কৃষ্ণ যজুর্বেদীয় তৈত্তিরীয় সংহিতায়া-ন্দ্বিতীযকাণ্ডে চতুর্থঃ প্রশ্নঃ - ইষ্টিবিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

দে॒বা ম॑নু॒ষ্য়াঃ᳚ পি॒তর॒স্তে᳚-ঽন্যত॑ আস॒ন্নসু॑রা॒ রক্ষাগ্​ম্॑সি পিশা॒চাস্তে᳚ ঽন্যত॒স্তেষা᳚-ন্দে॒বানা॑মু॒ত যদল্পং॒-লোঁহি॑ত॒মকু॑র্ব॒-ন্ত-দ্রক্ষাগ্​ম্॑সি॒ রাত্রী॑ভিরসুভ্ন॒-ন্তান্-থ্সু॒ব্ধা-ন্মৃ॒তান॒ভি ব্য়ৌ᳚চ্ছ॒-ত্তে দে॒বা অ॑বিদু॒র্য়ো বৈ নো॒-ঽয়-ম্ম্রি॒যতে॒ রক্ষাগ্​ম্॑সি॒ বা ই॒ম-ঙ্ঘ্ন॒ন্তীতি॒ তে রক্ষা॒গ্॒স্য়ুপা॑মন্ত্রযন্ত॒ তান্য়॑ব্রুব॒ন্. বরং॑-বৃঁণামহৈ॒ য- [যত্, অসু॑রা॒ন্ জয়া॑ম॒] 1

-দসু॑রা॒ন্ জয়া॑ম॒ তন্ন॑-স্স॒হাস॒দিতি॒ ততো॒ বৈ দে॒বা অসু॑রানজয়॒-ন্তে-ঽসু॑রান্ জি॒ত্বারক্ষা॒গ্॒স্যপা॑নুদন্ত॒ তানি॒ রক্ষা॒গ্॒স্যনৃ॑তম ক॒র্তেতি॑ সম॒ন্ত-ন্দে॒বা-ন্পর্য়॑বিশ॒-ন্তে দে॒বা অ॒গ্নাব॑নাথন্ত॒ তে᳚-ঽগ্নয়ে॒ প্রব॑তে পুরো॒ডাশ॑ম॒ষ্টাক॑পাল॒-ন্নির॑বপন্ন॒গ্নয়ে॑ বিবা॒ধব॑তে॒-ঽগ্নয়ে॒ প্রতী॑কবতে॒ যদ॒গ্নয়ে॒ প্রব॑তে নি॒রব॑প॒ন্॒. যান্য়ে॒ব পু॒রস্তা॒-দ্রক্ষা॒গ্॒- [পু॒রস্তা॒-দ্রক্ষা॒গ্​ম্॑সি, আ॒স॒ন্তানি॒ তেন॒] 2

-স্য়াস॒ন্তানি॒ তেন॒ প্রাণু॑দন্ত॒ যদ॒গ্নয়ে॑ বিবা॒ধব॑তে॒ যান্য়ে॒বাভিতো॒ রক্ষা॒গ্॒স্য়াস॒-ন্তানি॒ তেন॒ ব্য়॑বাধন্ত॒ যদ॒গ্নয়ে॒ প্রতী॑কবতে॒ যান্য়ে॒ব প॒শ্চা-দ্রক্ষা॒গ্॒স্য়াস॒-ন্তানি॒ তেনাপা॑নুদন্ত॒ ততো॑ দে॒বা অভ॑ব॒-ন্পরাসু॑রা॒ যো ভ্রাতৃ॑ব্যবা॒ন্-থ্স্য়া-থ্স স্পর্ধ॑মান এ॒তয়েষ্​ট্য়া॑ যজেতা॒গ্নয়ে॒ প্রব॑তে পুরো॒ডাশ॑ম॒ষ্টাক॑পাল॒-ন্নির্ব॑পেদ॒গ্নয়ে॑ বিবা॒ধব॑তে॒- [বিবা॒ধব॑তে॒, অ॒গ্নয়ে॒ প্রতী॑কবতে॒] 3

-ঽগ্নয়ে॒ প্রতী॑কবতে॒ যদ॒গ্নয়ে॒ প্রব॑তে নি॒র্বপ॑তি॒ য এ॒বাস্মা॒চ্ছ্রেয়া॒ন্-ভ্রাতৃ॑ব্য়॒স্ত-ন্তেন॒ প্রণু॑দতে॒ যদ॒গ্নয়ে॑ বিবা॒ধব॑তে॒ য এ॒বৈনে॑ন স॒দৃন্ত-ন্তেন॒ বি বা॑ধতে॒ যদ॒গ্নয়ে॒ প্রতী॑কবতে॒ য এ॒বাস্মা॒-ত্পাপী॑য়া॒-ন্ত-ন্তেনাপ॑ নুদতে॒ প্র শ্রেয়াগ্​ম্॑স॒-ম্ভ্রাতৃ॑ব্য়-ন্নুদ॒তেতি॑ স॒দৃশ॑-ঙ্ক্রামতি॒ নৈন॒-ম্পাপী॑য়ানাপ্নোতি॒ য এ॒বং ঁবি॒দ্বানে॒তয়েষ্​ট্য়া॒ যজ॑তে ॥ 4 ॥
(বৃ॒ণা॒ম॒হৈ॒ যত্ - পু॒রস্তা॒-দ্রক্ষাগ্​ম্॑সি- বপেদ॒গ্নয়ে॑ বিবা॒ধব॑ত - এ॒বং - চ॒ত্বারি॑ চ) (অ. 1)

দে॒বা॒সু॒রা-স্সং​য়ঁ॑ত্তা আস॒-ন্তে দে॒বা অ॑ব্রুব॒ন্॒. যো নো॑ বী॒র্য়া॑বত্তম॒স্তমনু॑ স॒মার॑ভামহা॒ ইতি॒ ত ইন্দ্র॑মব্রুব॒-ন্ত্বং-বৈঁ নো॑ বী॒র্য়া॑বত্তমো-ঽসি॒ ত্বামনু॑ স॒মার॑ভামহা॒ ইতি॒ সো᳚-ঽব্রবী-ত্তি॒স্রো ম॑ ই॒মাস্ত॒নুবো॑ বী॒র্য়া॑বতী॒স্তাঃ প্রী॑ণী॒তাথা-সু॑রান॒ভি ভ॑বিষ্য়॒থেতি॒ তা বৈ ব্রূ॒হীত্য়॑ব্রুবন্নি॒যমগ্​ম্॑ হো॒মুগি॒য়ং-বিঁ॑মৃ॒ধেয়-মি॑ন্দ্রি॒য়াব॒তী- [-মি॑ন্দ্রি॒য়াব॒তী, ইত্য়॑ব্রবী॒ত্ত] 5

-ত্য়॑ব্রবী॒ত্ত ইন্দ্রা॑য়াগ্​ম্ হো॒মুচে॑ পুরো॒ডাশ॒মেকা॑দশকপাল॒-ন্নির॑বপ॒ন্নিন্দ্রা॑য় বৈমৃ॒ধায়ে-ন্দ্রা॑য়েন্দ্রি॒য়াব॑তে॒ যদিন্দ্রা॑য়াগ্​ম্ হো॒মুচে॑ নি॒রব॑প॒ন্নগ্​ম্হ॑স এ॒ব তেনা॑মুচ্যন্ত॒ যদিন্দ্রা॑য় বৈ মৃ॒ধায়॒ মৃধ॑ এ॒ব তেনাপা᳚ঘ্নত॒যদিন্দ্রা॑য়েন্দ্রি॒য়াব॑ত ইন্দ্রি॒যমে॒ব তেনা॒-ঽঽত্মন্ন॑দধত॒ ত্রয়॑স্ত্রিগ্​ম্শত্কপাল-ম্পুরো॒ডাশ॒-ন্নির॑বপ॒-ন্ত্রয়॑স্ত্রিগ্​ম্শ॒দ্বৈ দে॒বতা॒স্তা ইন্দ্র॑ আ॒ত্মন্ননু॑ স॒মার॑ভং​য়ঁত॒ ভূত্য়ৈ॒ [ভূত্য়ৈ᳚, তাং-বাঁব] 6

তাং-বাঁব দে॒বা বিজি॑তি-মুত্ত॒মা-মসু॑রৈ॒-র্ব্য়॑জযন্ত॒য়ো ভ্রাতৃ॑ব্যবা॒ন্থ্- স্য়া-থ্স স্পর্ধ॑মান এ॒তয়েষ্​ট্য়া॑ যজে॒তেন্দ্রা॑য়াগ্​ম্ হো॒মুচে॑ পুরো॒ডাশ॒মেকা॑দশকপাল॒-ন্নির্ব॑পে॒দিন্দ্রা॑য় বৈমৃ॒ধায়েন্দ্রা॑য়েন্দ্রি॒য়াব॒তে-ঽগ্​ম্ হ॑সা॒ বা এ॒ষ গৃ॑হী॒তো যস্মা॒চ্ছ্রেয়া॒-ন্ভ্রাতৃ॑ব্য়ো॒যদিন্দ্রা॑য়াগ্​ম্ হো॒মুচে॑ নি॒র্বপ॒ত্য়গ্​ম্হ॑স এ॒ব তেন॑ মুচ্যতেমৃ॒ধা বা এ॒ষো॑-ঽভিষ॑ণ্ণো॒ যস্মা᳚-থ্সমা॒নেষ্ব॒ন্য়-শ্শ্রেয়া॑নু॒তা- [শ্রেয়া॑নু॒ত, অ-ঽভ্রা॑তৃব্য়ো॒] 7

-ঽভ্রা॑তৃব্য়ো॒ যদিন্দ্রা॑য় বৈমৃ॒ধায়॒ মৃধ॑ এ॒ব তেনাপ॑ হতে॒যদিন্দ্রা॑য়েন্দ্রি॒য়াব॑ত ইন্দ্রি॒যমে॒ব তেনা॒ত্ম-ন্ধ॑ত্তে॒ ত্রয়॑স্ত্রিগ্​ম্শত্কপাল-ম্পুরো॒ডাশ॒-ন্নির্ব॑পতি॒ ত্রয়॑স্ত্রিগ্​ম্শ॒দ্বৈ দে॒বতা॒স্তা এ॒ব যজ॑মান আ॒ত্মন্ননু॑ স॒মার॑ভং​য়ঁতে॒ ভূত্য়ৈ॒ সা বা এ॒ষা বিজি॑তি॒র্নামেষ্টি॒র্য় এ॒বং-বিঁ॒দ্বানে॒তয়েষ্​ট্য়া॒ যজ॑ত উত্ত॒মামে॒ব বিজি॑তি॒-ম্ভ্রাতৃ॑ব্য়েণ॒ বি জ॑যতে ॥ 8 ॥
(ই॒ন্দ্রি॒য়াব॑তী॒ - ভূত্য়া॑ - উ॒তৈ - কা॒ন্ন প॑ঞ্চা॒শচ্চ॑) (অ. 2)

দে॒বা॒সু॒রা-স্সং​য়ঁ॑ত্তা আস॒-ন্তেষা᳚-ঙ্গায়॒ত্র্য়োজো॒ বল॑মিন্দ্রি॒য়ং-বীঁ॒র্য়॑-ম্প্র॒জা-ম্প॒শূন্-থ্স॒গৃংহ্য়া॒ ঽঽদায়া॑-প॒ক্রম্য়া॑তিষ্ঠ॒-ত্তে॑-ঽমন্যন্ত যত॒রান্. বা ই॒যমু॑পাব॒র্থ্স্যতি॒ ত ই॒দ-ম্ভ॑বিষ্য়॒ন্তীতি॒ তাং-ব্য়ঁ॑হ্বযন্ত॒ বিশ্ব॑কর্ম॒ন্নিতি॑ দে॒বা দাভীত্যসু॑রা॒-স্সা নান্য়॑ত॒রাগ্​শ্চ॒-নোপাব॑র্তত॒ তে দে॒বা এ॒ত-দ্যজু॑রপশ্য়॒ন্নোজো॑-ঽসি॒ সহো॑-ঽসি॒ বল॑মসি॒ [বল॑মসি, ভ্রাজো॑-ঽসি] 9

ভ্রাজো॑-ঽসি দে॒বানা॒-ন্ধাম॒ নামা॑-ঽসি॒ বিশ্ব॑মসি বি॒শ্বায়ু॒-স্সর্ব॑মসি স॒র্বায়ু॑রভি॒ভূরিতি॒ বাব দে॒বা অসু॑রাণা॒মোজো॒ বল॑মিন্দ্রি॒য়ং-বীঁ॒র্য়॑-ম্প্র॒জা-ম্প॒শূন॑বৃঞ্জত॒ য-দ্গা॑য়॒ত্র্য়॑প॒ক্রম্য়াতি॑ষ্ঠ॒-ত্তস্মা॑দে॒তা-ঙ্গা॑য়॒ত্রীতীষ্টি॑মাহু-স্সং​বঁথ্স॒রো বৈ গা॑য়॒ত্রী সং॑​বঁথ্স॒রো বৈ তদ॑প॒ক্রম্য়া॑তিষ্ঠ॒-দ্যদে॒তয়া॑ দে॒বা অসু॑রাণা॒মোজো॒ বল॑মিন্দ্রি॒য়ং-বীঁ॒র্য়॑- [বল॑মিন্দ্রি॒য়ং-বীঁ॒র্য়᳚ম্, প্র॒জা-ম্প॒শূ-] 10

-ম্প্র॒জা-ম্প॒শূ-নবৃ॑ঞ্জত॒ তস্মা॑দে॒তাগ্​ম্ সং॑​বঁ॒র্গ ইতীষ্টি॑মাহু॒র্য়ো ভ্রাতৃ॑ব্যবা॒ন্থ্​স্য়া-থ্সস্পর্ধ॑মান এ॒তয়েষ্​ট্য়া॑ যজেতা॒গ্নয়ে॑ সং​বঁ॒র্গায়॑ পুরো॒ডাশ॑ম॒ষ্টাক॑পাল॒-ন্নির্ব॑পে॒ত্​তগ্​ম্শৃ॒তমাস॑ন্নমে॒তেন॒ যজু॑ষা॒-ঽভি মৃ॑শে॒দোজ॑ এ॒ব বল॑মিন্দ্রি॒য়ং-বীঁ॒র্য়॑-ম্প্র॒জা-ম্প॒শূ-ন্ভ্রাতৃ॑ব্যস্য় বৃঙ্ক্তে॒ ভব॑ত্য়া॒ত্মনা॒ পরা᳚স্য়॒ ভ্রাতৃ॑ব্য়ো ভবতি ॥ 11
(বল॑মস্য়ে॒ - তয়া॑ দে॒বা অসু॑রাণা॒মোজো॒ বল॑মিন্দ্রি॒য়ং-বীঁ॒র্য়ং॑ - পঞ্চ॑চত্বারিগ্​ম্শচ্চ) (অ. 3)

প্র॒জাপ॑তিঃ প্র॒জা অ॑সৃজত॒ তা অ॑স্মা-থ্সৃ॒ষ্টাঃ পরা॑চীরায়॒-ন্তা যত্রাব॑স॒-ন্ততো॑ গ॒র্মুদুদ॑তিষ্ঠ॒-ত্তা বৃহ॒স্পতি॑শ্চা॒ন্ববৈ॑তা॒গ্​ম্॒ সো᳚-ঽব্রবী॒-দ্বৃহ॒স্পতি॑র॒নয়া᳚ ত্বা॒ প্রতি॑ষ্ঠা॒ন্যথ॑ ত্বা প্র॒জা উ॒পাব॑র্থ্স্য়॒ন্তীতি॒ ত-ম্প্রাতি॑ষ্ঠ॒-ত্ততো॒ বৈ প্র॒জাপ॑তি-ম্প্র॒জা উ॒পাব॑র্তন্ত॒ যঃ প্র॒জাকা॑ম॒-স্স্য়া-ত্তস্মা॑ এ॒ত-ম্প্রা॑জাপ॒ত্য়-ঙ্গা᳚র্মু॒ত-ঞ্চ॒রু-ন্নির্ব॑পে-ত্প্র॒জাপ॑তি- [-নির্ব॑পে-ত্প্র॒জাপ॑তিম্, এ॒ব স্বেন॑] 12

-মে॒ব স্বেন॑ ভাগ॒ধেয়ে॒নোপ॑ ধাবতি॒ স এ॒বাস্মৈ᳚ প্র॒জা-ম্প্রজ॑নযতিপ্র॒জাপ॑তিঃ প॒শূন॑সৃজত॒ তে᳚-ঽস্মা-থ্সৃ॒ষ্টাঃ পরা᳚ঞ্চ আয়॒-ন্তে যত্রাব॑স॒-ন্ততো॑ গ॒র্মুদুদ॑তিষ্ঠ॒-ত্তা-ন্পূ॒ষা চা॒ন্ববৈ॑তা॒গ্​ম্॒ সো᳚-ঽব্রবী-ত্পূ॒ষা-ঽনয়া॑ মা॒ প্রতি॒ষ্ঠাথ॑ ত্বা প॒শব॑ উ॒পাব॑র্থ্স্য়॒ন্তীতি॒ মা-ম্প্রতি॒ষ্ঠেতি॒ সোমো᳚-ঽব্রবী॒-ন্মম॒ বা [-মম॒ বৈ, অ॒কৃ॒ষ্ট॒প॒চ্যমিত্য়ু॒ভৌ] 13

অ॑কৃষ্টপ॒চ্যমিত্য়ু॒ভৌ বা॒-ম্প্রতি॑ষ্ঠা॒নীত্য়॑ব্রবী॒-ত্তৌ প্রাতি॑ষ্ঠ॒-ত্ততো॒ বৈ প্র॒জাপ॑তি-ম্প॒শব॑ উ॒পাব॑র্তন্ত॒ যঃ প॒শুকা॑ম॒-স্স্য়া-ত্তস্মা॑ এ॒তগ্​ম্ সো॑মাপৌ॒ষ্ণ-ঙ্গা᳚র্মু॒ত-ঞ্চ॒রু-ন্নির্ব॑পে-থ্সোমাপূ॒ষণা॑বে॒ব স্বেন॑ ভাগ॒ধেয়ে॒নোপ॑ ধাবতি॒ তাবে॒বাস্মৈ॑ প॒শূ-ন্প্রজ॑নযত॒-স্সোমো॒ বৈ রে॑তো॒ধাঃ পূ॒ষা প॑শূ॒না-ম্প্র॑জনয়ি॒তা সোম॑ এ॒বাস্মৈ॒ রেতো॒ দধা॑তি পূ॒ষা প॒শূ-ন্প্রজ॑নযতি ॥ 14 ॥
(ব॒পে॒-ত্প্র॒জাপ॑তিং॒ - ঁবৈ - দধা॑তি পূ॒ষা - ত্রীণি॑ চ) (অ. 4)

অগ্নে॒ গোভি॑র্ন॒ আ গ॒হীন্দো॑ পু॒ষ্​ট্য়া জু॑ষস্ব নঃ । ইন্দ্রো॑ ধ॒র্তা গৃ॒হেষু॑ নঃ ॥ স॒বি॒তা য-স্স॑হ॒স্রিয়॒-স্স নো॑ গৃ॒হেষু॑ রারণত্ । আ পূ॒ষা এ॒ত্বা বসু॑ ॥ ধা॒তা দ॑দাতু নো র॒য়িমীশা॑নো॒ জগ॑ত॒স্পতিঃ॑ । স নঃ॑ পূ॒র্ণেন॑ বাবনত্ ॥ ত্বষ্টা॒ যো বৃ॑ষ॒ভো বৃষা॒ স নো॑ গৃ॒হেষু॑ রারণত্ । স॒হস্রে॑ণা॒য়ুতে॑ন চ ॥ যেন॑ দে॒বা অ॒মৃত॑- [অ॒মৃত᳚ম্, দী॒র্ঘগ্গ্​ শ্রবো॑ দি॒ব্য়ৈর॑যন্ত ।] 15

-ন্দী॒র্ঘগ্গ্​ শ্রবো॑ দি॒ব্য়ৈর॑যন্ত । রায়॑স্পোষ॒ ত্বম॒স্মভ্য়॒-ঙ্গবা᳚ঙ্কু॒ল্মি-ঞ্জী॒বস॒ আ যু॑বস্ব ॥ অ॒গ্নি র্গৃ॒হপ॑তি॒-স্সোমো॑ বিশ্ব॒বনি॑-স্সবি॒তা সু॑মে॒ধা-স্স্বাহা᳚ ॥ অগ্নে॑ গৃহপতে॒ যস্তে॒ ঘৃত্য়ো॑ ভা॒গস্তেন॒ সহ॒ ওজ॑ আ॒ক্রম॑মাণায় ধেহি॒ শ্রৈষ্​ঠ্য়া᳚ত্প॒থো মা যো॑ষ-ম্মূ॒র্ধা ভূ॑য়াস॒গ্গ্॒ স্বাহা᳚ ॥ 16 ॥
(অ॒মৃত॑ - ম॒ষ্টাত্রিগ্​ম্॑শচ্চ) (অ. 5)

চি॒ত্রয়া॑ যজেত প॒শুকা॑ম ই॒য়ং-বৈঁ চি॒ত্রা যদ্বা অ॒স্য়াং-বিঁশ্ব॑-ম্ভূ॒তমধি॑ প্র॒জায়॑তে॒ তে নে॒যঞ্চি॒ত্রা য এ॒বং-বিঁ॒দ্বাগ্​ শ্চি॒ত্রয়া॑ প॒শুকা॑মো॒ যজ॑তে॒ প্র প্র॒জয়া॑ প॒শুভি॑ র্মিথু॒নৈ র্জা॑যতে॒ প্রৈবাগ্নে॒য়েন॑ বাপযতি॒ রেত॑-স্সৌ॒ম্য়েন॑ দধাতি॒ রেত॑ এ॒ব হি॒ত-ন্ত্বষ্টা॑ রূ॒পাণি॒ বি ক॑রোতিসারস্ব॒তৌ ভ॑বত এ॒তদ্বৈ দৈব্য়॑-ম্মিথু॒ন-ন্দৈব্য়॑মে॒বাস্মৈ॑ [-দৈব্য়॑মে॒বাস্মৈ᳚, মি॒থু॒ন-ম্ম॑দ্ধ্য়॒তো] 17

মিথু॒ন-ম্ম॑দ্ধ্য়॒তো দ॑ধাতি॒ পুষ্​ট্য়ৈ᳚ প্র॒জন॑নায় সিনীবা॒ল্য়ৈ চ॒রুর্ভ॑বতি॒ বাগ্বৈ সি॑নীবা॒লী পুষ্টিঃ॒ খলু॒ বৈ বাক্পুষ্টি॑মে॒ব বাচ॒মুপৈ᳚ত্য়ৈ॒ন্দ্র উ॑ত্ত॒মো ভ॑বতি॒ তেনৈ॒ব তন্মি॑থু॒নগ্​ম্ স॒প্তৈতানি॑ হ॒বীগ্​ম্ষি॑ ভবন্তি স॒প্ত গ্রা॒ম্য়াঃ প॒শব॑-স্স॒প্তার॒ণ্য়া-স্স॒প্ত ছন্দাগ্॑স্য়ু॒-ভয়॒স্য়া-ব॑রুদ্ধ্য়া॒ অথৈ॒তা আহু॑তী র্জুহোত্য়ে॒তে বৈ দে॒বাঃ পুষ্টি॑পতয়॒স্ত এ॒বা স্মি॒-ন্পুষ্টি॑-ন্দধতি॒ পুষ্য়॑তি প্র॒জয়া॑ প॒শুভি॒রথো॒ যদে॒তা আহু॑তী র্জু॒হোতি॒ প্রতি॑ষ্ঠিত্য়ৈ ॥ 18 ॥
(অ॒স্মৈ॒ - ত এ॒ব - দ্বাদ॑শ চ) (অ. 6)

মা॒রু॒তম॑সি ম॒রুতা॒মোজো॒-ঽপা-ন্ধারা᳚-ম্ভিন্ধি র॒ময়॑ত মরুত-শ্শ্য়ে॒নমা॒য়িন॒-ম্মনো॑জব সং॒-বৃঁষ॑ণগ্​ম্ সুবৃ॒ক্তিম্ ॥ যেন॒ শর্ধ॑ উ॒গ্রমব॑-সৃষ্ট॒মেতি॒ তদ॑শ্বিনা॒ পরি॑ ধত্তগ্গ্​ স্ব॒স্তি । পু॒রো॒বা॒তো বর্​ষ॑ঞ্জি॒ন্বরা॒বৃ-থ্স্বাহা॑ বা॒তাবদ্- বর্​ষ॑ন্নু॒গ্ররা॒বৃ-থ্স্বাহা᳚ স্ত॒নয়॒ন্ বর্​ষ॑-ন্ভী॒মরা॒বথ্​স্বাহা॑ ঽনশ॒ন্য়॑ব॒স্ফূর্জ॑ন্-দি॒দ্য়ু-দ্বর্​ষ॑ন্-ত্বে॒ষরা॒বৃ-থ্স্বাহা॑ ঽতিরা॒ত্রং॒-বঁর্​ষ॑-ন্পূ॒র্তিরা॒বৃ- [-পূ॒র্তিরা॒বৃত্, স্বাহা॑ ব॒হু] 19

-থ্স্বাহা॑ ব॒হু হা॒যম॑বৃষা॒দিতি॑ শ্রু॒তরা॒বৃ-থ্স্বাহা॒ ঽঽতপ॑তি॒ বর্​ষ॑ন্-বি॒রাডা॒বৃ-থ্স্বাহা॑ ঽব॒স্ফূর্জ॑ন্-দি॒দ্য়ু-দ্বর্​ষ॑-ন্ভূ॒তরা॒বৃ-থ্স্বাহা॒মান্দা॒ বাশা॒-শ্শুন্ধ্য়ূ॒রজি॑রাঃ । জ্য়োতি॑ষ্মতী॒-স্তম॑স্বরী॒-রুন্দ॑তী॒-স্সুফে॑নাঃ । মিত্র॑ভৃতঃ॒, ক্ষত্র॑ভৃত॒-স্সুরা᳚ষ্ট্রা ই॒হ মা॑-ঽবত ॥বৃষ্ণো॒ অশ্ব॑স্য় স॒ন্দান॑মসি॒ বৃষ্​ট্য়ৈ॒ ত্বোপ॑ নহ্য়ামি ॥ 20 ॥
(পূ॒র্তিরা॒বৃ-দ্- দ্বিচ॑ত্বারিগ্​ম্শচ্চ) (অ. 7)

দেবা॑ বসব্য়া॒ অগ্নে॑ সোম সূর্য় ॥ দেবা᳚-শ্শর্মণ্য়া॒ মিত্রা॑বরুণা-ঽর্যমন্ন্ ॥ দেবা᳚-স্সপীত॒য়ো ঽপা᳚-ন্নপাদাশুহেমন্ন্ । উ॒দ্নো দ॑ত্তোদ॒ধি-ম্ভি॑ন্ত্ত দি॒বঃ প॒র্জন্য়া॑দ॒ন্তরি॑ক্ষাত্-পৃথি॒ব্য়াস্ততো॑ নো॒ বৃষ্​ট্য়া॑-ঽবত ॥ দিবা॑ চি॒ত্তমঃ॑ কৃণ্বন্তি প॒র্জন্য়ে॑নো-দবা॒হেন॑ । পৃ॒থি॒বীং-য়ঁ-দ্ব্য়ু॒ন্দন্তি॑ ॥ আয়-ন্নর॑-স্সু॒দান॑বো দদা॒শুষে॑ দি॒বঃ কোশ॒মচু॑চ্যবুঃ । বি প॒র্জন্য়া᳚-স্সৃজন্তি॒ রোদ॑সী॒ অনু॒ ধন্ব॑না যন্তি [ ] 21

বৃ॒ষ্টয়ঃ॑ ॥ উদী॑রযথা মরুত-স্সমুদ্র॒তো যূ॒য়ং-বৃঁ॒ষ্টিং-বঁ॑র্​ষযথা পুরীষিণঃ । ন বো॑ দস্রা॒ উপ॑ দস্যন্তি ধে॒নব॒-শ্শুভং॑-য়াঁ॒তামনু॒ রথা॑ অবৃথ্সত ॥ সৃ॒জা বৃ॒ষ্টি-ন্দি॒ব আ-ঽদ্ভি-স্স॑মু॒দ্র-ম্পৃ॑ণ ॥ অ॒ব্জা অ॑সি প্রথম॒জা বল॑মসি সমু॒দ্রিয়᳚ম্ ॥ উন্ন॑ম্ভয় পৃথি॒বী-ম্ভি॒ন্ধীদ-ন্দি॒ব্য়-ন্নভঃ॑ । উ॒দ্নো দি॒ব্যস্য়॑ নো দে॒হীশা॑নো॒ বিসৃ॑জা॒ দৃতি᳚ম্ ॥ যে দে॒বা দি॒বিভা॑গা॒ যে᳚-ঽন্তরি॑ক্ষ ভাগা॒ যে পৃ॑থি॒বি ভা॑গাঃ । ত ই॒মং-য়ঁ॒জ্ঞম॑বন্তু॒ ত ই॒দ-ঙ্ক্ষেত্র॒মা বি॑শন্তু॒ ত ই॒দ-ঙ্ক্ষেত্র॒মনু॒ বি বি॑শন্তু ॥ 22 ॥
(য়॒ন্তি॒ - দে॒বা - বিগ্​ম্॑শ॒তিশ্চ॑) (অ. 8)

মা॒রু॒তম॑সি ম॒রুতা॒মোজ॒ ইতি॑ কৃ॒ষ্ণং-বাঁসঃ॑ কৃ॒ষ্ণতূ॑ষ॒-ম্পরি॑ ধত্ত এ॒তদ্বৈ বৃষ্​ট্য়ৈ॑ রূ॒পগ্​ম্ সরূ॑প এ॒ব ভূ॒ত্বা প॒র্জন্য়ং॑-বঁর্​ষযতির॒ময়॑ত মরুত-শ্শ্য়ে॒নমা॒য়িন॒মিতি॑ পশ্চাদ্বা॒ত-ম্প্রতি॑ মীবতি পুরোবা॒তমে॒ব জ॑নযতি ব॒র্॒ষস্য়া ব॑রুদ্ধ্য়ৈ বাতনা॒মানি॑ জুহোতি বা॒য়ুর্বৈ বৃষ্​ট্য়া॑ ঈশে বা॒য়ুমে॒ব স্বেন॑ ভাগ॒ধেয়ে॒নোপ॑ ধাবতি॒ স এ॒বাস্মৈ॑ প॒র্জন্য়ং॑-বঁর্​ষযত্য়॒ষ্টৌ [বর্​ষযত্য়॒ষ্টৌ, জু॒হো॒তি॒ চত॑স্রো॒ বৈ] 23

জু॑হোতি॒ চত॑স্রো॒ বৈ দিশ॒শ্চত॑স্রো-ঽবান্তরদি॒শা দি॒গ্ভ্য় এ॒ব বৃষ্টি॒গ্​ম্॒ স-ম্প্র চ্য়া॑বযতি কৃষ্ণাজি॒নে সং​য়ৌঁ॑তি হ॒বিরে॒বাক॑রন্তর্বে॒দি সং​য়ৌঁ॒ত্য় ব॑রুদ্ধ্য়ৈ॒ যতী॑নাম॒দ্যমা॑নানাগ্​ম্ শী॒র্॒ষাণি॒ পরা॑-ঽপত॒ন্তে খ॒র্জূরা॑ অভব॒ন্-তেষা॒গ্​ম্॒ রস॑ ঊ॒র্ধ্বো॑-ঽপত॒ত্-তানি॑ ক॒রীরা᳚ণ্য়-ভবন্-থ্সৌ॒ম্য়ানি॒ বৈ ক॒রীরা॑ণি সৌ॒ম্য়া খলু॒ বা আহু॑তি র্দি॒বো বৃষ্টি॑-ঞ্চ্য়াবযতি॒ যত্ক॒রীরা॑ণি॒ ভব॑ন্তি [ ] 24

সৌ॒ম্যয়ৈ॒বা-ঽঽহু॑ত্য়া দি॒বো বৃষ্টি॒মব॑ রুন্ধে॒ মধু॑ষা॒ সং-য়ৌঁ᳚ত্য়॒পাং-বাঁ এ॒ষ ওষ॑ধীনা॒গ্​ম্॒ রসো॒ যন্মদ্ধ্ব॒দ্ভ্য় এ॒বৌষ॑ধীভ্য়ো বর্​ষ॒ত্যথো॑ অ॒দ্ভ্য় এ॒বৌষ॑ধীভ্য়ো॒ বৃষ্টি॒নি-ন্ন॑যতি॒ মান্দা॒ বাশা॒ ইতি॒ সং​য়ৌঁ॑তি নাম॒ধেয়ৈ॑রে॒বৈনা॒ অচ্ছৈ॒ত্যথো॒ যথা᳚ ব্রূ॒য়াদসা॒ বেহীত্য়ে॒বমে॒বৈনা॑ নাম॒ধেয়ৈ॒রা - [নাম॒ধেয়ৈ॒রা, চ্য়া॒ব॒য়॒তি॒ বৃষ্ণো॒] 25

চ্য়া॑বযতি॒ বৃষ্ণো॒ অশ্ব॑স্য় স॒ন্দান॑মসি॒ বৃষ্​ট্য়ৈ॒ ত্বোপ॑ নহ্য়া॒মীত্য়া॑হ॒ বৃষা॒ বা অশ্বো॒ বৃষা॑ প॒র্জন্য়ঃ॑ কৃ॒ষ্ণ ই॑ব॒ খলু॒ বৈ ভূ॒ত্বা ব॑র্​ষতি রূ॒পেণৈ॒বৈন॒গ্​ম্॒ সম॑র্ধযতি ব॒র্॒ষস্য়া ব॑রুদ্ধ্য়ৈ ॥ 26 ॥
(অ॒ষ্টৌ - ভব॑ন্তি - নাম॒ধেয়ৈ॒রৈ - কা॒ন্ন ত্রি॒গ্​ম্॒শচ্চ॑) (অ. 9)

দেবা॑ বসব্য়া॒ দেবা᳚-শ্শর্মণ্য়া॒ দেবা᳚-স্সপীতয়॒ ইত্য়া ব॑দ্ধ্নাতি দে॒বতা॑ভিরে॒বান্ব॒হং-বৃঁষ্টি॑মিচ্ছতি॒ যদি॒ বর্​ষে॒ত্-তাব॑ত্য়ে॒ব হো॑ত॒ব্য়ং॑-য়ঁদি॒ ন বর্​ষে॒চ্ছ্বো ভূ॒তে হ॒বির্নির্ব॑পেদহোরা॒ত্রে বৈ মি॒ত্রাবরু॑ণাবহোরা॒ত্রাভ্য়া॒-ঙ্খলু॒ বৈ প॒র্জন্য়ো॑ বর্​ষতি॒ নক্তং॑-বাঁ॒ হি দিবা॑ বা॒ বর্​ষ॑তি মি॒ত্রাবরু॑ণাবে॒ব স্বেন॑ ভাগ॒ধেয়ে॒নোপ॑ ধাবতি॒ তাবে॒বাস্মা॑ [তাবে॒বাস্মৈ᳚, অ॒হো॒রা॒ত্রাভ্য়াং᳚-] 27

অহোরা॒ত্রাভ্য়া᳚-ম্প॒র্জন্য়ং॑ ঁবর্​ষযতো॒-ঽগ্নয়ে॑ ধাম॒চ্ছদে॑ পুরো॒ডাশ॑ম॒ষ্টাক॑পাল॒-ন্নির্ব॑পেন্মারু॒তগ্​ম্ স॒প্তক॑পালগ্​ম্ সৌ॒র্যমেক॑কপালম॒গ্নির্বা ই॒তো বৃষ্টি॒মুদী॑রযতি ম॒রুত॑-স্সৃ॒ষ্টা-ন্ন॑যন্তি য॒দা খলু॒ বা অ॒সাবা॑দি॒ত্য়ো ন্য়ং॑-র॒শ্মিভিঃ॑ পর্য়া॒বর্ত॒তে-ঽথ॑বর্​ষতিধাম॒চ্ছদি॑ব॒ খলু॒ বৈ ভূ॒ত্বা ব॑র্​ষত্য়ে॒তা বৈ দে॒বতা॒ বৃষ্​ট্য়া॑ ঈশতে॒ তা এ॒ব স্বেন॑ ভাগ॒ধেয়ে॒নোপ॑ ধাবতি॒ তা [ভাগ॒ধেয়ে॒নোপ॑ ধাবতি॒ তাঃ, এ॒বাস্মৈ॑] 28

এ॒বাস্মৈ॑ প॒র্জন্য়ং॑-বঁর্​ষযন্ত্য়ু॒তা ব॑র্​ষিষ্য়॒ন্ বর্​ষ॑ত্য়ে॒ব সৃ॒জা বৃ॒ষ্টি-ন্দি॒ব আ-ঽদ্ভি-স্স॑মু॒দ্র-ম্পৃ॒ণেত্য়া॑হে॒মাশ্চৈ॒বা-মূশ্চা॒প-স্সম॑র্ধয়॒ত্যথো॑ আ॒ভিরে॒বা-মূরচ্ছৈ᳚ত্য়॒ব্জা অ॑সি প্রথম॒জা বল॑মসি সমু॒দ্রিয়॒মিত্য়া॑হ যথায়॒জুরে॒বৈত-দুন্ন॑-ম্ভয় পৃথি॒বীমিতি॑ বর্​ষা॒হ্বা-ঞ্জু॑হোত্য়ে॒ষা বা ওষ॑ধীনাং-বৃঁষ্টি॒বনি॒স্তয়ৈ॒ব বৃষ্টি॒মা চ্য়া॑বযতি॒ যে দে॒বা দি॒বিভা॑গা॒ ইতি॑ কৃষ্ণাজি॒নমব॑ ধূনোতী॒ম এ॒বাস্মৈ॑ লো॒কাঃ প্রী॒তা অ॒ভীষ্টা॑ ভবন্তি ॥ 29 ॥
(অ॒স্মৈ॒ - ধা॒ব॒তি॒ তা - বা - এক॑বিগ্​ম্শতিশ্চ ) (অ. 10)

সর্বা॑ণি॒ ছন্দাগ্॑স্য়ে॒তস্য়া॒-মিষ্ট্য়া॑-ম॒নূচ্য়া॒নীত্য়া॑হু-স্ত্রি॒ষ্টুভো॒ বা এ॒তদ্বী॒র্য়ং॑-য়ঁ-ত্ক॒কুদু॒ষ্ণিহা॒ জগ॑ত্য়ৈ॒ যদু॑ষ্ণিহ-ক॒কুভা॑ব॒ন্বাহ॒ তেনৈ॒ব সর্বা॑ণি॒ ছন্দা॒গ্॒স্যব॑ রুন্ধে গায়॒ত্রী বা এ॒ষা যদু॒ষ্ণিহা॒ যানি॑ চ॒ত্বার্যদ্ধ্য়॒ক্ষরা॑ণি॒ চতু॑ষ্পাদ এ॒ব তে প॒শবো॒যথা॑ পুরো॒ডাশে॑ পুরো॒ডাশো-ঽদ্ধ্য়ে॒বমে॒ব ত-দ্যদ্-ঋ॒চ্যদ্ধ্য়॒ক্ষরা॑ণি॒ যজ্জগ॑ত্য়া [যজ্জগ॑ত্য়া, প॒রি॒দ॒দ্ধ্য়াদন্তং॑-] 30

পরিদ॒দ্ধ্য়াদন্তং॑-য়ঁ॒জ্ঞ-ঙ্গ॑ময়ে-ত্ত্রি॒ষ্টুভা॒ পরি॑ দধাতীন্দ্রি॒য়ং-বৈঁ বী॒র্য়॑-ন্ত্রি॒ষ্টুগি॑ন্দ্রি॒য় এ॒ব বী॒র্য়ে॑ য॒জ্ঞ-ম্প্রতি॑ষ্ঠাপযতি॒ নান্ত॑-ঙ্গময়॒ত্যগ্নে॒ ত্রী তে॒ বাজি॑না॒ ত্রী ষ॒ধস্থেতি॒ ত্রিব॑ত্য়া॒ পরি॑ দধাতি সরূপ॒ত্বায়॒ সর্বো॒ বা এ॒ষ য॒জ্ঞো য-ত্ত্রৈ॑ধাত॒বীয়॒-ঙ্কামা॑য়-কামায়॒ প্রয়ু॑জ্যতে॒ সর্বে᳚ভ্য়ো॒ হি কামে᳚ভ্য়ো য॒জ্ঞঃ প্র॑য়ু॒জ্যতে᳚ ত্রৈধাত॒বীয়ে॑ন যজেতাভি॒চর॒ন্-থ্সর্বো॒ বা [সর্বো॒ বৈ, এ॒ষ] 31

এ॒ষ য॒জ্ঞো য-ত্ত্রৈ॑ধাত॒বীয়॒গ্​ম্॒ সর্বে॑ণৈ॒বৈনং॑-য়ঁ॒জ্ঞেনা॒ভি চ॑রতি স্তৃণু॒ত এ॒বৈন॑মে॒তয়ৈ॒ব য॑জেতাভিচ॒র্যমা॑ণ॒-স্সর্বো॒ বা এ॒ষ য॒জ্ঞো য-ত্ত্রৈ॑ধাত॒বীয়॒গ্​ম্॒ সর্বে॑ণৈ॒ব য॒জ্ঞেন॑ যজতে॒ নৈন॑মভি॒চর᳚ন্-থ্স্তৃণুত এ॒তয়ৈ॒ব য॑জেত স॒হস্রে॑ণ য॒ক্ষ্যমা॑ণঃ॒ প্রজা॑তমে॒বৈন॑-দ্দদাত্য়ে॒তয়ৈ॒ব য॑জেত স॒হস্রে॑ণেজা॒নো-ঽন্তং॒-বাঁ এ॒ষ প॑শূ॒না-ঙ্গ॑চ্ছতি॒ [-গ॑চ্ছতি, য-স্স॒হস্রে॑ণ॒] 32

য-স্স॒হস্রে॑ণ॒ যজ॑তে প্র॒জাপ॑তিঃ॒ খলু॒ বৈ প॒শূন॑সৃজত॒ তাগ্​স্ত্রৈ॑ধাত॒ বীয়ে॑-নৈ॒বাসৃ॑জত॒ য এ॒বং-বিঁ॒দ্বাগ্​ স্ত্রৈ॑ধাত॒বীয়ে॑নপ॒শুকা॑মো॒ যজ॑তে॒ যস্মা॑দে॒ব যোনেঃ᳚ প্র॒জাপ॑তিঃ প॒শূনসৃ॑জত॒ তস্মা॑দে॒বৈনা᳚ন্-থ্সৃজত॒ উপৈ॑ন॒মুত্ত॑রগ্​ম্ স॒হস্র॑-ন্নমতি দে॒বতা᳚ভ্য়ো॒ বা এ॒ষ আ বৃ॑শ্চ্যতে॒ যো য॒ক্ষ্য় ইত্য়ু॒ক্ত্বা ন যজ॑তে ত্রৈধাত॒বীয়ে॑ন যজেত॒ সর্বো॒ বা এ॒ষ য॒জ্ঞো [য়॒জ্ঞঃ, য-ত্ত্রৈ॑ধাত॒বীয়॒গ্​ম্॒] 33

য-ত্ত্রৈ॑ধাত॒বীয়॒গ্​ম্॒ সর্বে॑ণৈ॒ব য॒জ্ঞেন॑ যজতে॒ ন দে॒বতা᳚ভ্য়॒ আ বৃ॑শ্চ্যতে॒ দ্বাদ॑শকপালঃ পুরো॒ডাশো॑ ভবতি॒ তে ত্রয়॒শ্চতু॑ষ্কপালা-স্ত্রিষ্ষমৃদ্ধ॒ত্বায়॒ ত্রয়ঃ॑ পুরো॒ডাশা॑ ভবন্তি॒ ত্রয়॑ ই॒মে লো॒কা এ॒ষাং-লোঁ॒কানা॒মাপ্ত্য়া॒ উত্ত॑র-উত্তরো॒ জ্য়ায়া᳚-ন্ভবত্য়ে॒বমি॑ব॒ হীমে লো॒কা য॑ব॒ময়ো॒ মদ্ধ্য়॑ এ॒তদ্বা অ॒ন্তরি॑ক্ষস্য় রূ॒পগ্​ম্ সমৃ॑দ্ধ্য়ৈ॒ সর্বে॑ষামভিগ॒ময়॒ন্নব॑ দ্য়॒ত্যছ॑বণ্ট্কার॒গ্​ম্॒ হির॑ণ্য়-ন্দদাতি॒ তেজ॑ এ॒বা- [এ॒ব, অব॑ রুন্ধে] 34

-ঽব॑ রুন্ধে তা॒র্প্য়-ন্দ॑দাতি প॒শূনে॒বাব॑ রুন্ধে ধে॒নু-ন্দ॑দাত্য়া॒শিষ॑ এ॒বাব॑ রুন্ধে॒ সাম্নো॒ বা এ॒ষ বর্ণো॒ যদ্ধির॑ণ্য়ং॒-য়ঁজু॑ষা-ন্তা॒র্প্যমু॑ক্থাম॒দানা᳚-ন্ধে॒নুরে॒তানে॒ব সর্বা॒ন্॒. বর্ণা॒নব॑ রুন্ধে ॥ 35 ॥
(জগ॑ত্য়া - ঽভি॒চর॒ন্-থ্সর্বো॒ বৈ - গ॑চ্ছতি - য॒জ্ঞ - স্তেজ॑ এ॒ব - ত্রি॒গ্​ম্॒শচ্চ॑) (অ. 11)

ত্বষ্টা॑ হ॒তপু॑ত্রো॒ বীন্দ্র॒গ্​ম্॒ সোম॒মা-ঽহ॑র॒-ত্তস্মি॒ন্নিন্দ্র॑ উপহ॒বমৈ᳚চ্ছত॒ ত-ন্নোপা᳚হ্বযত পু॒ত্র-ম্মে॑-ঽবধী॒রিতি॒ স য॑জ্ঞবেশ॒স-ঙ্কৃ॒ত্বা প্রা॒সহা॒ সোম॑মপিব॒-ত্তস্য়॒ যদ॒ত্যশি॑ষ্যত॒ ত-ত্ত্বষ্টা॑-ঽঽহব॒নীয়॒মুপ॒ প্রাব॑র্তয়॒-থ্স্বাহেন্দ্র॑শত্রুর্বর্ধ॒স্বেতি॒ স যাব॑দূ॒র্ধ্বঃ প॑রা॒বিদ্ধ্য়॑তি॒ তাব॑তি স্ব॒যমে॒ব ব্য়॑রমত॒ যদি॑ বা॒ তাব॑-ত্প্রব॒ণ- [তাব॑-ত্প্রব॒ণম্, আসী॒দ্যদি॑] 36

-মাসী॒দ্যদি॑ বা॒ তাব॒দদ্ধ্য়॒গ্নেরাসী॒-থ্স স॒ম্ভব॑ন্ন॒গ্নীষোমা॑ব॒ভি সম॑ভব॒-থ্স ই॑ষুমা॒ত্রমি॑ষুমাত্রং॒-বিঁষ্ব॑ঙ্ঙবর্ধত॒ স ই॒মাং-লোঁ॒কান॑বৃণো॒দ্য়-দি॒মাং-লোঁ॒কানবৃ॑ণো॒-ত্ত-দ্বৃ॒ত্রস্য়॑ বৃত্র॒ত্ব-ন্তস্মা॒দিন্দ্রো॑-ঽবিভে॒দপি॒ ত্বষ্টা॒ তস্মৈ॒ ত্বষ্টা॒ বজ্র॑মসিঞ্চ॒-ত্তপো॒ বৈ স বজ্র॑ আসী॒-ত্তমুদ্য়॑ন্তু॒-ন্নাশ॑ক্নো॒দথ॒ বৈ তর্​হি॒ বিষ্ণু॑- [বিষ্ণুঃ॑, অ॒ন্য়া] 37

-র॒ন্য়া দে॒বতা॑ ঽঽসী॒-থ্সো᳚-ঽব্রবী॒-দ্বিষ্ণ॒বেহী॒দমা হ॑রিষ্য়াবো॒ যেনা॒যমি॒দমিতি॒স বিষ্ণু॑স্ত্রে॒ধা-ঽঽত্মানং॒-বিঁন্য়॑ধত্ত পৃথি॒ব্য়া-ন্তৃতী॑যম॒ন্তরি॑ক্ষে॒ তৃতী॑য়-ন্দি॒বি তৃতী॑য়-মভিপর্য়াব॒র্তা-দ্ধ্যবি॑ভে॒দ্যত্-পৃ॑থি॒ব্য়া-ন্তৃতী॑য়॒মাসী॒-ত্তেনেন্দ্রো॒ বজ্র॒মুদ॑যচ্ছ॒-দ্বিষ্ণ্ব॑নুস্থিত॒-স্সো᳚-ঽব্রবী॒ন্মা মে॒ প্র হা॒রস্তি॒ বা ই॒দ- [বা ই॒দম্, ময়ি॑ বী॒র্য়॑-ন্ত-ত্তে॒] 38

-ম্ময়ি॑ বী॒র্য়॑-ন্ত-ত্তে॒ প্রদা᳚স্য়া॒মীতি॒ তদ॑স্মৈ॒ প্রায়॑চ্ছ॒-ত্ত-ত্প্রত্য়॑গৃহ্ণা॒দধা॒ মেতি॒ ত-দ্বিষ্ণ॒বে-ঽতি॒ প্রায়॑চ্ছ॒-ত্ত-দ্বিষ্ণুঃ॒ প্রত্য়॑গৃহ্ণা-দ॒স্মাস্বিন্দ্র॑ ইন্দ্রি॒য়-ন্দ॑ধা॒ত্বিতি॒ যদ॒ন্তরি॑ক্ষে॒ তৃতী॑য়॒মাসী॒-ত্তেনেন্দ্রো॒ বজ্র॒মুদ॑যচ্ছ॒-দ্বিষ্ণ্ব॑নুস্থিত॒-স্সো᳚-ঽব্রবী॒ন্মা মে॒ প্রহা॒রস্তি॒ বা ই॒দ- [বা ই॒দম্, ময়ি॑ বী॒র্য়॑-ন্ত-ত্তে॒] 39

-ম্ময়ি॑ বী॒র্য়॑-ন্ত-ত্তে॒ প্র দা᳚স্য়া॒মীতি॒ তদ॑স্মৈ॒ প্রায়॑চ্ছ॒-ত্ত-ত্প্রত্য়॑গৃহ্ণা॒-দ্দ্বির্মা॑-ঽধা॒ ইতি॒ ত-দ্বিষ্ণ॒বে-ঽতি॒ প্রায়॑চ্ছ॒-ত্ত-দ্বিষ্ণুঃ॒ প্রত্য়॑গৃহ্ণাদ॒স্মাস্বিন্দ্র॑ ইন্দ্রি॒য়-ন্দ॑ধা॒ত্বিতি॒ যদ্দি॒বি তৃতী॑য়॒মাসী॒-ত্তেনেন্দ্রো॒ বজ্র॒মুদ॑যচ্ছ॒-দ্বিষ্ণ্ব॑নুস্থিত॒-স্সো᳚-ঽব্রবী॒ন্মা মে॒ প্রহা॒র্য়েনা॒হ- [প্রহা॒র্য়েনা॒হম্, ই॒দমস্মি॒ ত-ত্তে॒] 40

-মি॒দমস্মি॒ ত-ত্তে॒ প্রদা᳚স্য়া॒মীতি॒ ত্বী(3) ইত্য়॑ব্রবী-থ্স॒ন্ধা-ন্তু সন্দ॑ধাবহৈ॒ ত্বামে॒ব প্রবি॑শা॒নীতি॒ যন্মা-ম্প্র॑বি॒শেঃ কি-ম্মা॑ ভুঞ্জ্য়া॒ ইত্য়॑ব্রবী॒-ত্ত্বামে॒বেন্ধী॑য়॒ তব॒ ভোগা॑য়॒ ত্বা-ম্প্রবি॑শেয়॒মিত্য়॑ব্রবী॒-ত্তং-বৃঁ॒ত্রঃ প্রাবি॑শদু॒দরং॒-বৈঁ বৃ॒ত্রঃ, ক্ষু-ত্খলু॒ বৈ ম॑নু॒ষ্য়॑স্য়॒ ভ্রাতৃ॑ব্য়ো॒ য [ভ্রাতৃ॑ব্য়ো॒ যঃ, এ॒বং-বেঁদ॒ হন্তি॒] 41

এ॒বং-বেঁদ॒ হন্তি॒ ক্ষুধ॒-ম্ভ্রাতৃ॑ব্য়॒-ন্তদ॑স্মৈ॒ প্রায়॑চ্ছ॒ত্​ত-ত্প্রত্য়॑গৃহ্ণা॒ত্- ত্রির্মা॑-ঽধা॒ ইতি॒ ত-দ্বিষ্ণ॒বে-ঽতি॒ প্রায়॑চ্ছ॒-ত্ত-দ্বিষ্ণুঃ॒ প্রত্য়॑গৃহ্ণাদ॒স্মাস্বিন্দ্র॑ ইন্দ্রি॒য়-ন্দ॑ধা॒ত্বিতি॒ যত্ত্রিঃ প্রায়॑চ্ছ॒-ত্ত্রিঃ প্র॒ত্যগৃ॑হ্ণা॒-ত্ত-ত্ত্রি॒ধাতো᳚স্ত্রিধাতু॒ত্বং-য়ঁ-দ্বিষ্ণু॑র॒ন্বতি॑ষ্ঠত॒ বিষ্ণ॒বে-ঽতি॒ প্রায়॑চ্ছ॒-ত্তস্মা॑দৈন্দ্রাবৈষ্ণ॒বগ্​ম্ হ॒বির্ভ॑বতি॒ যদ্বা ই॒দ-ঙ্কিঞ্চ॒ তদ॑স্মৈ॒ ত-ত্প্রায়॑চ্ছ॒-দৃচ॒-স্সামা॑নি॒ যজূগ্​ম্॑ষি স॒হস্রং॒-বাঁ অ॑স্মৈ॒ ত-ত্প্রায়॑চ্ছ॒-ত্তস্মা᳚-থ্স॒হস্র॑দক্ষিণম্ ॥ 42 ॥
(প্র॒ব॒ণং - ঁবিষ্ণু॒- র্বা ই॒দ- মি॒দ - ম॒হং - ঁয়ো - ভ॑ব॒ - ত্য়েক॑ বিগ্​ম্শতিশ্চ) (অ. 12)

দে॒বা বৈ রা॑জ॒ন্য়া᳚-জ্জায়॑মানা-দবিভয়ু॒-স্তম॒ন্তরে॒ব সন্ত॒-ন্দাম্না ঽপৌ᳚ম্ভ॒ন্-থ্স বা এ॒ষো-ঽপো᳚ব্ধো জাযতে॒ য-দ্রা॑জ॒ন্য়ো॑ যদ্বা এ॒ষো-ঽন॑পোব্ধো॒ জায়ে॑ত বৃ॒ত্রা-ন্ঘ্নগ্গ্​ শ্চ॑রে॒দ্য়-ঙ্কা॒ময়ে॑ত রাজ॒ন্য়॑মন॑পোব্ধো জায়েত বৃ॒ত্রা-ন্ঘ্নগ্গ্​ শ্চ॑রে॒দিতি॒ তস্মা॑ এ॒তমৈ᳚ন্দ্রা বার্​হস্প॒ত্য়-ঞ্চ॒রু-ন্নির্ব॑পেদৈ॒ন্দ্রো বৈ রা॑জ॒ন্য়ো᳚ ব্রহ্ম॒ বৃহ॒স্পতি॒ র্ব্রহ্ম॑ণৈ॒বৈন॒-ন্দাম্নো॒-ঽপোম্ভ॑না-ন্মুঞ্চতি হির॒ণ্ময়॒-ন্দাম॒ দক্ষি॑ণা সা॒ক্ষাদে॒বৈন॒-ন্দাম্নো॒-ঽপোম্ভ॑না-ন্মুঞ্চতি ॥ 43 ॥
(এ॒নং॒ - দ্বাদ॑শ চ) (অ. 13)

নবো॑নবো ভবতি॒ জায়॑মা॒নো-ঽহ্না᳚-ঙ্কে॒তুরু॒ষসা॑ মে॒ত্যগ্রে᳚ । ভা॒গ-ন্দে॒বেভ্য়ো॒ বিদ॑ধাত্য়া॒য়-ন্প্রচ॒ন্দ্রমা᳚স্তিরতি দী॒র্ঘমায়ুঃ॑ ॥ যমা॑দি॒ত্য়া অ॒গ্​ম্॒শুমা᳚প্য়া॒যয়॑ন্তি॒ যমক্ষি॑ত॒-মক্ষি॑তয়ঃ॒ পিব॑ন্তি । তেন॑ নো॒ রাজা॒ বরু॑ণো॒ বৃহ॒স্পতি॒রা প্য়া॑যযন্তু॒ ভুব॑নস্য় গো॒পাঃ ॥প্রাচ্য়া᳚-ন্দি॒শি ত্বমি॑ন্দ্রাসি॒ রাজো॒তোদী᳚চ্য়াং-বৃঁত্রহন্ বৃত্র॒হা-ঽসি॑ । যত্র॒ যন্তি॑ স্রো॒ত্য়াস্ত- [যন্তি॑ স্রো॒ত্য়াস্তত্, জি॒ত-ন্তে॑] 44

-জ্জি॒ত-ন্তে॑ দক্ষিণ॒তো বৃ॑ষ॒ভ এ॑ধি॒ হব্য়ঃ॑ ॥ ইন্দ্রো॑ জয়াতি॒ ন পরা॑ জয়াতা অধিরা॒জো রাজ॑সু রাজয়াতি । বিশ্বা॒ হি ভূ॒য়াঃ পৃত॑না অভি॒ষ্টীরু॑প॒সদ্য়ো॑ নম॒স্য়ো॑ যথা-ঽস॑ত্ ॥ অ॒স্য়েদে॒ব প্ররি॑রিচে মহি॒ত্ব-ন্দি॒বঃ পৃ॑থি॒ব্য়াঃ পর্য়॒ন্তরি॑ক্ষাত্ । স্ব॒রাডিন্দ্রো॒ দম॒ আ বি॒শ্বগূ᳚র্ত-স্স্ব॒রিরম॑ত্রো ববক্ষে॒ রণা॑য় ॥ অ॒ভি ত্বা॑ শূর নোনু॒মো-ঽদু॑গ্ধা ইব ধে॒নবঃ॑ । ঈশা॑ন- [ঈশা॑নম্, অ॒স্য়] 45

-ম॒স্য় জগ॑ত-স্সুব॒র্দৃশ॒মীশা॑নমিন্দ্র ত॒স্থুষঃ॑ ॥ ত্বামিদ্ধি হবা॑মহে সা॒তা বাজ॑স্য় কা॒রবঃ॑ । ত্বাং-বৃঁ॒ত্রেষ্বি॑ন্দ্র॒ সত্প॑তি॒-ন্নর॒স্ত্বা-ঙ্কাষ্ঠা॒স্বর্ব॑তঃ ॥ যদ্দ্য়াব॑ইন্দ্রতেশ॒তগ্​ম্ শ॒ত-ম্ভূমী॑রু॒ত স্য়ুঃ । ন ত্বা॑ বজ্রিন্-থ্স॒হস্র॒গ্​ম্॒ সূর্য়া॒ অনু॒ ন জা॒তম॑ষ্ট॒ রোদ॑সী ॥ পিবা॒ সোম॑মিন্দ্র॒ মন্দ॑তু ত্বা॒ যন্তে॑ সু॒ষাব॑ হর্য়॒শ্বাদ্রিঃ॑ । 46

সো॒তুর্বা॒হুভ্য়া॒গ্​ম্॒ সুয়॑তো॒ নার্বা᳚ ॥ রে॒বতী᳚র্ন-স্সধ॒মাদ॒ ইন্দ্রে॑ সন্তু তু॒বিবা॑জাঃ । ক্ষু॒মন্তো॒ যাভি॒র্মদে॑ম ॥ উদ॑গ্নে॒ শুচ॑য়॒স্তব॒ , বি জ্য়োতি॒ষো,দু॒ ত্য়-ঞ্জা॒তবে॑দসগ্​ম্স॒প্ত ত্বা॑ হ॒রিতো॒ রথে॒ বহ॑ন্তি দেব সূর্য় । শো॒চিষ্কে॑শং-বিঁচক্ষণ ॥ চি॒ত্র-ন্দে॒বানা॒মুদ॑গা॒দনী॑ক॒-ঞ্চক্ষু॑র্মি॒ত্রস্য়॒ বরু॑ণস্য়া॒-ঽগ্নেঃ । আ-ঽপ্রা॒ দ্য়াবা॑পৃথি॒বী অ॒ন্তরি॑ক্ষ॒গ্​ম্॒ সূর্য়॑ আ॒ত্মা জগ॑তস্ত॒স্থুষ॑- [জগ॑তস্ত॒স্থুষঃ॑, চ ।] 47

-শ্চ ॥ বিশ্বে॑ দে॒বা ঋ॑তা॒বৃধ॑ ঋ॒তুভি॑র্-হবন॒শ্রুতঃ॑ । জু॒ষন্তাং॒-য়ুঁজ্য়॒-ম্পয়ঃ॑ ॥ বিশ্বে॑ দেবা-শ্শৃণু॒তেমগ্​ম্ হব॑-ম্মে॒ যে অ॒ন্তরি॑ক্ষে॒ য উপ॒ দ্যবি॒ষ্ঠ । যে অ॑গ্নিজি॒হ্বা উ॒ত বা॒ যজ॑ত্রা আ॒সদ্য়া॒স্মি-ন্ব॒র্॒হিষি॑ মাদযদ্ধ্বম্ ॥ 48 ॥
(ত - দীশা॑ন॒ - মদ্রি॑ - স্ত॒স্থুষ॑ - স্ত্রি॒গ্​ম্॒শচ্চ॑) (অ. 14)

(দে॒বা ম॑নু॒ষ্য়া॑ - দেবসু॒রা অ॑ব্রুবন্ - দেবাসু॒রাস্তেষা᳚-ঙ্গায়॒ত্রী - প্র॒জাপ॑তি॒স্তা যত্রা-ঽ - গ্নে॒ গোভিঃ॑ - চি॒ত্রয়া॑ - মারু॒তং - দেবা॑ বসব্য়া॒ অগ্নে॑ - মারু॒তমিতি॒ - দেবা॑ বসব্য়া॒ দেবা᳚-শ্শর্মণ্য়াঃ॒ - সর্বা॑ণি॒ - ত্বষ্টা॑ হ॒তপু॑ত্রো - দে॒বা বৈ রা॑জ॒ন্য়া᳚ন্ - নবো॑নব॒ - শ্চতু॑র্দশ )

(দে॒বা ম॑নু॒ষ্য়াঃ᳚ - প্র॒জা-ম্প॒শুন্ - দেবা॑ বসব্য়াঃ - পরিদ॒ধ্যদি॒দ- মস্​ম্য়॒ - ষ্টা চ॑ত্বারিগ্​ম্শত্ )

(দে॒বা ম॑নু॒ষ্য়া॑, মাদযধ্বং)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ন্দ্বিতীযকাণ্ডে চতুর্থঃ প্রশ্ন-স্সমাপ্তঃ ॥