কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে তৃতীয়ঃ প্রশ্নঃ - চিতীনা-ন্নিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

উ॒থ্স॒ন্ন॒ য॒জ্ঞো বা এ॒ষ যদ॒গ্নিঃ কিং-বাঁ-ঽহৈ॒তস্য়॑ ক্রি॒যতে॒ কিং-বাঁ॒ ন যদ্বৈ য॒জ্ঞস্য়॑ ক্রি॒যমা॑ণস্য়া-ন্ত॒র্যন্তি॒ পূয়॑তি॒ বা অ॑স্য়॒ তদা᳚শ্বি॒নীরুপ॑ দধাত্য়॒শ্বিনৌ॒ বৈ দে॒বানা᳚-ম্ভি॒ষজৌ॒ তাভ্য়া॑মে॒বাস্মৈ॑ ভেষ॒জ-ঙ্ক॑রোতি॒ পঞ্চোপ॑ দধাতি॒ পাঙ্ক্তো॑ য॒জ্ঞো যাবা॑নে॒ব য॒জ্ঞস্তস্মৈ॑ ভেষ॒জ-ঙ্ক॑রোত্য়ৃত॒ব্য়া॑ উপ॑ দধাত্য়ৃতূ॒না-ঙ্কৢপ্ত্য়ৈ॒ [কৢপ্ত্য়ৈ᳚, পঞ্চোপ॑] 1

পঞ্চোপ॑ দধাতি॒ পঞ্চ॒ বা ঋ॒তবো॒ যাব॑ন্ত এ॒বর্তব॒স্তান্ ক॑ল্পযতি সমা॒নপ্র॑ভৃতয়ো ভবন্তি সমা॒নোদ॑র্কা॒স্তস্মা᳚-থ্সমা॒না ঋ॒তব॒ একে॑ন প॒দেন॒ ব্য়াব॑র্তন্তে॒ তস্মা॑দ্-ঋ॒তবো॒ ব্য়াব॑র্তন্তে প্রাণ॒ভৃত॒ উপ॑ দধাত্য়ৃ॒তুষ্বে॒ব প্রা॒ণা-ন্দ॑ধাতি॒ তস্মা᳚-থ্সমা॒না-স্সন্ত॑ ঋ॒তবো॒ ন জী᳚র্য়॒ন্ত্যথো॒ প্রজ॑নযত্য়ে॒বৈনা॑নে॒ষ বৈ বা॒য়ুর্য়-ত্প্রা॒ণো যদ্-ঋ॑ত॒ব্য়া॑ উপ॒ধায়॑ প্রাণ॒ভৃত॑ [প্রাণ॒ভৃতঃ॑, উ॒প॒দধা॑তি॒] 2

উপ॒দধা॑তি॒ তস্মা॒-থ্সর্বা॑নৃ॒তূননু॑ বা॒য়ুরা ব॑রীবর্তি বৃষ্টি॒সনী॒রুপ॑ দধাতি॒ বৃষ্টি॑মে॒বাব॑ রুন্ধে॒ যদে॑ক॒ধোপ॑দ॒দ্ধ্য়া-দেক॑মৃ॒তুং-বঁ॑র্​ষেদনুপরি॒হারগ্​ম্॑ সাদযতি॒ তস্মা॒-থ্সর্বা॑নৃ॒তূন্. ব॑র্​ষতি॒ য-ত্প্রা॑ণ॒ভৃত॑ উপ॒ধায়॑ বৃষ্টি॒সনী॑রুপ॒দধা॑তি॒ তস্মা᳚-দ্বা॒য়ুপ্র॑চ্য়ুতা দি॒বো বৃষ্টি॑রীর্তে প॒শবো॒ বৈ ব॑য়॒স্য়া॑ নানা॑মনসঃ॒ খলু॒ বৈ প॒শবো॒ নানা᳚ব্রতা॒স্তে॑-ঽপ এ॒বাভি সম॑নসো॒ [সম॑নসঃ, য-ঙ্কা॒ময়ে॑তা-] 3

য-ঙ্কা॒ময়ে॑তা-ঽপ॒শু-স্স্য়া॒দিতি॑ বয়॒স্য়া᳚স্তস্য়ো॑-প॒ধায়া॑প॒স্য়া॑ উপ॑ দদ্ধ্য়া॒-দসং᳚(2)জ্ঞান-মে॒বাস্মৈ॑ প॒শুভিঃ॑ করোত্যপ॒শুরে॒ব ভ॑বতি॒ য-ঙ্কা॒ময়ে॑ত পশু॒মান্-থ্স্য়া॒দিত্য়॑-প॒স্য়া᳚স্তস্য়ো॑প॒ধায়॑ বয়॒স্য়া॑ উপ॑ দদ্ধ্য়া-থ্সং॒(2)জ্ঞান॑মে॒বাস্মৈ॑ প॒শুভিঃ॑ করোতি পশু॒মানে॒ব ভ॑বতি॒ চত॑স্রঃ পু॒রস্তা॒দুপ॑ দধাতি॒ তস্মা᳚চ্চ॒ত্বারি॒ চক্ষু॑ষো রূ॒পাণি॒ দ্বে শু॒ক্লে দ্বে কৃ॒ষ্ণে [কৃ॒ষ্ণে, মূ᳚র্ধ॒ন্বতী᳚-] 4

মূ᳚র্ধ॒ন্বতী᳚-র্ভবন্তি॒ তস্মা᳚-ত্পু॒রস্তা᳚ন্মূ॒র্ধা পঞ্চ॒ দক্ষি॑ণায়া॒গ্॒ শ্রোণ্য়া॒মুপ॑ দধাতি॒ পঞ্চোত্ত॑রস্য়া॒-ন্তস্মা᳚-ত্প॒শ্চা-দ্বর্​ষী॑য়া-ন্পু॒রস্তা᳚-ত্প্রবণঃ প॒শুর্ব॒স্তো বয়॒ ইতি॒ দক্ষি॒ণে-ঽগ্​ম্স॒ উপ॑ দধাতি বৃ॒ষ্ণির্বয়॒ ইত্য়ুত্ত॒রে ঽগ্​ম্সা॑বে॒ব প্রতি॑ দধাতি ব্য়া॒ঘ্রো বয়॒ ইতি॒ দক্ষি॑ণে প॒ক্ষ উপ॑ দধাতি সি॒গ্​ম্॒হো বয়॒ ইত্য়ুত্ত॑রে প॒ক্ষয়ো॑রে॒ব বী॒র্য়॑-ন্দধাতি॒ পুরু॑ষো॒ বয়॒ ইতি॒ মদ্ধ্য়ে॒ তস্মা॒-ত্পুরু॑ষঃ পশূ॒নামধি॑পতিঃ ॥ 5 ॥
(কৢপ্ত্য়া॑ - উপ॒ধায়॑ প্রাণ॒ভৃতঃ॒-সম॑নসঃ-কৃ॒ষ্ণে-পুরু॑ষো॒ বয়॒ ইতি॒ - পঞ্চ॑ চ) (অ. 1)

ইন্দ্রা᳚গ্নী॒ অব্য়॑থমানা॒মিতি॑ স্বযমাতৃ॒ণ্ণামুপ॑ দধাতীন্দ্রা॒গ্নিভ্য়াং॒-বাঁ ই॒মৌ লো॒কৌ বিধৃ॑তাব॒নয়ো᳚-র্লো॒কয়ো॒-র্বিধৃ॑ত্য়া॒ অধৃ॑তেব॒ বা এ॒ষা যন্ম॑দ্ধ্য়॒মা চিতি॑র॒ন্তরি॑ক্ষমিব॒ বা এ॒ষেন্দ্রা᳚গ্নী॒ ইত্য়া॑হেন্দ্রা॒গ্নী বৈ দে॒বানা॑মোজো॒ ভৃতা॒বোজ॑সৈ॒বৈনা॑-ম॒ন্তরি॑ক্ষে চিনুতে॒ ধৃত্য়ৈ᳚ স্বযমাতৃ॒ণ্ণামুপ॑ দধাত্য়॒ন্তরি॑ক্ষং॒-বৈঁ স্ব॑যমাতৃ॒ণ্ণা ঽন্তরি॑ক্ষমে॒বোপ॑ ধ॒ত্তে ঽশ্ব॒মুপ॑ [ধ॒ত্তে ঽশ্ব॒মুপ॑, ঘ্রা॒প॒য়॒তি॒ প্রা॒ণমে॒বা-] 6

ঘ্রাপযতি প্রা॒ণমে॒বা-ঽস্য়া᳚-ন্দধা॒ত্যথো᳚ প্রাজাপ॒ত্য়ো বা অশ্বঃ॑ প্র॒জাপ॑তিনৈ॒বাগ্নি-ঞ্চি॑নুতে স্বযমাতৃ॒ণ্ণা ভ॑বতি প্রা॒ণানা॒মুথ্সৃ॑ষ্ট্য়া॒ অথো॑ সুব॒র্গস্য়॑ লো॒কস্য়ানু॑খ্য়াত্য়ৈ দে॒বানাং॒-বৈঁ সু॑ব॒র্গং-লোঁ॒কং-য়ঁ॒তা-ন্দিশ॒-স্সম॑ব্লীযন্ত॒ ত এ॒তা দিশ্য়া॑ অপশ্য়॒-ন্তা উপা॑দধত॒ তাভি॒র্বৈ তে দিশো॑-ঽদৃগ্​ম্হ॒ন্॒ যদ্দিশ্য়া॑ উপ॒দধা॑তি দি॒শাং-বিঁধৃ॑ত্য়ৈ॒ দশ॑ প্রাণ॒ভৃতঃ॑ পু॒রস্তা॒দুপ॑ [পু॒রস্তা॒দুপ॑, দ॒ধা॒তি॒ নব॒ বৈ পুরু॑ষে] 7

দধাতি॒ নব॒ বৈ পুরু॑ষে প্রা॒ণা নাভি॑র্দশ॒মী প্রা॒ণানে॒ব পু॒রস্তা᳚দ্ধত্তে॒ তস্মা᳚-ত্পু॒রস্তা᳚-ত্প্রা॒ণা জ্য়োতি॑ষ্মতী-মুত্ত॒মামুপ॑ দধাতি॒ তস্মা᳚-ত্প্রা॒ণানাং॒-বাঁগ্জ্য়োতি॑রুত্ত॒মা দশোপ॑ দধাতি॒ দশা᳚ক্ষরা বি॒রা-ড্বি॒রাট্ ছন্দ॑সা॒-ঞ্জ্য়োতি॒র্জ্য়োতি॑রে॒ব পু॒রস্তা᳚দ্ধত্তে॒ তস্মা᳚-ত্পু॒রস্তা॒জ্জ্য়োতি॒রুপা᳚ ঽঽস্মহে॒ ছন্দাগ্​ম্॑সি প॒শুষ্বা॒জিম॑য়ু॒স্তা-ন্বৃ॑হ॒ত্য়ুদ॑জয়॒-ত্তস্মা॒-দ্বার্​হ॑তাঃ [তস্মা॒-দ্বার্​হ॑তাঃ, প॒শব॑ উচ্যন্তে॒ মা] 8

প॒শব॑ উচ্যন্তে॒ মা ছন্দ॒ ইতি॑ দক্ষিণ॒ত উপ॑ দধাতি॒ তস্মা᳚-দ্দক্ষি॒ণা বৃ॑তো॒ মাসাঃ᳚ পৃথি॒বী ছন্দ॒ ইতি॑ প॒শ্চা-ত্প্রতি॑ষ্ঠিত্য়া অ॒গ্নির্দে॒বতেত্য়ু॑ত্তর॒ত ওজো॒ বা অ॒গ্নিরোজ॑ এ॒বোত্ত॑র॒তো ধ॑ত্তে॒ তস্মা॑দুত্তরতো ঽভিপ্রয়া॒য়ী জ॑যতি॒ ষট্ত্রিগ্​ম্॑শ॒-থ্সম্প॑দ্যন্তে॒ ষট্ত্রিগ্​ম্॑শদক্ষরা বৃহ॒তী বার্​হ॑তাঃ প॒শবো॑ বৃহ॒ত্য়ৈবাস্মৈ॑ প॒শূনব॑ রুন্ধে বৃহ॒তী ছন্দ॑সা॒গ্॒ স্বারা᳚জ্য়॒-ম্পরী॑য়ায়॒ যস্য়ৈ॒তা [যস্য়ৈ॒তাঃ, উ॑পধী॒যন্তে॒ গচ্ছ॑তি॒] 9

উ॑পধী॒যন্তে॒ গচ্ছ॑তি॒ স্বারা᳚জ্য়গ্​ম্ স॒প্ত বাল॑খিল্য়াঃ পু॒রস্তা॒দুপ॑ দধাতি স॒প্ত প॒শ্চা-থ্স॒প্ত বৈ শী॑র্​ষ॒ণ্য়াঃ᳚ প্রা॒ণা দ্বাববা᳚ঞ্চৌ প্রা॒ণানাগ্​ম্॑ সবীর্য়॒ত্বায়॑ মূ॒র্ধা-ঽসি॒ রাডিতি॑ পু॒রস্তা॒দুপ॑ দধাতি॒ যন্ত্রী॒ রাডিতি॑ প॒শ্চা-ত্প্রা॒ণানে॒বাস্মৈ॑ স॒মীচো॑ দধাতি ॥ 10 ॥
(অশ্ব॒মুপ॑-পু॒রস্তা॒দুপ॒-বার্​হ॑তা-এ॒তা-শ্চতু॑স্ত্রিগ্​ম্শচ্চ) (অ. 2)

দে॒বা বৈ য-দ্য়॒জ্ঞে ঽকু॑র্বত॒ তদসু॑রা অকুর্বত॒ তে দে॒বা এ॒তা অ॑ক্ষ্ণয়াস্তো॒মীয়া॑ অপশ্য়॒-ন্তা অ॒ন্যথা॒ ঽনূচ্য়া॒-ন্যথোপা॑দধত॒ তদসু॑রা॒ নান্ববা॑য়॒-ন্ততো॑ দে॒বা অভ॑ব॒-ন্পরা-ঽসু॑রা॒ যদ॑ক্ষ্ণয়াস্তো॒মীয়া॑ অ॒ন্যথা॒ ঽনূচ্য়া॒ন্যথো॑প॒ দধা॑তি॒ ভ্রাতৃ॑ব্য়াভিভূত্য়ৈ॒ ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো ভবত্য়া॒-শুস্ত্রি॒বৃদিতি॑ পু॒রস্তা॒দুপ॑ দধাতি যজ্ঞমু॒খং-বৈঁ ত্রি॒বৃ- [ত্রি॒বৃত্, য॒জ্ঞ॒মু॒খমে॒ব] 11

-দ্য়॑জ্ঞমু॒খমে॒ব পু॒রস্তা॒দ্বি যা॑তযতি॒ ব্য়ো॑ম সপ্তদ॒শ ইতি॑ দক্ষিণ॒তো ঽন্নং॒-বৈঁ ব্য়ো॑মা-ঽন্নগ্​ম্॑ সপ্তদ॒শো-ঽন্ন॑মে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॑ণে॒নান্ন॑মদ্যতে ধ॒রুণ॑ একবি॒গ্​ম্॒শ ইতি॑ প॒শ্চা-ত্প্র॑তি॒ষ্ঠা বা এ॑কবি॒গ্​ম্॒শঃ প্রতি॑ষ্ঠিত্য়ৈ ভা॒ন্তঃ প॑ঞ্চদ॒শ ইত্য়ু॑ত্তর॒ত ওজো॒ বৈ ভা॒ন্ত ওজঃ॑ পঞ্চদ॒শ ওজ॑ এ॒বোত্ত॑র॒তো ধ॑ত্তে॒ তস্মা॑দুত্তরতো ঽভিপ্রয়া॒য়ী জ॑যতি॒ প্রতূ᳚র্তিরষ্টাদ॒শ ইতি॑ পু॒রস্তা॒- [ইতি॑ পু॒রস্তা᳚ত্, উপ॑ দধাতি॒ দ্বৌ] 12

-দুপ॑ দধাতি॒ দ্বৌ ত্রি॒বৃতা॑বভিপূ॒র্বং-য়ঁ॑জ্ঞমু॒খে বি যা॑তযত্যভিব॒র্ত-স্স॑বি॒গ্​ম্॒শ ইতি॑ দক্ষিণ॒তো-ঽন্নং॒-বাঁ অ॑ভিব॒র্তো-ঽন্নগ্​ম্॑ সবি॒গ্​ম্॒শো-ঽন্ন॑মে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॑ণে॒নান্ন॑মদ্যতে॒ বর্চো᳚ দ্বাবি॒গ্​ম্॒শ ইতি॑ প॒শ্চা-দ্য়-দ্বিগ্​ম্॑শ॒তির্দ্বে তেন॑ বি॒রাজৌ॒ য-দ্দ্বে প্র॑তি॒ষ্ঠা তেন॑ বি॒রাজো॑রে॒বা-ভি॑পূ॒র্বম॒ন্নাদ্য়ে॒ প্রতি॑তিষ্ঠতি॒ তপো॑ নবদ॒শ ইত্য়ু॑ত্তর॒ত স্তস্মা᳚-থ্স॒ব্য়ো [ইত্য়ু॑ত্তর॒ত স্তস্মা᳚-থ্স॒ব্য়ঃ, হস্ত॑য়ো-] 13

হস্ত॑য়ো-স্তপ॒স্বিত॑রো॒ যোনি॑শ্চতুর্বি॒গ্​ম্॒শ ইতি॑ পু॒রস্তা॒দুপ॑ দধাতি॒ চতু॑র্বিগ্​ম্শত্যক্ষরা গায়॒ত্রী গা॑য়॒ত্রী য॑জ্ঞমু॒খং-য়ঁ॑জ্ঞমু॒খমে॒ব পু॒রস্তা॒-দ্বিয়া॑তযতি॒ গর্ভাঃ᳚ পঞ্চবি॒গ্​ম্॒শ ইতি॑ দক্ষিণ॒তো-ঽন্নং॒-বৈঁ গর্ভা॒ অন্ন॑-ম্পঞ্চবি॒গ্​ম্॒শোন্ন॑মে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॑ণে॒নান্ন॑মদ্যত॒ ওজ॑স্ত্রিণ॒ব ইতি॑ প॒শ্চাদি॒মে বৈ লো॒কাস্ত্রি॑ণ॒ব এ॒ষ্বে॑ব লো॒কেষু॒ প্রতি॑তিষ্ঠতি স॒ভংর॑ণস্ত্রয়োবি॒গ্​ম্॒শ ই- [স॒ভংর॑ণস্ত্রয়োবি॒গ্​ম্॒শ ইতি॑, উ॒ত্ত॒র॒ত-] 14

-ত্য়ু॑ত্তর॒ত-স্তস্মা᳚-থ্স॒ব্য়ো হস্ত॑য়ো-স্সম্ভা॒র্য়॑তরঃ॒ ক্রতু॑রেকত্রি॒গ্​ম্॒শ ইতি॑ পু॒রস্তা॒দুপ॑ দধাতি॒ বাগ্বৈ ক্রতু॑র্যজ্ঞমু॒খং-বাঁগ্য়॑জ্ঞমু॒খমে॒ব পু॒রস্তা॒দ্বি যা॑তযতি ব্র॒দ্ধ্নস্য়॑ বি॒ষ্টপ॑-ঞ্চতুস্ত্রি॒গ্​ম্॒শ ইতি॑ দক্ষিণ॒তো॑-ঽসৌ বা আ॑দি॒ত্য়ো ব্র॒দ্ধ্নস্য়॑ বি॒ষ্টপ॑-ম্ব্রহ্মবর্চ॒সমে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॒ণো-ঽর্ধো᳚ ব্রহ্মবর্চ॒সিত॑রঃ প্রতি॒ষ্ঠা ত্র॑যস্ত্রি॒গ্​ম্॒শ ইতি॑ প॒শ্চা-ত্প্রতি॑ষ্ঠিত্য়ৈ॒ নাক॑-ষ্ষট্ত্রি॒গ্​ম্॒শ ইত্য়ু॑ত্তর॒ত-স্সু॑ব॒র্গো বৈ লো॒কো নাক॑-স্সুব॒র্গস্য়॑ লো॒কস্য়॒ সম॑ষ্ট্য়ৈ ॥ 15 ॥
(বৈ ত্রি॒বৃ - দিতি॑ পু॒রস্তা᳚থ্ - স॒ব্য় - স্ত্র॑য়োবি॒গ্​ম্॒শ ইতি॑ - সুব॒র্গো বৈ - পঞ্চ॑ চ) (অ. 3)

(আ॒শু - র্ব্য়ো॑ম - ধ॒রুণো॑ - ভা॒ন্তঃ - প্রতূ᳚র্তির -ভিব॒র্তো - বর্চ॒ - স্তপো॒ - যোনি॒ - র্গর্ভা॒ - ওজঃ॑ - স॒ভংর॑ণঃ॒ - ক্রতু॑ - র্ব্র॒দ্ধ্রস্য়॑ - প্রতি॒ষ্ঠা - নাকঃ॒ - ষোড॑শ)

অ॒গ্নের্ভা॒গো॑-ঽসীতি॑ পু॒রস্তা॒দুপ॑ দধাতি যজ্ঞমু॒খং-বাঁ অ॒গ্নির্য়॑জ্ঞমু॒খ-ন্দী॒ক্ষা য॑জ্ঞমু॒খ-ম্ব্রহ্ম॑ যজ্ঞমু॒খ-ন্ত্রি॒বৃ-দ্য়॑জ্ঞমু॒খমে॒ব পু॒রস্তা॒দ্বি যা॑তযতি নৃ॒চক্ষ॑সা-ম্ভা॒গো॑-ঽসীতি॑ দক্ষিণ॒ত-শ্শু॑শ্রু॒বাগ্​ম্সো॒ বৈ নৃ॒চক্ষ॒সো-ঽন্ন॑-ন্ধা॒তা জা॒তায়ৈ॒বাস্মা॒ অন্ন॒মপি॑ দধাতি॒ তস্মা᳚জ্জা॒তো-ঽন্ন॑মত্তি জ॒নিত্রগ্গ্॑ স্পৃ॒তগ্​ম্ স॑প্তদ॒শ-স্স্তোম॒ ইত্য়া॒হা-ঽন্নং॒-বৈঁ জ॒নিত্র॒- [জ॒নিত্র᳚ম্, অন্নগ্​ম্॑ সপ্তদ॒শো-ঽন্ন॑মে॒ব] 16

-মন্নগ্​ম্॑ সপ্তদ॒শো-ঽন্ন॑মে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॑ণে॒না-ন্ন॑মদ্যতে মি॒ত্রস্য়॑ ভা॒গো॑-ঽসীতি॑ প॒শ্চা-ত্প্রা॒ণো বৈ মি॒ত্রো॑-ঽপা॒নো বরু॑ণঃ প্রাণাপা॒নাবে॒বাস্মি॑-ন্দধাতি দি॒বো বৃ॒ষ্টির্বাতা᳚-স্স্পৃ॒তা এ॑কবি॒গ্​ম্॒শ-স্স্তোম॒ ইত্য়া॑হ প্রতি॒ষ্ঠা বা এ॑কবি॒গ্​ম্॒শঃ প্রতি॑ষ্ঠিত্য়া॒ ইন্দ্র॑স্য় ভা॒গো॑-ঽসীত্য়ু॑ত্তর॒ত ওজো॒ বা ইন্দ্র॒ ওজো॒ বিষ্ণু॒রোজঃ॑, ক্ষ॒ত্রমোজঃ॑ পঞ্চদ॒শ [পঞ্চদ॒শঃ, ওজ॑ এ॒বোত্ত॑র॒তো ধ॑ত্তে॒] 17

ওজ॑ এ॒বোত্ত॑র॒তো ধ॑ত্তে॒ তস্মা॑দুত্তরতো-ঽভিপ্রয়া॒য়ী জ॑যতি॒ বসূ॑না-ম্ভা॒গো॑-ঽসীতি॑ পু॒রস্তা॒দুপ॑ দধাতি যজ্ঞমু॒খং-বৈঁ বস॑বো যজ্ঞমু॒খগ্​ম্ রু॒দ্রা য॑জ্ঞমু॒খ-ঞ্চ॑তুর্বি॒গ্​ম্॒শো য॑জ্ঞমু॒খমে॒ব পু॒রস্তা॒দ্বি যা॑তযত্য়াদি॒ত্য়ানা᳚-ম্ভা॒গো॑-ঽসীতি॑ দক্ষিণ॒তো-ঽন্নং॒-বাঁ আ॑দি॒ত্য়া অন্ন॑-ম্ম॒রুতো-ঽন্ন॒-ঙ্গর্ভা॒ অন্ন॑-ম্পঞ্চবি॒গ্​ম্॒শো-ঽন্ন॑মে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॑ণে॒না-ঽন্ন॑মদ্য়॒তে ঽদি॑ত্য়ৈ ভা॒গো॑- [-ঽদি॑ত্য়ৈ ভা॒গঃ, অ॒সীতি॑ প॒শ্চা-ত্প্র॑তি॒ষ্ঠা] 18

-ঽসীতি॑ প॒শ্চা-ত্প্র॑তি॒ষ্ঠা বা অদি॑তিঃ প্রতি॒ষ্ঠা পূ॒ষা প্র॑তি॒ষ্ঠা ত্রি॑ণ॒বঃ প্রতি॑ষ্ঠিত্য়ৈ দে॒বস্য়॑ সবি॒তুর্ভা॒গো॑-ঽ সীত্য়ু॑ত্তর॒তো ব্রহ্ম॒ বৈ দে॒ব-স্স॑বি॒তা ব্রহ্ম॒ বৃহ॒স্পতি॒র্ব্রহ্ম॑ চতুষ্টো॒মো ব্র॑হ্মবর্চ॒সমে॒বোত্ত॑র॒তো ধ॑ত্তে॒ তস্মা॒দুত্ত॒রো-ঽর্ধো᳚ ব্রহ্মবর্চ॒সিত॑র-স্সাবি॒ত্রব॑তী ভবতি॒ প্রসূ᳚ত্য়ৈ॒ তস্মা᳚-দ্ব্রাহ্ম॒ণানা॒মুদী॑চী স॒নিঃ প্রসূ॑তা ধ॒র্ত্রশ্চ॑তুষ্টো॒ম ইতি॑ পু॒রস্তা॒দুপ॑ দধাতি যজ্ঞমু॒খং-বৈঁ ধ॒র্ত্রো [ধ॒র্ত্রঃ, য॒জ্ঞ॒মু॒খ-ঞ্চ॑তুষ্টো॒মো] 19

য॑জ্ঞমু॒খ-ঞ্চ॑তুষ্টো॒মো য॑জ্ঞমু॒খমে॒ব পু॒রস্তা॒দ্বি যা॑তযতি॒ যাবা॑না-ম্ভা॒গো॑-ঽসীতি॑ দক্ষিণ॒তো মাসা॒ বৈ যাবা॑ অর্ধমা॒সা অয়া॑বা॒-স্তস্মা᳚-দ্দক্ষি॒ণাবৃ॑তো॒ মাসা॒ অন্নং॒-বৈঁ যাবা॒ অন্ন॑-ম্প্র॒জা অন্ন॑মে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॑ণে॒না-ন্ন॑মদ্যত ঋভূ॒ণা-ম্ভা॒গো॑-ঽসীতি॑ প॒শ্চা-ত্প্রতি॑ষ্ঠিত্য়ৈ বিব॒র্তো᳚ ঽষ্টাচত্বারি॒গ্​ম্॒শ ইত্য়ু॑ত্তর॒তো॑-ঽনয়ো᳚র্লো॒কয়ো᳚-স্সবীর্য়॒ত্বায়॒ তস্মা॑দি॒মৌ লো॒কৌ স॒মাব॑-দ্বীর্য়ৌ॒ [স॒মাব॑-দ্বীর্য়ৌ, যস্য়॒ মুখ্য়॑বতীঃ] 20

যস্য়॒ মুখ্য়॑বতীঃ পু॒রস্তা॑দুপধী॒যন্তে॒ মুখ্য়॑ এ॒ব ভ॑ব॒ত্য়া-ঽস্য়॒ মুখ্য়ো॑ জাযতে॒ যস্য়া-ন্ন॑বতী - র্দক্ষিণ॒তো-ঽত্ত্যন্ন॒মা-ঽস্য়া᳚ন্না॒দো জা॑যতে॒ যস্য়॑ প্রতি॒ষ্ঠাব॑তীঃ প॒শ্চা-ত্প্রত্য়ে॒ব তি॑ষ্ঠতি॒ যস্য়ৌজ॑স্বতীরুত্তর॒ত ও॑জ॒স্ব্য়ে॑ব ভ॑ব॒ত্য়া-ঽস্য়ৌ॑জ॒স্বী জা॑যতে॒ ঽর্কো বা এ॒ষ যদ॒গ্নিস্তস্য়ৈ॒তদে॒ব স্তো॒ত্রমে॒তচ্ছ॒স্ত্রং-য়ঁদে॒ষা বি॒ধা [বি॒ধা, বি॒ধী॒যতে॒-ঽর্ক এ॒ব] 21

বি॑ধী॒যতে॒-ঽর্ক এ॒ব তদ॒র্ক্য়॑মনু॒ বি ধী॑য়॒তে ঽত্ত্যন্ন॒মা-ঽস্য়া᳚ন্না॒দো জা॑যতে॒ যস্য়ৈ॒ষা বি॒ধা বি॑ধী॒যতে॒ য উ॑ চৈনামে॒বং-বেঁদ॒ সৃষ্টী॒রুপ॑ দধাতি যথাসৃ॒ষ্টমে॒বাব॑ রুন্ধে॒ ন বা ই॒দ-ন্দিবা॒ ন নক্ত॑মাসী॒দব্য়া॑বৃত্ত॒-ন্তে দে॒বা এ॒তা ব্য়ু॑ষ্টীরপশ্য়॒-ন্তা উপা॑দধত॒ ততো॒ বা ই॒দং ঁব্য়ৌ᳚চ্ছ॒-দ্যস্য়ৈ॒তা উ॑পধী॒যন্তে॒ ব্য়ে॑বাস্মা॑ উচ্ছ॒ত্যথো॒ তম॑ এ॒বাপ॑হতে ॥ 22 ॥
(বৈ জ॒নিত্রং॑ - পঞ্চদ॒শো - ঽদি॑ত্য়ৈ ভা॒গো - বৈ ধ॒র্ত্রঃ - স॒মাব॑দ্বীর্য়ৈ-বি॒ধা-ততো॒ বা ই॒দং - চতু॑র্দশ চ ) (অ. 4)

(অ॒গ্নে - র্নৃ॒চক্ষ॑সাং - জ॒নিত্রং॑ - মি॒ত্র - স্য়েন্দ্র॑স্য়॒ -বসূ॑না - মাদি॒ত্য়ানা॒ - মদি॑ত্য়ৈ - দে॒বস্য়॑ সবি॒তুঃ - সা॑বি॒ত্রব॑তী - ধ॒র্ত্রো - যাবা॑না-মৃভূ॒ণাং - ঁবি॑ব॒র্ত - শ্চতু॑র্দশ)

অগ্নে॑ জা॒তা-ন্প্রণু॑দা ন-স্স॒পত্না॒নিতি॑ পু॒রস্তা॒দুপ॑ দধাতি জা॒তানে॒ব ভ্রাতৃ॑ব্য়া॒-ন্প্রণু॑দতে॒ সহ॑সা জা॒তানিতি॑ প॒শ্চাজ্জ॑নি॒ষ্যমা॑ণানে॒ব প্রতি॑ নুদতে চতুশ্চত্বারি॒গ্​ম্॒শ-স্স্তোম॒ ইতি॑ দক্ষিণ॒তো ব্র॑হ্মবর্চ॒সং-বৈঁ চ॑তুশ্চত্বারি॒গ্​ম্॒শো ব্র॑হ্মবর্চ॒সমে॒ব দ॑ক্ষিণ॒তো ধ॑ত্তে॒ তস্মা॒-দ্দক্ষি॒ণো-ঽর্ধো᳚ ব্রহ্মবর্চ॒সিত॑র-ষ্ষোড॒শ-স্স্তোম॒ ইত্য়ু॑ত্তর॒ত ওজো॒ বৈ ষো॑ড॒শ ওজ॑ এ॒বোত্ত॑র॒তো ধ॑ত্তে॒ তস্মা॑- [তস্মা᳚ত্, উ॒ত্ত॒র॒তো॒-ঽভি॒প্র॒য়া॒য়ী] 23

-দুত্তরতো-ঽভিপ্রয়া॒য়ী জ॑যতি॒ বজ্রো॒ বৈ চ॑তুশ্চত্বারি॒গ্​ম্॒শো বজ্র॑-ষ্ষোড॒শো যদে॒তে ইষ্ট॑কে উপ॒দধা॑তি জা॒তাগ্​শ্চৈ॒ব জ॑নি॒ষ্যমা॑ণাগ্​শ্চ॒ ভ্রাতৃ॑ব্য়া-ন্প্র॒ণুদ্য়॒ বজ্র॒মনু॒ প্রহ॑রতি॒ স্তৃত্য়ৈ॒ পুরী॑ষবতী॒-ম্মদ্ধ্য়॒ উপ॑দধাতি॒ পুরী॑ষং॒-বৈঁ মদ্ধ্য়॑মা॒ত্মন॒-স্সাত্মা॑নমে॒বাগ্নি-ঞ্চি॑নুতে॒ সাত্মা॒-ঽমুষ্মি॑ন্ ঁলো॒কে ভ॑বতি॒ য এ॒বং-বেঁদৈ॒তা বা অ॑সপ॒ত্না নামেষ্ট॑কা॒ যস্য়ৈ॒তা উ॑পধী॒যন্তে॒ [উ॑পধী॒যন্তে᳚, না-ঽস্য়॑] 24

না-ঽস্য়॑ স॒পত্নো॑ ভবতি প॒শুর্বা এ॒ষ যদ॒গ্নির্বি॒রাজ॑ উত্ত॒মায়া॒-ঞ্চিত্য়া॒মুপ॑ দধাতি বি॒রাজ॑মে॒বোত্ত॒মা-ম্প॒শুষু॑ দধাতি॒ তস্মা᳚-ত্পশু॒মানু॑ত্ত॒মাং-বাঁচং॑-বঁদতি॒ দশ॑দ॒শোপ॑ দধাতি সবীর্য়॒ত্বায়া᳚-ঽক্ষ্ণ॒য়োপ॑ দধাতি॒ তস্মা॑দক্ষ্ণ॒য়া প॒শবো-ঽঙ্গা॑নি॒ প্রহ॑রন্তি॒ প্রতি॑ষ্ঠিত্য়ৈ॒ যানি॒ বৈ ছন্দাগ্​ম্॑সি সুব॒র্গ্য়া᳚ণ্য়াস॒-ন্তৈর্দে॒বা-স্সু॑ব॒র্গং-লোঁ॒কমা॑য়॒-ন্তেনর্​ষ॑য়ো- [-ঁলো॒কমা॑য়॒-ন্তেনর্​ষ॑য়ঃ, অ॒শ্রা॒ম্য়॒-ন্তে তপো॑-ঽতপ্যন্ত॒] 25

-ঽশ্রাম্য়॒-ন্তে তপো॑-ঽতপ্যন্ত॒ তানি॒ তপ॑সা-ঽপশ্য়॒-ন্তেভ্য়॑ এ॒তা ইষ্ট॑কা॒ নির॑মিম॒তেব॒শ্ছন্দো॒ বরি॑ব॒শ্ছন্দ॒ ইতি॒ তা উপা॑দধত॒ তাভি॒র্বৈ তে সু॑ব॒র্গং-লোঁ॒কমা॑য়॒ন্॒. যদে॒তা ইষ্ট॑কা উপ॒দধা॑তি॒ যান্য়ে॒ব ছন্দাগ্​ম্॑সি সুব॒র্গ্য়া॑ণি॒ তৈরে॒ব যজ॑মান-স্সুব॒র্গং-লোঁ॒কমে॑তি য॒জ্ঞেন॒ বৈ প্র॒জাপ॑তিঃ প্র॒জা অ॑সৃজত॒ তা-স্স্তোম॑ ভাগৈরে॒বা-ঽসৃ॑জত॒ য- [-ঽসৃ॑জত॒ যত্, স্তোম॑ ভাগা উপ॒দধা॑তি] 26

-থ্স্তোম॑ ভাগা উপ॒দধা॑তি প্র॒জা এ॒ব ত-দ্যজ॑মান-স্সৃজতে॒ বৃহ॒স্পতি॒র্বা এ॒ত-দ্য়॒জ্ঞস্য়॒ তেজ॒-স্সম॑ভর॒দ্য়-থ্স্তোম॑ভাগা॒ য-থ্স্তোম॑ভাগা উপ॒দধা॑তি॒ সতে॑জসমে॒বাগ্নি-ঞ্চি॑নুতে॒ বৃহ॒স্পতি॒র্বা এ॒তাং-য়ঁ॒জ্ঞস্য়॑ প্রতি॒ষ্ঠাম॑পশ্য়॒দ্য়-থ্স্তোম॑ভাগা॒ য-থ্স্তোম॑ভাগা উপ॒দধা॑তি য॒জ্ঞস্য়॒ প্রতি॑ষ্ঠিত্য়ৈ স॒প্তস॒প্তোপ॑ দধাতি সবীর্য়॒ত্বায়॑ তি॒স্রো মদ্ধ্য়ে॒ প্রতি॑ষ্ঠিত্য়ৈ ॥ 27 ॥
( উ॒ত্ত॒র॒তো ধ॑ত্তে॒ তস্মা॑ - দুপধী॒যন্ত॒ - ঋষ॑য়ো - ঽসৃজত॒ যত্ - ত্রিচ॑ত্বারিগ্​ম্শচ্চ) (অ. 5)

র॒শ্মিরিত্য়ে॒বা ঽঽদি॒ত্যম॑সৃজত॒ প্রেতি॒রিতি॒ ধর্ম॒মন্বি॑তি॒রিতি॒ দিবগ্​ম্॑ স॒ধিংরিত্য়॒ন্তরি॑ক্ষ-ম্প্রতি॒ধিরিতি॑ পৃথি॒বীং-বিঁ॑ষ্ট॒ম্ভ ইতি॒ বৃষ্টি॑-ম্প্র॒বেত্যহ॑রনু॒বেতি॒ রাত্রি॑মু॒শিগিতি॒ বসূ᳚-ন্প্রকে॒ত ইতি॑ রু॒দ্রান্-থ্সু॑দী॒তিরিত্য়া॑দি॒ত্য়ানোজ॒ ইতি॑ পি॒তৄগ্​স্তন্তু॒রিতি॑ প্র॒জাঃ পৃ॑তনা॒ষাডিতি॑ প॒শূ-ন্রে॒বদিত্য়ো-ষ॑ধীরভি॒জিদ॑সি যু॒ক্তগ্রা॒বে- [য়ু॒ক্তগ্রা॑বা, ইন্দ্রা॑য়॒ ত্বেন্দ্র॑-ঞ্জি॒ন্বেত্য়ে॒ব] 28

-ন্দ্রা॑য়॒ ত্বেন্দ্র॑-ঞ্জি॒ন্বেত্য়ে॒ব দ॑ক্ষিণ॒তো বজ্র॒-ম্পর্য়ৌ॑হদ॒ভিজি॑ত্য়ৈ॒ তাঃ প্র॒জা অপ॑প্রাণা অসৃজত॒ তাস্বধি॑পতির॒সীত্য়ে॒ব প্রা॒ণম॑দধা-দ্য়॒ন্তেত্য়॑পা॒নগ্​ম্ স॒গ্​ম্॒সর্প॒ ইতি॒ চক্ষু॑র্বয়ো॒ধা ইতি॒ শ্রোত্র॒-ন্তাঃ প্র॒জাঃ প্রা॑ণ॒তীর॑পান॒তীঃ পশ্য়॑ন্তী-শ্শৃণ্ব॒তীর্ন মি॑থু॒নী অ॑ভব॒-ন্তাসু॑ ত্রি॒বৃদ॒সীত্য়ে॒ব মি॑থু॒নম॑দধা॒-ত্তাঃ প্র॒জা মি॑থু॒নী [ ] 29

ভব॑ন্তী॒র্ন প্রাজা॑যন্ত॒ তা-স্সগ্​ম্॑রো॒হো॑-ঽসি নীরো॒হো॑-ঽসীত্য়ে॒ব প্রা-ঽজ॑নয়॒-ত্তাঃ প্র॒জাঃ প্রজা॑তা॒ ন প্রত্য়॑তিষ্ঠ॒-ন্তা ব॑সু॒কো॑-ঽসি॒ বেষ॑শ্রিরসি॒ বস্য়॑ষ্টির॒সীত্য়ে॒বৈষু লো॒কেষু॒ প্রত্য়॑স্থাপয়॒দ্যদাহ॑ বসু॒কো॑-ঽসি॒ বেষ॑শ্রিরসি॒ বস্য়॑ষ্টির॒সীতি॑ প্র॒জা এ॒ব প্রজা॑তা এ॒ষু লো॒কেষু॒ প্রতি॑ষ্ঠাপযতি॒ সাত্মা॒-ঽন্তরি॑ক্ষগ্​ম্ রোহতি॒ সপ্রা॑ণো॒-ঽমুষ্মি॑ন্ ঁলো॒কে প্রতি॑ তিষ্ঠ॒ত্যব্য়॑র্ধুকঃ প্রাণাপা॒নাভ্য়া᳚-ম্ভবতি॒ য এ॒বং-বেঁদ॑ ॥ 30 ॥
(য়ু॒ক্তগ্রা॑বা - প্র॒জা মি॑থু॒ন্য়॑ - ন্তরি॑ক্ষং॒ - দ্বাদ॑শ চ) (অ. 6)

না॒ক॒সদ্ভি॒র্বৈ দে॒বা-স্সু॑ব॒র্গং-লোঁ॒কমা॑য়॒-ন্তন্না॑ক॒সদা᳚-ন্নাকস॒ত্ত্বং-য়ঁন্না॑ক॒সদ॑ উপ॒দধা॑তি নাক॒সদ্ভি॑রে॒ব ত-দ্যজ॑মান-স্সুব॒র্গং-লোঁ॒কমে॑তি সুব॒র্গো বৈ লো॒কো নাকো॒ যস্য়ৈ॒তা উ॑পধী॒যন্তে॒ নাস্মা॒ অক॑-ম্ভবতি যজমানাযত॒নং-বৈঁ না॑ক॒সদো॒ যন্না॑ক॒সদ॑ উপ॒দধা᳚ত্য়া॒যত॑নমে॒ব ত-দ্যজ॑মানঃ কুরুতে পৃ॒ষ্ঠানাং॒-বাঁ এ॒ত-ত্তেজ॒-স্সম্ভৃ॑তং॒-য়ঁন্না॑ক॒সদো॒ যন্না॑ক॒সদ॑ [যন্না॑ক॒সদঃ॑, উ॒প॒দধা॑তি পৃ॒ষ্ঠানা॑মে॒ব] 31

উপ॒দধা॑তি পৃ॒ষ্ঠানা॑মে॒ব তেজো-ঽব॑ রুন্ধে পঞ্চ॒চোডা॒ উপ॑ দধাত্যফ্স॒রস॑ এ॒বৈন॑মে॒তা ভূ॒তা অ॒মুষ্মি॑ন্ ঁলো॒ক উপ॑ শে॒রে-ঽথো॑ তনূ॒পানী॑রে॒বৈতা যজ॑মানস্য়॒ য-ন্দ্বি॒ষ্য়া-ত্তমু॑প॒দধ॑দ্ধ্য়ায়েদে॒তাভ্য়॑ এ॒বৈন॑-ন্দে॒বতা᳚ভ্য়॒ আ বৃ॑শ্চতি তা॒জগার্তি॒মার্চ্ছ॒ত্য়ুত্ত॑রা নাক॒সদ্ভ্য়॒ উপ॑দধাতি॒ যথা॑ জা॒য়ামা॒নীয়॑ গৃ॒হেষু॑ নিষা॒দয়॑তি তা॒দৃগে॒ব ত- [তা॒দৃগে॒ব তত্, প॒শ্চা-ত্প্রাচী॑-] 32

-ত্প॒শ্চা-ত্প্রাচী॑-মুত্ত॒মামুপ॑ দধাতি॒ তস্মা᳚-ত্প॒শ্চা-ত্প্রাচী॒ পত্ন্যন্বা᳚স্তে স্বযমাতৃ॒ণ্ণা-ঞ্চ॑ বিক॒র্ণী-ঞ্চো᳚ত্ত॒মে উপ॑ দধাতি প্রা॒ণো বৈ স্ব॑যমাতৃ॒ণ্ণা-ঽঽয়ু॑র্বিক॒র্ণী প্রা॒ণ-ঞ্চৈ॒বা-ঽঽয়ু॑শ্চ প্রা॒ণানা॑মুত্ত॒মৌ ধ॑ত্তে॒ তস্মা᳚-ত্প্রা॒ণশ্চা-ঽঽয়ু॑শ্চ প্রা॒ণানা॑মুত্ত॒মৌ নান্য়ামুত্ত॑রা॒মিষ্ট॑কা॒মুপ॑ দদ্ধ্য়া॒-দ্যদ॒ন্য়ামুত্ত॑রা॒-মিষ্ট॑কা-মুপদ॒দ্ধ্য়া-ত্প॑শূ॒না- [-মুপদ॒দ্ধ্য়া-ত্প॑শূ॒নাম্, চ॒ যজ॑মানস্য় চ] 33

-ঞ্চ॒ যজ॑মানস্য় চ প্রা॒ণ-ঞ্চা-ঽঽয়ু॒শ্চাপি॑ দদ্ধ্য়া॒-ত্তস্মা॒ন্না-ন্য়োত্ত॒রেষ্ট॑কোপ॒ধেয়া᳚ স্বযমাতৃ॒ণ্ণামুপ॑ দধাত্য়॒সৌ বৈ স্ব॑যমাতৃ॒ণ্ণা- ঽমূমে॒বোপ॑ ধ॒ত্তে ঽশ্ব॒মুপ॑ ঘ্রাপযতি প্রা॒ণমে॒বাস্য়া᳚-ন্দধা॒ত্যথো᳚ প্রাজাপ॒ত্য়ো বা অশ্বঃ॑ প্র॒জাপ॑তিনৈ॒বাগ্নি-ঞ্চি॑নুতে স্বযমাতৃ॒ণ্ণা ভ॑বতি প্রা॒ণানা॒মুথ্সৃ॑ষ্ট্য়া॒ অথো॑ সুব॒র্গস্য়॑ লো॒কস্য়া-ঽনু॑খ্য়াত্য়া এ॒ষা বৈ দে॒বানাং॒-বিঁক্রা᳚ন্তি॒র্য়-দ্বি॑ক॒র্ণী য-দ্বি॑ক॒র্ণীমু॑প॒দধা॑তি দে॒বানা॑মে॒ব বিক্রা᳚ন্তি॒মনু॒ বিক্র॑মত উত্তর॒ত উপ॑দধাতি॒ তস্মা॑দুত্তর॒ত উ॑পচারো॒-ঽগ্নি র্বা॑য়ু॒মতী॑ ভবতি॒ সমি॑দ্ধ্য়ৈ ॥ 34 ॥
(সম্ভৃ॑তং॒-য়ঁন্না॑ক॒সদো॒ যন্না॑ক॒সদ॒ - স্তত্ - প॑শূ॒না-মে॒ষা বৈ-দ্বাবিগ্​ম্॑শতিশ্চ) (অ. 7)

ছন্দা॒গ্॒স্য়ুপ॑ দধাতি প॒শবো॒ বৈ ছন্দাগ্​ম্॑সি প॒শূনে॒বাব॑ রুন্ধে॒ ছন্দাগ্​ম্॑সি॒ বৈ দে॒বানাং᳚-বাঁ॒ম-ম্প॒শবো॑ বা॒মমে॒ব প॒শূনব॑ রুন্ধ এ॒তাগ্​ম্ হ॒ বৈ য॒জ্ঞসে॑ন-শ্চৈত্রিয়ায়॒ণ-শ্চিতিং॑-বিঁ॒দা-ঞ্চ॑কার॒ তয়া॒ বৈ স প॒শূনবা॑রুন্ধ॒ যদে॒তামু॑প॒দধা॑তি প॒শূনে॒বাব॑ রুন্ধে গায়॒ত্রীঃ পু॒রস্তা॒দুপ॑ দধাতি॒ তেজো॒ বৈ গা॑য়॒ত্রী তেজ॑ এ॒ব [তেজ॑ এ॒ব, মু॒খ॒তো ধ॑ত্তে] 35

মু॑খ॒তো ধ॑ত্তে মূর্ধ॒ন্বতী᳚র্ভবন্তি মূ॒র্ধান॑মে॒বৈনগ্​ম্॑ সমা॒নানা᳚-ঙ্করোতি ত্রি॒ষ্টুভ॒ উপ॑ দধাতীন্দ্রি॒য়ং-বৈঁ ত্রি॒ষ্টুগি॑ন্দ্রি॒যমে॒ব ম॑দ্ধ্য়॒তো ধ॑ত্তে॒ জগ॑তী॒রুপ॑ দধাতি॒ জাগ॑তা॒ বৈ প॒শবঃ॑ প॒শূনে॒বাব॑ রুন্ধে ঽনু॒ষ্টুভ॒ উপ॑ দধাতি প্রা॒ণা বা অ॑নু॒ষ্টুপ্ প্রা॒ণানা॒মুথ্সৃ॑ষ্ট্য়ৈ বৃহ॒তীরু॒ষ্ণিহাঃ᳚ প॒ঙ্ক্তীর॒ক্ষর॑পঙ্ক্তী॒রিতি॒ বিষু॑রূপাণি॒ ছন্দা॒গ্॒স্য়ুপ॑ দধাতি॒ বিষু॑রূপা॒ বৈ প॒শবঃ॑ প॒শব॒- [প॒শবঃ॑ প॒শবঃ॑, ছন্দাগ্​ম্॑সি॒ বিষু॑রূপানে॒ব] 36

-শ্ছন্দাগ্​ম্॑সি॒ বিষু॑রূপানে॒ব প॒শূনব॑ রুন্ধে॒ বিষু॑রূপমস্য় গৃ॒হে দৃ॑শ্যতে॒ যস্য়ৈ॒তা উ॑পধী॒যন্তে॒ য উ॑ চৈনা এ॒বং-বেঁদা-ঽতি॑চ্ছন্দস॒মুপ॑ দধা॒ত্যতি॑চ্ছন্দা॒ বৈ সর্বা॑ণি॒ ছন্দাগ্​ম্॑সি॒ সর্বে॑ভিরে॒বৈন॒-ঞ্ছন্দো॑ভিশ্চিনুতে॒ বর্​ষ্ম॒ বা এ॒ষা ছন্দ॑সাং॒-য়ঁদতি॑চ্ছন্দা॒ যদতি॑চ্ছন্দস-মুপ॒দধা॑তি॒ বর্​ষ্মৈ॒বৈনগ্​ম্॑ সমা॒নানা᳚-ঙ্করোতি দ্বি॒পদা॒ উপ॑ দধাতি দ্বি॒পা-দ্যজ॑মানঃ॒ প্রতি॑ষ্ঠিত্য়ৈ ॥ 37 ॥
(তেজ॑ এ॒ব - প॒শবঃ॑ প॒শবো॒ - যজ॑মান॒ - এক॑ঞ্চ) (অ. 8)

সর্বা᳚ভ্য়ো॒ বৈ দে॒বতা᳚ভ্য়ো॒-ঽগ্নিশ্চী॑যতে॒ য-থ্স॒য়ুজো॒ নোপ॑দ॒দ্ধ্য়া-দ্দে॒বতা॑ অস্য়া॒গ্নিং-বৃঁ॑ঞ্জীর॒ন্॒. য-থ্স॒য়ুজ॑ উপ॒দধা᳚ত্য়া॒ত্মনৈ॒বৈনগ্​ম্॑ স॒য়ুজ॑-ঞ্চিনুতে॒ নাগ্নিনা॒ ব্য়ৃ॑দ্ধ্য়॒তে-ঽথো॒ যথা॒ পুরু॑ষ॒-স্স্নাব॑ভি॒-স্সন্ত॑ত এ॒বমে॒বৈতাভি॑র॒গ্নি-স্সন্ত॑তো॒ ঽগ্নিনা॒ বৈ দে॒বা-স্সু॑ব॒র্গং-লোঁ॒কমা॑য়॒-ন্তা অ॒মূঃ কৃত্তি॑কা অভব॒ন্॒ যস্য়ৈ॒তা উ॑প ধী॒যন্তে॑ সুব॒র্গমে॒ব [ ] 38

লো॒কমে॑তি॒ গচ্ছ॑তি প্রকা॒শ-ঞ্চি॒ত্রমে॒ব ভ॑বতি মণ্ডলেষ্ট॒কা উপ॑ দধাতী॒মে বৈ লো॒কা ম॑ণ্ডলেষ্ট॒কা ই॒মে খলু॒ বৈ লো॒কা দে॑বপু॒রা দে॑বপু॒রা এ॒ব প্রবি॑শতি॒ না-ঽঽর্তি॒মার্চ্ছ॑ত্য়॒গ্নি-ঞ্চি॑ক্য়া॒নো বি॒শ্বজ্য়ো॑তিষ॒ উপ॑ দধাতী॒মানে॒বৈতাভি-॑র্লো॒কান্ জ্য়োতি॑ষ্মতঃ কুরু॒তে-ঽথো᳚ প্রা॒ণানে॒বৈতা যজ॑মানস্য় দাদ্ধ্রত্য়ে॒তা বৈ দে॒বতা᳚-স্সুব॒র্গ্য়া᳚স্তা এ॒বা- -ন্বা॒রভ্য়॑ সুব॒র্গং-লোঁ॒কমে॑তি ॥ 39 ॥
(সু॒ব॒র্গমে॒ব - তা এ॒ব - চ॒ত্বারি॑ চ) (অ. 9)

বৃ॒ষ্টি॒সনী॒রুপ॑ দধাতি॒ বৃষ্টি॑মে॒বাব॑ রুন্ধে॒ যদে॑ক॒ধোপ॑দ॒দ্ধ্য়াদেক॑মৃ॒তুং-বঁ॑র্​ষেদনুপরি॒হারগ্​ম্॑ সাদযতি॒ তস্মা॒-থ্সর্বা॑নৃ॒তূন্. ব॑র্​ষতি পুরোবাত॒সনি॑-র॒সীত্য়া॑হৈ॒তদ্বৈ বৃষ্ট্য়ৈ॑ রূ॒পগ্​ম্ রূ॒পেণৈ॒ব বৃষ্টি॒মব॑ রুন্ধে সং॒​য়াঁনী॑ভি॒র্বৈ দে॒বা ই॒মান্ ঁলো॒কান্-থ্সম॑য়ু॒স্ত-থ্সং॒​য়াঁনী॑নাগ্​ম্ সং​য়াঁনি॒ত্বং-য়ঁ-থ্সং॒​য়াঁনী॑রুপ॒দধা॑তি॒ যথা॒-ঽফ্সু না॒বা সং॒​য়াঁত্য়ে॒ব- [সং॒​য়াঁত্য়ে॒বম্, এ॒বৈতাভি॒] 40

-মে॒বৈতাভি॒ র্যজ॑মান ই॒মান্ ঁলো॒কান্-থ্সং-য়াঁ॑তি প্ল॒বো বা এ॒ষো᳚-ঽগ্নের্য়-থ্সং॒​য়াঁনী॒র্য়-থ্সং॒​য়াঁনী॑রুপ॒দধা॑তি প্ল॒বমে॒বৈতম॒গ্নয়॒ উপ॑দধাত্য়ু॒ত যস্য়ৈ॒তাসূপ॑হিতা॒স্বাপো॒-ঽগ্নিগ্​ম্ হর॒ন্ত্যহৃ॑ত এ॒বাস্য়া॒-গ্নিরা॑দিত্য়েষ্ট॒কা উপ॑ দধাত্য়াদি॒ত্য়া বা এ॒ত-ম্ভূত্য়ৈ॒ প্রতি॑নুদন্তে॒ যো-ঽল॒-ম্ভূত্য়ৈ॒ স-ন্ভূতি॒-ন্ন প্রা॒প্নোত্য়া॑দি॒ত্য়া [প্রা॒প্নোত্য়া॑দি॒ত্য়াঃ, এ॒বৈন॒-ম্ভূতি॑-] 41

এ॒বৈন॒-ম্ভূতি॑-ঙ্গমযন্ত্য়॒সৌ বা এ॒তস্য়া॑-ঽঽদি॒ত্য়ো রুচ॒মা দ॑ত্তে॒ যো᳚-ঽগ্নি-ঞ্চি॒ত্বা ন রোচ॑তে॒ যদা॑দিত্য়েষ্ট॒কা উ॑প॒দধা᳚ত্য়॒সাবে॒-বাস্মি॑ন্নাদি॒ত্য়ো রুচ॑-ন্দধাতি॒ যথা॒-ঽসৌ দে॒বানা॒গ্​ম্॒ রোচ॑ত এ॒বমে॒বৈষ ম॑নু॒ষ্য়া॑ণাগ্​ম্ রোচতে ঘৃতেষ্ট॒কা উপ॑ দধাত্য়ে॒তদ্বা অ॒গ্নেঃ প্রি॒য়-ন্ধাম॒ য-দ্ঘৃ॒ত-ম্প্রি॒য়েণৈ॒বৈন॒-ন্ধাম্না॒ সম॑র্ধয়॒- [সম॑র্ধযতি, অথো॒] 42

-ত্যথো॒ তেজ॑সা ঽনুপরি॒হারগ্​ম্॑ সাদয়॒-ত্যপ॑রিবর্গ-মে॒বাস্মি॒-ন্তেজো॑ দধাতি প্র॒জাপ॑তির॒গ্নিম॑চিনুত॒ স যশ॑সা॒ ব্য়া᳚র্ধ্যত॒ স এ॒তা য॑শো॒দা অ॑পশ্য়॒-ত্তা উপা॑ধত্ত॒ তাভি॒র্বৈ স যশ॑ আ॒ত্মন্ন॑ধত্ত॒ যদ্য়॑শো॒দা উ॑প॒দধা॑তি॒ যশ॑ এ॒ব তাভি॒র্যজ॑মান আ॒ত্ম-ন্ধ॑ত্তে॒ পঞ্চোপ॑ দধাতি॒ পাঙ্ক্তঃ॒ পুরু॑ষো॒ যাবা॑নে॒ব পুরু॑ষ॒স্তস্মি॒ন্॒ যশো॑ দধাতি ॥ 43 ॥
(এ॒বং - প্রা॒প্রোত্য়া॑দি॒ত্য়া - অ॑র্ধয়॒ত্য়ে - কা॒ন্ন প॑ঞ্চা॒শচ্চ॑) (অ. 10)

দে॒বা॒সু॒রা-স্সং​য়ঁ॑ত্তা আস॒ন্ কনী॑য়াগ্​ম্সো দে॒বা আস॒-ন্ভূয়া॒গ্​ম্॒সো-ঽসু॑রা॒স্তে দে॒বা এ॒তা ইষ্ট॑কা অপশ্য়॒-ন্তা উপা॑দধত ভূয়॒স্কৃদ॒সীত্য়ে॒ব ভূয়াগ্​ম্॑সো-ঽভব॒ন্ বন॒স্পতি॑ভি॒-রোষ॑ধীভি-র্বরিব॒স্কৃদ॒সীতী॒-মাম॑জয়॒-ন্প্রাচ্য়॒সীতি॒ প্রাচী॒-ন্দিশ॑মজযন্নূ॒র্ধ্বা ঽসীত্য়॒মূম॑জয়-ন্নন্তরিক্ষ॒সদ॑স্য়॒ন্তরি॑ক্ষে সী॒দেত্য়॒-ন্তরি॑ক্ষমজয়॒-ন্ততো॑ দে॒বা অভ॑ব॒- [দে॒বা অভ॑বন্ন্, পরা-ঽসু॑রা॒] 44

-ন্পরা-ঽসু॑রা॒ যস্য়ৈ॒তা উ॑পধী॒যন্তে॒ ভূয়া॑নে॒ব ভ॑বত্য়॒ভীমান্ ঁলো॒কান্ জ॑যতি॒ ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো ভবত্যফ্সু॒ষদ॑সি শ্য়েন॒সদ॒সীত্য়া॑হৈ॒তদ্বা অ॒গ্নে রূ॒পগ্​ম্ রূ॒পেণৈ॒বাগ্নিমব॑ রুন্ধে পৃথি॒ব্য়াস্ত্বা॒ দ্রবি॑ণে সাদয়া॒মী-ত্য়া॑হে॒মানে॒বৈতাভি॑-র্লো॒কা-ন্দ্রবি॑ণাবতঃ কুরুত আয়ু॒ষ্য়া॑ উপ॑ দধা॒ত্য়ায়ু॑রে॒বা- [উপ॑ দধা॒ত্য়ায়ু॑রে॒ব, অ॒স্মি॒-ন্দ॒ধা॒ত্যগ্নে॒] 45

-ঽস্মি॑-ন্দধা॒ত্যগ্নে॒ যত্তে॒ পর॒গ্​ম্॒ হৃন্নামেত্য়া॑হৈ॒তদ্বা অ॒গ্নেঃ প্রি॒য়-ন্ধাম॑ প্রি॒যমে॒বাস্য়॒ ধামোপা᳚-ঽঽপ্নোতি॒ তাবেহি॒ সগ্​ম্ র॑ভাবহা॒ ইত্য়া॑হ॒ ব্য়ে॑বৈনে॑ন॒ পরি॑ ধত্তে॒ পাঞ্চ॑জন্য়ে॒ষ্বপ্য়ে᳚দ্ধ্যগ্ন॒ ইত্য়া॑হৈ॒ষ বা অ॒গ্নিঃ পাঞ্চ॑জন্য়ো॒ যঃ পঞ্চ॑চিতীক॒-স্তস্মা॑দে॒বমা॑হর্ত॒ব্য়া॑ উপ॑ দধাত্য়ে॒তদ্বা ঋ॑তূ॒না-ম্প্রি॒য়-ন্ধাম॒ যদৃ॑ত॒ব্য়া॑ ঋতূ॒নামে॒ব প্রি॒য়-ন্ধামাব॑ রুন্ধে সু॒মেক॒ ইত্য়া॑হ সং​বঁথ্স॒রো বৈ সু॒মেক॑-স্সং​বঁথ্স॒রস্য়ৈ॒ব প্রি॒য়-ন্ধামোপা᳚-ঽঽপ্নোতি ॥ 46 ॥
(অভ॑ব॒ - ন্নায়ু॑রে॒ব - র্ত॒ব্য়া॑ উপ॒ - ষড্বিগ্​ম্॑শতিশ্চ) (অ. 11)

প্র॒জাপ॑তে॒রক্ষ্য়॑শ্বয়॒-ত্ত-ত্পরা॑-ঽপত॒-ত্তদশ্বো॑-ঽভব॒-দ্যদশ্ব॑য়॒-ত্তদশ্ব॑স্য়াশ্ব॒ত্ব-ন্তদ্দে॒বা অ॑শ্বমে॒ধেনৈ॒ব প্রত্য়॑দধুরে॒ষ বৈ প্র॒জাপ॑তি॒গ্​ম্॒ সর্ব॑-ঙ্করোতি॒ যো᳚-ঽশ্বমে॒ধেন॒ যজ॑তে॒ সর্ব॑ এ॒ব ভ॑বতি॒ সর্ব॑স্য়॒ বা এ॒ষা প্রায়॑শ্চিত্তি॒-স্সর্ব॑স্য় ভেষ॒জগ্​ম্ সর্বং॒-বাঁ এ॒তেন॑ পা॒প্মান॑-ন্দে॒বা অ॑তর॒ন্নপি॒ বা এ॒তেন॑ ব্রহ্মহ॒ত্য়া-ম॑তর॒ন্-থ্সর্ব॑-ম্পা॒প্মান॑- [-ম॑তর॒ন্-থ্সর্ব॑-ম্পা॒প্মান᳚ম্, ত॒র॒তি॒ তর॑তি] 47

-ন্তরতি॒ তর॑তি ব্রহ্মহ॒ত্য়াং-য়োঁ᳚-ঽশ্বমে॒ধেন॒ যজ॑তে॒ য উ॑ চৈনমে॒বং-বেঁদোত্ত॑রং॒-বৈঁ ত-ত্প্র॒জাপ॑তে॒রক্ষ্য়॑শ্বয়॒-ত্তস্মা॒দশ্ব॑স্য়োত্তর॒তো-ঽব॑ দ্যন্তি দক্ষিণ॒তো᳚-ঽন্য়েষা᳚-ম্পশূ॒নাং-বৈঁ॑ত॒সঃ কটো॑ ভবত্য়॒ফ্সুয়ো॑নি॒র্বা অশ্বো᳚-ঽফ্সু॒জো বে॑ত॒স-স্স্ব এ॒বৈনং॒-য়োঁনৌ॒ প্রতি॑ষ্ঠাপযতি চতুষ্টো॒ম-স্স্তোমো॑ ভবতি স॒রড্ঢ॒ বা অশ্ব॑স্য়॒ সক্থ্য়া-ঽবৃ॑হ॒-ত্ত-দ্দে॒বাশ্চ॑তুষ্টো॒মেনৈ॒ব প্রত্য়॑দধু॒র্যচ্চ॑তুষ্টো॒ম-স্স্তোমো॒ ভব॒ত্যশ্ব॑স্য় সর্ব॒ত্বায়॑ ॥ 48 ॥
(সর্ব॑ম পা॒প্মান॑ - মবৃহ॒-দ্- দ্বাদ॑শ চ) (অ. 12)

(উ॒থ্স॒ন্ন॒য়॒জ্ঞ - ইন্দ্রা᳚গ্নী - দে॒বা বা অ॑ক্ষ্ণয়াস্তো॒মীয়া॑ - অ॒গ্নের্ভা॒গো᳚ - ঽস্যগ্নে॑ জা॒তান্ - র॒শ্মিরিতি॑ - নাক॒সদ্ভিঃ॒ -ছন্দাগ্​ম্॑সি॒ - সর্বা᳚ভ্য়ো - বৃষ্টি॒সনী᳚ - র্দেবাসু॒রাঃ কনী॑য়াগ্​ম্সঃ - প্র॒জাপ॑তে॒রক্ষি॒ - দ্বাদ॑শ )

(উ॒থ্স॒ন্ন॒য়॒জ্ঞো - দে॒বা বৈ - যস্য়॒ মুখ্য়॑বতী - র্নাক॒সদ্ভি॑রে॒ - বৈ তাভি॑র॒ - ষ্টাচ॑ত্বারিগ্​ম্শত্)

(উ॒থ্স॒ন্ন॒য়॒জ্ঞ, স্স॑র্ব॒ত্বায়॑)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে তৃতীয়ঃ প্রশ্ন-স্সমাপ্তঃ ॥