কৃষ্ণ যজুর্বেদীয় তৈত্তিরীয় সংহিতায়াং ষষ্ঠকাণ্ডে প্রথমঃ প্রশ্নঃ - সোমমন্ত্রব্রাহ্মণনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

প্রা॒চীন॑বগ্​ম্শ-ঙ্করোতি দেবমনু॒ষ্য়া দিশো॒ ব্য়॑ভজন্ত॒ প্রাচী᳚-ন্দে॒বা দ॑ক্ষি॒ণা পি॒তরঃ॑ প্র॒তীচী᳚-ম্মনু॒ষ্য়া॑ উদী॑চীগ্​ম্ রু॒দ্রা য-ত্প্রা॒চীন॑বগ্​ম্শ-ঙ্ক॒রোতি॑ দেবলো॒কমে॒ব ত-দ্যজ॑মান উ॒পাব॑র্ততে॒ পরি॑ শ্রযত্য়॒ন্তর্​হি॑তো॒হি দে॑বলো॒কো ম॑নুষ্যলো॒কা-ন্নাস্মাল্লো॒কা-থ্স্বে॑তব্যমি॒বেত্য়া॑হুঃ॒ কো হি ত-দ্বেদ॒ য-দ্য়॒মুষ্মি॑ঁল্লো॒কে-ঽস্তি॑ বা॒ ন বেতি॑ দি॒ক্ষ্ব॑তী কা॒শান্ ক॑রো- [দি॒ক্ষ্ব॑তী কা॒শান্ ক॑রোতি, উ॒ভয়ো᳚] 1

-ত্য়ু॒ভয়ো᳚-র্লো॒কয়ো॑-র॒ভিজি॑ত্য়ৈ কেশশ্ম॒শ্রু ব॑পতে ন॒খানি॒ নি কৃ॑ন্ততে মৃ॒তা বা এ॒ষা ত্বগ॑মে॒দ্ধ্য়া য-ত্কে॑শশ্ম॒শ্রু মৃ॒তামে॒ব ত্বচ॑ম-মে॒দ্ধ্য়াম॑প॒হত্য়॑ য॒জ্ঞিয়ো॑ ভূ॒ত্বা মেধ॒মুপৈ॒ত্যঙ্গি॑রস-স্সুব॒র্গং-লোঁ॒কং-য়ঁন্তো॒-ঽফ্সু দী᳚ক্ষাত॒পসী॒ প্রাবে॑শযন্ন॒ফ্সু স্না॑তি সা॒ক্ষাদে॒ব দী᳚ক্ষাত॒পসী॒ অব॑ রুন্ধে তী॒র্থে স্না॑তি তী॒র্থে হি তে তা-ম্প্রাবে॑শয়-ন্তী॒র্থে স্না॑তি [ ] 2

তী॒র্থমে॒ব স॑মা॒নানা᳚-ম্ভবত্য়॒পো᳚-ঽশ্ঞাত্যন্তর॒ত এ॒ব মেদ্ধ্য়ো॑ ভবতি॒ বাস॑সা দীক্ষযতি সৌ॒ম্য়ং-বৈঁ ক্ষৌম॑-ন্দে॒বত॑য়া॒ সোম॑মে॒ষ দে॒বতা॒মুপৈ॑তি॒ যো দীক্ষ॑তে॒ সোম॑স্য় ত॒নূর॑সি ত॒নুব॑-ম্মে পা॒হীত্য়া॑হ॒ স্বামে॒ব দে॒বতা॒মুপৈ॒ত্যথো॑ আ॒শিষ॑মে॒বৈতামা শা᳚স্তে॒ ঽগ্নেস্তূ॑ষা॒ধানং॑-বাঁ॒য়োর্বা॑ত॒পান॑-ম্পিতৃ॒ণা-ন্নী॒বি-রোষ॑ধীনা-ম্প্রঘা॒ত [-রোষ॑ধীনা-ম্প্রঘা॒তঃ, আ॒দি॒ত্য়ানা᳚-ম্প্রাচীনতা॒নো] 3

আ॑দি॒ত্য়ানা᳚-ম্প্রাচীনতা॒নো বিশ্বে॑ষা-ন্দে॒বানা॒মোতু॒ র্নক্ষ॑ত্রাণা-মতীকা॒শাস্তদ্বা এ॒ত-থ্স॑র্ব দেব॒ত্য়ং॑-য়ঁ-দ্বাসো॒ য-দ্বাস॑সা দী॒ক্ষয়॑তি॒ সর্বা॑ভিরে॒বৈন॑-ন্দে॒বতা॑ভি-র্দীক্ষযতি ব॒হিঃপ্রা॑ণো॒ বৈ ম॑নু॒ষ্য়॑স্ত-স্য়াশ॑ন-ম্প্রা॒ণো᳚-ঽশ্ঞাতি॒ সপ্রা॑ণ এ॒ব দী᳚ক্ষত॒ আশি॑তো ভবতি॒ যাবা॑নে॒বাস্য়॑ প্রা॒ণস্তেন॑ স॒হ মেধ॒মুপৈ॑তি ঘৃ॒ত-ন্দে॒বানা॒-ম্মস্তু॑ পিতৃ॒ণা-ন্নিষ্প॑ক্ব-ম্মনু॒ষ্য়া॑ণা॒-ন্তদ্বা [-ম্মনু॒ষ্য়া॑ণা॒-ন্তদ্বৈ, এ॒ত-থ্স॑র্বদেব॒ত্য়ং॑] 4

এ॒ত-থ্স॑র্বদেব॒ত্য়ং॑-য়ঁন্নব॑নীতং॒-য়ঁন্নব॑নীতেনাভ্য়॒ঙ্ক্তে সর্বা॑ এ॒ব দে॒বতাঃ᳚ প্রীণাতি॒ প্রচ্য়ু॑তো॒ বা এ॒ষো᳚-ঽস্মাল্লো॒কাদগ॑তো দেবলো॒কং-য়োঁ দী᳚ক্ষি॒তো᳚ ঽন্ত॒রেব॒ নব॑নীত॒-ন্তস্মা॒-ন্নব॑নীতেনা॒ভ্য়॑ঙ্ক্তে ঽনুলো॒মং-য়ঁজু॑ষা॒ ব্য়াবৃ॑ত্ত্য়া॒ ইন্দ্রো॑ বৃ॒ত্রম॑হ॒-ন্তস্য়॑ ক॒নীনি॑কা॒ পরা॑-ঽপত॒-ত্তদাঞ্জ॑নম-ভব॒দ্যদা॒ঙ্ক্তে চক্ষু॑রে॒ব ভ্রাতৃ॑ব্যস্য় বৃঙ্ক্তে॒ দক্ষি॑ণ॒-ম্পূর্ব॒মা-ঽঙ্ক্তে॑ [দক্ষি॑ণ॒-ম্পূর্ব॒মা-ঽঙ্ক্তে᳚, স॒ব্য়গ্​ম্ হি] 5

স॒ব্য়গ্​ম্ হি পূর্ব॑-ম্মনু॒ষ্য়া॑ আ॒ঞ্জতে॒ ন নি ধা॑বতে॒ নীব॒ হি ম॑নু॒ষ্য়া॑ ধাব॑ন্তে॒ পঞ্চ॒ কৃত্ব॒ আ-ঽঙ্ক্তে॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধে॒ পরি॑মিত॒মাঙ্ক্তে ঽপ॑রিমিত॒গ্​ম্॒ হি ম॑নু॒ষ্য়া॑ আ॒ঞ্জতে॒ সতূ॑ল॒য়া-ঽঽঙ্ক্তে- ঽপ॑তূলয়া॒ হি ম॑নু॒ষ্য়া॑ আ॒ঞ্জতে॒ ব্য়াবৃ॑ত্ত্য়ৈ॒ যদপ॑তূলয়াঞ্জী॒ত বজ্র॑ ইব স্য়া॒-থ্সতূ॑ল॒য়া-ঽঽঙ্ক্তে॑ মিত্র॒ত্বায়ে- [মিত্র॒ত্বায়॑, ইন্দ্রো॑] 6

-ন্দ্রো॑ বৃ॒ত্রম॑হ॒ন্​থ্সো᳚-ঽ(1॒)পো᳚-ঽ(1॒)ভ্য়॑-ম্রিযত॒ তাসাং॒-য়ঁন্মেদ্ধ্য়ং॑-য়ঁ॒জ্ঞিয়॒গ্​ম্॒ সদে॑ব॒মাসী॒-ত্তদ॒পোদ॑ক্রাম॒-ত্তে দ॒র্ভা অ॑ভব॒ন্॒. যদ্দ॑র্ভপুঞ্জী॒লৈঃ প॒বয়॑তি॒ যা এ॒ব মেদ্ধ্য়া॑ য॒জ্ঞিয়া॒-স্সদে॑বা॒ আপ॒স্তাভি॑রে॒বৈন॑-ম্পবযতি॒ দ্বাভ্য়া᳚-ম্পবযত্য়-হোরা॒ত্রাভ্য়া॑মে॒বৈন॑-ম্পবযতি ত্রি॒ভিঃ প॑বযতি॒ ত্রয়॑ ই॒মে লো॒কা এ॒ভিরে॒বৈনং॑-লোঁ॒কৈঃ প॑বযতি প॒ঞ্চভিঃ॑ [প॒ঞ্চভিঃ॑, প॒ব॒য়॒তি॒ পঞ্চা᳚ক্ষরা] 7

পবযতি॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞায়ৈ॒বৈন॑-ম্পবযতি ষ॒ড্ভিঃ প॑বযতি॒ ষড্বা ঋ॒তব॑ ঋ॒তুভি॑রে॒বৈন॑-ম্পবযতি স॒প্তভিঃ॑ পবযতি স॒প্ত ছন্দাগ্​ম্॑সি॒ ছন্দো॑ভিরে॒বৈন॑-ম্পবযতি ন॒বভিঃ॑ পবযতি॒ নব॒ বৈ পুরু॑ষে প্রা॒ণা-স্সপ্রা॑ণমে॒বৈন॑-ম্পবয়॒ত্য়েক॑বিগ্​ম্শত্য়া পবযতি॒ দশ॒ হস্ত্য়া॑ অ॒ঙ্গুল॑য়ো॒ দশ॒ পদ্য়া॑ আ॒ত্মৈক॑বি॒গ্​ম্॒শো যাবা॑নে॒ব পুরু॑ষ॒স্ত-মপ॑রিবর্গ- [পুরু॑ষ॒স্ত-মপ॑রিবর্গম্, প॒ব॒য়॒তি॒ চি॒ত্পতি॑স্ত্বা] 8

-ম্পবযতি চি॒ত্পতি॑স্ত্বা পুনা॒ত্বিত্য়া॑হ॒ মনো॒ বৈ চি॒ত্পতি॒র্মন॑সৈ॒বৈন॑-ম্পবযতি বা॒ক্পতি॑স্ত্বা পুনা॒ত্বিত্য়া॑হ বা॒চৈবৈন॑-ম্পবযতি দে॒বস্ত্বা॑ সবি॒তা পু॑না॒ত্বিত্য়া॑হ সবি॒তৃপ্র॑সূত এ॒বৈন॑-ম্পবযতি॒ তস্য়॑ তে পবিত্রপতে প॒বিত্রে॑ণ॒ যস্মৈ॒ ক-ম্পু॒নে তচ্ছ॑কেয়॒মিত্য়া॑-হা॒-ঽঽশিষ॑মে॒বৈতামা শা᳚স্তে ॥ 9 ॥
(অ॒তী॒কা॒শান্ ক॑রো॒ত্য় - বে॑শয়-ন্তি॒র্থ স্না॑তি - প্রঘা॒তো - ম॑নু॒ষ্য়া॑ণা॒-ন্তদ্বা - আ-ঽঙ্ক্তে॑ - মিত্র॒ত্বায়॑ - প॒ঞ্চভি॒ - রপ॑রিবর্গ - ম॒ষ্টাচ॑ত্বারিগ্​ম্শচ্চ) (অ. 1)

যাব॑ন্তো॒ বৈ দে॒বা য॒জ্ঞায়াপু॑নত॒ ত এ॒বাভ॑ব॒ন্॒. য এ॒বং-বিঁ॒দ্বান্. য॒জ্ঞায়॑ পুনী॒তে ভব॑ত্য়ে॒ব ব॒হিঃ প॑বয়ি॒ত্বা-ঽন্তঃ প্র পা॑দযতি মনুষ্যলো॒ক এ॒বৈন॑-ম্পবয়ি॒ত্বা পূ॒ত-ন্দে॑বলো॒ক-ম্প্র ণ॑য়॒ত্যদী᳚ক্ষিত॒ এক॒য়া-ঽঽহু॒ত্য়েত্য়া॑হু-স্স্রু॒বেণ॒ চত॑স্রো জুহোতি দীক্ষিত॒ত্বায়॑ স্রু॒চা প॑ঞ্চ॒মী-ম্পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধ॒ আকূ᳚ত্য়ৈ প্র॒য়ুজে॒-ঽগ্নয়ে॒ [প্র॒য়ুজে॒-ঽগ্নয়ে᳚, স্বাহেত্য়া॒হা] 10

স্বাহেত্য়া॒হা-ঽঽকূ᳚ত্য়া॒ হি পুরু॑ষো য॒জ্ঞম॒ভি প্র॑য়ু॒ঙ্ক্তে যজে॒য়েতি॑ মে॒ধায়ৈ॒ মন॑সে॒-ঽগ্নয়ে॒ স্বাহেত্য়া॑হ মে॒ধয়া॒ হি মন॑সা॒ পুরু॑ষো য॒জ্ঞম॑ভি॒গচ্ছ॑তি॒ সর॑স্বত্য়ৈ পূ॒ষ্ণে᳚-ঽগ্নয়ে॒ স্বাহেত্য়া॑হ॒ বাগ্বৈ সর॑স্বতী পৃথি॒বী পূ॒ষা বা॒চৈব পৃ॑থি॒ব্য়া য॒জ্ঞ-ম্প্রয়ু॑ঙ্ক্ত॒ আপো॑ দেবী-র্বৃহতী-র্বিশ্বশম্ভুব॒ ইত্য়া॑হ॒ যা বৈ বর্​ষ্য়া॒স্তা [য়া বৈ বর্​ষ্য়া॒স্তাঃ, আপো॑ দে॒বী-র্বৃ॑হ॒তী-] 11

আপো॑ দে॒বী-র্বৃ॑হ॒তী-র্বি॒শ্বশ॑ভুং​বোঁ॒ যদে॒ত-দ্যজু॒র্ন ব্রূ॒য়া-দ্দি॒ব্য়া আপো-ঽশা᳚ন্তা ই॒মং-লোঁ॒কমা গ॑চ্ছেয়ু॒রাপো॑ দেবী-র্বৃহতী-র্বিশ্বশম্ভুব॒ ইত্য়া॑হা॒স্মা এ॒বৈনা॑ লো॒কায়॑ শমযতি॒ তস্মা᳚চ্ছা॒ন্তা ই॒মং-লোঁ॒কমা গ॑চ্ছন্তি॒ দ্য়াবা॑পৃথি॒বী ইত্য়া॑হ॒ দ্য়াবা॑পৃথি॒ব্য়োর্​হি য॒জ্ঞ উ॒র্ব॑ন্তরি॑ক্ষ॒-মিত্য়া॑হা॒ন্তরি॑ক্ষে॒ হি য॒জ্ঞো বৃহ॒স্পতি॑র্নো হ॒বিষা॑ বৃধা॒- [হ॒বিষা॑ বৃধাতু, ইত্য়া॑হ॒ ব্রহ্ম॒ বৈ] 12

-ত্বিত্য়া॑হ॒ ব্রহ্ম॒ বৈ দে॒বানা॒-ম্বৃহ॒স্পতি॒-র্ব্রহ্ম॑ণৈ॒বাস্মৈ॑ য॒জ্ঞমব॑ রুন্ধে॒ যদ্- ব্রূ॒য়া-দ্বি॑ধে॒রিতি॑ যজ্ঞস্থা॒ণুমৃ॑চ্ছে-দ্বৃধা॒ত্বিত্য়া॑হ যজ্ঞস্থা॒ণুমে॒ব পরি॑ বৃণক্তি প্র॒জাপ॑তি-র্য়॒জ্ঞম॑সৃজত॒ সো᳚-ঽস্মা-থ্সৃ॒ষ্টঃ পরাং॑ঐ॒-থ্স প্র যজু॒রব্লী॑না॒-ত্প্র সাম॒ তমৃগুদ॑যচ্ছ॒-দ্যদৃগু॒দয়॑চ্ছ॒-ত্তদৌ᳚-দ্গ্রহ॒ণস্য়ৌ᳚-দ্গ্রহণ॒ত্ব মৃ॒চা [মৃ॒চা, জু॒হো॒তি॒ য॒জ্ঞস্য়োদ্য়॑ত্য়া] 13

জু॑হোতি য॒জ্ঞস্য়োদ্য়॑ত্য়া অনু॒ষ্টুপ্-ছন্দ॑সা॒-মুদ॑যচ্ছ॒দিত্য়া॑-হু॒স্তস্মা॑দনু॒ষ্টুভা॑ জুহোতি য॒জ্ঞস্য়োদ্য়॑ত্য়ৈ॒ দ্বাদ॑শ বাথ্সব॒ন্ধান্য়ুদ॑যচ্ছ॒-ন্নিত্য়া॑হু॒-স্তস্মা᳚দ্- দ্বাদ॒শভি॑-র্বাথ্সবন্ধ॒বিদো॑ দীক্ষযন্তি॒ সা বা এ॒ষর্গ॑নু॒ষ্টুগ্-বাগ॑নু॒ষ্টুগ্-যদে॒তয়॒র্চা দী॒ক্ষয়॑তি বা॒চৈবৈন॒গ্​ম্॒ সর্ব॑য়া দীক্ষযতি॒ বিশ্বে॑ দে॒বস্য়॑ নে॒তুরিত্য়া॑হ সাবি॒ত্র্য়ে॑তেন॒ মর্তো॑ বৃণীত স॒খ্য়- [স॒খ্যম্, ইত্য়া॑হ] 14

-মিত্য়া॑হ পিতৃদেব॒ত্য়ৈ॑তেন॒ বিশ্বে॑ রা॒য় ই॑ষুদ্ধ্য়॒সীত্য়া॑হ বৈশ্বদে॒ব্য়ে॑তেন॑ দ্য়ু॒ম্নং-বৃঁ॑ণীত পু॒ষ্যস॒ ইত্য়া॑হ পৌ॒ষ্ণ্য়ে॑তেন॒ সা বা এ॒ষর্খ্স॑র্বদেব॒ত্য়া॑ যদে॒তয়॒র্চা দী॒ক্ষয়॑তি॒ সর্বা॑ভিরে॒বৈন॑-ন্দে॒বতা॑ভির্দীক্ষযতি স॒প্তাক্ষ॑র-ম্প্রথ॒ম-ম্প॒দম॒ষ্টাক্ষ॑রাণি॒ ত্রীণি॒ যানি॒ ত্রীণি॒ তান্য়॒ষ্টাবুপ॑ যন্তি॒ যানি॑ চ॒ত্বারি॒ তান্য়॒ষ্টৌ যদ॒ষ্টাক্ষ॑রা॒ তেন॑ [তেন॑, গা॒য়॒ত্রী যদেকা॑দশাক্ষরা॒] 15

গায়॒ত্রী যদেকা॑দশাক্ষরা॒ তেন॑ ত্রি॒ষ্টুগ্য়-দ্দ্বাদ॑শাক্ষরা॒ তেন॒ জগ॑তী॒ সা বা এ॒ষর্খ্সর্বা॑ণি॒ ছন্দাগ্​ম্॑সি॒ যদে॒তয়॒র্চা দী॒ক্ষয়॑তি॒ সর্বে॑ভিরে॒বৈন॒-ঞ্ছন্দো॑ভির্দীক্ষযতি স॒প্তাক্ষ॑র-ম্প্রথ॒ম-ম্প॒দগ্​ম্ স॒প্তপ॑দা॒ শক্ব॑রী প॒শব॒-শ্শক্ব॑রী প॒শূনে॒বাব॑ রুন্ধ॒ এক॑স্মাদ॒ক্ষরা॒দনা᳚প্ত-ম্প্রথ॒ম-ম্প॒দ-ন্তস্মা॒-দ্য়-দ্বা॒চো-ঽনা᳚প্ত॒-ন্তন্ম॑নু॒ষ্য়া॑ উপ॑ জীবন্তি পূ॒র্ণয়া॑ জুহোতি পূ॒র্ণ ই॑ব॒ হি প্র॒জাপ॑তিঃ প্র॒জাপ॑তে॒রাপ্ত্য়ৈ॒ ন্য়ূ॑নয়া জুহোতি॒ ন্য়ূ॑না॒দ্ধি প্র॒জাপ॑তিঃ প্র॒জা অসৃ॑জত প্র॒জানা॒গ্​ম্॒ সৃষ্ট্য়ৈ᳚ ॥ 16 ॥
(অ॒গ্নয়ে॒ - তা - বৃ॑ধাত্বৃ॒ - চা - স॒খ্য়ং - তেন॑ - জুহোতি॒ - পঞ্চ॑দশ চ) (অ. 2)

ঋ॒-খ্সা॒মে বৈ দে॒বেভ্য়ো॑ য॒জ্ঞায়া-ঽতি॑ষ্ঠমানে॒ কৃষ্ণো॑ রূ॒প-ঙ্কৃ॒ত্বা- ঽপ॒ক্রম্য়া॑তিষ্ঠতা॒-ন্তে॑-ঽমন্যন্ত॒ যং-বাঁ ই॒মে উ॑পাব॒র্থ্স্যত॒-স্স ই॒দ-ম্ভ॑বিষ্য়॒তীতি॒ তে উপা॑মন্ত্রযন্ত॒ তে অ॑হোরা॒ত্রয়ো᳚-র্মহি॒মান॑-মপনি॒ধায়॑ দে॒বানু॒পাব॑র্তেতামে॒ষ বা ঋ॒চো বর্ণো॒ যচ্ছু॒ক্ল-ঙ্কৃ॑ষ্ণাজি॒নস্য়ৈ॒ষ সাম্নো॒ য-ত্কৃ॒ষ্ণমৃ॑খ্সা॒ময়ো॒-শ্শিল্পে᳚ স্থ॒ ইত্য়া॑হর্খ্সা॒মে এ॒বা-ঽব॑ রুন্ধ এ॒ষ [এ॒বা-ঽব॑ রুন্ধ এ॒ষঃ, বা অহ্নো॒] 17

বা অহ্নো॒ বর্ণো॒ যচ্ছু॒ক্ল-ঙ্কৃ॑ষ্ণাজি॒নস্য়ৈ॒ষ রাত্রি॑য়া॒ য-ত্কৃ॒ষ্ণং-য়ঁদে॒বৈন॑য়ো॒স্তত্র॒ ন্য়॑ক্ত॒-ন্তদে॒বাব॑ রুন্ধে কৃষ্ণাজি॒নেন॑ দীক্ষযতি॒ ব্রহ্ম॑ণো॒ বা এ॒ত-দ্রূ॒পং-য়ঁ-ত্কৃ॑ষ্ণাজি॒ন-ম্ব্রহ্ম॑ণৈ॒বৈন॑-ন্দীক্ষযতী॒মা-ন্ধিয়॒গ্​ম্॒ শিক্ষ॑মাণস্য় দে॒বেত্য়া॑হ যথায়॒জুরে॒বৈত-দ্গর্ভো॒ বা এ॒ষ য-দ্দী᳚ক্ষি॒ত উল্বং॒-বাঁসঃ॒ প্রোর্ণু॑তে॒ তস্মা॒- [তস্মা᳚ত্, গর্ভাঃ॒ প্রাবৃ॑তা] 18

-দ্গর্ভাঃ॒ প্রাবৃ॑তা জাযন্তে॒ ন পু॒রা সোম॑স্য় ক্র॒য়াদপো᳚র্ণ্বীত॒ য-ত্পু॒রা সোম॑স্য় ক্র॒য়াদ॑পোর্ণ্বী॒ত গর্ভাঃ᳚ প্র॒জানা᳚-ম্পরা॒পাতু॑কা-স্স্য়ুঃ ক্রী॒তে সোমে-ঽপো᳚র্ণুতে॒ জায়॑ত এ॒ব তদথো॒ যথা॒ বসী॑য়াগ্​ম্ স-ম্প্রত্যপোর্ণু॒তে তা॒দৃগে॒ব তদঙ্গি॑রস-স্সুব॒র্গং-লোঁ॒কং-য়ঁন্ত॒ ঊর্জং॒-ব্য়ঁ॑ভজন্ত॒ ততো॒ যদ॒ত্যশি॑ষ্যত॒ তে শ॒রা অ॑ভব॒ন্নূর্গ্বৈ শ॒রা যচ্ছ॑র॒ময়ী॒ [যচ্ছ॑র॒ময়ী᳚, মেখ॑লা॒] 19

মেখ॑লা॒ ভব॒ত্য়ূর্জ॑মে॒বাব॑ রুন্ধে মদ্ধ্য়॒ত-স্সন্ন॑হ্যতি মদ্ধ্য়॒ত এ॒বাস্মা॒ ঊর্জ॑-ন্দধাতি॒ তস্মা᳚ন্মদ্ধ্য়॒ত ঊ॒র্জা ভু॑ঞ্জত ঊ॒র্ধ্বং-বৈঁ পুরু॑ষস্য়॒ নাভ্য়ৈ॒ মেদ্ধ্য়॑-মবা॒চীন॑-মমে॒দ্ধ্য়ং-য়ঁন্ম॑দ্ধ্য়॒ত-স্স॒নংহ্য়॑তি॒ মেদ্ধ্য়॑-ঞ্চৈ॒বাস্য়া॑মে॒দ্ধ্য়-ঞ্চ॒ ব্য়াব॑র্তয়॒তীন্দ্রো॑ বৃ॒ত্রায়॒ বজ্র॒-ম্প্রাহ॑র॒-থ্স ত্রে॒ধা ব্য়॑ভব॒-থ্স্ফ্যস্তৃতী॑য়॒গ্​ম্॒ রথ॒স্তৃতী॑য়ং॒-য়ূঁপ॒স্তৃতী॑য়ং॒- [-য়ূপ॒স্তৃতী॑য়॒ম্, যে᳚-ঽন্ত-শ্শ॒রা] 20

-ঁয়ে᳚-ঽন্ত-শ্শ॒রা অশী᳚র্যন্ত॒ তে শ॒রা অ॑ভব॒-ন্তচ্ছ॒রাণাগ্​ম্॑ শর॒ত্বং-বঁজ্রো॒ বৈ শ॒রাঃ, ক্ষু-ত্খলু॒ বৈ ম॑নু॒ষ্য়॑স্য়॒ ভ্রাতৃ॑ব্য়ো॒ যচ্ছ॑র॒ময়ী॒ মেখ॑লা॒ ভব॑তি॒ বজ্রে॑ণৈ॒ব সা॒ক্ষা-ত্ক্ষুধ॒-ম্ভ্রাতৃ॑ব্য়-ম্মদ্ধ্য়॒তো-ঽপ॑ হতে ত্রি॒বৃ-দ্ভ॑বতি ত্রি॒বৃদ্বৈ প্রা॒ণস্ত্রি॒বৃত॑মে॒ব প্রা॒ণ-ম্ম॑দ্ধ্য়॒তো যজ॑মানে দধাতি পৃ॒থ্বী ভ॑বতি॒ রজ্জূ॑নাং॒-ব্য়াঁবৃ॑ত্য়ৈ॒ মেখ॑লয়া॒ যজ॑মান-ন্দীক্ষযতি॒ যোক্ত্রে॑ণ॒ পত্নী᳚-ম্মিথুন॒ত্বায়॑ [ ] 21

য॒জ্ঞো দক্ষি॑ণাম॒ভ্য়॑দ্ধ্য়ায়॒-ত্তাগ্​ম্ সম॑ভব॒-ত্তদিন্দ্রো॑-ঽচায়॒-থ্সো॑-ঽমন্যত॒ যো বা ই॒তো জ॑নি॒ষ্যতে॒ স ই॒দ-ম্ভ॑বিষ্য়॒তীতি॒ তা-ম্প্রাবি॑শ॒-ত্তস্য়া॒ ইন্দ্র॑ এ॒বাজা॑যত॒ সো॑-ঽমন্যত॒ যো বৈ মদি॒তো ঽপ॑রো জনি॒ষ্যতে॒ স ই॒দ-ম্ভ॑বিষ্য়॒তীতি॒ তস্য়া॑ অনু॒মৃশ্য়॒ যোনি॒মা-ঽচ্ছি॑ন॒-থ্সা সূ॒তব॑শা-ঽভব॒-ত্ত-থ্সূ॒তব॑শায়ৈ॒ জন্ম॒ [জন্ম॑, তাগ্​ম্ হস্তে॒ ন্য়॑বেষ্টযত॒] 22

তাগ্​ম্ হস্তে॒ ন্য়॑বেষ্টযত॒ তা-ম্মৃ॒গেষু॒ ন্য়॑দধা॒-থ্সা কৃ॑ষ্ণবিষা॒ণা- ঽভ॑ব॒দিন্দ্র॑স্য়॒ যোনি॑রসি॒ মা মা॑ হিগ্​ম্সী॒রিতি॑ কৃষ্ণবিষা॒ণা-ম্প্র য॑চ্ছতি॒ সয়ো॑নিমে॒ব য॒জ্ঞ-ঙ্ক॑রোতি॒ সয়ো॑নি॒-ন্দক্ষি॑ণা॒গ্​ম্॒ সয়ো॑নি॒মিন্দ্রগ্​ম্॑ সয়োনি॒ত্বায়॑ কৃ॒ষ্য়ৈ ত্বা॑ সুস॒স্য়ায়া॒ ইত্য়া॑হ॒ তস্মা॑দকৃষ্টপ॒চ্য়া ওষ॑ধয়ঃ পচ্যন্তে সুপিপ্প॒লাভ্য়॒-স্ত্বৌষ॑ধীভ্য়॒ ইত্য়া॑হ॒ তস্মা॒দোষ॑ধয়ঃ॒ ফল॑-ঙ্গৃহ্ণন্তি॒ যদ্ধস্তে॑ন [যদ্ধস্তে॑ন, ক॒ণ্ডূ॒য়েত॑] 23

কণ্ডূ॒য়েত॑ পামন॒-ম্ভাবু॑কাঃ প্র॒জা-স্স্য়ু॒র্য়-থ্স্ময়ে॑ত নগ্ন॒-ম্ভাবু॑কাঃ কৃষ্ণবিষা॒ণয়া॑ কণ্ডূযতে-ঽপি॒গৃহ্য়॑ স্মযতে প্র॒জানা᳚-ঙ্গোপী॒থায়॒ ন পু॒রা দক্ষি॑ণাভ্য়ো॒ নেতোঃ᳚ কৃষ্ণবিষা॒ণামব॑ চৃতে॒দ্য়-ত্পু॒রা দক্ষি॑ণাভ্য়ো॒ নেতোঃ᳚ কৃষ্ণবিষা॒ণা-ম॑বচৃ॒তে-দ্য়োনিঃ॑ প্র॒জানা᳚-ম্পরা॒পাতু॑কা স্য়ান্নী॒তাসু॒ দক্ষি॑ণাসু॒ চাত্বা॑লে কৃষ্ণবিষা॒ণা-ম্প্রাস্য়॑তি॒ যোনি॒র্বৈ য॒জ্ঞস্য়॒ চাত্বা॑লং॒-য়োঁনিঃ॑ কৃষ্ণবিষা॒ণা যোনা॑বে॒ব যোনি॑-ন্দধাতি য॒জ্ঞস্য়॑ সয়োনি॒ত্বায়॑ ॥ 24 ॥
(রু॒ন্ধ॒ এ॒ষ - তস্মা᳚ - চ্ছর॒ময়ী॒ - যূপ॒স্তৃতী॑য়ং - মিথুন॒ত্বায়॒ - জন্ম॒ - হস্তে॑না॒ - ঽষ্টাচ॑ত্বারিগ্​ম্শচ্চ) (অ. 3)

বাগ্বৈ দে॒বেভ্য়ো ঽপা᳚ক্রাম-দ্য়॒জ্ঞায়াতি॑ষ্ঠমানা॒ সা বন॒স্পতী॒-ন্প্রাবি॑শ॒-থ্সৈষা বাগ্বন॒স্পতি॑ষু বদতি॒ যা দু॑ন্দু॒ভৌ যা তূণ॑বে॒ যা বীণা॑য়াং॒-য়ঁ-দ্দী᳚ক্ষিতদ॒ণ্ড-ম্প্র॒যচ্ছ॑তি॒ বাচ॑মে॒বাব॑ রুন্ধ॒ ঔদু॑বংরো ভব॒ত্য়ূর্গ্বা উ॑দু॒বংর॒ ঊর্জ॑মে॒বাব॑ রুন্ধে॒ মুখে॑ন॒ সম্মি॑তো ভবতি মুখ॒ত এ॒বাস্মা॒ ঊর্জ॑-ন্দধাতি॒ তস্মা᳚-ন্মুখ॒ত ঊ॒র্জা ভু॑ঞ্জতে [ ] 25

ক্রী॒তে সোমে॑ মৈত্রাবরু॒ণায়॑ দ॒ণ্ড-ম্প্র য॑চ্ছতি মৈত্রাবরু॒ণো হি পু॒রস্তা॑-দৃ॒ত্বিগ্ভ্য়ো॒ বাচং॑-বিঁ॒ভজ॑তি॒ তামৃ॒ত্বিজো॒ যজ॑মানে॒ প্রতি॑ ষ্ঠাপযন্তি॒ স্বাহা॑ য॒জ্ঞ-ম্মন॒সেত্য়া॑হ॒ মন॑সা॒ হি পুরু॑ষো য॒জ্ঞম॑ভি॒গচ্ছ॑তি॒ স্বাহা॒ দ্য়াবা॑পৃথি॒বীভ্য়া॒ -মিত্য়া॑হ॒ দ্য়াবা॑পৃথি॒ব্য়োর্​হি য॒জ্ঞ-স্স্বাহো॒রোর॒-ন্তরি॑ক্ষা॒ -দিত্য়া॑হা॒ন্তরি॑ক্ষে॒ হি য॒জ্ঞ-স্স্বাহা॑ য॒জ্ঞং-বাঁতা॒দা র॑ভ॒ ইত্য়া॑হা॒-ঽয়ং- [ইত্য়া॑হা॒-ঽযম্, বাব যঃ পব॑তে॒] 26

-ঁবাব যঃ পব॑তে॒ স য॒জ্ঞস্তমে॒ব সা॒ক্ষাদা র॑ভতে মু॒ষ্টী ক॑রোতি॒ বাচং॑-য়ঁচ্ছতি য॒জ্ঞস্য়॒ ধৃত্য়া॒ অদী᳚ক্ষিষ্টা॒য়-ম্ব্রা᳚হ্ম॒ণ ইতি॒ ত্রিরু॑পা॒গ্॒শ্বা॑হ দে॒বেভ্য়॑ এ॒বৈন॒-ম্প্রা-ঽঽহ॒ ত্রিরু॒চ্চৈরু॒ভয়ে᳚ভ্য় এ॒বৈন॑-ন্দেবমনু॒ষ্য়েভ্য়ঃ॒ প্রা-ঽঽহ॒ ন পু॒রা নক্ষ॑ত্রেভ্য়ো॒ বাচং॒-বিঁ সৃ॑জে॒-দ্যত্পু॒রা নক্ষ॑ত্রেভ্য়ো॒ বাচং॑-বিঁসৃ॒জে-দ্য়॒জ্ঞং-বিঁচ্ছি॑ন্দ্য়া॒- [-ঁবিচ্ছি॑ন্দ্য়াত্, উদি॑তেষু॒] 27

-দুদি॑তেষু॒ নক্ষ॑ত্রেষু ব্র॒ত-ঙ্কৃ॑ণু॒তেতি॒ বাচং॒-বিঁ সৃ॑জতি য॒জ্ঞব্র॑তো॒ বৈ দী᳚ক্ষি॒তো য॒জ্ঞমে॒বাভি বাচং॒-বিঁ সৃ॑জতি॒ যদি॑ বিসৃ॒জে-দ্বৈ᳚ষ্ণ॒বীমৃচ॒মনু॑ ব্রূয়া-দ্য়॒জ্ঞো বৈ বিষ্ণু॑র্য়॒জ্ঞেনৈ॒ব য॒জ্ঞগ্​ম্ স-ন্ত॑নোতি॒ দৈবী॒-ন্ধিয়॑-ম্মনামহ॒ ইত্য়া॑হ য॒জ্ঞমে॒ব তন্ম্র॑দযতি সুপা॒রা নো॑ অস॒দ্বশ॒ ইত্য়া॑হ॒ ব্য়ু॑ষ্টিমে॒বাব॑ রুন্ধে [রুন্ধে, ব্র॒হ্ম॒বা॒দিনো॑ বদন্তি] 28

ব্রহ্মবা॒দিনো॑ বদন্তি হোত॒ব্য়॑-ন্দীক্ষি॒তস্য়॑ গৃ॒হা(3) ই ন হো॑ত॒ব্য়া(3)মিতি॑ হ॒বির্বৈ দী᳚ক্ষি॒তো যজ্জু॑হু॒য়া-দ্যজ॑মানস্য়াব॒দায়॑ জুহুয়া॒-দ্যন্ন জু॑হু॒য়া-দ্য়॑জ্ঞপ॒রুর॒ন্তরি॑য়া॒দ্য়ে দে॒বা মনো॑জাতা মনো॒য়ুজ॒ ইত্য়া॑হ প্রা॒ণা বৈ দে॒বা মনো॑জাতা মনো॒য়ুজ॒স্তেষ্বে॒ব প॒রোক্ষ॑-ঞ্জুহোতি॒ তন্নেব॑ হু॒ত-ন্নেবাহু॑তগ্গ্​ স্ব॒পন্তং॒-বৈঁ দী᳚ক্ষি॒তগ্​ম্ রক্ষাগ্​ম্॑সি জিঘাগ্​ম্সন্ত্য়॒গ্নিঃ - [জিঘাগ্​ম্সন্ত্য়॒গ্নিঃ, খলু॒ বৈ] 29

খলু॒ বৈ র॑ক্ষো॒হা-ঽগ্নে॒ ত্বগ্​ম্ সু জা॑গৃহি ব॒য়গ্​ম্ সু ম॑ন্দিষীম॒হীত্য়া॑হা॒গ্নি-মে॒বাধি॒পা-ঙ্কৃ॒ত্বা স্ব॑পিতি॒ রক্ষ॑সা॒মপ॑হত্য়া অব্র॒ত্যমি॑ব॒ বা এ॒ষ ক॑রোতি॒ যো দী᳚ক্ষি॒ত-স্স্বপি॑তি॒ ত্বম॑গ্নে ব্রত॒পা অ॒সীত্য়া॑হা॒গ্নির্বৈ দে॒বানাং᳚-ব্রঁ॒তপ॑তি॒-স্স এ॒বৈনং॑-ব্রঁ॒তমা ল॑ভং​য়ঁতি দে॒ব আ মর্ত্য়ে॒ষ্বেত্য়া॑হ দে॒বো [দে॒বঃ, হ্য়ে॑ষ স-ন্মর্ত্য়ে॑ষু॒] 30

হ্য়ে॑ষ স-ন্মর্ত্য়ে॑ষু॒ ত্বং-য়ঁ॒জ্ঞেষ্বীড্য়॒ ইত্য়া॑হৈ॒তগ্​ম্ হি য॒জ্ঞেষ্বীড॒তে-ঽপ॒ বৈ দী᳚ক্ষি॒তা-থ্সু॑ষু॒পুষ॑ ইন্দ্রি॒য়-ন্দে॒বতাঃ᳚ ক্রামন্তি॒ বিশ্বে॑ দে॒বা অ॒ভি মামা-ঽব॑বৃত্র॒-ন্নিত্য়া॑-হেন্দ্রি॒য়েণৈ॒বৈন॑-ন্দে॒বতা॑ভি॒-স্স-ন্ন॑যতি॒ যদে॒ত-দ্যজু॒র্ন ব্রূ॒য়া-দ্য়াব॑ত এ॒ব প॒শূন॒ভি দীক্ষে॑ত॒ তাব॑ন্তো-ঽস্য় প॒শব॑-স্স্য়ূ॒ রাস্বেয়॑- [প॒শব॑-স্স্য়ূ॒ রাস্বেয়॑ত্, সো॒মা-ঽঽ ভূয়ো॑] 31

-থ্সো॒মা-ঽঽ ভূয়ো॑ ভ॒রেত্য়া॒হা-প॑রিমিতানে॒ব প॒শূনব॑ রুন্ধে চ॒ন্দ্রম॑সি॒ মম॒ ভোগা॑য় ভ॒বেত্য়া॑হ যথাদেব॒তমে॒বৈনাঃ॒ প্রতি॑ গৃহ্ণাতি বা॒যবে᳚ ত্বা॒ বরু॑ণায়॒ ত্বেতি॒ যদে॒বমে॒তা নানু॑দি॒শেদয়॑থাদেবত॒-ন্দক্ষি॑ণা গময়ে॒দা দে॒বতা᳚ভ্য়ো বৃশ্চ্য়েত॒ যদে॒বমে॒তা অ॑নুদি॒শতি॑ যথাদেব॒তমে॒ব দক্ষি॑ণা গমযতি॒ ন দে॒বতা᳚ভ্য়॒ আ [ন দে॒বতা᳚ভ্য়॒ আ, বৃ॒শ্চ্য়॒তে॒ দেবী॑রাপো] 32

বৃ॑শ্চ্যতে॒ দেবী॑রাপো অপা-ন্নপা॒দিত্য়া॑হ॒ যদ্বো॒ মেদ্ধ্য়ং॑-য়ঁ॒জ্ঞিয়॒গ্​ম্॒ সদে॑ব॒-ন্তদ্বো॒ মা-ঽব॑ ক্রমিষ॒মিতি॒ বাবৈতদা॒হাচ্ছি॑ন্ন॒-ন্তন্তু॑-ম্পৃথি॒ব্য়া অনু॑ গেষ॒মিত্য়া॑হ॒ সেতু॑মে॒ব কৃ॒ত্বা-ঽত্য়ে॑তি ॥ 33 ॥
(ভু॒ঞ্জ॒তে॒ - ঽয়ং - ছি॑ন্দ্য়া-দ্- রুন্ধে॒ - ঽগ্নি - রা॑হ দে॒ব - ইয়॑-দ্- দে॒বতা᳚ভ্য়॒ আ - ত্রয়॑স্ত্রিগ্​ম্শচ্চ) (অ. 4)

দে॒বা বৈ দে॑ব॒যজ॑ন-মদ্ধ্যব॒সায়॒ দিশো॒ ন প্রাজা॑ন॒-ন্তে᳚(1॒)-ঽন্য়ো᳚-ঽন্যমুপা॑ধাব॒-ন্ত্বয়া॒ প্র জা॑নাম॒ ত্বয়েতি॒ তে-ঽদি॑ত্য়া॒গ্​ম্॒ সম॑দ্ধ্রযন্ত॒ ত্বয়া॒ প্র জা॑না॒মেতি॒ সা-ঽব্র॑বী॒-দ্বরং॑-বৃঁণৈ॒ মত্প্রা॑যণা এ॒ব বো॑ য॒জ্ঞা মদু॑দযনা অস॒ন্নিতি॒ তস্মা॑দাদি॒ত্য়ঃ প্রা॑য়॒ণীয়ো॑ য॒জ্ঞানা॑মাদি॒ত্য় উ॑দয়॒নীয়ঃ॒ পঞ্চ॑ দে॒বতা॑ যজতি॒ পঞ্চ॒ দিশো॑ দি॒শা-ম্প্রজ্ঞা᳚ত্য়া॒ [দি॒শা-ম্প্রজ্ঞা᳚ত্য়ৈ, অথো॒ পঞ্চা᳚ক্ষরা] 34

অথো॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধে॒ পথ্য়াগ্॑ স্ব॒স্তিম॑যজ॒-ন্প্রাচী॑মে॒ব তয়া॒ দিশ॒-ম্প্রাজা॑নন্ন॒গ্নিনা॑ দক্ষি॒ণা সোমে॑ন প্র॒তীচীগ্​ম্॑ সবি॒ত্রোদী॑চী॒-মদি॑ত্য়ো॒র্ধ্বা-ম্পথ্য়াগ্॑ স্ব॒স্তিং ঁয়॑জতি॒ প্রাচী॑মে॒ব তয়া॒ দিশ॒-ম্প্র জা॑নাতি॒ পথ্য়াগ্॑ স্ব॒স্তিমি॒ষ্ট্বা-ঽগ্নীষোমৌ॑ যজতি॒ চক্ষু॑ষী॒ বা এ॒তে য॒জ্ঞস্য়॒ যদ॒গ্নীষোমৌ॒ তাভ্য়া॑মে॒বানু॑ পশ্য়- [পশ্যতি, অ॒গ্নীষোমা॑-বি॒ষ্ট্বা] 35

-ত্য়॒গ্নীষোমা॑-বি॒ষ্ট্বা স॑বি॒তারং॑-য়ঁজতি সবি॒তৃপ্র॑সূত এ॒বানু॑ পশ্যতি সবি॒তার॑মি॒ষ্ট্বা-ঽদি॑তিং-য়ঁজতী॒য়ং-বাঁ অদি॑তির॒স্য়ামে॒ব প্র॑তি॒ষ্ঠায়ানু॑ পশ্য়॒ত্যদি॑তিমি॒ষ্ট্বা মা॑রু॒তীমৃচ॒মন্বা॑হ ম॒রুতো॒ বৈ দে॒বানাং॒-বিঁশো॑ দেববি॒শ-ঙ্খলু॒ বৈ কল্প॑মান-ম্মনুষ্যবি॒শমনু॑ কল্পতে॒ য-ন্মা॑রু॒তীমৃচ॑ম॒ন্বাহ॑ বি॒শা-ঙ্কৢপ্ত্য়ৈ᳚ ব্রহ্মবা॒দিনো॑ বদন্তি প্রয়া॒জব॑দননূয়া॒জ-ম্প্রা॑য়॒ণীয়॑-ঙ্কা॒র্য়॑-মনূয়া॒জব॑- [-মনূয়া॒জব॑ত্, অ॒প্র॒য়া॒জ-মু॑দয়॒নীয়॒] 36

-দপ্রয়া॒জ-মু॑দয়॒নীয়॒-মিতী॒মে বৈ প্র॑য়া॒জা অ॒মী অ॑নূয়া॒জা-স্সৈব সা য॒জ্ঞস্য়॒ সন্ত॑তি॒স্ত-ত্তথা॒ ন কা॒র্য়॑মা॒ত্মা বৈ প্র॑য়া॒জাঃ প্র॒জা-ঽনূ॑য়া॒জা য-ত্প্র॑য়া॒জা-ন॑ন্তরি॒য়াদা॒ত্মান॑ম॒-ন্তরি॑য়া॒-দ্যদ॑নূয়া॒জা-ন॑ন্তরি॒য়া-ত্প্র॒জাম॒ন্তরি॑য়া॒দ্যতঃ॒ খলু॒ বৈ য॒জ্ঞস্য়॒ বিত॑তস্য়॒ ন ক্রি॒যতে॒ তদনু॑ য॒জ্ঞঃ পরা॑ ভবতি য॒জ্ঞ-ম্প॑রা॒ভব॑ন্তং॒-য়ঁজ॑মা॒নো-ঽনু॒ [-ঁযজ॑মা॒নো-ঽনু॑, পরা॑ ভবতি] 37

পরা॑ ভবতি প্রয়া॒জব॑দে॒বা-নূ॑য়া॒জব॑-ত্প্রায়॒ণীয়॑-ঙ্কা॒র্য়॑-ম্প্রয়া॒জব॑দনূয়া॒জব॑-দুদয়॒নীয়॒-ন্না-ঽঽত্মান॑মন্ত॒রেতি॒ ন প্র॒জা-ন্ন য॒জ্ঞঃ প॑রা॒ভব॑তি॒ ন যজ॑মানঃ প্রায়॒ণীয়॑স্য় নিষ্কা॒স উ॑দয়॒নীয়॑ম॒ভি নির্ব॑পতি॒ সৈব সা য॒জ্ঞস্য়॒ সন্ত॑তি॒র্য়াঃ প্রা॑য়॒ণীয়॑স্য় যা॒জ্য়া॑ য-ত্তা উ॑দয়॒নীয়॑স্য় যা॒জ্য়াঃ᳚ কু॒র্য়া-ত্পরাং॑অ॒মুং-লোঁ॒কমা রো॑হে-ত্প্র॒মায়ু॑ক-স্স্য়া॒দ্য়াঃ প্রা॑য়॒ণীয়॑স্য় পুরো-ঽনুবা॒ক্য়া᳚স্তা উ॑দয়॒নীয়॑স্য় যা॒জ্য়াঃ᳚ করোত্য়॒স্মিন্নে॒ব লো॒কে প্রতি॑ তিষ্ঠতি ॥ 38 ॥
(প্রজ্ঞা᳚ত্য়ৈ - পশ্যত্য় - নূয়া॒জব॒ - দ্যজ॑মা॒নো-ঽনু॑ - পুরোনুবা॒ক্য়া᳚স্তা - অ॒ষ্টৌ চ॑) (অ. 5)

ক॒দ্রূশ্চ॒ বৈ সু॑প॒র্ণী চা᳚-ঽঽত্মরূ॒পয়ো॑রস্পর্ধেতা॒গ্​ম্॒ সা ক॒দ্রূ-স্সু॑প॒র্ণীম॑জয়॒-থ্সা-ঽব্র॑বী-ত্তৃ॒তীয়॑স্য়ামি॒তো দি॒বি সোম॒স্তমা হ॑র॒ তেনা॒-ঽঽত্মান॒-ন্নিষ্ক্রী॑ণী॒ষ্বেতী॒য়ং-বৈঁ ক॒দ্রূর॒সৌ সু॑প॒র্ণী ছন্দাগ্​ম্॑সি সৌপর্ণে॒য়া-স্সাব্র॑বীদ॒স্মৈ বৈ পি॒তরৌ॑ পু॒ত্রা-ন্বি॑ভৃত-স্তৃ॒তীয়॑স্য়ামি॒তো দি॒বি সোম॒স্তমা হ॑র॒ তেনা॒-ঽঽত্মান॒-ন্নিষ্ক্রী॑ণী॒ষ্বে- [নিষ্ক্রী॑ণী॒ষ্ব, ইতি॑ মা] 39

-তি॑ মা ক॒দ্রূর॑বোচ॒দিতি॒ জগ॒ত্য়ুদ॑পত॒-চ্চতু॑র্দশাক্ষরা স॒তী সা ঽপ্রা᳚প্য়॒ ন্য়॑বর্তত॒ তস্য়ৈ॒ দ্বে অ॒ক্ষরে॑ অমীয়েতা॒গ্​ম্॒ সা প॒শুভি॑শ্চ দী॒ক্ষয়া॒ চা-ঽগ॑চ্ছ॒-ত্তস্মা॒জ্জগ॑তী॒ ছন্দ॑সা-ম্পশ॒ব্য়॑তমা॒ তস্মা᳚-ত্পশু॒মন্ত॑-ন্দী॒ক্ষোপ॑ নমতি ত্রি॒ষ্টুগুদ॑পত॒-ত্ত্রয়ো॑দশাক্ষরা স॒তী সা ঽপ্রা᳚প্য়॒ ন্য়॑বর্তত॒ তস্য়ৈ॒ দ্বে অ॒ক্ষরে॑ অমীয়েতা॒গ্​ম্॒ সা দক্ষি॑ণাভিশ্চ॒ [দক্ষি॑ণাভিশ্চ, তপ॑সা॒] 40

তপ॑সা॒ চা-ঽগ॑চ্ছ॒-ত্তস্মা᳚-ত্ত্রি॒ষ্টুভো॑ লো॒কে মাদ্ধ্য়॑ন্দিনে॒ সব॑নে॒ দক্ষি॑ণা নীযন্ত এ॒ত-ত্খলু॒ বাব তপ॒ ইত্য়া॑হু॒র্য়-স্স্ব-ন্দদা॒তীতি॑ গায়॒ত্র্য়ুদ॑পত॒চ্চতু॑রক্ষরা স॒ত্য়॑জয়া॒ জ্য়োতি॑ষা॒ তম॑স্য়া অ॒জা-ঽভ্য়॑রুন্ধ॒ তদ॒জায়া॑ অজ॒ত্বগ্​ম্ সা সোম॒-ঞ্চা-ঽঽহ॑রচ্চ॒ত্বারি॑ চা॒ক্ষরা॑ণি॒ সা-ঽষ্টাক্ষ॑রা॒ সম॑পদ্যত ব্রহ্মবা॒দিনো॑ বদন্তি॒ [ব্রহ্মবা॒দিনো॑ বদন্তি, কস্মা᳚-থ্স॒ত্য়া-] 41

কস্মা᳚-থ্স॒ত্য়া-দ্গা॑য়॒ত্রী কনি॑ষ্ঠা॒ ছন্দ॑সাগ্​ম্ স॒তী য॑জ্ঞমু॒খ-ম্পরী॑য়া॒য়েতি॒ যদে॒বাদ-স্সোম॒মা-ঽহ॑র॒-ত্তস্মা᳚-দ্যজ্ঞমু॒খ-ম্পর্য়ৈ॒-ত্তস্মা᳚-ত্তেজ॒স্বিনী॑তমা প॒দ্ভ্য়া-ন্দ্বে সব॑নে স॒মগৃ॑হ্ণা॒-ন্মুখে॒নৈকং॒-য়ঁন্মুখে॑ন স॒মগৃ॑হ্ণা॒-ত্তদ॑ধয়॒-ত্তস্মা॒-দ্দ্বে সব॑নে শু॒ক্র॑বতী প্রাতস্সব॒ন-ঞ্চ॒ মাদ্ধ্য়॑ন্দিন-ঞ্চ॒ তস্মা᳚-ত্তৃতীয় সব॒ন ঋ॑জী॒ষম॒ভি ষু॑ণ্বন্তি ধী॒তমি॑ব॒ হি মন্য়॑ন্ত [হি মন্য়॑ন্তে, আ॒শির॒মব॑ নযতি] 42

আ॒শির॒মব॑ নযতি সশুক্র॒ত্বায়াথো॒ স-ম্ভ॑রত্য়ে॒বৈন॒-ত্তগ্​ম্ সোম॑-মাহ্রি॒যমা॑ণ-ঙ্গন্ধ॒র্বো বি॒শ্বাব॑সঃ॒ পর্য়॑মুষ্ণা॒-থ্স তি॒স্রো রাত্রীঃ॒ পরি॑মুষিতো-ঽবস॒-ত্তস্মা᳚-ত্তি॒স্রো রাত্রীঃ᳚ ক্রী॒ত-স্সোমো॑ বসতি॒ তে দে॒বা অ॑ব্রুব॒ন্-থ্স্ত্রীকা॑মা॒ বৈ গ॑ন্ধ॒র্বা স্স্ত্রি॒য়া নিষ্ক্রী॑ণা॒মেতি॒ তে বাচ॒গ্গ্॒ স্ত্রিয়॒মেক॑হাযনী-ঙ্কৃ॒ত্বা তয়া॒ নির॑ক্রীণ॒ন্-থ্সা রো॒হি-দ্রূ॒প-ঙ্কৃ॒ত্বা গ॑ন্ধ॒র্বেভ্য়ো॑- [গ॑ন্ধ॒র্বেভ্য়ঃ॑, অ॒প॒ক্রম্য়া॑তিষ্ঠ॒-ত্ত-দ্রো॒হিতো॒] 43

-ঽপ॒ক্রম্য়া॑তিষ্ঠ॒-ত্ত-দ্রো॒হিতো॒ জন্ম॒ তে দে॒বা অ॑ব্রুব॒ন্নপ॑ যু॒ষ্মদক্র॑মী॒-ন্নাস্মানু॒-পাব॑র্ততে॒ বি হ্ব॑য়ামহা॒ ইতি॒ ব্রহ্ম॑ গন্ধ॒র্বা অব॑দ॒ন্নগা॑য়-ন্দে॒বা-স্সা দে॒বা-ন্গায়॑ত উ॒পাব॑র্তত॒ তস্মা॒-দ্গায়॑ন্ত॒গ্গ্॒ স্ত্রিয়ঃ॑ কামযন্তে॒ কামু॑কা এন॒গ্গ্॒ স্ত্রিয়ো॑ ভবন্তি॒ য এ॒বং-বেঁদাথো॒ য এ॒বং-বিঁ॒দ্বানপি॒ জন্য়ে॑ষু॒ ভব॑তি॒ তেভ্য়॑ এ॒ব দ॑দত্য়ু॒ত য-দ্ব॒হুত॑য়া॒ [য়-দ্ব॒হুত॑য়াঃ, ভব॒ন্ত্য়েক॑হাযন্য়া] 44

ভব॒ন্ত্য়েক॑হাযন্য়া ক্রীণাতি বা॒চৈবৈন॒গ্​ম্॒ সর্ব॑য়া ক্রীণাতি॒ তস্মা॒দেক॑হাযনা মনু॒ষ্য়া॑ বাচং॑-বঁদ॒ন্ত্যকূ॑ট॒য়া ঽক॑র্ণ॒য়া-ঽ কা॑ণ॒য়াশ্লো॑ণ॒য়া ঽস॑প্তশফয়া ক্রীণাতি॒ সর্ব॑য়ৈ॒বৈন॑-ঙ্ক্রীণাতি॒ যচ্ছ্বে॒তয়া᳚ ক্রীণী॒য়া-দ্দু॒শ্চর্মা॒ যজ॑মান-স্স্য়া॒দ্য়-ত্কৃ॒ষ্ণয়া॑-ঽনু॒স্তর॑ণী স্য়া-ত্প্র॒মায়ু॑কো॒ যজ॑মান-স্স্য়া॒দ্য়-দ্দ্বি॑রূ॒পয়া॒ বার্ত্র॑ঘ্নী স্য়া॒-থ্স বা॒-ঽন্য়-ঞ্জি॑নী॒য়া-ত্তং-বাঁ॒-ঽন্য়ো জি॑নীয়াদরু॒ণয়া॑ পিঙ্গা॒ক্ষ্য়া ক্রী॑ণাত্য়ে॒তদ্বৈ সোম॑স্য় রূ॒পগ্গ্​ স্বয়ৈ॒বৈন॑-ন্দে॒বত॑য়া ক্রীণাতি ॥ 45 ॥
(নিষ্ক্রী॑ণীষ্ব॒ - দক্ষি॑ণাভিশ্চ - বদন্তি॒ - মন্য়॑ন্তে-গন্ধ॒র্বেভ্য়ো॑-ব॒হুত॑য়াঃ-পিঙ্গা॒ক্ষ্য়া-দশ॑ চ ) (অ. 6)

তদ্ধির॑ণ্যমভব॒-ত্তস্মা॑দ॒দ্ভ্য়ো হির॑ণ্য়-ম্পুনন্তি ব্রহ্মবা॒দিনো॑ বদন্তি॒ কস্মা᳚-থ্স॒ত্য়াদ॑ন॒স্থিকে॑ন প্র॒জাঃ প্র॒বীয়॑ন্তে ঽস্থ॒ন্বতী᳚র্জাযন্ত॒ ইতি॒ যদ্ধির॑ণ্য়-ঙ্ঘৃ॒তে॑-ঽব॒ধায়॑ জু॒হোতি॒ তস্মা॑দন॒স্থিকে॑ন প্র॒জাঃ প্র বী॑যন্তে ঽস্থ॒ন্বতী᳚র্জাযন্ত এ॒তদ্বা অ॒গ্নেঃ প্রি॒য়-ন্ধাম॒ য-দ্ঘৃ॒ত-ন্তেজো॒ হির॑ণ্যমি॒যন্তে॑ শুক্র ত॒নূরি॒দং-বঁর্চ॒ ইত্য়া॑হ॒ সতে॑জসমে॒বৈন॒গ্​ম্॒ সত॑নু- [সত॑নুম্, ক॒রো॒ত্যথো॒] 46

-ঙ্করো॒ত্যথো॒ স-ম্ভ॑রত্য়ে॒বৈনং॒-য়ঁদব॑দ্ধম-বদ॒দ্ধ্য়া-দ্গর্ভাঃ᳚ প্র॒জানা᳚-ম্পরা॒পাতু॑কা-স্স্য়ুর্ব॒দ্ধমব॑ দধাতি॒ গর্ভা॑ণা॒-ন্ধৃত্য়ৈ॑ নিষ্ট॒র্ক্য়॑-ম্বদ্ধ্নাতি প্র॒জানা᳚-ম্প্র॒জন॑নায়॒ বাগ্বা এ॒ষা য-থ্সো॑ম॒ক্রয়॑ণী॒ জূর॒সীত্য়া॑হ॒ যদ্ধি মন॑সা॒ জব॑তে॒ ত-দ্বা॒চা বদ॑তি ধৃ॒তা মন॒সেত্য়া॑হ॒ মন॑সা॒ হি বাগ্ধৃ॒তা জুষ্টা॒ বিষ্ণ॑ব॒ ইত্য়া॑হ [ ] 47

য॒জ্ঞো বৈ বিষ্ণু॑ র্য়॒জ্ঞায়ৈ॒বৈনা॒-ঞ্জুষ্টা᳚-ঙ্করোতি॒ তস্য়া᳚স্তে স॒ত্যস॑বসঃ প্রস॒ব ইত্য়া॑হ সবি॒তৃ-প্র॑সূতামে॒ব বাচ॒মব॑ রুন্ধে॒ কাণ্ডে॑কাণ্ডে॒ বৈ ক্রি॒যমা॑ণে য॒জ্ঞগ্​ম্ রক্ষাগ্​ম্॑সি জিঘাগ্​ম্সন্ত্য়ে॒ষ খলু॒ বা অর॑ক্ষোহতঃ॒ পন্থা॒ যো᳚-ঽগ্নেশ্চ॒ সূর্য়॑স্য় চ॒ সূর্য়॑স্য়॒ চক্ষু॒রা-ঽরু॑হম॒গ্নের॒ক্ষ্ণঃ ক॒নীনি॑কা॒মিত্য়া॑হ॒ য এ॒বার॑ক্ষোহতঃ॒ পন্থা॒স্তগ্​ম্ স॒মারো॑হতি॒ [স॒মারো॑হতি, বাগ্বা এ॒ষা] 48

বাগ্বা এ॒ষা য-থ্সো॑ম॒ক্রয়॑ণী॒ চিদ॑সি ম॒না-ঽসীত্য়া॑হ॒ শাস্ত্য়ে॒বৈনা॑মে॒ত-ত্তস্মা᳚চ্ছি॒ষ্টাঃ প্র॒জা জা॑যন্তে॒ চিদ॒সীত্য়া॑হ॒ যদ্ধি মন॑সা চে॒তয়॑তে॒ ত-দ্বা॒চা বদ॑তি ম॒না-ঽসীত্য়া॑হ॒ যদ্ধি মন॑সা-ঽভি॒গচ্ছ॑তি॒ ত-ত্ক॒রোতি॒ ধীর॒সীত্য়া॑হ॒ যদ্ধি মন॑সা॒ ধ্য়ায়॑তি॒ ত-দ্বা॒চা [ ] 49

বদ॑তি॒ দক্ষি॑ণা॒-ঽসীত্য়া॑হ॒ দক্ষি॑ণা॒ হ্য়ে॑ষা য॒জ্ঞিয়া॒-ঽসীত্য়া॑হ য॒জ্ঞিয়া॑মে॒বৈনা᳚-ঙ্করোতি ক্ষ॒ত্রিয়া॒সীত্য়া॑হ ক্ষ॒ত্রিয়া॒ হ্য়ে॑ষা ঽদি॑তিরস্য়ুভ॒যত॑শ্শী॒র্​ষ্ণীত্য়া॑হ॒ যদে॒বা-ঽঽদি॒ত্য়ঃ প্রা॑য়॒ণীয়ো॑ য॒জ্ঞানা॑মাদি॒ত্য় উ॑দয়॒নীয়॒-স্তস্মা॑দে॒বমা॑হ॒ যদব॑দ্ধা॒ স্য়াদয়॑তা স্য়া॒দ্য়-ত্প॑দিব॒দ্ধা-ঽনু॒স্তর॑ণী স্য়া-ত্প্র॒মায়ু॑কো॒ যজ॑মান-স্স্য়া॒- [যজ॑মান-স্স্য়াত্, য-ত্ক॑র্ণগৃহী॒তা] 50

-দ্য়-ত্ক॑র্ণগৃহী॒তা বার্ত্র॑ঘ্নী স্য়া॒-থ্স বা॒-ঽন্য়-ঞ্জি॑নী॒য়া-ত্তং-বাঁ॒-ঽন্য়ো জি॑নীয়ান্মি॒ত্রস্ত্বা॑ প॒দি ব॑দ্ধ্না॒ত্বিত্য়া॑হ মি॒ত্রো বৈ শি॒বো দে॒বানা॒-ন্তেনৈ॒বৈনা᳚-ম্প॒দি ব॑দ্ধ্নাতি পূ॒ষা-ঽদ্ধ্ব॑নঃ পা॒ত্বিত্য়া॑হে॒য়ং-বৈঁ পূ॒ষেমামে॒বাস্য়া॑ অধি॒পাম॑ক॒-স্সম॑ষ্ট্য়া॒ ইন্দ্রা॒য়া-দ্ধ্য়॑ক্ষা॒য়েত্য়া॒হেন্দ্র॑মে॒বাস্য়া॒ অদ্ধ্য়॑ক্ষ-ঙ্করো॒- [অদ্ধ্য়॑ক্ষ-ঙ্করোতি, অনু॑ ত্বা মা॒তা] 51

-ত্যনু॑ ত্বা মা॒তা ম॑ন্যতা॒মনু॑ পি॒তেত্য়া॒হা-নু॑মতয়ৈ॒বৈন॑য়া ক্রীণাতি॒ সা দে॑বি দে॒বমচ্ছে॒হীত্য়া॑হ দে॒বী হ্য়ে॑ষা দে॒ব-স্সোম॒ ইন্দ্রা॑য়॒ সোম॒মিত্য়া॒হেন্দ্রা॑য়॒ হি সোম॑ আহ্রি॒যতে॒ যদে॒ত-দ্যজু॒র্ন ব্রূ॒য়া-ত্পরা᳚চ্য়ে॒ব সো॑ম॒ক্রয়॑ণীয়া-দ্রু॒দ্রস্ত্বা-ঽঽ ব॑র্তয়॒ত্বিত্য়া॑হ রু॒দ্রো বৈ ক্রূ॒রো [রু॒দ্রো বৈ ক্রূ॒রঃ, দে॒বানা॒-ন্তমে॒বাস্য়ৈ॑] 52

দে॒বানা॒-ন্তমে॒বাস্য়ৈ॑ প॒রস্তা᳚-দ্দধা॒ত্য়াবৃ॑ত্ত্য়ৈ ক্রূ॒রমি॑ব॒ বা এ॒ত-ত্ক॑রোতি॒ য-দ্রু॒দ্রস্য়॑ কী॒র্তয়॑তি মি॒ত্রস্য়॑ প॒থেত্য়া॑হ॒ শান্ত্য়ৈ॑ বা॒চা বা এ॒ষ বি ক্রী॑ণীতে॒ য-স্সো॑ম॒ক্রয়॑ণ্য়া স্ব॒স্তি সোম॑সখা॒ পুন॒রেহি॑ স॒হ র॒য়্য়েত্য়া॑হ বা॒চৈব বি॒ক্রীয়॒ পুন॑রা॒ত্মন্ বাচ॑-ন্ধ॒ত্তে-ঽনু॑পদাসুকা-ঽস্য়॒ বাগ্ভ॑বতি॒ য এ॒বং-বেঁদ॑ ॥ 53 ॥
(সত॑নুং॒ - ঁবিষ্ণ॑ব॒ ইত্য়া॑হ - স॒মারো॑হতি॒ - ধ্য়ায়॑তি॒ ত-দ্বা॒চা - যজ॑মান-স্স্য়াত্ - করোতি - ক্রূ॒রো - বেদ॑) (অ. 7)

ষট্ প॒দান্যনু॒ নি ক্রা॑মতি ষড॒হং-বাঁন্নাতি॑ বদত্য়ু॒ত সং॑​বঁথ্স॒রস্য়ায়॑নে॒ যাব॑ত্য়ে॒ব বাক্তামব॑ রুন্ধে সপ্ত॒মে প॒দে জু॑হোতি স॒প্তপ॑দা॒ শক্ব॑রী প॒শব॒-শ্শক্ব॑রী প॒শূনে॒বাব॑ রুন্ধে স॒প্ত গ্রা॒ম্য়াঃ প॒শব॑-স্স॒প্তা-ঽঽর॒ণ্য়া-স্স॒প্ত ছন্দাগ্॑-স্য়ু॒ভয়॒স্য়া-ব॑রুদ্ধ্য়ৈ॒ বস্ব্য়॑সি রু॒দ্রা-ঽসীত্য়া॑হ রূ॒পমে॒বাস্য়া॑ এ॒ত-ন্ম॑হি॒মানং॒- [এ॒ত-ন্ম॑হি॒মান᳚ম্, ব্য়াচ॑ষ্টে॒ বৃহ॒স্পতি॑স্ত্বা] 54

-ঁব্য়াচ॑ষ্টে॒ বৃহ॒স্পতি॑স্ত্বা সু॒ম্নে র॑ণ্ব॒ত্বিত্য়া॑হ॒ ব্রহ্ম॒ বৈ দে॒বানা॒-ম্বৃহ॒স্পতি॒-র্ব্রহ্ম॑ণৈ॒বাস্মৈ॑ প॒শূনব॑ রুন্ধে রু॒দ্রো বসু॑ভি॒রা চি॑কে॒ত্বিত্য়া॒হা-ঽঽবৃ॑ত্ত্য়ৈ পৃথি॒ব্য়াস্ত্বা॑ মূ॒র্ধন্না জি॑ঘর্মি দেব॒যজ॑ন॒ ইত্য়া॑হ পৃথি॒ব্য়া হ্য়ে॑ষ মূ॒র্ধা য-দ্দে॑ব॒যজ॑ন॒মিডা॑য়াঃ প॒দ ইত্য়া॒হেডা॑য়ৈ॒ হ্য়ে॑ত-ত্প॒দং-য়ঁ-থ্সো॑ম॒ক্রয়॑ণ্য়ৈ ঘৃ॒তব॑তি॒ স্বাহে- [স্বাহা᳚, ইত্য়া॑হ॒] 55

-ত্য়া॑হ॒ যদে॒বাস্য়ৈ॑ প॒দা-দ্ঘৃ॒তমপী᳚ড্যত॒ তস্মা॑দে॒বমা॑হ॒ যদ॑দ্ধ্ব॒র্য়ুর॑ন॒গ্নাবাহু॑তি-ঞ্জুহু॒য়াদ॒ন্ধো᳚-ঽদ্ধ্ব॒র্য়ু-স্স্য়া॒-দ্রক্ষাগ্​ম্॑সি য॒জ্ঞগ্​ম্ হ॑ন্য়ু॒র্॒হির॑ণ্যমু॒পাস্য়॑ জুহোত্যগ্নি॒বত্য়ে॒ব জু॑হোতি॒ নান্ধো᳚-ঽদ্ধ্ব॒র্য়ু র্ভব॑তি॒ ন য॒জ্ঞগ্​ম্ রক্ষাগ্​ম্॑সি ঘ্নন্তি॒ কাণ্ডে॑কাণ্ডে॒ বৈ ক্রি॒যমা॑ণে য॒জ্ঞগ্​ম্ রক্ষাগ্​ম্॑সি জিঘাগ্​ম্সন্তি॒ পরি॑লিখিত॒গ্​ম্॒ রক্ষঃ॒ পরি॑লিখিতা॒ অরা॑তয়॒ ইত্য়া॑হ॒ রক্ষ॑সা॒-মপ॑হত্য়া [রক্ষ॑সা॒-মপ॑হত্য়ৈ, ই॒দম॒হগ্​ম্] 56

ই॒দম॒হগ্​ম্ রক্ষ॑সো গ্রী॒বা অপি॑ কৃন্তামি॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্ম ইত্য়া॑হ॒ দ্বৌ বাব পুরু॑ষৌ॒ য-ঞ্চৈ॒ব দ্বেষ্টি॒ যশ্চৈ॑ন॒-ন্দ্বেষ্টি॒ তয়ো॑-রে॒বা-ঽন॑ন্তরায়-ঙ্গ্রী॒বাঃ কৃ॑ন্ততি প॒শবো॒ বৈ সো॑ম॒ক্রয়॑ণ্য়ৈ প॒দং-য়াঁ॑বত্ত্মূ॒তগ্​ম্ সং-বঁ॑পতি প॒শূনে॒বাব॑ রুন্ধে॒-ঽস্মে রায়॒ ইতি॒ সং ঁব॑পত্য়া॒ত্মান॑-মে॒বাদ্ধ্ব॒র্য়ুঃ -[-মে॒বাদ্ধ্ব॒র্য়ুঃ, প॒শুভ্য়ো॒] 57

প॒শুভ্য়ো॒ নান্তরে॑তি॒ ত্বে রায়॒ ইতি॒ যজ॑মানায়॒ প্র য॑চ্ছতি॒ যজ॑মান এ॒ব র॒য়ি-ন্দ॑ধাতি॒ তোতে॒ রায়॒ ইতি॒ পত্নি॑য়া অ॒র্ধো বা এ॒ষ আ॒ত্মনো॒ য-ত্পত্নী॒ যথা॑ গৃ॒হেষু॑ নিধ॒ত্তে তা॒দৃগে॒ব ত-ত্ত্বষ্টী॑মতী তে সপে॒য়েত্য়া॑হ॒ ত্বষ্টা॒ বৈ প॑শূ॒না-ম্মি॑থু॒নানাগ্​ম্॑ রূপ॒কৃ-দ্রূ॒পমে॒ব প॒শুষু॑ দধাত্য়॒স্মৈ বৈ লো॒কায়॒ গার্​হ॑পত্য়॒ আ ধী॑যতে॒ ঽমুষ্মা॑ আহব॒নীয়ো॒ য-দ্গার্​হ॑পত্য় উপ॒বপে॑দ॒স্মিন্ ঁলো॒কে প॑শ॒মান্-থ্স্য়া॒-দ্যদা॑হব॒নীয়ে॒ ঽমুষ্মি॑ন্ ঁলো॒কে প॑শু॒মান্-থ্স্য়া॑দু॒ভয়ো॒রুপ॑ বপত্য়ু॒ভয়ো॑রে॒বৈনং॑-লোঁ॒কয়োঃ᳚ পশু॒মন্ত॑-ঙ্করোতি ॥ 58 ॥
(ম॒হি॒মান॒গ্গ্॒ - স্বাহা - ঽপ॑হত্য়া - অধ্ব॒র্য়ু - ধী॑যতে॒ - চতু॑র্বিগ্​ম্শতিশ্চ) (অ. 8)

ব্র॒হ্ম॒বা॒দিনো॑ বদন্তি বি॒চিত্য়॒-স্সোমা(3) ন বি॒চিত্য়া(3) ইতি॒ সোমো॒ বা ওষ॑ধীনা॒গ্​ম্॒ রাজা॒ তস্মি॒ন্॒. যদাপ॑ন্ন-ঙ্গ্রসি॒তমে॒বাস্য়॒ ত-দ্য়-দ্বি॑চিনু॒য়া-দ্যথা॒ ঽঽস্য়া᳚দ্গ্রসি॒ত-ন্নি॑ষ্খি॒দতি॑ তা॒দৃগে॒ব তদ্যন্ন বি॑চিনু॒য়া-দ্যথা॒ ঽক্ষন্নাপ॑ন্নং-বিঁ॒ধাব॑তি তা॒দৃগে॒ব ত-ত্ক্ষোধু॑কো ঽদ্ধ্ব॒র্য়ু-স্স্য়া-ত্ক্ষোধু॑কো॒ যজ॑মান॒-স্সোম॑বিক্রয়ি॒ন্-থ্সোমগ্​ম্॑ শোধ॒য়েত্য়ে॒ব ব্রূ॑য়া॒-দ্যদীত॑রং॒- [ব্রূ॑য়া॒-দ্যদীত॑রম্, যদীত॑র-] 59

-ঁযদীত॑র-মু॒ভয়ে॑নৈ॒ব সো॑মবিক্র॒য়িণ॑-মর্পযতি॒ তস্মা᳚-থ্সোমবিক্র॒য়ী ক্ষোধু॑কো ঽরু॒ণো হ॑ স্মা॒-ঽঽহৌপ॑বেশি-স্সোম॒ক্রয়॑ণ এ॒বাহ-ন্তৃ॑তীয় সব॒নমব॑ রুন্ধ॒ ইতি॑ পশূ॒না-ঞ্চর্ম॑-ন্মিমীতে প॒শূনে॒বাব॑ রুন্ধে প॒শবো॒ হি তৃ॒তীয়॒গ্​ম্॒ সব॑নং॒-য়ঁ-ঙ্কা॒ময়ে॑তাপ॒শু-স্স্য়া॒-দিত্য়ৃ॑ক্ষ॒ত-স্তস্য়॑ মিমীত॒র্ক্ষং-বাঁ অ॑পশ॒ব্য়-ম॑প॒শুরে॒ব ভ॑বতি॒ য-ঙ্কা॒ময়ে॑ত পশু॒মান্-থ্স্য়া॒ - [ ] 60

-দিতি॑ লোম॒তস্তস্য়॑ মিমীতৈ॒তদ্বৈ প॑শূ॒নাগ্​ম্ রূ॒পগ্​ম্ রূ॒পেণৈ॒বা-ঽস্মৈ॑ প॒শূনব॑ রুন্ধে পশু॒মানে॒ব ভ॑বত্য়॒পামন্তে᳚ ক্রীণাতি॒ সর॑সমে॒বৈন॑-ঙ্ক্রীণাত্য়॒-মাত্য়ো॒-ঽসীত্য়া॑হা॒-ঽমৈবৈন॑-ঙ্কুরুতে শু॒ক্রস্তে॒ গ্রহ॒ ইত্য়া॑হ শু॒ক্রো হ্য়॑স্য়॒ গ্রহো ঽন॒সা-ঽচ্ছ॑ যাতি মহি॒মান॑-মে॒বাস্য়াচ্ছ॑ যা॒ত্যন॒সা- [য়া॒ত্যন॒সা, অচ্ছ॑] 61

-ঽচ্ছ॑ যাতি॒ তস্মা॑-দনোবা॒হ্য়গ্​ম্॑ স॒মে জীব॑নং॒-য়ঁত্র॒ খলু॒ বা এ॒তগ্​ম্ শী॒র্​ষ্ণা হর॑ন্তি॒ তস্মা᳚চ্ছীর্​ষহা॒র্য়॑-ঙ্গি॒রৌ জীব॑নম॒ভি ত্য়-ন্দে॒বগ্​ম্ স॑বি॒তার॒মিত্যতি॑-চ্ছন্দস॒র্চা মি॑মী॒তে ঽতি॑চ্ছন্দা॒ বৈ সর্বা॑ণি॒ ছন্দাগ্​ম্॑সি॒ সর্বে॑ভিরে॒বৈন॒-ঞ্ছন্দো॑ভির্মিমীতে॒ বর্​ষ্ম॒ বা এ॒ষা ছন্দ॑সাং॒-য়ঁদতি॑চ্ছন্দা॒ যদতি॑চ্ছন্দস॒র্চা মিমী॑তে॒ বর্​ষ্মৈ॒বৈনগ্​ম্॑ সমা॒নানা᳚-ঙ্করো॒ত্য়েক॑য়ৈকয়ো॒-থ্সর্গ॑- [-ঙ্করো॒ত্য়েক॑য়ৈকয়ো॒-থ্সর্গ᳚ম্, মি॒মী॒তে] 62

-ম্মিমী॒তে ঽয়া॑তয়াম্নিয়ায়াতয়াম্নিয়ৈ॒বৈন॑-ম্মিমীতে॒ তস্মা॒ন্নানা॑বীর্য়া অ॒ঙ্গুল॑য়॒-স্সর্বা᳚স্বঙ্গু॒ষ্ঠমুপ॒ নি গৃ॑হ্ণাতি॒ তস্মা᳚-থ্স॒মাব॑দ্বীর্য়ো॒-ঽন্য়াভি॑-র॒ঙ্গুলি॑ভি॒স্তস্মা॒-থ্সর্বা॒ অনু॒ স-ঞ্চ॑রতি॒ য-থ্স॒হ সর্বা॑ভি॒র্মিমী॑ত॒ সগ্গ্​শ্লি॑ষ্টা অ॒ঙ্গুল॑য়ো জায়ের॒-ন্নেক॑য়ৈকয়ো॒-থ্সর্গ॑-ম্মিমীতে॒ তস্মা॒-দ্বিভ॑ক্তা জাযন্তে॒ পঞ্চ॒ কৃত্বো॒ যজু॑ষা মিমীতে॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধে॒ পঞ্চ॒ কৃত্ব॑-স্তূ॒ষ্ণী- [কৃত্ব॑-স্তূ॒ষ্ণীম্, দশ॒ স-ম্প॑দ্যন্তে॒] 63

-ন্দশ॒ স-ম্প॑দ্যন্তে॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজৈ॒বান্নাদ্য়॒মব॑ রুন্ধে॒ য-দ্যজু॑ষা॒ মিমী॑তে ভূ॒তমে॒বাব॑ রুন্ধে॒ য-ত্তূ॒ষ্ণী-ম্ভ॑বি॒ষ্য়-দ্য়-দ্বৈ তাবা॑নে॒ব সোম॒-স্স্য়া-দ্য়াব॑ন্ত॒-ম্মিমী॑তে॒ যজ॑মানস্য়ৈ॒ব স্য়া॒ন্নাপি॑ সদ॒স্য়া॑না-ম্প্র॒জাভ্য়॒স্ত্বেত্য়ুপ॒ সমূ॑হতি সদ॒স্য়া॑নে॒বান্বা ভ॑জতি॒ বাস॒সোপ॑ নহ্যতি সর্বদেব॒ত্য়ং॑-বৈঁ [ ] 64

বাস॒-স্সর্বা॑ভিরে॒বৈন॑-ন্দে॒বতা॑ভি॒-স্সম॑র্ধযতি প॒শবো॒ বৈ সোমঃ॑ প্রা॒ণায়॒ ত্বেত্য়ুপ॑ নহ্যতি প্রা॒ণমে॒ব প॒শুষু॑ দধাতি ব্য়া॒নায়॒ ত্বেত্যনু॑ শৃন্থতি ব্য়া॒নমে॒ব প॒শুষু॑ দধাতি॒ তস্মা᳚-থ্স্ব॒পন্ত॑-ম্প্রা॒ণা ন জ॑হতি ॥ 65 ॥
(ইত॑রং - পশু॒মান্-থ্স্য়া᳚--দ্য়া॒ত্যন॑সো॒ - থ্সর্গং॑ - তূ॒ষ্ণীগ্​ম্ - স॑র্বদেব॒ত্য়ং॑-বৈঁ - ত্রয়॑স্ত্রিগ্​ম্শচ্চ) (অ. 9)

য-ত্ক॒লয়া॑ তে শ॒ফেন॑ তে ক্রীণা॒নীতি॒ পণে॒তাগো॑অর্ঘ॒গ্​ম্॒ সোম॑-ঙ্কু॒র্য়াদগো॑অর্ঘং॒-য়ঁজ॑মান॒-মগো॑অর্ঘমদ্ধ্ব॒র্য়ু-ঙ্গোস্তু ম॑হি॒মান॒-ন্নাব॑ তিরে॒-দ্গবা॑ তে ক্রীণা॒নীত্য়ে॒ব ব্রূ॑য়া-দ্গোঅ॒র্ঘমে॒ব সোম॑-ঙ্ক॒রোতি॑ গোঅ॒র্ঘং-য়ঁজ॑মান-ঙ্গোঅ॒র্ঘম॑দ্ধ্ব॒র্য়ু-ন্ন গোর্ম॑হি॒মান॒মব॑ তিরত্য়॒জয়া᳚ ক্রীণাতি॒ সত॑পসমে॒বৈন॑-ঙ্ক্রীণাতি॒ হির॑ণ্য়েন ক্রীণাতি॒ সশু॑ক্রমে॒বৈ- [সশু॑ক্রমে॒ব, এ॒ন॒-ঙ্ক্রী॒ণা॒তি॒ ধে॒ন্বা ক্রী॑ণাতি॒] 66

-ন॑-ঙ্ক্রীণাতি ধে॒ন্বা ক্রী॑ণাতি॒ সাশি॑রমে॒বৈন॑-ঙ্ক্রীণাত্য়ৃষ॒ভেণ॑ ক্রীণাতি॒ সেন্দ্র॑মে॒বৈন॑-ঙ্ক্রীণাত্যন॒ডুহা᳚ ক্রীণাতি॒ বহ্নি॒র্বা অ॑ন॒ড্বান্. বহ্নি॑নৈ॒ব বহ্নি॑ য॒জ্ঞস্য়॑ ক্রীণাতি মিথু॒নাভ্য়া᳚-ঙ্ক্রীণাতি মিথু॒নস্য়াব॑-রুদ্ধ্য়ৈ॒ বাস॑সা ক্রীণাতি সর্বদেব॒ত্য়ং॑-বৈঁ বা॒স-স্সর্বা᳚ভ্য় এ॒বৈন॑-ন্দে॒বতা᳚ভ্য়ঃ ক্রীণাতি॒ দশ॒ স-ম্প॑দ্যন্তে॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজৈ॒বান্নাদ্য়॒মব॑ রুন্ধে॒ [রুন্ধে, তপ॑স-স্ত॒নূর॑সি] 67

তপ॑স-স্ত॒নূর॑সি প্র॒জাপ॑তে॒-র্বর্ণ॒ ইত্য়া॑হ প॒শুভ্য়॑ এ॒ব তদ॑দ্ধ্ব॒-র্য়ুর্নি হ্নু॑ত আ॒ত্মনো-ঽনা᳚ব্রস্কায়॒ গচ্ছ॑তি॒ শ্রিয়॒-ম্প্র প॒শূনা᳚প্নোতি॒ য এ॒বং-বেঁদ॑ শু॒ক্র-ন্তে॑ শু॒ক্রেণ॑ ক্রীণা॒মীত্য়া॑হ যথা য॒জুরে॒বৈত-দ্দে॒বা বৈ যেন॒ হির॑ণ্য়েন॒ সোম॒মক্রী॑ণ॒-ন্তদ॑ভী॒ষহা॒ পুন॒রা-ঽদ॑দত॒ কো হি তেজ॑সা বিক্রে॒ষ্যত॒ ইতি॒ যেন॒ হির॑ণ্য়েন॒ [হির॑ণ্য়েন, সোম॑-] 68

সোম॑-ঙ্ক্রীণী॒য়া-ত্তদ॑ভী॒ষহা॒ পুন॒রা দ॑দীত॒ তেজ॑ এ॒বা-ঽঽত্ম-ন্ধ॑ত্তে॒-ঽস্মে জ্য়োতি॑-স্সোমবিক্র॒য়িণি॒ তম॒ ইত্য়া॑হ॒ জ্য়োতি॑রে॒ব যজ॑মানে দধাতি॒ তম॑সা সোমবিক্র॒য়িণ॑মর্পযতি॒ যদনু॑পগ্রথ্য় হ॒ন্য়া-দ্দ॑ন্দ॒শূকা॒স্তাগ্​ম্ সমাগ্​ম্॑ স॒র্পা-স্স্য়ু॑রি॒দম॒হগ্​ম্ স॒র্পাণা᳚-ন্দন্দ॒শূকা॑না-ঙ্গ্রী॒বা উপ॑ গ্রথ্না॒মীত্য়া॒হা-দ॑ন্দশূকা॒স্তাগ্​ম্ সমাগ্​ম্॑ স॒র্পা ভ॑বন্তি॒ তম॑সা সোমবিক্র॒য়িণং॑-বিঁদ্ধ্যতি॒ স্বান॒ [স্বান॑, ভ্রাজেত্য়া॑হৈ॒তে] 69

ভ্রাজেত্য়া॑হৈ॒তে বা অ॒মুষ্মি॑ন্ ঁলো॒কে সোম॑মরক্ষ॒-ন্তেভ্য়ো-ঽধি॒ সোম॒মা-ঽহ॑র॒ন্॒. যদে॒তেভ্য়॑-স্সোম॒ক্রয়॑ণা॒-ন্নানু॑দি॒শেদক্রী॑তো-ঽস্য়॒ সোম॑-স্স্য়া॒ন্নাস্য়ৈ॒তে॑ ঽমুষ্মি॑ন্ ঁলো॒কে সোমগ্​ম্॑ রক্ষেয়ু॒র্যদে॒তেভ্য়॑-স্সোম॒ক্রয়॑ণাননুদি॒শতি॑ ক্রী॒তো᳚-ঽস্য়॒ সোমো॑ ভবত্য়ে॒তে᳚-ঽস্য়া॒মুষ্মি॑ন্ ঁলো॒কে সোমগ্​ম্॑ রক্ষন্তি ॥ 70 ॥
(সশু॑ক্রমে॒ব - রু॑ন্ধ॒ - ইতি॒ যেন॒ হির॑ণ্য়েন॒ - স্বান॒ - চতু॑শ্চত্বারিগ্​ম্শচ্চ) (অ. 10)

বা॒রু॒ণো বৈ ক্রী॒ত-স্সোম॒ উপ॑নদ্ধো মি॒ত্রো ন॒ এহি॒ সুমি॑ত্রধা॒ ইত্য়া॑হ॒ শান্ত্য়া॒ ইন্দ্র॑স্য়ো॒রুমা বি॑শ॒ দক্ষি॑ণ॒মিত্য়া॑হ দে॒বা বৈ যগ্​ম্ সোম॒মক্রী॑ণ-ন্তমিন্দ্র॑স্য়ো॒রৌ দক্ষি॑ণ॒ আ ঽসা॑দযন্নে॒ষ খলু॒ বা এ॒তর্​হীন্দ্রো॒ যো যজ॑তে॒ তস্মা॑দে॒বমা॒হোদায়ু॑ষা স্বা॒য়ুষেত্য়া॑হ দে॒বতা॑ এ॒বা-ন্বা॒রভ্য়ো- [এ॒বা-ন্বা॒রভ্য়োত্, তি॒ষ্ঠ॒ত্য়ু॒-র্ব॑ন্তরি॑ক্ষ॒-] 71

-ত্তি॑ষ্ঠত্য়ু॒-র্ব॑ন্তরি॑ক্ষ॒-মন্বি॒হীত্য়া॑হা-ন্তরিক্ষদেব॒ত্য়ো᳚(1॒) হ্য়ে॑তর্​হি॒ সোমো-ঽদি॑ত্য়া॒-স্সদো॒-ঽস্যদি॑ত্য়া॒-স্সদ॒ আ সী॒দেত্য়া॑হ যথায়॒জুরে॒বৈত-দ্বি বা এ॑নমে॒তদ॑র্ধযতি॒ য-দ্বা॑রু॒ণগ্​ম্ সন্ত॑-ম্মৈ॒ত্র-ঙ্ক॒রোতি॑ বারু॒ণ্যর্চা-ঽঽ সা॑দযতি॒ স্বয়ৈ॒বৈন॑-ন্দে॒বত॑য়া॒ সম॑র্ধযতি॒ বাস॑সা প॒র্য়ান॑হ্যতি সর্বদেব॒ত্য়ং॑-বৈঁ বাস॒-স্সর্বা॑ভিরে॒বৈ- [বাস॒-স্সর্বা॑ভিরে॒ব, এ॒ন॒-ন্দে॒বতা॑ভি॒-] 72

-ন॑-ন্দে॒বতা॑ভি॒-স্সম॑র্ধয়॒ত্যথো॒ রক্ষ॑সা॒মপ॑হত্য়ৈ॒ বনে॑ষু॒ ব্য়॑ন্তরি॑ক্ষ-ন্ততা॒নেত্য়া॑হ॒ বনে॑ষু॒ হি ব্য়॑ন্তরি॑ক্ষ-ন্ত॒তান॒ বাজ॒মর্ব॒থ্স্বিত্য়া॑হ॒ বাজ॒গ্গ্॒ হ্যর্ব॑থ্সু॒ পয়ো॑ অঘ্নি॒য়াস্বিত্য়া॑হ॒ পয়ো॒ হ্য়॑ঘ্নি॒য়াসু॑ হৃ॒থ্সু ক্রতু॒মিত্য়া॑হ হৃ॒থ্সু হি ক্রতুং॒-বঁরু॑ণো বি॒ক্ষ্ব॑গ্নিমিত্য়া॑হ॒ বরু॑ণো॒ হি বি॒ক্ষ্ব॑গ্নি-ন্দি॒বি সূর্য়॒- [সূর্য়᳚ম্, ইত্য়া॑হ দি॒বি হি] 73

-মিত্য়া॑হ দি॒বি হি সূর্য়॒গ্​ম্॒ সোম॒মদ্রা॒বিত্য়া॑হ॒ গ্রাবা॑ণো॒ বা অদ্র॑য়॒স্তেষু॒ বা এ॒ষ সোম॑-ন্দধাতি॒ যো যজ॑তে॒ তস্মা॑দে॒বমা॒হোদু॒ ত্য়-ঞ্জা॒তবে॑দস॒মিতি॑ সৌ॒র্যর্চা কৃ॑ষ্ণাজি॒ন-ম্প্র॒ত্য়ান॑হ্যতি॒ রক্ষ॑সা॒মপ॑হত্য়া॒ উস্রা॒বেত॑-ন্ধূর্​ষাহা॒বিত্য়া॑হ যথায়॒জুরে॒বৈত-ত্প্র চ্য়॑বস্ব ভুবস্পত॒ ইত্য়া॑হ ভূ॒তানা॒গ্॒ হ্য়ে॑ [ভূ॒তানা॒গ্​ম্॒ হি, এ॒ষ পতি॒-র্বিশ্বা᳚ন্য়॒ভি] 74

-ষ পতি॒-র্বিশ্বা᳚ন্য়॒ভি ধামা॒নীত্য়া॑হ॒ বিশ্বা॑নি॒ হ্য়ে᳚(1॒) ষো॑-ঽভি ধামা॑নি প্র॒চ্যব॑তে॒ মা ত্বা॑ পরিপ॒রী বি॑দ॒দিত্য়া॑হ॒ যদে॒বাদ-স্সোম॑মাহ্রি॒যমা॑ণ-ঙ্গন্ধ॒র্বো বি॒শ্বাব॑সুঃ প॒র্যমু॑ষ্ণা॒-ত্তস্মা॑-দে॒বমা॒হাপ॑রিমোষায়॒ যজ॑মানস্য় স্ব॒স্ত্যয়॑ন্য়॒সীত্য়া॑হ॒ যজ॑মানস্য়ৈ॒বৈষ য॒জ্ঞস্য়া᳚ন্বার॒ভোং ঽন॑বচ্ছিত্ত্য়ৈ॒ বরু॑ণো॒ বা এ॒ষ যজ॑মানম॒ভ্য়ৈতি॒ য- [যত্, ক্রী॒ত-স্সোম॒ উপ॑নদ্ধো॒ নমো॑] 75

-ত্ক্রী॒ত-স্সোম॒ উপ॑নদ্ধো॒ নমো॑ মি॒ত্রস্য়॒ বরু॑ণস্য়॒ চক্ষ॑স॒ ইত্য়া॑হ॒ শান্ত্য়া॒ আ সোমং॒-বঁহ॑ন্ত্য়॒গ্নিনা॒ প্রতি॑ তিষ্ঠতে॒ তৌ স॒ভং​বঁ॑ন্তৌ॒ যজ॑মানম॒ভি স-ম্ভ॑বতঃ পু॒রা খলু॒ বাবৈষ মেধা॑য়া॒-ঽঽত্মান॑মা॒রভ্য়॑ চরতি॒ যো দী᳚ক্ষি॒তো যদ॑গ্নীষো॒মীয়॑-ম্প॒শুমা॒লভ॑ত আত্মনি॒ষ্ক্রয়॑ণ এ॒বাস্য়॒ স তস্মা॒-ত্তস্য়॒ না-ঽঽশ্য়॑-ম্পুরুষনি॒ষ্ক্রয়॑ণ ইব॒ হ্যথো॒ খল্বা॑হু র॒গ্নীষোমা᳚ভ্য়াং॒-বাঁ ইন্দ্রো॑ বৃ॒ত্রম॑হ॒ন্নিতি॒ যদ॑গ্নীষো॒মীয়॑-ম্প॒শুমা॒লভ॑ত॒ বার্ত্র॑ঘ্ন এ॒বাস্য়॒ স তস্মা᳚-দ্বা॒শ্য়ং॑-বাঁরু॒ণ্যর্চা পরি॑ চরতি॒ স্বয়ৈ॒বৈন॑-ন্দে॒বত॑য়া॒ পরি॑ চরতি ॥ 76 ॥
(অ॒ন্বা॒রভ্য়োথ্ - সর্বা॑ভিরে॒ব - সূর্য়ং॑ - ভূ॒তানা॒গ্॒ হ্য়ে॑ - তি॒ য - দা॑হুঃ - স॒প্তবিগ্​ম্॑শতিশ্চ) (অ. 11)

(প্রা॒চীন॑বগ্​ম্শং॒ -ঁয়াব॑ন্ত - ঋখ্সা॒মে - বাগ্বৈ দে॒বেভ্য়ো॑ - দে॒বা বৈ দে॑ব॒যজ॑নং - ক॒দ্রূশ্চ॒ - তদ্ধির॑ণ্য়॒গ্​ম্॒ - ষট্ প॒দানি॑ - ব্রহ্মবা॒দিনো॑ বি॒চিত্য়ো॒ - য-ত্ক॒লয়া॑ তে - বারু॒ণো বৈ ক্রী॒ত-স্সোম॒ - একা॑দশ)

(প্রা॒চীন॑বগ্​ম্শ॒গ্গ্॒ - স্বাহেত্য়া॑হ॒ - যে᳚-ঽন্ত-শ্শ॒রা - হ্য়ে॑ষ সং - তপ॑সা চ॒ - যত্ক॑র্ণগৃহী॒ - তেতি॑ লোম॒তো - বা॑রু॒ণঃ - ষট্-থ্স॑প্ততিঃ )

(প্রা॒চীন॑বগ্​ম্ শ॒, ম্পরি॑ চরতি)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়াং ষষ্ঠকাণ্ডে প্রথমঃ প্রশ্ন-স্সমাপ্তঃ ॥