কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থকাণ্ডে পঞ্চমঃ প্রশ্নঃ - হোমবিধিনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

নম॑স্তে রুদ্র ম॒ন্যব॑ উ॒তোত॒ ইষ॑বে॒ নমঃ॑ । নম॑স্তে অস্তু॒ ধন্ব॑নে বা॒হুভ্য়া॑মু॒ত তে॒ নমঃ॑ ॥ যা ত॒ ইষু॑-শ্শি॒বত॑মা শি॒ব-ম্ব॒ভূব॑ তে॒ ধনুঃ॑ । শি॒বা শ॑র॒ব্য়া॑ যা তব॒ তয়া॑ নো রুদ্র মৃডয় ॥ যা তে॑ রুদ্র শি॒বা ত॒নূরঘো॒রা ঽপা॑পকাশিনী । তয়া॑ নস্ত॒নুবা॒ শন্ত॑ময়া॒ গিরি॑শন্তা॒ভি চা॑কশীহি ॥ যামিষু॑-ঙ্গিরিশন্ত॒ হস্তে॒ [হস্তে᳚, বিভ॒র্​ষ্যস্ত॑বে ।] 1

বিভ॒র্​ষ্যস্ত॑বে । শি॒বা-ঙ্গি॑রিত্র॒ তা-ঙ্কু॑রু॒ মা হিগ্​ম্॑সীঃ॒ পুরু॑ষ॒-ঞ্জগ॑ত্ ॥ শি॒বেন॒ বচ॑সা ত্বা॒ গিরি॒শাচ্ছা॑ বদামসি । যথা॑ ন॒-স্সর্ব॒মি-জ্জগ॑দয়॒ক্ষ্মগ্​ম্ সু॒মনা॒ অস॑ত্ ॥ অদ্ধ্য়॑বোচদধিব॒ক্তা প্র॑থ॒মো দৈব্য়ো॑ ভি॒ষক্ । অহীগ্॑শ্চ॒ সর্বা᳚ন্ জ॒ভং​য়ঁ॒ন্-থ্সর্বা᳚শ্চ যাতু ধা॒ন্য়ঃ॑ ॥ অ॒সৌ যস্তা॒ম্রো অ॑রু॒ণ উ॒ত ব॒ভ্রু-স্সু॑ম॒ঙ্গলঃ॑ । যে চে॒মাগ্​ম্ রু॒দ্রা অ॒ভিতো॑ দি॒ক্ষু [ ] 2

শ্রি॒তা-স্স॑হস্র॒শো ঽবৈ॑ষা॒গ্​ম্॒ হেড॑ ঈমহে ॥ অ॒সৌ যো॑ ঽব॒সর্প॑তি॒ নীল॑গ্রীবো॒ বিলো॑হিতঃ । উ॒তৈন॑-ঙ্গো॒পা অ॑দৃশ॒-ন্নদৃ॑শ-ন্নুদহা॒র্য়ঃ॑ । উ॒তৈনং॒-বিঁশ্বা॑ ভূ॒তানি॒ স দৃ॒ষ্টো মৃ॑ডয়াতি নঃ ॥ নমো॑ অস্তু॒ নীল॑গ্রীবায় সহস্রা॒ক্ষায়॑ মী॒ঢুষে᳚ । অথো॒ যে অ॑স্য়॒ সত্বা॑নো॒-ঽহ-ন্তেভ্য়ো॑ ঽকর॒ন্নমঃ॑ ॥ প্রমু॑ঞ্চ॒ ধন্ব॑ন॒স্ত্ব মু॒ভয়ো॒-রার্ত্নি॑য়ো॒র্জ্য়াম্ । যাশ্চ॑ তে॒ হস্ত॒ ইষ॑বঃ॒ [ইষ॑বঃ, পরা॒ তা ভ॑গবো বপ ।] 3

পরা॒ তা ভ॑গবো বপ ॥ অ॒ব॒তত্য়॒ ধনু॒স্ত্বগ্​ম্ সহ॑স্রাক্ষ॒ শতে॑ষুধে । নি॒শীর্য়॑ শ॒ল্য়ানা॒-ম্মুখা॑ শি॒বো ন॑-স্সু॒মনা॑ ভব ॥ বিজ্য়॒-ন্ধনুঃ॑ কপ॒র্দিনো॒ বিশ॑ল্য়ো॒ বাণ॑বাগ্​ম্ উ॒ত । অনে॑শন্ন॒স্য়েষ॑ব আ॒ভুর॑স্য় নিষ॒ঙ্গথিঃ॑ ॥ যা তে॑ হে॒তি-র্মী॑ঢুষ্টম॒ হস্তে॑ ব॒ভূব॑ তে॒ ধনুঃ॑ । তয়া॒-ঽস্মান্. বি॒শ্বত॒ স্ত্বম॑য়॒ক্ষ্ময়া॒ পরি॑ব্ভুজ ॥ নম॑স্তে অ॒স্ত্বায়ু॑ধা॒য়া-না॑ততায় ধৃ॒ষ্ণবে᳚ । উ॒ভাভ্য়া॑ মু॒ত তে॒ নমো॑ বা॒হুভ্য়া॒-ন্তব॒ ধন্ব॑নে ॥ পরি॑ তে॒ ধন্ব॑নো হে॒তির॒স্মান্-বৃ॑ণক্তু বি॒শ্বতঃ॑ । অথো॒ য ই॑ষু॒ধিস্তবা॒রে অ॒স্ম-ন্নিধে॑হি॒ তম্ ॥ 4 ॥
(হস্তে॑ - দি॒ক্ষ্বি - ষ॑ব - উ॒ভাভ্য়াং॒ - দ্বাবিগ্​ম্॑শতিশ্চ) (অ. 1)

নমো॒ হির॑ণ্য় বাহবে সেনা॒ন্য়ে॑ দি॒শাঞ্চ॒ পত॑য়ে॒ নমো॒ নমো॑ বৃ॒ক্ষেভ্য়ো॒ হরি॑কেশেভ্য়ঃ পশূ॒না-ম্পত॑য়ে॒ নমো॒ নম॑-স্স॒স্পিঞ্জ॑রায়॒ ত্বিষী॑মতে পথী॒না-ম্পত॑য়ে॒ নমো॒ নমো॑ বভ্লু॒শায়॑ বিব্য়া॒ধিনে-ঽন্না॑না॒-ম্পত॑য়ে॒ নমো॒ নমো॒ হরি॑কেশায়ো-পবী॒তিনে॑ পু॒ষ্টানা॒-ম্পত॑য়ে॒ নমো॒ নমো॑ ভ॒বস্য়॑ হে॒ত্য়ৈ জগ॑তা॒-ম্পত॑য়ে॒ নমো॒ নমো॑ রু॒দ্রায়া॑-ততা॒বিনে॒ ক্ষেত্রা॑ণা॒-ম্পত॑য়ে॒ নমো॒ নম॑-স্সূ॒তায়া-হ॑ন্ত্য়ায়॒ বনা॑না॒-ম্পত॑য়ে॒ নমো॒ নমো॒ [নমঃ॑, রোহি॑তায়] 5

রোহি॑তায় স্থ॒পত॑য়ে বৃ॒ক্ষাণা॒-ম্পত॑য়ে॒ নমো॒ নমো॑ ম॒ন্ত্রিণে॑ বাণি॒জায়॒ কক্ষা॑ণা॒-ম্পত॑য়ে॒ নমো॒ নমো॑ ভুব॒ন্তয়ে॑ বারিবস্কৃ॒তা-য়ৌষ॑ধীনা॒-ম্পত॑য়ে॒ নমো॒ নম॑ উ॒চ্চৈ-র্ঘো॑ষায়া ক্র॒ন্দয়॑তে পত্তী॒না-ম্পত॑য়ে॒ নমো॒ নমঃ॑ কৃথ্স্নবী॒তায়॒ ধাব॑তে॒ সত্ত্ব॑না॒-ম্পত॑য়ে॒ নমঃ॑ ॥ 6 ॥
(বনা॑না॒-ম্পত॑য়ে॒ নমো॒ নম॒ - একা॒ন্নত্রি॒গ্​ম্॒শচ্চ॑ ) (অ. 2)

নম॒-স্সহ॑মানায় নিব্য়া॒ধিন॑ আব্য়া॒ধিনী॑না॒-ম্পত॑য়ে॒ নমো॒ নমঃ॑ ককু॒ভায়॑ নিষ॒ঙ্গিণে᳚ স্তে॒নানা॒-ম্পত॑য়ে॒ নমো॒ নমো॑ নিষ॒ঙ্গিণ॑ ইষুধি॒মতে॒ তস্ক॑রাণা॒-ম্পত॑য়ে॒ নমো॒ নমো॒ বঞ্চ॑তে পরি॒বঞ্চ॑তে স্তায়ূ॒না-ম্পত॑য়ে॒ নমো॒ নমো॑ নিচে॒রবে॑ পরিচ॒রায়ার॑ণ্য়ানা॒-ম্পত॑য়ে॒ নমো॒ নম॑-স্সৃকা॒বিভ্য়ো॒ জিঘাগ্​ম্॑সদ্ভ্য়ো মুষ্ণ॒তা-ম্পত॑য়ে॒ নমো॒ নমো॑ ঽসি॒মদ্ভ্য়ো॒ নক্ত॒-ঞ্চর॑দ্ভ্য়ঃ প্রকৃ॒ন্তানা॒-ম্পত॑য়ে॒ নমো॒ নম॑ উষ্ণী॒ষিণে॑ গিরিচ॒রায়॑ কুলু॒ঞ্চানা॒-ম্পত॑য়ে॒ নমো॒ নম॒ [নমঃ॑, ইষু॑মদ্ভ্য়ো] 7

ইষু॑মদ্ভ্য়ো ধন্বা॒বিভ্য়॑শ্চ বো॒ নমো॒ নম॑ আতন্বা॒নেভ্য়ঃ॑ প্রতি॒দধা॑নেভ্যশ্চ বো॒ নমো॒ নম॑ আ॒যচ্ছ॑দ্ভ্য়ো বিসৃ॒জদ্ভ্য়॑শ্চ বো॒ নমো॒ নমো-ঽস্য়॑দ্ভ্য়ো॒ বিদ্ধ্য়॑দ্ভ্যশ্চ বো॒ নমো॒ নম॒ আসী॑নেভ্য়॒-শ্শয়া॑নেভ্যশ্চ বো॒ নমো॒ নম॑-স্স্ব॒পদ্ভ্য়ো॒ জাগ্র॑দ্ভ্যশ্চ বো॒ নমো॒ নম॒স্তিষ্ঠ॑দ্ভ্য়ো॒ ধাব॑দ্ভ্যশ্চ বো॒ নমো॒ নম॑-স্স॒ভাভ্য়॑-স্স॒ভাপ॑তিভ্যশ্চ বো॒ নমো॒ নমো॒ অশ্বে॒ভ্য়ো ঽশ্ব॑পতিভ্য় শ্চ বো॒ নমঃ॑ ॥ 8 ॥
(কু॒লু॒ঞ্চানা॒-ম্পত॑য়ে॒ নমো॒ নমো - ঽশ্ব॑পতিভ্য়॒ - স্ত্রীণি॑ চ) (অ. 3)

নম॑ আব্য়া॒ধিনী᳚ভ্য়ো বি॒বিদ্ধ্য়॑ন্তীভ্যশ্চ বো॒ নমো॒ নম॒ উগ॑ণাভ্য়-স্তৃগ্​ম্হ॒তীভ্য়॑শ্চ বো॒ নমো॒ নমো॑ গৃ॒থ্সেভ্য়ো॑ গৃ॒থ্সপ॑তিভ্যশ্চ বো॒ নমো॒ নমো॒ ব্রাতে᳚ভ্য়ো॒ ব্রাত॑পতিভ্যশ্চ বো॒ নমো॒ নমো॑ গ॒ণেভ্য়ো॑ গ॒ণপ॑তিভ্যশ্চ বো॒ নমো॒ নমো॒ বিরূ॑পেভ্য়ো বি॒শ্বরূ॑পেভ্যশ্চ বো॒ নমো॒ নমো॑ ম॒হদ্ভ্য়ঃ॑, ক্ষুল্ল॒কেভ্য়॑শ্চ বো॒ নমো॒ নমো॑ র॒থিভ্য়ো॑-ঽর॒থেভ্য়॑শ্চ বো॒ নমো॒ নমো॒ রথে᳚ভ্য়ো॒ [নমো॒ রথে᳚ভ্য়ঃ, রথ॑পতিভ্যশ্চ] 9

রথ॑পতিভ্যশ্চ বো॒ নমো॒ নম॒-স্সেনা᳚ভ্য়-স্সেনা॒নিভ্য়॑শ্চ বো॒ নমো॒ নমঃ॑, ক্ষ॒ত্তৃভ্য়॑-স্সঙ্গ্রহী॒তৃভ্য়॑শ্চ বো॒ নমো॒ নম॒স্তক্ষ॑ভ্য়ো রথকা॒রেভ্য়॑শ্চ বো॒ নমো॒ নমঃ॒ কুলা॑লেভ্য়ঃ ক॒র্মারে᳚ভ্যশ্চ বো॒ নমো॒ নমঃ॑ পু॒ঞ্জিষ্টে᳚ভ্য়ো নিষা॒দেভ্য়॑শ্চ বো॒ নমো॒ নম॑ ইষু॒কৃদ্ভ্য়ো॑ ধন্ব॒কৃদ্ভ্য়॑শ্চ বো॒ নমো॒ নমো॑ মৃগ॒য়ুভ্য়॑-শ্শ্ব॒নিভ্য়॑শ্চ বো॒ নমো॒ নম॒-শ্শ্বভ্য়॒-শ্শ্বপ॑তিভ্যশ্চ বো॒ নমঃ॑ ॥ 10 ॥
(রথে᳚ভ্য়ঃ॒ - শ্বপ॑তিভ্যশ্চ॒ - দ্বে চ॑ ) (অ. 4)

নমো॑ ভ॒বায়॑ চ রু॒দ্রায়॑ চ॒ নম॑-শ্শ॒র্বায়॑ চ পশু॒পত॑য়ে চ॒ নমো॒ নীল॑গ্রীবায় চ শিতি॒কণ্ঠা॑য় চ॒ নমঃ॑ কপ॒র্দিনে॑ চ॒ ব্য়ু॑প্তকেশায় চ॒ নম॑-স্সহস্রা॒ক্ষায়॑ চ শ॒তধ॑ন্বনে চ॒ নমো॑ গিরি॒শায়॑ চ শিপিবি॒ষ্টায়॑ চ॒ নমো॑ মী॒ঢুষ্ট॑মায়॒ চেষু॑মতে চ॒ নমো᳚ হ্র॒স্বায়॑ চ বাম॒নায়॑ চ॒ নমো॑ বৃহ॒তে চ॒ বর্​ষী॑যসে চ॒ নমো॑ বৃ॒দ্ধায়॑ চ সং॒​বৃঁদ্ধ্ব॑নে চ॒ [সং॒​বৃঁদ্ধ্ব॑নে চ, নমো॒ অগ্রি॑য়ায় চ] 11

নমো॒ অগ্রি॑য়ায় চ প্রথ॒মায়॑ চ॒ নম॑ আ॒শবে॑ চাজি॒রায়॑ চ॒ নমQস্শীঘ্রি॑য়ায় চ॒ শীভ্য়া॑য় চ॒ নম॑ ঊ॒র্ম্য়া॑য় চাবস্ব॒ন্য়া॑য় চ॒ নম॑-স্স্রোত॒স্য়া॑য় চ॒ দ্বীপ্য়া॑য় চ ॥ 12 ॥
(সং॒​বৃঁদ্ধ্ব॑নে চ॒ - পঞ্চ॑বিগ্​ম্শতিশ্চ) (অ. 5)

নমো᳚ জ্য়ে॒ষ্ঠায়॑ চ কনি॒ষ্ঠায়॑ চ॒ নমঃ॑ পূর্ব॒জায়॑ চাপর॒জায়॑ চ॒ নমো॑ মদ্ধ্য়॒মায়॑ চাপগ॒ল্ভায়॑ চ॒ নমো॑ জঘ॒ন্য়া॑য় চ॒ বুদ্ধ্নি॑য়ায় চ॒ নম॑-স্সো॒ভ্য়া॑য় চ প্রতিস॒র্য়া॑য় চ॒ নমো॒ যাম্য়া॑য় চ॒ ক্ষেম্য়া॑য় চ॒ নম॑ উর্ব॒র্য়া॑য় চ॒ খল্য়া॑য় চ॒ নম॒-শ্শ্লোক্য়া॑য় চাবসা॒ন্য়া॑য় চ॒ নমো॒ বন্য়া॑য় চ॒ কক্ষ্য়া॑য় চ॒ নম॑-শ্শ্র॒বায়॑ চ প্রতিশ্র॒বায়॑ চ॒ [প্রতিশ্র॒বায়॑ চ, নম॑ আ॒শুষে॑ণায়] 13

নম॑ আ॒শুষে॑ণায় চা॒শুর॑থায় চ॒ নম॒-শ্শূরা॑য় চাবভিন্দ॒তে চ॒ নমো॑ ব॒র্মিণে॑ চ বরূ॒থিনে॑ চ॒ নমো॑ বি॒ল্মিনে॑ চ কব॒চিনে॑ চ॒ নম॑-শ্শ্রু॒তায়॑ চ শ্রুতসে॒নায়॑ চ ॥ 14 ॥
(প্র॒তি॒শ্র॒বায়॑ চ॒ - পঞ্চ॑বিগ্​ম্শতিশ্চ) (অ. 6)

নমো॑ দুন্দু॒ভ্য়া॑য় চাহন॒ন্য়া॑য় চ॒ নমো॑ ধৃ॒ষ্ণবে॑ চ প্রমৃ॒শায়॑ চ॒ নমো॑ দূ॒তায়॑ চ॒ প্রহি॑তায় চ॒ নমো॑ নিষ॒ঙ্গিণে॑ চেষুধি॒মতে॑ চ॒ নম॑ স্তী॒ক্ষ্ণেষ॑বে চায়ু॒ধিনে॑ চ॒ নম॑-স্স্বায়ু॒ধায়॑ চ সু॒ধন্ব॑নে চ॒ নম॒-স্স্রুত্য়া॑য় চ॒ পথ্য়া॑য় চ॒ নমঃ॑ কা॒ট্য়া॑য় চ নী॒প্য়া॑য় চ॒ নম॒-স্সূদ্য়া॑য় চ সর॒স্য়া॑য় চ॒ নমো॑ না॒দ্য়ায়॑ চ বৈশ॒ন্তায়॑ চ॒ [বৈশ॒ন্তায়॑ চ, নমঃ॒ কূপ্য়া॑য়] 15

নমঃ॒ কূপ্য়া॑য় চাব॒ট্য়া॑য় চ॒ নমো॒ বর্​ষ্য়া॑য় চাব॒র্​ষ্য়ায়॑ চ॒ নমো॑ মে॒ঘ্য়া॑য় চ বিদ্য়ু॒ত্য়া॑য় চ॒ নম॑ ঈ॒দ্ধ্রিয়া॑য় চাত॒প্য়া॑য় চ॒ নমো॒ বাত্য়া॑য় চ॒ রেষ্মি॑য়ায় চ॒ নমো॑ বাস্ত॒ব্য়া॑য় চ বাস্তু॒পায়॑ চ ॥ 16 ॥
(বৈ॒শ॒ন্তায়॑ চ - ত্রি॒গ্​ম্॒শচ্চ॑) (অ. 7)

নম॒-স্সোমা॑য় চ রু॒দ্রায়॑ চ॒ নম॑স্তা॒ম্রায়॑ চারু॒ণায়॑ চ॒ নম॑-শ্শ॒ঙ্গায়॑ চ পশু॒পত॑য়ে চ॒ নম॑ উ॒গ্রায়॑ চ ভী॒মায়॑ চ॒ নমো॑ অগ্রেব॒ধায়॑ চ দূরেব॒ধায়॑ চ॒ নমো॑ হ॒ন্ত্রে চ॒ হনী॑যসে চ॒ নমো॑ বৃ॒ক্ষেভ্য়ো॒ হরি॑কেশেভ্য়ো॒ নম॑স্তা॒রায়॒ নম॑-শ্শ॒ম্ভবে॑ চ ময়ো॒ভবে॑ চ॒ নম॑-শ্শঙ্ক॒রায়॑ চ মযস্ক॒রায়॑ চ॒ নম॑-শ্শি॒বায়॑ চ শি॒বত॑রায় চ॒ [শি॒বত॑রায় চ, নম॒স্তীর্থ্য়া॑য় চ॒] 17

নম॒স্তীর্থ্য়া॑য় চ॒ কূল্য়া॑য় চ॒ নমঃ॑ পা॒র্য়া॑য় চাবা॒র্য়া॑য় চ॒ নমঃ॑ প্র॒তর॑ণায় চো॒ত্তর॑ণায় চ॒ নম॑ আতা॒র্য়া॑য় চালা॒দ্য়া॑য় চ॒ নম॒-শ্শষ্প্য়া॑য় চ॒ ফেন্য়া॑য় চ॒ নম॑-স্সিক॒ত্য়া॑য় চ প্রবা॒হ্য়া॑য় চ ॥ 18 ॥
(শি॒বত॑রায় চ - ত্রি॒গ্​ম্॒শচ্চ॑) (অ. 8)

নম॑ ইরি॒ণ্য়া॑য় চ প্রপ॒থ্য়া॑য় চ॒ নমঃ॑ কিগ্​ম্শি॒লায়॑ চ॒ ক্ষয়॑ণায় চ॒ নমঃ॑ কপ॒র্দিনে॑ চ পুল॒স্তয়ে॑ চ॒ নমো॒ গোষ্ঠ্য়া॑য় চ॒ গৃহ্য়া॑য় চ॒ নম॒স্তল্প্য়া॑য় চ॒ গেহ্য়া॑য় চ॒ নমঃ॑ কা॒ট্য়া॑য় চ গহ্বরে॒ষ্ঠায়॑ চ॒ নমো᳚ হ্রদ॒য়্য়া॑য় চ নিবে॒ষ্প্য়া॑য় চ॒ নমঃ॑ পাগ্​ম্স॒ব্য়া॑য় চ রজ॒স্য়া॑য় চ॒ নম॒-শ্শুষ্ক্য়া॑য় চ হরি॒ত্য়া॑য় চ॒ নমো॒ লোপ্য়া॑য় চোল॒প্য়া॑য় চ॒ [চোল॒প্য়া॑য় চ, নম॑ ঊ॒র্ব্য়া॑য় চ] 19

নম॑ ঊ॒র্ব্য়া॑য় চ সূ॒র্ম্য়া॑য় চ॒ নমঃ॑ প॒র্ণ্য়া॑য় চ পর্ণশ॒দ্য়া॑য় চ॒ নমো॑-ঽপগু॒রমা॑ণায় চাভিঘ্ন॒তে চ॒ নম॑ আক্খিদ॒তে চ॑ প্রক্খিদ॒তে চ॒ নমো॑ বঃ কিরি॒কেভ্য়ো॑ দে॒বানা॒গ্​ম্॒ হৃদ॑য়েভ্য়ো॒ নমো॑ বিক্ষীণ॒কেভ্য়ো॒ নমো॑ বিচিন্ব॒ত্কেভ্য়ো॒ নম॑ আনির্-হ॒তেভ্য়ো॒ নম॑ আমীব॒ত্কেভ্য়ঃ॑ ॥ 20 ॥
(উ॒ল॒প্য়া॑য় চ॒ - ত্রয়॑স্ত্রিগ্​ম্শচ্চ॑) (অ. 9)

দ্রাপে॒ অন্ধ॑সস্পতে॒ দরি॑দ্র॒ন্নীল॑লোহিত । এ॒ষা-ম্পুরু॑ষাণামে॒ষা-ম্প॑শূ॒না-ম্মা ভে র্মা-ঽরো॒ মো এ॑ষা॒-ঙ্কিঞ্চ॒নাম॑মত্ ॥ যা তে॑ রুদ্র শি॒বা ত॒নূ-শ্শি॒বা বি॒শ্বাহ॑ভেষজী । শি॒বা রু॒দ্রস্য়॑ ভেষ॒জী তয়া॑ নো মৃড জী॒বসে᳚ ॥ ই॒মাগ্​ম্ রু॒দ্রায়॑ ত॒বসে॑ কপ॒র্দিনে᳚ ক্ষ॒যদ্বী॑রায়॒ প্রভ॑রামহে ম॒তিম্ । যথা॑ ন॒-শ্শমস॑-দ্দ্বি॒পদে॒ চতু॑ষ্পদে॒ বিশ্ব॑-ম্পু॒ষ্ট-ঙ্গ্রামে॑ অ॒স্মি- [অ॒স্মিন্ন্, অনা॑তুরম্ ।] 21

-ন্ননা॑তুরম্ ॥ মৃ॒ডা নো॑ রুদ্রো॒ তনো॒ ময়॑স্কৃধি ক্ষ॒যদ্বী॑রায়॒ নম॑সা বিধেম তে । যচ্ছ-ঞ্চ॒ যোশ্চ॒ মনু॑রায়॒জে পি॒তা তদ॑শ্য়াম॒ তব॑ রুদ্র॒ প্রণী॑তৌ ॥ মা নো॑ ম॒হান্ত॑মু॒ত মা নো॑ অর্ভ॒ক-ম্মা ন॒ উক্ষ॑ন্তমু॒ত মা ন॑ উক্ষি॒তম্ । মা নো॑ বধীঃ পি॒তর॒-ম্মোত মা॒তর॑-ম্প্রি॒য়া মা ন॑স্ত॒নুবো॑ [মা ন॑স্ত॒নুবঃ॑, রু॒দ্র॒ রী॒রি॒ষঃ॒ ।] 22

রুদ্র রীরিষঃ ॥ মা ন॑স্তো॒কে তন॑য়ে॒ মা ন॒ আয়ু॑ষি॒ মা নো॒ গোষু॒ মা নো॒ অশ্বে॑ষু রীরিষঃ । বী॒রা-ন্মানো॑ রুদ্র ভামি॒তো ব॑ধীর্-হ॒বিষ্ম॑ন্তো॒ নম॑সা বিধেম তে ॥ আ॒রাত্তে॑ গো॒ঘ্ন উ॒ত পূ॑রুষ॒ঘ্নে ক্ষ॒যদ্বী॑রায় সু॒ম্নম॒স্মে তে॑ অস্তু । রক্ষা॑ চ নো॒ অধি॑ চ দেব ব্রূ॒হ্যধা॑ চ ন॒-শ্শর্ম॑ যচ্ছ দ্বি॒বর্​হাঃ᳚ ॥ স্তু॒হি [ ] 23

শ্রু॒ত-ঙ্গ॑র্ত॒সদং॒-য়ুঁবা॑ন-ম্মৃ॒গ-ন্ন ভী॒ম-মু॑পহ॒ত্নু-মু॒গ্রম্ । মৃ॒ডা জ॑রি॒ত্রে রু॑দ্র॒ স্তবা॑নো অ॒ন্যন্তে॑ অ॒স্মন্নিব॑পন্তু॒ সেনাঃ᳚ ॥ পরি॑ণো রু॒দ্রস্য়॑ হে॒তি র্বৃ॑ণক্তু॒ পরি॑ত্বে॒ষস্য়॑ দুর্ম॒তির॑ঘা॒য়োঃ । অব॑ স্থি॒রা ম॒ঘব॑দ্ভ্য়-স্তনুষ্ব॒ মীঢ্ব॑স্তো॒কায়॒ তন॑য়ায় মৃডয় ॥ মীঢু॑ষ্টম॒ শিব॑তম শি॒বো ন॑-স্সু॒মনা॑ ভব । প॒র॒মে বৃ॒ক্ষ আয়ু॑ধ-ন্নি॒ধায়॒ কৃত্তিং॒-বঁসা॑ন॒ আচ॑র॒ পিনা॑ক॒- [আচ॑র॒ পিনা॑কম্, বিভ্র॒দাগ॑হি ।] 24

-ম্বিভ্র॒দাগ॑হি ॥ বিকি॑রিদ॒ বিলো॑হিত॒ নম॑স্তে অস্তু ভগবঃ । যাস্তে॑ স॒হস্রগ্​ম্॑ হে॒তয়ো॒-ঽন্য়-ম॒স্মন্নি ব॑পন্তু॒ তাঃ ॥ স॒হস্রা॑ণি সহস্র॒ধা বা॑হু॒বোস্তব॑ হে॒তয়ঃ॑ । তাসা॒মীশা॑নো ভগবঃ পরা॒চীনা॒ মুখা॑ কৃধি ॥ 25 ॥
(অ॒স্মিগ্গ্​-স্ত॒নুবঃ॑-স্তু॒হি-পিনা॑ক॒-মেকা॒ন্নত্রি॒গ্​ম্॒শচ্চ॑) (অ. 10)

স॒হস্রা॑ণি সহস্র॒শো যে রু॒দ্রা অধি॒ ভূম্য়া᳚ম্ । তেষাগ্​ম্॑ সহস্রয়োজ॒নে ঽব॒ধন্বা॑নি তন্মসি ॥ অ॒স্মি-ন্ম॑হ॒ত্য়॑র্ণ॒বে᳚-ঽন্তরি॑ক্ষে ভ॒বা অধি॑ ॥ নীল॑গ্রীবা-শ্শিতি॒কণ্ঠা᳚-শ্শ॒র্বা অ॒ধঃ, ক্ষ॑মাচ॒রাঃ ॥ নীল॑গ্রীবা-শ্শিতি॒কণ্ঠা॒ দিবগ্​ম্॑ রু॒দ্রা উপ॑শ্রিতাঃ ॥ যে বৃ॒ক্ষেষু॑ স॒স্পিঞ্জ॑রা॒ নীল॑গ্রীবা॒ বিলো॑হিতাঃ ॥ যে ভূ॒তানা॒-মধি॑পতয়ো বিশি॒খাসঃ॑ কপ॒র্দি॑নঃ ॥ যে অন্নে॑ষু বি॒বিদ্ধ্য়॑ন্তি॒ পাত্রে॑ষু॒ পিব॑তো॒ জনান্॑ ॥ যে প॒থা-ম্প॑থি॒রক্ষ॑য় ঐলবৃ॒দা য॒ব্য়ুধঃ॑ ॥ যে তী॒র্থানি॑ - [ ] 26

প্র॒চর॑ন্তি সৃ॒কাব॑ন্তো নিষ॒ঙ্গিণঃ॑ ॥ য এ॒তাব॑ন্তশ্চ॒ ভূয়াগ্​ম্॑সশ্চ॒ দিশো॑ রু॒দ্রা বি॑তস্থি॒রে ॥ তেষাগ্​ম্॑ সহস্রয়োজ॒নে ঽব॒ধন্বা॑নি তন্মসি ॥ নমো॑ রু॒দ্রেভ্য়ো॒ যে পৃ॑থি॒ব্য়াং-য়েঁ᳚-ঽন্তরি॑ক্ষে॒ যে দি॒বি যেষা॒মন্নং॒ ঁবাতো॑ ব॒র্॒ষমিষ॑ব॒স্তেভ্য়ো॒ দশ॒ প্রাচী॒ র্দশ॑দক্ষি॒ণা দশ॑প্র॒তীচী॒ র্দশোদী॑চী॒ র্দশো॒র্ধ্বা-স্তেভ্য়ো॒ নম॒স্তে নো॑ মৃডযন্তু॒ তে য-ন্দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জম্ভে॑ দধামি ॥ 27 ॥
(তী॒র্থানি॒ - যশ্চ॒ - ষট্ চ॑ ) (অ. 11)

(নম॑স্তে রুদ্র॒ - নমো॒ হির॑ণ্যবাহবে॒ - নম॒-স্সহ॑মানায়॒ - নম॑ আব্য়া॒ধিনী᳚ভ্য়ো॒ - নমো॑ ভ॒বায়॒ - নমো᳚ জ্য়ে॒ষ্ঠায়॒ - নমো॑ দুন্দু॒ভ্য়া॑য়॒ - নম॒-স্সোমা॑য়॒ - নম॑ ইরি॒ণ্য়া॑য়॒ - দ্রাপ॑ - স॒হস্রা॒ - ণ্য়েকা॑দশ)

(নম॑স্তে রুদ্র॒ - নমো॑ ভ॒বায়॒ - দ্রাপে॑ - স॒প্তবিগ্​ম্॑শতিঃ)

(নম॑স্তে রুদ্র॒, তং-বোঁ॒ জম্ভে॑ দধামি)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থ কাণ্ডে পঞ্চমঃ প্রশ্ন-স্সমাপ্তঃ ॥