া॑ ভবতি॒ তস্মা᳚-ত্পূর্বা॒র্ধেনা॑ন॒ড্বা-ন্ভু॑নক্ত্য়ু॒পরি॑ষ্টাল্লক্ষ্মা যা॒জ্য়া॑ তস্মা᳚জ্জঘনা॒র্ধেন॑ ধে॒নুর্য় এ॒বং-বেঁদ॑ ভু॒ঙ্ক্ত এ॑নমে॒তৌ বজ্র॒ আজ্য়ং॒-বঁজ্র॒ আজ্য়॑ভাগৌ॒ [আজ্য়॑ভাগৌ॒, বজ্রো॑] 11

বজ্রো॑ বষট্কা॒রস্ত্রি॒বৃত॑মে॒ব বজ্রগ্​ম্॑ স॒ম্ভৃত্য়॒ ভ্রাতৃ॑ব্য়ায়॒ প্র হ॑র॒ত্যচ্ছ॑ম্বট্কার-মপ॒গূর্য়॒ বষ॑ট্করোতি॒ স্তৃত্য়ৈ॑ গায়॒ত্রী পু॑রো-ঽনুবা॒ক্য়া॑ ভবতি ত্রি॒ষ্টুগ্ যা॒জ্য়া᳚ ব্রহ্ম॑ন্নে॒ব ক্ষ॒ত্রম॒ন্বার॑-ম্ভযতি॒ তস্মা᳚দ্ব্রাহ্ম॒ণো মুখ্য়ো॒ মুখ্য়ো॑ ভবতি॒ য এ॒বং-বেঁদ॒ প্রৈবৈন॑-ম্পুরো-ঽনুবা॒ক্য়॑য়া ঽঽহ॒ প্রণ॑যতি যা॒জ্য়॑য়া গ॒ময়॑তি বষট্কা॒রেণৈবৈন॑-ম্পুরো-ঽনুবা॒ক্য়॑য়া দত্তে॒ প্রয়॑চ্ছতি যা॒জ্য়॑য়া॒ প্রতি॑ [য়া॒জ্য়॑য়া॒ প্রতি॑, ব॒ষ॒ট্কা॒রেণ॑] 12

বষট্কা॒রেণ॑ স্থাপযতি ত্রি॒পদা॑ পুরো-ঽনুবা॒ক্য়া॑ ভবতি॒ ত্রয়॑ ই॒মে লো॒কা এ॒ষ্বে॑ব লো॒কেষু॒ প্রতি॑তিষ্ঠতি॒ চতু॑ষ্পদা যা॒জ্য়া॑ চতু॑ষ্পদ এ॒ব প॒শূনব॑ রুন্ধে দ্ব্যক্ষ॒রো ব॑ষট্কা॒রো দ্বি॒পা-দ্যজ॑মানঃ প॒শুষ্বে॒বোপরি॑ষ্টা॒-ত্প্রতি॑তিষ্ঠতি গায়॒ত্রী পু॑রো-ঽনুবা॒ক্য়া॑ ভবতি ত্রি॒ষ্টুগ্ যা॒জ্য়ৈ॑ষা বৈ স॒প্তপ॑দা॒ শক্ব॑রী॒ যদ্বা এ॒তয়া॑ দে॒বা অশি॑ক্ষ॒-ন্তদ॑শক্নুব॒ন্॒. য এ॒বং-বেঁদ॑ শ॒ক্নোত্য়ে॒ব যচ্ছিক্ষ॑তি ॥ 13 ॥
(দে॒বতা॑নাং - করোত্য়ু॒ - পরি॑ষ্টাল্ল॒ক্ষ্মা - ঽঽজ্য়॑ভাগৌ॒ - প্রতি॑ - শ॒ক্রোত্য়ে॒ব - দ্বে চ॑ ) (অ. 2)

প্র॒জাপ॑তি র্দে॒বেভ্য়ো॑ য॒জ্ঞান্ ব্য়াদি॑শ॒-থ্স আ॒ত্মন্নাজ্য়॑মধত্ত॒ ত-ন্দে॒বা অ॑ব্রুবন্নে॒ষ বাব য॒জ্ঞো যদাজ্য়॒মপ্য়ে॒ব নো-ঽত্রা॒স্ত্বিতি॒ সো᳚-ঽব্রবী॒-দ্যজান্॑ ব॒ আজ্য়॑ভাগা॒বুপ॑ স্তৃণান॒ভি ঘা॑রয়া॒নিতি॒ তস্মা॒-দ্যজ॒ন্ত্য়া-জ্য়॑ভাগা॒বুপ॑ স্তৃণন্ত্য়॒ভি ঘা॑রযন্তি ব্রহ্মবা॒দিনো॑ বদন্তি॒ কস্মা᳚-থ্স॒ত্য়া-দ্য়া॒তয়া॑মান্য়॒ন্য়ানি॑ হ॒বীগ্​-ষ্যয়া॑তয়াম॒-মাজ্য়॒মিতি॑ প্রাজাপ॒ত্য়- [প্রাজাপ॒ত্যম্, ইতি॑] 14

-মিতি॑ ব্রূয়া॒দয়া॑তয়ামা॒ হি দে॒বানা᳚-ম্প্র॒জাপ॑তি॒রিতি॒ ছন্দাগ্​ম্॑সি দে॒বেভ্য়ো-ঽপা᳚ক্রাম॒-ন্ন বো॑-ঽভা॒গানি॑ হ॒ব্য়ং-বঁ॑ক্ষ্য়াম॒ ইতি॒ তেভ্য়॑ এ॒ত-চ্চ॑তুরব॒ত্ত-ম॑ধারয়-ন্পুরো-ঽনুবা॒ক্য়া॑য়ৈ যা॒জ্য়া॑য়ৈ দে॒বতা॑য়ৈ বষট্কা॒রায়॒ যচ্চ॑তুরব॒ত্ত-ঞ্জু॒হোতি॒ ছন্দাগ্॑স্য়ে॒ব ত-ত্প্রী॑ণাতি॒ তান্য়॑স্য় প্রী॒তানি॑ দে॒বেভ্য়ো॑ হ॒ব্য়ং-বঁ॑হ॒ন্ত্যঙ্গি॑রসো॒ বা ই॒ত উ॑ত্ত॒মা-স্সু॑ব॒র্গং-লোঁ॒কমা॑য়॒-ন্তদৃষ॑য়ো যজ্ঞবা॒স্ত্ব॑ভ্য়॒বায়॒-ন্তে॑- [যজ্ঞবা॒স্ত্ব॑ভ্য়॒বায়॒-ন্তে, অ॒প॒শ্য়॒-ন্পু॒রো॒ডাশ॑-] 15

-ঽপশ্য়-ন্পুরো॒ডাশ॑-ঙ্কূ॒র্ম-ম্ভূ॒তগ্​ম্ সর্প॑ন্ত॒-ন্তম॑ব্রুব॒ন্নিন্দ্রা॑য় ধ্রিযস্ব॒ বৃ॒হস্পত॑য়ে ধ্রিযস্ব॒ বিশ্বে᳚ভ্য়ো দে॒বেভ্য়ো᳚ ধ্রিয়॒স্বেতি॒ স নাদ্ধ্রি॑যত॒ তম॑ব্রুবন্ন॒গ্নয়ে᳚ ধ্রিয়॒স্বেতি॒ সো᳚-ঽগ্নয়ে᳚-ঽদ্ধ্রিযত॒ যদা᳚গ্নে॒য়ো᳚- ঽষ্টাক॑পালো- ঽমাবা॒স্য়া॑য়া-ঞ্চ পৌর্ণমা॒স্য়া-ঞ্চা᳚চ্য়ু॒তো ভব॑তি সুব॒র্গস্য়॑ লো॒কস্য়া॒ভিজি॑ত্য়ৈ॒ তম॑ব্রুবন্ ক॒থা-ঽহা᳚স্থা॒ ইত্যনু॑পাক্তো ঽভূব॒মিত্য়॑ব্রবী॒-দ্যথা-ঽক্ষো-ঽনু॑পাক্তো॒- [-ঽনু॑পাক্তঃ, অ॒বার্চ্ছ॑ত্য়ে॒ব-] 16

-ঽবার্চ্ছ॑ত্য়ে॒ব-মবা॑-ঽঽর॒মিত্য়ু॒পরি॑ষ্টা-দ॒ভ্যজ্য়া॒ধস্তা॒-দুপা॑নক্তি সুব॒র্গস্য়॑ লো॒কস্য়॒ সম॑ষ্​ট্য়ৈ॒ সর্বা॑ণি ক॒পালা᳚ন্য়॒ভি প্র॑থযতি॒ তাব॑তঃ পুরো॒ডাশা॑ন॒মুষ্মি॑ন্ ঁলো॒কে॑-ঽভি জ॑যতি॒ যো বিদ॑গ্ধ॒-স্স নৈ॑র্-ঋ॒তো যো-ঽশৃ॑ত॒-স্স রৌ॒দ্রো য-শ্শৃ॒ত-স্স সদে॑ব॒স্তস্মা॒দবি॑দহতা শৃত॒কৃন্ত্য়॑-স্সদেব॒ত্বায়॒ ভস্ম॑না॒-ঽভি বা॑সযতি॒ তস্মা᳚ন্মা॒গ্​ম্॒ সেনাস্থি॑ ছ॒ন্নং-বেঁ॒দেনা॒ভি বা॑সযতি॒ তস্মা॒- [তস্মা᳚ত্, কেশৈ॒-] 17

-ত্কেশৈ॒-শ্শির॑-শ্ছ॒ন্ন-ম্প্রচ্য়ু॑তং॒-বাঁ এ॒তদ॒স্মা-ল্লো॒কাদগ॑ত-ন্দেবলো॒কং-য়ঁচ্ছৃ॒তগ্​ম্ হ॒বিরন॑ভিঘারিত-মভি॒ঘার্য়ো-দ্বা॑সযতি দেব॒ত্রৈবৈন॑-দ্গমযতি॒ যদ্য়েক॑-ঙ্ক॒পাল॒-ন্নশ্য়ে॒দেকো॒ মাস॑-স্সং​বঁথ্স॒রস্য়ান॑বেত॒-স্স্য়াদথ॒ যজ॑মানঃ॒ প্রমী॑য়েত॒ য-দ্দ্বে নশ্য়ে॑তা॒-ন্দ্বৌ মাসৌ॑ সং​বঁথ্স॒রস্য়ান॑বেতৌ॒ স্য়াতা॒মথ॒ যজ॑মানঃ॒ প্রমী॑য়েত স॒ঙ্খ্য়ায়ো-দ্বা॑সযতি॒ যজ॑মানস্য় [যজ॑মানস্য়, গো॒পী॒থায়॒ যদি॒] 18

গোপী॒থায়॒ যদি॒ নশ্য়ে॑দাশ্বি॒ন-ন্দ্বি॑কপা॒ল-ন্নির্ব॑পে-দ্দ্য়াবাপৃথি॒ব্য়॑- মেক॑কপালম॒শ্বিনৌ॒ বৈ দে॒বানা᳚-ম্ভি॒ষজৌ॒ তাভ্য়া॑মে॒বাস্মৈ॑ ভেষ॒জ-ঙ্ক॑রোতি দ্য়াবাপৃথি॒ব্য়॑ এক॑কপালো ভবত্য়॒নয়ো॒র্বা এ॒তন্ন॑শ্যতি॒ যন্নশ্য়॑- ত্য়॒নয়ো॑রে॒বৈন॑-দ্বিন্দতি॒ প্রতি॑ষ্ঠিত্য়ৈ ॥ 19 ॥
(প্র॒জা॒প॒ত্য়ং - তে - ঽক্ষো-ঽনু॑পাক্তো - বে॒দেনা॒ভি বা॑সযতি॒ তস্মা॒--দ্যজ॑মানস্য়॒ - দ্বাত্রিগ্​ম্॑শচ্চ) (অ. 3)

দে॒বস্য়॑ ত্বা সবি॒তুঃ প্র॑স॒ব ইতি॒ স্ফ্যমা দ॑ত্তে॒ প্রসূ᳚ত্য়া অ॒শ্বিনো᳚ র্বা॒হুভ্য়া॒মিত্য়া॑হা॒-শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚-ম্পূ॒ষ্ণো হস্তা᳚ভ্য়া॒মিত্য়া॑হ॒ যত্য়ৈ॑ শ॒তভৃ॑ষ্টিরসি বানস্প॒ত্য়ো দ্বি॑ষ॒তো ব॒ধ ইত্য়া॑হ॒ বজ্র॑মে॒ব ত-থ্সগ্গ্​শ্য়॑তি॒ ভ্রাতৃ॑ব্য়ায় প্রহরি॒ষ্যন্-থ্স্ত॑ম্ব য॒জুর্-হ॑রত্য়ে॒তাব॑তী॒ বৈ পৃ॑থি॒বী যাব॑তী॒ বেদি॒স্তস্য়া॑ এ॒তাব॑ত এ॒ব ভ্রাতৃ॑ব্য়॒-ন্নির্ভ॑জতি॒ [-নির্ভ॑জতি॒, তস্মা॒ন্নাভা॒গ-] 20

তস্মা॒ন্নাভা॒গ-ন্নির্ভ॑জন্তি॒ ত্রির্​হ॑রতি॒ ত্রয়॑ ই॒মে লো॒কা এ॒ভ্য় এ॒বৈনং॑-লোঁ॒কেভ্য়ো॒ নির্ভ॑জতি তূ॒ষ্ণী-ঞ্চ॑তু॒র্থগ্​ম্ হ॑র॒ত্যপ॑রিমিতাদে॒বৈন॒-ন্নির্ভ॑জ॒ত্য়ুদ্ধ॑ন্তি॒ যদে॒বাস্য়া॑ অমে॒দ্ধ্য়-ন্তদপ॑ হ॒ন্ত্য়ুদ্ধ॑ন্তি॒ তস্মা॒দোষ॑ধয়ঃ॒ পরা॑ ভবন্তি॒ মূল॑-ঞ্ছিনত্তি॒ ভ্রাতৃ॑ব্যস্য়ৈ॒ব মূল॑-ঞ্ছিনত্তি পিতৃদেব॒ত্য়া-ঽতি॑খা॒তেয়॑তী-ঙ্খনতি প্র॒জাপ॑তিনা [প্র॒জাপ॑তিনা, যজ্ঞমু॒খেন॒ সম্মি॑তা॒মা] 21

যজ্ঞমু॒খেন॒ সম্মি॑তা॒মা প্র॑তি॒ষ্ঠায়ৈ॑ খনতি॒ যজ॑মানমে॒ব প্র॑তি॒ষ্ঠা-ঙ্গ॑মযতি দক্ষিণ॒তো বর্​ষী॑যসী-ঙ্করোতি দেব॒যজ॑নস্য়ৈ॒ব রূ॒পম॑কঃ॒ পুরী॑ষবতী-ঙ্করোতি প্র॒জাবৈ প॒শবঃ॒ পুরী॑ষ-ম্প্র॒জয়ৈ॒বৈন॑-ম্প॒শুভিঃ॒ পুরী॑ষবন্ত-ঙ্করো॒ত্য়ুত্ত॑র-ম্পরিগ্রা॒হ-ম্পরি॑ গৃহ্ণাত্য়ে॒তাব॑তী॒ বৈ পৃ॑থি॒বী যাব॑তী॒ বেদি॒স্তস্য়া॑ এ॒তাব॑ত এ॒ব ভ্রাতৃ॑ব্য়-ন্নি॒র্ভজ্য়া॒-ঽঽত্মন॒ উত্ত॑র-ম্পরিগ্রা॒হ-ম্পরি॑গৃহ্ণাতি ক্রূ॒রমি॑ব॒ বা [ক্রূ॒রমি॑ব॒ বৈ, এ॒ত-ত্ক॑রোতি॒] 22

এ॒ত-ত্ক॑রোতি॒ যদ্বেদি॑-ঙ্ক॒রোতি॒ ধা অ॑সি স্ব॒ধা অ॒সীতি॑ যোয়ুপ্যতে॒ শান্ত্য়ৈ॒ প্রোক্ষ॑ণী॒রা সা॑দয়॒ত্য়াপো॒ বৈ র॑ক্ষো॒ঘ্নী রক্ষ॑সা॒মপ॑হত্য়ৈ॒ স্ফ্যস্য়॒বর্ত্মন্᳚-থ্সাদযতি য॒জ্ঞস্য়॒ সন্ত॑ত্য়ৈ॒য়-ন্দ্বি॒ষ্য়া-ত্ত-ন্ধ্য়া॑য়েচ্ছু॒চৈবৈন॑মর্পযতি ॥ 23 ॥
(ভ॒জ॒তি॒ - প্র॒জাপ॑তিনে- ব॒ বৈ - ত্রয়॑স্ত্রিগ্​ম্শচ্চ) (অ. 4)

ব্র॒হ্ম॒বা॒দিনো॑ বদন্ত্য়॒দ্ভির্-হ॒বীগ্​ম্ষি॒ প্রৌক্ষীঃ॒ কেনা॒প ইতি॒ ব্রহ্ম॒ণেতি॑ ব্রূয়াদ॒দ্ভির্-হ্য়ে॑ব হ॒বীগ্​ম্ষি॑ প্রো॒ক্ষতি॒ ব্রহ্ম॑ণা॒-ঽপ ই॒দ্ধ্মাব॒র্॒হিঃ প্রোক্ষ॑তি॒ মেদ্ধ্য়॑মে॒বৈন॑-ত্করোতি॒ বেদি॒-ম্প্রোক্ষ॑ত্য়ৃ॒ক্ষা বা ॒ষা-ঽলো॒মকা॑-ঽমে॒দ্ধ্য়া য-দ্বেদি॒র্মেদ্ধ্য়া॑-মে॒বৈনা᳚-ঙ্করোতি দি॒বে ত্বা॒-ঽন্তরি॑ক্ষায় ত্বা পৃথি॒ব্য়ৈ ত্বেতি॑ ব॒র্॒​হি-রা॒সাদ্য়॒ প্রো- [ব॒র্॒​হি-রা॒সাদ্য়॒ প্র, উক্ষ॑ত্য়ে॒ভ্য়] 24

-ক্ষ॑ত্য়ে॒ভ্য় এ॒বৈন॑ল্লো॒কেভ্য়ঃ॒ প্রোক্ষ॑তি ক্রূ॒রমি॑ব॒ বা এ॒ত-ত্ক॑রোতি॒ য-ত্খন॑ত্য়॒পো নিন॑যতি॒ শান্ত্য়ৈ॑ পু॒রস্তা᳚-ত্প্রস্ত॒র-ঙ্গৃ॑হ্ণাতি॒ মুখ্য়॑মে॒বৈন॑-ঙ্করো॒তীয়॑ন্ত-ঙ্গৃহ্ণাতি প্র॒জাপ॑তিনা যজ্ঞমু॒খেন॒ সম্মি॑ত-ম্ব॒র্॒হি-স্স্তৃ॑ণাতি প্র॒জা বৈ ব॒র্॒হিঃ পৃ॑থি॒বী বেদিঃ॑ প্র॒জা এ॒ব পৃ॑থি॒ব্য়া-ম্প্রতি॑ষ্ঠাপয়॒ত্যন॑তিদৃশ্ঞগ্গ্​ স্তৃণাতি প্র॒জয়ৈ॒বৈন॑-ম্প॒শুভি॒-রন॑তিদৃশ্ঞ-ঙ্করো॒- [-রন॑তিদৃশ্ঞ-ঙ্করোতি, উত্ত॑র-ম্ব॒র্॒হিষঃ॑] 25

-ত্য়ুত্ত॑র-ম্ব॒র্॒হিষঃ॑ প্রস্ত॒রগ্​ম্ সা॑দযতি প্র॒জা বৈ ব॒র্॒হি র্যজ॑মানঃ প্রস্ত॒রোযজ॑মান-মে॒বায়॑জমানা॒-দুত্ত॑র-ঙ্করোতি॒ তস্মা॒-দ্যজ॑মা॒নো-ঽয়॑জমানা॒দুত্ত॑রো॒-ঽন্তর্দ॑ধাতি॒ ব্য়াবৃ॑ত্ত্য়া অ॒নক্তি॑ হ॒বিষ্কৃ॑তমে॒বৈনগ্​ম্॑ সুব॒র্গং-লোঁ॒ক-ঙ্গ॑মযতিত্রে॒ধা-ঽন॑ক্তি॒ ত্রয়॑ ই॒মে লো॒কা এ॒ভ্য় এ॒বৈনং॑-লোঁ॒কেভ্য়ো॑-ঽনক্তি॒ ন প্রতি॑ শৃণাতি॒য়-ত্প্র॑তিশৃণী॒য়াদনূ᳚র্ধ্ব-ম্ভাবুকং॒-য়ঁজ॑মানস্য় স্য়াদু॒পরী॑ব॒ প্র হ॑র- [প্র হ॑রতি, উ॒পরী॑ব॒ হি] 26

-ত্য়ু॒পরী॑ব॒ হি সু॑ব॒র্গো লো॒কো নিয়॑চ্ছতি॒ বৃষ্টি॑মে॒বাস্মৈ॒ নিয়॑চ্ছতি॒ নাত্য়॑গ্র॒-ম্প্র হ॑রে॒দ্যদত্য়॑গ্র-ম্প্র॒হরে॑দ-ত্য়াসা॒রিণ্য়॑দ্ধ্ব॒র্য়ো-র্নাশু॑কা স্য়া॒ন্ন পু॒রস্তা॒-ত্প্রত্য়॑স্য়ে॒দ্য়-ত্পু॒রস্তা᳚-ত্প্র॒ত্যস্য়ে᳚-থ্সুব॒র্গাল্লো॒কা-দ্যজ॑মান॒-ম্প্রতি॑ নুদে॒-ত্প্রাঞ্চ॒-ম্প্রহ॑রতি॒ যজ॑মানমে॒ব সু॑ব॒র্গং-লোঁ॒ক-ঙ্গ॑মযতি॒ ন বিষ্ব॑ঞ্চং॒-বিঁ যু॑য়া॒-দ্য়-দ্বিষ্ব॑ঞ্চং-বিঁয়ু॒য়া- [-বিয়ু॒য়াত্, স্ত্র্য়॑স্য় জায়েতো॒র্ধ্ব-] 27

-থ্স্ত্র্য়॑স্য় জায়েতো॒র্ধ্ব-মুদ্য়ৌ᳚ত্য়ূ॒র্ধ্বমি॑ব॒ হি পু॒গ্​ম্॒সঃ পুমা॑নে॒বাস্য়॑ জাযতে॒ য-থ্স্ফ্য়েন॑ বোপবে॒ষেণ॑ বা যোয়ু॒প্য়েত॒ স্তৃতি॑রে॒বাস্য়॒ সা হস্তে॑ন যোয়ুপ্যতে॒ যজ॑মানস্য় গোপী॒থায়॑ ব্রহ্মবা॒দিনো॑ বদন্তি॒ কিং-য়ঁ॒জ্ঞস্য়॒ যজ॑মান॒ ইতি॑ প্রস্ত॒র ইতি॒ তস্য়॒ ক্ব॑ সুব॒র্গো লো॒ক ইত্য়া॑হব॒নীয়॒ ইতি॑ ব্রূয়া॒দ্য়-ত্প্র॑স্ত॒রমা॑হব॒নীয়ে᳚ প্র॒হর॑তি॒ যজ॑মানমে॒ব [যজ॑মানমে॒ব, সু॒ব॒র্গং-লোঁ॒ক-ঙ্গ॑মযতি॒] 28

সু॑ব॒র্গং-লোঁ॒ক-ঙ্গ॑মযতি॒ বি বা এ॒ত-দ্যজ॑মানো লিশতে॒ য-ত্প্র॑স্ত॒রং-য়োঁ॑য়ু॒প্যন্তে॑ ব॒র্॒হিরনু॒ প্রহ॑রতি॒ শান্ত্য়া॑ অনারম্ভ॒ণ ই॑ব॒ বা এ॒তর্​হ্য়॑দ্ধ্ব॒র্য়ু-স্স ঈ᳚শ্ব॒রো বে॑প॒নো ভবি॑তোর্ধ্রু॒বা ঽসীতী॒মাম॒ভি মৃ॑শতী॒য়ং-বৈঁ ধ্রু॒বা-ঽস্য়ামে॒ব প্রতি॑তিষ্ঠতি॒ ন বে॑প॒নো ভ॑ব॒ত্যগা(3)ন॑গ্নী॒দিত্য়া॑হ॒ যদ্ব্রূ॒য়াদ-গ॑ন্ন॒গ্নিরিত্য়॒ -গ্নাব॒গ্নি-ঙ্গ॑ময়ে॒ন্নি র্যজ॑মানগ্​ম্ সুব॒র্গাল্লো॒কা-দ্ভ॑জে॒দগ॒ন্নিত্য়ে॒ব ব্রূ॑য়া॒-দ্যজ॑মানমে॒ব সু॑ব॒র্গং-লোঁ॒ক-ঙ্গ॑মযতি ॥ 29 ॥
(আ॒সাদ্য়॒ প্রা - ন॑তিদৃশ্ঞ-ঙ্করোতি - হরতি - বিয়ু॒য়া--দ্যজ॑মানমে॒বা-ঽগ্নিরিতি॑ - স॒প্তদ॑শ চ ) (অ. 5)

অ॒গ্নেস্ত্রয়ো॒ জ্য়ায়াগ্​ম্॑সো॒ ভ্রাত॑র আস॒-ন্তে দে॒বেভ্য়ো॑ হ॒ব্য়ং-বঁহ॑ন্তঃ॒ প্রামী॑যন্ত॒ সো᳚-ঽগ্নির॑বিভেদি॒ত্থং-বাঁব স্য় আর্তি॒মা-ঽরি॑ষ্য়॒তীতি॒ স নিলা॑যত॒ সো॑-ঽপঃ প্রাবি॑শ॒-ত্ত-ন্দে॒বতাঃ॒ প্রৈষ॑মৈচ্ছ॒-ন্ত-ম্মথ্স্য়ঃ॒ প্রাব্র॑বী॒-ত্তম॑শপদ্ধি॒য়াধি॑য়া ত্বা বদ্ধ্য়াসু॒র্য়ো মা॒ প্রাবো॑চ॒ ইতি॒ তস্মা॒ন্মথ্স্য়॑-ন্ধি॒য়াধি॑য়া ঘ্নন্তি শ॒প্তো [শ॒প্তঃ, হি] 30

হি তমন্ব॑বিন্দ॒-ন্তম॑ ব্রুব॒ন্নুপ॑ ন॒ আ ব॑র্তস্ব হ॒ব্য়-ন্নো॑ ব॒হেতি॒ সো᳚-ঽব্রবী॒দ্বরং॑-বৃঁণৈ॒ যদে॒ব গৃ॑হী॒তস্য়াহু॑তস্যবহিঃ পরি॒ধি স্কন্দা॒-ত্তন্মে॒ ভ্রাতৃ॑ণা-ম্ভাগ॒ধেয়॑মস॒দিতি॒ তস্মা॒দ্য়-দ্গৃ॑হী॒তস্য়াহু॑তস্য় বহিঃ পরি॒ধি স্কন্দ॑তি॒ তেষা॒-ন্ত-দ্ভা॑গ॒ধেয়॒-ন্তানে॒ব তেন॑ প্রীণাতি পরি॒ধী-ন্পরি॑ দধাতি॒ রক্ষ॑সা॒মপ॑হত্য়ৈ॒ সগ্গ্​ স্প॑র্​শযতি॒ [সগ্গ্​ স্প॑র্​শযতি, রক্ষ॑সা॒-] 31

রক্ষ॑সা॒-মন॑ন্ববচারায়॒ ন পু॒রস্তা॒-ত্পরি॑ দধাত্য়াদি॒ত্য়ো হ্য়ে॑বোদ্য়-ন্পু॒রস্তা॒-দ্রক্ষাগ্॑স্যপ॒হন্ত্য়ূ॒র্ধ্বে স॒মিধা॒বা দ॑ধাত্য়ু॒পরি॑ষ্টাদে॒ব রক্ষা॒গ্॒স্যপ॑ হন্তি॒ যজু॑ষা॒-ঽন্য়া-ন্তূ॒ষ্ণীম॒ন্য়া-ম্মি॑থুন॒ত্বায়॒ দ্বে আ দ॑ধাতি দ্বি॒পা-দ্যজ॑মানঃ॒ প্রতি॑ষ্ঠিত্য়ৈ ব্রহ্মবা॒দিনো॑ বদন্তি॒ স ত্বৈ য॑জেত॒ যো য॒জ্ঞস্য়া-ঽঽর্ত্য়া॒ বসী॑য়া॒ন্-থ্স্য়াদিতি॒ ভূপ॑তয়ে॒ স্বাহা॒ ভুব॑নপতয়ে॒ স্বাহা॑ ভূ॒তানা॒- [ভূ॒তানা᳚ম্, পত॑য়ে॒ স্বাহেতি॑] 32

-ম্পত॑য়ে॒ স্বাহেতি॑ স্ক॒ন্নমনু॑ মন্ত্রয়েত য॒জ্ঞস্য়ৈ॒ব তদার্ত্য়া॒ যজ॑মানো॒ বসী॑য়া-ন্ভবতি॒ ভূয়॑সী॒র্॒হি দে॒বতাঃ᳚ প্রী॒ণাতি॑ জা॒মি বা এ॒ত-দ্য়॒জ্ঞস্য়॑ ক্রিযতে॒ যদ॒ন্বঞ্চৌ॑ পুরো॒ডাশা॑ বুপাগ্​ম্শুয়া॒জম॑ন্ত॒রা য॑জ॒ত্যজা॑মিত্বা॒য়াথো॑ মিথুন॒ত্বায়া॒গ্নির॒মুষ্মি॑ন্ ঁলো॒ক আসী᳚-দ্য়॒মো᳚-ঽস্মি-ন্তে দে॒বা অ॑ব্রুব॒ন্নেতে॒মৌ বি পর্য়ূ॑হা॒মেত্য়॒ন্নাদ্য়ে॑ন দে॒বা অ॒গ্নি- [দে॒বা অ॒গ্নিম্, উ॒পাম॑ন্ত্রযন্ত] 33

-মু॒পাম॑ন্ত্রযন্ত রা॒জ্য়েন॑ পি॒তরো॑ য॒ম-ন্তস্মা॑দ॒গ্নি র্দে॒বানা॑মন্না॒দো য॒মঃ পি॑তৃ॒ণাগ্​ম্ রাজা॒ য এ॒বং-বেঁদ॒ প্ররা॒জ্যম॒ন্নাদ্য়॑-মাপ্নোতি॒ তস্মা॑ এ॒ত-দ্ভা॑গ॒ধেয়॒-ম্প্রায়॑চ্ছ॒ন্॒. যদ॒গ্নয়ে᳚ স্বিষ্ট॒কৃতে॑-ঽব॒দ্যন্তি॒ যদ॒গ্নয়ে᳚ স্বিষ্ট॒কৃতে॑ ঽব॒দ্যতি॑ ভাগ॒ধেয়ে॑নৈ॒ব ত-দ্রু॒দ্রগ্​ম্ সম॑র্ধযতি স॒কৃ-থ্স॑কৃ॒দব॑ দ্যতি স॒কৃদি॑ব॒ হি রু॒দ্র উ॑ত্তরা॒র্ধাদব॑ দ্যত্য়ে॒ষা বৈ রু॒দ্রস্য়॒ [বৈ রু॒দ্রস্য়॑, দিখ্-স্বায়া॑মে॒ব] 34

দিখ্-স্বায়া॑মে॒ব দি॒শি রু॒দ্র-ন্নি॒রব॑দযতে॒ দ্বির॒ভি ঘা॑রযতি চতুরব॒ত্তস্য়া-ঽঽপ্ত্য়ৈ॑প॒শবো॒ বৈ পূর্বা॒ আহু॑তয় এ॒ষ রু॒দ্রো যদ॒গ্নির্য়-ত্পূর্বা॒ আহু॑তীর॒ভি জু॑হু॒য়া-দ্রু॒দ্রায়॑ প॒শূনপি॑ দধ্য়াদপ॒শুর্যজ॑মান-স্স্য়াদতি॒হায়॒ পূর্বা॒ আহু॑তীর্জুহোতি পশূ॒না-ঙ্গো॑পী॒থায়॑ ॥ 35 ॥
(শ॒প্তঃ - স্প॑র্​শযতি - ভূ॒তানা॑ - ম॒গ্নিগ্​ম্ - রু॒দ্রস্য়॑ - স॒প্তত্রিগ্​ম্॑শচ্চ ) (অ. 6)

মনুঃ॑ পৃথি॒ব্য়া য॒জ্ঞিয়॑মৈচ্ছ॒-থ্স ঘৃ॒ত-ন্নিষি॑ক্তমবিন্দ॒-থ্সো᳚-ঽব্রবী॒-ত্কো᳚-ঽস্য়েশ্ব॒রো য॒জ্ঞে-ঽপি॒ কর্তো॒রিতি॒ তাব॑ব্রূতা-ম্মি॒ত্রাবরু॑ণৌ॒ গোরে॒বা-ঽঽবমী᳚শ্ব॒রৌ কর্তো᳚-স্স্ব॒ ইতি॒ তৌ ততো॒ গাগ্​ম্ সমৈ॑রযতা॒গ্​ম্॒ সা যত্র॑ যত্র॒ ন্যক্রা॑ম॒-ত্ততো॑ ঘৃ॒তম॑পীড্যত॒ তস্মা᳚-দ্ঘৃ॒তপ॑দ্য়ুচ্যতে॒ তদ॑স্য়ৈ॒ জন্মোপ॑হূতগ্​ম্ রথন্ত॒রগ্​ম্ স॒হ পৃ॑থি॒ব্য়েত্য়া॑হে॒ [স॒হ পৃ॑থি॒ব্য়েত্য়া॑হ, ইয়ং-বৈঁ] 36

যং-বৈঁ র॑থন্ত॒রমি॒মামে॒ব স॒হান্না-দ্য়ে॒নোপ॑ হ্বযত॒ উপ॑হূতং-বাঁমদে॒ব্য়গ্​ম্ স॒হান্তরি॑ক্ষে॒ণেত্য়া॑হ প॒শবো॒ বৈ বা॑মদে॒ব্য়-ম্প॒শূনে॒ব স॒হান্তরি॑ক্ষে॒ণোপ॑ হ্বযত॒ উপ॑হূত-ম্বৃ॒হ-থ্স॒হ দি॒বেত্য়া॑হৈ॒রং-বৈঁ বৃ॒হদিরা॑মে॒ব স॒হ দি॒বোপ॑ হ্বযত॒ উপ॑হূতা-স্স॒প্ত হোত্রা॒ ইত্য়া॑হ॒ হোত্রা॑ এ॒বোপ॑ হ্বযত॒ উপ॑হূতা ধে॒নু- [উপ॑হূতা ধে॒নুঃ, স॒হর্​ষ॒ভেত্য়া॑হ] 37

-স্স॒হর্​ষ॒ভেত্য়া॑হ মিথু॒নমে॒বোপ॑ হ্বযত॒ উপ॑হূতো ভ॒ক্ষ-স্সখেত্য়া॑হ সোমপী॒থমে॒বোপ॑ হ্বযত॒ উপ॑হূ॒তাঁ(4) হো ইত্য়া॑হা॒-ঽঽত্মান॑মে॒বোপ॑ হ্বযত আ॒ত্মা হ্য়ুপ॑হূতানাং॒-বঁসি॑ষ্ঠ॒ ইডা॒মুপ॑ হ্বযতে প॒শবো॒ বা ইডা॑ প॒শূনে॒বোপ॑ হ্বযতে চ॒তুরুপ॑ হ্বযতে॒ চতু॑ষ্পাদো॒ হি প॒শবো॑ মান॒বীত্য়া॑হ॒ মনু॒র্​হ্য়ে॑তা- [মনু॒র্​হ্য়ে॑তাম্, অগ্রে ঽপ॑শ্য়-] 38

-মগ্রে ঽপ॑শ্য়-দ্ঘৃ॒তপ॒দীত্য়া॑হ॒ য দে॒বাস্য়ৈ॑ প॒দা-দ্ঘৃ॒তমপী᳚ড্যত॒ তস্মা॑দে॒বমা॑হ মৈত্রাবরু॒ণীত্য়া॑হ মি॒ত্রাবরু॑ণৌ॒ হ্য়ে॑নাগ্​ম্ স॒মৈর॑যতা॒-ম্ব্রহ্ম॑ দে॒বকৃ॑ত॒-মুপ॑হূত॒মিত্য়া॑হ॒ ব্রহ্মৈ॒বোপ॑ হ্বযতে॒ দৈব্য়া॑ অদ্ধ্ব॒র্যব॒ উপ॑হূতা॒ উপ॑হূতা মনু॒ষ্য়া॑ ইত্য়া॑হ দেবমনু॒ষ্য়ানে॒বোপ॑ হ্বযতে॒ য ই॒মং-য়ঁ॒জ্ঞমবা॒ন্॒ যে য॒জ্ঞপ॑তিং॒-বঁর্ধা॒নিত্য়া॑হ [ ] 39

য॒জ্ঞায়॑ চৈ॒ব যজ॑মানায় চা॒ ঽঽশিষ॒মা শা᳚স্ত॒ উপ॑হূতে॒ দ্য়াবা॑পৃথি॒বী ইত্য়া॑হ॒ দ্য়াবা॑পৃথি॒বী এ॒বোপ॑ হ্বযতে পূর্ব॒জে ঋ॒তাব॑রী॒ ইত্য়া॑হ পূর্ব॒জে হ্য়ে॑তে ঋ॒তাব॑রী দে॒বী দে॒বপু॑ত্রে॒ ইত্য়া॑হ দে॒বী হ্য়ে॑তে দে॒বপু॑ত্রে॒ উপ॑হূতো॒-ঽয়ং ঁযজ॑মান॒ ইত্য়া॑হ॒ যজ॑মানমে॒বোপ॑ হ্বযত॒ উত্ত॑রস্য়া-ন্দেবয়॒জ্য়ায়া॒মুপ॑হূতো॒ ভূয়॑সি হবি॒ষ্কর॑ণ॒ উপ॑হূতো দি॒ব্য়ে ধাম॒ন্নুপ॑হূত॒ [ধাম॒ন্নুপ॑হূতঃ, ইত্য়া॑হ] 40

ইত্য়া॑হ প্র॒জা বা উত্ত॑রা দেবয়॒জ্য়া প॒শবো॒ ভূয়ো॑ হবি॒ষ্কর॑ণগ্​ম্ সুব॒র্গো লো॒কো দি॒ব্য়-ন্ধামে॒দম॑-সী॒দম॒সীত্য়ে॒ব য॒জ্ঞস্য়॑ প্রি॒য়-ন্ধামোপ॑ হ্বযতে॒ বিশ্ব॑মস্য় প্রি॒য়-মুপ॑হূত॒মিত্য়া॒হা-ছ॑ম্বট্কারমে॒বোপ॑ হ্বযতে ॥ 41 ॥
(আ॒হ॒ - ধে॒নু- রে॒তাং - ঁবর্ধা॒নিত্য়া॑হ॒ - ধাম॒ন্নুপ॑হূত॒ - শ্চতু॑স্ত্রিগ্​ম্শচ্চ ) (অ. 7)

প॒শবো॒ বা ইডা᳚ স্ব॒যমা দ॑ত্তে॒ কাম॑মে॒বা-ঽঽত্মনা॑ পশূ॒নামা দ॑ত্তে॒ ন হ্য়॑ন্য়ঃ কাম॑-ম্পশূ॒না-ম্প্র॒যচ্ছ॑তি বা॒চস্পত॑য়ে ত্বা হু॒ত-ম্প্রা-ঽশ্ঞা॒মীত্য়া॑হ॒ বাচ॑মে॒ব ভা॑গ॒ধেয়ে॑ন প্রীণাতি॒ সদ॑স॒স্পত॑য়ে ত্বা হু॒ত-ম্প্রা-ঽশ্ঞা॒মীত্য়া॑হ স্ব॒গাকৃ॑ত্য়ৈ চতুরব॒ত্ত-ম্ভ॑বতি হ॒বির্বৈ চ॑তুরব॒ত্ত-ম্প॒শব॑শ্চতুরব॒ত্তং-য়ঁদ্ধোতা᳚ প্রাশ্ঞী॒য়াদ্ধোতা- [প্রাশ্ঞী॒য়াদ্ধোতা᳚, আর্তি॒মার্চ্ছে॒দ্য়-] 42

-ঽঽর্তি॒মার্চ্ছে॒দ্য়-দ॒গ্নৌ জু॑হু॒য়া-দ্রু॒দ্রায়॑ প॒শূনপি॑ দদ্ধ্য়াদপ॒শুর্যজ॑মান-স্স্য়া-দ্বা॒চস্পত॑য়ে ত্বা হু॒ত-ম্প্রা-ঽশ্ঞা॒মীত্য়া॑হ প॒রোক্ষ॑মে॒বৈন॑-জ্জুহোতি॒ সদ॑স॒স্পত॑য়ে ত্বা হু॒ত-ম্প্রাশ্ঞা॒মীত্য়া॑হ স্ব॒গাকৃ॑ত্য়ৈ॒ প্রাশ্ঞ॑ন্তি তী॒র্থ এ॒ব প্রাশ্ঞ॑ন্তি॒ দক্ষি॑ণা-ন্দদাতি তী॒র্থ এ॒ব দক্ষি॑ণা-ন্দদাতি॒ বি বা এ॒তদ্য়॒জ্ঞ- [বি বা এ॒তদ্য়॒জ্ঞম্, ছি॒ন্দ॒ন্তি॒ যন্ম॑দ্ধ্য়॒তঃ] 43

-ঞ্ছি॑ন্দন্তি॒ যন্ম॑দ্ধ্য়॒তঃ প্রা॒শ্ঞন্ত্য়॒দ্ভি-র্মা᳚র্জযন্ত॒ আপো॒ বৈ সর্বা॑ দে॒বতা॑ দে॒বতা॑ভিরে॒ব য॒জ্ঞগ্​ম্ স-ন্ত॑ন্বন্তি দে॒বা বৈ য॒জ্ঞা-দ্রু॒দ্রম॒ন্তরা॑য়॒ন্​থ্স য॒জ্ঞম॑বিদ্ধ্য়॒-ত্ত-ন্দে॒বা অ॒ভি সম॑গচ্ছন্ত॒ কল্প॑তা-ন্ন ই॒দমিতি॒ তে᳚-ঽব্রুব॒ন্-থ্স্বি॑ষ্টং॒-বৈঁ ন॑ ই॒দ-ম্ভ॑বিষ্যতি॒ যদি॒মগ্​ম্ রা॑ধয়ি॒ষ্য়াম॒ ইতি॒ ত-থ্স্বি॑ষ্ট॒কৃত॑-স্স্বিষ্টকৃ॒ত্ত্ব-ন্তস্য়া ঽঽবি॑দ্ধ॒-ন্নি- [-ঽঽবি॑দ্ধ॒-ন্নিঃ, অ॒কৃ॒ন্ত॒ন্॒. যবে॑ন॒] 44

-র॑কৃন্ত॒ন্॒. যবে॑ন॒ সম্মি॑ত॒-ন্তস্মা᳚-দ্যবমা॒ত্রমব॑ দ্য়ে॒-দ্যজ্জ্য়ায়ো॑-ঽব॒-দ্য়ে-দ্রো॒পয়ে॒-ত্ত-দ্য়॒জ্ঞস্য়॒ যদুপ॑ চ স্তৃণী॒য়াদ॒ভি চ॑ ঘা॒রয়ে॑দুভযত-স্সগ্গ্​শ্বা॒য়ি কু॑র্য়াদব॒দায়া॒ভি ঘা॑রযতি॒ দ্বি-স্সম্প॑দ্যতে দ্বি॒পা-দ্যজ॑মানঃ॒ প্রতি॑ষ্ঠিত্য়ৈ॒ য-ত্তি॑র॒শ্চীন॑-মতি॒-হরে॒দন॑ভি-বিদ্ধং-য়ঁ॒জ্ঞস্য়া॒ভি বি॑দ্ধ্য়ে॒দগ্রে॑ণ॒ পরি॑ হরতি তী॒র্থেনৈ॒ব পরি॑ হরতি॒ ত-ত্পূ॒ষ্ণে পর্য়॑হর॒ন্ত- [পর্য়॑হর॒ন্তত্, পূ॒ষা] 45

-ত্পূ॒ষা প্রাশ্য়॑ দ॒তো॑-ঽরুণ॒-ত্তস্মা᳚-ত্পূ॒ষা প্র॑পি॒ষ্টভা॑গো-ঽদ॒ন্তকো॒ হি ত-ন্দে॒বা অ॑ব্রুব॒ন্ বি বা অ॒যমা᳚র্ধ্যপ্রাশিত্রি॒য়ো বা অ॒যম॑ভূ॒দিতি॒ ত-দ্বৃহ॒স্পত॑য়ে॒ পর্য়॑হর॒ন্-থ্সো॑-ঽবিভে॒-দ্বৃহ॒স্পতি॑রি॒ত্থং-বাঁব স্য় আর্তি॒মা-ঽরি॑ষ্য়॒তীতি॒ স এ॒ত-ম্মন্ত্র॑মপশ্য়॒-থ্সূর্য়॑স্য় ত্বা॒ চক্ষু॑ষা॒ প্রতি॑ পশ্য়া॒মীত্য়॑ব্রবী॒ন্ন হি সূর্য়॑স্য়॒ চক্ষুঃ॒ [চক্ষুঃ॑, কি-ঞ্চ॒ন] 46

কি-ঞ্চ॒ন হি॒নস্তি॒ সো॑-ঽবিভে-ত্প্রতিগৃ॒হ্ণন্ত॑-ম্মা হিগ্​ম্সিষ্য়॒তীতি॑ দে॒বস্য়॑ ত্বা সবি॒তুঃ প্র॑স॒বে᳚-ঽশ্বিনো᳚ র্বা॒হুভ্য়া᳚-ম্পূ॒ষ্ণো হস্তা᳚ভ্য়া॒-ম্প্রতি॑ গৃহ্ণা॒মীত্য়॑ব্রবী-থ্সবি॒তৃপ্র॑সূত এ॒বৈন॒দ্ব্রহ্ম॑ণা দে॒বতা॑ভিঃ॒ প্রত্য়॑গৃহ্ণা॒-থ্সো॑-ঽবিভে-ত্প্রা॒শ্ঞন্ত॑-ম্মা হিগ্​ম্সিষ্য়॒তীত্য়॒গ্নেস্ত্বা॒ ঽঽস্য়ে॑ন॒ প্রা-ঽশ্ঞা॒মীত্য়॑ব্রবী॒ন্ন হ্য়॑গ্নেরা॒স্য়॑-ঙ্কিঞ্চ॒ন হি॒নস্তি॒ সো॑-ঽবিভে॒- [সো॑-ঽবিভেত্, প্রাশি॑তম্মা-] 47

-ত্প্রাশি॑তম্মা-হিগ্​ম্সিষ্য়॒তীতি॑ ব্রাহ্ম॒ণস্য়ো॒দরে॒ণেত্য়॑ ব্রবী॒ন্ন হি ব্রা᳚হ্ম॒ণস্য়ো॒দর॒-ঙ্কি-ঞ্চ॒ন হি॒নস্তি॒ বৃহ॒স্পতে॒র্ব্রহ্ম॒ণেতি॒ স হি ব্রহ্মি॒ষ্ঠো-ঽপ॒ বা এ॒তস্মা᳚-ত্প্রা॒ণাঃ ক্রা॑মন্তি॒ যঃ প্রা॑শি॒ত্র-ম্প্রা॒শ্ঞাত্য়॒দ্ভি-র্মা᳚র্জয়ি॒ত্বা প্রা॒ণান্-থ্স-ম্মৃ॑শতে॒-ঽমৃতং॒-বৈঁ প্রা॒ণা অ॒মৃত॒মাপঃ॑ প্রা॒ণানে॒ব য॑থাস্থা॒নমুপ॑ হ্বযতে ॥ 48 ॥
(প্রা॒শ্ঞী॒য়াদ্ধোতা॑ - য॒জ্ঞং - নি - র॑হর॒ন্ত - চ্চক্ষু॑ - রা॒স্য়॑-ঙ্কিঞ্চ॒ন হি॒নস্তি॒ সো॑-ঽবিভে॒ - চ্চতু॑শ্চত্বারিগ্​ম্শচ্চ ) (অ. 8)

অ॒গ্নীধ॒ আ দ॑ধা-ত্য়॒গ্নিমু॑খা-নে॒বর্তূ-ন্প্রী॑ণাতি স॒মিধ॒মা দ॑ধা॒ত্য়ুত্ত॑রাসা॒-মাহু॑তীনা॒-ম্প্রতি॑ষ্ঠিত্য়া॒ অথো॑ স॒মিদ্ব॑ত্য়ে॒ব জু॑হোতি পরি॒ধীন্-থ্স-ম্মা᳚র্​ষ্টি পু॒নাত্য়ে॒বৈনা᳚ন্-থ্স॒কৃ-থ্স॑কৃ॒-থ্স-ম্মা᳚র্​ষ্টি॒ পরা॑ঙিব॒ হ্য়ে॑তর্​হি॑ য॒জ্ঞশ্চ॒তু-স্সম্প॑দ্যতে॒ চতু॑ষ্পাদঃ প॒শবঃ॑ প॒শূনে॒বাব॑ রুন্ধে॒ ব্রহ্ম॒-ন্প্রস্থা᳚স্য়াম॒ ইত্য়া॒হাত্র॒ বা এ॒তর্​হি॑ য॒জ্ঞ-শ্শ্রি॒তো [য়॒জ্ঞ-শ্শ্রি॒তঃ, যত্র॑ ব্র॒হ্মা] 49

যত্র॑ ব্র॒হ্মা যত্রৈ॒ব য॒জ্ঞ-শ্শ্রি॒তস্তত॑ এ॒বৈন॒মা র॑ভতে॒ যদ্ধস্তে॑ন প্র॒মীবে᳚দ্বেপ॒ন-স্স্য়া॒দ্যচ্ছী॒র্​ষ্ণা শী॑র্​ষক্তি॒মান্-থ্স্য়া॒দ্য়-ত্তূ॒ষ্ণীমাসী॒তা ঽস॑ম্প্রত্তো য॒জ্ঞ-স্স্য়া॒-ত্প্রতি॒ষ্ঠেত্য়ে॒ব ব্রূ॑য়া-দ্বা॒চি বৈ য॒জ্ঞ-শ্শ্রি॒তো যত্রৈ॒ব য॒জ্ঞ-শ্শ্রি॒তস্তত॑ এ॒বৈন॒গ্​ম্॒ স-ম্প্র য॑চ্ছতি॒ দেব॑ সবিতরে॒ত-ত্তে॒ প্রা- [সবিতরে॒ত-ত্তে॒ প্র, আ॒হেত্য়া॑হ॒] 50

-ঽঽহেত্য়া॑হ॒ প্রসূ᳚ত্য়ৈ॒ বৃহ॒স্পতি॑ র্ব্র॒হ্মেত্য়া॑হ॒ স হি ব্রহ্মি॑ষ্ঠ॒-স্স য॒জ্ঞ-ম্পা॑হি॒ স য॒জ্ঞপ॑তি-ম্পাহি॒ স মা-ম্পা॒হীত্য়া॑হ য॒জ্ঞায়॒ যজ॑মানায়া॒-ঽঽত্মনে॒ তেভ্য়॑ এ॒বা-ঽঽশিষ॒মা শা॒স্তে-ঽনা᳚র্ত্য়া আ॒শ্রাব্য়া॑-ঽঽহ দে॒বান্. য॒জেতি॑ ব্রহ্মবা॒দিনো॑ বদন্তী॒ষ্টা দে॒বতা॒ অথ॑ কত॒ম এ॒তে দে॒বা ইতি॒ ছন্দা॒গ্​ম্॒সীতি॑ ব্রূয়া-দ্গায়॒ত্রী-ন্ত্রি॒ষ্টুভ॒- [ব্রূয়া-দ্গায়॒ত্রী-ন্ত্রি॒ষ্টুভ᳚ম্, জগ॑তী॒-] 51

ঞ্জগ॑তী॒-মিত্যথো॒ খল্বা॑হুর্ব্রাহ্ম॒ণা বৈ ছন্দা॒গ্​ম্॒সীতি॒ তানে॒ব ত-দ্য়॑জতি দে॒বানাং॒-বাঁ ই॒ষ্টা দে॒বতা॒ আস॒ন্নথা॒গ্নির্নোদ॑জ্বল॒-ত্ত-ন্দে॒বা আহু॑তীভি-রনূয়া॒জেষ্বন্ব॑-বিন্দ॒ন্॒. যদ॑নূয়া॒জান্. যজ॑ত্য়॒গ্নিমে॒ব ত-থ্সমি॑ন্ধ এ॒তদু॒র্বৈ নামা॑-ঽঽসু॒র আ॑সী॒-থ্স এ॒তর্​হি॑ য॒জ্ঞস্য়া॒ ঽঽশিষ॑মবৃঙ্ক্ত॒ য-দ্ব্রূ॒য়াদে॒ত- [য়-দ্ব্রূ॒য়াদে॒তত্, উ॒ দ্য়া॒বা॒পৃ॒থি॒বী॒ ভ॒দ্র-ম॑ভূ॒-] 52

-দু॑ দ্য়াবাপৃথিবী ভ॒দ্র-ম॑ভূ॒-দিত্য়ে॒তদু॑-মে॒বা-ঽঽসু॒রং-য়ঁ॒জ্ঞস্য়া॒-ঽঽশিষ॑-ঙ্গময়েদি॒দ-ন্দ্য়া॑বাপৃথিবী ভ॒দ্রম॑ভূ॒দিত্য়ে॒ব ব্রূ॑য়া॒-দ্যজ॑মানমে॒ব য॒জ্ঞস্য়া॒-ঽঽশিষ॑-ঙ্গময়॒ত্য়ার্ধ্ম॑ সূক্তবা॒কমু॒ত ন॑মোবা॒কমি-ত্য়া॑হে॒দম॑রা॒-থ্স্মেতি॒ বাবৈতদা॒হোপ॑শ্রিতো দি॒বঃ পৃ॑থি॒ব্য়োরিত্য়া॑হ॒ দ্য়াবা॑পৃথি॒ব্য়োর্​হি য॒জ্ঞ উপ॑শ্রিত॒ ওম॑ন্বতী তে॒-ঽস্মিন্. য॒জ্ঞে য॑জমান॒ দ্য়াবা॑পৃথি॒বী [ ] 53

স্তা॒মিত্য়া॑হা॒ ঽঽশিষ॑মে॒বৈতামা শা᳚স্তে॒ যদ্ব্রূ॒য়া-থ্সূ॑পাবসা॒না চ॑ স্বদ্ধ্যবসা॒না চেতি॑ প্র॒মায়ু॑কো॒ যজ॑মান-স্স্য়াদ্য়॒দা হি প্র॒মীয়॒তে ঽথে॒মামু॑পাব॒স্যতি॑ সূপচর॒ণা চ॑ স্বধিচর॒ণা চেত্য়ে॒ব ব্রূ॑য়া॒-দ্বরী॑যসীমে॒বাস্মৈ॒ গব্য়ূ॑তি॒মা শা᳚স্তে॒ ন প্র॒মায়ু॑কো ভবতি॒ তয়ো॑রা॒বিদ্য়॒গ্নিরি॒দগ্​ম্ হ॒বির॑জুষ॒তেত্য়া॑হ॒ যা অয়া᳚ক্ষ্ম [ ] 54

দে॒বতা॒স্তা অ॑রীরধা॒মেতি॒ বাবৈতদা॑হ॒ যন্ন নি॑র্দি॒শে-ত্প্রতি॑বেশং-য়ঁ॒জ্ঞস্য়া॒ ঽঽশীর্গ॑চ্ছে॒দা শা᳚স্তে॒-ঽয়ং-য়ঁজ॑মানো॒-ঽসাবিত্য়া॑হ নি॒র্দিশ্য়ৈ॒বৈনগ্​ম্॑ সুব॒র্গং-লোঁ॒ক-ঙ্গ॑ময়॒ত্য়ায়ু॒রা শা᳚স্তে সুপ্রজা॒স্ত্বমা শা᳚স্ত॒ ইত্য়া॑হা॒ ঽশিষ॑মে॒বৈ তামা শা᳚স্তে সজাতবন॒স্য়ামা শা᳚স্ত॒ ইত্য়া॑হ প্রা॒ণা বৈ স॑জা॒তাঃ প্রা॒ণানে॒ব [ ] 55

নান্তরে॑তি॒ তদ॒গ্নির্দে॒বো দে॒বেভ্য়ো॒ বন॑তে ব॒যম॒গ্নের্মানু॑ষা॒ ইত্য়া॑হা॒গ্নির্দে॒বেভ্য়ো॑ বনু॒তে ব॒য়-ম্ম॑নু॒ষ্য়ে᳚ভ্য়॒ ইতি॒ বাবৈতদা॑হে॒হ গতি॑র্বা॒মস্য়ে॒দ-ঞ্চ॒ নমো॑ দে॒বেভ্য়॒ ইত্য়া॑হ॒ যাশ্চৈ॒ব দে॒বতা॒ যজ॑তি॒ যাশ্চ॒ ন তাভ্য়॑ এ॒বোভয়ী᳚ভ্য়ো॒ নম॑স্করোত্য়া॒ত্মনো-ঽনা᳚র্ত্য়ৈ ॥ 56 ॥
(শ্রি॒তঃ - তে॒ প্র - ত্রি॒ষ্টুভ॑ - মে॒ত-দ্- দ্য়াবা॑পৃথি॒বী - যা অয়া᳚ক্ষ্ম- প্রা॒ণানে॒ব - ষট্চ॑ত্বারিগ্​ম্শচ্চ ) (অ. 9)

দে॒বা বৈ য॒জ্ঞস্য়॑ স্বগাক॒র্তার॒-ন্নাবি॑ন্দ॒-ন্তে শং॒​য়ুঁ-ম্বা॑র্​হস্প॒ত্যম॑ব্রুবন্নি॒ম-ন্নো॑ য॒জ্ঞগ্গ্​ স্ব॒গা কু॒র্বিতি॒ সো᳚-ঽব্রবী॒দ্বরং॑-বৃঁণৈ॒ যদে॒বা-ব্রা᳚হ্মণো॒ক্তো-ঽশ্র॑দ্দধানো॒ যজা॑তৈ॒ সা মে॑ য॒জ্ঞস্য়া॒-ঽঽশীর॑স॒দিতি॒ তস্মা॒-দ্য়-দ্ব্রা᳚হ্মণো॒ক্তো-ঽশ্র॑দ্দধানো॒ যজ॑তে শং॒​য়ুঁমে॒ব তস্য়॑ বার্​হস্প॒ত্য়ং-য়ঁ॒জ্ঞস্য়া॒ ঽঽশীর্গ॑চ্ছত্য়ে॒ত-ন্মমেত্য়॑ব্রবী॒-ত্কি-ম্মে᳚ প্র॒জায়া॒ [প্র॒জায়াঃ᳚, ইতি॒ যো॑-ঽপগু॒রাতৈ॑] 57

ইতি॒ যো॑-ঽপগু॒রাতৈ॑ শ॒তেন॑ যাতয়া॒দ্য়ো নি॒হন॑-থ্স॒হস্রে॑ণ যাতয়া॒দ্য়ো লোহি॑ত-ঙ্ক॒রব॒দ্য়াব॑তঃ প্র॒স্কদ্য়॑ পা॒গ্​ম্॒সূন্-থ্স॑-ঙ্গৃ॒হ্ণা-ত্তাব॑ত-স্সং​বঁথ্স॒রা-ন্পি॑তৃলো॒ক-ন্ন প্রজা॑না॒দিতি॒ তস্মা᳚-দ্ব্রাহ্ম॒ণায়॒ নাপ॑ গুরেত॒ ন নি হ॑ন্য়া॒ন্ন লোহি॑ত-ঙ্কুর্য়াদে॒তাব॑তা॒ হৈন॑সা ভবতি॒ তচ্ছং॒​য়োঁরা বৃ॑ণীমহ॒ ইত্য়া॑হ য॒জ্ঞমে॒ব ত-থ্স্ব॒গা ক॑রোতি॒ ত- [ত-থ্স্ব॒গা ক॑রোতি॒ তত্, শং॒​য়োঁরা] 58

-চ্ছং॒​য়োঁরা বৃ॑ণীমহ॒ ইত্য়া॑হ শং॒​য়ুঁমে॒ব বা॑র্​হস্প॒ত্য়-ম্ভা॑গ॒ধেয়ে॑ন॒ সম॑র্ধযতি গা॒তুং-য়ঁ॒জ্ঞায়॑ গা॒তুং-য়ঁ॒জ্ঞপ॑তয়॒ ইত্য়া॑হা॒ ঽঽশিষ॑মে॒বৈ তামা শা᳚স্তে॒ সোমং॑-য়ঁজতি॒ রেত॑ এ॒ব ত-দ্দ॑ধাতি॒ ত্বষ্টা॑রং-য়ঁজতি॒ রেত॑ এ॒ব হি॒ত-ন্ত্বষ্টা॑ রূ॒পাণি॒ বি ক॑রোতি দে॒বানা॒-ম্পত্নী᳚র্যজতি মিথুন॒ত্বায়া॒গ্নি-ঙ্গৃ॒হপ॑তিং-য়ঁজতি॒ প্রতি॑ষ্ঠিত্য়ৈ জা॒মি বা এ॒ত-দ্য়॒জ্ঞস্য়॑ ক্রিযতে॒ [ক্রিযতে, যদাজ্য়ে॑ন] 59

যদাজ্য়ে॑ন প্রয়া॒জা ই॒জ্যন্ত॒ আজ্য়ে॑ন পত্নীসং​য়াঁ॒জা ঋচ॑ম॒নূচ্য়॑ পত্নীসং​য়াঁ॒জানা॑মৃ॒চা য॑জ॒ত্যজা॑মিত্বা॒য়াথো॑ মিথুন॒ত্বায়॑ প॒ঙ্ক্তি প্রা॑যণো॒ বৈ য॒জ্ঞঃ প॒ঙ্ক্ত্য়ু॑দযনঃ॒ পঞ্চ॑ প্রয়া॒জা ই॑জ্যন্তে চ॒ত্বারঃ॑ পত্নীসং​য়াঁ॒জা-স্স॑মিষ্টয়॒জুঃ প॑ঞ্চ॒ম-ম্প॒ঙ্ক্তিমে॒বানু॑ প্র॒যন্তি॑ প॒ঙ্ক্তিমনূদ্য়॑ন্তি ॥ 60 ॥
(প্র॒জায়াঃ᳚ - করোতি॒ তত্ - ক্রি॑যতে॒ - ত্রয়॑স্ত্রিগ্​ম্শচ্চ ) (অ. 10)

যু॒ক্ষ্বাহি দে॑ব॒হূত॑মা॒গ্​ম্॒ অশ্বাগ্​ম্॑ অগ্নে র॒থীরি॑ব । নি হোতা॑ পূ॒র্ব্য়-স্স॑দঃ ॥ উ॒ত নো॑ দেব দে॒বাগ্​ম্ অচ্ছা॑ বোচো বি॒দুষ্ট॑রঃ । শ্রদ্বিশ্বা॒ বার্য়া॑ কৃধি ॥ ত্বগ্​ম্ হ॒ যদ্য়॑বিষ্ঠ্॒য় সহ॑স-স্সূনবাহুত । ঋ॒তাবা॑ য॒জ্ঞিয়ো॒ ভুবঃ॑ ॥ অ॒যম॒গ্নি-স্স॑হ॒স্রিণো॒ বাজ॑স্য় শ॒তিন॒স্পতিঃ॑ । মূ॒র্ধা ক॒বী র॑য়ী॒ণাম্ ॥ ত-ন্নে॒মিমৃ॒ভবো॑ য॒থা ঽঽন॑মস্ব॒ সহূ॑তিভিঃ । নেদী॑য়ো য॒জ্ঞ- [য়॒জ্ঞম্, অ॒ঙ্গি॒রঃ॒ ।] 61

-ম॑ঙ্গিরঃ ॥ তস্মৈ॑ নূ॒ নম॒ভিদ্য়॑বে বা॒চা বি॑রূপ॒ নিত্য়॑য়া । বৃষ্ণে॑ চোদস্ব সুষ্টু॒তিম্ ॥ কমু॑ ষ্বিদস্য়॒ সেন॑য়া॒-ঽগ্নেরপা॑কচক্ষসঃ । প॒ণি-ঙ্গোষু॑ স্তরামহে ॥ মা নো॑ দে॒বানাং॒-বিঁশঃ॑ প্রস্না॒তীরি॑বো॒স্রাঃ । কৃ॒শ-ন্ন হা॑সু॒রঘ্নি॑য়াঃ ॥ মা ন॑-স্সমস্য় দূ॒ঢ্য়ঃ॑ পরি॑দ্বেষসো অগ্​ম্ হ॒তিঃ । ঊ॒র্মির্ন নাব॒মা ব॑ধীত্ ॥ নম॑স্তে অগ্ন॒ ওজ॑সে গৃ॒ণন্তি॑ দেব কৃ॒ষ্টয়ঃ॑ । অমৈ॑- [অমৈঃ᳚, অ॒মিত্র॑মর্দয় ।] 62

-র॒মিত্র॑মর্দয় ॥ কু॒বিথ্​সুনো॒ গবি॑ষ্ট॒য়ে-ঽগ্নে॑ সং॒​বেঁষি॑ষো র॒য়িম্ । উরু॑কৃদু॒রু ণ॑স্কৃধি ॥ মা নো॑ অ॒স্মি-ন্ম॑হাধ॒নে পরা॑ বর্গ্ভার॒ভৃদ্য়॑থা । সং॒​বঁর্গ॒গ্​ম্॒ সগ্​ম্ র॒য়ি-ঞ্জ॑য় ॥ অ॒ন্যম॒স্মদ্ভি॒য়া ই॒যমগ্নে॒ সিষ॑ক্তু দু॒চ্ছুনা᳚ । বর্ধা॑ নো॒ অম॑ব॒চ্ছবঃ॑ ॥ যস্য়াজু॑ষন্নম॒স্বিন॒-শ্শমী॒মদু॑র্মখস্যবা । ত-ঙ্ঘেদ॒গ্নির্বৃ॒ধা-ঽব॑তি ॥ পর॑স্য়া॒ অধি॑ [ ] 63

সং॒​বঁতো-ঽব॑রাগ্​ম্ অ॒ভ্য়া ত॑র । যত্রা॒হমস্মি॒ তাগ্​ম্ অ॑ব ॥ বি॒দ্মা হি তে॑ পু॒রা ব॒যমগ্নে॑ পি॒তুর্যথাব॑সঃ । অধা॑ তে সু॒ম্নমী॑মহে ॥ য উ॒গ্র ই॑ব শর্য়॒হা তি॒গ্মশৃ॑ঙ্গো॒ ন বগ্​ম্স॑গঃ । অগ্নে॒ পুরো॑ রু॒রোজি॑থ ॥ সখা॑য়॒-স্সং-বঁ॑-স্সং॒​য়ঁঞ্চ॒মিষ॒গ্গ্॒ স্তোম॑-ঞ্চা॒গ্নয়ে᳚ । বর্​ষি॑ষ্ঠায় ক্ষিতী॒নামূ॒র্জো নপ্ত্রে॒ সহ॑স্বতে ॥ সগ্​ম্ স॒মিদ্য়ু॑বসে বৃষ॒ন্ন -গ্নে॒ বিশ্বা᳚ন্য়॒র্য় আ । ই॒ডস্প॒দে সমি॑ধ্যসে॒ স নো॒ বসূ॒ন্য়া ভ॑র । প্রজা॑পতে॒, স বে॑দ॒, সোমা॑ পূষণে॒, মৌ দে॒বৌ ॥ 64 ॥
(য়॒জ্ঞ - মমৈ॒ - রধি॑ - বৃষ॒ - ন্নেকা॒ন্ন বিগ্​ম্॑শ॒তিশ্চ॑ ) (অ. 11)

উ॒শন্ত॑স্ত্বা হবামহ উ॒শন্ত॒-স্সমি॑ধীমহি । উ॒শন্নু॑শ॒ত আ ব॑হ পি॒তৄন্. হ॒বিষে॒ অত্ত॑বে ॥ ত্বগ্​ম্ সো॑ম॒ প্রচি॑কিতো মনী॒ষা ত্বগ্​ম্ রজি॑ষ্ঠ॒মনু॑ নেষি॒ পন্থা᳚ম্ । তব॒ প্রণী॑তী পি॒তরো॑ ন ইন্দো দে॒বেষু॒ রত্ন॑ম ভজন্ত॒ ধীরাঃ᳚ ॥ ত্বয়া॒ হি নঃ॑ পি॒তর॑-স্সোম॒ পূর্বে॒ কর্মা॑ণি চ॒ক্রুঃ প॑বমান॒ ধীরাঃ᳚ । ব॒ন্বন্নবা॑তঃ পরি॒ধীগ্​ম্ রপো᳚র্ণু বী॒রেভি॒রশ্বৈ᳚র্ম॒ঘবা॑ ভবা [ভব, নঃ॒ ।] 65

নঃ ॥ ত্বগ্​ম্ সো॑ম পি॒তৃভি॑-স্সং​বিঁদা॒নো-ঽনু॒ দ্য়াবা॑পৃথি॒বী আ ত॑তন্থ । তস্মৈ॑ ত ইন্দো হ॒বিষা॑ বিধেম ব॒যগ্গ্​ স্য়া॑ম॒ পত॑য়ো রয়ী॒ণাম্ ॥ অগ্নি॑ষ্বাত্তাঃ পিতর॒ এহ গ॑চ্ছত॒ সদ॑-স্সদ-স্সদত সুপ্রণীতয়ঃ । অ॒ত্তা হ॒বীগ্​ম্ষি॒ প্রয়॑তানি ব॒র্॒হিষ্যথা॑ র॒য়িগ্​ম্ সর্ব॑বীর-ন্দধাতন ॥ বর্​হি॑ষদঃ পিতর ঊ॒ত্য়॑র্বাগি॒মা বো॑ হ॒ব্য়া চ॑কৃমা জু॒ষদ্ধ্ব᳚ম্ । ত আ গ॒তা-ঽব॑সা॒ শ-ন্ত॑মে॒না-ঽথা॒-ঽস্মভ্য়॒গ্​ম্॒ [-ঽস্মভ্য়᳚ম্, শং-য়োঁর॑র॒পো দ॑ধাত ।] 66

শং-য়োঁর॑র॒পো দ॑ধাত ॥ আ-ঽহ-ম্পি॒তৄন্-থ্সু॑বি॒দত্রাগ্​ম্॑ অবিথ্সি॒ নপা॑ত-ঞ্চ বি॒ক্রম॑ণ-ঞ্চ॒ বিষ্ণোঃ᳚ । ব॒র্॒হি॒ষদো॒ যে স্ব॒ধয়া॑ সু॒তস্য়॒ ভজ॑ন্ত পি॒ত্বস্ত ই॒হা-ঽঽ গ॑মিষ্ঠাঃ ॥ উপ॑হূতাঃ পি॒তর॑-স্সো॒ম্য়াসো॑ বর্​হি॒ষ্য়ে॑ষু নি॒ধিষু॑ প্রি॒য়েষু॑ । ত আ গ॑মন্তু॒ ত ই॒হ শ্রু॑ব॒ন্ত্বধি॑ ব্রুবন্তু॒ তে অ॑বন্ত্ব॒স্মান্ ॥ উদী॑রতা॒মব॑র॒ উ-ত্পরা॑স॒ উন্ম॑দ্ধ্য়॒মাঃ পি॒তর॑-স্সো॒ম্য়াসঃ॑ । অসুং॒- [অসু᳚ম্, য ঈ॒য়ুর॑ বৃ॒কা] 67

-ঁয় ঈ॒য়ুর॑ বৃ॒কা ঋ॑ত॒জ্ঞাস্তে নো॑-ঽবন্তু পি॒তরো॒ হবে॑ষু ॥ ই॒দ-ম্পি॒তৃভ্য়ো॒ নমো॑ অস্ত্ব॒দ্য় যে পূর্বা॑সো॒ য উপ॑রাস ঈ॒য়ুঃ । যে পার্থি॑বে॒ রজ॒স্য়া নিষ॑ত্তা॒ যে বা॑ নূ॒নগ্​ম্ সু॑বৃ॒জনা॑সু বি॒ক্ষু ॥ অধা॒ যথা॑ নঃ পি॒তরঃ॒ পরা॑সঃ প্র॒ত্নাসো॑ অগ্ন ঋ॒তমা॑শুষা॒ণাঃ । শুচীদ॑য়॒-ন্দীধি॑তি মুক্থ॒শাসঃ॒, ক্ষামা॑ ভি॒ন্দন্তো॑ অরু॒ণীরপ॑ ব্রন্ন্ ॥ যদ॑গ্নে [যদ॑গ্নে, ক॒ব্য়॒বা॒হ॒ন॒ পি॒তৄন্] 68

কব্যবাহন পি॒তৄন্. যক্ষ্য়ৃ॑তা॒বৃধঃ॑ । প্র চ॑ হ॒ব্য়ানি॑ বক্ষ্যসি দে॒বেভ্য়॑শ্চ পি॒তৃভ্য়॒ আ ॥ ত্বম॑গ্ন ঈডি॒তো জা॑তবে॒দো-ঽবা᳚ড্ঢ॒ব্য়ানি॑ সুর॒ভীণি॑ কৃ॒ত্বা । প্রাদাঃ᳚ পি॒তৃভ্য়॑-স্স্ব॒ধয়া॒ তে অ॑ক্ষন্ন॒দ্ধি ত্ব-ন্দে॑ব॒ প্রয়॑তা হ॒বীগ্​ম্ষি॑ ॥ মাত॑লী ক॒ব্য়ৈর্য়॒মো অঙ্গি॑রোভি॒ র্বৃহ॒স্পতি॒র্॒ ঋক্ব॑ভি র্বাবৃধা॒নঃ । যাগ্​শ্চ॑ দে॒বা বা॑বৃ॒ধুর্য়ে চ॑ দে॒বান্-থ্স্বাহা॒-ঽন্য়ে স্ব॒ধয়া॒-ঽন্য়ে ম॑দন্তি ॥ 69 ॥

ই॒মং-য়ঁ॑ম প্রস্ত॒রমাহি সীদাঙ্গি॑রোভিঃ পি॒তৃভি॑-স্সং​বিঁদা॒নঃ । আত্বা॒ মন্ত্রাঃ᳚ কবিশ॒স্তা ব॑হন্ত্বে॒না রা॑জন্. হ॒বিষা॑ মাদযস্ব ॥ অঙ্গি॑রোভি॒রা গ॑হি য॒জ্ঞিয়ে॑ভি॒র্যম॑ বৈরূ॒পৈরি॒হ মা॑দযস্ব । বিব॑স্বন্তগ্​ম্ হুবে॒ যঃ পি॒তা তে॒-ঽস্মিন্. য॒জ্ঞে ব॒র্॒হিষ্য়া নি॒ষদ্য়॑ ॥ অঙ্গি॑রসো নঃ পি॒তরো॒ নব॑গ্বা॒ অথ॑র্বাণো॒ ভৃগ॑ব-স্সো॒ম্য়াসঃ॑ । তেষাং᳚-বঁ॒য়গ্​ম্ সু॑ম॒তৌ য॒জ্ঞিয়া॑না॒মপি॑ ভ॒দ্রে সৌ॑মন॒সে স্য়া॑ম ॥ 70 ॥
(ভ॒বা॒ - ঽস্মভ্য়॒ - মসুং॒ - ঁযদ॑গ্নে - মদন্তি - সৌমন॒স - এক॑-ঞ্চ ) (অ. 12)

(স॒মিধ॒ - শ্চক্ষু॑ষী - প্র॒জাপ॑তি॒রাজ্য়ং॑ - দে॒বস্য়॒ স্ফ্য়ং - ব্র॑হ্মবা॒দিনো॒ ঽদ্ভি - র॒গ্নেস্ত্রয়ো॒ - মনুঃ॑ পৃথি॒ব্য়াঃ - প॒শবো॒ - ঽগ্নীধে॑ - দে॒বা বৈ য॒জ্ঞস্য়॑ - যু॒ক্ষ্বো - শন্ত॑স্ত্বা॒ - দ্বাদ॑শ )

(স॒মিধো॑ - যা॒জ্য়া॑ - তস্মা॒ন্নভা॒-ঽগগ্​ম্ - হি তমন্বি- ত্য়া॑হ প্র॒জা বা - আ॒হেত্য়া॑হ - যু॒ক্ষ্বা হি - স॑প্ত॒তিঃ )

(স॒মিধঃ॑, সৌমন॒সে স্য়া॑ম)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ন্দ্বিতীযকাণ্ডে ষষ্টঃ প্রশ্ন-স্সমাপ্তঃ ॥

(বা॒য়॒ব্য়ং॑ - প্র॒জাপ॑তি - রাদি॒ত্য়েভ্য়ো॑ - দে॒বা - বি॒শ্বরূ॑পঃ - স॒মিধঃ॒ - ষট্) (6)

॥ ইতি দ্বীতীয়-ঙ্কাণ্ডম্ ॥