কৃষ্ণ যজুর্বেদীয় তৈত্তিরীয় সংহিতায়া-ন্তৃতীযকাণ্ডে প্রথমঃ প্রশ্নঃ - ন্য়ূনকর্মাভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

প্র॒জাপ॑তিরকামযত প্র॒জা-স্সৃ॑জে॒য়েতি॒ স তপো॑-ঽতপ্যত॒ স স॒র্পান॑সৃজত॒ সো॑-ঽকামযত প্র॒জা-স্সৃ॑জে॒য়েতি॒ সদ্বি॒তীয়॑মতপ্যত॒ স বয়াগ্॑স্য় সৃজত॒ সো॑-ঽকামযত প্র॒জা-স্সৃ॑জে॒য়েতি॒ স তৃ॒তীয়॑মতপ্যত॒ স এ॒ত-ন্দী᳚ক্ষিতবা॒দ-ম॑পশ্য়॒-ত্তম॑বদ॒-ত্ততো॒ বৈ স প্র॒জা অ॑সৃজত॒ য-ত্তপ॑স্ত॒প্ত্বা দী᳚ক্ষিতবা॒দং-বঁদ॑তি প্র॒জা এ॒ব তদ্যজ॑মান- [তদ্যজ॑মানঃ, সৃ॒জ॒তে॒ যদ্বৈ] 1

-স্সৃজতে॒ যদ্বৈ দী᳚ক্ষি॒তো॑-ঽমে॒দ্ধ্য়-ম্পশ্য়॒ত্যপা᳚স্মাদ্দী॒ক্ষাক্রা॑মতি॒ নীল॑মস্য়॒ হরো॒ ব্য়ে᳚ত্যব॑দ্ধ॒-ম্মনো॑ দ॒রিদ্র॒-ঞ্চক্ষু॒-স্সূর্য়ো॒ জ্য়োতি॑ষা॒গ্॒শ্রেষ্ঠো॒ দীক্ষে॒ মা মা॑হাসী॒রিত্য়া॑হ॒ নাস্মা᳚দ্দী॒ক্ষা-ঽপ॑ক্রামতি॒ নাস্য়॒ নীল॒-ন্ন হরো॒ ব্য়ে॑তি॒ যদ্বৈ দী᳚ক্ষি॒তম॑ভি॒বর্​ষ॑তিদি॒ব্য়া আপো-ঽশা᳚ন্তা॒ ওজো॒ বল॑-ন্দী॒ক্ষা- [বল॑-ন্দী॒ক্ষাম্, তপো᳚-ঽস্য়॒-] 2

-ন্তপো᳚-ঽস্য়॒-নির্ঘ্ন॑ন্ত্য়ুন্দ॒তী-র্বল॑-ন্ধ॒ত্তৌজো॑ ধত্ত॒ বল॑-ন্ধত্ত॒ মা মে॑ দী॒ক্ষা-ম্মা তপো॒নির্ব॑ধি॒ষ্টেত্য়া॑হৈ॒ তদে॒ব সর্ব॑মা॒ত্ম-ন্ধ॑ত্তে॒ নাস্য়ৌজো॒ বল॒-ন্ন দী॒ক্ষা-ন্ন তপো॒নির্ঘ্ন॑ন্ত্য়॒গ্নির্বৈ দী᳚ক্ষি॒তস্য়॑ দে॒বতা॒ সো᳚-ঽস্মাদে॒তর্​হি॑তি॒র ই॑ব॒ যর্​হি॒ যাতি॒ তমী᳚শ্ব॒রগ্​ম্ রক্ষাগ্​ম্॑সি॒ হন্তো᳚- [হন্তোঃ᳚, ভ॒দ্রাদ॒ভি-] 3

-র্ভ॒দ্রাদ॒ভি-শ্রেয়ঃ॒ প্রেহি॒বৃহ॒স্পতিঃ॑ পুর এ॒তা তে॑ অ॒স্ত্বিত্য়া॑হ॒ব্রহ্ম॒ বৈ দে॒বানা॒-ম্বৃহ॒স্পতি॒স্তমে॒বান্বা র॑ভতে॒ স এ॑ন॒গ্​ম্॒ স-ম্পা॑রয়॒ত্য়ে দম॑গন্ম দেব॒যজ॑ন-ম্পৃথি॒ব্য়া ইত্য়া॑হ দেব॒যজ॑ন॒গ্গ্॒ হ্য়ে॑ষ পৃ॑থি॒ব্য়া আ॒গচ্ছ॑তি॒ যো যজ॑তে॒ বিশ্বে॑ দে॒বা যদজু॑ষন্ত॒ পূর্ব॒ ইত্য়া॑হ॒ বিশ্বে॒ হ্য়ে॑তদ্দে॒বা জো॒ষয়॑ন্তে॒ যদ্ব্রা᳚হ্ম॒ণা ঋ॑খ্সা॒মাভ্য়াং॒-য়ঁজু॑ষা স॒ন্তর॑ন্ত॒ ইত্য়া॑হর্খ্সা॒মাভ্য়া॒গ্॒ হ্য়ে॑ষ যজু॑ষা স॒ন্তর॑তি॒ যো যজ॑তে রা॒যস্পোষে॑ণ॒ সমি॒ষা-ম॑দে॒মেত্য়া॑-হা॒-ঽশিষ॑মে॒বৈ তামা শা᳚স্তে ॥ 4 ॥
(যজ॑মানো - দী॒ক্ষাগ্​ম্ - হন্তো᳚ - র্ব্রাহ্ম॒ণা -শ্চতু॑র্বিগ্​ম্শতিশ্চ) (অ. 1)

এ॒ষ তে॑ গায়॒ত্রো ভা॒গ ইতি॑ মে॒ সোমা॑য় ব্রূতাদে॒ষ তে॒ ত্রৈষ্টু॑ভো॒ জাগ॑তো ভা॒গ ইতি॑ মে॒ সোমা॑য় ব্রূতাচ্ছন্দো॒মানা॒গ্​ম্॒ সাম্রা᳚জ্য়-ঙ্গ॒চ্ছেতি॑ মে॒ সোমা॑য় ব্রূতা॒-দ্য়ো বৈ সোম॒গ্​ম্॒ রাজা॑ন॒গ্​ম্॒ সাম্রা᳚জ্য়ং-লোঁ॒ক-ঙ্গ॑ময়ি॒ত্বা ক্রী॒ণাতি॒ গচ্ছ॑তি॒ স্বানা॒গ্​ম্॒ সাম্রা᳚জ্য়॒-ঞ্ছন্দাগ্​ম্॑সি॒ খলু॒ বৈ সোম॑স্য়॒ রাজ্ঞ॒-স্সাম্রা᳚জ্য়ো লো॒কঃ পু॒রস্তা॒-থ্সোম॑স্য় ক্র॒য়াদে॒বম॒ভি ম॑ন্ত্রয়েত॒ সাম্রা᳚জ্যমে॒বৈ- [সাম্রা᳚জ্যমে॒ব, এ॒নং॒-লোঁ॒ক-ঙ্গ॑ময়ি॒ত্বা] 5

নং॑-লোঁ॒ক-ঙ্গ॑ময়ি॒ত্বা ক্রী॑ণাতি॒ গচ্ছ॑তি॒ স্বানা॒গ্​ম্॒ সাম্রা᳚জ্য়ং॒-য়োঁ বৈ তা॑নূন॒প্ত্রস্য়॑ প্রতি॒ষ্ঠাং-বেঁদ॒ প্রত্য়ে॒ব তি॑ষ্ঠতি ব্রহ্মবা॒দিনো॑ বদন্তি॒ ন প্রা॒শ্ঞন্তি॒ ন জু॑হ্ব॒ত্যথ॒ ক্ব॑ তানূন॒প্ত্র-ম্প্রতি॑ তিষ্ঠ॒তীতি॑ প্র॒জাপ॑তৌ॒ মন॒সীতি॑ ব্রূয়া॒-ত্ত্রিরব॑ জিঘ্রে-ত্প্র॒জাপ॑তৌ ত্বা॒ মন॑সি জুহো॒মীত্য়ে॒ষা বৈ তা॑নূন॒প্ত্রস্য়॑ প্রতি॒ষ্ঠা য এ॒বং-বেঁদ॒ প্রত্য়ে॒ব তি॑ষ্ঠতি॒ যো [প্রত্য়ে॒ব তি॑ষ্ঠতি॒ যঃ, বা অ॑দ্ধ্ব॒র্য়োঃ] 6

বা অ॑দ্ধ্ব॒র্য়োঃ প্র॑তি॒ষ্ঠাং-বেঁদ॒ প্রত্য়ে॒ব তি॑ষ্ঠতি॒ যতো॒ মন্য়ে॒তান॑ভিক্রম্য় হোষ্য়া॒মীতি॒ ত-ত্তিষ্ঠ॒ন্না শ্রা॑বয়েদে॒ষা বা অ॑দ্ধ্ব॒র্য়োঃ প্র॑তি॒ষ্ঠা য এ॒বং-বেঁদ॒ প্রত্য়ে॒ব তি॑ষ্ঠতি॒ যদ॑ভি॒ক্রম্য়॑ জুহু॒য়া-ত্প্র॑তি॒ষ্ঠায়া॑ ইয়া॒-ত্তস্মা᳚-থ্সমা॒নত্র॒ তিষ্ঠ॑তা হোত॒ব্য়॑-ম্প্রতি॑ষ্ঠিত্য়ৈ॒ যো বা অ॑দ্ধ্ব॒র্য়ো-স্স্বং-বেঁদ॒ স্ববা॑নে॒ব ভ॑বতি॒ স্রুগ্বা অ॑স্য়॒ স্বং-বাঁ॑য়॒ব্য়॑মস্য়॒ [বা॑য়॒ব্য়॑মস্য়, স্ব-ঞ্চ॑ম॒সো᳚-ঽস্য়॒] 7

স্ব-ঞ্চ॑ম॒সো᳚-ঽস্য়॒ স্বং-য়ঁদ্বা॑য়॒ব্য়ং॑-বাঁ চম॒সং-বাঁ-ঽন॑ন্বারভ্য়া-ঽঽশ্রা॒বয়ে॒-থ্স্বাদি॑য়া॒-ত্তস্মা॑ দন্বা॒রভ্য়া॒ ঽঽশ্রাব্য়॒গ্গ্॒ স্বাদে॒ব নৈতি॒ যো বৈ সোম॒ম- প্র॑তিষ্ঠাপ্য় স্তো॒ত্র-মু॑পাক॒রোত্য় প্র॑তিষ্ঠিত॒-স্সোমো॒ ভব॒ত্যপ্র॑তিষ্ঠিত॒-স্স্তোমো- ঽপ্র॑তিষ্ঠিতা-ন্য়ু॒ক্থান্যপ্র॑তিষ্ঠিতো॒ যজ॑মা॒নো ঽপ্র॑তিষ্ঠিতো ঽধ্ব॒র্য়ুর্বা॑ য॒ব্য়ং॑-বৈঁ সোম॑স্য় প্রতি॒ষ্ঠা চ॑ম॒সো᳚-ঽস্য় প্রতি॒ষ্ঠা সোম॒-স্স্তোম॑স্য়॒ স্তোম॑ উ॒ক্থানা॒-ঙ্গ্রহং॑-বাঁ গৃহী॒ত্বা চ॑ম॒সং-বোঁ॒ন্নীয়॑ স্তো॒ত্রমু॒পা কু॑র্য়া॒-ত্প্রত্য়ে॒ব সোমগ্গ্॑ স্থা॒পয়॑তি॒ প্রতি॒স্তোম॒-ম্প্রত্য়ু॒ক্থানি॒ প্রতি॒ যজ॑মান॒স্তিষ্ঠ॑তি॒ প্রত্য়॑দ্ধ্ব॒র্য়ুঃ ॥ 8 ॥
(এ॒ব - তি॑ষ্ঠতি॒ যো - বা॑য়॒ব্য়॑মস্য়॒ - গ্রহং॒-বৈঁ - কা॒ন্ন - বিগ্​ম্॑শ॒তিশ্চ॑) (অ. 2)

য॒জ্ঞং-বাঁ এ॒ত-থ্স-ম্ভ॑রন্তি॒ য-থ্সো॑ম॒ক্রয়॑ণ্য়ৈ প॒দং-য়ঁ॑জ্ঞমু॒খগ্​ম্ হ॑বি॒র্ধানে॒ যর্​হি॑ হবি॒র্ধানে॒ প্রাচী᳚ প্রব॒র্তয়ে॑য়ু॒স্তর্​হি॒ তেনাক্ষ॒মুপা᳚-ঞ্জ্য়া-দ্যজ্ঞমু॒খ এ॒ব য॒জ্ঞমনু॒ সন্ত॑নোতি॒ প্রাঞ্চ॑ম॒গ্নি-ম্প্র হ॑র॒ন্ত্য়ু-ত্পত্নী॒মা ন॑য়॒ন্ত্যন্বনাগ্​ম্॑সি॒ প্র ব॑র্তয়॒ন্ত্যথ॒ বা অ॑স্য়ৈ॒ষ ধিষ্ণি॑য়ো হীযতে॒ সো-ঽনু॑ ধ্য়াযতি॒ স ঈ᳚শ্ব॒রো রু॒দ্রো ভূ॒ত্বা [ ] 9

প্র॒জা-ম্প॒শূন্. যজ॑মানস্য়॒ শম॑য়িতো॒র্যর্​হি॑ প॒শুমা প্রী॑ত॒মুদ॑ঞ্চ॒-ন্নয়॑ন্তি॒ তর্​হি॒ তস্য়॑ পশু॒শ্রপ॑ণগ্​ম্ হরে॒-ত্তেনৈ॒বৈন॑-ম্ভা॒গিন॑-ঙ্করোতি॒ যজ॑মানো॒ বা আ॑হব॒নীয়ো॒ যজ॑মানং॒-বাঁ এ॒তদ্বি ক॑র্​ষন্তে॒ যদা॑হব॒নীয়া᳚-ত্পশু॒শ্রপ॑ণ॒গ্​ম্॒ হর॑ন্তি॒ স বৈ॒ব স্য়ান্নি॑র্ম॒ন্থ্য়ং॑-বাঁ কুর্য়া॒-দ্যজ॑মানস্য় সাত্ম॒ত্বায়॒ যদি॑ প॒শোর॑ব॒দান॒-ন্নশ্য়ে॒দাজ্য়॑স্য় প্রত্য়া॒খ্য়ায়॒মব॑ দ্য়ে॒-থ্সৈব ততঃ॒ প্রায়॑শ্চিত্তি॒র্য়ে প॒শুং-বিঁ॑মথ্নী॒রন্. যস্তান্ কা॒ময়ে॒তা ঽঽর্তি॒মার্চ্ছে॑য়ু॒রিতি॑ কু॒বিদ॒ঙ্গেতি॒ নমো॑ বৃক্তিবত্য়॒র্চা-ঽঽগ্নী᳚দ্ধ্রে জুহুয়া॒ন্নমো॑ বৃক্তিমে॒বৈষাং᳚-বৃঁঙ্ক্তে তা॒জগার্তি॒মার্চ্ছ॑ন্তি ॥ 10 ॥
(ভূ॒ত্বা - ততঃ॒ - ষড্বিগ্​ম্॑শতিশ্চ) (অ. 3)

প্র॒জাপ॑তে॒র্জায়॑মানাঃ প্র॒জা জা॒তাশ্চ॒ যা ই॒মাঃ । তস্মৈ॒ প্রতি॒ প্র বে॑দযচিকি॒ত্বাগ্​ম্ অনু॑ মন্যতাম্ ॥ ই॒ম-ম্প॒শু-ম্প॑শুপতে তে অ॒দ্য় ব॒দ্ধ্নাম্য়॑গ্নে সুকৃ॒তস্য়॒ মদ্ধ্য়ে᳚ । অনু॑ মন্যস্ব সু॒যজা॑ যজাম॒ জুষ্ট॑-ন্দে॒বানা॑মি॒দম॑স্তু হ॒ব্যম্ ॥ প্র॒জা॒নন্তঃ॒ প্রতি॑গৃহ্ণন্তি॒ পূর্বে᳚ প্রা॒ণমঙ্গে᳚ভ্য়ঃ॒ পর্য়া॒চর॑ন্তম্ । সুব॒র্গং-য়াঁ॑হি প॒থিভি॑ র্দেব॒য়ানৈ॒-রোষ॑ধীষু॒ প্রতি॑তিষ্ঠা॒ শরী॑রৈঃ ॥ যেষা॒মীশে॑ [য়েষা॒মীশে॑, প॒শু॒পতিঃ॑] 11

পশু॒পতিঃ॑ পশূ॒না-ঞ্চতু॑ষ্পদামু॒ত চ॑ দ্বি॒পদা᳚ম্ । নিষ্ক্রী॑তো॒-ঽয়ং-য়ঁ॒জ্ঞিয়॑-ম্ভা॒গমে॑তু রা॒যস্পোষা॒ যজ॑মানস্য় সন্তু ॥ যে ব॒দ্ধ্যমা॑ন॒মনু॑ ব॒দ্ধ্যমা॑না অ॒ভ্য়ৈক্ষ॑ন্ত॒ মন॑সা॒ চক্ষু॑ষা চ । অ॒গ্নিস্তাগ্​ম্ অগ্রে॒ প্রমু॑মোক্তু দে॒বঃ প্র॒জাপ॑তিঃ প্র॒জয়া॑ সং​বিঁদা॒নঃ ॥ য আ॑র॒ণ্য়াঃ প॒শবো॑ বি॒শ্বরূ॑পা॒ বিরূ॑পা॒-স্সন্তো॑ বহু॒ধৈক॑রূপাঃ । বা॒য়ুস্তাগ্​ম্ অগ্রে॒ প্রমু॑মোক্তু দে॒বঃ প্র॒জাপ॑তিঃ প্র॒জয়া॑ সং​বিঁদা॒নঃ ॥ প্র॒মু॒ঞ্চমা॑না॒ [প্র॒মু॒ঞ্চমা॑নাঃ, ভুব॑নস্য়॒ রেতো॑] 12

ভুব॑নস্য়॒ রেতো॑ গা॒তু-ন্ধ॑ত্ত॒ যজ॑মানায় দেবাঃ । উ॒পাকৃ॑তগ্​ম্ শশমা॒নং-য়ঁদস্থা᳚জ্জী॒ব-ন্দে॒বানা॒মপ্য়ে॑তু॒ পাথঃ॑ ॥ নানা᳚ প্রা॒ণো যজ॑মানস্য় প॒শুনা॑ য॒জ্ঞো দে॒বেভি॑-স্স॒হ দে॑ব॒য়ানঃ॑ । জী॒ব-ন্দে॒বানা॒মপ্য়ে॑তু॒ পাথ॑-স্স॒ত্য়া-স্স॑ন্তু॒ যজ॑মানস্য়॒ কামাঃ᳚ ॥ য-ত্প॒শুর্মা॒য়ুমকৃ॒তোরো॑ বা প॒দ্ভিরা॑হ॒তে । অ॒গ্নির্মা॒ তস্মা॒দেন॑সো॒বিশ্বা᳚-ন্মুঞ্চ॒ত্বগ্​ম্হ॑সঃ ॥ শমি॑তার উ॒পেত॑ন য॒জ্ঞ- [য়॒জ্ঞম্, দে॒বেভি॑রিন্বি॒তম্ ।] 13

-ন্দে॒বেভি॑রিন্বি॒তম্ । পাশা᳚-ত্প॒শু-ম্প্রমু॑ঞ্চত ব॒ন্ধাদ্য়॒জ্ঞপ॑তি॒-ম্পরি॑ ॥ অদি॑তিঃ॒ পাশ॒-ম্প্রমু॑মোক্ত্বে॒ত-ন্নমঃ॑ প॒শুভ্য়ঃ॑ পশু॒পত॑য়ে করোমি ॥ অ॒রা॒তী॒যন্ত॒-মধ॑র-ঙ্কৃণোমি॒ য-ন্দ্বি॒ষ্মস্তস্মি॒-ন্প্রতি॑ মুঞ্চামি॒ পাশ᳚ম্ ॥ ত্বামু॒ তে দ॑ধিরে হব্য়॒বাহগ্​ম্॑ শৃতঙ্ক॒র্তার॑মু॒ত য॒জ্ঞিয়॑-ঞ্চ । অগ্নে॒ সদ॑ক্ষ॒-স্সত॑নু॒র্॒হি ভূ॒ত্বা-ঽথ॑ হ॒ব্য়া জা॑তবেদো জুষস্ব ॥ জাত॑বেদো ব॒পয়া॑ গচ্ছ দে॒বান্ত্বগ্​ম্ হি হোতা᳚ প্রথ॒মো ব॒ভূথ॑ । ঘৃ॒তেন॒ ত্ব-ন্ত॒নুবো॑ বর্ধযস্ব॒ স্বাহা॑কৃতগ্​ম্ হ॒বির॑দন্তু দে॒বাঃ ॥ স্বাহা॑ দে॒বেভ্য়ো॑ দে॒বেভ্য়॒-স্স্বাহা᳚ ॥ 14 ॥
(ঈশে᳚ - প্রমু॒ঞ্চমা॑না - য॒জ্ঞং - ত্বগ্​ম্ - ষোড॑শ চ) (অ. 4)

প্রা॒জা॒প॒ত্য়া বৈ প॒শব॒স্তেষাগ্​ম্॑ রু॒দ্রো-ঽধি॑পতি॒র্য়-দে॒তাভ্য়া॑-মুপা ক॒রোতি॒ তাভ্য়া॑মে॒বৈন॑-ম্প্রতি॒প্রোচ্য়া-ঽঽল॑ভত আ॒ত্মনো-ঽনা᳚ব্রস্কায়॒ দ্বাভ্য়া॑মু॒পাক॑রোতি দ্বি॒পাদ্যজ॑মানঃ॒ প্রতি॑ষ্ঠিত্য়া উপা॒কৃত্য়॒ পঞ্চ॑ জুহোতি॒ পাঙ্ক্তাঃ᳚ প॒শবঃ॑ প॒শূনে॒বা ব॑রুন্ধেমৃ॒ত্যবে॒ বা এ॒ষ নী॑যতে॒ য-ত্প॒শুস্তং-য়ঁদ॑ন্বা॒রভে॑ত প্র॒মায়ু॑কো॒ যজ॑মান-স্স্য়া॒ন্নানা᳚ প্রা॒ণো যজ॑মানস্য় প॒শুনেত্য়া॑হ॒ ব্য়াবৃ॑ত্ত্য়ৈ॒ [ব্য়াবৃ॑ত্ত্য়ৈ, য-ত্প॒শুর্মা॒য়ু-] 15

য-ত্প॒শুর্মা॒য়ু-মকৃ॒তেতি॑ জুহোতি॒ শান্ত্য়ৈ॒ শমি॑তার উ॒পেত॒নেত্য়া॑হ যথায়॒জুরে॒বৈতদ্ব॒পায়াং॒-বাঁ আ᳚হ্রি॒যমা॑ণায়া-ম॒গ্নের্মেধো-ঽপ॑ ক্রামতি॒ ত্বামু॒ তে দ॑ধিরে হব্য়॒বাহ॒মিতি॑ ব॒পাম॒ভি জু॑হোত্য়॒গ্নেরে॒ব মেধ॒মব॑ রু॒ন্ধে-ঽথো॑ শৃত॒ত্বায়॑ পু॒রস্তা᳚-থ্স্বাহা কৃতয়ো॒ বা অ॒ন্য়ে দে॒বা উ॒পরি॑ষ্টা-থ্স্বাহাকৃতয়ো॒-ঽন্য়ে স্বাহা॑ দে॒বেভ্য়ো॑ দে॒বেভ্য়॒-স্স্বাহেত্য়॒ভিতো॑ ব॒পা-ঞ্জু॑হোতি॒ তানে॒বোভয়া᳚-ন্প্রীণাতি ॥ 16 ॥
(ব্য়াবৃ॑ত্ত্য়া - অ॒ভিতো॑ ব॒পাং - পঞ্চ॑ চ) (অ. 5)

যো বা অয়॑থাদেবতং-য়ঁ॒জ্ঞমু॑প॒চর॒ত্য়া দে॒বতা᳚ভ্য়ো বৃশ্চ্যতে॒ পাপী॑য়া-ন্ভবতি॒ যো য॑থাদেব॒তন্ন দে॒বতা᳚ভ্য়॒ আ বৃ॑শ্চ্যতে॒ বসী॑য়া-ন্ভবত্য়াগ্নে॒য়্যর্চা ঽঽগ্নী᳚দ্ধ্রম॒ভি মৃ॑শে-দ্বৈষ্ণ॒ব্য়া হ॑বি॒র্ধান॑মাগ্নে॒য়্য়া স্রুচো॑ বায়॒ব্য়॑য়া বায়॒ব্য়া᳚ন্য়ৈন্দ্রি॒য়া সদো॑ যথাদেব॒তমে॒ব য॒জ্ঞমুপ॑ চরতি॒ ন দে॒বতা᳚ভ্য়॒ আ বৃ॑শ্চ্যতে॒ বসী॑য়া-ন্ভবতি যু॒নজ্মি॑ তে পৃথি॒বী-ঞ্জ্য়োতি॑ষা স॒হ যু॒নজ্মি॑ বা॒য়ুম॒ন্তরি॑ক্ষেণ [বা॒য়ুম॒ন্তরি॑ক্ষেণ, তে স॒হ] 17

তে স॒হ যু॒নজ্মি॒ বাচগ্​ম্॑ স॒হ সূর্য়ে॑ণ তে যু॒নজ্মি॑ তি॒স্রো বি॒পৃচ॒-স্সূর্য়॑স্য় তে । অ॒গ্নির্দে॒বতা॑ গায়॒ত্রী ছন্দ॑ উপা॒গ্​ম্॒শোঃ পাত্র॑মসি॒ সোমো॑ দে॒বতা᳚ ত্রি॒ষ্টু-প্ছন্দো᳚-ঽন্তর্য়া॒মস্য়॒ পাত্র॑ম॒সীন্দ্রো॑ দে॒বতা॒ জগ॑তী॒ ছন্দ॑ ইন্দ্রবায়ু॒বোঃ পাত্র॑মসি॒ বৃহ॒স্পতি॑-র্দে॒বতা॑-ঽনু॒ষ্টু-প্ছন্দো॑ মি॒ত্রাবরু॑ণয়োঃ॒ পাত্র॑মস্য়॒শ্বিনৌ॑ দে॒বতা॑ প॒ঙ্ক্তিশ্ছন্দো॒-ঽশ্বিনোঃ॒ পাত্র॑মসি॒ সূর্য়ো॑ দে॒বতা॑ বৃহ॒তী [ ] 18

ছন্দ॑-শ্শু॒ক্রস্য়॒ পাত্র॑মসি চ॒ন্দ্রমা॑ দে॒বতা॑ স॒তো বৃ॑হতী॒ ছন্দো॑ ম॒ন্থিনঃ॒ পাত্র॑মসি॒ বিশ্বে॑দে॒বা দে॒বতো॒ষ্ণিহা॒ ছন্দ॑ আগ্রয়॒ণস্য়॒ পাত্র॑ম॒সীন্দ্রো॑ দে॒বতা॑ ক॒কুচ্ছন্দ॑ উ॒ক্থানা॒-ম্পাত্র॑মসি পৃথি॒বী দে॒বতা॑ বি॒রাট্ ছন্দো᳚ ধ্রু॒বস্য়॒ পাত্র॑মসি ॥ 19 ॥
(অ॒ন্তরি॑ক্ষেণ - বৃহ॒তী - ত্রয়॑স্ত্রিগ্​ম্শচ্চ) (অ. 6)

ই॒ষ্টর্গো॒ বা অ॑দ্ধ্ব॒র্য়ুর্যজ॑মানস্য়ে॒ষ্টর্গঃ॒ খলু॒ বৈ পূর্বো॒-ঽর্​ষ্টুঃ, ক্ষী॑যত আস॒ন্য়া᳚ন্মা॒ মন্ত্রা᳚-ত্পাহি॒ কস্য়া᳚শ্চিদ॒ভিশ॑স্ত্য়া॒ ইতি॑ পু॒রা প্রা॑তরনুবা॒কাজ্জু॑হুয়াদা॒ত্মন॑ এ॒ব তদ॑দ্ধ্ব॒র্য়ুঃ পু॒রস্তা॒চ্ছর্ম॑ নহ্য়॒তে-ঽনা᳚র্ত্য়ৈ সং​বেঁ॒শায়॑ ত্বোপবে॒শায়॑ ত্বা গাযত্রি॒য়া স্ত্রি॒ষ্টুভো॒ জগ॑ত্য়া অ॒ভিভূ᳚ত্য়ৈ॒ স্বাহা॒ প্রাণা॑পানৌ মৃ॒ত্য়োর্মা॑ পাত॒-ম্প্রাণা॑পানৌ॒ মা মা॑ হাসিষ্ট-ন্দে॒বতা॑সু॒ বা এ॒তে প্রা॑ণাপা॒নয়ো॒- [এ॒তে প্রা॑ণাপা॒নয়োঃ᳚, ব্য়ায়॑চ্ছন্তে॒] 20

-র্ব্য়ায়॑চ্ছন্তে॒ যেষা॒গ্​ম্॒ সোম॑-স্সমৃ॒চ্ছতে॑ সং​বেঁ॒শায়॑ ত্বোপবে॒শায়॒ ত্বেত্য়া॑হ॒ ছন্দাগ্​ম্॑সি॒ বৈ সং॑​বেঁ॒শ উ॑পবে॒শশ্ছন্দো॑ভিরে॒বাস্য়॒ ছন্দাগ্​ম্॑সি বৃঙ্ক্তে॒ প্রেতি॑ব॒ন্ত্য়াজ্য়া॑নি ভবন্ত্য়॒ভিজি॑ত্য়ৈ ম॒রুত্ব॑তীঃ প্রতি॒পদো॒ বিজি॑ত্য়া উ॒ভে বৃ॑হদ্রথন্ত॒রে ভ॑বত ই॒য়ং-বাঁব র॑থন্ত॒রম॒সৌ বৃ॒হদা॒ভ্য়ামে॒বৈন॑ম॒ন্তরে᳚ত্য়॒দ্য় বাব র॑থন্ত॒রগ্গ্​ শ্বো বৃ॒হদ॑দ্য়া॒শ্বা দে॒বৈন॑ম॒ন্তরে॑তি ভূ॒তং- [ভূ॒তম্, বাব র॑থন্ত॒র-] 21

-ঁবাব র॑থন্ত॒র-ম্ভ॑বি॒ষ্য়-দ্বৃ॒হ-দ্ভূ॒তাচ্চৈ॒বৈন॑-ম্ভবিষ্য়॒তশ্চা॒ন্তরে॑তি॒, পরি॑মিতং॒-বাঁব র॑থন্ত॒রমপ॑রিমিত-ম্বৃ॒হ-ত্পরি॑মিতাচ্চৈ॒বৈন॒-মপ॑রিমিতাচ্চা॒-ঽন্তরে॑তি বিশ্বামিত্রজমদ॒গ্নী বসি॑ষ্ঠেনাস্পর্ধেতা॒গ্​ম্॒স এ॒তজ্জ॒মদ॑গ্নি র্বিহ॒ব্য়॑ম পশ্য়॒-ত্তেন॒ বৈ স বসি॑ষ্ঠস্য়েন্দ্রি॒য়ং-বীঁ॒র্য়॑মবৃঙ্ক্ত॒ যদ্বি॑হ॒ব্য়গ্​ম্॑ শ॒স্যত॑ ইন্দ্রি॒যমে॒ব তদ্বী॒র্য়ং॑-য়ঁজ॑মানো॒ ভ্রাতৃ॑ব্যস্য় বৃঙ্ক্তে॒ যস্য়॒ ভূয়াগ্​ম্॑সো যজ্ঞক্র॒তব॒ ইত্য়া॑হু॒-স্স দে॒বতা॑ বৃঙ্ক্ত॒ ইতি॒ যদ্য়॑গ্নিষ্টো॒ম-স্সোমঃ॑ প॒রস্তা॒-থ্স্য়া-দু॒ক্থ্য়॑-ঙ্কুর্বীত॒ যদ্য়ু॒ক্থ্য়॑-স্স্য়াদ॑তিরা॒ত্র-ঙ্কু॑র্বীত যজ্ঞক্র॒তুভি॑রে॒বাস্য়॑ দে॒বতা॑ বৃঙ্ক্তে॒ বসী॑য়া-ন্ভবতি ॥ 22 ॥
(প্রা॒ণা॒পা॒নয়ো᳚ - র্ভূ॒তং - ঁবৃ॑ঙ্ক্তে॒ - ঽষ্টাবিগ্​ম্॑শতিশ্চ) (অ. 7)

নি॒গ্রা॒ভ্য়া᳚-স্স্থ দেব॒শ্রুত॒ আয়ু॑র্মে তর্পযত প্রা॒ণ-ম্মে॑ তর্পযতাপা॒ন-ম্মে॑ তর্পযত ব্য়া॒ন-ম্মে॑ তর্পযত॒ চক্ষু॑র্মে তর্পযত॒ শ্রোত্র॑-ম্মে তর্পযত॒ মনো॑মে তর্পযত॒ বাচ॑-ম্মে তর্পযতা॒-ঽঽত্মান॑-ম্মে তর্পয়॒তাঙ্গা॑নি মে তর্পযত প্র॒জা-ম্মে॑ তর্পযত প॒শূ-ন্মে॑ তর্পযত গৃ॒হা-ন্মে॑ তর্পযত গ॒ণা-ন্মে॑ তর্পযত স॒র্বগ॑ণ-ম্মা তর্পযত ত॒র্পয়॑ত মা [ ] 23

গ॒ণা মে॒ মা বি তৃ॑ষ॒ন্নোষ॑ধয়ো॒ বৈ সোম॑স্য়॒ বিশো॒ বিশঃ॒ খলু॒ বৈ রাজ্ঞঃ॒ প্রদা॑তোরীশ্ব॒রা ঐ॒ন্দ্র-স্সোমো-ঽবী॑বৃধং-বোঁ॒ মন॑সা সুজাতা॒ ঋত॑প্রজাতা॒ ভগ॒ ইদ্ব॑-স্স্য়াম । ইন্দ্রে॑ণ দে॒বীর্বী॒রুধ॑-স্সং​বিঁদা॒না অনু॑ মন্যন্তা॒গ্​ম্॒ সব॑নায়॒ সোম॒মিত্য়া॒হৌষ॑ধীভ্য় এ॒বৈন॒গ্গ্॒ স্বায়ৈ॑ বি॒শ-স্স্বায়ৈ॑ দে॒বতা॑য়ৈ নি॒র্য়াচ্য়া॒ভি ষু॑ণোতি॒ যো বৈ সোম॑স্য়াভিষূ॒যমা॑ণস্য় [সোম॑স্য়াভিষূ॒যমা॑ণস্য়, প্র॒থ॒মো-ঽগ্​ম্॑শু-] 24

প্রথ॒মো-ঽগ্​ম্॑শু-স্স্কন্দ॑তি॒ স ঈ᳚শ্ব॒র ই॑ন্দ্রি॒য়ং-বীঁ॒র্য়॑-ম্প্র॒জা-ম্প॒শূন্. যজ॑মানস্য়॒ নির্​হ॑ন্তো॒স্তম॒ভি ম॑ন্ত্রয়ে॒তা-ঽঽ মা᳚-ঽস্কান্​থ্স॒হ প্র॒জয়া॑ স॒হ রা॒যস্পোষে॑ণেন্দ্রি॒য়-ম্মে॑ বী॒র্য়॑-ম্মা নিব॑র্ধী॒রিত্য়া॒শিষ॑মে॒বৈতামা শা᳚স্ত ইন্দ্রি॒যস্য়॑ বী॒য়॑র্​স্য় প্র॒জায়ৈ॑ পশূ॒নামনি॑র্ঘাতায় দ্র॒ফ্সশ্চ॑স্কন্দ পৃথি॒বীমনু॒ দ্য়ামি॒মঞ্চ॒ যোনি॒মনু॒ যশ্চ॒ পূর্বঃ॑ । তৃ॒তীয়ং॒-য়োঁনি॒মনু॑ স॒ঞ্চর॑ন্ত-ন্দ্র॒ফ্স-ঞ্জু॑হো॒ম্যনু॑ স॒প্ত হোত্রাঃ᳚ ॥ 25 ॥
(ত॒র্পয়॑ত মা - ঽভিষূ॒যমা॑ণস্য়॒ - যশ্চ॒ - দশ॑ চ) (অ. 8)

যো বৈ দে॒বা-ন্দে॑বযশ॒সেনা॒র্পয়॑তি মনু॒ষ্য়া᳚-ন্মনুষ্যযশ॒সেন॑ দেবযশ॒স্য়ে॑ব দে॒বেষু॒ ভব॑তি মনুষ্যযশ॒সী ম॑নু॒ষ্য়ে॑ষু॒ যা-ন্প্রা॒চীন॑-মাগ্রয়॒ণা-দ্গ্রহা᳚-ন্গৃহ্ণী॒য়া-ত্তানু॑পা॒গ্​ম্॒শু গৃ॑হ্ণীয়া॒দ্য়ানূ॒র্ধ্বাগ্​স্তানু॑পব্দি॒মতো॑ দে॒বানে॒ব তদ্দে॑বযশ॒সেনা᳚র্পযতি মনু॒ষ্য়া᳚-ন্মনুষ্যযশ॒সেন॑ দেবযশ॒স্য়ে॑ব দে॒বেষু॑ ভবতি মনুষ্যযশ॒সী ম॑নু॒ষ্য়ে᳚ষ্ব॒গ্নিঃ প্রা॑তস্সব॒নে পা᳚ত্ব॒স্মান্. বৈ᳚শ্বান॒রো ম॑হি॒না বি॒শ্বশ॑ম্ভূঃ । স নঃ॑ পাব॒কো দ্রবি॑ণ-ন্দধা॒- [দ্রবি॑ণ-ন্দধাতু, আয়ু॑ষ্মন্ত-] 26

-ত্বায়ু॑ষ্মন্ত-স্স॒হভ॑ক্ষা-স্স্য়াম ॥ বিশ্বে॑ দে॒বা ম॒রুত॒ ইন্দ্রো॑ অ॒স্মান॒স্মি-ন্দ্বি॒তীয়ে॒ সব॑নে॒ ন জ॑হ্য়ুঃ । আয়ু॑ষ্মন্তঃ প্রি॒যমে॑ষাং॒-বঁদ॑ন্তো ব॒য়-ন্দে॒বানাগ্​ম্॑ সুম॒তৌ স্য়া॑ম ॥ ই॒দ-ন্তৃ॒তীয়॒গ্​ম্॒ সব॑ন-ঙ্কবী॒নামৃ॒তেন॒ যে চ॑ম॒সমৈর॑যন্ত । তে সৌ॑ধন্ব॒না-স্সুব॑রানশা॒না-স্স্বি॑ষ্টি-ন্নো অ॒ভি বসী॑য়ো নযন্তু ॥ আ॒যত॑নবতী॒র্বা অ॒ন্য়া আহু॑তয়ো হূ॒যন্তে॑-ঽনাযত॒না অ॒ন্য়া যা আ॑ঘা॒রব॑তী॒স্তা আ॒যতন॑বতী॒র্য়া- [আ॒যতন॑বতী॒র্য়াঃ, সৌ॒ম্য়াস্তা] 27

-স্সৌ॒ম্য়াস্তা অ॑নাযত॒না ঐ᳚ন্দ্রবায়॒ব-মা॒দায়া॑-ঽঽঘা॒রমা ঘা॑রয়েদদ্ধ্ব॒রো য॒জ্ঞো॑-ঽযম॑স্তু দেবা॒ ওষ॑ধীভ্য়ঃ প॒শবে॑ নো॒ জনা॑য়॒ বিশ্ব॑স্মৈ ভূ॒তায়া᳚-ঽদ্ধ্ব॒রো॑-ঽসি॒ স পি॑ন্বস্ব ঘৃ॒তব॑দ্দেব সো॒মেতি॑ সৌ॒ম্য়া এ॒ব তদাহু॑তীরা॒যত॑নবতীঃ করোত্য়া॒যত॑নবা-ন্ভবতি॒ য এ॒বং-বেঁদাথো॒ দ্য়াবা॑পৃথি॒বী এ॒ব ঘৃ॒তেন॒ ব্য়ু॑নত্তি॒ তে ব্য়ু॑ত্তে উপজীব॒নীয়ে॑ ভবত উপজীব॒নীয়ো॑ ভবতি॒ [ভবতি, য এ॒বং-বেঁদৈ॒ষ] 28

য এ॒বং-বেঁদৈ॒ষ তে॑ রুদ্রভা॒গো য-ন্নি॒রয়া॑চথা॒স্ত-ঞ্জু॑ষস্ব বি॒দের্গৌ॑প॒ত্য়গ্​ম্ রা॒যস্পোষগ্​ম্॑ সু॒বীর্য়গ্​ম্॑ সং​বঁথ্স॒রীণাগ্॑ স্ব॒স্তিম্ ॥ মনুঃ॑ পু॒ত্রেভ্য়ো॑ দা॒য়ং-ব্য়ঁ॑ভজ॒-থ্স নাভা॒নেদি॑ষ্ঠ-ম্ব্রহ্ম॒চর্য়ং॒-বঁস॑ন্ত॒-ন্নির॑ভজ॒-থ্স আ-ঽগ॑চ্ছ॒-থ্সো᳚-ঽব্রবী-ত্ক॒থা মা॒ নির॑ভা॒গিতি॒ ন ত্বা॒ নির॑ভাক্ষ॒মিত্য়॑-ব্রবী॒দঙ্গি॑রস ই॒মে স॒ত্রমা॑সতে॒ তে [স॒ত্রমা॑সতে॒ তে, সু॒ব॒র্গং-লোঁ॒ক-ন্ন] 29

সু॑ব॒র্গং-লোঁ॒ক-ন্ন প্রজা॑নন্তি॒ তেভ্য়॑ ই॒দ-ম্ব্রাহ্ম॑ণ-ম্ব্রূহি॒ তে সু॑ব॒র্গং-লোঁ॒কং-য়ঁন্তো॒ য এ॑ষা-ম্প॒শব॒স্তাগ্​স্তে॑ দাস্য়॒ন্তীতি॒ তদে᳚ভ্য়ো-ঽব্রবী॒-ত্তে সু॑ব॒র্গং-লোঁ॒কং-য়ঁন্তো॒ য এ॑ষা-ম্প॒শব॒ আস॒-ন্তান॑স্মা অদদু॒স্ত-ম্প॒শুভি॒শ্চর॑ন্তং-য়ঁজ্ঞবা॒স্তৌ রু॒দ্র আ-ঽগ॑চ্ছ॒-থ্সো᳚-ঽব্রবী॒ন্মম॒ বা ই॒মে প॒শব॒ ইত্যদু॒র্বৈ - [ ] 30

মহ্য়॑মি॒মানিত্য়॑ব্রবী॒ন্ন বৈ তস্য়॒ ত ঈ॑শত॒ ইত্য়॑ব্রবী॒-দ্য়-দ্য়॑জ্ঞবা॒স্তৌ হীয়॑তে॒ মম॒ বৈ তদিতি॒ তস্মা᳚-দ্যজ্ঞবা॒স্তু নাভ্য়॒বেত্য়॒গ্​ম্॒ সো᳚-ঽব্রবী-দ্য়॒জ্ঞে মা ঽঽভ॒জাথ॑ তে প॒শূ-ন্নাভি মগ্গ্॑স্য়॒ ইতি॒ তস্মা॑ এ॒ত-ম্ম॒ন্থিন॑-স্সগ্গ্​ স্রা॒বম॑জুহো॒-ত্ততো॒ বৈ তস্য়॑ রু॒দ্রঃ প॒শূ-ন্নাভ্য়॑মন্যত॒ যত্রৈ॒ত মে॒বং-বিঁ॒দ্বা-ন্ম॒ন্থিন॑-স্সগ্গ্​ স্রা॒ব-ঞ্জু॒হোতি॒ ন তত্র॑ রু॒দ্রঃ প॒শূন॒ভি ম॑ন্যতে ॥ 31 ॥
(দ॒ধা॒ত্বা॒ - যত॑নবতী॒র্য়া - উ॑পজীব॒নীয়ো॑ ভবতি॒ - তে-ঽ - দু॒র্বৈ - যত্রৈ॒ত - মেকা॑দশ চ) (অ. 9)

জুষ্টো॑ বা॒চো ভূ॑য়াস॒-ঞ্জুষ্টো॑ বা॒চস্পত॑য়ে॒ দেবি॑ বাক্ । যদ্বা॒চো মধু॑ম॒-ত্তস্মি॑-ন্মা ধা॒-স্স্বাহা॒ সর॑স্বত্য়ৈ ॥ ঋ॒চা স্তোম॒গ্​ম্॒ সম॑র্ধয় গায়॒ত্রেণ॑ রথন্ত॒রম্ । বৃ॒হ-দ্গা॑য়॒ত্রব॑র্তনি ॥যস্তে᳚ দ্র॒ফ্স-স্স্কন্দ॑তি॒ যস্তে॑ অ॒গ্​ম্॒শুর্বা॒হুচ্য়ু॑তো ধি॒ষণ॑য়োরু॒পস্থা᳚ত্ । অ॒দ্ধ্ব॒র্য়োর্বা॒ পরি॒ যস্তে॑ প॒বিত্রা॒-থ্স্বাহা॑কৃত॒মিন্দ্রা॑য়॒ ত-ঞ্জু॑হোমি ॥ যো দ্র॒ফ্সো অ॒গ্​ম্॒শুঃ প॑তি॒তঃ পৃ॑থি॒ব্য়া-ম্প॑রিবা॒পা- [পৃ॑থি॒ব্য়া-ম্প॑রিবা॒পাত্, পু॒রো॒ডাশা᳚-ত্কর॒ম্ভাত্ ।] 32

-ত্পু॑রো॒ডাশা᳚-ত্কর॒ম্ভাত্ । ধা॒না॒সো॒মান্ম॒ন্থিন॑ ইন্দ্র শু॒ক্রা-থ্স্বাহা॑কৃত॒মিন্দ্রা॑য়॒ ত-ঞ্জু॑হোমি ॥ যস্তে᳚ দ্র॒ফ্সো মধু॑মাগ্​ম্ ইন্দ্রি॒য়াবা॒ন্-থ্স্বাহা॑কৃতঃ॒ পুন॑র॒প্য়েতি॑ দে॒বান্ । দি॒বঃ পৃ॑থি॒ব্য়াঃ পর্য়॒ন্তরি॑ক্ষা॒-থ্স্বাহা॑ কৃত॒মিন্দ্রা॑য়॒ ত-ঞ্জু॑হোমি ॥ অ॒দ্ধ্ব॒র্য়ুর্বা ঋ॒ত্বিজা᳚-ম্প্রথ॒মো যু॑জ্যতে॒ তেন॒ স্তোমো॑ যোক্ত॒ব্য়॑ ইত্য়া॑হু॒র্বাগ॑গ্রে॒গা অগ্র॑ এত্বৃজু॒গা দে॒বেভ্য়ো॒ যশো॒ ময়ি॒ দধ॑তী প্রা॒ণা-ন্প॒শুষু॑ প্র॒জা-ম্ময়ি॑ [ ] 33

চ॒ যজ॑মানে॒ চেত্য়া॑হ॒ বাচ॑মে॒ব তদ্য়॑জ্ঞমু॒খে যু॑নক্তি॒ বাস্তু॒ বা এ॒তদ্য়॒জ্ঞস্য়॑ ক্রিযতে॒ যদ্গ্রহা᳚-ন্গৃহী॒ত্বা ব॑হিষ্পবমা॒নগ্​ম্ সর্প॑ন্তি॒পরা᳚ঞ্চো॒ হি যন্তি॒ পরা॑চীভি-স্স্তু॒বতে॑ বৈষ্ণ॒ব্যর্চা পুন॒রেত্য়োপ॑ তিষ্ঠতে য॒জ্ঞো বৈ বিষ্ণু॑ র্য়॒জ্ঞমে॒বাক॒র্বিষ্ণো॒ ত্বন্নো॒ অন্ত॑ম॒-শ্শর্ম॑ যচ্ছ সহন্ত্য় । প্র তে॒ ধারা॑ মধু॒শ্চুত॒ উথ্স॑-ন্দুহ্রতে॒ অক্ষি॑ত॒মিত্য়া॑হ॒ যদে॒বাস্য়॒ শয়া॑নস্য়োপ॒শুষ্য়॑তি॒ তদে॒বাস্য়ৈ॒তেনা ঽঽপ্য়া॑যযতি ॥ 34 ॥
(প॒রি॒বা॒পাত্ - প্র॒জা-ম্ময়ি॑ - দুহ্রতে॒ - চতু॑র্দশ চ) (অ. 10)

অ॒গ্নিনা॑ র॒য়িম॑শ্ঞব॒-ত্পোষ॑মে॒ব দি॒বেদি॑বে । য॒শসং॑-বীঁ॒রব॑ত্তমম্ ॥ গোমাগ্​ম্॑ অ॒গ্নে-ঽবি॑মাগ্​ম্ অ॒শ্বী য॒জ্ঞো নৃ॒বথ্স॑খা॒ সদ॒মিদ॑প্রমৃ॒ষ্য়ঃ । ইডা॑বাগ্​ম্ এ॒ষো অ॑সুর প্র॒জাবা᳚-ন্দী॒র্ঘো র॒য়িঃ পৃ॑থুবু॒ধ্ন-স্স॒ভাবান্॑ ॥ আপ্য়া॑যস্ব॒, সন্তে᳚ ॥ ই॒হ ত্বষ্টা॑রমগ্রি॒য়ং-বিঁ॒শ্বরূ॑প॒মুপ॑ হ্বয়ে । অ॒স্মাক॑মস্তু॒ কেব॑লঃ ॥ তন্ন॑স্তু॒রীপ॒মধ॑ পোষয়ি॒ত্নু দেব॑ ত্বষ্ট॒র্বি র॑রা॒ণ-স্স্য়॑স্ব । যতো॑ বী॒রঃ [যতো॑ বী॒রঃ, ক॒র্ম॒ণ্য়॑-স্সু॒দক্ষো॑] 35

ক॑র্ম॒ণ্য়॑-স্সু॒দক্ষো॑ যু॒ক্তগ্রা॑বা॒ জায়॑তে দে॒বকা॑মঃ ॥শি॒বস্ত্ব॑ষ্টরি॒হা-ঽঽ গ॑হি বি॒ভুঃ পোষ॑ উ॒তত্মনা᳚ । য॒জ্ঞেয়॑জ্ঞে ন॒ উদ॑ব ॥ পি॒শঙ্গ॑রূপ-স্সু॒ভরো॑ বয়ো॒ধা-শ্শ্রু॒ষ্টী বী॒রো জা॑যতে দে॒বকা॑মঃ । প্র॒জা-ন্ত্বষ্টা॒ বিষ্য়॑তু॒ নাভি॑ম॒স্মে অথা॑ দে॒বানা॒মপ্য়ে॑তু॒ পাথঃ॑ ॥ প্রণো॑দে॒ ব্য়া, নো॑ দি॒বঃ ॥ পী॒পি॒বাগ্​ম্ স॒গ্​ম্॒ সর॑স্বত॒-স্স্তনং॒-য়োঁ বি॒শ্বদ॑র্​শতঃ । ধুক্ষী॒মহি॑ প্র॒জামিষ᳚ম্ ॥ 36 ॥

যে তে॑ সরস্ব ঊ॒র্ময়ো॒ মধু॑মন্তো ঘৃত॒শ্চুতঃ॑ । তেষা᳚-ন্তে সু॒ম্নমী॑মহে ॥ যস্য়॑ ব্র॒ত-ম্প॒শবো॒ যন্তি॒ সর্বে॒ যস্য়॑ ব্র॒তমু॑প॒তিষ্ঠ॑ন্ত॒ আপঃ॑ । যস্য়॑ ব্র॒তে পু॑ষ্টি॒পতি॒র্নিবি॑ষ্ট॒স্তগ্​ম্ সর॑স্বন্ত॒মব॑সে হুবেম ॥ দি॒ব্য়গ্​ম্ সু॑প॒র্ণং-বঁ॑য়॒স-ম্বৃ॒হন্ত॑ম॒পা-ঙ্গর্ভং॑-বৃঁষ॒ভমোষ॑ধীনাম্ । অ॒ভী॒প॒তো বৃ॒ষ্ট্য়া ত॒র্পয়॑ন্ত॒-ন্তগ্​ম্ সর॑স্বন্ত॒মব॑সে হুবেম ॥ সিনী॑বালি॒ পৃথু॑ষ্টুকে॒ যা দে॒বানা॒মসি॒ স্বসা᳚ । জু॒ষস্ব॑ হ॒ব্য়- [হ॒ব্যম্, আহু॑ত-ম্প্র॒জা-ন্দে॑বি] 37

-মাহু॑ত-ম্প্র॒জা-ন্দে॑বি দিদিড্ঢি নঃ ॥ যা সু॑পা॒ণি-স্স্ব॑ঙ্গু॒রি-স্সু॒ষূমা॑ বহু॒সূব॑রী । তস্য়ৈ॑ বি॒শ্পত্নি॑য়ৈ হ॒বি-স্সি॑নীবা॒ল্য়ৈ জু॑হোতন ॥ ইন্দ্রং॑-বোঁ বি॒শ্বত॒স্পরী, ন্দ্র॒-ন্নরঃ॑ ॥ অসি॑তবর্ণা॒ হর॑য়-স্সুপ॒র্ণা মিহো॒ বসা॑না॒ দিব॒মু-ত্প॑তন্তি ॥ ত আ-ঽব॑বৃত্র॒ন্-থ্সদ॑নানি কৃ॒ত্বা-ঽঽদি-ত্পৃ॑থি॒বী ঘৃ॒তৈর্ব্য়ু॑দ্যতে ॥ হির॑ণ্যকেশো॒ রজ॑সো বিসা॒রে-ঽহি॒র্ধুনি॒র্বাত॑ ইব॒ ধ্রজী॑মান্ । শুচি॑ভ্রাজা উ॒ষসো॒ [উ॒ষসঃ॑, নবে॑দা॒ যশ॑স্বতী-] 38

নবে॑দা॒ যশ॑স্বতী-রপ॒স্য়ুবো॒ ন স॒ত্য়াঃ ॥ আ তে॑ সুপ॒র্ণা অ॑মিনন্ত॒ এবৈঃ᳚ কৃ॒ষ্ণো নো॑নাব বৃষ॒ভো যদী॒দম্ । শি॒বাভি॒র্ন স্ময়॑মানাভি॒রা-ঽগা॒-ত্পত॑ন্তি॒ মিহ॑-স্স্ত॒নয়॑ন্ত্য়॒ভ্রা ॥ বা॒শ্রেব॑ বি॒দ্য়ুন্মি॑মাতি ব॒থ্স-ন্ন মা॒তা সি॑ষক্তি । যদে॑ষাং-বৃঁ॒ষ্টিরস॑র্জি ॥ পর্ব॑তশ্চি॒ন্মহি॑ বৃ॒দ্ধো বি॑ভায় দি॒বশ্চি॒-থ্সানু॑ রেজত স্ব॒নে বঃ॑ । য-ত্ক্রীড॑থ মরুত [মরুতঃ, ঋ॒ষ্টি॒মন্ত॒] 39

ঋষ্টি॒মন্ত॒ আপ॑ ইব স॒দ্ধ্রিয়॑ঞ্চো ধবদ্ধ্বে ॥ অ॒ভি ক্র॑ন্দ স্ত॒নয়॒ গর্ভ॒মা ধা॑ উদ॒ন্বতা॒ পরি॑ দীয়া॒ রথে॑ন । দৃতি॒গ্​ম্॒ সু ক॑র্​ষ॒ বিষি॑ত॒-ন্ন্য়॑ঞ্চগ্​ম্ স॒মা ভ॑বন্তূ॒দ্বতা॑ নিপা॒দাঃ ॥ ত্ব-ন্ত্য়া চি॒দচ্য়ু॒তা-ঽগ্নে॑ প॒শুর্ন যব॑সে । ধামা॑ হ॒ য-ত্তে॑ অজর॒ বনা॑ বৃ॒শ্চন্তি॒ শিক্ব॑সঃ ॥ অগ্নে॒ ভূরী॑ণি॒ তব॑ জাতবেদো॒ দেব॑ স্বধাবো॒-ঽমৃত॑স্য়॒ ধাম॑ । যাশ্চ॑ [ ] 40

মা॒য়া মা॒য়িনাং᳚-বিঁশ্বমিন্ব॒ ত্বে পূ॒র্বী-স্স॑ন্দ॒ধুঃ পৃ॑ষ্টবন্ধো ॥ দি॒বো নো॑ বৃ॒ষ্টি-ম্ম॑রুতো ররীদ্ধ্ব॒-ম্প্রপি॑ন্বত॒ বৃষ্ণো॒ অশ্ব॑স্য়॒ ধারাঃ᳚ । অ॒র্বাংএ॒তেন॑ স্তনয়ি॒ত্নুনেহ্য়॒পো নি॑ষি॒ঞ্চন্নসু॑রঃ পি॒তা নঃ॑ ॥ পিন্ব॑ন্ত্য়॒পো ম॒রুত॑-স্সু॒দান॑বঃ॒ পয়ো॑ ঘৃ॒তব॑দ্বি॒দথে᳚ষ্বা॒ ভুবঃ॑ । অত্য়॒-ন্ন মি॒হে বি ন॑যন্তি বা॒জিন॒মুথ্স॑-ন্দুহন্তি স্ত॒নয়॑ন্ত॒মক্ষি॑তম্ ॥ উ॒দ॒প্রুতো॑ মরুত॒স্তাগ্​ম্ ই॑যর্ত॒ বৃষ্টিং॒- [বৃষ্টি᳚ম্, যে বিশ্বে॑] 41

-ঁয়ে বিশ্বে॑ ম॒রুতো॑ জু॒নন্তি॑ । ক্রোশা॑তি॒ গর্দা॑ ক॒ন্য়ে॑ব তু॒ন্না পেরু॑-ন্তুঞ্জা॒না পত্য়ে॑ব জা॒য়া ॥ ঘৃ॒তেন॒ দ্য়াবা॑পৃথি॒বী মধু॑না॒ সমু॑ক্ষত॒ পয়॑স্বতীঃ কৃণ॒তা-ঽঽপ॒ ওষ॑ধীঃ । ঊর্জ॑-ঞ্চ॒ তত্র॑ সুম॒তি-ঞ্চ॑ পিন্বথ॒ যত্রা॑ নরো মরুত-স্সি॒ঞ্চথা॒ মধু॑ ॥ উদু॒ত্যম্, চি॒ত্রম্ ॥ ঔ॒র্ব॒-ভৃ॒গু॒বচ্ছুচি॑মপ্নবান॒বদা হু॑বে । অ॒গ্নিগ্​ম্ স॑মু॒দ্রবা॑সসম্ ॥ আ স॒বগ্​ম্ স॑বি॒তুর্য়॑থা॒ ভগ॑স্য়ে ব ভু॒জিগ্​ম্ হু॑বে । অ॒গ্নিগ্​ম্ স॑মু॒দ্রবা॑সসম্ ॥ হু॒বে বাত॑স্বন-ঙ্ক॒বি-ম্প॒র্জন্য়॑ক্রন্দ্য়॒গ্​ম্॒ সহঃ॑ । অ॒গ্নিগ্​ম্ স॑মু॒দ্রবা॑সসম্ ॥ 42 ॥
(বী॒র - ইষগ্​ম্॑ - হ॒ব্য় - মু॒ষসো॑ - মরুত - শ্চ॒ - বৃষ্টিং॒ - ভগ॑স্য়॒ - দ্বাদ॑শ চ) (অ. 11)

(প্র॒জাপ॑তিরকামযতৈ॒ - ষ তে॑ গায়॒ত্রো - য॒জ্ঞং-বৈঁ - প্র॒জাপ॑তে॒র্জায়॑মানাঃ - প্রাজাপ॒ত্য়া - যো বা অয়॑থাদেবত - মি॒ষ্টর্গো॑ - নিগ্রা॒ভ্য়া᳚-স্স্থ॒ - যো বৈ দে॒বা - ঞ্জুষ্টো॒ - ঽগ্নিনা॑ র॒য়ি - মেকা॑দশ )

(প্র॒জাপ॑তিরকামযত - প্র॒জাপ॑তে॒র্জায়॑মানা॒ - ব্য়ায়॑চ্ছন্তে॒ - মহ্য়॑মি॒মা - ন্মা॒য়া মা॒য়িনা॒ন্ - দ্বিচ॑ত্বারিগ্​ম্শত্)

(প্র॒জাপ॑তিরকামযতা॒, অ॒গ্নিগ্​ম্ স॑মু॒দ্রবা॑সসং )

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ন্তৃতীযকাণ্ডে প্রথমঃ প্রশ্ন-স্সমাপ্তঃ ॥