কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে সপ্তমঃ প্রশ্নঃ-উপানুবাক্য়াবশিষ্টকর্মনিরূপণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

যো বা অয়॑থাদেবতম॒গ্নি-ঞ্চি॑নু॒ত আ দে॒বতা᳚ভ্য়ো বৃশ্চ্যতে॒ পাপী॑য়া-ন্ভবতি॒ যো য॑থাদেব॒ত-ন্ন দে॒বতা᳚ভ্য়॒ আ বৃ॑শ্চ্যতে॒ বসী॑য়া-ন্ভবত্য়াগ্নে॒য়্য়া গা॑যত্রি॒য়া প্র॑থ॒মা-ঞ্চিতি॑ম॒ভি মৃ॑শে-ত্ত্রি॒ষ্টুভা᳚ দ্বি॒তীয়া॒-ঞ্জগ॑ত্য়া তৃ॒তীয়া॑মনু॒ষ্টুভা॑ চতু॒র্থী-ম্প॒ঙ্ক্ত্য়া প॑ঞ্চ॒মীং-য়ঁ॑থাদেব॒তমে॒বাগ্নি-ঞ্চি॑নুতে॒ ন দে॒বতা᳚ভ্য়॒ আ বৃ॑শ্চ্যতে॒ বসী॑য়া-ন্ভব॒তীডা॑য়ৈ॒ বা এ॒ষা বিভ॑ক্তিঃ প॒শব॒ ইডা॑ প॒শুভি॑রেন- [প॒শুভি॑রেনম্, চি॒নু॒তে॒ যো বৈ] 1

-ঞ্চিনুতে॒ যো বৈ প্র॒জাপ॑তয়ে প্রতি॒ প্রোচ্য়া॒গ্নি-ঞ্চি॒নোতি॒ না-ঽঽর্তি॒মার্চ্ছ॒-ত্যশ্বা॑ব॒ভিত॑স্তিষ্ঠেতা-ঙ্কৃ॒ষ্ণ উ॑ত্তর॒ত-শ্শ্বে॒তো দক্ষি॑ণ॒স্তাবা॒লভ্য়েষ্ট॑কা॒ উপ॑ দদ্ধ্য়াদে॒তদ্বৈ প্র॒জাপ॑তে রূ॒প-ম্প্রা॑জাপ॒ত্য়ো-ঽশ্ব॑-স্সা॒ক্ষাদে॒ব প্র॒জাপ॑তয়ে প্রতি॒প্রোচ্য়া॒গ্নি-ঞ্চি॑নোতি॒ না-ঽঽর্তি॒মার্চ্ছ॑ত্য়ে॒তদ্বা অহ্নো॑ রূ॒পং-য়ঁচ্ছ্বে॒তো-ঽশ্বো॒ রাত্রি॑য়ৈ কৃ॒ষ্ণ এ॒তদহ্নো॑ [এ॒তদহ্নঃ॑, রূ॒পং-য়ঁদিষ্ট॑কা॒] 2

রূ॒পং-য়ঁদিষ্ট॑কা॒ রাত্রি॑য়ৈ॒ পুরী॑ষ॒মিষ্ট॑কা উপধা॒স্যঞ্ছ্বে॒ত-মশ্ব॑ম॒ভি মৃ॑শে॒-ত্পুরী॑ষমুপধা॒স্যন্ কৃ॒ষ্ণম॑হোরা॒ত্রাভ্য়া॑মে॒বৈন॑-ঞ্চিনুতে হিরণ্য় পা॒ত্র-ম্মধোঃ᳚ পূ॒র্ণ-ন্দ॑দাতি মধ॒ব্য়ো॑ ঽসা॒নীতি॑ সৌ॒র্য়া চি॒ত্রব॒ত্য়া-ঽবে᳚ক্ষতে চি॒ত্রমে॒ব ভ॑বতি ম॒দ্ধ্যন্দি॒নে-ঽশ্ব॒মব॑ ঘ্রাপযত্য়॒সৌ বা আ॑দি॒ত্য় ইন্দ্র॑ এ॒ষ প্র॒জাপ॑তিঃ প্রাজাপ॒ত্য়ো-ঽশ্ব॒স্তমে॒ব সা॒ক্ষাদৃ॑দ্ধ্নোতি ॥ 3 ॥
(এ॒ন॒ - মে॒তদহ্নো॒ - ঽষ্টাচ॑ত্বারিগ্​ম্শচ্চ) (অ. 1)

ত্বাম॑গ্নে বৃষ॒ভ-ঞ্চেকি॑তান॒-ম্পুন॒র্য়ুবা॑ন-ঞ্জ॒নয়॑ন্নু॒পাগা᳚ম্ । অ॒স্থূ॒রি ণো॒ গার্​হ॑পত্য়ানি সন্তু তি॒গ্মেন॑ নো॒ ব্রহ্ম॑ণা॒ সগ্​ম্ শি॑শাধি ॥ প॒শবো॒ বা এ॒তে যদিষ্ট॑কা॒শ্চিত্য়া᳚-ঞ্চিত্য়ামৃষ॒ভমুপ॑ দধাতি মিথু॒নমে॒বাস্য়॒ ত-দ্য়॒জ্ঞে ক॑রোতি প্র॒জন॑নায়॒ তস্মা᳚-দ্য়ূ॒থেয়ূ॑থ ঋষ॒ভঃ ॥ সং॒​বঁ॒থ্স॒রস্য়॑ প্রতি॒মাং-য়াঁ-ন্ত্বা॑ রাত্র্য়ু॒পাস॑তে । প্র॒জাগ্​ম্ সু॒বীরা᳚-ঙ্কৃ॒ত্বা বিশ্ব॒মায়ু॒র্ব্য়॑শ্ঞবত্ ॥ প্রা॒জা॒প॒ত্য়া- [প্রা॒জা॒প॒ত্য়াম্, এ॒তামুপ॑] 4

-মে॒তামুপ॑ দধাতী॒য়ং-বাঁ বৈষৈকা᳚ষ্ট॒কা যদে॒বৈকা᳚ষ্ট॒কায়া॒মন্ন॑-ঙ্ক্রি॒যতে॒ তদে॒বৈতয়াব॑ রুন্ধ এ॒ষা বৈ প্র॒জাপ॑তেঃ কাম॒দুঘা॒ তয়ৈ॒ব যজ॑মানো॒-ঽমুষ্মি॑ন্ ঁলো॒কে᳚-ঽগ্নি-ন্দু॑হে॒ যেন॑ দে॒বা জ্য়োতি॑ষো॒র্ধ্বা উ॒দায়॒ন্॒ যেনা॑-ঽঽদি॒ত্য়া বস॑বো॒ যেন॑ রু॒দ্রাঃ । যেনাঙ্গি॑রসো মহি॒মান॑-মান॒শুস্তেনৈ॑তু॒ যজ॑মান-স্স্ব॒স্তি ॥ সু॒ব॒র্গায়॒ বা এ॒ষ লো॒কায়॑ [লো॒কায়॑, চী॒য়॒তে॒ যদ॒গ্নির্য়েন॑] 5

চীযতে॒ যদ॒গ্নির্য়েন॑ দে॒বা জ্য়োতি॑ষো॒র্ধ্বা উ॒দায়॒ন্নিত্য়ুখ্য়॒গ্​ম্॒ সমি॑ন্ধ॒ ইষ্ট॑কা এ॒বৈতা উপ॑ ধত্তে বানস্প॒ত্য়া-স্সু॑ব॒র্গস্য়॑ লো॒কস্য়॒ সম॑ষ্ট্য়ৈ শ॒তায়ু॑ধায় শ॒তবী᳚র্য়ায় শ॒তোত॑য়ে ঽভিমাতি॒ষাহে᳚ । শ॒তং-য়োঁ ন॑-শ্শ॒রদো॒ অজী॑তা॒নিন্দ্রো॑ নেষ॒দতি॑ দুরি॒তানি॒ বিশ্বা᳚ ॥ যে চ॒ত্বারঃ॑ প॒থয়ো॑ দেব॒য়ানা॑ অন্ত॒রা দ্য়াবা॑পৃথি॒বী বি॒যন্তি॑ । তেষাং॒-য়োঁ অজ্য়া॑নি॒- মজী॑তি-মা॒বহা॒-ত্তস্মৈ॑ নো দেবাঃ॒ [নো দেবাঃ, পরি॑ দত্তে॒হ সর্বে᳚ ।] 6

পরি॑ দত্তে॒হ সর্বে᳚ ॥ গ্রী॒ষ্মো হে॑ম॒ন্ত উ॒ত নো॑ বস॒ন্ত-শ্শ॒র-দ্ব॒র্॒ষা-স্সু॑বি॒তন্নো॑ অস্তু । তেষা॑মৃতূ॒নাগ্​ম্ শ॒ত শা॑রদানা-ন্নিবা॒ত এ॑ষা॒মভ॑য়ে স্য়াম ॥ ই॒দু॒ব॒থ্স॒রায়॑ পরিবথ্স॒রায়॑ সং​বঁঁথ্স॒রায়॑ কৃণুতা বৃ॒হন্নমঃ॑ । তেষাং᳚-বঁ॒য়গ্​ম্ সু॑ম॒তৌ য॒জ্ঞিয়া॑না॒-ঞ্জ্য়োগজী॑তা॒ অহ॑তা-স্স্য়াম ॥ ভ॒দ্রান্ন॒-শ্শ্রেয়॒-স্সম॑নৈষ্ট দেবা॒স্ত্বয়া॑-ঽব॒সেন॒ সম॑শীমহি ত্বা । স নো॑ ময়ো॒ ভূঃ পি॑তো॒ [ময়ো॒ ভূঃ পি॑তো, আ বি॑শস্ব॒] 7

আ বি॑শস্ব॒ শ-ন্তো॒কায়॑ ত॒নুবে᳚ স্য়ো॒নঃ ॥ অজ্য়া॑নীরে॒তা উপ॑ দধাত্য়ে॒তা বৈ দে॒বতা॒ অপ॑রাজিতা॒স্তা এ॒ব প্র বি॑শতি॒ নৈব জী॑যতে ব্রহ্মবা॒দিনো॑ বদন্তি॒ যদ॑র্ধমা॒সা মাসা॑ ঋ॒তব॑-স্সং​বঁথ্স॒র ওষ॑ধীঃ॒ পচ॒ন্ত্যথ॒ কস্মা॑দ॒ন্য়াভ্য়ো॑ দে॒বতা᳚ভ্য় আগ্রয়॒ণ-ন্নিরু॑প্যত॒ ইত্য়ে॒তা হি ত-দ্দে॒বতা॑ উ॒দজ॑য়॒ন্॒ যদৃ॒তুভ্য়ো॑ নি॒র্বপে᳚-দ্দে॒বতা᳚ভ্য়-স্স॒মদ॑-ন্দদ্ধ্য়াদাগ্রয়॒ণ-ন্নি॒রুপ্য়ৈ॒তা আহু॑তী র্জুহোত্যর্ধমা॒সানে॒ব মাসা॑নৃ॒তূন্-থ্সং॑​বঁথ্স॒র-ম্প্রী॑ণাতি॒ ন দে॒বতা᳚ভ্য়-স্স॒মদ॑-ন্দধাতি ভ॒দ্রান্ন॒-শ্শ্রেয়॒-স্সম॑নৈষ্ট দেবা॒ ইত্য়া॑হ হু॒তাদ্য়া॑য়॒ যজ॑মান॒স্য়া-ঽপ॑রাভাবায় ॥ 8 ॥
(প্র॒জা॒প॒ত্য়াং - ঁলো॒কায়॑ - দেবাঃ - পিতো - দধ্য়াদাগ্রয়॒ণং - পঞ্চ॑বিগ্​ম্শতিশ্চ) (অ. 2)

ইন্দ্র॑স্য়॒ বজ্রো॑-ঽসি॒ বার্ত্র॑ঘ্নস্তনূ॒পা নঃ॑ প্রতিস্প॒শঃ । যো নঃ॑ পু॒রস্তা᳚-দ্দক্ষিণ॒তঃ প॒শ্চা-দু॑ত্তর॒তো॑-ঽঘা॒য়ুর॑ভি॒দাস॑ত্য়ে॒তগ্​ম্ সো-ঽশ্মা॑নমৃচ্ছতু ॥ দে॒বা॒সু॒রা-স্সং​য়ঁ॑ত্তা আস॒-ন্তে-ঽসু॑রা দি॒গ্ভ্য় আ-ঽবা॑ধন্ত॒ তা-ন্দে॒বা ইষ্বা॑ চ॒ বজ্রে॑ণ॒ চাপা॑নুদন্ত॒ য-দ্ব॒জ্রিণী॑রুপ॒দধা॒তীষ্বা॑ চৈ॒ব ত-দ্বজ্রে॑ণ চ॒ যজ॑মানো॒ ভ্রাতৃ॑ব্য়া॒নপ॑ নুদতে দি॒ক্ষূপ॑ [দি॒ক্ষূপ॑, দ॒ধা॒তি॒ দে॒ব॒পু॒রা] 9

দধাতি দেবপু॒রা এ॒বৈতাস্ত॑নূ॒পানীঃ॒ পর্য়ূ॑হ॒তে ঽগ্না॑বিষ্ণূ স॒জোষ॑সে॒মা ব॑র্ধন্তু বা॒গিংরঃ॑ । দ্য়ু॒ম্নৈর্বাজে॑ভি॒রা গ॑তম্ ॥ ব্র॒হ্ম॒বা॒দিনো॑ বদন্তি॒ যন্ন দে॒বতা॑য়ৈ॒ জুহ্ব॒ত্যথ॑ কি-ন্দেব॒ত্য়া॑ বসো॒র্ধারেত্য়॒গ্নি-র্বসু॒স্তস্য়ৈ॒ষা ধারা॒ বিষ্ণু॒-র্বসু॒স্তস্য়ৈ॒ষা ধারা᳚ ঽঽগ্নাবৈষ্ণ॒ব্যর্চা বসো॒র্ধারা᳚-ঞ্জুহোতি ভাগ॒ধেয়ে॑নৈ॒বৈনৌ॒ সম॑র্ধয়॒ত্যথো॑ এ॒তা- [এ॒তাম্, এ॒বা-ঽঽহু॑তি-] 10

-মে॒বা-ঽঽহু॑তি-মা॒যত॑নবতী-ঙ্করোতি॒ যত্কা॑ম এনা-ঞ্জু॒হোতি॒ তদে॒বাব॑ রুন্ধে রু॒দ্রো বা এ॒ষ যদ॒গ্নিস্তস্য়ৈ॒তে ত॒নুবৌ॑ ঘো॒রা-ঽন্য়া শি॒বা-ঽন্য়া যচ্ছ॑তরু॒দ্রীয়॑-ঞ্জু॒হোতি॒ যৈবাস্য়॑ ঘো॒রা ত॒নূস্তা-ন্তেন॑ শমযতি॒ য-দ্বসো॒র্ধারা᳚-ঞ্জু॒হোতি॒ যৈবাস্য়॑ শি॒বা ত॒নূস্তা-ন্তেন॑ প্রীণাতি॒ যো বৈ বসো॒র্ধারা॑য়ৈ [বসো॒র্ধারা॑য়ৈ, প্র॒তি॒ষ্ঠাং-বেঁদ॒] 11

প্রতি॒ষ্ঠাং-বেঁদ॒ প্রত্য়ে॒ব তি॑ষ্ঠতি॒ যদাজ্য়॑মু॒চ্ছিষ্য়ে॑ত॒ তস্মি॑-ন্ব্রহ্মৌদ॒ন-ম্প॑চে॒-ত্ত-ম্ব্রা᳚হ্ম॒ণাশ্চ॒ত্বারঃ॒ প্রা-ঽশ্ঞী॑য়ুরে॒ষ বা অ॒গ্নির্বৈ᳚শ্বান॒রো যদ্ব্রা᳚হ্ম॒ণ এ॒ষা খলু॒ বা অ॒গ্নেঃ প্রি॒য়া ত॒নূর্য়-দ্বৈ᳚শ্বান॒রঃ প্রি॒য়ায়া॑মে॒বৈনা᳚-ন্ত॒নুবা॒-ম্প্রতি॑ ষ্ঠাপযতি॒ চত॑স্রো ধে॒নূর্দ॑দ্য়া॒-ত্তাভি॑রে॒ব যজ॑মানো॒-ঽমুষ্মি॑ন্ ঁলো॒কে᳚-ঽগ্নি-ন্দু॑হে ॥ 12 ॥
(উপৈ॒ - তাং - ধারা॑য়ৈ॒ - ষট্চ॑ত্বারিগ্​ম্শচ্চ) (অ. 3)

চিত্তি॑-ঞ্জুহোমি॒ মন॑সা ঘৃ॒তেনেত্য়া॒হাদা᳚ভ্য়া॒ বৈ নামৈ॒ষা-ঽঽহু॑তির্বৈশ্বকর্ম॒ণী নৈন॑-ঞ্চিক্য়া॒ন-ম্ভ্রাতৃ॑ব্য়ো দভ্নো॒ত্যথো॑ দে॒বতা॑ এ॒বাব॑ রু॒ন্ধে ঽগ্নে॒ তম॒দ্য়েতি॑ প॒ঙ্ক্ত্য়া জু॑হোতি প॒ঙ্ক্ত্য়া-ঽঽহু॑ত্য়া যজ্ঞমু॒খমা র॑ভতে স॒প্ত তে॑ অগ্নে স॒মিধ॑-স্স॒প্তজি॒হ্বা ইত্য়া॑হ॒ হোত্রা॑ এ॒বাব॑ রুন্ধে॒ ঽগ্নির্দে॒বেভ্য়ো-ঽপা᳚ক্রা-ঽম-দ্ভাগ॒ধেয়॑- [-ঽপা᳚ক্রা-ঽম-দ্ভাগ॒ধেয়᳚ম্, ই॒চ্ছমা॑ন॒স্তস্মা॑] 13

-মি॒চ্ছমা॑ন॒স্তস্মা॑ এ॒ত-দ্ভা॑গ॒ধেয়॒-ম্প্রায়॑চ্ছন্নে॒তদ্বা অ॒গ্নের॑গ্নিহো॒ত্রমে॒তর্​হি॒ খলু॒ বা এ॒ষ জা॒তো যর্​হি॒ সর্ব॑শ্চি॒তো জা॒তায়ৈ॒বাস্মা॒ অন্ন॒মপি॑ দধাতি॒ স এ॑ন-ম্প্রী॒তঃ প্রী॑ণাতি॒ বসী॑য়া-ন্ভবতি ব্রহ্মবা॒দিনো॑ বদন্তি॒ যদে॒ষ গার্​হ॑পত্যশ্চী॒যতে-ঽথ॒ ক্বা᳚স্য়া-ঽঽহব॒নীয়॒ ইত্য়॒সাবা॑দি॒ত্য় ইতি॑ ব্রূয়াদে॒তস্মি॒ন্॒ঃই সর্বা᳚ভ্য়ো দে॒বতা᳚ভ্য়ো॒ জুহ্ব॑তি॒ [জুহ্ব॑তি, য এ॒বং-বিঁ॒দ্বান॒গ্নি-] 14

য এ॒বং-বিঁ॒দ্বান॒গ্নি-ঞ্চি॑নু॒তে সা॒ক্ষাদে॒ব দে॒বতা॑ ঋদ্ধ্নো॒ত্যগ্নে॑ যশস্বি॒ন্॒ যশ॑সে॒ মম॑র্প॒য়েন্দ্রা॑বতী॒ মপ॑চিতী মি॒হা-ঽঽব॑হ । অ॒য়-ম্মূ॒র্ধা প॑রমে॒ষ্ঠী সু॒বর্চা᳚-স্সমা॒নানা॑মুত্ত॒ম শ্লো॑কো অস্তু ॥ ভ॒দ্র-ম্পশ্য়॑ন্ত॒ উপ॑ সেদু॒রগ্রে॒ তপো॑ দী॒ক্ষামৃষ॑য়-স্সুব॒র্বিদঃ॑ । ততঃ॑, ক্ষ॒ত্র-ম্বল॒মোজ॑শ্চ জা॒ত-ন্তদ॒স্মৈ দে॒বা অ॒ভি স-ন্ন॑মন্তু ॥ ধা॒তা বি॑ধা॒তা প॑র॒মো- [প॑র॒মা, উ॒ত স॒ন্দৃ-ক্প্র॒জাপ॑তিঃ] 15

-ত স॒ন্দৃ-ক্প্র॒জাপ॑তিঃ পরমে॒ষ্ঠী বি॒রাজা᳚ । স্তোমা॒-শ্ছন্দাগ্​ম্॑সি নি॒বিদো॑ ম আহুরে॒তস্মৈ॑ রা॒ষ্ট্রম॒ভি স-ন্ন॑মাম ॥ অ॒ভ্য়াব॑র্তদ্ধ্ব॒মুপ॒ মেত॑ সা॒কম॒য়গ্​ম্ শা॒স্তা-ঽধি॑পতির্বো অস্তু । অ॒স্য় বি॒জ্ঞান॒মনু॒ সগ্​ম্ র॑ভদ্ধ্বমি॒ম-ম্প॒শ্চাদনু॑ জীবাথ॒ সর্বে᳚ ॥ রা॒ষ্ট্র॒ভৃত॑ এ॒তা উপ॑ দধাত্য়ে॒ষা বা অ॒গ্নেশ্চিতী॑ রাষ্ট্র॒ভৃ-ত্তয়ৈ॒বাস্মি॑-ন্রা॒ষ্ট্র-ন্দ॑ধাতি রা॒ষ্ট্রমে॒ব ভ॑বতি॒ নাস্মা᳚-দ্রা॒ষ্ট্র-ম্ভ্রগ্​ম্॑শতে ॥ 16 ॥
(ভা॒গ॒ধেয়ং॒ - জুহ্ব॑তি - পর॒মা - রা॒ষ্ট্র-ন্দ॑ধাতি - স॒প্ত চ॑) (অ. 4)

যথা॒ বৈ পু॒ত্রো জা॒তো ম্রি॒যত॑ এ॒বং-বাঁ এ॒ষ ম্রি॑যতে॒ যস্য়া॒গ্নিরুখ্য়॑ উ॒দ্বায়॑তি॒ যন্নি॑র্ম॒ন্থ্য়॑-ঙ্কু॒র্য়া-দ্বিচ্ছি॑ন্দ্য়া॒-দ্ভ্রাতৃ॑ব্যমস্মৈ জনয়ে॒-থ্স এ॒ব পুনঃ॑ প॒রীদ্ধ্য়॒-স্স্বাদে॒বৈনং॒-য়োঁনে᳚র্জনযতি॒ নাস্মৈ॒ ভ্রাতৃ॑ব্য়-ঞ্জনযতি॒ তমো॒ বা এ॒ত-ঙ্গৃ॑হ্ণাতি॒ যস্য়া॒গ্নিরুখ্য়॑ উ॒দ্বায়॑তি মৃ॒ত্য়ুস্তমঃ॑ কৃ॒ষ্ণং-বাঁসঃ॑ কৃ॒ষ্ণা ধে॒নুর্দক্ষি॑ণা॒ তম॑সৈ॒- [তম॑সা, এ॒ব তমো॑] 17

-ব তমো॑ মৃ॒ত্য়ুমপ॑ হতে॒ হির॑ণ্য়-ন্দদাতি॒ জ্য়োতি॒র্বৈ হির॑ণ্য়॒-ঞ্জ্য়োতি॑ষৈ॒ব তমো-ঽপ॑ হ॒তে-ঽথো॒ তেজো॒ বৈ হির॑ণ্য়॒-ন্তেজ॑ এ॒বা-ঽঽত্ম-ন্ধ॑ত্তে॒ সুব॒র্ন ঘ॒র্ম-স্স্বাহা॒ সুব॒র্না-ঽর্ক-স্স্বাহা॒ সুব॒র্ন শু॒ক্র-স্স্বাহা॒ সুব॒র্ন জ্য়োতি॒-স্স্বাহা॒ সুব॒র্ন সূর্য়॒-স্স্বাহা॒ ঽর্কো বা এ॒ষ যদ॒গ্নি-র॒সা-বা॑দি॒ত্য়ো᳚- [যদ॒গ্নি-র॒সা-বা॑দি॒ত্য়ঃ, আ॒শ্ব॒মে॒ধো যদে॒তা] 18

-ঽশ্বমে॒ধো যদে॒তা আহু॑তী র্জু॒হোত্য়॑র্কা-শ্বমে॒ধয়ো॑রে॒ব জ্য়োতীগ্​ম্॑ষি॒ স-ন্দ॑ধাত্য়ে॒ষ হ॒ ত্বা অ॑র্কাশ্বমে॒ধী যস্য়ৈ॒তদ॒গ্নৌ ক্রি॒যত॒ আপো॒ বা ই॒দমগ্রে॑ সলি॒লমা॑সী॒-থ্স এ॒তা-ম্প্র॒জাপ॑তিঃ প্রথ॒মা-ঞ্চিতি॑মপশ্য়॒-ত্তামুপা॑ধত্ত॒ তদি॒যম॑ভব॒-ত্তং-বিঁ॒শ্বক॑র্মা-ঽব্রবী॒দুপ॒ ত্বা-ঽঽয়া॒নীতি॒ নেহ লো॒কো᳚-ঽস্তীত্য়॑- [লো॒কো᳚-ঽস্তীতি॑, অ॒ব্র॒বী॒-থ্স] 19

-ত্যব্রবী॒-থ্স এ॒তা-ন্দ্বি॒তীয়া॒-ঞ্চিতি॑মপশ্য়॒-ত্তামুপা॑ধত্ত॒ তদ॒ন্তরি॑ক্ষমভব॒-থ্স য॒জ্ঞঃ প্র॒জাপ॑তিমব্রবী॒দুপ॒ ত্বা-ঽঽয়া॒নীতি॒ নেহ লো॒কো᳚-ঽস্তীত্য়॑ব্রবী॒-থ্স বি॒শ্বক॑র্মাণ-মব্রবী॒দুপ॒ ত্বা-ঽঽয়া॒নীতি॒ কেন॑ মো॒পৈষ্য়॒সীতি॒ দিশ্য়া॑ভি॒রিত্য়॑ব্রবী॒-ত্ত-ন্দিশ্য়া॑ভিরু॒পৈ-ত্তা উপা॑ধত্ত॒ তা দিশো॑- [তা দিশঃ॑, অ॒ভ॒ব॒ন্-থ্স] 20

-ঽভব॒ন্-থ্স প॑রমে॒ষ্ঠী প্র॒জাপ॑তিমব্রবী॒দুপ॒ ত্বা-ঽঽয়া॒নীতি॒ নেহ লো॒কো᳚-ঽস্তীত্য়॑ব্রবী॒-থ্স বি॒শ্বক॑র্মাণ-ঞ্চ য॒জ্ঞ-ঞ্চা᳚ব্রবী॒দুপ॑ বা॒মা ঽয়া॒নীতি॒ নেহ লো॒কো᳚-ঽস্তীত্য়॑ব্রূতা॒গ্​ম্॒ স এ॒তা-ন্তৃ॒তীয়া॒-ঞ্চিতি॑মপশ্য়॒-ত্তামুপা॑ধত্ত॒ তদ॒সাব॑ভব॒-থ্স আ॑দি॒ত্য়ঃ প্র॒জাপ॑তি-মব্রবী॒দুপ॒ ত্বা- [-মব্রবী॒দুপ॒ ত্বা, আয়া॒নীতি॒] 21

-ঽঽয়া॒নীতি॒ নেহ লো॒কো᳚-ঽস্তীত্য়॑ব্রবী॒-থ্স বি॒শ্বক॑র্মাণ-ঞ্চ য॒জ্ঞ-ঞ্চা᳚ব্রবী॒দুপ॑ বা॒মা-ঽয়া॒নীতি॒ নেহ লো॒কো᳚-ঽস্তীত্য়॑ব্রূতা॒গ্​ম্॒ স প॑রমে॒ষ্ঠিন॑মব্রবী॒দুপ॒ ত্বা-ঽঽয়া॒নীতি॒ কেন॑ মো॒পৈষ্য়॒সীতি॑ লোক-ম্পৃ॒ণয়েত্য়॑ব্রবী॒-ত্তং-লোঁ॑ক-ম্পৃ॒ণয়ো॒পৈ-ত্তস্মা॒দয়া॑তয়াম্নী লোক-ম্পৃ॒ণা-ঽয়া॑তয়ামা॒ হ্য়॑সা- [হ্য়॑সৌ, আ॒দি॒ত্যস্তানৃষ॑য়ো] 22

-বা॑দি॒ত্যস্তানৃষ॑য়ো ঽব্রুব॒ন্নুপ॑ ব॒ আ-ঽয়া॒মেতি॒ কেন॑ ন উ॒পৈষ্য়॒থেতি॑ ভূ॒ম্নেত্য়॑ব্রুব॒-ন্তা-ন্দ্বাভ্য়া॒-ঞ্চিতী᳚ভ্য়ামু॒পায়॒ন্-থ্স পঞ্চ॑চিতীক॒-স্সম॑পদ্যত॒ য এ॒বং-বিঁ॒দ্বান॒গ্নি-ঞ্চি॑নু॒তে ভূয়া॑নে॒ব ভ॑বত্য়॒ভীমান্ ঁলো॒কাঞ্জ॑যতি বি॒দুরে॑ন-ন্দে॒বা অথো॑ এ॒তাসা॑মে॒ব দে॒বতা॑না॒গ্​ম্॒ সায়ু॑জ্য়-ঙ্গচ্ছতি ॥ 23 ॥
(তম॑সা - ঽঽদি॒ত্য়ো᳚ - ঽস্তীতি॒ - দিশ॑ - আদি॒ত্য়ঃ প্র॒জাপ॑তিমব্রবী॒দুপ॑ ত্বা॒ - ঽসৌ - পঞ্চ॑চত্বারিগ্​ম্শচ্চ) (অ. 5)

বয়ো॒ বা অ॒গ্নির্যদ॑গ্নি॒চি-ত্প॒ক্ষিণো᳚-ঽশ্ঞী॒য়া-ত্তমে॒বাগ্নিম॑দ্য়া॒দা-র্তি॒মার্চ্ছে᳚-থ্সং​বঁথ্স॒রং-ব্রঁ॒ত-ঞ্চ॑রে-থ্সং​বঁথ্স॒রগ্​ম্ হি ব্র॒ত-ন্নাতি॑ প॒শুর্বা এ॒ষ যদ॒গ্নির্​হি॒নস্তি॒ খলু॒ বৈ ত-ম্প॒শুর্য় এ॑ন-ম্পু॒রস্তা᳚-ত্প্র॒ত্যঞ্চ॑মুপ॒চর॑তি॒ তস্মা᳚-ত্প॒শ্চা-ত্প্রাংউ॑প॒চর্য়॑ আ॒ত্মনো-ঽহিগ্​ম্॑সায়ৈ॒ তেজো॑-ঽসি॒ তেজো॑ মে যচ্ছ পৃথি॒বীং-য়ঁ॑চ্ছ [পৃথি॒বীং-য়ঁ॑চ্ছ, পৃ॒থি॒ব্য়ৈ মা॑ পাহি॒] 24

পৃথি॒ব্য়ৈ মা॑ পাহি॒ জ্য়োতি॑রসি॒ জ্য়োতি॑র্মে যচ্ছা॒ন্তরি॑ক্ষং-য়ঁচ্ছা॒ন্তরি॑ক্ষান্মা পাহি॒ সুব॑রসি॒ সুব॑র্মে যচ্ছ॒ দিবং॑-য়ঁচ্ছ দি॒বো মা॑ পা॒হীত্য়া॑হৈ॒তাভি॒র্বা ই॒মে লো॒কা বিধৃ॑তা॒ যদে॒তা উ॑প॒দধা᳚ত্য়ে॒ষাং-লোঁ॒কানাং॒-বিঁধৃ॑ত্য়ৈ স্বযমাতৃ॒ণ্ণা উ॑প॒ধায়॑ হিরণ্য়েষ্ট॒কা উপ॑দধাতী॒মে বৈ লো॒কা-স্স্ব॑যমাতৃ॒ণ্ণা জ্য়োতি॒র্॒হির॑ণ্য়ং॒-য়ঁ-থ্স্ব॑যমাতৃ॒ণ্ণা উ॑প॒ধায়॑ [উ॑প॒ধায়॑, হি॒র॒ণ্য়ে॒ষ্ট॒কা উ॑প॒দধা॑তী॒-] 25

হিরণ্য়েষ্ট॒কা উ॑প॒দধা॑তী॒মা-নে॒বৈতাভি॑-র্লো॒কা-ঞ্জ্য়োতি॑ষ্মতঃ কুরু॒তে-ঽথো॑ এ॒তাভি॑রে॒বাস্মা॑ ই॒মে লো॒কাঃ প্র ভা᳚ন্তি॒ যাস্তে॑ অগ্নে॒ সূর্য়ে॒ রুচ॑ উদ্য়॒তো দিব॑মাত॒ন্বন্তি॑ র॒শ্মিভিঃ॑ । তাভি॒-স্সর্বা॑ভী রু॒চে জনা॑য় নস্কৃধি ॥ যা বো॑ দেবা॒-স্সূর্য়ে॒ রুচো॒ গোষ্বশ্বে॑ষু॒ যা রুচঃ॑ । ইন্দ্রা᳚গ্নী॒ তাভি॒-স্সর্বা॑ভী॒ রুচ॑-ন্নো ধত্ত বৃহস্পতে ॥ রুচ॑ন্নো ধেহি [ধেহি, ব্রা॒হ্ম॒ণেষু॒ রুচ॒গ্​ম্॒] 26

ব্রাহ্ম॒ণেষু॒ রুচ॒গ্​ম্॒ রাজ॑সু নস্কৃধি । রুচং॑-বিঁ॒শ্য়ে॑ষু শূ॒দ্রেষু॒ ময়ি॑ ধেহি রু॒চা রুচ᳚ম্ ॥ দ্বে॒ধা বা অ॒গ্নি-ঞ্চি॑ক্য়া॒নস্য়॒ যশ॑ ইন্দ্রি॒য়-ঙ্গ॑চ্ছত্য়॒গ্নিং-বাঁ॑ চি॒তমী॑জা॒নং-বাঁ॒ যদে॒তা আহু॑তীর্জু॒হোত্য়া॒ত্মন্নে॒ব যশ॑ ইন্দ্রি॒য়-ন্ধ॑ত্ত ঈশ্ব॒রো বা এ॒ষ আর্তি॒মার্তো॒র্য়ো᳚-ঽগ্নি-ঞ্চি॒ন্বন্ন॑ধি॒ ক্রাম॑তি॒ তত্ত্বা॑ যামি॒ ব্রহ্ম॑ণা॒ বন্দ॑মান॒ ইতি॑ বারু॒ণ্যর্চা [ইতি॑ বারু॒ণ্যর্চা, জু॒হু॒য়া॒চ্ছান্তি॑-] 27

জু॑হুয়া॒চ্ছান্তি॑-রে॒বৈষা ঽগ্নের্গুপ্তি॑রা॒ত্মনো॑ হ॒বিষ্কৃ॑তো॒ বা এ॒ষ যো᳚-ঽগ্নি-ঞ্চি॑নু॒তে যথা॒ বৈ হ॒বি-স্স্কন্দ॑ত্য়ে॒বং-বাঁ এ॒ষ স্ক॑ন্দতি॒ যো᳚-ঽগ্নি-ঞ্চি॒ত্বা স্ত্রিয়॑মু॒পৈতি॑ মৈত্রাবরু॒ণ্য়া-ঽঽমিক্ষ॑য়া যজেত মৈত্রাবরু॒ণতা॑-মে॒বোপৈ᳚ত্য়া॒ত্মনো ঽস্ক॑ন্দায়॒ যো বা অ॒গ্নিমৃ॑তু॒স্থাং-বেঁদ॒র্তুর্-ঋ॑তুরস্মৈ॒ কল্প॑মান এতি॒ প্রত্য়ে॒ব তি॑ষ্ঠতি সং​বঁথ্স॒রো বা অ॒গ্নির্- [বা অ॒গ্নিঃ, ঋ॒তু॒স্থা-স্তস্য়॑] 28

-ঋ॑তু॒স্থা-স্তস্য়॑ বস॒ন্ত-শ্শিরো᳚ গ্রী॒ষ্মো দক্ষি॑ণঃ প॒ক্ষো ব॒র্॒ষাঃ পুচ্ছগ্​ম্॑ শ॒রদুত্ত॑রঃ প॒ক্ষো হে॑ম॒ন্তো মদ্ধ্য়॑-ম্পূর্বপ॒ক্ষা-শ্চিত॑য়ো-ঽপরপ॒ক্ষাঃ পুরী॑ষ-মহোরা॒ত্রাণীষ্ট॑কা এ॒ষ বা অ॒গ্নির্-ঋ॑তু॒স্থা য এ॒বং-বেঁদ॒র্তুর্-ঋ॑তুরস্মৈ॒ কল্প॑মান এতি॒ প্রত্য়ে॒ব তি॑ষ্ঠতি প্র॒জাপ॑তি॒র্বা এ॒ত-ঞ্জ্য়ৈষ্ঠ্য়॑কামো॒ ন্য়॑ধত্ত॒ ততো॒ বৈ স জ্য়ৈষ্ঠ্য়॑মগচ্ছ॒দ্য় এ॒বং-বিঁ॒দ্বান॒গ্নি-ঞ্চি॑নু॒তে জ্য়ৈষ্ঠ্য়॑মে॒ব গ॑চ্ছতি ॥ 29 ॥
(পৃ॒থি॒বীং-য়ঁ॑চ্ছ॒ - য-থ্স্ব॑যমাতৃ॒ণ্ণা উ॑প॒ধায়॑ - ধেহ্য়ৃ॒ - চা - গ্নি - শ্চি॑নু॒তে - ত্রীণি॑ চ) (অ. 6)

যদাকূ॑তা-থ্স॒মসু॑স্রোদ্ধৃ॒দো বা॒ মন॑সো বা॒ সম্ভৃ॑ত॒-ঞ্চক্ষু॑ষো বা । তমনু॒ প্রেহি॑ সুকৃ॒তস্য়॑ লো॒কং-য়ঁত্রর্​ষ॑য়ঃ প্রথম॒জা যে পু॑রা॒ণাঃ ॥ এ॒তগ্​ম্ স॑ধস্থ॒ পরি॑ তে দদামি॒ যমা॒বহা᳚চ্ছেব॒ধি-ঞ্জা॒তবে॑দাঃ । অ॒ন্বা॒গ॒ন্তা য॒জ্ঞপ॑তির্বো॒ অত্র॒ তগ্গ্​ স্ম॑ জানীত পর॒মে ব্য়ো॑মন্ন্ ॥ জা॒নী॒তাদে॑ন-ম্পর॒মে ব্য়ো॑ম॒-ন্দেবা᳚-স্সধস্থা বি॒দ রূ॒পম॑স্য় । যদা॒গচ্ছা᳚- [যদা॒গচ্ছা᳚ত্, প॒থিভি॑-র্দেব॒য়ানৈ॑] 30

-ত্প॒থিভি॑-র্দেব॒য়ানৈ॑-রিষ্টাপূ॒র্তে কৃ॑ণুতা-দা॒বি-র॑স্মৈ ॥ স-ম্প্র চ্য়॑বদ্ধ্ব॒-মনু॒ স-ম্প্র যা॒তাগ্নে॑ প॒থো দে॑ব॒য়ানা᳚ন্ কৃণুদ্ধ্বম্ । অ॒স্মিন্-থ্স॒ধস্থে॒ অদ্ধ্য়ুত্ত॑রস্মি॒ন্ বিশ্বে॑ দেবা॒ যজ॑মানশ্চ সীদত ॥ প্র॒স্ত॒রেণ॑ পরি॒ধিনা᳚ স্রু॒চা বেদ্য়া॑ চ ব॒র্॒হিষা᳚ । ঋ॒চেমং-য়ঁ॒জ্ঞ-ন্নো॑ বহ॒ সুব॑র্দে॒বেষু॒ গন্ত॑বে ॥ যদি॒ষ্টং-য়ঁ-ত্প॑রা॒দানং॒-য়ঁদ্দ॒ত্তং-য়াঁ চ॒ দক্ষি॑ণা । ত- [তত্, অ॒গ্নি-] 31

-দ॒গ্নি-র্বৈ᳚শ্বকর্ম॒ণ-স্সুব॑র্দে॒বেষু॑ নো দধত্ ॥ যেনা॑ স॒হস্রং॒-বঁহ॑সি॒ যেনা᳚গ্নে সর্ববেদ॒সম্ । তেনে॒মং-য়ঁ॒জ্ঞ-ন্নো॑ বহ॒ সুব॑র্দে॒বেষু॒ গন্ত॑বে ॥ যেনা᳚গ্নে॒ দক্ষি॑ণা যু॒ক্তা য॒জ্ঞং-বঁহ॑ন্ত্য়ৃ॒ত্বিজঃ॑ । তেনে॒মং-য়ঁ॒জ্ঞ-ন্নো॑ বহ॒ সুব॑র্দে॒বেষু॒ গন্ত॑বে ॥ যেনা᳚-ঽগ্নে সু॒কৃতঃ॑ প॒থা মধো॒র্ধারা᳚ ব্য়ান॒শুঃ । তেনে॒মং-য়ঁ॒জ্ঞ-ন্নো॑ বহ॒ সুব॑র্দে॒বেষু॒ গন্ত॑বে ॥ যত্র॒ ধারা॒ অন॑পেতা॒ মধো᳚র্ঘৃ॒তস্য়॑ চ॒ যাঃ । তদ॒গ্নির্বৈ᳚শ্বকর্ম॒ণ-স্সুব॑র্দে॒বেষু॑ নো দধত্ ॥ 32 ॥
(আ॒গচ্ছা॒ত্ - ত - দ্বয়া॑ন॒শু স্তেনে॒মং-য়ঁ॒জ্ঞ-ন্নো॑ বহ॒ সুব॑র্দে॒বেষু॒ গন্ত॑বে॒ - চতু॑র্দশ চ) (অ. 7)

যাস্তে॑ অগ্নে স॒মিধো॒ যানি॒ ধাম॒ যা জি॒হ্বা জা॑তবেদো॒ যো অ॒র্চিঃ । যে তে॑ অগ্নে মে॒ডয়ো॒ য ইন্দ॑ব॒স্তেভি॑রা॒ত্মান॑-ঞ্চিনুহি প্রজা॒নন্ন্ ॥ উ॒থ্স॒ন্ন॒য়॒জ্ঞো বা এ॒ষ যদ॒গ্নিঃ কিং-বাঁ-ঽহৈ॒তস্য়॑ ক্রি॒যতে॒ কিং-বাঁ॒ ন যদ্বা অ॑দ্ধ্ব॒র্য়ু-র॒গ্নেশ্চি॒ন্বন্ন॑-ন্ত॒রেত্য়া॒ত্মনো॒ বৈ তদ॒ন্তরে॑তি॒ যাস্তে॑ অগ্নে স॒মিধো॒ যানি॒ [স॒মিধো॒ যানি॑, ধামেত্য়া॑হৈ॒ষা] 33

ধামেত্য়া॑হৈ॒ষা বা অ॒গ্নে-স্স্ব॑য়-ঞ্চি॒তির॒গ্নিরে॒ব তদ॒গ্নি-ঞ্চি॑নোতি॒ নাদ্ধ্ব॒র্য়ুরা॒ত্মনো॒-ঽন্তরে॑তি॒ চত॑স্র॒ আশাঃ॒ প্রচ॑রন্ত্ব॒গ্নয়॑ ই॒ম-ন্নো॑ য॒জ্ঞ-ন্ন॑যতু প্রজা॒নন্ন্ । ঘৃ॒ত-ম্পিন্ব॑ন্ন॒জরগ্​ম্॑ সু॒বীর॒-ম্ব্রহ্ম॑ স॒মি-দ্ভ॑ব॒ত্য়াহু॑তীনাম্ ॥ সু॒ব॒র্গায়॒ বা এ॒ষ লো॒কায়োপ॑ ধীযতে॒ য-ত্কূ॒র্মশ্চত॑স্র॒ আশাঃ॒ প্র চ॑রন্ত্ব॒গ্নয়॒ ইত্য়া॑হ॒ [ইত্য়া॑হ, দিশ॑ এ॒বৈতেন॒] 34

দিশ॑ এ॒বৈতেন॒ প্র জা॑নাতী॒ম-ন্নো॑ য॒জ্ঞ-ন্ন॑যতু প্রজা॒নন্নিত্য়া॑হ সুব॒র্গস্য়॑ লো॒কস্য়া॒ভিনী᳚ত্য়ৈ॒ ব্রহ্ম॑ স॒মি-দ্ভ॑ব॒ত্য়াহু॑তীনা॒-মিত্য়া॑হ॒ ব্রহ্ম॑ণা॒ বৈ দে॒বা-স্সু॑ব॒র্গং-লোঁ॒কমা॑য়॒ন্॒ য-দ্ব্রহ্ম॑ণ্বত্য়োপ॒দধা॑তি॒ ব্রহ্ম॑ণৈ॒ব ত-দ্যজ॑মান-স্সুব॒র্গং-লোঁ॒কমে॑তি প্র॒জাপ॑তি॒র্বা এ॒ষ যদ॒গ্নিস্তস্য়॑ প্র॒জাঃ প॒শব॒-শ্ছন্দাগ্​ম্॑সি রূ॒পগ্​ম্ সর্বা॒ন্॒ বর্ণা॒নিষ্ট॑কানা-ঙ্কুর্য়া-দ্রূ॒পেণৈ॒ব প্র॒জা-ম্প॒শূন্ ছন্দা॒গ্॒স্যব॑ রু॒ন্ধে-ঽথো᳚ প্র॒জাভ্য়॑ এ॒বৈন॑-ম্প॒শুভ্য়॒-শ্ছন্দো᳚ভ্য়ো ঽব॒রুদ্ধ্য়॑ চিনুতে ॥ 35 ॥
(য়ান্য়॒ - গ্নয়॒ ইত্য়া॒হে - ষ্ট॑কানা॒গ্​ম্॒ - ষোড॑শ চ) (অ. 8)

ময়ি॑ গৃহ্ণা॒ম্যগ্রে॑ অ॒গ্নিগ্​ম্ রা॒যস্পোষা॑য় সুপ্রজা॒স্ত্বায়॑ সু॒বীর্য়া॑য় । ময়ি॑ প্র॒জা-ম্ময়ি॒ বর্চো॑ দধা॒ম্যরি॑ষ্টা-স্স্য়াম ত॒নুবা॑ সু॒বীরাঃ᳚ ॥ যো নো॑ অ॒গ্নিঃ পি॑তরো হৃ॒থ্স্ব॑ন্তরম॑র্ত্য়ো॒ মর্ত্য়াগ্​ম্॑ আবি॒বেশ॑ । তমা॒ত্ম-ন্পরি॑ গৃহ্ণীমহে ব॒য়-ম্মা সো অ॒স্মাগ্​ম্ অ॑ব॒হায়॒ পরা॑ গাত্ ॥ যদ॑দ্ধ্ব॒র্য়ুরা॒ত্মন্ন॒গ্নিম-গৃ॑হীত্বা॒-ঽগ্নি-ঞ্চি॑নু॒য়াদ্য়ো᳚-ঽস্য়॒ স্বো᳚-ঽগ্নিস্তমপি॒ [স্বো᳚-ঽগ্নিস্তমপি॑, যজ॑মানায়] 36

যজ॑মানায় চিনুয়াদ॒গ্নি-ঙ্খলু॒ বৈ প॒শবো-ঽনূপ॑ তিষ্ঠন্তে-ঽপ॒ক্রামু॑কা অস্মা-ত্প॒শব॑-স্স্য়ু॒র্ময়ি॑ গৃহ্ণা॒ম্যগ্রে॑ অ॒গ্নিমিত্য়া॑হা॒-ঽঽত্মন্নে॒ব স্বম॒গ্নি-ন্দা॑ধার॒ নাস্মা᳚-ত্প॒শবো-ঽপ॑ ক্রামন্তি ব্রহ্মবা॒দিনো॑ বদন্তি॒ যন্মৃচ্চা-ঽঽপ॑শ্চা॒গ্নে-র॑না॒দ্য়-মথ॒ কস্মা᳚ন্মৃ॒দা চা॒দ্ভিশ্চা॒-ঽগ্নিশ্চী॑যত॒ ইতি॒ যদ॒দ্ভি-স্সং॒-য়ৌঁ- [যদ॒দ্ভি-স্সং॒-য়ৌঁতি॑, আপো॒ বৈ] 37

-ত্য়াপো॒ বৈ সর্বা॑ দে॒বতা॑ দে॒বতা॑ভিরে॒বৈন॒গ্​ম্॒ সগ্​ম্ সৃ॑জতি॒ যন্মৃ॒দা চি॒নোতী॒য়ং-বাঁ অ॒গ্নির্বৈ᳚শ্বান॒রো᳚-ঽগ্নিনৈ॒ব তদ॒গ্নি-ঞ্চি॑নোতি ব্রহ্মবা॒দিনো॑ বদন্তি॒ যন্মৃ॒দা চা॒দ্ভিশ্চা॒গ্নিশ্চী॒যতে-ঽথ॒ কস্মা॑দ॒গ্নিরু॑চ্যত॒ ইতি॒ যচ্ছন্দো॑ভি-শ্চি॒নোত্য়॒গ্নয়ো॒ বৈ ছন্দাগ্​ম্॑সি॒ তস্মা॑দ॒গ্নিরু॑চ্য়॒তে-ঽথো॑ ই॒য়ং-বাঁ অ॒গ্নির্বৈ᳚শ্বান॒রো য- [অ॒গ্নির্বৈ᳚শ্বান॒রো যত্, মৃ॒দা চি॒নোতি॒] 38

-ন্মৃ॒দা চি॒নোতি॒ তস্মা॑দ॒গ্নিরু॑চ্যতে হিরণ্য়েষ্ট॒কা উপ॑ দধাতি॒ জ্য়োতি॒র্বৈ হির॑ণ্য়॒-ঞ্জ্য়োতি॑রে॒বা-ঽস্মি॑-ন্দধা॒ত্যথো॒ তেজো॒ বৈ হির॑ণ্য়॒-ন্তেজ॑ এ॒বা-ঽঽত্ম-ন্ধ॑ত্তে॒ যো বা অ॒গ্নিগ্​ম্ স॒র্বতো॑মুখ-ঞ্চিনু॒তে সর্বা॑সু প্র॒জাস্বন্ন॑মত্তি॒ সর্বা॒ দিশো॒-ঽভি জ॑যতি গায়॒ত্রী-ম্পু॒রস্তা॒দুপ॑ দধাতি ত্রি॒ষ্টুভ॑-ন্দক্ষিণ॒তো জগ॑তী-ম্প॒শ্চাদ॑নু॒ষ্টুভ॑মুত্তর॒তঃ প॒ঙ্ক্তি-ম্মদ্ধ্য়॑ এ॒ষ বা অ॒গ্নি-স্স॒র্বতো॑মুখ॒স্তং-য়ঁ এ॒বং-বিঁ॒দ্বাগ্​শ্চি॑নু॒তে সর্বা॑সু প্র॒জাস্বন্ন॑মত্তি॒ সর্বা॒ দিশো॒-ঽভি জ॑য়॒ত্যথো॑ দি॒শ্য়ে॑ব দিশ॒-ম্প্র ব॑যতি॒ তস্মা᳚-দ্দি॒শি দি-ক্প্রোতা᳚ ॥ 39 ॥
(অপি॑-সং॒​য়ৌঁতি॑-বৈশ্বান॒রো য-দে॒ষ বৈ-পঞ্চ॑বিগ্​ম্শতিশ্চ) (অ. 9)

প্র॒জাপ॑তি-র॒গ্নি-ম॑সৃজত॒ সো᳚-ঽস্মা-থ্সৃ॒ষ্টঃ প্রা-ম্প্রা-ঽদ্র॑ব॒-ত্তস্মা॒ অশ্ব॒-ম্প্রত্য়া᳚স্য়॒-থ্স দ॑ক্ষি॒ণা-ঽঽব॑র্তত॒ তস্মৈ॑ বৃ॒ষ্ণি-ম্প্রত্য়া᳚স্য়॒-থ্স প্র॒ত্যঙ্ঙা-ঽব॑র্তত॒ তস্মা॑ ঋষ॒ভ-ম্প্রত্য়া᳚স্য়॒-থ্স উদ॒ঙ্ঙা-ঽব॑র্তত॒ তস্মৈ॑ ব॒স্ত-ম্প্রত্য়া᳚স্য়॒-থ্স ঊ॒র্ধ্বো᳚-ঽদ্রব॒-ত্তস্মৈ॒ পুরু॑ষ॒-ম্প্রত্য়া᳚স্য়॒দ্য়-ত্প॑শুশী॒র্॒ষাণ্য়ু॑প॒দধা॑তি স॒র্বত॑ এ॒বৈন॑- [এ॒বৈন᳚ম্, অ॒ব॒রুদ্ধ্য়॑ চিনুত] 40

-মব॒রুদ্ধ্য়॑ চিনুত এ॒তা বৈ প্রা॑ণ॒ভৃত॒-শ্চক্ষু॑ষ্মতী॒রিষ্ট॑কা॒ য-ত্প॑শুশী॒র্​ষাণি॒ য-ত্প॑শুশী॒র্​ষাণ্য়ু॑প॒দধা॑তি॒ তাভি॑রে॒ব যজ॑মানো॒-ঽমুষ্মি॑ন্ ঁলো॒কে প্রাণি॒ত্যথো॒ তাভি॑রে॒বাস্মা॑ ই॒মে লো॒কাঃ প্র ভা᳚ন্তি মৃ॒দা-ঽভি॒লিপ্য়োপ॑ দধাতি মেদ্ধ্য়॒ত্বায়॑ প॒শুর্বা এ॒ষ যদ॒গ্নিরন্ন॑-ম্প॒শব॑ এ॒ষ খলু॒ বা অ॒গ্নির্য়-ত্প॑শুশী॒র্॒ষাণি॒ য-ঙ্কা॒ময়ে॑ত॒ কনী॑য়ো॒-ঽস্য়া-ঽন্নগ্গ্॑ - [কনী॑য়ো॒-ঽস্য়া-ঽন্ন᳚ম্, স্য়া॒দিতি॑] 41

স্য়া॒দিতি॑ সন্ত॒রা-ন্তস্য়॑ পশুশী॒র্॒ষাণ্য়ুপ॑ দদ্ধ্য়া॒-ত্কনী॑য় এ॒বাস্য়ান্ন॑-ম্ভবতি॒ য-ঙ্কা॒ময়ে॑ত স॒মাব॑দ॒স্য়ান্নগ্গ্॑ স্য়া॒দিতি॑ মদ্ধ্য়॒তস্তস্য়োপ॑ দদ্ধ্য়া-থ্স॒মাব॑-দে॒বাস্য়ান্ন॑-ম্ভবতি॒ য-ঙ্কা॒ময়ে॑ত॒ ভূয়ো॒-ঽস্য়া-ঽন্নগ্গ্॑ স্য়া॒দিত্যন্তে॑ষু॒ তস্য়॑ ব্য়ু॒দূহ্য়োপ॑ দদ্ধ্য়াদন্ত॒ত এ॒বাস্মা॒ অন্ন॒মব॑ রুন্ধে॒ ভূয়ো॒-ঽস্য়ান্ন॑-ম্ভবতি ॥ 42 ॥
(এ॒ন॒- ম॒স্য়ান্নং॒ - ভূয়ো॒-ঽস্য়া-ঽন্ন॑-ম্ভবতি) (অ. 10)

স্তে॒গা-ন্দগ্গ্​ষ্ট্রা᳚ভ্য়া-ম্ম॒ণ্ডূকা॒ন্ জম্ভ্য়ে॑ভি॒রাদ॑কাং-খা॒দেনোর্জগ্​ম্॑ সগ্​ম্ সূ॒দেনা-ঽর॑ণ্য়॒-ঞ্জাম্বী॑লেন॒ মৃদ॑-ম্ব॒র্​স্বে॑ভি॒-শ্শর্ক॑রাভি॒রব॑কা॒মব॑কাভি॒-শ্শর্ক॑রামুথ্সা॒দেন॑ জি॒হ্বাম॑বক্র॒ন্দেন॒ তালু॒গ্​ম্॒ সর॑স্বতী-ঞ্জিহ্বা॒গ্রেণ॑ ॥ 43 ॥
(স্তে॒গান্ - দ্বাবিগ্​ম্॑শতিঃ) (অ. 11)

বাজ॒গ্​ম্॒ হনূ᳚ভ্য়াম॒প আ॒স্য়ে॑না-ঽঽদি॒ত্য়া-ঞ্ছ্মশ্রু॑ভি-রুপয়া॒ম-মধ॑রে॒ণোষ্ঠে॑ন॒ সদুত্ত॑রে॒ণান্ত॑রেণা-নূকা॒শ-ম্প্র॑কা॒শেন॒ বাহ্যগ্গ্॑ স্তনয়ি॒ত্নু-ন্নি॑র্বা॒ধেন॑ সূর্য়া॒গ্নী চক্ষু॑র্ভ্য়াং-বিঁ॒দ্য়ুতৌ॑ ক॒নান॑কাভ্য়াম॒শনি॑-ম্ম॒স্তিষ্কে॑ণ॒ বল॑-ম্ম॒জ্জভিঃ॑ ॥ 44 ॥
(বাজ॒-ম্পঞ্চ॑বিগ্​ম্শতিঃ) (অ. 12)

কূ॒র্মা-ঞ্ছ॒ফৈর॒চ্ছলা॑ভিঃ ক॒পিঞ্জ॑লা॒ন্​থ্সাম॒ কুষ্ঠি॑কাভির্জ॒ব-ঞ্জঙ্ঘা॑ভিরগ॒দ-ঞ্জানু॑ভ্য়াং-বীঁ॒র্য়॑-ঙ্কু॒হাভ্য়া᳚-ম্ভ॒য়-ম্প্র॑চা॒লাভ্য়া॒-ঙ্গুহো॑পপ॒ক্ষাভ্য়া॑-ম॒শ্বিনা॒বগ্​ম্ সা᳚ভ্য়া॒মদি॑তিগ্​ম্ শী॒র্​ষ্ণা নির্-ঋ॑তি॒-ন্নির্জা᳚ল্মকেন শী॒র্​ষ্ণা ॥ 45 ॥
(কূ॒র্মান্-ত্রয়ো॑বিগ্​ম্শতিঃ) (অ. 13)

যোক্ত্র॒-ঙ্গৃদ্ধ্রা॑ভির্য়ু॒গমান॑তেন চি॒ত্ত-ম্মন্য়া॑ভি-স্সঙ্ক্রো॒শা-ন্প্রা॒ণৈঃ প্র॑কা॒শেন॒ ত্বচ॑-ম্পরাকা॒শেনান্ত॑রা-ম্ম॒শকা॒ন্ কেশৈ॒রিন্দ্র॒গ্গ্॒ স্বপ॑সা॒ বহে॑ন॒ বৃহ॒স্পতিগ্​ম্॑ শকুনিসা॒দেন॒ রথ॑মু॒ষ্ণিহা॑ভিঃ ॥ 46 ॥
(য়োক্ত্র॒ - মেক॑বিগ্​ম্শতিঃ) (অ. 14)

মি॒ত্রাবরু॑ণৌ॒ শ্রোণী᳚ভ্য়ামিন্দ্রা॒গ্নী শি॑খ॒ণ্ডাভ্য়া॒-মিন্দ্রা॒বৃহ॒স্পতী॑ ঊ॒রুভ্য়া॒মিন্দ্রা॒বিষ্ণূ॑ অষ্ঠী॒বদ্ভ্য়াগ্​ম্॑ সবি॒তার॒-ম্পুচ্ছে॑ন গন্ধ॒র্বাঞ্ছেপে॑না-ফ্স॒রসো॑ মু॒ষ্কাভ্য়া॒-ম্পব॑মান-ম্পা॒য়ুনা॑ প॒বিত্র॒-ম্পোত্রা᳚ভ্য়ামা॒ক্রম॑ণগ্গ্​ স্থূ॒রাভ্য়া᳚-ম্প্রতি॒ক্রম॑ণ॒-ঙ্কুষ্ঠা᳚ভ্য়াম্ ॥ 47 ॥
(মি॒ত্রাবরু॑ণৌ॒ - দ্বাবিগ্​ম্॑শতিঃ) (অ. 15)

ইন্দ্র॑স্য় ক্রো॒ডো ঽদি॑ত্য়ৈ পাজ॒স্য়॑-ন্দি॒শা-ঞ্জ॒ত্রবো॑ জী॒মূতা᳚ন্ হৃদয়ৌপ॒শাভ্য়া॑-ম॒ন্তরি॑ক্ষ-ম্পুরি॒ততা॒ নভ॑ উদ॒র্য়ে॑ণেন্দ্রা॒ণী-ম্প্লী॒হ্না ব॒ল্মীকা᳚ন্ ক্লো॒ম্না গি॒রী-ন্প্লা॒শিভি॑-স্সমু॒দ্রমু॒দরে॑ণ বৈশ্বান॒র-ম্ভস্ম॑না ॥ 48 ॥
(ইন্দ্র॑স্য়॒ - দ্বাবি॑শতিঃ॒) (অ. 16)

পূ॒ষ্ণো ব॑নি॒ষ্ঠুর॑ন্ধা॒হে-স্স্থূ॑রগু॒দা স॒র্পা-ন্গুদা॑ভির্-ঋ॒তূ-ন্পৃ॒ষ্টীভি॒র্দিব॑-ম্পৃ॒ষ্ঠেন॒ বসূ॑না-ম্প্রথ॒মা কীক॑সা রু॒দ্রাণা᳚-ন্দ্বি॒তীয়া॑ ঽঽদি॒ত্য়ানা᳚-ন্তৃ॒তীয়া ঽঙ্গি॑রসা-ঞ্চতু॒র্থী সা॒দ্ধ্য়ানা᳚-ম্পঞ্চ॒মী বিশ্বে॑ষা-ন্দে॒বানাগ্​ম্॑ ষ॒ষ্ঠী ॥ 49 ॥
(পূ॒ষ্ণ - শ্চতু॑র্বিগ্​ম্শতিঃ) (অ. 17)

ওজো᳚ গ্রী॒বাভি॒-র্নির্-ঋ॑তিম॒স্থভি॒রিন্দ্র॒গ্গ্॒ স্বপ॑সা॒ বহে॑ন রু॒দ্রস্য়॑ বিচ॒ল-স্স্ক॒ন্ধো॑ ঽহোরা॒ত্রয়ো᳚র্দ্বি॒তীয়ো᳚ ঽর্ধমা॒সানা᳚-ন্তৃ॒তীয়ো॑ মা॒সা-ঞ্চ॑তু॒র্থ ঋ॑তূ॒না-ম্প॑ঞ্চ॒ম-স্সং॑​বঁথ্স॒রস্য়॑ ষ॒ষ্ঠঃ ॥ 50 ॥
(ওজো॑ - বিগ্​ম্শ॒তিঃ) (অ. 18)

আ॒ন॒ন্দ-ন্ন॒ন্দথু॑না॒ কাম॑-ম্প্রত্য়া॒সাভ্য়া᳚-ম্ভ॒য়গ্​ম্ শি॑তী॒মভ্য়া᳚-ম্প্র॒শিষ॑-ম্প্রশা॒সাভ্য়াগ্​ম্॑ সূর্য়াচন্দ্র॒মসৌ॒ বৃক্য়া᳚ভ্য়াগ্​ শ্য়ামশব॒লৌ মত॑স্নাভ্য়াং॒-ব্য়ুঁ॑ষ্টিগ্​ম্ রূ॒পেণ॒ নিম্রু॑ক্তি॒মরূ॑পেণ ॥ 51 ॥
(আ॒ন॒ন্দগ্​ম্ - ষোড॑শ) (অ. 19)

অহ॑র্মা॒গ্​ম্॒সেন॒ রাত্রি॒-ম্পীব॑সা॒-ঽপো যূ॒ষেণ॑ ঘৃ॒তগ্​ম্ রসে॑ন॒ শ্য়াং-বঁস॑য়া দূ॒ষীকা॑ভির্-হ্রা॒দুনি॒-মশ্রু॑ভিঃ॒ পৃষ্বা॒-ন্দিবগ্​ম্॑ রূ॒পেণ॒ নক্ষ॑ত্রাণি॒ প্রতি॑রূপেণ পৃথি॒বী-ঞ্চর্ম॑ণা ছ॒বী-ঞ্ছ॒ব্য়ো॑ পাকৃ॑তায়॒ স্বাহা ঽঽল॑ব্ধায়॒ স্বাহা॑ হু॒তায়॒ স্বাহা᳚ ॥ 52 ॥
(অহ॑র॒ - ষ্টাবিগ্​ম্॑শতিঃ) (অ. 20)

অ॒গ্নেঃ প॑ক্ষ॒তি-স্সর॑স্বত্য়ৈ॒ নিপ॑ক্ষতি॒-স্সোম॑স্য় তৃ॒তীয়া॒-ঽপা-ঞ্চ॑তু॒র্থ্য়োষ॑ধীনা-ম্পঞ্চ॒মী সং॑​বঁথ্স॒রস্য়॑ ষ॒ষ্ঠী ম॒রুতাগ্​ম্॑ সপ্ত॒মী বৃহ॒স্পতে॑রষ্ট॒মী মি॒ত্রস্য়॑ নব॒মী বরু॑ণস্য় দশ॒মীন্দ্র॑স্য়ৈকাদ॒শী বিশ্বে॑ষা-ন্দে॒বানা᳚-ন্দ্বাদ॒শী দ্য়াবা॑পৃথি॒ব্য়োঃ পা॒র্​শ্বং-য়ঁ॒মস্য়॑ পাটূ॒রঃ ॥ 53 ॥
(অ॒গ্নে-রেকা॒ন্ন ত্রি॒গ্​ম্॒শত্) (অ. 21)

বা॒য়োঃ প॑ক্ষ॒তি-স্সর॑স্বতো॒ নিপ॑ক্ষতি-শ্চ॒ন্দ্রম॑স-স্তৃ॒তীয়া॒ নক্ষ॑ত্রাণা-ঞ্চতু॒র্থী স॑বি॒তুঃ প॑ঞ্চ॒মী রু॒দ্রস্য়॑ ষ॒ষ্ঠী স॒র্পাণাগ্​ম্॑ সপ্ত॒ম্য়॑র্য়॒ম্ণো᳚-ঽষ্ট॒মী ত্বষ্টু॑র্নব॒মী ধা॒তুর্দ॑শ॒মীন্দ্রা॒ণ্য়া এ॑কাদ॒শ্যদি॑ত্য়ৈ দ্বাদ॒শী দ্য়াবা॑পৃথি॒ব্য়োঃ পা॒র্​শ্বং-য়ঁ॒ম্য়ৈ॑ পাটূ॒রঃ ॥ 54 ॥
(বা॒য়ো - র॒ষ্টাবিগ্​ম্॑শতিঃ) (অ. 22)

পন্থা॑মনূ॒বৃগ্ভ্য়া॒গ্​ম্॒ সন্ত॑তিগ্গ্​ স্নাব॒ন্য়া᳚ভ্য়া॒গ্​ম্॒ শুকা᳚-ন্পি॒ত্তেন॑ হরি॒মাণং॑-য়ঁ॒ক্না হলী᳚ক্ষ্ণা-ন্পাপবা॒তেন॑ কূ॒শ্মাঞ্ছক॑ভি-শ্শব॒র্তানূব॑দ্ধ্য়েন॒ শুনো॑ বি॒শস॑নেন স॒র্পান্ ঁলো॑হিতগ॒ন্ধেন॒ বয়াগ্​ম্॑সি পক্বগ॒ন্ধেন॑ পি॒পীলি॑কাঃ প্রশা॒দেন॑ ॥ 55 ॥
(পন্থাং॒ - দ্বাবিগ্​ম্॑শতিঃ) (অ. 23)

ক্রমৈ॒রত্য়॑ক্রমী-দ্বা॒জী বিশ্বৈ᳚র্দে॒বৈর্য়॒জ্ঞিয়ৈ᳚-স্সং​বিঁদা॒নঃ । স নো॑ নয় সুকৃ॒তস্য়॑ লো॒ক-ন্তস্য়॑ তে ব॒যগ্গ্​ স্ব॒ধয়া॑ মদেম ॥ 56 ॥
(ক্রমৈ॑ - র॒ষ্টাদ॑শ) (অ. 24)

দ্য়ৌস্তে॑ পৃ॒ষ্ঠ-ম্পৃ॑থি॒বী স॒ধস্থ॑মা॒ত্মান্তরি॑ক্ষগ্​ম্ সমু॒দ্রো যোনি॒-স্সূর্য়॑স্তে॒ চক্ষু॒র্বাতঃ॑ প্রা॒ণশ্চ॒ন্দ্রমা॒-শ্শ্রোত্র॒-ম্মাসা᳚শ্চার্ধমা॒সাশ্চ॒ পর্বা᳚ণ্য়ৃ॒তবোঙ্গা॑নি সং​বঁথ্স॒রো ম॑হি॒মা ॥ 57 ॥
(দ্য়ৌ - পঞ্চ॑বিগ্​ম্শতিঃ) (অ. 25)

অ॒গ্নিঃ প॒শুরা॑সী॒-ত্তেনা॑যজন্ত॒ স এ॒তং-লোঁ॒কম॑জয়॒-দ্যস্মি॑ন্ন॒গ্নি-স্স তে॑ লো॒কস্ত-ঞ্জে᳚ষ্য়॒স্যথাব॑ জিঘ্র বা॒য়ুঃ প॒শুরা॑সী॒-ত্তেনা॑যজন্ত॒ স এ॒তং-লোঁ॒কম॑জয়॒-দ্যস্মি॑ন্ বা॒য়ু-স্স তে॑ লো॒কস্তস্মা᳚-ত্ত্বা॒-ঽন্তরে᳚ষ্য়ামি॒ যদি॒ নাব॒জিঘ্র॑স্য়াদি॒ত্য়ঃ প॒শুরা॑সী॒-ত্তেনা॑যজন্ত॒ স এ॒তং-লোঁ॒কম॑জয়॒-দ্যস্মি॑-ন্নাদি॒ত্য়-স্স তে॑ লো॒কস্ত-ঞ্জে᳚ষ্যসি॒ যদ্য়॑ব॒জিঘ্র॑সি ॥ 58 ॥
(যস্মি॑ - ন্ন॒ষ্টৌ চ॑) (অ. 26)

(য়ো বা অয়॑থাদেবত॒ - ন্ত্বাম॑গ্ন॒ - ইন্দ্র॑স্য়॒ - চিত্তিং॒ - ঁযথা॒ বৈ - বয়ো॒ বৈ - যদাকূ॑তা॒--দ্য়াস্তে॑ অগ্নে॒ - ময়ি॑ গৃহ্ণামি - প্র॒জাপ॑তি॒-স্সো᳚-ঽস্মাথ্ - স্তে॒গান্ - বাজং॑ - কূ॒র্মান্ - যোক্ত্রং॑ - মি॒ত্রাবরু॑ণা॒ - বিন্দ্র॑স্য় - পূ॒ষ্ণ - ওজ॑ - আন॒ন্দ - মহ॑ - র॒গ্নে - র্বা॒য়োঃ - পন্থাং॒ - ক্রমৈ॒ - র্দ্য়ৌস্তে॒ - ঽগ্নিঃ প॒শুরা॑সী॒থ্ - ষড্বিগ্​ম্॑শতিঃ)

(য়ো বা - এ॒বা-ঽঽহু॑তি - মভবন্ - প॒থিভি॑ - রব॒রুধ্য়া॑ - ঽঽন॒ন্দ - ম॒ষ্টৌ প॑ঞ্চ॒শত্ )

(য়ো বা অয়॑থাদেবত॒ম্, ঁযদ্য়॑ব॒জিঘ্র॑সি)

( সা॒বি॒ত্রাণি॒ - বিষ্ণু॑মুখা - উথ্সন্নয়॒জ্ঞো - দে॑বাসু॒রা - যদেকে॑ন॒ - হির॑ণ্যবর্ণা॒ - যো বা॑- স॒প্ত ) (7)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্পঞ্চমকাণ্ডে সপ্তমঃ প্রশ্ন-স্সমাপ্তঃ ॥