কৃষ্ণ যজুর্বেদীয় তৈত্তিরীয় সংহিতায়াং সপ্তমকাণ্ডে প্রথমঃ প্রশ্নঃ- অশ্বমেধগতমন্ত্রাণামভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

প্র॒জন॑ন॒-ঞ্জ্য়োতি॑র॒গ্নি-র্দে॒বতা॑না॒-ঞ্জ্য়োতি॑র্বি॒রাট্ ছন্দ॑সা॒-ঞ্জ্য়োতি॑র্বি॒রা-ড্বা॒চো᳚-ঽগ্নৌ স-ন্তি॑ষ্ঠতে বি॒রাজ॑ম॒ভি সম্প॑দ্যতে॒ তস্মা॒-ত্তজ্জ্য়োতি॑রুচ্যতে॒ দ্বৌ স্তোমৌ᳚ প্রাতস্সব॒নং-বঁ॑হতো॒ যথা᳚ প্রা॒ণশ্চা॑-ঽপা॒নশ্চ॒ দ্বৌ মাদ্ধ্য়॑দিন্ন॒গ্​ম্॒ সব॑নং॒-য়ঁথা॒ চক্ষু॑শ্চ॒ শ্রোত্র॑-ঞ্চ॒ দ্বৌ তৃ॑তীযসব॒নং-য়ঁথা॒ বাক্চ॑ প্রতি॒ষ্ঠা চ॒ পুরু॑ষসম্মিতো॒ বা এ॒ষ য॒জ্ঞো-ঽস্থূ॑রি॒- [য়॒জ্ঞো-ঽস্থূ॑রিঃ, য-ঙ্কাম॑-ঙ্কা॒ময়॑তে॒] 1

-র্য়-ঙ্কাম॑-ঙ্কা॒ময়॑তে॒ তমে॒তেনা॒ভ্য়॑শ্ঞুতে॒ সর্ব॒গ্গ্॒ হ্যস্থূ॑রিণা-ঽভ্যশ্ঞু॒তে᳚ ঽগ্নিষ্টো॒মেন॒ বৈ প্র॒জাপ॑তিঃ প্র॒জা অ॑সৃজত॒ তা অ॑গ্নিষ্টো॒মেনৈ॒ব পর্য়॑গৃহ্ণা॒-ত্তাসা॒-ম্পরি॑গৃহীতানা-মশ্বত॒রো-ঽত্য়॑প্রবত॒ তস্য়া॑নু॒হায়॒রেত॒ আ-ঽদ॑ত্ত॒ ত-দ্গ॑র্দ॒ভে ন্য়॑মা॒র্-ট্তস্মা᳚-দ্গর্দ॒ভো দ্বি॒রেতা॒ অথো॑ আহু॒র্বড॑বায়া॒-ন্ন্য়॑মা॒র্ডিতি॒ তস্মা॒-দ্বড॑বা দ্বি॒রেতা॒ অথো॑ আহু॒-রোষ॑ধীষু॒- [আহু॒-রোষ॑ধীষু, ন্য়॑মা॒র্ডিতি॒] 2

-ন্য়॑মা॒র্ডিতি॒ তস্মা॒দোষ॑ধ॒য়ো ঽন॑ভ্যক্তা রেভ॒ন্ত্যথো॑ আহুঃ প্র॒জাসু॒ ন্য়॑মা॒র্ডিতি॒ তস্মা᳚-দ্য়॒মৌ জা॑য়েতে॒ তস্মা॑দশ্বত॒রো ন প্র জা॑যত॒ আত্ত॑রেতা॒ হি তস্মা᳚-দ্ব॒র্॒হিষ্যন॑বকৢপ্ত-স্সর্ববেদ॒সে বা॑ স॒হস্রে॒ বা-ঽব॑ কৢ॒প্তো-ঽতি॒ হ্যপ্র॑বত॒ য এ॒বং-বিঁ॒দ্বান॑গ্নিষ্টো॒মেন॒ যজ॑তে॒ প্রাজা॑তাঃ প্র॒জা জ॒নয়॑তি॒ পরি॒ প্রজা॑তা গৃহ্ণাতি॒ তস্মা॑দাহুর্জ্য়েষ্ঠয়॒জ্ঞ ইতি॑ [ ] 3

প্র॒জাপ॑তি॒র্বাব জ্য়েষ্ঠ॒-স্স হ্য়ে॑তেনাগ্রে-ঽয়॑জত প্র॒জাপ॑তিরকামযত॒ প্র জা॑য়ে॒য়েতি॒ স মু॑খ॒তস্ত্রি॒বৃত॒-ন্নির॑মিমীত॒ তম॒গ্নির্দে॒বতা ঽন্ব॑সৃজ্যত গায়॒ত্রী ছন্দো॑ রথন্ত॒রগ্​ম্ সাম॑ ব্রাহ্ম॒ণো ম॑নু॒ষ্য়া॑ণাম॒জঃ প॑শূ॒না-ন্তস্মা॒-ত্তে মুখ্য়া॑ মুখ॒তো হ্যসৃ॑জ্য়॒ন্তোর॑সো বা॒হুভ্য়া᳚-ম্পঞ্চদ॒শ-ন্নির॑মিমীত॒ তমিন্দ্রো॑ দে॒বতা ঽন্ব॑সৃজ্যত ত্রি॒ষ্টু-প্ছন্দো॑ বৃ॒হ- [বৃ॒হত্, সাম॑ রাজ॒ন্য়ো॑] 4

-থ্সাম॑ রাজ॒ন্য়ো॑ মনু॒ষ্য়া॑ণা॒মবিঃ॑ পশূ॒না-ন্তস্মা॒-ত্তে বী॒র্য়া॑বন্তো বী॒র্য়া᳚দ্ধ্যসৃ॑জ্যন্ত মদ্ধ্য়॒ত-স্স॑প্তদ॒শ-ন্নির॑মিমীত॒ তং-বিঁশ্বে॑ দে॒বা দে॒বতা॒ অন্ব॑সৃজ্যন্ত॒ জগ॑তী॒ ছন্দো॑ বৈ রূ॒পগ্​ম্ সাম॒ বৈশ্য়ো॑ মনু॒ষ্য়া॑ণা॒-ঙ্গাবঃ॑ পশূ॒না-ন্তস্মা॒-ত্ত আ॒দ্য়া॑ অন্ন॒ধানা॒দ্ধ্য় সৃ॑জ্যন্ত॒ তস্মা॒-দ্ভূয়াগ্​ম্॑সো॒ ঽন্য়েভ্য়ো॒ ভূয়ি॑ষ্ঠা॒ হি দে॒বতা॒ অন্বসৃ॑জ্যন্ত প॒ত্ত এ॑কবি॒গ্​ম্॒ শ-ন্নির॑মিমীত॒ তম॑নু॒ষ্টু-প্ছন্দো- [তম॑নু॒ষ্টু-প্ছন্দঃ॑, অন্ব॑সৃজ্যত] 5

-ঽন্ব॑সৃজ্যত বৈরা॒জগ্​ম্ সাম॑ শূ॒দ্রো ম॑নু॒ষ্য়া॑ণা॒-মশ্বঃ॑ পশূ॒না-ন্তস্মা॒-ত্তৌ ভূ॑তস-ঙ্ক্রা॒মিণা॒বশ্ব॑শ্চ শূ॒দ্রশ্চ॒ তস্মা᳚চ্ছূ॒দ্রো য॒জ্ঞে-ঽন॑বকৢপ্তো॒ ন হি দে॒বতা॒ অন্বসৃ॑জ্যত॒ তস্মা॒-ত্পাদা॒বুপ॑ জীবতঃ প॒ত্তো হ্যসৃ॑জ্য়েতা-ম্প্রা॒ণা বৈ ত্রি॒বৃদ॑র্ধমা॒সাঃ প॑ঞ্চদ॒শঃ প্র॒জাপ॑তি-স্সপ্তদ॒শস্ত্রয়॑ ই॒মে লো॒কা অ॒সাবা॑দি॒ত্য় এ॑কবি॒গ্​ম্॒শ এ॒তস্মি॒ন্ বা এ॒তে শ্রি॒তা এ॒তস্মি॒-ন্প্রতি॑ষ্ঠিতা॒ য এ॒বং-বেঁদৈ॒তস্মি॑ন্নে॒ব শ্র॑যত এ॒তস্মি॒-ন্প্রতি॑ তিষ্ঠতি ॥ 6 ॥
(অস্থূ॑রি॒ - রোষ॑ধীষু - জ্য়েষ্ঠয়॒জ্ঞ ইতি॑ - বৃ॒হ - দ॑নু॒ষ্টু-প্ছন্দঃ॒ - প্রতি॑ষ্ঠিতা॒ - নব॑ চ) (অ. 1)

প্রা॒ত॒স্স॒ব॒নে বৈ গা॑য়॒ত্রেণ॒ ছন্দ॑সা ত্রি॒বৃতে॒ স্তোমা॑য়॒ জ্য়োতি॒র্দধ॑দেতি ত্রি॒বৃতা᳚ ব্রহ্মবর্চ॒সেন॑ পঞ্চদ॒শায়॒ জ্য়োতি॒র্দধ॑দেতি পঞ্চদ॒শেনৌজ॑সা বী॒র্য়ে॑ণ সপ্তদ॒শায়॒ জ্য়োতি॒র্দধ॑দেতি সপ্তদ॒শেন॑ প্রাজাপ॒ত্য়েন॑ প্র॒জন॑নেনৈকবি॒গ্​ম্॒শায়॒ জ্য়োতি॒র্দধ॑দেতি॒ স্তোম॑ এ॒ব ত-থ্স্তোমা॑য়॒ জ্য়োতি॒র্দধ॑দে॒ত্যথো॒ স্তোম॑ এ॒ব স্তোম॑ম॒ভি প্র ণ॑যতি॒ যাব॑ন্তো॒ বৈ স্তোমা॒স্তাব॑ন্তঃ॒ কামা॒স্তাব॑ন্তো লো॒কা -স্তাব॑ন্তি॒ জ্য়োতীগ্॑ষ্য়ে॒তাব॑ত এ॒ব স্তোমা॑নে॒তাব॑তঃ॒ কামা॑নে॒তাব॑তো লো॒কানে॒তাব॑ন্তি॒ জ্য়োতী॒গ্॒ষ্যব॑ রুন্ধে ॥ 7 ॥
(তাব॑ন্তো লো॒কা - স্ত্রয়ো॑দশ চ) (অ. 2)

ব্র॒হ্ম॒বা॒দিনো॑ বদন্তি॒ স ত্বৈ য॑জেত॒ যো᳚-ঽগ্নিষ্টো॒মেন॒ যজ॑মা॒নো-ঽথ॒ সর্ব॑স্তোমেন॒ যজে॒তেতি॒ যস্য়॑ ত্রি॒বৃত॑মন্ত॒র্যন্তি॑ প্রা॒ণাগ্​-স্তস্য়া॒ন্তর্য়॑ন্তি প্রা॒ণেষু॒ মে-ঽপ্য়॑স॒দিতি॒ খলু॒ বৈ য॒জ্ঞেন॒ যজ॑মানো যজতে॒ যস্য়॑ পঞ্চদ॒শম॑ন্ত॒র্যন্তি॑ বী॒র্য়॑-ন্তস্য়া॒ন্তর্য়॑ন্তি বী॒র্য়ে॑ মে-ঽপ্য়॑স॒দিতি॒ খলু॒ বৈ য॒জ্ঞেন॒ যজ॑মানো যজতে॒ যস্য়॑ সপ্তদ॒শ-ম॑ন্ত॒র্যন্তি॑ [ ] 8

প্র॒জা-ন্তস্য়া॒ন্তর্য়॑ন্তি প্র॒জায়া॒-ম্মে-ঽপ্য়॑স॒দিতি॒ খলু॒ বৈ য॒জ্ঞেন॒ যজ॑মানো যজতে॒ যস্য়ৈ॑কবি॒গ্​ম্॒শম॑ন্ত॒র্যন্তি॑ প্রতি॒ষ্ঠা-ন্তস্য়া॒ন্তর্য়॑ন্তি প্রতি॒ষ্ঠায়া॒-ম্মে-ঽপ্য়॑স॒দিতি॒ খলু॒ বৈ য॒জ্ঞেন॒ যজ॑মানো যজতে॒ যস্য়॑ ত্রিণ॒বম॑ন্ত॒র্যন্ত্য়ৃ॒তূগ্​শ্চ॒ তস্য়॑ নক্ষ॒ত্রিয়া᳚-ঞ্চ বি॒রাজ॑ম॒ন্তর্য়॑ন্ত্য়ৃ॒তুষু॒ মে-ঽপ্য়॑সন্নক্ষ॒ত্রিয়া॑য়া-ঞ্চ বি॒রাজীতি॒ [বি॒রাজীতি॑, খলু॒ বৈ] 9

খলু॒ বৈ য॒জ্ঞেন॒ যজ॑মানো যজতে॒ যস্য়॑ ত্রযস্ত্রি॒গ্​ম্॒শম॑ন্ত॒র্যন্তি॑ দে॒বতা॒স্তস্য়া॒ন্তর্য়॑ন্তি দে॒বতা॑সু॒ মে-ঽপ্য়॑স॒দিতি॒ খলু॒ বৈ য॒জ্ঞেন॒ যজ॑মানো যজতে॒ যো বৈ স্তোমা॑নামব॒ম-ম্প॑র॒মতা॒-ঙ্গচ্ছ॑ন্তং॒-বেঁদ॑ পর॒মতা॑মে॒ব গ॑চ্ছতি ত্রি॒বৃদ্বৈ স্তোমা॑নামব॒মস্ত্রি॒বৃ-ত্প॑র॒মো য এ॒বং-বেঁদ॑ পর॒মতা॑মে॒ব গ॑চ্ছতি ॥ 10 ॥
(স॒প্ত॒দ॒শম॑ন্ত॒র্যন্তি॑ - বি॒রাজীতি॒ - চতু॑শ্চত্বারিগ্​ম্শচ্চ) (অ. 3)

অঙ্গি॑রসো॒ বৈ স॒ত্রমা॑সত॒ তে সু॑ব॒র্গং-লোঁ॒কমা॑য়॒-ন্তেষাগ্​ম্॑ হ॒বিষ্মাগ্॑শ্চ হবি॒ষ্কৃচ্চা॑-ঽহীয়েতা॒-ন্তাব॑কাময়েতাগ্​ম্ সুব॒র্গং-লোঁ॒কমি॑য়া॒বেতি॒ তাবে॒ত-ন্দ্বি॑রা॒ত্রম॑পশ্যতা॒-ন্তমা-ঽহ॑রতা॒-ন্তেনা॑যজেতা॒-ন্ততো॒ বৈ তৌ সু॑ব॒র্গং-লোঁ॒কমৈ॑তাং॒-য়ঁ এ॒বং-বিঁ॒দ্বা-ন্দ্বি॑রা॒ত্রেণ॒ যজ॑তে সুব॒র্গমে॒ব লো॒কমে॑তি॒ তাবৈতা॒-ম্পূর্বে॒ণাহ্না ঽগ॑চ্ছতা॒-মুত্ত॑রেণা- [-মুত্ত॑রেণ, অ॒ভি॒প্ল॒বঃ পূর্ব॒] 11

-ভিপ্ল॒বঃ পূর্ব॒-মহ॑র্ভবতি॒ গতি॒রুত্ত॑র॒-ঞ্জ্য়োতি॑ষ্টোমো-ঽগ্নিষ্টো॒মঃ পূর্ব॒মহ॑র্ভবতি॒ তেজ॒স্তেনাব॑ রুন্ধে॒ সর্ব॑স্তোমো-ঽতিরা॒ত্র উত্ত॑র॒গ্​ম্॒ সর্ব॒স্য়া-ঽঽপ্ত্য়ৈ॒ সর্ব॒স্য়া-ঽব॑রুদ্ধ্য়ৈ গায়॒ত্র-ম্পূর্বে-ঽহ॒ন্​থ্সাম॑ ভবতি॒ তেজো॒ বৈ গা॑য়॒ত্রী গা॑য়॒ত্রী ব্র॑হ্মবর্চ॒স-ন্তেজ॑ এ॒ব ব্র॑হ্মবর্চ॒সমা॒ত্ম-ন্ধ॑ত্তে॒ ত্রৈষ্টু॑ভ॒মুত্ত॑র॒ ওজো॒ বৈ বী॒র্য়॑-ন্ত্রি॒ষ্টুগোজ॑ এ॒ব বী॒র্য়॑মা॒ত্ম-ন্ধ॑ত্তে রথন্ত॒র-ম্পূর্বে॑- [রথন্ত॒র-ম্পূর্বে᳚, অহ॒ন্-থ্সাম॑] 12

-ঽহ॒ন্-থ্সাম॑ ভবতী॒য়ং-বৈঁ র॑থন্ত॒রম॒স্য়ামে॒ব প্রতি॑ তিষ্ঠতি বৃ॒হদুত্ত॑রে॒-ঽসৌ বৈ বৃ॒হদ॒মুষ্য়া॑মে॒ব প্রতি॑ তিষ্ঠতি॒ তদা॑হুঃ॒ ক্ব॑ জগ॑তী চা-ঽনু॒ষ্টু-প্চেতি॑ বৈখান॒স-ম্পূর্বে-ঽহ॒ন্-থ্সাম॑ ভবতি॒ তেন॒ জগ॑ত্য়ৈ॒ নৈতি॑ ষোড॒শ্য়ুত্ত॑রে॒ তেনা॑নু॒ষ্টুভো-ঽথা॑ ঽঽহু॒র্য়-থ্স॑মা॒নে᳚-ঽর্ধমা॒সে স্য়াতা॑-মন্যত॒রস্য়াহ্নো॑ বী॒র্য়॑মনু॑ পদ্য়ে॒তেত্য়॑-মাবা॒স্য়া॑য়া॒-ম্পূর্ব॒মহ॑-র্ভব॒ত্য়ুত্ত॑রস্মি॒-ন্নুত্ত॑র॒-ন্নানৈ॒বা ঽর্ধ॑মা॒সয়ো᳚র্ভবতো॒ নানা॑বীর্য়ে ভবতো হ॒বিষ্ম॑ন্নিধন॒-ম্পূর্ব॒মহ॑র্ভবতি হবি॒ষ্কৃন্নি॑ধন॒-মুত্ত॑র॒-ম্প্রতি॑ষ্ঠিত্য়ৈ ॥ 13 ॥
(উত্ত॑রেণ - রথন্ত॒র-ম্পূর্বে - ঽন্বে - ক॑বিগ্​ম্শতিশ্চ) (অ. 4)

আপো॒ বা ই॒দমগ্রে॑ সলি॒লমা॑সী॒-ত্তস্মি॑-ন্প্র॒জাপ॑তি-র্বা॒য়ুর্ভূ॒ত্বা ঽচ॑র॒-থ্স ই॒মাম॑পশ্য়॒-ত্তাং-বঁ॑রা॒হো ভূ॒ত্বা-ঽহ॑র॒-ত্তাং-বিঁ॒শ্বক॑র্মা ভূ॒ত্বা ব্য়॑মা॒ট্র্-থ্সা-ঽপ্র॑থত॒ সা পৃ॑থি॒ব্য়॑ভব॒-ত্ত-ত্পৃ॑থি॒ব্য়ৈ পৃ॑থিবি॒ত্ব-ন্তস্য়া॑মশ্রাম্য়-ত্প্র॒জাপ॑তি॒-স্স দে॒বান॑সৃজত॒ বসূ᳚-ন্রু॒দ্রানা॑দি॒ত্য়া-ন্তে দে॒বাঃ প্র॒জাপ॑তিমব্রুব॒-ন্প্রজা॑য়ামহা॒ ইতি॒ সো᳚-ঽব্রবী॒- [সো᳚-ঽব্রবীত্, যথা॒-ঽহং-] 14

-দ্যথা॒-ঽহং-য়ুঁ॒ষ্মাগ্​স্তপ॒সা ঽসৃ॑ক্ষ্য়ে॒ব-ন্তপ॑সি প্র॒জন॑ন-মিচ্ছদ্ধ্ব॒মিতি॒ তেভ্য়ো॒-ঽগ্নিমা॒যত॑ন॒-ম্প্রা-ঽয়॑চ্ছদে॒তেনা॒-ঽঽযত॑নেন শ্রাম্য়॒তেতি॒ তে᳚-ঽগ্নিনা॒-ঽঽযত॑নেনা-ঽ-শ্রাম্য়॒-ন্তে সং॑​বঁথ্স॒র একা॒-ঙ্গাম॑সৃজন্ত॒ তাং-বঁসু॑ভ্য়ো রু॒দ্রেভ্য়॑ আদি॒ত্য়েভ্য়ঃ॒ প্রা-ঽয়॑চ্ছন্নে॒তাগ্​ম্ র॑ক্ষদ্ধ্ব॒মিতি॒ তাং-বঁস॑বো রু॒দ্রা আ॑দি॒ত্য়া অ॑রক্ষন্ত॒ সা বসু॑ভ্য়ো রু॒দ্রেভ্য়॑ আদি॒ত্য়েভ্য়ঃ॒ প্রাজা॑যত॒ত্রীণি॑ চ [ ] 15

শ॒তানি॒ ত্রয়॑স্ত্রিগ্​ম্শত॒-ঞ্চাথ॒ সৈব স॑হস্রত॒ম্য়॑ভব॒-ত্তে দে॒বাঃ প্র॒জাপ॑তিমব্রুবন্-থ্স॒হস্রে॑ণ নো যাজ॒য়েতি॒ সো᳚-ঽগ্নিষ্টো॒মেন॒ বসূ॑নয়াজয়॒-ত্ত ই॒মং-লোঁ॒কম॑জয়॒-ন্তচ্চা॑দদু॒-স্স উ॒ক্থ্য়ে॑ন রু॒দ্রান॑য়াজয়॒-ত্তে᳚-ঽন্তরি॑ক্ষমজয়॒-ন্তচ্চা॑দদু॒-স্সো॑-ঽতিরা॒ত্রেণা॑-ঽঽদি॒ত্য়ান॑য়াজয়॒-ত্তে॑-ঽমুং-লোঁ॒কম॑জয়॒-ন্তচ্চা॑-ঽদদু॒-স্তদ॒ন্তরি॑ক্ষং॒- [-স্তদ॒ন্তরি॑ক্ষম্, ব্যবৈ᳚র্যত॒] 16

-ঁব্যবৈ᳚র্যত॒ তস্মা᳚-দ্রু॒দ্রা ঘাতু॑কা অনাযত॒না হি তস্মা॑দাহু-শ্শিথি॒লং-বৈঁ ম॑দ্ধ্য়॒ম-মহ॑স্ত্রিরা॒ত্রস্য়॒ বি হি তদ॒বৈর্য়॒তেতি॒ ত্রৈষ্টু॑ভ-ম্মদ্ধ্য়॒মস্য়াহ্ন॒ আজ্য়॑-ম্ভবতি সং॒​য়াঁনা॑নি সূ॒ক্তানি॑ শগ্​ম্সতি ষোড॒শিনগ্​ম্॑ শগ্​ম্স॒ত্যহ্নো॒ ধৃত্য়া॒ অশি॑থিলম্ভাবায়॒ তস্মা᳚-ত্ত্রিরা॒ত্রস্য়া᳚গ্নিষ্টো॒ম এ॒ব প্র॑থ॒মমহ॑-স্স্য়া॒দথো॒ক্থ্য়ো ঽথা॑-ঽতিরা॒ত্র এ॒ষাং-লোঁ॒কানাং॒-বিঁধৃ॑ত্য়ৈ॒ ত্রীণি॑ত্রীণি শ॒তা-ন্য়॑নূচীনা॒হ-মব্য়॑বচ্ছিন্নানি দদা- [দদাতি, এ॒ষাং-লোঁ॒কানা॒-] 17

-ত্য়ে॒ষাং-লোঁ॒কানা॒-মনু॒ সন্ত॑ত্য়ৈ দ॒শত॒-ন্ন বিচ্ছি॑ন্দ্য়া-দ্বি॒রাজ॒-ন্নেদ্বি॑চ্ছি॒নদা॒নীত্যথ॒ যা স॑হস্রত॒ম্য়াসী॒-ত্তস্য়া॒মিন্দ্র॑শ্চ॒ বিষ্ণু॑শ্চ॒ ব্য়ায়॑চ্ছেতা॒গ্​ম্॒ স ইন্দ্রো॑-ঽমন্যতা॒নয়া॒ বা ই॒দং-বিঁষ্ণু॑-স্স॒হস্রং॑-বঁর্ক্ষ্যত॒ ইতি॒ তস্য়া॑মকল্পেতা॒-ন্দ্বিভা॑গ॒ ইন্দ্র॒স্তৃতী॑য়ে॒ বিষ্ণু॒স্তদ্বা এ॒ষা-ঽভ্যনূ᳚চ্যত উ॒ভা জি॑গ্যথু॒রিতি॒ তাং-বাঁ এ॒তাম॑চ্ছাবা॒ক [এ॒তাম॑চ্ছাবা॒কঃ, এ॒ব] 18

এ॒ব শগ্​ম্॑স॒ত্যথ॒ যা স॑হস্রত॒মী সা হোত্রে॒ দেয়েতি॒ হোতা॑রং॒-বাঁ অ॒ভ্যতি॑রিচ্যতে॒ যদ॑তি॒রিচ্য়॑তে॒ হোতা ঽনা᳚প্তস্য়া-ঽঽপয়ি॒তা ঽথা॑-ঽহুরুন্নে॒ত্রে দেয়েত্যতি॑রিক্তা॒ বা এ॒ষা স॒হস্র॒স্য়াতি॑রিক্ত উন্নে॒তর্ত্বিজা॒মথা॑-ঽঽহু॒-স্সর্বে᳚ভ্য়-স্সদ॒স্য়ে᳚ভ্য়ো॒ দেয়েত্যথা॑-ঽঽহুরুদা॒ কৃত্য়া॒ সা বশ॑-ঞ্চরে॒দিত্যথা॑-ঽঽহুর্ব্র॒হ্মণে॑ চা॒গ্নীধে॑ চ॒ দেয়েতি॒ [দেয়েতি, দ্বিভা॑গ-] 19

দ্বিভা॑গ-ম্ব্র॒হ্মণে॒ তৃতী॑যম॒গ্নীধ॑ ঐ॒ন্দ্রো বৈ ব্র॒হ্মা বৈ᳚ষ্ণ॒বো᳚-ঽগ্নীদ্যথৈ॒ব তাবক॑ল্পেতা॒মিত্যথা॑ ঽঽহু॒র্য়া ক॑ল্য়া॒ণী ব॑হুরূ॒পা সা দেয়েত্যথা॑ ঽঽহু॒র্য়া দ্বি॑রূ॒পোভ॒যত॑এনী॒ সা দেয়েতি॑ স॒হস্র॑স্য়॒ পরি॑গৃহীত্য়ৈ॒ তদ্বা এ॒ত-থ্স॒হস্র॒স্য়া-ঽয়॑নগ্​ম্ স॒হস্রগ্গ্॑ স্তো॒ত্রীয়া᳚-স্স॒হস্র॒-ন্দক্ষি॑ণা-স্স॒হস্র॑সম্মিত-স্সুব॒র্গো লো॒ক-স্সু॑ব॒র্গস্য়॑ লো॒কস্য়া॒ভিজি॑ত্য়ৈ ॥ 20 ॥
(অ॒ব্র॒বী॒ - চ্চ॒ - তদ॒ন্তরি॑ক্ষং - দদাত্য় - চ্ছাবা॒ক - শ্চ॒ দেয়েতি॑ - স॒প্তচ॑ত্বারিগ্​ম্শচ্চ) (অ. 5)

সোমো॒ বৈ স॒হস্র॑মবিন্দ॒-ত্তমিন্দ্রো ঽন্ব॑বিন্দ॒-ত্তৌ য॒মো ন্য়াগ॑চ্ছ॒-ত্তাব॑ব্রবী॒দস্তু॒ মে-ঽত্রা-ঽপীত্যস্তু॒ হী(3) ইত্য়॑ব্রূতা॒গ্​ম্॒ স য॒ম এক॑স্য়াং-বীঁ॒র্য়॑-ম্পর্য়॑পশ্যদি॒য়ং-বাঁ অ॒স্য় স॒হস্র॑স্য় বী॒র্য়॑-ম্বিভ॒র্তীতি॒ তাব॑ব্রবীদি॒য়-ম্মমাস্ত্বে॒ত-দ্য়ু॒বয়ো॒রিতি॒ তাব॑ব্রূতা॒গ্​ম্॒ সর্বে॒ বা এ॒তদে॒তস্য়াং᳚-বীঁ॒র্য়॑- [এ॒তদে॒তস্য়াং᳚-বীঁ॒র্য়᳚ম্, পরি॑] 21

-ম্পরি॑ পশ্য়া॒মো-ঽগ্​ম্শ॒মা হ॑রামহা॒ ইতি॒ তস্য়া॒মগ্​ম্শ॒মা-ঽহ॑রন্ত॒ তাম॒ফ্সু প্রা-ঽবে॑শয়॒ন্-থ্সোমা॑য়ো॒দেহীতি॒ সা রোহি॑ণী পিঙ্গ॒লৈক॑হাযনী রূ॒প-ঙ্কৃ॒ত্বা ত্রয়॑স্ত্রিগ্​ম্শতা চ ত্রি॒ভিশ্চ॑ শ॒তৈ-স্স॒হোদৈ-ত্তস্মা॒-দ্রোহি॑ণ্য়া পিঙ্গ॒লয়ৈক॑হাযন্য়া॒ সোম॑-ঙ্ক্রীণীয়া॒দ্য় এ॒বং-বিঁ॒দ্বা-ন্রোহি॑ণ্য়া পিঙ্গ॒লয়ৈক॑হাযন্য়া॒ সোম॑-ঙ্ক্রী॒ণাতি॒ ত্রয়॑স্ত্রিগ্​ম্শতা চৈ॒বাস্য়॑ ত্রি॒ভিশ্চ॑ [ ] 22

শ॒তৈ-স্সোমঃ॑ ক্রী॒তো ভ॑বতি॒ সুক্রী॑তেন যজতে॒ তাম॒ফ্সু প্রাবে॑শয়॒-ন্নিন্দ্রা॑য়ো॒দেহীতি॒ সা রোহি॑ণী লক্ষ্ম॒ণা প॑ষ্ঠৌ॒হী বার্ত্র॑ঘ্নী রূ॒প-ঙ্কৃ॒ত্বা ত্রয়॑স্ত্রিগ্​ম্শতা চ ত্রি॒ভিশ্চ॑ শ॒তৈ-স্স॒হোদৈ-ত্তস্মা॒-দ্রোহি॑ণীং-লঁক্ষ্ম॒ণা-ম্প॑ষ্ঠৌ॒হীং-বাঁর্ত্র॑ঘ্নী-ন্দদ্য়া॒দ্য় এ॒বং-বিঁ॒দ্বা-ন্রোহি॑ণীং-লঁক্ষ্ম॒ণা-ম্প॑ষ্ঠৌ॒হীং-বাঁর্ত্র॑ঘ্নী॒-ন্দদা॑তি॒ ত্রয়॑স্ত্রিগ্​ম্শচ্চৈ॒বাস্য়॒ ত্রীণি॑ চ শ॒তানি॒ সা দ॒ত্তা [দ॒ত্তা, ভ॒ব॒তি॒ তাম॒ফ্সু] 23

ভ॑বতি॒ তাম॒ফ্সু প্রাবে॑শযন্ য॒মায়ো॒দেহীতি॒ সা জর॑তী মূ॒র্খা ত॑জ্জঘ॒ন্য়া রূ॒প-ঙ্কৃ॒ত্বা ত্রয়॑স্ত্রিগ্​ম্শতা চ ত্রি॒ভিশ্চ॑ শ॒তৈ-স্স॒হোদৈ-ত্তস্মা॒জ্জর॑তী-ম্মূ॒র্খা-ন্ত॑জ্জঘ॒ন্য়া-ম॑নু॒স্তর॑ণী-ঙ্কুর্বীত॒ য এ॒বং-বিঁ॒দ্বাঞ্জর॑তী-ম্মূ॒র্খা-ন্ত॑জ্জঘ॒ন্য়া-ম॑নু॒স্তর॑ণী-ঙ্কুরু॒তে ত্রয়॑স্ত্রিগ্​ম্শচ্চৈ॒বাস্য়॒ ত্রীণি॑ চ শ॒তানি॒ সা-ঽমুষ্মি॑ঁল্লো॒কে ভ॑বতি॒ বাগে॒ব স॑হস্রত॒মী তস্মা॒- [তস্মা᳚ত্, বরো॒ দেয়॒-স্সা] 24

-দ্বরো॒ দেয়॒-স্সা হি বর॑-স্স॒হস্র॑মস্য়॒ সা দ॒ত্তা ভ॑বতি॒ তস্মা॒-দ্বরো॒ ন প্র॑তি॒গৃহ্য়॒-স্সা হি বর॑-স্স॒হস্র॑মস্য়॒ প্রতি॑গৃহীত-ম্ভবতী॒য়ং-বঁর॒ ইতি॑ ব্রূয়া॒দথা॒ন্য়া-ম্ব্রূ॑য়াদি॒য়-ম্মমেতি॒ তথা᳚-ঽস্য়॒ ত-থ্স॒হস্র॒-মপ্র॑তিগৃহীত-ম্ভবত্য়ুভযতএ॒নী স্য়া॒-ত্তদা॑হুরন্যত এ॒নী স্য়া᳚-থ্স॒হস্র॑-ম্প॒রস্তা॒দেত॒মিতি॒ যৈব বরঃ॑ [বরঃ॑, ক॒ল্য়া॒ণী রূ॒পস॑মৃদ্ধা॒ সা] 25

কল্য়া॒ণী রূ॒পস॑মৃদ্ধা॒ সা স্য়া॒-থ্সা হি বর॒-স্সমৃ॑দ্ধ্য়ৈ॒ তামুত্ত॑রে॒ণা-ঽঽগ্নী᳚দ্ধ্র-ম্পর্য়া॒ণীয়া॑-ঽঽহব॒নীয়॒স্য়ান্তে᳚ দ্রোণকল॒শমব॑ ঘ্রাপয়ে॒দা জি॑ঘ্র ক॒লশ॑-ম্মহ্য়ু॒রুধা॑রা॒ পয়॑স্ব॒ত্য়া ত্বা॑ বিশ॒ন্ত্বিন্দ॑ব-স্সমু॒দ্রমি॑ব॒ সিন্ধ॑ব॒-স্সা মা॑ স॒হস্র॒ আ ভ॑জ প্র॒জয়া॑ প॒শুভি॑-স্স॒হ পুন॒র্মা ঽঽবি॑শতা-দ্র॒য়িরিতি॑ প্র॒জয়ৈ॒বৈন॑-ম্প॒শুভী॑ র॒য়্য়া স- [র॒য়্য়া সম্, অ॒র্ধ॒য়॒তি॒ প্র॒জাবা᳚-] 26

-ম॑র্ধযতি প্র॒জাবা᳚-ন্পশু॒মা-ন্র॑য়ি॒মা-ন্ভ॑বতি॒ য এ॒বং-বেঁদ॒ তয়া॑ স॒হা-ঽঽগ্নী᳚দ্ধ্র-ম্প॒রেত্য়॑ পু॒রস্তা᳚-ত্প্র॒তীচ্য়া॒-ন্তিষ্ঠ॑ন্ত্য়া-ঞ্জুহুয়াদু॒ভা জি॑গ্যথু॒র্ন পরা॑ জয়েথে॒ ন পরা॑ জিগ্য়ে কত॒রশ্চ॒নৈনোঃ᳚ । ইন্দ্র॑শ্চ বিষ্ণো॒ যদপ॑স্পৃধেথা-ন্ত্রে॒ধা স॒হস্রং॒-বিঁ তদৈ॑রয়েথা॒মিতি॑, ত্রেধাবিভ॒ক্তং-বৈঁ ত্রি॑রা॒ত্রে স॒হস্রগ্​ম্॑ সাহ॒স্রীমে॒বৈনা᳚-ঙ্করোতি স॒হস্র॑স্য়ৈ॒বৈনা॒-ম্মাত্রা᳚- [-ম্মাত্রা᳚ম্, ক॒রো॒তি॒ রূ॒পাণি॑ জুহোতি] 27

-ঙ্করোতি রূ॒পাণি॑ জুহোতি রূ॒পৈরে॒বৈনা॒গ্​ম্॒ সম॑র্ধযতি॒ তস্য়া॑ উপো॒ত্থায়॒ কর্ণ॒মা জ॑পে॒দিডে॒ রন্তে-ঽদি॑তে॒ সর॑স্বতি॒ প্রিয়ে॒ প্রেয়॑সি॒ মহি॒ বিশ্রু॑ত্য়ে॒তানি॑ তে অঘ্নিয়ে॒ নামা॑নি সু॒কৃত॑-ম্মা দে॒বেষু॑ ব্রূতা॒দিতি॑ দে॒বেভ্য়॑ এ॒বৈন॒মা বে॑দয়॒ত্যন্বে॑ন-ন্দে॒বা বু॑দ্ধ্যন্তে ॥ 28 ॥
( এ॒তদে॒তস্য়াং᳚-বীঁ॒র্য়॑ - মস্য় ত্রি॒ভিশ্চ॑ - দ॒ত্তা - স॑হস্রত॒মী তস্মা॑ - দে॒ব বরঃ॒ - সং - মাত্রা॒ - মেকা॒ন্নচ॑ত্বারি॒গ্​ম্॒শচ্চ॑) (অ. 6)

স॒হ॒স্র॒ত॒ম্য়া॑ বৈ যজ॑মান-স্সুব॒র্গং-লোঁ॒কমে॑তি॒ সৈনগ্​ম্॑ সুব॒র্গং-লোঁ॒ক-ঙ্গ॑মযতি॒ সা মা॑ সুব॒র্গং-লোঁ॒ক-ঙ্গ॑ম॒য়েত্য়া॑হ সুব॒র্গমে॒বৈনং॑-লোঁ॒ক-ঙ্গ॑মযতি॒ সা মা॒ জ্য়োতি॑ষ্মন্তং-লোঁ॒ক-ঙ্গ॑ম॒য়েত্য়া॑হ॒ জ্য়োতি॑ষ্মন্তমে॒বৈনং॑-লোঁ॒ক-ঙ্গ॑মযতি॒ সা মা॒ সর্বা॒-ন্পুণ্য়া᳚-​ল্লোঁ॒কা-ন্গ॑ম॒য়েত্য়া॑হ॒ সর্বা॑নে॒বৈন॒-ম্পুণ্য়াং᳚-লোঁ॒কা-ন্গ॑মযতি॒ সা [সা, মা॒ প্র॒তি॒ষ্ঠা-ঙ্গ॑ময় প্র॒জয়া॑] 29

মা᳚ প্রতি॒ষ্ঠা-ঙ্গ॑ময় প্র॒জয়া॑ প॒শুভি॑-স্স॒হ পুন॒র্মা-ঽঽ বি॑শতা-দ্র॒য়িরিতি॑ প্র॒জয়ৈ॒বৈন॑-ম্প॒শুভী॑ র॒য়্য়া-ম্প্রতি॑ ষ্ঠাপযতি প্র॒জাবা᳚-ন্পশু॒মা-ন্র॑য়ি॒মা-ন্ভ॑বতি॒ য এ॒বং-বেঁদ॒ তাম॒গ্নীধে॑ বা ব্র॒হ্মণে॑ বা॒ হোত্রে॑ বোদ্গা॒ত্রে বা᳚-ঽদ্ধ্ব॒র্যবে॑ বা দদ্য়া-থ্স॒হস্র॑মস্য়॒ সা দ॒ত্তা ভ॑বতি স॒হস্র॑মস্য়॒ প্রতি॑গৃহীত-ম্ভবতি॒ যস্তামবি॑দ্বা- [যস্তামবি॑দ্বান্, প্র॒তি॒গৃ॒হ্ণাতি॒] 30

-ন্প্রতিগৃ॒হ্ণাতি॒ তা-ম্প্রতি॑গৃহ্ণীয়া॒দেকা॑-ঽসি॒ ন স॒হস্র॒মেকা᳚-ন্ত্বা ভূ॒তা-ম্প্রতি॑ গৃহ্ণামি॒ ন স॒হস্র॒মেকা॑ মা ভূ॒তা-ঽঽ বি॑শ॒ মা স॒হস্র॒মিত্য়েকা॑মে॒বৈনা᳚-ম্ভূ॒তা-ম্প্রতি॑গৃহ্ণাতি॒ ন স॒হস্রং॒-য়ঁ এ॒বং-বেঁদ॑ স্য়ো॒না-ঽসি॑ সু॒ষদা॑ সু॒শেবা᳚ স্য়ো॒না মা ঽঽবি॑শ সু॒ষদা॒ মা ঽঽবি॑শ সু॒শেবা॒ মা ঽঽবি॒শে- [মা ঽঽবি॑শ, ইত্য়া॑হ] 31

-ত্য়া॑হ স্য়ো॒নৈবৈনগ্​ম্॑ সু॒ষদা॑ সু॒শেবা॑ ভূ॒তা-ঽঽ বি॑শতি॒ নৈনগ্​ম্॑ হিনস্তি ব্রহ্মবা॒দিনো॑ বদন্তি স॒হস্রগ্​ম্॑ সহস্রত॒ম্যন্বে॒তী(3) স॑হস্রত॒মীগ্​ম্ স॒হস্রা(3)মিতি॒ য-ত্প্রাচী॑মু-থ্সৃ॒জে-থ্স॒হস্রগ্​ম্॑ সহস্রত॒ম্যন্বি॑য়া॒-ত্ত-থ্স॒হস্র॑মপ্রজ্ঞা॒ত্রগ্​ম্ সু॑ব॒র্গং-লোঁ॒ক-ন্ন প্র জা॑নীয়া-ত্প্র॒তীচী॒-মুথ্সৃ॑জতি॒ তাগ্​ম্ স॒হস্র॒মনু॑ প॒র্য়াব॑র্ততে॒ সা প্র॑জান॒তী সু॑ব॒র্গং-লোঁ॒কমে॑তি॒ যজ॑মান -ম॒ভ্য়ু-থ্সৃ॑জতি ক্ষি॒প্রে স॒হস্র॒-ম্প্র জা॑যত উত্ত॒মা নী॒যতে᳚ প্রথ॒মা দে॒বা-ন্গ॑চ্ছতি ॥ 32 ॥
(লো॒কা-ন্গ॑মযতি॒ সা - ঽবি॑দ্বান্থ্ - সু॒শেবা॒ মা-ঽঽ বি॑শ॒ - যজ॑মানং॒ - দ্বাদ॑শ চ) (অ. 7)

অত্রি॑রদদা॒দৌর্বা॑য় প্র॒জা-ম্পু॒ত্রকা॑মায়॒ স রি॑রিচা॒নো॑-ঽমন্যত॒ নির্বী᳚র্য়-শ্শিথি॒লো যা॒তয়া॑মা॒ স এ॒ত-ঞ্চ॑তূরা॒ত্র-ম॑পশ্য়॒-ত্তমা-ঽহ॑র॒-ত্তেনা॑যজত॒ ততো॒ বৈ তস্য়॑ চ॒ত্বারো॑ বী॒রা আ-ঽজা॑যন্ত॒ সুহো॑তা॒ সূ᳚দ্গাতা॒ স্ব॑দ্ধ্বর্য়ু॒-স্সুস॑ভেয়ো॒ য এ॒বং-বিঁ॒দ্বাগ্​শ্চ॑তূরা॒ত্রেণ॒ যজ॑ত॒ আ-ঽস্য়॑ চ॒ত্বারো॑ বী॒রা জা॑যন্তে॒ সুহো॑তা॒ সূ᳚দ্গাতা॒ স্ব॑দ্ধ্বর্য়ু॒-স্সুস॑ভেয়ো॒ যে চ॑তুর্বি॒গ্​ম্॒শাঃ পব॑মানা ব্রহ্মবর্চ॒স-ন্ত- [ব্রহ্মবর্চ॒স-ন্তত্, য উ॒দ্যন্ত॒-] 33

-দ্য় উ॒দ্যন্ত॒-স্স্তোমা॒-শ্শ্রী-স্সা ঽত্রিগ্গ্॑ শ্র॒দ্ধাদে॑বং॒-য়ঁজ॑মান-ঞ্চ॒ত্বারি॑ বী॒র্য়া॑ণি॒ নোপা॑-ঽনম॒-ন্তেজ॑ ইন্দ্রি॒য়-ম্ব্র॑হ্মবর্চ॒স-ম॒ন্নাদ্য়॒গ্​ম্॒ স এ॒তাগ্​শ্চ॒তুর॒শ্চতু॑ষ্টোমা॒ন্-থ্সোমা॑ন-পশ্য়॒-ত্তানা-ঽহ॑র॒-ত্তৈর॑যজত॒ তেজ॑ এ॒ব প্র॑থ॒মেনা ঽবা॑রুন্ধেন্দ্রি॒য়-ন্দ্বি॒তীয়ে॑ন ব্রহ্মবর্চ॒স-ন্তৃ॒তীয়ে॑না॒ন্নাদ্য়॑-ঞ্চতু॒র্থেন॒ য এ॒বং-বিঁ॒দ্বাগ্​শ্চ॒তুর॒শ্চতু॑ষ্টোমা॒ন্-থ্সোমা॑না॒হর॑তি॒ তৈর্যজ॑তে॒ তেজ॑ এ॒ব প্র॑থ॒মেনাব॑ রুন্ধ ইন্দ্রি॒য়-ন্দ্বি॒তীয়ে॑ন ব্রহ্মবর্চ॒স-ন্তৃ॒তীয়ে॑না॒-ঽন্নাদ্য়॑-ঞ্চতু॒র্থেন॒ যামে॒বাত্রি॒র্॒ ঋদ্ধি॒মার্ধ্নো॒-ত্তামে॒ব যজ॑মান ঋদ্ধ্নোতি ॥ 34 ॥
( তত্-তেজ॑ এ॒বা-ষ্টাদ॑শ চ) (অ. 8)

জ॒মদ॑গ্নিঃ॒ পুষ্টি॑কাম-শ্চতূরা॒ত্রেণা॑-যজত॒ স এ॒তা-ন্পোষাগ্​ম্॑ অপুষ্য়॒-ত্তস্মা᳚-ত্পলি॒তৌ জাম॑দগ্নিয়ৌ॒ ন স-ঞ্জা॑নাতে এ॒তানে॒ব পোষা᳚-ন্পুষ্যতি॒ য এ॒বং-বিঁ॒দ্বাগ্​শ্চ॑তূরা॒ত্রেণ॒ যজ॑তে পুরোডা॒শিন্য়॑ উপ॒সদো॑ ভবন্তি প॒শবো॒ বৈ পু॑রো॒ডাশঃ॑ প॒শূনে॒বাব॑ রু॒ন্ধে ঽন্নং॒-বৈঁ পু॑রো॒ডাশো-ঽন্ন॑মে॒বাব॑ রুন্ধে ঽন্না॒দঃ প॑শু॒মা-ন্ভ॑বতি॒ য এ॒বং-বিঁ॒দ্বাগ্​শ্চ॑তূরা॒ত্রেণ॒ যজ॑তে ॥ 35 ॥
(জ॒মদ॑গ্নি - র॒ষ্টাচ॑ত্বারিগ্​ম্শত্) (অ. 9)

সং॒​বঁ॒থ্স॒রো বা ই॒দমেক॑ আসী॒-থ্সো॑-ঽকামযত॒র্তূন্-থ্সৃ॑জে॒য়েতি॒ স এ॒ত-ম্প॑ঞ্চরা॒ত্রম॑পশ্য়॒-ত্তমা-ঽহ॑র॒-ত্তেনা॑যজত॒ ততো॒ বৈ স ঋ॒তূন॑সৃজত॒ য এ॒বং-বিঁ॒দ্বা-ন্প॑ঞ্চরা॒ত্রেণ॒ যজ॑তে॒ প্রৈব জা॑যতে॒ ত ঋ॒তব॑-স্সৃ॒ষ্টা ন ব্য়াব॑র্তন্ত॒ ত এ॒ত-ম্প॑ঞ্চরা॒ত্রম॑পশ্য়॒-ন্তমা-ঽহ॑র॒-ন্তেনা॑যজন্ত॒ ততো॒ বৈ তে ব্য়াব॑র্তন্ত॒ [ব্য়াব॑র্তন্ত, য এ॒বং-বিঁ॒দ্বা-ন্প॑ঞ্চরা॒ত্রেণ॒] 36

য এ॒বং-বিঁ॒দ্বা-ন্প॑ঞ্চরা॒ত্রেণ॒ যজ॑তে॒ বি পা॒প্মনা॒ ভ্রাতৃ॑ব্য়ে॒ণা-ঽঽ ব॑র্ততে॒ সার্ব॑সেনি-শ্শৌচে॒য়ো॑-ঽকামযত পশু॒মান্-থ্স্য়া॒মিতি॒ স এ॒ত-ম্প॑ঞ্চরা॒ত্রমা-ঽহ॑র॒-ত্তেনা॑-ঽযজত॒ ততো॒ বৈ স স॒হস্র॑-ম্প॒শূ-ন্প্রা-ঽঽপ্নো॒দ্য় এ॒বং-বিঁ॒দ্বা-ন্প॑ঞ্চরা॒ত্রেণ॒ যজ॑তে॒ প্র স॒হস্র॑-ম্প॒শূনা᳚প্নোতি বব॒রঃ প্রাবা॑হণি-রকামযত বা॒চঃ প্র॑বদি॒তা স্য়া॒মিতি॒ স এ॒ত-ম্প॑ঞ্চরা॒ত্রমা- [এ॒ত-ম্প॑ঞ্চরা॒ত্রমা, আ॒হ॒র॒-ত্তেনা॑-] 37

-ঽহ॑র॒-ত্তেনা॑-যজত॒ ততো॒ বৈ স বা॒চঃ প্র॑বদি॒তা-ঽভ॑ব॒দ্য় এ॒বং-বিঁ॒দ্বা-ন্প॑ঞ্চরা॒ত্রেণ॒ যজ॑তে প্রবদি॒তৈব বা॒চো ভ॑ব॒ত্যথো॑ এনং-বাঁ॒চস্পতি॒-রিত্য়া॑হু॒রনা᳚প্ত-শ্চতূরা॒ত্রো-ঽতি॑রিক্ত-ষ্ষড্-রা॒ত্রো-ঽথ॒ বা এ॒ষ স॑প্র॒ন্তি য॒জ্ঞো য-ত্প॑ঞ্চরা॒ত্রো য এ॒বং-বিঁ॒দ্বা-ন্প॑ঞ্চরা॒ত্রেণ॒ যজ॑তে সম্প্র॒ত্য়ে॑ব য॒জ্ঞেন॑ যজতে পঞ্চরা॒ত্রো ভ॑বতি॒ পঞ্চ॒ বা ঋ॒তব॑-স্সং​বঁথ্স॒র [ঋ॒তব॑-স্সং​বঁথ্স॒রঃ, ঋ॒তুষ্বে॒ব সং॑​বঁথ্স॒রে] 38

ঋ॒তুষ্বে॒ব সং॑​বঁথ্স॒রে প্রতি॑ তিষ্ঠ॒ত্যথো॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধে ত্রি॒বৃদ॑গ্নিষ্টো॒মো ভ॑বতি॒ তেজ॑ এ॒বাব॑ রুন্ধে পঞ্চদ॒শো ভ॑বতীন্দ্রি॒যমে॒বাব॑ রুন্ধে সপ্তদ॒শো ভ॑বত্য়॒ন্নাদ্য়॒স্য়া-ব॑রুদ্ধ্য়া॒ অথো॒ প্রৈব তেন॑ জাযতে পঞ্চবি॒গ্​ম্॒শো᳚ ঽগ্নিষ্টো॒মো ভ॑বতি প্র॒জাপ॑তে॒রাপ্ত্য়ৈ॑ মহাব্র॒তবা॑-ন॒ন্নাদ্য়॒স্য়া-ব॑রুদ্ধ্য়ৈ বিশ্ব॒জি-থ্সর্ব॑পৃষ্ঠো-ঽতিরা॒ত্রো ভ॑বতি॒ সর্ব॑স্য়া॒ভিজি॑ত্য়ৈ ॥ 39 ॥
(তে ব্য়াব॑র্তন্ত - প্রবদি॒তা স্য়া॒মিতি॒ স এ॒ত-ম্প॑ঞ্চরা॒ত্রমা - সং॑​বঁথ্স॒রো॑- ভিজি॑ত্য়ৈ) (অ. 10)

দে॒বস্য়॑ত্বা সবি॒তুঃ প্র॑স॒বে᳚-ঽশ্বিনো᳚র্বা॒হুভ্য়া᳚-ম্পূ॒ষ্ণো হস্তা᳚ভ্য়া॒মা দ॑দ ই॒মাম॑গৃভ্ণ-ন্রশ॒নামৃ॒তস্য়॒ পূর্ব॒ আয়ু॑ষি বি॒দথে॑ষু ক॒ব্য়া । তয়া॑ দে॒বা-স্সু॒তমা ব॑ভূবুর্-ঋ॒তস্য়॒ সাম᳚ন্-থ্স॒রমা॒রপ॑ন্তী ॥ অ॒ভি॒ধা অ॑সি॒ ভুব॑নমসি য॒ন্তা-ঽসি॑ ধ॒র্তা-ঽসি॒ সো᳚-ঽগ্নিং-বৈঁ᳚শ্বান॒রগ্​ম্ সপ্র॑থস-ঙ্গচ্ছ॒ স্বাহা॑কৃতঃ পৃথি॒ব্য়াং-য়ঁ॒ন্তা রাড্ য॒ন্তা-ঽসি॒ যম॑নো ধ॒র্তা-ঽসি॑ ধ॒রুণঃ॑ কৃ॒ষ্য়ৈ ত্বা॒ ক্ষেমা॑য় ত্বা র॒য়্য়ৈ ত্বা॒ পোষা॑য় ত্বা পৃথি॒ব্য়ৈ ত্বা॒ ঽন্তরি॑ক্ষায় ত্বা দি॒বে ত্বা॑ স॒তে ত্বা-ঽস॑তে ত্বা॒দ্ভ্যস্ত্বৌ-ষ॑ধীভ্যস্ত্বা॒ বিশ্বে᳚ভ্যস্ত্বা ভূ॒তেভ্য়ঃ॑ ॥ 40 ॥
(ধ॒রুণঃ॒ - পঞ্চ॑বিগ্​ম্শতিশ্চ) (অ. 11)

বি॒ভূর্মা॒ত্রা প্র॒ভূঃ পি॒ত্রাশ্বো॑-ঽসি॒ হয়ো॒-ঽস্যত্য়ো॑-ঽসি॒ নরো॒-ঽস্যর্বা॑-ঽসি॒ সপ্তি॑রসি বা॒জ্য়॑সি॒ বৃষা॑-ঽসি নৃ॒মণা॑ অসি॒ যয়ু॒র্নামা᳚স্য়াদি॒ত্য়ানা॒-ম্পত্বান্বি॑হ্য়॒গ্নয়ে॒ স্বাহা॒ স্বাহে᳚ন্দ্রা॒গ্নিভ্য়া॒গ্॒ স্বাহা᳚ প্র॒জাপ॑তয়ে॒ স্বাহা॒ বিশ্বে᳚ভ্য়ো দে॒বেভ্য়॒-স্স্বাহা॒ সর্বা᳚ভ্য়ো দে॒বেতা᳚ভ্য় ই॒হ ধৃতি॒-স্স্বাহে॒হ বিধৃ॑তি॒-স্স্বাহে॒হ রন্তি॒-স্স্বাহে॒ -হ রম॑তি॒-স্স্বাহা॒ ভূর॑সি ভু॒বে ত্বা॒ ভব্য়া॑য় ত্বা ভবিষ্য়॒তে ত্বা॒ বিশ্বে᳚ভ্যস্ত্বা ভূ॒তেভ্য়ো॒ দেবা॑ আশাপালা এ॒ত-ন্দে॒বেভ্য়ো-ঽশ্ব॒-ম্মেধা॑য়॒ প্রোক্ষি॑ত-ঙ্গোপাযত ॥ 41 ॥
(রন্তি॒-স্স্বাহা॒ - দ্বাবিগ্​ম্॑শতিশ্চ) (অ. 12)

আয়॑নায়॒ স্বাহা॒ প্রায়॑ণায়॒ স্বাহো᳚দ্দ্রা॒বায়॒ স্বাহোদ্দ্রু॑তায়॒ স্বাহা॑ শূকা॒রায়॒ স্বাহা॒ শূকৃ॑তায়॒ স্বাহা॒ পলা॑য়িতায়॒ স্বাহা॒ ঽঽপলা॑য়িতায়॒ স্বাহা॒ ঽঽবল্গ॑তে॒ স্বাহা॑ পরা॒বল্গ॑তে॒ স্বাহা॑ ঽঽয়॒তে স্বাহা᳚ প্রয়॒তে স্বাহা॒ সর্ব॑স্মৈ॒ স্বাহা᳚ ॥ 42 ॥
(আয়॑না॒য়োত্ত॑রমা॒পলা॑য়িতায়॒ ষড্বিগ্​ম্॑শতিঃ) (অ. 13)

অ॒গ্নয়ে॒ স্বাহা॒ সোমা॑য়॒ স্বাহা॑ বা॒যবে॒ স্বাহা॒ ঽপা-ম্মোদা॑য়॒ স্বাহা॑ সবি॒ত্রে স্বাহা॒ সর॑স্বত্য়ৈ॒ স্বাহে-ন্দ্রা॑য়॒ স্বাহা॒ বৃহ॒স্পত॑য়ে॒ স্বাহা॑ মি॒ত্রায়॒ স্বাহা॒ বরু॑ণায়॒ স্বাহা॒ সর্ব॑স্মৈ॒ স্বাহা᳚ ॥ 43 ॥
(অ॒গ্নয়ে॑ বা॒যবে॒-ঽপা-ম্মোদা॒য়েন্দ্রা॑য়॒ ত্রয়ো॑বিগ্​ম্শতিঃ) (অ. 14)

পৃ॒থি॒ব্য়ৈ স্বাহা॒ ঽন্তরি॑ক্ষায়॒ স্বাহা॑ দি॒বে স্বাহা॒ সূর্য়া॑য়॒ স্বাহা॑ চ॒ন্দ্রম॑সে॒ স্বাহা॒ নক্ষ॑ত্রেভ্য়॒-স্স্বাহা॒ প্রাচ্য়ৈ॑ দি॒শে স্বাহা॒ দক্ষি॑ণায়ৈ দি॒শে স্বাহা᳚ প্র॒তীচ্য়ৈ॑ দি॒শে স্বাহো-দী᳚চ্য়ৈ দি॒শে স্বাহো॒র্ধ্বায়ৈ॑ দি॒শে স্বাহা॑ দি॒গ্ভ্য়-স্স্বাহা॑ ঽবান্তরদি॒শাভ্য়॒-স্স্বাহা॒ সমা᳚ভ্য়॒-স্স্বাহা॑ শ॒রদ্ভ্য়॒-স্স্বাহা॑ ঽহোরা॒ত্রেভ্য়॒-স্স্বাহা᳚ ঽর্ধমা॒সেভ্য়॒-স্স্বাহা॒ মাসে᳚ভ্য়॒-স্স্বাহ॒র্তুভ্য়॒-স্স্বাহা॑ সং​বঁথ্স॒রায়॒ স্বাহা॒ সর্ব॑স্মৈ॒ স্বাহা᳚ ॥ 44 ॥
(পৃ॒থি॒ব্য়ৈ সূর্য়া॑য়॒ নক্ষ॑ত্রেভ্য়ঃ॒ প্রাচ্য়ৈ॑ স॒প্তচ॑ত্বারিগ্​ম্শত্) (অ. 15)

অ॒গ্নয়ে॒ স্বাহা॒ সোমা॑য়॒ স্বাহা॑ সবি॒ত্রে স্বাহা॒ সর॑স্বত্য়ৈ॒ স্বাহা॑ পূ॒ষ্ণে স্বাহা॒ বৃহ॒স্পত॑য়ে॒ স্বাহা॒ ঽপা-ম্মোদা॑য়॒ স্বাহা॑ বা॒যবে॒ স্বাহা॑ মি॒ত্রায়॒ স্বাহা॒ বরু॑ণায়॒ স্বাহা॒ সর্ব॑স্মৈ॒ স্বাহা᳚ ॥ 45 ॥
(অ॒গ্নয়ে॑ সবি॒ত্রে পূ॒ষ্ণে॑-ঽপা-ম্মোদা॑য় বা॒যবে॒ ত্রয়ো॑বিগ্​ম্শতিঃ) (অ. 16)

পৃ॒থি॒ব্য়ৈ স্বাহা॒ ঽন্তরি॑ক্ষায়॒ স্বাহা॑ দি॒বে স্বাহা॒ ঽগ্নয়ে॒ স্বাহা॒ সোমা॑য়॒ স্বাহা॒ সূর্য়া॑য়॒ স্বাহা॑ চ॒ন্দ্রম॑সে॒ স্বাহা ঽহ্নে॒ স্বাহা॒ রাত্রি॑য়ৈ॒ স্বাহ॒র্জবে॒ স্বাহা॑ সা॒ধবে॒ স্বাহা॑ সুক্ষি॒ত্য়ৈ স্বাহা᳚ ক্ষু॒ধে স্বাহা॑ ঽঽশিতি॒ম্নে স্বাহা॒ রোগা॑য়॒ স্বাহা॑ হি॒মায়॒ স্বাহা॑ শী॒তায়॒ স্বাহা॑ ঽঽত॒পায়॒ স্বাহা ঽর॑ণ্য়ায়॒ স্বাহা॑ সুব॒র্গায়॒ স্বাহা॑ লো॒কায়॒ স্বাহা॒ সর্ব॑স্মৈ॒ স্বাহা᳚ ॥ 46 ॥
(পৃ॒থি॒ব্য়া অ॒গ্নয়ে-ঽহ্নে॒ রাত্রি॑য়ৈ॒ চতু॑শ্চত্বারিগ্​ম্শত্) (অ. 17)

ভুবো॑ দে॒বানা॒-ঙ্কর্ম॑ণা॒-ঽপস॒র্তস্য়॑ প॒থ্য়া॑-ঽসি॒ বসু॑ভি-র্দে॒বেভি॑-র্দে॒বত॑য়া গায়॒ত্রেণ॑ ত্বা॒ ছন্দ॑সা যুনজ্মি বস॒ন্তেন॑ ত্ব॒র্তুনা॑ হ॒বিষা॑ দীক্ষয়ামি রু॒দ্রেভি॑-র্দে॒বেভি॑-র্দে॒বত॑য়া॒ ত্রৈষ্টু॑ভেন ত্বা॒ ছন্দ॑সা যুনজ্মি গ্রী॒ষ্মেণ॑ ত্ব॒র্তুনা॑ হ॒বিষা॑ দীক্ষয়া-ম্য়াদি॒ত্য়েভি॑-র্দে॒বেভি॑-র্দে॒বত॑য়া॒ জাগ॑তেন ত্বা॒ ছন্দ॑সা যুনজ্মি ব॒র্॒ষাভি॑স্ত্ব॒র্তুনা॑ হ॒বিষা॑ দীক্ষয়ামি॒ বিশ্বে॑ভি-র্দে॒বেভি॑-র্দে॒বত॒য়া ঽঽনু॑ষ্টুভেন ত্বা॒ ছন্দ॑সা যুনজ্মি [ ] 47

শ॒রদা᳚ ত্ব॒র্তুনা॑ হ॒বিষা॑ দীক্ষয়া॒ম্যঙ্গি॑রোভি-র্দে॒বেভি॑-র্দে॒বত॑য়া॒ পাঙ্ক্তে॑ন ত্বা॒ ছন্দ॑সা যুনজ্মি হেমন্তশিশি॒রাভ্য়া᳚-ন্ত্ব॒র্তুনা॑ হ॒বিষা॑ দীক্ষয়া॒ম্য়া-ঽহ-ন্দী॒ক্ষাম॑রুহমৃ॒তস্য়॒ পত্নী᳚-ঙ্গায়॒ত্রেণ॒ ছন্দ॑সা॒ ব্রহ্ম॑ণা চ॒র্তগ্​ম্ স॒ত্য়ে॑-ঽধাগ্​ম্ স॒ত্যমৃ॒তে॑-ঽধাম্ ॥ ম॒হী মূ ॒ষু >1সু॒ত্রামা॑ণ >2-মি॒হ ধৃতি॒-স্স্বাহে॒হ বিধৃ॑তি॒-স্স্বাহে॒হ রন্তি॒-স্স্বাহে॒হ রম॑তি॒-স্স্বাহা᳚ ॥ 48 ॥
(আনু॑ষ্টুভেন ত্বা॒ ছন্দ॑সা যুন॒জ্ম্য়ে - কা॒ন্ন প॑ঞ্চা॒শচ্চ॑) (অ. 18)

ঈ॒কাং॒রায়॒ স্বাহে-ঙ্কৃ॑তায়॒ স্বাহা॒ ক্রন্দ॑তে॒ স্বাহা॑ ঽব॒ক্রন্দ॑তে॒ স্বাহা॒ প্রোথ॑তে॒ স্বাহা᳚ প্র॒প্রোথ॑তে॒ স্বাহা॑ গ॒ন্ধায়॒ স্বাহা᳚ ঘ্রা॒তায়॒ স্বাহা᳚ প্রা॒ণায়॒ স্বাহা᳚ ব্য়া॒নায়॒ স্বাহা॑ ঽপা॒নায়॒ স্বাহা॑ সন্দী॒যমা॑নায়॒ স্বাহা॒ সন্দি॑তায়॒ স্বাহা॑ বিচৃ॒ত্যমা॑নায়॒ স্বাহা॒ বিচৃ॑ত্তায়॒ স্বাহা॑ পলায়ি॒ষ্যমা॑ণায়॒ স্বাহা॒ পলা॑য়িতায়॒ স্বাহো॑পরগ্গ্​স্য়॒তে স্বাহোপ॑রতায়॒ স্বাহা॑ নিবেক্ষ্য়॒তে স্বাহা॑ নিবি॒শমা॑নায়॒ স্বাহা॒ নিবি॑ষ্টায়॒ স্বাহা॑ নিষথ্স্য়॒তে স্বাহা॑ নি॒ষীদ॑তে॒ স্বাহা॒ নিষ॑ণ্ণায়॒ স্বাহা॑- [নিষ॑ণ্ণায়॒ স্বাহা᳚, আ॒সি॒ষ্য়॒তে স্বাহা] 49

-ঽঽসিষ্য়॒তে স্বাহা ঽঽসী॑নায়॒ স্বাহা॑ ঽঽসি॒তায়॒ স্বাহা॑ নিপথ্স্য়॒তে স্বাহা॑ নি॒পদ্য়॑মানায়॒ স্বাহা॒ নিপ॑ন্নায়॒ স্বাহা॑ শয়িষ্য়॒তে স্বাহা॒ শয়া॑নায়॒ স্বাহা॑ শয়ি॒তায়॒ স্বাহা॑ সম্মীলিষ্য়॒তে স্বাহা॑ স॒মীং​লঁ॑তে॒ স্বাহা॒ সম্মী॑লিতায়॒ স্বাহা᳚ স্বফ্স্য়॒তে স্বাহা᳚ স্বপ॒তে স্বাহা॑ সু॒প্তায়॒ স্বাহা᳚ প্রভোথ্স্য়॒তে স্বাহা᳚ প্র॒বুদ্ধ্য়॑মানায়॒ স্বাহা॒ প্রবু॑দ্ধায়॒ স্বাহা॑ জাগরিষ্য়॒তে স্বাহা॒ জাগ্র॑তে॒ স্বাহা॑ জাগরি॒তায়॒ স্বাহা॒ শুশ্রূ॑ষমাণায়॒ স্বাহা॑ শৃণ্ব॒তে স্বাহা᳚ শ্রু॒তায়॒ স্বাহা॑ বীক্ষিষ্য়॒তে স্বাহা॒ [বীক্ষিষ্য়॒তে স্বাহা᳚, বীক্ষ॑মাণায়॒ স্বাহা॒] 50

বীক্ষ॑মাণায়॒ স্বাহা॒ বীক্ষি॑তায়॒ স্বাহা॑ সগ্​ম্হাস্য়॒তে স্বাহা॑ স॒জিংহা॑নায়॒ স্বাহো॒-জ্জিহা॑নায়॒ স্বাহা॑ বিবর্থ্স্য়॒তে স্বাহা॑ বি॒বর্ত॑মানায়॒ স্বাহা॒ বিবৃ॑ত্তায়॒ স্বাহো᳚-ত্থাস্য়॒তে স্বাহো॒ত্তিষ্ঠ॑তে॒ স্বাহোত্থি॑তায়॒ স্বাহা॑ বিধবিষ্য়॒তে স্বাহা॑ বিধূন্বা॒নায়॒ স্বাহা॒ বিধূ॑তায়॒ স্বাহো᳚-ত্ক্রগ্গ্​স্য়॒তে স্বাহো॒ত্ক্রাম॑তে॒ স্বাহোত্ক্রা᳚ন্তায়॒ স্বাহা॑ চঙ্ক্রমিষ্য়॒তে স্বাহা॑ চঙ্ক্র॒ম্যমা॑ণায়॒ স্বাহা॑ চঙ্ক্রমি॒তায়॒ স্বাহা॑ কণ্ডূয়িষ্য়॒তে স্বাহা॑ কণ্ডূ॒যমা॑নায়॒ স্বাহা॑ কণ্ডূয়ি॒তায়॒ স্বাহা॑ নিকষিষ্য়॒তে স্বাহা॑ নি॒কষ॑মাণায়॒ স্বাহা॒ নিক॑ষিতায়॒ স্বাহা॒ যদত্তি॒ তস্মৈ॒ স্বাহা॒ য-ত্পিব॑তি॒ তস্মৈ॒ স্বাহা॒ যন্মেহ॑তি॒ তস্মৈ॒ স্বাহা॒ যচ্ছকৃ॑-ত্ক॒রোতি॒ তস্মৈ॒ স্বাহা॒ রেত॑সে॒ স্বাহা᳚ প্র॒জাভ্য়॒-স্স্বাহা᳚ প্র॒জন॑নায়॒ স্বাহা॒ সর্ব॑স্মৈ॒ স্বাহা᳚ ॥ 51 ॥
(নিষ॑ণ্ণায়॒ স্বাহা॑ - বীক্ষিষ্য়॒তে স্বাহা॑ - নি॒কষ॑মাণায়॒ স্বাহা॑ - স॒প্তবিগ্​ম্॑শতিশ্চ) (অ. 19)

অ॒গ্নয়ে॒ স্বাহা॑ বা॒যবে॒ স্বাহা॒ সূর্য়া॑য়॒ স্বাহ॒র্ত-ম॑স্য়ৃ॒তস্য়॒র্তম॑সি স॒ত্যম॑সি স॒ত্যস্য়॑ স॒ত্য়-ম॑স্য়ৃ॒তস্য়॒ পন্থা॑ অসি দে॒বানা᳚-ঞ্ছা॒য়া-ঽমৃত॑স্য়॒ নাম॒ ত-থ্স॒ত্য়ং-য়ঁ-ত্ত্ব-ম্প্র॒জাপ॑তি॒রস্যধি॒ যদ॑স্মিন্ বা॒জিনী॑ব॒ শুভ॒-স্স্পর্ধ॑ন্তে॒ দিব॒-স্সূর্য়ে॑ণ॒ বিশো॒-ঽপো বৃ॑ণা॒নঃ প॑বতে ক॒ব্য়-ন্প॒শু-ন্ন গো॒পা ইর্য়ঃ॒ পরি॑জ্মা ॥ 52 ॥
(অ॒গ্নয়ে॑ বা॒যবে॒ সূর্য়া॑য়া॒ - ঽষ্টাচ॑ত্বারিগ্​ম্শত্) (অ. 20)

(প্র॒জন॑নং - প্রাতস্সব॒নে বৈ - ব্র॑হ্মবা॒দিন॒-স্স ত্বা - অঙ্গি॑রস॒- আপো॒ বৈ - সোমো॒ বৈ - স॑হস্রত॒ম্য়া - ত্রি॑ - র্জ॒মদ॑গ্নিঃ - সং​বঁথ্স॒রো - দে॒বস্য়॑ -বি॒ভূ - রায়॑নায়া॒- ঽগ্নয়ে॑ - পৃথি॒ব্য়া - অ॒গ্নয়ে॑ - পৃথি॒ব্য়ৈ - ভুব॑ - ঈকাং॒রায়া॒ - গ্নয়ে॑ বা॒যবে॒ সূর্য়া॑য় - বিগ্​ম্শ॒তিঃ )

(প্র॒জন॑ন॒ - মঙ্গি॑রসঃ॒ - সোমো॒ বৈ - প্র॑তিগৃ॒হ্ণাতি॑ - বি॒ভূ - র্বীক্ষ॑মাণায়॒ - দ্বিপ॑ঞ্চা॒শত্)

(প্র॒জন॑ন॒, ম্পরি॑জ্মা)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়াং সপ্তমকাণ্ডে প্রথমঃ প্রশ্ন-স্সমাপ্তঃ ॥