কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থকাণ্ডে ষষ্ঠঃ প্রশ্নঃ - পরিষেচন-সংস্কারাভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অশ্ম॒ন্নূর্জ॒-ম্পর্ব॑তে শিশ্রিয়া॒ণাং-বাঁতে॑ প॒র্জন্য়ে॒ বরু॑ণস্য়॒ শুষ্মে᳚ । অ॒দ্ভ্য় ওষ॑ধীভ্য়ো॒ বন॒স্পতি॒ভ্য়ো-ঽধি॒ সম্ভৃ॑তা॒-ন্তা-ন্ন॒ ইষ॒মূর্জ॑-ন্ধত্ত মরুত-স্সগ্​ম্ ররা॒ণাঃ ॥ অশ্মগ্গ্॑স্তে॒ ক্ষুদ॒মু-ন্তে॒ শুগৃ॑চ্ছতু॒ য-ন্দ্বি॒ষ্মঃ ॥ স॒মু॒দ্রস্য়॑ ত্বা॒-ঽবাক॒য়া-ঽগ্নে॒ পরি॑ ব্যয়ামসি । পা॒ব॒কো অ॒স্মভ্য়গ্​ম্॑ শি॒বো ভ॑ব ॥ হি॒মস্য়॑ ত্বা জ॒রায়ু॒ণা-ঽগ্নে॒ পরি॑ ব্যয়ামসি । পা॒ব॒কো অ॒স্মভ্য়গ্​ম্॑ শি॒বো ভ॑ব ॥ উপ॒- [উপ॑, জ্মন্নুপ॑] 1

-জ্মন্নুপ॑ বেত॒সে-ঽব॑ত্তর-ন্ন॒দীষ্বা । অগ্নে॑ পি॒ত্তম॒পাম॑সি ॥ মণ্ডূ॑কি॒ তাভি॒রা গ॑হি॒ সেম-ন্নো॑ য॒জ্ঞম্ । পা॒ব॒কব॑র্ণগ্​ম্ শি॒ব-ঙ্কৃ॑ধি ॥ পা॒ব॒ক আ চি॒তয়॑ন্ত্য়া কৃ॒পা । ক্ষাম॑-ন্রুরু॒চ উ॒ষসো॒ ন ভা॒নুনা᳚ ॥ তূর্ব॒-ন্ন যাম॒ন্নেত॑শস্য়॒ নূ রণ॒ আ যো ঘৃ॒ণে । ন ত॑তৃষা॒ণো অ॒জরঃ॑ ॥ অগ্নে॑ পাবক রো॒চিষা॑ ম॒ন্দ্রয়া॑ দেব জি॒হ্বয়া᳚ । আ দে॒বান্ [আ দে॒বান্, ব॒ক্ষি॒ যক্ষি॑ চ ।] 2

ব॑ক্ষি॒ যক্ষি॑ চ ॥ স নঃ॑ পাবক দীদি॒বো-ঽগ্নে॑ দে॒বাগ্​ম্ ই॒হা-ঽঽ ব॑হ । উপ॑ য॒জ্ঞগ্​ম্ হ॒বিশ্চ॑ নঃ ॥ অ॒পামি॒দ-ন্ন্যয়॑নগ্​ম্ সমু॒দ্রস্য়॑ নি॒বেশ॑নম্ । অ॒ন্য়-ন্তে॑ অ॒স্ম-ত্ত॑পন্তু হে॒তয়ঃ॑ পাব॒কো অ॒স্মভ্য়গ্​ম্॑ শি॒বো ভ॑ব ॥ নম॑স্তে॒ হর॑সে শো॒চিষে॒ নম॑স্তে অস্ত্ব॒র্চিষে᳚ । অ॒ন্য়-ন্তে॑ অ॒স্ম-ত্ত॑পন্তু হে॒তয়ঃ॑ পাব॒কো অ॒স্মভ্য়গ্​ম্॑ শি॒বো ভ॑ব ॥ নৃ॒ষদে॒ ব- [নৃ॒ষদে॒ বট্, অ॒ফ্সু॒ষদে॒ ব-ড্ব॑ন॒সদে॒] 3

-ড॑ফ্সু॒ষদে॒ ব-ড্ব॑ন॒সদে॒ ব-ড্ব॑র্​হি॒ষদে॒ বট্-থ্সু॑ব॒র্বিদে॒ বট্ ॥ যে দে॒বা দে॒বানাং᳚-য়ঁ॒জ্ঞিয়া॑ য॒জ্ঞিয়া॑নাগ্​ম্ সং​বঁ-থ্স॒রীণ॒মুপ॑ ভা॒গমাস॑তে । অ॒হু॒তাদো॑ হ॒বিষো॑ য॒জ্ঞে অ॒স্মিন্-থ্স্ব॒য়-ঞ্জু॑হুদ্ধ্ব॒-ম্মধু॑নো ঘৃ॒তস্য়॑ ॥ যে দে॒বা দে॒বেষ্বধি॑ দেব॒ত্বমায়॒ন্॒ যে ব্রহ্ম॑ণঃ পুর এ॒তারো॑ অ॒স্য় । যেভ্য়ো॒ নর্তে পব॑তে॒ ধাম॒ কি-ঞ্চ॒ন ন তে দি॒বো ন পৃ॑থি॒ব্য়া অধি॒ স্নুষু॑ ॥ প্রা॒ণ॒দা [প্রা॒ণ॒দাঃ, অ॒পা॒ন॒দা ব্য়া॑ন॒দা-] 4

অ॑পান॒দা ব্য়া॑ন॒দা-শ্চ॑ক্ষু॒র্দা ব॑র্চো॒দা ব॑রিবো॒দাঃ । অ॒ন্য়-ন্তে॑ অ॒স্ম-ত্ত॑পন্তু হে॒তয়ঃ॑ পাব॒কো অ॒স্মভ্য়গ্​ম্॑ শি॒বো ভ॑ব ॥ অ॒গ্নিস্তি॒গ্মেন॑ শো॒চিষা॒ যগ্​ম্স॒দ্বিশ্ব॒-ন্ন্য়॑ত্রিণ᳚ম্ । অ॒গ্নির্নো॑ বগ্​ম্সতে র॒য়িম্ ॥ সৈনা-ঽনী॑কেন সুবি॒দত্রো॑ অ॒স্মে যষ্টা॑ দে॒বাগ্​ম্ আয়॑জিষ্ঠ-স্স্ব॒স্তি । অদ॑ব্ধো গো॒পা উ॒ত নঃ॑ পর॒স্পা অগ্নে᳚ দ্য়ু॒মদু॒ত রে॒ব-দ্দি॑দীহি ॥ 5 ॥
(উপ॑-দে॒বান্-বট্-প্রা॑ণ॒দা-শ্চতু॑শ্চত্বারিগ্​ম্শচ্চ) (অ. 1)

য ই॒মা বিশ্বা॒ ভুব॑নানি॒ জুহ্ব॒দৃষি॒র্॒হোতা॑ নিষ॒সাদা॑ পি॒তা নঃ॑ । স আ॒শিষা॒ দ্রবি॑ণমি॒চ্ছমা॑নঃ পরম॒চ্ছদো॒ বর॒ আ বি॑বেশ ॥ বি॒শ্বক॑র্মা॒ মন॑সা॒ যদ্বিহা॑য়া ধা॒তা বি॑ধা॒তা প॑র॒মোত স॒ন্দৃক্ । তেষা॑মি॒ষ্টানি॒ সমি॒ষা ম॑দন্তি॒ যত্র॑ সপ্ত॒র্॒ষী-ন্প॒র এক॑মা॒হুঃ ॥ যো নঃ॑ পি॒তা জ॑নি॒তা যো বি॑ধা॒তা যো ন॑-স্স॒তো অ॒ভ্য়া সজ্জ॒জান॑ । 6

যো দে॒বানা᳚-ন্নাম॒ধা এক॑ এ॒ব তগ্​ম্ স॑ম্প্র॒শ্ঞ-ম্ভুব॑না যন্ত্য়॒ন্য়া ॥ ত আ-ঽয়॑জন্ত॒ দ্রবি॑ণ॒গ্​ম্॒ সম॑স্মা॒ ঋষ॑য়ঃ॒ পূর্বে॑ জরি॒তারো॒ ন ভূ॒না । অ॒সূর্তা॒ সূর্তা॒ রজ॑সো বি॒মানে॒ যে ভূ॒তানি॑ স॒মকৃ॑ণ্বন্নি॒মানি॑ ॥ ন তং-বিঁ॑দাথ॒ য ই॒দ-ঞ্জ॒জানা॒ন্য়-দ্য়ু॒ষ্মাক॒মন্ত॑র-ম্ভবাতি । নী॒হা॒রেণ॒ প্রাবৃ॑তা॒ জল্প্য়া॑ চাসু॒তৃপ॑ উক্থ॒ শাস॑শ্চরন্তি ॥ প॒রো দি॒বা প॒র এ॒না [প॒র এ॒না, পৃ॒থি॒ব্য়া প॒রো] 7

পৃ॑থি॒ব্য়া প॒রো দে॒বেভি॒রসু॑রৈ॒র্গুহা॒ যত্ । কগ্গ্​ স্বি॒দ্গর্ভ॑-ম্প্রথ॒ম-ন্দ॑দ্ধ্র॒ আপো॒ যত্র॑ দে॒বা-স্স॒মগ॑চ্ছন্ত॒ বিশ্বে᳚ ॥ তমিদ্গর্ভ॑-ম্প্রথ॒ম-ন্দ॑দ্ধ্র॒ আপো॒ যত্র॑ দে॒বা-স্স॒মগ॑চ্ছন্ত॒ বিশ্বে᳚ । অ॒জস্য়॒ নাভা॒বদ্ধ্য়েক॒-মর্পি॑তং॒-য়ঁস্মি॑ন্নি॒দং-বিঁশ্ব॒-ম্ভুব॑ন॒মধি॑ শ্রি॒তম্ ॥ বি॒শ্বক॑র্মা॒ হ্যজ॑নিষ্ট দে॒ব আদি-দ্গ॑ন্ধ॒র্বো অ॑ভব-দ্দ্বি॒তীয়ঃ॑ । তৃ॒তীয়ঃ॑ পি॒তা জ॑নি॒তৌষ॑ধীনা- [পি॒তা জ॑নি॒তৌষ॑ধীনাম্, অ॒পা-ঙ্গর্ভং॒-ব্য়ঁ॑দধা-ত্পুরু॒ত্রা ।] 8

-ম॒পা-ঙ্গর্ভং॒-ব্য়ঁ॑দধা-ত্পুরু॒ত্রা ॥ চক্ষু॑ষঃ পি॒তা মন॑সা॒ হি ধীরো॑ ঘৃ॒তমে॑নে অজন॒ন্ন॑মানে । য॒দেদন্তা॒ অদ॑দৃগ্​ম্হন্ত॒ পূর্ব॒ আদি-দ্দ্য়াবা॑পৃথি॒বী অ॑প্রথেতাম্ ॥ বি॒শ্বত॑-শ্চক্ষুরু॒ত বি॒শ্বতো॑মুখো বি॒শ্বতো॑হস্ত উ॒ত বি॒শ্বত॑স্পাত্ । স-ম্বা॒হুভ্য়া॒-ন্নম॑তি॒ স-ম্পত॑ত্রৈ॒ র্দ্য়াবা॑পৃথি॒বী জ॒নয়॑-ন্দে॒ব একঃ॑ ॥ কিগ্গ্​ স্বি॑দাসী-দধি॒ষ্ঠান॑-মা॒রম্ভ॑ণ-ঙ্কত॒ম-থ্স্বি॒-ত্কিমা॑সীত্ । যদী॒ ভূমি॑-ঞ্জ॒নয়॑- [যদী॒ ভূমি॑-ঞ্জ॒নযন্ন্॑, বি॒শ্বক॑র্মা॒] 9

-ন্বি॒শ্বক॑র্মা॒ বি দ্য়ামৌর্ণো᳚-ন্মহি॒না বি॒শ্বচ॑ক্ষাঃ ॥ কিগ্গ্​ স্বি॒দ্বন॒-ঙ্ক উ॒ স বৃ॒ক্ষ আ॑সী॒দ্যতো॒ দ্য়াবা॑পৃথি॒বী নি॑ষ্টত॒ক্ষুঃ । মনী॑ষিণো॒ মন॑সা পৃ॒চ্ছতেদু॒ তদ্যদ॒দ্ধ্যতি॑ষ্ঠ॒-দ্ভুব॑নানি ধা॒রযন্ন্॑ ॥ যা তে॒ ধামা॑নি পর॒মাণি॒ যা-ঽব॒মা যা ম॑দ্ধ্য়॒মা বি॑শ্বকর্মন্নু॒তেমা । শিক্ষা॒ সখি॑ভ্য়ো হ॒বিষি॑ স্বধাব-স্স্ব॒য়ং-য়ঁ॑জস্ব ত॒নুব॑-ঞ্জুষা॒ণঃ ॥ বা॒চস্পতিং॑-বিঁ॒শ্বক॑র্মাণ-মূ॒তয়ে॑ [-মূ॒তয়ে᳚, ম॒নো॒য়ুজং॒-বাঁজে॑] 10

মনো॒য়ুজং॒-বাঁজে॑ অ॒দ্য়া হু॑বেম । স নো॒ নেদি॑ষ্ঠা॒ হব॑নানি জোষতে বি॒শ্বশ॑ভূং॒রব॑সে সা॒ধুক॑র্মা ॥ বিশ্ব॑কর্মন্. হ॒বিষা॑ বাবৃধা॒ন-স্স্ব॒য়ং-য়ঁ॑জস্ব ত॒নুব॑-ঞ্জুষা॒ণঃ । মুহ্য়॑ন্ত্ব॒ন্য়ে অ॒ভিত॑-স্স॒পত্না॑ ই॒হাস্মাক॑-ম্ম॒ঘবা॑ সূ॒রির॑স্তু ॥ বিশ্ব॑কর্মন্. হ॒বিষা॒ বর্ধ॑নেন ত্রা॒তার॒মিন্দ্র॑-মকৃণোরব॒দ্ধ্যম্ । তস্মৈ॒ বিশ॒-স্সম॑নমন্ত পূ॒র্বীর॒যমু॒গ্রো বি॑হ॒ব্য়ো॑ যথা-ঽস॑ত্ ॥ স॒মু॒দ্রায়॑ ব॒য়ুনা॑য়॒ সিন্ধূ॑না॒-ম্পত॑য়ে॒ নমঃ॑ । ন॒দীনা॒গ্​ম্॒ সর্বা॑সা-ম্পি॒ত্রে জু॑হু॒তা বি॒শ্বক॑র্মণে॒ বিশ্বা-ঽহাম॑র্ত্য়গ্​ম্ হ॒বিঃ ॥ 11 ॥
(জ॒জানৈ॒ - নৌ - ষ॑ধীনাং॒ - ভূমি॑-ঞ্জ॒নয়॑ - ন্নূ॒তয়ে॒ - নমো॒ - নব॑ চ) (অ. 2)

উদে॑নমুত্ত॒রা-ন্ন॒য়াগ্নে॑ ঘৃতেনা-ঽঽহুত । রা॒যস্পোষে॑ণ॒ সগ্​ম্ সৃ॑জ প্র॒জয়া॑ চ॒ ধনে॑ন চ ॥ ইন্দ্রে॒ম-ম্প্র॑ত॒রা-ঙ্কৃ॑ধি সজা॒তানা॑-মসদ্ব॒শী । সমে॑নং॒-বঁর্চ॑সা সৃজ দে॒বেভ্য়ো॑ ভাগ॒ধা অ॑সত্ ॥ যস্য়॑ কু॒র্মো হ॒বির্গৃ॒হে তম॑গ্নে বর্ধয়া॒ ত্বম্ । তস্ম॑ দে॒বা অধি॑ ব্রবন্ন॒য়-ঞ্চ॒ ব্রহ্ম॑ণ॒স্পতিঃ॑ ॥ উদু॑ ত্বা॒ বিশ্বে॑ দে॒বা [বিশ্বে॑ দে॒বাঃ, অগ্নে॒ ভর॑ন্তু॒ চিত্তি॑ভিঃ ।] 12

অগ্নে॒ ভর॑ন্তু॒ চিত্তি॑ভিঃ । স নো॑ ভব শি॒বত॑ম-স্সু॒প্রতী॑কো বি॒ভাব॑সুঃ ॥ পঞ্চ॒ দিশো॒ দৈবী᳚র্য়॒জ্ঞম॑বন্তু দে॒বীরপাম॑তি-ন্দুর্ম॒তি-ম্বাধ॑মানাঃ । রা॒যস্পোষে॑ য॒জ্ঞপ॑তি-মা॒ভজ॑ন্তীঃ ॥ রা॒যস্পোষে॒ অধি॑ য॒জ্ঞো অ॑স্থা॒-থ্সমি॑দ্ধে অ॒গ্নাবধি॑ মামহা॒নঃ । উ॒ক্থপ॑ত্র॒ ঈড্য়ো॑ গৃভী॒তস্ত॒প্ত-ঙ্ঘ॒র্ম-ম্প॑রি॒গৃহ্য়া॑যজন্ত ॥ ঊ॒র্জা য-দ্য়॒জ্ঞমশ॑মন্ত দে॒বা দৈব্য়া॑য় ধ॒র্ত্রে জোষ্ট্রে᳚ । দে॒ব॒শ্রী-শ্শ্রীম॑ণা-শ্শ॒তপ॑য়াঃ [দে॒ব॒শ্রী-শ্শ্রীম॑ণা-শ্শ॒তপ॑য়াঃ, প॒রি॒গৃহ্য়॑] 13

পরি॒গৃহ্য়॑ দে॒বা য॒জ্ঞমা॑যন্ন্ ॥ সূর্য়॑রশ্মি॒র্॒হরি॑কেশঃ পু॒রস্তা᳚-থ্সবি॒তা জ্য়োতি॒রুদ॑য়া॒গ্​ম্॒ অজ॑স্রম্ । তস্য়॑ পূ॒ষা প্র॑স॒বং-য়াঁ॑তি দে॒ব-স্স॒পংশ্য়॒ন্ বিশ্বা॒ ভুব॑নানি গো॒পাঃ ॥ দে॒বা দে॒বেভ্য়ো॑ অদ্ধ্ব॒র্যন্তো॑ অস্থুর্বী॒তগ্​ম্ শ॑মি॒ত্রে শ॑মি॒তা য॒জদ্ধ্য়ৈ᳚ । তু॒রীয়ো॑ য॒জ্ঞো যত্র॑ হ॒ব্যমেতি॒ ততঃ॑ পাব॒কা আ॒শিষো॑ নো জুষন্তাম্ ॥ বি॒মান॑ এ॒ষ দি॒বো মদ্ধ্য়॑ আস্ত আপপ্রি॒বা-ন্রোদ॑সী অ॒ন্তরি॑ক্ষম্ । স বি॒শ্বাচী॑র॒ভি- [স বি॒শ্বাচী॑র॒ভি, চ॒ষ্টে॒ ঘৃ॒তাচী॑রন্ত॒রা] 14

-চ॑ষ্টে ঘৃ॒তাচী॑রন্ত॒রা পূর্ব॒মপ॑র-ঞ্চ কে॒তুম্ ॥ উ॒ক্ষা স॑মু॒দ্রো অ॑রু॒ণ-স্সু॑প॒র্ণঃ পূর্ব॑স্য়॒ যোনি॑-ম্পি॒তুরা বি॑বেশ । মদ্ধ্য়ে॑ দি॒বো নিহি॑তঃ॒ পৃশ্ঞি॒রশ্মা॒ বি চ॑ক্রমে॒ রজ॑সঃ পা॒ত্যন্তৌ᳚ ॥ ইন্দ্রং॒-বিঁশ্বা॑ অবীবৃধন্-থ্সমু॒দ্রব্য়॑চস॒-ঙ্গিরঃ॑ । র॒থীত॑মগ্​ম্ রথী॒নাং-বাঁজা॑না॒গ্​ম্॒ সত্প॑তি॒-ম্পতি᳚ম্ ॥ সু॒ম্ন॒হূর্য়॒জ্ঞো দে॒বাগ্​ম্ আ চ॑ বক্ষ॒দ্যক্ষ॑দ॒গ্নির্দে॒বো দে॒বাগ্​ম্ আ চ॑ বক্ষত্ ॥ বাজ॑স্য় মা প্রস॒বেনো᳚-দ্গ্রা॒ভেণো-দ॑গ্রভীত্ । অথা॑ স॒পত্না॒গ্​ম্॒ ইন্দ্রো॑ মে নিগ্রা॒ভেণাধ॑রাগ্​ম্ অকঃ ॥ উ॒দ্গ্রা॒ভ-ঞ্চ॑ নিগ্রা॒ভ-ঞ্চ॒ ব্রহ্ম॑ দে॒বা অ॑বীবৃধন্ন্ । অথা॑ স॒পত্না॑নিন্দ্রা॒গ্নী মে॑ বিষূ॒চীনা॒ন্ ব্য়॑স্যতাম্ ॥ 15 ॥
(দে॒বাঃ - শ॒তপ॑য়া - অ॒ভি - বাজ॑স্য়॒ - ষড্বিগ্​ম্॑শতিশ্চ ) (অ. 3)

আ॒শু-শ্শিশা॑নো বৃষ॒ভো ন যু॒দ্ধ্মো ঘ॑নাঘ॒নঃ, ক্ষোভ॑ণ-শ্চর্​ষণী॒নাম্ । স॒ঙ্ক্রন্দ॑নো-ঽনিমি॒ষ এ॑ক বী॒র-শ্শ॒তগ্​ম্ সেনা॑ অজয়-থ্সা॒কমিন্দ্রঃ॑ ॥ স॒ঙ্ক্রন্দ॑নেনা নিমি॒ষেণ॑ জি॒ষ্ণুনা॑ যুত্কা॒রেণ॑ দুশ্চ্যব॒নেন॑ ধৃ॒ষ্ণুনা᳚ । তদিন্দ্রে॑ণ জযত॒ ত-থ্স॑হদ্ধ্বং॒-য়ুঁধো॑ নর॒ ইষু॑হস্তেন॒ বৃষ্ণা᳚ ॥ স ইষু॑হস্তৈ॒-স্স নি॑ষ॒ঙ্গিভি॑র্ব॒শী সগ্গ্​স্র॑ষ্টা॒ স যুধ॒ ইন্দ্রো॑ গ॒ণেন॑ । স॒গ্​ম্॒সৃ॒ষ্ট॒জি-থ্সো॑ম॒পা বা॑হুশ॒র্ধ্য়ূ᳚র্ধ্বধ॑ন্বা॒ প্রতি॑হিতাভি॒রস্তা᳚ ॥ বৃহ॑স্পতে॒ পরি॑ দীয়া॒ [পরি॑ দীয়, রথে॑ন] 16

রথে॑ন রক্ষো॒হা ঽমিত্রাগ্​ম্॑ অপ॒ বাধ॑মানঃ । প্র॒ভ॒ঞ্জন্-থ্সেনাঃ᳚ প্রমৃ॒ণো যু॒ধা জয়॑ন্ন॒স্মাক॑-মেদ্ধ্যবি॒তা রথা॑নাম্ ॥ গো॒ত্র॒ভিদ॑-ঙ্গো॒বিদং॒-বঁজ্র॑বাহু॒-ঞ্জয়॑ন্ত॒মজ্ম॑ প্রমৃ॒ণন্ত॒-মোজ॑সা । ই॒মগ্​ম্ স॑জাতা॒ অনু॑বীর-যদ্ধ্ব॒মিন্দ্রগ্​ম্॑ সখা॒য়ো-ঽনু॒ সগ্​ম্ র॑ভদ্ধ্বম্ ॥ ব॒ল॒বি॒জ্ঞা॒য়ঃ-স্থবি॑রঃ॒ প্রবী॑র॒-স্সহ॑স্বান্. বা॒জী সহ॑মান উ॒গ্রঃ । অ॒ভিবী॑রো অ॒ভিস॑ত্বা সহো॒জা জৈত্র॑মিন্দ্র॒ রথ॒মাতি॑ষ্ঠ গো॒বিত্ ॥ অ॒ভি গো॒ত্রাণি॒ সহ॑সা॒ গাহ॑মানো-ঽদা॒য়ো [গাহ॑মানো-ঽদা॒য়ঃ, বী॒র-শ্শ॒তম॑ন্য়ু॒রিন্দ্রঃ॑ ।] 17

বী॒র-শ্শ॒তম॑ন্য়ু॒রিন্দ্রঃ॑ । দু॒শ্চ্য়॒ব॒নঃ পৃ॑তনা॒ষাড॑ যু॒দ্ধ্য়ো᳚-স্মাক॒গ্​ম্॒ সেনা॑ অবতু॒ প্র যু॒থ্সু ॥ ইন্দ্র॑ আসাং-নে॒তা বৃহ॒স্পতি॒ র্দক্ষি॑ণা য॒জ্ঞঃ পু॒র এ॑তু॒ সোমঃ॑ । দে॒ব॒সে॒নানা॑-মভিভঞ্জতী॒না-ঞ্জয়॑ন্তীনা-ম্ম॒রুতো॑ য॒ন্ত্বগ্রে᳚ ॥ ইন্দ্র॑স্য়॒ বৃষ্ণো॒ বরু॑ণস্য়॒ রাজ্ঞ॑ আদি॒ত্য়ানা᳚-ম্ম॒রুতা॒গ্​ম্॒ শর্ধ॑ উ॒গ্রম্ । ম॒হাম॑নসা-ম্ভুবনচ্য়॒বানা॒-ঙ্ঘোষো॑ দে॒বানা॒-ঞ্জয়॑তা॒ মুদ॑স্থাত্ ॥ অ॒স্মাক॒-মিন্দ্র॒-স্সমৃ॑তেষু ধ্ব॒জেষ্ব॒স্মাকং॒-য়াঁ ইষ॑ব॒স্তা জ॑যন্তু । 18

অ॒স্মাকং॑-বীঁ॒রা উত্ত॑রে ভবন্ত্ব॒স্মানু॑ দেবা অবতা॒ হবে॑ষু ॥ উদ্ধ॑র্​ষয় মঘব॒ন্না-য়ু॑ধা॒-ন্য়ুথ্সত্ব॑না-ম্মাম॒কানা॒-ম্মহাগ্​ম্॑সি । উদ্বৃ॑ত্রহন্ বা॒জিনাং॒-বাঁজি॑না॒ন্য়ু-দ্রথা॑না॒-ঞ্জয়॑তামেতু॒ ঘোষঃ॑ ॥ উপ॒ প্রেত॒ জয়॑তা নরস্স্থি॒রা ব॑-স্সন্তু বা॒হবঃ॑ । ইন্দ্রো॑ ব॒-শ্শর্ম॑ যচ্ছ ত্বনা-ধৃ॒ষ্য়া যথাস॑থ ॥ অব॑সৃষ্টা॒ পরা॑ পত॒ শর॑ব্য়ে॒ ব্রহ্ম॑ সগ্​ম্শিতা । গচ্ছা॒-ঽমিত্রা॒-ন্প্র- [গচ্ছা॒-ঽমিত্রা॒-ন্প্র, বি॒শ॒ মৈষা॒-] 19

-বি॑শ॒ মৈষা॒-ঙ্কঞ্চ॒নোচ্ছি॑ষঃ ॥ মর্মা॑ণি তে॒ বর্ম॑ভিশ্ছাদয়ামি॒ সোম॑স্ত্বা॒ রাজা॒ ঽমৃতে॑না॒ভি-ব॑স্তাম্ । উ॒রোর্বরী॑য়ো॒ বরি॑বস্তে অস্তু॒ জয়॑ন্ত॒-ন্ত্বামনু॑ মদন্তু দে॒বাঃ ॥ যত্র॑ বা॒ণা-স্স॒ম্পত॑ন্তি কুমা॒রা বি॑শি॒খা ই॑ব । ইন্দ্রো॑ ন॒স্তত্র॑ বৃত্র॒হা বি॑শ্বা॒হা শর্ম॑ যচ্ছতু ॥ 20 ॥
(দী॒য়া॒ - ঽদা॒য়ো - জ॑যন্ত্ব॒ - মিত্রা॒-ন্প্র - চ॑ত্বারি॒গ্​ম্॒শচ্চ॑) (অ. 4)

প্রাচী॒মনু॑ প্র॒দিশ॒-ম্প্রেহি॑ বি॒দ্বান॒গ্নের॑গ্নে পু॒রো অ॑গ্নির্ভবে॒হ । বিশ্বা॒ আশা॒ দীদ্য়া॑নো॒ বি ভা॒হ্য়ূর্জ॑-ন্নো ধেহি দ্বি॒পদে॒ চতু॑ষ্পদে ॥ ক্রম॑দ্ধ্বম॒গ্নিনা॒ নাক॒মুখ্য়॒গ্​ম্॒ হস্তে॑ষু॒ বিভ্র॑তঃ । দি॒বঃ পৃ॒ষ্ঠগ্​ম্ সুব॑র্গ॒ত্বা মি॒শ্রা দে॒বেভি॑রাদ্ধ্বম্ ॥ পৃ॒থি॒ব্য়া অ॒হমুদ॒ন্তরি॑ক্ষ॒-মা-ঽরু॑হ-ম॒ন্তরি॑ক্ষা॒-দ্দিব॒মা-ঽরু॑হম্ । দি॒বো নাক॑স্য় পৃ॒ষ্ঠা-থ্সুব॒র্জ্য়োতি॑রগা- [পৃ॒ষ্ঠা-থ্সুব॒র্জ্য়োতি॑রগাম্, অ॒হম্ ।] 21

-ম॒হম্ ॥ সুব॒র্যন্তো॒ নাপে᳚ক্ষন্ত॒ আ দ্য়াগ্​ম্ রো॑হন্তি॒ রোদ॑সী । য॒জ্ঞং-য়েঁ বি॒শ্বতো॑ধার॒গ্​ম্॒ সুবি॑দ্বাগ্​ম্সো বিতেনি॒রে ॥ অগ্নে॒ প্রেহি॑ প্রথ॒মো দে॑বয়॒তা-ঞ্চক্ষু॑র্দে॒বানা॑মু॒ত মর্ত্য়া॑নাম্ । ইয়॑ক্ষমাণা॒ ভৃগু॑ভি-স্স॒জোষা॒-স্সুব॑র্যন্তু॒ যজ॑মানা-স্স্ব॒স্তি ॥ নক্তো॒ষাসা॒ সম॑নসা॒ বিরূ॑পে ধা॒পয়ে॑তে॒ শিশু॒মেকগ্​ম্॑ সমী॒চী । দ্য়াবা॒ ক্ষামা॑ রু॒ক্মো অ॒ন্তর্বি ভা॑তি দে॒বা অ॒গ্নি-ন্ধা॑রয়-ন্দ্রবিণো॒দাঃ ॥ অগ্নে॑ সহস্রাক্ষ [অগ্নে॑ সহস্রাক্ষ, শ॒ত॒মূ॒র্ধ॒ঞ্ছ॒ত-ন্তে᳚] 22

শতমূর্ধঞ্ছ॒ত-ন্তে᳚ প্রা॒ণা-স্স॒হস্র॑মপা॒নাঃ । ত্বগ্​ম্ সা॑হ॒স্রস্য়॑ রা॒য় ঈ॑শিষে॒ তস্মৈ॑ তে বিধেম॒ বাজা॑য়॒ স্বাহা᳚ ॥ সু॒প॒র্ণো॑-ঽসি গ॒রুত্মা᳚-ন্পৃথি॒ব্য়াগ্​ম্ সী॑দ পৃ॒ষ্ঠে পৃ॑থি॒ব্য়া-স্সী॑দ ভা॒সা-ঽন্তরি॑ক্ষ॒মা পৃ॑ণ॒ জ্য়োতি॑ষা॒ দিব॒মুত্ত॑ভান॒ তেজ॑সা॒ দিশ॒ উ-দ্দৃগ্​ম্॑হ ॥ আ॒জুহ্বা॑ন-স্সু॒প্রতী॑কঃ পু॒রস্তা॒দগ্নে॒ স্বাং-য়োঁনি॒মা সী॑দ সা॒দ্ধ্য়া । অ॒স্মিন্-থ্স॒ধস্থে॒ অদ্ধ্য়ুত্ত॑রস্মি॒ন্ বিশ্বে॑ দেবা॒ [অদ্ধ্য়ুত্ত॑রস্মি॒ন্ বিশ্বে॑ দেবাঃ, যজ॑মানশ্চ সীদত ।] 23

যজ॑মানশ্চ সীদত ॥ প্রেদ্ধো॑ অগ্নে দীদিহি পু॒রো নো-ঽজ॑স্রয়া সূ॒র্ম্য়া॑ যবিষ্ঠ । ত্বাগ্​ম্ শশ্ব॑ন্ত॒ উপ॑ যন্তি॒ বাজাঃ᳚ ॥ বি॒ধেম॑ তে পর॒মে জন্ম॑ন্নগ্নে বি॒ধেম॒ স্তোমৈ॒রব॑রে স॒ধস্থে᳚ । যস্মা॒-দ্য়োনে॑রু॒দারি॑থা॒ যজে॒ ত-ম্প্রত্বে হ॒বীগ্​ম্ষি॑ জুহুরে॒ সমি॑দ্ধে ॥ তাগ্​ম্ স॑বি॒তুর্বরে᳚ণ্যস্য় চি॒ত্রামা-ঽহং-বৃঁ॑ণে সুম॒তিং-বিঁ॒শ্বজ॑ন্য়াম্ । যাম॑স্য়॒ কণ্বো॒ অদু॑হ॒-ত্প্রপী॑নাগ্​ম্ স॒হস্র॑ধারা॒- [স॒হস্র॑ধারাম্, পয়॑সা ম॒হী-ঙ্গাম্ ।] 24

-ম্পয়॑সা ম॒হী-ঙ্গাম্ ॥ স॒প্ত তে॑ অগ্নে স॒মিধ॑-স্স॒প্ত জি॒হ্বা-স্স॒প্তর্​ষ॑য়-স্স॒প্ত ধাম॑ প্রি॒য়াণি॑ । স॒প্ত হোত্রা᳚-স্সপ্ত॒ধা ত্বা॑ যজন্তি স॒প্ত যোনী॒রা পৃ॑ণস্বা ঘৃ॒তেন॑ ॥ ঈ॒দৃ-ঞ্চা᳚ন্য়া॒দৃ-ঞ্চৈ॑তা॒দৃঞ্চ॑ প্রতি॒দৃ-ঞ্চ॑ মি॒তশ্চ॒ সম্মি॑তশ্চ॒ সভ॑রাঃ ॥ শু॒ক্রজ্য়ো॑তিশ্চ চি॒ত্রজ্য়ো॑তিশ্চ স॒ত্যজ্য়ো॑তিশ্চ॒ জ্য়োতি॑ষ্মাগ্​শ্চ স॒ত্যশ্চ॑র্ত॒পাশ্চাত্য়গ্​ম্॑হাঃ । 25

ঋ॒ত॒জিচ্চ॑ সত্য়॒জিচ্চ॑ সেন॒জিচ্চ॑ সু॒ষেণ॒শ্চান্ত্য়॑মিত্রশ্চ দূ॒রে অ॑মিত্রশ্চ গ॒ণঃ ॥ ঋ॒তশ্চ॑ স॒ত্যশ্চ॑ ধ্রু॒বশ্চ॑ ধ॒রুণ॑শ্চ ধ॒র্তা চ॑ বিধ॒র্তা চ॑ বিধার॒য়ঃ ॥ ঈ॒দৃক্ষা॑স এতা॒দৃক্ষা॑স ঊ॒ ষুণ॑-স্স॒দৃক্ষা॑সঃ॒ প্রতি॑সদৃক্ষাস॒ এত॑ন । মি॒তাস॑শ্চ॒ সম্মি॑তাসশ্চ ন ঊ॒তয়ে॒ সভ॑রসো মরুতো য॒জ্ঞে অ॒স্মিন্নিন্দ্র॒-ন্দৈবী॒র্বিশো॑ ম॒রুতো-ঽনু॑বর্ত্মানো॒ যথেন্দ্র॒-ন্দৈবী॒র্বিশো॑ ম॒রুতো-ঽনু॑বর্ত্মান এ॒বমি॒মং-য়ঁজ॑মান॒-ন্দৈবী᳚শ্চ॒ বিশো॒ মানু॑ষী॒শ্চানু॑বর্ত্মানো ভবন্তু ॥ 26 ॥
(অ॒গা॒গ্​ম্॒ - স॒হ॒স্রা॒ক্ষ॒ - দে॒বাঃ॒ - স॒হস্র॑ধারা॒ - মত্য়গ্​ম্॑হা॒ - অনু॑বর্ত্মানঃ॒ - ষোড॑শ চ) (অ. 5)

জী॒মূত॑স্য়েব ভবতি॒ প্রতী॑কং॒-য়ঁদ্ব॒র্মী যাতি॑ স॒মদা॑মু॒পস্থে᳚ । অনা॑বিদ্ধয়া ত॒নুবা॑ জয়॒ ত্বগ্​ম্ স ত্বা॒ বর্ম॑ণো মহি॒মা পি॑পর্তু ॥ ধন্ব॑না॒ গা ধন্ব॑না॒-ঽঽজি-ঞ্জ॑য়েম॒ ধন্ব॑না তী॒ব্রা-স্স॒মদো॑ জয়েম । ধনু॒-শ্শত্রো॑রপকা॒ম-ঙ্কৃ॑ণোতি॒ ধন্ব॑না॒ সর্বাঃ᳚ প্র॒দিশো॑ জয়েম ॥ ব॒ক্ষ্যন্তী॒বেদা গ॑নীগন্তি॒ কর্ণ॑-ম্প্রি॒য়গ্​ম্ সখা॑য়-ম্পরিষস্বজা॒না । যোষে॑ব শিঙ্ক্তে॒ বিত॒তা-ঽধি॒ ধন্ব॒- [ধন্বন্ন্॑, জ্য়া ই॒য়গ্​ম্] 27

-ঞ্জ্য়া ই॒য়গ্​ম্ সম॑নে পা॒রয়॑ন্তী ॥ তে আ॒চর॑ন্তী॒ সম॑নেব॒ যোষা॑ মা॒তেব॑ পু॒ত্র-ম্বি॑ভৃতামু॒পস্থে᳚ । অপ॒ শত্রূন্॑ বিদ্ধ্যতাগ্​ম্ সং​বিঁদা॒নে আর্ত্নী॑ ই॒মে বি॑ষ্ফু॒রন্তী॑ অ॒মিত্রান্॑ ॥ ব॒হ্বী॒না-ম্পি॒তা ব॒হুর॑স্য় পু॒ত্রশ্চি॒শ্চা কৃ॑ণোতি॒ সম॑না-ঽব॒গত্য়॑ । ই॒ষু॒ধি-স্সঙ্কাঃ॒ পৃত॑নাশ্চ॒ সর্বাঃ᳚ পৃ॒ষ্ঠে নিন॑দ্ধো জযতি॒ প্রসূ॑তঃ ॥ রথে॒ তিষ্ঠ॑-ন্নযতি বা॒জিনঃ॑ পু॒রো যত্র॑যত্র কা॒ময়॑তে সুষার॒থিঃ । অ॒ভীশূ॑না-ম্মহি॒মান॑- [মহি॒মান᳚ম্, প॒না॒য়॒ত॒ মনঃ॑] 28

-ম্পনাযত॒ মনঃ॑ প॒শ্চাদনু॑ যচ্ছন্তি র॒শ্ময়ঃ॑ ॥ তী॒ব্রা-ন্ঘোষা᳚ন্ কৃণ্বতে॒ বৃষ॑পাণ॒য়ো-ঽশ্বা॒ রথে॑ভি-স্স॒হ বা॒জয়॑ন্তঃ । অ॒ব॒ক্রাম॑ন্তঃ॒ প্রপ॑দৈর॒মিত্রা᳚ন্ ক্ষি॒ণন্তি॒ শত্রূ॒গ্​ম্॒রন॑পব্যযন্তঃ ॥ র॒থ॒বাহ॑নগ্​ম্ হ॒বির॑স্য়॒ নাম॒ যত্রা-ঽঽয়ু॑ধ॒-ন্নিহি॑তমস্য়॒ বর্ম॑ । তত্রা॒ রথ॒মুপ॑ শ॒গ্মগ্​ম্ স॑দেম বি॒শ্বাহা॑ ব॒য়গ্​ম্ সু॑মন॒স্যমা॑নাঃ ॥ স্বা॒দু॒ষ॒গ্​ম্॒ সদঃ॑ পি॒তরো॑ বয়ো॒ধাঃ কৃ॑চ্ছ্রে॒শ্রিত॒-শ্শক্তী॑বন্তো গভী॒রাঃ । চি॒ত্রসে॑না॒ ইষু॑বলা॒ অমৃ॑দ্ধ্রা-স্স॒তোবী॑রা উ॒রবো᳚ ব্রাতসা॒হাঃ ॥ ব্রাহ্ম॑ণাসঃ॒ [ব্রাহ্ম॑ণাসঃ, পিত॑র॒-] 29

পিত॑র॒-স্সোম্য়া॑স-শ্শি॒বে নো॒ দ্য়াবা॑পৃথি॒বী অ॑নে॒হসা᳚ । পূ॒ষা নঃ॑ পাতু দুরি॒তাদৃ॑তাবৃধো॒ রক্ষা॒ মাকি॑র্নো অ॒ঘশগ্​ম্॑স ঈশত ॥ সু॒প॒র্ণং-বঁ॑স্তে মৃ॒গো অ॑স্য়া॒ দন্তো॒ গোভি॒-স্সন্ন॑দ্ধা পততি॒ প্রসূ॑তা । যত্রা॒ নর॒-স্স-ঞ্চ॒ বি চ॒ দ্রব॑ন্তি॒ তত্রা॒স্মভ্য়॒মিষ॑ব॒-শ্শর্ম॑ যগ্​ম্সন্ন্ ॥ ঋজী॑তে॒ পরি॑ বৃঙ্গ্ধি॒ নো-ঽশ্মা॑ ভবতু নস্ত॒নূঃ । সোমো॒ অধি॑ ব্রবীতু॒ নো-ঽদি॑তি॒- [নো-ঽদি॑তিঃ, শর্ম॑ যচ্ছতু ।] 30

-শ্শর্ম॑ যচ্ছতু ॥ আ জ॑ঙ্ঘন্তি॒ সান্বে॑ষা-ঞ্জ॒ঘনা॒গ্​ম্॒ উপ॑ জিঘ্নতে । অশ্বা॑জনি॒ প্রচে॑ত॒সো-ঽশ্বা᳚ন্-থ্স॒মথ্সু॑ চোদয় ॥ অহি॑রিব ভো॒গৈঃ পর্য়ে॑তি বা॒হু-ঞ্জ্য়ায়া॑ হে॒তি-ম্প॑রি॒বাধ॑মানঃ । হ॒স্ত॒ঘ্নো বিশ্বা॑ ব॒য়ুনা॑নি বি॒দ্বা-ন্পুমা॒-ন্পুমাগ্​ম্॑স॒-ম্পরি॑ পাতু বি॒শ্বতঃ॑ ॥ বন॑স্পতে বী॒ড্ব॑ঙ্গো॒ হি ভূ॒য়া অ॒স্ম-থ্স॑খা প্র॒তর॑ণ-স্সু॒বীরঃ॑ । গোভি॒-স্সন্ন॑দ্ধো অসি বী॒ডয়॑স্বা-ঽঽস্থা॒তা তে॑ জযতু॒ জেত্বা॑নি ॥ দি॒বঃ পৃ॑থি॒ব্য়াঃ প- [পরি॑, ওজ॒ উ-দ্ভৃ॑তং॒-] 31

-র্য়োজ॒ উ-দ্ভৃ॑তং॒-বঁন॒স্পতি॑ভ্য়ঃ॒ পর্য়াভৃ॑ত॒গ্​ম্॒ সহঃ॑ । অ॒পামো॒জ্মান॒-ম্পরি॒ গোভি॒রাবৃ॑ত॒মিন্দ্র॑স্য়॒ বজ্রগ্​ম্॑ হ॒বিষা॒ রথং॑-য়ঁজ ॥ ইন্দ্র॑স্য়॒ বজ্রো॑ ম॒রুতা॒মনী॑ক-ম্মি॒ত্রস্য়॒ গর্ভো॒ বরু॑ণস্য়॒ নাভিঃ॑ । সেমা-ন্নো॑ হ॒ব্যদা॑তি-ঞ্জুষা॒ণো দেব॑ রথ॒ প্রতি॑ হ॒ব্য়া গৃ॑ভায় ॥ উপ॑ শ্বাসয় পৃথি॒বীমু॒ত দ্য়া-ম্পু॑রু॒ত্রা তে॑ মনুতাং॒-বিঁষ্ঠি॑ত॒-ঞ্জগ॑ত্ । স দু॑ন্দুভে স॒জূরিন্দ্রে॑ণ দে॒বৈর্দূ॒রা- [দে॒বৈর্দূ॒রাত্, দবী॑য়ো॒] 32

-দ্দবী॑য়ো॒ অপ॑সেধ॒ শত্রূন্॑ ॥ আ ক্র॑ন্দয়॒ বল॒মোজো॑ ন॒ আ ধা॒ নিষ্ট॑নিহি দুরি॒তা বাধ॑মানঃ । অপ॑ প্রোথ দুন্দুভে দু॒চ্ছুনাগ্​ম্॑ ই॒ত ইন্দ্র॑স্য় মু॒ষ্টির॑সি বী॒ডয়॑স্ব ॥ আ-ঽমূর॑জ প্র॒ত্য়াব॑র্তয়ে॒মাঃ কে॑তু॒ম-দ্দু॑ন্দু॒ভি র্বা॑বদীতি । সমশ্ব॑পর্ণা॒শ্চর॑ন্তি নো॒ নরো॒-ঽস্মাক॑মিন্দ্র র॒থিনো॑ জযন্তু ॥ 33 ॥
(ধন্ব॑ন্ - মহি॒মানং॒ - ব্রাহ্ম॑ণা॒সো - ঽদি॑তিঃ - পৃথি॒ব্য়াঃ পরি॑ - দূ॒রা - দেক॑চত্বারিগ্​ম্শচ্চ) (অ. 6)

যদক্র॑ন্দঃ প্রথ॒ম-ঞ্জায়॑মান উ॒দ্যন্-থ্স॑মু॒দ্রাদু॒ত বা॒ পুরী॑ষাত্ । শ্য়ে॒নস্য়॑ প॒ক্ষা হ॑রি॒ণস্য়॑ বা॒হূ উ॑প॒স্তুত্য়॒-ম্মহি॑ জা॒ত-ন্তে॑ অর্বন্ন্ ॥ য॒মেন॑ দ॒ত্ত-ন্ত্রি॒ত এ॑নমায়ুন॒গিন্দ্র॑ এণ-ম্প্রথ॒মো অদ্ধ্য়॑তিষ্ঠত্ । গ॒ন্ধ॒র্বো অ॑স্য় রশ॒নাম॑-গৃভ্ণা॒-থ্সূরা॒দশ্বং॑-বঁসবো॒ নির॑তষ্ট ॥ অসি॑ য॒মো অস্য়া॑দি॒ত্য়ো অ॑র্ব॒ন্নসি॑ ত্রি॒তো গুহ্য়ে॑ন ব্র॒তেন॑ । অসি॒ সোমে॑ন স॒ময়া॒ বিপৃ॑ক্ত [বিপৃ॑ক্তঃ, আ॒হুস্তে॒ ত্রীণি॑ দি॒বি বন্ধ॑নানি ।] 34

আ॒হুস্তে॒ ত্রীণি॑ দি॒বি বন্ধ॑নানি ॥ ত্রীণি॑ ত আহুর্দি॒বি বন্ধ॑নানি॒ ত্রীণ্য়॒ফ্সু ত্রীণ্য়॒ন্ত-স্স॑মু॒দ্রে । উ॒তেব॑ মে॒ বরু॑ণশ্ছন্-থ্স্যর্ব॒ন্॒. যত্রা॑ ত আ॒হুঃ প॑র॒ম-ঞ্জ॒নিত্র᳚ম্ ॥ ই॒মা তে॑ বাজিন্নব॒মার্জ॑নানী॒মা শ॒ফানাগ্​ম্॑ সনি॒তুর্নি॒ধানা᳚ । অত্রা॑ তে ভ॒দ্রা র॑শ॒না অ॑পশ্যমৃ॒তস্য়॒ যা অ॑ভি॒রক্ষ॑ন্তি গো॒পাঃ ॥ আ॒ত্মান॑-ন্তে॒ মন॑সা॒-ঽঽরাদ॑জানাম॒বো দি॒বা [ ] 35

প॒তয়॑ন্ত-ম্পত॒ঙ্গম্ । শিরো॑ অপশ্য়-ম্প॒থিভি॑-স্সু॒গেভি॑ররে॒ণুভি॒র্জেহ॑মান-ম্পত॒ত্রি ॥ অত্রা॑ তে রূ॒পমু॑ত্ত॒মম॑পশ্য়॒-ঞ্জিগী॑ষমাণমি॒ষ আ প॒দে গোঃ । য॒দা তে॒ মর্তো॒ অনু॒ ভোগ॒মান॒ডাদি-দ্গ্রসি॑ষ্ঠ॒ ওষ॑ধীরজীগঃ ॥ অনু॑ ত্বা॒ রথো॒ অনু॒ মর্য়ো॑ অর্ব॒ন্ননু॒ গাবো-ঽনু॒ ভগঃ॑ ক॒নীনা᳚ম্ । অনু॒ ব্রাতা॑স॒স্তব॑ স॒খ্যমী॑য়ু॒রনু॑ দে॒বা ম॑মিরে বী॒র্য়॑- [বী॒র্য়᳚ম্, তে ।] 36

-ন্তে ॥ হির॑ণ্যশৃ॒ঙ্গো-ঽয়ো॑ অস্য়॒ পাদা॒ মনো॑জবা॒ অব॑র॒ ইন্দ্র॑ আসীত্ । দে॒বা ইদ॑স্য় হবি॒রদ্য়॑মায়॒ন্॒. যো অর্ব॑ন্ত-ম্প্রথ॒মো অ॒দ্ধ্যতি॑ষ্ঠত্ ॥ ঈ॒র্মান্তা॑স॒-স্সিলি॑কমদ্ধ্যমাস॒-স্সগ্​ম্ শূর॑ণাসো দি॒ব্য়াসো॒ অত্য়াঃ᳚ । হ॒গ্​ম্॒সা ই॑ব শ্রেণি॒শো য॑তন্তে॒ যদাক্ষি॑ষুর্দি॒ব্য়-মজ্ম॒মশ্বাঃ᳚ ॥ তব॒ শরী॑র-ম্পতয়ি॒ষ্ণ্ব॑র্ব॒-ন্তব॑ চি॒ত্তং-বাঁত॑ ইব॒ ধ্রজী॑মান্ । তব॒ শৃঙ্গা॑ণি॒ বিষ্ঠি॑তা পুরু॒ত্রা-ঽর॑ণ্য়েষু॒ জর্ভু॑রাণা চরন্তি ॥ উপ॒ [উপ॑, প্রাগা॒চ্ছস॑নং-] 37

প্রাগা॒চ্ছস॑নং-বাঁ॒জ্যর্বা॑ দেব॒দ্রীচা॒ মন॑সা॒ দীদ্ধ্য়া॑নঃ । অ॒জঃ পু॒রো নী॑যতে॒ নাভি॑র॒স্য়ানু॑ প॒শ্চা-ত্ক॒বয়ো॑ যন্তি রে॒ভাঃ ॥ উপ॒ প্রাগা᳚-ত্পর॒মং-য়ঁ-থ্স॒ধস্থ॒মর্বা॒গ্​ম্॒ অচ্ছা॑ পি॒তর॑-ম্মা॒তর॑-ঞ্চ । অ॒দ্য়া দে॒বান্ জুষ্ট॑তমো॒ হি গ॒ম্য়া অথা-ঽঽশা᳚স্তে দা॒শুষে॒ বার্য়া॑ণি ॥ 38 ॥
(বিপৃ॑ক্তো - দি॒বা - বী॒র্য়॑ - মুপৈ - কা॒ন্নচ॑ত্বারি॒গ্​ম্॒শচ্চ॑) (অ. 7)

মা নো॑ মি॒ত্রো বরু॑ণো অর্য়॒মা-ঽঽয়ুরিন্দ্র॑ ঋভু॒ক্ষা ম॒রুতঃ॒ পরি॑ খ্যন্ন্ । য-দ্বা॒জিনো॑ দে॒বজা॑তস্য়॒ সপ্তেঃ᳚ প্রব॒ক্ষ্য়ামো॑ বি॒দথে॑ বী॒র্য়া॑ণি ॥ যন্নি॒র্ণিজা॒ রেক্ণ॑সা॒ প্রাবৃ॑তস্য় রা॒তি-ঙ্গৃ॑ভী॒তা-ম্মু॑খ॒তো নয়॑ন্তি । সুপ্রা॑ঙ॒জো মেম্য়॑-দ্বি॒শ্বরূ॑প ইন্দ্রাপূ॒ষ্ণোঃ প্রি॒যমপ্য়ে॑তি॒ পাথঃ॑ ॥ এ॒ষ চ্ছাগঃ॑ পু॒রো অশ্বে॑ন বা॒জিনা॑ পূ॒ষ্ণো ভা॒গো নী॑যতে বি॒শ্বদে᳚ব্য়ঃ । অ॒ভি॒প্রিয়ং॒-য়ঁ-ত্পু॑রো॒ডাশ॒মর্ব॑তা॒ ত্বষ্টে- [ত্বষ্টেত্, এ॒ন॒গ্​ম্॒ সৌ॒শ্র॒ব॒সায়॑ জিন্বতি ।] 39

-দে॑নগ্​ম্ সৌশ্রব॒সায়॑ জিন্বতি ॥ যদ্ধ॒বিষ্য়॑মৃতু॒শো দে॑ব॒য়ান॒-ন্ত্রির্মানু॑ষাঃ॒ পর্যশ্ব॒-ন্নয়॑ন্তি । অত্রা॑ পূ॒ষ্ণঃ প্র॑থ॒মো ভা॒গ এ॑তি য॒জ্ঞ-ন্দে॒বেভ্য়ঃ॑ প্রতিবে॒দয়॑ন্ন॒জঃ ॥ হোতা᳚-ঽদ্ধ্ব॒র্য়ুরাব॑য়া অগ্নিমি॒ন্ধো গ্রা॑বগ্রা॒ভ উ॒ত শগ্গ্​স্তা॒ সুবি॑প্রঃ । তেন॑ য॒জ্ঞেন॒ স্ব॑রঙ্কৃতেন॒ স্বি॑ষ্টেন ব॒ক্ষণা॒ আ পৃ॑ণদ্ধ্বম্ ॥ যূ॒প॒ব্র॒স্কা উ॒ত যে যূ॑পবা॒হাশ্চ॒ষালং॒-য়েঁ অ॑শ্বয়ূ॒পায়॒ তক্ষ॑তি । যে চার্ব॑তে॒ পচ॑নগ্​ম্ স॒ভংর॑ন্ত্য়ু॒তো [ ] 40

তেষা॑-ম॒ভিগূ᳚র্তির্ন ইন্বতু ॥ উপ॒ প্রাগা᳚-থ্সু॒মন্মে॑-ঽধায়ি॒ মন্ম॑ দে॒বানা॒মাশা॒ উপ॑ বী॒তপৃ॑ষ্ঠঃ । অন্বে॑নং॒-বিঁপ্রা॒ ঋষ॑য়ো মদন্তি দে॒বানা᳚-ম্পু॒ষ্টে চ॑কৃমা সু॒বন্ধু᳚ম্ ॥ য-দ্বা॒জিনো॒ দাম॑ স॒দান্ন॒মর্ব॑তো॒ যা শী॑র্​ষ॒ণ্য়া॑ রশ॒না রজ্জু॑রস্য় । যদ্বা॑ ঘাস্য়॒ প্রভৃ॑তমা॒স্য়ে॑ তৃণ॒গ্​ম্॒ সর্বা॒ তা তে॒ অপি॑ দে॒বেষ্ব॑স্তু ॥ যদশ্ব॑স্য় ক্র॒বিষো॒ [যদশ্ব॑স্য় ক্র॒বিষঃ॑, মক্ষি॒কা-ঽঽশ॒] 41

মক্ষি॒কা-ঽঽশ॒ যদ্বা॒ স্বরৌ॒ স্বধি॑তৌ রি॒প্তমস্তি॑ । যদ্ধস্ত॑য়ো-শ্শমি॒তুর্যন্ন॒খেষু॒ সর্বা॒ তা তে॒ অপি॑ দে॒বেষ্ব॑স্তু ॥ যদূব॑দ্ধ্যমু॒দর॑স্য়াপ॒বাতি॒ য আ॒মস্য়॑ ক্র॒বিষো॑ গ॒ন্ধো অস্তি॑ । সু॒কৃ॒তা তচ্ছ॑মি॒তারঃ॑ কৃণ্বন্তূ॒ত মেধগ্​ম্॑ শৃত॒পাক॑-ম্পচন্তু ॥ য-ত্তে॒ গাত্রা॑দ॒গ্নিনা॑ প॒চ্যমা॑নাদ॒ভি শূল॒-ন্নিহ॑তস্য়াব॒ধাব॑তি । মা ত-দ্ভূম্য়া॒মা শ্রি॑ষ॒ ( )-ন্মা তৃণে॑ষু দে॒বেভ্য়॒স্তদু॒শদ্ভ্য়ো॑ রা॒তম॑স্তু ॥ 42 ॥
(ই - দু॒তো - ক্র॒বিষঃ॑ - শ্রিষথ্ - স॒প্ত চ॑) (অ. 8)

যে বা॒জিন॑-ম্পরি॒পশ্য়॑ন্তি প॒ক্বং-য়ঁ ঈ॑মা॒হু-স্সু॑র॒ভির্নির্​হ॒রেতি॑ । যে চার্ব॑তো মাগ্​ম্সভি॒ক্ষামু॒পাস॑ত উ॒তো তেষা॑ম॒ভিগূ᳚র্তির্ন ইন্বতু ॥ যন্নীক্ষ॑ণ-ম্মা॒গ্॒স্পচ॑ন্য়া উ॒খায়া॒ যা পাত্রা॑ণি যূ॒ষ্ণ আ॒সেচ॑নানি । ঊ॒ষ্ম॒ণ্য়া॑-ঽপি॒ধানা॑ চরূ॒ণাম॒ঙ্কা-স্সূ॒নাঃ পরি॑ ভূষ॒ন্ত্যশ্ব᳚ম্ ॥ নি॒ক্রম॑ণ-ন্নি॒ষদ॑নং-বিঁ॒বর্ত॑নং॒-য়ঁচ্চ॒ পড্বী॑শ॒মর্ব॑তঃ । যচ্চ॑ প॒পৌ যচ্চ॑ ঘা॒সি- [ঘা॒সিম্, জ॒ঘাস॒ সর্বা॒ তা] 43

-ঞ্জ॒ঘাস॒ সর্বা॒ তা তে॒ অপি॑ দে॒বেষ্ব॑স্তু ॥ মা ত্বা॒-ঽগ্নি-র্ধ্ব॑নয়ি-দ্ধূ॒মগ॑ন্ধি॒র্মোখা ভ্রাজ॑ন্ত্য়॒ভি বি॑ক্ত॒ জঘ্রিঃ॑ । ই॒ষ্টং-বীঁ॒তম॒ভিগূ᳚র্তং॒-বঁষ॑ট্কৃত॒-ন্ত-ন্দে॒বাসঃ॒ প্রতি॑ গৃভ্ণ॒ন্ত্যশ্ব᳚ম্ ॥ যদশ্বা॑য়॒ বাস॑ উপস্তৃ॒ণন্ত্য়॑ধীবা॒সং-য়াঁ হির॑ণ্য়ান্যস্মৈ । স॒ন্দান॒মর্ব॑ন্ত॒-ম্পড্বী॑শ-ম্প্রি॒য়া দে॒বেষ্বা যা॑মযন্তি ॥ য-ত্তে॑ সা॒দে মহ॑সা॒ শূকৃ॑তস্য়॒ পার্​ষ্ণি॑য়া বা॒ কশ॑য়া [বা॒ কশ॑য়া, বা॒ তু॒তোদ॑ ।] 44

বা তু॒তোদ॑ । স্রু॒চেব॒ তা হ॒বিষো॑ অদ্ধ্ব॒রেষু॒ সর্বা॒ তা তে॒ ব্রহ্ম॑ণা সূদয়ামি ॥ চতু॑স্ত্রিগ্​ম্শ-দ্বা॒জিনো॑ দে॒বব॑ন্ধো॒-র্বঙ্ক্রী॒-রশ্ব॑স্য়॒ স্বধি॑তি॒-স্সমে॑তি । অচ্ছি॑দ্রা॒ গাত্রা॑ ব॒য়ুনা॑ কৃণোত॒ পরু॑ষ্পরুরনু॒ঘুষ্য়া॒ বি শ॑স্ত ॥ এক॒স্ত্বষ্টু॒রশ্ব॑স্য়া বিশ॒স্তা দ্বা য॒ন্তারা॑ ভবত॒স্তথ॒র্তুঃ । যা তে॒ গাত্রা॑ণামৃতু॒থা কৃ॒ণোমি॒ তাতা॒ পিণ্ডা॑না॒-ম্প্র জু॑হোম্য়॒গ্নৌ ॥ মা ত্বা॑ তপ- [তপত্, প্রি॒য় আ॒ত্মা-] 45

-ত্প্রি॒য় আ॒ত্মা-ঽপি॒যন্ত॒-ম্মা স্বধি॑তিস্ত॒নুব॒ আ তি॑ষ্ঠিপ-ত্তে । মা তে॑ গৃ॒দ্ধ্নু-র॑বিশ॒স্তা-ঽতি॒হায়॑ ছি॒দ্রা গাত্রা᳚ণ্য়॒সিনা॒ মিথূ॑ কঃ ॥ ন বা উ॑বে॒তন্ম্রি॑যসে॒ ন রি॑ষ্যসি দে॒বাগ্​ম্ ইদে॑ষি প॒থিভি॑-স্সু॒গেভিঃ॑ । হরী॑ তে॒ যুঞ্জা॒ পৃষ॑তী অভূতা॒মুপা᳚স্থা-দ্বা॒জী ধু॒রি রাস॑ভস্য় ॥ সু॒গব্য়॑-ন্নো বা॒জী স্বশ্বি॑য়-ম্পু॒গ্​ম্॒সঃ পু॒ত্রাগ্​ম্ উ॒ত বি॑শ্বা॒পুষগ্​ম্॑ র॒য়িম্ । অ॒না॒গা॒স্ত্ব-ন্নো॒ অদি॑তিঃ কৃণোতু ক্ষ॒ত্র-ন্নো॒ অশ্বো॑ বনতাগ্​ম্ হ॒বিষ্মান্॑ ॥ 46 ॥
(ঘা॒সিং-কশ॑য়া - তপ-দ্- র॒য়িং - নব॑ চ ) (অ. 9)

(অশ্ম॒ন্ - য ই॒মো - দে॑ন - মা॒শুঃ - প্রাচীং᳚ - জী॒মূত॑স্য়॒ - যদক্র॑ন্দো॒ - মা নো॑ মি॒ত্রো - যে বা॒জিনং॒ - নব॑)

(অশ্ম॑ন্ - মনো॒য়ুজং॒ - প্রাচী॒মনু॒ - শর্ম॑ যচ্ছতু॒ - তেষা॑ম॒ভিগূ᳚র্তিঃ॒ - ষট্চ॑ত্বারিগ্​ম্শত্)

(অশ্ম॑ন্, হ॒বিষ্মান্॑)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ঞ্চতুর্থ কাণ্ডে ষষ্ঠঃ প্রশ্ন-স্সমাপ্তঃ ॥

ও-ন্নমঃ পরমাত্মনে , শ্রী মহাগণপতয়ে নমঃ , শ্রী গুরুভ্য়ো নমঃ , হ॒রিঃ॒ ওং